Colectivo Ártabra 21

VIOLENCIA MACHISTA
Por Luis Álvarez Pousa
lapousa@axornalistas.com
28.02.2008

Catro mulleres asasinadas con só seis horas de diferencia. Causa arrepío. Hai leises, a do Estado e a de Galicia, que intimidan e cercan aos violentos, e hai tamén unha progresiva toma de conciencia sobre as causas desta lacra social. Pero polo que se ve non son suficientes para deter esa sangría. Cortala de raíz é un obxectivo que se nos resiste. O que demostra que non é só con ameazas de cárcere ou de discriminación como os instrumentos do estado de dereito poden frear esta bestialidade. Algo máis profundo está detrás. Algo que está incrustado no lado oscuro da sociedade, e que forma parte dun sistema de relacións de poder no que ás mulleres lles tocou a peor parte. Malia os avances, seguimos recoñecendo a diario múltiples manifestacións que teñen no modelo patriarcal de sociedade o seu principal alimento.

Mentres non erradiquemos esa fonte de violencia, non será posible liberar ás mulleres dese pesadelo. Requírese unha viraxe radical da escala de valores na que asentou a priorización histórica do rol masculino sobre o feminino. Nunca como agora estiveron a información e o saber tan democratizados. Nunca o acceso a eles foi tan amplo, producindo así uns moi altos niveis educativos e culturais en sociedades nas que, paradoxalmente, seguen albergando no seu seo casos tan crueis como o destas catro mulleres asasinadas con escasas horas de diferencia. Non tiñamos que baixar a garda. Por máis que as cifras oficiais nos alegren a vida ca día facéndonos crer que vivimos no mellor dos mundos, hai que desconfiar. A perspectiva androcéntrica permanece activada no corazón das sociedades opulentas. As conclusións dun estudo recente apuntaban unha escalofrinate porcentaxe: unha de cada tres mulleres acabarán sendo nalgún tramo das súas vidas vítimas da violencia de xénero. Sen excesivas diferencias na comparación entre as mulleres do primeiro e do terceiro mundo.

Hai esixencias de máis recursos para impedir que os violentos consumen os seus crimes. E tamén de medidas aínda máis coercitivas. Axustar todo o relacionado coas medidas integrais dirixidas á sensibilización e á prevención, é prioritario. Pero en paralelo cun gran pacto social. Cos medios de comunicación á cabeza. Deles dependerá en boa medida que ese pacto se nutra dos valores (igualdade, solidariedade coas vítimas, non discriminación por razóns de sexo?) que han servir de antídoto fronte aos contravalores nos que a violencia machista ten o seu sostén.

O Autor na Galipedia
O Autor na web do Colexio profesional de Xornalistas
O Autor é xornalista, profesor de universidade, escritor, ... e director da Revista Tempos Novos
_____________

O colectivo Ferrol-CAPE advirte-nos dun anuncio publicado hoxe no DOG, pola Dirección Xeral de Calidade e Avaliación Ambiental, polo que esta notifica que se somete a información pública a solicitude de Autorización Ambiental Integrada, para a instalación de fabricación de formol, colas e resinas; xestión de residuos de Marpol; coxeneración e recepción, almacenamento e distribución de hidrocarburos, en Punta Promontorio, no concello de Mugardos xunto á planta regasificadora de REGANOSA, promovida por Forestal del Atlántico, S.A., empresa do Sr. Tojeiro que conforman xunto a IMEGASA un perigoso complexo químico - industrial e de xestión de residuos [MARPOL].

A Autorización Ambiental Integrada consiste basicamente nun permiso único que establece un condicionado ambiental para o inicio ou continuidade das actividades industriais contempladas no seu ámbito de aplicación. Establece ademais un enfoque integrado no procedemento de autorización, esixindo a plena coordinación administrativa dos organismos implicados na súa concesión.

Esta Autorización Ambiental Integrada que solicitou Forestal del Atlántico, S.A. é unha resolución do órgano competente da Xunta de Galicia, pola que se permite, aos efectos da protección do medio ambiente e da saúde das persoas, explotar a totalidade da instalación baixo as actuais condicións destinadas a garantir que a mesma cumpra o obxecto e as disposicións da Lei 16/2002 de Prevención e Control Integrados da Contaminación. [Concreción Lexislativa da Directiva 96/61/CE, do Consello, de 24 de setembro, relativa á Prevención e ao Control Integrados da Contaminación, no Estado Español] Con isto pretende-se validar a continuación da actual explotación do complexo químico-industrial e de xestión de residuos [MARPOL] baixo un só permiso de avaliación ambiental.

Máis adiante continuaremos informando deste asunto máis compre, desde xa que colectivos sociais e veciñais, así como as organizacións ecoloxistas tomen nota e consulten a documentación que está exposta no Concello de Mugardos para preparar as correspondentes alegacións ao perigoso despropósito químico-industrial e de xestión de residuos altamente contamibnantes que xunto a REGANOSA son unha bomba de reloxería que ameaza á Ría e a nosa seguridade e vida.

Diario Oficial de Galicia
martes, 26 de febreiro de 2008
DOG nº 40

CONSELLERÍA DE MEDIO AMBIENTE E DESENVOLVEMENTO SOSTIBLE

Anuncio do 4 de febreiro de 2008, da Dirección Xeral de Calidade e Avaliación Ambiental, polo que se somete a información pública a solicitude de autorización ambiental integrada para a instalación de fabricación de formol, colas e resinas; xestión de residuos de Marpol; coxeneración e recepción, almacenamento e distribución de hidrocarburos, no concello de Mugardos (A Coruña), promovida por Forestal del Atlántico, S.A. Clave 2006/0349_NAA/IPPC.

Versión completa da disposición nun arquivo pdf: - 04000D053P060.PDF

Verxión completa da disposición numha imaxe en formato jpg: Marfol.jpg
_____________

Información na web da Xunta de Galicia

Normativa básica de Autorización Ambiental Integrada
___________

Marco legal básico de autorización ambiental integrada:

Lexislación europea:

• Directiva 2003/4/CE, de 28 de Enero, del Parlamento Europeo y del Consejo relativa al acceso al público de la información medioambiental y por la que se deroga la Directiva 90/313/CEE del Consejo. (DOCE nº L 41/26 de 14/02/03).

• Directiva 96/61/CE, del Consejo, de 24 de septiembre de 1996, relativa a la prevención y el control integrados de la contaminación. (DOCE nº L 257, 10/10/96).

Lexislación estatal:

• Real decreto 9/2005, do 14 de Xaneiro, polo que se establece a relación de actividades potencialmente contaminantes do solo e os criterios e estándares para a declaración de solos contaminados (BOE Nº 15, 18/01/2005).

• Ley 16/2002, de 1 de Julio, de prevención y control integrados de la contaminación (BOE nº 157, 02/07/2002), modificados por la Ley 1/2005, por la que se regula el régimen de comercio de derechos de emisión de gases de efecto invernadero.

• Ley 38/1995, del 12 de diciembre, sobre el derecho de acceso a la información en materia de medio ambiente. (BOE nº 297, 13/12/95).

• Ley 30/1992, de 26 de noviembre, de Régimen jurídico de las Administraciones Públicas y del Procedimento Administrativo Común (BOE nº 285/1992, 27/11/92). Modificada por la Ley 4/1999 (BOE nº 012, 14/01/1999) y por la Ley 24/2001 (BOE nº 313, 31/12/2001).

• Decreto 2414/1961, de 30 de noviembre, por el que se aprueba el Reglamento de Actividades Molestas, Insalubres, Nocivas y Peligrosas. (PDF 885 KB)(BOE nº 292, 7/12/61 y BOE nº 57, 7/3/62).

Lexislación autonómica:

• Decreto 80/2000, do 23 de marzo, polo que se regulan os plans e proxectos sectoriais de incidencia supramunicipal. (DOGA nº 75, 17/04/00).(Descargar en formato PDF)

• Decreto 455/1996, do 7 de novembro, de fianzas en materia ambiental. (DOG nº 32, 17/02/97) (Descargar en formato PDF

___________
_________

De: Galiza Non Se Vende
-info@galizanonsevende.org-
Para: artabra21@gmail.com,
lista Galiza non se vende
-lista@galizanonsevende.org-
Data: 26 de fevereiro de 2008 23:46
Asunto: Asemblea da Rede Galiza Non Se Vende


Como parece evidente que a maioría decántase polo *domingo día 2*,
celebraremos a asemblea ese día ás *10:30* no local da asociación

A Gentalha do Pichel - Rua de Santa Clara, 21, Compostela

A orde do día, en principio, será a seguinte:

1.- Organización interna
2.- Valoración da manifestación
3.- ILP
4.- ENCE
5.- Proposta do Voto nulo

A orde do día é susceptíbel de cambiarse ao comezo da asemblea
Cremos que é importante exista un moderador
_______________

http://galizanonsevende.org/
________________

CONVOCATORIA DA ASEMBLEA XERAL DA PLATAFORMA ÁRTABRA 21.




Día: Martes 25 de Marzo de 2008
Hora: Ás 7 da Tarde
Lugar: Ateneo Ferrolán


O vindeiro martes 25 de marzo, terá lugar a Asemblea Xeral ordinaria da PA21, para valorizar a actividade desenvolta desde a última asemblea celebrada e a concreción dos acordos tomados.

Ademais temos que analisar a documentación da Rede "Galiza Non Se Vende", tanto as bases organizativas como as Políticas, para participar na Asemblea da Rede en Compostela o 13 de Abril, cun posicionamento concreto
______________

FUSQUENLLA, ADEGA-TRASANCOS, VERDEGAIA E SGHN-FERROL DENUNCIAN O COMEZO DO ENCHIDO DO OCO DA MINA DE AS PONTES NAS CONDICIÓNS MÁIS PERIGOSAS DE TODAS AS OPCIÓNS POSIVEIS



A principios de xaneiro, ENDESA anunciou o comezo do transvase do Eume para mediados dese mesmo mes. As entidades Fusquenlla, ADEGA-Trasancos, Verdegaia e SGHN-Ferrol solicitaron nesas datas á Consellería de Medio Ambiente unha moratoria para o transvase, debido á seca deste outono, que motivara unha baixada de caudal consideravel con respecto a outros anos. Como en anteriores ocasións, non se recibiu notificación algunha por parte da Consellería, pero o certo é que a moratoria se levou adiante, e a día de hoxe ENDESA non puido comezar o transvase do Eume, o que non foiu óbice para que, en contra das prescripcións do Estudo de Impacto Ambiental do Proxecto do Enchido do oco da mina de As Pontes, o recheo do oco comezase co Enchido Pasivo a base das augas procedentes da chuvia e máis dos regos que rodean o oco da mina.



O Enchido Pasivo foi desestimado no seu momento pola propia empresa, por considerar que esta opción ocasionaba graves prexuízos para o conxunto das zonas afectadas, incluídas as augas do río Eume, que terían que soportar a afluencia das augas contaminadas do futuro lago, unha vez enchido este, e por rebouse, considerándose que sería maior a afección que no suposto dun enchido forzado a base do transvase do Eume.

Así, na páxina 341 do Estudo de Impacto Ambiental sinálase o seguinte:

“Para la alternativa del llenado pasivo se han obtenido valores de calidad negativos en el 47,69% de los indicadores ambientales analizados, lo que supone una afección negativa en casi la mitad de los parámetros estudiados.(…) La calidad ambiental alcanzada estaría por debajo de los niveles de restauración que requiere el hueco de mina…”

Na páxina 343 indícase:

“En la evaluación ambiental obtenida para la alternativa del llenado pasivo… todos los indicadores ambientales analizados sufrirían impactos ambientales negativos, directos, acumulativos y/o sinérgicos, a corto plazo, permanentes, irreversibles, continuos y críticos, porque supondrían el desarrollo de un proyecto aleatorio sin ningún tipo de control ni habría posibilidad de aplicar las medidas correctoras adecuadas para lograr un mínimo de calidad ambiental exigido.”

Atopámonos, pois, cun empeoramento da situación, xa que se opta agora polo peor dos escenarios e, visto o que se dixo enriba, cun considerable incremento dos riscos que este proxecto conleva. ENDESA non é descoñecedora dos cambios climatolóxicos actuais, que, de repetirse en anos posteriores, impedirían o Enchido Forzado a base dun transvase. Así e todo, non cejan no seu empeño a pesar das nefastas repercusións que tería. Pouco importa que isto afecte ao Parque Natural das Fragas do Eume, a mellor representación de bosque atlántico europeo, nin o perigo de contaminación de acuíferos, nin os cambios atmosféricos que afectarían á poboación de As Pontes, con repercusións inluso sobre a saúde das persoas. Agora si, queda claro que o seu único obxectivo é acadar a máxima rendibilidade na empresa.

