Amosando publicacións coa etiqueta Praza da Porta Nova. Amosar todas as publicacións
Amosando publicacións coa etiqueta Praza da Porta Nova. Amosar todas as publicacións

venres, xuño 30, 2017

E dous ... Porta Nova versus plaza de España, ... Por Joam Tavia - A luita segue, há muito que transformar e mesmo subverter em Ferrol, na Galiza, no reino de Espanha e no mundo.


Por Joam Tavia [*]
30.06.2017

Hoje por motivos laborais, nom pudem estar na proposta sobre a restituiçom do topónimo original à Porta Nova. Todas as informaçons que me chegaram falavam da boíssima intervençom de Bruno (Fundaçom Artábria) do bom fazer de Ivan (BNG) e de que FeC depois dum início com dúvidas se somava ao si, como nom? também o das duas concelheiras que procedentes da lista do PSOE, formam parte do governo municipal e também agradeço o si de Esther Leira, companheira da CIG Admon, filóloga e concelheira agora nom adscrita. Foi umha derrota, (a favor 9, 11 contra e três abstençons) mas umha derrota com honor, como diriam os clássicos, e trabalho valente, responsável e sério.

Já está bem de tabús ferrolanos e deixar que os de sempre fachendeem de ferrolanismo barato. Nós nom somos ferrolanistas, somos galegos e galegas e por suposto que queremos muito a Ferrol, temos levado muitos paus e sofrido por esta comarca e o seu futuro. Cremos na sua gente, galegos e galegas de bem, gente trabalhadora que só aspira a ser dona se si, do seu pais e solidária com o mundo.

Quando cheguei do choio ainda pudem acompanhar ao irmao Pintos e escuitar com ele as intervençons na moçom de apoio e solidariedade com ele. Foi aprovada polo conjunto das forças de esquerda e nacionalistas. Lamento que para PP e C's, prime a vingança, como dixo Iván e solicitou com veemência, podiam ter votado a favor. Isso também ajudaria para vermo-nos  uns aos outros como rivais e nom como inimigos. O alcaide na sua interveçom mencionou-me dizendo que ele estava ali, junto a Xam e Pintos, é verdade. Há momentos de irmandade de classe nos que estamos juntos como os dedos arredor do punho. Para mim sempre foi um privilégio estar com os oprimidos e oprimidas frente aos poderosos. E agora que vou para velho nom vou mudar.

A luita segue, há muito que transformar e mesmo subverter em Ferrol, na Galiza, no reino de Espanha e no mundo. Recuperar  serviços para o público, dignificar, repartir e bem pagar o trabalho, distribuir a riqueza, fomentar a igualdade predicada polo feminismo, acobilhar aos e as desamparados, acolher à gente de outras culturas e países como irmaos, nom de religiom ou étnia  senom de pura humanidade. E nom esquecer nunca a busca da felicidade!

Há tanto que fazer e é tam curta a vida de um! Dixo Chaplin.

Verdade Moncho, hoje de cabodano, verdade Elena, Xan Quinhoá, Begonha , Martinho, John. Aqui estades na nossa memória, a eternidade dos ateus.

[*] Joam Tavia, Narón. Licenciado em História e membro da Fundaçom Artábria.

Enviado por:
Joam Tavia
-jtavia@gmail.com-
30 de junho de 2017 10:33

___________________

Avaliaçom da moçom municipal pola recuperaçom da ‘Porta Nova’ - Fundaçom Artábria


Avaliaçom da moçom municipal pola recuperaçom da ‘Porta Nova’


A Fundaçom Artábria quer por esta via apresentar umha pequena avaliaçom da iniciativa que levou hoje mesmo ao Pleno da Cámara Municipal de Ferrol, através do BNG, pola recuperaçom do nome da ‘Porta Nova’ em lugar do imposto em 1953 pola ditadura franquista.

