Piden a liberdade de Andrés Bodalo, sindicalista do Sindicato Andaluz de Traballadoras e Traballadores (SAT) e concelleiro de Agora Jaén

Miles de persoas piden en Jódar (Jaén) a liberdade de Andrés Bódalo

Máis de dúas mil persoas manifestaron-se o sábado, 2 de Abril, pola rúas da localidade xienense de Jódar para reclamar a liberdade do seu paisano, o sindicalista do SAT Andrés Bódalo, concelleiro de Agora Jaén na capital da provincia e cabeza de lista de Podemos nas pasadas eleccións xerais pola circunscrición. Bódalo ingresou na prisión Jaén II o pasado 30 de Marzo para cumprir unha condena de tres anos e medio por agredir ao tenente de alcalde do Concello de Jódar, o socialista Juan Ibarra, acusación que o condenado negou sempre con rotundidade.

A manifestación estaba encabezada por unha pancarta na que se lía "Amnistía - Loitar polos nosos dereitos non é delito", trala que marchaban a nai, a esposa, os fillos e outros familiares de Andrés.

Ao final da marcha interviñeron o alcalde Marinaleda, Juan Manuel Sánchez Gordillo, quen afirmou que "agora é o momento de facer unha revolución máis aló do PP e do PSOE", e o dirixente do SAT e da Candidatura Unitaria de Traballadores (CUT), Diego Cañamero, que reclamou a liberdade de Bódalo e asegurou que, si non a conseguen, marcharán a pé desde Jódar até Madrid para reclamala.

O SAT tamén organizou concentracións a favor da liberdade de Bódalo en numerosas localidades de Andalucía e do resto do polo de agora Reino de España.

Andrés Bódalo Liberdade!
Multitudinaria manifestación en Jódar o sábado, día 2 de Abril


https://youtu.be/6NjIH5E7b40

Vídeo: Santiago Donaire.
Fonte: CuartoPoder .

Enviado por:
André M. Ces
-andre.martinez.ces@gmail.com-
7 de abril de 2016 00:15
__________________

A comida 'expropiada' ao Mercadona polo Sindicato Andaluz de Traballadoras e Traballadores (SAT) tivo como destino un bloque de vivendas ocupadas por familias desafiuzadas en Sevilla, bautizado como 'La Corrala Utopía'' - Vídeo

As veciñas e os veciños de 'La Corrala Utopía' describen cal é a súa situación e as súas dificultades. Así mesmo, opinan sobre a polémica que se xerou nos últimos días en torno á última acción do SAT, que "expropiou" alimentos de primeira necesidade en dúas grandes superficies comerciais. Boa parte destes alimentos acabaron destinados ás familias sen recursos de 'La Corrala' de veciñ@s de 'La Utopía'.

A comida 'expropiada' ao Mercadona polo Sindicato Andaluz de Traballadoras e Traballadores (SAT) tivo como destino un bloque de vivendas ocupadas por familias desafiuzadas en Sevilla, bautizado como 'La Corrala', cuxos habitantes aseguran que, tras perder os seus postos de traballo e verse na rúa, acudiron en balde ás institucións para recibir unha axuda urxente que non se lles deu.

Os veciños da Corrala prepararon un vídeo no que agradecen ao sindicato que lles trouxo alimentos básicos. "Recibimos unha chamada de Sánchez Gordillo e díxonos que si necesitabamos comida. Preguntounos que en que situación estabamos e díxenlle que estabamos críticos, pasando unha mala racha", explica un dos habitantes do bloque, tras asegurar que nin o Banco de Alimentos nin Cáritas aliviaban de xeito efectivo a súa situación. "Agradecémosllo no alma, que nos dea para comer. Aínda que nos dean iogurte, polo menos ese día comeron as crianzas iogurte", afirma outra das veciñas.


http://youtu.be/WPPibyP595w
Vídeo publicado en 12.08.2012 na canle Corrala Utopía
Foto:  A bailaora Belén Maya visita 'La Utopía'.
Fonte: publico.es

Enlace relacionado:

• Ártabra 21: Carta a unha caixeira de Mercadona, ... Por Pascual Serrano

• Ártabra 21: Rescatar ás persoas, esa é a prioridade - Sindicato Andaluz de Traballadoras e Traballadores -SAT

Información baseada na enviada por:
Lucia Vizoso
-luciaxocaloma@gmail.com-
17 de agosto de 2012 00:06
____________

Xornaleiros e Xornaleiras andaluces ocupan a finca militar "Las Turquillas" en Ecija

Ocupación de finca militar en Ecija polos xornaleiros e xornaleiras andaluces

Ao redor de 1.000 sindicalistas ocuparon esta mañá a Leira "Las Turquillas" onde se sitúa a ieguada Militar do Exército. A finca, dependente do Ministerio de Defensa, ten 1.200 hectáreas, a inmensa maioría en baldío, dado que o Exército só utiliza 20 hectáreas para a ieguada.

Tras percorrer o quilómetro que separa a estrada da finca penetrouse en Zona Militar -advertida por grandes cartelóns- e alcanzouse o recinto militar onde unha comisión do SAT entrevistouse cos mandos militares. Dentro do recinto militar esperaba unha compañía de antidisturbios da Garda Civil e tropas militares polo que en asemblea decidiuse non forzar a entrada ao recinto e permanecer na zona militar da finca, iniciando os traballos de infraestructura e logística para permanecer na mesma.

Esta tarde xa se está habilitando unha zona onde esta mesma noite máis de 100 compañeiros e compañeiras quedaranse a pasar a primeira noite en "La Turquilla" ocupada.

O Portavoz Nacional do SAT, Diego Cañamero, sinalou que o obxectivo da ocupación é "que a terra pase a mans das traballaoras e traballadores" e que a finca, dedicada á cria de cabalos, pase a ser utilizada por cooperativas de traballadores e traballadoras.

"Non queremos a propiedade da terra, queremos o seu uso", enfatiza Cañamero, "que a terra sirva para dar traballo e crear riqueza, e non para recibir subvencións de Europa".

O dirixente sindical destacou que a comarca sevillana onde se sitúa a finca sofre "un 40% de paro" e, ante esa situación, "non pode ser que terras públicas ou privadas poidan estar alleas á realidade dun pobo que xa non sabe que facer co paro". "Queremos demostrar que, en mans de cooperativas, a finca terá outro uso, pensando na creación de traballo e en sacar productividade á terra e non só en subvencións da UE", explicou Diego Cañamero.

Sobre o trato cos militares que traballan no centro de reprodución equina da finca ocupada, Diego Cañamero dixo que o trato foi cortés e que "non temos nada en contra deles".

Ante a vixilancia das forzas de seguridade que acompañou a ocupación, que se desenvolveu sen incidentes, o dirixente sindical declarou que "viñemos a quedarnos, non é unha ocupación simbólica. Somos conscientes, creemos no que facemos e facémolo pacíficamente", declarou Cañamero, que asegurou que "si nos expulsan, volveremos e farémolo até que o goberno ceda esas terras as traballadoras e traballadores".


http://youtu.be/LotzYWgG3SU

Fonte: http://www.sindicatoandaluz.org/

Enviado por:

avesteiro
-avesteiro@galicia.com-

27 de julho de 2012 18:45

_________