Amosando publicacións coa etiqueta Antifascistas. Amosar todas as publicacións
Amosando publicacións coa etiqueta Antifascistas. Amosar todas as publicacións

domingo, xullo 18, 2021

Homenaxe en Ferrol ás persoas asasinadas polo franquismo nas comarcas (Ferrolterra, Eume e Ortegal) - Hoxe domingo 18 de Xullo, na Praza de Armas, ás 12 do mediodía


Homenaxe en Ferrol ás persoas asasinadas polo franquismo nas comarcas (Ferrolterra, Eume e Ortegal) - Domingo 18 de Xullo, na Praza de Armas, ás 12 do mediodía. Acto organizado pola Comisión pro memorial.


Enlace de referencia en Ártabra 21:

Ante o desleixo do Goberno do Concello Municipal de Ferrol, para executar o acordo Plenario do 29 de setembro do 2017, para erixir un Monumento como Memorial de dignidade para homes e mulleres asasinados do franquismo, convocase un acto reivindicativo na Praza de Armas diante do Pazo Municipal, o domingo 18 de xullo ás 12 do mediodía. | Ártabra  21 - 10 de xullo de 2021 | Acceder.
_______

martes, abril 10, 2018

O grupo Municipal de EU Narón fai un chamamento a veciñanza, para que participe nos actos de homenaxe as vítimas do franquismo que se van a celebrar o próximo Sábado 14 de Abril, organizados pola A.C Memoria Histórica Democrática e o Concello de Narón


EU Narón fai un chamamento a veciñanza para que participe nos actos de homenaxe as vítimas do franquismo que se van a celebrar en Narón o próximo Sábado 14 de Abril, faranse ofrendas florais en homenaxe as vítimas do franquismo.

No monumento en O Val as 12:00 Sábado 14 de Abril.

No cemiterio de San Mateo as 12:30 Sábado 14 de Abril.

No Pazo da Cultura as 13:00 Sábado 14 de Abril.

Organizan A.C Memoria Histórica Democrática e o Concello de Narón.

Abeledo entende que estes actos de homenaxe as vítimas do fascismo e de conmemoración da II República deben servir tamén para a reivindicación da necesidade da chegada da III República.

André Abeledo explica que “quen esquece a súa historia esta condenado a repetila”, o dixo hai séculos Marco Tulio Cicerón, gran verdade histórica que precisamos ter na memoria.

Tamén Miguel Hernández, ese gran poeta comunista que rematou a súa luminosa vida no mes de marzo de hai 74 anos nunha cadea fascista, deixounos dito: “Xamais renunciaremos nin ao máis vello dos nosos soños”.

A guerra civil non foi unha guerra, foi un golpe de estado perpetrado por traidores contra un goberno lexitimo referendado nas urnas, a II República foi un corto e intenso período de esperanza, de avances, de unidade, que rematou cun golpe brutal que nos levou a unha guerra, non podemos esquecer que no estado español houbo un xenocidio ideolóxico, as cunetas seguen cheas da semente dun pobo que se quería libre.

A II República promoveu o avance na transformación da nosa sociedade, na defensa das liberdades individuais e colectivas, e na consecución da xustiza social.

Este sistema democrático acabou coa derrota na Guerra Civil para dar paso a máis de 40 anos de franquismo, de represión e de retrocesos.

O 14 de abril ten que ser unha data reivindicativa para reclamar o dereito á República e facer unha homenaxe a todos  os alcaldes e concelleiros dos concellos daquel período, así como condenar o golpe de estado franquista contra a II República.

A II República, o primeiro réxime democrático da nosa historia que instaurou  un verdadeiro Estado de Dereito e proclamou a primeira constitución democrática de España. Esta Constitución plasmou o principio de igualdade dos españois ante a lei, ao proclamar España como “unha república de traballadores de toda clase que se organiza en réxime de Liberdade e de Xustiza”, o principio  de soberanía popular, establece o sufraxio universal para homes e mulleres maiores de 23 anos.

