En defensa da sanidade pública galega: manifestación o domingo 9 de febreiro - Sae ás 12 horas da Alameda de Santiago

En defensa da Sanidade Pública Galega.

Manifestación o domingo 9 de febreiro.

Sae ás 12 horas da Alameda.

Santiago de Compostela.

https://sossanidadepublica.wordpress.com/

@SOS-Sanidade-Pública


https://twitter.com/share
_________________

Manifestación en Compostela de SOS sanidade pública, para enviar unha mensaxe clara á Xunta de Galicia: 'Coa sanidade non se negocia' - Para inscricións, contactade vía telefónica ou por whatsapp co número 645819494

SOS SANIDADE PÚBLICA

As pacientes da sanidade pública están a vivir un ataque feroz aos seus dereitos máis elementais, a dignidade, a saúde, a vida digna. O esgotamento de recursos e profesionais dan lugar a unha rebelión dentro dos propios profesionais que, de xeito autoorganizado, vila por vila, están a mobilizarse e poñer na primeira plana da vida pública este verdadeiro atentado que pon en risco a vida mesma.

Exiximos a Xunta de Galicia que non especule cos dereitos fundamentais, que dote de fondos suficientes ao noso ben máis preciado, a sanidade pública por encima dos recortes que, como sabemos, forman parte do establishment austericida impulsado polo presidente da Xunta de Galicia, Alberto Núñez Feijoo.

A crise económica non pode ser a excusa nin o argumento para desviar fondos en manter privilexios mentres as listas de espera, as derivacións á sanidade privada e a derrogación de facto dos PAC están a dilapidar o noso ben máis prezado aínda que precario, o estado de benestar.

Facemos un chamamento á cidadanía a mobilizarse, o vindeiro domingo día 10 de marzo na Alameda, dando apoio e soporte a SOS sanidade pública, convocante desta mobilización, precisamos enviar unha mensaxe clara á Xunta de Galicia, coa sanidade non se negocia. Por iso, ofrecemos un autobús gratuíto para asistir a esta mobilización co seguinte horario:

Saída do monumento 10 de marzo, ás 10:00 horas da mañá.

Regreso dende as dársenas de Xoan XXIII o mesmo 10 ás 14:00 horas.

Autobus a Compostela desde Ferrol

Para inscricións, contactade vía telefónica ou por whatsapp co número 645819494, atendéndose a riguroso orde de chamada.

Acudide!

_______________

Asemblea Plenario da Plataforma en Defensa da Sanidade Pública da Área de Ferrol, hoxe 23 de febreiro, ás 6 da tarde, no Inferniño

CONVOCATORIA PLENARIO.

23 de Febreiro de 2018.

CONVOCATORIA da ASEMBLEA- PLENARIO,  para o Venres, día 23 Feb. ás  18 horas da tarde no local da Asoc. Veciñal do Rosario-Inferniño.

Orde do día:

1 – Aprobación, se procede, ACTA anterior.
2 .- Estado de contas da Plataforma. Actualizar COTAS anuais.
4 .- Valoración da MANIFESTACIÓN do día 4 a Febreiro en Compostela.
5 .- Acordos SOS Galicia - Nova CONCENTRACIÓN.
6 .- Renovación Comisión Permanente da Plataforma.
7 .-  Suxestións e preguntas.

Ferrol, a 26 de Febreiro de 2018.

Comisión Permanente.
Secretaría.
Plataforma en Defensa da Sanidade Pública de Ferrol
www.plataformadspferrol.blogspot.com
plataformadspferrol@gmail.com


Enviado por:
Plataforma en Defensa da Sanidade Pública Ferrol
-plataformadspferrol@gmail.com-
22 de fevereiro de 2018 18:05
_____________

Despois do grande suceso de mobilización en toda Galiza e a grande manifestación desta fin de semana en Compostela, SOS Sanidade Pública convoca a súa coordinadora galega e a todas as plataformas comarcais, para avalaiar a situación e ver os seguintes pasos na loita na defensa da Nosa Sanidade Pública - Vídeo

Convocatoria Reunion SOS Sanidade

Trala enorme manifestación de onte domingo , na que miles e miles de cidadáns e cidadás mostraron o seu rexeitamento ao proxecto de contrarreforma da Lei Galega de Saude e á política de desmantelamento e privatización do sistema sanitario público galego, desde a Plataforma SOS Sanidade Pública, queremos en primeiro lugar facer un recoñecemento expreso ás Plataformas da Mariña, Monforte, Ou Barco e Ou Salnés, que iniciaron as mobilizacións contra o desmantelamento dos seus hospitais comarcais.

Posteriormente o resto de Plataformas para a Defensa da Sanidade Pública de toda Galicia foron capaces de mobilizarse e  explicar á cidadanía e profesionais sanitarios os riscos do proxecto de contrarreforma e dos recortes sanitarios de Núñez Feijoo, e sumalas á mobilización. A Xunta de Galicia non só quere pechar as 4 áreas sanitarias, senón que ademais pretende lexitimar as Estruturas de Xestión Integrada (EOXIS) que supuxeron a absorción da Atención Primaria polas Gerencias Hospitalarias o que conduciu ao deterioro dun nivel esencial para garantir a promoción, a prevención e a atención próxima da poboación; fragmentar e privatizar a xestión do sistema creando chiringuitos de xestión privada con persoal precarizado; poñer os recursos de Investigación, Desenvolvemento e Innovación en mans de laboratorios, industria tecnolóxica e fondos de investimento internacional;  acabar coa participación social no control do sistema; etc., etc..

Esta manifestación unitaria foi posible grazas ao apoio e colaboración dos partidos, organizacións veciñais, sindicatos, asociacións de enfermos, asociacións de profesionais da saúde, ONGs, concellos e deputacións gobernadas por forzas progresistas, etc.. Todos traballaron cunha enorme xenerosidade e lealdade, antepoñendo os dereitos sanitarios da poboación galega ao seus lexítimos intereses.

Ata agora o sistema sanitario galego tiña un problema, pero tras esta enorme mostra de rexeitamento social, quen o ten agora é Núñez Feijoo.

Mañá martes iníciase o debate parlamentario de proxecto de cambio de Lei, onde os grupos parlamentarios progresistas poderán poñer encima da mesa o gran rexeitamento social ao mesmo.

Para analizar o complicado proceso que fomos capaces de desenvolver, as consecuencias da manifestación e acordar os seguintes pasos a dar na batalla pola sanidade pública, convócase a todas as Plataformas de Galicia o vindeiro xoves día 8 ás seis da tarde na sé do Sindicato UGT de Santiago (salon de actos planta baixa).

Saúdos

Manuel Martin

Portavoz

https://sossanidadepublica.wordpress.com/

Buscanos en facebook.
--

Plataforma en Defensa da Sanidade Pública de Ferrol
www.plataformadspferrol.blogspot.com
plataformadspferrol@gmail.com

Enviado por:
Plataforma en Defensa da Sanidade Pública Ferrol
-plataformadspferrol@gmail.com-
5 de fevereiro de 2018 17:08
____________________


https://youtu.be/veLStsrywEQ

__________

'O problema da sanidade pública galega non é de funcionamento senón de desmantelamento', di Xosé María Deus, portavoz de SOS Sanidade Pública, nunha entrevita realizada por Miguel Pardo - Explica os motivos que levaron á plataforma a convocar unha gran manifestación contra a nova lei de saúde da Xunta - Mobilización nacional que se celebrará en Santiago de Compostela o domingo 4 de febreiro ás 12 do mediodía na Alameda

"O problema da sanidade pública galega non é de funcionamento senón de desmantelamento"

Xosé María Deus, portavoz de SOS Sanidade Pública, explica os motivos que levaron á plataforma a convocar unha gran manifestación contra a nova lei de saúde da Xunta. | Miguel Pardo 22/01/2018

O proxecto da nova Lei de Saúde impulsado polo PP volveu a sacar miles de persoas ás rúas, sobre todo nas áreas sanitarias que a iniciativa quere suprimir. Sindicatos, asociacións veciñais, concellos e diferentes colectivos manifestáronse en Galicia contra unha modificación lexislativa que enmarcan nun novo "ataque" á sanidade pública e nun proceso de "privatización" do sistema sanitario galego. A Plataforma SOS Sanidade Pública convocou o 24 concentracións en diferentes localidades, todas elas previas á gran manifestación que se celebrará en Santiago de Compostela o domingo 4 de febreiro ás 12 do mediodía na Alameda. Falamos cun dos seus portavoces, Xosé María Deus, médico de Atención Primaria na localidade de Outes.

Convócanse concentracións en todas as áreas sanitarias e manifestación o día 4 de febreiro en Compostela. Cal é o motivo principal destas mobilizacións?
Hai dous motivos fundamentais. O primeiro é que o PP, en pleno mes de agosto, presenta o proxecto de modificación da Lei de Saúde de 2008, que era unha boa lei aínda que sen desenvolver. Con esta iniciativa, o que se fai é eliminar as áreas sanitarias, con todo o que iso significa. Como exemplo, o Hospital dá Costa de Burela vai pasar a depender de Lugo e xa non da súa xerente e dos seus directivos... Veremos como se decatan no Hospital de Lugo délo que está ocorrendo cos urólogos na Mariña. O argumento da Xunta é que con esta reforma achégase a sanidade aos cidadáns, pero é ilóxico dicir isto cando se retiran xerentes e o equipo directivo destas zonas, a onde, por poñer outro exemplo, iría un día un urólogo de referencia e ao día seguinte, outro. Pasan a ser meros distritos, tanto na Mariña como en O Salnés, en Monforte ou no Barco.

Pero hai máis...

Aproveitando toda esta lea, o día 10 de xaneiro entrou en vigor tamén a modificación da Lei de Garantías que, basicamente, implica que si pides cita, pasan 45 días e no Sergas non cha dan para unha consulta ou proba diagnóstica, ou 60 días no caso dunha intervención cirúrxica, derívanche á privada. Obviamente, si o persoal e os recursos redúcense, os prazos non se van a cumprir nunca. Esta mesma semana eu enviei a unha enferma a traumatoloxía. ¡E déronlle cita para dentro de dez meses!

É así de dura a realidade na sanidade pública galega?

