Interesante acto en Ferrol sobre as pensións públicas, presentes e futuras, recortes, inflación e pacto de rendas que contará coa participación de Xabier Pérez Dávila - Este venres 7 de outubro, ás 7 da tarde no CIFP Ferrolterra, situado no barrio de Recimil, nas inmediacións do Monumento do 10 de Marzo

Charla-Debate sobre as pensións públicas, presentes e futuras: Recortes, Inflación e Pacto de Rendas

Interesante acto en Ferrol sobre as pensións públicas que contará coa participación de Xabier Pérez Dávila, acto que vai ter lugar este venres 7 de outubro, ás 7 da tarde no CIFP Ferrolterra (Rúa Ramón y Cajal, S/N), situado no barrio de Recimil, nas inmediacións do Monumento do 10 de Marzo. Este acto, en forma de charla-debate, ten o obxectivo de informar e formar, para a mobilización do movemento pensionista na defensa dos seus intereses, na mellora das contías das pensións, paralizar calquera intento de recortes e menoscabo do sistema público de pensións e evitar a súa progresiva privatización. A presencia neste acto do compañeiro Xabier Pérez Dávila, economista e escritor, autor, entre outros, do libro "A batalla das pensións", vai significar un valor engadido á charla-debate, polos seus coñecementos e a súa calidade expositiva.

Este acto organizado pola Plataforma de Ferrolterra para a Defensa das Pensións Públicas (Modepen-Ferrolterra), está encadrado na campaña para a Marcha a Madrid do vindeiro 15 de Outubro (sábado), onde miles de persoas, procedentes de todo o Estado, imos coincidir nunha grande marcha popular na defensa do sistema público de pensións. Quen queira participar na Marcha, desde Ferrolterra, a Plataforma freta autobuses que sairán á 1 da madrugada do mesmo sábado día 15 de outubro desde Ferrol (Monumento 10 de Marzo - Recimil), pasando por Caranza, Fene e Cabanas. O prezo do billete son 30 euros (Ida e volta), para contactar pódese chamar aos teléfonos 616868602 ou 629850305. A volta será o mesmo día unha vez finalizada a Marcha.

EXIXIMOS O IPC REAL PARA SALARIOS E PENSIÓNS MÍNIMAS DIGNAS.

AUDITORÍA PÚBLICA DAS CONTAS DA SEGURIDADE SOCIAL, SEN DEMORA XA !

NON Á FENDA DE XÉNERO NAS PENSIÓNS PÚBLICAS!!

REXEITAMOS A PRIVATIZACIÓN.

GOBERNE QUEN GOBERNE, AS PENSIÓNS PÚBLICAS DEFÉNDENSE!

Polo dereito a envellecer con dignidade...

Todos os cidadáns teñen dereito a unha vida digna!

Plataforma Ferrolterra na Defensa das Pensións Públicas, integrada en MODEPEN (Movemento Galego pola Defensa das Pensión Públicas).

Para contactar coa Plataforma:

Correo-e:
plataf.pensionspublicas.ferrol@gmail.com

Conta no facebook:
https://www.facebook.com/DefensaPensionsFerrolterra/

Web de MODEPEN:
https://www.modepen.org/
_______

Quentando motores para este outono quente polas pensións presentes e futuras, concentración en Ferrol: sábado 10 de setembro, ás 12 do mediodía no Cantón - Pola recuperación do poder adquisitivo: Aplicación do IPC Real - Auditoría Pública das contas da Seguridade Social

Este sábado, 10 de setembro de 2022, ás 12 do mediodía no Cantón de Ferrol, o movemento de Ferrolterra para defensa do sistema público de pensións concentrase polas pensións presentes e futuras, nun acto reivindicativo, para quentar motores para a marcha do vindeiro 15 de outubro, onde plataformas e colectivos de pensionistas de todas as nacións e pobos do territorio do Estado, pretenden confluír en Madrid na defensa do sistema público de pensións, reclamando a aplicación do IPC real na contía a cobrar, para a recuperación do poder adquisitivo nunha situación de inflación galopante, reivindicación á que se suma a auditoría da Seguridade Social, a eliminación da fenda de xénero, contra a carestía da vida, contra a pobreza enerxética, na defensa da sanidade pública, por un parque público de vivendas, na defensa dos servizos públicos universais e de calidade, por unha banca pública...

