Lídia Senra en Barcelona no primeiro día de campaña: 'Seguiremos loitando para que se garantan pensións públicas e dignas' - Programa de Compromiso por Europa

Lídia Senra: “Seguiremos loitando para que se garantan unhas pensións dignas a través dos orzamentos públicos”. | A eurodeputada e candidata ás eleccións do 26 de maio viaxou hoxe a Barcelona para intervir na clausura da VI Asamblea da Marea Pensionista de Catalunya. | Marca como prioridade para o próximo mandato da UE botar abaixo o mercado europeo de pensións privadas e asegurar que ningunha persoa ao rematar a súa vida laboral entre na pobreza.

“Viñémolo repetindo unha e outra vez neste mandato durante o debate no Parlamento Europeo do Produto Paneuropeo de Pensións Individuais (PEPP), ao que nos opuxemos totalmente co noso voto en contra. Non podemos admitir que as nosas pensións dependan da capacidade de aforro que teña cada persoa. Os sistemas de pensións públicos e as pensións dignas deben ser garantidas a través dos orzamentos públicos. Seguiremos traballando para botar abaixo o mercado europeo de pensións privadas e para que desde as institucións europeas se poñan instrumentos para que se garanta que ningunha persoa ao rematar a súa vida laboral entre na pobreza”. Así o asegurou esta tarde en Barcelona a eurodeputada Lídia Senra, candidata de En Marea: Compromiso por Europa ás eleccións europeas do próximo 26 de maio.

Despois de que a pasada noite fixera a primeira pegada de carteis en Lugo, Senra acudiu hoxe, no primeiro día da campaña electoral, a Barcelona, para participar na clausura na VI Asamblea da Marea Pensionista de Catalunya. Ante un auditorio totalmente cheo de público, a candidata galega ás eleccións europeas marcou como prioridade do próximo mandato europeo facer toda a presión para que a UE adopte políticas que combatan as causas polas que as pensións públicas son insuficientes a día de hoxe, empezando por botar abaixo as reformas laborais e de pensións impostas polas santo-sacras institucións neoliberais e capitalistas. “Necesitamos políticas públicas que garantan as pensións do futuro a todas as persoas, non solucións privadas para uns poucos”, defendeu.

Santiago, 10 de mayo de 2019.

Grazas pola difusión. Adxuntamos fotografías do acto

Oficina de Lídia Senra na Galiza
Tlf.: +34.698.144.067 / 698.120.268
Tlf.: +34.881.817.443

www.lidiasenra.gal

Enviado por:
Lidia Senra
-age.europa.galiza@gmail.com-
10 de maio de 2019 18:03
__________

⏩ Ao Parlamento Europeo con tres eixes básicos:

➤ Protexemos ás persoas.
➤ Protexemos a ecoloxía.
➤ Protexemos o territorio.

O Programa consúltao aquí:
http://bit.ly/Programa_CPE

En Marea
https://enmarea.gal/

Compromiso por Europa
@CompromisoEU

@compromis | @en_marea | @chunta | @mespermallorca | @PartCastellano | @izqandalucista | @Nueva_Canarias | @caballasceuta| @equo_iniciativa | @cpmelilla


En Marea traballará para impulsar unha Europa máis xusta, feminista, ecoloxista e centrada nas persoas. | Ir á Web.
____________

Este domingo 14 de abril, ás 12:30hh. no Hotel Almirante, Mitin de En Marea

Este domingo 14 de abril, ás 12:30hh. no Hotel Almirante, MITIN de En Marea. Coas intervencións de: María Chao, Mariló Candedo, Ana Seijas, Luis Villares e presentado polo candidato da Marea de Ferrol, Bernardo Lorenzo Cuétara. Agardámosvos!!

https://enmarea.gal/

Correo-e: mareadeferrol@gmail.com
http://mareadeferrol.gal/
https://twitter.com/FerrolMarea
https://facebook.com/mareadeferrol

Info baseada na enviada por:
Marea de Ferrol
-mareadeferrol@gmail.com-
13 de abril de 2019 09:36
____________

A Marea de Ferrol continúa coa súa rolda de contactos coas entidades sociais ferrolás de base territorial e sectorial - Trátase de recoller as preocupacións e iniciativas do tecido asociativo, ao tempo que contrastamos as nosas propias propostas programáticas

MAREA DE FERROL CONTINÚA COS SEUS CONTACTOS PARA ELABORAR UN PROGRAMA PARTICIPADO

A Marea de Ferrol continúa coa súa rolda de contactos coas entidades sociais ferrolás de base territorial e sectorial.

Trátase de recoller as preocupacións e iniciativas do tecido asociativo, ao tempo que contrastamos as nosas propias propostas programáticas.

O pasado martes 9 de abril xuntabámonos coa Asociación de Veciñas do Ensanche no Centro Carvalho Calero, e o 11 de abril participabamos nun encontro veciñal coa Asociación de Veciñas do Barrio de San Xoán de Filgueira, no seu local social.

En todos os encontros nos que estamos participando constatamos a evidencia do abandono xeralizado dos equipamentos municipais e o deterioro da relación entre a institución e o tecido social, así como preocupacións máis específicas de cada lugar ou sector.

O transporte público, a seguridade nos barrios, o tráfico, a falla de atención ás persoas maiores, a epopea da ausencia de desbroces, o servizo de auga e saneamento, a ausencia de equipamentos deportivos, sanitarios, sociais e culturais… son algunhas das cuestións comentadas nestes encontros veciñais.

Desde a Marea de Ferrol, ademais de recoller as demandas veciñais, explicamos as liñas estratéxicas do noso programa e insistimos na necesidade de articular procesos participativos de base en cada barrio, para acadar acordos amplos que orienten o traballo municipal a desenvolver no medio e longo prazo.

Foto:  Encontro veciñal realizado o 11 de abril no Local social de San Xoán.)

Mitin, en Ferrol, de En Marea

Así mesmo, aproveitamos a ocasión para animar á participación da cidadanía no Mitin de En Marea que se celebrará o vindeiro domingo 14 de abril, ás 12:00 hh. No Hotel Almirante.



Comunicación de Marea de Ferrol

Correo-e: mareadeferrol@gmail.com
http://mareadeferrol.gal/
https://twitter.com/FerrolMarea
https://facebook.com/mareadeferrol

Enviado por:
Marea de Ferrol
-mareadeferrol@gmail.com-
13 de abril de 2019 09:36
____________

Acto de sinatura do Protocolo de Colaboración entre Marea de Ferrol e En Marea, para concorrer ás eleccións municipais do próximo mes de maio - Terá lugar no Centro Cívico de Canido, o vindeiro sábado 30 de marzo, ás 12:30 horas

ACTO DE SINATURA DO PROTOCOLO DE COLABORACIÓN MAREA DE FERROL - EN MAREA

O vindeiro sábado 30 de marzo, ás 12.30 horas, no Centro Cívico de Canido (Rúa Poeta Pérez Parallé) convidámosvos a asistir ao acto de sinatura do Protocolo de Colaboración entre Marea de Ferrol e En Marea, para concorrer ás eleccións municipais do próximo mes de maio.

No acto contaremos coa presenza de Bernardo Lorenzo (Coordinador da Marea de Ferrol), Ana Seijas (Vicevoceira de EM e Responsable de Municipalismo) e Luís Villares (Voceiro nacional de EM).

Contacto:
mareadeferrol@gmail.com

Facebook:
https://www.facebook.com/mareadeferrol/

Enviao por:
Marea de Ferrol
-mareadeferrol@gmail.com-
27 de março de 2019 14:52
__________

Carta da deputada de En Marea no Parlamento Español, Alexandra Fernández Gómez, sobre o seu paso pola actividade parlamentaria en Madrid

Compañeiras e compañeiros,

Hoxe remata unha lexislatura tremendamente intensa na que, ao longo de tres anos, remamos contra vento e maré por colocar os problemas das traballadoras do noso país na axenda estatal.

Nun primeiro momento, as dificultades viñeron dadas polo feito de a organización estar por construír. Tocoume, daquela, asumir a portavocía do grupo. Con todos os erros da inexperiencia, pero tamén con toda a forza da vontade, comprometinme en visibilizar as nosas demandas na cámara e loitei, contra propios e alleos, por facer valer o aval que centos de miles de galegas e galegos nos deron.