Começamos por lembrar que o principal objetivo desta iniciativa, como tínhamos expressado, era socializar a necessidade de recuperarmos todos os sinais de identidade usurpados polo franquismo na nossa cidade.

Tendo em conta que a iniciativa foi apresentada “tecnicamente” por um só representante (o do BNG) e que o PSOE, o PP e Ciudadanos figérom “campanha” nos últimos dias contra a mesma, consideramos o resultado mais do que satisfatório, por vários motivos:

1. Conseguimos um importante incremento de apoios para o “SI”: Ferrol em Comum e a representante nom adscrita, mais o voto do BNG, somárom um total 9 votos afirmativos, contra os 11 contrários (PP-Ciudadanos) e as 3 abstençons (PSOE).

2. Esse resultado reflete bem o desenvolvimento de um debate social em que quigemos sublinhar o necessário exercício de dignidade democrática, recuperando o nosso património histórico-cultural contra as arbitrárias imposiçons da ditadura franquista.

3. A representante do grupo extremista ‘Ciudadanos’, acusando-nos sem nengum fundamento de fomentar “o ódio contra Espanha”, deu pé a que alguns “incontrolados” atacassem o mural comemorativo dos 100 anos das Irmandades da Fala. Desse modo, ficou à vista de todos e todas quem fomenta realmente o ódio.

4. Tal como indicou no seu discurso no Pleno o nosso representante, o companheiro Bruno Lopes Teixeiro, a Fundaçom Artábria move-se por sentimentos de amor à Galiza, à cultura e à língua deste país, nom por ódio contra nengum outro povo do mundo.

5. Aceitamos com total desportividade o resultado da votaçom de hoje, o que nom impedirá que continuemos socialmente a trabalhar para tornar maioritária esta proposta. Tanto nas instituiçons como nas ruas, continuaremos a exigir a recuperaçom plena dos direitos lingüísticos, culturais e nacionais da Galiza, assi como a total deslegitimaçom da ditadura franquista e dos seus herdeiros políticos.

Finalmente, agradecemos o apoio do BNG, de FeC e de Ester Leira à nossa moçom municipal.

A luita por um Ferrol digno, galego e antifascista continua.

Ferrol, 29 de junho de 2017


Intervençom do nosso companheiro Bruno Lopes Teixeiro no Pleno Municipal e duas imagens de hemeroteca ao respeito do nome da atual Praça de Espanha.

Bom dia,

Concelheiras, concelheiros, alcalde de Ferrol

Desde a passada segunda-feira, conseguimos, com a apresentaçom desta moçom, que o que alguns consideram um tema “nom prioritário” se debata na rua, nos centros de trabalho, nos bares, nas redes sociais, nos meios de comunicaçom e nos gabinetes políticos.

Chegamos aqui com umha boa parte das cartas em cima da mesa, tal e como nos figérom saber os distintos partidos representados neste pleno municipal através dos meios de comunicaçom.

O Partido Popular manifestou em boca da sua porta-voz Martina Aneiros que gostaria de que no pleno se tratassem assuntos mais relevantes para a cidade que este. É bem curioso que a porta-voz popular declare isto referindo-se à modificaçom do nome dumha praça, quando apenas há um mês se somava ao pelotom de fusilamento do alcalde Jorge Suárez, pola falsa polémica criada a partir da petiçom dumha rua para o vizinho de Las Rozas assassinado em Londres polo terrorismo yihadista. Terrorismo financiado polos regimes feudais da Arábia Saudita e Qatar, os mesmos com os quais o atual regime espanhol mantém magníficas relaçons.

Terá, entom, que explicar-nos a senhora Martina Aneiros qual é o critério para escolher o que é relevante ou nom o é. Nom questionamos a valentia de Inácio Echevarria, como tampouco questionamos a valentia de todas e todos aqueles ferrolanos assassinados polo franquismo, esse franquismo que o Partido Popular se nega umha e outra vez a condenar. Pois bem, foi precisamente a ditadura franquista a que decidiu de maneira arbitrária suprimir o nome tradicional da Porta Nova.Diga-nos, Senhora Aneiros, seria mais relevante umha moçom solicitando umha medalha para a Virgem de Chamorro, tal e como propujo o seu partido político em Ponte Vedra?

