Amosando publicacións coa etiqueta Denuncias. Amosar todas as publicacións
Amosando publicacións coa etiqueta Denuncias. Amosar todas as publicacións

martes, decembro 20, 2011

Asociacións ambientalistas esixen solucións para os depósitos de áridos asfálticos de Vilar do Colo


Representantes da Plataforma de Defensa dos Camiños, AETNA, Plataforma de Afectados polo Polígono Industrial de Vilar do Colo, Verdegaia, ADEGA e SGHN, realizaron unha visita ao Monte de San Lourenzo (concello de Cabanas) nunha parcela de solo rústico de uso forestal, propiedade da empresa MANMER na que se atopan, dende o ano 2009, uns amoreamentos de áridos asfálticos procedentes de Holanda. Este materiais foron descargados no Porto Exterior de Ferrol, onde aínda quedan depositadas unhas 300.000 toneladas.

A finalidade da visita era constatar que, a día de hoxe, aínda non se emprendeu obra ningunha, nin se libraron os cinco metros da zona de policía do rego ao que están obrigados, malia a teren transcorrido oito meses despois de ser licitados os acopios por parte da Consellería de Medio Ambiente, e atoparse esa licenza condicionada á instauración, nun prazo de dous meses, dunhas medidas de prevención de impactos ambientais sobre as augas, tanto superficiais como subterráneas e sobre o solo.

Atendendo ás resolucións da Secretaría Xeral de Calidade Ambiental, de Augas de Galicia e da Fiscalía Provincial de A Coruña, -a cal se expresa nestes termos: “Se o seu almacenamento, unha vez advertido, non se realizase coas prevencións establecidas, tal e como advirte o informe, daquela si podería entenderse que poidese traspasar o límite do dereito penal”-, as devanditas asociacións deciden solicitar, por unha banda, que se tomen medidas sancionadoras contra a empresa MANMER por incumprimento das condicións impostas por ditos organismos, e por outro lado que se retome esta cuestión por parte da Administración e a Fiscalía, tendo en conta os seguintes puntos:
a) A ilegalidade da ubicación dos residuos en solo rústico, conculcando gravemente a Lei do Solo.

b) O recoñecemento destes materiais como residuos, xa que non foron debidamente inertizados.

c) A contaminación directa das fontes do río Baa.

d) O cuestionamento das concentracións de sustancias tóxicas, nocivas ou perigosas para o medio ambiente e a saúde humana que poden definir un material como perigoso, tendo en conta que os áridos asfálticos da parcela de Cabanas ocupan solo rústico e non industrial, que o potencial de carga dos ecosistemas circundantes é moi reducido e que os puntos anteriores hai que poñelos en relación co inmenso volume (60.000 toneladas) dos materiais amoreados.

e) A posible consideración de tráfico ilegal, dende a orixe da operación de traslado, segundo sinala a normativa europea para o traslado de residuos entre países comunitarios.

f) Os intereses ambientais, por existir hábitats prioritarios na contorna, os intereses económicos, pola posible afección aos bancos marisqueiros de Mugardos e Barallobre, e o interese prioritario da toma de auga potable para consumo humano, dado que en Mugardos existe un punto de captación de auga para ese uso.
Por todo isto, solicitarán a actuación da Fiscalía de Delictos Ambientais, e á Consellería de Medio Ambiente que se ordene o traslado dos residuos a unha instalación que reúna as condicións de seguridade necesarias para o almacenamento destes materiais, en tanto non se resolva sobre o seu destino final.

Enviado por:
FERROL
-ferrol@sghn.org-
19 de dezembro de 2011 12:43
_____________

A noticia no xornal comarcal "Diario de Ferrol":

Asociacións ambientalistas piden solucións para os depósitos de áridos de Manmer

_________________

domingo, decembro 04, 2011

"Escravitude infantil, solución final neoliberal" - Denuncia de Esquerda Unida no caso do buque Lafayette

  • ESQUERDA UNIDA DENUNCIA O ABANDONO DA FISCALÍA PARA PERSEGUIR UN PRESUNTO CASO DE ESCRAVITUDE INFANTIL: "NON CABE CONTEMPLACIÓNS COA SOLUCIÓN FINAL NEOLIBERAL, A ESCRAVITUDE INFANTIL", SINALA YOLANDA DÍAZ
  • ESQUERDA UNIDA ESIXE Á FISCALÍA DO ESTADO UNHA ACTITUDE RIGOROSA E QUE EXTREME O CELO NA INVESTIGACIÓN DO PRESUNTO CASO DE ESCRAVITUDE INFANTIL DO BUQUE LAFAYETTE. O ESTUDO DAS CINTAS E UN REXISTRO METICULOSO DO NAVÍO SON AS PRIMEIRAS MEDIDAS A DESENVOLVER PARA ESCLARECER A DENUNCIA PRESENTADA

Esquerda Unida a través da súa Secretaría de Dereitos Civís e Liberdades Democráticas demanda da Fiscalía Xeral do Estado que se practiquen co máximo rigor as investigacións oportunas sobre o navío Lafayette, fondeado en augas canarias, que presuntamente emprega man de obra infantil. É o momento de que a fiscalía corrixe a intervención menor e neglixente que aconteceu en Ferrol, onde a embarcación estivo sendo reparada.

A gravidade dos feitos esixe da fiscalía o extremo do celo e a meticulosidad das investigacións en orde a depurar calquera responsabilidade. Yolanda Díaz, responsable federal da Secretaría, esixe unha actuación pública rigorosa que ten que pasar polo menos polo estudo concienzudo das cintas gravadas en Ferrol e dun rexistro exhaustivo da embarcación.

EU quere resaltar e agradecer o traballo e seguimento que desta causa realizaron particulares e diversas entidades sociais, que se encargaron de dotar de visibilidade a unha denuncia que as autoridades públicas descoidaron. Non cabe deixar pasar impune un posible delito por deixamento ou descoido, hai que ser rigorosos en particular co carácter destas denuncias.

Non se poden asinar tratados e convencións internacionais para a protección dos menores, para logo resten papel mollado cando se denuncian posibles casos de escravitude infantil. É nestes casos é cando todos os esforzos e cautelas están xustificados e non cabe optar polo menor ou o puro deixamento. Estas convértense en complicidade con prácticas e engrenaxes económicas inaceptables, que atentan contra calquera lectura non criminal da convivencia social.

EU reclama pois o desenvolvemento exhaustivo da investigación e o reforzamento da persecución de oficio polas fiscalías de todas e cada unha das denuncias que se presenten. A escravitude infantil -vulneración clamorosa de dereitos humanos- esixe dos poderes públicos do Estado unha beligerancia activa no seu combate. Non pode haber tolerancia algunha coas prácticas máis atroces e degradadas do capitalismo, o facer negocio coa infancia. Esas práctica prodúcense e é imperativo combatelas e castigalas.

Web de Esquerda Unida:
http://www.esquerdaunida.org/


de EsquerdaUnida Ferrol, o Sábado, 3 de decembro de 2011, 19:09

Enviado por:
suso
-susopazos@yahoo.es-
4 de dezembro de 2011 00:49
_________________

xoves, novembro 24, 2011

Un traballador de Navantia Fene denuncia que no buque factoría-pesqueira "Lafayette" que na actualidade se atopa reparando no estaleiro de Perlio, hai "NENOS" menores de idade traballando en condicións lamentables - nota de prensa - denuncias presentadas - vídeos

NOTA DE PRENSA

A todos os medios de comunicación

Póñome en contacto con vostedes para informarlles duns feitos, que pola súa importancia e pola súa gravidade non dubidei nin un instante en "DENUNCIAR ANTE a Fiscal de Protección e Reforma de Menores, da Fiscalía Xeral do Estado, e ante a Sección de Menores, da Fiscalía Provincial da CORUÑA". Posto que os feitos que seguidamente me dispoño a narrar están relacionados con nenos de nacionalidade Chinesa e de moi curta idade.

