O Comité Cidadán de Emerxencia para a Ría de Ferrol, denuncia graves incumprimentos por parte de Reganosa que incrementan a ameaza permanente contra a vida das persoas na Ría de Ferrol

O Comité Cidadán de Emerxencia para a Ría de Ferrol, denuncia graves incumprimentos por parte de Reganosa que incrementan a ameaza permanente contra a vida das persoas na Ría de Ferrol

Una vez máis, o Comité Cidadán de Emerxencia, denuncia ante a Dirección Xeral da Mariña Mercante o incumprimento da normativa por parte de REGANOSA que incrementa a ameaza permanente contra a Vida das persoas na Ría de Ferrol.

O 29 de Febreiro o gaseiro “Yamal Spirit” entrou na ría con 3 remolcadores – cando son 4 os legalmente establecidos –e forza do vento 6, (22 a 27 KN), cando o legal é menos de 20 KN.

O día 2 de marzo, durante a descarga do gaseiro, o quimiqueiro "Imrikly" navegou a menos de 100 metros del, cando a normativa o prohibe a menos de 300 metros.

DENUNCIA

Á Dirección General de la Marina Mercante.

Rúa Ruiz de Alarcón, 28071 Madrid

Asunto: Nova Denuncia por incumprimento das Normas de Seguridade para gaseiros cargados con GNL (LNG) na Ría de Ferrol.

Referencia 1.-. Escrito desa Dilección Xeral de data 2 decembro de 2019, Nº rexistro 22360 do 04/12/2019.

Referencia 2.- O noso escrito de contestación do 23 decembro de 2019.

Manuel Ángel Rodríguez Carballeira, con DNI Nº **********, con domicilio a efectos de notificaciones en ********** (A Coruña), en nome e representación da "ASOCIACIÓN CULTURAL FUCO BUXÁN" co número de NIF **********,  e Luz Marina Torrente Lopez, con DNI Nº ********** e domicilio a efectos de notificaciones en, ********** (A Coruña), en nome e representación da "PLATAFORMA DE VECIÑOS CRUCEIRO DE MEHA (MUGARDOS)" co número de CIF **********, integradas no COMITÉ CIDADÁN DE EMERXENCIA PARA A RÍA DE FERROL poñen en coñecemento desa Dirección Xeral:

Que aínda non se recibiu contestación ao escrito da referencia 2, malia transcorrer máis de 2 meses e medio desde o seu envío.

Como confirmación da reiterada transgresión que vimos denunciando das Normas de Seguridade para a entrada, atraque, de atraque e saída de buques gaseiros cargados, por parte da Capitanía Marítima e a Autoridade Portuaria de Ferrol-San Ciprian, informámoslle o seguinte:

1.- En data 29 de febreiro de 2020, sobre as 18:22 inicia a manobra de entrada á canle de entrada a ría de Ferrol o LNG tanquer "Yamal Spirit", asistido polos remolcadores "Hocho", "Ramón Casas" e o "Ibaizabal Cinco". En Anexo 1, Achégase pantalla de Marine Traficc. Nese momento, as condicións de vento (segundo datos de Marine taficc para o gaseiro e os remolcadores na zona) eran forza 6 (22 a 27 KN) e mar de fondo de 4 m. As normas limitan a entrada para un límite de vento igual ou inferior a 20 KN e olas de 4 m. Estarían excedendo o límite de vento.

2.- O "Yamal Spirit" ten 294 m de eslora. Segundo as normas "Os buques de eslora comprendida entre 250 metros e 315 metros realizarán as manobras de entrada e saída da ría con catro remolcadores". Incumprinron este punto e máis irresponsábel xa que tamén estaban excedendo os límites de vento e na fronteira do de mar de fondo.

3.- Por si isto non fose suficiente, ao amencer do día 2 de marzo, o quimiqueiro Imrikly" dirixíase á estación desgasificadora de Forestal do Atlántico, que ten o peirao a continuación do de gaseiros. No transcurso da manobra navegou a menos de 100 m do costado de estribor do gasero Yamal Spirit". En Anexo 2 achégase captura de Marine Trafic. Nela, tendo en conta que a eslora do quimiquero é de tan só 105 m, pódese concluír que navegou a uns 100 m de distancia do gaseiro. Esta manobra está estritamente prohibida polas normas de navegación de gaseiros.

Para máis risco, nese momento había vento do Leste de forza 5 a 6, que podería achegar o quimiqueiro ao gasero, si coincide a racha co seu paso polo costado.

4.- As Normas de Seguridade para a entrada, atraque, de atraque e saída de buques gaseiros desenvolvéronse a partir do informe nº H3935 realizado por Marin-Delf Hydraulics do ano 2003, Punto-7 "Procedementos náuticos, resumo e conclusións". Achegáronse copias do informe no noso escrito de referencia 2.

É evidente que este informe segue sendo válido porque é o que a mesma empresa Reganosa achega en agosto de 2019 ao proxecto de construción (Volume 8 de 8), sometido a exposición pública na Delegación do Goberno, no procedemento de solicitude de novas autorizacións (administrativa e de construción).

No Punto-3.3 do informe do Punto-1 concrétase a necesidade dunha zona de seguridade durante a descarga de 300 m, en base á distancia ao Límite Inflamable Inferior, medido desde o lado do peirao.

5.- O Punto-3.3 deste informe aclara, por si houbese dúbida, que "Se advírta tamén que o tráfico que se dirixe a Forestal debe gardar esta distancia de seguridade". E engade: "Debe advertirse que cando o transporte de GNL estea descargando débense deixar libres 300 metros cara a popa do barco, non se permite ningún buque no peirao". Isto implica que mentres un gaseiro está descargando, non pode atracar ningún barco no mesmo peirao, que comparte coa empresa Forestal.

