Xurdimos a favor dunha política xusta, democrática, participativa e sustentábel, responsábel cara o futuro da humanidade e do resto das especies, respectuosa e defensora do medio natural, na convicción de que un outro mundo non só é posíbel senón que é necesario.
Este venres 3 de maio darán comezo a estas xornadas sobre 'Dietética dixital' co escritor e investigador Pedro Fernández de Castro, baseándose na serie Black Mirror! Organizadas polo Concello de Ferrol, coa colaboración da asociación ferrolán Fuco Buxán que se desenvolverán pola mañá e tarde do venres 3 de maio e sábado pola mañá do 4, no Centro Cultural Torrente Ballester.
Enviado por: Inácio GZ -inaciogz@gmail.com- 02 de maio de 2019 21:15
___________
A área da muller da Asociación Cultural Fuco Buxán organiza a conferencia "Prostitución e trata sexual: Violencia sexual e neoliberalismo" a cargo da activista feminista e integrante de feminicidio.net, Amelia Tiganus.
Este conferencia terá lugar o vindeiro venres 12 de abril de 2019, na sala audiovisual da Biblioteca Municipal de Ferrol, ás 19:30hs. Non é preciso inscribirse porén, a sala audiovisual da Biblioteca Municipal ten un aforo limitado.
Amelia Tiganus é unha activista feminista e defensora dos dereitos humanos das mulleres, nacida o 11 de marzo de 1984 en Rumanía. Vive en Euskadi e desenvolve o seu traballo en feminicidio.net, un proxecto social do que forma parte a partir de 2015 e onde actualmente sostén o cargo de coordinadora da plataforma de formación online e do proxecto de prevención, formación e sensibilización sobre prostitución, trata, violencia sexual e outras formas de violencia contra as mulleres.
Amelia estaría con nós o pasado día 28 de febreiro no Foro de Prostitución, organizado por Fuco Buxán en colaboración coa Oficina para a Igualdade de Xénero da UDC e o Concello de Ferrol, máis tiña a recepción do merecido premio "Comadre de Oro" 2019 de La Tertulia Feminista.
A través do devandito Foro, analizamos con investigacións o entorno e o contexto no que se move a prostitución. Nesta ocasión, consideramos moi importante dar voz a mulleres que lograron sobrevivir á trata e ao sistema prostitucional para coñecer de primeira man esta realidade.
Amelia Tiganus é integrante da plataforma feminicidio.net, un observatorio da sociedade civil organizada que naceu co fin de documentar e visibilizar unha barbarie normalizada: o feminicidio, o asasinato de mulleres por ser mulleres.
É un portal de información e periodismo de datos con perspectiva de xénero que se nutre da elaboración de reportaxes, entrevistas, artigos, investigacións especiais e informes sobre feminicidio e violencia de xénero en España e Iberoamérica.
Pero é moio máis que un portal de información, tamén contén a 'Geofeminicidio': unha aplicación tecnolóxica [...], de uso de balde e a disposición de ONG, institucións públicas e medios de comunicación que permite a documentación online de feminicidios e asasinatos de mulleres.
Por outro lado, no portal funciona unha plataforma E-learning a través da que imparten cursos online.
Podemos coñecer un pouquiño máis a Amelia Tiganus a través de esta entrevista realizada por Beatriz Ranea Triviño, politóloga-socióloga, da revista Atlánticas, monográfico sobre prostitución.
Aproveitamos a ocasión para recomendarvos a lectura completa da revista.
Presentación no Ateneo Ferrolán do libro "Meiras, un pazo, un caudillo, un espolio..." este mércores, 17 de outubro ás 19:30hs. Haberá coloquio e estarán presentes os seus autores: Carlos Babío Urkidi e Manuel Pérez Lorenzo - É un acto encadrado no Ciclo Democracia e Compromiso organizado pola asociación Fuco Buxán.
MEIRÁS. UN PAZO, UN CAUDILLO, UN ESPOLIO.
De Carlos Babío Urkidi e Manuel Pérez Lorenzo.
Unha produción da Fundación Galiza Sempre
Unha das imaxes que máis asociamos á ditadura de Franco é a da silueta do Pazo de Meirás. Residencia de verán do Xefe do Estado durante case catro décadas, o edificio, construído pola escritora Emilia Pardo Bazán, chegaría ás mans do ditador nun proceso marcado polas coaccións e os abusos sobre unha poboación sometida ao aparello represivo do réxime.
O presente volume estuda e documenta eses procedementos e analiza a actuación das administracións en Meirás, co investimento continuado de fondos públicos nunha propiedade que, á morte de Franco, ficaría nas mans da súa familia. Un relato que vén botar luz sobre unha historia que o franquismo nos transmitira en termos ben diferentes. O relato dun tempo que axuda a explicar, en boa medida, o noso presente.
É a terceira vez que este libro se presenta en ferrol, a primeira pola asociación cultural Medulio, a segunda pola Fundaçom Artábria e esta terceira pola A.C. Fuco Buxán. O libro é unha peza fundamenta para a recuperación da memoria Histórica, mais tamén para a reivindicación da devolución do espolio cometido polo Ditador e o seu réxime. Dentro desta parte reivindicativa hai un proceso xudicial aberto contra 19 persoas que participaron nun acto reivindicativo contra este espolio, son os 19 de Meirás.
