O Partido Socialista Unido de Venezuela gaña as eleccións territoriais en 20 dos 23 estados venezolanos - Unha moi importante e decisiva vitoria para o Presidente Hugo Chavez e a Revolución Democrática e Socialista Bolivariana que avanza en Venezuela e en todo o continente

ARRASARON @S CANDIDAT@S DO PSUV -PARTIDO SOCIALISTA UNIDO DE VENEZUELA, PRESIDIDO POR HUGO CHÁVEZ QUE DERROTOU TOTALMENTE Á DEREITA APOIADA POLO GOBERNO ESTADOUNIDENSE E OUTROS GOBERNOS DA ÓRBITA DO IMPERIO.

Candidatos socialistas gañan en 20 de 23 estados venezolanos

Domingo 16 de Decembro de 2012

A presidenta do CNE en Venezuela, Tibisay Lucena, ofreceu este domingo na noite o primeiro boletín cos resultados dos comicios territoriais que se celebraron no país ao longo do día.

Os Candidatos do Partido Socialista Unido de Venezuela (PSUV) triunfaron este domingo na gran maioría das entidades do país, de acordo co primeiro boletín ofrecido polo Consello Nacional Electoral (CNE), tras un proceso comicial que transcorreu con normalidade.

Vinte dos 23 candidat@s do Partido Socialista Unido de Venezuela (PSUV), foron elect@s nos comicios rexionais deste domingo nese país, onde cunha participación de máis do 50 por cento, os cidadáns escolleron ás autoridades que gobernarán cada estado nos próximo catro anos.

Así o deu a coñecer a presidenta do Consello Nacional Electoral (CNE), Tibisay Lucena, que lendo o primeiro boletín oficial, precisou que a tolda vermella recuperou as entidades de Carabobo (norte), Nova Esparta (nordés), Táchira (suroeste) e Zulia (Noroeste); considerados bastións estratéxicos da oposición.

"Observamos e felicitamos unha vez máis ao pobo de Venezuela que saíu a votar en tranquilidade con ese espírito de civismo que nos caracteriza (...) Felicitacións ao pobo de Venezuela que de novo neste día saíu a votar en tranquilidade e temos unha páxina brillante na historia electoral do país", declarou Lucena.

A autoridade tamén dixo que a participación nacional foi de 53,94 por cento e precisou que estes resultados déronse co 94,82 das actas transmitidas, é dicir, que son tendencias irreversibles.

O PSUV gañou no estado Anzoátegui con Aristóbulo Izturis (53,97 por cento); Apure, con Ramón Carrizales (59 por cento); Aragua, con Tareck El Aissami (52 por cento); Barinas, con Adán Chávez (54 por cento); Bolívar, con Francisco Rangel (48 por cento); Cojedes, con Erika Farías (59 por cento); Delta Amacuro, con Lizeta Hernández (71 por cento); Falcón, con Estella Lugo (48,28 por cento).

Tamén noutros estados como Guárico, con Ramón Rodríguez Chacín (70 por cento); Mérida, con Alexis Ramírez (48 por cento); Monagas, con Yelipze Santaella (52 por cento); Nova Esparta, con Carlos Mata Figueroa (52 por cento); Portuguesa, con Wilmar Castro (50 por cento); Sucre, con Luís Acuña (55,67 por cento); Táchira, con José Vielma Mora (44 por cento), Trujillo, con Henry Rangel Silva (80 por cento); Vargas, con Jorge García Carneiro (60 por cento); Yaracuy, con Xullo León (57 por cento) e Zulia, con Francisco Arias Cárdenas (54 por cento).

A oposición, pola súa banda, conseguiu manterse en estados como Lara (oeste) con Henry Falcón; Amazonas (sur) con Liborio Guarulla e Miranda co excandidato presidencial e aspirante á reelección, Henrique Capriles.

Para estas eleccións rexionais foron convocados 17 millóns 421 mil 946 electores, dos cales 186 mil 36 son estranxeiros con máis de dez anos de residencia no país tal como preveu o artigo 64 da Constitución de Venezuela.

Os centros de votación abriron ás 06:00 horas locais (10:30 GMT) e tras 12 horas de xornada, a vicepresidenta do CNE, Sandra Oblitas, anunciou o peche oficial das mesas electorais.

A autoridade dixo que os comicios caracterizáronse por un clima de tranquilidade, civismo e normalidade; en tanto, Lucena, dixera que o Sistema electoral estaba funcionando con total eficiencia e cabalidade.

Logo de dar a coñecer aos Gobernadores e Gobernadoras elect@s, @s lexisladores rexionais darán a coñecer aos 237 deputad@s dos Consellos Lexislativos que tamén foron elixidos nos comicios deste domingo.

A oposición venezolana perde estados estratéxicos en comicios rexionais

A oposición perdeu en estados estratéxicos de Venezuela.

Nas eleccións rexionais deste domingo, a oposición venezolana perdeu varios estados que se consideran estratéxicos pola localización xeográfica e potencial económico que teñen dentro da nación suramericana. Isto tradúcese nun retroceso importante para a dereita, que o pasado 7 de outubro tamén perdeu cunha ampla marxe as eleccións presidenciais.

Nas eleccións rexionais deste domingo, a oposición venezolana perdeu 4 estados que se consideran estratéxicos pola localización xeográfica e potencial económico que teñen dentro da nación suramericana Carabobo, Táchira, Nova Esparta e Zulia.

O estado Zulia (nordés) definiuse a favor do Partido Socialista Unido de Venezuela (PSUV) cun 50.99 por cento para o seu representante, Francisco Arias Cárdenas. Mentres que Pablo Pérez, representante do partido opositor Mesa da Unidade Democrática (MUD) obtivo un 46. 74 por cento.