6.- Este mesmo informe di sobre o remolcador en espera: "A función do remolcador en espera é dobre: primeiro, impedir que os buques que pasan colisionen co buque de GNL e, segundo, asistir ao o barco do peirao en caso de urxencia". Si a primeira función é impedir que os buques que pasen poidan chocar co gasero, necesariamente debe estar nas proximidades e sen fondear, coa máquina en marcha. Dificilmente pode evitar esta posibilidade de choque si ten que arrincar máquina (supoñendo que a tripulación está a bordo, dispoñíbel e de garda co radar durante as case 12 horas de duración da descarga), desamarrar e desprazarse desde o peirao de remolcadores (en Ferrol) ate o peirao de Reganosa (a unha distancia de 0,7 millas).

7.- A ausencia deste remolcador, que xa denunciabamos no noso escrito de referencia 2, é o que permite que calqueira buque poida achegarse a un gaseiro en descarga ou carga, sen que ninguén llo impida. Como ocorreu neste caso. Estar atracado no peirao de Ferrol, con motor parado e sen tripulación, non garante de ningún xeito esta tarefa.

8.- Convén recordar que, en caso de accidente, agravado por efecto dominó entre os dous barcos próximos, a poboación afectada nun radio de 2.000 metros (Mugardos, Seixo, Ferrol) é superior a 30.000 persoas.

Recentemente vivimos o caos xerado pola varada dun quimiquero descargado na ría de Ares. Varada quizá motivada por non solicitar a tempo o auxilio dun remolcador cando quedou sen propulsión no medio dunha tormenta.

No caso de que un buque choque cun gaseiro cargado, dentro da Ría de Ferrol, non queremos pensar o caos que se pode montar.

SOLICITAMOS: Que esa Dirección Xeral actúe contra estas actuacións ilegais, xa que en caso de non facelo será tan responsábel como os que interveñen directamente.

Ferrol, a 9 de Marzo, de 2020

ANEXO 1: Pantalla e datos do "Yamal Spirit".

ANEXO 2: Pantalla e datos do "Imrikly".
--
Comité Cidadán de Emerxencia
para a Ría de Ferrol
comitecidadan@gmail.com
www.comitecidadan.org
@ComitCEmerxenc

Enviado por:
Comité Cidadán de Emerxencia
-comitecidadan@gmail.com-
12 de março de 2020 11:08
__________

En comparecencia pública, Pedro Sánchez fai unha declaración institucional, onde anuncia que mañá o goberno español, nunha reunión extraordinaria do Consello de Ministros, vai declarar o Estado de Alarma - Vídeo da comparecencia

En comparecencia pública, Pedro Sánchez fai unha declaración institucional, onde anuncia que mañá o goberno español, nunha reunión extraordinaria do Consello de Ministros, vai declarar o Estado de Alarma.

Estado de Alarma

O Goberno de España, en uso das facultades que lle outorga o artigo 116.2 da Constitución, pode declarar o estado de alarma, en todo ou parte do territorio do Estado, cando se produza algunha das seguintes alteracións graves da normalidade:

Grave risco, catástrofe ou calamidade pública, tales como terremotos, inundacións, incendios urbanos e forestales ou accidentes de gran magnitude.
Crises sanitarias, tales como epidemias e situacións de contaminación graves.
Situacións de desabastecemento de produtos de primeira necesidade.
Paralización de servizos públicos esenciais para a comunidade e concorra algunha das circunstancias ou situacións anteriores.

O estado de alarma é declarado polo Goberno mediante decreto acordado en Consello de Ministros por un prazo máximo de 15 días, dando conta ao Congreso dos Deputados, reunido inmediatamente ao efecto e sen cuxa autorización non poderá ser prorrogado devandito prazo, e establecerá o alcance e condicións vixentes durante a prórroga. O decreto determinará o ámbito territorial a que se estenden os efectos da declaración.

Limitación dos dereitos a través de Decretos-Lei. Regulado no art. 11 da Lei Orgánica 4/1981, de 1 de xuño, dos estados de alarma, excepción e sitio.

➤ Poderase limitar a circulación ou permanencia de persoas ou vehículos en horas e lugares determinados, ou condicionala ao cumprimento de certos requisitos.

➤ Poderase practicar requisas temporais de todo tipo de bens e impoñer prestacións persoais obrigatorias.

➤ Poderase intervir e ocupar transitoriamente industrias, fábricas, talleres, explotacións ou locais de calquera natureza, dando conta diso aos Ministerios interesados.

➤ Poderase limitar ou racionar o uso de servizos ou o consumo de artigos de primeira necesidade.

➤ Poderase impartir as ordes necesarias para asegurar o abastecemento dos mercados e o funcionamento dos servizos e dos centros de produción afectados.


Fonte: Propia, RTVE e da Wikipedia.

#Coronavirus #Covid_19

Páxina Web Oficial do Goberno (Para ver as medidas políticas, económicas, sociais, ... tomadas e que se van tomar):

https://www.lamoncloa.gob.es/


________________

Na Galiza é o Servizo Galego de Saúde (Sergas) quen coordina todo o relativo á enfermidade polo novo #Coronavirus (COVID-19) - Enlaces de saúde pública

Enfermidade polo novo coronavirus (COVID-19)

Con síntomas significativos de infección respiratoria (febre, malestar xeral, cansazo, tose ou dificultade para respirar) non hai que ir a un centro sanitario, antes chamar ao 061.

Mais, para solicitar información xeral sobre o novo #Coronavirus pode-se chamar ao número 900 400 116

Enlaces de interese facilitados polo Sergas:

➤ Vixilancia e control en Galicia (Información para profesionais sanitarios)

➤ Información para outros colectivos profesionais

➤ Información para a poboación

➤ Información do Ministerio

➤ Información da OMS

➤ Información do ECDC"

Web do Sergas para a crise do #coronavirus (Situación actual | Información para a poboación | Información para os profesionais sanitarios | Preguntas frecuentes | Material informativo | Outra información de interese | Sala de Prensa (Comunicación) | Definición e detección de casos | Fluxo de traballo | Medidas de prevención | Información para outros colectivos profesionais):

➤ https://coronavirus.sergas.es/

#Coronavirus

_______

#Coronavirus - A Fundaçom Ártabria, num exercício de sentido comum e responsabilidade social, suspende temporalmente a sua atividade os próximos 15 dias - O Ateneo Ferrolán cancela todas as actividades culturais, por responsabilidade colectiva e de xeito preventivo ate (mínimo) o 14 de abril

