Amosando publicacións coa etiqueta Anxo Fernández-Armesto Sánchez. Amosar todas as publicacións
Amosando publicacións coa etiqueta Anxo Fernández-Armesto Sánchez. Amosar todas as publicacións

luns, febreiro 11, 2019

A voltas coa Unidade Popular en Ferrol, ... Anxo Fernández-Armesto


Anxo Fernández-Armesto [*]
11.02.2019


A “Unidade Popular” é un termo tan usado que está perdendo sentido. Significa unidade do pobo, mais cabe preguntarse o que é o pobo e quen forma parte del. Como iso requeriría filosofar moito, creo que é mellor falar de clases (clases desfavorecidas, clase traballadora…). E a unidade non sei que ten que todos falan dela máis realmente poucos a queren. Está o PSOE, un partido liberal e progresista que busca a hexemonía perdida. O BNG, unha organización de esquerda lóxicamente cun proxecto específicamente nacionalista. Estan as mareas e os seus facsímiles. Dun lado Ferrol en Común, unha coalición de partidos na que deciden as executivas como en calquera outra, o cal é lícito máis non é unha candidatura de activistas apoiada por partidos; iso tal vez fose a idea orixinal da Marea Ártabra, da que se separaron os partidos porque querían ter máis control. Por outra parte Marea de Ferrol, cun espírito parecido ao da Ártabra, por mais que haxa quen queira vender que son simples resentidos. En Ferrol Podemos parece querer unha utópica reconciliación de todos os actores da esquerda social e política ferrolá. Tamén está Xuntos Actúa, candidatura do ex presidente de FeC, bastante decoñecidos aínda. Aparte de todo está Ligando, unha formación nova cun proxecto decrecentista e arredista moi diferente de todos coa que estou pouco familiarizado.

Na miña opinión precísanse uns a outros para asegurar non só unha victoria electoral senón un proxecto real de esquerda que inclúa orzamentos participativos, remunicipalizar os servizos público, peonalizar o centro ou abordar a despoboación, o estado deplorábel da cidade e a falta de traballo. Precisan de feito traballar con máis xente de movementos e asociacións e apoiarse nelas se queren que esas reformas saian adiante.

Desde o programa de Radio Filispim (radio libre e comunitaria da Terra de Trasancos 93.9 FM) “Directo de Esquerdas”, do que son actualmente conductor, fixemos há uns meses un humilde chamado ás forzas da esquerda a que se xuntasen pra falar sobre que cidade queren. Iso é o principal, se cadra axudaría se algunha xente dese un paso a un lado para facilitar conversas. Penso que sería una excelente idea facer una mesa redonda e falar con honestidade de política real e non de “díxome-díxomes” e rencores persoais polo ben da cidade e da veciñanza de Ferrol. Dicía Lennon o de “you may say I'm a dreamer”, mais estou convencido de non ser o único.

[*] Anxo Fernández-Armesto Sánchez, activista de esquerdas, filólogo, actual conductor do programa 'Directo de Esquerdas', de Radio Filispim.

@directodeesquerdas


Enviado por:
Anxo Fernández-Armesto Sánchez
-anxofarmesto@hotmail.com-
11 de fevereiro de 2019 12:17

_______

sábado, setembro 15, 2018

A independencia dos medios e as radios libres, ... Por Celso Posada Fernández e Anxo Fernández-Armesto Sánchez - Os autores deste artigo consideran que a radio debe dar voz aos colectivos sociais e que estes deben ser conscientes de que nela teñen unha plataforma excelente para dar a coñecer as súas reivindicazóns e un pequeno altofalante para a súa mensaxe - Modestamente convidan a que se impliquen e polo menos no seu programa 'Directo de Esquerdas' sempre estamos abertos a darlle un micro a quen o precise


Por Celso Posada Fernández e Anxo Fernández-Armesto Sánchez [*]
15.09.2018


A independencia dos medios e as radios libres

Hoxe en día, con tatas canles de televisión que existen e o acceso á informazón a través da rede, fálase moito de se esta ou aquela tele é máis independente ou máis progresista, máis conservadora, máis liberal, alternativa, moderna...que as outras. Realmente todos os grandes medios mandan unha mensaxe similar, a do sistema socioeconómico e político vixente. E dentro diso, a que os seus respectivos donos queren que manden, porque teñen donos; os grandes medios son todos propiedade de grandes conglomerados empresariais con intereses diversos.