Desde o pasado día 13 de Outubro atópase reparando nas instalacións do Estaleiro Público "Navantia Fene"?. O maior buque pesqueiro-factoría do mundo, o "Lafayette". Este barco navegou desde as illas Feroe ata o dique número cinco do estaleiro Fenés, non sen antes obter "serios problemas cos permisos", posto que A Subdirección Xeral de Pesca Marítima prohibiulle nun principio a entrada en Ferrol, como así o manifestou o deputado Arsenio Fernández de Mesa, en declaracións a un medio de comunicación local [*]. Aínda que o buque si que contaba cos permisos de entrada, tanto da Autoridade Portuaria como da Capitanía Marítima de Ferrol.

O "Lafayette" pertence á compañía Pacific Andes, con base en Hong Kong, e habitualmente opera cunha flota de arrastreiros que lle transfiren as súas capturas. A súa tripulación, que permanecerá a bordo durante a reparación, está formada por máis de 200 persoas e entre eles "NENOS" Menores de idade traballando en condicións lamentables, sen apenas roupa e en sandalias (A normativa impide estas condicións dentro dun estaleiro e menos aínda a existencia de nenos a bordo) Eses nenos están indefensos, traballan máis de 10 horas ao día, dormen sobre cartóns e conviven nunhas condicións de salubridade que fan temer o peor.

Eu vinos e do mesmo xeito que eu, moita máis xente que traballa dentro do estaleiro, sen que ninguén poña remedio a esta situación de abusos, con toda probabilidade por medo a futuras represalias laborais.

Poño estes feitos ao alcance de todos os medios de comunicación e rógolles encarecidamente que fagan todo aquilo que está nas súas mans para difundir esta denuncia que presentei, coa única finalidade de protexer a eses nenos, indefensos, sos e Explotados.

O barco, segundo parece, ten a intención de abandonar de forma precipitada o estaleiro este xoves día 24 de novembro, polo que é de vital importancia a maior difusión posible.

Un saúdo.


[*] Declaracións de Cuco Fernández de Mesa a "Galicia Ártabra - Ártabra FM" que foron eliminadas polo propio medio despois da denuncia, a saber por que?:
1.- [Continua el “caso Lafayette”. Siguen sin dar autorización de entrada del buque para reparar en Navantia-Fene]

2.- [El “Lafayette” es esperado mañana en Ferrol. Un lío tremendo que alguien debería explicar]

Denuncias presentadas:
Ilma. Sra. Dña. Consuelo Madrigal Martínez-Pereda
Fiscal de Protección y Reforma de Menores
Fiscalía General del Estado

Sr. D. Carlos Mariscal De Gante
Sección de Menores
Fiscalía Provincial de la Coruña

NOTA
A todos los medios de comunicación
[Nota de prensa orixinal]

Vídeo de interese:

Remolcadores virando o buque "Lafayette" logo de saír do dique 5 de Astano -Navantia Fene.

http://youtu.be/_iIVt3pM-2w



Información baseada na enviada por:
xesus manuel diaz suarez
-xesusmanuel@gmail.com-
-24 de novembro de 2011 18:37-
From: avesteiro
Date: 2011/11/24

----mensaxe orixinal----
freelance.ferrol@gmail.com
24/11/2011 0:31

DENUNCIA DO CASO LAFAYETTE
Saúdos,Xesus

______________________

domingo, agosto 01, 2010

Interesante documentario: "Poison fire" - Fogo venenoso - abusos da explotación do gas e petróleo na Nixéria (Lexendada en Castelán)

Reganosa importa gas -LNG-GNL- do delta do Nixer. Sobre este tema, xa temos informado en máis ocasións desde Ártabra 21

Non nos podemos quedar sen ver este interesante documentario que apresentamos dividido en tres partes

Nixéria

Poison fire (lume venenoso) é un magnífico documental de Lars Johansson (subtitulado ao español por http://antimperialista.blogia.com ), que ilustra de forma maxistral o saqueo e o espolio dos recursos naturais ao que se ven sometidos os pobos africanos polas compañías occidentais, coa complicidade e o apoio das institucións internacionais e os gobernos locais corruptos.

Lars Johansson pon-nos o exemplo da explotación do petróleo nixeriano, no Delta do Níxer, por parte da multinacional anglo-holandesa Shell. Unha explotación que provocou un auténtico desastre ecolóxico e humanitario, pois debido á vertedura de millóns de toneladas de residuos de petróleo e a queima do gas, produciu-se unha destrución, sen precedentes, do ecosistema da zona. Cultivos, chan, auga, aire, fauna e seres humanos víron-se fatalmente afectados; decenas de miles de nixerianos e de nixerianas morren prematuramente cada ano, por cancro e enfermidades respiratorias asociadas a quéimaa de gas; a economía local está totalmente arruinada pola destrución da agricultura, a gandería ou a pesca.

A pesar de que multitude de leis e resolucións xudiciais, locais e internacionais, esixiron a Shell o cesamento das súas actividades contaminantes no Delta do Níxer, a complicidade do goberno e das institucións internacionais, permitiu á compañía petroleira continuar coa súa actividade criminal.

Shell, ademais, foi acusada múltiples veces do financiamento de grupos paramilitares culpables da morte de centos de activistas sociais que pedían o cesamento das operacións da compañía en Nixeria, e de sementar o caos entre poboacións enteiras, para que se marchasen de zonas nas que posteriormente se levaron a cabo extraccións de petróleo.

Máis información en:
http://www.poisonfire.org/

Poison fire (Fogo venenoso) 1/3, (Lexendada en Castelán)



Poison fire (Fogo venenoso) 2/3, (Lexendada en Castelán)



Poison fire (Fogo venenoso) 3/3, (Lexendada en Castelán)



Fonte: http://www.youtube.com/user/internacionalistaVA
____________________

Delta do Nixer

Exibir mapa ampliado

____________________________

luns, xuño 14, 2010

Notas discriminatorias: "Prebendas na piscina de Batallóns"


Unha instalación construída e mantida con diñeiro público, non pode rexir-se por normas discriminatorias por razóns de grados no escalafón xerárquico. O contido da nota fala por si mesmo. Outra cousa sería que se trata-se dunha discriminación positiva por ter algún tipo de diversidade funcional ou por un entrenamento ou rehabilitación especial.

O artigo 1 da Declaración Universal dos Diretos Humanos dí que todos os seres humanos nacemos libres e iguais en dignidade e dereitos ... mais alguén segue pensando outra cousa. Os poderes públicos teñen que velar para que non haxa
discriminación algunha por razón de "nacemento, raza, sexo, relixión, opinión ou calquera outra condición ou circunstancia persoal ou social".
________________

xoves, marzo 25, 2010

O Movemento polos Dereitos Civís denuncia e condena a desproporcionada e intolerábel intervención por parte dos antidisturbios na facultade de xeografía e historia de Santiago: quixeron impedir que os alumnos se manifestasen contra o máster de profesorado xurdido da reforma do CAP co Plan Boloña



FACULTADE DE XEOGRAFÍA E HISTORIA

O MpDC denuncia que as forzas e corpos de seguridade pisen, unha vez
máis, o dereito de manifestación


O Movemento polos Dereitos Civís denuncia e condena a desproporcionada e intolerábel intervención por parte dos antidisturbios na facultade de xeografía e historia de Santiago onte á tarde. Coa súa desautorizada actuación os axentes quixeron impedir que os alumnos se manifestasen contra o máster de profesorado xurdido da reforma do CAP co Plan Boloña.

O MpDC expresa a súa solidariedade cos estudantes da USC por mor da desproporcionada actuación da Policía no interior da facultade, que se dedicou a identificar os alumnos polo simple feito de se concentraren de xeito pacífico, dereito recollido na Constitución e polo tanto de libre exercicio pola cidadanía. Todo isto produciuse sen a petición por parte das autoridades da universidade compostelá.

A manifestación estudantil atopábase ao abeiro do paro convocado en Xeografía e Historia para protestar polos cambios xurdidos co novo plan de estudios, coñecido como Plan Boloña. Os gravísimos feitos de onte encádranse dentro da acción represiva desenvolvida polas forzas de seguridade con motivo da visita do profesorado participante na conferencia “Universidades emprendedoras: nuevos modelos”, organizada no marco da Presidencia española da UE.