En economía a propiedade privada quedou suxeita aos intereses da economía nacional, constituíuse un “Estado integral, compatible coa autonomía dos Municipios e as  Rexións”, o principio de laicidade “o Estado, as rexións, as provincias e os Municipios, non manterán, favorecerán, nin auxiliarán economicamente ás Igrexas, Asociacións e Institucións relixiosas”, ademais recoñeceuse o matrimonio civil e o divorcio así como o ensino primario laico, gratuíto e obrigatoria, e recoñécese a liberdade de cátedra.

A II República promoveu o avance na transformación da nosa sociedade, na defensa das liberdades individuais e colectivas, e na consecución da xustiza social.

Este sistema democrático acabou coa derrota na Guerra Civil para dar paso a máis de 40 anos de franquismo, de represión e de retrocesos.

O 14 de abril ten que ser unha data reivindicativa para reclamar o dereito á República e facer unha homenaxe a todos  os alcaldes e concelleiros dos concellos daquel período, así como condenar o golpe de estado franquista contra a II República.

Algúns din que cando falamos de memoria, xustiza e reparación se reabren feridas, pero, como se vai reabrir o que nunca se pechou?; como se pode perdoar cando nunca se pediu perdón? Teñamos presente que na Alemaña negar o holocausto é delito. Non se debe esquecer sen máis.

Quero recordar una vez mais neste Pleno que por Narón, polo noso concello tamén pasou a besta fascista. As cifras contan unha pequena parte do horror e o terror que se viviu, pero só temos datos estimados, tan só coñecemos a punta do iceberg da barbarie, posto que algúns aínda teiman en perder a Memoria.

Temos documentados un total de 93 asasinados en Narón, unha parte deles mariñeiros que se mantiveron fieis á República, á legalidade, cando o golpe. No Val foron fusilados e enterrados no cemiterio 48 mariñeiros do acorazado “España” e do vapor “Domine”. En San Mateo foron fusilados e enterrados no cemiterio 17 mariñeiros do “Mar Cantábrico”.

Nove veciños de Narón foron fusilados, quince foron paseados e asasinados nas nosas cunetas, un foi apaleado ata a morte, dous morreron en enfrontamento armado, outro morreu en prisión…

Estas 93 persoas foron asasinadas, pero tamén están os represaliados, os que foron depurados, os desterrados, os escapados e exiliados, os presos, os multados…

Como terrible anécdota do terror das hordas Nacional Católicas do Franquismo, destas beatas persoas que loitaban por “Deus” e “España”, esta o feito de que o día 26 de Decembro, supoño que para celebrar o Natal, no Val foron fusilados máis de 20 mariñeiros do citado acorazado “España”.

Dende EU Narón entendemos que os actos de homenaxe as vítimas do fascismo e de conmemoración da II República deben servir tamén para a reivindicación da necesidade da chegada da III República e convocamos a toda a cidadanía a participar nas ofrendas florais na memoria de todos os represaliados polo fascismo.

Honor e Gloria aos nosos mártires.

Saúde e República. A pola terceira.

GRUPO MUNICIPAL DE EU NARÓN

Enviado por:
Naron Esquerda Unida
-eu-naron@esquerdaunida.org-
9 de abril de 2018 23:34

_________________

xoves, outubro 26, 2017

A Unión Europea confirma que o Estado Español debe actuar contra o delito de apoloxía do franquismo - Resposta á denuncia da eurodiputada galega Lídia Senra, en relación á actitude da Fundación Franco de ensalzar a 'grandeza' do ditador no Pazo de Meirás


A UE confirma que o Estado español debe actuar contra o delito de apoloxía do franquismo. | Resposta á denuncia de Lídia Senra en relación á actitude da Fundación Franco de ensalzar a “grandeza” do ditador no Pazo de Meirás. | A eurodeputada galega critica a actitude cómplice do Goberno estatal e da Xunta ao eludir as responsabilidades na persecución deste delito.


A Comisión Europea vén de respostar á denuncia realizada a finais do verán pola eurodeputada Lídia Senra en relación ás declaracións públicas efectuadas pola Fundación Francisco Franco nas que aseguraba que ser a responsable de xestionar as visitas guiadas ao Pazo de Meirás era para ela "unha honra e unha excelente oportunidade para mostrar ao gran público a grandeza da figura" do ditador. No escrito emitido esta semana, a CE aclara e lembra que a Decisión Marco da UE relativa á loita contra o racismo e a xenofobia (2008/913/JAI) obriga aos Estados membro a tipificar como delito a apoloxía pública dos crimes de guerra.

