Amosando publicacións coa etiqueta Alianza Social Galega. Amosar todas as publicacións
Amosando publicacións coa etiqueta Alianza Social Galega. Amosar todas as publicacións

martes, novembro 18, 2014

A Asemblea Aberta contra a represión de Ferrolterra mobiliza contra a Lei Mordaza coa que Partido Popular pretende calarnos, este sábado 22 de novembro, na Praza do Concello de Ferrol - E o Domingo 23 de Novembro Mobilización en Ferrol, como noutras cidades da Galiza, convocadas pola Alianza Social Galega


O sábado 22 de novembro de 2014 e desde as cinco e media da tarde a Asemblea Aberta contra a represión de Ferrolterra estaremos na Praza de Armas de Ferrol concentrados protestando contra a Lei Mordaza coa que Partido Popular pretende calarnos.

Ademais, durante a concentración daremos ampla información sobre a lei a todas aquelas persoas que se acheguen á mesma. Ven e infórmate sobre a Lei Mordaza ou de inseguridade cidadá.

Evento no facebook:
https://www.facebook.com/events/403358759822677/

Asemblea Aberta contra a represión de Ferrolterra
Correo-e:
aarepresionferrol[arroba]gmail.com
Conta no facebook:
https://www.facebook.com/aarepresionferrol

_________________

E o Domingo 23 de Novembro Mobilización en Ferrol, como noutras cidades da Galiza, ás 12 do mediodía na Praza da Porta Nova (Polo de agora Praza de España):

A Alianza Social Galega chama a mobilizarse en todas as cidades galegas contra a reforma da Lei de Seguridade Cidadá | Denuncia que o obxectivo do PP, con esta reforma, é reprimir a mobilización social contra as súas políticas de recorte de dereitos sociais e laborais | Ir a Web.

xoves, novembro 13, 2014

Como en toda Galiza hoxe mobilizacións diante das sedes do Partido Popular en protesta ante a imposición da Lei Morzaza coa que queren criminalizar a protesta social


CONVOCATORIA DA ALIANZA SOCIAL GALEGA


A ALIANZA SOCIAL GALEGA CONVOCA UNHA CONCENTRACIÓN SILENCIOSA DIANTE DA SEDE DO PP DE FERROL PARA ESTE XOVES, 13 DE NOVEMBRO ÁS  19 HORAS CONTRA A LEI DE SEGURIDADE CIDADÁ (LEI MORDAZA).

A Alianza Social Galega lembra que está en plena tramitación no Congreso dos Deputados  a reforma da Lei de Seguridade Cidadá, que pretende a implantación dun Estado Policial e reprimir con dureza a contestación social. Por iso considera imprescindíbel que se promovan accións en todos os ámbitos, nomeadamente o institucional, que permitan que esta lei non vaia adiante.

NON Á LEI DE SEGURIDADE CIDADÁ,
É UNHA LEI MORDAZA.

ATENTA CONTRA AS LIBERDADES PÚBLICAS,
É UN GOLPE DE ESTADO ENCUBERTO.

Enviado por:
Fernández Sixto, Juan - Monturas (FE)
-jefernandez@navantia.es-
13 de novembro de 2014 07:39

_____________

venres, novembro 07, 2014

Este xoves 6N houbo unha Xunta comarcal da Alianza Social Galega para mobilizar-se ante a aceleración da tramitación para a aprobación Lei Mordaza

XUNTANZA ALIANZA SOCIAL GALEGA
COMARCA DE FERROL


Ante o acelerón da tramitación parlamentaria da Lei de Seguridade Cidadá, celebramos unha xuntanza este xoves, 6 de novembro ás 18 horas nos locais do Sindicato CIG coa asistencia dos Secretarios/a comarcais dos sindicatos CIG, CC OO, UGT. Carlos Outeiro pola Mesa Normalización Lingüística, Xosé M. Sanxoán pola Plataforma Sanidade Pública de Ferrolterra, segundo os acordos tomados pola ALIANZA SOCIAL GALEGA este pasado día 24 de outubro en Santiagpo de Compostela e que se traslada as comarcas as seguintes accións e mobilizacións.    

Xoves, día 13 de Novembro pola tarde .-
CONCENTRACIÓN SILENCIOSA diante da sede do Partido Popular.

Domingo 23 de Novembro, ás 12 horas .-
MANIFESTACIÓN COMARCAL con saída da Praza de España, continuando pola Rúa Real até a Praza do Concello.

