Yafa Jarrar: 'Carta da miña nai Khalida Jarrar desde a súa cela na prisión de Damon, Haifa. Lida no funeral da miña irmá Suha esta mañá' - Liberdade para Khalida Jarrar!

Yafa Jarrar: "Carta da miña nai Khalida Jarrar desde a súa cela na prisión de Damon, Haifa. Lida no funeral da miña irmá Suha esta mañá."

Teño moito dor, filla miña, só porque che estraño. Teño moito dor, filla miña, só porque che estraño.

Desde o máis profundo do meu agonía, estendín a man e abracei o ceo da nosa patria a través da fiestra da miña cela na prisión de Damon, Haifa. Non che preocupes filla miña. Mantéñome ergueita e firme malia os grilletes e do carcereiro. Son unha nai aflixida por anhelar verche por última vez.

Isto non sucede excepto en Palestina. Todo o que quería era despedirme da miña filla cun bico na fronte e dicirlle que a amo tanto como a Palestina. Filla miña, perdóame por non asistir á celebración da túa vida, que non estiven ao teu lado durante este desgarrador e último momento. O meu corazón alcanzou as alturas do ceo anhelando verche, acariñarche e plantar un bico no teu fronte a través da pequena fiestra da miña cela da prisión.

Suha, a miña preciosa. Desposuíronme de darche un último bico de despedida. Dígoche adeus cunha flor. A túa ausencia é tremendamente dolorosa, insoportablemente dolorosa. Pero sigo firme e forte, como as montañas da amada Palestina.

Khalida Jarrar

#KhalidaJarrar
#FreeKhalidaJarrar

---
Suha Jarrar, faleceu o domingo 11 de xullo aos 31 anos.

Suha é a filla de Khalida e Ghassan, a irmá de Yafa, foi unha incansábel defensora dos dereitos do pobo palestino, falando en todo o mundo para avanzar na liberdade Palestina.

Neste horríbel momento para ela e a súa familia, Khalida Jarrar, líder palestina, feminista, parlamentaria e organizadora, permanece presa nas cárceres israelís como líder política. Presentamos as nosas condolencias a todos os que coñeceron, amaron e honraron a Suha e esiximos a liberación inmediata de Khalida Jarrar para estar entre a súa familia neste momento.

Fonte: samidoun.

Rede de solidariedade de prisioneiros palestinos Samidoun.
_______

Fayez Badawi falará sobre a situaçom atual da Palestina na Fundaçom Artábria - Quinta-feira, 10 de junho, às 8 da tarde, em Esteiro (Ferrol), na Travessa de Batalhons nº7

Fayez Badawi falará sobre a situaçom atual da Palestina na Fundaçom Artábria

Dentro do ciclo de palestras que a organizaçom internacionalista galega Mar de Lumes está a desenvolver por todo o país, o portavoz da Frente Popular pola Libertaçom da Palestina (FPLP) Fayez Badawi estará nesta quinta-feira, 10 de junho, na Fundaçom Artábria de Ferrol.

Nas palestras que o militante palestiniano ministrará em Cangas, Vigo, A Estrada, Lalim, Compostela, Monforte e Ferrol, achegará-nos "as duras condiçons nas que vive o povo palestiniano, continuamente agredido pola ocupaçom sionista, mas também saberemos das perspetivas de futuro na sua luita incansável pola liberdade"

O ato dará início às 20h e é precisso inscriçom prévia por protocolo covid. Também é obrigatória levar máscara dentro do Centro Social.

Fayez Badawi nasceu no acampamento de refugiados de Tal Az-Zatar, ao este de Beirut, posteriormente destruido em 1976. Em 1982 viviu em carne própria a carnicina dirigida polo criminal Ariel Sharom no acampamento de Chatila.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net
 
Segue-nos em twitter @fartabria e em facebook!
 
A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
8 de junho de 2021 23:13
_______

Concentración en Ferrol en solidariedade do pobo palestino ante a agresión sionista do goberno de Israel - 18 de maio de 2021 - O pobo palestino que vive dentro da franxa de Gaza leva sofrendo unha semana de bombardeo continuo por parte do exercito israelita

Hoxe en Ferrolterra como noutras comarcas da Galiza está convocada unha concentración en solidariedade co pobo palestino ante a agresión do goberno de Israel.

