Xa está na rúa o número 32 da "Revista Atenea"

De: Ateneo Ferrolán -bettinakorten@freenet.de-
Para: artabra21@gmail.com
Data: 12 de outubro de 2008 18:37
Asunto: Xa está na rúa o número 32 da "Revista Atenea"


Xa está na rúa o número 32 da "Revista Atenea"

EDITORIAL

SERVIZOS

• HEMEROTECA-BIBLIOTECA.
• HISTORIAS DA NOSA BIBLIOTECA-HEMEROTECA.

FALAMOS DE...

• EXPOSICIÓN “EL CORREO GALLEGO: 130 ANOS”.
• AS “MENINAS” MÚDANSE A CANIDO. Fotos de Jorge Meis
• XVIII CONCURSO DE GAITA GALEGA “CONSTANTINO BELLÓN 2008”.

BREVES

• PROGRAMA ALALÁ.
• FERVESTEIRO.
• PROPOSTAS DE PROGRAMAS PARA RÁDIO FILISPIM.
• AIFA: PRÓXIMO ENCONTRO EN STO. DOMINGO.
• PRESENZA DO ATENEO FERROLÁN.
• MASA CRÍTICA FERROLÁ.
• PREMIOS AELG 2007.
• MANIFESTO A PROL DA CONVIVENCIA LINGÜÍSTICA.

PROGRAMACIÓN

• OUTUBRO-NOVEMBRO-DECEMBRO.
• CERTAME FOTOGRÁFICO “MEDIO AMBIENTE”.
• VI CERTAME DE TEATRO INFANTIL E XUVENIL “ATENEA 2008”.

ARTIGOS

• O NOME DO PAÍS, por Carlos Callón.
• SOBRE A HIPOTÉTICA... ¿FUNDACIÓN DO CONVENTO DE SAN FRANCISCO DE FERROL EN 1377?, por Fernando Dopico Blanco.
• 150 ANIVERSARIO DA DECLARACIÓN DE FERROL COMO CIDADE.
• OS ATENEOS NO SÉCULO XX, por Pilar Blanco Vidal.

MULLER

• MARCHA MUNDIAL DAS MULLERES: VIGO 18-19 DE OUTUBRO 2008.
• SOLIDARIEDADE CON JESÚS NERIA.

O PARNASO, Miguel Ángel Alonso Diz.

_____________
http://ateneo-ferrolan.blogspot.com/
Rúa Magdalena 202-204, 1º.CP.15402 - FERROL (A Coruña)
Telf.:+34 981 357 970 Fax: 981 354 098

___________________

A FAO pide unha revisión das políticas e subvencións aos biocombustibles

A FAO pide unha revisión das políticas e subvencións aos biocombustibles
Un informe anual sopesa as oportunidades e riscos

7 de outubro de 2008, Roma - As políticas e subvencións dos biocombustibles deberían ser reconsideradas con urxencia para manter o obxectivo da seguridade alimentaria mundial, protexer aos campesiños pobres, promover un desenvolvemento rural de ampla base e asegurar a sustentabilidade ambiental, afirmou hoxe a FAO nunha nova edición da súa principal publicación anual O Estado Mundial da Agricultura e a Alimentación (SOFA, polas súas siglas en inglés) 2008.

"Os biocombustibles ofrecen oportunidades pero tamén expón riscos. O resultado dependerá do contexto específico do país e das políticas adoptadas", dixo Jacques Diouf, Director Xeral da FAO. "As políticas actuais -explicou- tenden a favorecer aos produtores dalgúns países desenvolvidos fronte aos da maioría dos países en desenvolvemento. O desafío reside en reducir ou xestionar os riscos compartindo ao mesmo tempo as oportunidades de forma máis ampla".

A produción de biocombustibles baseada en produtos agrícolas creceu máis do triplo entre 2000 e 2007, e agora supón case o dous por cento do consumo mundial de combustibles para o transporte. Espérase que este crecemento continúe, aínda que a contribución dos biocombustibles líquidos (principalmente etanol e biodiesel) para a enerxía do transporte, e, máis aínda, para o consumo enerxético mundial, seguirá sendo limitada.

A pesar da escasa importancia dos biocombustibles líquidos en termos da subministración enerxética mundial, a demanda de materias primas agrícolas (azucre, millo, sementes oleaginosas) para obtelos seguirá aumentando na próxima década e quizais máis adiante, incrementando a presión sobre os prezos alimentarios.


Oportunidades para os pobres

Se os países en desenvolvemento poden obter beneficios da produción de biocombustibles e estes poden chegar á poboación pobre, unha maior demanda de biocombustibles podería axudar ao desenvolvemento rural.

"As oportunidades para os países en desenvolvemento de beneficiarse da demanda de biocombustibles poderían aumentar mediante a supresión das subvencións agrícolas e aos biocombustibles e das barreiras comerciais, que crean un mercado artificial e benefician actualmente aos produtores dos países da OCDE á conta dos produtores dos países en desenvolvemento", afirmou Diouf.

Outras medidas políticas que impulsan o uso de biocombustibles líquidos, como a esixencia de que se mesturen con combustibles fósiles, así como os incentivos fiscais, deron lugar a un rápido crecemento artificial da produción de biocombustibles. Segundo o informe, estas medidas teñen elevados custos económicos, sociais e ambientais e deberían ser reconsideradas.


Seguridade alimentaria

A crecente demanda de biocombustibles e o consecuente aumento do prezo dos produtos agrícolas ofrecen grandes oportunidades para algúns países en desenvolvemento. A agricultura podería converterse no motor de crecemento para a redución do fame e a mitigación da pobreza. A produción das materias primas dos biocombustibles pode crear empregos e xerar ingresos, especialmente se os pequenos campesiños pobres reciben axuda para ampliar a súa produción e conseguir acceso aos mercados. Fomentar a participación dos pequenos agricultores na produción de cultivos, incluíndo os destinados a biocombustibles, require investimentos en infraestrutura, investigación, financiamento rural, información dos mercados e institucións e sistemas legais.

Con todo, entre os riscos existentes, predomina a preocupación pola seguridade alimentaria. Os elevados prezos dos produtos agrícolas xa están tendo un impacto negativo nos países en desenvolvemento que dependen en gran medida das importacións para satisfacer as súas necesidades alimentarias. Os consumidores pobres de zonas urbanas e os compradores netos pobres de alimentos das zonas rurais atópanse especialmente en perigo. Unha gran parte da poboación pobre mundial gasta máis da metade dos seus ingresos en comida. "As decisións sobre os biocombustibles deberían ter en conta a situación da seguridade alimentaria, pero tamén a dispoñibilidade de terra e a auga", segundo Diouf. "Todos os esforzos -engadiu- deberían encamiñarse a manter o principal obxectivo: liberar á humanidade do azoute do fame?.


Gases de efecto invernadoiro

Se analizamos a dimensión ambiental, o balance non sempre é positivo. "Unha maior produción e emprego de biocombustibles non contribuirá necesariamente a reducir as emisións de gases de efecto invernadoiro tanto como previamente se había suposto", revela o informe. Aínda que algunhas materias primas dos biocombustibles como o azucre poden xerar unhas emisións de gases de efecto invernadoiro considerablemente inferiores, non sucede o mesmo con moitas outras.

O maior impacto dos biocombustibles nas emisións de gases de efecto invernadoiro vén determinado polo cambio do uso da terra. "Os cambios no uso da terra - por exemplo a deforestación para satisfacer a crecente demanda de produtos agrícolas- son unha gran ameaza para a calidade do chan, a biodiversidade, e as emisións de gases de efecto invernadoiro", apuntou Diouf.

O informe afirma que os criterios de sustentabilidade baseados nas normas internacionais acordadas poderían axudar a mellorar o impacto ambiental dos biocombustibles, pero non deberían crear novas barreiras comerciais para os países en desenvolvemento.


Segunda xeración

A próxima xeración de biocombustibles atópase actualmente en desenvolvemento pero aínda non está dispoñible a nivel comercial. Utiliza materias primas como madeira, pastos altos, refugallos agrícolas e forestais, e podería mellorar o equilibrio da enerxía fósil e os gases de efecto invernadoiro dos biocombustibles.