Presentación do libro: "Dietética digital. Para adelgazar al gran hermano" de Victor Sampedro (Catedrático de Comunicación Política e Opinión Pública), este venres 25 de maio, ás 19:30hs no Ateneo Ferrolán, organizado pola A. C. Fuco Buxán dentro do Ciclo Democracia e Compromiso..
A dieta informativa
O peor xeito de conectarse aos demais, explica Sampedro, é hiperconectarse ás redes. Do mesmo xeito, comentamos que o mellor modo de manternos na desinformación é atiborrarnos acotío do que parecen noticias. A información era, como a comida, un ben escaso, e os xornalistas esforzábanse por atopala e ofrecer canta máis, mellor. A nosa misión hoxe é a contraria: seleccionar, filtrar e verificala para axudar ao cidadán a distinguir entre os ecos "a miúdo interesados, narcisistas, banais ou simplemente falsos" e as voces que merecen ser atendidas. Pero o mellor xeito de frear as mentiras na rede é dar contexto, é dicir educar, mellorar a formación que permite descubrilas.
Presentación do libro de Manuel Rivas "Un manifesto rebelde - Contra todo isto", organizado pola A. C. Fuco Buxán, dentro do Ciclo democracia e Compromiso. Conta coa colaboración do Anteneo Ferrolán e o Concello de Ferrol. O acto terá lugar este xoves 10 de maio, ás 19:30hs, no Ateneo Ferrolán.
O libro tamén está editado en Galego, pola editorial Xerais.
Contra todo isto Un manifesto rebelde
de Manuel Rivas
Vivimos un tempo de retroceso, de aumento das desigualdades, de subtracción das liberdades; un réxime mundial de pensamento groseiro, de rearmamento bélico e abaratamento humano, de desfeita ecolóxica, da fin do mito da "globalización feliz". Vivimos nun Estado de Vergoña.
Este libro está escrito contra Todo Isto.
Todo Isto é descivilización.
Todo Isto é produción de medo para achicar a liberdade. E a produción de odio contra o diferente.
Todo Isto é subtracción do benestar e dos dereitos democráticos.
Todo Isto é a multiplicación de muros e fendas de desigualdades.
Todo Isto é o machismo como sistema.
Todo Isto é a guerra contra a natureza.
Todo Isto é domesticación intelectual.
Todo Isto é corrupción sistémica, paraísos fiscais, unha mestura de economía gris e criminal.
Todo Isto é desmemoria, ou peor aínda, contramemoria.
Este é un libro que non invita á fuxida, senón a correr cos brazos abertos cara ao mundo, cando o sentimento de vergoña abre paso a unha saudade rebelde, a unha loita para arrincar a esperanza dos brazos do conformismo. Este é un libro do sentir e do pensar, unha literatura na beira, que quere pór a liberdade no corpo da linguaxe.
Editorial Xerais. | EDICIÓN LITERARIA>CRÓNICA>Xornalismo. | Papel 14,50 x 22,00 cm - Rústica cosido a fío - 264 Páxinas. | I.S.B.N.: 978-84-9121-396-3 | Código: 1345160 | 16,83€ IVE non incluído - 17,50€ IVE incluído. | Maio 2018 | Contra todo isto - Un manifesto rebelde - Manuel Rivas.
__________
Presentación en ferrol de 'El libro negro del ejército español', de Luís Gonzalo Segura, este mércores día 31 de xaneiro ás 19,30 hs, no salón de actos do Ateneo Ferrolán. Organizado por Fuco Buxán A.C. Contará coa presenza do autor: Luis Gonzalo Segura -Exteniente do Exército de Terra.
O vindeiro sábado, 13 de xaneiro, ás 12 hs, nas proximidades da Lonxa, no Peirao de Coruxeiras de Ferrol.
A Confraría de Pescadores e Mariscadores de Ferrol, a Asociación Cultural Fuco Buxán e o Comité Cidadán de Emerxencia para a Ría de Ferrol, farán unha Ofrenda Floral, en homenaxe a Bernardo Bastida Sixto, ExPatrón Maior da Confraría Ferrolá, socio de Fuco Buxán e colaborador do CCE, falecido onte, recoñecendo e agradecendo o seu permanente compromiso social, político e sindical.
As entidades que convocan o acto, agradecen a difusión e participación no mesmo.
Enviado por: Comite Cidadan de Emerxencia -comitecidadan@gmail.com- 10 de janeiro de 2018 19:46 _________________
Enlace relacionado:
Foi-se o compañeiro Bernardo Bastida, mais fica na memoria de tod@s nós. - Na mañá do martes, 9 de xaneiro de 2018, finaba o compañeiro por mor dunha enfermidade pulmonar que levaba padecendo desde había tempo - Desde Ártabra 21 queremos lembralo e reivindica-lo como un activista social, defensor da Ría e da Xente do Mar - Nota de pésame e solidariedade de Fuco Buxán do que era membro - Comité Cidadán de Emerxencia: Bernardo Bastida, sempre na nosa memoria, descanse en paz - Vídeo da manifestación do 3 de xuño de 2007 pedindo a súa liberdade. | Acceder en Ártabra 21. _________________________
Foi-se o compañeiro Bernardo Bastida, mais fica na memoria de tod@s nós.