Ferrol, a 6 de novembro de 2014.-

Secretaría .-

Notas.-
  • O Sindicatos UGT non apoia mobilizacións contra os Partidos Políticos e non apoia esta concentración.
  • A cartelaría estará dispoñible para recoller nos sindicatos.    
  • O MANIFESTO o vai ler un membro da Mesa de Normalización.                       
  • A pancarta de cabeza irán os representantes sindicais, CC OO, CIG, UGT, USTG, SINDICATOS DE ESTUDANTES, A MESA, PLATAFORMA SANIDADE PÚBLICA-FERROLTERRA.
  • Os representantes dos sindicatos encargaranse das comunicacións, manifesto, notas de prensa...etc.    
Plataforma en Defensa da Sanidade Pública de Ferrol
www.plataformadspferrol.blogspot.com
plataformadspferrol@gmail.com

Enviado por:
Plataforma en Defensa da Sanidade Pública Ferrol
-plataformadspferrol gmail.com-
6 de novembro de 2014 23:34

___________________

venres, febreiro 14, 2014

A Alianza Social Galega convoca mobilizacións o vindeiro 27 de febreiro “por outra saída da crise” - En Ferrol tamén haberá manifestación


A Alianza Social Galega convoca mobilizacións o vindeiro 27 de febreiro “por outra saída da crise

A Alianza Social Galega1, da que forma parte o Sindicato Labrego Galego, vén de convocar mobilizacións nas principais cidades e vilas galegas o vindeiro 27 de febreiro. Baixo o lema “Por outra saída da crise”, a Alianza Social Galega fará público un manifesto (pódese descargar ao final desta páxina) co que o meirande do tecido social galego esixirá dos gobernos políticas alternativas aos “recortes impostos polo Partido Popular que só conseguen aumentar aínda máis o paro, a emigración, os desafiuzamentos, o empobrecemento e a exclusión social de máis galegos e galegas”.

A ASG denuncia que, na Galiza, “xa superamos as 271.500 persoas paradas que queren traballar e non atopan emprego; case o 45 % carecen de cobertura de ningún tipo; 77.164 persoas entre 25 a 34 anos abandonaron Galicia nos últimos anos (unha media de 30 persoas por día). Á destrución dos sectores produtivos básicos (agrario, pesqueiro, etc.) e do sector industrial (con especial gravidade no naval) e a desertización do medio rural, engádese o desmantelamento do sector financeiro galego”.

Todo isto vese agravado polos recortes orzamentarios da Xunta para 2014, cunha baixada do 10% para políticas de emprego, ademais de minguas importantes no financiamento da sanidade, educación e servizos sociais.

A reforma laboral, o recorte das pensións, a Lomce, a desprotección sanitaria da mocidade, a paralización da Lei de Dependencia, a Lei do Aborto, a privatización de servizos públicos municipais, a reforma da Lei Hipotecaria ou a Lei de Seguridade Cidadá, a destrución do medio ambiente ou a desertización do medio rural forman unha constelación de problemáticas contra as que a Alianza Social Galega pretende mobilizar á sociedade para que as decisións políticas duns poucos non hipotequen o presente e o futuro dun país enteiro.


