Multiplicación de obras de precampaña en Narón, construidas para 'arranxar' - 'Outro clásico das obras municipais é a falta de planificación, de criterio ou de coherencia', din desde Eliximos Narón

Cando se cambiou a normativa para evitar a multiplicación de inauguracións en campaña electoral xa se intuía que a picaresca española atoparía outra forma para que os políticos se “luzan” en campaña e precampaña.

Entre formulas xa empregadas e seguida polo Tripartito de Narón é deixar o groso das obras e investimentos para o ano preelectoral. O diñeiro que non se foi investindo en anos anteriores foise acumulando e agora en precampaña desbórdanse de investimentos e obras.

O de “desbordan” tamén vén a conto porque se desborda a capacidade de xestión do Concello cos servizos técnicos, os de intervención e sobre todo o de contratación desbordados e sen capacidade para dar saída ao traballo acumulado. Aínda que isto xa non é algo novo, pois xa vimos que moitas das obras aprobadas o pasado ano, e que deberían terse licitado en 2017, pasáronse a este ano, e bastantes aínda están en proceso de licitación en decembro de 2018.

Outro clásico das obras municipais é a falta de planificación, de criterio ou de coherencia. Así nos atopamos con casos curiosos dos que imos citar algúns como exemplo:

• Falta de accesibilidade. Levamos dende o 2015 pelexando pola accesibilidade en Narón, e xa sabemos que é difícil e custoso emendar ou mellorar a realidade xa presente, pero o que non ten desculpa é que as novas obras fáganse con deficiencias de accesibilidade. Conseguimos que se refixesen algúns proxectos para emendar as deficiencias antes de comezar as obras, e noutros conseguimos melloras a posteriori, aínda que noutros non se nos fixo caso, e seguen propoñendo novas obras nas que non se teñen en conta todos os requirimentos legais, aínda que si afirmen o contrario; así que a situación é que se están empezando a facer accesibles algúns espazos mentres que, doutra banda, fanse novas obras sen accesibilidade.

• Parques infantís. Aprobouse algún novo parque con chan de cortiza de piñeiro, cando xa se estaban adaptando os existentes con lousas de caucho, e constrúese agora estando aprobada a renovación dos chans para substituír as lousas por un chan continuo de caucho en 10 parques, xa que as lousas non deron o resultado esperado porque se despegan levantándose polas beiras e provocando caídas. Sen embargo, con gran bombo tamén están a anunciar a renovación do parque infantil da Gándara, cun investimento de preto de 154.000 euros e a renovación xeral das súas instalacións, mentres se reutilizan as lousas no lugar de aproveitar a obra para substituílas tamén por un chan continuo, a pesar de que segundo a alcaldesa “Esta praza é un dos espazos máis concorridos da nosa cidade polos nenos e nenas e precisa dun cambio, con novos elementos de xogo e melloras de seguridade”.

• Iluminación deficiente. A iluminación é algo esencial en zonas públicas tanto por seguridade, ante posibles actos vandálicos ou fronte a accidentes, como para un uso e goce seguro. Con todo é un dos aspectos máis esquecidos polo Tripartito. Atopámonos con:

• Iluminación mal distribuída, como no parque de Freixeiro ou na reformada praza do colexio de Xuvia, con zonas moi escuras (1 lux, fronte aos 20 requiridos) e moi preto outras moi claras (280 lux), e mesmo farois instalados entre as ramas das árbores que non cumpren a súa función.
• Iluminación deficiente en novas instalacións, aínda que teñen algunha porque reciben a da contorna, como na pista multideporte de O Alto (Santa Tecla), algúns parques infantís, ou as escaleiras de acceso ao parque de Piñeiros, etc.
• Ausencia de iluminación, como o caso do novo parque anexo ao local social de Sedes en cuxo proxecto non se contemplaba iluminación ningunha.
• A sobreiluminación, incriblemente tamén se dá, chegando mesmo a multiplicala en máis de 2 veces. Por exemplo, o pavillón do colexio da Solaina na que se renovan as lámpadas para, supostamente, mellorar a eficiencia enerxética da instalación, e poñen unha iluminación de 480 lux cando son requiridos 200 para este tipo de instalacións. Está claro que substituír focos doutro tipo polos LED aforran enerxía pero aínda máis se aforraría se se poñen os necesarios e non o dobre, non só en enerxía senón tamén no material da instalación.

• Caldeiras de gasóleo (Viva a eficiencia enerxética !!). Cando as administracións española e europea están a apostar por retirar os combustibles fósiles das fontes enerxéticas e temos alternativas non só máis ecolóxicas senón máis viables economicamente, acaban de aprobar a instalación de caldeiras de gasóleo en para quentar a auga das duchas de instalacións deportivas como na Solaina e O Cadaval. Certo que uns quentadores solares non serían prácticos para este tipo de instalación (aínda que si poderían complementala) pero tendo canalización de gas natural próxima sería a opción para escoller por múltiples vantaxes:

• Non require dun local específico para a súa instalación, como si require o depósito e a caldeira de gasóleo, e que obrigan a facer obra civil.
• A caldeira é moito máis barata e con menores necesidades de mantemento e limpeza.
• O combustible é menos contaminante e non vota fumes molestos para a veciñanza.
• Ofrece auga quente con moita máis rapidez que a caldeira de gasóleo, etc.

Ademais, hai outros aspectos que non se teñen en conta como a eficiencia enerxética da instalación (caldeira, depósitos, tubaxes, etc.) que varía segundo o tamaño, a capacidade, o illamento, etc. de todos os elementos da instalación.
Pero os naroneses xa poden durmir tranquilos porque (para compensar) o Concello adheriuse á “Declaración de compromiso dos gobernos locais coa axenda 2030 para o desenvolvemento sustentable”.

Estes son algúns exemplos sen querer entrar en moitos detalles, pero o tema daría para escribir un pequeno (o gran) libro.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán
15570 Narón (A Coruña)

673141822 - eliximos@gmail.com

Narón, moito  por facer
...fagámolo, xuntos podemos.

Web:
http://eliximos.es/

twitter:
https://twitter.com/eliximosnaron

facebook:
https://www.facebook.com/groups/Eleximos.Naron/

Enviado por:
ENE Eliximos Narón Electores
-eliximos@gmail.com-
14 de dezembro de 2018 13:59
__________

A senda da Deputación en San Xiao, un novo despropósito, di o comunicado feito público por Alfonso Casal Pita, concelleiro de Eliximos Narón Electores

A senda da Deputación en San Xiao, un novo despropósito.

A petición da asociación de veciños, estivemos a estudar a situación da senda peonil en construción de San Xiao, e da ampliación e modificación do trazado da estrada de Xuvia a Castro.

A sorpresa foi maiúscula cando vimos que a nova senda non respecta o Plan Xeral de Ordenación Municipal (PXOM), que se modificou especificamente para recoller os cambios da estrada, é dicir, que a senda peonil en tramos importantes discorre por encima do que ten que ser a nova estrada ou, dito doutro xeito, que cando se faga a nova estrada hai que desfacer boa parte da senda.

Evidentemente isto é unha mala noticia por diversas razóns:

• Supón un novo malgaste, totalmente inxustificado, do diñeiro público.

• Resulta un atraso no obxectivo de chegar a ter o viario reformado.

• Os veciños non terán por onde camiñar cando se fagan as obras da nova estrada.

Atopámonos novamente cun goberno municipal que mira para outro lado cando se trata obras doutra administración a pesar de ser ilegais.

Resulta impensable que a un veciño lle deixasen ampliar unha casa que está fóra de aliñación ou construír en terreo polo que está trazada unha rúa, isto sería unha prevaricación. Entón ¿por que se lle permite á Deputación?.

Ademais da ilegalidade ou o malgaste que supón a senda atopámonos con outros típicos problemas destas obras como o de non axustarse ao proxecto e as chapuzas.

A senda en lugar de ir transcorrendo a nivel da estrada, para o que había que facer algún desmonte, vai subindo e baixando co desnivel do terreo de forma que resulta inaccesible dende a estrada ou para os peóns que queiran pasar á senda dende a outra beira. Tamén as propiedades quedan sen acceso adecuado á estrada. Finalmente, chegado unha zona estreita, mesmo a cambian de man dereita á esquerda para non afrontar unhas expropiacións que van ser inevitables co ensanche da estrada; algo que non se recolle no proxecto e que obriga a un cruzamento aos peóns.