O pobo palestino que vive dentro da franxa de Gaza leva sofrendo unha semana de bombardeo continuo por parte do exercito israelita. Acabando con vidas humanas e destruíndo vivendas e infraestruturas imprescindíbeis (auga, electricidade, ...) para a vida de case dous millóns de persoas que viven acinadas no "cárcere" máis grande do mundo, de 40 quilómetros de longo por 10 de ancho.

A concentración en Ferrol, está prevista para hoxe martes 18 de maio, ás 8 da tarde, na Praza de Porta Nova (Praza de España).

_______

Sionismo e Nazismo dúas caras da mesma moeda: Palestina un xenocidio silenciado, ... Por André Abeledo Fernández

Por André Abeledo Fernández [*]
15.05.2021

Israel ten un dos exércitos máis potentes do mundo, conta con case 4.000 tanques, Palestina non ten ningún, cuns 400 avións militares, Palestina ningún, co mellor escudo antimisís que existe, Palestina esta desprotexida.

O poderío militar de Israel e os medios de que dispón son infinitamente superiores aos que pode ter ao seu alcance o pobo palestino.

Por iso cando falamos de guerra, ou de enfrontamento mentimos, é como si un loitador profesional de máis de 100 kg de peso dese unha malleira a un neno de 4 años e dixeramos que foi unha pelexa xusta.

O sionismo é unha ideoloxía totalitaria e racista que considera a Israel o pobo elixido por Deus e entende que iso os fai superiores ao resto.

Baixo a crenza sionista da superioridade, de ser os escollidos por Deus, Israel leva a cabo en Palestina unha política xenocida, coa que tentan por tódolos medios ao seu alcance de expulsar da súa terra ao pobo palestino ou de exterminalos si se resisten ao ser condenados ao exilio obrigatorio.

O sionismo non ten moita diferencia na práctica co NAZISMO, consideran aos palestinos un pobo inferior e néganlles a súa humanidade tratando-os peor que a animais.

Como a Alemaña NAZI fixo co pobo xudeu, Israel aproveita a súa infinita superioridade militar para reprimir, castigar e asasinar ao pobo palestino, sen diferenciar entre homes, mulleres ou nenos.

Israel bombardea hospitais, escolas e edificios coa mesma brutalidade que os supostos obxectivos militares, non diferencian entre obxectivos civís e militares porque para Israel o obxectivo é varrer do mapa ao pobo Palestino.

Israel desoe tódalas resolucións internacionais e continúa o xenocidio dun pobo co silencio cómplice das organizacións internacionais e sin que ninguén faga nada para deter a barbarie.

O xenocidio NAZI, o holocausto, é unha vergoña hoxe para a humanidade, como o vai ser mañá ter permitido o xenocidio e a limpeza étnica feita por Israel contra o pobo palestino.

Palestina un xenocidio, unha pandemia e un pobo abandonado pola comunidade internacional.

Hoxe en Palestina sobrevivir segue sendo resistir

Continúa o silencio cómplice ante a barbarie, os gobernos calan e outorgan, o pobo palestino necesita aos pobos do mundo para denunciar o xenocidio.

A agresión contra o pobo palestino é constante e cada agresión constitúe unha nova traizón, outro abuso por parte do imperio ianqui o seu can de presa o sionismo.

Israel continúa facendo ouvidos xordos a tódalas resolucións internacionais.

Donald Trump xa se encargou antes de abandonar a rastras a Casa Blanca de recoñecer unilateralmente a Xerusalén como capital e territorio de Israel.  

Vemos claramente ata que punto o sionismo controla as decisións políticas de Washington en canto as súas políticas en Palestina e Oriente Medio.

Unha vez mais réganse as rúas de Palestina con sangue inocente e novas humillacións ao pobo torturado de Palestina.

Onde están llos organismos internacionais encargados de defender os dereitos humanos?, como sempre solo están canto aos que mandan lles interesa.

Xa nin pensan facer o paripé de respectar certos límites, ou disimular o abandono das súas funcións.

Quen responderá por todo o sangue derramado?. Ninguén resposta pola sangue dos ninguén, dos esquecidos.

Ninguén dirá nada polos nenos que van ser asasinados, por tódolos detidos e torturados, polas familias esnaquizadas, polas casas demolidas, polas detencións arbitrarias.

A comunidade internacional volverá a dar as costas ao horror?

Outra vez a comunidade internacional permitirá o xenocidio dun pobo?