INTEGRANTES: A Mesa pola Normalización Lingüística; Altermundo; Asemblea de Cooperación pola Paz; Asociación Fuco Buxán; Asociación Galega de Historiadores; Asociación Galega de Mariscadoras/es; Asociación Monte Pindo Parque Natural; Asociación para a Defensa Ecolóxica de Galicia (ADEGA); Asociación Sociocultural Namentras; Asociación Sociopedagóxica Galega; Confederación Intersindical Galega (CIG); COGAVE; Colectivo Encontro Benestar Social; Colexio de Educadores/as Sociais de Galicia; Comisión pola recuperación da memoria histórica da Coruña; Comités Abertos de Facultade; CONFAPA Galicia; Confraría Pescadores Poboa do Caramiñal; Coordinadora Galega de ONG; Escola Viva; Fed. ANPAS Compostela; Federación de Asociacións Culturais Galiza Cultura; Federación de Asociacións de Mulleres Rurais; Federación de profesionais e Autónomos/as de Galicia; Federación Galega do Medio Ambiente; Federación Galega de Bandas de Música Populares; Federación Provincial APAS Lugo; Federación Rural Galega; Fundación 10 de Marzo; Fundación Castelao; Fundación Defensa dos Consumidores; Fundación Estudo e Divulgación da Cuestión Social e Sindical na Galiza; Fundación Galicia Sempre; Fundación Luís Tilve; Fundación Paz e Solidariedade; Iniciativa Estudantil Galega; Iniciativa Galega Pola Memoria; Instituto de Cooperación ao Desenvolvemento de Galicia ISCOD; Instituto Galego da Historia; Liga Estudantil Galega; Mesa Galega de Educación no Rural; Movemento polos Dereitos Civís; Nova Escola Galega; Plataforma en Defensa do Ensino Público; Plataforma en Defensa do Sistema Público Galego de Servizos Sociais; Plataforma Galega Defensa do Ensino Público; Plataforma polo Emprego; Plataforma Queremos Galego; S. N. de CCOO de Galicia; Seminario Galego de Educación para a Paz; Sindicato de Estudantes; Sindicato de Xornalistas; Sindicato Labrego Galego; Sindicato Traballadores Ensino Galicia; SOS Sanidade Pública; UGT-Galicia; Unión de Autónomos de Transporte por Carretera y Mar; Unión de Profesionais e Traballadores Autónomos; Unións Agrarias; USTG; Xustiza e Sociedade.

Fonte: Sinndicato Labrego Galego | 7 de Febreiro do 2014

Enlace para acceder ou baixar o Manifesto unitario da convocatoria nacional, para o 27 de Febreiro de 2014 nas cidades e nalgunhas vilas da Galiza.

Foto de Avantar.
 _____________

xoves, xaneiro 23, 2014

Os Secretarios Xerais de CIG, CCOO e UGT, convocan, unha xuntanza nacional da Alianza Social Galega en Compostela

O pasado 16 de Xaneiro de 2014, Xesús Seixo Fernández da CIG, Xosé Manuel Sánchez Aguión de S.N. de CCOO de Galicia e José Antonio Gómez Gómez de UGT Galicia, asinan unha convocatoria para reunir en Compostela a Alianza Social Galega, na súa misiva alegan que "ante a grave situación que estamos a padecer en Galicia como consecuencia das decisións adoptadas polos Gobernos Central e da Xunta en forma de recortes públicos e de dereitos e liberdades, e ante o horizonte de que se teime en agudizar os seus efectos sobre a cidadanía en forma de máis recortes, desde as tres organizacións sindicais queremos propoñervos celebrar unha xuntanza das organizacións e entidades que conforman a Alianza Social Galega co obxectivo de promover unha mobilización social en Galicia que poña freo a esta escalada antisocial".

Na citada xuntanza quere-se debater e consensuar un Manifesto Nacional dirixido a todo o pobo galego onde se faga un chamamento á mobilización social contra as políticas neoliberais, inxustas, ... que nos arruínan, empobrecen e precarizan como  como persoas e como País.

A xuntanza está convocada para o vindeiro Luns, 27 de xaneiro, ás 17:00 horas no salón de actos do CERSIA, na rúa Alcalde Raimundo López de San Lázaro, en Santiago de Compostela.

A Alianza Social Galega está integrada, a nivel nacional, polas seguintes organización:
A Mesa pola Normalización Lingüística; ACSUR Galicia; Asemblea de Cooperación Pola Paz; Asociación Fuco Buzán; Asociación Galega de Historiadores; Asociación Galega de Mariscadoras/es; Asociación Monte Pindo Parque Natural; Asociación para a Defensa Ecolóxica de Galicia (ADEGA); Asociación Sociocultural Namentras; Asociación Sociopedagóxica Galega Colexio de Educadores/as Sociais de Galicia; Comisión pola recuperación da memoria histórica da Coruña; Comités Abertos de Facultade; CONFAPA Galicia; Confederación Intersindical Galega (CIG); Confraría Pescadores Póboa do Caramiñal; Coordinadora Galega de ONGs; Escola Viva; Fed. ANPAS Compostela; Federación de Asociacións Culturais Galiza Cultura; Federación de Asociacións de Mulleres Rurais; Federación de Profesionais e Autónomos/as de Galicia; Federación Galega d Medio Ambiente; Federación Galega de Bandas de Música Populares; Federación Provincial APAS Lugo; Federación Rural Galega; Fundación 10 de Marzo; Fundación Castelao; Fundación Defensa dos Consumidores; Fundación Estudo e Divulgación da Cuestión Social e Sindical na Galiza; Fundación Galiza Sempre; Fundación Luís Tilve; Fundación Paz e Solidariedade; Iniciativa Estudantil Galega; Iniciativa Galega Pola Memoria; Instituto de Cooperación ao Desenvolvemento de Galicia ISCOD; Instituto Galego da Historia; Liga Estudantil Galega; Movemento polos Dereitos Civís; Nova Escola Galega; Plataforma Defensa Ensino Público; Plataforma Defensa Sistema Público Galego de Servizos Sociais; Plataforma Galega Defensa Ensino Público; Plataforma polo Emprego (Asociación); Plataforma Queremos Galego; Seminario Galego de Educación para a Paz; Sindicato de Estudantes; Sindicato de Xornalistas; Sindicato Labrego Galego; Sindicato Nacional de CCOO de Galicia; Sindicato Traballadores e Traballadoras Ensino Galicia; SOS Sanidade Pública; Unión de Autónomos de Transporte Carretera e Mar; UGT Galicia; Unión de Profesionais e Traballadores Autónomos; Unións Agrarias; USTG; Xustiza e Sociedade.
____________

xoves, decembro 20, 2012

Concentración celebrada hoxe na defensa dos dereitos civís e unha saída ao sistema capitalista


Mobilización en Ferrol da Alianza Social Galega, deste Xoves 20 de Decembro. No resto de Galiza tiveron lugar 11 mobilizacións máis en diferentes cidades e vilas.

Enlace relacionado:
Ártabra 21: 20 de Decembro Mobilización Xeral da Alianza Social Galega - Concentración en Ferrol

Fotos de Susete'70.
_____________

mércores, decembro 19, 2012

20 de Decembro Mobilización Xeral da Alianza Social Galega - Concentración en Ferrol


A Alianza Social Galega, convoca unha mobilización xeral na Galiza en 12 cidades e vilas do noso territorio. O pasado 13 de Decembro celebraba unha Rolda de Prensa para facer publica a mobilización e os obxectivos que persegue, a través dun Manifesto Unitario, onde se reivindican saídas alternativas á crise que non pasen polas retalladas drásticas que se lle están a dar a dereitos e servizos públicos básicos para a cidadanía.

CONCENTRACIÓN EN FERROL


Día: Xoves 20 de Decembro de 2012.
Hora: 19:30hrs.
Lugar: Praza Amada Garcia - Diante do Edificio Administrativo da Xunta de Galicia

Desde Ártabra 21 aledamo-nos destas iniciativas e que por fin dirixentes políticos e sindicais, vexan na unidade de acción contra o dereitista Partido Popular e as súas políticas emanadas da troika (FMI, BCE e CE), como moi necesaria, para combater ao Capitalismo Financeiro e ás grandes transnacionais que nos saquean, matan e empobrecen, coa súas políticas neoliberais.

Este é o manifesto que suscriben máis de máis de sesenta entidades que integran e pretendemos integrar a Alianza Social Galega:



MANIFESTO UNITARIO

As organizacións e entidades que conformamos a ALIANZA SOCIAL GALEGA para dar unha resposta colectiva ás nefastas políticas antisociais que, seguindo os ditados da Unión Europea, do Fondo Monetario Internacional, do Banco Central Europeo e da patronal máis neoliberal, están desenvolvendo os Gobernos de Galicia e o Estado, denunciamos hoxe os novos recortes impostos polo Partido Popular que van traer máis paro, o empobrecemento da poboación e o aumento da exclusión social.

O Goberno de Mariano Rajoy celebra o seu primeiro ano de goberno impoñendo novos recortes nas pensións e na educación, privatizando a xustiza e condenando á pobreza extrema as familias e persoas desafiuzadas; en definitiva, ditando normas que nos fan retroceder varias décadas en liberdades e dereitos sociais e laborais.

UN NOVO RECORTE ÁS PENSIÓNS

Non satisfeito co recorte aplicado ás pensións nada máis chegar ao Goberno, Mariano Rajoy non só se desmente a si mesmo e mais os membros do seu Goberno que días atrás anunciaban a revalorización das pensións, senón que incumpre a Lei xeral da seguridade social no relativo á garantía de revalorización das pensión ao aprobar a non revalorización de pensións na desviación do ipc en 2012 e modificar a Lei do fondo de reserva.

