Manifestación en defensa dos servizos públicos a sanidade e a educación, este Domigo 29 de Abril en Ferrol

Este domingo 29 de Abril de 2012, as centrais sindicais CCOO, UGT e USTG, convocan unha Manifestación Comarcal 'en defensa dos Servizos Públicos, da Sanidade e da Educación'. Na Galiza e no conxunto do, polo de agora Reino, de España, van ter lugar tamén multitude de mobilizacións.

"O máximo responsable de CCOO, Sánchez Aguión, criticou que as políticas para reducir o déficit supoñen 'atacar e desmantelar' os servizos públicos esenciais, e asegurou que os recortes en sanidade e educación 'non van mellorar a situación económica, senón que implicarán un retroceso moi importante'. En sanidade, denunciou que se pretenda deteriorar o servizo publico e 'potenciar' que as persoas que teñan recursos contraten seguros privados. Nesta conxuntura, vaticinou un incremento da morbilidade, da mortaldade e das listas de espera.

En materia de emprego, rexeitou as políticas levadas a cabo polo PP, xa que 'se antes xa se abusaba dos ERE para alixeirar persoais, agora hai máis facilidade', como proba o aumento que rexistraron os expedientes de regulación de emprego. Por ese motivo, afirmou que a reforma laboral 'só serve para destruír emprego e deteriorar as condicións de traballo. Precisamente, denunciou que numerosas empresas estean a despedir persoal 'con antigüidade e con dereitos' para o substituír por persoas 'que, grazas á reforma, practicamente non teñen dereitos', polo que foi rotundo ao asegurar que non se pretende ter traballadores, senón servos".

MANIFESTACIÓN DO 29 DE ABRIL

FERROL: Manifestación, domingo 29 de Abril de 2012, ás 12 horas. Saída da praza do Inferniño e remate na praza do Concello, diante do Pazo Municipal.

Sindicato Nacional de CCOO de Galicia - CCOO

Unión Xeral de Traballadores en Galicia - UGT

Unión Sindical de Traballadores Galegos - USTG

___________