Memoria Histórica Democrática, neste mes de xaneiro de 2018, realizou diferentes actos en colaboración cos concellos de Ferrol e Narón nestas datas tan significativas de lembranza da represión fascista e nazi - Presentamos os álbunes fotográficos deste eventos que tiveron lugar na nosa Comarca

Memoria Histórica Democrática realizou diferentes actos en colaboración cos concellos de Ferrol e Narón nestas datas tan significativas de lembranza da represión fascista e nazi. Presentamos os álbums fotográficos deste eventos que tiveron lugar na nosa Comarca

Álbum fotográfico en memoria das vítimas do Holocausto, no Concello de Narón. Fotografías das charlas impartidas polo profesor Enrique Barrera en representación da A.C. Memoria Histórica Democrática, no CPR Jorge Juan e no IES Terra de Trasancos, da visita guiada á Exposición "Galegos en Mauthausen" e do Acto Institucional do Concello de Narón. | Acceder ao Álbum Fotográfico.

Álbum fotográfico en memoria das vítimas do Holocausto, no Acto Institucional do Concello de Ferrol. | Acceder ao Álbum Fotográfico.

Álbum Fotográfico da Homenaxe a Amada García, do sábado 27 de xaneiro, a A.C. M.H.D. participou, representada polo Secretario e Historiador Enrique Barrera, xunto coa A. VV. de San Felipe e a familia de Amada, no Acto Institucional organizado, no Castelo de San Felipe, polo Concello de Ferrol en Lembranza de Amada García e os asasinados pola ditadura franquista. Logo do acto, a A.C. M.H.D. acompañou á familia de Amada ao Cemiterio de Serantes onde está soterrada co seu fillo Gabriel e se realizou unha sinxela ofrenda floral que se repetiu tamén no monumento ao Alcalde de Serantes Alejandro Porto Leis e aos compañeiros asasinados con el. | Acceder ao Álbum Fotográfico.

Asociación Cultural Memoria Histórica Democrática
www.memoriahistoricademocratica.org
http://memoriahistoricademocratica.wordpress.com
en facebook:Memoria Historica Democratica
en twitter: Memoria Ferrol  @memoriaferrol

Realacionada:

En lembranza de Amada García e as Vítimas da Represión Franquista, esta tarde, sábado 27 de xaneiro de 2018, ás 17,30 hs, no Castelo de San Felipe, celebrara-se o Acto Institucional e Popular, organizado polo Concello de Ferrol, coa participación da familia de Amada, a asociación vecilñal de San Felipe e a Asoc. Cultural Memoria Histórica Democrática. | Ir á Web.

Enviado por:
Memoria Histórica Democrática
-memoriahistoricademocratica@gmail.com-
28 de janeiro de 2018 22:44
28 de janeiro de 2018 22:34
_____________________

Xoves 18 ás 12 horas, concentración diante do Edificio Administrativo da Xunta de Galiza contra a represión exercida contra o compañeiro Pintos, portavoz comarcal da CIG, durante unha acción protesta convocada polo Comité de Empresa de Navantia

CONVOCADA CONCENTRACIÓN PROTESTA UNITARIA

O VINDEIRO XOVES DÍA 18 DE OUTUBRO ÁS 12 HORAS  

DIANTE DO EDIFICIO ADMINISTRATIVO DA XUNTA DE GALIZA EN FERROL

Reproducimos a continuación o artigo publicado uns díás atrás en Artabra21:

A CIG repulsa a represión e torturas da policía contra o compañeiro Pintos e os intentos do PP de criminalizar a loita sindical - Ante o anuncio do Partido Popular de que denunciará á central, o Secretario Xeral advirte que se lle dará a resposta acaída - Vídeo de interese onde Pintos fala da súa detención e do maltrato policial recibido na comisaría de Ferrol

A CIG denuncia a carga policial e a detención e torturas padecidas polo compañeiro Xesús A. López Pintos, responsábel da central sindical na comarca de Ferrol. A este respecto, o Secretario Xeral da CIG, Xesús Seixo, manifestaba ás portas dos xulgados de Ferrol que estas actitudes, veñen demostrar a política represiva da que se vale o PP para acalar e reprimir todas aquelas voces que se levantan contra as súas medidas antisociais e antiobreiras.

http://youtu.be/trevoCwJXSI

Para conseguir este obxectivo, denunciou, “o Partido Popular recorre a todos os medios: criminalización da mobilización social, uso da represión e brutalidade dos elementos máis fascistas da policía, manipulación na prensa ou a utilización dos xuíces afíns para tentar desprestixiar calquera oposición activa”.

O secretario xeral da CIG foi especialmente contundente denunciando a detención de Pintos e as torturas ás que foi sometido na comisaría. “Esta situación empeza a lembrar a épocas do franquismo” advertiu.

O compañeiro Pintos permaneceu esposado máis de dúas horas. Tempo no que, a cada pouco, padeceu os golpes dun policía cunha luva de coiro, na cara e no corpo, mentres o insultaba e ameazaba, tanto a el como á central sindical. Estes feitos xa foron todos denunciados diante do xuíz, ao que se lle reclamou que abra unha investigación para depurar responsabilidades.

Ante o anuncio do Partido Popular de que denunciará á CIG diante da Xunta electoral, Seixo explicou que a asesoría xurídica da central estudará os termos de dita demanda e dará todas as respostas necesarias contra este novo intento de criminalización do sindicalismo nacionalista. Matizou ademais, que a protesta realizada en Ferrol non foi convocada pola CIG, senón que estaba convocada polo Comité de Navantia, no marco do calendario de mobilizacións que dende hai máis de un ano veñen desenvolvendo para reclamar carga de traballo para o sector e a construción do dique flotante.

“Na CIG xa estamos afeitos ás persecucións e ás represións por parte do PP. Por iso tampouco nos estraña que intente agora culpabilizar á CIG. Pero isto non nos vai facer calar nin nos vai atemorizar. A CIG seguirá dando a batalla en todas as frontes e contra o conxunto de políticas antisociais e de recortes do PP”.

6 de Outubro de 2012

Fonte: Avantar

A policía detén o rapeiro mallorquín Valtonyc polas letras das súas cancións

Tras varias horas en comisaría, Josep Miquel Arenas, Valtonyc, foi posto en liberdade mais con cargos

Non é algo novo no Estado español. Sábeno ben desde grupos de música como Negu Gorriak, Reincidentes ou SA até pallasos como Pirritx eta Porrotx. E cómpre non esquecer a Suso Vaamonde. As letras do que cantas pódenche crear problemas, e non poucos. Vén de sabelo, hai unhas horas, un rapeiro de Mallorca,  Josep Miquel Arenas, Valtonyc, que foi detido pola policía española por mor do que canta, letras contundentes contra a monarquía, a clase empresarial... Todo iso en catalá, claro, máis un 'valor' á hora de ser sospeitoso. Foi posto en liberdade e imputado de dous delitos.


Segundo informan diversos medios, a detención do rapeiro deriva da denuncia da organización Círculo Mallorquín, que considera que as letras do artistas aldraxan diversos estamentos e entidades do Reino de España, alén de entenderen que ameaza de morte varios dirixentes do Círculo. Segundo relata no seu twitter o propio  Valtonyc, unha vez saído da comisaría, os policías ameazárono: "Tu y tu amigo Pablo Hassel (outro rapeiro combativo) lo vais a pagar caro".

No vídeo que acompaña a noticia, o rapeiro balear leva unha camisola do grupo galego de rock proletario Mencer Vermello.

Fonte: Sermosgaliza