Amosando publicacións coa etiqueta Cha Brión. Amosar todas as publicacións
Amosando publicacións coa etiqueta Cha Brión. Amosar todas as publicacións

martes, marzo 16, 2021

Comuneiros do Cha de Brión-Doniños convocan ao tecido asociativo da Comarca ante o anuncio da instalación dun parque eólico no Monte do Cha - A reunión será o martes día 16 de marzo, ás 5 da tarde nos baixos do local da Xunta Veciñal de Doniños


CONVOCATORIA DE REUNIÓN INFORMATIVA A TECIDO ASOCIATIVO DA COMARCA

A ASOCIACIÓN COMUNEIROS DO CHÁ formada por veciños e veciñas das parroquias de Brión e Doniños, é a entidade xestora e usufrutuaria dos aproveitamentos do Monte do Chá tal como establece a Ordenanza Municipal reguladora dos aproveitamentos comunais do Monte do Chá, aprobada o 28 de marzo de 2019.

Sendo coñecedora do proxecto da empresa Lan S.L. de instalar un parque eólico en terreos do Monte do Chá e montes privados estremeiros e de que a mesma empresa ten outro proxecto semellante no Monte da Lagoa.

Tendo expresado na prensa o alcalde de Ferrol o apoio do Concello a estes proxectos sen terse dirixido previamente á veciñanza afectada.

Considerándonos directamente afectados por este proxecto quixeramos ter unha reunión coas entidades veciñais, deportivas, ecoloxistas, culturais ou doutro tipo que se sintan igualmente afectadas por este proxecto.

A reunión conta coa pertinente autorización da policía municipal e por cuestións de aforo prégase que se restrinxa a asistencia a unha persoa en representación de cada entidade.

A reunión será o martes día 16 de marzo, ás 17:00 h nos baixos do local da Xunta Veciñal de Doniños.

Nela informaremos do que sabemos deste proxecto e debateremos acerca das medidas máis adecuadas a tomar ó respecto.

Agradecendo a vosa presenza, propostas e contribucións Agardámosvos.

Contacta con nós no correo:

comunidade-montesdocha@hotmail.com

#NonInvasionEolica

#GalizaContraAmezaEolica

#RepartoXustoFondosEuropeosNextGeneration

Nova relacionada:

💚 Os comuneros do Chá de Brión móstranse en contra dun parque eólico nos seus montes. Diario de Ferrol - 13 de marzo de 2021. | Entre as razóns que argumentan atópase a oposición, non ás enerxías renovábeis, senón aos macroparques eólicos de alto impacto ambiental que se proxectan "de costas á veciñanza" e en lugares que consideran que deberían conservarse polos seus valores naturais, patrimoniais e paisaxísticos, "só para beneficio de empresas foráneas"... | Ir á Web.
_______

mércores, marzo 09, 2016

Ocupación Activa dos Montes do Cha, en Brión e Doniños (Ferrol), sábado 12 de Marzo, ás 10:30hs no Confurco: Ocupación simbólica dun monte plantando árbores autóctonas


A Asociación Montes Veciñais do Cha, convoca unha ocupación activa nos Montes do Cha (Ferrol) o sábado 12 de marzo, invitando a todos os interesados en colaborar na reivindicación do monte Cha como monte veciñal. A veciñanza de Brión e San Román de Doniños leva décadas loitando polo monte de seu e por iso organiza esta acción, co obxectivo de implicar á cidadanía na defensa do carácter comunal dese monte. O monte Cha sitúase no cumio da montaña entre a entrada da ría de Ferrol e o val de Doniños. Conta con 230 hectáreas que na actualidade están xestionadas polo Concello de Ferrol.

A comunidade veciñal quere que o seu monte teña a mesma condición que outros tantos 3.000 montes veciñais en man común en Galicia, no que a propiedade do monte recae nos veciños e veciñas que residen de forma habitual nese territorio. Así poderían autoxestionar o monte dunha forma sustentable e entre todas as mans.

A través desta acción, a Asociación Monte Veciñal do Cha, convidamos a participar neste encontro que comeza ás 10:30 no lugar de O Confurco, entre Cariño e Doniños (Ferrol). Alí poderemos plantar acivros, carballos e outras árbores autóctonas, e todo bañado con música, un xantar e refrixerios para os que colaboren con esta ocupación simbólica e temporal dun monte veciñal.

Apoiar este encontro supón acreditar no potencial desta comunidade veciñal, que leva moito tempo traballando en común e de forma activa pola recuperación dun monte que no pasado, dende tempos inmemoriables, era propiedade da comunidade veciñal do lugar.


https://vimeo.com/157787742

Evento no facebook:
https://www.facebook.com/events/1109297205789593/

Máis info:
http://montenoso.net/reivindicar-un-monte-vecinal-plantando-arbores-autoctonas/

Montenoso é unha comunidade, un espazo, unha rede que procura traballar por e para as comunidades de montes veciñais en man común e por extensión o mancomún. Facémolo porque entendemos que estes montes veciñais supoñen un paradigmático exemplo de comúns, e representan unha alternativa na capacidade de xestión e de relación entre nos e o medio que nos rodea.

