A Asociación Cultural Memoria Histórica Democrática de Ferrolterra, propón un Centro de Interpretación da Memoria Histórica, en dependencias do Castelo de San Felipe que poida mostrar pedagoxicamente a mecánica represiva da ditadura franquista

A Asociación Cultural Memoria Histórica Democrática de Ferrolterra, mostra a súa satisfacción coas intervencións do Concello de Ferrol no Castelo de San Felipe, tendentes a seguir avanzando na posta en valor deste monumento arquitectónico, e ao mesmo tempo, desde a Asociación, queremos expresar o noso desexo de, nesta liña, incluír a nosa proposta de situar, no que foron os calabozos do Castelo, un Centro de Interpretación da Memoria Histórica, que poida mostrar pedagoxicamente a mecánica represiva da ditadura franquista, e ao mesmo tempo sirva de homenaxe ás 907 persoas de Ferrolterra, Eume e Ortegal que foron asasinados, e cuxos datos persoais constan nos Arquivos da nosa Asociación.

A Unión Europea, a través do programa Europa cos cidadáns, achegaría a maior parte do financiamento deste proxecto, de modesta contía, que xa foi presentado ao anterior Goberno Local en 2015, aprobado en Pleno en 2017, e novamente explicado ao actual Alcalde en 2019.

En reforzo da nosa demanda, actúa igualmente a inminente aprobación da nova Lei de Memoria Histórica, que defende, entre outras iniciativas, non só un rexeitamento máis enérxico da ditadura franquista, senón a necesidade de que todos os escolares sexan conscientes das graves consecuencias que supuxo para España, en todas as súas ordes.

Proposta de Proxecto de Centro de Interpretación da Memoria Histórica

Asociación Cultural Memoria Histórica Democrática

--
Visita as nosas páxinas web:
www.memoriahistoricademocratica.org
http://memoriahistoricademocratica.wordpress.com
en facebook:Memoria Historica Democratica
en twitter: Memoria Ferrol @memoriaferrol

Enviado por:
Memoria Histórica Democrática
-memoriahistoricademocratica@gmail.com-
8 de dezembro de 2020 21:24
_______

Presentación en Ares do libro: 'A fuxida do bou Ramón', este venres 20 de xullo, ás 8 da tarde, no local da Alianza Aresana, organizado polo Concello de Ares e a A.C. Memoria Histórica Democrática

Presentación do libro: "A fuxida do Bou Ramón".

Ilustrado por Fernando Ocampo e escrito polos historiadores e investigadores Eliseo Fernández e Enrique Barrera.

​En 1929 un grupo de 27 republicanos, logo de tres anos agachados para non ser vítimas da represión, partiron de Ares, nunha epopeia de liberdade, dignidade e supervivencia. Neste libro - que será entregado gratuitamente aos asistentes - nárrase esta historia e os roteiros posteriores dos seus protagonistas.

Presentación en Ares do libro: 'A fuxida do bou Ramón', este venres 20 de xullo, ás 8 da tarde, no local da Alianza Aresana, organizado polo Concello de Ares e a A.C. Memoria Histórica Democrática.
---

​Mercando a nosa chapa (1,50 €) axudas á Recuperación da Memoria.

Visita as nosas páxinas web:
www.memoriahistoricademocratica.org
http://memoriahistoricademocratica.wordpress.com
En facebook: Memoria Historica Democratica.
En twitter: Memoria Ferrol  @memoriaferrol.

Info baseada na enviada por:
Memoria Histórica Democrática
-memoriahistoricademocratica@gmail.com-
18 de julho de 2018 11:45
_______________

A exposición 'Galegos en Mauthausen', que rematou a súa estadía no Centro social de Mugardos, recibíu a visita do alumnado do IES, nunha visita organizada pola A.C. Apelón Educación e A.C. Memoria Histórica Democrática, visita guiada polo historiador Enrique Barrera Beitia

Visita do IES Mugardos a Exposición "Galegos en Mauthausen"

Hoxe, 24 de abril de 2018, a Exposición "Galegos en Mauthausen", que rematou a súa estadía no Centro social de Mugardos, recibíu a visita dos alumnos do Instituto, o 4º Curso da Eso, nunha visita organizada pola A.C. APELÓN EDUCACIÓN e A.C. Memoria Histórica Democrática, e que foi guiada polo Historiador e Segredario da nosa Asociación, Enrique Barrera Beitia. Tal como se explicou na conferencia celebrada recentemente e na visita de hoxe, cinco veciños de Mugardos foron vítimas do nazismo nos campos de exterminio.
Quedamos moi agradecidos das atenciones recibidas de APELÓN EDUCACIÓN e co desexo de novas iniciativas en común.