O movemento democrático e reivindicativo de pensionistas pretendemos conseguir reverter as contrarreformas de pensións impostas e paralizar as que nos queren impoñer en contra dos intereses da clase traballadora. Recuperar dereitos perdidos e reclamar unha política económica e social que xere un reparto equitativo da riqueza.

💚 Para a mobilización do 15 de outubro, xa se está organizando a marcha a Madrid, para apuntar-se nos buses chamar ao teléfono 616 86 86 02 .

EXIXIMOS O IPC REAL E PENSIÓNS MÍNIMAS DIGNAS.

AUDITORÍA PÚBLICA DAS CONTAS DA SEGURIDADE SOCIAL, SEN DEMORA XA !

REXEITAMOS A PRIVATIZACIÓN.

https://www.modepen.org/

Polo dereito a envellecer con dignidade...

Todos os cidadáns teñen dereito a unha vida digna!

Plataforma Ferrolterra na Defensa das Pensións Públicas, integrada en MODEPEN (Movemento Galego pola Defensa das Pensión Públicas).

Para contactar coa Plataforma:

Correo-e:
plataf.pensionspublicas.ferrol@gmail.com

Conta no facebook:
https://www.facebook.com/DefensaPensionsFerrolterra/

Web de MODEPEN:
https://www.modepen.org/
_______

Manifestación en Ribadeo na defensa do sistema público de pensións - Sábado 12 de febreiro ás 12 do mediodía - Centos de colectivos e plataformas convocan, en todo o territorio do Estado, mobilizacións para exixir a aplicación do IPC (5,6%) real e pensións mínimas dignas, e rexeitar a súa privatización - Desde Ferrolterra sairá un autobús ás 10 da mañá

O vindeiro sábado 12 de febreiro, centos de colectivos e plataformas de todo o Estado convocan mobilizacións na defensa do sistema público de pensións, na Galiza as mobilizacións van ter lugar nas vilas de Cangas e Ribadeo. Desde Ferrolterra partirá un autobús que sairá ás 10 da mañá.

A Plataforma de Ferrolterra na Defensa das Pensións Públicas vai participar na  manifestación de Ribadeo que partirá ás 12 do mediodía desde a Estación de Autobuses da vila da mariña lucense. Para achegar-se a Ribadeo, a Plataforma levará un autobús que saíra ás 10 da mañá desde a Praza 10 de Marzo (entre as Casas Baratas e a estrada d'As Pías). O regreso está previsto ao finalizar a manifestación (aprox. sobre as 13:30hs). O prezo do billete ida/volta: 10 euros. A
data límite para apuntarse é o mércores 9 de febreiro, nos teléfonos de contacto: 616868602 e 629850305.

Exiximos:

* Recuperación do poder adquisitivo, aplicación do IPC real acumulado (aplicación do 5,6%).
* Restablecer a xubilación ordinaria aos 65 anos.
* Eliminación das desgravacións fiscais aos plans privados de pensións.
* Derrogación das reformas dos anos 2011 e 2013.
* Creación dunha banca pública galega.

Manifesto da Xornada de Mobilización Estatal de Pensionistas do 12 de febreiro 2022

As organizacións de pensionistas de diferentes Pobos e Comunidades do Estado Español asinaron un manifesto convocando unha nova mobilización conxunta e descentralizada en defensa do sistema público de pensións e contra a nova reforma que pretende recortalo e deterioralo unha vez máis para o vindeiro 12 de febreiro.