Suspendemos temporalmente a nossa atividade os próximos 15 dias #Coronavirus

Perante a situaçom de alerta sócio-sanitária que se está a viver em todo o mundo e da que Galiza  e a nossa Comarca nom som alheias, num exercício de sentido comum e responsabilidade social, desde a Fundaçom Artábria queremos manifestar:

1º.- Que seguindo as indicaçons da Junta da Galiza onde se recomenda nom realizar atividades em interior que superem as 50 pessoas de aforo suspendemos as nossas atividades durante os próximos quinze dias, tempo durante o qual o Centro Social permanecerá fechado. Ficam por tanto adiadas as atividades que iam ter lugar esta fim de semana (a Palestra de Manuel Miragaia e o concerto de Pauliña, sábado). Umha vez superado essa “quarentena” e em virtude da evoluçom da situaçom analisaremos que fazer.

2º.- Manifestar o nosso reconhecemento ao trabalho das e dos profissionais da nossa sanidade pública e o nosso dever de atuar sob a as suas recomendaçons.

3º.- Evitar caer no individualismo e pensar nos nossos maiores e pessoas com doenças que poidam ver-se mais afectadas polo Coronavirus. Sem alarmismos, cumpre nom minimizar a situaçom.

4º.- Agradecer a compresom e total disponibilidade das pessoas afectadas polas mudanças para procurar novas datas. Em breve anunciaremos como fica a programaçom.

Recebei umha saudaçom

Diretiva da Fundaçom Artábria

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
12 de março de 2020 21:11
_______________________

#Coronavirus,: A Xunta Directiva do Ateneo Ferrolán ACORDA suspender todas as actividades culturais, por responsabilidade colectiva e de xeito preventivo ate (mínimo) o 14 de abril.

Ferrol a 12 de marzo de 2020

Avisos: 644.720.055

--
Un lugar de encontro para a cultura dende 1879 na cidade.

e-mail: secretaria@ateneoferrolan.org | Telf.: +34 981 357 970 - 644.720.055
Dirección Postal: Rúa Magdalena 202-204. CP.15402 | Ferrol (Galiza)

TWITTER: @ateneoferrolan

http://ateneo-ferrolan.blogspot.com/

FACEBOOK

Faite soci@ on line! Colabora con nos!
http://ateneo-ferrolan.blogspot.com.es/2007/12/faite-soci.html

Enviado por:
Ateneo Ferrolán Fundado en 1879
-ateneoferrolan@gmail.com-
12 de março de 2020 18:28
_______

A Plataforma suspende todos o actos públicos, asembleas programadas e a concentración que estaba convocada para o xoves 26 de marzo

A Plataforma, por mor da pandemia e atendendo ás recomendacións dos responsábeis da saúde pública, suspende todos o actos públicos, asembleas e a concentración que estaba convocada para o 26 de marzo.

Polo que o acto público de hoxe pola tarde previsto realizar en Recimil e o do luns 16 deste mes de marzo en Caranza quedan anulados.

Continuaremos a nosa actividade polos medios adecuados á situación, do que informaremos puntualmente.

#Remunicipalización
#Emafesa

PLATAFORMA NA DEFENSA DOS SERVIZOS PÚBLICOS,
POLA REMUNICIPALIZACIÓN
Abonda de saqueo! Hai outras alternativas!
Pódese, débese e precísase!
Correo-e: remunicipalizacion.plataforma@gmail.com
Web: https://plataformaferrol.blogspot.com.es/
Facebook: @RemunicipalizarFerrol   |  Twitter: @municipalizarFT

_______

Presentación da novela 'Irán a por ti', do xornalista Félix Soria - No Ateneo Ferrolán este mércores 11 de marzo

A novela “Irán a por ti”, do xornalista Félix Soria

O vindeiro mércores, 11 de marzo, as 19:30 horas, terá lugar no Ateneo Ferrolán a presentación da novela do xornalista Félix Soria, “Irán a por ti”. No acto de presentación, organizado polo Club de Prensa de Ferrol, participará o escritor Xavier Alcalá.

"Irán a por ti" é unha novela negra e fresco social que relata as vidas de personas orixinarías de Galicia, Andalucía, Aragón e Catalunya que conflúen na Barcelona dos primeiros anos setenta nun episodio “coral” no que o tempo e o lugar son secundarios.

Félix Soria (Lugo, 1953) é xornalista e reside na Coruña desde o 2001. Estudou Filosofía e Letras e Dereito en Barcelona, onde viviu 28 anos, e tamén en Andalucia, Bélxica, Castela e Francia. Traballou ou colaborou con medios cataláns, andaluces, galegos e nunha axencia francesa. Como xornalista, especializouse en información local, económica, xeopolítica e da Unión Europea, como correspondente en Bruxelas durante 6 anos. É o administrador do blogue http://im-pulso.blogspot.com.es/.

---
Un lugar de encontro para a cultura dende 1879 na cidade.

e-mail: secretaria@ateneoferrolan.org | Telf.: +34 981 357 970 - 644.720.055
Dirección Postal: Rúa Magdalena 202-204. CP.15402 | Ferrol (Galiza)

Síguenos:
TWITTER: @ateneoferrolan
BLOG: http://ateneo-ferrolan.blogspot.com/
FACEBOOK
Faite soci@ on line! Colabora con nos!
http://ateneo-ferrolan.blogspot.com.es/2007/12/faite-soci.html

Enviado por:
Ateneo Ferrolán Fundado en 1879
-ateneoferrolan@gmail.com-
10 de mar. de 2020 12:34
_____________

Esta semana dous Actos Públicos da Plataforma polo asunto dos recibos de Emafesa, o mércores 11 en Canido e o xoves 12 en Recimil

A Plataforma no último mes do pasado ano, comezaba unha campaña, con actos públicos, mesas informativas, intervencións nos plenos, recursos e queixas que pretende catalizar nunha concentración veciñal, o último xoves deste mes, o 26 de marzo, coincidindo co Pleno Ordinario. Será na parte traseira do Pazo Municipal do Concello de Ferrol, na rúa María, desde as 18:30hs, pois a Praza de Armas aínda non será inaugurada até principios de abril.