Por estas razóns, as entidades citadas novamente denuncian este asunto ante a Consellería de Medio Ambiente e con notificación á Fiscalía de Medio Ambiente do Tribunal Superior de Xustiza de Galiza, solicitando que cese o enchido e se realice o inmediato desaloxo, por medio de bombeo, das augas acumuladas no fondo da mina. Malia que isto supón unha contaminación suplementaria á xa existente para o río Eume, aínda non tería un carácter irreversivel, cousa que si ocurriría unha vez que o volume de auga fixese imposivel o bombeo.

Escrito ao Fiscal Xefe do TSXG Fiscalia de Medio Ambiente

Escrito ao Conselleiro de Medio Ambiente e Desenvolvemento Sostible
_________________

Enlaces relacionados:

ADEGA, Fusquenlla, SGHN e Verdegaia denuncian que Endesa comezou a cubrir a explotación mineira coas augas de choiva acumuladas nas súas inmediacións
[23.02.2008]

Adega-Trasancos, Fusquenlla, SGHN e Verdegaia denuncian o enchido pasivo do oco da mina que Endesa ten en As Pontes
[22.02.2008]

O colectivo ecoloxista Erva considera que a lagoa artificial que ha asolagar a mina das Pontes responde á "vontade do bipartito" de levar a papeleira para este concello. Por Antía Rodríguez
[25.01.2008]

O lago artificial das Pontes, para os vertidos da nova Ence? Por Esther Rodríguez
[25.01.2008]

Erva denuncia o proxecto do lago das Pontes como tapadeira dos verquidos da futura ENCE
Polo Grupo Ecoloxista Erva
[24.01.2008]

O lago das Pontes, por Marcelino Fernández Mallo
[19.10.2007]

A Sociedade Galega de Historia Natural, Verdegaia e Fusquenlla contra o lago da mina de As Pontes
[09.10.2007]

Recuperación ambiental da Mina das Pontes: A FEG quere saír o paso das declaracións realizadas hoxe polo Conselleiro de Medio Ambiente
[15.02.2007]

Recuperación da Mina das Pontes: A FGG lamenta que se conciba a solución de restauración dun complexo problema ambiental orixinando outro
[14.02.2007]

Guerrilleiros das Fragas rexeita o modelo de recuperación de Endesa
[09.12.2006]

Xornadas: Restauracion Mina das Pontes, 2 de decembro
[30.11.2006]
______________

Contra a regasificadora de Xixón

Asturies 23 de febreiro

Contra o actual modelo enerxético, español e asturiano, totalmente ineficiente e contaminador, que favorece aos intereses do sector enerxético, e que trata de converter a Península Ibérica nun dos centros de distribución máis grandes de Europa, onde se concentrará unha gran número de plantas regasifidadoras.

A instalación en Xixón dunha planta regasificadora de gas natural licuado; cos correspondentes depósitos de almacenamento, de 150.000 metros cúbicos cada un, ademais dos dano ambientais e os indiscutibles riscos inherentes á súa instalación. Riscos que aparecen recollidos claramente na Directiva Seveso e na lexislación que a desenvolve, e que non faría máis que agravar a situación existente, ante a coincidencia na mesma zonas con outras instalacións afectadas por esta normativa, como Repsol Butano e a Térmica de Aboño.

É unha aposta máis por continuar cunha visión do sistema enerxético totalmente envorcado sobre a oferta e sen ter en conta ningún condicionante ambiental, que fomentará o incremento do consumo e o malgasto, con tal de recuperar os investimentos e cuns efectos totalmente perversos, xa que, este incremento na demanda, suporá que, todas as vantaxes que as plantas de gas teñen sobre outro tipo de instalacións quedarán talmente anuladas polo aumento da produción.

Que, en lugar de favorecer un debate sobre o actual modelo enerxético, español e asturiano, totalmente ineficiente e contaminador, favorécese aos intereses do sector enerxético, que tratan de converter a Península Ibérica nun dos centros de distribución máis grandes de Europa, onde se concentrará unha gran número de plantas regasifidadoras.

_________
Quen queira colaborar na loita contra o despropósito gasístico de "El Musel" en Xixon, pode entra na páxina de Ecoloxistes n’Aición d’Asturies e asinar un manifesto de apoio á campaña contra a súa instalación e por un outro plano enexético: formulario.

• Podese xerar un CD interactivo con amplia información sobre a regasificadora Descárgao de MEGAUPLOAD
  
  
• Para máis información Blog da Plataforma contra a Regasificadora de Xixón

_____________

De: CAPE ferrol.cape@gmail.com
Para: artabra21@gmail.com
Data: 21 de fevereiro de 2008 23:49
Asunto: En relación co Regulamento RAMINP e debido a comentarios dispares sobre a súa derrogación, facemos as seguintes aclaracións


Estimados amig@s:

En relación co Regulamento RAMINP e debido a comentarios dispares sobre a súa derrogación, facemos as seguintes aclaracións:

1º) Este regulamento afecta e afectará aos procesos xudiciais presentados contra a planta de gas por estar en vigor na data de solicitude do proxecto. Xa que logo, aínda que foi derrogado (con condicións) pola LEI 34/2007 de data 15 de novembro, a planta de gas de Mugardos deberá cumprir co mesmo. É dicir: ESTÁ VIXENTE.

2º) A lei anterior 34/2007, di na súa Disposición derogatoria única. Derrogación normativa.

• 1. Queda derrogado o Regulamento de Actividades Molestas, Insalubres, Nocivas e Perigosas, (RAMINP) aprobado por Decreto 2414/1961, de 30 de novembro. No entanto, o citado Regulamento manterá a súa vixencia naquelas comunidades e cidades autónomas que non teñan normativa aprobada na materia, en tanto non se dite dita normativa.

3º) Como a Comunidade Autónoma de Galicia non ten unha lei específica e integral que substitúa ao Raminp, este Regulamento ESTÁ EN VIGOR na nosa comunidade. (Segundo fontes da judicatutra galega esta lei integral, que o substitúe, xa está elaborada pero aínda sen aprobar).

4º) De acordo con diversas sentenzas do Tribunal Supremo sobre este Regulamento, informamos do seguinte:

• a) Sobre os plans urbanísticos dos MUNICIPIOS: " . . . as ordenanzas municipais e os plans urbanísticos do municipio non poden desoír a regra xeral (2.000 metros) establecida . . . . ".
  
  
• b) Sobre a dispénsa para reducir esta distancia: "dispénsaa da regra xeral sobre distancias mínimas, en canto prevista só en casos excepcionais, non debe ser obxecto de interpretacións extensivas . . . . . . . e dado que nela esíxese o previo informe favorable da Comisión Provincial de Servizos Técnicos, este informe ha de referirse, especificamente, ao tema da distancia, razoando cales son as circunstancias do caso concreto que xustifican dispensar a regra xeral . . . debe permitir apreciar que as medidas correctoras impostas non son só as que demanda o tipo de actividade de que se trate, senón, ademais, singularmente, as exixibles pola concreta circunstancia da redución da distancia"
  
  
• c) Sobre as comunidades Autónomas: " . . .o apartamiento daquela norma (RAMINP) no territorio dunha Comunidade Autónoma esixirá que a normativa propia desta (Comunidade Autónoma) substituír, sen ningunha dúbida, por outra cuxa potencialidade protectora non sexa menor".

Xa que logo, non debemos renunciar aos nosos dereitos que recolle o RAMINP e ter a confianza de que o Tribunal Supremos non vai cambiar de criterio sobre o mesmo por moi poderosos que sexan os que apoian a este disparate de planta de gas (GNL) no medio da nosa Ría.

Saúdos,

www.f-cape.org

como sempre

PLANTA DE GAS FORA DÁ RIA!

Envía www.f-cape.org Colectivo universitario opositor á planta de gas (GNL) da Ría de Ferrol

Nota:
En Vermello aclaración de f-cape
____________

Pola importancia da noticia , transcribimos a mesma que foi publicada no xornal "La Opinión de A Coruña", o pasado 21 de de febreiro de 2008


Visualizar o mapa ampliado

EUME
Os ecoloxistas denuncian o inicio do recheo da mina das Pontes
As asociacións ambientais consideran que Endesa comezou a cubrir a explotación mineira coas augas de choiva acumuladas nas súas inmediacións.
[MARCOS OTERO. AS PONTES 21.02.2008]

As asociacións ecoloxistas Fusquenlla, Adega-Trasancos, Verdegaia denunciaron de forma conxunta o recheo do oco da mina das Pontes que comezou a compañía eléctrica Endesa. As organizacións de defensa do medio ambiente argumentan que a empresa comezou a cubrir o espazo deixado pola explotación coas augas procedentes das choivas que se acumularon no exterior. A eléctrica, segundo os ecoloxistas, tomou esta decisión debido á imposibilidade de efectuar o transvasamento do Eume proxectado para esconder a fonte de carbón baixo as augas.

No mes de xaneiro, as mesmas asociacións que agora lamentan o inicio dos traballos de inundación solicitaron á Xunta de Galicia unha moratoria para impedir o transvasamento do Eume ideado por Endesa. Fusquenlla, Adega-Trasancos, Verdegaia e consideraban que o proxecto, unido á seca experimentada durante a estación otoñal, provocaría un descenso acentuado do caudal do río. A pesar de que non recibiron contestación da Consellería de Medio Ambiente, o organismo decidiu paralizar o transvasamento.

As asociacións ecoloxistas lamentan que, ante esta situación, Endesa opte por "a opción máis perigosa de todas as posibles". Todas as agrupacións subliñan que o proceso iniciado para alagar a antiga mina mediante a auga próxima, coñecido como "enchido pasivo", entraña riscos ambientais e foi descartado anteriormente polo estudo de impacto ambiental redactado para analizar as repercusións do proxecto. O texto reflectía que o recheo efectuado mediante o procedemento pasivo ocasionaría maiores prexuízos para o propio río Eume que os xurdidos mediante un transvasamento. O informe arroxaba que a canle do Eume podería entrar en contacto coas augas contaminadas do futuro lago emprazado na mina das Pontes.

As entidades ecoloxistas acusan a Endesa de actuar co "obxectivo de conseguir a máxima rendibilidade para a empresa", sen pensar nas repercusións na zona do seu proxecto. As asociacións alertan sobre os efectos que terá o recheo da mina no Parque Natural das Fragas do Eume, "a maior representación de bosque atlántico europeo", segundo eles. Tamén advirten das implicacións que terá o "enchido pasivo" nos acuíferos da área e ata na saúde dos habitantes do municipio das Pontes.

Enlace orixinal coa noticia

_______

Enlaces relacionados:

O colectivo ecoloxista Erva considera que a lagoa artificial que ha asolagar a mina das Pontes responde á "vontade do bipartito" de levar a papeleira para este concello. Por Antía Rodríguez
[25.01.2008]

O lago artificial das Pontes, para os vertidos da nova Ence? Por Esther Rodríguez
[25.01.2008]

Erva denuncia o proxecto do lago das Pontes como tapadeira dos verquidos da futura ENCE
Polo Grupo Ecoloxista Erva
[24.01.2008]

Adega-Trasancos, Fusquenlla, SGHN e Verdegaia denuncian o enchido pasivo do oco da mina que Endesa ten en As Pontes
[22.02.2008]

A Sociedade Galega de Historia Natural, Verdegaia e Fusquenlla contra o lago da mina de As Pontes
[09.10.2007]

O lago das Pontes, por Marcelino Fernández Mallo
[19.10.2007]

Xornadas: Restauracion Mina das Pontes, 2 de decembro
[30.11.2006]

Recuperación da Mina das Pontes: A FGG lamenta que se conciba a solución de restauración dun complexo problema ambiental orixinando outro
[14.02.2007]

Recuperación ambiental da Mina das Pontes: A FEG quere saír o paso das declaracións realizadas hoxe polo Conselleiro de Medio Ambiente
[15.02.2007]

Guerrilleiros das Fragas rexeita o modelo de recuperación de Endesa
[09.12.2006]
______________

De: Ferrol CAPE -ferrol.cape@gmail.com-
Para: artabra21@gmail.com
Data: 23 de fevereiro de 2008 14:13
Asunto: En EE.UU. as plantas de GNL non se situarán a menos dunha milla de zonas residenciais


En EE.UU. as plantas de GNL non se situarán a menos dunha milla de zonas residenciais

ATENCION: LER CON DETEMENTO ESTE ARTICULO E RECORDADE Á VECIÑANZA DE MEÁ (MUGARDOS)

QUE VIVEN A 100 m DOS INMENSOS TANQUES DE GAS NATURAL LICUADO (GNL).