A mañá, deste martes 9 de xaneiro de 2018, finaba Bernardo Bastida Sixto por mor dunha enfermidade pulmonar que levaba padecendo desde había tempo. Desde Ártabra 21 queremos lembra-lo e reivindica-lo como un activista social defensor da Ría e da Xente do Mar.
En maio de 2007 a imaxe dun gaseiro bloqueado na entrada da Ría de Ferrol foi portada de todos os medios de comunicación. A acción que durou varios días, convocada polo Comité Cidadán de Emerxencia para a Ría de Ferrol, na que participaban centos de cidadáns e cidadás, incluída a "xente do mar" -palabras que utilizaba Bastida para incluír a todas as mariscadoras, mariscadores e demais traballadoras que viven do mar- coas súas lanchas, verdadeira protagonista da acción que impediu a entrada ilegal do primeiro gaseiro cargado con GNL na Ría de Ferrol.Rachábanse, deste xeito, os muros de silencio construídos, para silenciar o despropósito de Reganosa, unha planta de gas construída no corazón da nosa Ría que nos ameaza todos os días.
A resultas daquela acción e doutra posterior do 29 do mesmo mes, Bernardo Bastida, entón patrón maior da Confraría de Ferrol, foi encadeado e procesado. Xulgado varios anos despois, xunto a outros mariscadores. A acción solidaria impediu que Bernardo ingresara de novo en prisión.
Mais Bernardo Bastida, ten o mérito, recoñecido, de facer da Cofradía de Pescadores de Ferrol, unha importante empresa, onde un sector da xuventude conseguiu unha profesión nas artes pesqueiras e marisqueiras, con moitos postos de traballo e unha considerábel facturación, foron anos de logros, mais non exentos de loitas reivindicativas, onde os intereses económicos e asociativos da xente do mar estiveron ben defendidos, concienciando na necesidade da defensa da Ría e do seu saneamento. E conseguindo elevar a autoestima das traballadoras e traballadores do sector.
Bastida, tiña unha dilatada historia de activista, desde a mocidade na loita na clandestinidade nos anos 70, nas filas comunistas contra a ditadura, onde foi represaliado e padeceu prisión; na implantación do sindicalismo en BAZAN até as folgas comarcais contra a mal chamada reconversión e as folgas xerais da Galiza, da primeira metade dos 80, onde foi un destacado activista nos piquetes, pasando pola xa mencionada recuperación do traballo no mar desde a segunda metade dos 80, perante 20 anos de actividade na defensa do sector. Na loita contra Reganosa e a súa colaboración nas Marchas da Dignidade e en Stop Desafiuzamentos da Rede de Apoio Mutuo de Ferrolterra.
As compañeiras e compañeiros da asociación Fuco Buxán e do Comité Cidadán de Emerxencia para a Ría de Ferrol envían unhas notas de pesar e recoñecemento, ante o falecemento de Bernardo que a continuación reproducimos.
Ante o falecemento de Bernardo Bastida Sixto
Fuco Buxán A.C. quere manifestar o seu profundo pesar polo falecemento no día de hoxe de Bernardo Bastida Sixto, compañeiro e socio da nosa asociación. Transmitirlle a súa compañeira Analuz , fillos Anuska e Pedro e familia o noso pesar e solidariedade.
Bernardo Bastida, nacera en 1949, entrando de aprendiz na Bazán, onde traballou, ate ser despedido a consecuencia dos feitos do 1972 (foi detido e encadeado na prisión d'A Coruña), e readmitido coa amnistía de 1977.
Militante activo, desde a clandestinidade, do PCG e das CCOO, foi enlace sindical, detido e procesado polo TOP. Durante anos foi o Patrón Maior da Confraría de Pescadores e Mariscadores de Ferrol donde realizou unha defensa activa deste colectivo, así como da Ria, sendo detido e procesado pola acción de bloqueo da entrada dos primeiros gaseiros cargados con GNL para Reganosa
Lembraremos sempre del a súa entrañable amizade e o seu compromiso, sindical, político e social. Descanse en Paz
Tanatorio Artabria Sala Nro 9, sendo incinerado este mércores 10 de xaneiro, ás 18 horas.
---
O Comité Cidadán de Emerxencia lamenta profundamente o falecemento do amigo e compañeiro Bernardo Bastida, ExPatrón Maior da Confraría de Pescadores e Mariscadores de Ferrol, que tivo lugar esta tarde, tras longa enfermidade, no Hospital Xeral de Caranza.
O lembraremos sempre como un dos principais colaboradores deste CCE na defensa da legalidade, da Ría e da Vida contra a ilegal e perigosa Planta de Gas, aínda a costa da súa liberdade.
Bernardo Bastida Sixto, naceu en Ferrol en 1949, e entrou de aprendiz en BAZÁN, ao tempo que militaba activamente, na clandestinidade, no PCG e nas CCOO. Como consecuencia dos sucesos do 10 de marzo do 72, foi despedido da Empresa, detido, torturado na Prisión Naval de Caranza, sometido a Consello de Guerra, encarcerado en A Coruña e procesado polo T.O.P. no Xuizo dos 23.
Coa amnistía de 1977 retornou a BAZÁN continuando a súa militancia política e sindical, como membro do Comité de Empresa.
Foi durante varios anos Patrón Maior da Confraría Ferrolá, onde encabezou una eficaz defensa dos intereses deste colectivo que lle custou numerosas sancións.
Tivo unha participación destacada na loita contra a instalación de REGANOSA no interior da Ría e no bloqueo a entrada dos primeiros Gaseiros cargados con GNL, en maio de 2007, sendo detido e confinado vinte días na Cárcere de Teixeiro, o que motivou numerosas e multitudinarias manifestacións e unha Marcha a pé dos Mariscadores ate aquela Prisión, para exixir a súa liberdade. Por tales feitos foi procesado con outros mariscadores e multado en 2014.
A pesar dos seus graves problemas de saúde estivo sempre presente nos actos reivindicativos, amosando o seu compromiso político e social de toda a vida.
Bernardo Bastida, sempre na nosa memoria, descanse en paz.
Mañá mércores, día 10 de xaneiro, unha vez realizada a autopsia, será trasladado ao Tanatorio Artabria, na Gándara, onde será incinerado ás 18 hs.
Acto: "As mulleres na Revolución Rusa" Xoves 21. 19 hs
Esquerda Unida Ferrol e Fuco Buxán organizan o acto “As mulleres na Revolución Rusa” no que dende ambas organizacións queremos visibilizar o papel das mulleres nun momento histórico tan importante como foi a Revolución Rusa para a humanidade e para a clase traballadora en particular.
Con este acto, queremos mostrar o noso compromiso co feminismo, porque como organizacións político sociais temos a responsabilidade de reler a historia para incorporar todas esas voces de mulleres e darlles o protagonismo que se merecen, para visibilizar o que se invisibilizou. Este ano conmemoramos o centenario da Revolución Rusa, o movemento revolucionario de máis alcance na historia a todos os niveis político, económico e social pero tamén para o feminismo é crucial este momento histórico, pois se acadaron conquistas para as mulleres que non se lograran antes en ningún país capitalista. Como en todas as revolucións, nesta as mulleres tiveron un papel importante silenciado pola historia oficial que só pon o foco en referentes masculinos.
Día: xoves 21 de decembro. Hora: 19:00 hs Lugar: Antigo Hospicio Municipal (Rúa Méndez Núñez, nº 11). Interviñen: * Eva Solla: Coordinadora Nacional de EU, S.X. do PGC, Deputada no Parlamento Galego. * Mª Consuelo Carballal: Área da Muller de Fuco Buxán. Coord. do programa de Radio Filispim "A Xanela das Fucas". -- Esquerda Unida de Ferrol R/ do Sol 124 Entrechán Esquerda
“A estirpe obreira de Ferrolterra, homes e
mulleres, ocupa un lugar senlleiro no que poderíamos denominar a
Historia da Esperanza. Xente feita coa mellor madeira da humanidade, nos
obradoiros do mar. ...”[*] Manuel Rivas.
Homenaxe a Rafael Pillado Lista no seu 75 aniversario
A Asociación Cultural “Fuco Buxán”, adicada a reflexionar e fomentar valores progresistas e democráticos, está a organizar a homenaxe a Rafael Pillado Lista, no seu 75 aniversario.
Homenaxe a unha longa traxectoria ligada á loita contra a ditadura franquista, á recuperación do movemento obreiro organizado - creador e fundador das CCOO e do PCG – e ó restablecemento das liberdades democráticas.
A devandita homenaxe desenvolverase o vindeiro 1 de Decembro a partir dás 20 horas con vocación de ser un acto plural que incorpore ó conxunto de colectivos que constitúen a nosa realidade social, sindical, política e cultural. A homenaxe constará de dúas partes: a primeira no Teatro Jofre e unha segunda na que haberá unha cea no restaurante Illas Gabeiras.
Para poder participar na cea hai que facer un ingreso de 25 € por persoa na conta corrente IBAN ES18-2080-0209-5630-4002-4947 ABANCA antes do 21 de Novembro. O número de asistentes á cea será limitado por razóns de organización. Pregamos a confirmación do ingreso, o nome do asistente/es e representación ou cargo (si é o caso).
Susana Alaniz González
Presidenta de Fuco Buxán, A. C.
Teléfono: 981.325.492
fucobuxan@gmail.com
ASOCIACIÓN CULTURAL FUCO BUXÁN
Rúa Armada Española, 32 baixo - 15406 - Ferrol (A Coruña).
Telef.: 981325492
Correo-e.: fucobuxan@gmail.com http://www.fucobuxan.net/
Tamén en Facecook, Twitter e Google+.
Conferencia de Francesc Serra no Centenario da Revolución Rusa, este venres 3 de novembro no Ateneo Ferrolán, ás 19.30hs.
Contaremos coa presenza do profesor Francesc Serra (Profesor de Relación Internacionais da UAB) para falar do acontecemento histórico que determinou todo o século XX.
Acto organizado pola asociación cultural Fuco Buxán, coa colaboración da Deputación Provincial, o Concello de Ferrol e o Ateneo Ferrolán.
-- Enviado por: Ateneo Ferrolán Fundado en 1879 -ateneoferrolan@gmail.com- 2 de novembro de 2017 19:16 http://ateneo-ferrolan.blogspot.com/
___________________
A asociación cultural Fuco Buxán presenta este xoves 4 de maio ás 19:30h, no Ateneo Ferrolán, dentro do ciclo "Democracia e Compromiso", o libo IBEX 35. Unha historia herética do poder en España polo seu autor Rubén Juste.
O autor é o sociólogo e articulista Rubén Juste. A obra fala de portas xiratorias, dos que mandan sen presentarse ás eleccións, das empresas do índice, dos persoeiros fundamentais, das privatizacións, das estratexias dos partidos en relación con elas... Todo isto tratando de dar resposta á pregunta: regula o Estado ás grandes empresas ou son estas as que controlan ó Estado? Como afirmou cínicamente Joan March “la riqueza no se crea ni se destruye, sólo cambia de bolsillo“.
Exposición "Quessada e o seu tempo" en Ferrol - Visitas guíadas de balde os venres 13 e 20 de xaneiro
Lembran que o ano 2016 foi declarado "Ano Quessada" en Ferrol? Saben que está aínda dispoñible a exposición "Quessada e o seu tempo" no Centro Torrente Ballester, e que poderán visitala ata o 31 de xaneiro de 2017?
Pois ben, para aproveitar ao máximo o pouco tempo que queda, dende Fuco Buxán organizaremos dúas visitas guíadas a esta exposición única e que pode que tarde moito tempo en repetirse de novo na nosa cidade.
As visitas guiadas terán lugar nas seguintes datas:
Venres 13 de xaneiro, ás 19:30h. Venres 20 de xaneiro, ás 19:30h.
Estas visitas correrán a cargo do noso amigo, membro da xunta directiva, e tamén pintor Victor G. Novás. As visitas son completamente de balde e non é precisa inscrición algunha.
--
ASOCIACIÓN CULTURAL FUCO BUXÁN
Rúa Armada Española, 32 baixo
15406 - Ferrol
APARTADO DE CORREOS 240
C.P. 15400 - Ferrol
TELÉFONO: 981325492
EMAIL: fucobuxan@gmail.com www.fucobuxan.net AXENDA | FACEBOOK | TWITTER | GOOGLE+.
Enviado por: A.C. Fuco Buxán Fuco Buxán -fucobuxan@gmail.com- 12 de janeiro de 2017 17:30
______________
Ciclo "Democracia e Compromiso": Carlos Callón, Xosé Mª Dobarro e Xurxo Souto este mércores 18 de maio
O vindeiro acto que terá lugar dentro do ciclo de conferencias que estamos a desenrolar baixo o título "Democracia e Compromiso", e que ofreceron este ano a posibilidade de atender a actos protagonizados por importantes figuras do panorama sociopolítico, como Vicente Álvarez Areces, Nieves Santomé, Manolo Lago, Manuel Rivas, Juan Carlos Monedero, Manuela Carmena, Xosé Manuel Beiras, Antón Losada, ...
Concretamente, este mércores 18 de Maio, contaremos coa presenza de Carlos Callón no Centro Cultural Carvalho Calero ás 19:30h para presentar o seu último poemario "Atravesar o Fantasma", ao que se sumarán posteriormente Xosé Mª Dobarro Paz e Xurxo Souto para protagonizar unha Mesa-Debate baixo o lema "Vivir en Galego". Tamén contaremos coa presenza de Roger de Flor, que interpretará varios temas do seu repertorio.
Dende a nosa A. C. Fuco Buxán facemos un chamamento a toda a cidadanía e tecido asociativo a participar no Debate "Vivir en Galego" [Compromiso coa Lingua]. Un debate necesario en Ferrolterra para poñer en valor a necesidade de traballar todos e todas a prol da nosa lingua. Consideramos que é necesario traballar en positivo para recuperar a nosa fala en todos os ámbitos da vida. Consideramos que é necesario un paso adiante de toda a cidadanía e tecido asociativo de Ferrolterra para implicarse no labor do [Compromiso coa Lingua]. Consideramos que é necesario o atrevemento dos e das neofalantes, así como, da normalización e da aceptación na sociedade a todo aquel o aquela que decida trocar a súa fala do castelán ao galego, o respecto aos neofalantes. É unha sorte aprender unha palabra nova cada día, é unha sorte poder mellorarse nunha fala e teimar para lograr dominala, e é necesario poñerlle a atención que merece por ser a Lingua Nai, a lingua do noso lugar de orixe. Non se lle debe dar as costas a nosa lingua, nin a nosa cultura, nin a nosa tradición; pois estas son únicas e non deben ser substituídas por outras, senón, como mínimo, deberan ter as mesmas atencións e oportunidades, deberan ter o coidado que merecen e precisan.
Porén; precisamos unidade; o galego precisa do apoio vital dos centros de ensino, dos docentes e do alumnado en xeral, o galego precisa da axuda dos pais e nais para implicar na nosa lingua aos seus fillos e fillas. O galego precisa ineludiblemente da unidade de todo o tecido asociativo e do seu compromiso coa nosa fala. O galego precisa o apoio dos nosos maiores -que inda a ter prohibida a nosa fala nos seus tempos teimaran por conservala-, é precisa a implicación da xuventude. Demandamos o [Compromiso coa Lingua] dos Medios de Comunicación de Ferrolterra, convídaselles, ofréceselles unha boa oportunidade para implicarse na posta en valor da nosa Lingua uníndose a este chamamento divulgando o mesmo nos seus medios, enviando reporteiros a cubrir o evento e amplificándoo xustamente para darlle a nosa Lingua a cobertura que merece.
Dende a nosa A. C. Fuco Buxán facemos un chamamento xeral á Mesa-Debate "Vivir en Galego" [Compromiso coa Lingua] para tentar acadar un Decálogo de motivacións para Vivir en Galego, para motivar a toda a cidadanía de Ferrolterra a un necesario Compromiso coa Lingua, pois "Vivir en Galego é Posible".
Por outra banda, sinalar que para unha asociación como a nosa supón un serio esforzo -sobre todo económico- conseguir o amable desprazamento ata Ferrol de tódolos conferenciantes.
Por este motivo, pedimos a vosa colaboración:
Difundindo os actos previstos
Facendo unha doazón: nos actos que desenvolvemos, sempre imos acompañados dalgunha das nosas producións como asociación -chapas, libros, documentais en DVD, ou o último número da nosa revista FUCO BUXÁN- coas que agasallaremos a vosa xenerosidade en función da cantidade doada. Por outra banda, tamén é posible contribuír facendo un ingreso na conta: ES75-2080-0222-8230-4001-5401
Seguíndonos nas redes sociais: poderás atoparnos en Facebook, Twitter e na web.
Inscribíndovos como socios e socias, contribuíndo ó crecemento da asociación e ó seu sostemento, tanto no económico como na súa actividade.
Ciclo "Democracia e Compromiso": Antón Losada este xoves 5 de maio, e vindeiros actos
Este é un dos últimos actos que estamos realizando dentro do ciclo de conferencias baixo o título "Democracia e Compromiso", e que ofreceron este ano a posibilidade de atender a actos protagonizados por importantes persoas do panorama socio-político, como Vicente Álvarez Areces, Nieves Santomé, Manolo Lago, Manuel Rivas, Juan Carlos Monedero, Manuela Carmena, Xosé Manuel Beiras...
Concretamente, este xoves 5 de maio, de 2016, contaremos coa presenza de Antón Losada no Ateneo Ferrolán ás 19:30h para presentar o seu último libro "Los ricos vamos ganando" e dar unha posterior conferencia.
Antón Losada Trabada, naceu en 1966 en Xove (A Mariña luguesa), é licenciado en Dereito pola Universidade de Santiago de Compostela, na cal é profesor titular de Ciencia Política no Departamento de Socioloxía e Ciencia Política dende 1998.
Ademais, desenvolveu unha coñecida traxectoria como articulista e comentarista en medios impresos e radiofónicos tanto do ámbito galego como estatal e, segundo o seu currículo, é autor de múltiples publicacións ligadas especialmente ao campo da ciencia política e da pesca.
Antón Losada Trabada, foi membro do BNG e secretario xeral e de Relacións Institucionais da Vicepresidencia da Xunta de Galicia, cargo no cal traballou man a man con Anxo Quintana dende que este tomou posesión como vicepresidente tras as eleccións autonómicas de xuño de 2005.
Desde o seu paso pola política activa e mesmo de participación no goberno autonómico que presidiu Emilio Pérez Touriño onde cogobernaba o BNG co PSdeG-PSOE, no que se chamou o bipartito, nesa segunda lagoa de tres anos e medio dun goberno non-PP, na Galiza (a primeira fora cando o de Fernando Gozález Laxe en 1987 co chamado tripartito que presidiu a Xunta perante tres anos, logo viñeron as maiorías absolutas de Fraga até que caeu derrotado en 2005), Antón Losada continuou coa docencia, mais segue de comentarista político e tertuliano na SER e noutros medios de relevancia.
Os ricos imos gañando (Los Ricos vamos ganando) de Antón Losada Trabada | Ediciones Deusto | Edición en Castelán. | Primeira edición: Marzo de 2015 Señores contra cidadáns na España neofeudal. Por que eles saíron da crise e ti non?
Ao fío da coñecido frase do multimillonario Warren Buffet, segundo quen "por suposto que hai unha loita de clases e os ricos imos gando", neste libro explícase que as elites xa saíron da crise, pero a xente da rúa, é dicir, o conxunto da sociedade non, e explica os porqués.
O libro consta de 6 capítulos onde trata os seguintes temas:
Non vaias cara á luz: Cinco mentiras sobre a recuperación.
Os gañadores lévannos todo.
Os perdedores deberían estar agradecidos.
Os nosos fillos serán os seguintes.
Pódense gañar unhas eleccións desde a esquerda.
Pódese gobernar desde a esquerda.
Primeiro capítulo dos ricos imos gañando. | 19 páxinas en formato pdf. | Acceder/Baixar.
--
ASOCIACIÓN CULTURAL FUCO BUXÁN: DIRECCIÓN: Rúa Armada Española, 32 baixo - 15406 - Ferrol (A Coruña) APARTADO DE CORREOS: 240 - C.P. 15400 - Ferrol TELÉFONO: 981325492 EMAIL: fucobuxan@gmail.comA NOSA WEB:www.fucobuxan.netAXENDA | FACEBOOK | TWITTER| GOOGLE+ .
Sinalar que para unha asociación como a nosa supón un serio esforzo -sobre todo económico- conseguir o amable desprazamento ata Ferrol de tódolos conferenciantes.