Mañá e pasado mañá, están convocados dous actos públicos, dos que queremos a dar conta:

🌀 Mércores 11 de marzo, ás 7 da tarde Asemblea Veciñal no Centro Cívico de Canido.

🌀 Xoves 12, ás 7 da tarde, Asemblea Veciñal, no salón de actos do CIFP Ferrolterra (Escola de formación profesional, tamén chamada "Maestría do Pilar"), na Rúa Ramón y Cajal, s/n, no barrio de Recimil, para os barrios de Esteiro, Ultramar e Recimil.

Son 7.129.145,59 euros (Incluído IVA) que se lle pasan a cobro a máis de 30.000 fogares, por parte de Emafesa, por resolución do Concello de Ferrol, en concepto de taxa de depuración de augas residuais, por un período de 31 meses (setembro/2014 a marzo/2017) onde non se prestou o servizo.

Con estas facturas estanse cargando os custes da reparación, arranque, posta en marcha e período de probas do sistema de saneamento, depuración e interceptación, só a unha parte da veciñanza de Ferrol.

Unhas infraestruturas que son de carácter supramunicipal que benefician por igual tanto a toda a veciñanza de Ferrol, como á de Narón, como nun futuro á de Neda.

A Plataforma considera este, un acto administrativo de discriminación, ao tratar de xeito diferente a persoas en situacións similares sen que exista unha xustificación obxectiva e razoábel. Vulnerando co mesmo, o principio de igualdade recollido no artigo 14 da Constitución Española e no artigo 21 da Carta dos Dereitos Fundamentais da Unión Europea e de toda a normativa que deles emana.

Que en todo caso deberían ser os concellos de Ferrol e Narón, a Xunta de Galicia e a administración central quen, con recursos propios, fixeran fronte á cobertura do custe real dese período de reparación, posta en marcha e probas, nunca a veciñanza á que non se lle prestou o servizo.

➤ Cartaz de difusión dos Actos Veciñais que van ter lugar en Canido, Recimil-Esteiro-Ultramar e Caranza. | En formato pdf DIN-A3. | Acceder/Baixar.

#Remunicipalización
#Emafesa

PLATAFORMA NA DEFENSA DOS SERVIZOS PÚBLICOS,
POLA REMUNICIPALIZACIÓN
Abonda de saqueo! Hai outras alternativas!
Pódese, débese e precísase!
Correo-e: remunicipalizacion.plataforma@gmail.com
Web: https://plataformaferrol.blogspot.com.es/
Facebook: @RemunicipalizarFerrol   |  Twitter: @municipalizarFT

________________

A Asociación Oncohematolóxica 'Por+Vida' organizou unha cea benéfica ao obxecto de recadar fondos para o proxecto 'Respiro de vida'

Cea Benéfica a favor do proxecto: "Respiro de vida".

A Asociación Oncohematolóxica Por+Vida organizou unha cea benéfica, este sábado 7 de marzo de 2020, ao obxecto de recadar fondos para o proxecto "Respiro de vida"

A convocatoria resultou un éxito ao conseguir aforo completo

A Asociación Oncohematolóxica Por+Vida organizou por primeira vez unha recaudación de fondos en forma de cea benéfica, cuxo resultado superou as expectativas iniciais ao conseguir encher o local con oitenta acodes.

A celebración tivo lugar no restaurante "O Mundial" de Fene e consistiu nunha cea+baile, amenizada por un dúo musical en directo e un sorteo solidario cuxa recadación sumouse ás achegas obtidas.

A recadación irá destinada ao proxecto "Respiro de Vida", que consiste en estancias recreativas para nenos doentes oncolóxicos, acompañados polos seus familiares (pais e irmáns), ao obxecto de que poidan descansar da dureza dos tratamentos aos que se someten para a curación da súa enfermidade.

A Asociación Oncohematolóxica Por+Vida

Enviado por:
Pedro Rivas
-peylola@gmail.com-
9 de março de 2020 11:00
________________

O 8M en Ferrolterra - Galería de Fotos - Enlace Vídeo Comunicado Final

CLICAR NA IMAXE PARA ACCEDER Á GALERÍA

8M en Ferrolterra

Comunicado na mobilización en Ferrol, unha vez finalizada a manifestación que partía desde a Praza do Inferniño pasadas ás 12 do mediodía e chegaba unha e mediahora máis tarde até a Praza de Amboaxe.

Vídeo de FBellas Xenia - Comunicado Final. | Acceder.

https://www.facebook.com/sfbellas

Galería 2020 - 8M Ferrol | de Fer Ocampo. | Acceder.

#Galegas8M

https://www.facebook.com/Galegas8M/

http://galegas8m.gal/

8m2018gal@gmail.com
_______

VII Xornadas, baixo o título 'Ludopatía en infancia e adolescencia' - No Ateneo Ferrolán, vindeiro venres, 13 de marzo, a partir das 6 da tarde

O vindeiro venres, 13 de marzo, AGAMME organiza a segunda parte das súas VII Xornadas, baixo o título “Ludopatía en infancia e adolescencia”. Terá lugar no Ateneo Ferrolán, a partir das 18:00 h.

O evento comezará cun relatorio a cargo de Antonio Rial Boubeta, profesor de psicoloxía da USC, experto en adiccións na infancia e na adolescencia. A continuación, darase paso a unha mesa redonda na que participarán representantes dos partidos políticos. Finalizará cunha quenda aberta para que o público presente poida trasladar preguntas e propostas. Contaremos coa presenza de (por orde alfabética):

➤ Prado, polo Partido Popular.
➤ Rodil, polo Bloque Nacionalista Galego.
➤ Solla, pola coalición Galicia en Común.
➤ Torrado, polo Partido Socialista.
➤ Representante de En marea, (pendente de confirmación).

