Convite para apoiar á Asociación Lazos e participar na rolda de prensa do Luns 20 de Agosto

Prezadas compañeiras  e compañeiros,

Dende a Asociación Lazos Pro Solidariedade queremos solicitar, se así o considerades,  o voso apoio e solidariedade,  trala situación que estamos a atravesar, asinando o documento que vos enviamos e participando,  de forma presencial,  na rolda de prensa que  se levará a cabo o vindeiro luns 20 de Agosto, ás 11.30 horas, no local da entidade (o local da entidade se atopa na Avda. Dr Fleming 8-10 Baixo-Ferrol).

Comunicado de denuncia e solidariedade coa Asociación Lazos

As entidades, organizacións e asociacións abaixo asinantes, queremos denunciar ante á opinión pública, e ante as institucións que corresponde, os seguintes feitos:

A Asociación sen ánimo de lucro Lazos Pro Solidariedade- Comité antisida de Ferrol, fundada no ano 1995, con 17 anos de funcionamento, formada por persoas afectadas polo VIH e a Sida, polas drogas, pola exclusión Social e por profesionáis do ámbito educativo e sociosanitario, está a atravesar nestes momentos unha situación crítica.

A demanda nos programas que desenvolve a entidade , veuse aumentada exponencialmente, ata o punto de estar preto do colapso asistencial. Nos 6 meses que van deste ano 2012 , a entidade xa leva atendido máis demandas que en todo o pasado 2011. A día de hoxe, atendéronse un total de 4.610 demandas no local da entidade.

A asociación traballa en dous ámbitos ben diferenciados: O ámbito da exclusión social e o ámbito da infección polo VIH, sendo a única entidade da comarca destas características.

Cada día a entidade, atende a máis de 35 persoas en situación de exclusión social nos diferentes programas.

Dado que o Concello de Ferrol, reduciulle un 70 % o orzamento con respecto ao pasado ano, a opinión pública debe saber que esta redución implica que o 60% das persoas usuarias, non poderán ser atendidas.

Ante esta situación de emerxencia a primeira medida que se veu obrigada a tomar  a entidade, foi ter que prescindir a dúas profesionáis do equipo técnico. Isto implica que o ratio usuario/profesional pasa a ser de 35/1, cando anteriormente era de 12/1; resentíndose con isto tanto a calidade coma a eficacia das intervencións. O único profesional que ate agora, continua traballando non esta garantido que poida continuar máis alá do mes de setembro, do presente ano.  Se a situación non revirte, a entidade se vería obrigada a pechar.

A actividade da asociación supón un beneficio social e económico para o conxunto da cidadania. No ámbito do VIH unha persoa diagnosticada e tratada correctamente, supón un aforro económico no ámbito sanitario e social ao ano de 40.033 €/ano para as Administracións públicas. No ámbito da exclusión social, as persoas que dispoñen dunha rede de apoio, e programas de atención e contención social, funcionan con maior autonomía e polo tanto son menos demandantes de recursos sociais. A isto hai que engadir que todas estas acción construen unha sociedade mais democrática e máis xusta.

A situación de falta de apoio institucional que se vive nestes momentos, só pode ser entendida desde o descoñecemento da actividade e beneficio social que supón o funcionamento de lazos no noso concello, ou desde a falta de sensibilidade e compromiso, da actual corporación frente a estas problemáticas.

Ante esta grave situación as entidades abaixo asinantes, esiximos que o Concello de Ferrol dote de recursos a Lazos Pro Solidariedade, para que non teña que pechar e deixar sen asistencia a un amplo número de persoas en situación de exclusión e emerxencia social.

Convidamos a toda-las entidades a adherirse ao comunicado de denuncia e a  participar na rolda de prensa que se desenvolverá o luns 20 de agosto, ás 11.30 hrs  no local da  Asociación (O local da entidades se atopa na Avda dr Fleming 8-10 Baixo).

Agradecendo o voso apoio e solidariedade, vos saúda,

Carlos Varela

Presidente de Lazos Pro Solidariedade

NOTAS:
1.- Se participades nunha entidade, partido, sindicato ou outro tipo de colectivo, é importante que trasladedes esto ás vosas asambleas para que o apoio sexa a través das organizacións.
2.- Para adherirse ao comunicado podedes enviar un correo a:
comiteantisidaferrol@gmail.com.