A senda non discorre polo seu trazado definitivo segundo o PXOM, pero tampouco segue o trazado do proxecto pegada á estrada e cunha cuneta formigonada por medio, senón que vai facendo un percorrido un tanto aleatorio esquivando no posible os postes do tendido eléctrico, incluíndo algunha “S” polo medio.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán
15570 Narón (A Coruña)

673141822 - eliximos@gmail.com

Narón, moito  por facer
...fagámolo, xuntos podemos.

Web:
http://eliximos.es/

twitter:
https://twitter.com/eliximosnaron

facebook:
https://www.facebook.com/groups/Eleximos.Naron/

Enviado por:
ENE Eliximos Narón Electores
-eliximos@gmail.com-
26 de outubro de 2018 12:00
_______________

Intervención no pleno do Concello de Narón, deste xoves 25 de outubro, da A.VV de San Xiao pola senda e o ensanche e modificación da DP-5401

Boas tardes, a petición da directiva da A.VV. de San Xiao lles remito copia do texto que leeran na súa intervención ao remate do pleno de Narón desta tarde.

Saúdos
Alfonso Casal

Intervención no pleno pola senda e o ensanche e modificación da DP-5401.

Dende hai uns 20 anos levamos escoitando que se vai a modificar a estrada de Xuvia a Castro, pero só se obrou dito cambio nunha pequena parte da súa chegada a Castro.

O proxecto foi aprobado pola Deputación no pleno de 28 de maio de 2004, dentro do programa de actuación na rede de estradas provinciais período 2002-2005, cun custo estimado de expropiacións e execución que ascendía a 922.723,11 euros.

Logo tivemos que esperar cinco anos e medio a que o Concello aprobase a modificación puntual do Plan Xeral de Ordenación Municipal, que se aprobou no pleno de 26 de novembro de 2009, para que o proxecto puidese legalmente levarse a cabo.

Como xa se facía necesario actualizouse o orzamento do proxecto en novembro de 2010, sendo duns 875.000 euros, e logo, en marzo de 2012 actualizouse a valoración das expropiacións que fixaron nuns 178.000 €, polo que a valoración orzamentaria situaríase nos 1.053.000 euros.

Debido ás protestas veciñais pola falta das solucións prometidas, a vista da inseguridade da estrada, principalmente para os peóns, no ano 2014, ante a falta da tan prometida ampliación, a Deputación comprometeuse á construción dunha senda peonil ente os puntos quilométricos 1+920 e 2+600, dentro da cuarta fase do Plan de sendas peonís de 2014.

Datado o proxecto en xullo de 2014 e firmado dixitalmente polo enxeñeiro da Deputación en outubro de 2016, saíu a licitación en febreiro de 2017 e adxudicouse o 30 de maio de 2017 cun orzamento final de case 70.000 euros, 3 anos despois de feito o proxecto. Pero como todo leva retraso, pois en maio do presente xa se aprobou o segundo aumento de prazo para a execución da obra, e estamos a falar de que van transcorridos 17 meses para unha obra que estaba planificada para facer en 4 meses.

No mes de febreiro deste ano, nunha visita de membros da A. VV. e varios concelleiros á Deputación, nos confirmaron que se finalizaría a senda peonil e comprometéronse a retomar o proxecto de ampliación e mellora da estrada, partindo do proxecto xa redactado no seu día pero que será necesario actualizar para poder levalo a cabo.

Oito meses despois todo segue igual, e agora soubemos que a maior parte da senda, no lugar de facela na beira da futura estrada discorre por zonas que van ser ocupadas pola calzada e beiravías, así que están a tirar cos nosos cartos e non vai a supoñer un adianto no tempo do obxectivo final que é a nova estrada operativa.

Estamos fartos de que nos tomen o pelo e nos traten de tontos con unha mentira tras outra, vamos a loitar porque nos deixen de asoballar, e queremos que o Pleno de Narón nos apoie nas nosas peticións e loita.

Imos esixir á Deputación que a revisión do proxecto da estrada cumpra coas leis de accesibilidade e que teña en conta a opinión dos veciños, non queremos que nos pase como no Trece que o proxecto non tivo en conta á poboación do núcleo rural dos seus marxes, cunha estrada moi boa para os coches pero por onde non se pode camiñar e os veciños teñen problemas para acceder as propiedades.

Pediremos o compromiso do goberno da Deputación para que, antes das eleccións municipais, quede aprobado o proxecto revisado de ampliación da estrada e comezado o proceso de expropiacións necesarias para acometelo.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán
15570 Narón (A Coruña)

673141822 - eliximos@gmail.com

Narón, moito  por facer
...fagámolo, xuntos podemos.

Web:
http://eliximos.es/

twitter:
https://twitter.com/eliximosnaron

facebook:
https://www.facebook.com/groups/Eleximos.Naron/

Enviado por:
ENE Eliximos Narón Electores
-eliximos@gmail.com-
25 de outubro de 2018 17:05
_______________

ENE Eliximos Narón reitera a devolución dos cartos confiscados no recibo do lixo - ENE propón melloras no IBI das construcións con aproveitamento solar e do sector primario, e no rural narones

Eliximos reitera a devolución dos cartos confiscados polo Concello no recibo do lixo.

Logo de ano e medio de que Eliximos destapase a confiscación do Concello nos recibos do lixo de 2015, e con varias decenas de solicitudes de devolución feitas por rexistro por empresas e veciños, o Concello segue a calar e facer caso omiso ao seu deber de devolver o que colleu e non lle corresponde.

A sobre-facturación é un feito recoñecido polo alcalde fóra de toda dúbida, recollido nunha resolución da alcaldía do 20 de marzo de 2017.

Xa solicitábamos por aquelas datas que a devolución fose tramitada en forma de minoración noutro dos recibos das cantidades sobrefacturadas, co fin de evitar molestias e papeleos innecesarios tanto para a veciñanza como para as oficinas do Concello ou COSMA.

No seu momento o Alcalde escusouse da inmediata devolución apoiándose nunha solicitude ao servizo de asistencia técnica a municipios da Deputación sobre o mellor procedemento a seguir para subsanar o problema. Xa parecía entón unha táctica dilatoria no tempo á espera de que o próximo ano prescriba o caso, e así foi pois a resposta da Deputación nunca chegou e sospeitamos, xa que a resposta é ben evidente, que a consulta quedou aparcada interesadamente no fondo dun caixón.

A estas datas, despois dos feitos e do tempo transcorrido, e ante a falta de resposta oficial a decenas de solicitudes de devolución, só se pode quitar unha conclusión: a confiscación está a mostrarse como un verdadeiro roubo do tripartito TEGA-BNG-PSOE aos seus veciños.


ENE propón melloras no IBI das construcións con aproveitamento solar e do sector primario, e no rural narones.

O proceso de regularización catastral, levado a cabo polo Ministerio de Facenda foi autorizado polo tripartito para o ano 2016, a pesar de que puido atrasalo un ano para darlle un ano máis de marxe aos veciños, pero lles interesaba que pagasen canto antes.

Este proceso, a pesar do pago inicial dos 60 € como sanción, estase revelando á poboación coa chegada das notificacións das novas valoracións catastrais durante o 2018 e as sancións por cobros pendentes dos catro últimos anos, afecta dun xeito moi negativo a gran parte do municipio con 3.795 regularizacións das que unhas 2125 foron ampliacións ou reformas de vivendas. Inclúe tamén bens dedicados a diversas instalacións vinculadas á actividade agropecuaria que no pasado non cotizaban, así, palleiras, galpóns, cortes e invernadoiros que anteriormente estaban exentos de tributación, a día de hoxe están incluídas polo Ministerio de Facenda como bens obrigados a contribuír á facenda local.

Na asemblea sobre o IBI que tivo lugar o 5 de setembro no local social de O Val, ante as queixas dos veciños pola afección do chamado “catastrazo”, e que tivo especial repercusión sobre o rural, o concelleiro de ENE adquiriu o compromiso de promover medidas para tratar de reducir a presión fiscal sobre dito sector.

Agora que o tripartito propuxo os cambios de as ordenanzas fiscais para o próximo ano, a vista de que non se inclúe ningunha modificación no IBI, dende Eliximos propoñemos medidas de contención dese impacto negativo do "catastrazo" de cara á súa eficacia no ano 2019, tendo en conta de sobremaneira ás explotacións agropecuarias, tanto ás que exercen unha actividade residual como aquelas que aínda actúan na plenitude das súas potencialidades. Así proponse:

• Reducir o tipo de gravame para os bens de natureza rústica do 0,65% ao 0,62%, quedando igualado co tipo dos bens inmobles de natureza urbana.

• Establecer unha bonificación do 95% da cota íntegra do imposto sobre os inmobles nos que se desenvolvan exclusivamente actividades agrarias, gandeiras e forestais pertencentes ao sector primario, mentres que no caso de convivencia de varios usos, sendo un deles o agropecuario, a bonificación será do 50%.

• Engadir unha bonificación do 95% aos bens de natureza rústica rexentados por cooperativas agrarias e de explotación comunitaria da terra.

Asemade, aproveitase tamén a ocasión desta modificación para propoñer que se recolla unha bonificación para os bens inmobles nos que se instalen sistemas para o aproveitamento térmico ou eléctrico da enerxía proveniente do sol, de forma que o Concello poña a súa pequena aportación para promover o uso de sistemas enerxéticos que axuden a frear o cambio climático e os seus efectos sobre o noso entorno e o planeta.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán
15570 Narón (A Coruña)

673141822 - eliximos@gmail.com

Narón, moito  por facer
...fagámolo, xuntos podemos.

Web:
http://eliximos.es/

twitter:
https://twitter.com/eliximosnaron

facebook:
https://www.facebook.com/groups/Eleximos.Naron/

Enviado por:
ENE Eliximos Narón Electores
-eliximos@gmail.com-
16 de outubro de 2018 09:55
17 de outubro de 2018 13:07
_______________

Verdades e mentiras sobre as acometidas do saneamento e da auga en Narón - Eliximos Narón contesta ás acusacións do Goberno Municipal - Novas relacionadas

Verdades e mentiras sobre as acometidas do saneamento e da auga.

Como xa é habitual nisto da política dinse moitas “medias verdades”, conxecturas e mentiras, e faltan evidencias e autenticidade. Realmente viron que se lles presenta unha batalla complicada de gañar e, cando os argumentos fallan ou non son favorables, deciden botar man de todas as súas argucias.

• Iniciativa dos veciños.

Foron os veciños os que pediron ao concelleiro de ENE a súa intervención para reclamar uns cobros indebidos. Os de Sedes foron os primeiros, pois a obra da rede de sumidoiros da estrada de O Trece foi pagada en case a súa totalidade pola Deputación e agora COSMA, con aprobación da Xunta de Goberno, pretende cobrarlles máis de 106.000 euros, facturando por traballos que non realizou.

Foron os propios veciños de Sedes os que suxeriron o pasar polas casas informando do tema, recollendo apoios e financiamento para levar adiante o recurso.

En O Val, con veciños que xa pelexaron no pasado pola baixada das acometidas, tamén decidiron colaborar cos veciños de Sedes e levar adiante esta reclamación, e os veciños están a ser unha parte moi activa no proceso de información e recollida de financiamento.

A reclamación céntrase nos cobros aprobados para as acometidas de Sedes e, indirectamente, sobre as acometidas das ordenanzas por non cumprir co recolleito no Regulamento dos servizos de abastecemento de auga e saneamento aprobado polo Concello en 2014, que require da elaboración dun orzamento axustado a cada acometida, o cal vai en contra dos cobros fixos recollidos na ordenanza.

• Sobrefacturación confirmada en O Trece.

Ante esta situación Alfonso Casal solicitou información á alcaldía sobre os gastos realizados nas instalacións de Sedes e, da información facilitada por COSMA a través da Alcaldesa, xa se desprende que o cobro que se pretende está, cando menos, un 38% por encima dos gastos que COSMA afirma que tivo nas acometidas da estrada de O Trece.

• Sobre a sentenza do TSXG de 2007.

Non houbo desinformación nin hai información incorrecta nos comunicados de ENE, en contra do suxerido polo concelleiro se servizos. Nas asembleas mantidas informouse da sentenza de 2007 e das diferenzas coa reclamación actual, tanto por parte do citado concelleiro como por persoas da Federación de Asociacións do Rural que foron parte activa na devandita reclamación.

A sentenza do TSXG desestimou un recurso concreto, pero iso non avala taxa de saneamento (nin os cobros de acometidas á rede) pois, só se pronuncia sobre a cuestión recorrida. Recurso que aínda tratando sobre a mesma materia, non ten nada que ver co agora reclamado.

• Eliximos, Coalición entre Os Verdes-Grupo Verde e Democracia participativa.

Eliximos Narón Electores constituíuse como unha coalición electoral entre Os Verdes e Democracia Participativa, e non ten nada que ver con Podemos e, aínda que algúns dos seus membros estiveron en épocas anteriores participando nos círculos de Podemos, non formaron parte da súa estrutura.

• Sobre as acusacións persoais ao concelleiro.

A reprobación citada na prensa non mostra máis que un interese de danar politicamente a un rival incomodo que fiscaliza e denuncia accións do Goberno e dalgúns funcionarios, e que quita espazo político á oposición.

Intencionadamente emítense falsidades (como o incumprimento do código ético do concello) ou se expoñen feitos de forma incorrecta para cuestionar as súas accións, pois non houbo ningunha condena senón unha imposición de costas por unha sentenza na que o xuíz non considerou suficientemente acreditada a demanda, na que non se admitiron moitas probas por non consideralas de aplicación debido ao tipo de proceso xudicial empregado, e tampouco se admitiron as probas sobre as continuadas faltas de información en tempo e forma desde o comezo da lexislatura.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán
15570 Narón (A Coruña)

673141822 - eliximos@gmail.com

Narón, moito  por facer
...fagámolo, xuntos podemos.

Web:
http://eliximos.es/

twitter:
https://twitter.com/eliximosnaron


facebook:
https://www.facebook.com/groups/Eleximos.Naron/


Enviado por:
ENE Eliximos Narón Electores
-eliximos@gmail.com-
30 de setembro de 2018 22:55
_______________________

Novas relacionadas:

2018.09.29 - La Voz de Galicia. | O edil de Eliximos Narón pide donativos en Sedes para denunciar a Cosma. | Visita os domicilios con xente da entidade vecinal buscando financiamento para recorrer os recibos da empresa de augas. | La Voz - Narón 29/09/2018 05:00 h. | O concelleiro de Eliximos Narón, Alfonso Casal Pita, está solicitando donativos aos veciños da parroquia de Sedes baixo o argumento de recorrer o cobro, por parte da empresa mixta de augas do Concello (Cosma) das conexións á rede de saneamiento, cunhas cantidades que considera excesivas. | O Concello analiza o alcance xurídico da "cuestación". | Ir á Web.

2018.09.30 - La Voz de Galicia. | O Concello de Narón recorda que unha sentenza avala a taxa de saneamento. | Reprocha a ENE que xere confusión entre os veciños, pedíndolles diñeiro para recorrer a taxa. | LA VOZ
NARÓN 30/09/2018 05:00 h. | Unha sentenza do Tribunal Superior de Xustiza de Galicia (TSXG) do ano 2007 avala o importe da taxa de saneamento de Narón que o portavoz de ENE pretende recorrer. «Tras ter coñecemento do escrito non que [Alfonso Casal] está solicitando á veciñanza de Sedes e do Val donativos para percorrer esa taxa, queremos advertir aos veciños desta sentenza, dá que quizais non están debidamente informados», declarou onte Ibán Santalla, concelleira de Servizos e membro do consello de administración de Cosma. | Ir á Web.

________________

Posición da asemblea de afectadas pola senda peonil e ciclista d'O Val tras a visita de técnicos da Xunta - Nota de Eliximos Narón Electores (ENE)

Posición da asemblea de afectados pola senda peonil e ciclista de O Val tras a visita de técnicos da Xunta.

Celebrada este sábado día 25 unha asemblea, para tratar sobre a visita dos técnicos de Xunta polas casas dos afectados, chegouse as seguintes conclusións:

1. Tanto os veciños como os técnicos da Xunta foron vítimas dunha basta manipulación por parte dos concelleiros do tripartito, aos primeiros dicíndolles que ían modificar o proxecto e incluso que xa non lles ían a expropiar e tirar os peches, pedíndolles que cando pasasen os técnicos da Xunta para volver marcar, que non se preocupasen e que lles deixasen facer o seu traballo; mentres que aos segundos dixéronlles que os veciños xa estaban de acordo co proxecto. Pouco tardou en destaparse as mentiras porque os técnicos xa dixeron que o proxecto non mudara e os veciños que non estaban de acordo con el.