Twitter:
https://twitter.com/montenoso

Web:
montenoso.net

Enviado por:
montenoso
-ola@montenoso.net-
9 de março de 2016 21:31
_____________

mércores, marzo 21, 2007

Proposta de resolución para a Asembleia Xeral da PA21, do vindeiro 27 de marzo, sobre Cha de Brión e Leixa

PLATAFORMA ARTABRA 21

-PROPOSTA DE RESOLUCIÓN-

PROTECCIÓN DOS ESPAZOS NATURÁIS DO CHA DE BRIÓN E DE SAN PEDRO DE LEIXA


Na actualidad , varios espazos de interese natural e arquolóxico do concello de Ferrol atópanse ameazados por diversas actuacións urbanísticas e empresariais.

En concreto, está aberto o proxecto de facer un “megapolígono industrial “ (Plataforma Loxística) no Chá de Brión, e por outra banda, e bastante avanzado, esta o “Proxecto sectorial do parque empresarial San Pedro de Leixa (Ferrol)” (D.O.G. 9.1.2007).

Dende a “Plataforma pola Defensa Natural e Patrimonial dos Montes de Brión e de Leixa”, integrado por Clube de Montaña de Ferrol, Esquerda Unida-IU, Nós-UP, ADEGA, e veciños de Brión e de Leixa, realizamos diversas actuacións, iniciativas e alegacións cara a preservar a riqueza patrimonial e natural destas zonas.

En resumo, os puntos mais salientables polos que nos parece que debense de protexer a riqueza destas zonas son os seguintes

A) CHA DE BRIÓN

-zona con importantes restos arqueolóxicos (máis de 35 mámoas catalogadas por Patrimonio). Unha actuación urbanística na zona, non estaría en acorde, na nosa opinión, có artigo 104 de Ordenación Urbanística e Protección do Medio Rural de Galicia e a súa modificación Lei 15/2004 referente a “Adaptación a ambiente”

-está adxacente ó LIC “Costa Artabra” e unha actuación urbanística nesta zona podería danar zonas moi sensibles como a lagoa de Doniños, a propia costa Artabra,etc

-nacemento de regatos e presencia de humedais. A construcción de naves industriáis nesta zona estaría en contraposición coa recentemente aprobada Lei 5/2006 no parlamento galego para “Protección conservación e mellora dos ríos galegos”

-existencia de algunhas das ultimas turbeiras de Galicia

-flora e fauna con alguns especímenes no listado de especies a protexer.

-etc.etc

B) SAN PEDRO DE LEIXA

-atópase á “Fraga da Pega” e a “Fraga da Casa do Monte” uns dos últimos reductos de bosque autóctono non ripícola que se conserva no municipio ferrolán. Tamén nesta zona hai flora moi importante con Ripsilvas, e bosque de ribeira

-zona con importantes restos arqueolóxicos : Castro da Leixa (Croa) , Castro de Sta Icia , e a mámoa de Trasancos (actuación urbanísitca na zona: mesmos incumprementos da Lei 15/2004)

- Nesta zona atópanse especies animáis incluidas no “Catálogo Nacional de Especies Amenazadas” (CNEA) con categoría de vulnerable (V) e/o perigro de extinción. Máis de 40 especies entre mamíferos, reptiles, aves, peces, ou anfibios da zona estarían englobadas dentro da Directiva Hábitats 92/43/CEE ou directiva Aves (Directiva79/409) etiquetadas de “interese especial” ou “vulnerable”.

-Nesta zona está os regatos de Fonteiroa, o rego de Leixa e o rio Frexeiro, zonas especialmente sensibles a unha posible actuación empresarial.

-Esta superficie atópase en contacto directo có Hospital Basico da Defensa e o Hospital Novoa Santos. Non semella moi axeitado facer un polígono industrial e trafico de mercadurías potencialmente perigrosas nesta zona.



Por todo o exposto presentamos “proposta de resolución” á Plataforma Artabra 21:

1º Considerar ó “Chá de Brión” e os espazos naturáis de “San Pedro de Leixa” zonas naturais e de interese arqueoxólico a protexer de defendelas de posibles actuacións urbanísticas e empresariais.

2º Apoiar a solicitude de que preservar integramente as fragas de esa zona, en concreto as de “A Pega”, “Casa do Monte” con fíguras especiais de protección así como os cursos fluviais e bosques de ribeira

3º Apoiar a solicitude de que sexa declarado tanto o Chá de Brión como os espazos naturais de San Pedro de Leixa como “Espazos Naturais Protexidos”.



Ferrol 19.2.2007

En representación da “Plataforma pola Defensa Natural e Patrimonial dos Montes de Brión e de Leixa”,


Xan Ramirez
Pdte Clube Montaña Ferrol

Asdo Antonio García Jiménez
Vogal de Adega-Trasancos

Ignacio Allegue
Responsable de Medio Ambiente de IU-EU

Carlos García
Responsable de Nós-UP

Jaime López
Representante Veciños Brión

_______________

Enlaces relacionados:

Presentadas alegacións ao Proxecto Sectorial do parque empresarial de Leixa e ao Estudo de impacto Ambiental

Alegacións ao “Estudo de Impacto Ambiental do Proxecto sectorial do parque empresarial San Pedro de Leixa (Ferrol)” (D.O.G. 9.1.2007)

_______________