Pode-se baixar o comunicado no seguinte enlace: https://docs.google.com/open?id=1PX8kjFPeWzG5H_wH9Rh0fQj_c00-kot02Rczq4kji03joIxTcTTZf3FVn3ra

--
LAZOS pro Solidariedade-Comité antisida de Ferrol | Asociación de afectad@s polo VIH, polas drogas e exclusión social | Dirección sede: Avda. Dr Fleming 8-10 Baixo 15401 Ferrol ( A Coruña ) | Tfno./Fax: 981350777 | Tfno. Móvil: 698147975 | Enderezo web: http://comitelazos.blogspot.com
---

Rescatar ás persoas, esa é a prioridade - Sindicato Andaluz de Traballadoras e Traballadores -SAT

Rescátase aos bancos que deixaron xa a máis de 300.000 familias sen un fogar mediante desafiuzamentos inhumanos que se producen todos os días; déixase en paro a un millón e medio de andaluces e andaluzas, moitos dos cales non reciben ningunha prestación; soben-nos o IVA ao mesmo tempo que Rajoy aproba unha amnistía fiscal para os defraudadores; regálase-lles dúcias de miles de millóns de euros de diñeiro público, diñeiro de todos e de todas, aos bancos e seguen sen dar créditos a PYME's, autónomos e particulares; recórtanse dereitos e prestacións sociais coma se fosen os culpables da crise; quítase-lles a paga extra de Nadal aos empregados e empregadas públicos para dar-lle a Bankia 23.465 millóns de euros, o rescate bancario máis caro da historia do Estado español ... e a algúns editorialistas e comentaristas parécelles algo normal e lóxico.

Con todo, entregar alimentos de primeira necesidade a familias que non teñen nada que levarse á boca parécelles unha tremenda barbaridade. Así se manifestou no twitter o presidente Griñán que non tivo ningún reparo en recortar salarios e dereitos aos traballadores da Xunta de Andalucía e que cando foi Ministro de Traballo con Felipe González aplicou unha reforma laboral regresiva e conservadora que legalizaba a precariedade e que motivou unha folga xeral.

Dá vergonza allea como algúns xerifaltes ben alimentados vociferan en defensa dos intereses dunha gran empresa como Mercadona que ten innumerables denuncias por acoso laboral. Griñán, mellor estas caladiño.

Rescatar ás persoas, esa debe ser a prioridade nestes tempos de crises. Evitar que as familias perdan as súas casas, darlles vivenda de inmediato a quen a perderon; evitar que se perdan máis empregos, prohibir de inmediato os despedimentos e os peches de empresas e impulsar planos públicos de emprego; deixar de regalar diñeiro aos bancos, esixir a devolución inmediata de todos os fondos públicos entregados e nacionalizar a banca; baixar o IVA, subir os impostos aos máis ricos, perseguir a fraude fiscal... e por suposto, entregar gratuitamente alimentos de primeira necesidade a aquelas persoas que non teñen nada. E isto, Sr. Griñán, non é ningunha barbaridade. Barbaridade é o que vostede fai. Barbarie é este sistema capitalista que vostede tanto defende.

• Sindicato Andaluz de Traballadoras e Traballadores -SAT

***
Desde Ártabra 21 un apoio solidario e internacionalista coas compañeiras e compañeiros do Sindicato Andaluz de Traballadoras e Traballadores -SAT.

_______________

Reportaxe de Telesur sobre as actividades en conmemoración dos 11 anos do inxusto encarceramento dos Cinco antiterroristas cubanos presos en Estados Unidos

O 27 de maio de 2005 o Grupo de Traballo sobre Detencións Arbitrarias da Comisión de Dereitos Humanos de Nacións Unidas declarou arbitraria a detención de Antonio Guerreiro, Fernando González, Gerardo Hernández, Ramón Labañino e René González e instou ao Goberno de Estados Unidos a adoptar de inmediato as medidas necesarias para solucionar esta situación.