OBSERVATORIO DE PLANTAS REGASIFICADORAS DE GNL.

FORBES.com, por KEN MAGUIRE 01.31.08

CASO: Planta de GNL de FALL RIVER [Massachusetts]

Os lexisladores esfórzanse para deter a planta de GNL de Fall River

[Nota.-En azul o máis destacado]

Por KEN MAGUIRE

O alcalde de Fall River, Robert Correia, di que o concello gastará o diñeiro que sexa necesario para evitar a construción dunha terminal de gas natural licuado [GNL] na súa zona. Pola súa banda a promotora di que en última instancia irá aos tribunais.

Ambas as partes estiveron presentes o mércores no Capitolio de Massachusetts nunha audiencia sobre a lexislación que obriga a que unha nova terminal de GNL non se construirá a menos dunha milla de distancia [1´65 km] das zonas residenciais, coa esperanza de poñerlle fin á proposta de Weaver's Cove Energy de situar unha terminal en Fall River.

"A proposta pon á miña comunidade e a xente da miña comunidade nun indebido e inxusto risco", dixo Correia, que recentemente dimitiu como representante do estado. Fall River gastou 1,4 millóns de dólares na loita contra o proxecto, segundo manifestou na audiencia. "O diñeiro é escaso", dixo ao Departamento de Seguridade [Homeland Security Department] de EE.UU. "Pero se teño que buscar máis diñeiro para deter este proxecto, teño a intención de facelo."

Diversos estudos concluíron que o lume resultante por un ataque terrorista contra un gasero podería causar a ignición e morte de xeito feroz ás persoas situadas ata unha milla de distancia.

O portavoz de Weaver's Cove, James Grasso, dixo nunha entrevista antes do seu testemuño na audiencia do mércores que as instalacións de GNL nos Estados Unidos demostraron ser seguras. Grasso dixo que o proxecto de 250 $ millóns creará ata 500 postos de traballo durante a construción de polo menos tres anos de duración.

Weaver's Cove Enerxía xa se enfronta a unha dura batalla. A Garda Costeira de EE.UU. [USCG] xa declarou que as zonas da bahía e desembocadura do río Taunton non son emprazamentos seguros para terminais de GNL e para a navegación de buques metaneiros.

No entanto Grasso dixo que a compañía está apelando ao seguinte nivel na organización da Garda Costeira, engadindo que os tribunais poden, en última instancia, ser a súa elección "baseada na cláusula de comercio interestatal e sobre a base da competencia dos distintos organismos".

A residente Margaret Charkowski de Fall River asistiu á audiencia levando unha camiseta de cor laranxa dicindo "Boicot Hess" (*). Dixo Charkowski, "Fall River é a miña identidade. Encántame Fall River, porque é unha gran cidade", "Se iso constrúese nas nosas costas, afúndese Fall River. Ninguén vai querer construír ou vivir aí abaixo, eu desde logo, non. É o mal "In situ".

A seguridade dos gaseros tamén se converteu nunha preocupación na zona de Boston, en parte, por mor dunha terminal de gas natural licuado en Everett, na bahía de Boston. A terminal é unha das cinco instalacións deste tipo que operan nos EE.UU., e a única nunha zona densamente poboada.

(*) Hess LNG é unha empresa conxunta de Amerada Hess Corp e unha filial de Poten

http://www.forbes.com

http://www.southcoasttoday.com

Envía www.f-cape.org Colectivo universitario opositor á planta de gas (GNL) da ría de Ferrol

PLANTA DE GAS FORA DA RIA! XA!
________________

Enlaces relacionados:

En Fall River, en Massachusetts [EEUU], unha nova planta de gas rechazada por non ser o lugar apto para a entrada de buques gaseiros
[24.10.2007]

Paralelismos entre Ferrol [Galiza] e Fall River [Massachusetts -EE.UU]
___________

De: ASOCIACION VECIÑAL FONTELONGA
-avvfontelonga@mundo-r.com-
Para: artabra21@gmail.com
Data: 23 de fevereiro de 2008 10:30
Asunto: Xuntanza co Comité de Empresa de Urbaser S. A.


Xuntanza co Comité de Empresa de Urbaser S. A.

A Asociación Veciñal de Esteiro " Fontelonga", mantivemos no día de hoxe unha xuntanza con representantes do Comité de Empresa de Urbaser S.A. quen nos informaron da difícil situación da negociación colectiva, que están a manter coa citada Empresa.

Manifestannos que as posturas son moi distantes e que se verán na necesidade de , exercendo os seus dereitos, tomar medidas de presión, que poderían chegar a ter que convocar unha folga. Neste momento non existe a convocatoria de dita folga, pero non a descartan a pesar de que, segundo nos manifestan, non a desexan.

As condicións salariais dos traballadores e traballadoras de Urbaser están moi por debaixo da media das empresas que desenvolven estes servizos noutras cidades, como por exemplo Lugo que os supera nun 29% e Santiago que os supera nun 23% e mesmo están por debaixo do Concello de Narón.

Desde esta Asociación consideramos que de producirse unha folga nese sector, aínda sendo un dereito, resulta prexudicial para a cidadanía en xeral e para o sector de hostalería en particular, polo que DEMANDAMOS que se estableza un diálogo e unha verdadeira negociación colectiva entre o Comité de Empresa e a Empresa Urbaser S. A. que esgote tódalas vías e que evite unha posible folga.

A empresa Urbaser supera con moito o 8% de beneficios que ten garantidos polo Concello de Ferrol e mesmo hai sentenzas xudiciais que lle obrigan a devolver parte deses beneficios ó Concello de Ferrol , con que ten unha concesión ata o 2014

Recordamos que a responsabilidade en canto a recollida do lixo é do Concello de Ferrol, aínda que estea realizado , a través dunha concesión, por Urbaser. ESIXIMOS dos responsables municipais e do Alcalde de Ferrol como responsable máximo, que medien coa empresa e demanden que se produza unha negociación real e que se garanta unhas condicións laborais dignas para os traballadores e traballadoras que prestan un servizo fundamental para a colectividade.

Esta Xunta Directiva agradece a iniciativa tomada polo Comité de Empresa de Urbaser, de informar e facer partícipe ó movemento veciñal da situación en que se atopan e das consecuencias negativas que se poden derivar no caso de non haber un acordo.

Ferrol a 21 de febreiro de 2008.

Xunta Directiva da Asociación Veciñal de Esteiro " Fontelonga".

Asdo../ Xosé Miguel López Pérez, presidente
______________

REFLEXIÓNS DO COMPAÑEIRO FIDEL
O que escribín o martes 19

Ese martes non houbo noticia internacional fresca. A miña modesta mensaxe ao pobo, do luns 18 de febreiro, non tivo dificultade para divulgarse con amplitude. Desde as 11 da mañá comecei a recibir noticias concretas. A noite anterior durmira como nunca. Tiña a conciencia tranquila e prometeume unhas vacacións. Os días de tensión, esperando a proximidade do 24 de febreiro, deixáronme exhausto.

Non direi hoxe unha palabra de persoas entrañables en Cuba e no mundo que de mil formas diferentes expresaron as súas emocións. Recibín igualmente un elevado número de opinións recollidas na rúa con métodos confiables, as que case sen excepción, e de forma espontánea, vertieron as súas máis profundos sentimentos de solidariedade. Algún día abordarei o tema.

Neste instante dedícome ao adversario. Gocei observando a posición embarazosa de todos os candidatos a Presidente de Estados Unidos. Víronse obrigados un por un a proclamar as súas inmediatas esixencias a Cuba para non arriscar un só elector. Nin que eu fose Premio Pulitzer interrogándoos na CNN sobre os máis delicados asuntos políticos e ata persoais, desde As Veigas, onde reina a lóxica do azar das ruletas de xogo e onde hai que asistir humildemente se alguén aspira a Presidente.

Medio século de bloqueo parecíalles pouco aos predilectos. ¡Cambio, cambio, cambio!, gritaban ao unísono.

Estou de acordo, ¡cambio!, pero en Estados Unidos. Cuba cambiou fai intre e seguirá o seu rumbo dialéctico. ¡Non regresar xamais ao pasado!, exclama o noso pobo.

¡Anexión, anexión, anexión!, responde o adversario; é o que no fondo pensa cando fala de cambio.

Martí, rompendo o segredo da súa loita silenciosa, denunciou o imperio voraz e expansionista xa descuberto e descrito pola súa xenial intelixencia, máis dun século logo da declaración revolucionaria de independencia das 13 colonias.

Non é o mesmo o fin dunha etapa que o inicio do fin dun sistema insostible.

De inmediato as minguadas potencias europeas aliadas a ese sistema proclaman as mesmas esixencias. Ao seu xuízo chegara a hora de danzar coa música da democracia e a liberdade que, desde os tempos de Torquemada, xamais realmente coñeceron. O coloniaje e o neocoloniaje de continentes enteiros, de onde extraen enerxía, materias primas e man de obra baratas, descualifícanos moralmente.

Un ilustrísimo personaxe español, outrora ministro de Cultura e impecable socialista, hoxe e desde hai pouco voceiro das armas e a guerra, é a síntese do despropósito puro. Kósovo e a declaración unilateral de independencia golpéaos neste instante como impertinente pesadelo.

En Iraq e Afganistán seguen morrendo homes de carne e óso con uniformes de Estados Unidos e a OTAN. O recordo da URSS, desintegrada en parte pola aventura intervencionista no segundo dos dous países, persegue aos europeos como unha sombra.
Bush pai postula a McCain como o seu candidato, mentres Bush fillo, nun país de África -orixe do home onte e continente mártir hoxe- onde ninguén coñece o que fai alí, dixo que a miña mensaxe era o inicio do camiño da liberdade de Cuba, é dicir, a anexión decretada polo seu goberno en voluminoso e enorme texto.

O día antes, pola televisión internacional, mostrábase un grupo de bombardeiros de última xeración realizando manobras espectaculares, con garantía total de que, bombas de calquera tipo, poden ser lanzadas sen que os radares detecten as naves portadoras e nin se considere crime de guerra.

Unha protesta de importantes países relacionábase coa idea imperial de probar un arma, co pretexto de evitar a posible caída sobre o territorio doutro país dun satélite espía, dos moitos artefactos que con fins militares Estados Unidos situou na órbita do planeta.

Pensaba deixar de escribir unha reflexión polo menos en 10 días, pero non tiña dereito a gardar silencio tanto tempo. Hai que abrir fogo ideolóxico sobre eles.

Escribín isto ás 3 e 35 p.m. do martes. Onte reviseino e hoxe xoves pola tarde entregareino. roguei encarecidamente que as miñas reflexións sexan publicadas na páxina 2 ou calquera outra dos nosos xornais, nunca en primeira plana, e facer sínteses sinxelas nos demais medios se son extensas.

Estou enfrascado agora no esforzo por facer constar o meu voto unido en favor da Presidencia da Asemblea Nacional e do novo Consello de Estado, e como facelo.

Dou as grazas aos lectores pola súa paciente espera.

Fidel Castro Ruz
Febreiro 21 de 2008
6 e 34 p.m.
_______________

Orixinal no Gramma do 22.02.2008
___________

A andrómena da nova farsa

Onte á noite empezou a campaña electoral. Rectifico: onte á noite iniciáronse as dúas semanas legalmente asignadas aos partidos políticos para que fagan campaña electoral. Porque todos sabemos por abafadora experiencia que fai xa meses que a campaña electoral está en marcha.

A maioría fala desa evidencia con hastío: "Mira que son aborrecidos!". A min a charanga electoreira tamén me aburre, por suposto. Atafégame o seu inacabable ritual monocorde, tan propicio ás caricaturas, ás simplificacions demagóxicas e ás referencias persoais burdamente faltonas.

Pero o que me preocupa máis desta larguísima campaña de meses e máis meses de mitins por toda España, de espectáculos cheos de gorras, banderiñas, faixas e pins, de taboleiros de rúa, de publicidade descarada ou implícita en prensa, radio e televisión (de omnipresencia diaria, en suma), non é o seu carácter soporífero senón, moi en especial, o feito de que converteu máis que nunca as eleccións, formalidades aparte, nunha pugna só accesible para os dous partidos que xa teñen nas súas mans un moi importante poder decisorio, o que fai que as súas arcas poidan afrontar tamaño dispendio, sexa porque están xa ben abastecidas, sexa porque poden estalo aínda máis e mellor grazas ao apoio de quen dan por feito que seguirán tendo un peso decisivo no porvir inmediato.

Considerando o obxectivo da Moncloa como o crucial, o que vivimos desde onte á noite é o tramo final dunha poxa que xa foi deixando fora de xogo aos que non estaban en condicións de puxar tan alto.

É un círculo vicioso: só pode aspirar a ser importante mañá quen xa o é hoxe. A maquinaria supostamente democrática perfecciónase cada vez máis para favorecer o bipartidismo a todos os niveis. Do bipartidismo do noso tempo, cuxo modelo máis acabado é o dos Estados Unidos de América.

Estamos ante a expansión incontida da moderna plutocracia, na que, como sucede coas grandes corporacións empresariais, non fai falta que o propio executivo sexa moi rico. Abonda con que represente ben o papel que lle corresponde na andrómena da nova farsa.

2008/02/22
Javier Ortiz
http://www.javierortiz.net
______________

Enlace orixinal no Blog de Javier Ortiz con comentarios ao artigo

[Publicado no xornal estatal Público o 22 de febreiro de 2008]
____________________

CONVOCATORIA DA ASEMBLEA XERAL DA PA21

DATA: 26 de Febreiro de 2008
HORA: 6 da Tarde
LUGAR: Ateneo Ferrolán

ORDE DO DÍA PROVISIONAL

1.- Lectura e aprobación, se procede, da ACTA da ASEMBLEA anterior.
- Clarificación definitiva sobre o asunto organizativo

2.- Estado de contas.

3 .- INFORMACION XERAL.-

• Situación actual da loita contra REGANOSA.
  
• Probábel conflito no Servizo da Limpeza e Recollida de Lixo do Concello de Ferrol.
• Seguen as descargas de clinker no Porto de Ferrol sen que a Autoridade portuaria poña medidas de seguridade que remedie as fugas da perigosa sustancia.
• Reunión co Alcalde e as concellarías de Rural, Medioambiente e Urbanismo, polo asunto da Fraga de Menáncaro, prevista para este luns 25 de febreiro ás 11 da mañá, coa Comunidade Menáncaro, ADEGA, SGHN e Verdegaia.
• Ilegalidades de ENDESA na Mina das Pontes, polo asunto do lago Artificial.
• Antenas de Telefonía Movil Ilegais.
• Oposición ao proxecto de enlace entre a AP9 en Neda e a Autoestrada Ferrol-Vilalba (AG64).

4.- Lembranza de Carmelo Teixeiro.-

5.- Avalición da Manifestación Nacional que tivo lugar o pasado domingo 17 de Febreiro en Compostela convocada pola “REDE GALIZA NON SE VENDE”.

6.- Posicionamento da PA21 e a “ORDENANZA DE MEDIDAS PARA FOMENTAR E GARANTIR A CONVIVENCIA CIDADÁ NO ESPAZO PÚBLICO DE FERROL”.

7.- Suxestións e preguntas.

Ferrol a 22 de Febreiro de 2008.
___________

Exposición “ART NATURA”, que se inaugurará o 27 de febreiro ás 20 h na Casa da Cultura do Concello de Fene.

Esta exposición poderá visitarse dende o 27 de febreiro até o 14 de marzo e durante este período terán lugar 3 encontros:

12 de marzo ás 20 h : Encontro con fotógrafos

13 de marzo ás 20 h: Encontro con pintores

14 de marzo ás 20 h: Encontro con escritores


Concelleiro de Cultura e Ensino
Edgar Vigo López

Presidente ADEGA TRASANCOS
Xesús Andrés López Piñeiro

De: Nosup-trasancos
-nosup-trasancos@nosgaliza.org-
Para: artabra21@gmail.com
Data: 21 de fevereiro de 2008 16:02
Asunto: NÓS-Unidade Popular, pola retirada da falsa “Ordenança de Convivência”


NÓS-Unidade Popular, pola retirada da falsa “Ordenança de Convivência”

Diante da polémica aberta em relaçom à proposta de Ordenança de Convivência apresentada polo PSOE e IU, de NÓS-Unidade Popular queremos começar por congratular-se pola boa resposta que obtivo a nossa voz de alarme sobre a orientaçom repressiva e inapropriada de umha ordenança que, de aprovar-se crispará a convivência em lugar de favorecê-la.

Foi depois de apresentarmos a nossa avaliaçom de urgência sobre a proposta apresentada pola vereadora Sandra Rios (PSOE) e Javier Galán (IU), que outros grupos políticos aos quais a figemos chegar, como o BNG ou a própria IU, decidírom questionar também as evidentes carências e excessos da proposta.

Carências, porque nom enumera direitos, limitando-se a estabelecer desproporcionados regimes sancionadores, como se nom existissem já leis com que fazer frente a determinados excessos e actos vandálicos contra o património público.

Excessos, porque esse afám sancionador converte essa proposta de Ordenança numha iniciativa ultra-repressiva contra os movimentos sociais, punindo acçons tam legítimas como o reparto de folhetos ou a colagem de cartazes informativos com multas de até 750 euros.

Os próprios grupos municipais referidos figérom públicos outros pontos negros da proposta, e também no seio dos movimentos sociais do nosso concelho começa a estender-se a consciência do que implicaria a aprovaçom de umha Ordenança inspirada na política mais reaccionária e repressiva do PP.

Por todo o dito, de NÓS-Unidade Popular reclamamos a retirada da proposta de Ordenança e a renúncia a aprovar qualquer normativa coarte a livre expressom dos movimentos sociais. Ao contrário, os poderes públicos e, neste caso, a instituiçom municipal ferrolana, devem garantir o exercício desses direitos, com políticas de fomento da participaçom social na vida pública através de umha verdadeira democracia participativa.

Esperamos que os partidos que governam em Ferrol assumam essa necessidade e evitem entrar numha dinámica repressiva que traria conseqüências contrárias à pretensa convivência que figura no título de tam desafortunada Ordenança.

Assembleia Comarcal de NÓS-Unidade Popular em Trasancos

Ferrol, 21 de Fevereiro de 2008
______

De: eu-ferrolterra@esquerdaunida.org
-eu-ferrolterra@esquerdaunida.org-
Para: artabra21@gmail.com
Data: 21 de fevereiro de 2008 17:47
Asunto: Ante as descargas de clínker no Porto Exterior e o seu transporte polas estradas do Concello de Ferrol


COMUNICADO DE PRENSA

Ante as descargas de clínker no Porto Exterior e o seu transporte polas estradas do Concello de Ferrol

O Consello Local de Esquerda Unida de Ferrol, ante as descargas de clínker no Porto Exterior e o seu transporte polas estradas do Concello de Ferrol, quere manifestar o seguinte:

Este Consello Local presentou un escrito dirixido ao Alcalde en decembro de 2007 para que dera as ordes oportunas para vixiar o continuo trasiego de camións de gran tonelaxe polas estradas de Ferrol, así como copia escrita das condicións que dende o Goberno Central se impuxeron para realizar os transportes.

Temos que lembrar a limitación existente na tonelaxe para este tipo de transportes está sendo vulnerada pois os vehículos que realizan estas labores sobrepasan este peso xa que só en vacío acadan as 25 Tn., o límite son 16 Tn., co conseguinte deterioro das estradas do Concello. A isto, debémoslle engadir que estes vehículos unicamente protexen a mercancía cunha lona e calquera ráfaga de vento espalla o clínker, incluso entre núcleos poboados, co conseguinte risco para a saúde.

Doutra banda a Tenente de Alcalde e membros deste Consello Local mantiveron un encontro co máximo responsable da Autoridade da Autoridade Portuaria co fin de tratar este tema e poñer no seu coñecemento que se estána incumprir as condicións na descarga deste perigoso material, principalmente a carencia dunha tolva ecolóxica que permita a descarga sen riscos, posto que as descargas, na actualidade, se están a facer libremente e as partículas de clínker están a caer na Ría e esparcidas a través do ar polos arredores.

Non obténdose resultado positivo nin do escrito nin do encontro, este Consello Local entende que nin a Autoridade Porturia nin o Goberno municipal poden permitir por máis tempo esta situación e deben tomar as medidas necesarias para poñer fin á mesmas.

Dende o Consello Local de Esquerda Unida entendemos que non se está a dicir a verdade aos órganos de representación autonómica e estatal; consideramos unha falta de respecto cara a cidadanía que ante as pretensións exclusivamente económicas dun empresario, que antepón o lucro á seguridade e á saúde da veciñanza, se caia no seu xogo e se mire a outro lado deixando á cidadanía indefensa ante un ataque continuo á súa saúde. É por iso polo que o Consello Local de Esquerda Unida de Ferrol, e ao seu pesar, veráse na obriga de convocar accións de protesta no caso de que ante unha nova descarga deste material non se adopten as medidas necesarias para garantir a seguridade e paliar os efectos perniciosos da descarga e transporte deste material.

Ferrol, 21 de febreiro de 2008
___________________

De: asociacion Veciñal O Rosario-Inferniño
-avvorosario@gmail.com-
Para: artabra21@gmail.com
Data: 20 de fevereiro de 2008 12:05
Asunto: REIVINDICACIÓN URBASER

A Asociación Veciñal O ROSARIO- INFERNIÑO , mantivemos unha reunión co COMITÉ DE EMPRESA da empresa URBASER co fin de nos explicar as súas demandas laborais.

Apuntamos que contra a crenza popular de poder ter salarios recoñecidos ou soldos altos, os traballadores confirman que traballan con salarios baixos non chegando a ser "mileuristas" en varios casos.

XUNTANZA COS REPRESENTANTES DO COMITE DE EMPRESA DE URBASER S.A.

Ferrol, a 20 de febreiro de 2008.

A Xunta Directiva da Asociación Veciñal O Rosario – Inferniño quer informar que o día de onte mantivo unha entrevista con representantes do Comité de Empresa de URBASER S.A.

Os representantes dos traballadores da nomeada empresa convocaron dita entrevista coa finalidade de informar a esta Xunta Directiva, dentro da rolda de entrevistas que ten previsto realizar con representantes de todas as asociacións veciñais da cidade, da situación na que se atopa a negociación do Convenio Colectivo da empresa.

Os representantes sindicais expresaron a súa preocupación ante a FALTA DE DIALOGO que, ate o momento, amosou a Dirección de Urbaser, xa que non parece disposta a sentarse a negociar o novo Convenio coa PLATAFORMA DE REPRESENTACIÓN formada por tres das catro Centrais Sindicais presentes no Comité, que contan co apoio maioritario da Asemblea de Traballadores e da maioría dos membros do Comité.

Os traballadores quixeron manifestarnos, de xeito resumido, cales son as reivindicacións básicas deste novo Convenio, coa finalidade de que a veciñanza teña información clara e non sexa intoxicada con falsas especulacións. Así informaron que reclaman, entre outras medidas: no ámbito salarial a EQUIPARACIÓN COA MEDIA SALARIAL DOS TRABALLADORES DAS EMPRESAS DE LIMPEZA DAS SETE CIDADES MAIS IMPORTANTES DE GALIZA (segundo manifestan son os que perciben o salario menor de todas, sendo incluso un 30% inferior aso traballadores de Urbaser en Lugo), no ámbito laboral solicitan A PROMOCIÓN INTERNA DOS TRABALLADORES COMO FORMA DE OCUPAR TODAS AS CATEGORIAS LABORAIS, e non a contratación externa a dedo para ocupar os postos superiores. Solicitan tamén QUE NON SE PERDAN CERTOS DEREITOS XA CONSEGUIDOS NO CONVENIO COLECTIVO APROBADO NO ANO 2005 e que a empresa de xeito unilateral pretende recortar.

A Xunta Directiva desta Asociación considera que un conflito colectivo neste sector é sempre moi prexudicial para a veciñanza, polo que APOIA AS DEMANDAS DE DIALOGO DOS REPRESENTANTES DOS TRABALLADORES E SOLICITA DA DIRECCIÓN DA EMPRESA URBASER S.A. que ESGOTE TODAS AS VÍAS DE DIALOGO POSIBLE COS REPRESENTANTES DOS TRABALLADORES EN EVITACIÓN DUN POSIBLE CONFLITO COLECTIVO.

Así mesmo e, como queira que a citada empresa realiza un servizo público en réxime de concerto para o Concello de Ferrol, EISIXIMOS dos responsables municipais que, si fose necesario, medien na negociación que se propón e garanta unhas condición laborais dignas para uns traballadores que prestan un servizo esencial para a cidadanía, evitando as graves consecuencias que sempre comporta un conflito laboral neste sector.

Esta Xunta Directiva tamén quer facer público o seu total apoio e aplauso a esta iniciativa do Comité de Empresa de Urbaser, na que fai partícipe ao movemento veciñal, e por extensión a toda a veciñanza, dunha situación que pode desembocar nun problema que padeceriamos todas e todos e o fai antes de que o mesmo se produza.

