Fuco Buxán solidariza-se cos membros da compañía Títeres desde Abajo e soma-se á concentración de protesta de hoxe sábado 13 de febreiro ás 20:00h na Praza de Armas de Ferrol

Concentración en solidariedade cos Titiriteiros e en defensa dos dereitos fundamentais, sábado 13 de Febreiro na Praza do Concello de Ferrol, diante do Palacio Municipal

A Asociación Cultural Fuco Buxán súmase ós milleiros de voces que por todo o estado consideran sen fundamento, arbitraria e desproporcionada a decisión do xuíz Ismael Moreno de ditar auto de prisión preventiva contra os membros da compañía teatral Títeres desde Abajo por un suposto delito de enaltecemento do terrorismo. Se ben nun primeiro momento, o papel dos medios de comunicación conseguiu dar á representación de "La bruja y Don Cristobal" aparencia macabra e despiadada -mencionando contidos como violacións, asasinatos e unha pancarta facendo apoloxía da banda terrorista ETA-, finalmente resultou ser unha obra satírica na que se denunciaban os abusos de poder: entre eles, curiosamente, o escenificado por un axente de policía que colocaba nas mans da bruxa unha pancarta co slogan "GORA ALKA-ETA" coa fin de que a condenasen por apoloxía do terrorismo. Un delito que, ironías do destino, lles imputarían a eles mesmos, e que os mantería no cárcere varios días, para finalmente ser postos en liberdade con cargos.

Ante estes feitos:

Manifestamos a nosa solidariedade cos membros da compañía Títeres desde Abajo, e solicitamos a retirada inmediata dos cargos contra eles. Non so a maioría do público presente na actuación, senón todos aqueles que coñecemos máis tarde o contido da obra, somos capaces de discernir entre facer propaganda dunha banda terrorista e empregar unha pancarta como atrezzo no argumento dunha obra de teatro

Consideramos a actuación completamente desproporcionada: continuamente estamos a presenciar casos na prensa de delitos graves -corrupción, branqueo de capitais, acoso, abusos a menores, ...- nos que os imputados son tratados con suma delicadeza en comparación: liberdades con fianza, permisos para saír do país, ... e incluso de excesivo celo defensivo por parte do ministerio fiscal.

Condenamos o papel de certos -e non poucos- medios de comunicación que se adicaron a difundir durante as primeiras horas informacións esaxeradas, torticeras e parciais. E Instámolos a que cumpran o código deontolóxico da Federación de Asociacións de Periodistas de España, que os compromete, entre outras cuestións, a respectar e buscar a verdade contrastando as súas fontes e emendando inmediatamente os erros que detecte usando como mínimo os mesmos medios e intensidade empregados para difundilos.

Solicitamos que o Ministerio de Xustiza investigue ó xuíz Ismael Moreno para determinar se a súa actuación é constitutiva dun delito de prevaricación. De considerarse aceptable a súa actuación, calquera persoa se atoparía en risco de ser acusado de tal delito e privado de liberdade por motivos tan ridículos como o representado na obra: que alguén che pegue un papel no lombo con sóframas pro-etarras, contar un chiste, representar ou reproducir obras nas que personaxes ou situacións estean relacionadas co terrorismo, ...

Por todo isto, sumarémonos á convocatoria das Marchas da Dignidade de Ferrolterra para realizar unha concentración de protesta este sábado 13 de febreiro ás 20:00h na Praza de Armas de Ferrol.

