Umha pequena homenagem ao nosso amigo Agulló desde Euskal Herria - Bem Querido Soldado da Cultura Galega - Vídeo

Obrigadas! Eskerrik asko!

Um pequena homenagem ao nosso amigo Agulló desde Euskal Herria

Animo Artábria! Gora Agulló!

Josu Zabala
Mikel Urdangarin
Bingen Mendizabal
Alex Rz. de Azua

Un grande arrepío
fai tremer as terras de Breogán...

Choran as meigas
e Artábria fica triste...

Benquerido soldado
da cultura galega...

Euskal Herria agardará
sempre volver oír a túa gaita.

Benquerido soldado
da cultura galega...

Euskal Herria agardará
sempre volver oír a túa gaita.

Amigo galego.
Chamábase Agulló...

Dende que partiu
permanece nos nosos corazóns...

Vaia dende Euskal Herria
o noso canto de homenaxe...

E que a última nota
sexa a da túa gaita.

Vaia dende Euskal Herria
o noso canto de homenaxe...

E que a última nota
sexa a da túa gaita.

Fonte: Canle da Fundaçom Artábria. | 21 de Julho de 2021
_______

Apresentaçom de 'Setenta ideas para a (pos)pandemia' esta quinta-feira, 1 de julho, na Fundaçom Artábria

Apresentaçom de "Setenta ideas para a (pos)pandemia" esta quinta-feira, 1 de julho, na Fundaçom Artábria

Esta quinta-feira, 1 de julho, decorrerá no nosso Centro Social a apresentaçom do livro, editado por Catroventos, "Setenta ideas para a (pos) pandemia".  Este livro coletivo e o resultado dumha interpelaçom a sete autores e autoras galegas (Manuel Fernández Blanco, Pilar García Negro, María Xesús Nogueira, Xosé Manuel Outeiriño Gallego, Fernando Ramallo, Francisco Sampedro e Iolanda Teixeiro Rei) aos que se lhes pediu que elaborasem um decálogo arredor da sua consideraçom sobre o mundo que entramos ou, em todo caso, a que fase do sistema-mundo atual nos dirigimos.

Na apresentaçom que dará início às 19.30hs contaremos com os autores e autora Iolanda Teixeiro, Manuel Outeiriño, Francisco Sampedro e Fernando Ramallo.

Para participar é precisso inscriçom prévia no correiodeartabria@gmail.com ou no telefone 669 778 474 já que as vagas som limitadas. É obrigatória a utilizaçom da máscara no interior do Centro Social.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net
 
Segue-nos em twitter @fartabria e em facebook!
 
A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.
 
Enviado por:
Fundaçom Artábria
-correiodeartabria@gmail.com-
28 de junho de 2021 13:14
_______

Fayez Badawi falará sobre a situaçom atual da Palestina na Fundaçom Artábria - Quinta-feira, 10 de junho, às 8 da tarde, em Esteiro (Ferrol), na Travessa de Batalhons nº7

Fayez Badawi falará sobre a situaçom atual da Palestina na Fundaçom Artábria

Dentro do ciclo de palestras que a organizaçom internacionalista galega Mar de Lumes está a desenvolver por todo o país, o portavoz da Frente Popular pola Libertaçom da Palestina (FPLP) Fayez Badawi estará nesta quinta-feira, 10 de junho, na Fundaçom Artábria de Ferrol.

Nas palestras que o militante palestiniano ministrará em Cangas, Vigo, A Estrada, Lalim, Compostela, Monforte e Ferrol, achegará-nos "as duras condiçons nas que vive o povo palestiniano, continuamente agredido pola ocupaçom sionista, mas também saberemos das perspetivas de futuro na sua luita incansável pola liberdade"

O ato dará início às 20h e é precisso inscriçom prévia por protocolo covid. Também é obrigatória levar máscara dentro do Centro Social.

Fayez Badawi nasceu no acampamento de refugiados de Tal Az-Zatar, ao este de Beirut, posteriormente destruido em 1976. Em 1982 viviu em carne própria a carnicina dirigida polo criminal Ariel Sharom no acampamento de Chatila.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net
 
Segue-nos em twitter @fartabria e em facebook!
 
A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
8 de junho de 2021 23:13
_______

Foi em Ferrol, a Homenagem a Carvallo Calero, no XXXI Aniversário do seu passamento, organizado pola Fundaçom Artábria - Reportagem Fotográfico de Pedro Branco

Hoje voltamos a Ferrol Velho. Estivemos na zona do campinho, como lembrou a companheira Loreto, da que fala Carvalho em "Ferrol 1916" para homenagear ao nosso ilustre vizinho.

Junto à poesia de Loreto de Castro e de Omar Yánhez interviu o nosso companheiro Bruno Lopes Teixeiro.