Esa é a realidade. É a propia Administración a que incumpre os seus prazos porque non pon os medios para que se cumpran. Calquera que estea metido no sistema sanitario sabe que é inviable porque o propio Sergas faio inviable. Aquí non se fai como en Madrid, onde se fixeron hospitais que logo se privatizaron; aquí, directamente, pásanse os pacientes da pública á privada. É algo moi lesivo para os intereses da sanidade pública de Galicia. Como pode dicir a Xunta que este novo modelo achega a sanidade aos cidadáns ou mellora o sistema? Deben pensar que falan para xente parva ou que non entende. Como vai mellorar o sistema si estamos vendo cada pouco como con cada pico de gripe satúranse os hospitais ou os servizos de Urxencias?

O presidente da Xunta réstalle importancia a esas saturacións...

Feijóo tamén dixo que no canto de amontoar xente nos corredores de Urxencias, mellor que se amontoen nas habitacións... Home, tamén podía poñer literas, pero calquera que entenda como funciona o sistema sanitario sabe que iso implica persoal de limpeza, de cociña, enfermeiros, médicos, etc. Non é só ter ao paciente paciente, senón ter os recursos e o persoal para atendelo. É unha verdadeira irresponsabilidade dicir estas cousas.

As críticas de sindicatos, pacientes e plataformas insisten na falta de recursos e persoal. A que cre que se deben estas carencias? É unha decisión política? Económica?

É unha política definida que consiste en desmantelar o sistema sanitario publico para que sigan crecendo os grandes hospitais privados. É a política do goberno do PP e todo o que fai encamíñase a iso, do mesmo xeito que privatizan a docencia ou a investigación. Créanse organismos ad hoc para privatizar, como a Axencia Galega de Colocación. Calquera persoa que observe isto desde fóra pensará que como é posible gobernar sendo tan forte cos débiles e tan débil cos fortes, pero é así.

Hai un problema de xestión nos hospitais?

Si desgranamos o problema, darémonos conta de que non nace nos hospitais senón na Atención Primaria. Cando se crearon as EOXI (xerencias de xestión integrada), desmantelaron a Primaria, quitaron a xerencia e pasamos a depender dos hospitais. É o que nós denominamos hospitalcentrismo, porque toda a sanidade pública pasa a depender destes centros. So desmantelas os servizos de Primaria, non pos substitutos e non cobres prazas, é evidente que a xente se busca a vida. Si unha persoa doente pide cita e non lla dan ata tres ou catro días despois o que fai é buscar alternativas e acode aos PAC (Punto de Atención Continuada) ou a Urxencias. O problema non nace no hospital porque non haxa camas, que tamén, senón en Primaria. Si non es capaz de absorber toda a demanda, a xente acode aos hospitais, que recollen todo aquilo que non é atendido na Primaria. É de sentido común.

É, entón, unha cadea?

É unha cadea pero nace onde nace. Non vale ese diagnóstico, que emprega Feijóo, de que o problema nace por un mal funcionamento nos hospitais. Pois non, iso é un erro porque o problema nace noutro lugar. Pero con todo, a quen lle corresponde que os hospitais funcionen ben é a el e ao Sergas e non aos traballadores. O bo funcionamento do sistema depende deles e si non son capaces de logralo, que os actuais xestores déixeno e pase a quen saiba resolvelo. O problema non é de funcionamento senón de desmantelamento do sistema sanitario.

Á hora de analizar o problema, o Sergas tamén sinala a cidadanía que fai un mal uso das Urxencias.

Si nas autopistas a culpa é dos condutores por querer pasar 18 horas no medio da neve, aquí dinche que a culpa é da xente que non acode ao primeiro nivel asistencial. Iso é mentira e botar balóns fóra, acusando á parte máis débil da cadea, que é o enfermo. A xente claro que vai á Atención Primaria, como non vai ir si eu mesmo hei ter 53 pacientes no pico da gripe... Pero si a min chegáronme dez persoas sen cita, outras dez irían ao hospital para ser atendidos. Non hai recursos.

Describe unha realidade moi complicada, cre que é consciente a maioría da sociedade dela?

Si non se sabe máis é porque grandes medios de comunicación non reflicten esta realidade, senón os informes que día tras día saca a Consellería de Sanidade e que falan dunha Galicia no país das marabillas. Calquera que viva o sistema sanitario en primeira persoa sabe dabondo que non funciona como din. E sábeo tamén calquera que vaia a pedir cita porque comproba que iso dos 45 días de espera é unha falacia. Con todo, hai medios que apoian a versión do Goberno e non fan caso das denuncias que se fan, pero vanse a decatar do que pasa coa gran manifestación do 4 de febreiro.

Fala de falta de recursos e medios, de privatización, pero que medida urxente tería que tomar a Xunta para solucionar os problemas da sanidade pública?

É moi fácil. Hai unha Lei de Saúde do ano 2008 que está sen desenvolver e que, sen ser a mellor, é moito mellor que a que se quere aplicar agora; hai que desenvolvela con consenso. Tanto o ensino como a sanidade ou a dependencia son cuestións que hai que resolvelas por consenso. Non pode vir un partido, por moito que teña maioría absoluta por catro anos, a facer o que lle dea a gana ou a desfacer o que lle dea a gana. Teñen que sentarse os partidos cos sindicatos, as asociacións de pacientes, as plataformas sociais e sanitarias, os concellos e as asociacións de veciños e desenvolver a lei de 2008. E o que non se pode facer, sobre todo, é facer as cousas en contra de todos.

De todos?

Na plataforma estamos elaborando un vídeo no que xuntamos a persoas que explican a situación da sanidade pública. Nel aparecen partidos, sindicatos, plataformas, veciños... ¡E ningún membro do PP! Pero claro, que imos esperar dun partido que presentou o proxecto para modificar a Lei de Saúde en pleno mes de agosto e que o levou ao Parlamento o 7 de decembro, no medio dunha ponte festivo? Quéreno ocultar porque saben do rexeitamento que hai, pero deron en óso. Imos impedir que o PP desmantele o sistema sanitario público galego.

Plataforma en Defensa da Sanidade Pública de Ferrol
www.plataformadspferrol.blogspot.com
plataformadspferrol@gmail.com

Foto: Praza Pública.

Enviado:
Plataforma en Defensa da Sanidade Pública Ferrol
-plataformadspferrol@gmail.com-
26 de janeiro de 2018 17:40
__________

Buses desde Ferrolterra á Manifestación de Compostela na Defensa da Nosa Sanidade Pública - Desde Narón e Ferrol, ás 9:45 e 10:00 horas respectivamente

Buses dede Ferrolterra á Manifestación SOS SANIDADE PÚBLICA que se celebra este domingo 4 de febreiro de 2018.

MANIFESTACIÓN en SANTIAGO DE COMPOSTELA o Domingo, 4 de Febreiro, ás 12 do mediodía na Alameda.

A Plataforma en Defensa da Sanidade Pública de Ferrolterra está convocada a unha MANIFESTACIÓN por SOS GALICIA-SANIDADE PÚBLICA o vindeiro domingo, 4 de Febreiro.

Facemos un chamamento a cidadanía e todas as entidades da Plataforma da Sanidade Pública de Ferrolterra a participar nesta mobilización para rexeitar o proxecto de Lei Galega de Saúde que pretende aprobar no Parlamento a Xunta de Galicia do PP de forma unilateral sen a participación e debate das entidades sociais, sindicais, sanitarias...

A Plataforma pon un servizos de autobuses (gratuítos) para trasladarnos a Compostela:

Desde Narón.-

* Con saída ás 9,45 horas desde a Casa do Concello de Narón,

Desde Ferrol.-

* Con saída ás 10:00 horas desde o monumento 10 de Marzal, no Barrio de Recimil, con paradas en Caranza, Fene e Pontedeume.

Teléfono da CIG - 981358750
Móbil Plataforma- 649024612

Saúdos -

Comisión Permanente .-
Plataforma en Defensa da Sanidade Pública de Ferrol
www.plataformadspferrol.blogspot.com
plataformadspferrol@gmail.com


Enviado por:
Plataforma en Defensa da Sanidade Pública Ferrol
-plataformadspferrol@gmail.com-
28 de janeiro de 2018 18:26
___________________

O Concelleiro da esquerda de Narón, Abeledo rexistra pola vía de 'urxencia' unha moción para solicitar a retirada do proxecto de modificación da Lei 8/2008 de Saúde de Galicia e en apoio ás mobilizacións convocadas por SOS Sanidade Pública para tal fin

André Abeledo rexistra pola vía de "urxencia" unha "MOCIÓN PARA SOLICITAR A RETIRADA DO PROXECTO DE MODIFICACIÓN DA LEI 8/2008 DE SAÚDE DE GALICIA E EN APOIO ÁS MOBILIZACIÓNS CONVOCADAS POR SOS SANIDADE PÚBLICA PARA TAL FIN".

O Concelleiro André Abeledo explica que a Lei de Saúde de Galicia do ano 2008, estableceu as normas polas que se ten que rexer o Sistema Sanitario Público de Galicia. Esta Lei contempla unha  Sanidade Pública, Universal, Gratuíta e de Calidade, tal e como manda o Estatuto de Autonomía de Galicia e a Constitución do Estado Español. Agora a Xunta pretende cambiar esta Lei mediante un proxecto que:

1.- Reduce a participación social   na xestión e control do sistema.

Cambia a composición dos órganos de participación e súas funcións dos mesmos. Esta modificación faría imposible o control previo e a  aprobación do Plan Galego de Saúde, os contratos de servizos, os concertos co sector privado, subvencións, memorias anuais, orzamentos,  prestacións sanitarias e carteiras de servizos.

Tamén modifica  a composición e funcións do Consello de Saúde de Área e  crea un novo Consello Asesor de Pacientes,  deixando pendente a regulación da súa composición e funcionamento, responsabilidade que traslada as Xerencias de Área. A Consellería de Sanidade elixirá ademais quen poderá participar no mesmo, que deberán facer as  entidades participantes. O Proxecto e suprime o artigo 25 (apartado 5. d) que establecía que “ o Consello e Saúde debería coñecer os contratos de servizos sanitarios, concertos e subvencións na área sanitaria".

2.- Reduce as Áreas Sanitarias e mantén as Estruturas de Xestión Integrada (EOXIS).

Reduce á actuais  Áreas Sanitarias de 11 a 7 coa intención de equiparar as mesmas ás Estruturas Organizativas de Xestión Integrada (EOXIS), creadas para suprimir as Xerencias de Atención Primaria (AP) que foron absorbidas polos hospitais. De este xeito a AP quedou sometida a hospitalaria perdendo orzamento e autonomía, polo que o sistema sanitario volve ao modelo curativo (reparación do dano) en detrimento da promoción e prevención, moito mais racional e eficiente para a saúde da poboación.

3.- Desmantela e recorta os recursos dos hospitais comarcais, que acercan a atención hospitalaria as poboación rural aleixada dos grandes hospitais.

Preténdese eliminar as Áreas Sanitarias de Monforte, A Mariña, Barco de Valdeorras  e o Salnés, polo que os hospitais das mesmas pasarían a depender dos hospitais das  Estruturas de Xestión Integrada (EOXIS) de  Santiago de Compostela, A Coruña, Ferrol, Lugo, Pontevedra, Ourense e Vigo. As áreas dos hospitais comarcais se transforman en Distritos Sanitarios que son estruturas territoriais de menor rango, capacidade de xestión, orzamento e recursos.

4.- Mantén e consolida a selección dos traballadores sanitarios por libre designación, en lugar de por coñecemento, mérito e capacidade demostrada  en probas,  examines e concursos.

Esta decisión  perpetúa a arbitrariedade  o enchufismo na contratación do persoal sanitario, en detrimento da calidade da atención, da equidade e da xustiza.

5.- Consolida a privatización de formación, investigación e innovación dos sistema sanitario público galego. Mantén a amplía a Axencia Galega para a Xestión do Coñecemento en Saúde, parasitada por laboratorios e empresas tecnolóxicas e fondos de investimento internacional. De esta manara o SERGAS financiará e poñerá os seus centros, profesionais, equipamento e pacientes o servizo da experimentación de laboratorios, multinacionais e fondos de investimento, que farán grandes negocios cos resultados da mesma: O SERGAS pagara a investigación e ás multinacionais comercializaran os resultados.  Preténdese por o Sistema Sanitario Público ao servizo do desenvolvemento empresarial, en lugar de garantir a saúde da poboación.

Debemos ser conscientes de que están en xogo Sanidade Pública que ata agora protexeu o ben máis importante que temos como e a saude. O sistema Sanitario Público e algo que conseguimos entre tod@s coa democracia. Si deixamos que o privaticen, as xeracións futuras non nolo perdoarán.

Por ese motivo solicitará o apoio dos grupos do consistorio tanto para a aprobación da "URXENCIA" como dos seguintes ACORDOS da Moción:

1.- Instar á Xunta á retirada do Proxecto de modificación da Lei Galega de Saúde.

2.- Instar á Xunta a apertura de un proceso de debate e negociación participativa para:

- Manter e reforzar os hospitais comarcais para garantir a asistencia de saúde a toda a poboación en condicións de igualdade.

- Recuperar as Xerencias de Atención Primaria, que recupere a súa autonomía e capacidade resolutiva, para promover e previr a saúde da   poboación.

- Desenvolver e potenciar a formación, investigación e innovación con recursos públicos.

 - Potenciar a Participación Social, sen exclusións, en todas as estruturas do sistema sanitario.

- Garantir a equidade de acceso ao sistema dos mellores profesionais e traballadores en base a criterios de igualdade, mérito e capacidade.

3.- Apoiar explicitamente a mobilización convocada pola Plataforma SOS Sanidade Pública para o vindeiro 4 de febreiro en Santiago de Compostela pola retirada  do Proxecto de Modificación da Lei 8/2008 de saúde de Galicia.

GRUPO MUNICIPAL DE EU NARÓN

Enviado por:
Naron Esquerda Unida
-eu-naron@esquerdaunida.org-
23 de janeiro de 2018 11:56
______________

Presentación de moción e deliberación no Pleno de Ferrol celebrado o 30 de novembro de 2017, onde se acordou solicitar a retirada do anteproxecto de Lei de Saúde do PP que pretende modificar a Lei de Saúde de 2008 aprobada no tempo do goberno bipartito (PSdeG-PSOE e BNG), sendo Conselleira de Sanidade María Xosé Rubio Vidal - Enlaces ao Anteproxecto do PP, Lei de 2008, Vídeo e Acta do Pleno

Presentación de moción e deliberación no Pleno de Ferrol, celebrado o 30 de novembro de 2017, onde se acordou solicitar a retirada do anteproxecto de Lei de Saúde do PP que pretende modificar a Lei de Saúde de 2008, bastante máis progresista, aprobada no tempo do goberno bipartito (PSdeG-PSOE e BNG), sendo Conselleira de Sanidade María Xosé Rubio Vidal, e presidente de Galiza Emilio Pérez Touriño. O PP quere cargar-se est Lei para poder aplicar con máis facilidade as políticas neoliberais e privatizadoras do Partido Popular no sector sanitario.
Quentando motores para as mobilizacións que a plataforma galega SOS-SANIDADE PÚBLICA, ten convocado para o mércores 24 de xaneiro nas diferentes comarcas da Galiza, e o sábado 4 de febreiro en Santiago de Compostela. En concreto en Ferrolterra, a Plataforma en Defensa da Sanidade Pública Ferrol que participa na mencionada plataforma galega, ten convocado unha Concentración o 24X, ás 19:30hs, na Praza Amada Garcia, diante do Edificio Administrativo da Xunta de Galicia en Ferrol.

Polo seu interese, Mel Sanxoán como coordinador da Plataforma en Defensa da Sanidade Pública da Área Sanitaria de Ferrol, envía a moción que presentou aos grupos municipais de Ferrol, para o seu debate e aprobación en Pleno, cousa que ocorreu no Pleno Ordinario, celebrado no último xoves do mes de novembro do pasado ano 2017.

14.MOCIÓN DOS GRUPOS MUNICIPAIS DE FERROL EN COMÚN, SOCIALISTA, BLOQUE NACIONALISTA GALEGO E CIUDADANOS A FAVOR DA RETIRADA DO ANTEPROXECTO DE MODIFICACIÓN DA LEI GALEGA DE SAÚDE DO ANO 2008.- Examinada a moción que presentan os grupos de FeC, PSG-PSOE, BNG e C´s, que textualmente di: “O Grupo Municipal de Ferrol en Común, ao abeiro do disposto nos artigos 104 do Regulamento orgánico do Concello de Ferrol e nos artigos 91.4 e 97 do Regulamento de organización, funcionamento e réxime xurídico das entidades locais, presenta ao Pleno da Corporación Municipal á moción relativa á solicitude para a retirada do anteproxecto de modificación da Lei Galega de Saúde do ano 2008".

EXPOSICIÓN DE MOTIVOS

A Lei de Saúde de Galicia do ano 2008, estableceu as normas polas que se ten que rexer o Sistema Sanitario Público de Galicia. Esta Lei contempla unha Sanidade Pública, Universal, Gratuíta e de Calidade, tal e como manda o Estatuto de Autonomía de Galicia e a Constitución do Estado Español. Agora a Xunta pretende cambiar esta Lei mediante un Anteproxecto que:

1.- Reduce a participación social na xestión e control do sistema.

Cambia a composición dos órganos de participación e súas funcións dos mesmos. Esta modificación faría imposible o control previo e a aprobación do Plan Galego de Saúde, os contratos de servizos, os concertos co sector privado, subvencións, memorias anuais, orzamentos, prestacións sanitarias e carteiras de servizos.

Tamén modifica a composición e funcións do Consello de Saúde de Área e crea un novo Consello Asesor de Pacientes, deixando pendente a regulación da súa composición e funcionamento, responsabilidade que traslada ás Xerencias de Área. A Consellería de Sanidade elixirá ademais quen poderá participar no mesmo, que deberán facer as entidades participantes. O Anteproxecto suprime o artigo 25 (apartado 5. d) que establecía que “o Consello de Saúde debería coñecer os contratos de servizos sanitarios, concertos e subvencións na área sanitaria".

2.- Reduce as Áreas Sanitarias e mantén as Estruturas de Xestión Integrada (EOXIS).

Reduce ás actuais Áreas Sanitarias de 11 a 7 coa intención de equiparar as mesmas ás Estruturas Organizativas de Xestión Integrada (EOXIS), creadas para suprimir as Xerencias de Atención Primaria (AP) que foron absorbidas polos hospitais. De este xeito a AP quedou sometida a hospitalaria perdendo orzamento e autonomía, polo que o sistema sanitario volve ao modelo curativo (reparación do dano) en detrimento da promoción e prevención, moito mais racional e eficiente para a saúde da poboación.

3.- Desmantela e recorta os recursos dos hospitais comarcais, que acercan a atención hospitalaria á poboación rural aleixada dos grandes hospitais.

Preténdese eliminar as Áreas Sanitarias de Monforte, A Mariña, Barco de Valdeorras e o Salnés, polo que os hospitais das mesmas pasarían a depender dos hospitais das Estruturas de Xestión Integrada (EOXIS) de Santiago de Compostela, A Coruña, Ferrol, Lugo, Pontevedra, Ourense e Vigo. As áreas dos hospitais comarcais se transforman en Distritos Sanitarios que son estruturas territoriais de menor rango, capacidade de xestión, orzamento e recursos.

4.- Mantén e consolida a selección dos traballadores sanitarios por libre designación, en lugar de por coñecemento, mérito e capacidade demostrada en probas, examenes e concursos.

Esta decisión perpetúa a arbitrariedade o enchufismo na contratación do persoal sanitario, en detrimento da calidade da atención, da equidade e da xustiza.

5.- Consolida a privatización de formación, investigación e innovación do sistema sanitario público galego.

Mantén a amplía a Axencia Galega para a Xestión do Coñecemento en Saúde, parasitada por laboratorios e empresas tecnolóxicas e fondos de investimento internacional. De esta maneira o SERGAS financiará e poñerá os seus centros, profesionais, equipamento e pacientes ó servizo da experimentación de laboratorios, multinacionais e fondos de investimento, que farán grandes negocios cos resultados da mesma: O SERGAS pagara a investigación e as multinacionais comercializaran os resultados. Preténdese por o Sistema Sanitario Público ao servizo do desenvolvemento empresarial, en lugar de garantir a saúde da poboación.

Debemos ser conscientes de que están en xogo Sanidade Pública que ata agora protexeu o ben máis importante que temos como é a saúde. O sistema Sanitario Público é algo que conseguimos entre tod@s coa democracia. Si deixamos que o privaticen, as xeracións futuras non nolo perdoarán.

Por todo o exposto, a Plataforma SOS Sanidade Pública, propón para o seu debate e consideración no pleno, a adopción dos seguintes acordos:

1.Retirada do Anteproxecto de modificación da Lei Galega de Saúde.

2. Apertura de un proceso de debate e negociación participativa para:

- Manter e reforzar os hospitais comarcais para garantir a asistencia de saúde a toda a poboación en condicións de igualdade.

- Recuperar as Xerencias de Atención Primaria que recupere a súa autonomía e capacidade resolutiva, para promover e previr a saúde da poboación.

- Desenvolver e potenciar a formación, investigación e innovación con recursos públicos.

- Potenciar a Participación Social, sen exclusións, en todas as estruturas do sistema sanitario.

- Garantir a equidade de acceso ao sistema dos mellores profesionais e traballadores en base a criterios de igualdade, mérito e capacidade.”

Previa deliberación, a Corporación, en votación ordinaria e por maioría de catorce votos a favor, correspondentes ós sres./as. membros dos grupos de Ferrol en Común, Socialista, Bloque Nacionalista Galego e Ciudadanos e as sras. Fernández Lemos, Méndez Fonte e a sra. Leira Penabad, fronte a once votos en contra, correspondentes ós sres./as. membros dos grupos  Popular, acordou aprobar a moción  transcrita.

DELIBERACIÓN

SR. ALCALDE: Vamos a dar a quenda de palabra pola orde que vén na moción.

SRA. RUIZ FERREÑO: Primeiramente agradecer á Plataforma pola Sanidade Pública, en especial ó seu voceiro Manuel, por terme enviado un modelo de moción e esta demanda e tamén ó resto de grupos que presentamos conxuntamente esta moción.

En primeiro lugar, pois traemos hoxe aquí unha proposta moi clara, moi sinxela, é unha moción a favor da retirada do anteproxecto de modificación da Lei galega de saúde do ano 2008. Nese sentido, pois pedimos no primeiro punto a propia retirada e a segunda, a apertura do proceso de debate e de negociación participativa pois para varias cuestións que implican esta modificación. A primeira, pois para potenciar a participación social sen recursos e sen exclusións de todas as estruturas do sistema sanitario. Esta modificación o que fai, faría imposible o control previo á aprobación do Plan Galego de Saúde. É dicir, determinaría menos participación e limitaría as funcións e a composición propias do Consello de Saúde, as áreas. É dicir, o Consello Asesor de Pacientes. Cada vez pois poderían intervir menos e facer menos propostas e controlar menos a xestión da saúde pública.

Como segundo punto, pois recuperar as xerencias de atención primaria, que recupere a súa autonomía e capacidade resolutiva para promover e previr a saúde da poboación.

Bueno, recentemente o que se propón dende o goberno da Xunta de Galicia é reducir as actuais áreas sanitarias de 11 a 7. É dicir, amortizarían as áreas sanitarias de Monforte, da Mariña, do Barco de Valdeorras e do Salnés e intentarían que as áreas dos hospitais comarcais se transformasen en distritos sanitarios meramente. É dicir, limitar os centros de saúde da súa capacidade de xestión, de orzamento, de capacidade de recursos e tamén pois de menor rango. É dicir, funcionarían como un pequeno distrito das áreas de Santiago de Compostela, da Coruña, de Ferrol, de Lugo, de Pontevedra, de Ourense e de Vigo. Cada vez menos competencias e loxicamente cada vez pois tamén primarían vostedes menos a atención primaria que, como saben, hai numerosos estudios científicos que avalan que a prevención e a atención primaria pois diminúe un montón de custes da sanidade pública e estarían convertendo a sanidade pública realmente nun modelo máis ben asistencial, caritativo ou intervencionista cando xa o dano está feito e non como esixen todos os profesionais sanitarios ou esiximos todos os profesionais sanitarios que se faga a prevención, porque está demostrado que, en numerosos estudios científicos, bueno pois con datos estatisticamente significativos se demostra que loxicamente a prevención e a atención primaria pois diminúen os custes do Estado na inversión da sanidade pública.

Tamén outros puntos que propoñemos é manter e reforzar eses hospitais comarcais e recuperar a asistencia de atención primaria.

Por último, garantir a equidade e o acceso ó sistema dos mellores profesionais e traballadores en bases de criterios de igualdade, mérito e capacidade. Porque o certo é que esta modificación o que promove é claramente, descaradamente, consolidar a selección dos traballadores sanitarios por libre designación. Se aumentan cuantiosamente esas plazas de libre designación ó noso sistema sanitario e, bueno, dicir que ata unha semana antes de entrar de concelleira traballaba nun centro público como sanitaria e as condicións dos traballadores e traballadoras en base a estas libres designacións e á diminución de atención primaria e a aposta polas unidades específicas na nosa comarca, como pode ser pois maxilofacial ou a unidade especializada en abestosis, pois cada vez son peores, son moito máis precarias e, neste sentido, esta modificación o que fai é, bueno, pois potenciar a privatización da sanidade pública a prol das empresas privadas. Porque o certo tamén é que con esta modificación inclúen vostedes, o goberno da Xunta de Galicia, pois a privatización da formación, da investigación e a innovación dos sistemas sanitarios públicos galegos. É dicir, o Sergas pagaría as investigacións, o investimento I+D e realmente quen disfrutaría deses hallazgos clinicamente significativos serían os laboratorios e as empresas que rondan ó redor da Xunta de Galicia.

Entón, sen máis, agradecer a todos os grupos se votasen a favor dos que presentamos a moción conxunta e tamén os que non a presentan, pois que o plantexen. Nada máis. Moitas grazas.

SR. DÍAZ DOCE: Nós imos votar a favor, porque presentamos tamén a moción. Polo tanto tamén nós agradecemos a nós mesmos ese voto favorable.

En todo caso, falábamos antes do Doing Business. Eu creo que esta etiqueta tamén serviría como apelido deste anteproxecto de Lei de saúde de Galicia. Do mesmo xeito que facía anteriormente, remítome á posición do Partido Socialista, do grupo parlamentario Socialista, manifestada no Parlamento de Galicia, e eu creo que estamos falando dun sistema público de saúde que ten sido o principal elemento de cohesión social e de benestar. Durante os últimos corenta anos todos os indicadores respecto da calidade do sistema público de saúde, no caso de Galicia e de España comparativamente con outros países, pois deixan nunha posición moi favorable. Tamén nos termos de custo respecto daqueles outros modelos nos que a iniciativa privada ten asumida unha parte maior. E, particularmente, no que se refire a esta lei, bueno, estamos votando unha moción que ten uns puntos moi concretos e que creo que son o suficientemente suaves, por dicilo dalgunha maneira, como para que concite un apoio maioritario. Porque fala, por un lado, desa retirada dese anteproxecto, que non foi consensuado, que introduce cambios substantivos no modelo do sistema de saúde de Galicia e cambios substantivos cunha dose ideolóxica detrás, pois eu creo que suficientemente importante como para que, no que ten que ver co punto segundo, que é abrir un proceso de participación que permita que esas medidas que se plantexan, eses cambios substantivos de modelo, sexan consensuadas e participadas por todos os axentes do sistema, cando estamos falando, xa digo, dun pilar nuclear do sistema de benestar, e máis no caso dunha comunidade como Galicia, na que as súas características socio-demográficas convirten a saúde nos próximos anos nun dos principais retos a abordar e a sostenibilidade dun sistema que vai ter que atender a unha población envellecida e cada vez máis envellecida, como así está establecido e, polo tanto, eu creo que plantexar esta lei, como tamén xa se ten denunciado, con nocturnidade e estío, no verán, cando estas cousas pasan máis inadvertidas, introducindo cambios moi importantes no modelo, xa digo, hacia unha ideoloxía que cando menos no ámbito da saúde non só é controvertida, senón que ademais se ten amosado ineficiente por completo. Eu creo que o que cumpre na liña que xa ten denunciado o grupo parlamentario Socialista é a retirada desta lei e a iniciar un proceso, en todo caso, consensuado, de debate, para este sistema, que entre todos temos construído e disfrutado nos últimos corenta anos, sexamos capaces de que manteña a súa esencia e non se vaia polo garete do mercado. Moitas grazas.

SRA. RODRÍGUEZ MASAFRET: Muy brevemente. Simplemente decir que, efectivamente, nos hemos sumado a la presentación de esta moción y a favor de la plataforma SOS Sanidad Pública porque entendemos que este anteproyecto presentado, como dice el Sr. Díaz, sorpresivamente en el mes de agosto, hace recortes severos en una sanidad pública ya diezmada. Entendemos, desde Ciudadanos, que estamos a favor siempre de una sanidad pública universal, gratuita y de calidad, que puede coexistir, eso sí, con una sanidad privada, pero que en ningún momento esa sanidad pública puede verse recortada y en detrimento precisamente por la sanidad privada. Por lo tanto, no decimos más, simplemente estamos de acuerdo con todos los puntos y, por tanto, por eso sí apoyamos a la plataforma y presentamos esta moción conjunta. Gracias.

SRA. PEDROUZO BARDELAS: Moitas gracias, Sr. alcalde e boas noites a todos e a todas. Este grupo pois vai emitir un voto en contra desta moción, porque é necesaria a actualización da Lei xeral de saúde a do 8/2008, xa que a calidade asistencial da sanidade pública galega avanzou enormemente na última década. Chegou o momento de actualizar tamén a súa estrutura organizativa para continuar avanzando. A modificación e a actualización da lei era necesaria logo de dez anos para garantir e ampliar o sistema de saúde público, ademais dunha óptima utilización dos recursos e unha atención máis eficiente ós pacientes. En definitiva, o paciente será o gran beneficiario da reforma coa que se actualiza a lei que estivo en vigor durante os últimos dez anos.

Coa nova lei as áreas sanitarias serán sete, coincidindo co número de estruturas organizativas de xestión integrada o EOXIS, que veñen a corresponder coas antigas sectoriales, que xa había pois no Instituto Nacional de Previsión e no Insalud.

A área sanitaria consolida un modelo das estruturas organizativas de xestión integrada para facilitar o achegamento dos profesionais ós pacientes, que desde o 2011 ata o primeiro semestre de 2017 evitou máis de 263.000 desprazamentos ós pacientes que foron atendidos en hospitais comarcais. Este modelo, no que a Xunta quere seguir avanzando, permitiu que se investisen no devandito período 19,6 millóns de euros para ampliar e modernizar os hospitais comarcais.

Hai que dicir que as áreas de xestión integrada que, por certo, foi Ferrol en plan piloto onde empezou, por ser a área máis pequena e está contemplada na Lei xeral de sanidade do ano 1976. É dicir, que non pode ter un departamento, unha atención primaria, un hospital, e vivindo os médicos do hospital de espaldas ós médicos do centro de saúde. É dicir, que realmente eso o que facía era que o médico do centro de saúde, non que eses están para facer recetas e para dar volantes, os do hospital son os médicos que saben, os fenómenos, non? Entonces, claro, nós estamos alí para eso, despachar. E eso, co feito de integrar todo nunha estrutura. De feito pois crearon servizos na atención primaria, seccións, igual que un hospital.

Entonces se crea o distrito sanitario cun marco de referencia para a coordinación da atención primaria, hospitalaria e sociosanitaria e está ligado á asistencia do hospital no seu ámbito xeográfico. Polo tanto, os distritos sanitarios serán catorce. Son a nova figura legal que permitirá blindar por primeira vez, por lei, a existencia dos hospitais comarcais. Xa que, como ben sabedes, antes eran fundacións, non estaban estruturadas como o Sergas. De feito o Hospital de Verín, era a Fundación Hospital de Verín, a Fundación Hospital de Monforte, eran fundacións semipúblicas, é dicir, que realmente non estaban na estructura do Sergas. E con esto si que se blinda xa realmente ós hospitales de distrito como estruturados no Sergas.

Contarán con peso específico dentro da área e da propia organización sanitaria, do que ata ahora non gozaban. Xa digo, eran fundacións.

A modificación legal non altera en absoluto a asignación de médico ó hospital que na actualidade corresponde a cada paciente, nin moito menos a calidade asistencial.

A adaptación da organización territorial administrativa redundará nun beneficio xeneralizado para o paciente, xa que permitirá ampliar a oferta de recursos asistenciais nos hospitais comarcais. A atención máis próxima ó domicilio está na base desta reforma. En canto á transparencia e participación na elaboración da norma, o texto cumpre o máximo para a garantía, transparencia e participación. Comunicóuselle ós sindicatos o mesmo día en que se publicou no portal de transparencia e ampliouse o plazo para a presentación de suxestións. A Xunta non descarta o debate, que considera enriquecedor, en todas as achegas que contribúan á mellora da sanidade. Por iso xa se produciron reunións con colexios profesionais e con alcaldes e portavoces municipais.
En canto ós órganos de participación e recursos humanos, a anterior redacción da lei fixo practicamente imposible levar á práctica a participación. En ca
se dez anos non se reuniu nin unha sola vez o Consello de Saúde. A nova norma simplifica esa composición dos órganos de participación, garantes de que exista un nivel autonómico e unha por cada unha das áreas. Estarán representados os concellos da área, os sindicatos e organizacións empresariais. Por primeira vez darase tamén voz ós pacientes a través do seu propio consello asesor. Considerámolos o eixo primordial en torno ó que debe virar calquera proxecto.

Por outra parte, non se altera en ningún caso o actual sistema de contratación temporal, xa que os profesionais poderán anotarse na lista dunha das sete áreas e expresar a súa preferencia por distrito concreto. O sistema xa funciona así para Barbanza, Cee e Verín. Tampouco é certo que se introduzan novidades no sistema de provisión de plazas. A libre designación seguirá sendo de aplicación excepcional. Pero mentres se aplica para cargos, para puestos de xefe de servicio ou de xerente ou director de procesos…

Logo, a continuación, mellorará a xestión dos recursos humanos do Sergas en cada territorio, que derivará nun maior achegamento dos servizos sanitarios á cidadanía. Os profesionais seguirán, sen ningunha dúbida, ligados á área e manterán o seu destino orixinal. Moitas grazas.

SRA. RUIZ FERREÑO: Me gustaría aclarar unha cuestión, simplemente. Para finalizar, bueno, me parece un pouco idílica a exposición que fai o Sr. Pedrouzo, pero non é a realidade. A realidade é que nese anteproxecto se suprime o artigo 25, no que no apartado 5.d) establece claramente que o Consello de Saúde deberá coñecer os contratos de servizos sanitarios, concertos e subvencións na área sanitaria. É dicir, eso queda suprimido, non se coñecerá e no propio consello se lle dá a potestade á propia xerencia da área a que decida quen participa ou non del. É dicir, non é real o que estaba vostede comentando e o certo é que se reducen de 11 áreas a 7 áreas e se desmantelan e recortan os recursos dos hospitais comarcais. Eso está constatado e o di a Plataforma pola Sanidade Pública. E precisamente tamén se aumentan os cargos de libre designación.

SR. DÍAZ DOCE: Minimamente. Eu, simplemente, se a lei ou o anteproxecto de lei fose tan boa, seguramente tería sido presentada en prime time na rúa.

Fonte: Acta do Pleno celebrado o 30 de novembro de 2017. | Acceder/Baixar. | Ir á Canle do Concello de Ferrol, para ver o Vídeo do Pleno.

Plataforma en Defensa da Sanidade Pública de Ferrol
www.plataformadspferrol.blogspot.com
plataformadspferrol@gmail.com

Información baseada na enviada por:
Plataforma en Defensa da Sanidade Pública Ferrol
-plataformadspferrol@gmail.com-   
18 de janeiro de 2018 20:01
_______________________

En Ferrolterra, como noutras comarcas da Galiza, mobiliza-mo-nos na Defensa da Nosa Sanidade Pública, o mércores 24 de xaneiro cunha Concentración, ás 19,30hs, na Praza Amada García, diante do Edificio da Xunta de Galicia en Ferrol - E o 4 de febreiro Manifestación Nacional en Compostela, ás 12 do mediodía na Alameda - Vídeo Rolda de Prensa

Rolda de Prensa do 16 de xaneiro de 2018, no Centro Sociocultural de Fontiñas,
en Compostela, Moncho Veras como portavoz de SOS,
e tamén María Xosé Abuín, Rubén Cela, Juan Evaristo e Isabel Varela

En Ferrolterra, como coutras comarcas da Galiza, mobiliza-mo-nos na Defensa da Nosa Sanidade Pública, o mércores 24 de xaneiro cunha Concentración, ás 19,30hs, na Praza Amada García, diante do Edificio da Xunta de Galicia en Ferrol.  Convocada pola Plataforma en Defensa da Sanidade Pública da Área Sanitaria de Ferrol, que participa na plataforma galega SOS-SANIDADE PÚBLICA.

SOS Sanidade Pública convoca mobilizacións o 24 de xaneiro e o 4 de febreiro, en toda Galiza: PARA DEFENDER A "NOSA" SANIDADE PÚBLICA.

Rolda de prensa de SOS Sanidade Pública presentando as mobilizacións na sanidade.

O mércores 24 de xaneiro concentración en todas as comarcas, en Ferrolterra: Ás 19,30hs, na Praza Amada García, diante do Edificio Administrativo da Xunta de Galicia en Ferrol.

O sábado 4 de febreiro manifestación en Santiago de Compostela, con saída ás 12 do mediodía da Alameda.

O motivo: PARA DEFENDER A NOSA SANIDADE PÚBLICA. O adxectivo "NOSA" é importante, todos temos que ser conscientes do que é "NOSO" e que as políticas do goberno galego, cos recortes, privatizacións e mala xestión, están debilitando, empobrecendo e facéndonos perder parte deste patrimonio esencial para a vida como é a "NOSA SANIDADE PÚBLICA".

Facemos un chamamento á cidadanía a que se mova e participe tanto o día 24 na súa comarca como o día 4 de febreiro en Compostela, na defensa desta riqueza común que é a sanidade pública.


https://youtu.be/cpsIazGdX_c
Canle: SOS Sanidade Pública Galega. | Publicado en 16 de xaneiro de 2018. | Rolda de prensa de SOS Sanidade Pública Galega. | Presentación da convocatoria de mobilizacións de defensa da sanidade pública: concentracións comarcais o 24 de xaneiro e manifestación o 4 de febreiro en Santiago de Compostela con saída ás 12:00 da Alameda.

O proxecto do PP, de modificar a Lei Galega de Saúde, afonda no desmantelamento e na privatización do Sistema Sanitario Publico  Galego:

• Desmantela os hospitais comarcais, dificultando o acceso á asistencia especializada da poboación rural e recentraliza o control da Conselleria de Sanidade, sobre a atención da saúde.
• Perpetua as Estruturas de Xestión Integrada, que someten á Atención Primaria ás Xerencias Hospitalarias, en detrimento da promoción, prevención e atención cercana.
• Privatiza a formación a investigación e a innovación sanitaria, consolidando a Axencia Galega para a Xestión do Coñecemento en Saúde, penetrada por empresas multinacionais.
• Reduce e limita a participación social no control da Sanidade Pública Galega.
• Favorece a creación de chiringuitos, para  laboralizar o persoal, potenciando o favoritismo e a arbitrariedade na contratación do persoal sanitario.

Plataforma en Defensa da Sanidade Pública da Área Sanitaria de Ferrol
www.plataformadspferrol.blogspot.com
plataformadspferrol@gmail.com

Información baseada na enviada por:
Plataforma en Defensa da Sanidade Pública Ferrol
-plataformadspferrol@gmail.com
17 de janeiro de 2018 13:01
_________________

O movemento na defensa da sanidade pública prepara un inverno de mobilizacións contra a política sanitaria do Partido Popular na Xunta de Galicia - Convocada Asemblea Extraordinaria da Plataforma en Defensa da Sanidade Pública da Area de Ferrol, o martes 9 de xaneiro

CONVOCATORIA ASEMBLEA EXTRAORDINARIA DA PLATAFORMA EN DEFENSA DA SANIDADE PÚBLICA DA AREA DE FERROL

Día: martes 9 de xaneiro
Hora: 18:30hs.
Lugar: Local da Asociación Veciñal O Rosario-Inferniño.
Orde do día: Organizar as mobilizacións nesta comarca de Ferrolterra.

Punto Único .-

ORGANZACIÓN E DATAS DE MOBILIZACIÓN EN DEFENSA DA SANIDADE PÚBLICA EN FERROLTERRA .

Saúde

Secretaría -
---

Plataforma en Defensa da Sanidade Pública Ferrol
plataformadspferrol@gmail.com
17 de dezembro de 2017 20:06

Acta Plataforma SOS Sanidade Galicia.-

Reunión de SOS Sanidade Pública Galega. 13/12/2017

Asisten Plataforma do Salnés, Valdeorras, Mariña, Santiago, Pontevedra, Vigo, A Coruña, CIG, CCOO, BNG, Podemos, En Marea, Esquerda Unida, Movemento Galego de Saúde Mental, Cogave, Galiza Nova, Asociación Galega de Defensa da Sanidade Pública.

Desculpa asistencia a plataforma de Monforte. Juan Evaristo avisou de que probablemente UGT tería dificultades para asistir hoxe.

Téñense presentado nas áreas que perden a consideración de área sanitaria: charlas, mocións municipais, concentracións diante dos centros de saúde, manifestacións, caravanas, buzóns de reclamacións, notas de prensa,…. Por outra banda presentáronse múltiples mocións municipais e nas deputacións fóra destas áreas tamén.

O proxecto de lei foi aprobado polo consello da Xunta pero non entrou aínda no Parlamento. O primeiro debate, tendo en conta os tempos parlamentarios, non sería antes de febreiro.

Tiñamos acordado facer unha concentración diante do Parlamento galego en algún momento do trámite parlamentario.

A CIG propón unha manifestación en Santiago o 4 de febreiro e facer un traballo previo de información á cidadanía para estimular a participación na manifestación nacional, sobre todo a partir do 10 de xaneiro.  Propón tamén unha mobilización comarcal conxunta na semana do 22 a 27 de xaneiro.

As plataformas da Mariña, Salnés e Valdeorras presentes na reunión deron as queixas e manifestaron sentirse soas neste conflito e botaron de menos a presenza de máis accións da SOS galega neste tempo.

Acórdase:

1. Gran manifestación galega en Santiago o día 4 de febreiro.

2. Concentración diante do parlamento galego en apoio das organizacións parlamentarias da Plataforma.

3. Concentración comarcal na semana do 22 ao 27 de xaneiro.

4.- Elaborar lema, folleto informativo e material audiovisual para as redes.

5. Constituír un comité de coordinación para a preparación das actuacións previas e da manifestación do 4 de febreiro. Apuntáronse ao mesmo: Manuel Martín (portavoz de SOS), María Xosé Abuín (CIG), Ángel Cameselle (CCOO), Guillermo Crego (EU), Xosé María Dios (Plataforma Santiago), Moncho Veras (Plataforma A Coruña). Este comité vai ter a primeira reunión o martes 19 ás 18 horas no local de CCOO.

Manuel Martín

Portavoz  SOS - Sanidade Pública

Interesantes documentos:

Análise orzamento da Xunta de Galicia do Sistema Sanitario Público en 2018 - 5 de decembro de 2017. | Acceder/Baixar.

Análise do novo modelo de financiamento sanitario - 8 de decembro de 2017. | Acceder/Baixar.

O Anteproxecto de lei polo que se modifica a Lei 8/2008, do 10 de xullo, de Saúde de Galicia no Portal de Transparencia da Xunta de Galicia. | Ir á Web.
 --

Plataforma en Defensa da Sanidade Pública de Ferrol
www.plataformadspferrol.blogspot.com
plataformadspferrol@gmail.com

Enviado por:
Plataforma en Defensa da Sanidade Pública Ferrol
-plataformadspferrol@gmail.com-
22 de dezembro de 2017 14:13
___________________

Balaladas pola prevención do suicídio: Como noutras vilas e cidades da Galiza, hoxe xoves 30 de Xuño, en Ferrol, está convocada unha concentración na Praza do Concello, 10 minutos antes das 8 da tarde, hora na que comezarán as balaladas

O movemento galego de saúde mental e SOS Sanidade pública convocan unha Mobilización cunha badalada en prevención do suicidio este vindeiro Xoves, 30 de Xuño en toda Galiza.

POR UN PLAN GALEGO DE PREVENCIÓN DE SUICIDIO

En Ferrol esta convocatoria será  na Praza de Armas, ás 19:50hs cunha CONCENTRACIÓN e  darase a badalada ás 20:00hs.

1 badalada en lembranza da morte de 1 persoa cada día.
1 badalada en lembranza da morte dese mesmo día.

PLAN GALEGO DE PREVENCIÓN DO SUICIDIO, XA!

En Galicia morre por suicidio unha persoa cada día. Esa realidade agravouse dende o comezo da crise alcanzando no ano 2014 o seu teito con 394 mortes por esta causa.

As políticas desenvolvidas polo Goberno Central e a Xunta de Galicia fronte á crise desprotexeron a sectores sociais vulnerables incrementando o risco de suicidio na sociedade. Desas políticas cómpre destacar como especialmente importantes: a carencia de políticas activas de emprego e un elevadísimo paro prolongado, a redución da protección social, o deterioro da sanidade pública e en particular o debilitamento da Atención Primaria de Saúde, a tolerancia gubernamental coa banca e a súa agresividade respecto ó cobro dos préstamos hipotecarios coa conseguinte vaga de desafiuzamentos.

Pero Galicia padeceu dende sempre elevadas taxas de suicidio. Sofre un grave problema de saúde pública tal como o define a Organización Mundial da Saúde (OMS). Só agora, cando este estado de cousas se ve agravado pola crise , nos decatamos de que convivimos impasibles cunha realidade intolerable. Realidade diante da cal os gobernos non só non fixeron nada senón que mesmo negaron as cifras das propias institucións oficiais, chegando no caso da Xunta e do partido gobernante en Galicia a rexeitar no Parlamento Galego nesta lexislatura (ata en tres ocasións) iniciativas realizadas pola oposición propoñendo elaborar o plan de prevención.

As recomendación da OMS comezan por afirmar que o suicidio pode previrse eficazmente e rematan por presentar o obxectivo de reducir en cada país nun 10% para o ano 2020 o número de mortes por esta causa. Imperativamente chama ós Gobernos a liderar e a desenvolver Plans de Prevención do Suicidio.

Sobre esta base, nós, o Movemento Galego da Saúde Mental, respostando a ese mandato e cumprindo co noso compromiso fundacional, iniciamos o pasado 3 de maio a campaña Badaladas pola prevención do suicidio, coa finalidade de sensibilizar á sociedade fronte a esta cuestión, e para reclamar o cumprimento das obrigas que os nosos gobernantes  teñen coa protección da saúde e da vida da poboación. É así que esiximos que con urxencia se elabore ese plan, por unha comisión técnica capaz e crible, cun carácter multisectorial, articulado co necesario Plan Galego de Saúde Mental, e dotado suficientemente.

É por todo iso que xunto con SOS-Galicia facemos convocatoria para o 30 de xuño en diferentes cidades e vilas de Galicia ás 8 da tarde, para que soen badaladas para recordar a toda a sociedade que unha persoa máis morreu por suicidio na nosa terra ese día, e que seguimos sen un plan de prevención.

30 DE XUÑO ÁS 8 DA TARDE, BADALADAS POLA PREVENCIÓN DO SUICIDIO

ACODE ÁS CONCENTRACIÓNS

Web do Movemento Galego da Saúde Mental:

http://movementogalegosaudemental.gal/

https://www.facebook.com/movementogalegodasaudemental

Enviado por:
cig-saude.ferrol@sergas.es
-cig-saude.ferrol@sergas.es-
29 de junho de 2016 10:26
Dende CIG-Saúde apoiamos o chamamento a cidadanía a participar na convocatoria do Movemento Galego da Saúde Mental, Profesionais saúde mental de Ferrolterra,   SOS Sanidade pública a unha CONCENTRACIÓN cunha BADALADA na Praza do Concello-Armas este vindeiro xoves, 30 de xuño a partir das 19,50 horas.
__________

A Comisión Permanente da Plataforma en Defensa da Sanidade Pública da Área de Ferrol, reune-se de urxencia este xoves 25 de Febreiro

Case cincuenta entidades veciñais, sociais, sindicais, culturais e políticas das comarcas que conforman a Área Sanitaria de Ferrol, constituímos hai anos a Plataforma en Defensa da Sanidade Pública que a súa vez entrou a formar parte da plataforma galega SOS Sanidade Publica, desde este movemento popular a prol da sanidade pública, mobilizamos, concienciamos, denunciamos e nos mantemos en alerta contra toda agresión e intentos de privatización e deterioro do servizo público de saúde, un servizo universal, de tod@s e para tod@s. Desde Ártabra 21 chamamos a participar na Plataforma de forma activa con análises e propostas, este xoves 25 de febreiro vai ter lugar unha xuntanza da súa Comisión Permanente que está aberta á participación.

Xuntanza da Comisión Permanente da Plataforma en Defensa da Sanidade Pública de Ferrol

Convocatoria Comisión Permanente

Día: xoves 25 de febreiro de 2016.
Hora: 18:30hs.
Lugar: no Local da Asoc. Veciñal de "O Rosario" do Inferniño (Rúa Sánchez Calviño, s/n - Ferrol) | Aviso: novo Local de reunión, ver fotos.

Informaremos que este pasado xoves 18 de Febreiro ás 5 da tarde tivemos unha Xuntanza de SOS Sanidade Publica en Compostela con importantes iniciativas a realizar nas vindeiras datas.

Temos a necesidade e urxencia de convocar a Comisión Permanente para dar conta desta xuntanza de Compostela e poñer en marcha varias iniciativas que se van producir e coordinar en todas as Plataformas de defensa da sanidade pública:

Debate e informacións sobre as denuncias dos abortos terapéuticos e queixa no Parlamento; Participación cidadá Municipal nas distintas Áreas Sanitarias; Listas de Espera; Incompatibilidades médicas; Valedor do Pobo; - Doc respecto o estado da Sanidade Pública; Servizo de Urxencias ...