Asociación Cultural Fuco Buxán: Dirección: Rúa Armada Española, 32 baixo - 15406 - Ferrol (A Coruña) |  Apartado Correos: 240 - C.P. 15400 - Ferrol | Telefono: 981325492 | Email:  fucobuxan@gmail.com Visita a nosa web: www.fucobuxan.net | Blog Pensamento Crítico http://opinionsfuco.blogspot.com.es/  | Facebook: http://www.facebook.com/pages/Fuco-Bux%C3%A1n/118931821452749 | Twitter: http://twitter.com/FucoBuxan  | Google+: https://plus.google.com/u/0/108716477794009532670/posts

Enviado por:
A.C. Fuco Buxán Fuco Buxán
-fucobuxan@gmail.com-
13 de fevereiro de 2016 02:02
__________

Reclamando un Plan Comarcal de Choque contra o Paro, polo Emprego e a Renda Básica - Ferrol 8 de Febreiro de 2016 - Vídeo

Concentramo-nos diante das portas do Palacio Municipal de Ferrol, para reclamar un Plan Comarcal de Choque contra o Paro, polo Emprego e a Renda Básica.

Nas comarcas do noroeste poden-se facer moitas cousas se os gobernos e os partidos que se sitúan na esquerda quixesen. Só teñen que reunir-se e falar entre eles para tomar a decisión de elaborar, de xeito participativo, un PLAN COMARCAL DE CHOQUE CONTRA O PARO, POLO EMPREGO E A RENDA BÁSICA. E aquí é onde andamos desde hai case un ano que comezamos con esta demanda. Agora temos que pechar o ciclo e conseguir que os responsábeis municipais se poñan mans á obra. Nós estamos para demandalo, é por iso que confeccionamos un escrito para cada concello que estamos entregando perante esta semana e a que ven. Dentro desta campaña concéntramo-nos diante das portas do Palacio Municipal de Ferrol, para entregar o escrito correspondente a esta cidade e dimos conta publicamente e en rolda de prensa da iniciativa que levamos a todos os concellos das comarcas de Ferrolterra, do Eume e de Ortegal.

Escritos aos Concellos: Ares, Cabanas, Capela (A), Cariño, Cedeira, Cerdido, Fene, Ferrol, Mañón, Moeche, Monfero, Mugardos, Narón, Neda, Ortigueira, Pontedeume, Pontes de Garc. Rodr. (As), San Sadurniño, Somozas (As) e Valdoviño.


https://youtu.be/Zh14AjslrRU
A Asemblea das Marchas da Dignidade tomou decisións para continuar marchando polo camiño da mobilización, a concienciación e a solidariedade - Plan Comarcal de choque contra o Paro, ... e o Sector Naval da Ría de Ferrol.

A nova no xornal comarcal dixital Ferrol 360. | As Marchas da Dignidade de Ferrolterra reclaman a creación dun plan de emprego comarcal. |  Ir á Web.

---

Marchas da Dignidade Ferrolterra
Contacto:
Correo-e: marchasdadignidadeferrolterra@gmail.com  |
Teléfono: 602 587 531 |
Blogue de FerrolTerra: http://marchas-da-dignidade-ferrolterra.blogspot.com.es/ |
Blogue Galego: http://marchasdadignidade.blogspot.com/ |
Web Estatal: http://marchasdeladignidad.org/ |

________________

Aylan xa non os fai chorar, ... Por Javier Gallego Crudo

Por Javier Gallego Crudo [*]
03.02.2016

Europa será a tumba dos refuxiados. Os gobernos europeos decidírono así, que sexa a tumba, o campo de concentración, humillación e conxelación. Hai 10 días, unha nai de 35 e o seu fillo de só 5 anos, morreron de frío preto de Lesbos. Este fin de semana outros 39 refuxiados, incluíndo 10 nenos, morreron afogados nun novo naufraxio ao longo da costa de Turquía. As imaxes dos seus corpos mortos na costa repítense cada semana, incesante, como unha pingueira de sangue. Están deixando-os sangrar. Non só a súa morte non conta, senón que lles desconta problemas. Cada cadáver é un refuxiado menos para se preocupar. Cada neno morto, unha boca a menos para alimentar. Aylan non os fai chorar.

