Nuñez Feijoo culpable - 4 anos de 'Cultura Si, Mausoleo Non' pola disolución da Cidade da Cultura

• CATRO ANOS DE ACTIVIDADE DA PLATAFORMA CULTURA SI, MAUSOLEO NON: POLA DISOLUCIÓN DO PROXECTO DA CIDADE DA CULTURA E O USO DOS EDIFICIOS PARA CUBRIR NECESIDADES SOCIAIS.
• NUÑEZ FEIJOO É CULPABLE DO DESPILFARRO E MAL GASTO DUN PROXECTO DESCONTROLADO E GRAVOSO, SUPERFLUO E INNECESARIO PARA A CULTURA GALEGA.
• A PROGRAMACIÓN A BASE DE PIANISTAS, TEATRIÑOS INFANTIS E OBSERVACIÓNS DE ESTRELAS NON XUSTIFICA UN DISPENDIO DE MAIS DE 2 MILLONS DE EUROS AO ANO EN MANTEMENTO E O ORZAMENTO DE 21 MILLONS DE EUROS DA FUNDACIÓN CIDADE DA CULTURA.

Despois de catro anos de actividade e co nacemento da Plataforma co anterior goberno bipartito, continuamos hoxe esixindo da Xunta de Galicia e do seu Presidente a tomar medidas que eviten o despilfarro de diñeiro público que supon a continuidade da Cidade da Cultura, con un coste que xa supera nestes momentos os 550 millóns de euros (cando o seu orzamento inicial foi de 108 millóns de euros). Cun coste engadido de 2,6 millóns de euros ao ano para mantemento e de 21 millóns de euros de orzamento da Fundación Cidade da Cultura para o ano 2011.

Consideramos que nestes momentos é unha irresponsabilidade politica e unha afrenta aos cidadáns continuar adiante coa Cidade da Cultura é adicar unha cantidade desorbitada de diñeiro público a manter uns unhas obras inacabables e de final e contidos incertos. Cunha programación a base de pianistas, teatriños infantis e observacións de estrelas que de ningun modo xustifica manter en pe toda a parafernalia e protocolo da Fundación da Cidade da Cultura.

Cando a Xunta de Galicia está a pechar comedores escolares, plantas de hospitais, e centros de atención especial a minusválidos é unha imprudencia temeraria continuar mantendo o luxo e ornamento da Cidade da Cultura, un proxecto obsoleto e caduco que non pode ser asumido nestes tempos de necesidades básicas sen cubrir ou saturadas pola demanda social. A continuidade da Cidade da Cultura supon un burato de centos de millóns de euros do erario público que son un insulto ao sentido común. A Xunta de Galicia deberia impulsar o dedicar estes orzamentos a mellorar substancialmente as condicións reais (sociais, sanitarias e educativas) do pobo galego ali donde as necesidades son mais acuciantes.

A Plataforma Cultura Si, Mausoleo Non, vai continuar coa sua actividade cidadán de ESIXIR dos políticos que gobernan na Xunta de Galicia a disolución do proxecto da Cidade da Cultura e o uso dos edificios construidos nun fin de interes xeral e non en escaparate de ideas peregrinas dun alcalde, dun medio de comunicación localista ou de politicos con afan de protagonismos, como foron os casos de querer convertir o Gaias nunha pista de tenis, na sede dun circo ou nun macro restaurante de cociñas exoticas. Pensamos que os cidadans merecemos outra xestión mais seria e riguroso co destino dos fondos públicos e sempre con eficiencia e eficacia, ao servizos dos cidadáns e das suas necesidades básicas, que nestes momentos non son precisamente ver unha chuvia de estrelas ou pagar 100 euros por unha silla para ver un partido de tenis.

Finalmente agradecemos o apoio dos miles de cidadans que se teñen declarado por distintos medios en contra deste burato sen fondo que é a Cidade da Cultura e mostrado as suas simpatias coas actividades desta Plataforma. Seguiremos na loita ata que os politicos que nos mal gobernan rematan con esta vergonza.