--
Visita as nosas páxinas web:
www.memoriahistoricademocratica.org
http://memoriahistoricademocratica.wordpress.com
en facebook: Memoria Historica Democratica
en twitter: Memoria Ferrol  @memoriaferrol

Enviado por:
Memoria Histórica Democrática
-memoriahistoricademocratica@gmail.com-
24 de abril de 2018 00:08
__________________

Proxeción, en Narón, do documental "O Piloto o último guerrilleiro..." E posterior coloquio con coa participación de: Afonso Eiré, Xosé Reigosa, Santiago Macías e Enrique Barrera, o venres 20 de Maio, ás 7 da tarde, no Café-Teatro do Pazo da Cultura

Proxección, en Narón, do documental "O Piloto o último guerrilleiro..." E posterior coloquio, o venres 20 de Maio, ás 7 da tarde, no Café-Teatro do Pazo da Cultura

O acto contará coa presentación de Enrique Barrera, profesor e historiador, membro da asociación Memoria Histórica Democrática e a participación de:

• Afonso Eiré, Guionista e documentalista.
• Xosé Reigosa, Director.
• Santiago Macías, Historiador.

Acto organizado pola Asociación Memoria Histórica Democrática  e o Concello de Narón, coa colaboración do Padroado de Cultura do Concello de Narón e Librería DAY.

José Castro Veiga “O Piloto” (O Corgo 1915 – Chatada 1965) o último membro do Exército Guerrilleiro abatido pola Garda Civil, según os autores da documental: “Nin foi un bandoleiro, nin foi un escapado, nin andaba polo monte. Foi un político que non tivo máis remedio que coller as armas para defender a legalidade republicana, primeiro, e logo aos máis necesitados, tratando de que os abusos e as inxustizas minguasen ou non se levasen a cabo en moitos casos”,...

​--
Visita as nosas páxinas web:
www.memoriahistoricademocratica.org
http://memoriahistoricademocratica.wordpress.com
en facebook: Memoria Historica Democratica
en twitter: Memoria Ferrol  @memoriaferrol

Enviado por:
Memoria Histórica Democrática
-memoriahistoricademocratica@gmail.com-
18 de maio de 2016 14:32
_____________

Actos diversos perante Abril e Maio para comemorar a proclamación da II Reública - Lembrade hoxe, 14 de Abril, no Ateneo Ferrolán Festa en conmemoración da proclamación da 2ª República ás 7 da tarde - Actos en Cedeira, organizados pola asociación Memoria Histórica Democrática, para o 15, 17 e 28 de Abril, e o 22 e 28 de Maio de 2016 - O concelleiro de Esquerda Unida de Narón André Abeledo colocou a bandeira republicana na porta do Concello - Actos en Narón - Viva a Reública, ... Por Celso Posada Fernández

Festa en conmemoración da proclamación da segunda república
Acto do xoves día 14 de abril no Ateneo Ferrolán

- Proxección de “Crónicas Republicanas”, ás 19:00 horas. Peza audiovisual que mezcla teatro, radio e imaxe, nun percorrido por sucesos socio-políticos ferroláns dende a II República até hoxe. Dirixida por Miguel Castro sobre guión do mesmo e de José Torregrosa.

- Encontro, a continuación, onde Carlos Etchevarría, cofundador e ExPresidente do Ateneo Republicano de Galicia, falará en nome da Plataforma pola República.

Organizan:
Plataforma pola República
Asociación Memoria Histórica Democrática
Anova
Decide En Común
Espazo Ecosocialista
Esquerda Unida
Fuco Buxán
PSdeG - PSOE
Terra Galega
--
Un lugar de encontro para a cultura.
Ateneo Ferrolán, fundado en 1879.

e-mail: secretaria@ateneoferrolan.org | Telf.:  +34 981 357 970 Dirección Postal: Rúa Magdalena 202-204. CP.15402 | Ferrol (Galiza)

Síguenos:
TWITTER: @ateneoferrolan
BLOG: http://ateneo-ferrolan.blogspot.com/
FACEBOOK: https://www.facebook.com/Ateneo-Ferrol%C3%A1n-1430118530577463/
Faite soci@ on line! Colabora con nos!
http://ateneo-ferrolan.blogspot.com.es/2007/12/faite-soci.html

Para axudas e aportacións económicas:
CC en Cajamar Cooperativa. Titular Ateneo Ferrolán.
ES72-3058-6402-9527-2000-5350

Enviado por:
Ateneo Ferrolán Fundado en 1879
-ateneoferrolan@gmail.com-
14 de abril de 2016 11:57

___________________

Hoxe o concelleiro de Esquerda Unida de Narón André Abeledo colocou a bandeira republicana na porta do Concello en homenaxe os que loitaron por defender a II República e a legalidade.

"Este é un acto de homenaxe e xustiza para todos aqueles Alcaldes e Concelleiros da epoca que habendo sido escollidos polos seus veciños e veciñas democraticamente, foron paseados e asesinados simplemente por defender as súas ideas", estendemos que é preciso lembrar o acontecido e non seguir escondendo a verdade, "aqueles que nos acusan de querer reabrir feridas olvidanse de que nunca foron pechadas, de que ninguen pediu perdon, esquecen que as fosas comuns seguen cheas de semente dun pobo que quería ser libre".