Ademais, especifica a CE, é competencia das autoridades do Estado investigar, procesar e xulgar os casos individuais de delitos de incitación ao odio, como ben puidera ser o caso da actitude da Fundación Franco, non só polas declaracións públicas que ven realizando, senón tamén por estar beneficiándose economicamente da xestión dun Ben de Interese Cultural (BIC) como é o Pazo de Meirás, que non só foi regalado a Franco durante a Ditadura a través de 'doazóns' forzosas que tivo que facer o pobo, senón que ademais agora está a servir para financiar aos defensores da mesma.

O Goberno do Estado e a Xunta de Galicia non poden seguir eludindo a súa responsabilidade. Ca súa permisividade están sendo cómplices da apoloxía do franquismo que está a facer a Fundación”, declarou hoxe a eurodeputada galega. Para Senra, a actitude mantida por ambas administracións “evidencia a súa falta de compromiso na defensa dos dereitos humanos e a falta total de respecto cara as víctimas do franquismo”. É por iso que reclamou que a Fundación Francisco Franco deixe de ser inmediatamente a responsable de xestionar as visitas do Pazo de Meirás e tamén que a familia Franco devolva estas propiedades ao patrimonio público, xa que leva anos incumprindo a lei.

Así, Senra lembra que o Pazo de Meirás foi declarado BIC no ano 2011, o que obriga aos seus propietarios a abrir ao público o complexo catro veces por mes como mínimo, algo que a familia Franco non cumpriu. "Se a isto lle engadimos que a responsable de organizar as visitas é a propia Fundación Francisco Franco, o delito de apoloxía do franquismo é claro e nisto a resposta da CE non ten dúbidas, polo tanto, o Estado e a Xunta deben mover ficha xa e forzar que tanto á familia Franco como á Fundación deixen de ter responsabilidade sobre o Pazo de Meirás", reclama a eurodeputada.

Estrasburgo, 26 de outubro de 2017. 

Lídia Senra, eurodeputada galega, integrada no Grupo Confederal da Esquerda Unitaria Europea/Esquerda Verde Nórdica (GUE/NGL)

lidia.senra@europarl.europa.eu      

http://ageuropa.gal/

Enviado por:
AGEe Europa
-ageeneuropa@gmail.com-
26 de outubro de 2017 10:35
_____________

domingo, setembro 30, 2012

"Os Encargados" - Interesante vídeo


Cando eles van boca arriba nós imos boca abaixo. Cando eles van boca abaixo, todo se endereita. A ver cando asistimos de verdade ao cortexo fúnebre deste Réxime.


http://youtu.be/QllF0mwJe_I

Publicado em 23.09.2012 por
Titulo orixinal: "LOS ENCARGADOS"
Jorge Galindo e Santiago Sierra,
Gran Vía, Madrid, 15 Agosto 2012

Máis información en:
http://www.plataformadeartecontemporaneo.com
_______________

mércores, xaneiro 18, 2012

Homenaxe a Amada García, o Venres, 27 de Xaneiro, ás 5 da Tarde, no Castelo de San Felipe - Homenaxe a todas as mulleres represaliadas pola dictadura fascista


Homenaxe a Amada García

O venres, 27 de Xaneiro de 2012, ás 17:00 h, no Castelo de San Felipe, a Asociación Memoria Histórica Democrática rende homenaxe a todas as mulleres represaliadas polo Franquismo, esta homenaxe faise na figura da mugardesa Amada García.

Estaríamos honrad@s en contar coa vosa asistencia, así como a de toda a xente que decida acompañarnos ese día.

Sen máis, recibe un cordial saúdo da nosa asociación.

