Reafirmación do compromiso solidario có pobo cubano do Concello de Narón polo fin do bloqueo a Cuba.
A Moción presentada por EU Narón foi aprobada por unanimidade polos grupos que forman o consistorio (EU, TEGA, BNG, PSOE, ENE, PP).
Defensa da Moción de André Abeledo durante o Pleno de hoxe Mércores 28 de Marzo de 2018.
"Solicitamos a reafirmación do compromiso solidario do Concello de Narón polo fin do bloqueo a Cuba".
O compromiso da Galiza como nación irmandada a Cuba.
Quen de nós non ten na súa arbore xenealóxico algún emigrado a Cuba?.
O compromiso de Narón como cidade irmandada a Cuba.
Manifestamos o noso rexeitamento as políticas de agresión e inxerencia da nova administración norteamericana presidida por Donald Trump.
A nova administración norteamericana de Trump esta desfacendo e desandado o camiño andado polo presidente Obama e relación a Cuba, unha política de involución, de ameaza e agresión contra o pobo cubano que debe ser denunciada e rexeitada.
Lembremos que o Pleno de Narón aprobou unha Moción polo fin do Bloqueo a Cuba que en vista da nova situación entendemos que debe ser reafirmada.
Esta é unha Moción en apoio ao pobo cubano e contra a agresión imperialista dos EEUU que unha vez máis actúa como amo e xendarme do mundo, desoíndo as resolucións internacionais contra o ilegal bloqueo, e tomando mediadas unilaterais de agresión contra Cuba a nivel económico e político que tentan desestabilizar a un país soberano e crear un clima de desabastecemento por medio de un bloqueo ilegal.
Tamén lembremos que Galicia foi a primeira comunidade que pediu formalmente o fin de bloqueo económico a Cuba.
O fixo cunha declaración institucional que foi lida polo presidente do Parlamento, Miguel Santalices.
A Cámara galega entendeu que se trata dunha "expresión contundente» en favor do fin do embargo, o que a comunidade galega se quérese sumar para mostrar o seu «compromiso e proximidade polos vínculos fraternais" que nos unen a Cuba.
Desde Esquerda Unida de Narón queremos engadir que este embargo ilegal e polo tanto criminal levado acabo por EEUU durante décadas ten que rematar canto antes por varios motivos.
Porque todos os organismos internacionais así o esixen, é un embargo inxustificable.
A Resolución 69/5 da Asemblea Xeral das Nacións Unidas, titulada “Necesidade de poñer fin ao bloqueo económico, comercial e financeiro imposto polos Estados Unidos de América contra Cuba”, concluíu con 191 países a favor da Resolución e dous en contra: Estados Unidos e Israel, sen ningunha abstención.
As medidas promulgadas ata o momento pola Casa Branca deron mostras do seu limitado alcance e o moito que aínda se pode facer para modificar substancialmente a aplicación do bloqueo.
Actualmente esta inxusta política continúa afectando a todas as áreas da vida económica, social e cultural do pobo cubano restrinxindo as posibilidades económicas de Cuba e lastrando o seu futuro.
O seu carácter extraterritorial, mostra como esta política viola con total impunidade o Dereito Internacional e en particular o principio de igualdade soberana dos Estados consagrado na Carta das Nacións Unidas.
No seo da Asemblea Xeral das Nacións Unidas, durante 23 oportunidades consecutivas, unha abrumadora maioría de Estados recoñeceu o bloqueo contra Cuba como unha política absurda, ilegal e moralmente insostíbel.
A visita do Presidente, Barak Obama a Cuba supuxo no seu momento un pulo para as relacións diplomáticas entre ambos países, co fin de levantar o embargo.
Un pulo cara adiante que agora retrocede a pasos axigantados pola visión do mundo de Donald Trump, que considera ao resto dos países como simples patios traseiros e servos de EE.UU.
Por todos estes motivos, polos lazos que unen o pobo galego co pobo cubano, por xustiza pedimos o voto favorable a esta moción que esixe o fin do bloqueo a Cuba.
Tamén denunciamos a política agresiva da nova administración norteamericana en mans de Donald Trump, un presidente que xa amosou o seu desprezo aos países sudamericanos con declaracións insultantes e inadmisibles e que practica unha política de inxerencia que pon en serio perigo a paz mundial."
ACORDOS:
1.- Demandar unha vez máis dos EE.UU. de América o levantamento do embargo a Cuba.
2.-Esixir ao novo Goberno dos EE.UU o respecto as resolucións internacionais contra o ilegal Bloqueo
3.- Que se remita este acordo ao Parlamento de Galicia e ao Consulado de Cuba en Galicia.
Enviado por:
André Abeledo Fernández
-andre1474@gmail.com-
28 de março de 2018 15:33
________________
Por favor, o contido do seu comentario debe estar relacionado co asunto do artigo.
Prega-se o maior respecto coas persoas, polo que ataques persoais e insultos serán eliminados.
Por favor, non use os comentarios, só para facer propaganda do seu sitio ou será eliminado.
EmoticonEmoticon