Lembramos que o aumento alarmante do número de locais de xogo e apostas en territorio galego e o seu impacto na poboación máis nova, así como a existencia de plataformas dixitais de apostas deportivas e outros tipos de xogo on line, están causando gran preocupación na cidadanía. Nos últimos meses creáronse en Galiza diversos colectivos que se opoñen á proliferación de salóns de xogo e máquinas de apostas en puntos próximos a centros educativos, bibliotecas, etc.

Por outra banda, numerosos xogos electrónicos, que non presentan a primeira vista formato de xogo de azar ou de apostas, están supoñendo a vía de entrada neste universo de moitos rapaces e rapazas, cada vez de menor idade. Esta modalidade de xogo presenta dificultades específicas de regulación polo seu carácter electrónico e deslocalizado.

Durante o ano pasado estivo a trámite unha nova lei do xogo que modificaría a do ano 1985. Sen embargo, o texto recibiu fortes críticas por supoñer unha regulación frouxa do negocio do xogo en Galiza, favorecendo así ás empresas e non priorizando a protección da cidadanía e en especial os nenos, nenas e adolescentes como colectivo especialmente vulnerable.

http://www.agamme.org/

FACEBOOK | TWITTER

Enviado por:
Agamme Ferrol
-agammeferrol@gmail.com-
8 de março de 2020 19:50
________________

8M: Ecofeminismo, a muller e o territorio, ... Por Iolanda Teixeiro Rei

Por Iolanda Teixeiro Rei [*]
08.03.2020

“No seu imaxinario, as mulleres teñen medo, moito máis cós homes, a tomar o seu poder. Apropiándose del, provocarían, como Prometeo, a vinganza dos deuses míticos e arcaicos que persisten en cada un de nós, deses deuses do que o máis arrepiante é a figura materna”. Di Micheline Colin. Por que precisamente a figura materna? Pergúntase Xosé Chao Rego nese maravilloso livro: 'O sexo, a muller e o crego'. Sen dúvida pola súa capacidade de xerar. Diante desta carencia fundamental, o home deféndese co seu poder sobre o mundo exterior e preñando de tabú todo o que se refire á maternidade. A partir do Neolítico as mulleres adquiriran unha relevancia social como propietarias da terra asociándose así fertilidade da terra e fecundidade da muller. Por sorte, o descubrimento serodio da paternidade permitiu un longo periodo no que as mulleres tiñan o poder sobre a reprodución e onde a herdanza era matrilineal. Segundo a vella lei céltica irlandesa, as mulleres tiñan o privilexio de posuir a terra e con ela, a obriga de a defender. Eran mulleres guerreiras cuia lembranza podemos pescudar nas deusas da soberanía; territoriais ou deusas virxes. Entendendo por virxe, muller livre e con poder de dispor do seu corpo o mesmo que da súa terra. Non a virxindade como representación masculina da muller no seu papel de nai sumetida ao poder dos homes. Porque a muller pagá difrutava dunha liberdade vedada á das relixións monoteístas como a cristiá. As mulleres guerreiras eran tamén as iniciadoras sexuais dos homes e a guerra era a luita pola defensa do seu territorio e da supervivencia da familia ou clan. Eran tempos de nomes matronímicos e de mulleres druidesas. Enorme liberdade comparada coa dos mosteiros de monxes e monxas arredados uns dos outros no mundo cristián, cando a sexualidade e a soberanía da muller sobre o seu corpo e territorio devalaran. Xa pasaran os tempos dos mosteiros dúplices da Galiza na Alta Idade Media, tralo fracaso do priscilianismo contra o patriarcado imposto por Roma. A castidade centrada na relación sexual  e o celibato fixeron do cristianismo o aparato represor da sociedade occidental. Nacía a dobre moral simbolizada en Eva nai e costela de Adán e Lillith a muller livre que muda en demo promiscuo e perigoso da noite roubando naipelos. O século XII inaugurarase coa proibición dos mosteiros dúplices por Bula Papal. O crecemento das cidades empoderou a Igrexa que de feminina só tiña o nome,  co que a institución da misoxinia ficou como a principal propietaria do solo urbano. Xa non havería máis abadesas nen mosteiros laicos. Malia que xa daquela o poder das mulleres nos mosteiros patrimoniais non foran quen dunha sororidade que crevara coas diferenzas de clase social, pois as señoras nobres recollíanse neles coas súas servidoras sen mudar a xerarquía para se facer irmás. Febleza da sororidade cando bate coa diferenza de clase social. Idéntica á da fraternidade ao bater coa propriedade.

Porén, o poder das mulleres ainda se espellava na época isabelina cando a mariña británica tivo que recoñecer a soberanía da pirata irlandesa Grainne ni Malley nos mares da Irlanda.

Mais o empoderamento das mulleres realmente interesante non foi individual senón colectivo e desde abaixo. A dizer de Silvia Federici no clásico Calibán e a bruxa, na loita antifeudal atopamos o primeiro indicador da existencia dun movemento de base de mulleres oposto á orde estabrecida que contribuiu ao artellamento de modelos alternativos da vida comunal na historia europea. Tambén os primeiros intentos organizados de desafiar as normas sexuais dominantes e establecer relacións máis igualitarias entre mulleres e homes. A persecución e queima das bruxas durante tres séculos fundou a contrarrevolución capitalista na que nos atopamos.

Hoxe a servidume non é da gleba a un señor feudal senón a unhas multinacionais amas do planeta. As grandes empresas do Capital son os terratenentes que someten á cidadanía livre arruinada polo espallamento do traballo escravo que procura proteción neses señores do Mercado Global.

Os traballos de produción (chamados empregos) seguen convintemente arredados dos traballos de reprodución e coidados que non entran no PIB e que seguen reservados maioritariamente ás mulleres.

A luita feminista deste século ha ter como prioridade derrubar dúas muradelas:

1/ A que arreda produción e reprodución poñendo a vida no centro da sociedade.

2/ A reapropiación das comunidades dos seus territorios expropiados polo Estado e polas empresas transnacionais.

O empoderamento das mulleres dentro do sistema de valores dominante, eis o feminismo da igualdade, só resolverá parte da problemática. Crebar o teito de cristal para exercer un poder fálico a remedar ao deus dos mil testículos coa súa omnipotencia máxica narcisista non deve ser o obxectivo do feminismo.

A distribución do traballo con criterios de equidade e de xénero recuperando as redes comunitarias e a resiliencia así como relocalizar a produción eliminando as actividades e consumos innecesarios terá de ser a nosa política de solidariedade coas mulleres do sul.

O ecofeminismo reclama esas dúas dévedas: a de Coidados co Sul (coas mulleres inmigrantes que traballan naqueles traballos femininos das mulleres emancipadas do norde) e a déveda ecolóxica (co expolio dos recursos do planeta) e a destrución dos territorios.

Mais isto clama por algo máis que pequenas mudanzas ou por mudar micromachismos. Clama por un cambio radical no sistema de valores e nas relacións interpersoais no tocante a dominio-sumisión, nas relacións de produción e no sistema de clases. Eis, unha revolución que organice a sociedade en torno aos coidados e non ao lucro duns poucos. E esta revolución implica derrubar os valores nos que se fundamenta a violencia xeráquica na familia e na escola como institucións fundamentais de socialización. Aí ten de estar a pedagoxía feminista do século XXI.

[*] Iolanda Teixeiro Rei, Activista ecoloxista e decrecentista. Unha das organizadoras do primeiro Congreso Galego de Decrecemento que tivo lugar en Ferrol, no mes de outubro deste ano 2018. Articulista e licenciada en Pedagoxía Social pola USC. Profesora de Tai Chi e Chi Kung en Ferrol. No facebook e no twitter. Artigos no Diario de Ferrol e Sermos Galiza.


Enviado por:
Iolanda Teijeiro
-iolandateixeiro@gmail.com-
6 de março de 2020 22:38
_______________

A terapia do castigo ou a SAP, ... Por Altamira Gonzalo Valgañón

Altamira Gonzalo Valgañón [*]
08.03.2020
Nin o Dereito de Familia nin o Dereito Penal reaccionan ben cando as mulleres denuncian aos seus maridos ou parella. A herdanza do deber de obediencia da muller ao marido, instalada no propio Código Civil, sobrevive máis alá do contido das novas leis, das que hai moitos anos desde que desapareceu o devandito deber.

No caso do patriarcado, todo o da familia é propiedade do xefe da familia: mulleres, nenos e bens. Esta ideoloxía patriarcal é o caldo de cultivo da coñecida como Síndrome de Alienación Parental, o SAP.

O SAP xorde para disuadir ás mulleres de solicitar divorcio e non denunciar aos seus maridos ou compañeiros por violencia de xénero. Foi unha invención dos 80 dun psiquiatra americano, Richard Gardner , un misóxino declarado, un profesional que nunca tratou a ningunha muller no seu despacho e que, á súa vez, se inspirou noutro misóxino, Freud, creador, entre outros, do complexo Edipo. Como el, Gardner tamén afirmou que "non hai abuso se o neno goza". Era un pedófilo.

Richard Gardner inventou o SAP para casos de loita entre proxenitores pola custodia dos seus fillos, nos que había unha negativa dos menores a ir co proxenitor non custodio, normalmente o pai. Afirmou que este rexeitamento era o resultado dunha programación ou adoutrinamento do pai custodio, normalmente a nai, para conseguir que o neno ou os fillos rexeitasen ao outro.

Que propón SAP para resolver a negativa dos fillos a ir co proxenitor non custodol? A terapia da ameaza. O castigo. Que consiste en aplicar unha man dura cos fillos e as súas nais; cambiar a custodia e atribuíla ao pai rexeitado, prohibir durante un tempo a relación e o contacto entre os fillos e a súa nai. Pase o que pase.

Esta síndrome, inventada polo mencionado psiquiatra, non é recoñecida polo DSM (Manual de diagnóstico e estatística de trastornos mentais) e foi rexeitada por todas as entidades científicas ao respecto. A Asociación Española de Neuropsiquiatría afirmou, entre outras cousas, o seguinte: "O SAP como o inventou Gardner non ten bases científicas e supón graves riscos para a súa aplicación no xulgado xudicial".

Nos nosos xulgados introduciuse a través dalgúns profesionais da psicoloxía, a proposta dalgunhas asociacións de pais separados e divorciados, que foron os mesmos que introduciron a custodia compartida imposta e o mito de denuncias falsas. Todos teñen a mesma orixe: os movementos americanos opostos á igualdade entre homes e mulleres. Todo chegou dos Estados Unidos.

Algúns xuíces, que sintonizaron máis coa ideoloxía patriarcal ou machista, aplicárona nos seus xulgados. Non obstante, o CGPJ recomendou reiteradamente aos xuíces que non o puxesen en práctica, dado o rexeitamento que provocou toda a comunidade científica, e cando cremos que só se aplicou de xeito residual nalgún xulgado, volveu resucitar a través os chamados coordinadores de parentalidade .

Que son? Ben, unha figura xurídica non determinada que non existe en ningunha lei nacional ou rexional, pero, con todo, algúns xuíces noméana nalgúns procesos, si, como experiencia piloto. Non me preguntes se son peritos xudiciais que pagan ás partes ou se son auxiliares do xuíz e que lles pagan a xustiza. Só teño dúas certezas: que, igual que a mediación é voluntaria, queren obrigar aos coordinadores parentais. E teño outra certeza: que aplican o SAP de A a Z.

Isto sé porque me designaron profesionalmente como coordinador nun procedemento de execución de sentenzas, por incumprimento parcial do réxime de visitas de dous nenos de 15 e 13 anos que non querían ir co seu pai, nada máis que cando quixeron. Porque se aburrían con el, dixeron. E, despois de ver a toda a familia, o citado coordinador ditaminou:

• Manipulados pola nai, o que supuxo un maltrato infantil.

• Houbo que proceder a un cambio de custodia e prohibir que os nenos vexan ou se comunicasen coa nai, durante polo menos dous meses.

• Continúe co coordinador (ao que pagaron as partes, a razón de 70 € sesión individual) durante 18 ou 24 meses.

• Realizar un psicodiagnóstico e terapia á nai, que foi a perversa.

El aplicou un libro SAP. Este psicólogo, que actuou como coordinador parental, é membro de ACOPAR, unha asociación creada ad hoc, e toda a directiva da devandita asociación, incluída a mencionada, formouse como coordinadores na Universidade Rey Juan Carlos, a Fundación Filia no 2018. E sabes quen foi profesor nese curso? O ex Serrano, condenado por prevaricación e voceiro de VOX no parlamento andaluz. Atan os extremos?

A Fundación Filia e xuíces afíns están tecendo o SAP como unha tea de araña polos nosos tribunais, poñendo en práctica experiencias piloto para crear a necesidade, sobre o novo feito de que os tribunais non dispoñan de instrumentos para resolver problemas derivados das infraccións de visitas. Claro que as teñen! Se tes que proporcionarlles máis persoal ou máis medios, faino. Pero non intente crear unha nova figura legal, importada precisamente do mesmo país de onde viña o SAP e a custodia conxunta imposta porque o que serve en Colorado aínda non funciona en España.

E, sobre todo, porque comprobamos profesionalmente que só teñen o propósito de facer cumprir o SAP pola forza, o que require antes de nada cales son os motivos dun ou dun menor para negarse a cumprir as visitas co proxenitor non custodio e resolver, que é obriga do xuíz, atendendo só e exclusivamente ao interese do menor.

Outra das cuestións que non aclara a quen defende a creación desta figura é se tamén a formular para casos de violencia de xénero denunciada. Os fiscais de violencia de xénero xa acordaron, na reunión que mantiveron en novembro de 2018, que se oporían ás peticións para cumprimentar estes coordinadores, xa que os que o promoven non din que diferenza hai coa mediación e está prohibido cando hai violencia de xénero na parella.

Un problema importante é que moitos xuíces consideran a un maltratador un bo pai. E están de acordo con visitas que os maltratadores esixen cumprir si ou si, aínda que só sexa para seguir prexudicando. E moitos nenos néganse. Por medo Por este motivo, a Lei 1/2004, do 28 de decembro, de medidas de protección integral contra a violencia de xénero, xa prevé a posibilidade de que o xuíz suspenda as visitas. Pero rara vez recorda, só o 2,9% en 2018. Ben, para forzalos, queren crear coordinadores parentais .

E, por outra banda, hai moita violencia de xénero que non se denuncia. Unha mostra é que este ano 2020, ningunha das 10 primeiras mulleres asasinadas non informou do seu maltratador. Estes nenos, que viviron en moitos casos duras situacións de violencia na súa casa, cando é hora de romper, non queren ir co seu pai. Que pais requiren no xulgado para obrigar aos fillos a ir con eles? Ben, na miña experiencia profesional, a máis violenta.

Isto é o que o xulgado debe descubrir ante unha negativa e comprobar se é motivado ou caprichoso, decidir se obriga ou, pola contra, debe suspender as visitas. Porque ten suficientes medios e instrumentos para iso.

Espero sinceramente que os xuíces ao servizo dos xulgados de familia e os da violencia de xénero destapen do que se lles está ofrecendo detrás desta cifra. Os que traballamos nesta área sabemos que as relacións saudábeis na familia non se conseguen coa obriga, senón con amor e xenerosidade, cando iso sexa posíbel. E é que, nos desacordos entre pais e fillos e fillas, a responsabilidade é sempre nos adultos, non nos menores de idade. Por iso, castigar aos máis indefensos é fácil, pero ten un prognóstico moi deficiente.

Publicado en Público dentro do especial Cerco á Xustiza Patriarcal - 5 de marzo de 2020. | Ir á Web.

[*] Altamira Gonzalo Valgañón, vicepresidenta da Asociación de Dereitos das Mulleres Themis; Licenciada en Dereito (Zaragoza), especializada en Dereito de Familia e en Dereito Comunitario pola Escola de Práctica Xurídica (UCM); Secretaria de Igualdade do PSOE Aragón; Avogada en exercicio, foi asesora xurídica da directora do Instituto da Muller e presidenta provincial da Cruz Vermella de Zaragoza. Desde 1993, é vocal do Instituto Aragonés da Muller. Foi vocal do Observatorio Estatal contra a Violencia de Xénero dependente do Ministerio de Igualdade e do Consello Reitor do Instituto da Muller, pertencendo tamén, neste período, ao Consello de Dirección do Instituto da Muller de Castilla la Mancha. Así mesmo, forma parte do Observatorio Aragonés contra a violencia de xénero en condición de persoa experta e do consello de redacción da revista Aequalitas revista xurídica de igualdade de oportunidades entre mulleres e homes. Tamén ditou numerosas conferencias e impartidos cursos en distintos ámbitos públicos e privados.
___________________

Queixa á Valedora do Pobo, contra o Concello de Ferrol e no seu caso contra Emafesa, por cobrar á veciñanza a taxa de depuración do período onde non se prestaba o servizo - Escrito de Queixa e Modelo de Adehesión

O pasado 4 de febreiro, a Plataforma presentou, en Ferrol, escrito de Queixa á Valedora do Pobo, contra o Concello de Ferrol e no seu caso contra Emafesa, por cobrar á veciñanza a taxa de depuración do período onde non se prestaba o servizo. Escrito de Queixa presentado no rexistro xeral da Xunta de Galicia que está situado no 1º andar, do Edificio Administrativo, que ten a administración autónoma na Praza Amada Garcia. A Valedora do Pobo acusou recibo da Queixa, informando que pasaría ao seu estudo, antes de admitilo a trámite, e asignou un número de Expediente, nomeando responsábel do mesmo a María del Carmen Cuiñas Durán, que dentro do organigrama da institución, leva as áreas de 'Urbanismo' e de 'Corporacións Locais e Servizos Municipais'. Nas distintas mesas-info que instalamos nas rúas, estamos informando desta Queixa e convidamos ás veciñas e veciños a presentar adhesión á mesma, mediante escrito dirixido á Valedora do Pobo.

