Xurdimos a favor dunha política xusta, democrática, participativa e sustentábel, responsábel cara o futuro da humanidade e do resto das especies, respectuosa e defensora do medio natural, na convicción de que un outro mundo non só é posíbel senón que é necesario.
A loita continua contra o despropósito gasista de Reganosa, no acto en Lembraza de Victoria e Carmelo e de todas as compañeiras e compañeiros que nos deixaron no transcurso da loita.
No XI Aniversario do falecemento de Carmelo Teixeiro Menéndez, primeiro Coordinador deste Comité Cidadán de Emerxencia para a Ría de Ferrol (Febreiro de 2008), e o VI da súa compañeira Victoria Fernández Paredes (Novembro de 2013).
Sábado 9 de febreiro de 2019, ás 13:00hs, no Parque "Carmelo Teixeiro" de Caranza.
O tanke monocasco LNG Cheikh El Mokrani, non puido entrar na Ría por malas condicións meteorolóxicas, con forte vento e mar de fondo que non garantía a seguridade á hora de ter que pasar o estreito, longo, de pouco calado e fondo rochoso canle da Ría. Era o 5 de febreiro de 2008, estabamos concentrados, como sempre que entra un gaseiro cargado para Reganosa, desde maio de 2007, anunciando-nos o aumento exponencial do perigo que supón un buque cargado dentro da Ría, cando nos chegou a triste nova da morte de Carmelo Teixeiro.
"O vento do nordés non permitiu que atracara na planta de gas... Este gaseiro monocasco, o último alento de Carmelo xuntouse ao nordés para demostrar unha vez mais a loucura e sinrazón da localización de Reganosa no medio dunha Ría onde se pon en perigo a vida de miles de persoas e a riqueza marisqueira".
Este sábado celebraremos un acto en Lembranza de Victoria e Carmelo e de todas as compañeiras e compañeiros que nos deixaron neste camiño de loita contra o despropósito gasista, mais que están con nós e verán cos nosos ollos o peche de Reganosa, a planta de gas ilegal e perigosa que nos ameaza todos os días. Unha planta que instalaron no mesmo corazón da nosa Ría, con corrupción e con complicidade política, institucional e mediática.
Este ano cúmprese o XI Aniversario do falecemento de Carmelo Teixeiro Menéndez, primeiro Coordinador deste Comité Cidadán de Emerxencia para a Ría de Ferrol (Febreiro de 2008), e o VI da súa compañeira Victoria Fernández Paredes (Novembro de 2013).
Con tal motivo, o CCE convoca, a toda a cidadanía, a celebrar, en lembranza deles, unha ofrenda floral e intervencións poético musicais.
Carmelo e Victoria serán sempre, para todas e todos nos, un exemplo de solidariedade e entrega a todas as causas sociais e sobre todo a loita mantida nos últimos anos en defensa da Ría e da vida, contra a ameaza permanente da Planta de Gas de Reganosa.
O documental, Ferrol, polo mar e a vida, céntrase na denuncia da planta de gas de Reganosa e foi premiado cun accesit no Certame 'Video Diversidade' de Ecoloxistas en Acción. | + Info.
--
Xantar de Solidariedade e Convivio. En Ares, o sábado 9 Febreiro, de 2019.
O Comité Cidadán de Emerxencia organiza, o sábado 9 de Febreiro, ás 14:30hs, un Xantar de Solidariedade e Convivio para os seus seguidorxs e amigxs coa intención de compartir unha xornada festiva e recadar unha axuda económica, incluída no prezo do menú, coa que facer fronte aos gastos de procuradores e taxas nos procesos xudiciais contra a localización da Planta de Gas, en defensa da Legalidade, da Ría e da Vida. Participa connosco !
O mesmo sábado á 1 da tarde, estaremos en Caranza no parque que leva o nome de Carmelo Teixeiro que o foi primeiro Coordinador deste Comité Cidadán de Emerxencia, no XI aniversario da súa morte, para lembrar a todas as compañeiras e compañeiros que nos deixaron no transcurso da loita contra o despropósito gasista de Reganosa.
Comité Cidadán de Emerxencia para a Ría de Ferrol
Contacto: comitecidadan@gmail.com www.comitecidadan.org Tamén en Twitter : @ComitCEmerxenc
Info baseada na envida por: Comite Cidadan de Emerxencia -comitecidadan@gmail.com- 31 de janeiro de 2019 19:19 _______________________
Actos do Comité Cidadán de Emerxencia para o Venres, 8 de Xuño en Caranza
16,30 hs Colocación da Placa denominativa no Parque “Carmelo Teixeiro”, que fará o Concello de Ferrol en cumprimento do Acordo Plenario adoptado por unanimidade en 2009, en testemuña a unha vida dedicada as cuestións sociais, ao seu compromiso cidadán, cultural, sindical e político e sobre todo ao seu papel fundamental como primer Coordinador deste Comité.