O membro da diretiva da Fundaçom Artábria manifestou que "hoje voltamos para deixar claro aos que decidírom insultá-lo mais umha vez levando avante umha inexistente celebraçom do Dia das Letras que nom vamos a renunciar a manter vivo o seu legado".

Lopes Teixeiro afirmou que "Carvalho morreu há trinta e um anos e em 2020 a instituiçom de que foi presidente pretendeu rematá-lo. Sem êxito".

Continou afirmando que Carvalho está mais vivo que nunca no movimento normalizador, em cada criança da Semente ou em cada Centro Social que resiste nestes tempos duros.

O membro da Fundaçom Artábria indicou que a pesar de seguir no esquecemento a sua reabilitaçom "seguiremos, junto a outras entidades, apoiando a iniciativa dos companheiros de Asociación Cultural Ferrolterra Antiga para declarar a casa de Carvalho Calero BIC".

Bruno Lopes terminou afirmando que desde a Fundaçom Artábria continuaram junto ao movimento normalizador, "apoiando um reconhecimento que, enquanto a Naçom Galega existir, nom vai caducar".

O ato finalizou com umha oferta floral e o canto coletivo do nosso hino nacional.

Intervençom do companheiro Bruno Lopes Teixeiro, em representaçom da diretiva da Fundaçom Artábria na homenagem a Carvalho Calero deste 2021.

Bom dia a todas e todosHoje, após a covid19 impedir-nos o passado ano estar diante destas ruínas da casa natal de Carvalho Calero, voltamos.

Voltamos mais um ano aqui, como levamos fazendo desde 1992, a Ferrol Velho, ao bairro que tantas vezes percorreu o nosso ilustre vizinho para reivindicar a sua figura.

E voltamos para deixar claro aos que decidírom insultá-lo mais umha vez levando avante umha inexistente celebraçom do Dia das Letras que nom vamos a renunciar a manter vivo o seu legado. Carvalho morreu há trinta e um anos e em 2020 a instituiçom de que foi presidente pretendeu rematá-lo. Sem êxito. Carvalho está mais vivo que nunca no movimento normalizador, está mais vivo que nunca em cada criancinha da Semente, está mais vivo que nunca em cada Centro Social que resiste nestes duros tempos.

Poderíamos repetir intervenços de anos passados, e lembrar-vos os numerosos motivos para seguir reivindicando Carvalho, todos eles vigentes e todos eles insuficientes para umha Real Academia Galega à qual lhe véu bem esta pandemia. Nem nos melhores sonhos do isolacionismo imaginárom que, após dedicar-lhe o Dia das Letras ao pessoeiro maldito, nom iam ter que fazer nada para polir as arestas incómodas do reintegracionismo.

Há uns dias, passeava-se por aquí o lengüícida Nuñez Feijó junto ao alcalde de Ferrol Angel Mato para apresentar o programa “Rexurde” que projeta a necessária reabilitaçom e construçom de vários prédios do bairro. Mas das ruínas da casa natal, com centos de milheiros de euros invertidos, nada.

Nós seguiremos, junto a outras entidades, apoiando a iniciativa dos companheiros da Asociación Ferrolterra Antiga de declará-la Bem de Interesse Cultural. É de justiça!

Insistimos em que a verdadeira homenagem que o polígrafo ferrolano merece virá do seu povo. Até hoje o seu prestígio nom parou de crescer e assi continuará a ser, porque responde a umha trajetória vital e intelectual de profunda honestidade e serviço à língua, à cultura e ao País.

Nós continuaremos aqui, junto a vós e a todo o movimento normalizador, apoiando um reconhecimento que, enquanto a Naçom Galega existir, nom vai caducar.

✔ #CarvalhoPatrimonio
✔ #CasaCarvalhoBIC
✔ Ateneo Ferrolan
✔ SC Medulio
✔ Rede do Patrimonio Cultural 

✔ Colectivo literario Moraima."A Grafía da Emoción"
✔ Muíño do Vento

✔ @Cerna de Carvalho
✔ Fundaçom Artábria

Fonte: Asociación Cultural Ferrolterra Antiga. e Fundaçom Artábria.

✅ Galeria fotográfica do ato de homenagem a Carvalho Calero decorrido hoje, 27 de março, no Campinho de Sam António.|Fotos: Pedro Branco.

Enviado por:
Inácio GZ
-inaciogz@gmail.com-
26 de março de 2021 08:38
_______

Xurxo Souto apresenta Pangalaica na Fundaçom Artábria - A terça-feira 22 de dezembro, às 19:30hs, na Travessa de Batalhons nº7 de Esteiro

Xurxo Souto apresenta Pangalaica na Fundaçom Artábria

Na Fundaçom Artábria somos fieis às tradiçons. Um mês de dezembro sem Xurxo Souto (Laura Rabizal) e como o natal sem o Apalpador, impossível.
Quando Xurxo perguntou-nos onde poderia apresentar o seu último livro, contando que a atual situaçom sanitária mantem fechado o Centro Social a resposta foi clara: na Fundaçom Artábria, como nom pode ser doutra maneira.
 