A nomenclatura das cidades é competência do pleno municipal, e é aqui onde deve debater-se.

É certo que há muitas questons urgentes na nossa cidade, umha cidade que se desangra demograficamente, que tem umhas percentagens brutais de desemprego... mas estas questons nom vam melhorar porque se mantenha o nome ilegítimo da Praça de Espanha.

Nom sabemos que votara hoje o PSOE, mas as palavras da Senhora Sestayo à imprensa adiantam-nos a pouca disponibilidade para levar avante esta proposta democrática, antifascista e galega, que entre outros honra a todos e todas as socialistas assassinados na nossa cidade polo criminal regime franquista.

Confiamos em que pola memória de Xaime Quintanilha, López Bouça, Maria Abelha, Milagros Nidáguila ou Matías Usero, votem a favor de esta iniciativa.

Senhora Masafret, fala você de provocaçom. Você?!? Temos que lembrar-lhe qual foi a sua primeira proposta neste Concelho? Equivoca- se ao afirmar que temos fobia a todo o que leve a palavra Espanha. Se o problema é que querem umha Praça de Espanha, proponham outra localizaçom. O que nós solicitamos hoje aqui é que nom esteja na Porta Nova, usurpando o nome que o nosso povo deu a esse lugar.

E nom, senhora Masafret, nom queremos voltar ao século XIX, talvez o seu partido sim gostasse de voltar aos Séculos Obscuros e acabar dumha vez com qualquer vestígio do galego.Às seis da tarde do dia 14 de setembro de 1953, o general golpista Francisco Franco Baamonde inaugurava a “Plaza de España” na sua cidade natal, com a presença, entre outros, de vários ministros, o alcalde franquista José Manuel Alcántara Rocafort e outras forças vivas chegadas de diferentes pontos da Galiza e do Estado espanhol, num ato de exaltaçom do regime. Assim o recolhem as crónicas da época, que podem ser consultadas nas hemerotecas.

Ainda nos dias de hoje, e incumprindo aliás a Lei de Memória Histórica, numha das esquinas da praça esta presente umha placa que lembra este facto com a legenda “Bajo la égida de nuestro caudillo se inauguró la obra de esta plaza del nuevo Ferrol”.

Desta maneira, um governo ilegítimo saído dum golpe militar que assassinou entre 1936 e 1939 mais de 3.000 galegas e galegos (cumpre lembrar que na Galiza nom houvo frente bélica) substituía um topónimo com 142 anos de história.

Até 1953, a mal chamada ainda hoje “Praça de Espanha” era conhecida popularmente como Porta Nova, desde que em 1811 se acrescentava umha nova entrada de acesso à cidade departamental na muralha defensiva.

Esta Porta Nova comunicava diretamente o bairro da Madalena com a Estrada de Castela.

Como afirmamos, foi um governo ilegítimo de um regime ilegítimo que realizou essa substituiçom arbitrária. Ainda assim, há ainda vizinhos e vizinhas de certa idade que na nossa cidade lembram perfeitamente o nome originário da praça, junto às expressons “de portas afora” ou “de portas adentro”.Queremos lembrar também que outras cidades galegas em que acontecêrom factos semelhantes, como Compostela e Lugo, recuperárom os nomes tradicionais para as praças correspondentes, retirando o nome de “Plaza de España” imposto pola ditadura franquista. Referimo-nos, no caso da capital galega, à praça do Obradoiro, e no caso de Lugo, a praça Maior.