2. O concelleiro de obras, Pablo Mauriz, presente en boa parte da visita dos técnicos dedicouse a negar as súas anteriores palabras chegando a insinuar que os veciños mentían, e chamando á Garda Civil, sen ningún motivo, cando un grupo de veciños se acercaron a interesarse polo que estaba a acontecer. Actitudes que a asemblea rexeita como indignas dun concelleiro que tiña que estar a dialogar e a mirar polos intereses dos naroneses.

3. O diálogo co Goberno de Narón descubriuse como algo estéril e inútil.

Como consecuencia, adoptáronse algúns acordos para este próximo mes de setembro:

a) Establecer un calendario de concentracións e manifestacións (aínda por concretar) que terán lugar este mes de setembro comezando por unha concentración diante do edificio administrativo da Xunta na praza de España de Ferrol.

b) Asistir aos próximos plenos para rexeitar as actuacións do Goberno neste tema e pedir as dimisións dalgúns concelleiros polas súas actuacións, ou pola falta dela noutros casos.

c) Rexeitar calquera diálogo tanto a nivel persoal como colectivo en canto non se presente un proxecto modificado da obra.

O Val, a 25 de Agosto, de 2018

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán
15570 Narón (A Coruña)

673141822 - eliximos@gmail.com

Narón, moito  por facer
...fagámolo, xuntos podemos.

Web:
http://eliximos.es/

twitter:
https://twitter.com/eliximosnaron


facebook:
https://www.facebook.com/groups/Eleximos.Naron/


Enviado por:
ENE Eliximos Narón Electores
-eliximos@gmail.com-
26 de agosto de 2018 11:55
____________

Eliximos Narón Electores (ENE) presenta as conclusións da reunión dalgúns veciños coa Deputación e Concello polas obras da estrada de O Trece - Crítica de Eliximos ao goberno municipal: 'A tensión crece en O Val polas manipulacións do Tripartito'

Conclusións da reunión dalgúns veciños coa Deputación e Concello polas obras da estrada de O Trece.

Este xoves 23 de agosto un grupo de veciños afectados pola estrada de O Trece asistiron a unha reunión convocada dende o Concello en colaboración coa Deputación para explicar o Modificado 2º ás obras de ampliación e mellora da estrada.

Para esta reunión, que inicialmente pretendían facer contando só coa presenza da directiva da A.VV., o Concello puxo condicións como que o grupo de veciños fose reducido (sendo 11 veciños) e que se celebrase en dependencias da alcaldía, en horario de mañá dun día laborable. Evidentemente, con estas condicións, xa se entendía que non se trataba de escoitar aos veciños senón de volver dar unha imaxe pública dun suposto achegamento e participación dos veciños, á vez que vender por bo o Modificado.

Foi unha reunión selectiva por parte do Sr. Fojo, alcalde en funcións, que non dos membros da Deputación como eles manifestaron, na que non se admitiu a presenza do concelleiro de  Eliximos, que asistía en representación dalgúns veciños que así llo pediron por non ter posibilidade de asistir e por non ter representación na mesma nin ser socios da A. VV.

As explicacións chegan tarde, unha vez pasado o período de alegacións a devandito modificado, a pesar de que foi solicitada desde principios de mes pola Asociación de Veciños, ao que hai que sumar que tampouco se facilitou copia do proxecto, nin sequera no día de hoxe e a pesar de ser solicitadas por rexistro tanto pola A. VV como por Eliximos, para que os veciños puidesen ver o Modificado sen ter que desprazarse a Coruña, todo iso a pesar de que técnicos e persoal da Deputación desprázanse case a diario á obra.

A anterior reunión o asesor técnico da Deputación e concelleiro do PSOE Pablo Couto, en compañía de concelleiros do Tripartito, terminou sendo un caos. Caos consentido polos convocantes (Deputación e Concello) porque en realidade non lles interesaba escoitar aos veciños (que xa comunicaran publicamente e por rexistro á Deputación as súas demandas) senón que viñan cumprir co seu interese de dar unha imaxe pública de achegamento aos veciños e a vender promesas que acalasen as reclamacións veciñais, por exemplo, a promesa de construír algúns tramos de cuneta accesibles nas zonas de maior concentración de casas, promesa que se traduciu nunha cuneta totalmente inaccesible, aínda que menos profunda e perigosa que no resto do trazado.

Nestas datas, tras o labor informativo de  Eliximos, xa os veciños coñecían en esencia o Modificado e presentaron as súas alegacións en tempo e forma (o pasado martes, día en que expiraba o prazo de reclamacións), polo que xorde a pregunta de cal é a misión desta reunión. A conclusión que obtivemos é que viñeron a contarnos unha nova película, con promesas que se saen do guión do proxecto, pois din (de palabra) que van executar máis accesos que os recolleitos no Modificado, algo evidente ilegal, o que se suma ao resto de afirmacións ata agora incumpridas e que xa non convencen aos veciños.

Tamén se desprende da reunión que o Goberno de Narón actúa de comparsa da Deputación e que non tivo ningunha iniciativa para defender as reclamacións veciñais, que non son máis que dereitos recolleitos e recoñecidos pola lexislación autonómica e nacional, todo iso en aras dunha suposta e mal entendida lealdade institucional, aínda que en realidade non é outra cousa máis que covardía, a covardía duns políticos que foxen de batallas xustas para o seu pobo e que só lles preocupa manter o seu asento nas próximas eleccións.

A tensión crece en O Val polas manipulacións do Tripartito.

Estamos a asistir a un novo espectáculo do Tripartito que se dedicou nestas semanas pasadas a ir polas casas dalgúns dos veciños directamente afectados polo trazado da senda peonil e ciclista de O Val. Ata tres concelleiros xuntáronse algúns días para dicirlles que xa non lles ían a expropiar e tirar os peches, que ían pasar os técnicos da Xunta para volver marcar, que non se preocupasen e que lles deixasen facer o seu traballo.

O que parecía unha boa nova agora descóbrese como un novo engano pois algúns traballadores pasaron onte marcando as mesmas expropiacións que antes, mentres que os técnicos da Xunta pasaban hoxe dicíndolles que non cambiara nada e que seguía sendo o mesmo proxecto.

A tensión foi moi alta porque un dos concelleiros, que pasaran dicindo que ían librar os peches, hoxe viña cos técnicos da Xunta dicindo o contrario e negando as súas palabras, o cal indignaba aos veciños que sentían estafados e manipulados.

Posiblemente a cousa non foi a máis porque “de forma misteriosa” presentáronse no lugar dúas patrullas da Garda Civil.

Manipulacións e mentiras de covardes que se esconden detrás da Garda Civil e dos funcionarios.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán
15570 Narón (A Coruña)

Narón, moito  por facer
...fagámolo, xuntos podemos.

facebook:
https://www.facebook.com/groups/Eleximos.Naron/
Web:
http://eliximos.esy.es/http://eliximos.esy.es/

Foto de José Pardo. | 14 de xullo de 2018.

Enviado por:
ENE Eliximos Narón Electores
-eliximos@gmail.com-
23 de agosto de 2018 16:22
23 de agosto de 2018 18:34
__________

Conclusións sobre a asemblea d'O Val cos técnicos da senda peonil e ciclista - A veciñanza asistentes transmitiron aos técnicos que a senda estaba mal concibida desde o primeiro momento porque todos os puntos de interese importantes estaban ao outro lado da calzada

Conclusión s sobre a asemblea d'O Val cos técnicos da senda peonil e ciclista

Resultou evidente, dende un primeiro momento, que a reunión estaba mal exposta por que pretendían vender a súa actuación como algo moi bo para O Val, á vez que se cuestionaba o rexeitamento aos problemas expostos á mesma, sen que nin sequera fixesen un esforzo por entender as devanditas cuestións.

Nunca se pretendeu o diálogo por parte dos responsables asistentes ao acto, non eran os interlocutores adecuados xa que se trataba de técnicos sen as competencias necesarias para decidir sobre a reforma de proxecto.

Os veciños asistentes transmitiron aos técnicos que a senda estaba mal concibida desde o primeiro momento porque todos os puntos de interese importantes estaban ao outro lado da calzada (praias, monumentos, edificios públicos e centros sociais, etc.), en resposta ao cal os técnicos deixaron entrever que a solución exposta (aínda que pouco funcional) respondía basicamente a criterios económicos.

O desenvolvemento técnico do proxecto tamén se rexeitaba por nin sequera cumprir cos requisitos básicos fixados para este tipo de actuacións, e que debese de pasar por un mínimo control de calidade, criticándose un malgaste de diñeiro público.