Assim que na próxima terça-feira, abriremos as portas para esta apresentaçom de "Pangalaica. Recortes poderosos" com a presença do autor, que passará mais umha vez a Marola para estar connosco.
 
As vagas som limitadas (25 pessoas) e é precisso anotar-se previamente escrevendo para correiodeartabria@gmail.com.
 
Aplicará-se o protocolo covid e é obrigatório o uso da máscara.
Haverá primavera!

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net
 
Segue-nos em twitter @fartabria e em facebook!
 
A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado pola:
Fundaçom Artábria
correiodeartabria@gmail.com
19 de dezembro de 2020 12:26
_______

#Coronavirus - A Fundaçom Ártabria, num exercício de sentido comum e responsabilidade social, suspende temporalmente a sua atividade os próximos 15 dias - O Ateneo Ferrolán cancela todas as actividades culturais, por responsabilidade colectiva e de xeito preventivo ate (mínimo) o 14 de abril

Suspendemos temporalmente a nossa atividade os próximos 15 dias #Coronavirus

Perante a situaçom de alerta sócio-sanitária que se está a viver em todo o mundo e da que Galiza  e a nossa Comarca nom som alheias, num exercício de sentido comum e responsabilidade social, desde a Fundaçom Artábria queremos manifestar:

1º.- Que seguindo as indicaçons da Junta da Galiza onde se recomenda nom realizar atividades em interior que superem as 50 pessoas de aforo suspendemos as nossas atividades durante os próximos quinze dias, tempo durante o qual o Centro Social permanecerá fechado. Ficam por tanto adiadas as atividades que iam ter lugar esta fim de semana (a Palestra de Manuel Miragaia e o concerto de Pauliña, sábado). Umha vez superado essa “quarentena” e em virtude da evoluçom da situaçom analisaremos que fazer.

2º.- Manifestar o nosso reconhecemento ao trabalho das e dos profissionais da nossa sanidade pública e o nosso dever de atuar sob a as suas recomendaçons.

3º.- Evitar caer no individualismo e pensar nos nossos maiores e pessoas com doenças que poidam ver-se mais afectadas polo Coronavirus. Sem alarmismos, cumpre nom minimizar a situaçom.

4º.- Agradecer a compresom e total disponibilidade das pessoas afectadas polas mudanças para procurar novas datas. Em breve anunciaremos como fica a programaçom.

Recebei umha saudaçom

Diretiva da Fundaçom Artábria

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
12 de março de 2020 21:11
_______________________

#Coronavirus,: A Xunta Directiva do Ateneo Ferrolán ACORDA suspender todas as actividades culturais, por responsabilidade colectiva e de xeito preventivo ate (mínimo) o 14 de abril.

Ferrol a 12 de marzo de 2020

Avisos: 644.720.055

--
Un lugar de encontro para a cultura dende 1879 na cidade.

e-mail: secretaria@ateneoferrolan.org | Telf.: +34 981 357 970 - 644.720.055
Dirección Postal: Rúa Magdalena 202-204. CP.15402 | Ferrol (Galiza)

TWITTER: @ateneoferrolan

http://ateneo-ferrolan.blogspot.com/

FACEBOOK

Faite soci@ on line! Colabora con nos!
http://ateneo-ferrolan.blogspot.com.es/2007/12/faite-soci.html

Enviado por:
Ateneo Ferrolán Fundado en 1879
-ateneoferrolan@gmail.com-
12 de março de 2020 18:28
_______

Apresentaçom do livro 'Ferreñas & Rock and Roll' de Laura Romero e Iria Pedreira esta sexta-feira, 6 de março, em Ferrol

Na sexta-feira, 6 de março, às 20.00hs decorrerá na Fundaçom Artábria a apresentaçom do livro "Ferreñas & Rock and Roll. Crónica ilustrada das nosas músicas máis senlleiras", editado por Baía edicións.

No ato intervirám as autoras Laura Romero e Iria Pedreira, junto à cantora ferrolana Maria Manuela, umha das músicas protagonistas do livro.

Nota da editora:

Ferreñas e Rock and Roll é un catálogo ilustrado a toda cor no que se outorga protagonismo a trinta e unha músicas ou formacións integramente femininas que marcaron un antes e un despois tanto nos seus respectivos estilos como no conxunto da música galega.

Laura Romero ao lapis, Iria Pedreira ás letras e Baía Edicións á maquinaria xuntan os seus talentos nunha obra única que foi distinguida cun dos premios do II Concurso de ideas “Luísa Villalta” de proxectos culturais pola igualdade convocado en 2018 pola área de Benestar Social, Educación e Políticas da Deputación da Coruña.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-correiodeartabria@gmail.com-
4 de março de 2020 23:24
_____________