Parece-nos umha grave irresponsabilidade desviar o sentido desta proposta para supostas incitaçons ao ódio contra ninguém. Ódio é sabotar murais dedicados a pessoas fusiladas polo fascismo como o ferrolano Camilo Diaz Valinho, como sucedeu estes dias no na fachada do nosso Centro Social; ódio é apresentar moçons contra o galego numha cidade em que, devido às nefastas políticas lingüísticas aplicadas até hoje, o galego é cada vez menos falado, quando até há umhas décadas era o idioma maioritário. Nom, senhoras e senhores, nom é ódio a Espanha, é amor a Galiza, amor a nossa cidade, e amor à nossa identidade como povo.

Por todo isto, da Fundaçom Artábria achamos que o Pleno Municipal de Ferrol, no exércicio das suas competências, deve fazer valer a Lei de Memória Histórica no seu artigo 15 e caminhar cara a recuperaçom dos nossos sinais de identidade colectiva, recuperando o nome tradicional da Porta Nova, rejeitando a permanencia do nome imposto polo franquismo (Plaza de España).

Para finalizar, só fica afirmarmos que para nós já foi um êxito que este debate chegasse hoje a este Pleno. No caso de nom ser aprovada esta moçom, assumiremos o resultado, mas também dizer que voltaremos atentá-lo e estamos certos de que Ferrol, igual que antes Lugo, Compostela e outras cidades, recuperará os nomes tradicionais ilegitimamente usurpados polo franquismo.

Quem sabe se numha segunda tentativa nom conseguiremos, como aconteceu em aquel pleno de 1982 com a proposta do socialista Quintanilha, que Ferrol recupere a sua Porta Nova como daquela abandonou o insultante apelido de “del caudillo”.

Muito obrigado!

Ferrol, 29 de junho de 2017

Clicar acima da imagem para ampliar

Clicar acima da imagem para ampliar

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!
....

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
artabria@artabria.net
29 de junho de 2017 18:25

Encaminhamos avaliaçom da moçom municipal pola recuperaçom da ‘Porta Nova’. | Anexamos a intervençom do nosso companheiro Bruno Lopes Teixeiro no Pleno Municipal e duas imagens de hemeroteca ao respeito do nome da atual Praça de Espanha.

_____________

Novas relacionadas:

Rexeitado o cambio de nome da praza de España. | O goberno local apoiou a proposta do BNG, pero os votos de PP e Ciudadanos impediron que prosperase. | Rocío Pita - Ferrol 29/06/2017 14:19 h. | Logo de catro días de polémica e unha hora e media de debate plenario, a praza de España non cambiará de nome. | La Voz de Galicia. |Ir á Web.

Seis horas e 35 minutos. Esa foi a duración do pleno ordinario celebrado onte no consistorio ferrolano, o cal estivo cargado de momentos de tensión nalgunhas das oito mocións. 1 30.06.2017 | Redacción. Diario de Ferrol. | Ir á Web.
___

xoves, xuño 29, 2017

Porta Nova versus plaza de España, ... Por Joam Tavia


Por Joam Tavia [*]
28.06.2017


Porta Nova versus Plaza de España

Solicito de vós um momento para um tema que tem a sua importância.

Estou-me a referir à mudança de nome da atual Plaza de España em Ferrol por Porta Nova. Este nome era o que tinha este espaço antes de que em 1953 o assassino Franco inaugurara a praça na que anos depois se instalou a sua estátua.

Quero parabenizar ao BNG e muito especialmente ao seu concelheiro e portavoz em Ferrol, Ivan Rivas, a recepçom, e por ter a valentia de levar ao pleno esta proposta da Fundaçom Artábria. Dizer que também outros a receberom sem qualquer resposta. Penso que temos aí umha pessoa importante para o futuro do Pais, jovem, preparado, valente e rigoroso. No só por esta ocasiom senom por muitas outras.