É sorprendente ver como os antidisturbios irrompen impunemente nunha facultade, onde existe a liberdade de expresión, e comezan a identificar as persoas que soamente están exercendo o seu dereito á manifestación. Este feito lembra ás actuacións policiais acontecidas na ditadura franquista e non a un país que viva en democracia. Desde o MpDC critícase enerxicamente este despregue de forzas e corpos de seguridade co fin de controlar aos participantes na concentración, non se sabe moi ben para que, mais sospéitase que para intimidar e, de novo, “meter medo” para que se desista na acción.

O MpDC tamén alerta que este feito atenta contra a liberdade de expresión, xa que unha parte do estudantado veu coartado ese Dereito ao impediren a súa posibilidade de manifestar publicamente unha opinión. A todas luces, unha actuación policial deste calado merece ser explicada pola Policia, xa que estamos asistindo a un abuso da autoridade e a unha privación das liberdades e dos dereitos das persoas intolerábel en calquera sociedade.

Cantas veces máis imos ter que asistir a este tipo de violacións dos dereitos civís sen que as institucións e autoridades pertinentes poñan, dunha vez, a lei por diante e se respecte as persoas?

En movemento
www.movemento.org


Enviada por:
Prensa MpDC
-prensa1@movemento.org-
25 de março de 2010 12:11
____________________

martes, febreiro 02, 2010

Preguntan ao Goberno Central polas medidas que adoptou o SEPRONA contra a empresa de Ferrol denunciada por utilizar áridos contaminados procedentes de Holanda



O BNG DEMANDA UNHA REGULACIÓN LEGAL DA REUTILIZACIÓN DE ASFASTOS PARA EVITAR DENUNCIAS POR CONTAMINACIÓN

Olaia Fernández Davila e Francisco Jorquera pregunta polas medidas que adoptou o SEPRONA contra a empresa de Ferrol denunciada por utilizar áridos contaminados procedentes de Holanda

Madrid, 1 febreiro 2010.- Os parlamentarios do BNG no Congreso dos Deputados, Francisco Jorquera e Olaia Fernández Davila, veñen de presentar unha iniciativa pola que esixen unha regulación do uso de reciclados de asfalto no Estado Español.

Os deputados do BNG advirten de que a falta de regulación no Estado español deste tipo de materiais “fai que se utilicen en obras sen ser descontaminados previamente ou que directamente se enterren ou se depositen en vertedoiros incontrolados, o que supón un dano paro o medio ambiente e un risco para a saúde humana”.

Exemplo de Holanda

Francisco Jorquera e Olaia Fernández Davila, onde dende 1990 está prohibido a utilización de alquitrán no asfaltado das estradas, e onde os restos asfálticos sométense a un proceso de descontaminación e posteriormente reutilízanse. Así, cando se fresa ou repara o pavimentado dunha vía, o asfalto que se retira móese e analízanse os niveis de metais pesados e Hidrocarburos Aromáticos Policíclicos; se superan un limite descontamínanse nun forno a 800 graos para eliminar o betún; finalmente o árido extraído pódese reutilizar nas obras.

Sen embargo –advirten- a lei española soamente obriga a triturar os restos de asfalto, pero non a descontaminalos, e ao non ser habitual a súa utilización no Estado español, tampouco existe unha regulación do seu uso”.

Explicacións ao SEPRONA pola empresa de Ferrol denunciada

Neste sentido, os deputados do BNG poñen como exemplo a empresa denunciada recentemente por importar restos asfálticos supostamente contaminados paro o seu emprego en obras en Galiza.

A este respeito, preguntan ao Goberno polas medidas que adoptou o SEPRONA ante a denuncia presentada contra esta empresa, e se confirmou a presenza neste material de metais pesados e hidrocarburos aromáticos policíclicos en niveis superiores aos permitidos.

Saúdos: Gabinete de Prensa do BNG

Enviado por:
Xosé Manuel Pazo Blanco
-manolopazo@gmail.com-
1 de fevereiro de 2010 20:20
__________________________

domingo, xaneiro 31, 2010

Incomprensíbel que o Ministerio de Defensa que é propietario do 20% de solo urbano na cidade pida a cesión dunha parcela municipal para edificar unha residencia


O BNG mantén na Xunta de Portavoces a súa negativa a ceder unha parcela municipal ao ISFAS


Para o BNG resulta incomprensíbel e, dunha caradura tremenda, que o Ministerio de Defensa que é propietario do 20% de solo urbano na cidade (163,63 hectáreas) pida a cesión dunha parcela municipal para edificar esta residencia. Hai que ter en conta que os beneficios dos que goza Defensa, como o estar exento de pagar tributos locais, unido a negativa a ceder gratuitamente á cidade ningunha das súas instalacións desafectadas provocan que esta decisión sexa de dificil entendemento para un sector importante da nosa sociedade.

Cremos totalmente xustificado o noso posicionamento se temos en conta que Defensa, ademais das parcelas que se nega a ceder ao concello, e que non figuran incluidas no futuro Convenio de cesión, se reserva para si mesmo: 2.466 m2 no ámbito do cuartelillo de Mariñeiría da rúa María, máis de 55.500 m2, de terreos edificábeis no Sánchez Aguilera, a demais dispón de 17.191m2 no Monton para levantar un novo edificio de usos culturais e deportivos, para uso exclusivo do persoal militar. Polo tanto fica demostrado as innumerábeis opcións que ten Defensa para acoller esta residencia sen ter que recorrer a unha parcela municipal.

O acordo tomado esta mañá na reunión da Xunta de Portavoces basea a decisión nos dous acordos plenarios que, a proposta de IF, pedían a maior colaboración municipal para traer esta infraestructura a Ferrol e que como se lembrará foran aprobados cos únicos votos en contra do BNG.

BNG-Ferrol


Enviado por:
BNG Comarca Ferrolterra
-sedenacional@bng-galiza.org-
31 de janeiro de 2010 03:42

___________________

martes, xaneiro 19, 2010

Denuncian verquidos reiterados na praia ferrolá de Cariño


  • O GRUPO MUNICIPAL DE EU DENUNCIA  UN TERCEIRO  VERQUIDO   NA PRAIA DE  CARIÑO
  • EU INSTA AO GOBERNO MUNICIPAL  A  ESCLARECER OS INCIDENTES E PROCEDER Á LIMPEZA DO AREAL
O Grupo Municipal de EU   quere denunciar  a reiteración duns verquidos -  até en tres ocasións -   acaecido na praia de Cariño, e que están a producir serios trastorno á veciñanza.

A nosa organización quérese facer eco deste malestar das e dos veciños diante duns verquidos que producen alomenos un terrible cheiro e sobre os que semella necesario cursar unha investigación acerca da súa procedencia. As impresións da veciñanza os relacionan con algunha das empresas instaladas no  Porto Exterior.

Obra no noso poder unha mostra do areal de Cariño que non deixa lugar á dúvidas acerca do inaceptable da situación, que imposibilita o emprego deste areal para a vida cidadá.

Esquerda Unida quere demandar da Concellería de Medio Ambiente  que esclareza  canto antes os repetidos incidentes medioambientais que están a producir trastornos na veciñanza e que comprometen o areal de Cariño.

No entanto, o no Grupo Municipal quere requerir do Goberno Municipal unha rápida acción de limpeza do devandito areal. O noso Grupo Municipal  interesarase por estes incidentes na vindeira Comisión de Medio Ambiente.

Ferrol, martes 19 de xaneiro de 2010

Informacións do Grupo Municipal de ESQUERDA UNIDA

Enviado por:
eu-ferrolterra@esquerdaunida.org
19 de janeiro de 2010 15:08


Prezad@s amig@s: achegamos informacións do Grupo Municipal denunciando uns verquidos, reiterados, no areal de Cariño; asemade instamos ao Goberno Municipal a esclarecer as causas dos verquidos e a proceder a inmediata limpeza da zona. Grazas pola vosa atención. Saúdos, Ramiro Marier

____________________

martes, agosto 18, 2009

CIG-Ferrol reclama de novo o cese da Directora Xeral de Colocación e Formación por denuncias de irregularidades na contratación

Ademais da sentenza firme polo despedimento dunha traballadora que tiña sen contrato e Seguridade Social, este cargo da Xunta acumula varias demandas por impago de salarios e está involucrada en varios despedimentos

A CIG de Ferrol exixiu a semana pasada a demisión ou cese da Directora Xeral de Colocación e Formación da Xunta de Galiza, ao ser esta condenada polo Xulgado do Social Nº2 de Ferrol, en Sentenza Firme, solidariamente polo despedimento dunha traballadora que nen estaba dada de alta na Seguridade Social, nen posuía contrato de ningún tipo. Tamén son varias, aparte da sentenza firme reseñada, as demandas de cantidades que varias traballadoras teñen interposto diante da xustiza contra este cargo da Xunta.

