Actividades da semana na Fundaçom Artábria

De: Fundaçom Artábria -artabria@artabria.net-
Para: artabra21@gmail.com
Data: 26 de Abril de 2007 01:57
Asunto: Actividades da semana na Fundaçom Artábria


Comandante galego da Sierra Maestra visita Artábria
A Fundaçom Artábria cede o seu local social às organizaçons NÓS-Unidade Popular e Unidade da Esquerda Galega, para a palestra que dará na próxima sexta-feira, dia 27 de Abril, às 20:30 horas, Manuel Diaz, companheiro de armas de Che Guevara e Fidel Castro na guerrilha que derrocou o ditador cubano Fulgencio Batista, em 1959.
Manuel, Faustino e Manuel fôrom três emigrantes galegos, originários da Póvoa de Brolhom, que jogárom um destacado papel na luita revolucionária em Cuba. José morreu em combate contra o exército de Batista, enquanto Manuel e Faustino entrárom na capital no dia da Vitória como destacados dirigentes guerrilheiros. Ambos atingírom o grau de Coronel e continuárom até a actualidade a contribuir para a construçom da Cuba revolucionária.
Agora temos o privilégio de contar com a presença de Manuel Diaz, compatriota residente em Cuba e destacado revolucionário, que vai dar umha conferência no nosso local social sobre a situaçom actual do povo irmao de Cuba.
Esperamos contar com a tua presença na palestra, que leva por título "A Revoluçom Cubana hoje".

No sábado 28: Vem connosco de roteiro, entre Campelo e Pantim
No próximo sábado, dia 28 de Abril, retomamos os nossos roteiros pola costa da comarca, com umha excurson que partirá da praia de Campelo e chegará até a de Pantim. Sairemos às 10 da manhá de em frente do local social.
Se quigerdes participar, é só estardes atentos ou atentas a como amanhece o dia e, em funçom disso, escolhei um bom chapéu para o sol ou roupa para a água. De qualquer maneira, nom esqueçais trazer sandes, fruta e água, pois comeremos num descanso da caminhada, para continuarmos mais um bocadinho à tarde.

CONCERTO OFENSIVA + ANSWER
No próximo sábado a partir das 21.30 contaremos na Fundaçom Artábria com os grupos de Hard Core Ofensiva (Galiza) e Answer (PPCC). O preço dos bilhetes é de 6 euros sóci@s e 8 euros para o público em geral.

--
A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.
Código de Identificaçom Fiscal (CIF): G15645518.
Morada: Travessa de Batalhons nº7 Esteiro
15403 Ferrol - GALIZA
Telefone do Centro Social: +34 981369099
Fax do Centro Social: +34 981369920
Telefone do café-bar: +34 981369921

Sítio webda Fundaçom Artábria
http://www.artabria.net
Sítio web do festival da Terra e da Língua
http://www.artabria.net/festival