GRUPO MUNICIPAL DE ESQUERDA UNIDA DE NARÓN

Enviado por:
Naron Esquerda Unida
-eu-naron@esquerdaunida.org-
14 de abril de 2016 12:43
___________________

Actos en Cedeira, organizados pola asociación Memoria Histórica Democrática, para o 15, 17 e 28 de Abril, e o 22 e 28 de Maio de 2016.(Clicar acima da imaxe para ampliar o cartaz).

Enviado por:
Memoria Histórica Democrática
-memoriahistoricademocratica@gmail.com
14 de abril de 2016 12:00
___________________

Esquerda Unida de Narón organiza unha "XORNADA REPUBLICANA"

Este venres día 15 de Abril no Local Social de A Gándara a partir das 19:30.

A "XORNADA REPUBLICANA"  pretende ser un homenaxe a II República e a quen a defendeu, pero tamén unha xornada de reivindicación da necesidade da III República.

A XORNADA estará dividida nunha charla conferencia sobre a segunda República baixo o titulo "A II REPÚBLICA, UNHA ESPERANZA MALOGRADA" impartida polo Licenciado en Documentación Eliseo Fernández Fernández, tamén intervirá o catedrático Xosé Maria Dobarro Paz que é ademais Coordinador Comarcal de Esquerda Unida, e o concelleiro de Esquerda Unida en Narón André Abeledo Fernández que falará sobre a moción presentada en Narón e a necesidade da III República.

Durante a parte de lecer serviranse uns "pinchos" para o público asistente, e tamén se abrirá o debate para todo aquel que queira intervir. 

Dende EU Narón defendemos que “conmemorando o 14 de Abril non só recordamos o pasado, actuamos no presente para construír o futuro, poñemos as bases para a terceira República, cuestionamos realmente o sistema, abrimos o debate para cambialo todo de verdade”.

“Non haberá cambio real sen República, sen superar o réxime do 78, a monarquía funciona como garante da oligarquía para que todo siga igual”.

Esquerda Unida de Narón

Enviado por:
Naron Esquerda Unida
-eu-naron@esquerdaunida.org-
13 de abril de 2016 22:53
___________________

Viva a República, ... Por Celso Posada Fernández

Por Celso Posada Fernández [*]
07.04.2016

VIVA A REPÚBLICA. ORGULLOSO DE SER SOCIALISTA E REPUBLICANO . A POLA III REPÚBLICA: O vindeiro Xoves 14 de Abril cumprense 85 anos da Proclamación da II República.

A República e un modelo de estado profundamente democrático, solidario, igualitario que defende firmemente os dereitos sociais, os servizos públicos, o Ensino e a Sanidade Publicas, os dereitos humanos, a igualdade real entre mulleres e homes, a solidariedade internacional, a xustiza social, a igualdade de oportunidades e os dereitos da clase traballadora e da maioría social. A República e un modelo de estado profundamente democrático o servizo da transformación social e da construción dunha sociedade mellor, mais xusta, humana, democrática, solidaria e igualitaria na que se respecten os dereitos humanos e a dignidade das persoas, pobos e culturas. Hoxe e máis necesario que nunca seguir loitando para conseguir que chegue a III República. VIVA O 14 DE ABRIL. VIVA A REPÚBLICA. A POLA III REPÚBLICA. ORGULLOSO DE SER DE ESQUERDAS, SOCIALISTA E REPUBLICANO.

[*] Celso Posada Fernández, nado en Ferrol o 16 de Xullo de 1980. Activista e Coordinador en Galicia do partido Socialista, Republicano e de esquerdas "Decide en Común" e Secretario de Ensino e de Cultura da Executiva Federal; integrante da Plataforma Somos Esquerda. Diplomado en Maxisterio de Educación Primaria pola Universidade da Coruña e Monitor de Tempo Libre. Foi membro do PSOE, candidato a liderar o partido a nivel provincial, até formou parte da súa Executiva Comarcal da que dimitiu. A situación socioeconómica e política, e a súa participación activa nos movementos sociais, levou-no a abandonar o PSOE e colaborar na refundación dun novo partido socialista e republicano. É membro de STOP-Desafiuzamentos da Rede de Apoio Mutuo de Ferrolterra, da Asociación de Mobilidade Humana para a Colaboración e o Desenvolvemento (de apoio ás persoas inmigrantes e refuxiadas) e participa nas Marchas da Dignidade e na Plataforma Cidadá de Ferrolterra contra o TTIP. Está no facebook e un blogue persoal.

Enviado por:
celso posada
-celsoposada2006@hotmail.com-
12 de abril de 2016 21:47
___________