Como portavoz na comisión de Fomento traballei para tentar humildemente perfilar unha estratexia que puxese en valor o potencial da Galiza Atlántica; dunha Galiza que non quere depender dunha política do Estado que co seu modelo radial nos pretende asimilar á España baleira, senón que quere falar dende as súas necesidades e fortalezas. Foi para min estratéxico colocar temas como a AP9, os corredores europeos de mercadorías, o sistema ferroviario, os portos, as estradas... porque as infraestruturas son, á fin e ao cabo, as que xeran as condicións de posibilidade para que teñamos un ou outro modelo socioeconómico e condiciona profundamente as nosas vidas.

Adquirín, tamén, un compromiso persoal para que a comisión de investigación de Angrois saíse adiante, e tiven a sorte de acompañar durante todo este tempo as víctimas e familiares do Alvia, con quen aprendín a importancia do empeño e do tesón. Tralo paso de case medio centenar de comparecentes conseguimos desenmascarar mentiras e medias verdades, e provocamos que funcionarios do Ministerio de Fomento desen un paso adiante para atenuar a opacidade de “verdade” oficial. Quédame a espiña de que o final anticipado da lexislatura deixase no aire a elaboración do informe de conclusións, que espero e desexo que se recollan para a seguinte.

Tiven a sorte de atopar e traballar cunha chea de xente anónima que durante estes anos nos acompañou na nosa labor ao longo do país. E levo tamén o galano de que moita desta xente se convertese en compañeiros e compañeiras. A todas elas, a todas vós, grazas, e grazas tamén a todas as persoas que me queren e ás que lle tiven que sacar horas de dedicación, e a aquelas ás que lle roubei horas de apoio, debates e reflexións.

Despois dunha profunda reflexión, poño fin, pois, a unha etapa dura e intensa. Tiven moi claro desde o primeiro momento que o meu tempo na política institucional había ser limitado. Nestes tres anos non fixen máis que reafirmarme na importancia de estar na política por convicción e non por necesidades persoais. Por iso sempre tiven presente a necesidade de retomar a miña carreira. Volto agora a ela, mantendo o meu compromiso militante desde a base.

Estamos nuns tempos convulsos que requiren respostas audaces e de mirada longa. Penso que é momento para pararse, para reflexionar, para máis traballo ao carón das compañeiras, para esa militancia en que os rumbos compartidos xeran afectos e proxectos de longo alento. Porque a Galiza combativa do Nunca Máis, do 15M ou do 8M segue palpitando urxencia. Continuamos!

Fonte: https://www.facebook.com/alexandra.galiza

[*] Alexandra Fernández Gómez, nada en Vigo o 21 de outubro de 1988.

Enviado por:
Alexandre Carrodeguas
-republicadetraballadoras@gmail.com-
28 de fevereiro de 2019 20:33
_______________

'Coidando a Casa' a candidatura encabezada por Luís Villares, atinxiu máis do 59,2% dos votos, 1.596 sufraxios, gañando as eleccións internas de En Marea

Villares gaña as primarias de En Marea

Luis Villares gañou as primarias de En Marea. O actual portavoz da organización e parlamentar obtivo máis apoio das persoas inscritas para poder votar que o rival nas urnas, David Bruzos. 'Coidando a Casa' atinxiu máis de 59,2% dos votos, 1.596 sufraxios. Son datos provisionais que están a ser auditados. Máis de 4.000 persoas estaban inscritas para participar neste proceso. A pregunta agora, unha vez coñecido o resultado, é se as costuras de En Marea resistirán ao vivido nestas semanas e o acumulado ao longo de todos estes meses: dous sectores enfrontados e que semellan irreconciliábeis, os 'villaristas' (partidarios da actual dirección e do seu portavoz) e 'críticos' (Podemos, Esquerda Unida, gran parte de Anova e as marés de cidades como Compostela ou A Coruña).