Iso non implica que non existan en absoluto medios independentes, un exemplo son as radios libres e comunitarias como Cuac FM, Radio Calimera ou en Ferrol a Radio Filispim (a radio libre e comunitaria da Terra de Trasancos, 93.9 FM). Estas radios libres, ao non teren donos, son unha garantía de independencia e de liberdade, pode dicerse que son unha alternativa da xente para a xente que dan cobertura a causas e a temas dos que nos grandes medios non se preocupan moito ou que directamente omiten. Estas radios, con toda a súa modestia, tentan dar unha voz a que non a ten. Entre as súas características a priori máis salientábeis están o compromiso e a utilidade social. Moita da xente que participa nelas ten un nivel de conciencia social alto e algúns destes teñen ademais vontade de axudar a crear esa conciencia noutros. Estes medios ofrecen unhas opcións de ocio e entretemento diferentes e unha informazón non suxeita aos dictados de ningún grupo empresarial e por tanto realmente independente. En suma, pode dicerse que apostan por un modelo social diferente, máis libre e máis baseado na comunidade. Por exemplo na Radio Filispim, nacida en 2005, existen e existiron historicamente programas con temas como feminismo, migrazóns, ecoloxía e moitos outros, alén de ofrecer unha alternativa cultural. A xente que participa son polo xeral persoas implicadas socialmente. Dase unha mensaxe de que a xente humilde tamén quere que a escoiten.

Esta implicación é hoxe máis necesaria que nunca. Moita xente está indignada con moitas cousas, proba son as mobilizazóns que se van dando periodicamente nos últimos tempos (Prestige, Guerra do Irak, Reformas educativas, incendios, 15M, Marchas da Dignidade...). A participazón das persoas é o factor que pode marcar a diferenza. Non vai vir ningún salvador a rescatarnos, temos que salvarnos nós mesmos. Os autores deste artigo consideramos que a radio debe dar voz aos colectivos sociais e que estes deben ser conscientes de que nela teñen unha plataforma excelente para dar a coñecer as súas reivindicazóns e un pequeno altofalante para a súa mensaxe. Modestamente convidamos a que se impliquen e polo menos no noso programa “Directo de Esquerdas” sempre estamos abertos a darlle un micro a quen o precise.

Temos que ser conscientes de que os grandes medios non serven á xente senón aos seus donos. Dicía Simone de Beaovoir que o opresor non sería tan forte sen cómplices entre os oprimidos. Eses cómplices son moitas veces involuntarios, xente que cre a mensaxe que lles mandan eses grandes conglomerados empresarias e que, nas palabras de Malcolm X, lles fan amar ao opresor e odiar ao oprimido. Non debemos permitir que a apatía ou o medo nos dominen, é importante implicarse socialmente e non abonda con criticar desde as redes sociais. Animamos a todos os colectivos sociais que queiran darse a coñecer a achegarse á radio e buscar un oco para darlle máis vida e darlle megafonía á súa mensaxe.

Ferrol, 12 de setembro de 2018


@directodeesquerdas

Toda a info en Rádio Filismim que emite en Internet e no 93.9 da FM

https://opaii.blogspot.com/

[*] Celso Posada Fernández e Anxo Fernández-Armesto Sánchez, son o condutor e colaborador do programa "Directo de Esquerdas" de Radio Filispim.

Enviado por:
Anxo Fernández-Armesto Sánchez
-anxofarmesto@hotmail.com-
13 de setembro de 2018 15:17

_______