Un abrazo e saúde

Amada foi detida estando embarazada, facendo que máis tarde o Consello de guerra, aprazase a aplicación dunha sentenza de morte, ata o nacemento do fillo Gabriel. Á espera dese momento, estivo confinada no Cárcere de Mulleres de Ferrol, logo o 31 de outubro de 1937 ao "Hospital de Caridade de Ferrol", onde pariu. 88 días despois, o 27 de xaneiro de 1938, foi conducida ao Castelo de San Felipe. Alí foi executada, por un pelotón de fusilamento, en xaneiro de 1938, o mesmo día onde tamén foron executados, no mesmo lugar, outras sete persoas da mesma bisbarra: Juan José Teixeiro Leira, José María Montero Martínez, Anxo Roldos Gelpi, Antonio Eitor Caniça, de Mugardos; Ramón Rodrigues Lopes, Jaime Gonçales Peres, de Ares; e Germán Lopes García, de Cabanas.

http://memoriahistoricademocratica.wordpress.com/

Enviado por:
Fernández Sixto, Juan - Monturas (FE)
-jefernandez@navantia.es-
18 de janeiro de 2012 13:56
____________

domingo, abril 24, 2011

'La Gaceta' borra a esvástica dun lexionario que ía en procesión

Interesante noticia do 23 de Abril de 2011, no xornal estatal "Público".

'La Gaceta' borra a esvástica dun lexionario que ía en procesión

Na portada do diario dos días 22 e 23 aparece un soldado da Lexión cunha tatuaxe retocada para que non se vexa o símbolo nazi

O xornal 'La Gaceta' borrou a esvástica do novo lexionario que aparece nunha fotografía levantando a imaxe do Cristo da Boa Morte o pasado xoves durante unha procesión en Málaga.

A foto de portada do diario dos días 22 e 23 mostra a un grupo de lexionarios e sobreimpresionada polo seguinte titular: "Orgullosos da nosa Semana Santa". Na fotografía orixinal, enviada por axénciaa EFE, pode apreciarse con todo detalle o símbolo nazi tatuado no brazo dun dos soldados da Lexión.

Desde 'La Gaceta' non souberon explicar a Público por que eles a publicaron sen a esvástica. Pola súa banda, a axencia EFE nega manipular a imaxe antes de enviala ao diario así como ao resto de medios.


[Arriba, a foto orixinal de EFE; debaixo, a da Gaceta]

Noticias relacionadas

Fonte: http://www.publico.es/espana/372664/la-gaceta-borra-la-esvastica-de-un-legionario-que-iba-en-procesion

Enviado por:
Alexandre Carrodeguas
-republicadetraballadoras@gmail.com-
23 de abril de 2011 23:12
______________________

venres, maio 07, 2010

Francesc Boix - Un fotógrafo no inferno

O pasado 5 de Maio de 2010, cumpriron-se 65 anos da liberación do Mauthausen-Gusen, este era un complexo de campos de concentración e exterminio construídos polos nazistas na Áustria, situado a cerca de 20 kms da cidade de Linz.


Francesc Boix Campo (Barcelona 1920 - París 1951), fotógrafo e militante comunista das xuventudes do PSUC, que estivo preso no campo de concentración nazi da localidade austriaca de Mauthausen, declarou contra importantes membros do goberno nazi no Proceso de Nuremberg. O documental narra-nos a vida deste fotógrafo, que ao exiliarse tras a Guerra Civil Española, acabou no campo de concentración de Mauthausen. Destinado no laboratorio fotográfico do campo, conseguiu sacar os negativos dunhas 2.000 fotos que posteriormente servirían de proba acusatoria no famoso Xuízo. "Francisco Boix, un fotógrafo no inferno" está dirixido por Llorenç Costumar, un acreditado director de máis de 30 documentais. Os seus films foron premiados en diversos festivais internacionais.

Llorenç Soler (Valencia, 1936), que utiliza indistintamente este nome e tamén  o de Lorenzo Costumar, é un realizador de cinema especializado en documentarios. Exerce a docencia realizada con súa especialidade e é autor de varios libros sobre a mesma temática.

Seu labor audiovisual abarca as facetas de director cinematográfico, director de fotografia en cinema e video e realizador de video e televisón.

Sitio oficial de Llorenç Soler
http://www.lorenzosoler.com/

Seis documentarios da Galiza
http://flocos.tv/xente/363/
____________________