En Nós Diario: Quecendo motores de cara ao 5-A - Os partidos políticos galegos aproveitarán a primeira fin de semana, tras a convocatoria das eleccións ao Parlamento por parte do presidente da Xunta, para pór a punto a maquinaria electoral

O 5 de abril, a cidadanía galega elixirá nas urnas quen a representará os vindeiros catro anos no Hórreo. As formacións políticas que se presentarán ás eleccións nacionais, tras a convocatoria por parte do presidente a pasada segunda feira, teñen previstos diversos actos para esta fin de semana. Quecemento de motores de cara a unha longa e decisiva carreira electoral.

PP

O Partido Popular ten previsto para este sábado en Vigo o acto de proclamación de Alberto Núñez Feixoo como candidato á Xunta. Os populares galegos agardan que o evento sexa "masivo", para dar testemuño de que a formación está "activada, mobilizada e ilusionada" e conseguir a cuarta maioría absoluta.

O obxectivo, segundo indicou na sexta feira en conferencia de prensa o secretario xeral do PPdeG, Miguel Tellado, é "continuar dando a Galiza a estabilidade e o crecemento que merece e necesita".

PSOE

O secretario xeral do PSOE na Galiza, Gonzalo Caballero, asiste este sábado ao Comité Federal do partido na súa sede en Madrid. A partir das 10.30 horas, estaba previsto que se desenvolvese a reunión do máximo órgano do partido entre congresos, que comezará coa análise política a cargo do secretario xeral e actual presidente do Goberno español, Pedro Sánchez.

BNG

A partir das 12 horas deste sábado, a portavoz nacional do BNG e candidata a presidir a Xunta, Ana Pontón, participará na capital na segunda mesa do espazo Pensar Galiza. O encontro terá lugar na Casa das asociacións, a antiga estación de Cornes. Pensar Galiza, segundo informa a formación, "é un proceso de contacto e interlocución ─estruturado en once grupos de traballo─ con distintos colectivos de cara a intercambiar propostas que poidan servir para enriquecer o programa electoral".

Anova

Anova terá tamén este sábado unha reunión da súa dirección, a unha semana de vencer o prazo para o rexistro de coalicións ás eleccións do 5 de abril, unha cita na que o espazo político do que facía parte e que logrou ser segunda forza nos comicios de 2016 podería estar representado por tres listas diferentes.

Anova traballa nunha "coalición alternativa sen deixar a porta pechada" a Podemos, mais un acordo amplo pasa por reeditar o espírito de coalicións anteriores, e é unha hipótese afastada nestes momentos, sinalaron fontes da formación. Nesta candidatura alternativa estarían a formación nacionalista fundada por Xosé Manuel Beiras e mais as mareas municipalistas, así como outros colectivos.

Podemos

O panorama dentro do que se deu en chamar "esquerda rupturista" comezouse a despexar na sexta feira, cando o líder de Podemos Galicia e deputado no Congreso, Antón Gómez-Reino, confirmou a súa candidatura ás primarias da súa formación. O partido morado aposta por manter a fórmula Galicia en Común (na que figura Esquerda Unida mais non Anova) para concorrer ás urnas con Gómez-Reino como referencia.

De feito, o líder de Podemos, Pablo Iglesias, aterrará en Galiza para participar no lanzamento da candidatura o 29 de febreiro, días despois de que culmine o proceso de primarias desta formación.

En Marea

Tamén este sábado terá lugar a reunión do Consello das Mareas, máximo órgano de dirección de En Marea, que nos últimos días fixo un chamamento á Anova e ás candidaturas municipalistas de Santiago e da Coruña de cara á explorar unha alianza.

O partido que lidera Luís Villares reiterou a súa vontade de estar nas eleccións do 5 de abril, ben en alianza con outras forzas do ámbito soberanista ben en solitario.



Publicado en Nós Diario. | 15.02.2020 |

• Faite Asinante de Nós Diario
• Contacto
• Quen son

https://www.nosdiario.gal/
_______________

Acto en lembranza de Victoria e Carmelo, este sábado 15 de febreiro, ás 12 do mediodía no Parque de Caranza que leva o nome de 'Carmelo Teixeiro'

sábado 15, ás 12 h, Acto en lembranza de Victoria e Carmelo

Ao cumprirse o XII Aniversario do falecemento de Carmelo Teixeiro Menéndez, primeiro Coordinador deste Comité Cidadán de Emerxencia para a Ría de Ferrol, e o VII da súa compañeira Victoria Fernández Paredes,  o CCE convoca, a toda a cidadanía, a celebrar, en lembranza deles,

unha ofrenda floral e intervencións poético musicais,

que terán lugar o

sábado, 15 de Febreiro, ás 12 hs,

no Parque Carmelo Teixeiro

Caranza – Ferrol.

Carmelo e Victoria serán sempre, para todas e todos nos, un exemplo de solidariedade e entrega a todas as causas sociais e sobre todo a loita mantida nos últimos anos en defensa da Ría e da Vida, contra a ameaza permanente da Planta de Gas de Reganosa.

Ferrol polo mar e pola vida
https://www.youtube.com/watch?v=xFTzfTwFCr0

--
Visita a nosa web:  www.comitecidadan.org
Tamén en Twitter :  @ComitCEmerxenc

Comité Cidadán de Emerxencia
para a Ría de Ferrol
comitecidadan@gmail.com
www.comitecidadan.org

Enviado por:
Comite Cidadan de Emerxencia
-comitecidadan@gmail.com-
7 de fevereiro de 2020 11:55
_________________

Atelier de dança tradicional e Ferrol com Carvalho Calero nesta fim de semana - Sexta-feira 14 de fevereiro, decorrerá um Atelier de Muinheira Cruzada do Entruido de Samede com o pessoal de Repichoca Ferrol. O atelier dará início às 21:30hs e a entrada é livre - E o Sábado 15 de fevereiro a Gentalha do Pichell desloca-se a terras de Trasancos para participar num roteiro guiado polas companheiras de Rexenerando polos lugares mais significativos da trajetoria de Carvalho Calero - Jantar popular organizado pola Fundaçom Artábria

Atelier de dança tradicional e Ferrol com Carvalho Calero nesta fim de semana
A continuaçom disponibilizamos a programaçom da Fundaçom Artábria para esta fim de semana:

Sexta-feira 14 de fevereiro, decorrerá um Atelier de Muinheira Cruzada do Entruido de Samede com o pessoal de Repichoca Ferrol. O atelier dará início às 21.30hs e a entrada é livre. Posteriormente haverá umha foliada no Centro Social. Traz o teu instrumento e muitas ganhas de dançar.


Sábado 15 de fevereiro a Gentalha do Pichell desloca-se a terras de Trasancos para participar num roteiro guiado polas companheiras de Rexenerando polos lugares mais significativos da trajetoria de Carvalho Calero. Um passeio de hora e meia que percorre 80 anos de história da cidade de Ferrol, com o que visibilizar a cena galeguista de Ferrol e reivindicar o compromisso com a língua e a cultura galegas dum dos intelectuais mais relevantes do século XX.

 O roteiro começará às 11.30hs no Ferrol Velho e acabará no bairro de Esteiro, no local da Fundaçom Artábria, onde haverá um jantar popular organizado pola nossa entidade.

Para poder participar no roteiro e/ou ao jantar popular é precisso reservar previamente escrevendo para os correios-e gentalhadopichel@gmail.com ou em correiodeartabria@gmail.com. A data límite para fazê-lo é sexta, 14 de fevereiro.

O preço do roteiro é de 6€ / 4€ para as sócias e sócios da Gentalha do Pichel e da Fundaçom Artábria

O preço do jantar é de 12€ / 10€  para as sócias e sócios da Gentalha do Pichel e da Fundaçom Artábria 

A ementa estará composta de Arroz Ártabro à moda Vidal + Água + vinho + sobremesa + café (Há opçom vegana sob demanda)

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por
Fundaçom Artábria
-artabria@artabria.net-
13 de fevereiro de 2020 16:37
___________

'Xornada de prevención e actuación ante o acoso escolar e ciberacoso', no Ateneo Ferrolán, este Sábado 15 de febreiro dás 10 da mañá

"XORNADA DE PREVENCIÓN E ACTUACIÓN ANTE O ACOSO ESCOLAR E CIBERACOSO”

Sábado 15 de febreiro de 10 a 14 h.

Dende a Federación Comarcal de Ferrolterra de ANPAs de Centros Públicos (FEANPAs) queremos convidarvos a participar desta

"XORNADA DE PREVENCIÓN E ACTUACIÓN ANTE O ACOSO ESCOLAR E CIBERACOSO”

Data: SÁBADO 15 de FEBREIRO
Hora: 10.00 a 14.00 h.
Lugar: ATENEO FERROLÁN (sito na rúa Magdalena nº 202 - 204 de Ferrol)

Nela aprenderemos sobre esta lacra que é o ACOSO ESCOLAR, falaremos das súas características e do agravamento deste tipo de violencia, como consecuencia da entrada en escena de Internet e as redes sociais.

Afondaremos nas causas, na detección, nas consecuencias e na prevención a través das distintas ponencias.

É RESPONSABILIDADE CONXUNTA da comunidade educativa e de toda a sociedade evitar que o acoso siga existindo.

Lembrámosvos que a entrada é aberta a calquera persoa que queira achegarse, mais están adicadas especialmente a todas as nais e pais de alumnas/os que, de calquera maneira partcipan nas ANPAS, coa intención de que poidamos aprender e resolver cantas dúbidas podan xurdir.

Xuntamos a este correo o cartaz e programa da xornada para que teñades a información completa.

Agardamos contar coa vosa presencia neste acto.

Ateneo Ferrolán
Un lugar de encontro para a cultura dende 1879 na cidade.

e-mail: secretaria@ateneoferrolan.org | Telf.: +34 981 357 970 - 644.720.055
Dirección Postal: Rúa Magdalena 202-204. CP.15402 | Ferrol (Galiza)

Síguenos:
TWITTER: @ateneoferrolan
BLOG: http://ateneo-ferrolan.blogspot.com/
FACEBOOK:
Faite soci@ on line! Colabora con nos!
http://ateneo-ferrolan.blogspot.com.es/2007/12/faite-soci.html

Enviado por:
Ateneo Ferrolán Fundado en 1879
-ateneoferrolan@gmail.com-
11 de fevereiro de 2020 12:34
____________________

Dando contas do que se fai no Parlamento: O diputado galego Nestor Rego en Ferrol: Acto Público do BNG sobre o acordo de investidura - O que o BNG conseguiu para Galiza - O vindeiro venres 14 de febreiro, ás 8 da tarde no salón de actos do antigo Hospicio de Ferrol

Acto Público do BNG sobre o acordo de investidura. O que o BNG conseguiu para Galiza

➤ Acto público informativo sobre o o acordo de investidura en Ferrol. O que o BNG - Bloque Nacionalista Galego conseguiu para Galiza.

O vindeiro venres 14 de febreiro ás 20 horas no salón de actos do antigo Hospicio de Ferrol (r/ Méndez Núñez 11) nun acto público explicaremos os acordos aos que o BNG chegou en Madrid e a súa repercusión na nosa cidade e na nosa comarca. Contará coa presencia do deputado galego no Parlamento Español, Nestor Rego e o o voceiro do grupo municipal do BNG de Ferrol, Iván Rivas.

Baseado no enviado polo:
BNG
-bng@ferrol.es-
12 de fevereiro de 2020 13:07
______________

Asemblea Xeral Anual, de Betula (Asociación para a Custodia do Bosque Atlántico) a celebrar o domingo 23 de febreiro, ás 10 da mañá, no local da Tenencia, en Redes (Ares)

Asociación para a Custodia do Bosque Atlántico, Betula

CONVOCATORIA DE ASEMBLEA XERAL ORDINARIA

Consonte co establecido nos Estatutos da Asociación e na lexislación vixente sobre asociacións, a Xunta Directiva, na reunión do 7 de febreiro de 2020, acordou convocar a Asemblea Xeral Anual a celebrar o vindeiro domingo 23 de febreiro de 2020, ás 10:00 h. en primeira convocatoria e ás 10:30 h. en segunda convocatoria, no local da Tenencia, en Redes, coa seguinte ORDE DO DÍA:

🔽 1. Presentación da memoria de actividades e da memoria económica correspondentes ao exercicio 2019.

🔽 2. Proxecto de actividades 2020.

🔽 3. Propostas relacionadas co Plan de actividades 2020.

🔽 4. Propostas relacionadas coa xestión da Asociación e a dinámica da Xunta Directiva.

🔽 5. Pedimentos e preguntas.

NOTA: A Xunta Directiva agradece a asistencia e participación na Asemblea de todos e todas. É a mellor ocasión para achegar suxestións e afortalar este proxecto que nos ilusiona a tod@s. A memoria de actividades acompañarase dunha pequena proxección como resumo anual das principais actuacións.

Ao remate ofreceranse uns petiscos de benvida aos novos socios, socias e persoas asistentes.

E-mail: custodia.betula@gmail.com

Redes, 9 de febreiro de 2020

O secretario.

Asdo.: César Martínez Yáñez

Asociación Custodia Bosque Atlántico 'Betula'custodia.betula@gmail.com
http://betula-atlantico.eu/

Enviado por:
Asociación Custodia Bosque Atlántico BETULA
-custodia.betula@gmail.com-
10 de fevereiro de 2020 10:41
_______________

Presentación do libro 'Homenxa a Santiago Alvarez (1913-2002)' - O libro dos amigos, camaradas e admiradores - Venres día 14 de febreiro ás 7 da tarde. no #AteneoFerrolán

Venres día 14 de febreiro ás 19 h. no #AteneoFerrolán

Presentación do libro "Homenxa a Santiago Alvarez (1913-2002)"
o libro dos amigos, camaradas e admiradores.

Interveñen:

➤ Manuel Peña-Rey Bouzas (Presidente de Honra do PCG e Coordinador da biografía).
➤ Carlos Portomeñe Pérez (Ex-Secretario Xeral do PCG)

Coa publicación desta obra o Partido Comunista quere render tributo á figura do comunista ourensán Santiago Álvarez Gómez, dirixente histórico do PCG do que foi fundador e primeiro secretario xeral.

A súa traxectoria, dende a labor desempeñada na organización do campesiñado galego a partir do ano 31, a súa participación como como comisario político na Guerra Civil ou o seu papel decisivo na dirección e rearticulación do Partido Comunista, son imprescindibles para comprender a historia do movemento comunista en Galicia e España.

No libro recóllese unha selección das miles de páxinas das súas memorias e da súa obra “Castelao y nosotros los comunistas”, numerosas colaboracións por parte de amigos e camaradas, unha reseña biográfica elaborada polo historiador Víctor Santidrián, así como un epílogo do profesor Alonso Montero. A coordinación da edición e o prólogo corresponde a Manuel Peña-Rey con ilustracións do pintor Xaime Quessada.