Dizer que a nomenclatura das cidades, é competência do pleno municipal, está apresentada pois, no lugar no que corresponde. A oportunidade nom deveria discutir-se pois temos que outras cidades irmans da Galiza como Lugo e Compostela já corrigiram esta aldragem há anos, voltando-a a nomear Praça do Obradoiro e Praça Maior, ao que antes também fora imposto como Plaza de España. Que a nossa cidade tenha especiais caraterísticas nom é óbice para nom fazermos o nosso trabalho, todo o contrário.

Contra esta proposta à luz do dia, democrática, antifascista e galega, estam-se a verter rios de lixo polos de sempre. É claro, defendem o seu ideário e nom permitem que Galiza tenha umha outra ideia de si que a que os seus antepassados e eles mesmos desenham. Acusam-nos de fomentar o ódio a Espanha com a que confessamos umha nula identificaçom nacional por muito que respeitemos ao seu povo. Seguramente muito mais do que eles.

Outros numha demagogia que bem conhecerdes manifestam nom ser cousa importante. Mesmo quem mais fala disto enche as corporaçons de propostas de medalhas e alaracas a virgens, como na nossa Ponte-Vedra, e mesmo acaba conseguindo tal aberraçom como no Cádiz espanhol (com a instimável ajuda de algumha pseudoesquerda, nom de toda felizmente)... mesmo acodem a atos de intimidaçom que sobardam as redes como o ataque ao mural comemorativo das irmandades.

Ferrol, por muito que nom queiram, é umha cidade galega, poda que mais de portas afora que de portas adentro mais é-o. E será no futuro, com ajuda de tod@s.

Terra, tempo e vontade!

Xam.

Envio-vos algumha ligaçom por se queredes mais informaçom.

https://www.facebook.com/xoan.tavia?ref=bookmarks

https://www.facebook.com/fartabria/

http://www.lavozdegalicia.es/noticia/ferrol/ferrol/2017/06/28/plaza-espana-vez/0003_201706F28C2992.htm

Ainda se pode botar umha mao na rede. Semelha que a proposta vai ter mais apoios no pleno. Bem-vindos e parabéns a quem apoie isto. Salga ou nom seguro que paga a pena.

Para votar na rede:

http://www.lavozdegalicia.es/encuesta/ferrol/ferrol/2017/06/28/consideras-necesario-cambio-nombre-plaza-espana-ferrol/01031498644170141126687.htm

[*] Joam Tavia, Narón. Licenciado em História e membro da Fundaçom Artábria.

Enviado por:
Joam Tavia
-jtavia@gmail.com-
28 de junho de 2017 16:59

_________________

sábado, decembro 21, 2013

O Grupo Municipal de EU critica o resultado final das obras na praza de España: un desastre funcional e esteticamente un bodrio

O Grupo Municipal de EU critica o resultado final das obras na praza de España: un desastre funcional  e esteticamente un bodrio. | Esquerda Unida considera  lamentable que o Partido Popular se esconda do seu proxecto de Praza de España.

O Partido Popular e o Alcalde Rey Varela rematan o vodevil da praza de España tal e como o comezaron o mentor político do señor Rey e o seu compañeiro Vilariño cando o da performane do  pico e a pala: con un espectáculo lamentable e bochornoso.

En primeiro lugar é lamentable todo o conxunto de decisións tomadas para chegar a un malgasto dun millón de euros. Neste punto non imos insistir máis xa que abonda co moito que xa se dixo no seu momento e os ouvidos xordos dos nosos gobernantes, insensibles ao sufrimento da xente do común e extraordinariamente atentos a cumprir con supostos mandados e compromisos electorais que, no fondo, son actuacións dun programa  impregnado de revanchismo político.

