Camarada Moncho a loita continúa, ... Por Celso Posada Fernández

Por Celso Posada Fernández [*]
04.08.2022

CAMARADA MONCHO REBOIRAS A LOITA CONTINÚA

O vindeiro 12 de Agosto cúmprense 47 anos do infame e abxecto asasinato pola policía franquista española en Ferrol do camarada Xosé Ramón Reboiras Noia (Moncho Reboiras)  comunista e nacionalista galego, militante da UPG e grande loitador antifranquista, pola democracia, polos dereitos nacionais da Galiza e pola defensa dos dereitos da clase traballadora galega.

Dende Ferrol quero  mandarlles unha forte aperta e todo o meu apoio a familia do camarada Moncho Reboiras, as súas amizades e camaradas da Unión do Povo Galego (UPG) organización comunista patriótica galega na que síntome orgulloso de militar e compartir loitas.

A mellor homenaxe que podemos facerlle o camarada Moncho Reboiras é continuar na loita por unha Galiza Ceibe, Soberana e Socialista, na defensa dos dereitos das clases populares galegas, da nosa lingua e cultura galega, polo Socialismo e fronte ao fascismo e o imperialismo.

Camarada Moncho Reboiras: a loita continúa!

Por unha Galiza Ceibe, Soberana e Socialista.

Viva a clase traballadora galega e Adiante coa UPG

[*] Celso Posada Fernández, nado en Ferrol o 16 de Xullo de 1980. É un activista en diferentes movementos sociais de Ferrolterra e membro da plataforma SOS Sanidade Pública. Militante do BNG e da UPG. Diplomado en Maxisterio de Educación Primaria pola Universidade da Coruña e Monitor de Tempo Libre.| No Facebook. | En Twitter. | Artigos en: Nós Diario, Diario de Ferrol, Galicia Confidencial, Ferrol 360, GalizaLivre, Praza Pública, El Comunista e Ártabra 21.

Enviado por:
celso posada
-celsoposada2006@hotmail.com-
3 de agosto de 2022 23:47
_______

Ningunha persoa é ilegal, ... Por Celso Posada Fernández

Por Celso Posada Fernández [*]
28.07.2022

NINGUNHA PERSOA É ILEGAL

Dende Ferrol quero amosar a miña máis enérxica repulsa ao salvaxe asasinato de 37 persoas migrantes na fronteira sur das vallas de Melilla o pasado mes de Xuño persoas que estaban buscando un futuro mellor, unha vida digna e escapando da guerra dos seus países entre eles Sudán. Esta masacre non pode nin debe quedar impune, deben investigarse todas estas mortes e levar ante a xustiza e condenar aos culpábeis destas mortes.

Son infames as imaxes que saíron nalgún medio de comunicación onde se ve a policía marroquí coa colaboración da española golpeando brutalmente a estas persoas, deixándoas inconscientes, amontoadas no chan e atentando salvaxemente contra as vidas e os dereitos humanos destas persoas e non podemos nin debemos mirar pra outro lado, igual que son infames as palabras de Pedro Sánchez Presidente do goberno do Estado Español dicindo que esta salvaxada cometida contra os dereitos humanos pola policía da ditadura marroquí estaba ben feita. Son miserábeis esas palabras de Pedro Sánchez e infames e máis de alguén que se di de esquerdas, socialista e o secretario xeral do PSOE que parecía o portavoz da ultradereita así como é unha vergoña que o goberno que se di o máis progresista da historia apoie a ditadura de Marrocos de Mohamed VI abandonando de xeito vergoñento ao pobo saharauí e o seu lexitimo dereito de autodeterminación.

Quero tamén amosar todo o meu apoio e solidariedade coas familias e amizades destes 37 compañeiros asasinados porque non son mortes son asasinatos.

Hoxe é máis necesario que nunca loitar contra as políticas de odio, racistas tanto como da extrema dereita como do fascismo que enfronta o último como penúltimo, ao servizo das elites e que criminalizan ás persoas migrantes, defender os dereitos humanos de todas as persoas, fechar as infames cárceres onde se vulneran flagrantemente os dereitos humanos chamadas CIES, acabar cos voos de deportación, coas devolucións en quente, retirar as concertinas das vallas de Ceuta e de Melilla e coas políticas racistas, colonialistas e xenófobas dunha Europa Fortaleza que espolian os recursos de moitos países de orixe destes compañeir@s migrantes así como coa política migratoria de esta Unión Europea que en vez de garantir vías legais e seguras pras persoas migrantes e refuxiadas, aposta pola externalización de fronteiras a países terceiros.