Ateneo Ferrolán
Un lugar de encontro para a cultura dende 1879 na cidade.


e-mail: secretaria@ateneoferrolan.org | Telf.: +34 981 357 970 - 644.720.055
Dirección Postal: Rúa Magdalena 202-204. CP.15402 | Ferrol (Galiza)

Síguenos:
TWITTER: @ateneoferrolan
BLOG: http://ateneo-ferrolan.blogspot.com/
FACEBOOK:
Faite soci@ on line! Colabora con nos!
http://ateneo-ferrolan.blogspot.com.es/2007/12/faite-soci.html

Enviado por:
Ateneo Ferrolán Fundado en 1879
-ateneoferrolan@gmail.com-
10 de fevereiro de 2020 13:01
__________________

Acto en Ferrol: Basta de Femenicidios, o machismo mata ! - Vídeo

O feminismo galego responde con máis de 40 mobilizacións convocadas este luns 10 de febreiro en toda Galiza.

Resposta do Feminismo Galego nas Comarcas

En Ferrol, como en moitos outros concellos da Galiza, tivo lugar unha concentración, na Praza Amada Garcia, en repulsa polo novo asasinato machista, des Clara Expósito Vilanova, en Lugo.

Accións de repulsa convocadas polo conxunto do movemento feminista galego.

Basta de Femenicidios, o machismo mata !

Coordenadora Local de Ferrolterra da Marcha Mundial das Mulleres
mmmferrolterra@gmail.com
www.feminismo.info
https://www.facebook.com/marchamundialmulleres.galiza
twitter.com/MMMGaliza



_____________

En Ferrol, en Cabanas e nas Pontes, como en moitos outros concellos da Galiza, van ter lugar concentracións en repulsa por un novo asasinato machista, desta vez cometido en Lugo - Mobilizacións o luns 10 de febreiro

O feminismo galego responde con máis de 40 mobilizacións convocadas para o luns 10 de febreiro en toda Galiza.

Resposta do Feminismo Galego nas Comarcas

En Ferrol , en Cabanas e n'As Pontes, como en moitos outros concellos da Galiza, vai ter lugar unha concentración en repulsa por un novo asasinato machista, desta vez cometido en Lugo.

Accións de repulsa convocadas polo conxunto do movemento feminista galego.

Basta de Femenicidios, o mahismo mata !

Este luns 10 de febreiro.

💜 En Ferrol, na Praza Amada Garcia, diante do edificio da Xunta, ás 20:00hs.

💜 En Cabanas, diante da Casa do Concello, ás 20:00hs.

💜 N'As Pontes, na Praza do Hospital, ás 20:30hs.

"As mulleres decidimos"

Coordenadora Local de Ferrolterra da Marcha Mundial das Mulleres
mmmferrolterra@gmail.com
www.feminismo.info
https://www.facebook.com/marchamundialmulleres.galiza
twitter.com/MMMGaliza

Enviado por:
Marcha Mundial Ferrolterra
-mmmferrolterra@gmail.com-
9 de fevereiro de 2020 17:53
_________________

Nova Relacionada:

En Praza Pública | A policía detén o mozo da muller acoitelada en Lugo noutro posible caso de violencia machista. | Praza Pública @prazapublica  | domingo 9, febreiro 202. | Ir á Web.
___________________________

En defensa da sanidade pública galega: manifestación o domingo 9 de febreiro - Sae ás 12 horas da Alameda de Santiago

En defensa da Sanidade Pública Galega.

Manifestación o domingo 9 de febreiro.

Sae ás 12 horas da Alameda.

Santiago de Compostela.

https://sossanidadepublica.wordpress.com/

@SOS-Sanidade-Pública


https://twitter.com/share
_________________

O PP perde a Alcaldía de Fene, que pasa ao BNG - Juventino Trigo pasa ser o novo alcalde ao ser aprobada a moción de censura presentada por nacionalistas, PSOE e Esquerda Unida.

Juventino Trigo é parabenizado por veciños e veciñas finalizado o pleno extraordinario. (Iago Varela)

O PP perde a Alcaldía de Fene, que pasa ao BNG

Juventino Trigo pasa ser o novo alcalde ao ser aprobada a moción de censura presentada por nacionalistas, PSOE e Esquerda Unida.

Juventino Trigo (BNG) volve á Alcadía de Fene. O rexedor nacionalista fora despoxado do bastón de mando en 2018 por unha moción de censura presentada polo PP e Somos Fene, unha marea local desautorizada por En Marea. Nas eleccións de 2019, o BNG atinxía 6 representantes, os mesmos que PP, PSOE lograba 4 e Esquerda Unida 1. A Alcaldía fora parar o candidato popular, Gumersindo Galego.

Esta sexta feira, a moción de censura presentada por BNG, PSOE e EU saíu adiante no pleno extraordinario e afastou do poder a Gumersindo Galego, ao que a até agora oposición responsabilizaba de dirixir “un goberno agónico, sen orientación, sen apoio interno nin externo e cunha xestión moi negativa para o pobo de Fene". “Parou en seco a actividade e xestión administrativa", e "foi incapaz de impulsar actividades e proxectos máis aló do que viña facendo por inercia", denunciaban.

A moción de censura saiu adiante con 9 votos a favor e 6 en contra. O novo alcalde prometeu o cargo "por imperativo legal" e apelou a traballar para "a rexeneración política de Fene.

Juventino Trigo (BNG) novo alcalde de Fene pic.twitter.com/yNcc6VegAg —
patricia hermida (@Patri_Hermida)
February 7, 2020

Publicado en Nós Diario | 07.02.2020
_______

Xornada Feminista Camiño do 8M - Sábado 8 de febreiro, pola mañá desde ás 10:30hs e pola tarde desdse ás 17:00hs, no Centro Cívico de Canido - #Galegas8M

Xornada Feminista Camiño do 8M - Sábado 8 de febreiro, pola mañá desde ás 10:30hs até ás 14:00hs e pola tarde desdse ás 17:00hs até as 21:00hs, no Centro Cívico de Canido

Organizada por "Galegas 8M"

A Marcha Mundial das Mulleres de Ferrolterra convida a todas a participar na
XORNADA FEMINISTA CAMIÑO DO 8M

Centro Cívico de Canido
Rúa Poeta Pérez Parallé - Ferrol

#Galegas8M

#1MVouAVerín #FeminismoGalego

"As mulleres decidimos"

Coordenadora Local de Ferrolterra da Marcha Mundial das Mulleres
mmmferrolterra@gmail.com
http://www.feminismo.info
https://www.facebook.com/marchamundialmulleres.galiza
https://twitter.com/MMMGaliza

Enviado por:
Marcha Mundial Ferrolterra
-mmmferrolterra@gmail.com-
7 de fevereiro de 2020 20:09
_______________________

Terceira semana de mesas-info polos barrios de Ferrol - Do 10 ao 14 de febreiro - Para informar sobre a devolución do recibo da 'depuración das augas residuais', do período onde non se prestaba o servizo e da presentación do recurso no rexistro xeral do Concello

MESAS INFO DA SEMANA DO 10 AO 14 DE FEBREIRO

Para informar sobre a devolución do recibo da 'depuración das augas residuais', do período onde non se prestaba o servizo e da presentación do recurso no rexistro xeral do Concello

Por ser moitas as persoas que se achegan ás mesas-info interesando-se polos recursos e demandando información, a Plataforma volve unha semana máis, coa campaña de difusión do Recurso contra o pago da "Taxa de Depuración das Augas Residuais" do período onde non se prestaba o servizo, con mesas informativas que se instalarán ademais dos barrios ferroláns de Caranza, Recimil e a Madalena, desta vez tamén nos de Canido e San Xoán-Bertón.


Este é o novo calendario de mesas informativas para a semana que entra:

💧 Luns 10 de febreiro, en Canido, na Praza Pública, do cruce entre a Rúa Alegre e a Doutor Sixto Seco.

💧 Martes 11, en Caranza, diante do Centro Cívico.

💧 Mércores 12, en San Xoán- O Bertón, na zona de Faxardo, entre o cruce da Estrada de Castela e a rúa Colombia.

💧Xoves 13, en Recimil, diante do edificio da Xunta, na Praza Amada Garcia.

💧Venres 14, na Madalena (Ferrol Centro), na rúa María, detrás do Concello.

Todos os días desde as 10:30 a 12:30 horas.

Modelo de Recurso. | Acceder/Baixar.


Non pagar, ou devolver se está domiciliado, e presentar no Rexistro Xeral do Concello

Desde o pasado 24 de xaneiro, a Plataforma leva poñendo mesas-info polos diferentes barrios de Ferrol ademais de difundir nas redes sociais a campaña e o texto do Recurso que se deberá presentar no Rexistro Xeral do Concello, ao mesmo tempo que non se fai efectivo o recibo e mesmo se este está domiciliado, notificar ao banco a decisión de non pagar, por non estar conforme, e pedir a súa devolución, tamén se pode facer a través da banca online, ou banca activa.


Hai 8 semanas para devolver, no banco, un recibo domiciliado

Para a devolución dos recibos domiciliados, a Lei prevé que hai 8 semanas de prazo, para notificar á entidade bancaria esa vontade de devolución desde o día que foi cargado (Artigos 48 e 49 do Real Decreto-lei 19/2018, de servizos de pago e outras medidas urxentes en materia financeira).


Para facer-se cun modelo de recurso

Modelo de Recurso. | Acceder/Baixar.

#emafesacenporcenpublica
#emafesa

PLATAFORMA NA DEFENSA
DOS SERVIZOS PÚBLICOS,
POLA REMUNICIPALIZACIÓN
Abonda de saqueo! Hai outras alternativas!
Pódese, débese e precísase!
Correo-e: remunicipalizacion.plataforma@gmail.com
Web: https://plataformaferrol.blogspot.com.es/
Facebook: @RemunicipalizarFerrol   |  Twitter: @municipalizarFT

________________

'Sentido Común' (Carmen Conde, Angeles Goas e Dani Blanco) em Artábria, esta sexta-feira, 7 de fevereiro, desde ás 22:00h - s

Sexta-feira 7 às 22hs
contadas com
@CarmenConde
@angeles_goas
e Dani Blanco


E o Sábado 8 às 20.00hs atelier infantil de Máscaras de Entruido com Lara Soto.

Fundaçom Artábria
Travesa de Batalhons, 7 Baixo - Esteiro - Ferrol

@FArtabria

A Fundaçom Artábria é uma entidade cultural dedicada principalmente à defesa dos direitos lingüísticos do povo galego.

Galiza - artabria.net
_________

Esta semana que entra a Plataforma volve coa campaña de difusión do Recurso contra o pago da 'Taxa de Depuración das Augas Residuais' do período onde non se prestaba o servizo, con mesas informativas que se instalarán nos barrios ferroláns do Ensanche, Caranza, Inferniño, Recimil e a Madalena

Estes días máis 30.000 fogares ferroláns, dos máis de 35.000 abonados domésticos que hai en Ferrol, están recibindo unha factura da Empresa Mixta de Augas de Ferrol, SA (EMAFESA), baixo o epígrafe xeral de “Facturación Servizo Depuración”. Dita factura é unha parte do período xullo-decembro/2015, mais só corresponde a un trimestre (79 días comprendidos entre o 1 de xullo e o 17 de setembro de 2015), este recibo que se está pasando a cobro da "Taxa de Depuración de Augas Residuais" corresponde a un período onde non se prestaba o servizo, ademais de ser discriminatorio con outra parte da veciñanza de Ferrol e de Narón. Ese período non foi de posta en servizo, nin de prestación do mesmo, foi un período de arranque, posta en marcha ou fase de proba, mentres non se puxo a funcionar o sistema de saneamento, interceptación e depuración, que a todos os efectos, como é público, comezou o 3 de abril de 2017.

Un sistema de saneamento e depuración que supón unha infraestrutura supramunicipal que tanto vai beneficiar á veciñanza de Ferrol, como á de Narón, e nun futuro á de Neda, non pode ser sufragada a súa posta en marcha, arranque e probas, só por unha parte da veciñanza de Ferrol. Non podemos costear, un período de 31 meses desde setembro de 2014 a marzo de 2017, cando a depuradora non funcionaba como tal, e o sistema non estaba conectado, uns custos dun período que tería que ser sufragado pola Administración Central, a Xunta de Galicia e os concellos de Ferrol e Narón.

A Plataforma chama a non pagar este recibo da depuración, polo que continua poñendo mesas informativas e de distribución do modelo de recurso.

Este é o novo calendario de mesas informativas para a semana que entra:

⭐ Luns 3 de febreiro, no Ensanche, volvemos á Praza da Ilustración, nas inmediacións de Emafesa.
⭐ Martes 4, en Caranza, diante do Centro Cívico.
⭐ Mércores 5, no Inferniño, perto da Farmacia.
⭐ Xoves 6, en Recimil, diante do edificio da Xunta.
⭐ Venres 7, na Madalena, na rúa María, detrás do Concello.

Todos os días desde as 10:30 a 12:30 horas.

Ademais de face-lo a través das mesas informativas por barrios, a Plataforma difunde nas redes sociais a campaña de NON PAGAR e o texto do Recurso que se deberá presentar no Rexistro Xeral do Concello, ao mesmo tempo que non se fai efectivo o recibo e mesmo se este está domiciliado, pedir a súa devolución na entidade bancaria, tamén se pode facer a través da banca online, para a devolución dos recibos a Lei prevé que hai 8 semanas de prazo, para notificar á entidade bancaria esa vontade de devolución (Artigos 48 e 49 do Real Decreto-lei 19/2018, de servizos de pago e outras medidas urxentes en materia financeira).

Modelo de Recurso. | Acceder/Baixar.

PLATAFORMA NA DEFENSA
DOS SERVIZOS PÚBLICOS,
POLA REMUNICIPALIZACIÓN
Abonda de saqueo! Hai outras alternativas!
Pódese, débese e precísase!
Correo-e: remunicipalizacion.plataforma@gmail.com
Web: https://plataformaferrol.blogspot.com.es/
Facebook: @RemunicipalizarFerrol   |  Twitter: @municipalizarFT

________________

Xuntanza informativa sobre o Coordinador Parental e o Servizo de Apoio Integral e Multidisciplinario - Mércores 5 de febreiro, ás 7 da tarde no Ateneo Ferrolán

O mércores, 5 de febreiro ás 7 da tarde, faremos unha xuntanza no Ateneo Ferrolán (Rúa Madalena, 202-204), para abordar o tema do Coordinador Parental e o Servizo de Apoio Integral e Multidisciplinario (SAFIM).
Orde do día:

1. Repercusión e tratamento nos medios de comunicación.

2. Plan de acción das propias asociacións, grupos, colectivos que formamos parte da denuncia Coordinador Parental e accións coordinadas en conxunto.

3. Subvencións a SAFIM por parte da Consellería de Política Social da Xunta de Galicia.

4. Varios.

5. Novas incorporacións.

---

⏩ Nova na Web de Agamme - 03.12.2019 | Asociacións, partidos e sindicatos piden o peche do novo servizo público de Mediación e Coordinación Parental creado pola Asociación de Pais Divorciados de Galiza. | Ir á Web.

⏩ Texto do escrito de Denuncia e Petición, con motivo da recente apertura dun centro de atención a familias separadas creado pola Asociación de Pais e Nais Divorciados de Galicia co apoio económico da Xunta de Galicia. | Acceder/Baixar.

Agamme

http://agamme.org/

Marcha Mundial das Mulleres

http://feminismo.info/

_________________