➤ Queixa da Plataforma á Valedora. 110 páxinas en formato pdf. | Acceder/baixar.

➤ Modelo de Queixa á Valedora, para entregar no Rexistro Xeral da Xunta en Ferrol ou a través da rede. | Acceder/Baixar.

➤ Funcións da Valedora do Pobo. | Normativa:

>> Artigo.13.b) Os actos e resolucións da Administración local, incluídos os seus organismos autónomos, así como as empresas e entes públicos ou participados que dela dependan, no ámbito das competencias que corresponden á Comunidade Autónoma, de conformidade co Estatuto de autonomía e a lexislación vixente.>>

... e outros da LEI 6/1984, do 5 de xuño, do Valedor do Pobo (Modificada polas Leis: 3/1994, do 18 de xullo; 1/2002, do 26 de marzo; 8/2008, do 10 de xullo; 10/2012, de 3 de agosto y 1/2016, de 18 de xaneiro). |Ir á Web Oficial.

➤ Cartaz de difusión dos Actos Veciñais que van ter lugar en Canido, Recimil-Esteiro-Ultramar e Caranza. | En formato pdf DIN-A3. | Acceder/Baixar.

#Remunicipalización
#Emafesa

PLATAFORMA NA DEFENSA DOS SERVIZOS PÚBLICOS,
POLA REMUNICIPALIZACIÓN
Abonda de saqueo! Hai outras alternativas!
Pódese, débese e precísase!
Correo-e: remunicipalizacion.plataforma@gmail.com
Web: https://plataformaferrol.blogspot.com.es/
Facebook: @RemunicipalizarFerrol   |  Twitter: @municipalizarFT

________________

10 de Marzo 2020: Recuperar dereitos para Avanzar - Actos polo 'Día da Clase Obreira Galega' en Ferrol

CIG FERROL INFORMA

10 DE MARZO  DÍA DA CLASE OBREIRA GALEGA

"Recuperar dereitos para Avanzar", está a ser a nosa loita nos últimos tempos, 48 anos despois do asasinato de Amador e Daniel.

Recuperar dereitos que nos foron roubados, conqueridos pola clase traballadora ao longo de moitas loitas, como a do 1972 en Ferrol.

Xermolo do sindicalismo nacionalista. É por iso que o 10 de marzo é un día moi importante para a clase traballadora galega, que temos que transformar non só nun dia de lembranza e recordo, senón nun día de loita.

Polo tanto facemos  un chamamento a participar nos actos que a CIG ten programados para ese día.

➤ As 10:30 h.  imos celebrar unha Asemblea de Delegadas/os, (aberta a máis participación) na cal proxectaremos un vídeo sobre dita data.

➤ As 12:30 h.  faremos a Ofrenda Floral ao pé da estatua  do 10 de marzo.

➤ As 20:00 h.  Manifestación con saída  dos locais da CIG-Ferrol.

Sen máis, e esperando a túa participación, recibe un saudo nacionalista e de clase.

Manuel Anxo Grandal Anca
Secretario Comarcal CIG-Ferroll

Enviado:
CIG FERROL INFORMA
-cig@cig.gal-
5 de março de 2020 19:14
_____________

Apresentaçom do livro 'Ferreñas & Rock and Roll' de Laura Romero e Iria Pedreira esta sexta-feira, 6 de março, em Ferrol

Na sexta-feira, 6 de março, às 20.00hs decorrerá na Fundaçom Artábria a apresentaçom do livro "Ferreñas & Rock and Roll. Crónica ilustrada das nosas músicas máis senlleiras", editado por Baía edicións.

No ato intervirám as autoras Laura Romero e Iria Pedreira, junto à cantora ferrolana Maria Manuela, umha das músicas protagonistas do livro.

Nota da editora:

Ferreñas e Rock and Roll é un catálogo ilustrado a toda cor no que se outorga protagonismo a trinta e unha músicas ou formacións integramente femininas que marcaron un antes e un despois tanto nos seus respectivos estilos como no conxunto da música galega.

Laura Romero ao lapis, Iria Pedreira ás letras e Baía Edicións á maquinaria xuntan os seus talentos nunha obra única que foi distinguida cun dos premios do II Concurso de ideas “Luísa Villalta” de proxectos culturais pola igualdade convocado en 2018 pola área de Benestar Social, Educación e Políticas da Deputación da Coruña.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-correiodeartabria@gmail.com-
4 de março de 2020 23:24
_____________

O Movemento Galego polo Clima celebra unha asemblea aberta para definir a folla de ruta para os vindeiros meses - No Ateneo Ferrollán o venres 6 de marzo ás 7 da tarde

O Movemento Galego polo Clima celebra unha asemblea aberta para definir a folla de ruta para os vindeiros meses

No Ateneo Ferrollán o venres 6 de marzo ás 7 da tarde.

O Movemento Galego polo Clima xurdiu en Galiza como resposta á convocatoria de mobilización mundial feita polo movemento xuvenil Fridays For Future (Venres por Un Futuro), co obxectivo de saír á rúa a reclamar accións urxentes que fagan fronte á mudanza climática e que garantan un futuro ecosocial xusto para todas.

Até o momento, o Movemento Galego polo Clima está conformado por máis de 85 colectivos e entidades galegas co fin de facer fronte todas xuntas á situación de Emerxencia Climática que vive o planeta enteiro, e particularmente Galiza. É por iso que temos intención de afrontar este reto tendo presente cales son as causas que máis están alentando o quecemento global no noso país e cales son as medidas que poderían evitar as consecuencias drásticas para o noso territorio e para o pobo galego no seu conxunto.

E para acadar este cometido, o MGpC está a redactar durante este primeiro trimestre do 2020 un manifesto encamiñado a establecer propostas para a transformación ecolóxica e social da Galiza, dándolle continuidade así ao manifesto do 2019.

https://movementogalegopoloclima.wordpress.com/

Enviado por:
Ateneo Ferrolán Fundado en 1879
-ateneoferrolan@gmail.com-
5 de março de 2020 18:14
________