"Parece ser que hai unha proposta para destinar unha maior porcentaxe do investimento en biocombustibles en investigación e desenvolvemento, especialmente en tecnoloxías de segunda xeración que, se son ben deseñadas e aplicadas terían un maior potencial en termos de redución das emisións de gases de efecto invernadoiro cunha menor presión sobre a base de recursos naturais", afirmou Diouf.


Contacto:
Erwin Northoff
Oficina de prensa, FAO
erwin.northoff@fao.org
( 39) 06 570 53105
( 39) 348 252 3616 (móbil)

http://www.fao.org/index_es.htm
________________

Hoxe en Ferrol dúas mobilizacións secundan a convocatoria de acción mundial lanzada pola Confederación Sindical Internacional: Por un Traballo Decente

Hoxe en Ferrol dúas mobilizacións secundan a convocatoria, de acción mundial, lanzada pola Confederación Sindical Internacional, "Por un Traballo Decente", en Europa engadese unha revindicación propia de rexeitamento da directiva europea das 65 horas. A falta de dereitos laborais e sindicais, a precariedade, as xornadas interminábeis, o aumento dos accidentes laborais, a falta de saúde laboral,... e un sinfín de incumprimentos de dereitos e de retrocesos importantes nas conquistas obreiras do século XX, fan desta xornada un aviso fundamental para chamar á necesaria ofensiva obreira, sobre todo neste momento no que o capital a nivel mundial pretenden que paguemos a súa crise ...

• Convocada pola CIG, hoxe, 7 de Outubro, terá lugar unha concentración ás 12 do mediodía, na Praza Amada García, frente ao Edificio Administrativo da Xunta de Galicia.
  

• Convocada polo Sector Crítico de CCOO, Esquerda Unida, PCG, Sindicato de Estudiantes, "El Militante", terá lugar unha concentración, ás 8 da tarde, na Praza Amada García, frente ao Edificio Administrativo da Xunta de Galicia.

Enlaces relacionados:

• A Marcha Mundial das Mulleres ante a directiva europea das 65 horas e a xornada de mobilización mundial "Por un Traballo Decente" do 7 de Outubro
  

• Xornada Mundial polo Traballo decente, concentración en Ferrol ás 8 da Tarde
  

• Mobilizacións da CIG no 7 de Outubro, na acción mundial polo traballo decente
  

• MARTES, 7 DE OUTUBRO, XORNADA INTERNACIONAL POLO TRABALLO DECENTE, TAMÉN SE CELEBRARÁ NA GALIZA
  

_____________

Xornada Mundial polo Traballo Decente: Guy Ryder, CSI


_____________

Traballo forzoso: CSI Xornada Mundial polo Traballo Decente


_____________

Xornada Mundial polo Traballo Decente: Traballo Infantil


___________

A Marcha Mundial das Mulleres ante a directiva europea das 65 horas e a xornada de mobilización mundial "Por un Traballo Decente" do 7 de Outubro

De: MMM Marcha Galiza -marchagaliza@gmail.com-
Para: artabra21@gmail.com
Data: 7 de outubro de 2008 09:13
Asunto: comunicado "65 horas"


Comunicado da Marcha Mundial das Mulleres ante a directiva europea das 65 horas e a xornada de mobilización mundial "Por un Traballo Decente" do 7 de outubro de 2008.-

A directiva europea que vai ser posta a votación no parlamento europeo, conforme vai poder ampliarse a xornada laboral até as 65 horas semanais, está sendo contestada desde distintos sectores sociais, e as condicións laborais de precariedade, falta de dereitos sindicais, siniestralidade... que se dan nos cinco continentes, motivan a mobilización que o próximo 7 de Outubro, unha parte do movemento sindical mundial, ten convocada baixo o lema "Por un traballo decente". Esta directiva europea, non supón mais que engadir un pouco de pementa a un preparado que pretende purgar todos os avances conseguidos ao longo do século XX polos movementos socias, moitos deles da man do feminismo. Ao berro de que ven o coco!!!, utilizando a chantaxe, a intimidación e o medo, a minoría capitalista que amasou e amasa grandes beneficios coa especulación financeira, pretende agora que paguemos os seus pratos rotos e amañemos, baleirando as arcas públicas, as pingueiras e desperfeitos dos seus corruptos negocios. Nesta situación de alarma social, ao redor da crise financeira, como se de unha catástrofe natural de enormes e incontrolábeis consecuencias se tratase, lánzanse salvavidas coa etiqueta de abaratamento do despido, aumento da xornada laboral, aumento da idade de xubilación... e outras receitas que se venhem aplicando en maior ou menor medida nos últimos tempos, receitas que para as mulleres son vellas coñecidas, pois van parellas ao aumento da economía somerxida e a precariedade, onde temos unha representación maioritaria, e o recorte de servizos sociais. A ameaza do "Lado Escuro" onde se situan o patriarcado e o capitalismo, non só non desaparece senón que mostra un repunte virulento.

Non hai outra saída? É necesario que a actividade financeira ocupe unha parte tan importante da actividade económica? Podería existir unha economía onde a actividade de mercar e vender activos financeiros se puidera regular por unhas normas estritas que non permitisen a especulación?

Desde a Marcha Mundial das Mulleres pensamos que si. Que é hora de democratizar a economía. Que é hora de que a economía estea ao servizo da sociedade. Que é hora de pór límites á riqueza, porque xa é tempo de eliminar a pobreza. Porque somos conscientes que a perda de dereitos laborais, a acumulación de beneficios en poucas mans, o recorte do gasto público en saúde, educación, vivenda, preservación da terra e da auga, supón pór freo á igualdade, e camiñar de fronte para o deterioro ambiental e social. Non podemos entregar a nosa vida ao control do mercado. Para o capitalismo, son imprescindíbeis a produción e o consumo sen límites. Para as persoas son imprescindíbeis os coidados, a terra, o ar e a auga. Busquemos, esixamos e apliquemos fórmulas políticas que invistan e afortalen o sector público, redes asistenciais e servizos que axuden a conciliar a vida laboral e familiar. Construamos modelos económicos e sociais (educacionais, espirituais, afectivos, sexuais, políticos...) inspirados nos valores da democracia e da igualdade, non nos da cobiza e a opresión. A Marcha Mundial das Mulleres valora que o planeta está nunha encrucillada onde só se poden seguir dúas direccións, a do cambio económico e social que permita acabar coa pobreza e compartir o traballo (o laboral e o doméstico), que sustenta a existencia da Humanidade, ou o camiño da acumulación das riquezas por parte dunha minoría, coa perpetuación da discriminación das mulleres, onde a violencia e a pobreza coexisten co gasto sen medida, a ostentación e a depredación do planeta.

Acudamos ás mobilizacións convocadas nas cidades galegas por un Traballo Decente, contra a directiva europea das 65 horas!
____________

Coordenadora Nacional Galega
Marcha Mundial das Mulheres
Marcha Mundial das Mulleres
Rúa Romil, 20, baixo
36202 Vigo-Galiza
CIF G-15773013
Teléfonos de contacto:
Coord. Nacional: 671695968/637817745
Coord. Ferrol: 658432609/652201003
Coord. Pontevedra: 669794462
Coord. Vigo: 657825556/667531529
http://www.feminismo.info
_____________

Xornada Mundial polo Traballo decente, concentración en Ferrol ás 8 da Tarde

De: eu-ferrolterra@esquerdaunida.org
Para: artabra21@gmail.com
Data: 6 de outubro de 2008 09:36
Asunto: CONCENTRACIÓN CONTRA A DIRECTIVA DAS 60 HORAS

MANIFESTACIÓN MÁÑÁ, MARTES 7 DE OUTUBRO DE 2008 AS 20.00 , DIANTE DO EDIFICIO DA XUNTA EN FERROL, CONCENTRACIÓN XORNADA MUNDIAL POLO TRABALLO DECENTE, NON AS 60 HORAS

GRAZAS, UN SAÚDO.


Estimado/a compañeiro/a:

O pasado xuño, os ministros de Traballo da Unión Europea aprobaron unha proposta de directiva sobre a xornada laboral que eleva o tope máxima de xornada semanal ata as 60 horas (65 no caso das actividades con gardas, como os hospitais). Esta directiva ten que ser debatida no Parlamento Europeo antes de fin de ano.

Nin que dicir ten que, de ser aprobada, a directiva suporía un enorme retroceso nas condicións laborais dos traballadores, un auténtico retroceso histórico dun século, posto que a xornada laboral máxima de 48 horas foi fixada pola OIT en 1919.

O vindeiro 7 de outubro está convocada, pola Confederación Sindical Internacional, unha Xornada Mundial polo Traballo Decente, que no caso dos países da Unión Europea adquirirá un contido de rexeitamento á directiva das 60 horas. CCOO e UGT teñen convocadas diversas mobilizacións. No caso concreto de Galicia, haberá unha manifestación en Vigo.

Dada a gravedade do ataque, a celebración dunha soa manifestación en toda Galicia parece insuficiente, polo cal decidimos impulsar unha mobilización unitaria en Ferrol, convocando unha reunión aberta de tódalas entidades interesadas en participar na preparación de dita mobilización. Previamente a esa reunión, entrevistámonos cos secretarios xerais comarcais dos tres sindicatos (CCOO, UGT e CIG) para darlles a coñecer a nosa proposta e deixar claro que era un complemento á manifestación de Vigo. Aínda que atopamos unha moi boa actitude en todos eles e aínda que todos admiten que unha manifestación en Vigo un martes ás 8 da tarde non é unha opción para que os traballadores de Ferrolterra se mobilicen, motivos diversos impediron unha convocatoria unitaria na nosa comarca.

Nestas circunstancias, e pensando que nunha comarca coas tradicións de loita obreira de Ferrolterra é case obrigado que haxa unha mobilización contra as 60 horas o 7 de outubro, decidimos ir para adiante coa convocatoria dunha concentración para ese día. Será ás 8 da tarde diante do edificio da Xunta da Praza de España.

Nos últimos anos, e a pesar do “milagro económico” español, a situación dos traballadores ven deteriorándose. Agora, a recesión económica fará que os ataques contra os dereitos laborais aumenten aínda máis. Temos que impedir que nos fagan pagar a crise. Por iso é moi importante que o día 7 acudas á concentración e que difundas a convocatoria no teu entorno (empresa, barrio...). Na sede e no concello haberá carteis da convocatoria á túa disposición. Non podemos permanecer parados, ¡hai que moverse!

CONCENTRACIÓN CONTRA AS 60 HORAS

LUGAR: PRAZA DE ESPAÑA (EDIF. XUNTA)

DÍA: MARTES 7 DE OUTUBRO

HORA: 8 DA TARDE
____________________

Convocatoria veciñal en Valón, en protesta pola inseguridade e insalubridade no transporte de mercancías sucias e perigosas desde o Porto Exterior

Diante do perigo no transporte por estrada, sobre todo de Clinker, desde o Porto Exterior a Asociación Veciñal de Valón convoca hoxe, 6 de Outubro, ás 4 da Tarde unha concentración no Alto de Valón, co obxectivo de protestar polo transporte deste tipo de mercancías, carbón e outras mercancías perigosas, sucias e pouco saudábeis, sen reunir a estrada as condicións axeitadas, así como a falta de medidas de seguridade dos medios transporte. Contra a velocidade excesiva, o non respecto dos sinais de transito e pasos de peóns, ... e outras. Moitos camións circulan sen levar a caixa tapada con lonas, como esixe a normativa vixente. Demanda a veciñanza que se tomen medidas de seguridade e se controle o tránsito deste camións, polo dereito da veciñanza a transitar polos paseos e beirarrúas con seguridade e tranquilidade.

ADEGA de Trasancos apoio á convocatoria veciñal, para mais información contactar con Serxio [o noso delegado en Valón: 662428976]
______________

Mobilizacións da CIG no 7 de Outubro, na acción mundial polo traballo decente

Convocadas asembleas e concentracións en todas as cidades, o 7 de outubro

A CIG di NON á Directiva das 65 horas

A CIG vén de convocar concentracións simultáneas en todas as comarcas de Galiza para o día 7 de outubro, para denunciar a grave perda de dereitos que suporá para a clase traballadora a ratificación, por parte do Parlamento Europeo, das modificacións introducidas na Directiva de Tempo de Traballo. Unhas modificacións que contemplan, entre outros aspectos, a xeneralización da posibilidade de ampliar a duración máxima da xornada laboral até as 65 horas semanais ou a relaxación na obriga empresarial de compensar con descansos o traballo realizado a maiores.

O pasado 11 de xuño, o Consello de Emprego, formado polos Ministros de Traballo de cada un dos Estados que integran a UE, aprobou por maioría a chamada DIRECTIVA DE TEMPO DE TRABALLO que pretende:

1. Poder traballar, como máximo, unha xornada semanal de até 65 horas, con carácter flexíbel, que se regularizará por exceso ou defecto cada tres meses; sen fixar o tempo de descanso entre xornadas laborais, nin límite de horas de traballo ao ano. O que se traballe de máis nunhas semanas, traballarase, supostamente, de menos nas outras.
2. A Directiva estabelece para determinados sectores de servizos, como pode ser a Sanidade, Vixilancia e Seguridade, Condutores de Transporte Público ou Privado... etc, que o período inactivo de traballo que non se preste unha atención continuada non se considere tempo de traballo, por exemplo, durante unha garda médica o tempo que non hai pacientes, ou nos tempos de espera entre servizos para os condutores de autobús.
3. Estabelécese a posibilidade de que na sinatura do contrato o traballador ou traballadora pode “voluntariamente” de xeito individual e con independencia do regulado en Convenio, aceptar a xornada de 65 horas. Eles saben perfectamente que a chantaxe dos empresarios será condicionar a sinatura do contrato a que se acepte a ampliación da xornada.

No Estado Español, a xornada máxima de 40 horas semanais está acordada desde o ano 1979, pero a involución do capitalismo máis salvaxe que domina Europa quere facernos retroceder 200 anos. Queren facernos traballar máis horas e máis barato, evitarán as horas extra e os pluses para os que traballan en fin de semana ou festivos.

Esta Directiva será debatida para a súa aprobación nos próximos meses no Parlamento Europeo, onde a dereita neoliberal ten maioría, polo que parece probábel a súa aprobación antes do mes de decembro. Unha vez aprobada, cada Estado debe adaptar esta norma á súa propia lexislación nun determinado prazo.

Como podemos ver, a Europa que se constrúe non protexe o mundo do traballo nin á clase traballadora. Esta é unha Europa neoliberal que non ten reparos en gastar miles de millóns de euros de diñeiro público de todos os Estados a través do Banco central Europeo, para pagar nesta crise, o despilfarro, a especulación financeira dos bancos e das inmensas fortunas, que agora socializan as perdas pero antes non socializaron as inmensas ganancias. Co noso diñeiro pagan as consecuencias da súa avaricia e logo nos dirán que temos que reducir as pensións, as prestacións por desemprego, a sanidade...

Mobilízate coa CIG o día 7 de outubro

CONCENTRACIÓNS

A Mariña: Ás 11:00 horas no concello de Cervo.

A Coruña: Ás 12:00 horas, diante da Subdelegación do Goberno

Ferrol: Ás 12:00 horas diante do edificio da Xunta de Galiza na Praza de España.

Lugo: Ás 12:30 horas diante da Subdelegación do Goberno.

Ourense: Ás 11:30 diante do edificio sindical

Pontevedra: Ás 12:30 horas diante da Subdelegación do Goberno.

Santiago: Ás 12:30 h na Praza de Galiza.

Vigo: Ás 12:00 horas, saída de diante do pavillón do Berbés.

______________

Os sen Voz da Marina

[Ampliar clicando acima das imaxens]__________

VIII Xornadas "Mostra de Curtametraxes" 2008 do Ateneo Ferrolán

De:ATENEO FERROLAN -a_ferrol@teleline.es-
Para: artabra21@gmail.com
Data: 4 de outubro de 2008 14:13
Asunto: VIII Xornadas "Mostra de Curtametraxes" 2008

A celebrar os días 22 e 23 de decembro no Ateneo Ferrolán.