Axiña os líderes europeos esqueceron as súas bágoas de crocodilo polo neno sirio que se afogou, como unha boneca de pano, nas costas de Europa. Axiña comprobouse que as súas promesas de axuda, eran simplemente unha foto para calmar a alarma social. Nós tragámolo coa mesma facilidade con que o mar engole refuxiados. Non só o esqueceron e decidiron que eles non van facer nada sobre isto, é peor: eles tamén comezaron a perseguir os cidadáns, os voluntarios e organizacións que tentan axudar aos náufragos, a Europa está estudando acusalas de complicidade coa mafia. Europa quere cargar coa culpa, a quen lle está a quitar o morto de enriba.

Non queren nin iso. Quérenos mortos para non ter que preocuparse, e o que non queren é que a axuda da xente os poña en evidencia, que poña en evidencia que 309 persoas perderon a vida no mar só en xaneiro, e 3.700 afogaron no 2015. Morren coma chinches, que é o que son para Europa, un problema que laia e proe. Cústame utilizar á lixeira certas palabras, pero non se pode negar o que é: é xenocidio por omisión de socorro. Non é só unha inmoralidade humana, tamén é ilegal. Se tamén perseguen aos que dan axuda, deberiamos chamalo, xa sen cortarse, xenocidio activo.

Ás veces hai que utilizar as palabras tabú, esas polas que te chaman demagogo populista porque os sinalas. O que fai Europa aos refuxiados é fascista, é nazi. Temos demasiado recente a Historia para esquecela. Dinamarca envíaos a campos de concentración (que eles chaman "campos de internamento", de xeito que as palabras os oculten) e confisca os seus bens para subasta-los, excepto aqueles con valor sentimental. Como se sacarlles todo non afectara aos seus sentimentos. Países Baixos, Suecia e Finlandia anunciou deportacións masivas. Europa, pel ferida polas guerras máis brutais, os crimes máis crueis e o exterminio máis atroz, repite a súa historia negra. Heil UE!

A maiores untaron a Turquía con 3.000 millóns para conter aos refuxiados, mentres ameazan a Grecia con botala para fóra do espazo Schengen, se non impide que os refuxiados acaden as súas costas, como se iso fose posible nun país de cen illas. Nada dun programa de emerxencia para deter a sangría e resolver unha crise humanitaria de proporcións demenciais. Hai que conter a praga, expulsar ás ratas e lanzalas ao mar. Agardan que o mar os trague e borre os vestixios do crime. Pero o mar cúspelles unha e outra vez as probas do crime.

Tamén a nós. Non podemos facer como os bañistas italianos que seguían tomando o sol, aínda que as ondas deixaran un cadáver na praia. Debemos mobilizarnos para apoiar aos que están mobilizados para salvar vidas. Hai que volver a moverse, como se fixo cando morreu Aylan. Non podemos facer chorar a esta Europa, pero podemos facerlles sentir vergoña e preocupación. Avergoñarse de terlle perdido a pista a 10.000 nenos refuxiados, que poden estar en mans da mafia. Unha Europa que deixa 10.000 nenos afondar no nada, é unha Europa que naufragou.

Aylan non os fai chorar. Agora é Aylan o que chora por eles.

[*] Javier Gallego Crudo. Xornalista e músico. Director do programa radiofónico Carne Cruda. No twitter.

O autor no buscador libre DuckDuckGo.

Publicado en eldiario.es. ____________________

Paro, ... Por Hector Tejón

Por Hector Tejón [*]
07.01.2016

PARO

Caras tristes. Poemas de corpos desgastados. Mulleres. Homes. A exclusión laboral sempre nos iguala, o sistema capitalista empérrase en separarnos por número, xénero e cupo. Choros dun bebé. Sona no meu smartphone (ese que ten calqueira) It's a New Day for love. E nos miramos. E nos alienamos. E agardamos a paulatina caída do número que marca o turno. Din que isto mellorou. Non o vexo, a verdade. Con ou sen formación, somos a merda cantante e danzante do mundo. Patria? Matria? Por favor. E son eles os que din representarnos. Non o creo, a verdade. Outra cousa é a función que cumpren. Escoito verbas de carraxe e resignación. De prestacións esgotadas. De nais que loitan e pais que morren na bastarda cola do Inem. E Neil, di que It's a New Day for love... esperemos...