O SECRETARIO.-
Pedro CACHAZA PEREIRO

O PRESIDENTE.-
Xosé Manuel SANXOAN CAAMAÑO

--
ASOCIACION VECIÑAL O ROSARIO- INFERNIÑO
CIF-G70006473
correo-e: avvorosario@gmail.com
blog da asociación: ferrolnovo.blogspot.com

De: Alexandre -mpoulo@teleline.es-
Para: artabra21@gmail.com
Data: 20 de fevereiro de 2008 22:35
Asunto: Crónica: a mobilización social que volve


Crónica: a mobilización social que volve
19-02-2008

O pasado domingo 17 de febreiro medio cento de colectivos de ámbito fundamentalmente local e comarcal (a excepción das organizacións de carácter ambientalista) lograron axuntar, nunha manifestación na capital galega, a preto de 10.000 persoas, baixo o rotundo lema de “Galiza non se vende”. Esta mobilización é se cadra, e até o día de hoxe, o maior toque de atención que sectores sociais que propiciaron o cambio político-institucional en Galiza lle dan ao actual goberno bipartito da Xunta. Así, o lema máis coreado da marcha foi “Galiza non se vende, goberne quen goberne”, toda unha declaración de principios para esta iniciativa mobilizadora.


Mensaxe de esquerdas e nacionalista

Aínda que as reivindicacións destes colectivos sexan en si moi heteroxéneas, xa que van desde o rexeitamento do Plan Acuícola que pretende desenvolver o Goberno galego até a defensa de enclaves como o Courel, pasando pola oposición á instalación de Reganosa na ría de Ferrol ou aos proxectos urbanísticos na costa do Morrazo, na mobilización víase un fío condutor común: a defensa da Terra, do territorio, fronte aos abusos que se veñen cometendo desde as esferas do mundo empresarial ou do propio poder político. Un discurso non excesivamente articulado, mais que si se pode situar nos parámetros da esquerda transformadora (denuncia do papel das multinacionais, cuestionamento das políticas neoliberais, etc.) e mais no nacionalismo emancipador (defensa da identidade propia...).

Nese sentido, rastréxase perfectamente o pouso que deixou na sociedade galega a experiencia da plataforma Nunca Máis e e do seu pulo mobilizador tras a marea negra do Prestige de finais do ano 2002. A mobilización do día 17 bebe desas augas e volve situar nun primeirísimo plano o papel da autoorganización social e dun sentimento de país como o que no seu día fora quen de xerar a devandita plataforma.


O PSOE incapaz de encaixar a mobilización

O PSOE, por boca do propio Pérez Touriño e mais de Pachi Vázquez, conselleiro de Medio de Ambiente, non tardou en responder as demandas cidadás, acusando de “oportunistas” aos promotores da mobilización. Unha resposta que é obvio que non agocha o malestar nas fileiras socialistas ante as críticas á súa xestión de Goberno, sobre todo en áreas como Pesca, Medio Ambiente e Política Territorial. Son conscientes, ademais, e de aí a súa actitude chulesca nas súas declaracións, de que boa parte da xente que se mobilizou son persoas e colectivos da base social do nacionalismo e, polo tanto, pouco se poden ver afectadas as súas posibilidades electorais no noso país nos vindeiros comicios de marzo.


Silencio na dirección do BNG

Pola súa vez, o BNG garda un estraño mutismo(*) a respecto da devandita mobilización. A súa dirección política semella sorprendida polo evidente éxito da convocatoria e é sabedora de que ese éxito mobilizador está motivado polo traballo social –en plataformas veciñais- de persoas estreitamente vinculadas á organización frontista. De feito, máis alá das caras públicas do BNG das que se facían eco os medios, como as dos agora “críticos” X. M. Beiras ou Camilo Nogueira, tamén se advertía a importante presenza de militantes desta organización de menor relevancia pública, mais que desenvolven traballo militante en diversas localidades ou comarcas do país.

Fronte a esta realidade, foi clamorosa a ausencia dos pesos pesados do BNG na mobilización, a diferenza do que acontecía antes da súa chegada ao goberno coas convocadas, por exemplo, por Nunca Máis. E este é un factor que tampouco non pasou desapercibido para os manifestantes, que mesmo expresaban o seu desamparo ante este feito, xa non tanto coas consignas (que tiñan como destino preferente a Pérez Touriño e á súa conselleira de Pesca, Carmen Gallego) senón cos comentarios que se deixaban sentir tanto na propia mobilización como nos foros de internet.


Custos, a curto prazo, ao nacionalismo político

Polo tanto, seguramente sexa o BNG a forza máis damnificada a curto prazo polos ánimos concitados tras a mobilización promovida pola plataforma ‘Galiza non se vende’, co risco que isto supón para as expectativas políticas da devandita forza nacionalista, que depende máis que ningunha outra do esforzo dos seus militantes e achegados.

A tradución política disto sería unha perda, aínda relativa, nos apoios electorais ao BNG nas vindeiras eleccións a Cortes Xerais e máis posibelmente nos comicios autonómicos do ano 2009 (se finalmente o PSOE non decide unilateralmente un adianto electoral, tras as eleccións de xuño). Esta posíbel perda de votos do BNG iría ao saco da abstención, xa que nin Izquierda Unida –cun importante despregue de cadros políticos na manifestación- nin as opcións existentes hoxe no independentismo organizado (FPG e NÓS-UP, que nin sequera foron quen de presentar listas aos devandito comicios) parecen estar en disposición de recoller o descontento que se está a xerar nun sector importante do nacionalismo que tradicionalmente viña apoiando ao BNG.


Reflexión da dirección nacionalista

Porén, a día de hoxe, é impredicíbel a lectura que a dirección da organización nacionalista vai facer desta mobilización, aínda que resultaría inexplicábel que non xerase ningún tipo de reflexión nos cadros políticos que conforman o actual equipo dirixente do BNG, con Anxo Quintana á cabeza.

De non o facer, e de non actuar en consecuencia, a dirección do BNG cometería unha grave irresponsabilidade que contribuiría a afondar no que algúns sectores e colectivos denominan como a ‘deriva’ na que se vén sumindo esta forza política, acentuada se callar aínda máis polo seu acceso a responsabilidades de goberno na Xunta de Galiza.

Galiza, 19 de febreiro de 2008

(*) A prensa escrita do día 20 de febreiro recolle as delirantes palabras de Francisco Rodríguez, membro da Executiva do BNG e que viña desenvolvendo o seu traballo político como deputado no Congreso dos Deputados, descualificando por completo os obxectivos da mobilización e as persoas e colectivos que se manifestaron, chegando mesmo a utilizar o adxectivo "desleal" para definir o seu proceder.

De: ASOCIACION VECIÑAL FONTELONGA
-avvfontelonga@mundo-r.com-
Para: artabra21@gmail.com
Data: 19 de fevereiro de 2008 17:21
Asunto: Brona do Valedor do Pobo


PREOCUPACIÓN CIDADÁ

O Valedor amoesta aos alcaldes polas antenas de telefonía ilegais

A institución que dirixe Benigno López denuncia que os concellos confírmanlle que estas estacións non contan con licenza, pero non fan nada para que deixen de funcionar ·· Segundo o seu último informe, só en 2006 tivo constancia de nove municipios nos que se daba esta situación

NATALIA SEQUEIRO - SANTIAGO
18.02.2008

Unha reacción moi morna ou condescendiente. Así cualifica o Valedor do Pobo a resposta da maior parte de concellos galegos cando lles traslada a preocupación dos cidadáns pola instalación de antenas de telefonía móbil próximas ás súas vivendas. Na memoria anual de 2006, remitida recentemente ao Parlamento, Benigno López recórdalles aos alcaldes que todas as instalacións deben contar cunha licenza para o seu funcionamento. A pesar diso, subliña o Valedor, "é frecuente atopar concellos que confirman os motivos da queixa dos cidadáns, isto é, que a antena non conta con permiso municipal".

Desde finais dos 90, numerosos colectivos veciñais de toda Galicia dirixíronse ao Valedor do Pobo preocupados pola proximidade das antenas aos seus domicilios ou ás escolas dos seus fillos. Os cidadáns consideran molestas estas instalacións e temen que poidan causar enfermidades no barrio. "Un dos exemplos máis claros de preocupación social polas repercusións das infraestruturas na saúde e na calidade de vida atopámolo no considerable número de queixas recibidas pola proximidade de antenas de telefonía móbil a vivendas", sinala o informe.

A institución que dirixe Benigno López sinala que "os riscos asociados ao progreso social deben vir acompañados das suficientes garantías e controis que permitan minimizar o perigo". Segundo o Valedor, é necesario aplicar o principio de precaución ou prevención, no caso de que non se estea seguro de que os avances técnicos sexan inocuos.

Só en 2006 -o ano do último informe publicado pola institución encargada de supervisar a actividade das administracións públicas galegas- o Valedor tivo constancia de que en nove municipios funcionaban antenas sen licenza municipal. Estes, segundo recóllese no informe, foron Culleredo, Ferrol, Santiago, Tui, Chantada, Ares, Vigo, Porto do Son e Redondela.

O Valedor pon de manifesto que os concellos adoitan escudar a súa responsabilidade e pasarlle a pelota a outras administracións. Foi o caso de Santiago ou Chantada. Nas súas comunicacións á oficina que dirixe Benigno López, os responsables municipais xustificaron o seu permisividad alegando que nas antenas situadas en chan rústico, a competencia recae na Consellería de Política Territorial. No informe, o Valedor recórdalles aos alcaldes que segundo a Lei 9/2002 de ordenación urbanística de Galicia e segundo o Regulamento de Actividades Molestas, Insalubres, Nocivas e Perigosas, (Raminp) son os concellos os que deben evitar os funcionamentos irregulares. "Pero o certo é que as antenas continúan funcionando", conclúe o Valedor.

O CASO

Culleredo

No informe, do ano 2006, o Valedor do Pobo explica o caso de Culleredo. Tras recibir unha queixa dirixíronse ao Concello para comunicarlle o funcionamento irregular de antenas. Este resolveu paralizalas, pero, con todo, non executaba a orde e seguían funcionando.
_____________

ANTENAS-PERIGO-MOVIL
RADIACIÓNS ELECTROMAGNÉTICAS FÓRA DE FERROL.
"ANTENAS DE TELEFONÍA NON"


http://www.espacioblog.com/antenas-peligro-movil/blog
_________________

De: ASOCIACION VECIÑAL FONTELONGA
-avvfontelonga@mundo-r.com-
Para: artabra21@gmail.com
Data: 19 de fevereiro de 2008 17:39
Asunto: ALGO PASA NA QUINTANA.../ POR Antón XIL


ALGO PASA NA QUINTANA.../ POR Antón XIL

A multitudinaria manifestación do domingo en Santiago deixa un pouso de consecuencias impredecibles para os vindeiros comicios xerais. Desde logo o éxito da participación debe provocar entre os máximos responsables do goberno bipartito certo exercicio de reflexión e, incluso, autocrítica posto que moitos dos que se concentraron na Praza da Quintana axudaron a que PSOE e BNG compartan hoxe tarefas de goberno.

Unha boa parte da masa social que sustenta o respaldo electoral da esquerda e dos nacionalistas decidiron darlle un toque de atención, en forma de manifestación, aos membros do goberno bipartito para esixirlles que asuman (non na teoría, senón na práctica) moitos dos postulados das plataformas cívicas que promulgaron o cambio nos despachos oficiais de San Caetano.

O corpo reivindicativo dos manifestantes xirou ao redor dos tradicionais postulados que identificaron, ata o de agora ao BNG, en maior medida, e ao PSOE. De feito, líderes históricos do nacionalismo galego, como Xosé Manuel Beiras e Camilo Nogueira, non só se deixaron ver na mobilización senón que participaron de xeito moi activo, o cal da bo exemplo de que algo está a pasar no seo da esquerda.

Desde logo os milleiros de persoas que se deron cita na Praza da Quintana pouco tiñan que ver, nas súas querenzas ideolóxicas, con Núñez Feijóo e o Partido Popular; máis ben ao contrario, o que lle dá un valor especial a esta convocatoria que pouco, ou máis ben nada, gustou entre os estrategas electorais das dúas forzas políticas do bipartito; sobre todo polas consecuencias impredecibles que isto pode traer de cara aos comicios do 9 de marzo: Desde o abstencionismo do sector "máis concienciado" do nacionalismo ata un voto de castigo cara a opcións minoritarias e sen tradución práctica en escanos, o cal evidenciaría que as cousas en Galicia non se estarían a facer de maneira satisfactoria para os sectores sociais tradicionalmente máis combativos.

Se a esquerda real, a que se mobiliza, comeza a ter dúbidas serias sobre o grao de transformación que está a liderar o goberno bipartito, parecería ser este un motivo importante para que Quintana e Touriño se poñan as pilas se queren seguir gobernando o país...
_________________

De: SGHNFERROL -sghnferrol@teleline.es-
Para: artabra21@gmail.com
Data: 18 de fevereiro de 2008 19:03
Asunto: Nota de Prensa

Prégase a súa difusión

Oposición ao proxecto de enlace entre a AP9 en Neda e a Autoestrada Ferrol-Vilalba (AG64)

O pasado venres 1 de febreiro tivo lugar no local da Fundaçom Artábria, en Ferrol, unha reunión entre os grupos ecoloxistas da comarca (Adega-Trasancos, SGHN-Ferrol e Verdegaia) e veciños/as de Neda, para tratar sobre o proxecto de construción dunha vía de alta capacidade de conexión da AP-9 (enlace Neda) coa AG-64 (enlace S. Sadurniño).

Os/as reunidos/as en dita mesa coincidimos en rexeitar este proxecto, por entender que actualmente carece de sentido, xa que o concello de Neda, coas infraestruturas que existen na actualidade, está perfectamente conectado coa autoestrada AG64 (Ferrol-Vilalba) por medio de alomenos estas tres opcións:

o Usando a AP9 dirección Ferrol e desviándose cara ao Polígono do Río do Pozo.
o A estrada AC-641 e a súa continuación na estrada AC-642.
o A través do enlace entre Vilar do Colo e a estrada Cabanas - As Pontes.

A vía rápida proxectada causaría consideraveis prexuízos no Concello, fraccionando pola metade o seu territorio, e atravesando ao seu paso zonas de interese ambiental, paisaxístico, agrario e forestal. Por unha parte está a afectación ás Fragas do Río Belelle, que forman parte da proposta de ampliación da Rede Natura 2000 presentada pola Xunta de Galicia (non hai que esquecer que se trata dunha das fragas máis importantes da provincia). Por outro lado, afecta tamén ao Lugar de Importancia Comunitaria “Río Castro”, que xa forma parte desta rede de espazos protexidos.

Á variedade de ecosistemas existentes no concello debemos engadir unha interesante zona de marismas de fondo de ría na franxa litoral.

Estes argumentos son os que decidiron a algunhas entidades ecoloxistas a demandar figuras de protección para os puntos de maior interese ambiental, e ao concello de Neda que axustase as súas previsións de desenvolvemento a estas circunstancias, primando por riba doutras opcións as actividades relacionadas co sector turístico e hosteleiro, así como o mantemento das actividades xa existentes. Este proxecto daría ao traste con estas pretensións.

O interese económico que puidera servir de argumento para levar adiante o proxecto esvaécese totalmente ante os danos económicos que produciría no concello, ao quedar afectadas propiedades de gran valor. Estes efectos negativos veríanse agravados pola alta densidade poboacional dalgunhas zonas atravesadas polo trazado.

Ante estas ameazas, entendemos que non se pode realizar este proxecto sen a máis mínima consideración nin previsión das afeccións que pode causar ao patrimonio do concello.

A execución do Plan Xeral de Ordenación Municipal obrigaría a unha axeitada orientación de territorio acorde coa Lei do Solo. Entre tanto é absurdo concebir unha obra de tal envergadura e consecuencias tan nefastas, máxime cando estamos a falar dun dos concello ambientalmente mellor conservados da comarca. Non vemos a razón de anteceder esta obra ao PXOM.

Non podemos deixar de lado tampouco os prexuízos que esta obra causará a propiedades privadas, directamente por expropiacións de predios e, indirectamente, por contaminación acústica, modificación dos cursos de augas superficiais e freáticas, o que inclúe cegado de fontes, desvío de regos, etc. Sen esquecer que unha elevada porcentaxe da poboación residente hoxe en día elixiu esta magnífica paraxe como un modelo de vida alternativo á vida urbana.
______________

De:Fuco Buxán Asoc. Cultural - Ferrol
-fucobuxan@gmail.com-
Para: artabra21@gmail.com
Data: 18 de fevereiro de 2008 17:07
Asunto: Proxección Película




PLANTA DE GAS FORA DA RÍA !!
___________

Ficha Técnica:
Título orixinal: Vajont - La diga del disonore
Xénero: Drama
País: Italia, Francia
Duración: 116 minutos
Dirección:
Renzo Martinelli
Interpretación:
Michel Serrault
Daniel Auteuil
Laura Morante
Jorge Perugorría
Anita Caprioli
Leo Gullotta
Philippe Leroy
Jean-Christophe Brétigniere
Nicola Di Pinto
Federica Martinelli
Eleonora Martinelli
_____

De: Ferrol CAPE -ferrol.cape@gmail.com-
Para: artabra21@gmail.com
Data: 17 de fevereiro de 2008 21:48
Asunto: Os Bombeiros de Boston alertan sobre devastación da cidade por accidente nun gaseiro


OS BOMBEIROS DE BOSTON ALERTAN SOBRE DEVASTACION DA CIDADE POR ACCIDENTE NUN GASEIRO

ENVIA: www.f-cape.org Colectivo universitario opositor á planta de gas (GNL) da ría de Ferrol

Remitimos artigo de prensa publicada hoxe día 17 de febreiro do 2008, en The Boston Channel

Nota: En vermello aclaracións de www.f-cape.org, tradución de www.f-cape.org

Boston: Un gaseiro cargado de Gas Natural Licuado (GNL) (o Catalunya Spirit) axitou Boston. O servizo de gardacostas de EE.UU. (USCG) asistiu a un gasero que estaba á deriva a pasada semana na zona de Cape Cod. (Massachusetts, tal como informamos anteriormente).

Os bombeiros de Boston aproveitaron este incidente para arremeter onte (sábado) contra o alcalde Tom Menino. Aseguran os bombeiros que a cidade non está preparada para atender un desastre provocado por un accidente con GNL.

"A devastación na cidade de Boston sería peor que a rexistrada en Nova Orleans polo Katrina", dixo Ed Kelly, presidente da Unión de Bombeiros de Boston. Un furacán en forma dun lume masivo é o que os bombeiros de Boston predín se un petroleiro de GNL explota. Eles dixeron que a cidade non está preparada. "O Corpo de bombeiros de Boston ten un barco contraincendios para responder a tal desastre, cuxo barco foi construído a finais dos anos 60, e non é fiable" dixo Kelly. " O alcalde non fixo nada para implantar un plan de urxencia para mitigar a traxedia". O Concello recoñeceu o perigo dunha explosión.

"O transporte de gaseiros con GNL polo porto de Boston expón un risco inherente á cidade de Boston" dixo nun comunicado de prensa Donald McGough, da Oficina de Estado de Urxencias. "O alcalde Menino foi claro sobre a súa oposición a esta situación. "

O alcalde de Boston realizou diversas declaracións en contra da planta de GNL de Everett, situada no porto de Boston, e con maior insistencia despois do ataque terrorista ás Torres Xemelgas de Nova York. Durante as eleccións pasadas de EE.UU.-fai catro anos- Os demócratas fixeron a súa convención en Boston e durante as semanas (anterior e posterior) a esta convención prohibiuse entrar aos gaseros entrar no porto. O mesmo candidato á presidencia John Kerry manifestou a súa oposición a algunha das plantas propostas en EE.UU., como é o caso de Fall River xa que a el aféctalle.

PLANTA DE GAS FORA DA RÍA!

Máis Info:
http://www.thebostonchannel.com/news/15321770/detail.html

Saludos,
www.f-cape.org
__________

Video da noticia
_______

Rotundo éxito da manifestación Nacional de Compostela da Rede "Galiza Non Se Vende" [17.02.2008]

Sobre unhas 10.00 persoas participaron este domingo 17 de febreiro, nunha Manifestación Nacional en Compostela, na defensa do noso litoral, dos nosos ríos, dos nosos montes, dos nosos bairros, ... na Defensa da Terra.

A manifestación tiña como un dos seus obxectivos denunciar as políticas continuistas do goberno bipartito. Máis de 60 colectivos e organizacións sociais e ecoloxistas denuncian a aplicación desas políticas que só benefician a un puñado de especuladores e demandan un cambio radical ao goberno da Xunta de Galicia.

Ver a noticia na web da Rede "Galiza Non Se Vende":
Masiva asistencia á manifestación contra a destrución do territorio

A noticia en Vieiros:
Milleiros de persoas berran "Galiza non se vende"

A Noticia en Galicia-Hoxe
Os cidadáns censuran o bipartito co berro de "Galiza non se vende"
___________

Enlaces Relacionados:

• Todo preparado para a Manifestación do domingo 17 de febreiro
  
  
• Manifesto 17 de Febreiro de 2008, da Rede Galiza Non Se Vende
  
  
• Enlace cunha completa información en Vieiros, onde se pode ver o video da rolda de prensa en Compostela e con comentarios á noticia
  
  
• 17 de febreiro, Manifestación Nacional en Compostela na defensa da Terra, do noso litoral, dos nosos ríos, dos nosos montes, dos nosos bairros, ...
  

________

Para baixar as Fotos da Galería con resolución alta, entrar en:
Galería manifestación 17-F da Rede "Galiza Non Se Vende"

Manifestación Nacional en Compostela da Rede "Galiza Non Se Vende" [17.02.2008]

_________

Este domingo 17 de febreiro, ás 12 do mediodía, na Alameda de Santiago de Compostela, a Rede "Galiza Non Se Vende", convoca a toda a cidadanía a participar nunha Manifestación Nacional para demandar un inmediato cambio de rumbo na política medioambiental, industrial e de ordenación do territorio da actual Xunta de Galicia que en moitos dos seus aspectos mostrase continuista coa fragista. Somos cada vez máis as organizacións e persoas que demandamos este cambio e traballamos por el desde diferentes ámbitos. Na nosa Comarca as organizacións que participamos na Rede, asumimos como principal a oposición ao desprósito gasístico de REGANOSA dentro da Ría, este domingo berraremos con forza PLANTA DE GAS FORA DA RÍA !!

• Porque a Ría non se vende.
  
• Porque o mundo non está á venda e Galiza tampouco.
• Porque as persoas e o ambiente deben estar por riba do lucro.
• Porque é imprescindíbel deseñar e implementar xa un ordenamento territorial baseado na sustentabilidade ecolóxica e a xustiza social.
• Porque para isto é necesaria unha cidadanía forte e autoorganizada que sensibilice, presione e achegue alternativas.
  

Terra viva e vida digna para tod@s!
Todas e Todos a Compostela este Domingo 17 de Febreiro !!
__________________

Enlaces relacionados:

• Manifesto 17 de Febreiro de 2008, da Rede Galiza Non Se Vende
  
  
• Enlace cunha completa información en Vieiros, onde se pode ver o video da rolda de prensa en Compostela e con comentarios á noticia
  
  
• 17 de febreiro, Manifestación Nacional en Compostela na defensa da Terra, do noso litoral, dos nosos ríos, dos nosos montes, dos nosos bairros, ...
  
  _________

A Xunta Coordenadora da Plataforma Ártabra 21, reunida o pasado Xoves 14 de febreiro, acordou manifestar publicamente o seu rexeitamento á “ORDENANZA DE MEDIDAS PARA FOMENTAR E GARANTIR A CONVIVENCIA CIDADÁ NO ESPAZO PÚBLICO DE FERROL” , por cosiderar que restrinxe a Liberdade de Expresión, dado que pretende penalizar económicamente e de xeito abusivo, un dos métodos de comunicación que utiliza habitualmente o movimento cidadán, cultural, veciñal e social da cidade, para publicitar as súas demandas, actividades e reivindindicacións. A ordenanza só se pode calificar de represiva, reaccionaria e restrictiva de dereitos da cidadanía.

A Plataforma Ártabra 21, decidimos solicitar ao Concello que paralice o proceso de aprobación que está en marcha e inicie un proceso de consultas cos colectivos, asociacións e organizacións que conforformamos o movimento cidadán e veciñal de Ferrol.

A PA21 está disposta a mobilizar ao movimento cidadán, cultural, veciñal e social da cidade, para combater semellante intento de coartar a liberdade de expresión e de restrinxir os dereitos á cidadanía. E lamentamos profundamente que isto se faga desde un goberno municipal que se fai chamar así mesmo "progresista".
_______

Enlaces relacionados:

Borrador da ordenanza de medidas para fomentar e garantir a convivencia cidadá no espazo público de Ferrol
[16.01.2008 - en formato PDF]

Seguridade somete ás aportacións das entidades veciñais a futura ordenanza de convivencia
[13.02.2008]

NÓS-Unidade Popular ante o rascunho da "Ordenança de convivência cidadá"
[15.02.2008]

Surden as primeiras críticas ao borrador da ordenanza da convivencia
[Diario de Ferrol 17.02.2008]

Esquerda Unida rechaza la creación de agentes cívicos propuesta por su socio
[Diario de Ferrol 20.02.2008]

NÓS-Unidade Popular, pola retirada da falsa “Ordenança de Convivência”
[21.02.2008]

___________

De: Nosup-trasancos
-nosup-trasancos@nosgaliza.org-
Para: artabra21@gmail.com
Data: 15 de fevereiro de 2008 17:03
Asunto: NÓS-Unidade Popular ante o rascunho da "Ordenança de convivência cidadá"


NÓS-Unidade Popular ante o rascunho da "Ordenança de convivência cidadá"

Encaminhamos em anexo a posiçom de NÓS-Unidade ante o rascunho de "ordenança de convivência cidadá" que pretende aprovar o governo municipal de Ferrol o próximo dia 28 de Fevereiro e que atenta gravemente contra os direitos de liberdade de expressom.

Querem calar a voz dos movimentos sociais

Nom à nova “Ordenança de Convivência Cidadá” copiada polo PSOE e IU ao Partido Popular

É difícil defender posiçons contrárias à convivência, e nom seremos nós quem o fagamos. Por isso o governo municipal de Ferrol decidiu dar à nova Ordenança que pretende eliminar a presença pública dos movimentos sociais das ruas de Ferrol o nome de “Ordenança de Convivência Cidadá”. Um nome enganoso que oculta medidas contrárias à livre expressom dos vizinhos e vizinhas organizadas e do activismo social, no meio de outras medidas contra o vandalismo.

Umha ordenança, a proposta polo concelheiro de Participaçom Cidadá, Javier Galán, e a concelheira de Segurança Cidadá, Sandra Rios, que proibirá pendurar faixas, colar cartazes ou repartir folhetos, etc.

Umha ordenança cheia de imposiçons, deveres, restriçons e de sançons económicas, e carente dos direitos correspondentes às pessoas que fazemos uso das nossas ruas, entre outras cousas, para informar de eventos culturais ou realizar reivindicaçons concretas que nos afectam como ferrolanos e ferrolanas.

Umha ordenança que nasceu da iniciativa do governo anterior, formado polo PP e IF, e que o novo retoma de maneira acrítica, assumindo medidas concretas contra o exercício das liberdades civis no nosso concelho.

Especialmente chamativa é a participaçom de Izquierda Unida nesta proposta de ordenança que leva o mesmo nome e mui parecidos conteúdos que a “Ordenança de Convivência” imposta polo Partido Popular no concelho de Cáceres no ano passado. Ali, IU fijo frente a um texto que, como este, tinha um marcado carácter repressivo e contrário à livre expressom e actividade dos movimentos sociais.

Em Ferrol, agora que está no governo, IU propom-nos um texto infumável que mistura e persegue por igual o vandalismo urbano e as actividades dos movimentos sociais nas nossas ruas.

Vejamos alguns exemplos do que poderá acontecer se se aprova a mal chamada “Ordenança de Convivência”

Sim, vejamos alguns exemplos das arbitrárias sançons económicas incluídas no novo texto. No artigo 21 di que pola colocaçom de cartazes, rótulos, pancartas, autocolantes, papéis colados ou outras formas de publicidade, em lugares nom “expressamente habilitados para o efeito pola autoridade municipal”, serám impostas multas de entre 120 e 750 euros. O mesmo pola colocaçom de “cartazes e faixas em edifícios e instalaçons municiapais ou em qualquer espaço público ou elemento da paisagem ou o mobiliário urbano ou natural, sem autorizaçom expressa do concelho”.

Ponhamos alguns exemplos que seriam sancionáveis por esse conceito:

1. A Fundaçom Artábria costuma anunciar o seu Festival da Terra e da Língua por meio de faixas e cartazes feitos à mao ou de imprensa em diferentes pontos do concelho. Em nengum caso causam qualquer desperfeito ou dano em elementos urbanos, mas aplicando as normas impostas na nova Ordenança, Artábria teria que pagar entre 120 e 750 de multa cada vez que figesse isso.

2. O Comité de Emergência promove a distribuiçom de faixas vermelhas com a legenda “Planta de Gás Fora da Ria”, que som colocadas por muitas pessoas em diferentes espaços públicos do concelho, como forma de protesto contra Reganosa. Com a nova Ordenança na mao, também o Comité deveria ser multado com entre 120 e 750 euros.

3. A vizinhança de Sartanha mantivo durante vários anos a sua oposiçom ao projecto de piscina numha praça do bairro, colando amiúde cartazes feitos à mao em diferentes pontos do bairro para denunciar o projecto especulativo do anterior governo. Com a nova Ordenança aprovada, essas acçons propagandísticas mereceriam multas de entre 120 e 750 euros cada umha.

4. A vizinhança de Menáncaro e os colectivos ecologistas da comarca mantivérom durante meses umha faixa reclamando o fim do projecto de construçom de chalés numha zona de grande valor natural do nosso concelho. Se estivesse aprovada a nova Ordenança, essa acçom reivindicativa e cívica custaria entre 120 e 750 euros aos vizinhos e vizinhas de Menáncaro.

5. Organizaçons políticas como Uniom Libertária ou a que assina este texto, NÓS-Unidade Popular, realizam habitualmente campanhas de denúncia mediante a colagem de cartazes e faixas em paredes sem valor patrimonial ou artístico do nosso concelho. Com a nova Ordenança, também essas acçons propagandísticas serám punidas com multas de entre 120 e 750 euros.

6. Poderíamos continuar com a colagem de cartazes com informaçons sobre actos culturais por parte de associaçons vicinais ou culturais de Ferrol. Todo isso vai ficar proibido e duramente perseguido com fortes multas.

Mas os disparates da nova proposta de Ordenança nom ficam aí: o artigo 21 proíbe também “rasgar, esparexer, arrincar e botar no espaço público cartazes, anúncios, faixas e objectos similares”. A partir daí, as pessoas físicas ou jurídicas (entidades) que assinam os cartazes ou folhetos que aparecerem esparexidos no chao serám responsáveis e multadas com entre 120 e 750 euros.

Assim, se um colectivo pom umha mesa de reparto de propaganda, poderá ser multado se aparecerem no chao folhas das que distribui entre as pessoas que circulam pola zona, com umha multa de entre 120 e 750 euros.

No caso de murais ou pintadas, a nova Ordenança nom se limita a proteger edifícios ou muros privados ou de valor artístico e/ou patrimonial. Em lugar disso, no artigo 18 proíbe qualquer mural ou pintada, reivindicativo ou artístico, em qualquer espaço urbano, sem mais excepçom que a que contar com licença de um proprietário ou do próprio concelho. E aí as multas som ainda mais elevadas, indo dos 750 aos 3.000 euros.


Portanto, um mural realizado num muro abandonado e deteriorado, sem nengumha funçom concreta, será punido com umha multa de, como mínimo, 750 euros, mesmo sem que haja nengum tipo de reclamaçom ou denúncia por parte da pessoa proprietária. Só porque assim o determina esta antidemocrática Ordenança.

Conclusom: nom é a Ordenança da Convivência, é a ordenança para calar a voz dos movimentos sociais

Nom estamos a falar de ciência ficçom. Estes casos estám a dar-se já em concelhos que aprovárom ordenanças semelhantes às que agora nos proponhem o PSOE e IU em Ferrol. Assim acontece, por exemplo, em Compostela, onde som contínuas as denúncias e fortes multas contra associaçons de todo o tipo por fazerem publicidade das suas actividades.

Queremos insistir num facto importante: a Ordenança mistura o vandalismo urbano e o legítimo activismo das entidades sociais e vicinais. As sançons e proibiçons enchem as suas páginas sem que contenham como co-relato nem umha só enumeraçom de direitos sobre os usos dos espaços públicos do concelho.

Jogando com a nossa vontade de melhorar a habitabilidade do nosso concelho, o governo municipal promove um texto que permitirá actuaçons repressivas de maneira arbitrária contra o tecido associativo que considere incómodo ou crítico, enquanto os grandes partidos e as empresas privadas poderám continuar a lançar as suas mensagens publicitárias em espaços exclusivos de pago nas melhores ruas da cidade.

De NÓS-Unidade Popular consideramos fundamental que os movimentos sociais de Ferrol fagamos frente a esta agressiva proposta de Ordenança que, ao contrário do que di o seu nome, nom vai melhorar a convivência. Só vai promover a perseguiçom contra quem se move e reivindica na rua, um direito que devemos proteger frente a quem quer reduzir a democracia à emissom do voto umha vez cada quatro anos.

Que fazer?

Segundo os prazos previstos, a nova Ordenança será discutida em audiência com as associaçons vicinais no dia 14 de Fevereiro, onde serám recolhidas as suas sugestons. No dia 18 de Fevereiro, passará pola Comissom Informativa de Segurança, e no plano de 28 de Fevereiro irá a um Pleno Ordinário onde se votará o texto definitivo.

É necessário dirigir-se aos responsáveis políticos desta Ordenança e pedir-lhes a sua retirada. Especialmente, devem ser retirados os artigos 18 e 21, que atacam directamente a actividade de numerosas associaçons e entidades culturais, sociais, sindicais e políticas do concelho. Mas o conjunto da Ordenança é contrária a umha regulaçom democrática ao carecer de qualquer mençom aos direitos concretos das pessoas e à sua garantia, limitando-se a enumerar deveres e regimes sancionadores, com astronómicas multas em muitos casos injustificadas.

Umha leitura mais demorada da Ordenança permitirá sem dúvida umha crítica mais precisa e ampla, mas o silêncio com que está a ser levado o procedimento impediu-nos analisá-la com tempo. Convidamos-vos a fazer a vossa própria leitura e tomar a iniciativa contra este disparate jurídico que atenta contra os direitos democráticos da maioria.

Ferrol, Fevereiro de 2008

NÓS-Unidade Popular
_________

Quen queira copia da ordenanza referenciada ou o do documento de posición de Nós-Up ante a mesma, pode solicita-lo a:
nosup-trasancos@nosgaliza.org
______________
________

Opinión

De: amadeo -avarela36@mundo-r.com-
Para: artabra21@gmail.com
Data: 7 de fevereiro de 2008 23:26
Asunto: Carta perdida: A catástrofe de Reganosa



A catástrofe de Reganosa

Algunhas cadenas de televisión nos ofrecen a cotío reportaxes documentais de graves acidentes, baixo os títulos de “Grandes Catástrofes” ou “Segundos Catastróficos”, nos que, unha vez estudiadas as circunstancias dos desastres polos especialistas correspondentes, aparece case sempre como causante a concatenación de feitos que, aisladamente resultarían inofensivos.

Un pedazo de ferro aparentemente inofensivo, esquecido nunha pista dun aeroporto, ocasionou o desastre dun “Concord”: Un neumático do tren de aterraxe estalou, a llanta da roda ó tocar no chan fixo saltar chispas que, dalgún xeito, prenderon lume nun depósito de combustible.

Nunha cidade de Norteamérica, o contacto entre dúas tuberías de distintos materiais provocou unha pequena corrosión teóricamente imposible. A corrosión perforou a tubería de combustible, que durante moito tempo espallou gas polo subsolo da cidade; o cheiro alertou ós cidadáns, mais ninguén atopou a causa. Un día de moito calor produciuse unha serie de explosións que case borraron do mapa á cidade enteira.

Un inestable vaso plástico de café, verteu o seu líquido nos controles dun gran avión: O inofensivo café filtrouse polo medio dos conductores eléctricos e fixo curtacircuito entre dous terminais, provocando o sinal erróneo de avaría nun dos motores, inducindo ó piloto a desconectalo. Pouco despois, sucedeu o mesmo co segundo motor, o que obligou ó piloto a desconectalo tamén e tentar unha aterraxe de emerxencia que rematou en desastre total.

Noutro avión, algún operario esqueceu un pedazo de cinta plástica utilizada para protexer os sensores nas operacións de limpeza. Os sofisticados circuitos electrónicos, faltos da sinal dos sensores, transmitiron informacións erróneas e contradictorias de altitude e velocidade. Os pilotos estiveron voando practicamente a cegas durante certo tempo, e o desastre foi o resultado final.

Despois dos minuciosos estudios para averiguar as causas destes e outros accidentes, a conclusión final establece como desencadenante dos feitos a estupidez humana e moitas veces os intereses económicos.

Segundo estas conclusións, un desastre na estación regasificadora de Reganosa no pode tardar, tendo en conta que xa se produciron os primeiros fallos debidos á estupidez humana: o emplazamento da planta, pola teimosía de Fraga e Tojeiro; o consentimento das Autoridades e dos Políticos, polos intereses económicos; a apatía resignada dun pobo afeito a aturar todas as desgracias que lle botan enriba.