Asi, desde a comarca de Ferrol da CIG critican as "escusas e falsos argumentos" aportados pola Conselleira para defenderse, xa que "queremos deixar ben claro, que a Directora Xeral, foi condenada en sentenza firme polo despedimento dunha traballadora que estaba a desenvolver as suas tarefas incumprindo totalmente a lexislación laboral, e que é esa mesma lexislación a que a Directora Xeral debe facer cumprir".

Sentenza e condena en firme

A sentenza é polo tanto firme e non foi recorrida no seu momento pola Directora Xeral, e engaden desde a CIG de Ferrol que "se pretende enganar por parte da Consellaria á cidadania, expresando nos medios que foi condenada subsidiariamente,é dicir, que faria frente aos pagos no caso de que non o fixese a empresa do seu pai e irmá".

A CIG-Ferrol lembra que "a sentenza ten condenado á Directora Xeral de xeito solidario, isto é que ten que pagar solidariamente coa empresa", e fica como feito probado que a Directora Xeral despediu persoalmente á traballadora, que estaba a traballar en fraude de Lei.

Sinalan que "a Conselleira pode disfrazar os feitos, mais os feitos están transcritos nunha sentenza xudicial sen recurso posíbel, e o resto son xustificacións inaceitábeis".

Nese sentido pregúntanse "que está a agardar o Sr. Feijoo que tanto se preza de ter un governo honesto a tomar as medidas oportuna coa Directora Xeral e mesmo cunha Conselleira que ampara no seu equipo a quen foi condenada por incumprir a lei".

A CIG-Ferrol insiste na petición do cese da Directora Xeral de Colocación e Formación da Xunta de Galiza, e da Conselleira de Traballo, que "absurdamente a ampara".

Varias demandas por cantidades contra a Directora Xeral

Tamén son varias, aparte da sentenza firme reseñada, as demandas de cantidades que varias traballadoras teñen interposto diante da xustiza contra este cargo da Xunta. A Directora Xeral, ten sido demandada por impago de salarios por duas traballadoras, a través dos organismos da propia Consellaria de Traballo, o SMAC (Servizo de Mediación, Arbitraxe e Conciliación).

A Directora Xeral non apareceu a súa cita no SMAC o 12 de agosto

A través do SMAC foron citadas as partes para o dia 12 de agosto ás 10:30h no citado servizo en Ferrol. A CIG Ferrol informa que "lamentabelmente, a demandada, a Directora xeral, facendo caso omiso da obrigatoriedade que a Lei establece respecto á asistencia a dito acto, non compareceu. Este semella ser o valor que lle dá á Lei a Directora Xeral. Agora o asunto pasará a engrosar os expedentes a tramitar por uns desbordados Xulgados do Social de Ferrol, ao non ter comparecido, nen procedido a abonar os salarios adebedados".

Esta nova denuncia á Directora Xeral é dunha traballadora que prestaba servizos a tempo parcial como Empregada do Fogar da mesma e ademais facíao na empresa que rexentan seu pai e mais seu irmán. Ao igual que outra traballadora, carecia de contrato e alta na Seguridade Social, sendo ambas despedidas verbalmente, despedimentos que xa foron declarados xudicialmente como improcedentes.

Petición de cese e demisión

Por último, desde a CIG de Ferrol subliñan que "unha Directora Xeral, condenada xa en sentenza firme, involucrada en varios despedimentos, e entendemos que claramente coñecedora de que a sua familia ven incumprindo a Lei reiteradamente, e que non só, non denuncie os feitos, senón que sexa probado xudicialmente que nun dos casos foi ela mesma quen efectuou o despedimento, despedimento dunha traballadora que desenvolvia o seu quefacer fóra da legalidade, unha Directora xeral, que adebeda salarios a unha traballadora, non é evidentemente, a persoa mais indicada para estar nunha consellaria defendendo o cumprimento da Lei que de feito ela mesma incumpriu. Quen poda defender esta actuación, non nos merece tampouco garantia nengunha, senón que entendemos é mesmo criadora de alarma social".

Avante
18.08.2009


Fonte: galizacig.com

Foto: A Directora Xeral [María Díaz López] - Detalle dunha foto de Xoán Crespo
_____________

Enlaces relacionados:
  • Condenan á directora xeral de Colocación da Xunta por ter unha empregada sen contrato
    Radio Fusión - 13.08.2009
    Traballaba na cafetería da Estación de Autobuses de Ferrol e non para a Directora Xeral de Formación e Colocación da Xunta de Galicia, afirmaron esta mañá a Radiofusión dende o Gabinete de Prensa da Consellería de Traballo. As mesmas fontes indican que, en último caso, a ferrolana Ana María Diaz faráse cargo da indemnización por despido da empregada.
_________________________

mércores, agosto 12, 2009

Denuncian o peche de servizos de atención ó cidadá no Edificio Administrativo da Xunta en Ferrol

Comunicado de denuncia ós medios
[Revisado coa nova redacción]

A Asociación Veciñal de Esteiro " Fontelonga", queremos denunciar o peche de servizos de atención ó cidadá no Edificio Administrativo da Xunta en Ferrol, o que reflicte unha falta de compromiso da Xunta de Galicia con Ferrolterra e coa cidadanía.

Cando se fala de facilitar os trámites burocráticos e de acercar á Administración Pública á cidadanía en Ferrol e no mes de agosto pechánse as oficinas de Vivenda e na de Pesca se reduce a atención unha hora diaria, obrigando a usuarios e usuarias, no caso de VIVENDA, a ter que desprazarse A Coruña para resolver temas que en materia de tramitación de axudas a vivenda e dado o amplo parque de vivendas públicas que existen en Ferrol, sobre todo en Esteiro e en Caranza, son moitos.

Se o que se pretende e reducir custos na Administración da Xunta de Galicia a conta de que os cidadáns e cidadás teñamos que pagar máis e perder máis horas de traballo, esa política supon unha moi mala xestión.

Nos próximos días , é posible, que tamén a oficina de Xuventude peche ás súas portas. En Dependencia a falla de persoal para facer os pagos motiva un retrasos no pagamento das axudas da Lei de Dependencia.

Hai que recordar que Ferrol é a única cidade de Galicia, segundo publica o DOG do 1 de Maio, que non conta con Delegado Territorial a pesar de ser a terceira comarca de Galicia en número de habitantes e priva de autonomía ó Edificio Administrativo de Ferrol que e un centro dependente da Coruña, a pesar de que máis de 1000 persoas acuden tódolos días a dito Edificio a realizar xestións administrativas

Demandamos que de xeito inmediato se contrate ó persoal necesario, para eso a Xunta de Galicia ten unhas bolsas de contratación, para abrir as oficinas de Vivenda e Pesca en horario completo e garantir que non se peche ningunha outra. A Administración da Xunta tamén ten que favorecer a creación de emprego.

Facemos un chamamento á cidadanía e a tódalas entidades veciñais, confrarías, etc a que presenten reclamacións por rexistro, por este feito discriminatorio con Ferrolterra, e esta Asociación tamén imos formular a oportuna reclamación en defensa dos veciños e veciñas do Barrio de Esteiro.

Demandamos do Alcalde de Ferrol e de tódolos grupos municipais que reclamen da Xunta un trato igualitario e non discriminatorio como o que se está a producir con toda a cidadanía de Ferrolterra a quen a Xunta de Galicia está tratando como cidadáns de segunda clase.