En segundo lugar é lamentable que o propio Alcalde inaugure o labirinto da praza aludindo a unha rocambolesca comparativa coa situación de hai doce anos. O labirinto inaugurado metéuselle nos miolos e agora temos un labirinto mental  do señor Rey. Non señor Rey, a cuestión é se había ou non que investir en cousas como levantar o chan recén feito e volver a poñer outro modelo, se había que retirar un xardín e deseñar e poñer outro, se había que defender ou non disparates como o de que non hai prazas sen árbores etc. vostede ten  que asumir que procedeu de maneira aloucada a executar compromisos sen sentido en virtude de argumentos irracionais É, amodo de exemplo, o disparate seguinte: non me gusta a praza de Armas e arrecende a estética franquista ergo levanto o chan da praza e póñoo novo, “de vermello- Ferrol” a poder ser. Adubío todo co discurso dos postos de traballo, investimentos, plan de barrios e demais e asunto concluído. Pero a cidadanía non está para estas bromas. Nin para estas nin para ningunha outra. É literalmente impresentable a súa actitude, politicamente cobarde, de non asumir as súas propias decisións e inaugurar a súa magna obra pola porta de atrás, con disimulo e con declaracións infumables. Un auténtico laberinto mental.

Porque, e en terceiro lugar, a obra é un atentado ao bon gusto. Sen dúbida o peor proxecto de todos os posibles. Esquerda Unida sempre foi respetuosa como organización cos profesionais que presentaban as súas propostas e ofertas pero hai que dicilo, agora xa, unha vez concluídas: é tecnicamente un bodrio e estéticamente horrible; dá arrepíos e é un atentado ao gusto. Nin é praza, nin é xardín nin hai concepto regulativo que recolla o feixe de impresións de tal cuadro: unha mistura kitsch que só con bo humor ferrolano conseguiremos dixerir. Bo nadal, señor Alcalde. Parabéns, señor Evia. Debeulles quedar a cabeza aliviada.

Ferrol a 21 de novembro de 2013

Grupo Municipal

Esquerda Unida de Ferrol
R/ do Sol 124 Entrechán Esquerda
981944035

www.euferrol.org
https://www.facebook.com/esquerdaunida.ferrol
https://twitter.com/EUFerrol
http://www.esquerdaunida.org/ferrol.html

Enviado por:
Ferrol Esquerda Unida
-eu-ferrolterra@esquerdaunida.org
21 de dezembro de 2013 13:51

Bo dia. Adxunto enviamos nota do grupo municipal sobre a inauguración da praza de España. Grazas e un saúdo. Secretaría de Comunicación. CPL- EU Ferrol.

____________

mércores, agosto 14, 2013

Ferrol non necesita malgastar 812.000 euros de diñeiro público na Praza de España - A Asociación Veciñal de Esteiro promove unha petición en change.org


A Asociación Veciñal de Esteiro promove unha petición en change.org

Ao Alcalde do Concello de Ferrol (A Coruña): Que non se malgaste mais diñeiro público na Praza de España de Ferrol

Ferrol non necesita malgastar 812.000 euros de diñeiro público na Praza de España

A Cidade de Ferrol ten unha taxa de desemprego altísima, moitas entidades de carácter social e funcións asistenciales de axuda a persoas doentes ou con dependencias, como Lazos, Asfedro e outras, teñen problemas para poder continuar o seu traballo social por falta de recursos.

A Praza de España leva consumido 21 millóns de euros de diñeiro público e agora, por un capricho do novo concelleiro de Urbanismo, Guillermo Evia, vanse a malgastar 812.000 euros mais nunha obra innecesaria e cando as rúas, beirarrúas, prazas, parques, señalización vertical e horizontal, mercados municipais de Caranza e Recimil, etc están nun estado de conservación lamentable.

A Praza de España está case terminada e só está pendente de unir, con ela, as rúas Rochel e Real.

Os 812.000 euros deben destinarse a fins sociais, creación de emprego e mellorar e conservar as infraestructuras de Ferrol.