Sobre as listas de espera preguntamos como poderíamos recibir informacións das consultas e operacións cirúrxicas nesta Área Sanitaria, xa que imos facer unha valoración real destas Listas.

Esperamos a colaboración das entidades, sindicatos e traballadores sanitarios para facilitar esta información.

Saúdos
Secretaría

Plataforma en Defensa da Sanidade Pública de Ferrol
www.plataformadspferrol.blogspot.com
plataformadspferrol@gmail.com

Entidades que forman parte da Plataforma:

1. A.C. Fuco Buxán
2. A.VV. A Cabana
3. A.VV. A Graña
4. A.VV. Caranza
5. A.VV. Covas
6. A.VV. Esteiro
7. A.VV. Ferrol Vello
8. A.VV. O Cruceiro de Canido
9. A.VV. O Cruceiro de Meá
10. A.VV. O Lago-Doniños
11. A.VV. O Rosario-Inferniño
12. A.VV. Prioriño
13. A.VV. San Fernando-Recimil
14. A.VV. San Pablo de Catabois
15. A.VV. San Xoán-Bertón
16. A.VV. Santa Eulalia de Limodre
17. A.VV. Santa Mariña
18. A.VV. Serantes
19. A.VV. Ultramar
20. A.VV. Valle de Esmelle
21. A.VV. Valón
22. AFINOR(Fibromialxia)
23. AGAVIDA
24. ALCER
25. AMICOR
26. ASFEDRO
27. Asociación de Diabéticos Ferrolterra
28. Asociación Parkinson Ferrol-Ferrolterra
29. ASPANEMI
30. Ateneo Ferrolán
31. B.N.G.
32. C.I.G.
33. COGAMI-FERROL
34. Colectivo Ártabra21
35. Colectivo Soc. Cul. A Revolta de Trasancos
36. CPS de San Valentín
37. Esquerda Unida
38. Federación Veciñal Roi Xordo
39. Foro Galego da Inmigración
40. Grupo Diversidade Funcional Ferrol e Comarcas
41. Grupo Rural de Narón
42. LAZOS-Comité Antisida de Ferrol
43. Marcha Mundial das Mulleres
44. PSdeG-PSOE
45. TEIMA-SINDROME DE DOWN
46. Terra Galega
47. U.G.T.
48. U.S.T.G.

Información baseada na enviada por:
Plataforma en Defensa da Sanidade Pública Ferrol
-plataformadspferrol@gmail.com-
22 de fevereiro de 2016 22:19
__________________

Programa "Queres" da Consellería de Sanidade - Reclamacións e Suxestión

Programa "Queres" da Consellería de Sanidade

O SERGAS, na Área Sanitaria de Compostela, ven de instaurar o Servizo "Queres" nos Centros de Saúde. Consiste no servizo de Atención o Doente dos Hospitais, pero nos Centros de Saúde. A persoa, pode presentar a súa queixa, denuncia, solicitude, instancia,... ou demanda no propio Centro de Saúde. O que temos que facer é usar este servizo cada vez que consideremos que se nos están vulnerando os dereitos de asistencia, sexa en consulta, probas diagnósticas ou intervencións cirúrxicas (e trato por supostto).

Terá isto algo que ver coas iniciativas de SOS Compostela de presentar as solicitudes ante o Xerente de Área no Rexistro do CHUS?

Terá que ver ca iniciativa de SOS Compostela, de meter n@ Valedor/a do Pobo diferentes situacións que consideramos dramáticas para @s doentes?

Cremos que estamos no bo camiño.

Enlace co Servizo Online de Reclamacións e Suxestión "Queres": Acceder.

Plataforma en Defensa da Sanidade Pública de Ferrol.
www.plataformadspferrol.blogspot.com
plataformadspferrol@gmail.com

Información baseada na enviada por:
manuel martin
-mmargar1951@gmail.com-
Plataforma en Defensa da Sanidade Pública Ferrol
-plataformadspferrol@gmail.com-
1 de dezembro de 2015 23:13
______________

Ao igual que no resto das comarcas da Galiza, Ferrolterra mobiliza-se o vindeiro xoves 19 de Marzo, en Defensa da Sanidade Pública, ás 7 da tarde na Praza de Armas

A Plataforma en Defensa da Sanidade Pública de Ferrolterra e SOS Sanidade Pública Galega, comunican que convocan a toda a cidadanía a unha mobilización social o vindeiro Xoves, día 19 de Marzo ás 7h da tarde na Praza de Armas- Praza da Casa do Concello.

Esta mobilización prodúcese en todas as Áreas Sanitarias de Galicia co obxecto de defender a Sanidade pública por un acordo das entidades, organizacións e sindicatos que conformamos as Plataformas dentro de SOS Sanidade Pública.

As políticas neo-liberáis de axuste, privatizacións de servizos e RECORTES da Administración da Xunta de Galicia fai un efecto demoledor na atención sanitaria pública galega que leva ao sufrimento e desprotección  de sectores sociais como os enfermos de Hepatite C, a falta de aplicadores MODERNOS dos enfermos de ESCLEROSE ou persoas con baixos recursos que non poden comprar as súas medicinas motivada as políticas de Recortes.

Están producíndose colapsos nos Servizos de Urxencias con cidadáns nos corredores dos hospitais, observando unha falta de resposta e nula xestión da Conselleira de Sanidade, Rocío Mosquera, sendo xustificada polo Presidente da Xunta de Galicia, Alberto Núñez Feijoo.

Sorprende o Informe da Comisión Galega de Bioética, onde expresa a súa desconformidade co SERGAS de forma concluínte e denuncia as DESIGUALDADES de sanidade pública, cuestionando os principios de equidade, universalidade e gratuidade. O comportamento da Conselleira resulta escandaloso e impropio por tratar de facer OCULTISMO POLÍTICO destes informes e falta de criterio de calidade política ante as dimisións por parte da metade dos membros desta Comisión.

Esta Plataforma fai un chamamento a cidadanía para participar na CONCENTRACIÓN en DEFENSA da SANIDADE PÚBLICA este vindeiro  XOVES, día 19 de Marzo ás 7 horas da tarde na Praza de Armas - Praza do Casa do Concello de Ferrol.

PDSP de Ferrolterra.-

Plataforma en Defensa da Sanidade Pública de Ferrol
www.plataformadspferrol.blogspot.com
plataformadspferrol@gmail.com

Enviado por:
Plataforma en Defensa da Sanidade Pública Ferrol
-plataformadspferrol@gmail.com-
13 de março de 2015 18:04
__________________

A plataforma galega SOS Sanidade Pública pide a dimisión Conselleira Sanidade

SOS Sanidade Pública pide dimisión Conselleira Sanidade

A Plataforma SOS Sanidade Pública quere manifestar o seu máis firme rexeitamento á actitude do Partido Popular (PP) de traizoar a miles de lucenses que asinaron a Iniciativa Legislativa Popular esixindo a dotación do Novo Hospital de Lugo dos Servizos de Hemodinámica 24 horas, Radioterapia e Medicina Nuclear para tratar a pacientes con cardiopatías ou cancro.

A falta destes recursos obrigan a pacientes con enfermidades graves a percorrer grandes distancias para realizar cateterismos, radiarse ou para ser tratados noutros hospitais de Galicia.

Queremos denunciar que o Presidente de Galicia Núñez Feijjo e a Conselleira de Sanidade engano deliberadamente á cidadanía ao prometerlles que se dotaría ao Novo Hospital con estes recursos fai máis tres anos.

Por iso esiximos:

1. A dimisión da Conselleira de Sanidade por mentir deliberadamente, por non recibir ás máis de 200 organizacións veciñais que recolleron máis de 45.000 formas en demanda de xustiza sanitaria.
2. A dimisión do Portavoz Parlamentario do Grupo Popular Miguel Santalices por modificar deliberadamente a Iniciativa ata facela irrecoñecible.
3. O rexeitamento social aos parlamentarios elixidos por Lugo por traizoar aos cidadáns e cidadás que os elixiron para defender os seus intereses.

Manuel Martín
Portavoz da Plataforma SOS Sanidade Pública
http://www.sos-sanidadepublica.org/
No facebook: SOS Sanidade Pública
---
Plataforma en Defensa da Sanidade Pública de Ferrol, integrante de SOS Sanidade Pública.
www.plataformadspferrol.blogspot.com
plataformadspferrol@gmail.com

Enviado por:
Plataforma en Defensa da Sanidade Pública Ferrol
-plataformadspferrol@gmail.com-
19 de dezembro de 2014 21:29
______________________

As mutuas, Bankia e outras mariscadas, ... Entrevista de Ignacio González Orozco a Manuel Martín García (Portavoz de SOS Sanidade Pública)

As mutuas, Bankia e outras mariscadas
Texto: Ignacio González Orozco [*]

Xoves, 30 de Outubro de 2014

A sanidade pública vai camiño de converterse nun club privado, tanto polo seu futuro réxime de funcionamento como polas normas que de fato lle impoñerán os seus novos xestores, as mutuas de accidentes laborais, pouco afines aos principios de universalidade e calidade que debesen inspirala. Como sempre, a moeda ten dúas caras: contratos millonarios por unha banda, con presumibles beneficiarios en suxeitos próximos ao mundo das finanzas e á xerarquía do réxime popular, e degradación do servizo para os máis. Así pois, outra volta de porca do goberno de Rajoy aos dereitos civís e laborais.

O goberno presidido por Mariano Rajoy homenaxeou á emblemática e sempre venerable data do 18 xullo de 2014 coa aprobación do proxecto de Lei de mutuas, polo cal concédese a estas entidades maior capacidade de intervención no control das baixas laborais, a fin de acabar "pretexto oficial" co absentismo inxustificado nos centros de traballo. Grazas aos novos celadores da saúde pública, o executivo confía en aforrar ás arcas estatais uns 300 millóns de euros anuais. O borrador do novo ordenamento, unha vez cursado pola Comisión de Emprego do Congreso dos Deputados (22 de outubro de 2014), espera o seu definitivo debate e aprobación na cámara baixa.