A cadea de despropósitos xa comezou. É cuestión de tempo que se vaian engadindo os seguintes elos: unha válvula atascada, unha tormenta imprevista, unha “agulla rocosa” no canal…

¿Pesimista? Non. Hai cousas que se ven vir.

Amadeo Varela Rodríguez
avarela36@mundo-r.com
______

De: Comité Cidadán de Emerxencia
-comitecidadan@gmail.com-
Para: artabra21@gmail.com
Data: 12 de fevereiro de 2008 19:33
Asunto: 15 de febreiro Homenaxe a Carmelo Teixeiro



______________

Enlaces relacionados:

• Centos de persoas despiden a Carmelo Teixeiro ...
• Morreu Carmelo Teixeiro, Coordenador do Comité Cidadá de Emerxencia para a Ría de Ferrol
• Martes 18 de decembro, recoñecimento a Carmelo Teixeiro e presentación do video "Ferrol polo mar e pola vida"
• Un agarimoso e fraternal abrazo

_____


______________

De: Ferrol CAPE -ferrol.cape@gmail.com-
Para: artabra21@gmail.com
Data: 12 de fevereiro de 2008 10:43
Asunto: O gaseiro "Catalunya Spirit" está á deriva perto de Boston - EE.UU.


O gaseiro "Catalunya Spirit" está á deriva perto de Boston - EE.UU.

Segundo as axencias de noticias o gaseiro "Catalunya Spirit" está á deriva a 35 millas ao leste de Chatham (Massachussetts). O gasero perdeu toda a potencia propulsiva cando se dirixía ao porto de Boston para descargar a carga de GNL na terminal de EVERETT. O gasero procedía das plantas de TRINDADE TOBAGO. O buque leva a bordo a 29 tripulantes.

O servizo de gardacostas dos EE.UU. (USCG) xa están na zona co seu buque "Cutter Escanaba" para axudarlle nas comunicacións. O armador do buque pediu a asistencia de dous remolcadores cando se iniciou a situación de alerta. Onte á tarde pediu outros dous máis dada a situación de mal tempo.

Este buque é de recente construción aínda que xa se lle detectaron serios problemas no illamento de tres dos seus tanque nunha inspección rutineira en Navantia, ao parecer debido ao fenómeno Sloshing dentro dos tanques.

Este accidente reforzará sen dúbida a opinión do USCG de que non ten efectivos suficientes para atender accidentes en buques gaseiros nas proximidades das costas de EE.UU. Recentemente o USCG emitiu un informe negativo para a navegación dos gaseros na bahía de Narrangasett onde o concello de Fall River está presentando unha batalla legal e política para unha empresa gasera NON consiga situar unha planta preto desta cidade.

Pola súa banda o GAO -Ofcina de Control do Congreso USA- emitiu un informe requirindo ao FERC -Comisión reguladora de enerxía de USA- que non autorice ningunha planta nas proximidades en tanto os expertos en GNL non se poñan de acordo sobre os perigos destas plantas.

O palacio gobernamental -Statehouse- de Massachussetts vai votar nuns días unha proposta de lei que prohibe situar estas planta a menos dunha milla de distancia de zonas habitadas.

Ler máis en:

http://wbztv.com
http://www.marinelog.com
http://www.bostonherald.com
http://wormius.blogspot.com

Saúdos

Envía www.f-cape.org
Colectivo Universitario Opositor a Planta de Gas (GNL) da ría de Ferrol (Galicia)
________________________

De: Fuco Buxán Asoc. Cultural - Ferrol
-fucobuxan@gmail.com-
Para: artabra21@gmail.com
Data: 12 de fevereiro de 2008 20:48
Asunto: Presentacion "Muros d Silencio" e Razón Socialista en Cedeira



--
--
fuco buxán, a.c.
Aptdo Correos 240 C.P. 15400 Ferrol
Telef. 981325492
www.fucobuxan.com
fucobuxan@yahoo.es

O vindeiro domingo 17 de febreirode 2008, vai ter lugar unha Manifestación Nacional en Compostela, con saída as 12 do mediodía desde a Alameda.

As organizacións que forman parte da Rede "Galiza Non se Vende" nesta Comarca, mantivemos unha reunión hai unhas semanas no Ateneo Ferrolán, onde decidimos centrar a reivindicación na oposición á Planta de Gas que REGANOSA localizou, coa complicidade institucional e política, dentro da Ría de Ferrol.

Desde a Comarca, as organizacións e colectivos [ADEGA, Comité Cidadán de Emerxencia para a Ría de Ferrol, Colectivo Fusquenlla de Pontedeume, Plataforma Ártabra 21, Sociedade Galega de Historia Natural -SGHN- e VERDEGAIA] que formamos parte da Rede decidimos contratar un ou dous Auto-Buses dependendo dademanda que haxa. Os precios obscilarán entre 5 e 6 €, tamén dependendo do número de persoas. Para apuntarse podes enviar unha mensaxe ao correio-e da PA21 [artabra21@gmail.com] ou chamar aos telefones 690612737 [Alexandre] ou ao 649024612 [Mel]. Os autobuses teñen previsto a súa saída ás 09:30 hrs desde a Praza de Galiza frente ao edificio de Correios de Ferrol e o seu regreso ao terminar os actos en Compostela.





A nosa vida non se entende sen o territorio: sobre el temos a nosa vivenda, por el nos desprazamos, del tiramos alimento e enerxía, nel deitamos os nosos residuos, traballamos, pasamos o noso tempo de lecer… e facémolo desde hai séculos, nel está a nosa historia.

O territorio que habitamos conta con paisaxes fermosas ou singulares e alberga, ademais, moitas outras formas de vida, acubilla biodiversidade.

O territorio condiciona as nosas vidas, mais tamén temos unha cada vez maior capacidade de modificalo. Combinando desleixo e unha estrema ambición depredadora, levamos décadas destruíndoo e xustificámonos argumentando que é para xerar emprego, para nos desenvolver, para vivir mellor…

Este uso insustentábel do territorio está destruír a paisaxe e o noso patrimonio cultural, está a empobrecer a biodiversidade, está a empeorar a nosa calidade de vida e a hipotecar a das xeracións futuras, para, como moito, enriquecer a unha minoría. Galiza perde poboación ao tempo que estende o seu solo artificializado. Urbanismo caótico, infraestruturas de transporte irracionais, piscifactorías, campos de golf, portos deportivos, encoros, parques eólicos indiscriminados, paseos marítimos e fluviais ríxidos, recheos, monocultivos de especies exóticas e invasoras, nulo respecto polas figuras de protección ambiental e os espazos naturais protexidos… teñen unha cousa en común: a inexistencia dun ordenamento territorial ecoloxicamente sustentábel e socialmente xusto. Estamos a atinxir un elevado nível de destrución do territorio, mais aínda temos capacidade para reaxir. Aínda é posíbel deseñar e desenvolver unha política de ordenamento territorial guiada pola sustentabilidade ecolóxica e a xustiza social: que respeite a paisaxe e o patrimonio, que nos permita convivir cunha rica biodiversidade, que mellore a nosa cualidade de vida sen hipotecar a das xeracións futuras. Sabemos que a xeración de emprego de cualidade, o aceso a unha vivenda digna e o gozo do noso tempo de lecer non é incompatíbel coa sustentabilidade, senón todo o contrario, e por iso demandamos un inmediato cambio de rumbo. Somos cada vez máis as organizacións e persoas que demandamos este cambio e traballamos por el desde diferentes ámbitos. Porque o mundo non está á venda e Galiza tampouco. Porque as persoas e o ambiente deben estar por riba do lucro. Porque é imprescindíbel deseñar e implementar xa un ordenamento territorial baseado na sustentabilidade ecolóxica e a xustiza social. Porque para isto é necesaria unha cidadanía forte e autoorganizada que sensibilice, presione e achegue alternativas.

Terra viva e vida digna para tod@s!
_________________

Enlace co Manifesto, se queres podes assiná-lo:

MANIFESTO NA DEFENSA DA TERRA

Enlace coa web da Rede "Galiza Non Se Vende"

http://galizanonsevende.org/
______________

Pasadas as 6 da tarde, do 6 de febreiro, no cemiterio de Catabois, tiña lugar o enterro de Carmelo Teixeiro, nun acto onde centos de persoas rendiron unha merecida homenaxe ao que foi Coordenador do Comité Cidadán de Emerxencia desde a súa constitución o 17 de Xullo de 2001.

Despois dunha cerimonia relixiosa, pois Carmelo era creente, interviron "Lalán", no nome da Asociación Cultural "Fuco Buxán" e Monse Garel no do Comité Cidadán de Emerxencia, que falaron con emotivas palabras, valorando a entrega e o compromiso do compañeiro Carmelo. Logo no nome da familia interviu o fillo maior Juan Ramón que agradeceu as mostras de apoio e recoñecimento, para pasar a expresar con palabras a lembranza do seu pai, a dor que sentían e a esperanza de que se consigan os obxectivos polos que loitaba Carmelo.

O venres 15 de febreiro, vai ter lugar un acto de recoñecimento a Carmelo Teixeiro, onde se van plantar tres carballos no bairro de Caranza que simbolizarán o seu compromiso e entrega, así como tamén, o mesmo día, espaciranse parte das súas cinzas pola Ría de Ferol. Mais adiante informara-se con concreción dos Actos.

Hoxe, tiña lugar con moito suceso, unha nova concentración sonora, no Porto de Ferrol, contra a entrada do gaseiro "Cheikh el Mokrani", cargado con GNL para REGANOSA. Este é un buque mono-casco e máis pequeno que os anteriores, e dase a circunstáncia que na relación de buques metaneiros compatíbeis coas terminais da península, non figura como compatíbel coa terminal de Mugardos, cousa que teremos que investigar, así como a responsabilidade, se a hai, da Autoridade Portuaria neste asunto. Coa entrada na Ría do "Cheikh el Mokrani", xa son 14 os buques que entraron, poñendo en perigo a seguridade e a vida de miles de persoas.


O pasado Martes de Antroido, 5 de febreiro, A Revolta de Trasancos, cunha comparsa de 65 persoas conseguia o 1º Prémio á Comparsa mellor valorada deste Antroido 2008. Non publicaríamos esta noticia hoxe aquí, se non fose porque "A Revolta Chalaneira e os seus gases ..." representa a Loita das lanchas de Mariscador@s e do Comité Cidadán de Emerxencia para a Ría de Ferrol, contra a ilegal e perigosa REGANOSA e os seus ameazantes gaseiros cargados de GNL. O pasado sábado A Revolta tamén foi o 1º Premio en Narón. Que a loita contra a Planta de Gas sexa paseada por toda a comarca, aindaque sexa en forma de comparsa e cançons, é moi importante.
___________

Enlaces relacionados:

Morreu Carmelo Teixeiro, Coordenador do Comité Cidadá de Emerxencia para a Ría de Ferrol
_______________

Un grupo de persoas convocadas polo CCE, nos dispoñiamos a realizar unha nova cacerolada de protesta pola entrada dun novo gaseiro, cando nos chegou a nova da morte de Carmelo. O vento do nordés non permitiu que atracara na Planta de Gas de REGANOSA en Mugardos. Este gaseiro monocasco (Cheikh el Mokrani), que algunhas fontes marcan como incompatibel coa terminal de Mugardos, queda en espera da próxima marea. O último alento de Carmelo xuntouse ao nordés para demostrar unha vez mais a loucura e sinrazón da localización de REGANOSA no medio dunha Ría onde se pon en perigo a vida de miles de persoas e a riqueza marisqueira.





_____________

De: Comité Cidadán de Emerxencia comitecidadan@gmail.com
Para: artabra21@gmail.com
Data: 3 de fevereiro de 2008 17:41
Asunto: Convocatoria martes 5, e outras comunicacións




Ante a anunciada chegada do gaseiro nº 14 con carga de GNL para a ilegal e perigosa Planta de Gas, o Comité Cidadán de Emerxencia para a Ría de Ferrol


Outras noticias relacionadas co CCE das que podedes ampliar información na súa páxina web:










_________


O Comité Cidadán de Emerxencia, necesita apoio económico, para que poida desenvolver a súa actividade:
C/C en BBVA, titular:
Carmelo Teijeiro e outros.
Para ingresar desde unha oficina bancaria desde dentro do Estado:
0182-0181-59-0201548440

Para ingresar desde unha oficina bancaria desde fóra do Estado:
Codigo BIC: BBVAESMMXXX
IBAN
ES96 0182 0181 5902 0154 8440

**********
http://comitecidadan.org
__________