Tamén queremos recordar que temos solicitada, en tempo e forma, no mes de maio unha entrevista do Delegado da Xunta na Provincia da Coruña, D. Diego Calvo, para falar da Escola Infantil Pública de Esteiro, sen ningún resultado polo momento, case catro meses despois.

Ferrol a 11 de agosto de 2009.

Xunta Directiva da Asociación Veciñal de Esteiro " Fontelonga"

Enviado por:
Asociacion Veciñal Fontelonga
-avvfontelonga@mundo-r.com-
11 de agosto de 2009 17:32

_________________

ESTEIRO-FERROL
ASOCIACION VECIÑAL FONTELONGA
-avvfontelonga@mundo-r.com-
Web veciñal
Blog veciñal

_____________________

mércores, xullo 08, 2009

Greenpeace denuncia que máis da metade dos espazos naturais protexidos da costa están ameazados

Greenpeace publicou onte 7 de Xullo, o seu Informe sobre a situación da costa no Estado "Destrución sen Reservas", dedicando 30 páxinas do mesmo a Galiza, informe que podes consultar e mesmo baixa-lo en formato -pdf- do seu servidor cun só clic ou acceder ao mesmo de forma interactiva.

Por primeira vez en todo o territorio do Estado analizáron-se 233 espazos litorais protexidos. Deles, 120 están acosados polo urbanismo, as infraestruturas ou a contaminación.

Greenpeace presenta a novena edición do informe "Destrución custe o que custe". Por primeira vez no Estado Español, analizouse a situación de 233 espazos litorais protexidos, repartidos nos máis de 8.000 quilómetros de litoral. O informe pon de manifesto que nin sequera os Espazos Naturais Protexidos [ENP] da costa, supostamente amparados pola lexislación, están a salvo da destrución do litoral que imperou os últimos anos. Máis da metade, 120, sofren algún tipo de ameaza por urbanismo, infraestruturas ou contaminación.

As cifras do informe constatan como o desenvolvemento inmobiliario consumiu inxentes cantidades de recursos naturais insubstituíbeis, acosando ao pouco territorio virxe que queda no litoral. Estado e comunidades autónomas son responsábeis dun desenvolvemento urbanístico depredador, cualificado mesmo polo Banco de España como "economía suicida". Os casos de corrupción urbanística seguen sendo unha constante na práctica totalidade das comunidades autónomas costeiras. O informe tamén realiza un detallado estudo dos graves problemas de contaminación presentes

"Poida que a declaración dun espazo protexido sírva-lles aos políticos para por-se medallas sobre a súa aposta por salvar a costa. Pero cando, anos despois, descobren que esa protección é incompatíbel con algún proxecto urbanístico, intentan saltar-se a norma que eles mesmos elaboraron, convertendo a estes espazos en 'parques de papel', en papel mollado", declarou Pilar Marcos, responsable da campaña de Costas de Greenpeace.

A situación en Galiza

Até época moi recente, en toda a historia dos 86 municipios da costa galega construíron-se 816.000 vivendas. Agora, os concellos están recalificando chan para poder edificar outras 680.000 máis en só 13 anos.

Galiza, con 17 Espazos Naturais Protexidos [ENP] ameazados aínda que, na teoría, a Xunta recoñece que ten máis da metade da súa costa protexida. Pero de nada serve protexer baixo un marco legal se, como no caso dos ENP da Costa da Morte, preténdese construír unha piscifactoría de 300.000 metros cadrados, en pleno espazo protexido que forma parte da Rede Natura 2000 europea.

Galiza posúe 1.698,6 quilómetros de costa, dos cales 889 están preservados baixo algunha figura de protección, é dicir o 52,3% do seu litoral está protexido.

Principalmente son espazos da Rede Natura 2000 que distingue as contornas naturais máis valiosos da Unión Europea. Logo de Cataluña (57,8%), é a segunda Comunidade Autónoma con máis costa protexida, polo menos sobre o papel.

As afeccións e ameazas directas aos espazos naturais costeiro-marítimos de Galiza son incontábeis. Aos poucos, o formigón e o cemento van gañando terreo a espazos de indubidábel valor, non só ambiental, polos bens e servizos que provén, senón tamén económico, porque dun bo estado ambiental dependen directamente moitas familias, xa que é nos esteiros e augas costeiras onde se reproducen e recrutan un sinnúmero de especies comerciais pesqueiras.

De nada serve protexer a costa baixo un marco legal se esa normativa non se pon en práctica.

Sobre estes espazos supostamente protexidos crúzan-se unha maraña de Plans (de acuicultura, de portos, eólicos...) iniciados algúns fai máis dunha década e que supeditan as infraestruturas e un mal entendido crecemento económico de Galiza sobre o valor real dos Espazos Naturais Protexidos [EPN].

Fonte: greenpeace.org
____________

xoves, xullo 02, 2009

Non é unha novidade, mais temos un cínico e tramposo de Presidente na Xunta de Galicia

[Garaxe no que a Xunta almacena os coches da marca alemá. En primeiro termo, o que que usaba Touriño]


Feijóo vende os Audi de Fraga
Esperanza Aguirre rexeita imitar ao presidente galego e non de desfará do seu coche blindado

MARIOLA MORENO - A Coruña - 01/07/2009 21:30

Feijóo repetiuno ata a saciedade. O líder do PP galego e actual presidente da Xunta de Galicia, Alberto Núñez Feijóo, insistiu durante a campaña electoral en que colgaría o cartel de "véndese" ao coche oficial que empregaba o entón titular do goberno autonómico, Emilio Pérez Touriño, a quen acusou de gastar "480.000 euros en período de crise" nun Audi A8.

O que Feijóo, con todo, non dixo é que o vehículo do "malgasto" é idéntico aos dous adquiridos pola Xunta baixo o mandato de Manuel Fraga e polos que o goberno autonómico pagou no seu momento o primeiro vehículo foi matriculado o 13 de setembro de 2001 e o segundo, apenas un ano despois, o 14 de novembro de 2002, 600.000 euros da época (perto de 800.000 euros, unha vez aplicado o IPC).

Alérxico como se mostrou Feijóo aos Audis oficiais nos últimos meses aos dous días de gañar as eleccións anunciou que se desprazaría nun Citroën, houbo un tempo no que o presidente galego tamén viaxaba nun coche da marca alemá a costa do diñeiro dos contribuíntes.
Touriño só comprou tres dos 23 audis que a Xunta vai a enajenar

Tal e como fixo público onte o PSdeG-PSOE, dos 32 Audis que integran nestes momentos o parque móbil da Xunta, 29 foron adquiridos polo PP, "19 dos cales compraron cando Núñez Feijóo era vicepresidente".

[Clicar acima da imaxe para ampliar]

"Incluído o A8 que el mesmo empregaba cando exercía no cargo e antes de que lle desen coche gratis para pasear", asegurou a este xornal a secretaria de Coordinación, Acción Electoral e Política do PSDEG, Mar Barcón, en alusión ao vehículo que Citroën prestoulle a Feijóo durante tres anos tal e como desvelou Público.


Adquiridos en funcións

Os populares non se conformaron, no entanto con renovar o parque móbil público nos 16 anos que permaneceron no goberno da Xunta. Dos 29 coches da marca Audi adquiridos polos populares galegos, dous foron comprados en xullo de 2005, tras a derrota electoral e nun momento no que Manuel Fraga exercía como presidente en funcións.


19 dos coches foron comprados con Alberto Núñez Feijóo no Goberno de Manuel Fraga

Así as cousas e a pesar de que Feijóo fixo dos coches oficiais o seu cabalo de batalla, segundo os datos que obran en poder deste xornal, durante o goberno bipartito de Touriño unicamente compraron tres dos 32 Audis propiedade do Executivo autonómico galego, mentres que se deron de baixa cinco. É dicir, o bipartido "nin sequera repuxo todos os que deixaron de circular", insisten desde o PSdedG.

En palabras de Barcón, "van vender os coches que eles mesmos [o PP] compraron simplemente por un malentendido exercicio de soberbia e para xustificar a súa campaña electoral". Non sen antes insistir en que "a campaña xa terminou", a secretaria de Política dos socialistas galegos reclamou a Feijóo que, unha vez gañadas as eleccións, o que debe facer é "gobernar e tomar decisións en lugar de facer o paripé e buscar a foto como está facendo nestes momentos".