Como activista antirracista sempre loitarei fronte ao racismo e a xenofobia e na defensa das liberdades e dos dereitos humanos, xa que todas as persoas temos dereito a unha vida e un futuro dignos, a que se vexan cubertas as nosas necesidades básicas e a unha Sanidade Pública de calidade así como a un traballo digno independentemente da nosa cor de pel, do noso país de orixe, da nosa condición sexual.

Ningunha persoa é ilegal
Non son Mortes son Asasinatos
Migrar é un dereito
Nunca Máis ao racismo e a xenofobia.

[*] Celso Posada Fernández, nado en Ferrol o 16 de Xullo de 1980. É un activista en diferentes movementos sociais de Ferrolterra e membro da plataforma SOS Sanidade Pública. Militante do BNG e da UPG. Diplomado en Maxisterio de Educación Primaria pola Universidade da Coruña e Monitor de Tempo Libre.| No Facebook. | En Twitter. | Artigos en: Nós Diario, Diario de Ferrol, Galicia Confidencial, Ferrol 360, GalizaLivre, Praza Pública, El Comunista e Ártabra 21.

Enviado por:
celso posada
-celsoposada2006@hotmail.com-
28 de julho de 2022 14:49
_______

Defendendo os nosos dereitos coa defensa da Sanidade Pública. ... Por Celso Posada Fernández

Por Celso Posada Fernández [*]
08.06.2022

Hoxe é máis necesario que nunca defender os nosos dereitos e seguir na loita na defensa da Sanidade Pública. Dende a Plataforma SOS SANIDADE PÚBLICA DE GALICIA facemos un chamamento a toda a cidadanía, plataformas a seguir con todas as mobilizacións en toda Galiza neste verán e a denunciar todos os recortes e privatizacións que seguen desenvolvendo dende o goberno e a Concellería de Sanidade da Xunta de Galicia do PP.

Aos problemas de falta de recursos, de consultas telefónicas en lugar de presenciais, de listas de espera que superan a semana ou os quince días, ao peche de centros rurais e PAC de urxencias, súmase agora unha diminución do persoal sanitario por baixas laborais, vacacións estivais ou incremento de poboación por turismo, que poden duplicar ou triplicar o número de persoas, en moitos concellos.

A resposta nefasta da Xunta e o SERGAS, é proporcionar vivenda ao persoal médico en diferentes concellos, rexeitar aos pacientes que veñen doutros municipios ou pechar mesmo máis urxencias-PAC.

Durante meses, a poboación e as plataformas para a Defensa da Sanidade Pública, convocamos mobilizacións cada vez máis numerosas, moitas delas con apoio municipal, sen que o SERGAS se digne contestar e onde o Conselleiro négase a reunirse con estas entidades; as mobilizacións permanecerán e acrecentaranse ata conseguir os obxectivos de mellora do Sistema Sanitario Público Galego.

E intolerable o desmantelamento da Atención Primaria, as limitacións de acceso aos Centros de Saúde ou a deterioración sanitaria do sistema público. O último despropósito é non poder derivar aos pacientes directamente aos especialistas (temos unha lista de espera para entrar na lista de espera…).

Debido a precariedade do Sistema Sanitario, moita xente contrata seguros ou recorre á privada pero está non é a solución, dado que boa parte destes seguros, son lixo, non garanten a atención cando se necesita, especialmente a máis grave e importante para a saúde.

A política neoliberal do PP defende a distribución de bens e servizos por medio de empresas privadas. Convertendo neste caso a sanidade nunha mercadoría máis. Un servizo polo que empresas privadas poden obter suntuosos beneficios a costa da saúde publica, encamiñándonos a un sistema no que ter acceso a sanidade so quen a poida pagar. Desde SOS Sanidade Publica avogamos por unha sanidade publica de calidade e universalmente accesible.

Desde as plataformas, non podemos nin queremos aceptar resignadamente esta situación, nin tolerar o desmantelamento do noso Sistema Sanitario Público, por unha administración sanitaria do PP, incapaz e en mans de grupos de presión privada.

Este verán non debe ser a “tumba” da Atención Primaria, senón o inicio da súa recuperación.

Organicemos novas e potentes mobilizacións alí onde a situación o requira.

A Sanidade Pública NON se Vende Deféndese.

[*] Celso Posada Fernández, nado en Ferrol o 16 de Xullo de 1980. É un activista en diferentes movementos sociais de Ferrolterra e membro da plataforma SOS Sanidade Pública. Militante do BNG e da UPG. Diplomado en Maxisterio de Educación Primaria pola Universidade da Coruña e Monitor de Tempo Libre.| No Facebook. | En Twitter. | Artigos en: Nós Diario, Diario de Ferrol, Galicia Confidencial, Ferrol 360, GalizaLivre, Praza Pública, El Comunista e Ártabra 21.

Enviado por:
celso posada
-celsoposada2006@hotmail.com-
7 de junho de 2022 14:55
_______

En galego agora e sempre, ... Por Celso Posada Fernández

Neste 17 de Maio Día das Letras Galegas volvemos de novo a saír as rúas moitas cidades, vilas e pobos do noso país Galiza e por enriba de todo as rúas de Santiago de Compostela, pra participar nunha grande Manifestación convocada pola plataforma social Queremos Galego  con saída as 12:00 da Alameda.

A Plataforma Queremos Galego é unha plataforma cidadá, conformada por máis de 500 entidades sociais e culturais do país así como por persoas a título individual, que nace da vontade de articular unha ampla resposta colectiva a prol da lingua propia do noso pobo, o galego; de defensa e afirmación dos usos públicos e dereitos lingüísticos xa garantidos pola actual lexislación; de progresiva normalización naqueles espazos onde o idioma de noso non goza aínda da presenza desexada.

Volvemos de novo a saír as rúas de Galiza pra dicir que queremos vivir os 365 días do ano en galego, pra denunciar o ataque e agresión constante do goberno da Xunta de Galicia do PP a nosa lingua e porque cremos que un novo futuro é posíbel e necesario pra nosa lingua. 

A lingua galega une e  é o principal elemento de cohesión, identidade e progreso de Galiza.

Un futuro novo para o noso idioma é posíbel, como demostran os centos de colectivos que actúan día a día para garantir o futuro de Galiza e do seu idioma; as miles de persoas que reclaman atención en galego ou respecto pola legalidade na toponimia e que vencen as dificultades e se propoñen falar galego sempre; as familias que se esforzan en transmitir a lingua malia non poderen contar con espazos fundamentais como o ensino, os xoguetes, deseños animados e toda a oferta imprescindíbel que lle é negada ao galego; ou como tamén demostran os concellos de todas as cores que se organizan para promoveren conxuntamente a normalización lingüística a nivel local.

Porén, toda esta mobilización colectiva precisa do acompañamento e do esforzo das institucións e poderes públicos, que ademais da obriga moral de defenderen os nosos intereses colectivos teñen a obriga legal de promoveren e garantiren a posibilidade de uso do galego en todo e para todo: garantindo o galego como lingua vehicular no ensino en todas as materias e etapas e nas actividades extraescolares, o seu uso en toda a administración, na xustiza, nas empresas; a súa dispoñibilidade no audiovisual tanto con producións galegas como a través da dobraxe e lendaxe. Precisamos xa un goberno que actúe en todos os ámbitos e contribúa xunto á sociedade a darlle un novo futuro á lingua, para podermos vivir en galego agora e sempre.

Como dicía o escritor, intelectual galego Castelao: Se aínda somos galeg@s é por obra e gracia do idioma.

[*] Celso Posada Fernández, nado en Ferrol o 16 de Xullo de 1980. É un activista en diferentes movementos sociais de Ferrolterra. Militante do BNG e a UPG. Diplomado en Maxisterio de Educación Primaria pola Universidade da Coruña e Monitor de Tempo Libre.| No Facebook. | En Twitter. | Artigos en: Nós Diario, Diario de Ferrol, Galicia Confidencial, Ferrol 360, GalizaLivre, Praza Pública, El Comunista e Ártabra 21.

Enviado por:
celso posada
-celsoposada2006@hotmail.com-
16 de maio de 2022 10:5
_______

A dor allea non nos debe ser indiferente, ... Por Celso Posada Fernández

Por Celso Posada Fernández [*]
10.05.2022

A DOR ALLEA NON NOS DEBE SER INDIFERENTE

Vivimos tempos de salvaxe ditadura do capital, de hexemonía do Neoliberalismo no que cada día se concentra máis e máis a riqueza, os privilexios e o poder nas mans dunha minoría privilexiada a costa do recorte dos dereitos, da dignidade, dos salarios da clase traballadora e das maiorías sociais. E todo isto debe-se a decisións políticas tomadas por organizacións políticas e por gobernos que actúan como esbirros e lacaios, como o brazo executor das políticas neoliberais e de salvaxes recortes ditadas ao servizo das elites económicas e financeiras e das grandes trasnacionais.

Ante isto e ante o perigoso e preocupante avance da ultradereita e o fascismo tanto no estado español, como na Europa e no mundo toca organizarse social, sindical e politicamente, dar a batalla cultural e ideolóxica dende unha pedagoxía democrática e antifascista, crear comunidade e moverse polos principios e valores do apoio mutuo, da solidariedade internacionalista, pola empatía e pola colectividade construída dende abaixo e de forma transversal e democrática.

Hai que dar unha resposta política e loitar fronte os valores neoliberais como son: o individualismo salvaxe, o consumismo exacerbado de bens innecesarios e a competitividade extrema e de fomentar valores como son: os do compañeirismo, a igualdade, a solidariedade, a colectividade e loita polo ben común e pola defensa do público, da democracia e das liberdades tanto colectivas como individuais.

Non hai democracia cando a riqueza e o poder están concentrados nunha plutocracia que vive a todo luxo a costa do recorte de dereitos, dos salarios, da dignidade e da liberdade da clase traballadora e das maiorías sociais.

Toca pasar a acción política e o compromiso social e político que a cidadanía e a sociedade civil se organicen en todos os ámbitos (sociais, políticos, culturais, veciñais, sindicais, estudantís,...) tanto dende os movementos sociais, como nas asociacións culturais, veciñais, no movemento ecoloxista, feminista, nos sindicatos de clase, nas plataformas na defensa da sanidade e do ensino público, na defensa das pensións e dos servizos públicos, nas PAHS e Stop Desafiuzamentos, nos centros sociais, nas radios libres e comunitarias, nas organizacións políticas de esquerdas.

Son tempos nos que as nosas liberdades e os nosos dereitos están seriamente ameazados pola ultradereita e por organizacións políticas racistas, machistas, clasistas, fascistas, lgtbifóbicas que enfrentan o último co penúltimo pra defender os privilexios dos seus amos a elites económicas.

Non deixemos que a resignación, a apatía, o medo, a represión nos desmobilicen e nos fagan persoas egoístas, individualistas e alleas o sufrimento, a dor e as inxustizas alleas, xa que nos afectan directamente tamén a nós mesm@s xa que MORREMOS CANDO GARDAMOS SILENCIO FRONTE AS INXUSTIZAS.

ANTE ELAS EMPATÍA, SOLIDARIEDADE, COLECTIVIDADE, COMUNIDADE, APOIO MUTUO, LOITA, ORGANIZACIÓN E MOBILIZACIÓN COLECTIVA.

[*] Celso Posada Fernández, nado en Ferrol o 16 de Xullo de 1980. É un activista en diferentes movementos sociais de Ferrolterra. Militante do BNG e a UPG. Diplomado en Maxisterio de Educación Primaria pola Universidade da Coruña e Monitor de Tempo Libre.| No Facebook. | En Twitter. | Artigos en: Nós Diario, Diario de Ferrol, Galicia Confidencial, Ferrol 360, GalizaLivre, Praza Pública, El Comunista e Ártabra 21.

Enviado por:
celso posada
-celsoposada2006@hotmail.com-
9 de maio de 2022 12:00
_______

As radios libres e comunitarias son fundamentais na construción dun mundo máis xusto e solidario, ... Por Celso Posada Fernández

Por Celso Posada Fernández [*]
18.03.2022

AS RADIOS LIBRES E COMUNITARIAS SON FUNDAMENTAIS NA CONSTRUCIÓN DUN MUNDO MÁIS XUSTO E SOLIDARIO

As radios libres e comunitarias como Radio Filispim a Radio Libre e Comunitaria da Terra de Trasancos na 93.9 FM, na que colaborei vai uns anos  cun programa radiofónico no que presentaba, coordinaba xunto a amigos, chamado "Directo de Esquerdas". Un programa de actualidade política cunha ollada dende a esquerda e a que acudo de cando en vez cando me convida a participar algún compañeiro  como Miguel Anxo, no seu interesante programa "Residuo Cero"  son fundamentais pra facer pedagoxía política dende a esquerda, pra crear comunidade,  pra contribuír a crear un contrapoder a hexemonía do dogma neoliberal, pra darlle voz os colectivos invisivilizados e os movementos sociais que loitan nas rúas na defensa dos dereitos, pra frear a ultradereita e o fascismo, e pra axudar a conformar unha cidadanía democrática, crítica, libre, formada cultural e politicamente.
 