Pois si, unha vez máis miraran cara outro lado, se cadra nesta ocasión a desculpa sexa a pandemia.

Non podemos gardar silencio ante a barbarie, si os gobernos calan e outorgan, os pobos debemos berrar e apoiar a resistencia do pobo palestino.

Hoxe en Palestina sobrevivir segue sendo resistir.

[*] André Abeledo Fernández, nado en Neda o 14 de Xullo de 1974, militante comunista e sindicalista. Delegado de Persoal da CIG en Mercadona na Provincia d'A Coruña. | Facebook e Twitter.

Foto: Arte e Resistencia en Palestina.

Enviado por:
André Abeledo Fernández
-andre1474@gmail.com-
15 de maio de 2021 15:00
_______

Lídia Senra reclama que a UE cese as relacións con Israel até que poña fin aos ataques ao pobo palestino - A eurodeputada amosa o seu respaldo á declaración de Rianxo como Espazo Libre de Apartheid Israeilí e anima á CE a seguir o exemplo local - 'Xa é hora de que a Unión Europea deixe o seu cinismo e defenda os dereitos humanos e dos pobos con todas as consecuencias', afirma - Vídeo do Pleno de Rianxo

Lídia Senra reclama que a UE cese as relacións con Israel até que poña fin aos ataques ao pobo palestino. | A eurodeputada amosa o seu respaldo á declaración de Rianxo como Espazo Libre de Apartheid Israeilí e anima á CE a seguir o exemplo local. | “Xa é hora de que a Unión Europea deixe o seu cinismo e defenda os dereitos humanos e dos pobos con todas as consecuencias”, afirma.

A eurodeputada galega Lídia Senra rexistrou este martes un escrito en Bruxelas dirixido á Comisión Europea en apoio á moción sobre Israel impulsada por Rianxo en Común no pasado mes de maio e aprobada por unanimidade de todos os grupos municipais. O pleno local declarou daquela Rianxo como Espazo Libre de Apartheid Israelí e agora un bufete de avogados israelí ven de denunciar ao citado concello por estes feitos. Senra quere amosar todo o seu apoio á iniciativa municipal e, dando un paso máis alá, reclama que a Comisión Europea tome nota do exemplo desta moción e se propoña dunha vez rachar as relacións existentes entre a UE e Israel mentres Israel non recoñeza o Estado palestino e mentres siga vulnerando os dereitos humanos.

Coa aprobación da moción municipal, o Concello de Rianxo comprometeuse a “non establecer convenio, contrato ou acordo de ningún tipo con institucións, empresas ou organizacións israelís até que Israel non recoñeza o dereito á autodeterminación do pobo palestino e acate o dereito internacional”. A moción instaba ademais ao Goberno estatal español e ao galego a poñer fin ás relacións privilexiadas que se manteñen co Estado de Israel.

Neste contexto, e estendendo o espíritu da moción municipal, Lídia Senra pregúntalle á CE, no escrito rexistrado hoxe en Bruxelas, se “non pensa a Comisión que a UE debería tamén poñer fin ás amplas relacións que ten con Israel mentres o Estado israelí non cese nas súas continuas violacións dos dereitos humanos contra a poboación palestina?”. A europarlamentaria considera que “xa é hora de que a Unión Europea deixe o seu cinismo e defenda os dereitos humanos e dos pobos con todas as consecuencias, é dicir, na práctica do día a día, non só a través de palabras nos papeis”, reclama. Senra destaca a valentía do concello de Rianxo e invita á CE a dar pasos nesa dirección tamén.

Santiago, 14 de agosto de 2018.

Lídia Senra, eurodeputada galega, integrada no Grupo Confederal da Esquerda Unitaria Europea/Esquerda Verde Nórdica (GUE/NGL). | Tlf: 609 845 861, lidia.senra@europarl.europa.eu | http://ageuropa.gal/ |  facebook
Enviado por:
AGEe Europa
-ageeneuropa@gmail.com-
13 de agosto de 2018 13:01
__________________

Sesión ordinaria do Pleno da Corporación do 31 de maio de 2018. Moción do grupo municipal Rianxo en Común: "Apoio ao Pobo Palestino". Aprobada por unanimidade coa ampliación de diversas contribucións. Minuto 30 no vídeo, dun Pleno que durou 2 horas e 15 minutos.


https://youtu.be/Z6BLMSl47yI
Web do Concello de Rianxo:

http://concelloderianxo.gal/
________________________________

Esquerda Unida de Narón sumase a campaña solidaria de BDS co pobo palestino,

Esquerda Unida de Narón sumase a campaña solidaria de BDS co pobo palestino

Este venres 20 de Abril ás 20:30 horas, no Auditorio de Ferrol, vai actuar a compañía israelí Mayumana, actuación que o BDS chama ao seu boicot en apoio solidario ao pobo palestino.