[*] Héctor Tejón Sáez -A Coruña 1981, sociólogo e activista social, participa en Stop-Desafiuzamentos da Coruña e no Centro Social A Comuna. Licenciado e doutorando en Socioloxía pola Universidade da Coruña, onde traballou como investigador social e docente. Como sociólogo é co-autor do libro "La Siniestrabilidad Vial. Un problema desconocido". Actualmente atópase realizando a tese doutoral: "A construcción da identidade posmoderna a través do consumo de cine de masas do século XXI". Autor de diferentes artigos de actualidade política e social. | Praza Pública |  Galicia Confidencial | ClasesHistoria | Facebbok e Twitter.

Enviado por:
Inácio GZ
-inaciogz@gmail.com-
07 de janeiro de 2016 18:47
_____________

Segundo os últimos datos estatístico, o desemprego se reduce no conxunto do Estado, mais na Galiza aumenta considerabelmente e especialmente en Ferrolterra, Eume e Ortegal, que aumenta máis do dobre que a media galega

O paro sobe en Galicia, baixa no conxunto de España. | Galicia rexistra 3.066 desempregados máis e é a segunda autonomía onde máis sobe o paro, que se reduce no conxunto do Estado.

Galicia é a segunda comunidade do Estado onde máis medrou o paro no mes de novembro, só superada por Baleares. En total, 3.066 persoas máis anotáronse nas oficinas de emprego galegas, o que eleva o total de desempregados en Galicia a 225.158, dos cales o 51 por cento non cobra prestación algunha. A suba representa un 1,38 por cento máis na taxa de paro, que contrasta co descenso de 27.071 desempregados no conxunto do Estado.

O desemprego reduciuse en novembro en dez comunidades, principalmente en Andalucía (-17.900 parados), Comunitat Valenciana (-9.807) e Madrid (-4.678). Pola contra, subiu en sete autonomías, encabezadas por Baleares (+9.843 parados) e Galicia (+3.066).
Paro por sectores

O desemprego aumenta en todos os sectores da ecconomía, con maior incidencia no sector servizos (+1.747). A continuación sitúase, aínda que con diferenza, a construción (+426), seguida pola agricultura e a pesca (+392), a industria (+251) e o colectivo sen emprego anterior (+250).

Por provincias, o desemprego subiu en todas elas, agás en Pontevedra, onde diminuíu en termos absolutos 241 persoas, un 0,27 por cento menos que no mes anterior. Na Coruña aumentou en 1.674 persoas, seguida de Ourense con 849 persoas máis e de Lugo con 784.

Na evolución interanual –de novembro a novembro-, Galicia rexistra 23.474 desempregados menos que hai un ano, o que representa unha baixada do 9,44 por cento.

Temporalidade

Segundo os datos do Ministerio de Emprego e Seguridade Social, os contratos que se asinan en Galicia baixaron en preto de 10.000 en novembro, un 13 por cento menos que en outubro. En total, asináronse 68.070 contratos dos cales, 62.791 foron temporais, o 92,2% do total. Só 5.279 foron indefinidos, o 7,8 por cento.

Fonte: Galicia Confidencial | Santiago | 03/12/2015 | Actualizada ás 12:55

GC está baixo licenza Creative Commons Recoñecemento-NonComercial-CompartirIgual 4.0.
---

Aumenta o desemprego en 17 dos 20 concellos de Ferrolterra, Eume e Ortegal, máis do dobre que a media galega

O desemprego creceu en novembro por terceiro mes consecutivo en Ferrolterra. A peor parte leváron-na as comarcas do Eume e Ortegal, onde o paro aumentou nun 3,2 por cento (+1.778 parados) e un 3 por cento (+815) respectivamente, máis do dobre que a media galega, que se situou nun 1,38 por cento.