Compostela, 12 de agosto de 2011

POLA PLATAFORMA CIDADÁN CULTURA SI, MAUSOLEO NON

Asdo. Xan Carlos Ansia.
Tlfo. 658656957

Enviado por:

cultura si mausoleo non

-culturasimausoleonon@gmail.com-

12 de agosto de 2011 14:04

__________________

Sitios na Rede da Plataforma Cultura si, Mausoleo Non:

http://www.culturasimausoleonon.org/
http://culturasimausoleonon.blog.com/
__________________________

Boicot á inauguración da Cidade da Cultura

A PLATAFORMA CULTURA SI, MAUSOLEO NON FAI UN CHAMAMENTO AO BOICOT CIDADÁN DA INAUGURACIÓN DA CIDADE DA CULTURA.

O DESFASE DE 400 MILLÓNS DE EUROS NON É MOTIVO DE CELEBRACIÓN E SOLICITAMOS A NON PARTICIPACIÓN DOS CIDADANS, PERSOEIROS E INTELECTUAIS NA PANTOMIMA QUE SE VAI CELEBRAR MAÑA NO MONTE GAIÁS.

Pasados once anos desde o inicio do proxecto da Cidade da Cultura e con 400 millóns de euros de sobrecosto desde a Plataforma Cultura Si Mausoleo Non, parecenos fora de lugar e absurdo, o acto de pompa e boato, convocado pola Xunta de Galicia para celebrar unha inauguración duns edificios sen nengun tipo de contidos nen aproveitamento cultural. Vai a cortarse unha cinta para poder acceder a visitar uns edificios valeiros, sen actividade e carentes de proxectos de uso.

Mañá hai que deixar solos aos responsabeis desta factura gravosa para os cidadáns galegos. Aos políticos que desde Manuel Fraga a Alberto Nuñez, avalaron o destino de millóns de euros a un burato sen fondo e a unhas obras sen nengun tipo de xustificación nen necesidade. Ao alcalde de Santiago que exercendo o localismo en proveito propio fai da Cidade da Cultura o seu proxecto para perpetuarse no poder. Aos voceiros do empresariado con animo de lucro que ven nestes edificios a panacea que nos vai salvar da crise e enriquecelos a eles mais que a ninguen. En definitiva ao acto de inauguración que vaian en compañia todos aqueles que se convertiron en complices do mal gasto e o despilfarro das obras do Gaiás.

Desde a Plataforma consideramos que transcurridos 11 anos queda constatado que continuar adiante coa idea de macro contenedor cultural no Gáias e adicar unha cantidade desorbitada de diñeiro público a unhas obras inacabables e de final e contidos incertos, é algo fora de lugar e totalmente inadeucado. É unha evidencia que os usos dos edificios tal como foron ideados no seu inicio xa non é posible nen real polo que inaugurar unhas instalacións co nome de Cidade da Cultura é incongruente e falto de rigor. Pedimos mais sentido común e menos luxo con inauguracións principescas, que poden valer para salir na prensa rosa pero non teñen xustificación desde a cultura e as necesidades dos cidadáns.

A PLATAFORMA CULTURA SI, MAUSOLEO NON continua a defender a disolución do que foi no seu momento o proxecto incial do goberno Fraga, nomeado como Cidade da Cultura, solcitamos a anulación das partidas orzamentarias que lle dan respaldo e se reconvirtan as instalacións construidas para o destino final de cubrir necesidades básicas dos cidadáns de toda Galiza (sanidade, educación, servizos sociais e benestar social). Asi mesmo propoñemos dedicar os dous edificios que se van a inaugurar a albergar as instalacións da Administración Autonómica en Santiago de Compostela, aforrándose o pago de alugueres (11 millóns de euros ao ano) e destinando os edificios que están no centro da cidade, incluindo os complexos de San Caetano e San Lazaro a fins culturais e de uso social, sanitario e educativo, para uso e disfrute de toda a cidadania.

Santiago de Compostela 10 de xaneiro de 2011

Pola Plataforma
Xan Carlos Ansia

Enviado por:

cultura si mausoleo non

-culturasimausoleonon@gmail.com-

10 de janeiro de 2011 12:27

__________________

Sitios na Rede da Plataforma Cultura si, Mausoleo Non

http://www.culturasimausoleonon.org/
http://culturasimausoleonon.blog.com/
__________________________

O "bipartito foi covarde cando gobernou por non tirar abaixo o proxecto [Cidade da Cultura], o PP non ten eses complexos para tirar todo o deles ..."

O "bipartito foi covarde cando gobernou por non tirar abaixo o proxecto [Cidade da Cultura], o PP non ten eses complexos para tirar todo o deles abaixo, eólicas, galescolas ..."

Xan Carlos Ansia: “O Audi de Touriño vale o mesmo que catro baldosas da Cidade da Cultura”

“O bipartito tivo complexos á hora de parar o Gaiás cando o PP nunca os ten e agora tira con todo o deles”, asegura o portavoz da plataforma "Cultura si; Mausoleo non"
Rodri Suárez 20/08/2009

Dende hai uns anos, as posturas contrarias tanto á construción como aos usos dados á Cidade da Cultura teñen o seu principal altofalante na plataforma ‘Cultura si; Mausoleo non”, da que Xan Carlos Ansia é o seu voceiro.


A Cidade da Cultura ou a polémica de nunca acabar?

Semella que non acaba nunca pero nós estamos onde sempre. Seguimos denunciando o proxecto, ese despilfarro sen xustificación que o PP ideou e o bipartito non se atreveu ben a paralizar ou ben a redefinir para reconvertelo en algo coherente e así continuamos, co mamotreto dando gastos, feito un burato sen fondo que vai a peor. Cada vez enterámonos de máis cousas e poucas positivas. Cada vez é máis evidente o que nós pensamos respecto a que certas actuacións deberían ter algunha repercusión legal. Un proxecto xa de por si caro pero que custaba 100 millóns de euros agora conta cun presuposto que ascende a 500. Isto á forza ten que ser constitutivo de delito.


O proxecto do Gaiás foi unha mala idea de partida ou estivo mal xestionada e iso converteuna no problema que agora semella que é?

Foi unha mala idea de partida, innecesaria posto que nin os galegos nin os composteláns tiñamos esa prioridade, hai outras necesidades culturais en Galicia, hai unha rede social escasa, castros abandonados, igrexas románicas deixadas á súa sorte, ese é o patrimonio que deberíamos poñer en valor en vez de erguer un mamotreto sen sentido. Se as autoridades queren fomentar a cultura aí teñen o patrimonio abandonado, en cada vila todos coñecemos algo que merece a pena coidar, en Compostela mesmo contamos con algún castelo sen escavar. O patrimonio leva anos aí, hai que poñelo en valor, cuidalo e conservalo, esa é a necesidade cultural básica.


O proxecto naceu dun Goberno popular pero curiosamente quen tirou réditos políticos dos problemas da Cidade da Cultura foi o PP.

Nós dixemos que bipartito foi covarde cando gobernou por non tirar abaixo o proxecto, o PP non ten eses complexos para tirar todo o deles abaixo, eólicas, galescolas... A nosa iniciativa cidadá naceu cando chegan aqueles dos que esperamos o contrario do PP pero continúan coa súa obra. O PP cometeu un pecado orixinal, pero os outros participaron del. Houbo unha comisión, unha denuncia xudicial da que saberemos cando interese politicamente, non cando ten que ser porque dentro de 20 anos de nada valerá xulgar a Fraga ou a Pérez Varela. É agora cando queremos saber que se fai cos cartos, que foi desas fundacións, para que serviron aqueles comités de sabios que custaron cartos pero semella que para pouco máis achegaron. E outras cousas, iso que dixeron de facer un teleférico, logo a pinacoteca... todo isto é inxustificable. Semella que os políticos perderon o sentido común. Pensar que só o manteñemento vai custar 60 millóns de euros anuais é moi forte.