Foto de Jorge Meis Díaz publicada no 'Diario de Ferrol'.
Web de Joge Meis: http://www.jorgemeis.com/

Se queres asinar esta petición, pode-lo facer en:
http://www.change.org/petitions/alcalde-del-concello-de-ferrol-a-coru%C3%B1a-que-no-se-malgaste-mas-dinero-p%C3%BAblico-en-la-plaza-de-espa%C3%B1a-de-ferrol-2

Local Veciñal:
Rúa Fernando VI,
Bloque I baixo
Ferrol -15403
Telef. 981933223
avesteiro@galicia.com
http://avesteiro.blogspot.com/





Información baseada na enviada por:
avesteiro
-avesteiro@galicia.com-
13 de agosto de 2013 10:37

___________

domingo, maio 12, 2013

Autoconvocatoria: Asemblea Aberta a toda a cidadanía para abordar o asunto do malgasto de máis de 812.000 euros na Praza de España - Este martes 14 de Maio, ás 7 da tarde, na Escola de Idiomas de Ferrol


O goberno municipal de Ferrol, pretende gastar por enésima vez, centos de miles de euros nunha nova remodelación da Praza de España, cando xa se levan dilapidados máis de 16,5 millóns de euros, segundo medios de prensa.

Das 15 empresas que optaban a facer a obra de remodelación, foi seleccionada, a UTE (Unión Temporal de Empresas) formada por Extraco S.A. e Prace Servicios y Obras S.A. que rebaixou a oferta en case 100.000 euros, con respecto á cantidade fixada no prego de condicións, que ascendía a 916.000 euros. A remodelación da Praza terá un custo inicial de 812.000 euros, máis os xa gastados 56.000 euros que custou o proxecto, segundo datos facilitados desde o propio Concello.

Desde hai tempo diferentes entidades veciñais, sociais e culturais, veñen opoñéndose ao malgasto na Praza. Tamén os tres partidos da oposición. Mesmo nos últimos meses o Colectivo Cidadá 'Acción Directa de Recuperación de Espazos Públicos' ven denunciando este malgasto  "... comunicámoslles que facendo valer os nosos dereitos como contribuíntes dese diñeiro público que van malgastar, exerceremos unha presión activa para impedir que esa obra se execute. Pedimos a colaboración de toda a cidadanía de Ferrol para que nos axuden a parar este despropósito".

A maioría das entidades opositoras ao malgasto, consideran que os centos de miles de euros, que se pretenden gastar na Praza de España, non se deben gastar aí, pois hai outras necesidades urxentes e algunhas de actuación inmediata que se deben de abordar xa. Sobre todo, Ferrol que ten un índice enorme de desemprego, segundo a EPA, máis do 32%, necesita que o diñeiro que se pretende dilapidar nunha nova remodelación da Praza, podería-se empregar, principalmente, en atender os problemas de emerxencia social e en xerar emprego.

Autoconvocatoria


En réxime de Autoconvocatoria, vai ter lugar unha Asemblea Aberta a toda a cidadanía e a todo o tecido asociativo, no salón de actos da  Escola de Idiomas o martes 14  de maio ás 19:00hs, para abordar o asunto do malgasto de máis de 812.000 euros nun novo proxecto de remodelación da Praza de España.



____________

sábado, maio 11, 2013

O Grupo Municipal de EU insta ao goberno á modificación dos orzamentos para destinar partidas de obras á creación de emprego e á atención de necesidades sociais


O Grupo Municipal de EU insta ao goberno á modificación dos orzamentos para destinar partidas de obras á creación de emprego e  á atención de necesidades sociais.
Suso Basterrechea, coordinador local de EU, considera unha falta de respecto aos/ás desempregados/as da nosa cidade que centos de miles de euros das arcas municipais sexan dilapidados en obras puramente ornamentais.
O voceiro Javier Galán afirma que queda demostrado, pola vía dos feitos consumados, que o alcalde,Jose Manuel Rey Varela,abandonou a loita polo emprego en Ferrol, cunha taxa insostible do 32%.