Tamén lles fixeron ver que había uns problemas xerais da senda para resolver, que afectaban a todos os veciños, e que a súa estratexia de división, baseada no diálogo individualizado cos afectados para venderlles a resolución de problemas individuais (á marxe de solucións recollidas no proxecto) non era aceptada.

A maioría dos asistentes ao acto asinaron unha folla coas 10 reclamacións básicas para a reforma e execución do proxecto, que se acompañaba cuns gráficos onde se recollían os desprazamentos ao eixo da estrada propostos para reducir as afeccións sobre as propiedades; folla que foi entregada aos técnicos solicitándolles que lla transmitisen aos responsables políticos para o seu estudo, á vez que se lles comunicase a esixencia dos veciños de que non se empezasen as obras ata ter resoltas as deficiencias do proxecto.

As citadas reclamacións esixen á Xunta: unha reforma do proxecto para a construción da senda de forma que teña dous partes diferenciadas (ciclista e peonil) en todo o trazado, que non se expropien parcelas con peches existentes, que recolla todos os accesos a vivendas e parcelas, e que instale todos os servizos e preinstalacións non existentes. Ademais piden outras medidas como que as pontes sexan de formigón armado, o cumprimento da normativa de accesibilidade, e a instalación de dous pasos de peóns, un no Cruceiro e outro fronte ao colexio.

Os veciños falaron alto e claro, mostrando un sentimento común fronte ao problema e que a xente do Val ten unha actitude esixente e comprometida co desenvolvemento da parroquia.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán
15570 Narón (A Coruña)

Narón, moito  por facer
...fagámolo, xuntos podemos.

facebook:
https://www.facebook.com/groups/Eleximos.Naron/
Web:
http://eliximos.esy.es/http://eliximos.esy.es/

Enviado por:
ENE Eliximos Narón Electores
-eliximos@gmail.com-
15 de junho de 2018 09:02
______________

Enlace relacionado de interese:

A nova en 'La Voz de Galicia', unha reportaxe de A. F. C.
Narón / 15.06.2018 09:22 e vídeo de José Pardo. | Ir á Web.
_____________________

Irracionalidades no acceso ás casas polas obras de ampliación d'O Trece - Proposta de melloras para a ampliación da estrada - Proposta básica que lle fai Eliximos Narón á veciñanza e que reclamarán para esta vía ante o Concello e a Deputación

Irracionalidades no acceso ás casas polas obras de ampliación d'O Trece.

En Sedes estase a repetir un problema co acceso ás propiedades, problema de sobras coñecido e, polo tanto, entendemos que interesadamente non resolto por parte das Administracións.

A lei establece que la construción dos accesos ás estradas corren por conta dos propietarios das parcelas lindeiras (previo permiso correspondente) a pesar de ser actuacións que en parte execútanse sobre chan público. En condicións normais é razoable que así sexa dado, que responde o seu interese particular.
Con todo, o caso de obras de ampliación de estradas, como a de O Trece, danse outras circunstancias para ter en conta:

1. A falta de coñecemento da situación final da obra e dos prazos de execución (moi dilatados no caso de O Trece) impide solicitar con moita antelación os permisos de obra e tamén a contratación das mesmas.
2. Ao non contratar o veciño o traballo á empresa executora da obra, encontrase un problema de coordinación na execución dos traballos, presentando o problema engadido de non poder executarse normalmente nunha soa fase debido a que o illamento prodúcese con bastante anterioridade á fase de acabados, momento antes do que dificilmente se pode facer un remate adaptado á obra executada.
3. Dado que non se pode condenar aos veciños sen accesos, e ante a imposibilidade de que estes resolvan o problema polos seus medios no curto prazo, a empresa executora ten a obrigación de instalar accesos provisionais para os mesmos, e isto vólvese un problema loxístico cando son moitos os casos para liquidar por a empresa.
4. Ante esta situación temos un problema complexo no que as empresas adoitan incumprir os seus deberes, e mesmo forzar aos veciños a illamentos e incomodidades, á procura de solucións provisionais (moitas veces pouco adecuadas), e, en ocasións, a recorrer a persoas da contorna da obra que se aproveitan da necesidade para facer caixa.

Esta é unha situación irracional que non debese de darse e que tería que vir resolta como parte da obra, lo que repercutiría tanto en beneficio dos veciños como do propio contratista e, polo tanto, da Administración. O proxecto xa debese de contemplar a execución da reposición dos accesos na parte pública, aínda que tendo en conta a situación final da contorna (relevos e outros) para que devandito acceso resulte operativo.

Con todo, a procura de supostos aforros e unha visión pouco racional do problema, e ás veces interesada, lévannos a situacións que, cando menos, debemos rexeitar.

Esperamos que esta situación se resolva con prontitude na ampliación do Trece.

Proposta de melloras para a ampliación da estrada d'O Trece

O proxecto da estrada é de hai 20 anos (marzo de 1998), con dúas actualizacións do orzamento: unha primeira en 2005 e outra finalmente en 2014. En consecuencia as referencias ás normativas quedáronse moi obsoletas, aínda que as solucións técnicas en boa parte sigan sendo válidas, e outras non se contemplan como, por exemplo, normativas de accesibilidade e normativa de protección de motociclistas.

E un proxecto moi simple que define a plataforma principal da estrada sen entrar a definir nin as zonas de estreitamentos nin as solucións a aplicar neles, nin sequera para soportar a propia estrada, e da carta branca para que o contratista constrúa e arranxe sobre da marcha (algo que pode dar lugar a calquera resultado, normalmente moi pobre).

Despois de 20 anos de espera deberíase requirir, a maiores que ancheala, darlle solución a unha diversidade de problemas da estrada que quedan sen resolver, e a outras necesidades actuais, porque a alternativa parece ser ter que esperar outros 20 anos.

Esta é a nosa proposta básica que lle facemos aos veciños e que reclamaremos para esta vía ante o Concello e a Deputación:

• Solución aos problemas de accesibilidade.
• Están a crearse uns problemas de accesibilidade ás vivendas ou propiedades, en ocasións dificilmente salvables (con chanzos imposibles), aos que hai que dar resposta.
• Dotación dunha senda / aceira sobre a cuneta.
• Non se dá solución aos problemas de circulación peonil especialmente nas zonas de núcleo rural.
• Protección de seguridade en casas próximas á estrada en nivel inferior.
• Atopámonos con desniveis que normalmente non requirirían de protección nun tramo de estrada normal, pero en zona de Núcleo rural se o require, non só polos peóns, senón tamén polas casas
• Recollida de augas nos tramos máis horizontais próximos á feira, e estudo das descargas das restantes zonas.
• Hai casas que se atopan bastante expostas á baixada de augas do outeiro, que antes estaban protexidas por elementos que agora desapareceron coas obras, e non se prevén sistemas de recollida para elas.
• As cunetas revestidas con formigón van descargar en puntos concretos que anteriormente non recibían tanta concentración de auga e non se fixo unha previsión respecto diso.
• Durabilidade do acabado de Triplo Tratamento Superficial.
• Sabemos que é inferior ao sistema de aglomerado en quente, actualmente máis empregado, e que non presenta problemas como o de gravas miúdas soltas.
• Preinstalación de tubos para electricidade / comunicacións.
• Existe un acordo do Pleno aprobado en base a unha moción de Eliximos para tratar de deixar instalados os tubos que logo faciliten ao acceso dos núcleos rurais ás redes de comunicacións de banda ancha e outros posibles servizos.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán
15570 Narón (A Coruña)

Narón, moito  por facer
...fagámolo, xuntos podemos.

facebook:
https://www.facebook.com/groups/Eleximos.Naron/
Web:
http://eliximos.esy.es/http://eliximos.esy.es/

Enviado por:
ENE Eliximos Narón Electores
-eliximos@gmail.com-
6 de junho de 2018 23:19
7 de junho de 2018 23:48
_______________

A devolución de 150.000 euros por Urbaser a Narón responde a una acción do Tribunal de Contas promovida por Eliximos Narón

A devolución de 150.000 euros por Urbaser a Narón responde a una acción do Tribunal de Contas promovida por Eliximos Narón

É a primeira vez na historia do Concello en que unha concesionaria vai a devolverlle cartos ao Concello que cobrou de máis. O feito é aínda sorprende máis si temos en conta que a actualización do canon non se facía dende hai tres anos, pois a empresa non o pedía e o Tripartito miraba para outro lado. Ademais, sorprende o momento, xa que a empresa rematou o contrato e está cunha prórroga forzosa tamén a punto de rematar.