Pero os responsables do proxecto foron os que se beneficiaron das súas críticas ...

Eu persoalmente levo no nacionalismo dende os quince anos, pero o Bloque abandonou unha das liñas basicas polas que chegou á Xunta. Eu creo que o bipartito perdeu por facer en certos ámbitos o mesmo que os anteriores... algúns votantes sentímonos defraudados. Agora, xa se verá como o BNG tarda ben pouco en volver a posicionarse en contra da Cidade da Cultura.


É viable falar agora de poñer fin ás obras, que xa están algo avanzadas?

Hai dous edificios sen iniciar...ós dicimos que por que pecharse en que sexan para pinacotecas ou non sei que? hai edificios en Santiago que naceron para unha cousa e agora son outra: igrexas que funcionan como museos ou facultades, o mesmo Parlamento foi antes un hospital... porque hai que obstinarse co Palacio da Ópera ou tal museo? hai que aproveitalo o mellor posible, incluso agora para que se vexa como está, non se pode nin ver, nin os xubilados poden disfrutar destas obras, o Gaiás leva nove anos na clandestinidade. E non valen demagoxias agora coa austeridade, porque o famoso Audi de Touriño vale o mesmo que catro baldosas destas que van poñer alí.


E unha cuestión que afecta a toda Galicia, a máis cidades que a Compostela?

Compete a toda Galicia. En Ourense ou en Vigo hai edificios históricos no centro que caen a cachos. Non pode ir todo o orzamento da Consellería de Cultura nun só proxecto nin se poden afundir cartos no Porto exterior da Coruña ou no Gaiás e que logo non haxa mascarillas para a Gripe A.

Publicado no Xornal de Galicia

Enviado por:
cultura si mausoleo non
-culturasimausoleonon@gmail.com-
20 de agosto de 2009 10:52
______________________

Cidade da Cultura igual a caixa rexistradora a beneficio das grandes fortunas

De: Xan Carlos Ansia Xan Carlos Ansia
Para: artabra212gmail.com
Data: 12 de julho de 2008 11:48
Asunto: CIDADE DA CULTURA IGUAL A CAIXA REXISTRADORA A BENEFICIO DAS GRANDES FORTUNAS


CIDADE DA CULTURA IGUAL A CAIXA REXISTRADORA A BENEFICIO DAS GRANDES FORTUNAS

As empresas que antes subvencionaban os Coros e Danzas do franquismo, que fletaban autocares para ir á Praza de Oriente e que actualmente explotan e esquilman sen doerlles aos seus intereses os recursos naturais de Galiza, van e caen do cabalo en Monte Pío e parece van invertir todos os seus aforros e traballar desinteresadamente pola cultura galega.

Consideramos vergonzoso que unha consellería do BNG favorezca e aplauda esta entrega a empresarios avidos de lucro e aumentar as suas ganancias da Cidade da Cultura, un mostruo que nos leva costado aos cidadáns galegos mais de 500 millóns de euros. Si tan interesante era o proxecto porque non o costearon desde a primeira palada de cemento os señores de inditex, fenosa, reganosa, etc?

Agora cando o desembolso do erario público esta feito e completado entran ver si poden ter ganancias os señores empresarios ou é que entregan os cartos a fondo perdido e como donación por remorderlles a conciencia as ganancias que teñen conquerido coa explotación dos recursos naturais de Galiza.