Por este motivo, pedimos a vosa colaboración:
Difundindo os actos previstos
Facendo unha doazón: nos actos que desenvolvemos, sempre imos acompañados dalgunha das nosas producións como asociación -chapas, libros, documentais en DVD, ou o último número da nosa revista FUCO BUXÁN- coas que agasallaremos a vosa xenerosidade en función da cantidade doada. Por outra banda, tamén é posible contribuír facendo un ingreso na conta: ES75-2080-0222-8230-4001-5401
Seguíndonos nas redes sociais: poderás atoparnos en Facebook, Twitter e na web.
Inscribíndovos como socios e socias, contribuíndo ó crecemento da asociación e ó seu sostemento, tanto no económico como na súa actividade.
Información baseada na enviada por: A.C. Fuco Buxán Fuco Buxán -fucobuxan gmail.com- 4 de maio de 2016 07:06
__________________
Dende a xunta directiva da A.C. Fuco Buxán queremos convídalo/a a asistir ao vindeiro acto que a nosa asociación organiza dentro do Ciclo [Democracia e Compromiso]:
MANUELA CARMENA CASTRILLO (MADRID, 9 DE FEBREIRO DE 1944) É XURISTA, XUÍZ EMÉRITA E POLÍTICA ESPAÑOLA, ALCALDESA DE MADRID DESDE O 13 DE XUÑO DE 2015. O SÁBADO 2 DE ABRIL ÁS 12:00 HORAS, NO CENTRO CÍVICO DE CARANZA FERROL.
A Asociación Cultural Fuco Buxán vén de celebrar varios actos dentro do Ciclo [Democracia e Compromiso] que permitiron achegar diferentes informacións en ámbitos moi diversos e necesarios de poñer en coñecemento da sociedade ferrolá. A Asociación Cultural Fuco Buxán iniciou un ciclo que pretende indagar nas claves e contribuír ao debate sobre a profunda crise sistémica na que estamos inmersos. A tal fin, convidamos e convidaremos a prestixiosos analistas que darán a súa visión dende perspectivas diversas.
Ata o de hoxe, organizamos os seguintes actos do [Ciclo Democracia e Compromiso]:
Ensino: Conferencia – Coloquio de Vicente Álvarez Areces.
Conferencia de Pablo Álvarez Fernández: Polo Dereito á Enerxía.
Conferencia de Nieves Santomé: "REFUXIADOS E INMIGRANTES".
Conferencia - Coloquio de Manolo Lago: "Balance da Lexislatura. Milagre Económico?"
Presentación do libro “O último día de Terranova” de Manuel Rivas.
Conferencia "Democracia alegre contra el miedo triste" Juán C. Monedero Fernández.
Presentación do libro “Código Rojo” de Luís Gonzalo Segura.
E temos previsto realizar os actos que seguen:
Manuela Carmena Castrillo (Madrid, 9 de febreiro de 1944) é xurista, xuíz emérita e política española, alcaldesa de Madrid desde o 13 de xuño de 2015. Conferencia o sábado 02 de abril ás 12:00 horas no Centro Cívico de Caranza Ferrol. [Ciclo Democracia e Compromiso].
Antón Losada Trabada (Jove, 1966) periodista, escritor, político. Conferencia o xoves 21 de abril ás 20:00 horas no Ateneo Ferrolán. [Ciclo Democracia e Compromiso].
Xoves 7 de abril no Ateneo Ferrolán Asemblea ordinaria de socios e socias da A. C. Fuco Buxán, ás 18:00 horas en primeira convocatoria e ás 18:30 horas en segunda convocatoria. Posterior Debate Aberto a toda a cidadanía a partir das 20:00 horas.
Por outra banda, sinalar que para unha asociación como a nosa supón un serio esforzo -sobre todo económico- conseguir o amable desprazamento ata Ferrol de tódolos conferenciantes.
Por este motivo, pedimos a vosa colaboración:
Difundindo os actos previstos
Facendo unha doazón: nos actos que desenvolvemos, sempre imos acompañados dalgunha das nosas producións como asociación -chapas, libros, documentais en DVD, ou o último número da nosa revista FUCO BUXÁN- coas que agasallaremos a vosa xenerosidade en función da cantidade doada. Por outra banda, tamén é posible contribuír facendo un ingreso na conta: ES75-2080-0222-8230-4001-5401
Seguíndonos nas redes sociais: poderás atoparnos en Facebook, Twitter e na web.
Inscribíndovos como socios e socias, contribuíndo ó crecemento da asociación e ó seu sostemento, tanto no económico como na súa actividade.
Así mesmo, convidamos a toda a cidadanía a participar no Debate Aberto que terá lugar o xoves 7 de abril ás 20:00 horas no Ateneo Ferrolán. Despois da nosa asemblea ordinaria de socios e socias queremos realizar un Debate Aberto a cantas persoas o desexen, un Debate que lles permita expresar a súa opinión e realizar as propostas que consideren, ademais, para situar os problemas da comarca nun primeiro plano. Agardamos vervos alí!