Este acto englobase na campaña de boicot aos produtos israelís que fai BDS-Galiza, en protesta pola da ocupación e a colonización de Palestina. Esixindo ademais o desmantelamento do ilegal muro que divide Palestina, e o fin do apartheid que sufre o pobo palestino.

Dende EU Narón facemos un chamamento a cidadanía a participar no boicot aos produtos israelís en resposta a actuación do Goberno de Israel contra o indefenso pobo palestino.

Son milleiros os artistas do mundo que se negan a actuar en Israel e denuncian a actuación israelí contra os palestinos.

Recordamos que Israel non respeta as resolucións internacionais, que segue a non repetar os dereitos humanas no territorio palestino, que continua coa limpeza étnica, que non respeta os dereitos dos nenos e nenas palestinos, moitas son vítimas de detención arbitrarias, torturas e malos tratos por parte das forza de ocupación israelís.

As compañeiras e compañeiros de EU Narón non podemos mirar cara outro lado cando se trata de denunciar un xenocidio contra un pobo indefenso a o que o mal chamado mundo civilizado lle leva dando as costas durante décadas.

GRUPO MUNICIPAL DE EU NARÓN

Enviado por:
Naron Esquerda Unida
-eu-naron@esquerdaunida.org-
17 de abril de 2018 13:16
_____________

#GreatReturnMarch Viva a Resistencia Palestina!!
Basta de ocupación, basta de muros. Basta de complicidade co xenocidio en Palestina!!

Enlaces de interese:

https://www.facebook.com/BDSGaliza/

https://twitter.com/bdsgaliza

https://boicotisrael.net/

Concentración de protesta pola actuación da compañía israelí Mayumana en Ferrol, contra o silencio ante a nova masacre criminal por parte do exercito israeli na franxa de Gaza, utilizando munición de guerra contra persoas que se manifestaban pacíficamente en defensa do seu dereito a voltar á terra da que foron expulsados... - Diante do Auditorio de Ferrol, en Caranza, o venres 20 de Abril, ás 20:30 horas

[BOICOTE] Adhesión ao comunicado pola actuación de Mayumana en Ferrol

​A Marcha Mundial das Mulleres de Ferrolterra súmase á Campaña de BDS-Galiza, e convoca a cidadanía á concentración​ que terá lugar fronte ao Auditorio de Ferrol, o venres 20 de Abril, ás 20,30 horas.

Desde BDS-Galiza enviamos comunicado da campaña de boicote contra a próxima actuación da compañía israelí Mayumana no Auditorio de Ferrol.

Nas últimas semanas, o exército de Israel perpetrou na Faixa de Gaza unha nova masacre criminal utilizando munición de guerra contra persoas que se manifestaban pacificamente en defensa do seu dereito a voltar á terra de que foron expulsadas violentamente hai agora 70 anos. Nesta altura xa son millares as persoas feridas (moitas delas crianzas) e as mortas máis de 32, asasinadas por disparos de franco-atiradores de Israel, algunha polas costas.

O silencio da comunidade internacional e a normalización da ocupación son cómplices da limpeza étnica e o xenocidio do pobo palestino.

Nesta situación, e tomando en conta que para Israel, a cultura é un instrumento de propaganda que procura esconder a brutalidade da ocupación, pedimos ao concello de Ferrol que cancele o concerto previsto para os días 20, 21 e 22 de abril e a toda a cidadanía que se una á campaña de Boicote, Desinvestimentos e Sancións a Israel e nos acompañe nunha nova acción de denuncia da complicidade co terrorismo sionista.

