20.08.2014
A miña opinión persoal é que legalizar unha denominación, para concorrer ás eleccións municipais por parte dos espazos políticos e sociais que clamamos pola cidadanización da democracia, é secundario; penso que o importante é ter unha enorme masa crítica de xente que apoie a idea da confluencia e intentar que ninguén hexemonice ou patrimonialice os proxectos que se poñan en marcha, pois cando se comeza a facer esforzos por patrimonializar algo, ese algo termina perdendo interese para a cidadanía e termina sendo unha cousa de catro; os exemplos unitarios lanzados até agora terminaron mal consecuencia do intento, por parte dalgunhas organizacións ou persoas, de hexemonizar-los.
Como fixen público en varias ocasións, a nosa tarefa é tratar de influír, participar para iso, para tratar de influír coas nosas propostas, en todos os espazos de confluencia que se creen, pero sen embarcarnos definitivamente en ningún dunha forma total até que estes non se adapten ao que o pobo está demandando a gritos como necesidade perentoria, isto é, a constitución dunha fronte ou espazo político e social amplo e moi incluínte, sen hexemonismos nin patrimonialismos, que traballe de forma integradora e inclusiva, alentando procesos colaborativos abertos ao pobo na elaboración das súas propostas e programas e realizando primarias abertas, democráticas, moi participadas e transparentes para elixir e ordenar as súas candidaturas; procesos nos que ninguén dos movementos sociais ou políticos que impulsen esas candidaturas municipalistas unitarias de ruptura co réxime do 78 sexa excluído do proceso e do seu dereito a presentarse para poder ser elixido.
Insisto en que si non existe unha masa crítica cidadá ampla detrás destes proxectos toda legalización de siglas non servirá para nada máis aló dun gasto enorme de diñeiro. Ademais, subliño, que a idea é empoderar ao pobo, pois si isto é así debe ser a propia cidadanía, a través dos representantes que elixa, quen legalicen esas siglas. Todo o demais é ofrecer pratos cociñados e seguir facendo as cousas por arriba.
En resumo, e expresado en palabras do colectivo Ateneo de Zaragoza: "Estamos organizando, entre todas, un desborde popular, que supere partidos e movimentos, que nos supere a nosoutras mesmas e permita soñar con outras formais de vivir. O momento é agora. Gañemos".
Como sempre digo, estas son as miñas ideas que deixo ao voso mellor criterio.
[*] Javier Caso Iglesias (Cáceres, 1964). Analista Político e Activista Social.
Artigo publicado no seu blogue persoal 'Pasión pola Dialéctica' o 20 de Agosto de 2014:
http://javiercasoiglesias.blogspot.com.es/
___________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon