Xurdimos a favor dunha política xusta, democrática, participativa e sustentábel, responsábel cara o futuro da humanidade e do resto das especies, respectuosa e defensora do medio natural, na convicción de que un outro mundo non só é posíbel senón que é necesario.
Concentración e xuízo en Ferrol denunciando ao BBVA, por non ter informado ao cliente da posibilidade de acoller-se ao Código de Boas Prácticas e pola contra si iniciou demanda de execución hipotecaria
Este mércores 24 de maio ás 11 da mañá, vai ter lugar nos Xulgados de Ferrol un xuízo contra o BBVA, por non ter informado ao cliente da posibilidade de acoller-se ao Código de Boas Prácticas e pola contra si iniciou demanda de execución hipotecaria. Stop Desafiuzamentos da Rede de Apoio Mutuo de Ferrolterra e a PAH de Ferrol e Comarca, convocan unha concentración para apoiar á familia -con menores- afectada e denunciar esta práctica habitual por parte das entidades financeiras. Neste xuízo estarán presentes o avogado José María Erauskin e a avogada Maite Ortiz, do movemento antidesafiuzamentos de Gipuzkoa. Que nos escriben:
"De aí votaremos a Ferrol. Interesante a vista que temos alí A través da Plataforma de Ferrol presentamos demanda fronte a BBVA por canto este non informou a un afectado da zona da existencia do Código de Boas Prácticas, con detalle das medidas que ofrece e os requisitos que esixe. Hai que recordar que as entidades voluntariamente adheridas ao Código están obrigadas a realizar tal comunicación por escrito no momento en que se produce o primeiro non pago, e iso co fin de evitar os procedementos de execución hipotecaria. BBVA non cumpriu con esa obrigación e acudiu directamente á execución hipotecaria. Tendo en conta de que non ofrecer o Código de Boas Prácticas non constitúe unha causa de oposición á execución, vímonos obrigados a acudir a un procedemento declarativo ante o xulgado de instancia e solicitar do xuíz que declare que BBVA non cumpriu coa obrigación que se especifica no artigo 5.9 do Código de Boas Prácticas, que iso causou un dano importante ao noso defendido que agora se ve inmerso nun procedemento de execución hipotecaria no que non debía estar, de cumprir o Banco coa súa obrigación, e solicitamos do xuíz que condene ao Banco a retirar a demanda executiva que ten presentada.
Este procedemento é importante porque si gañamos ábrese unha porta para todos aqueles que foron ou están sendo executados directamente sen que a entidade lles informara da existencia do Código e as súas posibilidades, e iso con independencia de que, posteriormente, o executado non cumprise cos requisitos, pois unha cousa é a obrigación de ofrecelo, e outra cousa é que se xunten os requisitos"
Intervención e Moción no Pleno do Concello de Ferrol, reclamando unha implicación do Concello na divulgación Código de Boas Prácticas Bancarias e inste ás entidades financeiras a cumprir a lei
Por outra banda as mesmas entidades antidesafiuzamentos e polo dereito a unha vivenda digna, presentaron unha proposta de moción no Concello, para que se trate no vindeiro pleno deste último xoves de mes, 25 de maio, onde tamén pedimos intervir. Co obxectivo de que o Concello se implique na divulgación Código de Boas Prácticas Bancarias e inste ás entidades financeiras a cumprir a lei informando do mesmo ás persoas da existencia do citado Código, ao que se adheriron voluntariamente a práctica totalidade de entidades financeiras, e que prevé expresamente, entre outras medidas, a moratoria durante cinco anos do préstamo hipotecario pagando exclusivamente o euribor mais un 0,25%. Esta moratoria é de obrigatoria aplicación polos bancos para aquelas persoas que cumpran os requisitos de vulnerabilidade que normalmente son as mesmas que están acudindo aos servizos sociais dos concellos a solicitar a axuda pública. Os bancos están-se aproveitando da situación de vulnerabilidade das persoas e intentan apoderar-se de todo o diñeiro do que podan dispoñer as familias e os seus contornos e mesmo de fondos públicos que podan conceder os concellos en forma de axudas de emerxencia, en lugar de informar por escrito ás familias vulnerábeis do seu dereito a solicitar unha moratoria do seu préstamo hipotecario.
A nosa compañeira Aurelia Teijeiro Carnero, ten solicitado a intervención no Pleno Municipal de Ferrol que está prevista a súa celebración o vindeiro xoves 25 de maio, para denunciar esta situación, pedir unha maior implicación municipal contra os desafiuzamentos e polo dereito a unha vivenda digna e lembrar ao Pleno que fai máis dun ano (25.02.2016) foi aprobada unha moción que declaraba a Ferrol Cidade Libre de Desafiuzamentos (presentada polo BNG e FeC) con medidas e demandas que deberían ter unha acción posterior.
Os concellos son quen tramitan as axudas de emerxencia social e os que están en contacto coas persoas e familias en situación de vulnerabilidade e polo que debería de informar da existencia do Código de Boas Practicas Bancarias á veciñanza, mais sobre todo lembrar-lles aos bancos a súa obriga, segundo o disposto na lei, que teñen de informar da existencia do mencionado Código. Mais tamén poden asesorar e mediar, medida que pedimos na moción.
Documentos anexos.-
Achegamos o texto da proposta de moción. | 3 páxinas en formato pdf. | Acceder/Baixar.
Detalle da Acta do Pleno Municipal onde está a moción aprobada e reflexa o debate sobre a mesma e a intervención da nosa co0mpañeira Aurelia. | 19 páxinas en formato pdf. | Acceder/Baixar.
Acábase de aprobar o Real Decreto 5/2017 que modifica o Real Decreto 6/2012 (Coñecido como Código de Boas Practicas) e a Lei 1/2013 que decretou unha tímida moratoria de 2 anos para algúns casos de desafiuzamento.
Aínda que se anuncian como "medidas urxentes para reforzar a protección dos deudores hipotecarios", as modificacións teñen un alcance limitado e cosmético, de face á galería, pois non soluciona as carencias das versións anteriores e non aborda a situación actual de miles de persoas en urxencia habitacional.
A principal novidade é que este Real Decreto amplía os supostos de especial vulnerabilidade para a moratoria, a todas as familias con menores de 18 anos, independentemente do número ou idade, cuestión que desde a PAH xa denunciaramos mediante o recurso de inconstitucionalidade que suscitamos contra a Lei 1/2013.
Con todo, aínda que se teña unha situación "vulnerábel", mantense o requisito "económico", que obriga a demostrar que o esforzo no pago da hipoteca incrementouse nos últimos catro anos. Concretamente o artigo 1.3.b) que di "Que, nos catro anos anteriores ao momento da solicitude, a unidade familiar ha de sufrir unha alteración significativa das súas circunstancias económicas" e o complementa o punto 4 do mesmo artigo cando di: "A efectos do previsto neste artigo entenderase: Que se produciu unha alteración significativa das circunstancias económicas cando o esforzo que represente a carga hipotecaria sobre a Renda familiar se multiplique por 1.5".
Este requisito "económico" non ten en conta a cronificación da situación da pobreza que fai imposíbel o pago das cotas por dificultade acumulada tras varios anos de redución de ingresos, aínda que a cota se mantivo máis ou menos estábel. É habitual caer en non pagar a hipoteca por esgotamento no esforzo económico tras varios anos obtendo ingresos irregulares de aquí e de alá, con independencia da cota.
Cando se redactaron as moratorias orixinais, anos 2012 e 2013, este criterio podía ter certo sentido, pero entón as situacións de vulnerabilidade contempladas eran máis restritivas e, xa que logo, tampouco eran medidas reais e efectivas para a maioría das familias afectadas. Por iso, a medida chega tarde e mal, xa que miles de familias que se puideron beneficiar desde o ano 2013 até agora, xa non teñen opción, e hoxe en día, moitas delas viven pendentes de desafiuzamentos de alugueiro.
Outro aspecto que contempla a Lei é un alugueiro para as mesmas familias que teñen dereito á moratoria. A familia deberá afrontar, si quere acceder a iso, o pago da taxación da súa vivenda a fin de calcular o prezo da cota de alugueiro, que será dun máximo do 3% anual do valor actual da vivenda, pero non regula nin limita estes alugueiros en función da situación social e económica das familias que se poderían beneficiar. En conclusión, a medida establece un impedimento á vez que obriga a pagar a taxación que pode custar uns 400 euros ou máis, e deixa en mans das entidades financeiras o feito que sexa ou non unha medida efectiva para as familias que poidan pagar a taxación.
Este alugueiro establecerase por cinco anos (o anterior era só por tres) o que parece un incentivo para que as persoas con moratoria non esgoten o prazo total até maio de 2020, aínda que teñan dereito a iso.
Aportámosvos os documentos útiles para o seu respectivo uso:
Enlace ao modelo de Solicitude Moratoria | 2017 | Acceder/Baixar.
Enlace ao modelo de Solicitude Alugueiro Social | CBP 2017 | Acceder/Baixar.
Enlace ao modelo de Escrito Solicitude de suspensión de lanzamento por Execución Hipotecaria. | 2017 - Sen Advogad@ | Acceder/Baixar.
Enlace ao modelo de Escrito de suspensión de lanzamento por Execución Hipotecaria. | 2017 - Con Advogad@ | Acceder/Baixar.
Cadro comparativo das normas, en tres ámbitos de interese (coas reformas en amarelo e as principais modificacións en verde) | Acceder/Baixar:
Ámbito de aplicación da situación de vulnerabilidade.
Novo prórroga de prazo de suspensión de lanzamentos - Até 15 de maio de 2020.
Mecanismos de aluguer - Sobre inmóbeis obxecto de lanzamento suspensión.
Publicado na web da PAH (Estatal) | 03.05.2017. Os documentos atopan-se aloxados na base de datos do servidor da PAH.
Nin Casas sen Xente, Nin Xente sen Casas ! Contra o abuso bancario ! Polo dereito a unha vivenda digna e adecuada! Pode-se !! Saúde e Vivenda Digna !! Stop-Desafiuzamentos da Rede de Apoio
Mutuo de Ferrol Terra | Está Adherida ás PAHs (17.03.2013) e forma parte
da Coordinación Galega de STOPs e PAHs. Correo-e: forosocialdeferrolterra@gmail.com Blogue: http://stop-desafiuzamentos-ferrolterra.blogspot.com.es/ Páxina no facebook: https://www.facebook.com/StopDesafiuzamentosDeFerrolTerra Local: Avda. Castelao S/N. Local de Arméria Soc. coop. Galega Traseira do Mercado Municipal de Caranza 1406-Ferrol
____________
Desde a PAH elaboraron un novo documento útil, o Kit 46, para saber canto cobraron os bancos de máis, referente ás cláusulas chan e así poder reclamar esta cantidade co Kit 45. Para que o poida facer un mesmo, ou cunha pequena axuda, fixeron un vídeo tutorial que explica paso a paso como se calcula, de forma aproximada, o que estafou a banca coa cláusula chan desde que se firmou a hipoteca.
¡Esperamos que sexa útil! :)
Por unha banda:
1. Baixar a folla de cálculo.
2. Seguir o tutorial de vídeo que prepararon as comPAHs.
3. Destapa canto roubou a banca a cada unha.
4. Exercer os dereitos.
5. Seguir loitando coa PAH e os colectivos Stop-desafiuzamentos.
Nin Casas sen Xente, Nin Xente sen Casas ! Contra o abuso bancario ! Polo dereito a unha vivenda digna e adecuada! Si se Pode !! Saúde e Vivenda Digna !! Stop-Desafiuzamentos
da Rede de Apoio Mutuo de Ferrol Terra | Está Adherida ás PAHs
(17.03.2013) e forma parte da Coordinación Galega de STOPs e PAHs. Correo-e: forosocialdeferrolterra@gmail.com Blogue: http://stop-desafiuzamentos-ferrolterra.blogspot.com.es/ Páxina no facebook: https://www.facebook.com/StopDesafiuzamentosDeFerrolTerra Local: Avda. Castelao S/N. Local de Arméria Soc. coop. Galega Traseira do Mercado Municipal de Caranza 1406-Ferrol
Nos últimos días a depauperada situación socioeconómica de Ferrolterra, acelerou o afloramento de inxustizas extremas en referencia ao dereito á vivenda, e ao aumento do empobrecemento da Clase Traballadora. A falta de emprego, mesmo a falta de perspectivas de consigue-lo a curto prazo, deprimen socialmente a unha poboación castigada duramente pola crise e a mala xestión dos recursos nas comarcas do noroeste galego, e principalmente nos concellos da contorna da Ría de Ferrol. As persoas que non teñen apoio familiar, son as principais vítimas da situación. En Ferrolterra, miles de persoas viven dos salarios e pensións de familiares directos en primeiro grado, mesmo até conviven nos mesmos fogares. Mais hai un grupo máis vulnerábel, trata-se de persoas sen familiares directos, ou vítimas noutrora da violencia machista ou da escravitude do Capital. Casos de familias numerosas e outros en perigo de exclusión social. Nomes como Emilia, Cristian, Angel, Mariola, Estevan, Verónica, Blanca, Rocio, Cristina, Merche, Jeide, Dulce, Aurelia, José, Isabel, Manuel, Iván... E tantos outros e outras, forman parte dunha relación de persoas con necesidades que non son máis que dereitos fundamentais vulnerados, ao traballo, á vivenda á alimentación,... a unha vida digna. Non podemos quedar calados, temos que romper o silencio e reclamar unha solución,... vivir con dignidade, parque público de vivendas, renda básica universal europea, subministros básicos garantidos (luz, gas, auga,...) ... emprego,... Solidariedade e Xustiza.
Nos próximos días
Os dous últimos casos que se achegaron a Stop Desafiuzamentos da Rede de Apoio Mutuo de Ferrolterra, son familias numerosas con ganas de vivir, con esperanzas, con ganas de futuro. As crianzas ignoran a fráxil situación que lles ameaza, como se se trata-se dunha fera con ganas de matar sen piedade. De matar a esperanza; de matar unha puberdade alegre e ilusionada, con sonos e liberdade; de matar o futuro. Por que nun mundo rico, hai xente que non sabe se vai poder dar-lle un teito as súas pequenas crianzas mañá?
Hai vidas en xogo. Non está permitido xogar á rendibilidade partidaria cos recursos de todas e todos, cos recursos públicos que non son do partido de quenda que se apoltrona no poder, son do pobo e teñen que xestiona-los con xustiza e responsabilidade.
O desafiuzamento de mañá venres, 3 de febreiro que estaba
previsto para as 10:30hs queda adiado até que se resolva o asunto dunha
alternativa residencial. Hoxe mesmo estivemos no Servizo Común de Actos
de Comunicación e Execución, para saber da situación e nos comunicaron
que se ía adiar á espera de recibir comunicación do Concello ou da
Xunta. De todos os xeitos o que está previsto no Convenio, son só 10
días, polo que como no sexan máis celosos, o tempo non vai chegar, para
solucionar o asunto. Polo que mañá non imos convocar concentración.
Aínda que imos estar presentes na comunicación.
Por outra banda,
temos outro xuízo previsto para este luns 6 de febreiro, ás 13:30, no
xulgado de instancia n°5. Un desafiuzamento por falta de pagamento do
alugueiro, por mor de falta de recursos económicos, familia de sete
membros, cinco menores, de 10, 8, 7, 6 e 2 anos de idade. Trata-se dunha
parella nova de 29 e 30 anos, con circunstancias familiares e de vida e
infancia, moi difíciles. Son traballadores en desemprego, totalmente
integrados e arraigados no barrio, mais empobrecidos. Hoxe mesmo
presentamos-lle o caso á Concelleira de Benestar, Saínza Ruíz, que se
comprometeu a xestionar unha solución.
Concentración
Luns 6 de febreiro, ás 13:00hs (unha da tarde), diante dos Xulgados de Ferrol, concentración de denuncia e solidariedade, por unha vivenda digna. Convocada pola PAH de Ferrol e Comarca e Stop-Desafiuzamentos da Rede de Apoio Mutuo de Ferrolterra.
Nin Casas sen Xente, Nin Xente sen Casas ! Contra o abuso bancario ! Polo dereito a unha vivenda digna e adecuada! Si se Pode !! Saúde e Vivenda Digna !! Stop-Desafiuzamentos da Rede de Apoio Mutuo de Ferrol Terra | Está Adherida ás PAHs (17.03.2013) e forma parte da Coordinación Galega de STOPs e PAHs. Correo-e: forosocialdeferrolterra@gmail.com Blogue: http://stop-desafiuzamentos-ferrolterra.blogspot.com.es/ Páxina no facebook: https://www.facebook.com/StopDesafiuzamentosDeFerrolTerra Local: Avda. Castelao S/N. Local de Arméria Soc. coop. Galega Traseira do Mercado Municipal de Caranza 1406-Ferrol
Documentos prácticos sobre a cláusula chan. Un manual de como detectar a cláusula chan nas nosas hipotecas e un escrito de reclamación de devolución de todo o noso diñeiro e os
correspondentes intereses, para que podamos presentalo ante as entidades financeiras.
As primeiras filtracións do Real Decreto que previsibelmente se ía a
aprobar no Consello de Ministros e que finalmente quedaron adiadas,
anuncian que non será unha batalla fácil (Fala-se
de que o decreto que quere consensuar o goberno con PSOE e C's,
permitiran compensar aos bancos as débedas, derivadas da estafa das
claúsulas chan, coas cotas de amortización pendentes)... é o resto que?.
A sentenza do Tribunal de Xustiza da Unión Europea do pasado 21 de decembro non deixou indiferente a ninguén. A banca viuse acurralada, ao Goberno pillóuselle "in fraganti" tapando as vergonzas da banca e o Tribunal Supremo sufriu unha nova perdida de lexitimidade, como sucede cada vez que se pronuncia o Tribunal Europeo.
A sentenza vén darnos a razón, unha vez máis, e confirma o que vimos sinalando desde fai moitos anos, as execucións hipotecarias son ilegais, as hipotecas están cheas de cláusulas abusivas e iso supón que se executaron centos de miles de desafiuzamentos de forma ilegal. Onte mesmo, un maxistrado do propio Tribunal Supremo sentenciou que "as execucións hipotecarias que teñan como causa a aplicación dunha cláusula chan son nulas, e o desafiuzado debería recuperar a súa casa".
Ante esta realidade, desde a PAH volvemos a elaborar un "Kit" que contén respostas ás dúbidas máis frecuentes sobre este asunto, un manual de como detectar a cláusula chan nas nosas hipotecas e un escrito de reclamación de devolución de todo o noso diñeiro e os correspondentes intereses, para que podamos presentalo ante as entidades financeiras. Igualmente inclúe un escrito de reclamación de devolución dos gastos de constitución de hipoteca, outra cláusula que tamén foi declarada abusiva recentemente.
Desde a PAH poñemos a disposición de todos os afectados pola hipoteca este Kit para que se distribúa nas asembleas de asesoramento colectivo e animamos á súa presentación de forma masiva. Somos conscientes de que non é só a cláusula chan, son todas e cada unha das cláusulas que conteñen as hipotecas as que converten en ilegais os préstamos hipotecarios e ante esta realidade desde a PAH imos esixir, unha vez máis ao Goberno que dea resposta á realidade de centos de miles de persoas,unha resposta que pase por recoñecer e lexislar as medidas que conteñen "As 5 da PAH", até que iso non se produza, non haberá resposta definitiva á estafa.
Neste sentido, estamos á espera das medidas que finalmente anuncie o Goberno de Mariano Rajoy. Cinco anos de precedentes ao servizo da banca, as propias declaracións do ministro de Guindos ou as primeiras filtracións do Real Decreto que previsibelmente se ía a aprobar no Consello de Ministros de onte (13.01.2017)e que finalmente quedaron adiadas, anuncian que non será unha batalla fácil (Fala-se de que o decreto que quere consensuar o goberno con PSOE e C's, permitiran compensar aos bancos as débedas, derivadas da estafa das claúsulas chan, coas cotas de amortización pendentes)... e o resto que? O que está claro é que nós non nos imos a render.
Os documentos en cuestión atópanse no apartado "documentos praticos" e son o documento número 45. Aquí enlácelos para descargalos de balde:
Stop-Desafiuzamentos da Rede de Apoio Mutuo de Ferrol Terra| Está Adherida ás PAHs (17.03.2013) e forma parte da
Coordinación Galega de STOPs e PAHs. Correo-e: forosocialdeferrolterra@gmail.com
Este venres 14 de Outubro, pola mañá, ás 11:30hs, en Ferrol, na Praza Amada Garcia (Diante do Edificio Administrativo da Xunta de Galicia) imos dicir Basta ! Non podemos permitir que Vanesa e os seus dous fillos menores queden na rúa sen un teito para vivir con dignidade.
Imo-nos concentrar, para protestar, denunciar e reivindicar, unha vivenda digna e medios para poder vivir Vanesa e os seus dous pequenos, e para todas persoas que como Vanesa están sufrindo as consecuencias desta sociedade inxusta e insolidaria.
Xunto á reclamación dunha solución inmediata para a familia de Vanesa, imos formular tres esixencias mínimas, para solucionar ou paliar a situación das persoas afectadas polos 7 desafiuzamentos diarios, na súa maioría silenciosos que se producen na Galiza:
1ª Paralización inmediata dos desafiuzamentos.
2ª Creación dun parque público da Vivenda a través da mobilización de vivendas baleiras en mans de entidades financeiras e filiais inmobiliarias, fondos voitre, entidades de xestión de activos (incluídos os procedentes da reestruturación bancarias e entidades inmobiliarias).
3ª Garantir os subministros básicos (auga, enerxía, alimentación, medicación...), mediante medidas que superen as restricións que supoñen as medidas de esmola da Xunta de Galicia.
---
A situación de Vanesa, non só é inxusta, senón que é un sen sentido. Vivir en Vigo, unha cidade con milleiros de vivendas baleiras, máis de 325 mil en toda Galiza, e ter que abandonar a vivenda con dous nenos, porque as axudas sociais que recibía remataron, pasado o prazo de cinco anos, unha axuda para pagar a súa vivenda que sen ela élle imposíbel facer fronte ao alugueiro. Desde 2011 pagaba o alugueiro, até o de agora, coa axuda que percibía por mor do disposto na normativa da Xunta. Unha vez rematada comezaron-se a acumular as débedas.
Vanesa e os seus dous fillos de 9 e 6 anos van ser desafiuzados, por carecer de recursos económicos suficientes para poder vivir. Se non o remediamos e lle poñemos freo a esta inxustiza, verán-se na rúa sen un teito onde vivir. Terán que irse do piso subvencionado pola Xunta xa que terminado o prazo do "bono", non pode seguir pagando o alugueiro que pasou de 70 a 400 euros.
Vanesa carece de ingresos suficientes para poder vivir ela e os seus dous fillos menores. A familia de Vanesa, é unha máis das ducias de miles de familias galegas que se atopan en exclusion social. Miles de fogares galegos vive sen ingresos, sen retribución regular, segundo os datos da última Enquisa de Poboación Activa (EPA). A cifra ademais medrou de forma considerábel, con 5.200 fogares máis (un 17%), con respecto ao ano anterior.
Venesa ao deixar de percibir a axuda da Xunta, vai acumulando débeda porque cos aproximadamente 370 euros de ingresos mensuais, non pode facer fronte ao pago do alugueiro e alimentar aos seus fillos, ...
É dicir a propia Xunta é culpábel da débeda xerada, ao finalizar a subvención. O Partido Popular non entende que o dereito á Vivenda Digna non ten prazo. E, se o houbera sería cando desapareza a situación que levou a Vanesa e as miles de familias á situación de emerxencia habitacional. Cando remate-mos coa "Estafa" chamada "Crise", provocada pola cobiza e o latrocinio xeneralizado desa clase social apropiada da riqueza que posúe o poder económico e político, a través do partido Popular e poderosos lobyes socioliberais do PSOE que se empecina na construción do estado neoliberal... unha sociedade sen dereitos, sen benestar social, que empobrece a e arruína á clase traballadora que pretende converter en mercancía absolutamente todo, até o aire que respiramos.
"Como é posíbel que existindo tantos pisos baleiros non se logre un plan real é dar saída social a tanta vivenda baleira ou deshabitada".
"Como é posíbel que exista entón 38.300 familias sen ingresos e que o ano pasado se praticaran en Galiza 2.432 lanzamentos, é dicir, que practicamente sete familias cada día perdesen as súas vivendas datos que NON inventamos nós, son datos do Tribunal Superior de Xustiza de Galicia" din @s compañeir@s da PAH de Vigo.
@s compañeir@s da PAH de Vigo están intentando por todos os medios paralizar o desafiuzamentos, e que as administracións (local, autonómica, ...) garantan o dereito de Vanesa e os seus fillos a unha vivenda digna e adecuada.
Imo-nos mobilizar en toda Galiza, en Ferrolterra, quedamos este venres 14 de Outubro, ás 11:30hs na Praza Amada Garcia (Diante do Edificio Administrativo da Xunta de Galicia).
Desde Stop-Desafiuzamentos da Rede de Apoio Mutuo de Ferrolterra, xunto coa PAH de Ferrol e Comarcas, chamamos a participar neste acto de solidariedade, reivindicación e protesta.
VANESA NECESÍTA-CHE, TODAS AS VANESAS DE GALIZA NECESITAN-CHE NON LLES FALLES, O VENRES, 14 DE OUTUBRO MOBILIZA-TE.
A Coordinación Galega de PAHs e STOPs, acordou somar-se ao Chamamento á sociedade civil, das compañeiras e compañeiros de Stop Desafiuzamentos Compostela, para mobilizar-se e acompañar a Patricia e ás súas fillas, vítimas da violencia machista e institucional, perante anos, que saltou á luz en Novembro de 2014, agora vai ter lugar o xuízo penal na Audiencia Provincial da Coruña, os días 6, 7 e 8 de Setembro contra o “presunto”, maltratador de Patricia e violador das súas tres fillastras e a súa filla, cando estas eran menores de idade. Un caso no que se xuntan pobreza enerxética, falta de
alternativa habitacional, desatención pública e violencias machistas, non
só contra unha muller senón tamén contra as súas fillas. Desde Stop Desafiuzamentos da Rede de Apoio Mutuo de Ferrol Terra, integrante da Cordinación galega, tamén acordou secundar o chamado á mobilización e acompañamento.
DENUNCIA, PROTECCIÓN, XUSTIZA E REPARACIÓNCONCENTRACIÓN, POLA MAÑÁ, ÁS 8:45 HS. DO MARTES 6 DE SETEMBRO, NA PRAZA DIANTE DO EDIFICIO DA AUDIENCIA PROVINCIAL DA CORUÑA. O XUÍZO ESTÁ PREVISTO QUE TEÑA LUGAR, ÁS 9 DA MAÑÁ NO XULGADO DO PENAL Nº1 (OS DÍAS 6, 7 E 8 DE SETEMBRO DE 2016).
Acompañamos a Patricia e ás súas fillas á Audiencia Provincial
Stop Desafiuzamentos Compostela acompaña a Patricia e as súas fillas no xuízo contra o “presunto” maltratador e violador das fillas menores.
Os días 6, 7 e 8 de setembro celebrarase na Coruña o xuízo contra o “presunto” violador das súas tres fillastras e a súa filla cando estas eran menores de idade.
Pedro Rañó Espasandín, natural da parroquia de Alón (Santa Comba) e residente na Baña, está acusado de violación continuada sobre a súa filla e as súas tres fillastras durante nove anos, así como de maltrato continuado contra a súa parella, Patricia, nai das catro menores. Atópase en prisión preventiva desde novembro de 2014.
Desde Stop Desafiuzamentos Compostela pedímoslle á sociedade que acompañe estas mulleres e nenas os días 6, 7 e 8 de setembro durante o xuízo que se celebrará na Audiencia Provincial da Coruña (r/ Capitán Juan Varela). | Mapa.
Patricia e as súas fillas terán que enfrontarse agora ao xuízo, terán que narrar o inferno en que viviron, e unhas persoas alí presentes xulgarán o responsable último desa situación, o acusado. Pero ninguén xulgará os que o apoian e alentan, os que miraron para outro lado e non fixeron nada. Ninguén dirá nada das institucións garantes dos nosos dereitos que non fixeron os deberes, que deixaron a Patricia e as súas fillas desprotexidas porque, no fondo, pensan que algo farían.
Patricia e as súas fillas non se enfrontan só a este xuízo, teñen sobre a súa cabeza a espada de Damocles do desafiuzamento da súa vivenda; Patricia ten sobre a súa cabeza a exclusión social que supón vivir e manter a súa familia con 426 euros; ten sobre a súa cabeza o estigma social dun pobo que non entende por que non aguantou un pouco máis... e nós pensamos que é moito peso para unha soa cabeza. Bankia iniciou o proceso de execución hipotecaria, proceso que non se paralizou porque o cotitular da hipoteca é o “presunto”, que tería que asinar a solicitude do código de boas prácticas e aceptar a demanda de Patricia de dación en pago e oferta de vivenda social. Pero, claro, o “presunto” está en prisión e non vai asinar nada. E, en palabras da responsable de Bankia, NON se pode facer nada.
Violencia dun suxeito, violencia dunha veciñanza que mira para outro lado, violencia dunhas institucións que aparentemente lles garanten ás mulleres vítimas unha vida normalizada tras a denuncia e, na realidade, empúrranas ao enrevesado mundo do papelorio, do volva vostede mañá, do fáltalle este requisito…, violencia dun banco, violencia do noso silencio.
Desde Stop Desafiuzamentos Compostela pedímoslle á sociedade civil, a esa parte que non quere ser partícipe ni cómplice desta situación, que se mobilice, que se sume, que faga oír a súa voz, que nos acompañe para que elas saiban que non están soas.
Algúns medios informando dos feitos:
Prisión provisional para o home acusado de violar aos seus tres hijastras e a súa filla. | O xuíz atribúelle tres delitos de agresión sexual mentres segue a instrución. | La Voz de Galicia. | Xurxo Melchor. | Santiago 28 de novembro de 2014 17:53 | Ir á Web.
Detido por violar a tres hijastras e á súa filla menor durante oito anos. | As vítimas confesaron os abusos á súa nai cando rompeu co home, natural de Santa Comba, ao que denunciara por maltrato. | Xurxo Melchor. Santiago / La Voz de Galicia. 28 de Novembro de 2014 08:44. | Ir á Web.
A Fiscalía pide 67 anos de cárcere para o home acusado de violar á súa filla e a tres hijastras. |
A nai, veciña da Baña, descubriu as agresións tras botar de casa ao seu marido por sufrir maltratos. |
xurxo melchorsantiago / La Voz de Galicia, 10 de Maio de 2016. Actualizado ás 05:00 h. | Ir á Web.
Denuncian o desahucio para unha familia bañesa agredida. | A nai, co marido xa entre rejas, asume unha hipoteca e a manutención de seis acodes, segundo Stop Desafiuzamentos. | O.D. VILLAR A BAÑA El Correo Gallego. | 15.05.2016 | Ir á Web.
Stop Desahucios Compostela denuncia un novo caso dunha vítima de violencia de xénero. |
Kaos en La Red. Por Stop Desahucios - Compostela. |
Stop Desafiuzamentos Compostela envía denuncia para visualizar un novo caso,
esta vez nunha vítima de violencia de xénero. Muller nai de catro
fillas violadas polo seu marido ao que o fiscal pide 67 anos de cárcere.
Resaltan que é un caso no que se xuntan pobreza enerxética, falta de
alternativa habitacional, desatención pública e violencia de xénero non
só contra unha muller senón tamén contra as súas fillas. 11 de Maio de 2016 | Ir á Web.
EU Narón defende a creación dunha Bolsa Municipal de Vivendas de Aluguer Social.
Dende EU Narón entendemos prioritario e urxente a creación dunha Bolsa Municipal de Vivendas de Aluguer Social, tuteladas e supervisadas polo propio consistorio.
Consideramos necesario diagnosticar a situación actual coa elaboración dun Plan Municipal de Vivenda, que debería levar aparellado a creación da Oficina Municipal en Defensa da Vivenda, encargada de prestar un servizo público, integral e gratuíto a cidadanía en materia de vivenda.
Tamén resultara necesaria a financiación do Plan cunha partida específica nos presupostos municipais de 2017 para as políticas activas de vivenda.
O Concello debe contribuír o grave problema do acceso a vivenda coa súa intermediación ante as entidades financeiras. As consecuencias do modelo de crecemento que finalizou co pinchazo da burbulla inmobiliaria provocaron no noso municipio, ao igual que no resto do país, que un bo número de vivendas, ante a imposibilidade de facer fronte ao pago da hipoteca polos seus compradores, pasaran a mans de entidades financeiras.
Unhas entidades, rescatadas con inxeccións multimillonarias de diñeiro público, as que os poderes públicos deben facer partícipes na resolución deste grave problema. Así o Concello de Narón debería manter conversacións urxentes coas entidades financeiras que teñan sede no noso municipio para que poñan a disposición dos veciños e veciñas as vivendas que, sendo propiedade das entidades financeiras, están valeiras.
Así mesmo existe unha proposta de “Stop-Desafiuzamentos da Rede de Apoio Mutuo de Ferrolterra” rexistrada no Concello de Narón o 29 de Xuño de 2015 para declarar a Narón “Municipio Libre de Desafiuzamentos” que entendemos é adecuada para o noso Concello, dende EU Narón defendemos que debe estudarse esta proposta que contempla medidas dirixidas a garantir o dereito a unha vivenda digna, e evitar a exclusión social das veciñas e veciños que están a pasar por un momento moi complicado durante esta crise económica que nos mantén en situación de emerxencia social continua.
Grupo Municipal de Esquerda Unida de Narón
Contas de Esquerda Unida Narón no facebook e no twitter.
Portavoz: André Abeledo Fernández.
Achégate xunta Nós, fagamos un novo Concello mais social, mais democrático, participativo e de Tod@s.
http://esquerdaunida.org/
Enviado por: Naron Esquerda Unida -eu-naron@esquerdaunida.org- 6 de junho de 2016 13:00
_______________
O compañeiro Marcos Guerreiro, demandou á financeira Unión de Créditos Inmobiliarios (UCI) ante as cláusulas abusivas do seu crédito hipotecario, e despois de catro adiamentos quedou visto para sentenza o xuízo que se celebrou onte 30 de Maio, no Xulgado de Primeira Instancia número 4 de Ferrol, contra o abusivo IRPH que lle impuxo o Banco Santander a través da financeira UCI.
Marcos solicitou en 2006 un crédito hipotecario, por 116.000 euros, para adquirir unha vivenda, á transnacional financeira, Banco Santander, que llo concedeu a través da súa filial UCI que comparte coa francesa BNP (Banca Nacional de París). Pasados dez anos, a súa débeda coa financeira inmobiliaria, en lugar de diminuír, aumentou, logo de ter pagado perante todos estes anos miles de euros, Marcos sitúa a súa débeda odiosa en 116.139 euros.
José María Erauskin de Stop Desafiudamentos Gipuzkoa, avogado de Marcos que veu expresamente a este xuízo, xunto a tamén avogada Maite Ortiz, denunciou que se aplicara o IRPH (Índice de Referencia de Préstamos Hipotecarios) [1], en lugar do Euribor [2].
A vista centrou-se nun principio en dilucidar se Marcos foi ao Banco Santander a buscar un asesor, como así defende a parte demandada, ou si foi o propio banco (intermediario) o que lle facilitou os servizos da UCI, para a concesión do crédito hipotecario. José María Erauskin, criticou a actitude do banco, non só por derivar o préstamo a súa filial, senón por non informar debidamente e por impoñer o IRPH como índice de referencia (fixado polas propias entidades) e non o Euribor (establecido polo Banco Central Europeo), moito máis beneficioso para a persoa que necesita acceder a un préstamo.
Con toda probabilidade o caso vai-se ter que ver de novo na Audiencia Provincial d'A Coruña, pois a sentenza, sexa favorábel ou non, vai-se recorrer por calquera das partes prexudicadas á instancia xudicial superior, pois esa é a práctica habitual.
Concentración no exterior dos xulgados
Desde as dez da mañá activistas antidesafiuzamentos, organizados na PAH de Ferrol e Comarca e de Stop Desafiuzamentos da Rede de Apoio Mutuo de Ferrolterra, mantiveron unha concentración, en apoio do compañeiro Marcos e a súa familia, así como para denunciar os abusos bancarios, que empobrecen ás persoas e as deixan con débedas impagábeis de por vida.
Desde o noso sitio na rede, explicabamos polo
miúdo a situación de Marcos con respecto ao seu inxusto e ilegal
contrato hipotecario:
Desde Stop-Desafiuzamentos da Rede de Apoio Mutuo de Ferrol queremos amosar a nosa solidariedade con Marcos Guerreiro, e a súa familia. E chamamos á mobilización
contra os abusos bancarios, por unha outra lexislación hipotecaria e
bancaria que teña en conta ás persoas primeiro e non os intereses das
grandes corporacións financeiras.
Contra o abuso bancario ! Polo dereito a unha vivenda digna e adecuada! Si se Pode !! Saúde e Vivenda Digna !!
Stop-Desafiuzamentos da Rede de Apoio Mutuo de Ferrol Terra | Está Adherida ás PAHs (17.03.2013) e forma parte da Coordinación Galega de STOPs e PAHs. Correo-e: forosocialdeferrolterra@gmail.com Blogue: http://stop-desafiuzamentos-ferrolterra.blogspot.com.es/ Páxina no facebook: https://www.facebook.com/StopDesafiuzamentosDeFerrolTerra Local: Avda. Castelao S/N. Local de Arméria Soc. coop. Galega Traseira do Mercado Municipal de Caranza 1406-Ferrol
Notas.-
[1] Os Índices de Referencia de Préstamos Hipotecarios (IRPH)
son indicador en porcentaxe que utilizan as entidades financeiras co que
actualizan o tipo de interese das hipotecas con tipos de interese
variábeis. O Banco de España publica mensualmente todos os índices a través dunha media das diferentes ofertas do mercado hipotecario que
inscribiron os bancos e caixas de aforro. Mais o índice máis utilizado
como referencia para as hipotecas a interese variable é o Euribor. | + Info .
[2] O Euribor
o índice máis coñecido e utilizado polas entidades financeiras á hora
de conceder préstamos hipotecarios, constitúe unha preocupación para
moitas persoas que formalizaron unha hipoteca a interese variábel
referenciada a ese índice, pois da súa evolución depende a cota mensual
da súa hipoteca. O Euribor (Tipo europeo na oferta interbancaria) Este é o índice que deben utilizar os bancos pertencentes á Unión Monetaria Europea cando se prestan diñeiro. Gran parte das hipotecas están referenciadas a este índice. É importante sinalar que o Euribor é o tipo de interese que os bancos se cobran por prestarse diñeiro entre si. Calcúlase cada día pola Federación Bancaria Europea
que convoca todas as mañás a 47 entidades bancarias para
preguntar-lles, a que prezo están dispostas a ofrecer fondos? A
federación recolle as propostas das entidades bancarias, elimina as que
se superen por arriba ou por abaixo o 15% e co resto fai unha media
aritmética. Esta media é o valor que cada día marca o Euribor. | + Info.
Enlaces de interese:
Agrupación de Afectad@s polo IRPH | Porque non queremos que nin ti nin
ninguén máis sexa o próximo DESAFIUZADO. Porque queremos que o IRPH
desapareza en todas as súas variantes e non sirva para afectar a máis
familias. Porque o IRPH desapareza por ser abusivo. Revisa a túa
escritura e si o teu índice de referencia é IRPH ... benvido. | Ir á Web.
Recentes sentenzas comezan a estimar a nulidade da fixación do IRPH como
índice de referencia para calcular o tipo de interese dos préstamos
hipotecarios, pois entenden que o mesmo é abusivo como consecuencia da
inclusión nos préstamos con falta de transparencia sobre o seu
funcionamento. | As Sentencias na sección Tribunais
da web d@s compañeir@s da IRPH Stop Gipuzkoa, plataforma de afectados
polo IRPH, que xurdiu dun grupo de traballo de Kaleratzeak Stop
Desafiuzamentos (PAH) en Donostia. | Ir á Web.
INFORME IRPH | ANÁLISE CRÍTICA DO PROCEDEMENTO DE CÁLCULO DOS ÍNDICES
IRPH, OU POR QUE DICIMOS QUE O IRPH É MANIPULABLE E FALTO DE
TRANSPARENCIA. | J.E. - Donostia, 19-02-2014 | En formato pdf de 10 páxinas. | Acceder/Baixar.
Este luns 30 de Maio ás 11 da mañá, está sinalada unha nova vista contra a financeira UCI (Banco Santander e BNP), polo abusivo índice hipotecario IRPH. Xuízo que quedara adiado por varias veces, mesmo houbera unha vista que tivo lugar o 13 Xaneiro deste ano 2016, mas xa viña doutros adiamentos anteriores. Stop-Desafiuzamentos da Rede de Apoio Mutuo de Ferrol Terra e a A PAH de Ferrol e Comarca, amosaron o seu apoio a Marcos Guerreiro, contra o abuso bancario e polo dereito a unha vivenda digna e adecuada. Ambas entidades que forman parte da Coordinación Galega de PAHs e STOPs, chaman a acompañar ao compañeiro, nunha concentración este mesmo día, diante dos xulgados de Ferrol, ás 11 da mañá, (Rúa Coruña 53-55).
O xuízo contra UCI, responde á demanda interposta por Marcos Guerreiro, contra as cláusulas abusivas no contrato hipotecario, ao aplicar-se-lle perante anos o índice hipotecario IRPH (Índices de Referencia de Préstamos Hipotecarios). Na vista estarán presentes o avogado José María Erausquin e a avogada Maite Ortiz, da PAH e o Stop de Gipuzkoa, referentes na loita contra o abusivo índice hipotecario IRPH
Desde o noso sitio na rede, en Xaneiro deste ano, explicabamos polo miúdo a situación de Marcos con respecto ao seu inxusto e ilegal contrato hipotecario:
Local:
Avda. Castelao S/N.
Local de Arméria Soc. coop. Galega
Traseira do Mercado Municipal de Caranza
1406-Ferrol
Enlaces de interese:
Agrupación de Afectad@s polo IRPH | Porque non queremos que nin ti nin ninguén máis sexa o próximo DESAFIUZADO. Porque queremos que o IRPH desapareza en todas as súas variantes e non sirva para afectar a máis familias. Porque o IRPH desapareza por ser abusivo. Revisa a túa escritura e si o teu índice de referencia é IRPH ... benvido. | Ir á Web.
Recentes sentenzas comezan a estimar a nulidade da fixación do IRPH como índice de referencia para calcular o tipo de interese dos préstamos hipotecarios, pois entenden que o mesmo é abusivo como consecuencia da inclusión nos préstamos con falta de transparencia sobre o seu funcionamento. | As Sentencias na sección Tribunais da web d@s compañeir@s da IRPH Stop Gipuzkoa, plataforma de afectados polo IRPH, que xurdiu dun grupo de traballo de Kaleratzeak Stop Desafiuzamentos (PAH) en Donostia. | Ir á Web.
INFORME IRPH | ANÁLISE CRÍTICA DO PROCEDEMENTO DE CÁLCULO DOS ÍNDICES
IRPH, OU POR QUE DICIMOS QUE O IRPH É MANIPULABLE E FALTO DE
TRANSPARENCIA. | J.E. - Donostia, 19-02-2014 | En formato pdf de 10 páxinas. | Acceder/Baixar.
____________
Desde hai unhas semanas veño apuntando que de inmediato se van a ir presentando acontecementos que van cambiar o curso das peripecias que os dirixentes europeos e a troica nos deseñaron: traballa, paga e cala. Cada vez hai máis inquietude na UE, o Ibex-35 e na Asociación Española de Banca (AEB) polo capítulo que leva a unhas novas eleccións coa pantasma de que gañe a esquerda que representa Podemos e Esquerda Unida. Non quixese chafar a festa a un medio que ten programado un asunto sobre papeis en Paraísos Fiscais dun personaxe relevante que presidía unha caixa de aforros. O asunto dará que falar, e moito. Entre unha cousa e outra se aproxima unha hecatombe na que a banca se vai a levar a peor parte. Para empezar con este presaxio empezo cuns apuntamentos da conferencia no Colexio de Avogados de Barcelona, do pasado día 20 de Abril, sobre a "Execución de hipotecas titulizadas. Análise da lexitimación activa na execución hipotecaria e as súas consecuencias xurídicas". Entre os relatores desta conferencia estaba o Maxistrado da Audiencia Provincial de Áraba, Edmundo Rodríguez Achútegui, acompañáballe o Maxistrado do Xulgado Mercantil 1 de Tarragona, César Suárez Vázquez, e o Rexistrador da Propiedade, Rexistro núm. 7 de Barcelona, Rafael Arnáiz Ramos, o Notario, Anxo Serrano de Nicolás, non acudiu á cita e desculpou a súa asistencia. Estes tres comparecentes que se lles pode aplicar o termo de "autoridade na materia" deron unha de cal e outra de area. Nun si pero non, comprensíbel pola complexidade do tema e co agravante de que non existe un texto que o recolla de punta a cabo. Supoño que a nutrida audiencia que compareceu na sala de actos do Colexio de Avogados de Barcelona, estaba ávida de coñecer o motivo que se "rumorea": que os bancos non son acredores das débedas que reclaman nos xulgados se o préstamo foi titulizado.
En principio, hai que agradecer ao Colexio de Avogados de Barcelona que como pioneiro se interese pola titulización cando os desafiuzamentos alcanzaron a bochornosa cifra de máis de 600.000. Máis vale tarde que nunca. Con todo, ser o primeiro en algo sempre ten e terá un plus de recoñecemento. Agora vén o máis interesante, na miña opinión e con todo o respecto cara á mesa da conferencia, este si pero non, antes citado, é debido a que ao coñecemento da materia fáltalle un tramo. Á esquerda da mesa situouse o catedrático de Dereito Procesual na UB avogado e economista, Jaume Alonso Cuevillas que manifestou explicitamente o seu "descoñecemento" do asunto da titulización. Con todo polo que el podía entrever tratábase dunha fraude procesual e puntualizou, con acerto, que "as cousas son o que son, non o que din que son". O avogado Cuevillas acertou de pleno. Este tema que afecta á banca pasou no bico dos pés polo sistema xudicial. Non creo que os avogados sexan responsables directos da inopia sobre a titulización, eles aplican o coñecemento das leis. Respecto ao lexislador non se pode dicir o mesmo, a lexislación sobre os executivos hipotecarios, os cambios introducidos polo TXUE, a lei Hipotecaria, a regulación do mercado de valores, o Código Civil, etc etc convérteo todo nun labirinto. Pódese dicir, sen lugar a erro, que as árbores non deixan de ver o bosque. O sentido común extravíase neste bosque de leis e mingua a capacidade simplificarse o que está a ocorrer. Esta falta de consistencia en decatarse da realidade esta inducida polos que resultan favorecidos: os bancos.
Audio da conferencia no Colexio de Avogados de Barcelona.
A conferencia ten como obxectivo analizar a lexitimación activa na execución hipotecaria e as súas consecuencias xurídicas das hipotecas titulizadas. Así pois, a venda de paquetes hipotecarios provocou que algúns bancos e caixas non sexan os lexítimos acredores dos préstamos, xa que a venda levou a un cambio de acredor.
Máis de dúas horas dunha moi interesante conferencia organizada pola Sección de Dereito Procesal e a Comisión de Normativa do do ICAB (Collegi de l'Advocacia de Barcelona), foi o 20 de abril de 2016, conferencia que versou sobre a Execución de hipotecas titulizadas (a venda no mercado financeiro de paquetes de hipotecas). Co titulo xa mencionado "Execución de hipotecas titulizadas. Análise da lexitimación activa na execución hipotecaria e as súas consecuencias xurídicas". Participan un avogado, un maxistrado, un notario e un rexistrador.
Todas as hipotecas outorgadas polas caixas de aforros e os bancos foron titulizadas
Que os letrados non sexan responsábeis desta carencia non quere dicir que os colexios profesionais estean exentos dela. A penuria que se oculta son intereses lucrativos para unha das partes nos conflitos nos que os avogados interveñen. Dito deste xeito: o colexio profesional é o que ten a obrigación de formar aos letrados unha vez que estes están colexiados. A actualización no coñecemento é relativa cando se trata dunha opción persoal, pero cando se trata dun colectivo as indicacións fanse obrigatorias. O medicamento, aínda estaría a practicar sangrados con samesugas se non fóra polos avances en investigación, na avogacía debería ser o mesmo. A titulización vén practicando polos bancos e as caixas de aforro desde os anos 90 e foi a principios dos 2000 que se expansionou de tal maneira que chegou alcanzar a cifra de máis de 800.000 millóns o valor dos préstamos con garantía hipotecaria que se outorgaron neste período. Dito doutra maneira, o montante ascende a todas as hipotecas concedidas. Se a cesión dos créditos (os préstamos con garantía hipotecaria) titulizaron-se, quere dicir, que cando devén a falta de pagamento, necesariamente, algo ocorre: os bancos non son donos das hipotecas que reclaman nos xulgados. O Banco de España, como supervisor do sistema bancario, confírmao. En calquera outro sector, se o supervisor do sistema pronúnciase, sóbrase e bástase para retirar un produto farmacéutico do mercado ou se a carne de vaca está contaminada de combluterol ou se un vehículo acábanlle fallando os freos. Nada que afecte o sistema bancario ten carácter imperativo. As reclamacións, pola mala práctica bancaria, que se presentan no Banco de España non obrigan á entidade financeira a rectificar ou compracer ao reclamante (Os bancos non son donos das hipotecas que reclaman).
Tomar cartas no asunto
O mero feito de que poida existir unha dúbida razoábel de que os bancos non son donos das hipotecas que reclaman nos xulgados debería de ser motivo de preocupación por parte do letrado que defende os intereses do debedor. Non se trata de morosos profesionais, trátase de familias que sucumbiron á demencia dunha banca toleada no crecemento descontrolado polo afán de obter descomunais beneficios. Non importa se o debedor está en desemprego sen ningunha prestación, o que importa é que deixou de pagar. O goberno de quenda dedicouse a proporcionarlle á banca miles e miles de millóns que saen dos Orzamentos Xerais do Estado sen ningunha condición que amortigüe as penurias do debedor, os xuíces interpretan o que interpretan, algúns son máis papistas que o Papa e os avogados actúan sobre as cláusulas abusivas, con todo, a lexitimación activa forma parte da inopia. Todo continúa igual ou camiña a paso de boi. Quizais é a evolución natural dun asunto desta envergadura tendo en conta que se parte de decembro de 2014. Até entón ninguén oíra falar da titulización foi en onde se establecía a ecuación en que os bancos que reclamaban as hipotecas nos xulgados non eran donos da débeda.
Los bancos, nos procedementos executivos hipotecarios, están a enganar aos xulgados e por derivación aos xuíces e aos debedores. Tamén aos investidores bonistas xa que o valor emitido en bonos hipotecarios é moi superior ao das hipotecas outorgadas. Os bancos e as caixas de aforro colocaron no Mercado financeiro bonos sen que realmente teñan un soporte de garantía dun inmoble. Sobre este bochornoso asunto quixese establecer unha pregunta: Como é posible que as caixas de aforro sucumbisen arruinadas todas á vez? Foi un virus que llas levou por diante? A resposta será noutro momento pero podo adiantar que ese virus chámase "cobiza". As caixas de aforro morreron de endebedamento facultado polo laxo control do Banco de España que cando se quixo dar conta da "maquina de facer diñeiro" a través da titulización xa era demasiado tarde. Este engano acabará por traspasar fronteiras e os investidores acabarán por tomar cartas no asunto. Os que deben de tomar cartas neste asunto son os colexios profesionais da avogacía.
Quixera traer a colación o que está a pasar nos xulgados españois cos desafiuzamentos. Aí vai.
Coa lexislación anglosaxoa na man os Consellos de Administración dos bancos españois estarían todos entre reixas.
As familias que se atopan na situación de non poder pagar a hipoteca saben o que lles vén nun breve prazo: que os boten á rúa. Por tanto están sen un euro e recorren á Xustiza Gratuíta como a opción de defender a súa posición: "non podo pagar ou é que non se decataron dos millóns de persoas que estamos sen traballo". É no avogado que lles caeu do ceo en quen deposita as súas esperanzas dun final feliz. Desde a Asociación Hipotecados Activos (AHA) oín moitas "historias" como a seguinte, contada por aqueles que reciben o "tocho". A cousa, máis ou menos, é así: "quixera asociarme con AHA pero non podo pagar as cotas que teñen establecidas". A resposta témola de libro: "Ben, non importa: pois podes baixar unha demanda de oposición que temos colgada no blogue e tamén tes información en como atopar se a túa hipoteca esta titularizada. Non hai custo algún". Pasado un tempo o debedor ponse en contacto connosco e explícanos que xa está na rúa. A pregunta non se fai esperar: "a documentación que che baixaches Non serviu de nada?". A resposta é penosa: "O meu avogado díxome que non servía para nada, é máis, díxome que se non pagaba ían botar á rúa e non se podía facer nada". Como esta historia, todas as que queiras. O avogado de oficio, sen que ninguén senta ofendido xa que se trata dunha descrición da realidade, é o colaborador necesario deste engano ou se se quere desta estafa procesual.
Son os colexios profesionais da avogacía os que teñen, urxentemente, que tomar cartas no asunto. Ao Colexio de Avogados de Barcelona correspóndelle a honra de ser o primeiro en detectar que algo ocorre nos procedementos executivos hipotecarios, pero a partir da organización desa conferencia está obrigado á formación dos letrados que participan nestes procedementos. A Xustiza Gratuíta é, en toda España, unha trituradora de debedores hipotecarios. Vaise a piñón fixo: canto antes acabe o desafiuzado na rúa, antes poderase ir á cola onde reparten a quenda de oficio. Isto non é defensa nin é nada. Mentres non se resolve a posta ao día dos letrados que interveñen en executivos hipotecarios, os colexios profesionais terían que aplicar, estritamente, o artigo 28 da lei que regula a xustiza gratuíta onde se manifesta que o peticionario pode escoller o letrado que el designe. Enténdese, por estar aconsellado, que escollerá o letrado que teña coñecemento do asunto que a el lle afecta. Este asunto da titulización vai traer cola: os bancos e caixas españolas transferiron o risco aos investidores bonistas, mais cando a falta de pagamento se consuma, o ben inmoble que garante o bono non aparecer entre as contas dese Fondo. O banco que tan só é o cobrador das cotas aprópiase de forma espuria e ilexitima do inmoble. Os mesmos argumentos que se poden expoñer para a paralización dun desafiuzamento serven para retrotraer o ben "confiscado". Hai máis de 600.000 potenciais clientes para os letrados.
Nova relacionada:
A
Sección de Dereito Procesal e a Comisión de Normativa do ICAB alertan
dos grandes cambios que afectarán aos debedores hipotecarios a raíz da
execución de hipotecas titulizadas. | 20.04.2016 | Ir a Web. | Collegi de l'Advocacia de Barcelona (ICAB).
____________________________
Mentres se celebraba unha vista oral no Xulgado de Instrucción nº4 de Ferrol, pola demanda interposta por Marcos Guerreiro contra a financeira UCI (Unión de Créditos Inmobiliarios), entidade participada polo Banco Santander e BNP (Banca Nacional de Paris), diante do edificio dos Xulgados de Ferrol tivo lugar unha concentración de apoio ao compañeiro Marcos e contra os abusos bancarios.
A vista oral de hoxe 11 de xaneiro de 2016, trataba sobre unha demanda contra a aplicación do índice de referencia de préstamos hipotecarios (IRPH) presentada por Marcos Guerreiro, contra a financeira UCI, entidade coa que ten subscrito un contrato de préstamo hipotecario. Despois da vista oral de hoxe, onde as partes presentaron a documentación e expuxeron os seus argumentos ante a demanda, o xuízo quedou fixado para o vindeiro 23 de Febreiro, ás 12:30hs.
Concentración
O mesmo Marcos Guerreiro, convocou unha concentración diante do edificio dos Xulgados de Ferrol, apoiada pola Plataforma de Afectad@s pola Hipoteca (PAH) de Ferrol e Comarca e Stop Desafiuzamentos da Rede de Apoio Mutuo de Ferrol Terra, á convocatoria sumaron-se as Marchas da Dignidade e tamén participaron o Alcalde e concelleir@s da corporación municipal de Ferrol (Jorge Suárez, Iván Rivas, Beatriz Sestayo, Álvaro Montes, Eva Espiñeira, ...), e membros das organizacións políticas BNG, Ferrol en Común, PSdeG-PSOE, e a deputada de En Marea recen elixida Yolanda Díaz. Concentración contra a estafa e os abusos bancarios, e que reivindicaba o dereito a unha vivenda digna e adecuada.
Marcos Guerreiro explicou o seu propio calvario hipotecario que ven relatando aos medios de comunicación e a políticos de referencia que participaron na recente campaña electoral, ao cal lles pedía un cambio lexislativo que evitara as estafas e abusos bancarios e protexera ás persoas fronte ás grandes corporación financeiras. E agradeceu o apoio recibido na súa loita contra a estafa do IRPH (Índice de Referencia de Préstamos Hipotecarios) que é un índice opaco e manipulábel como así recoñece o propio Banco de España, mais que o segue mantendo como un dos índices de referencia para os contratos hipotecarios. O propio Marcos denunciaba que a súa hipoteca, a pesar de pagar, seguía subindo, mesmo que pedindo 116.000 euros chegou a deber 121.000.
Enlace de referencia:
Relato e enlaces de interese | Xuízo en Ferrol, este 11 de Xaneiro, contra a financeira UCI (Banco Santander e BNP), polo abusivo índice hipotecario IRPH | 09.01.2016 | Ir a post no noso sitio.
A nova nos medios:
* IRPH: Feita a hipoteca, feita a trampa. | Interesante artigo de Marcos Pérez Pena | Praza Pública. | 11.01.2016 | Ir á Web.
* Vista oral nun xulgado de Ferrol. | Denuncia a aplicación dun índice
"opaco" no seu préstamo hipotecario. | O xuízo, fixado para o 23 de
febreiro, trala concentración de apoio e en protesta contra as prácticas
da financeira. | E.P. FERROL | El Correo Gallego | 11.01.2016 19.05h. |
Ir à Web.
* Concentración ante unha denuncia contra entidades bancarias por abuso hipotecario. | Galicia Ártabra Digital | 11.01.2016 | Ir à Web.
* Díaz sinala en Ferrol que casos como o de Marcos Guerreiro "mostran estafa" | Luns, 11 Xaneiro 2016 16:16 | Noticias Galicia | Ir à Web.