17,00 hs Inicio da XII Marcha a Pé Ferrol-Mugardos, para reivindicar o peche da Planta de Gas de Reganosa, perigo permanente na nosa Ría e nas nosas vidas, e que rematará na A. VV. Cruceiro de Mehá de Mugardos, onde haberá, como é costume, viandas e confraternización.
O CCE convida a toda a cidadanía a participar nestes eventos, andando, en bici ou en coche, conforme ás posibilidades de cada quen.
PLANTA DE GAS : PECHE XÁ !
Enviado por: Comite Cidadan de Emerxencia -comitecidadan@gmail.com- 5 de junho de 2018 12:45 ______________
Unha vez máis o Comité Cidadán de Emerxencia para a Ría de Ferrol, lembrou o Aniversario do falecemento de Carmelo Teixeiro Menéndez,(05.02.2008) primeiro Coordinador do Comité e o da súa compañeira Vitoria Fernández Paredes (08.11. 2013).
A Homenaxe desenvolveuse ás 12 do mediodía en Ferrol, no parque de Caranza que leva o seu nome: Parque Carmelo Teixeiro. E que o Concello ten pensado colocar un monumento de lembranza dentro duns meses. Interviñeron o Coordinador do Comité Manuel Angel Rodríguez Carballeira (Lalán) e Lupe Ces, logo interpretou dúas pezas ao violín, Estrela Gómez Viñas, rematando o acto Fernando Ocampo que leu un poema de José Torregrosa.
Foi un acto na súa lembranza, e na doutras persoas, xa falecidas, ligadas á loita contra o despropósito gasista de Reganosa, persoas como José Gabeiras, Tino Deibe, Santiago Torrente, Luís Matalobos, Ramón Capotillo, Joaquín Cupeiro, Xaime Quessada... que están presentes todos os anos na nosa memoria, lémbramo-los con agarimo, xunto coa afirmación de continuar esta loita imprescindíbel, en defensa da legalidade, da Ría e da vida, contra a localización da perigosa, antieconómica e innecesaria Planta de Gas de Reganosa. O Acto consistiu, como xa é costume, nunha ofrenda floral e intervencións poético musicais.
Agradecemos así a Victoria e Carmelo, e por extensión ao resto dos compañeiros, o seu exemplo de solidariedade e entrega a todas as causas sociais, a súa militancia sindical, política e social de toda unha vida e sobre todo a loita mantida nos últimos anos en defensa da Ría e da vida, contra a ameaza permanente da Planta de Gas de Reganosa.
Homenaxe a Victoria e Carmelo 11 de febreiro de 2017
O sábado 11 de febreiro, o Comité Cidadán de Emerxencia lembra o IX Aniversario do falecemento de Carmelo Teixeiro Menéndez,(05.02.20108) primeiro Coordinador deste Comité e o IV da súa compañeira Victoria Fernández Paredes (08.11. 2013).
Con este motivo, convídase a toda a cidadanía, a celebrar un acto na súa lembranza, e na doutras persoas, xa falecidas, ligadas á loita contra o despropósito gasista, persoas como José Gabeiras, Tino Deibe, Santiago Torrente, Luis Matalobos, Ramón Capotillo, Xaime Quessada, que están presentes todos os anos na nosa memoria, lembramo-los con agarimo,
xunto coa afirmación de continuar esta loita imprescindíbel, en defensa
da legalidade, da Ría e da vida, contra a ubicación da perigosa,
antieconómica e innecesaria Planta de Gas de Reganosa. O Acto consistirá, como xa é costume, nunha ofrenda floral e intervencións poético musicais, e terá lugar, ás 12 do mediodía, no Parque Carmelo Teixeiro, Caranza – Ferrol.
Agradeceremos así a Victoria e Carmelo, e por extensión ao resto dos compañeiros, o seu exemplo de solidariedade e entrega a todas as causas sociais, a súa militancia sindical, política e social de toda unha vida e sobre todo a loita mantida nos últimos anos en defensa da Ría e da vida, contra a ameaza permanente da Planta de Gas de Reganosa.
Este sábado 6 de Febreiro, no Parque Carmelo Teixeiro de Caranza, o Comité Cidadán de Emerxencia, coincidindo co VIII aniversario do pasamento de Carmelo, o primeiro Cordinador do Comité, celebrou un acto de lembranza a todos aqueles que xa non están entre nós pero que continúan a ser exemplo e motivación na tarefa emprendida hai cerca de quince anos.
Carmelo Teixeiro, Victoria Fernández, D.José Gabeiras, Tino Deibe, Santiago Torrente, Luis Matalobos, Ramón Capotillo, Xaime Quessada, estiveron presentes nas intervencións de Lalán, Lupe Ces e Luz Marina Torrente, xunto coa afirmación de continuar esta loita imprescindible, en defensa da legalidade, da Ría e da vida, contra a ubicación da perigosa, antieconómica e innecesaria Planta de Gas de Reganosa.
O vento, a poesía de José Torregrosa e o violín de Estrela Gómez Viñas acompañáronnos durante a ofrenda floral.
Comité Cidadán de Emerxencia para a Ría de Ferrol