Os días 22 e 23 de decembro, levaranse a cabo no Ateneo Ferrolán ás OITAVAS XORNADAS DE MOSTRA DE CURTAMETRAXES, comezadas no ano 2001 con grande interese do público en xeral.

Nestes días amosaremos curtametraxes e creacións de cineastas, case que sempre noveis, e con especial atención aos cineastas galegos e galegas en especial.

Facemos un chamamento a todas as persoas que queiran participar nestas xornadas, nos acheguen os seus traballos en formato DVD ou se poñan en contacto con nos antes do día 15 de novembro para poder engadilos ao programa deste ano.

Admítense curtametraxes de ficción, de animación, documentais, anuncios, vídeo clips, ...

GRAZAS POR PARTICIPAR!

_____________

ATENEO FERROLÁN (Fundado en 1879)
www.ateneoferrolan.org

“EXECUCIÓN Xá ! do PROXECTO APROBADO de AMPLIACIÓN e REHABILITACIÓN DA SEDE DESTA ENTIDADE CULTURAL CENTENARIA”

_________________

O BNG acusa a PSOE- IU de antepor os intereses do estamento militar à sociedade civil

De:Xosé Manuel Pazo Blanco -manolopazo@gmail.com-
BNG FERROLTERRA -ferrol@bng-galiza.org-
Para: artabra21@gmail.com
Data: 3 de outubro de 2008 19:52
Asunto: O BNG acusa a PSOE- IU de antepor os intereses do estamento militar à sociedade civil


O BNG acusa a PSOE- IU de antepor os intereses do estamento militar à sociedade civil.

O grupo municipal do BNG censurou hoxe ao goberno local por financiar con recursos económicos municipais un acto estritamente militar e facelo coincidir cos actos de conmemoración do 150 aniversario da concesión do título de cidade a Ferrol.

O portavoz municipal do BNG, Xoán Xosé Pita, incidiu que con estas actitudes PSOE e IU evidencian que seguen antepoñendo os intereses do estamento militar aos intereses da sociedade civil e calificou de escusa a participación da casa real para xustificar esta actitude.

Pita, lamentou que a equipa de goberno Local formado por PSOE-IU, aposte por facer coincidir, o vindeiro dia 15 de outubro, un acto militar cos actos de aniversario da cidade, participando economicamente no financiamento do primeiro evento e restándolle protagonismo aos actos de aniversario da cidade.

O BNG xa censurou a decisión de sufragar a compra de dúas bandeiras de combate para as escolas militares da cidade cun gasto de case 18.000 € para as arcas municipais mais tampouco comparte a decisión do actual Goberno Local de financiar estas actividades e ter que pagar entre outros o catering deste evento, as invitacións ou o autobús que desprazará a corporación municipal polas dependencias militares.

Xoán Xosé Pita, portavoz nacionalista, considera un erro primar o evento militar por riba do acto civil de inauguración da exposición fotográfica sobre a historia da Cidade e invita ao Alcalde da Cidade a explicar pormenorizadamente os motivos que o levaron a tomar esta decisión e a dar conta do custo total destas actividades.

Desde o BNG se afirma que ningún dos seus membros vai participar no acto militar de entrega das bandeiras de combate por parte do Concello de Ferrol as Escolas Militares da Cidade.

Ferrol a 3 de outubro de 2008

Grupo Municipal do BNG no Concello de Ferrol.

Xosé Manuel Pazo Blanco
_______________

Sherlock Holmes analiza o Crack de Wall Street

De: Comunistas da Galiza P.C.P.E.
-comunistasdagaliza@gmail.com-
Para: artabra21@gmail.com
Data: 1 de outubro de 2008 23:52
Asunto: SHERLOCK HOLMES ANALIZA O CRACK DE WALL STREET


"O CRACK DE WALL STREET", OU

"O MAIOR ROUBO DA HISTORIA", OU

"¿Daquela os pobres van pagar os pratos rotos dos ricos?"

(MÚSICA DE MISTERIO)

SHERLOCK Ola. Son o famoso detective Sherlock Holmes.

WATSON E eu son Watson, sempre á orde de Sherlock para resolver os misterios máis misteriosos.

SHERLOCK Pois hoxe temos que investigar... sabes onde, Watson? Nada menos que en Wall Street.

WATSON Wall Street é o corazón do imperio económico norteamericano.

SHERLOCK Pois ese corazón sufriu un infarto, Watson. Unha crise, un derrube, un crack.

WATSON Explícame, Sherlock, porque a miña cabeza non dá para tanto

SHERLOCK É relativamente simple, Watson. Xa o ouviches nos noticieiros. Bancos xigantes, os maiores bancos de investimento, declaráronse en quebra.

WATSON Pero, por que, que pasou, Sherlock?

SHERLOCK Aténdeme ben, Watson. O famoso economista Keynes dicía que se unha persoa debe mil dólares a un banco e non pode pagar, esa persoa está en problemas. Pero se lle debe un millón e non pode pagar? o que está en problemas é o banco!

WATSON Explícate mellor, Sherlock.

SHERLOCK Que fixeron estes bancos avariciosos? Prestar cartos, prestar cartos, prestar cartos. Aos pobres, aos migrantes prestábanlles prata para que se fixesen unha casiña. A casa quedaba hipotecada, naturalmente. Se non pagaban as cotas, quitábanlla.

WATSON E que pasou, entón?

SHERLOCK Pasaron moitas cousas. Eses bancos usureiros cambiaban a taxa de interese. Ao comezo, por exemplo, esixían o 10% e aos dous anos subíanlles ao 25%.

WATSON Unha barbaridade

SHERLOCK Estrangulaban aos debedores. E ameazábanlles: se non pagas, quítoche a casa.

WATSON E con seguridade, quitaríanlla.

SHERLOCK Si, pero o problema é que os bancos prestaron tanto, que agora non saben que facer. A xente non ten como lles pagar. E eles tampouco resolven nada quedándose coas casas. Que fai un banco cunha chea de casas que, ademais, ninguén pode comprar?

WATSON Entón?

SHERLOCK Entón, eses bancos quedaron sen diñeiro porque prestaron todo irresponsablemente e agora ninguén lles paga.

WATSON E que van facer?

SHERLOCK Grande pregunta, Watson. Que van facer? Porque a burbulla rebentou...

(SON DUN GLOBO REBENTANDO)

SHERLOCK Como un globo que se pica, así rebentaron eses bancos. quedaron sen diñeiro para seguir prestando.

WATSON Ben, imaxino que xa se lle ocorreu algo ao intelixentísimo presidente Bush para resolver esta crise?

SHERLOCK O intelixentísimo Bush dixo: Hai que salvar aos bancos, pobriños, aos banqueiros, coitadiños. Collamos 700 mil millóns de dólares da Reserva Federal para salvalos.

WATSON Canto dixeches, Sherlock?

SHERLOCK 700 mil millóns de dólares.

WATSON E de onde sae esa millonada de pasta?

SHERLOCK Dos contribuíntes.

WATSON Como que dos contribuíntes?

SHERLOCK Do peto dos contribuíntes norteamericanos, do pobo norteamericano.

WATSON Non pode ser... Se che entendo ben, o goberno gringo vai tomar os cartos da xente do montón para salvar aos banqueiros ricos? Iso é o que me estás dicindo?

SHERLOCK Exactamente, meu querido Watson.

WATSON Ou sexa, que os cidadáns e as cidadás van pagar os pratos rotos da festa dos ricos usureiros?

SHERLOCK Ti o dixeches, Watson.

WATSON E a xente acepta iso?

SHERLOCK A xente está indignada, facendo manifestacións.

WATSON Pero, se eu entendo ben, o que está a planear Bush e o seu goberno é... é un roubo.

SHERLOCK Elemental, meu querido Watson. 700 mil millóns de dólares. O maior roubo da historia dos Estados Unidos.
_________________

http://comunistasdagzpcpe.blogspot.com/

http://www.pcpe.es/
________________

Boletín Informativo de ADEGA - 2 de Outubro de 2008 - Eventos e Actividades

ADEGA INFORMA. Vindeiros EVENTOS E ACTIVIDADES

ADEGA -adega@adega.info-
2 de outubro de 2008 11:07
Boletín especial EVENTOS e CONVOCATORIAS

10-12, 17-19 e 24-26 de outubro. CAMPAMENTO DE VOLUNTARIADO AMBIENTAL NO RÍO TEA
Na campaña de outono do Proxecto Ríos e dentro do programa de Voluntariado en Ríos en colaboración co Ministerio de Medio Ambiente, Medio Rural e Mariño, celebrarase durante tres fins de semana de outubro [10-12; 17-19; 24-26] un campamento de voluntariado no río Tea. Neste campamento realizarase unha acción para eliminar flora exótica e invasora. O voluntariado contará con material [traxes e botas de auga, material de inspección, guias de campo, etc] así como cun seguro de responsabilidade civil e de accidentes colectivos. Durante os tres turnos de fin de semana, o voluntariado permanecerá no Albergue Alentea, ubicado en Barciademera [O Covelo] en rexime de pensión completa.


Diptico CAMPAMENTO TEA 08. formato -pdf-(440 KB)

Información e inscricións na seguinte ligazón: CAMPAMENTO VOLUNTARIADO TEA 08


8 e 9 de novembro. II ENCONTRO SOBRE O LOBO GALEGO - Bótalle unha man ao lobo!
O lobo é a especie máis emblemática da nosa cultura. Simboliza o máis indómito da nosa fauna. Tod@s @s que esteades interesad@s en colaborar activamente na conservación do lobo poñédevos en contacto con Pepe Salvadores, vogal de Diversidade Natural de ADEGA (correo electrónico: psalvadores@edu.xunta.es; teléfono 659 683 384).

Hai moito que facer para axudar á conservación desta especie que está en regresión.

O máis inmediato: II Encontro sobre o lobo galego. No CEIDA (Santa Cruz. Oleiros), os días 8 e 9 de novembro. Achegaremos máis información proximamente.

Máis información:
Local nacional [981 570099] ou na páxina:
www.adega.info
________________

Comeza a emisión de "O recuncho", programa da asociación cultural Fuco Buxán en Radio FilispiM

De: Iago Montes Martínez
Para: artabra21@gmail.com
Data: 1 de outubro de 2008 19:25
Asunto: Comeza a emisión de "O recuncho", programa da asociación cultural Fuco Buxán en Radio FilispiM


Comeza a emisión de "O recuncho", programa da asociación cultural Fuco Buxán en Radio FilispiM.

Con gran placer vos convidamos a que escoitedes este novo programa de entrevistas,
novas, axenda local, música e reivindicacións sociais. A data escollida para este comezo
será este sábado día 4 de 11:00 a 13:00.

Agradecer ós colectivos que xa nos mandaron informacións, dita participación, e animar ós que non o fixeron a sumarse ó carro.

Saúdos

Iago Montes e Miguel Castro

--
"O recuncho", o programa da asociación cultural Fuco Buxán
en radio FilispiM, 93.9 FM
________________________

No Día Internacional da Non Violencia

De: Educación e Paz -paz@sgep.org-
Para: artabra21@gmail.com
Data: 1 de outubro de 2008 12:09
Asunto: ARTIGO NO DÍA INTERNACIONAL DA NON VIOLENCIA


2 de Outubro

No Día Internacional da Non Violencia

Manuel Dios Diz [*]

Foi precisamente un 2 de Outubro de 1869, en Porbandar, na India, cando vía a luz o que pasa por ser o pacifista contemporáneo máis recoñecido, Mohandas Karamchad Gandhi. Por iso, a Asemblea Xeral de Nacións Unidas proclamou, en xuño pasado, que nesa data, cada ano, conmemorásemos o Día Internacional da Non Violencia.

O pensamento non violento ten unha moi dilatada tradición histórica. Nel aséntase un dos piares fundamentais da Educación para a Paz, probablemente, o seu primeiro referente, xunto coa Pedagoxía máis anovadora , aquela que vai desde a chamada Escola Nova (María Montessori, Bovet, Dewey, entre outros), pasando pola Escola Moderna que tanto debe ó catalán Ferrer i Guardia, ou á Escola Cooperativa de Celestín Freinet e as extraordinarias aportacións -máis recentes- do máximo representante da Pedagoxía da Liberación, o brasileiro, Paulo Freire.

Non podemos esquecer a labor realizada polas institucións supranacionais, especialmente a ONU e a UNESCO e as achegas da Investigación para a Paz (Johan Galtung, Betty Reardon, sobre todo) e os exemplos vivos, entre os cales, Desmond Tutu e, sobre todo, Nelson Mandela, ocupan lugares preeminentes.

Pero a tradición da non violencia, como dixemos, ten na antigüidade referentes moi relevantes. Quizais sexa o jainismo e Mahavir (ou Mahavira), contemporáneo de Buda, no século VI a.d.C. o precedente máis significativo si temos en conta que os jainistas son os que introducen, precisamente, o concepto de ahimsa (non violencia e respecto pola vida), que tamén fan súa o hinduísmo e o budismo, aínda que algunhas fontes citan a súa orixe en remotas escrituras hindús (Upanishads) do século IX a.d.C. Esta tradición non violenta terá na antigüidade, como sabemos, outros referentes, entre os cales, Xesús de Nazaret, ocupa, sen dúbida, un lugar sobranceiro.

Pero sen necesidade de remontarnos tan alá, Gandhi (1869-1948), é o que mellor representa a tradición non violenta e a loita pacífica na contemporaneidade. Xunto con todo o pensamento e a acción política vinculada ás demandas polos dereitos civís nos EE.UU. da man de Martin Luther King e o movemento da obxección de conciencia ó servizo militar e ó belicismo en todo o mundo. Estas son tamén as bases dun movemento social cada vez máis influínte como é o pacifismo.

Froito da súa crecente influencia non son só os grandes cambios producidos nas nosas sociedades, e nas nosas mentes, en relación coa guerra, os exércitos e a violencia, senón os avances lexislativos acadados tanto no ámbito internacional como no local. Baste citar algunhas das últimas grandes Declaracións de Nacións Unidas como son a da Cultura da Paz (1999) promovida por Federico Mayor Zaragoza, o Manifesto 2000 dos Premios Nobel da Paz, e a proclamación do Decenio 2001-2010 como o da Cultura da Paz e a non violencia para tódolos nenos e nenas do mundo. Ou a Declaración do Milenio e os seus grandes Obxectivos para erradicar a miseria e a fame ou o programa da Alianza de Civilizacións.

E no ámbito lexislativo e máis doméstico a Lei catalá de fomento da paz de 2003 ou a Lei española de fomento da educación e a cultura da paz de 2005.

Pero a violencia segue, tanto a violencia directa (coa muller, co outro, co diferente, co distinto...), como a estrutural, aquela que está directamente relacionada coa inxustiza, e a violencia cultural, a imposición do uniformismo, e a violencia simbólica, coa que se pretende banalizar e naturalizar a forza e a imposición. E a violencia co medio ambiente... Por iso temos que continuar construíndo Cultura de Paz, cada día, con nós mesmos, cos demais, en tódolos ámbitos, sendo fieis a aquel legado da nonviolencia e seguir proclamando, coa carta constituínte da ONU, que “si é na mente dos homes onde nacen as guerras, é na mente dos homes onde temos que erixir os baluartes da paz”.

E a escola segue a ser un lugar privilexiado para facelo, hoxe, mañá e sempre...

[*]Manuel Dios Diz preside o Seminario Galego de Educación para a Paz e dirixe a Fundación Cultura de Paz en Galicia.

Seminario Galego de Educación para a Paz.

www.sgep.org

Rúa do Valiño 13- 1º

Santiago de Compostela

Tfno: 981-561956

_______________________

Foro Cívico este xoves 2 de Outubro en Esteriro, con motivo da Reforma do Regulamento de Participación Cidadá do Concello de Ferrol

De: AVV FERROL VELLO
-avvferrolvello@yahoo.es-
Para: artabra21@gmail.com
Data: 1 de outubro de 2008 20:02
Asunto: Foro Cívico este xoves 2 de Outubro no Edificio de Apoio ao Estudo Campus Universitario de Esteriro, Ferrol ás 19:00 horas con motivo da Reforma do Regulamento de Participación Cidadá

Foro Cívico este xoves 2 de Outubro no Edificio de Apoio ao Estudo Campus Universitario de Esteriro, Ferrol ás 19:00 horas con motivo da Reforma do Regulamento de Participación Cidadá

ACUDE !

A PARTICIPACIÓN ESTÁ NA TUA MAN !

Con motivo da reforma do Regulamento de Participación Cidadá, que comenzaba cun proceso aberto a "todas" as entidades sociais o pasado mes de maio, e no que se formó un grupo de traballo conformado por distintas asociacións municipais.

E o momento de consensualo entre "todo" o movimento asociativo da cidade xunto con "todos" os veciños que estean interesados na participación do cidadán no rumbo que se quere dar a cidade.

Facendo un chamamento tanto a asociacións deportivas, culturais, sanitarias, ecoloxistas, xuvenís, benéficas, veciñais e cidadáns interesados no proceso do novo regulamento.

CONVÓCASE

Este xoves 2 de outubro, o FORO CÍVICO no que teñen cabida todas as entidades sociais e persoas interesadas, para validar a proposta de reforma do Regulamento de Participación Cidadá. A reunión celebrarase no Edificio de Apoio ao Estudo, Campus de Esteiro-Ferrol (Universidade da Coruña) ás 19:00 h. Nesta sesión explicarase o traballo realizado ate o momento e as fases que faltan para a aprobación definitiva do Regulamento. Ao tempo traballarase na identificación das accións de maior prioridade para a posta en marcha do Regulamento.

O texto sobre o que se vai a traballar nesta sesión está dispoñible na web municipal (www.ferrol.es) ou ben recoller unha copia na Área de Participación Cidadá (2º andar Casa do Concello).

UN SAÚDO E ATA MAÑÁ
________________________

A. VV. FERROL VELLO
Xunta Directiva
C/ Curro, 1. 15401 - FERROL
Tlf./fax: 981.356842
avvferrolvello@yahoo.es
___________

Baixa o borrador en formato pdf:


___________

Adega pide á Cptopt que faga o seu traballo e paralice as obras na Saíña, no concello de Valdoviño

[Foto de ADEGA]

Diario de Ferrol - Comarcas - Martes 30 de Setembro de 2008
REDACCIÓN > FERROL

Fai un ano que un informe da Consellería de Política Territorial xa advertía da existencia dunha serie de irregularidades na contorna da Saíña, zona con varias figuras de protección ambiental onde se prevé construír unha urbanización.

Responsables de Adega Trasancos e Adega Nacional volveron solicitar onte á Consellería de Política Territorial que faga cumprir a lei e evite que se urbanice A Saíña, unha zona próxima á lagoa da Frouxeira onde se asenta un parque arqueolóxico, cuxo contorna está afectado por varias proteccións ambientais; convenio Ramsar, Zona de Especial Protección para Aves (Zepa), Lugar de Interese Comunitario (LIC) Costa Ártabra e tamén hai constancia de que existen hábitats prioritarios protexidos. Desde hai pouco máis dun mes os obreiros volveron ao lugar, o que levantou as sospeitas de veciños e ecoloxistas que ven como, un ano despois, desde a Cptopt non se fixo nada por paralizar estas obras, cualificadas como "ilegais" por Adega.

Por outra banda, fai xa máis dun ano, o 23 de setembro de 2007, a entidade ecoloxista presentou unha denuncia ante o Servizo de Urbanismo e Inspección Territorial da Coruña. Na súa resposta, a Cptopt afirmaba que era necesario revisar as Normas Subsidiarias de Valdoviño, "que incorren en nulidade de pleno dereito ó clasificar sos como urbanos sen reunir vos requisitos legais para merecer tal clasificación". Así mesmo, no referido documento faise constar que se infrinxen determinaciones do propio PXOM, así como varias prohibicións da lei.

Desde Adega pregúntanse que clases de intereses existen para que se puida transformar unha leira rústica en urbanizable e que, ademais, se preténda obviar que se trata dun espazo protexido. Por outra banda, piden á Cptopt que faga cumprir a lei para que o terreo volva ao seu estado orixinal.
__________

ADEGA - 23 de setembro de 2008. Os datos que facemos público a continuación están na súa maioría recollidos da proposta de informe do Servizo de Urbanismo e Inspección Territorial da Coruña dependente da Consellaría de Política Territorial e Ordenación do Territorio con data 1 de febreiro de 2007. Malia a detectarse graves eivas e irregularidades, a urbanización segue adiante coas administracións mirando para outro lado. Deste informe tiramos as seguintes CONCLUSIÓNS:

Enlace co documento "Política Territorial sinala graves irregularidades na urbanización da Saíña en Valdoviño "
_____________

Acción de protesta ante a entrada na Ría de Ferrol, do 31 gaseiro, o "LNG Sokoto", para a ilegal e perigosa REGANOSA

Venres, 26 de Setembro de 2008, ás 20 horas
_____

Documento elaborado polo:
Colectivo universitario opositor á planta de gas (GNL) da ría de Ferrol
Ferrol-CAPE
www.f-cape.org

______________

"O Recuncho" Programa radio Fuco Buxán - Rádio FilispiM

De: Fuco Buxán Asoc. Cultural - Ferrol
-fucobuxan@gmail.com-
Para: artabra21@gmail.com
Data: 28 de setembro de 2008 11:04
Asunto: "O Recuncho" Programa radio Fuco Buxán/Rádio FilispiM

"O Recuncho" Programa radio Fuco Buxán/Rádio FilispiM

A Asociación Cultural "Fuco Buxán", coa colaboración de "Rádio FilispiM", abre un novo lugar de encontro – "O Recuncho"- realizado polos compañeiros Iago Montes e Miguel Castro.

"O Recuncho" será un espazo radiofónico aberto, de información, opinión, debate, reivindicación, etc. de cantos temas sociais e culturais afecten ás mulleres e homes de ferrolterra.
Desde aquí invitamos a participar, coas súas achegas, a todos os Colectivos e Asociacións da Comarca de Trasancos, que o desexen, a través do correo: opafuco@gmail.com.

Rádio FilispiM 93.9 FM




Primeira emisión en directo:
Sábado, 4 de outubro, de 11 a 13 h.

Repetición en diferido:
Mércores, de 15 a 17 h. e Domingos, de 20 a 22 h.

Visita a nosa web: www.fucobuxan.com
--
fuco buxán, a.c.
Aptdo Correos 240 C.P. 15400 Ferrol
Telef. 981325492
www.fucobuxan.com
fucobuxan@yahoo.es
______________

Hoxe en Ferrol: II Masa Crítica Galega, sábado 27 de setembro as 12:00h no peirao de Curuxeiras

From: Linux Ferrol -linuxferrol@gmail.com-
Date: 2008/9/26
Subject: Pasao: Convocatoria da MASA CRITICA GALEGA Sábado 27 Ferrol
To: masacriticaferrol@bicis.info

Enviamos a seguinte convocatoria:

II Masa Crítica Galega

Ferrol, sábado 27 de setembro as 12:00h no peirao de Curuxeiras

Este sábado ás 12:00h sairá do peirao de Ferrol a II Masa Crítica Galega que convoca a ciclistas de toda Galiza para facer un percorrido urbán por rúas de ferrol e narón.

Para máis información sobre esta convocatoria podedes visitar:
www.bicis.info

O vindeiro sábado 27 de setembro celébrase a 2ª Masa Crítica Galega en Ferol. Achegaranse ciclousuarios e ciclousuarias de toda Galicia na que se pretende sexa unha xornada lúdico-reivindicativa onde defender que outra forma de movérmonos é posíbel!.

A Masa Crítica é unha "coincidencia organizada" de ciclousuari@s que realizan un paseo colectivo pola cidade. Este evento celébrase mensualmente en máis de 350 cidades de todo o mundo, baixo o lema "Pedaléa todolos días, celébrao unha vez ao mes" Comezou en San Francisco (EE.UU) no ano 1992 a partires dunha xuntanza da SF Bike Coalition,Chris Carlsson propuxo que posto que había moita xente pedaleando polo centro e que as condicións para facelo eran realmente malas, por qué non quedar unha vez ao mes, facersnos visíbeis entre nos mesmos e ao resto da cidade e voltar a casa todos/as xuntos/as?. A idea aceptouse rápidamente e na primeira "quedada" xuntaronse 60 a tras un ano eran máis de 600.

En Galicia celébranse nas seguintes cidades:

• A Coruña. Todos os primeiros venres de cada mes ás 20:00 dende a Praza de María Pita. Ver foro
• Santiago de Compostela. Todos os últimos mércores de mes ás 20:30 dende a Praza de Galicia. Ver foro
• Vigo. Todolos primeiros domingos de cada mes ás 11:00 horas dende a Praza de América. Ver web
• Ourense. Últimos xoves de mes ás 20:00 dende o Pavillón dos Remedios. Ver blog
• Ponteareas. Todos os últimos venres de mes ás 20:00 na Praza da igrexa. Ver blog / Ver foro
• Ferrol. Os últimos xoves de mes ás 20:15 na Praza do Inferniño Ver foro

A masa crítica galega do 27 supón o segundo encontro a nivel galego de ciclousuarios e ciclousuarias , organizado neste caso polos participantes da Masa critica de Ferrol. O anterior foi en Compostela.

A saída desta II Masa Crítica Galega será o 27 de setembro ás 12:00 dende o peirao de Cruxeiras con este percorrido

Xa está aquí !!!!

Mañá vai ser un día de festa para todas as galegas e galegos: día nacional de reivindicazón do transporto ecolóxico, divertido, saúdabel, que fai as rúas máis humanas, que respecta a todas e a todos, que coida do meio...

E isto vai pasar no noso Ferroliño.

'DEIXA O CARRO

E COLHE A BICI'.

Xa che teño encamiñado correos da masa crítica ferrolá, así que aforro explicar de que vai o tema. Dígoche somentes que imos facer unha rotiña urbana, xantar logo todas xuntas no parque de Esteiro, onde está o 'L', falar sobre a mobilidade, facer xogos populares, e rematar con unha REPICHOCA!!

• - O percurso que imos facer é duns 10 quilómetros, e calculamos que, indo mooooi paseniño, tardaremos perto de unha hora e un cuarto en o andarmos. Combinamos pra nos vermos ás 12 da mañá no peirao de Curuxeiras (no porto, ao pé de onde atracaban a lancha de Mugardos)
• - Conviña que cadaquen trouxese algo para o xantar, como un bocata, ou algo de froita... para compartillarmos todos (en plan romaría de mantel a cuadros, desas de toda a vida, pero non é preciso que o mantel teña cuadros). Pódese deixar antes da rota no centro social (no de Artábria), para non o termos que carrexar todo o tempo
• - O debate vai ser ás 4 e 1/2 no centro social da fundazón (Artábria). Nel collen os meios de transporto públicos, o carril-bici, o papel das administrazóns, as normas de tránsito... e todo canto vexamos relacionado.
• - Para os xogos populares tornamos ao campeiro do 'L'. Imos ter, en principio, carreiras de sacos, tiro da corda, xogo da chave, billarda, lombas, chapa, arriba facu, lombas... e tódolos que nos acorden entre todas e todos!!!
• - A repichoca pode ser tremenda, haise que animar a traer cadaquen algún instrumento que teña na casa. Valen as garrafas de anís para rascar (digo rascar cun pau e facer música, polo do relevo en cuadradiños, non rascar-nos a beber no anís!!!!), pandeiretas, axóuxeres, cunchas... o que tiverdes, que todo vale!, e veña a tocar e a cantar todas e todos!!! Podemos deixar tamén os instrumentos no centro para non pedalearmos con eles ao lombo.
• - IMPORTANTÍSIMO!: temos sitio para durmir, no pavillón deportivo do colexio de Esteiro (mesmo a caronciño de todo o resto de actividades), e máis tamén podemos empregar as duchas e vestiarios, así que xa non hai razón ningunha para non vir.

Sómate ás ciclousuarias/os-ou-biciclistas-ou-pedaleantes de toda Galiza, pero ven con gana de festa, porque ímola armar!!

Unha aperta enorme

Para máis información sobre esta e máis outras convocatorias podedes visitar:
www.bicis.info

________

A Plataforma Cidadá en Apoio ao Cabo Gago convoca unha reunión no Ateneo Ferrolán o vindeiro

De: ASOCIACION VECIÑAL FONTELONGA
-avvfontelonga@mundo-r.com-
Para: artabra21@gmail.com
Data: 25 de setembro de 2008 12:34
Asunto: Convocatoria de reunión da Plataforma Cidadá en Apoio ó Cabo Gago


A Platorma Cidadá en Apoio ao cabo Gago convoca unha reunión no Ateneo Ferrolán o Mércores día 1 de Outubro, ás 8 da tarde

A Plataforma Cidadá en Apoio ó Cabo Gago, composta por máis de 24 organizacións, ten o pracer de convidarlle a unha reunión de sociedades sociais, culturais, deportivas, de mulleres, ecolóxicas, etc. no local do Ateneo, Rúa Magdalena 202-204, 1º, para informar e debater os seguintes puntos:

• Explicala situación na que se atopa o expedinte ó Cabo Gago.
  

• Informar de temas legais con respecto o seu caso, e apoiar a manifestación que a Plataforma ten convocada para o Día 12 outubro as 12 do mediodía.

UN PEQUEÑO RESUMO DA SITUACIÓN:

O 19 de decembro de 2005 rebentou unha caldeira na Fragata Extremadura levando por diante a vida de dous tripulantes.

Durante o acendido das caldeiras houbo unha serie de graves anomalías premonitorias do fatal accidente. En varias ocasións o Cabo Jorge Gago, entre outros, alerta do perigo de continuar coas caldeiras acesas. Os elevados índices de cloro na auga, que ían sendo confirmados cos análises en laboratorio, recomendaban o apagado das mesmas. A caldeira de popa daba índices de 11 unidades e a de popa 12. Estas cantidades son máis de 7 veces superiores as que, tanto os manuais xenéricos coma o libro de caldeiras do barco, recomendan o apagado e extracción de auga.

As advertencias son desoídas polo brigada de garda que se comunica telefonicamente co Xefe de Máquinas que daba ordenes desde a casa onde se atopaba porque, como deixou dito, vivía a menos de 10 minutos do Arsenal. As fatais ordenes a distancia tiveron como consecuencia o rebentón dunha das caldeiras, levando por diante a vida do mariñeiro Erik Noval e do Cabo 1º Francisco Pérez Castrillón. O Xefe de Máquinas tarda dúas horas en chegar.

A intervención do Cabo Gago e dun compañeiro, Cabo electricista Vila, é decisiva para impedir que se propague polo resto do buque e desaloxo ordenado da tripulación. Esta actitude e premiada con hasta cinco recoñecementos e felicitacións personalizadas pola súa valente intervención. Temos a vosa disposición fotocopia das referidas felicitacións, incluso con anotación en currículo.

A fina liña que na vida de Jorge separa o paso de “heroe recoñecido a vilán perseguido”, é imperceptible. O pequeno linde son unhas declaracións públicas, declaracións que xa tiña feito diante do Xuíz Togado Militar nas dilixencias previas en sesións públicas.

Estas declaracións foron unha boa escusa para que o accidente pase a ser secundario, os mortos e vítimas esquecidas, as felicitacións en aguillóns contra o propio Jorge, a transparencia en opacidade e os dereitos constitucionais sometidos militarmente.

A condena comunicada a Jorge de dous meses de prisión en Establecemento Disciplinario Militar e unha condena a os dereitos cidadáns.