Esperanza Aguirre, presidenta da Comunidade de Madrid, non seguirá o exemplo de Feijóo e non venderá os seus audis, incluído o blindado que utiliza para os seus desprazamentos. Fontes do goberno madrileño subliñaron que Aguirre foi pioneira en medidas de aforro ao conxelar o soldo de todos os seus conselleiros, viceconsejeros e altos cargos, entre outros membros do executivo rexional, durante 2009 e 2010. Alegan que esta só é unha das medidas do plan austeridade que están levando a cabo e que tan necesarias son en tempos de crises, informa Miguel Ángel García.

Fonte: publico.es

Noticias relacionadas:
_______________________

mércores, xullo 01, 2009

Os libros non serán de balde, pero as taxas para os Yates dos ricos baixarán grazas á Xunta do PP

Xunta do PP baixará taxas portuarias a proprietarios de Yates

Mentres o Conselleiro de Cultura anuncia por unha banda que os libros para a educación xa non serán de balde [Até agora os libros eran de balde mediante un sistema de prestamo por cuso e alunn@], pola outra o presidente de Portos de Galicia anuncia rebaixa nas taxas de amarre para os Yates dos ricos.


Publicado en "El País" 01-07-2009


Portos de Galicia anuncia un "alivio fiscal" para os propietarios de iates

Despois do verán estará fixada unha rebaixa nas taxas de amarre

O presidente de Portos de Galicia, José Manuel Álvarez-Campá, anunciou onte unha rebaixa nas taxas portuarias, aínda non cuantificada pero que estará definida xunto con outras actuacións despois do verán. Aínda que esta rebaixa de cargas diríxese a todo o tráfico portuario, terá unha incidencia especial no sector náutico de recreo, isto é, o de iates, cuxos propietarios pagarán menos taxas polo uso dos portos.

O PP está tratando de potenciar o sector náutico de recreo. O pasado día 18 o senador Miguel Pérez de Juan presentou unha moción no Senado para liberalo de cargas impositivas aducindo que estas fan que en España sexa un 40% máis caro comprar un iate que en Italia. Non prosperou con todo a súa moción para eliminar o imposto de matriculación dos iates (do 12% para os de máis de oito metros de eslora e uso particular). "Nunha situación como a que estamos vivindo, presentar unha moción para axudar a aquel que ten algo máis de 300.000 euros, como mínimo, para comprar unha embarcación de recreo, parece de vergoña", respondeulle a senadora catalá Judith Alberich. "Vostedes pretenden crear un paraíso do luxo en España", baixando impostos "ao lecer e a suntuosidad", denunciou Anxo Luís Lacueva (PSOE), que terminou por cualificar a proposta de "inmoral".

As medidas anunciadas onte polo presidente de Portos de Galicia, con todo, abaratarán e facilitarán os trámites dos movementos portuarios dos Yates de calquera porte. A revisión das taxas dos portos guiaranse, segundo Álvarez-Campá, "pola premisa dun alivio fiscal, buscando o axuste e redución dos montantes e cargas polas diferentes operacións a efectuar nos espazos de dominio público portuario; polo fomento da actividade e usos dos portos e, finalmente, por unha simplificación administrativa e burocrática que dea axilidade e comprensión ao usuario sobre o sistema de tramitación administrativa".

A comparecencia do presidente de Portos de Galicia na Comisión de Economía do Parlamento estivo motivada na iniciativa do deputado do PP José Manuel Balseiro, que se interesou polas previsións, redución e adecuación do modelo fiscal en materia de taxas de Portos de Galicia. Álvarez-Campaña subliñou sinalou que "a Consellería do Mar e Portos de Galicia están traballando na revisión das estruturas das taxas e demais requisitos administrativos co fin de simplificar, remodelar e adaptar á realidade" a normativa económico-administrativa dos portos. Despois do verán, subliñou, xa haberá unha serie de actuacións definidas e que se poderán ver como resultado en 2010.

Fonte: El País

Enviado por:
Damch GZ -damchgz@gmail.com- 1 de julho de 2009 13:21

___________

sábado, xuño 27, 2009

Membros do Consello de Administración da Televisión Galega [CRTVG] cobraban por asistir a calquera acto ao que fosen convitados

Conselleiros de TVG ingresaron ata 150.000 euros nun ano
Os representantes cobraban por ir ao fútbol e a funerais

Por Pablo López
25.06.2009


A política de austeridade da que presume o presidente da Xunta, Alberto Núñez Feijóo, non chegou ao Consello de Administración da televisión autonómica. Os 12 conselleiros da compañía CRTVG recentemente elixidos polo Parlamento aseguráronse co seu nomeamento uns ingresos que roldan os 90.000 euros anuais, no seu maior parte, grazas ao elevado número de consellos e comisións que celebran. A marca de ingresos é para o portavoz dos conselleiros do PP, José Luís Iravedra, que chegou a recibir 152.132 euros en 2005.

Para completar estas cantidades, Iravedra, que foi presidente do PP de Lugo, beneficiouse dun sistema que funcionou ata 2006, que permitía aos conselleiros cobrar por asistir a calquera acto ao que fosen invitados. Iravedra facturou 199 en cinco anos. Dá igual que fose unha conferencia sobre o transplante hepático con doante vivo, un funeral ou un partido da selección galega de fútbol.

Unha ex conselleira confesa: "Se non había orde do día para convocar unha comisión, inventábase; o importante era cobrar, aínda que logo as reunións durasen 30 segundos". A situación adquiriu tal cariz que, en marzo de 2006, os conselleiros aprobaron por unanimidade deixar de cobrar por asistir a actos. Pero a convocatoria de consellos e comisións seguiu a gran ritmo, para completar uns ingresos fixos que son de 2.700 euros mensuais ata convertelos en soldos de 90.000 euros ao ano.

A voracidade de Iravedra para pasar ao cobro todo tipo de actos levoulle a facturar por asistir a actos dificilmente relacionables coa súa actividade como conselleiro. Por exemplo, a unha conferencia sobre o desafío da enerxía atómica na II Guerra Mundial, os actos do Día do Augardente en Portomarín ou ao pregón de Nadal da Asociación de Belenistas de Lugo. Tamén á recollida de credenciais dos propios conselleiros. Destaca o elevado número de invitacións que o ex presidente do PP lucense recibía, e aceptaba, procedentes do Grupo El Progreso, editor do diario El Progreso de Lugo.

Iravedra ingresou 553.020 euros das arcas de TVG nos últimos cinco anos. Nese período, os conselleiros custaron ao erario público 5,6 millóns de euros. A pesar de que os estatutos da compañía establecen que os conselleiros deben ser profesionais de recoñecido prestixio, os partidos galegos propuxeron para a lexislatura recentemente comezada a alcaldes como o de Verín (PP), sindicalistas (PSOE) ou os seus secretarios de Organización e Política Municipal (BNG). O Consello de Administración de CRTVG é o único órgano elixido polo Parlamento de Galicia con capacidade para establecer o seu propio sistema retributivo.

Fonte: El País


Enviado por:
santiago diaz-garzón morillo -xantia@mundo-r.com- 26 de junho de 2009 00:43

_________________

xoves, xuño 25, 2009

O BNG advirte que o Museo da Natureza carece dun informe que garanta a súa seguridade

O grupo Municipal do BNG no Concello de Ferrol advertiu esta mañá que o Concello de Ferrol non ten elaborado o informe que certifique a seguridade das instalacións do Museo da Natureza que a S.G.H.N. ten aberto no edificio do antigo Hospicio.

A edil nacionalista, Elia Rico, censurou a irresponsabilidade do goberno municipal por permitir que se abran ao público unhas instalacións que non cumpren os mínimos requisitos de seguridade e que estan a poñer en perigo aos visitantes desta instalación. Así mesmo se preguntou quen será o responsábel de se producir un novo desprendemento.

O BNG constatou que a negativa do edil de urbanismo Angel Mato a facilitar unha copia deste informe ao noso grupo se debe a que o único informe existente sobre esta instalación é da data na que se produciu o derrumbamento que obrigou a pechar o Museo ao público hai máis dun ano.