A compañía israelí MAYUMANA, cómplice da ocupación Palestina,
NON É BENVIDA EN FERROL

A CAMPAÑA BDS E O BOICOT CULTURAL

En xullo de 2005, unha ampla coalición de colectivos palestinos lanzou a campaña BDS Global apelando ás “persoas con consciencia en todo o mundo a practicaren o boicot aos produtos de Israel e a póren en marcha iniciativas de Desinvestimentos e Sancións ao Estado Sionista” como medida de presión para acabar coa cada vez mais sanguenta limpeza étnica en Palestina. A campaña persegue a fin da ocupación e a colonización, o desmantelamento do ilegal muro que divide Palestina, a fin do apartheid e o respecto do dereito ao retorno. Unha iniciativa civil inspirada na tradición do combate non violento contra a inxustiza que se converteu no eixo reivindicativo da solidariedade con Palestina e en que tod@sd podemos colaborar.

Para Israel, a cultura é un instrumento de propaganda que procura esconder a brutalidade da ocupación, dos asentamentos de colonatos ilegais, do apartheid e a limpeza étnica. O Ministerio de Asuntos Estranxeiros financia xenerosamente ás empresas artísticas que "promoven os intereses da política"  do Estado de Israel, ao tempo que persegue con furia calquera expresión disidente.

Por iso, artistas e eventos promocionados por institucións israelís contribúen –voluntaria ou involuntariamente coa súa arte– a lavar a imaxe de Israel e a lexitimar a violencia contra o pobo palestino. Mais por iso tamén son milleiros @s artistas do mundo que se negan a cooperar con tamaño engano, que dan o seu apoio ao boicot e os comprometen a non actuar en Israel: Roger Waters, Coldplay, Faithless, Lauren Hill...

MAYUMANA

Mayumana é unha compañía israelí que ten a súa sede en Jafa, poboación palestina que sufriu o exilio forzado e violento de 70.000 habitantes en 1948, á quen non se recoñece o dereito ao retorno. Despois da limpeza étnica das súas rúas e da destrución do seu patrimonio cultural palestino, Jafa (distrito municipal de Tel Aviv) é a sede de artistas israelís que non cuestionan os seus privilexios sobre a poboación palestina, normalizando a ocupación e contribuíndo a borrar as pegadas palestinas do territorio.

Forma parte da folla de parra atrás da que Israel oculta os seus crimes. A pesar de definirse como grupo independente, a revista "En la red", do Ministerio de Exteriores Israelí, define o grupo como “O ritmo de Israel: compañía que reflicte as raíces, o dinamismo e a modernidade da realidade israelita", ao tempo que a Embaixada de Israel no Estado Español dá publicidade e ofrece desconto nas súas actuacións. Con todo, o ritmo dos tambores de MAYUMANA contribúe a facer esquecer o estrondo dos disparos e as bombas en Gaza.

Mayumana declara que se centra nos seus espectáculos, mentres mantén un silencio que non pode ser considerado inocente sobre a política xenocida do Estado de Israel. Ante a continua isolación de dereitos humanos, “ser neutral signifca escoller o lado do opresor” (Deomond Tutu). Nós, non queremos ser cómplices do sionismo e a ocupación.

Por todo isto, pedimos ao Concello de Ferrol que cancele o concerto previsto para os días 20, 21 e 22 de abril e a toda a cidadanía que se una a este potente movemento solidario que nos permite a todas colaborar coa resistencia xusta do pobo palestino.

A limpeza étnica, a ocupación e o terror de Israel non son benvidos en Ferrol!

CONCENTRACIÓN: o venres 20 de abril, no Auditorio de Ferrol, ás 20.30 h.


Coordenadora Local de Ferrolterra da Marcha Mundial das Mulleres
mmmferrolterra@gmail.com
http://www.feminismo.info
https://www.facebook.com/marchamundialmulleres.galiza
https://twitter.com/MMMGaliza

Que é a Marcha ?
A Marcha Mundial das Mulleres é un movimento mundial de accións feministas que reúne grupos de mulleres e organizacións que actúan para eliminar as causas que orixinan a pobreza e a violencia contra as mulleres. Loitamos contra todas as formas de desigualdade e de discriminación sufridas polas mulleres. Os nosos valores e as nosas accións orientanse cara un cambio político, económico e social. Os mesmos que se articulan aoredor da mundialización das solidaridades, a igualdade entre mulleres, entre mulleres e homes, e entre os pobos, o respecto e a valoración do liderazgo das mulleres e o fortalecimento das alianzas entre mulleres e cos outros movimentos sociais progresistas.

Enviado por:
Marcha Mundial Ferrolterra
-mmmferrolterra@gmail.com-
11 de abril de 2018 10:36

_________