Asinado, Santiago Torrente

Portavoz Plataforma Apoio Cabo Gago

Ferrol, 24 Setembro, 2004
____________________

ESTEIRO-FERROL
ASOCIACION VECIÑAL FONTELONGA
-avvfontelonga@mundo-r.com-
Web veciñal
Blog veciñal
_____________________

Terractiva 2008 preséntase como a meirande feira ecolóxica de Galicia

De: Comunicación -comunicacion@coperactiva.org-
Para: artabra21@gmail.com
Data: 25 de setembro de 2008 19:03
Asunto: Festival Terractiva 2008

Terractiva 2008 preséntase como a meirande feira ecolóxica de Galicia

O festival das artes pola biodiversidade, Terractiva, presenta unha nova edición para os próximos 18 e 19 de outubro cargada de actividades para todas as idades. A que “é a feira ecolóxica máis grande de Galicia”, segundo afirmou a coordinadora do festival, Txeli Vicente, contará con máis de 40 expositores, 5 cursos formativos, diversos obradoiros e o Galeuzca musical, feitos que o alcalde arzuano, Xaquín García valorou “moi positivamente” de cara a continuidade do evento.

Un grande mercado verde abrirá de novo as súas portas nesta edición 2008 amosando diversos xeitos de cociña ecolóxica, produtos ecolóxicos de horta e limpeza, terapias alternativas, relacionadas todas ca defensa do medio ambiente aínda que tamén hai unha parte reservada á artesanía. A proposta que, en palabras do alcalde Xaquín García está financiada “nun 80 por cento por parte da Deputación da Coruña e cun 20 por cento achegado polo Concello”, congrega a cada vez máis hai produtores da zona e “tamén se ve un aumento de visitantes”, en especial dos veciños de arzúa, continuou a dicir o rexedor arzuano.


O único festival medioambiental de Galicia

Neste sentido, e logo de presentarse no día de hoxe en conferencia de prensa, a edición 2008 celebrarase “o único festival medioambiental de Galicia”, como afirmou Txeli Vicente. Non só avalan a esta feira ecolóxica a súa magnitude ou a variedade e riqueza das súas propostas, senón que pasa tamén pola formación co programa de cursos e obradoiros gratuitos que presenta, o Formaterra. Desde o seu nacemento, este encontro coa ecoloxía a través das artes e pola diversidade converteuse no único espazo que reúne a colectivos, asociacións, expositoras e expositores, docentes, alumnado e xente interesada en vivir nun mundo máis ecolóxico.

Terractiva é un festival de alternativas, multidisciplinar e que promociona as artes e a diversidade. Neste sentido, ademais das videoproxeccións contínuas programadas, o festival Galeuzca musical leva de novo a Arzúa unha selección de grupos galegos, vascos e cataláns que este ano pasa por contar coa presenza do Sonoro Maxín desde Galicia, da Troba Kung-Fú desde Catalunya e por Sorkun que chega de Euskal Herria. Será o sábado 18 ás 22 horas no Campo da Feira e con acceso libre e de balde. De novo, Galiza, Euskal Herria e Catalunya unidas a través da música.


Unha feira ecolóxica que medra e cala na sociedade

No apartado “Altofalante”, logo de catro anos, o Foro Ecolóxico dá pé novamente a un encontro para todo o movemento ecolóxico do país. A esta afirmación feita durante a rolda de prensa pola coordinadora do festival, Txeli Vicente, desde a entidade xestora do mesmo, Coperactiva Cultural, apóiana seis edicións ás costas e unha traxectoria de centos de expositores e expositoras, colectivos que desenvolveron obradoiros e que foron entrando nesta roda que cada ano facemos xirar coa entrada do outono na vila coruñesa de Arzúa.

Neste sentido, e ao fío da importancia do festival como voceiro da ecoloxía, Xaquín García cre importante “concienciar cada vez máis a poboación para coidar o noso medio e a terra, que é o que nos da vida”. Ademais, os numerosos obradoiros e o consolidado espazo de ludoteca infantil completan esta proposta. Cómpre destacar que Ademais, os numerosos obradoiros e o consolidado espazo de ludoteca infantil completan esta proposta. Cómpre destacar que Ademais, os numerosos obradoiros e o consolidado espazo de ludoteca infantil completan esta proposta. Cómpre destacar que todo o acceso ao festival é libre e de balde. Só os cursos formativos precisan abonamento.

Baixo o lema “A terra e a cidadanía son o noso país” arrinca o Terractiva 2008 para denunciar as grandes eivas que sofre Galicia no que respecta ao desenvolvemento medioambiental. Ademais, o lema deste ano responde a unha vontade extendida na sociedade galega como é a de mirar cara o noso e vivirmos do xeito máis respectuoso posíbel coa contorna.
_______________________

http://www.terractiva.org

NÓS-UP considera que o ensino galego continua igual de espanholizado no segundo ano de aplicaçom do novo Decreto educativo

De: NÓS-UP -imprensa@nosgaliza.org-
Para: artabra21@gmail.com
Data: 25 de setembro de 2008 10:34
Asunto: NÓS-UP considera que o ensino galego continua igual de espanholizado no segundo ano de aplicaçom do Decreto educativo


NÓS-UP considera que o ensino galego continua igual de espanholizado no segundo ano de aplicaçom do novo Decreto educativo

Se alguém tinha dúvidas, o início deste segundo ano lectivo com novo Decreto de ensino confirma o papel subsidiário do galego, que nom só continua longe de se converter na língua veicular, nom chegando a cumprir, em muitos casos, nem os mínimos estabelecidos sobre o seu uso polo professorado nas matérias marcadas no novo texto legal em vigor.

NÓS-Unidade Popular, quem em Março de 2007 apresentou um texto analítico do novo Decreto e das suas carências, indicou na altura que, apesar dos inegáveis avanços quantitativos na presença do galego, nomeadamente no número de horas lectivas, nom suporia um avanço qualitativo para o nosso idioma no ensino. O motivo era – é – que mantém os mecanismos de dominaçom do espanhol como língua principal nos diversos níveis do ámbito educativo galego através de várias renúncias:

• Renuncia a qualquer programa de imersom como os aplicados por outras administraçons autonómicas (nomeadamente a catalá e a basca);
• Renuncia também a um sistema de modelos de diferente perfil lingüístico, como os da Comunidade Autónoma Basca ou o País Valenciano;
• Renuncia, em definitivo, a dar ao galego estatuto de língua veicular principal.
  

A falta de um roteiro com medidas concretas fai com que a suposta avaliaçom anual do desenvolvimento do Decreto tenha sido “esquecida” pola Administraçom, o que junto à inexistência de novidades na necessária fiscalizaçom por parte da inspecçom educativa em relaçom ao decreto anterior, explica que os incumprimentos e inércias espanholizadoras continuem a funcionar nos centros de ensino galegos.

Há que lembrar que NÓS-Unidade Popular nom foi a única entidade a questionar as potencialidades do novo Decreto. Outras como a Nova Escola Galega afirmárom na altura da aprovaçom do mesmo que "seriam necessárias medidas muito mais avançadas e decididas” para mudar o rumo desgaleguizador que segue o ensino na Galiza. Infelizmente, neste segundo ano de aplicaçom do novo texto legal, nengumha das afirmaçons críticas feitas entom perdeu vigência.

Como pano de fundo para o sistema educativo espanholizante actual, erige-se o ‘culto ao bilingüismo’ que o actual governo da Junta mantém, em linha com a política do Partido Popular na matéria, e que foi plasmado no também incumprido Plano Geral de Normalizaçom da Língua Galega assinado polas três forças parlamentares em 2004.

Da mesma forma, continua a ser desprezada a inclusom do português e da cultura lusófona como apoio para a normalizaçom do galego, permitindo o acesso à cultura universal sem passar polo filtro do espanhol.

Por todo o anterior, NÓS-Unidade Popular reafirma-se na reclamaçom de um novo quadro legal que rompa com o falaz ‘bilingüismo equilibrado’ e reconheça, com todas as conseqüências, o galego como primeira língua da Galiza.

Galiza, 24 de Setembro de 2008

Direcçom Nacional de NÓS-Unidade Popular

NÓS-Unidade Popular
nosgaliza@nosgaliza.org
____________________