O gaseiro "Sestao Knutsen" que faría o número 50, cargado con GNL-LNG para a planta regasificadora de Reganosa, ten prevista a súa entrada na Ría de Ferrol, este Domingo 16 de Agosto. É por iso polo que o Comité Cidadán de Emerxencia ten convocada unha nova CONCENTRACIÓN en Ferrol, o mesmo día ás 8 da Tarde, na Praza Amada García, diante do Edificio Administrativo da Xunta de Galicia.
Unha vez máis a entrada dun grande buque cargado con gas natural licuadao, poñerá en perigo a miles de persoas que moramos na contorna da nosa Ría.
Se a Planta de Gas que Reganosa instalou en Mugardos, de por si, representa un grande perigo e unha ameaza permanente á nosa seguridade e vida - e os seus verquidos un contributo máis á morte lenta da Ría -, cada vez que un buque gaseiro destas características e cargado com miles de toneladas de gas, entra na Ría, este perigo aumenta o seu potencial e as probabilidades de accidente moi grave.
Sabiades que na Galiza hai 10 empresas consideradas potencialmente moi perigosas e que están obrigadas a ter un Plan de Emerxencia Exterior, "das cales 3 están en Punta Promontorio e ademais, neste caso o risco incrementa-se por un posíbel efecto dominó [Artigo 8 da Directiva Seveso II] xa que as tres empresas son colindantes e están concentradas dentro dun círculo de escasos 500 m de diámetro". O feito da chegada deste buque gaseiro cargado con GNL-LNG, supon unha perigosidade ainda moito maior. E as autoridades das diferentes administracións, non só non cumpren coa súa obriga de impedir este perigo, senon que foron cúmplices de que se instalara dentro da Ría, non só a Planta de Gas, senon que todo o complexo petroquímico. É máis, nen sequera cumpren coa súa obriga de informar a poboación dos plans de emerxencia exterior, como así teñen demandado varias entetidades veciñais da Comarca, o pasado 27 de Febreiro.
A directiva europea "Seveso" coas súa diferentes modificacións e ampliacións, os seus documentos e normas derivadas, ven sendo transgredida unha e outra vez, desde que se decideu construir a planta até hoxe que pretenden a súa ampliación.
Enlace de interese:
- Nome.- Sestao Knutsen - Bandeira .- España - Eslora.-284.4 m - Manga.- 42.5 m - Calado Max..- 12.3 m - Capacidade.- 138.000m3
A RÍA É NOSA E NON DE REGANOSA ¡
DESMANTELAMENTO DE REGANOSA XA ¡
--
comitecidadan@gmail.com
www.comitecidadan.org
...........
Nova conta do Comité Cidadadán:
Para axudas económicas pode-se ingrear na seguinte conta corrente do Banco Santander. Titular: Luz Marina Torrente e outros
00493315772894017995
Para ingresos realizados desde outros estados
ES 71 00493315772894017995
Baseado na información facilitada polo:
Comité Cidadán de Emerxencia
-comitecidadan@gmail.com-
14 de agosto de 2009 22:01
________________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon