Xurdimos a favor dunha política xusta, democrática, participativa e sustentábel, responsábel cara o futuro da humanidade e do resto das especies, respectuosa e defensora do medio natural, na convicción de que un outro mundo non só é posíbel senón que é necesario.
HomePosts filed under Defensa do Sistema Público de Pensións
O movemento democrático e reivindicativo de pensionistas pretendemos conseguir reverter as contrarreformas de pensións impostas e paralizar as que nos queren impoñer en contra dos intereses da clase traballadora. Recuperar dereitos perdidos e reclamar unha política económica e social que xere un reparto equitativo da riqueza.
💚 Para a mobilización do 15 de outubro, xa se está organizando a marcha a Madrid, para apuntar-se nos buses chamar ao teléfono 616 86 86 02 .
EXIXIMOS O IPC REAL E PENSIÓNS MÍNIMAS DIGNAS.
AUDITORÍA PÚBLICA DAS CONTAS DA SEGURIDADE SOCIAL, SEN DEMORA XA !
Hoxe foi a concentración do movemento na defensa das pensión públicas no Cantón de Ferrol, coa intervención de Pablo Portero e Luzia Vizoso.
A Plataforma de Ferrolterra na Defensa das pensión públicas (Modepen-Ferrolterra), realizou hoxe venres 18 de marzo,
unha nova concentración na defensa do sistema público de pensións e
polo mantemento do seu poder adquisitivo - No Cantón de Ferrol, ás 12 do mediodía.
A Plataforma de Ferrolterra na Defensa das pensión públicas (Modepen-Ferrolterra), convoca hoxe venres 18 de marzo, unha nova concentración na defensa do sistema público de pensións e polo mantemento do poder adquisitivo - No Cantón de Ferrol, ás 12 do mediodía.
O vindeiro sábado 12 de febreiro, centos de colectivos e plataformas de todo o Estado convocan mobilizacións na defensa do sistema público de pensións, na Galiza as mobilizacións van ter lugar nas vilas de Cangas e Ribadeo. Desde Ferrolterra partirá un autobús que sairá ás 10 da mañá.
A Plataforma de Ferrolterra na Defensa das Pensións Públicas vai participar na manifestación de Ribadeo que partirá ás 12 do mediodía desde a Estación de Autobuses da vila da mariña lucense. Para achegar-se a Ribadeo, a Plataforma levará un autobús que saíra ás 10 da mañá desde a Praza 10 de Marzo (entre as Casas Baratas e a estrada d'As Pías). O regreso está previsto ao finalizar a manifestación (aprox. sobre as 13:30hs). O prezo do billete ida/volta: 10 euros. A data límite para apuntarse é o mércores 9 de febreiro, nos teléfonos de contacto: 616868602 e 629850305.
Exiximos:
* Recuperación do poder adquisitivo, aplicación do IPC real acumulado (aplicación do 5,6%). * Restablecer a xubilación ordinaria aos 65 anos. * Eliminación das desgravacións fiscais aos plans privados de pensións. * Derrogación das reformas dos anos 2011 e 2013. * Creación dunha banca pública galega.
Manifesto da Xornada de Mobilización Estatal de Pensionistas do 12 de febreiro 2022
As organizacións de pensionistas de diferentes Pobos e Comunidades do Estado Español asinaron un manifesto convocando unha nova mobilización conxunta e descentralizada en defensa do sistema público de pensións e contra a nova reforma que pretende recortalo e deterioralo unha vez máis para o vindeiro 12 de febreiro.
No manifesto chámase aos pensionistas e a toda a cidadanía, a defender unhas pensións dignas, o seu carácter público e unas condicións de traballo dignas, para EXIXIR:
– Garantir que en 2022 e anos sucesivos o poder adquisitivo das pensións se revalorice en función do incremento do “IPC real” (o “IPC Acumulado Anual”) tal como se viña facendo antes da reforma de 2011, así como a compensar a perda do 3% do poder adquisitivo das pensións do ano 2021.
– Garantir que non haxa pensións por debaixo do limiar da pobreza, eliminando a fenda de xénero en salarios e pensións e incrementando a pensión mínima até equipararse ao salario mínimo (SMI), e que este se sitúe no 60% do salario medio, como recomenda a Carta Social Europea.
– Garantir pensións públicas dignas xustas e suficientes e o carácter público do Sistema de Pensións, derrogando os recortes das reformas de 2011, 2013 y 2021, e rexeitando a privatización total ou parcial do mesmo, baixo calquera fórmula.
✅ Texto completo do Manifesto da Xornada de Mobilización Estatal de Pensionistas do 12 de febreiro 2022. | Acceder/baixar.
O pasado sábado 2 de outubro, tiña lugar unha marcha en Madrid convocada por máis de 90 organizacións e colectivos, na defensa dos dereitos sociais e os servizos públicos: pensións, dereitos
laborais, igualdade, sanidade, educación, vivenda, atención social,
residencias, transporte público, subministracións básicas, ecoloxismo, co
obxectivo de defender uns dereitos e servizos públicos de calidade,
universais e sostíbeis. Para o movemento na defensa das pensións públicas que participamos nesa marcha foi un avance da mobilización que está convocada para o vindeiro sábado 16 de outubro, tamén en Madrid, onde a grande maioría das plataformas de pensionistas puxémonos de acordo para a convocatoria desta grande mobilización unitaria. Desde a nosa comarca a Plataforma de Ferrolterra na Defensa das Pensións Públicas, estamos integrada na plataforma galega MODEPEN, imos ir a Madrid, para participar na mobilización, para o cal fretamos un autobús que sairá ás 12 da noite da Praza 10 de Marzo de Ferrol, pasando por Caranza, Fene e Cabanas, o regreso será o sábado 16 de outubro, sobre as 2 da tarde, unha vez rematada a concentración que terá lugar nas inmediacións do Congreso do Deputados, ás 12 do mediodía. O prezo do bus é de 32 euros ida e volta, o bus está adaptado ás normas covid, con dous condutores, con baño e sistema de ventilación adecuado. Para apuntar-se hau dous teléfonos de contacto o 616868602 e o 629850305.
Polas pensións presentes e futuras... Participa !!
En Madrid tamén imos a entregar aos grupos parlamentarios, as miles de sinaturas demandando unha auditoría das contas da Seguridade Social.
Valoración do MODEPEN do Acordo sobre Pensións de 28 de xuño de 2021
O 28 de xuño as organizacións sindicais CCOO e UGT, as patronais CEOE e CEPYME e o Ministerio de Inclusión, Seguridade Social e Migracións chegaron a un acordo para reformar o sistema público de pensións.
O Movemento Social en Defensa das Pensións Públicas (MSDPP) non foi convocado para a negociación [*]. É xa unha práctica internacional consolidada que, para acordar decisións de importancia estratéxica, se conte coas organizacións representativas da sociedade civil, por exemplo, nos cumes internacionais sobre a mudanza climática ou sobre dereitos da muller. Non é este o criterio no Reino de España, onde se deposita toda a representatividade nun grupo de organizacións afíns. Debemos lembrar que o MSDPP está constituído por decenas de plataformas en Galiza e máis de 300 en todo o Reino de España que levan anos desenvolvendo un labor de análise das reformas aprobadas, información pública e mobilización con grande influencia na sociedade. Porén, para o ministro Escrivá e as organizacións asinantes do Acordo, o MSDPP non existe.
Resumo da valoración do Acordo
A. Acéptanse tres reivindicacións do MSDPP:
A.1. Eliminación do factor de sostibilidade.
A.2. Eliminación do factor de índice de revalorización das pensións (IRP) e actualización anual de acordo co IPC.
A.3. Financiamento dos “gastos impropios” a cargo dos Orzamentos Xerais do Estado (OXE).
A aceptación destas tres reivindicacións supón un enorme éxito para o MSDPP. Por primeira vez en décadas un movemento social pon á defensiva ao capital financeiro, dificultando o seu obxectivo de substituír o sistema público de pensións de repartición por un sistema privado de capitalización. O MSDPP demostra que desde a organización, a difusión de información e a mobilización continuada, a maioría social pode consolidar os dereitos xa conquistados e alargalos.
Por outra banda, tamén consideramos un éxito do movemento pensionista, termos conseguido que non se aprobaran este ano moitas das medidas máis importantes da Reforma das Pensións que Escrivá pretendía aprobar en 2021, como son as relativas á determinación do número de anos de cotización sobre os que se calculará a base reguladora das pensións, ou a posta en marcha da recomendación 16 do Pacto de Toledo, de iniciar a privatización do sistema de pensións mediante o fomento dos plans de emprego de capitalización. Estas medidas se pretenderán aprobar en 2022 e alí estará o movemento pensionista para mobilizarnos activamente contra a súa aprobación.
B. Porén, o acordo recolle elementos moi negativos entre os que destacamos:
B.1. Mantense a idade legal de xubilación aos 67 anos.
B.2. Increméntanse as penalizacións para as persoas que se xubilen antes da idade legal de xubilación e mellóranse os incentivos para as persoas que se xubilen despois da idade legal de xubilación.
B.3. Conxélanse as porcentaxes da base reguladora que se percibe en concepto de viuvez.
B.4. Mantéñense as ameazas que, para as pensión públicas, representan algunhas das medidas que se adían para unha segunda fase de negociacióno ano que ven, como son as relativas a:
a. Determinación do número de anos de cotización sobre os que se calculará a base reguladora das pensións.
b. Definición do chamado mecanismo de equidade interxeneracional.
c. Posta en marcha da recomendación 16 do Pacto de Toledo de iniciar a privatización do sistema de pensións mediante o fomento dos plans de emprego de capitalización.
Argumentación da valoración do Acordo
A. Acéptanse tres reivindicacións do MSDPP:
A.1. Eliminación do Factor de Sostibilidade.
Elimínase o factor de sostibilidade que reduciría as pensións iniciais en función, entre outros factores, do aumento da esperanza de vida.
A eliminación do factor de sostibilidade é unha das grandes conquistas do MSDPP. No ano 2020 producíronse máis de 18 mil altas nas pensións de xubilación en Galiza e máis de 285 mil en todo o Estado español. O número de altas en todas as modalidades de pensións foi de 36 mil e 532 mil respectivamente. Todas estas persoas, e un número semellante nos anos vindeiros, beneficiaranse da eliminación do factor de sostibilidade.
Porén, nos próximos 5 meses, polo tanto antes de novembro, o ministro Escrivá presentará para a súa negociación un chamado mecanismo de equidade interxeneracional. Desde o MODEPEN e todo o MSDPP estaremos vixilantes pois sospeitamos que Escrivá proporá unha versión edulcorada do anterior factor de sostibilidade. De confirmarse esta sospeita, denunciarémolo e mobilizarémonos para frustrar a redución das futuras pensións.
A.2. Eliminación do índice de revalorización das pensións (IRP) e actualización anual de acordo co IPC.
A mobilización masiva que se iniciou en 2018 conseguiu romper o teito do 0,25% que se derivaba da aplicación do IRP. Agora a presión sostida no tempo obriga a eliminalo definitivamente. As pensións de case 800 mil persoas na Galiza e 9 millóns en todo o Reino de España manterán o seu poder adquisitivo. O MSDPP derrotou os intentos do capital liderados polo Banco de España (BE) e a Comisión Europea (CE) de conxelar esa parte do produto social que reciben as clases traballadoras como salario diferido.
A.3. Financiamento dos chamados “gastos impropios a cargo dos Orzamentos Xerais do Estado (OXE).
Anúnciase que se trasladarán uns 22 mil millóns de gastos impropios desde o orzamento da Seguridade Social (SS) aos OXE. Esta contribución incluirase na Lei Xeral da Seguridade Social. Outro triunfo do MSDPP que reivindica desde hai anos que, onde non cheguen as cotizacións sociais, se financie o sistema de SS con ingresos procedentes dos impostos.
Este traslado aumentará o déficit público total. Continuamos reclamando unha reforma fiscal integral para aumentar os ingresos das administracións públicas e a progresividade do sistema aumentando o imposto de sociedades, o IRPF ás rendas máis altas, e en xeral a imposición sobre as rendas do capital. Lembramos que os ingresos fiscais no Reino de España son 6 puntos do PIB inferiores á media da UE- 27, máis de 70 mil millóns de euros necesarios para recuperar o gasto en I+D+i, transición ecolóxica, fortalecemento dos sistemas educativo, sanitario e de dependencia públicos, recuperación dunha verdadeira política industrial, etc.
En calquera caso, continuamos a reclamar a derrogación da reforma laboral de 2012, e a suba dos salarios, comezando polo SMI, o que melloraría o poder adquisitivo das traballadoras e traballadores en activo, ao tempo que alargaría a masa salarial total sobre a que se calculan as cotizacións sociais.
B. Porén, o Acordo recolle elementos moi negativos entre os que destacamos:
B.1. Mantense a idade legal de xubilación aos 67 anos.
Non se atende unha das reivindicacións máis importantes do MSDPP, a derrogación da reforma das pensións de 2011 e a recuperación do dereito á xubilación aos 65 anos.
Nas 4 últimas décadas o número “normal” de persoas paradas no conxunto do Estado español é superior aos 3 millóns ao que se debe sumar os máis de 2 millóns de contratos a tempo parcial non desexados. Hai 1 millón e medio de mulleres ocupadas menos que homes. A taxa de emprego das persoas entre 16 e 64 anos é dun pobre 62%. A taxa de paro da poboación moza non adoita baixar do 40%. Manter a idade legal de xubilación nos 67 anos implica dificultar a incorporación das mozas e mozos ao emprego e non se xustifica pola “falta” de forza de traballo.
Alén diso, supón un castigo inxusto e clasista para as traballadoras e traballadores que soportan condicións de traballo máis duras e esixentes. No conxunto da UE-27, a metade das ocupacións das clases traballadoras implican transportar cargas pesadas, case o 60% realízanse en posicións dolorosas ou fatigantes, e o 70% esixen movementos repetitivos de mans ou brazos. Podemos supor que na Galiza, estas porcentaxes son aínda superiores.
B.2. Increméntanse as penalizacións para as persoas que se xubilen antes da idade legal de xubilación e mellóranse os incentivos para as persoas que se xubilen despois da idade legal de xubilación.
a. Increméntase os coeficientes de penalización para as persoas que adianten a idade de xubilación 2 anos desde o actual máximo do 16% até o 21%. Esta reforma castiga as persoas que desempeñan traballos máis penosos. Lembramos que a idade legal de xubilación en 2021 é de 66 anos e que en 2027 chegará a 67 anos. As traballadoras da conserva, a atención a domicilio, as residencias da terceira idade, os traballadores da construción civil e naval ou das cadeas de produción deberán optar entre traballar en condicións penosas dous anos máis ou perder unha quinta parte da base reguladora á que teñen dereito polas cotizacións acumuladas. Son as empresas as que non queren traballadoras e traballadores de idade avanzada e os coaccionan para que deixen os postos de traballo. As carreiras laborais das mulleres son máis curtas debido entre outros factores aos abandonos temporais para coidado de familiares dependentes ao non existir un servizo de atención ás persoas dependentes semellante aos dos países socialmente máis avanzados. Os coeficientes presentan un nesgo de xénero evidente.
b. Incentivos ao atraso da xubilación. Increméntase os incentivos á permanencia no posto de traballo alén da idade legal de xubilación até o 4% e o 6% anual. En realidade “destópase” a pensión máxima. Os incentivos beneficiarán especialmente ás persoas que desempeñan profesións con mellores condicións de traballo, menor carga física, máis recoñecidas socialmente, con maior autonomía na organización das tarefas, e salarios máis altos: empresariado, funcionariado dos corpos máis altos, directivos das grandes empresas ...
c. O efecto combinado do aumento das penalizacións para as xubilacións anticipadas e os incentivos ao atraso da xubilación incrementará as diferenzas entre as pensións mínima, media e máximas, converténdose nun novo mecanismo clasista de aumento da desigualdade.
B.3. Conxélanse as porcentaxes da base reguladora que se percibe en concepto de viuvez.
Esquécese o colectivo de persoas viúvas o que as coloca nunha situación de precariedade, especialmente cando delas dependen outros familiares.
B.4. Déixase para unha segunda fase a negociación de varias cuestións de importancia decisiva e que supoñen unha forte ameaza para as pensións públicas:
a. Determinación do número de anos de cotización sobre os que se calculará a base reguladora das pensións.
Na reforma de 2011 aumentouse o número de anos para calcular a pensión inicial de 15 a 25. A intención do ministro Escrivá é chegar a toda a vida laboral. Na maioría das carreiras de cotización as bases de cotización máis altas concéntranse nos últimos anos traballados. Polo tanto, incrementar o número de anos contabilizados reduce a maioría das pensións iniciais. Estamos en contra desta proposta. Si, pensamos que se debe permitir elixir os mellores anos de cotización para colectivos como o das traballadoras e traballadores que quedaron en paro despois dos 50 anos.
b. Definición do chamado mecanismo de equidade interxeneracional.
O ministro Escrivá pretende reducir o gasto en pensións públicas, polo tanto é esperábel que presente un mecanismo cun novo nome e un contido semellante ao factor de sostibilidade.
c. Posta en marcha da recomendación 16 do Pacto de Toledo de iniciar a privatización do sistema de pensións mediante o fomento dos plans de emprego de capitalización.
MODEPEN oponse aos intentos de privatización das pensións mediante o fomento dos plans privados de capitalización de empresa.
Nos próximos meses MODEPEN, e o MSDPP, estaremos moi atentos á concreción destas tres cuestións e MOBILIZARÉMONOS SEMPRE QUE FOR NECESARIO EN DEFENSA DO SISTEMA PÚBLICO DE PENSIÓNS.
Nota.-
[*] O Movemento Social en Defensa das Pensións Públicas (MSDPP) está integrado polo conxunto de organizacións que se veñen mobilizando desde hai varios anos para defender o poder adquisitivo das pensións e o sistema público de seguridade social fronte ás propostas de privatización que promoven o Banco Central Europeo, a Comisión Europea e o Banco de España. É un movemento plural sobre tres eixos de actuación: organización, información e mobilización. Mantén unha presión constante que se fai masiva en momentos puntuais.
Tampouco foron convocadas á negociación outras centrais sindicais, como CIG e ELA-STV que, de acordo coa lexislación vixente, reúnen a condición de sindicatos
máis representativos
Polo dereito a envellecer con dignidade...
Todos os cidadáns teñen dereito a unha vida digna!
Plataforma Ferrolterra na Defensa das Pensións Públicas, integrada en MODEPEN (Movemento Galego pola Defensa das Pensión Públicas).
Este sábado 17 de abril, pensionistas e non pensionistas estaban chamadas a defender o sistema público de pensións, polas presentes e polas futuras. En Ferrol realizou-se unha concentración ás 12 do mediodía no Cantón.
Esta mobilización estaba encadrada nas convocadas en todas as cidades da Galiza e no resto do territorio do Estado.
Unha vez máis a Plataforma Ferrolterra na Defensa das Pensións Públicas - Modepen, mobilizou-se contra o empeño do ministro do goberno español Sr. Escrivá, de aumentar o negocio privado das corporacións financeiras promovendo os plans de pensións privados de empresa, en detrimento do sistema público de pensións.
Plataforma Na Defensa Das Pensions Publicas Ferrolterra que forma parte de MODEPEN (Movemento Galego na Defensa das Pensión Públicas). | @DefensaPensionsFerrolterra.
Este sábado 17 de abril, pensionistas e non pensionistas están chamadas a defender o sistema de pensións públicas, polas presentes e polas futuras. En Ferrol está convocada unha concentraciónás 12 do mediodía no Cantón. As mobilizacións están convocadas en todas as cidades da Galiza e no resto do territorio do Estado.
Unha vez máis a Plataforma Ferrolterra na Defensa das Pensións Públicas - Modepen, chaman a mobilizar-se contra o empeño do ministro do goberno español Sr. Escriva, de aumentar o negocio privado das corporacións financeiras promovendo os plans de pensións privados de empresa, en detrimento do sistema público de pensións.
Plataforma Ferrolterra na Defensa das Pensions Publicas que forma
parte de MODEPEN (Movemento Galego na Defensa das Pensión Públicas). |
@DefensaPensionsFerrolterra
Con moita chuvia, en Ferrol, como noutras cidades da Galiza e do resto do Estado, este luns 1 de marzo, ás 12 do mediodía, tivo lugar unha concentración en defensa do sistema público de pensións, para dicir non á fenda de xénero que provoca as recomendacións do Pacto de Toledo e non á reforma privatizadora das pensións do Ministro Sr Escriva.
MANIFESTO DO 1 DE MARZO
Tras moitos anos xa de lexislación pola igualdade, de clamor por ela,
tras moitos e concorridos 8 de marzo, a crúa realidade, é que, ás
mulleres, cando se xubilan, a fenda salarial que padeceron
durante a súa etapa laboral, duplícase á hora de cobrar a súa pensión e é
a máis inxustamente tratada.
A medida inmediata que recortaría de xeito importante esa fenda en
pensións sería igualándoas ás dos homes, seguindo as recomendacións da
Carta Social Europea, unha pensión mínima do 60% do salario medio, A
maioría das nosas pensións de xubiladas, viúvas e sen pensión propia,
atópanse por baixo, ou rozando o limiar da pobreza; polo que, a subida
do 1,8% nas pensións non contributivas é irrisoria e en moitos casos as
que se divorciaron fai anos, hoxe son pensionistas sen dereitos. Polo
cal, pérdese outra oportunidade de ir recortando a desigualdade
home/muller en materia de pensións.
As inxustas recomendacións aprobadas recentemente polo escuro Pacto de
Toledo e o Congreso, AGRAVAN a brecha de xénero actual. En 20 das 21 recomendacións aprobadas, esquécense das mulleres e na que se acordan, a
Nº 17, simplemente, é para encasillarnos como coidadoras e recomenda "buscar a igualdade efectiva entre homes e mulleres", pero non
proporciona ningunha solución. Polo que, a gran brecha que existe nos
salarios entre homes e mulleres, continua nas pensións e chégase a
cobrar cerca do 35% menos que os homes; así o recoñeceu a Seguridade
Social.
Denunciamos de forma contundente a recomendación n.º16 que dá o
pistoletazo de saída á privatización do Sistema Público de Pensións co
apoio do Estado e dos seus Orzamentos Xerais, isto plans privados de emprego de pensións que recomendan, aos que chaman eufemisticamente
"sistemas complementarios", ademais de detraer cotizacións do Sistema
Público para levalos ao Sistema Financeiro privado coa colaboración dos
axentes sociais do Sistema (patronal e sindicatos maioritarios); xerarán
no futuro dous tipos de pensións:
✔ Unhas pensións suficientes públicos/privadas, para unha minoría con soldos altos.
✔ Unhas pensións públicas soamente asistenciais e insuficientes para a gran maioría, sobre todo para as mulleres.
As recomendacións do Pacto de Toledo non recollen as reivindicacións
polas que levamos anos loitando os movementos de pensionistas. As 21 recomendacións camiñan cara a unha terceira Reforma das pensións,
mentres a nosa táboa reivindicativa segue intacta, e das que destacamos:
✔ Garantir por lei a revalorización das pensións de acordo ao IPC real e anual.
✔ Eliminación da brecha de xénero nas pensións.
✔ Pensión mínima igual a salario mínimo e este o 60% do salario medio como establece a Carta Social Europea.
✔ Derrogación das reformas de pensións de 2011 e 2013.
✔ Derrogación das reformas laborais de 2010 e 2012.
✔ Auditoría das contas da Seguridade Social para determinar a
magnitude do saqueo das mesmas e proceder á súa compensación á Tesourería
Xeral da Seguridade Social.
✔ Eliminación de coeficientes redutores en xubilacións
anticipadas. 100% da pensión cun mínimo de 40 anos cotizados e 60 anos
de idade.
✔ Supresión dos beneficios fiscais a plans privados de pensións, de empresa e EPSVs.
Por todo o exposto e antes de que o día 8 volvamos escoitar gritos de
igualdade entre homes e mulleres, en boca das persoas que nos gobernan,
as e os pensionistas gritamos hoxe 1 de marzo, en todo o país e máis
forte que nunca:
¡NON AO PACTO DE TOLEDO, XERADOR DE RECORTES DESDE A SÚA EXISTENCIA!
¡NON ÁS SÚAS RECOMENDACIÓNS, QUE AGRAVAN A FENDA EXISTENTE ENTRE
HOMES E MULLERES!
¡PENSIÓNS PÚBLICAS DIGNAS E SUFICIENTES!
¡IGUALDADE
EFECTIVA ENTRE HOMES E MULLERES EN SALARIOS E PENSIÓNS!
A Plataforma Na Defensa Das Pensions Publicas Ferrolterra que forma
parte de MODEPEN (Movemento Galego na Defensa das Pensión Públicas). |
@DefensaPensionsFerrolterra
Relacionado: Ártabra 21 | 20.02.2021 | En Ferrol, como noutras cidades da Galiza e do resto do Estado, este luns 1 de marzo, ás 12 do mediodía, está convocada unha concentración en defensa do sistema público de pensións, para dicir non á fenda de xénero que provoca as recomendacións do Pacto de Toledo e non á reforma privatizadora das pensións do Ministro Sr Escriva. | Ir á Web. ______________
As inxustas recomendacións aprobadas recentemente polo escuro Pacto de Toledo, agrava a fenda de xénero actual. En 20 das 21 recomendacións aprobadas, esquécense das mulleres aprofundando a inxusta discriminación actual.
En Ferrol como noutras cidades da Galiza e do resto do Estado, este luns 1 de marzo, ás 12 do mediodía, na Praza de España, esta convocada unha concentración en defensa do sistema público de pensións, para dicir non á fenda de xénero que provoca as recomendacións do Pacto de Toledo e non á reforma privatizadora das pensións do Ministro Sr Escriva.
O sistema público de pensións está en perigo polos plan privados de empresa que se pretenden implantar com un sistema complementario que romperán a caixa única da Seguridade Social e debilitarán as pensións públicas como as coñecemos ate o de agora. O acordo político do Pacto de Toledo xa está feito. Agora estase negociando o pacto social CEOE e CEPYME, os sindicatos maioritarios CCOO e UGT e o Ministerio de Seguridade Social co obxectivo de implantar unha reforma ás costas dos pensionistas.
O desenvolvemento dos mencionados Plans Privados de Empresa, é a proposta de reforma que suscita o Sr Escrivá, pretende detraer diñeiro público, mediante o aumento das desgravacións fiscais e mediante as achegas aos mesmos das distintas administracións públicas. É evidente que se pretende, a través deses Plans Privados de Empresa, desenvolver os sistemas de capitalización que nos levan á Mochila Austriaca.
Desde o movemento en defensa do sistema público de pensións e por unha pensións xustas, convoca-se á mobilización da sociedade, coas debidas medidas de seguridade pola situación de pandemia, para dicir non á fenda de xénero que provoca as recomendacións do Pacto de Toledo e manifestar o noso profundo rexeitamento a implantar, por medio dos convenios colectivos, os plans de pensións privados de empresa que nos levan a sistemas privados de capitalización.
---
A Plataforma Na Defensa Das Pensions Publicas Ferrolterra que forma parte de MODEPEN (Movemento Galego na Defensa das Pensión Públicas). | @DefensaPensionsFerrolterra
Estimado Sr. José Luís Escrivá Belmonte, Ministro de Inclusión, Seguridade Social e Migracións.
É a nosa intención informarlle sobre as reivindicacións das Plataformas que se integran na Coordinadora Estatal en Defensa das Pensións Públicas (COESPE) ante a proximidade das conversacións que van manter vostedes coas autoridades e os parlamentarios da Unión Europea, e esperamos que aprecien que o que reivindicamos é xusto, sensato e necesario, resumido nestes 9 puntos.
1. AS PENSIÓNS PÚBLICAS SON UN DEREITO.
É un principio reitor recolleito na Constitución, na lexislación da Unión Europea e internacional e na Declaración Universal dos Dereitos Humanos. Polo tanto, de obrigado cumprimento para o Estado social e democrático de dereito como o noso. Non é caridade, é xustiza.
2. NON A PENSIÓNS PÚBLICAS DE POBREZA, SI A PENSIÓNS PÚBLICAS DIGNAS.
A pensión pública mínima será de 1.084 euros ao mes, e por 14 pagas ao ano, libres de IRPF. Debe ser a cifra de referencia para unha pensión suficiente que esixe o artigo 50 da Constitución Española. Corresponde ao que estima a Carta Social Europea de renda mínima para unha persoa adulta. Como vostedes saben, o limiar da pobreza está en España por encima dos 630 euros ao mes e 14 pagas ao ano. Porque non se trata de cubrir soamente as necesidades básicas (vivenda digna, alimentación, roupa, transporte ...) tamén hai que vivir: lecer, cultura, facer vida social...
3. NON Á PRIVATIZACIÓN DAS PENSIÓNS PÚBLICAS. NON Á ENTRADA DOS PLANS PRIVADOS DE PENSIÓNS DE CALQUERA TIPO: PARTICULARES, DE EMPRESA OU EPSV, COMO PARTE DO SISTEMA PÚBLICO. NON ÁS AXUDAS ESTATAIS PARA OS PLANS PRIVADOS.
O SISTEMA PÚBLICO DE PENSIÓNS debe ter unha caixa única solidaria, de reparto, non de capitalización individual, nutrida con fondos públicos (cotizacións sociais e, si fose necesario, con impostos) e ser xestionado pola Administración Xeral do Estado. A privatización das pensións, como a da Sanidade Pública, só trae desigualdade e rotura da cohesión social.
4. PENSIÓNS REVALORIZADAS ANUALMENTE Á SUBIDA DA INFLACIÓN (IPC REAL E ANUAL).
A revalorización debe ser garantida pola Constitución, como dereito de obrigado cumprimento. 5. ACABAR COA BRECHA DE XÉNERO. POLA IGUALDADE.
Soluciónase coa pensión mínima de 1.084 euros/mes. Todas co nivel de contributivas e que as de variedade sexan de igual contía calquera que sexa o cónxuxe falecido.
6. POR UNHA NOVA LEI DE REFORMA DAS PENSIÓNS, XUSTA, SOLIDARIA E GARANTISTA DAS PENSIÓNS PÚBLICAS, E A DERROGACIÓN DAS LEIS DE REFORMA DE PENSIÓNS DE 2011 E 2013.
Volver á idade legal de xubilación aos 65 anos, NON aos 67 como está agora coa reforma do 2011. Derrogación definitiva do factor de sostibilidade recolleito en ambas reformas. Os anos de cómputo para a contía da pensión (base reguladora) que sexan os 15 mellores anos da vida laboral.
7. SEPARACIÓN DE FONTES DE FINANCIAMENTO.
O financiamento das pensións será garantida polos ORZAMENTOS XERAIS DO ESTADO, con cotizacións sociais e con impostos. Nunca con préstamos. Hai que romper o mito do "déficit das pensións" que é falso, e difundiuse para crear medo e favorecer o contratar pensións privadas. Estamos por manter a caixa única da Tesorería da Seguridade Social. Non permitiremos a venda dos bens patrimoniais da Seguridade Social, hospitais, e outros edificios construídos para saúde pública, servizos sociais e administrativos que significaría o desmantelamento duns activos económicos moi importantes pagados coas cotizacións do traballo.
8. NON PENALIZAR AS XUBILACIÓNS ANTICIPADAS CON, 35 ANOS OU MÁIS, DE COTIZACIÓN.
Isto NON ten que ver coas "prexubilacións" que fan grandes empresas e bancos para reducir persoais e que deberían ser esas empresas quen se fagan cargo ao 100% do seu custo.
9. BUSCAR NOVAS FORMAS DE FINANCIAMENTO PARA PAGAR AS PENSIÓNS?.
Propoñemos que se regulen novos tipos de impostos. como son os coñecidos como TAXA GOOGLE E TAXA TOBIN, novas figuras impositivas que contribúan a mellorar o financiamento das pensións.
Solicitamos ter a oportunidade de sentarnos xunto a vostedes, na mesma mesa, e traballar xuntos sobre esa nova versión de Pactos sobre Pensións e dereitos sociais, non como opoñentes, senón como aliados leais para realizar a honrosa tarefa https://youtu.be/t6-3gjB9tNE de protexer aos máis de 12 millóns de persoas que hai en España, vulnerábeis e dependentes, por idade, enfermidade, migrantes, ou por accidentes, ou sen teito, ou sen traballo, etc.
Quedamos á espera da súa resposta. A 28 de xaneiro de 2021
Atentamente
UNIDADE COESPE
"A Unidade que serve é a que nos une na loita". Mario Benedetti
---
A Plataforma Na Defensa Das Pensions Publicas Ferrolterra que forma parte de MODEPEN (Movemento Galego na Defensa das Pensión Públicas). | @DefensaPensionsFerrolterra
- O movemento en defensa do sistema público de pensións denuncia a política do goberno no seu intento de impoñer plans de pensións privadas de empresa, que absorban unha parte das cotizacións que hoxe ingresa a seguridade social.
- Un plan de privatización encuberta empresa a empresa.
- Un proceso que destruiría a solidariedade do actual sistema de pensións entre territorios, sectores económicos, dimensión das empresas, xénero e xeracións.
Este 25 de xaneiro de 2021, realizaron-se mobilizacións que tiveron un amplo seguimento en todo o Estado. Aínda que por efecto da epidemia, nalgúns territorios as concentracións sustituiron-se por outro tipo de actos como entregas de sinaturas ou accións nas redes sociais, en todo caso, a resposta foi masiva, extensa, con amplos apoios sociais e repercusión na opinión pública.
As organizacións que convocamos denunciamos que desde o poder estase tratando de desviar a atención sobre o intento de impoñer plans de pensións privadas de empresa, que absorban unha parte das cotizacións que hoxe ingresa a seguridade social. É escandaloso que o ministro Escrivá na súa intervención televisiva no momento que se realizaban as concentracións, evite explicar en ningún momento ese plan de privatización encuberta empresa a empresa. Tampouco o xornalista dunha empresa privada de televisión que lle facía a entrevista, non realizou unha soa pregunta sobre o tema. Ese proceso que destruiría a solidariedade do actual sistema de pensións entre territorios, sectores económicos, dimensión das empresas, xénero e xeracións.
Tamén denunciamos o feito práctico de que no Pacto non se toma ningunha medida concreta máis aló da retórica, para resolver o problema das pensións mínimas que afecta a millóns de persoas que perciben pensións por baixo do nivel de pobreza, nin ás mulleres que sofren unha brecha de xénero de máis do 30% por mor dunha normativa que as penaliza.
Non nos resulta estraño este comportamento de José M. Escrivá como exdirector e xerente da área de finanzas Públicas do BBVA (2004-2012) e Presidente da AIREF (2014-2020) nomeado por M. Rajoy. Xa sabiamos que é un ministro que provén de servir ao sector financeiro. Tampouco nos sorprende o seu comportamento respecto do noso movemento e argumentario, dalgúns medios de comunicación que son en parte propiedade de bancos que van ser os grandes beneficiarios desa privatización.
Do mesmo xeito que fixemos hoxe, as organizacións convocantes, de todos os pobos do Estado Español, firmemente unidas na súa resposta ao Pacto de Toledo, imos continuar poñendo no centro do debate deste país a denuncia do ataque ás pensións públicas actuais e futuras e a defensa das nosas demandas.
Goberne quen goberne as pensións deféndense.
25 de xaneiro de 2021
Organizacións asinantes:
- COESPE - Coordinadora Estatal en Defensa do Sistema Público de Pensións. - Coordinadora de Euskadi pola Defensa do Sistema Público de Pensións.
- MADPP - Movemento Andaluz en Defensa das Pensións Públicas.
- MODEPEN - Movemento Galego en Defensa dás Pensións e dos Servizos Públicos. - Coordinadora de Bizkaia pola Defensa do Sistema Público de Pensións.
- Coordinadora de Cantabria.
- Coordinadora de Pensionistes Alcoià-Comtat.
- Coordinadora de León pola Defensa do Sistema Público de Pensións. - Coordinadora de Pensionistas de Burgos.
- Plataforma de Badajoz pola Defensa do Sistema Público de Pensións.
- Plataforma de Pensionistas de Móstoles en Defensa do Sistema Público de Pensións. - Plataforma Segoviana en Defensa das Pensións Públicas.
- Yay@flautas de Cartagena.
---
A Plataforma Na Defensa Das Pensions Publicas Ferrolterra que forma parte de MODEPEN (Movemento Galego na Defensa das Pensión Públicas). | @DefensaPensionsFerrolterra
