NÓS-Unidade Popular apoia a proposta “Se resides, decides” sobre a reforma da Lei Orgánica de Regime Eleitoral Geral

NÓS-UP -imprensa@nosgaliza.org-
20 de Fevereiro de 2009

Nom é o único contra-senso nem a única fonte de irregularidades antidemocráticas na legislaçom eleitoral em vigor na Galiza. No entanto, é evidente que o sistema que regula a participaçom nas votaçons de pessoas totalmente desligadas da realidade Galiza, com residência permanente no estrangeiro, é tam injusto como a negaçom desse direito às pessoas que, sem terem nascido no nosso país, trabalham nele e fam parte, portanto, da nossa comunidade nacional.

Achamos, além do mais, lamentável o espectáculo que, de diferente maneira e por idênticos motivos eleitoralistas, as três forças parlamentares actuais venhem dando em relaçom ao chamado “voto emigrante”. É reveladora disso a discussom sobre o número de geraçons que, a partir de um galego ou umha galega que abandonou o País há décadas, podem continuar a influir, com o seu voto, na orientaçom política-institucional da Galiza autonómica.

Como força democrática, contrária a essencialismos historicistas ou sanguíneos, e partidária da integraçom em pé de igualdade da cada vez maior colectividade imigrante na Galiza, NÓS-Unidade Popular reclama que a residência efectiva no nosso país seja o único critério para o reconhecimento do direito ao voto. Rejeitamos portanto limitar o debate, como tenhem feito nos últimos meses o PP, o PSOE e o BNG, à habilitaçom de urnas no seio da comunidade emigrante galega espalhada polo mundo.

É claro que existem outros muitos aspectos em que a discriminaçom da populaçom imigrante é igualmente denunciável mas, existindo umha iniciativa cívica sobre esta questom como “Se resides, decides”, NÓS-UP nom quer deixar de manifestar a sua adesom à mesma e o seu rejeitamento aos critérios arbitrários e xenófobos utilizados na actualidade na Galiza e no conjunto da Uniom Europeia em relaçom ao direito ao voto.

Permanente Nacional de NÓS-Unidade Popular

Galiza, 20 de Fevereiro de 2009
____________________