A cousa xa se explica sabendo que neste mes chegou unha notificación do Tribunal de Contas co inicio dunha acción pública promovida por Eliximos por un presunto prexuízo ás arcas públicas estimado en 370.000 euros, o cal podería afectar persoalmente ao patrimonio persoal de funcionarios e políticos, entre eles o ex-alcalde e a actual alcaldesa.

De todas formas, a actualización non está ben feita porque non se está a aplicar correctamente a revisión do canón segundo a formula aprobada no 1998, cando a Lei de Hidrocarburos obrigou revisala, e nunca se aplicou ben. Coa fórmula correcta aínda deberían de devolverse uns 60.000 euros máis, pois o correspondente a anos anteriores a 2014 xa prescribiu.

A reclamación de Eliximos tamén abarca outros aspectos como pagos presuntamente ilegais relacionados coa man de obra.

Lamentablemente xa non podemos trasladar esta baixada do canon ao recibo do lixo dos pasados anos, o que houbese sido posible se o tripartito fixese o seu traballo a tempo e se aplicasen a fórmula correcta, como reclamamos na última revisión no 2015.

Estamos ante un caso máis de inacción do Goberno que está a prexudicar aos veciños coas taxas, que vén sumarse á confiscación de máis de 100.000 euros en 2015, tamén no recibo do lixo, e que o tripartito non quere devolver de oficio, motivo polo que estamos a facer unha campaña informativa para que, quen queira, reclame a devolución correspondente.

Eliximos Narón Electores (ENE)

Grupo Mixto do Concello de Narón

Praza de Galicia s/n – Entrechán

15570 Narón (A Coruña)

facebook:
https://www.facebook.com/groups/Eleximos.Naron/
Web:
http://eliximos.esy.es/http://eliximos.esy.es/


Documentación.-

Acción Pública ante o Tribunal de Contas do Concelleiro de Eliximos Narón, Alfonso Casal Pita - 3 de abril de 2018 | Acceder/Baixar.

Notificación de Dilixencia de Ordenación do Tribunal de Cuentas -  |11 de maio de 2018 | Acceder/Baixar.

Enviado por:
ENE Eliximos Narón Electores
-eliximos@gmail.com-
1 de junho de 2018 11:13
_______________________________________

Eliximos propón un acordo Concello-Xunta para a construción dunha residencia de maiores en Narón - Un informe do IMSERSO para o ano 2016 mostra que en Galicia o 33% das prazas de residencias de maiores son públicas, mentres a media española é do 56%, sendo a Comunidade Autónoma con menor porcentaxe de oferta pública

Residencia privada para Maiores en Narón DomusVi (Un case monopolio no sector)

Eliximos propón un acordo Concello-Xunta para a construción dunha residencia de maiores.

Galicia necesita en torno a 7.600 prazas máis para acadar a oferta de prazas en residencias de maiores similar á media española, cantidade que ascendería a unhas 12.300 prazas para chegar á recomendación da OMS.

Un informe do IMSERSO para o ano 2016 mostra que en Galicia o 33% das prazas de residencias de maiores son públicas, mentres a media española é do 56%, sendo a Comunidade Autónoma con menor porcentaxe de oferta pública.

A Xunta opta pola vía de concertos coa empresa privada para aliviar as listas de espera. Con todo, o informe do IMSERSO mostra que, no caso galego, optar polas residencias privadas resulta un mal negocio en termos económicos para a Administración xa que cada praza nunha residencia pública de maiores custa en Galicia, de media, uns 17.998 euros ao ano, e deles algo menos do 35% do importe é achegado polas persoas usuarias, mentres, a mesma praza nun centro concertado custa uns 18.250 euros anuais e as persoas maiores que fan uso delas pagan do seu peto en torno ao 30% do importe. Así, cada praza pública supón uns 11.780 euros públicos anuais de media e cada unha das concertadas, unha media de 12.716 euros cada ano. A diferenza media rolda, así, o 8%.

En febreiro de 2017 a Xunta anunciaba a construción, dunhas 900 prazas residenciais, 120 delas en Ferrol, pero esta oferta apenas podería cubrir a metade da lista de espera polo que se espera que a oferta de prazas privadas irase incrementando, pero os seus prezos, de uns 1.500 euros mensuais de media, están lonxe de corresponderse cos ingresos da poboación galega maior de 65 anos, cuxa pensión media non supera os 840 euros ao mes.

Pódese concluír que as prazas dispoñibles son insuficientes, que os prezos das prazas privadas resultan moi elevados para os pensionistas galegos, e que o custo das prazas concertadas sáenlle máis caras á Xunta que as públicas. Todo isto lévanos a pensar que a mellor opción, tanto para os galegos como para a Xunta, é apostar pola construción de novos centros públicos para cubrir a demanda.

Desde Eliximos propoñemos, dado que o Concello dispón de importantes bolsas de terreo que poden servir para acoller este tipo de residencias, que o Goberno lle ofreza á Xunta un convenio para poñer á súa disposición os terreos urbanizados necesarios para que a mesma acometa a construción dunha residencia para persoas maiores en Narón.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán
15570 Narón (A Coruña)

Grupo no facebook:
https://www.facebook.com/groups/Eleximos.Naron/

Enviado por:
ENE Eliximos Narón Electores
-eliximos@gmail.com-
9 de maio de 2018 08:07
_____________

Eliximos Narón pide a consulta pública sobre a proposta de Regulación da participación cidadá na planificación, elaboración e avaliación de toda normativa municipal

Cando propoñiamos unhas Directrices para a Consulta Pública da Normativa municipal, para que se deran a coñecer “as regras de xogo” co fin de mellorar o acercamento da cidadanía á acción da Administración Local, no supoñiamos que ía a acabar nun novo Regulamento disfrazado de “regulación da participación cidadá”.

O Tripartito preséntanos unhas directrices acordes cao súa liña de NON Traballo coas que pretende que as revisións da normativa se fagan unha vez “ao comezo de cada mandato Corporativo”, é dicir, unha cada 4 anos, xa é ir demasiado lonxe porque aínda que non contradí directamente a lei si o seu espírito. Inicialmente o borrador da lei marcaba facer anualmente as revisións, pero logo deixouse sen periodicidade fixa para non saturar o traballo administrativo. Esta liberdade, como sempre, hai quen a aproveita para fuxir o que pode das súas obrigas.

Tamén tratan de reducir o traballo quitando algunhas normas do Plan Normativo Anual, e limitar a participación cidadá as novas normas excluíndo a participación nas revisións, que son as máis frecuentes e as que máis afectan aos cidadáns (especialmente as ordenanzas fiscais).

Agora encontrámonos cun regulamento que incumpre as propias normas que quere regular, triste comezo. Pedimos a retirada do punto do orde do día para que se cumprise coa propia norma, pero o sentido común parece non acompañaba a ningún dos membros do Pleno e ninguén fixo caso. Logo aprobaron o Regulamento e hasta a “suposta” oposición encomiou o traballo de recortar os dereitos dos naroneses recoñecidos pola lei.

Tristemente isto e o que temos, así nos vai.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán 15570 Narón (A Coruña)
Telf.: 981337700 - Ext.: 1066 - Móbil: 673141822 / E-mail: grupomixto_ene@naron.es
Grupo no facebook:
https://www.facebook.com/groups/Eleximos.Naron/
Web: http://eliximos.esy.es/

Enviado por:
ENE Eliximos Narón Electores
-eliximos@gmail.com-
29 de junho de 2017 13:06
____________

Eliximos Narón sobre da devolución das taxas de auga e a revisión do programa de facturación

Sobre da devolución das taxas aos contribuíntes.

No pleno do día de hoxe, 28 de xullo, non se nos admitiu a trámite unha moción urxente sobre a modificación do programa de facturación de COSMA para poder facer devolucións nos recibos, e finalmente lle fixemos un rogo ao alcalde ao respecto.

Logo do episodio dos trihalomentanos do pasado ano, un dos argumentos dados polo Goberno para non proceder á devolución do diñeiro aos abonados foi que o programa de facturación de COSMA non estaba preparado para proceder a dita devolución, e o custo de modificalo era moito mais alto que o importe das devolucións e, polo tanto, non se xustificaba dito cambio.