O Grupo adoptou tal decisión como resultado da solicitude que lle fixeseron familiares dos cinco cubanos e logo de avaliar os argumentos proporcionados tanto polos familiares como polo Goberno dos Estados Unidos.

Segundo consta na decisión, os argumentos en que se baseou o Grupo de Detencións Arbitrarias para arribar a devandita conclusión resúmense en: Entrar

Enlaces de interese:

• antiterroristas.cu
  
• prensa-latina.cu
  

Documentario da Movilización mundial polos Cinco cubanos presos en EEUU:






Enlace co video:
http://www.youtube.com/watch?v=98VgKYRSrVA

Enviado por:
Cuba Debate
http://www.cubadebate.cu
Medio de información alternativa que alerta sobre campañas de difamación contra Cuba. Publica noticias e análises cun tratamento obxectivo dos feitos. Mostra os intereses que o poder global oculta para manter os seus privilexios.
__________



A HISTORIA NON CONTADA DOS CINCO X: UN INSULTO Á HUMANIDADE

Por Ricardo Alarcón de Quesada
18.09.2009

O 6 de marzo de 2009 doce documentos de Amigos da Corte (Amicus Briefs) foron presentados en apoio á petición de revisión dos Cinco. Ese foi o maior número de documentos deste tipo que inste xamais á Corte Suprema a que revisase un caso criminal.

Oito dos documentos foron presentados por institucións ou persoas en Estados Unidos: a Asociación Nacional de Avogados Defensores Criminalistas; a Asociación de Avogados Defensores Criminalistas da Florida, Capítulo de Miami; o Proxecto Nacional de Xurados; o Gremio Nacional de Avogados e a Conferencia Nacional de Avogados Negros; o Instituto William C. Velásquez e a Asociación Política Mexicano-Americana; a Clínica de Dereitos Civís da Facultade de Dereito da Universidade Howard; o Centro para a Política Internacional e o Consello de Asuntos Hemisféricos; e un amicus presentado polos Profesores Nelson P. Valdés, Guillermo Grenier, Félix Masud-Piloto, José A. Cobas, Lourdes Arguelles, Rubén G. Rumbaut e Louis Pérez, distinguidos académicos cubano-americanos, autores dalgúns dos máis importantes libros sobre a emigración cubana a Estados Unidos.

O apoio de todo o mundo foi realmente impresionante:

Un amicus foi presentado por dez Premios Nobel: José Ramos-Horta (Presidente da República de Timor Leste), Wole Soyinka, Adolfo Pérez Esqivel, Nadine Gordimer, Rigoberta Menchú, José Saramago, Zhores Alferov, Darío Fo, Günter Grass e Máiread Corrigan Maguire.

Outro, por unha cifra marca de lexisladores de todos os recunchos do planeta: foi subscrito polo Senado de México e a Asemblea Nacional de Panamá en pleno, en ambos os casos discutido e decidido por unanimidade. Tamén por Mary Robinson, ex Presidenta de Irlanda e ex Alta Comisionada para os Dereitos Humanos de Nacións Unidas; por decenas de membros de todos os grupos políticos do Parlamento Europeo, incluíndo tres actuais Vicepresidentes e dous ex Presidentes e centos de parlamentarios de Brasil, Bélxica, Chile, Alemaña, Irlanda, Xapón, México, Escocia e o Reino Unido.

Este documento agregaba chamamentos similares doutros Premios Nobel, o Arcebispo Desmond Tutu e Harol Pinter, e do Consello de Igrexas de América Latina, a Conferencia Permanente de Partidos Políticos de América latina e o Caribe, o Parlamento Latinoamericano, así como os outros órganos lexislativos rexionais e resolucións específicas de apoio aprobadas polos parlamentos nacionais de Namibia, Mali, Rusia, México, Brasil, Bolivia, Venezuela, Perú, Irlanda, Suíza e Bélxica, entre moitos outros.