Elia Rico, indicou que logo do ano tan chuvioso que tivemos, o que indubidabelmente pode afectar a estructura do edificio, como é posíbel que o goberno municipal permita a apertura sen garantir cun informe dos técnicos municipais que non existe ningún tipo de perigo. Asi mesmo, se pregunta que técnico foi o que valorou que sexa de 6 persoas o número máixmo de persoas que pode estar na sala e a que razóns obedece.

O BNG considera que o goberno municipal non cumpriu o seu compromiso de habilitar a Casa do Coronel para albergar o Museo da Natureza o que obriga a entidade naturalista a retomar a súa actividade nunhas condicións precarias.

Elia Rico, criticou que o Goberno Local sendo coñecedor do aparente perigo existente nas instalacións do antigo hospicio mire cara outro lado e aínda así siga desviando visitantes a esta instalación en precario desde as súas oficinas de información turística.

Grupo Municipal do BNG.

Enviado por:
Correo electronico BNG
-bng@ferrol.es-
24 de junho de 2009 13:30

__________________

mércores, xuño 10, 2009

Manifesto contra a marxinación e censura da música galega na Radio Pública Galega

No portal KomuniKando.net -Música da Galiza- denuncián eliminación da música galega do programa ABERTO POR REFORMAS. Programa de música até agora dirixido por Xurxo Souto e que na súa nova xeira, logo do cambio político na Xunta de Galicia e na CRTV, leva-o o xa famoso xornalista e presentador dos manipulados informativos matutinos na Radio Pública Galega da era Fraga, Xusto López Carril.

No Portal KomuniKando.net, podes atopar información, foros, propostas e os audios da despedida do program por parte de Xurxo Souto e o primeiro programa dirixido por Xusto López Carril. Convidamos-vos a que pasedes polo portal de música KomuniKando.net toda unha gozada.

A continuación transcribimos o Manifesto que se está a asinar na defensa da música galega, contra a súa censura e marxinación.

Xurxo

Pasa a ser agora ...

"alberto por reformas" na radio Gallega


MANIFESTO BÁSICO POLA DEFENSA DA RTVG
Contra a censura e a marxinación da música galega

"Artigo 16 da lei 9/1984 da RTVG: A programación debe de estar inspirada na promoción e difusión da cultura e lingua galega“.

Diante da eliminación da música galega do programa ABERTO POR REFORMAS, e en relación coa deformación e perversión dos seus contidos…

Consideramos que este programa viña sendo…
  • Un programa plural, aberto á cidadanía e participativo, como a sociedade na que queremos vivir e, precisamente por iso, um programa onde a música se vivía con vitalidade, intensidade e enerxía.
  • Un programa cun forte pulo dinamizador para a música que se está a facer hoxe na nosa lingua, no noso país, como un espello diario no que a xente preocupada pola música de calquer tendencia ollabamos unha realidade socio-cultural que está a transformar a historia da nosa música.
  • Un programa, enraizado na radio de todos e todas as galegas, cunha vocación pública fundamental, ofrecendo a música que se está a facer no noso país como un ben público de interese xeral.
  • Un programa que axudaba a tecer os fios da rede sociocultural da música galega, que nos relaciona ás persoas que facemos a música do século XXI coas persoas que queren gozar, emocionarse e vivir a música do presente.
  • Un programa que, durante os seus máis de 900 (¿?¿¿) días de emisión, día a día, fixo que –como recolle o Plan Xeral de Normalización da Língua Galega , aprovado por consenso polos tres partidos políticos maioritarios- o galego estivese vinculado e fose vivido por milleiros de persoas como referente de modernidade, como un motor de normalidade língüística cotiá.
  • Un programa que materializaba de forma sobresaliente a natureza e principios da propia CRTVG, no artigo primeiro da súa Lei de Creación: a promoción, difusión e impulso da lingua galega .
  • Un programa que, nun contorno social e mediático onde a cultura, a lingua e a música galega son minoritarias, minorizadas e desprezadas por múltiplos agentes sociais e institucionais, se baseaba na posta en valor da nosa cultura, a nosa lingua e a nosa música.
  • Un programa absolutamente xeneroso, respectuoso e honesto nas relacións humanas coa xente que está criar, a comunicar, a compartir, a impulsar, a gozar coa música deste país.
  • Un programa, ademais, aberto a culturas e músicas de todo o planeta, poñendo a música galega en relación -en pé de igualdade- coa doutras partes do mundo, con especial interese polas músicas irmás da Lusofonía.
...e por iso...
  • Entendemos que esta medida de eliminación da música en língua galega supón un paso máis na política de represión, empobrecemento e marxinación que os responsábeis políticos da Xunta de Galiza están a realizar contra a lingua e a cultura dos galegos e galegas.
  • Queremos denunciar, como xente preocupada pola nosa música e a nosa cultura, esta agresión dirixida –cunha intención política e simbólica evidente- contra un dos veículos de comunicación do movimento de Rexurdimento Musical que as novas xerazóns do mundo da música estamos a protagonizar, impulsado por unha sociedade que sabe valorar a sua criatividade.
  • Queremos posicionarnos e defender de forma decidida, belixerante e irrenunciábel a presenza da música galega na nosa Radio Pública.
  • Queremos dirixirnos á xente sensível coa nosa cultura e coa nosa música, para sumarse a esta denuncia, a esta reivindicación lexítima: A MÚSICA GALEGA DE VOLTA Á RÁDIO GALEGA!
  • Pedimos que se restableza un programa diario que de conta dos traballos musicais editados en galego e que conte cos seus protagonistas e que a nova programación non elimine contidos culturais propios en todas as súas variantes: música, cine, libros e arte en xeral.
Se apoias este manifesto, entra na web de Komunikando.net cubre o formulario e envianos os teus datos.

Ver a lista de apoios

_________________

Non pode ser que cada vez que chova se poña en perigo o grande valor que ten a Biblioteca-Hemeroteca do Ateneo Ferrolán

Estes días de intensas chuvias amosaron unha vez máis o estado no que se atopa o edificio do Ateneo Ferrolán, tantas veces denunciado pola Xunta Directiva da entidade. O Concello de Ferrol ten acordada a reforma do edificio, mais non é quen de poñer en marcha a necesaria e urxente intervención, comezando polo arranxo do tellado, para evitar males maiores. Non pode ser que cada vez que chova se poña en perigo o grande valor que ten a Biblioteca-Hemeroteca da entidade e desta vez que chegara xa até o segundo andar na Sala de Exposicións, onde na actualidade esta exposta unha valiosa e interesante colección "Mulleres que cambian o mundo. A muller como motor do desenvolvemento" organizada pola Rede Social Ferrolterra [Solidariedade Internacional, Mundo Cooperante, Lena, Enxeñería sen Fronteiras, Axuda en Acción e Fuco Buxán]. Non pode ser que continuamente se estexa denunciando este problema nun edificio público do propio Concello e quen ten a responsabilidade non faga nada para evitar o continuo deterioro do mesmo.

O ATENEO FERROLAN INUNDASE DENDE A SÚA BIBLIOTECA-HEMEROTECA

A Xunta Directiva RECLAMA A EXECUCIÓN XA DO PROXECTO DE REHABILITACIÓN DO EDIFICIO.

O Ateneo INÚNDASE dende a Biblioteca-Hemeroteca (unha xoia única na comarca de Ferrol) a auga xa chega ás salas de exposicións ..... aguantará o edificio máis?



Enviado por:
ateneoferrolan.secretaria@gmail.com
10 de junho de 2009 11:04


Ateneo Ferrolán
Fundado en 1879 “Un Lugar de Encontro para a Cultura”
http:// www.ateneoferrolan.org
e-mail:
a_ferrol@teleline.es Telf.: +34 981 357 970 Fax: 981 354 098
Dirección Postal: Rúa Magdalena 202-204, 1º.CP.15402 - FERROL (A Coruña)
Apdo. Correos: 303

_______________

luns, abril 27, 2009

Verdegaia e a Sghn denuncian: "A tiros no medio dun LIC"

[Clicar acima para ampliar]

Verdegaia e SGHN veñen de presentar denuncia na Demarcación de Costas de Galicia e na Consellería de Medio Ambiente, e califican de atentado ambiental, a celebración o sábado, 18 de abril, dunha proba cinexética con cans no Areal de Vilarrube, unha zona incluída no Lugar de Importancia ComunitariaCosta Ártabra”, que forma parte da Rede Natura, está incluído no Catálogo de humidais de GaliciaTrasdunas de Vilarrube” e figura no Inventario dos sistemas dunares do Ministerio de Medio Ambiente “Sistema dunar de Vilarrube”.