A urxencia vén motivada porque deben aproveitarse as modificacións postas en marcha pola revisión da ordenanza No 8, aprobada no pleno do pasado mes de xuño, para introducir unha nova facturación correspondente ao saneamento en alta e a depuración, e isto implica necesariamente a revisión do programa de facturación e, dado que xa é necesario proceder á revisión, a introdución da opción de devolucións non implicará un incremento substancial no custo da mesma.

Pasado máis de un ano, os abonados aínda non foron resarcidos pola crise dos trihalometanos como legalmente lles corresponde e, introducindo dito cambio, si poderían ser resarcidos ao desaparecer a principal xustificación para non levalo a cabo.

Non debemos esquecer que a facturación de COSMA non só afecta a auga (nas partes do Concello e da Xunta), senón tamén ao saneamento, e ao residuos sólidos (de Urbaser), polo que estamos a falar dun importante déficit no principal programa de facturación de Narón.

A devolución das taxas en determinadas circunstancias é algo obrigatorio por lei (artigo 12 da Lei 8/1989, de 13 de abril, de Taxas e Prezos Públicos), polo que non se entende como ata a data non se incluíra esta posibilidade no sistema de facturación.

Sorpréndenos que a resposta do alcalde fose que llo ía “trasladar ao xerente de COSMA para que o considerase”, como si as devolucións non fosen unha obrigación para o Concello e por tanto para a empresa mixta.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán 15570 Narón (A Coruña)
Telf.: 981337700 - Ext.: 1066 - Móbil: 673141822 /
E-mail: grupomixto_ene@naron.es
Grupo no facebook:
https://www.facebook.com/groups/Eleximos.Naron/
Web: http://eliximos.esy.es/

Enviado por:
ENE Eliximos Narón Electores
-eliximos@gmail.com-
28 de julho de 2016 17:37
__________

A voltas co contrato eléctrico tamén en Narón

A voltas co contrato eléctrico tamén en Narón.

Os incorporados nesta lexislatura acabamos de descubrir que o tema eléctrico tamén esta a voltas en Narón. Soubémolo porque someteron a aprobación do Pleno darlle permiso ao alcalde para que pague facturas con atrasos e/ou irregularidades. Novamente encontrámonos con que o goberno saca do caixón facturas non pagadas. Pensamos que no mes de abril xa quitaran todos os “mortos” do caixón pero aínda lles quedaban, esperemos que estes sexan os últimos, pois xa estamos a falar de máis dun cuarto de millón de euros con moitas facturas irregulares, e isto tampouco é cousa de este ano senón que xa ven acontecendo en anos anteriores, pero parece que ninguén vai asumir responsabilidades.

Cando estamos asistindo a un triste debate sobre un contrato eléctrico ilegal en Ferrol, encontrámonos coa sorpresa de que en Narón lévase tempo esfollando a margarida para ver si se fai o mesmo, tanto tempo que isto xa ven da lexislatura pasada, e que se están a recibir presións por parte das eléctricas para que se contrate simultaneamente subministro e mantemento.

No informe do xefe da sección de contratación di que “Esta situación advertiuse con anterioridade, pero era interese da Corporación que este contrato fose asumido pola Mancomunidade de Municipios, para o que se encargaron os correspondentes estudos técnicos, o que atrasou considerablemente unha nova contratación”, e que: deberían, no menor prazo de tempo posible, proceder á licitación do correspondente contrato. Por outra banda a interventora (que vixía a legalidade das actuacións) di que: “debería tramitarse o correspondente expediente de contratación para dar cobertura a ditos gastos, favorecendo a pública concorrencia e a obtención de prezos máis vantaxosos economicamente” pois “O concello procedeu á contratación verbal e de modo fraccionado destes subministros, contratación que se atopa prohibida polo TRLCSP”.

Ante estas ilegalidades/irregularidades, Eliximos Narón presentou unha moción urxente no pleno co fin de liquidar a maior brevidade posible esta situación irregular, pero desgraciadamente foi rexeitada porque din que seguen a estudar o tema. Como xa levan máis dun ano de estudo, asústanos pensar o tempo que pode faltar para que resolvan algo.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán 15570 Narón (A Coruña)
Telf.: 981337700 - Ext.: 1066 - Móbil: 673141822 /
E-mail: grupomixto_ene@naron.es
Grupo no facebook:
https://www.facebook.com/groups/Eleximos.Naron/
Web: http://eliximos.esy.es/

Enviado por:
ENE Eliximos Narón Electores
-eliximos@gmail.com-
30 de junho de 2016 16:20
____________

Eliximos Narón aposta por reforzar a escola rural e pide o apoio para o Programa Experimental proposto desde Sedes

Eliximos Narón aposta pola escola rural e pide o apoio para o Programa Experimental proposto dende Sedes para estudar a súa expansión a todo o rural galego.

Dende Eliximos fíxose un pequeno estudo respecto da situación entorno da escola rural para incidir na necesidade da súa defensa e apoiar a petición que se fai dende Sedes para poñer en marcha un programa experimental a implantar inicialmente nalgunhas escolas rurais galegas para posteriormente estendela a toda a escola Rural.

O programa tería dúas fases, na primeira incluiríase os dous ciclos de educación infantil e dotaríase dun servizo de comedor por cátering, mentres que na segunda desenvolveríanse programas de educación (regrada e non regrada) permanente de adultos, coma unha función e servizo público de proximidade para as persoas habitantes do rural, facilitando así a igualdade de oportunidades para acceder ós servizos públicos.

A oferta formativa de menos de 3 anos e claramente insuficiente en todo Galicia e mais concretamente en Narón, e incide na conciliación da vida familiar e laboral e, indirectamente pero de forma moi negativa na igualdade da muller e nos índices de natalidade.

É necesaria unha maior relación entre a escola e as nais dende a formación durante o embarazo á crianza dos fillos con parentalidade positiva.

Por outro lado, neste século onde a evolución tecnolóxica é exponencial é necesario dar o apoio ao rural para que as súas xentes non queden estancadas no pasado, polo que a escola pode e debe ofrecer a formación socio-económica para persoas en idade produtiva, que lles permita adaptarse as necesidades tecnolóxicas e produtivas dos novos tempos, aínda que sen renunciar a educación non académica de adultos da que están carentes no medio rural, con metodoloxía activa, variada e próxima ás motivacións das persoas....

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán 15570 Narón (A Coruña)
Telf.: 981337700 - Ext.: 1066 - Móbil: 673141822 /
E-mail: grupomixto_ene@naron.es
Grupo no facebook:
https://www.facebook.com/groups/Eleximos.Naron/
Web: http://eliximos.esy.es/

Enviado por:
ENE Eliximos Narón Electores
-eliximos@gmail.com-
2 de maio de 2016 21:02
_____________________

Enlace relacionado:

CRA de Narón | A túa escola, sen ir máis lonxe.
http://www.edu.xunta.es/centros/cranaron/
_____________________________

Eliximos Narón denuncia a irracionalidade das taxas do lixo, situación á que califica como unha "montaña rusa de taxas por superficie ocupada"

Eliximos Narón denuncia a irracionalidade das taxas do lixo.

No pleno de Marzo o tripartito de Narón quixo rectificar os seus propios erros de xestión pero desaproveitou a ocasión de corrixir a irracionalidade das taxas de recollida de refugallos.

O motivo da revisión era o de evitar que algúns tipos de establecementos non pagasen case o dobre ao pasar de 119 m² a 121 m². Pero a rectificación non foi para todos, e entón a pregunta que xorde é por que os outros si deben pagar esa diferenza?.

Na taxa dos refugallos hai outras cousas ilóxicas, así os custos por m² para un supermercado de 121 m² son un 95% mais que outro de 119 m², para os de 399 m² son un 41% inferiores para logo volver a subir a un 292% mais para os 401 m².

Despois desta montaña rusa de taxas por superficie ocupada por os supermercados encontrámonos que talleres mecánicos, comercios, tendas, panadarías, oficinas e bancos pagan o mesmo independentemente do seu tamaño.

Tendo en conta que unha parte moi importante da factura e para o tratamento do lixo, non entendemos razoable que unha vivenda de 1 habitante pague o mesmo que outra de 4 ou 5 habitantes.

Tampouco se entende que unha vivenda con un 1 habitantes este a pagar un 662% máis que un xeriátrico por persoa, e que un hotel de 3 estrelas pague un 261% mais que unha residencia xeriátrica por habitación.