Presentación do libro “Código Rojo” de Luís Gonzalo Segura
Dende a xunta directiva da Fuco Buxán, A.C. queremos convídalo/a a asistir ao vindeiro acto que a nosa asociación organiza dentro do Ciclo Democracia e Compromiso:
Presentación do libro “Código Rojo” de Luís Gonzalo Segura, coa presenza de Xurxo Miguel Gago Chao (ex militar - secretario da A. C. Fuco Buxán) e Victor G. Novás (directivo da A. C. Fuco Buxán, responsable da área encontros coa información) o xoves 17 de Marzo ás 19:30 horas no local da SGHN (Sociedade Galega de Historia Natural) na praza de Canido s/n, antiga casa do Coronel, Ferrol.
Luís Gonzalo Segura de Oro-Pulido (Madrid, 19 de maio de 1977) ex tenente do exército de terra, autor das novelas “Un paso al frente” e “Código Rojo”. Columnista do Diario Público.
A nosa asociación vén a desenvolver un ciclo de conferencias baixo o título “Democracia e Compromiso”. O seu obxectivo é contribuír a difundir ideas e exposicións que promovan un cambio na situación económica, política e social, nun momento especialmente importante para todos os cidadáns.
Ata o de hoxe, organizamos os seguintes actos:
Ensino: Conferencia - Coloquio de Vicente Álvarez Areces.
Conferencia Pablo Álvarez Fernández - Polo Dereito á Enerxía.
Conferencia Nieves Santomé "REFUXIADOS E INMIGRANTES"
Conferencia - Coloquio de Manolo Lago "Balance da Lexislatura. Milagre Económico?"
Presentación do libro “O último día de Terranova” de Manuel Rivas.
Juán Carlos Monedero Fernández, Conferencia "Democracia alegre contra el miedo triste".
E temos previsto realizar os actos que seguen:
Luís Gonzalo Segura (Madrid, 19 de maio de 1977) exteniente do exército de terra, autor das novelas “Un paso al frente” e “Código Rojo”. Columnista do Diario Público. PRESENTACIÓN DO SEU LIBRO “CÓDIGO ROJO” O XOVES 17 DE MARZO ÁS 19:30 HORAS NO LOCAL DA SGHN (SOCIEDADE GALEGA DE HISTORIA NATURAL) NA PRAZA DE CANIDO S/N, ANTIGA CASA DO CORONEL, FERROL.
Manuela Carmena Castrillo (Madrid, 9 de febreiro de 1944) é xurista, xuíz emérita e política española, alcaldesa de Madrid desde o 13 de xuño de 2015. CONFERENCIA O SÁBADO 2 DE ABRIL ÁS 12:00 HORAS NO CENTRO CÍVICO DE CARANZA FERROL. Quixeramos aproveitar este anuncio para desculparnos polo cambio de data da conferencia de Manuela Carmena por circunstancias alleas a nós. Comprometémonos a mantervos informados periodicamente mediante o email, prensa, e as redes sociais da nosa actividade.
Debate Aberto: "os problemas da comarca nun primeiro plano".
Así mesmo, convidamos a toda a cidadanía a participar no Debate Aberto que terá lugar o xoves 7 de abril ás 20:00 horas no Ateneo Ferrolán. Despois da nosa asemblea ordinaria de socios e socias queremos realizar un Debate Aberto a cantas persoas o desexen, un Debate que lles permita expresar a súa opinión e realizar as propostas que consideren, ademais, para situar os problemas da comarca nun primeiro plano. Agardamos vervos alí!
A Asociación Cultural Fuco Buxán iniciou o Ciclo, que baixo o título xenérico, DEMOCRACIA E COMPROMISO, pretende indagar nas claves e contribuír ao debate sobre a profunda crise sistémica na que estamos inmersos. A tal fin, convidamos e convidaremos a prestixiosos analistas que darán a súa visión dende perspectivas diversas.
"Mucha gente pequeña, en lugares pequeños, haciendo cosas pequeñas, puede cambiar el mundo".
– Eduardo Galeano.
Conferencia "Democracia alegre contra o medo triste" de Juán Carlos Monedero [Ciclo Democracia e Compromiso].
Dende a xunta directiva da Fuco Buxán, A.C. queremos informar do vindeiro acto que a nosa asociación organiza dentro do Ciclo Democracia e Compromiso:
Conferencia de Juán Carlos Monedero Fernández, venres día 4 de marzo ás 20:00 horas na Centro Cultural Carvalho Calero de Ferrol:
Juán Carlos Monedero Fernández (Madrid, 12 de xaneiro de 1963) é un politólogo, profesor en varias universidades, ensaísta e político español, colabora en varios medios de comunicación, tanto de prensa como televisión. O venres 4 de marzo ás 20:00 horas no Centro Cultural Carvalho Calero (Inferniño), Ferrol.
A Asociación Cultural Fuco Buxán vén de celebrar varios actos dentro do ciclo DEMOCRACIA E COMPROMISO que permitiron achegar diferentes informacións en ámbitos moi diversos e necesarios de poñer en coñecemento da sociedade ferrolá.
A Asociación Cultural Fuco Buxán iniciou o Ciclo, que baixo o título xenérico, DEMOCRACIA E COMPROMISO, pretende indagar nas claves e contribuír ao debate sobre a profunda crise sistémica na que estamos inmersos. A tal fin, convidamos e convidaremos a prestixiosos analistas que darán a súa visión dende perspectivas diversas.