Desde partes do sector crítico, e segundo avanza a Cadena Ser, poñen estes resultados baixo sospeita e consideran que puido haber un pucheirazo. A decisión de manter a candidatura dos críticos para as primarias desta fin de semana xerou un intenso debate no seo deste sector. De feito, unha das súas ponlas, Esquerda Unida, decidiu non participar nas votacións, por entender que non se daban as garantías "democráticas" mínimas. Unha opinión que tamén era partillada por parte de Podemos. Criticaban o cesamento de tres membros do comité electoral e expresaban dúbidas sobre o cambio dom sistema para auditar as votacións. 

Comisión de garantías

Nestas primarias tamén se votaba para elixir membros da comisión de garantías: Os cinco membros máis votados son da candidatura 'Coidando a casa'. Segundo consta na web de En Marea, a comisión de garantías é un órgano colexiado composto por cinco persoas elixidas democraticamente seguindo o criterio de paridade de xénero. En ningún caso actuarán de oficio, senón a instancia de parte. É o garante e o intérprete da normativa interna e dos acordos plenarios.

Este sábado constitúese o Consello das Mareas, 35 integrantes, e o comité de garantías. Será unha boa oportunidade para testar a disposición de ambas as dúas partes a acordos e a continuar no mesmo proxecto.

Fonte: Sermos Galiza | 24.12.2018 | Baixo licenza Creative Commons by-nc-nd.

Participa, Apoia Subscribe a un diario galego e na lingua propia da Galiza:
SERMOS O DIARIO GALEGO
___

Web oficial de En Marea:

https://enmarea.gal/


A nova noutros medios:

Faro de Vigo.
Primarias de En Marea: Luís Villares gana las votaciones y acentúa el ...https://www.farodevigo.es › Galicia. Luís Villares ha ganado las primarias de En Marea con un 59, En Marea cierra, a las 9,00 horas de este lunes, día de Nochebuena, el proceso interno para ...

Praza Pública.
A candidatura de Villares gaña as eleccións de En Marea co 59% dos ...
praza.gal/.../a-candidatura-de-villares-gana-as-eleccions-de-en-marea-co-59-dos-votos. A candidatura Coidando a casa foi a máis votada nas eleccións internas de En Marea. Segundo os resultados provisionais divulgados este 24 de decembro, ...
CRTVG.
Luís Villares gaña as primarias de En Marea e imponse a Bruzos co ...
www.crtvg.es/informativos/luis-villares-gana-as-primarias-de-en-marea. Luís Villares, actual voceiro de En Marea, revalida o seu liderado no partido coa vitoria nas primarias celebradas esta fin de semana. Imponse á candidatura de

La Voz de Galicia.
Los resultados provisionales de las primarias de En Marea dan la victoria a Villares. Su candidatura podría haber obtenido el 60 % de los votos. El sector crítico habla ya de «pucherazo»
____________

En Marea denuncia que non é necesaria unha ampliación da capacidade de almacenamento de gas en Reganosa - A deputada e voceira de En Marea no Congreso,Yolanda Díaz, solicitou información ao Goberno sobre unha posible autorización ao non estar contemplada a obra na planificación do sistema gasista

En Marea denuncia que non é necesaria unha ampliación da capacidade de almacenamento de gas en Reganosa

A deputada e voceira de En Marea no Congreso, Yolanda Díaz, solicitou información ao Goberno sobre unha posible autorización ao non estar contemplada a obra na planificación do sistema gasista.

En Marea vén de rexistrar unha nova batería de iniciativas no Congreso dos Deputados relativas á ampliación da capacidade de almacenamento de Reganosa, para coñecer se o Goberno ten coñecemento da intención da empresa gasista de construír un terceiro tanque nas súas instalacións de Punta Promontorio, en Mugardos.

Así, Yolanda Díaz solicita información sobre os trámites administrativos de solicitude de autorización previos á mencionada obra, e sobre a súa viabilidade, a pesar da escasa produción de Reganosa.

O grupo parlamentario de En Marea tamén presentou unha Proposición non de Lei para solicitar ao Goberno que informe da situación da Planificación do Sistema Gasista para o período 2017-2020 e en particular se está previsto modificar o borrador de Planificación 2012-2020 para incluír un terceiro tanque e ampliar a capacidade de almacenamento na planta de Reganosa en Mugardos e a xustificación técnica e económica para esta modificación.

