A folga na industria auxiliar de Navantia cumpre 21 días coa vista posta na votación deste xoves. | O persoal decidirá con todas as garantías continuar ou suspender o paro.
A folga das auxiliares de Navantia cumpriu este mércores a súa 21 xornada de paro continuado, superando as presións da patronal, as tentativas de criminalización por parte de Navantia e os intentos diversos de boicot que levaron a momentos de tensión entre os propios traballadores/as nestes dous últimos días.
De cara a evitar que unha loita exemplar marcada pola falta de incidentes remate como un conflito entre traballadores/as e saír da situación de tensión xerada, dende a CIG-Industria apostouse nesta xornada por retomar as conversas iniciadas o luns con CCOO, UGT e MAS para ver de organizar unha votación sobre o conato de proposta da patronal e a continuidade ou suspensión da folga. Mais unha consulta que sexa realizada con todas a garantías posíbeis.
Deste xeito, tras da xuntanza mantida ao longo desta tarde, as centrais sindicais acordaron realizar mañá xoves (día no que se cumpren tres semanas do inicio da folga), unha votación dentro dos estaleiros entre as 10 e as 14 horas. Colocaranse 3 urnas en Fene e 3 en Ferrol, divididas por empresas, o voto estará limitado ao persoal de obra de categoría inferior a xefe de equipo. Ademais, os censos estarán conformados polos operarios e operarias que picaron a súa entrada ás instalacións o pasado día 3 de outubro (antes do inicio da folga).
Garantías na votación
"Esta parécenos a maneira máis correcta para organizar unha votación na que quede garantido que só poderán participar os traballadores e traballadoras convocados/as á folga e afectados/as polos acordos de 2001", apuntaba Vicente Vidal, secretario comarcal da CIG-Industria.
Se o resultado da votación é positivo á suspensión do paro, engade, levarase a cabo unha negociación coas empresas (que até o momento se negaron a sentar na mesa coa CIG mentres non se desconvocara a folga). Unha negociación que se busca pouco prolongada e na que entrar de inmediato a abordar a cuestión salarial. Neste contexto, os comités de Navantia en Fene e Ferrol comprometéronse a dar todo o apoio preciso ao persoal das auxiliares.
En caso dos traballadores/as apostar por continuar a folga, actuarase en consecuencia. "E mentres non se coñezan os resultados seguiremos con piquetes diante das portas", apuntaba Vidal.
Oferta sindical
Sobre as reunións mantidas o martes coas empresas, o secretario comarcal da CIG-Industria valorou que, como insuficiente a contraoferta das empresas e pouco concreta. A este respecto, CIG, CCOO, UGT e MAS chegaron a un documento de consenso para trasladar á patronal (como punto de partida para a suspensión temporal da folga) no que se solicita que as empresas asuman o custe do paro xa sexa abonando as nóminas deste mes ou ben pagando o 50% do salario e o outro 50% contabilizándoo como vacacións. Pola súa banda, a patronal asume o compromiso de minimizar os efectos na nómina a conta de vacacións ou segundo pactos por empresa.
En canto ás melloras salariais, a proposta social é que se abone o 50% da diferenza que existe entre as actuais retribucións e o recollido nas táboas salariais de 2001. Sobre aplicar a suba inmediata, as empresas defenden o compromiso de adiantar unha cantidade indeterminada a conta do acordo definitivo, e que este adianto se pactará nas primeiras reunións.
Á espera do que decidan mañá os traballadores e as traballadoras, a súa é e seguirá sendo, unha loita pola dignificación das súas condicións laborais, para rematar coa discriminación que se está a dar nestes momentos nas auxiliares e crear un marco legal vinculante que evite a competencia desleal.
Ferrol, a 25 de outubro, de 2017
Fonte: Avantar - Baixo unha licenza Creative Commos.
___________
2 comentarios
[26.10.09] Nota de Navantia ao Comité de Empresa:
Ante la solicitud del Comité de Empresa Navantia manifiesta lo siguiente:
- Navantia acaba de conocer las acciones que nuestro Comité de empresa ha emprendido para tratar de ofrecer una solución en la huelga de la industria auxiliar.
- Considera que la votación planteada de todos los trabajadores de la industria auxiliar que tenían acceso a Navantia con fecha 4 de octubre, el día anterior a la huelga, puede ser la forma adecuada de conocer la opinión de la mayoría de estos trabajadores.
- No obstante, en estas circunstancias, Navantia no puede permitir el acceso a sus instalaciones a ese colectivo para realizar una votación.
- Los astilleros son centros productivos de una actividad industrial y para el desarrollo de actividades dentro de ellos la Ley exige que se cumplan las oportunas medidas de prevención de riesgos laborales y de seguridad industrial, medidas que no resulta posible cumplir para el tipo de acto que se plantea ya que el acceso no se produce para desarrollar su trabajo, sino para otro tipo de actuación.
- Hay que tener en cuenta que muchos de esos trabajadores podrían ya no estar dados de alta en la Seguridad Social, e incluso los que siguen de alta podrían no estar protegidos por su seguro para este acto.
- Por todo ello, y con el máximo afán de colaboración y de facilitar el desarrollo de la votación, Navantia propone:
Poner a disposición de los organizadores las medidas de control, tornos y lectores de tarjeta necesarios en el sitio próximo al astillero que determinen. Facilitará por tanto la votación e identificación con todos los medios posibles, pero fuera del astillero.
Hay que advertir que no entregará los listados de esos trabajadores, ya que ello contraviene la Ley de Protección de Datos.
[26-10 09:31] Caranza:
E seguen poñendo trabas, como me poden explicar cando temos botadura que entra moitas mais xente e sen control e sen xornada de acollida?
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon