terça-feira, julho 23, 2019

A Plataforma denuncia o silencio do goberno municipal, despois de cumprir-se un mes desde a petición de reunión e chama ao diálogo para solucionar o conflito do cobro do recibo da depuración, dun período onde non se prestaba o servizo


A Plataforma denuncia, en Rolda de Prensa, o silencio do goberno municipal, despois de cumprir-se un mes desde a petición de reunión. Chama ao diálogo para solucionar o conflito do recibo, que Emafesa está pasando ao cobro como atrasos, da depuración de augas residuais. Este recibo, correspondo a un período onde non se prestaba o servizo, nen había persoal contratado, nin a enerxía eléctrica, nin conectado o sistema de interceptores e colectores xerais.

Segundo o Regulamento de Participación Cidadá, correspondía no prazo dun mes, ter unha resposta do alcalde, ou da concelleira delegada para este asunto Maite Deus. Anunciaron a súa intención de intervir no pleno do próximo mércores 24 de xullo. "Este é un dos temas urxentes da cidade, porque representa un cobro discriminatorio e abusivo", en relación a eses 7.129.145,59 de euros que os veciños e veciñas de Narón non van pagar, e pola contra en Ferrol si. Un período de 31 meses desde setembro de 2014, cando a depuradora non funcionaba, e o sistema non estaba conectado. "Apenas chegaba á depuradora o 1,5% das augas residuais da cidade, e para iso saían a cano libre sen depurar ao mar". A Plataforma nomea unha serie de informes internos e externos ao propio concello que así o demostran, "trátase dunha financiamento encuberto que a parte privada de Emafesa, SOCAMEX, que ostenta a xerencia da empresa, e na práctica o control da mesma, quere impor á veciñanza de Ferrol". A Plataforma continua realizando ao longo deste mes de xullo asembleas informativas nos barrios. Este martes 23 de xullo, será na Praza Vella ás 8 da tarde, e os puntos informativos, de 10 a 12 da mañá, ao longo da semana:
➤ Martes, Centro Cívico de Caranza.
➤Mércores, Local da AAVV O Rosario, no Inferniño.
➤ Xoves, Centro Cívico de Canido.

A Rolda de prensa segundo algúns medios:

➮ 2019.07.22 - Galici@Press. | Critican la "falta de respuesta" del alcalde de Ferrol para tratar el cobro de la tasa de saneamiento de Emafesa
Europa Press | lunes, 22 de julio de 2019, 15:52 . | Ir á Web.

➮ 2019.07.22 - El Correo Gallego. | Rechazo en Ferrol a pagar 7 millones más en depuración. | Los vecinos reciben facturas con atrasos de 2014, pero el saneamiento se inició en 2017. | Ir á Web.

➮ 2019.07.22 - Radio Ferrol - Cadena Cope. | La Plataforma critica a Ángel Mato la falta de compromiso para solucionar el pago de la tasa de saneamiento. | Ya ha pasado un mes desde que se pusieron en contacto con el edil socialista, y siguen sin respuesta. | Ir á Web.

➮ 2019.07.22 - Diario de Ferrol. | Só a publican na edición impresa, na páxina 3, a unha columna con foto co titular: "Piden una reunión con Mato para hablar sobre la tasa del agua". | Ir á Imaxe.

PLATAFORMA NA DEFENSA
DOS SERVIZOS PÚBLICOS,
POLA REMUNICIPALIZACIÓN
Abonda de saqueo! Hai outras alternativas!
Pódese, débese e precísase!
Correo-e: remunicipalizacion.plataforma@gmail.com
Web: https://plataformaferrol.blogspot.com.es/
Facebook: @RemunicipalizarFerrol   |  Twitter: @municipalizarFT
____________


Por favor, o contido do seu comentario debe estar relacionado co asunto do artigo.

Prega-se o maior respecto coas persoas, polo que ataques persoais e insultos serán eliminados.

Por favor, non use os comentarios, só para facer propaganda do seu sitio ou será eliminado.
EmoticonEmoticon