Convocatória concentraçom antifascista em Ferrol, Sábado 17 de Novembro

De: Antifascistas Galiza AntifasGz
-antifascismogalego@gmail.com-
Para: artabra21@gmail.com
Data: 15 de novembro de 2007 22:48
Asunto: Convocatória concentraçom antifascista em Ferrol


Convocatória concentraçom antifascista em Ferrol

Ao cuidado dos MMCC

Ante o assassinato do jovem antifascista Carlos Javier Palomino o passado domingo estám a produzir-se assembleias em regime de autoconvocatória por parte de colectivos e pessoas diversas, adscritas à pluralidade da esquerda social galega, em resposta ao rearme fascista, e ao tratamento dado pola imprensa burguesa aos factos do passado domingo em Madrid. Com efeito, os media burgueses pretendem equiparar aos fascistas com os movimentos sociais populares que fam frente à escalada violenta nazi, alimentada e amparada polo discurso social do Partido Popular e dos seus meios afins (COPE, La Razón, El Mundo...).

Na nossa cidade está convocada umha concentraçom para o próximo sábado dia 17 às 19h no Cantom de Molins sob a legenda "Contra o fascismo e o racismo. Nengumha agressom sem resposta!"
Em Ferrol conhecemos de perto o terrorismo fascista. Podemos lembrar a brutal agressom ao trabalhador da Fundaçom Artábria em 2002, agressions a militantes antifascistas que tiverom mais sorte que o jovem madrileno, os ataques ao Café da Vaca, ao Rara Avis, à Livraria Limiar, às sedes do BNG e de NÓS-Unidade Popular... a dia de hoje ninguém foi condenado por estes factos.

Nos últimos dias temos um repunte da sua actividade na nossa Comarca deixando o seu discurso racista e fascista nos muros das nossas cidades. É igual o nome baixo o que se escondam: Infierno Ferrolano, Democracia NaZional, FE-JONS, Movimento de Resistência Ário, La Falange ... o fascismo está presente em Trasancos e se nom se combate avançará ante isto @s antifascistas de Ferrol fazemos um chamamento a participar na concentraçom do próximo sábado e monstrar o nosso rechaço ao fascismo e o racismo e a nossa solidariedade com o movimento antifascista de Madrid.

Nengumha agressom sem resposta!
Ferrol será a tumba do fascismo!

Ferrol, 15 de Novembro de 2007