Desde Verdegaia e SGHN consideramos estes feitos un atentado ambiental intolerable perpetrado sen a autorización da Demarcación de Costas de Galicia e ignoramos se contaban coa autorización que se precisa para este tipo de actividades da Consellería de Medio Ambiente. Convocados pola “Sociedad de Cazadores de Valdoviño”, o sábado 18 de abril, varias decenas de cazadores “desembarcaron” cos seus cans e coas súas escopetas no sistema dunar de Vilarrube e levaron a cabo unha competición cinexética na modalidade “San Huberto”.

Hai que lembrar que este espazo está incluído no LIC “Costa Ártabra”, polo que a actividade cinexética é absolutamente incompatible coa conservación dos valores naturais que motivaron dita protección. Trátase dunha zona cun altísimo valor ecolóxico, xa que nela medran varias especies de plantas endémicas vulnerables ou en perigo de extinción como Ophrys sphegodes (unha orquídea que xa está en plena floración), Antirrhinum majus subespecie linkianum, Linaria aguillonensis e Crepis novoana (endemismo único da Ría de Cedeira), entre outras. Ademais xa hai varios anos que esta área é unha das zonas de campeo preferidas da aguia peixeira, unha especie migradora de altísimo valor que pouco a pouco vai recolonizando a costa galega. Dende logo, este tipo de agresións contra o hábitat non van contribuír ao seu establecemento definitivo nesta área. Outra das especies importantes presentes no sistema dunar é a lontra, que goza de todas as proteccións legais existentes, tanto a nivel galego como estatal e comunitario.

Como se sabe, este tipo de sistemas dunares é zona cría de numerosas aves e, por enriba, xusto nestas datas, sucede o período de cría da maioría delas. A realización desta actividade cinexética, con máis de trinta cazadores e os seus cans polas dunas, xunto cos disparos das súas escopetas, seguro que supuxo a destrucción ou o abandono da maior parte dos niños. Ademais, sabemos que este tipo de sistemas dunares son moi fráxiles: é por iso polo que se colocaron pasarelas sobre as dunas para evitar a erosión que provocan os usuarios da praia e tamén por iso (e para recuperar a naturalidade do espazo), foi polo que a Dirección Xeral de Costas derrubou unhas 50 casetas que diversos particulares dispuxeran sobre a duna gris. Este esforzo conservacionista está en total contradición, e resulta baldío, se se permite que se desenvolvan actividades como a celebrada o pasado 18 de abril: as ducias de cazadores, cos seus cans, os xuíces e organizadores da proba xunto co público asistente provocan danos considerables sobre o sistema dunar.

Outro dos feitos lamentables que se rexistraron foi a presencia dos vehículos todoterreo dentro do sistema dunar, cando a normativa de protección prohibe terminantemente a entrada de vehículos a motor nel. A súa circulación sobre as dunas puido provocar danos irreparables sobre as mesmas, algo que haberá que avaliar en vindeiras datas. Tamén ignoramos se na proba se comprobou que se utilizase munición sen chumbo, tal e como establece a Dirección Xeral da Natureza para evitar a contaminación que o seu uso pode provocar nas augas e polo risco que supón para algunhas especies de aves acuáticas a súa inxestión, ou se se recolleron os cartuchos durante a mesma. Dende Verdegaia e SGHN queremos dicir tamén que lamentamos profundamente a actitude do Concello de Valdoviño participando na organización dunha actividade destas características, máis ou menos “turística”, sen ter en conta os impactos negativos que poden xerar no contorno natural. Por todas estas razóns, Verdegaia e SGHN denunciamos e demandamos:
  • Que se identifique e sancione, de acordo coa lexislación vixente, aos organizadores desta proba cinexética, xa que consideramos que estes feitos constitúen un delito ecolóxico.
  • Que se prohiba durante todo o ano a práctica de calquera actividade cinexética ou calquera outra que non sexa compatible co mantemento das funcións ou valores polos que se declarou ZEPVN, así como calquera outra que poida prexudicar significativamente a conservación do sistema dunar de Vilarrube ou do humidal “Trasdunas de Vilarrube” de acordo coa normativa vixente.

Enviado Por:
-ferrol@verdegaia.org-
27 de abril de 2009 15:47






______________

venres, abril 24, 2009

Protección de Datos debe esclarecer a situación de preto de 60 cámaras de vídeo vixilancia instaladas no edificio Telefónica da Coruña

Recentemente, o MpDC tivo coñecemento sobre o sistema de vídeo-vixilancia instalado no edificio da mercantil Telefónica España S.A.U. sito na cidade da Coruña. Así, no exterior e interior de devandito edificio, están instaladas preto de sesenta cámaras de vídeo vixilancia. Ante tales feitos, esta asociación ponse en contacto coa Axencia Española de Protección de Datos para procurar o esclarecemento de varias cuestións que son de vital importancia no que respecta aos dereitos das persoas.

As cámaras atópanse situadas no exterior de devandito edificio e están orientadas á vía pública, ao que hai que engadir que algunhas das que se atopan no vestíbulo controlando o taboleiro sindical. O dito taboleiro foi cambiado de lugar pasando a estar situado nas proximidades das videocámaras para gravar dun modo máis eficaz a cantos se dirixen ao mesmo, tanto a observar como a colocar boletíns informativos, o que viola claramente tanto a intimidade persoal como a liberdade ideolóxica e por suposto a liberdade de afiliación sindical. Estes feitos denotan, ao ver do colectivo, un excesivo control de Telefónica España SAU sobre os seus traballadores.

Os dispositivos gravan a cantos cidadáns transitan polas proximidades do edificio e as pantallas de control das imaxes están á vista de cantos transitan polo exterior, vulnerando o dereito á intimidade. Tales artefactos de gravación comezaron a funcionar sen que os traballadores nin os representantes sindicais recibisen comunicación da súa posta en funcionamento.

En primeiro lugar, o Movemento denuncia que adoptar como medidas a instalación de cámaras sen existir indicios nin motivos suficientes para a súa instalación resulta moi gravoso e desproporcionado a respecto da finalidade perseguida, pois de existir indicios que xustifican o principio de proporcionalidade, parece obriga de devandita empresa a de facilitar alternativas. Desde o Movemento afírmase tal cousa xa que esa mesma cámara recolle a vida diaria de cantos cidadáns pasan por diante do edificio, invadindo a súa intimidade.

Por todo o exposto, o MpDC solicita que a Axencia Española de Protección de Datos informe quen é o responsable do tratamento de datos e, xa que logo, do ficheiro de imaxes gravadas polas cámaras ademais de se o ten inscrito no Rexistro Xeral de Protección de Datos da Axencia Española de Protección de Datos.

Ademais, o Movemento pregunta á AEPD se a empresa encargada de instalar as cámaras se atopa incluída no Rexistro destinado a proceder a instalacións, nese caso, dispón de licenza do mesmo xeito que pide ao organismo estatal que sancione os feitos segundo a lexislación vixente.

Esta asociación agradecería á Axencia Española de Protección de Datos que investigase sobre os feitos anteriormente expostos, así como do cumprimento dos requisitos esixidos pola normativa imperante tanto en materia laboral, como de protección de datos e do cumprimento da normativa vixente en materia de vídeo cámaras en lugares públicos manténdonos informados de cantas actuacións leven a cabo con relación a este asunto.

En movemento
www.movemento.org

Movemento polos Dereitos Civís. r/ Rosalía de Castro 29. Galerías Belén 102.15703 Santiago de Compostela. mpdc@movemento.org

Contacto: 610858850 (Renato Núñez)
______________