Tamén é vergonzoso o silencio subvencionado da xente da cultura e dos intelectuais galegos. EStán de acordo en entregar a Cidade da Cultura ao interes crematístico destes empresarios e banqueiros. Vense representados nas obras culturais que lle preceden a estes inversores interesados (picaderos, festas gastronomicas, plantas de gas, encoros, grandes areas comerciais,coros e danzas franquistas,etc).

Touriño e Anxela Bugallo priman o lucro e os intereses empresarias mentras a cultura galega adolece de inversións e abandonanse o patrimonio monumental e histórico.

Tanta comisión de sabios, mesas de intelectuais e reunións con artistas, para ao final do mandato do bipartito facer o que xa tiña pensado Pérez Varela, convertir a Cidade da Cultura nun mega centro comercial, donde poder facer catro operas internacionales desas de "Carmiña Burana" á semana.

A Plataforma Cultura Si, Mausoleo Non chama á mobilización cidadán, excluidos os que teñan accións e intereses comercias nestas grandes empresas inversoras ou posibilidades de montar unha tienda no Gaias ou terrenos urbanizables na zona, para denunciar o desprezo do goberno bipartito coas necesidades da poboación que representan e que neste momento de crise económica, non están precisamente en entregarlle o construido no Gaias as grandes fortunas galegas para que se siguen enriquecendo.

CONSUMASE A ENTREGA DA CIDADE DA CULTURA AO CAPITAL BANCARIO

A MAIOR INVERSIÓN EN CULTURA DO GOBERNO BIPARTITO VAI SER XESTIONADA BAIXO INTERESES COMERCIAIS E BANCARIOS

TOURIÑO BALEIRA DE CONTIDO E DE ORZAMENTO Á CONSELLERÍA DE CULTURA, PARA DARLLE TODO O PODER DE INTERVENCIÓN Á BANCA

O Presidente Touriño co aplauso de Anxela Bugallo ven de efectivizar a fuxida do sector público da xestión da Cidade de Cultura. A inversión de mais de 500 millóns de euros que xa vai derrochada no Gaias, con cartos dos impostos de todos os cidadáns, NON vai estar dirixida e controlada por profesionais e técnicos da xestión cultural. O flamante goberno bipartito que se di de esquerdas e progresista, culmina a obra de Manuel Fraga, nomeando a un xestor bancario para que a privatización da Cidade da Cultura se convirta nun negocio lucrativo para as elites patronais e grandes inversores multinacionais.

Queda santificada a conversión do Gaias nun macro centro comercial da Cultura, donde o consumismo e os souvenirs sexan a norma de actuación e a programación vaia centrarse en eventos de nulo contido cultural e si moito espectaculo mediocre e de baixo perfil. Moi pronto podremos ver pasando pola Cidade da Cultura a Isabel Pantoja, Manolo Escobar ou aos Del Rio coa sua Macarena.

A Plataforma Cidadán Cultura Si, mausoleo Non, temos que rechazar esta deriva ideoloxica do que no seu momento se nos publicitou como goberno de esquerdas para rematar nun apendice bancario que ven de entregar o que é maior parte do orzamento da Consellería de Cultura á xestión privada, con nengunha garantia de promocionar e difundir o feito cultural galego. Dado este paso consideramos que non ten sentido a continuidade de Anxela Bugallo ao fronte dun departamento que perde toda capacidade de xestionar a Cidade da Cultura e que asiste de convidada de pedra á entrega a entidades privadas e de ostentoso afan de lucro, do que supostamente representa mais de mitade do orzamento da Consellería de Cultura, que queda valeira de contido e de orzamento.

Unha vez mais consideramos necesario reclamar a disolución deste proxecto seudocultural que é a Cidade da Cultura e esiximos responsabilidades por tanto despilfarro e inversión públicas que van beneficiar os negocios duns poucos inversores empresariais.