Os medios de comunicación son lugares de socialización política nestas sociedades de consumo e actores políticos, serven a uns intereses privados dos donos de ditos medios e teñen unha liña editorial moi marcada, política e ideoloxicamente.
 
Ante o avance da ultradereita no Estado Español, na Europa e no mundo, é fundamental dende a esquerda facer moita pedagoxía política dende as radios libres e comunitarias, desmontando as súas mentiras e discursos racistas, machistas, homófobos, lgtbifóbicos, xenófobos; contribuír a fomentar valores democráticos, solidarios, ... baseados na solidariedade internacionalista, na xustiza social, na defensa da democracia, das liberdades, da igualdade, do Ensino Público, dos servizos públicos, da Sanidade Pública, dos dereitos humanos, ...
 
É fundamental disputarlle a hexemonía ao Neoliberalismo e o seu pensamento único. Onde se implanta unha salvaxe ditadura do capital e todo se mide dende o raseiro económico e todo se mercantiliza incluso as relacións humanas.

É moi importante, dende a esquerda, que nos formemos cultural, política e intelectualmente que leamos libros que fagamos moita pedagoxía nos medios de comunicación, nas radios libres e comunitarias, nos centros de traballo, nas universidades, nos centros de estudo, nas fábricas, nas escolas, etc.
 
As radios libres e comunitarias son fundamentais pra crear espazos comunitarios, de debate político, de socialización, de democracia real, de encontro entre as persoas e colectivos.
 
Defendamos as radios libres e comunitarias, fagamos programas nelas e por riba de todo apoiémolas, non hai democracia sen uns medios de comunicación libres e democráticos.

[*] Celso Posada Fernández, nado en Ferrol o 16 de Xullo de 1980. É un activista en diferentes movementos sociais de Ferrolterra. Militante do BNG, Diplomado en Maxisterio de Educación Primaria pola Universidade da Coruña e Monitor de Tempo Libre.| No Facebook.


Enviado por:
celso posada
-celsoposada2006@hotmail.com-
18 de março de 2022 14:33
_______

Non ás guerras, ... Por Celso Posada Fernández

Por Celso Posada Fernández [*]
05.03.2022

NON AS GUERRAS.
PAZ, SOBERANÍA DOS POBOS, DEMOCRACIA E DEREITOS HUMANOS

Como cidadán do mundo e como persoa de ideais, principios e valores de esquerdas quero amosar o meu apoio e solidariedade co pobo ucraíno o nestes duros momentos, máis tamén co pobo saharauí, palestino, kurdo e amosar a miña máis enérxica repulsa a invasión de Ucraína por Putin e polo exército ruso, demandar a retirada inmediata de todas as tropas rusas de Ucraína. É máis necesario que nunca apostar por vías políticas diplomáticas e de diálogo promovidas pola ONU.

Quero tamén rexeitar os ataques militares salvaxes en Donbas, o golpe de estado en Ucraína promovido pola OTAN e polo goberno dos EEUU no 2014

NON a todas as guerras (Ucraína, Irak, Afganistán, Siria, en África, etc) en calquera parte do mundo.
NON o imperialismo yanki.
NON ao autócrata e homófobo de Putin e os seus amigos oligarcas.
NON a gobernos e exércitos filofascistas.
NON a OTAN.
NON o xenocidio do pobo saharauí, palestino, kurdo, etc.
NON ao Capitalismo.

As guerras sempre están provocadas polos espurios intereses de clase das elites e por intereses económicos, geostratéxicos, políticos, empresariais, armamentísticos, imperialistas das grandes trasnacionais e por un sistema explotador, xenocida chamado Capitalismo e as pagamos coas nosas vidas, co recorte dos nosos dereitos, das nosas liberdades os pobos e a clase traballadora.

Hoxe e Sempre Paz, Soberanía dos pobos, diálogo, democracia e dereitos humano.

[*] Celso Posada Fernández, nado en Ferrol o 16 de Xullo de 1980. É un activista en diferentes movementos sociais de Ferrolterra. Militante do BNG, Diplomado en Maxisterio de Educación Primaria pola Universidade da Coruña e Monitor de Tempo Libre.| No Facebook.


Enviado por:
celso posada
-celsoposada2006@hotmail.com-
4 de março de 2022 13:15
_______