Deste xeito, as tres comarcas mantéñense uns niveis de ocupación baixos e non logran crecer en emprego, nun mes que foi bo para España, pero non para a comunidade.

Na comarca de Ferrol tamén aumentou o paro, aínda que en menor medida, nacontorna do 2 por cento. O número de desempregad@s pasou de 13.999 a 14.287, é dicir, que hai 288 novos demandantes de emprego. Ares (6,4%), Mugardos (7,7%) e Valdoviño (5,9%) son os municipios máis afectados na comarca de Ferrol. Por contra, a urbe naval sufriu unha das menores subidas dos 20 concellos das tres comarcas, case un 1 por cento, que se traduce en 66 persoas máis sen traballo.

Os concellos que menos notaron este incremento de desempregad@s foron Cerdido e Monfero, que engrosaron as listas do paro nunha soa persoa, e Cabanas e A Capela, que manteñen os mesmos datos que en outubro. Cariño é o único municipio de Ferroltera que logrou descender o número de parados, concretamente en 7 persoas.

Comparando as cifras interanuais, en novembro do 2014 Ferrol tiña 7.462 inscritos no INEM e no mesmo mes do 2015 a cifra baixou ata os 6.742. Isto supón 720 persoas menos demandando emprego na cidade, é dicir, un descenso do 9,65%. Estes mesmos datos extrapolados a toda a comarca de Ferrol arroxan un descenso do 10 por cento, pasando de 15.892 inscritos a 14.287.

Na comarca do Eume o descenso interanual é similar, dun 10,5 por cento, con 210 desempleados menos. Pola súa banda, a comarca de Ortegal experimentou un menor descenso, do 8,11%.

Sectores.

O sector primario "agricultura e pesca" foi o menos afectado nas tres comarcas. Entre os 20 municipios destruíronse tres postos de traballo respecto ao pasado mes de outubro. Tanto é así, que no municipio de Ferrol a cifra de desempregad@s neste sector descendeu en sete personas no pasado mes.
Con todo, o sector da construción nas comarcas si aumentou lixeiramente. Os 2.072 desocupad@s do mes pasado pasan agora a ser 2.154, 82 persoas máis, contorna ao 4 por cento. Pero o sector máis castigado pola destrución de emprego foi o industrial. Aquí son 97 os novos demandantes de emprego, case un 5% máis que en outubro, deixando unha cifra total de 2.027.

Fonte: Diario de Ferrol | Redacción Ferrol | Actualizado 3 Diciembre 2015 - 01:00 h.
---
Foto: Acción das Marchas da Dignidade de Ferrolterra. por un Plan de Choque contra o Paro.
_____________________________

O Observatorio para a Defensa dos Dereitos e Liberdades (EsCULcA), presenta o relatorio: "Democracia envenenada"

Relatorio EsCULcA. "Democracia envenenada"

Á maña de hoxe, 30 de Novembro de 2015, o Observatorio para a Defensa dos Dereitos e Liberdades (EsCULcA), presentou o Relatorio EsCULcA: "Democracia envenenada". O avogado e presidente da xunta directiva da entidade, Fernando Blanco Arce, pide a colaboración para dar a coñecer este importante traballo a todas as persoas e organismos que podan estar concernidos pola información que nel se recolle.

O relatorio "Democracia envenenada" sobre vulneración de dereitos no espazo público no período 2010-2014, documento, elaborado a partir da información reunida polo noso observatorio, descríbense centos de casos de abusos policiais (identificacións e sancións inmotivadas, amezas e insultos, agresións, etc.) acontecidos durante eses cinco anos no noso país.

Enviamos a ligazón de acceso ao relatorio: Ir á Web.