A decisión do Goberno de non actualizar as pensións segundo o diferencial entre a suba de prezos ata o 30 de novembro, un 2,9%, e o incremento dun 1% aboado a principios de 2012 implica que unha pensión media en Galicia de 700 euros se reduciu en 260 euros o ano pasado, aos que hai que sumar os 260 que perderá este ano. É, polo tanto, unha medida inxusta cun dos colectivos máis vulnerables, o de pensionistas, e tamén ineficaz, enmarcada na continuada política de axustes que está a intensificar os negativos efectos da crise, deprimindo a demanda interna e repercutindo intensamente na actividade económica e o emprego.

RECORTES E RETROCESO NOS SERVIZOS PÚBLICOS DE ENSINO E SANIDADE

O Goberno prosegue a súa política de destrución do sistema educativo público cos recortes e coa nova reforma educativa (lomce) que combate os principios de comprensión, equidade e calidade, para consolidar un ensino dual mediante a estratexia de abandonar á súa sorte a educación pública e potenciar a privada concertada, ao tempo que converte o sistema educativo nunha carreira de obstáculos, insuperables para quen ten máis dificultades de aprendizaxe e menos recursos económicos.

O anteproxecto presentado, imbuído de afán privatizador e mesmo subvencionador de centros que segregan alumnado por razón de sexo, serve de máscara para afondar nunha reforma ideolóxica do sistema educativo segregadora, elitista e selectiva. Supón un retroceso na xestión democrática dos centros, impón reválidas para conseguir o título de eso e bacharelato, desbota a educación en valores e amosa un desprezo total polo galego e pola conformación plurinacional, plurilingüística e pluricultural do Estado.

Rexeita aspectos como a equidade, a igualdade de oportunidades, a atención á diversidade, a atención individualizada; e incrementa as ratios e as horas lectivas do profesorado, que repercutirán no empeoramento da calidade do ensino e no abandono e fracaso escolar.

Reforza a confesionalidade, é contrario ao ensino laico e mantén o ensino de relixión no currículo escolar.

A privatización da sanidade levada a cabo polo Goberno do PP, coa única intención de poñela nas mans das empresas privadas para o seu lucro (Capio, Ribera de Saúde…), conduce á destrución do sistema sanitario como un servizo público en que se garanta o dereito universal á prestación sanitaria de toda a poboación, sen ter en conta a súa renda económica. O pagamento dos medicamentos polos pensionistas así como o transporte en ambulancias, as próteses e as cadeiras de rodas para as persoas con discapacidade; a supresión do dereito á asistencia de quen non cotice, como os mozos e mozas de máis de 26 anos, certos colectivos de mulleres, inmigrantes ou persoas en exclusión social; e o anuncio de copagamento polos servizos que se exclúan da carteira de servizos son as primeiras consecuencias destas medidas.

Séguese a privatizar hospitais, abandónanse os novos centros de saúde e desmantélanse as áreas sanitarias en función dun modelo privatizador enfocado ao beneficio económico empresarial que deteriora a calidade da atención, dá cabo do dereito á asistencia universal e equitativa e conduce a unha sanidade de ricos e pobres.

NON Á XUSTIZA CLASISTA

A Lei de taxas xudiciais recorta o acceso ao servizo público da xustiza e supón un claro retroceso do Estado de dereito ao limitar gravemente para amplos colectivos sociais, e en moitos casos deixalos fóra, as posibilidades reais de accederen á xustiza.

A Lei de taxas expulsa as persoas sen recursos da Administración de Xustiza porque se impoñen unhas taxas que só poderá pagar unha minoría ao establecer, por exemplo, que unha persoa con ingresos de 1.200 euros pague as mesmas taxas que outra que gañe 100.000 euros; ou que unha familia de dúas persoas con traballo e cobrando o salario mínimo deba pagar taxas; por non falar de que un recurso contra un despedimento vaille custar o mesmo ao traballador ca se quen recorre é a propia empresa.

A Lei de taxas é o inicio do desmantelamento do servizo público da xustiza e ataca o dereito constitucional á tutela xudicial efectiva.

REFORMA DA LEI HIPOTECARIA

Son máis de nove mil as familias desafiuzadas en Galicia desde que comezou a crise. Persoas que pertencen aos colectivos sociais máis afectados pola situación, que perden a súa vivenda e que, na maior parte dos casos, ven embargadas as nóminas, ingresos ou propiedades ao seu nome. Familias e persoas condenadas á exclusión social polos abusos das entidades financeiras e por un Goberno cómplice.