Nesta iniciativa, En Marea volve solicitar, unha vez máis, a eliminación de Reganosa do sistema de retribucións estatal, e o peche definitivo da planta de Mugardos, xa que a súa localización foi anulada ata en catro ocasións polo Tribunal Supremo, por carecer da correspondente Declaración de Impacto Ambiental, polo risco que supón para as poboacións que están preto.

Yolanda Díaz afirmou que o que é máis grave é que "a pesar destas sentencias, foi o propio Goberno quen eximiu á empresa da obriga de cumprir coa Lei mediante Resolución do Consello de Ministros do 27 de maio de 2016" (10 anos despois de que comezara a operar a planta regasificadora e un mes despois da cuarta sentencia do Tribunal Supremo).

Finalmente, En Marea esixe o garante de que non se desenvolva o proxecto de Bunkering de GNL a buques na Ría de Ferrol polo aumento do risco para a poboación, xa que se incrementaría a circulación de barcos pola canle de acceso á ría interior aumentando deste xeito o risco de encallamento, accidentes que xa se rexistraron noutras ocasións.

Cabe lembrar, tal e como sinala a voceira de En Marea no Congreso, que este canal é longo, estreito e pouco profundo, con condicionantes de vento, calado e visibilidade, e no caso dunha emerxencia nas operacións de descarga, o buque gaseiro non podería saír do interior da ría, non cumprindo coa normativa de navegación que require a inmediata evacuación do barco fora da ría, o que constituiría unha ameaza para a poboación de Ferrolterra se se fondeara, tal como se ten previsto, a 400 metros dos arsenais e da cidade de Ferrol.

Yolanda Díaz insiste, nas iniciativas presentadas, que non é necesario un terceiro tanque en Reganosa, e así o avalan os datos: a produción dos ciclos combinados en Galicia en 2010 foi de 2.142 GWh que fronte aos 44.447 GWh/ano de capacidade nominal da planta, so supón un exiguo 4,8 % da capacidade nominal, fronte ao 80 % comprometido pola empresa gasista.

Ademais, a súa produción física nominal apenas alcanzou o 20% en setembro de 2017. Os niveis de tanques nos anos 2016 e 2017 estiveron en valores por debaixo de 200.000 m3 (salvo en xaneiro de 2016), que se corresponde cos 2/3 da súa capacidade nominal. Ademais, nos rexistros da propia compañía detéctase que, salvo excepcións puntuais, o máis habitual é unha soa descarga ao mes.

Por outra parte, a deputada lembra que nin na planificación vixente do Sistema Gasista, que é a correspondente ao periodo 2008-2016, nin no borrador, de xullo de 2011, de planificación do Sistema Gasista para o periodo 2012-2020 aparece recollida a construción dun terceiro tanque na planta de regasificación de Mugardos, contrariamente ao que afirmou recentemente en varios medios de comunicación o director xeral de Reganosa.

Polo tanto, Yolanda Díaz denuncia, de novo, que o terceiro tanque de Reganosa, ademáis de non ser necesario ao estar xa infrautilizados os dous tanques existentes, non aparece en ningún dos escenario considerados na Planificación do Sistema Gasista. Autorizar un terceiro tanque na planta de regasificación de Mugardos, aumentaría, como consecuencia da retribución polo investimento realizado, o compoñente regulado da tarifa do gas e polo tanto o importe do recibo do gas, ademais de supor un novo freo á implantación das enerxías renovables.

Madrid, 16 de novembro de 2017.

Iniciativas:

Pregunta Escrita relativa á ampliación da capacidade de almacenamento de Reganosa, rexistrada o 14 de novembro de 2017. | 6 páxinas en formato pdf. | Acceder/Baixar.

Proposición Non de Lei para o seu debate na Comisión de Enerxía, ... relativa á ampliación da capacidade de almacenamento de Reganosa, rexistrada o 15 de novembro de 2017. |  6 páxinas en formato pdf. | Acceder/Baixar.

O COMITÉ CIDADÁN DE EMERXENCIA PARA A RÍA DE FERROL, TAMÉN NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc

Info baseada na enviada polo:
Comité Cidadán de Emerxencia
-comitecidadan@gmail.com-
18 de novembro de 2017 09:278

_______________