Correo-e:
esculca@esculca.net

Web oficial:
http://www.esculca.gal/

Nas redes sociais:
Facebook | Twitter.

Enviado por:
Joam Tavia
-jtavia@gmail.com-
30 de novembro de 2015 15:39
________

Ante a morte de Carlos Midón, o movimento antidesafiuzamentos de Ferrolterra convoca unha Concentración de dor, denuncia e reivindicación - Venres 25 de Setembro, ás 6 da tarde, na Praza Amada Garcia, diante do Edificio Administrativo da Xunta de Galicia

Ante a morte de Carlos Midón, o movimento antidesafiuzamentos de Ferrolterra convoca unha Concentración de dor, denuncia e reivindicación.

O movimento antidesafiuzamentos e por unha vivenda digna, como noutras zonas da Galiza, convocamos en Ferrol para o Venres 25 de Setembro, ás 6 da tarde, unha concentración na Praza Amada Garcia, diante do Edificio Administrativo da Xunta de Galicia. Con toda probabilidade que sexa unha convocatoria conxunta da PAH de Ferrol e Comarca e STOP-Desafiuzamentos da rede de Apoio Mutuo de Ferrol Terra, co apoio das Marchas da Dignidade, e agardamos recibir mais apoios.

O motivo da concentración é o de amosar a nosa dor ante a morte de Juan Carlos Midón Míguez, que se quitou a vida o pasado 21 de setembro. Carlos era un compañeiro de STOP-Desafiuzamentos de Compostela, que fora desafiuzado coa súa familia hai un ano en Aríns. Vítima dunha estafa e un cúmulo de circunstancias adversas, dun sistema inxusto que non rescata ás persoas, só rescata bancos. Carlos fixera a súa casa coas súas mans. O feito de quedar en paro, desencadeou empobrecemento e a perda da vivenda a mans dun usureiro. Imos-nos concentrar, tamén, para denunciar este Sistema inxusto e corrupto, aos poderes públicos, económicos e financeiros que permiten e promoven os desafiuzamentos, o desemprego e o empobrecemento das persoas. E por último, mobilizaremos-nos para reclamar políticas que garantan o dereito ao emprego, unha renda básica, alimentación, saúde, coidados, educación, enerxía, vivenda e unha vida digna.

A continuación transcribimos o comunicado emitido pol@s companheir@s de Carlos de Stop-Desafiuzamentos Compostela:

"Na tarde de onte, 21 de setembro, cumpríndose un ano do desafiuzamento de Aríns, o afectado por aquel despexo, Carlos Midón, quitouse a vida.

Stop Desafiuzamentos Compostela lamenta profundamente que a voracidade duns poucos, a súa guerra económica contra as persoas de abaixo (non é unha crise) e as nefastas condicións psicolóxicas e vida ás que estamos sometidas a maioría social siga a levarse vidas por diante.

Mentres o desemprego, a miseria, os desafiuzamentos...existan, haberá mortes. Os reponsables teñen nome propio.

Todo o noso apoio á familia e amizades e especialmente á María e ós seus fillos.

Que a terra che sexa leve compañeiro!!!"

Non son suicidios, son asasinatos!!

Participa !!

Nin casa sen xente, nin sente sen casa !!

Si se Pode !!

Saúde e Vivenda Digna !!

Stop-Desafiuzamentos da Rede de Apoio Mutuo de Ferrol Terra | Está Adherida ás PAHs (17.03.2013) e forma parte da Coordinación Galega de STOPs e PAHs.

Correo-e:
forosocialdeferrolterra@gmail.com

Blogue:
http://stop-desafiuzamentos-ferrolterra.blogspot.com.es/

Páxina no facebook:
https://www.facebook.com/StopDesafiuzamentosDeFerrolTerra

Local:
Avda. Castelao S/N.
Local de Arméria Soc. coop. Galega
Traseira do Mercado Municipal de Caranza
1406-Ferrol

Nota.- Foto de Xoán A. Soler.
________________