Esta situación só pode cambiar cunha modificación da Lei hipotecaria e da Lei de axuizamento civil para regular a dación en pagamento retroactiva, paralizar os desafiuzamentos e promover o alugamento social. Fronte a esta necesidade, o Goberno aproba un decreto insuficiente que non contén solucións estruturais e exonera as entidades financeiras das súas responsabilidades na inadecuada xestión dos préstamos.

Urxen medidas transitorias integrais, mentres non se modifique a lexislación en materia de execución hipotecaria, como a suspensión temporal dos procesos de execución en marcha.

SOLUCIÓN PARA AS VÍTIMAS DAS ESTAFAS BANCARIAS

En setenta mil se estima en Galicia a cifra de persoas afectadas pola estafa das preferentes e subordinadas. Moitas familias saqueadas pola cobiza do capital financeiro esperan do poder político unha solución que sexa a devolución íntegra dos seus aforros, en moitos casos, de toda unha vida de traballo. Resulta inadmisible que nun Estado que se declara social de dereito rescaten a banca e deixen ao pairo as persoas, os mesmos que urdiron a trama e perpetraron o maior desfalco da historia do noso país en beneficio dos especuladores e incompetentes. Polo tanto, esiximos tamén a protección do aforro popular a través da creación dunha banca pública galega orientada ao desenvolvemento do tecido económico de maneira racional e sostible, que cumpra cos obxectivos sociais que nunca deberon abandonar as caixas de aforro de Galicia.

NON AO RECORTE DAS PENSIÓNS!

NON Á PRIVATIZACIÓN DA EDUCACIÓN E DA SANIDADE!

NON Á XUSTIZA CLASISTA E DISCRIMINATORIA!

NON AOS DESAFIUZAMENTOS!

INTEGRANTES: A Mesa pola Normalización Lingüística; ACSUR Galicia; Asemblea de Cooperación pola Paz; Asociación Fuco Buxán; Asociación Galega de Historiadores; Asociación Galega de Mariscadoras/es; Asociación Monte Pindo Parque Natural; Asociación para a Defensa Ecolóxica de Galicia (ADEGA); Asociación Sociocultural Namentras; Asociación Sociopedagóxica Galega; Confederación Intersindical Galega (CIG); COGAVE; Colectivo Encontro Benestar Social; Colexio de Educadores/as Sociais de Galicia; Comisión pola recuperación da memoria histórica da Coruña; Comités Abertos de Facultade; CONFAPA Galicia; Confraría Pescadores Poboa do Caramiñal; Coordinadora Galega de ONG; Escola Viva; Fed. ANPAS Compostela; Federación de Asociacións Culturais Galiza Cultura; Federación de Asociacións de Mulleres Rurais; Federación de Profesionais e Autónomos/as de Galicia; Federación Galega do Medio Ambiente; Federación Galega de Bandas de Música Populares; Federación Provincial APAS Lugo; Federación Rural Galega; Fundación 10 de Marzo; Fundación Castelao; Fundación Defensa dos Consumidores; Fundación Estudo e Divulgación da Cuestión Social e Sindical na Galiza; Fundación Galicia Sempre; Fundación Luís Tilve; Fundación Paz e Solidariedade; Iniciativa Estudantil Galega; Iniciativa Galega Pola Memoria; Instituto de Cooperación ao Desenvolvemento de Galicia ISCOD; Instituto Galego da Historia; Liga Estudantil Galega; Mesa Galega de Educación no Rural; Movemento polos Dereitos Civís; Nova Escola Galega; Plataforma en Defensa do Ensino Público; Plataforma en Defensa do Sistema Público Galego de Servizos Sociais; Plataforma Galega Defensa do Ensino Público; Plataforma polo Emprego; Plataforma Queremos Galego; S. N. de CCOO de Galicia; Seminario Galego de Educación para a Paz; Sindicato de Estudantes; Sindicato de Xornalistas; Sindicato Labrego Galego; Sindicato Traballadores Ensino Galicia; SOS Sanidade Pública; UGT-Galicia; Unión de Autónomos de Transporte por Carretera y Mar; Unión de Profesionais e Traballadores Autónomos; Unións Agrarias; USTG; Xustiza e Sociedade

MANIFESTO FUNDACIONAL

Na segunda reunión celebrada 18 de Outubro, elaborou-se o Manifesto Fundacional que conten as principais propostas da Alianza.
___________