Dous documentos separados foron presentados por un amplo espectro de organizacións de avogados e de personalidades:

Un foi presentado pola Federación Iberoamericana do Ombudsman, a Orde de Avogados de Brasil (con 700 000 membros), Asociacións de avogados de Bélxica, a Asociación de Avogados de Berlín e outras asociacións alemás, a Federación Internacional de Dereitos Humanos e un grupo de organizacións relixiosas, legais e de dereitos humanos, profesores de dereito, e avogados de Arxentina, Chile, Colombia, Ecuador, Alemaña, Xapón, México, Panamá, Portugal, España e o Reino Unido. Entre as personalidades que asinaron estaban Federico Maior Zaragoza, ex Director Xeneral da UNESCO e o Xuíz Juan Guzmán Tapia de Chile.

O outro amicus foi presentado pola Asociación Internacional de Avogados Demócratas; a Asociación Americana de Xuristas, a Asociación de Avogados da India, Droit Solidarité, a Sociedade Haldane e outras organizacións legais de Italia, Xapón, Filipinas, Portugal e Bélxica.

Un grupo de avogados norteamericanos ofrecéronse voluntarios para preparar eses documentos (como o require a lei) consultando e coordinando coas moitas persoas involucradas e presentando os documentos en tempo e co debido respecto aos parámetros técnicos e doutro tipo que a Corte estableceu. Cada individuo ou institución que presentaba un amicus tiña que identificarse con datos específicos, asinar persoalmente e pagar. De conformidade coa Regra 37.6 da Corte "ningún dos avogados de ningunha das partes redactou este documento nin total nin parcialmente. Ningún avogado ou entidade, a non ser os amigos da corte ou os seus avogados, realizou contribución monetaria algunha coa intención de financiar a elaboración ou presentación deste documento".

Foi un inmenso traballo polo cal moitas persoas merecen ser recoñecidas. Todos os documentos, xunto cunha lista completa dos amigos da corte poden atoparse no blog SCOTUS (www.scotusblog.com) e en www.antiterroristas.cu.

Nunca saberemos que foi o que os maxistrados ou os seus asistentes pensaron, se é que o fixeron, acerca destes documentos. Ninguén sabe se eles sequera botáronlles unha ollada. Os amigos da corte non recibiron ningunha resposta nin comentario, nin sequera un acuse de recibo dun asistente.

Ninguén sabe tampouco como se pronunciaron os maxistrados en relación coa solicitude de revisión. Soamente coñecemos o 14 de xuño que a petición dos Cinco fora rexeitada xunto coas outras peticións que a Corte decidira non escoitar.

Un famoso poeta mexicano unha vez definiu a actitude imperial de Estados Unidos coa combinación de dúas palabras: arrogancia e ignorancia. Ao parecer a Corte é a suprema personificación de ambas.

Fonte: antiterroristas.cu
___________________

O Mundo Contra a Guerra

A Conferencia "O Mundo Contra a Guerra" chama por manifestacións globais contra a guerra 1.200 delegadas e delegados, de movementos pola paz e contra a guerra de todo o mundo, reuníronse en Londres o 1 de decembro e acordaron impulsar manifestacións no 5º aniversario da invasión de Iraq, esixindo a retirada de todas as tropas estranxeiras de Iraq e Afganistán, e contra calquera ataque a Irán.


Declaración da conferencia : "O Mundo Contra a Guerra"

Declaración acordada por 1.200 delegados de 26 países, asistentes á conferencia O Mundo Contra a Guerra, sábado 1 de decembro de 2007:

Esta conferencia de delegadas e delegados de movementos pola paz, contra a guerra, antiimperialistas e de liberación, de todo o mundo, declara a súa oposición á "guerra sen fin" levada a cabo polo goberno estadounidense contra Estados, pobos e movementos en todo o noso planeta.

Opómonos á interferencia de EEUU, e dos seus aliados, en Estados soberanos, e afirmamos o dereito á autodeterminación de todos os pobos. Apoiamos a todos os que loitan pola paz e contra o imperialismo.

En particular, esiximos:

• O fin inmediato da ocupación militar ilegal de Iraq, que causou centenares de miles de mortos e produciu o desprazamento de millóns de persoas, a retirada de totes lles tropas estranxeiras e a plena transferencia de soberanía ao pobo iraquí e aos seus representantes.
  