10 de xullo de 2008
O Portavoz de Cultura Si Mausoleo NON
Xan Carlos Ansia. 658656957

http://culturasimausoleonon.blog.com/
_______________

Demoledor informe do Consello Económico e Social contra a privatización da Cultura

De: Xan Carlos Ansia Xan Carlos Ansia
-xancarlosansia@hotmail.com-
Para: artabra21@gmail.com
Data: 17 de novembro de 2007 13:40
Asunto: DEMOLEDOR INFORME DO CES CONTRA PRIVATIZACIÓN DA CULTURA


DEMOLEDOR INFORME DO CES CONTRA PRIVATIZACIÓN DA CULTURA

A PLATAFORMA CULTURA SI, MAUSOLEO NON DENUNCIA A CREACIÓN DA AXENCIA GALEGA DAS INDUSTRIAS CULTURAIS COMO INSTRUMENTO PARA PRIVATIZAR O IGAEM E A CULTURA GALEGA.

O Consello Económico e Social da Xunta de Galicia ditaminou por unanimidade a "fuxida do Dereito Administrativo" deste novo chiringuito creado polo bipartito.a pesar deste informe Anxela BUGALLO mercantiliza a cultura galega.

Xuntamos o documento completo do CES (Ditame 08/07)

O CES organismo dependente da Administración Autonómica rechazou unanimente a creación da Axencia Galega das Industrias Culturais, ditame negativo que o Consello da Xunta de Galicia non tivo en conta e sin rectificar nengún dos puntos criticados polo CES, pasou a aprobar no último consello da Xunta, a creación da Axencia Galega das Industrias Culturais, ao non ser un informe vinculante a conselleira de Cultura, Anxela Bugallo, poido obter a aprobación do Consello da Xunta, ao seu proxecto privatizador do IGAEM e de externalización das iniciativas e actividades culturais a empresas privadas (representantes de cantantes, promotores de festas e banquetes, empresas de espectaculos nocturnos, de orquestas e verbenas, e dedicadas a todo tipo de eventos gastronomicos, caterings e festivais de toda clase), por suposto sempre que sexan do gosto e criterio da señora conselleira Anxela Bugallo e do seu grupo de admiradores e pesebristas culturais que a asesoran.

No CES participan os sindicatos CIG, UGT E CCOO, que votaron en contra desta nova creación dun chiringuito que en afirmación do dictame do CES: "supón un paso mais no fenómeno de fuxida do Dereito Administrativo que en aras a unha pretendida eficiencia non é mçais que unha escusa para evitar os controis propios do dereito público". E tamén dí "No caso do AGADIC, esta fuxida é máis rápida e controvertida se cabe xa que o ente aquí proposto afonda mais no panorama moi fragmentado de entes, organismo e fundacións que incfrementan a confusión institucional".

Para a Plataforma Cultura Si, Mausoleo NOn iste é o futuro deiseñado por Anxela Bugallo e coa anuencia de Anxo Quintana para o movimento cultural en Galiza. Desentenderse do asociacionismo cultural de base e promover o mercantilismo cultural, o pago a amanuenses e voceiros adocenados, que nos mostren cultura espectaculo ao seu gusto, sin participación, sin acceso ás asociacions de base e entregandolle os cartos do seu departamento a empresarios que pensan en enriquecerse a costa de creadores, e traballadores da cultura, figurantes nun mercado guiado única e exclusivamente polos reditos monetarios, e si hai perdidas seguro que tamén se sufragan co erario público, que estes empresarios enseguida desaparecen cando hai que pagar as deudas.

Agradecemos a ese medio de comunicación a difusión informativa dun feitos que consideramos supón o enterramento da iniciativa cultural de base, para crear un entramado industrial pagado e sufragado con cartos públicos pola conselleira Anxela Bugallo.

17.novembro.2007.
Xan Carlos Ansia.
Portavoz Plataforma. Tlfo. 658656957
http://culturasimausoleonon.blog.com/

________________

Enlace co Ditame 08/07 sobre o anteproxecto de Lei de creación da Axencia Galega das Industrias Culturais
____________