Pero o colmo da actuación do Goberno é que, na súa nova rectificación, aparecen mais novos erros dos que había, pois deixan con dobre taxa ou sen ela (nun baleiro legal) a distintos tipos de industrias e establecementos para distintas franxas de superficie dos seus locais. Erro que o alcalde prevé corrixir no período de alegacións. Outro novo parche ou chapuza.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán 15570 Narón (A Coruña)
Telf.: 981337700 - Ext.: 1066 - Móbil: 673141822 /
E-mail: grupomixto_ene@naron.es
Grupo no facebook:
https://www.facebook.com/groups/Eleximos.Naron/
Web: http://eliximos.esy.es/

Enviado por:
ENE Eliximos Narón Electores
-eliximos@gmail.com-
1 de abril de 2016 09:14
_____________________

Eliximos Narón propón un novo acceso dende O Couto á rotonda sobre a Autopista

Eliximos Narón propón un novo acceso dende O Couto á rotonda sobre a Autopista

A parroquia d'O Couto a pesar de ser unha zona semiurbana cuns 1600 veciños presenta en xeral uns viarios de antigos trazados e que se melloraron no seu firme, pero que resultan estreitos e carecen de beirarrúas na maior parte dos casos, o que os fai pouco seguros e eficientes para a súa circulación. Por estas razóns, calquera redución de tráfico que se poida facer en ditas rúas redundará sobre a seguridade viaria.

Co fin de dar unha alternativa ao trafico da parroquia, reconducindo o mesmo as vías de alta capacidade que a atravesan (autopista AP-9 e FE11), proponse o trazado de un novo viario dende o camiño do Corveiro ata a rotonda de conexión da FE11 coa AP-9 (na saída 33F), que se pode ver na ilustración anexa, na que tamén se recolle un posible acceso directo a FE11 en sentido Ferrol co fin de evitar a dificultade de xiro na saída na rotonda.

Na actualidade para acceder dende a rotonda aos viarios do contorno e necesario dar voltas de entre 3 e 4 km. co conseguinte gastos de combustible e tempo, impacto no medio e riscos de circulación. Este novo trazado de uns 115 m de lonxitude transcorrería en case a súa metade (uns 52 metros) por unha parcela que figura como parte do sistema viario, e afectaría soamente a unha propiedade privada de 1.371 m2 de uso forestal con eucaliptos.

Resulta evidente que a zona da parroquia do couto e unha zona de futuro crecemento da cidade e, polo tanto, debe contemplarse na nova planificación do PXOM os viarios que, coma o proposto, dean solucións as comunicacións da mesma.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán 15570 Narón (A Coruña)
Telf.: 981337700 - Ext.: 1066 - Móbil: 673141822 /
E-mail: grupomixto_ene@naron.es
Grupo no facebook:
https://www.facebook.com/groups/Eleximos.Naron/
Web: http://eliximos.esy.es/

Enviado por:
ENE Eliximos Narón Electores
-eliximos@gmail.com-
17 de março de 2016 13:10
_____________________

Eliximos Narón pide a Villamar que mire mais ala das súas cifras e vexa como a súa xestión afecta ás persoas

Descoñecemos si o Sr. Villamar mirou só a última cifra do informe de tesoureira relativo ao cumprimento dos prazos de pago ou si non quere ver o resto do informe. Dende a súa butaca de delegado ve o vaso medio cheo, pero as empresas ás que o Concello non se lle pagou a tempo as 93 facturas por un total de 1.112.510,83 euros, ou as outras 407 por 326.043,92 euros que seguían sen cobrar a final de ano, seguro que ven o vaso medio baleiro porque teñen que facer fronte aos seus pagos e que manter os seus traballadores que queren cobrar todos os meses. Respecto a COSMA ocorre algo similar ou peor.

O que realmente lle importa as empresas é que o Concello tarda en pagar unha media de 52 días dende que recibe a factura, mentres que o padroado de cultura faino en 12,23 días, claro que falamos de un total de facturas de 4.145.996,79 do Concello fronte a 457.492,63 euros do Padroado de cultura. A ditos números si lles restamos 30 días que a lei lle deixa a concello para xestionar a facturas e se calcula unha media o resultado é o de 12,23 días de período medio de pago que é o número que lle gusta ao Sr. Villamar, a súa media verdade.

Creemos que a postura do Sr. Villamar é unha visión dun administrador que ve que os números que lle esixe o Estado lle cadran e que non ve, mais aló do seu ordenador, as empresas e persoas que están a sufrir o retraso dos pagos, parece que xa esqueceu o seu programa no que dicía “As persoas van ser tamén, agora máis ca nunca, o obxectivo da nosa organización na vindeira lexislatura”.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán 15570 Narón (A Coruña)
Telf.: 981337700 - Ext.: 1066 - Móbil: 673141822 /
E-mail: grupomixto_ene@naron.es
Grupo no facebook: https://www.facebook.com/groups/Eleximos.Naron/
Web: http://eliximos.esy.es/

Enviado por:
ENE Eliximos Narón Electores
-eliximos@gmail.com-
1 de março de 2016 13:43
____________________

Foto de Ferrol360.

Nova relacionada:
Eliximos Narón ve atrasos nos pagos do Concello e o goberno afea as súas "inexactitudes". | FERROL360 | Martes, 1 de marzo de 2016 | Ir a Web.
____________________________

O lastre das herdanzas fai que a carga fiscal en Narón sexa un 26% mais alta, di Eliximos Narón

O problema dos orzamentos e que nacen con herdanzas que os volve ineficaces para corrixir a traxectoria do concello:

Unha herdanza de hipotecas bancarias, subscritas baixo gobernos de TEGA, que levamos pagando dende o pasado decenio e que seguiremos sen terminar de pagar ata o próximo decenio.

Outra herdanza en “hipotecas de servizos” xa que comparado coa media dos restantes concellos galegos con poboación entre 20.001 a 50.000 habitantes estamos a pagar:

o Un 33,3% mais na “Recollida, xestión e tratamento de residuos” (uns 607.000 euros mais). Medido en euros por habitante un 48,5% mais, 61,5 €/hab. en Narón fronte aos 41,4 €/hab. da media.

o Un 107,5% mais na “limpeza viaria” (uns 618.000 euros mais). Medido en euros por habitante un 131,2% mais, 30,2 €/hab. en Narón fronte aos 13,1 €/hab. da media. Os servizos de limpeza tamén lastran outras contas como as de:

• o Funcionamento de centros de ensino con gastos dun 56,3% por riba da media.
• o Instalacións deportivas con gastos un 18,8% por riba da media. Medido en euros por habitante un 132,3% mais.
• o Xestión do patrimonio, con cifras desorbitadas.

Un total de 1.428.000 euros dos que con unha xestión directa poderíanse aforrar o 33%, e dicir, uns 470.000 euros.

Si están votando contas xa levamos un sobrecustos de 1,7 millóns de euros.

Pero hai outras herdanzas como unha mala xestión dos recurso humanos e externalización de todo tipo de traballos que ademais de ter un sobrecusto implica un perda do coñecemento e unha descoordinación de tarefas.

Si miramos como estamos a pagar isto temos que os ingresos de Narón son de 731,7 €/hab. fronte a 675,7 €/hab. (un 8,3% mais) de concellos similares, pero o peso destes ingresos e moito mais alta sobre os veciños que sobre outras fontes, xa que as tres voces mais importantes que suman o 90% dos ingresos son:

Impostos Directos, un 24,9% mais que concellos similares (314,7 fronte 232,7 €/hab.), subindo principalmente o IBI Rustico + 108,4%, o IBI Urbano +31,8%, e Incr. do Valor Terreos Natureza Urbana +64,1%

Taxas e outros ingresos, un 28,6% mais que concellos similares (188,6 fronte 135,5 €/hab.) si contamos tamén as taxas de auga e sumidoiros que van ás contas de COSMA. Transfer. correntes, un 8,8% menos que concellos similares (250,2 fronte 253,3 €/hab.). A conclusión e que os naroneses teñen unha carga fiscal por riba dun 26% mais alta que os veciños de outros concellos galegos similares.

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán 15570 Narón (A Coruña)
Telf.: 981337700 - Ext.: 1066 - Móbil: 673141822 /
E-mail: grupomixto_ene@naron.es
Grupo no facebook: https://www.facebook.com/groups/Eleximos.Naron/
Web: http://eliximos.esy.es/

Enviado por:
ENE Eliximos Narón Electores
-eliximos@gmail.com-
4 de janeiro de 2016 11:00
____________________