  
• Que paren todos os preparativos para un ataque a Irán, así como o compromiso de que se solucione calquera tema exclusivamente mediante a diplomacia.
  
  
• A retirada das tropas estranxeiras de Afganistán, permitindo ao pobo afgán decidir o seu propio futuro.
  
  
• para o pobo palestino, e o final da agresión israelí en todo Oriente Medio.
  
  
• O fin dos plans de EEUU respecto de escudos anti mísiles, e que todos os Estados promovan activamente o desarmamento nuclear.
  

Reafirmamos a solidariedade entre todos aqueles que loitan pola paz, a xustiza social e a autodeterminación en todo o mundo, e comprometémonos a reforzar a nosa unidade e a desenvolver novas formas de cooperación.

Xa que logo, designamos o aniversario da invasión de Iraq como un día mundial de acción a favor das demandas NINGÚN ATAQUE A IRÁN e TROPAS FÓRA DE IRAQ/AFGANISTÁN.

Chamamos a todos os movementos antiguerra nacionais a convocar protestas e manifestacións masivas para este día.
_______________

The World Against War
_____________

International Anti-Occupation Network

_____________

Escríbelle a Isaac, acción en rede contra o silencio

De: isaac@escribelleaisaac.info
Para: artabra21@gmail.com
Data: 8 de marzo de 2007 20:36
Asunto: Escríbelle a Isaac, acción en rede contra o silencio


Escríbelle a Isaac, acción en rede contra o silencio

A Rede de Acción Socio-Cultural Arredemo vén de pór en liña unha nova páxina:
www.escribelleaisaac.info, para dar resposta a un agravio informático contra Isaac Díaz Pardo acontecido no web do Grupo Sargadelos. Hai dous días, os xestores do sitio anulaban e silenciaban a conta de correo de Isaac Díaz Pardo no dominio do grupo, onde o mestre recibía mensaxes de todo o mundo, especialmente desde a Galiza emigrante. A ligazón á súa biografía (http://www.sargadelos.com/ga/diazpardo1.html) é ao formulario de correo foi deshabilitada da páxina principal nunha clara tentativa por parte da nova dirección de Sargadelos de desvencellar a imaxe corporativa do grupo do seu fundador.

Sabedores deste singular exercicio de cibermesquindade, varios activistas de Arredemo, decidiron copiar as páxinas orfas, aloxalas nun novo dominio e ofrecer ao mestre unha nova conta de correo onde poder continuar a recibir a solidariedade e o agarimo dos miles de galegos e galegas que aínda lle profesan a admiración, o agradecemento
e o respecto debidos a un dos homes que máis loitou e traballou a prol da nosa cultura e da nosa identidade como pobo. No novo web inclúese tamén unha ligazón á campaña “Apoio a Isaac Díaz Pardo”, mestreisaac.aduaneirossemfronteiras.org, que desde hai varios meses recaba sinaturas contra a xubilación anticipada do mestre e a nova filosofía mercantilista que a actual dirección pretende imprimir ao grupo Sargadelos.

Deste xeito, a Rede de Acción Socio-Cultural ARREDEMO, que actualmente traballa na posta a punto do seu novo portal de comunicación socio-cultural, quere anunciar o inminente desenvolvemento dunha serie de accións de solidariedade con Isaac Díaz Pardo e co Instituto Galego de Información, actual obxectivo da nova dirección de Sargadelos na súa estratexia de liquidación do legado histórico e conceptual de Luis Seoane, Andrés Fernández-Albalat e o propio Díaz Pardo, sen o cal a actual cultura galega non se podería comprender.

Neste sentido, Arredemo quere facer un primeiro chamamento ao mundo social e cultural galego para participar e colaborar na campaña facéndolle chegar ao mestre mensaxes de solidariedade e apoio a través da súa nova conta de correo: isaac@escribelleaisaac.info, aloxada en www.escribelleaisaac.info.

Por riba das coitas e loitas propias dunha empresa como Sargadelos, desde Arredemo pensamos que preservar a dignidade persoal e intelectual dun home como Isaac Díaz Pardo é un compromiso que atinxe a toda a cultura galega.


Contacto: info@arredemo.info
981554248