A Federación de Asociacións para a Defensa da Sanidade Pública (FADSP) dúbida das intencións gobernamentais, e enmarca o propósito real deste medida no proceso de privatización da sanidade; por suposto, a costa da eficiencia do servizo, o prestixio dos seus profesionais e, como non, dos dereitos dos cidadáns e cidadás, lesionados agora na percepción dunha asistencia médica de calidade, pois se teme que as mutuas prioricen o aforro pecuniario aos criterios estritamente facultativos. Ademais, a FADSP cualifica ás mutuas de "entidades nada transparentes, incursas en numerosas irregularidades, que funcionan con escaso ou nulo control".

Nas súas orixes, as mutuas só tiñan competencias en baixas e casos de invalidez por accidente de traballo. Con todo, a partir de 1994 e grazas aos distintos gobernos, socialistas ou populares, adquiriron progresivo control sobre as baixas por enfermidade común, dado que, segundo a versión oficial, a súa xestión dos casos de invalidez transitoria é máis eficaz ... o cal equivale a dicir que a diario recortan os períodos de baixa, para reducir o monto das cantidades devengadas durante tales períodos. Neste sentido, a Confederación Xeral de Traballadores e Traballadoras (CGT) denuncia que as altas prematuras non só atentan contra a saúde dos traballadores e traballadoras senón que tamén incrementan o número de accidentes laborais, que creceron un sete por cento no primeiro semestre de 2014.

Sobre estas cuestións opina o doutor Manuel Martín García (Níjar, 1951), especialista en Medicina Familiar e Comunitaria e Máster en Saúde Pública, que actualmente traballa como facultativo no Centro de Saúde de Seixo (Marín, Pontevedra). Desde 2011 exerce tamén a presidencia da FADSP.

Pregunta: Negan vostedes que o número e a duración media das baixas laborais sexan excesivos en España. A que se refiren? Que datos manexan?

Manuel Martín García: O número de procesos de incapacidade temporal non controlados nin informaticamente polos Servizos Centrais do Instituto Nacional da Seguridade Social, nin manualmente polas súas direccións provinciais, representa o 64 % do total de procesos. O incumprimento de numerosas comunidades autónomas da obrigación de remitir os partes médicos de confirmación dos procesos fai imposible realizar os controis adecuados. Falta información. As estimacións oficiais de que o número de baixas laborais é excesivo non se basean, xa que logo, en datos obxectivos. Detrás destas medidas está o Acordo de Financiamento Sanitario do Consello de Política Fiscal e Financeira, que estableceu como fórmula para incrementar o financiamento do sistema sanitario público a redución do gasto en baixas laborais das comunidades autónomas.

As mutuas melloran a xestión das baixas?

As mutuas, antes da crise, non demostraron máis capacidade que os médicos do Servizo Nacional de Saúde (SNS) para mellorar a xestión das incapacidades temporais (IT), xa que non foron capaces nin de reducir o número de baixas, nin a súa duración nin o nivel de gasto asociado. Así o denunciou o Tribunal de Contas.

Con todo, a precariedade laboral e a facilidade para o despedimento si reduciron o número de baixas, pero en detrimento da saúde dos traballadores e traballadoras. Supoño que vostedes coñecen o problema de cerca.

As reducións nas baixas laborais por enfermidade responden ao temor das persoas doentes a ser despedidas por estar de baixa [un suposto incluído na reforma laboral de marzo de 2013]. Con esta norma preténdese dar plenos poderes e mellorar as oportunidades de negocio das mutuas e das patronales.

A nova lei de mutuas prevé a creación de baremos de duración para as distintas enfermidades, segundo a idade e profesión do enfermo. Ten esa iniciativa algún rigor médico?

En todo caso tería un valor estimativo moi relativo, dada a enorme variabilidade de enfermidades e o comportamento impredicíbel das mesmas, moi relacionado coas características particulares de cada paciente.

Malia todo o anterior, as mutuas corren máis para dar as altas médicas?

Evidentemente. Estas entidades dependen das patronais e o que paga manda.

Pensa o goberno que os enfermos son cuentistas e vostedes, os médicos, os seus cómplices?

O goberno pon baixo sospeita aos traballadores "aos que se achaca unha conduta fraudulenta e defraudadora coas baixas por enfermidade" e tamén aos facultativos de Atención Primaria. A reforma se fundamenta na necesidade de acabar coa suposta fraude por parte dos traballadores de baixa e presupón a incapacidade dos especialistas de Atención Primaria, con catro anos de formación, así como a maior capacidade de control das mutuas, cun persoal de formación descoñecida. Se parte do prexuizo de considerar que a xestión privada é superior á pública, e non se ten en consideración que a baixa laboral é unha medida terapéutica que o médico utiliza en beneficio da saúde dos seus pacientes.

Haberá posibilidade de conflito entre diagnósticos diferentes, segundo o médico da mutua e segundo o médico da Seguridade Social?

Preténdese que as mutuas asuman o control das prestacións por enfermidade común. Con esta cesión de poder ás mutuas, as baixas deixarán de estar sometidas ao control dos servizos públicos da Seguridade Social. As mutuas pasarán a ser as controladoras dos mesmos, asumindo a xestión das prestacións por enfermidade común en detrimento dos facultativos dos servizos públicos de saúde. As mutuas controlarán as baixas dos traballadores desde o primeiro día, e non terán que esperar ata o decimosexto, como ata agora. Poderán citar ao traballador para revisión e emitir propostas de alta aos servizos públicos de saúde, que deberán responder nun máximo de nove días. Si a mutua considera que o traballador pode traballar, formulará unha proposta de alta á inspección médica dos servizos de saúde, que terá cinco días para contestar; si non o fai, a mutua poderá novamente recorrer á Seguridade Social, que terá outros catro días de prazo para emitir un informe. Eses prazos, ademais dun acoso ao traballador doente, son insuficientes para garantir unha decisión pertinente.

É dicir, poderá darse o caso de traballadores que teñan que ir traballar sen haber sanado da súa enfermidade ou lesión.

Evidentemente, si. O que supoñerá un grave risco para saúde do traballador/ora afectado/a e do resto do persoal.

Os conflitos de diagnóstico, serán solucionados por algunha autoridade competente na materia? Quen terá a decisión final?

Tanto os médicos de familia como os inspectores da Seguridade Social quedarán supeditados aos criterios dos médicos e inspectores da mutuas (ao servizo da patronal), que poderán dar altas laborais por motivos burocráticos utilizando de xeito torticera o silencio administrativo positivo por incomparecencia de catro días (sen ter en conta criterios sanitarios).

Un comunicado da FADSP asegura que as mutuas son "entidades nada transparentes, incursas en numerosas irregularidades". Podería ser máis explícito? A que irregularidades e falta de transparencia refírense?

Por exemplo, fai poucos anos a Fiscalía Anticorrupción actuou contra a Mutua Universal (terceira entidade do sector en importancia) por un presunto delito e malversación de caudales públicos, por desviar fondos da Seguridade Social a fins distintos dos propios da actividade mutualista.

As mutuas son entidades sen ánimo lucrativo? algo así como Caixa Madrid, por poñer un exemplo de actualidade lucrativa (e delituosa).

A mutua Fremap cargou á Seguridade Social 43,2 millóns de euros por dietas, viaxes para a xunta directiva e as súas parellas, coches de luxo para os directivos e ata mariscadas. É dicir, 43,2 millóns de diñeiro público. Nunha recente auditoría realizada a esta mutua detectáronse tamén actividades ilegais, como pagos a colaboradores comerciais para captar novos mutualistas.

Quen foi antes, a galiña ou o ovo: o goberno aspira a mutualizar a Seguridade Social, converténdoa de fato nun réxime sanitario privatizado, ou son as mutuas un eficaz grupo de poder que presiona ao goberno para facerse con parte ou a totalidade da Seguridade Social?

Con esta lei preténdese avanzar na privatización da asistencia sanitaria dos traballadores, transformando as mutuas (que son asociacións empresariais) en concesións administrativas, que xestionarán a Incapacidade Transitoria por enfermidade de acordo ao modelo de Novas Formas de Xestión Privada (Lei 15/1997). En segundo lugar, contribúese ao cambio de modelo sanitario impulsado polo goberno de Rajoy, que pretende substituír o SNS público, universal, accesible, equitativo e redistributivo, por un modelo baseado no aseguramento (cotizacións e provisión privada de acordo ao Real Decreto 16/2012).

Coñecen vostedes intereses directos de membros do goberno ou altos cargos do PP no negocio das mutuas?

Fremap está presidida por Mariano de Diego, presidente da patronal de mutuas (AMAT), e entre as súas vocais atópanse o exdirector de Relacións Laborais da CEOE José da Cavada (quen criticou que se dean catro días de permiso aos traballadores por defunción dun familiar de primeiro grado cando sexa necesario pernoctar fose do lugar de residencia, "dado que agora as viaxes non se fan en dilixencia"); Pedro Barato, presidente do sindicato agrario ASAJA e da Federación Española de Autónomos; o conselleiro de Presidencia da Comunidade de Madrid, Salvador Vitoria, e Ildefonso Sánchez Barcoj, un dos responsables das tarxetas black de Bankia, á que cargou 484.200 euros.

Outra cuestión importante afecta á confidencialidade dos historiais clínicos.

A nova lei acaba co dereito dos traballadores á confidencialidade da súa historial clínico (garantido pola Constitución e as Leis Orgánicas 15/1999 e 41/20029), ao poñer a disposición das Mutuas Patronais todos os datos sobre a saúde dos traballadores, estean ou non relacionados coa baixa laboral por enfermidade. Con todo os profesionais da sanidade pública non terán á súa disposición o historial clínico sobre accidentes ou enfermidades laborais, e hai que ter en conta que o 20 % das causas de baixa laboral por continxencias comúns son, en realidade, continxencias ou enfermidades laborais, adquiridas no ambiente de traballo.

Publicado na  Revista Rambla. | 27.10.2014

[*] Ignacio González Orozco, redactor xefe da revista Rambla.

Publicación da entrevista con Manuel Martín.

Plataforma en Defensa da Sanidade Pública Ferrol
29 de outubro de 2014 14:21

Plataforma en Defensa da Sanidade Pública de Ferrol
www.plataformadspferrol.blogspot.com
plataformadspferrol@gmail.com
_________________