No manifesto chámase aos pensionistas e a toda a cidadanía, a defender unhas pensións dignas, o seu carácter público e unas condicións de traballo dignas, para EXIXIR:

– Garantir que en 2022 e anos sucesivos o poder adquisitivo das pensións se revalorice en función do incremento do “IPC real” (o “IPC Acumulado Anual”) tal como se viña facendo antes da reforma de 2011, así como a compensar a perda do 3% do poder adquisitivo das pensións do ano 2021.

– Garantir que non haxa pensións por debaixo do limiar da pobreza, eliminando a fenda de xénero en salarios e pensións e incrementando a pensión mínima até equipararse ao salario mínimo (SMI), e que este se sitúe no 60% do salario medio, como recomenda a Carta Social Europea.

– Garantir pensións públicas dignas xustas e suficientes e o carácter público do Sistema de Pensións, derrogando os recortes das reformas de 2011, 2013 y 2021, e rexeitando a privatización total ou parcial do mesmo, baixo calquera fórmula.

✅ Texto completo do Manifesto da Xornada de Mobilización Estatal de Pensionistas do 12 de febreiro 2022. | Acceder/baixar.

EXIXIMOS O IPC REAL E PENSIÓNS MÍNIMAS DIGNAS.

REXEITAMOS A PRIVATIZACIÓN.

https://www.modepen.org/

Polo dereito a envellecer con dignidade...

Todos os cidadáns teñen dereito a unha vida digna!

Plataforma Ferrolterra na Defensa das Pensións Públicas, integrada en MODEPEN (Movemento Galego pola Defensa das Pensión Públicas).

Para contactar coa Plataforma:

Correo-e:
plataf.pensionspublicas.ferrol@gmail.com

Conta no facebook:
https://www.facebook.com/DefensaPensionsFerrolterra/
_______

Concentración en Ferrol contra os abusos bancarios: A banca maltrata ás persoas maiores - O venres 14 de maio, ás 12 do mediodía, en Ferrol, na confluencia da rúa Galiano coa praza de España

Concentración en Ferrol contra os abusos bancarios: "A banca maltrata ás persoas maiores".

Este venres 14 de maio, ás 12 do mediodía, está convocada unha concentración en Ferrol, na confluencia da rúa Galiano coa praza de España. Unha mobilización que convoca a Plataforma de Ferrolterra para a Defensa das Pensións Públicas (MODEPEN) diante das políticas do sector bancario de maltrato á persoas maiores,... Persoas maiores que durante décadas depositaron aforros e salarios neses bancos que agora lles dan as costas, recibindo un trato abusivo fechando oficinas, reducindo horarios de atención ao público, obrigando a utilizar caixeiros ou banca online, en moitos casos a persoas sen formación ou mesmo sen acceso a internet, reducindo persoal de atención ao público, aumentando comisións bancarias abusivas... E se non aceptamos convidan-nos a rescindir os contratos coa entidade... Abuso tras abuso os bancos privados desprezan á xente maior e intenta someter-nos ás súas políticas de aforro de custes, reducindo a atención ao público ao que están obrigados. É por iso que reclamamos unha banca pública co control social e que preste servizos financeiros con criterios éticos e sostíbeis, para evitar a exclusión financeira, asegurar o aforro, xestionar os pagos e cobros, facilitar o consumo das persoas, financiar a vivenda social, en definitiva garantir os dereitos económicos.

✔ Contra os abusos da banca !!
✔ Non ás comisións bancarias !!B
✔ Basta xa de roubar aos cidadáns !!
✔ Contra a usura dos bancos!!
✔ Por unha banca pública !!

Como exemplo publicamos esta carta de ABANCA ás usuarias e usuarios (clicar acima da imaxe para ampliar):

Todos os cidadáns teñen dereito a unha vida digna!

Plataforma Ferrolterra na Defensa das Pensións Públicas, integrada en MODEPEN (Movemento Galego pola Defensa das Pensión Públicas).

Para contactar coa Plataforma:

Correo-e:
plataf.pensionspublicas.ferrol@gmail.com

Conta no facebook:
https://www.facebook.com/DefensaPensionsFerrolterra/
_______