O grupo municipal de EU sentencia tallante: os criterios de gasto público do Concello de Ferrol e  cruel e antipolítica, xa que entendemos a política no sentido clásico, como a tarefa de acadar o ben común. Agora ben, o Partido Popular parece entender a política como un exercicio de tanatoestética, é dicir, a maquillaxe dos mortos. Na regresión histórica que se nos propón como saída económica quizais, para algúns, que xa pensan na volta dos faraóns, embalsamar e momificar serán actividades de futuro.

A cidade esmorece. Os comercios pechan. As gradas de Navantia perduran baleiras. Os servizos sociais esfúmanse cara outra cidade ou  déixanse morrer por asfixia económica. Os salarios baixan, os prezos públicos e privados suben. Os dramas persoais de xente sen recursos galopan sobre as conciencias da caste política. Mentres todo isto é a vida real, o alcalde sorrí nos barrios prometendo captación de comercios, grandes avenidas, prazas magníficas e a grandilocuente humanización da cidade, iso que veñen en chamar Ferrol 2020.

Sr Alcalde: para que  unha cidade se cualifique como  humana o primeiro que debe facer e cargar de dignidade aos seus habitantes. Nunha situación de emerxencia social, económica e política, soterrar os problemas non é propio do mandato ao que o somete a cidadanía, e un incumprimento manifesto do cargo que ostenta e causa obxectiva de dimisión por incapacidade sobrevida.

O Grupo Municipal de Esquerda Unida esixe un cambio de rumbo e as modificacións orzamentarias suficientes que permitan espertar a cidade non no estético, senón no ético e, en consecuencia, instamos a dotar partidas para:

1.- A creación dun Plan de emprego municipal. Nunha cidade coa taxa de desemprego máis elevada do país non contamos ni tan sequera con orientadores laborais, tendo que acudir os/as ferroláns/ás a cidades veciñas como Narón, para poder recibir ese servizo de atención básico no momento actual.
2.- Un Plan retribuído de formación e outro de reciclaxe laboral para desempregados/as de máis de 50 anos. A renda básica para a cidadanía, máis alá da burocratización dun RISGA imposible, é un dereito a conquistar, unha inversión en dignidade máis rendible en termos sociais que seguir queimando o erario público nunha Praza de España, estandarte da política ornamental inservible para os dereitos básicos: vivenda, sustento, traballo.

3.- Poñer ao servizo da cidadanía a riqueza social da que dispón a cidade: as vivendas de Recimil, rehabilitadas debidamente e con garantías públicas de función social.

4.- Reducir a externalización de servizos, eufemismo que agocha a entrega de servizos que deberían ser públicos a empresas amigas, e activar a Bolsa de emprego do Concello, que xa existe pero se conserva en formol en sotos ocultos, mentres contratas e subcontratas precarizan o emprego derivado dos servizos municipais.

Está moi ben visitar os barrios, previamente hixienizados, como salmóns postos no anzol do mandatario, pero mentres o alcalde sorrí anunciando inversións millonarias nas pedras da cidade, miles de desempregados nas mesmas casas dos barrios que visita, soportan o peso de mundo, e permanecen abandonados a súa sorte pola inacción municipal. Dende EU, pedimos a dimisión por dignidade política do alcalde de Ferrol, as súas políticas quedou demostrado que non serven, que provocan indignación e carraxe, e que debe deixar paso a outras alternativas que gobernen dende o fondo dos problemas da xente e non dende as formas da mercadotecnia.

Grupo Municipal de Esquerda Unida.

Ferrol a 11 de maio de 2013

Esquerda Unida - Ferrol
Rúa do Sol 124 entrechán esquerda, Ferrol
eu-ferrolterra@esquerdaunida.org
eu-ferrolcomarca@esquerdaunida.org

facebook
http://www.esquerdaunida.org/ferrol.html
http://www.esquerdaunida.org/



Enviado por:
Ferrol Esquerda Unida
-eu-ferrolterra@esquerdaunida.org-
11 de maio de 2013 16:51

_______________