No estado Nova Esparta (nordés), o candidato socialista Carlos Mata Figueroa alzouse co 52.44 por cento dos votos; entre tanto o opositor Morel Rodríguez só puido obter o 44.34 por cento.

Cun 53.49 por cento o candidato do PSUV Francisco Ameliach obtivo a gobernación do estado Carabobo (norte); mentres que Enrique Salas Feo o candidato opositor alcanzou 42.7 por cento.

En Táchira (suroeste) o candidato do PSUV José Vielma Moura gañou con 51.7 por cento. Pola súa banda o opositor Cesar Pérez Vivas contou con 44.48 por cento dos votos.

O Estado Monagas tamén puido ser recuperado pola tolda vermella, cuxa representante, Yelitze Santaella alcanzou o 52.59 por cento. José Gregorio Briceño, que aspiraba a reelección pola MUD logrou o 40. 67 por cento.

Briceño, gobernou en dous períodos como abanderado polo partido socialista. No entanto, a principios de 2012 foi expulsado da organización política por condutas irregulares. Posteriormente, José Gregorio Briceño, identificouse como partidario da oposición .

A presidenta do Consello Nacional Electoral, Tibisay Lucena felicitou ao pobo venezolano pola conduta demostrada nestas eleccións.

"Observamos e felicitamos ao pobo de Venezuela, que saíu a votar en tranquilidade, con ese espírito de civismo que nos caracteriza", apuntou Lucena, quen destacou a participación do 53.4 por cento dos chamados a sufragar.

Os centros de votación en Venezuela pecharon as súas portas ás 18.00 horas de Caracas (22.30 GMT), fóra de que aqueles colexios nos que aínda había xente esperando para sufragar.

Para estes comicios rexionais 17 millóns 421 mil 946 cidadáns estiveron convocados a votar, para escoller 260 cargos, entre gobernadores e lexisladores rexionais.

Comando Carabobo

O partido Psuv venceu este domingo, nos comicios rexionais que se realizan en Venezuela, en 20 das 23 gobernaciones do país.

Como unha "vitoria perfecta" cualificou o voceiro do Comando de campaña Carabobo, Jorge Rodríguez, o triunfo obtido polos candidatos do Partido Socialista Unido de Venezuela (PSUV) en 20 das 23 gobernaciones dos estados do país.

Como unha "vitoria perfecta" cualificou o voceiro do Comando de campaña Carabobo, Jorge Rodríguez, o triunfo obtido polos candidatos do Partido Socialista Unido de Venezuela (PSUV) en 20 das 23 gobernaciones dos estados do país.

"Con esta elección do día de hoxe ábrense as alamedas da construccción da patria boa no período 2013 -2019", dixo Rodríguez.

Durante unha rolda de prensa ofrecida pouco despois de que o Consello Nacional Electoral (CNE) emitise o primeiro boletín oficial, Rodríguez indicou que o triunfo deste domingo iniciouse o 7 de outubro cando o pobo de Venezuela elixiu Chávez cunha diferenza que se achega aos dous millóns de votos.

"Esta vitoria do 7 de outubro compleméntase con este agasallo do pobo venezolano da patria boa ao noso comandante, que agora conta con 20 gobernadores, cadros revolucionarios e seguirá contando con toda a patria venezolana para construír ao país", sinalou.

Jorge Rodríguez destacou ademais que a Revolución recuperou cinco gobernaciones que estaban en mans da oposición. Referiuse así a Zulia, Táchira, Carabobo, Nova Esparta e Monagas.

"Podemos continuar facendo análise. Farémolo. Pero fíxense: Tanto que lle gusta ao oposicionismo falar de números, de sacarlle a raíz cadrada e obtivemos unha maioría esmagadora no total de votos", completou Jorge Rodríguez.

O voceiro do Comando Carabobo realizou un chamado aos seus cadros políticos a respectar os resultados e a celebrar o triunfo dos candidatos do presidente Hugo Chávez en calma.

"Que se celebre en paz, que se respecten as ideas de todas e todos. Non caiamos en provocacións que poidan enturbar esta inmensa vitoria".

"Ordenamos a todas as nosas forzas, a inmensa maquinaria vermella, militancia do amor, que se manteñan serenos e pacíficos na administración desta vitoria".

O Comando do Campaña Carabobo recoñeceu o triunfo dos candidatos de oposición en Miranda, Lara e Amazonas e felicitou ao CNE pola xornada democrática deste domingo.

Fonte: teleSUR | 17.12.2012
Fotos: teleSUR |

Enviado por:
Diario de Urgencia
Resumen Latinoamericano
-resumen@nodo50.org-
17 de dezembro de 2012 05:26
http://www.resumenlatinoamericano.org/
__________

Un ano e 17 Asembleas para a contrución do Encontro Social de Ferrol Terra e da Rede de Apoio Mutuo - Este Martes 18 de Decembro de 2012, celebraremos a XVII Asemblea Plenaria

Convocatoria da XVII Asemblea Plenaria do Encontro Social de Ferrol Terra - 18 de Decembro de 2012

XVII Asemblea Plenaria do Encontro Social de Ferrol Terra

Proposta de obxectivos e orde do día para a XVII Asemblea Plenaria do proceso de construción do Encontro Social de Ferrol Terra, acompañado da Rede de Apoio Mutuo.

Día: Martes 18 de Decembro.
Lugar: Local Asociación Veciñal de Esteiro.
Horario: de 19:00 a 21:00 horas.

Obxectivo da reunión:

• Recibir información sobre Arméria Soc. Coop. e das diferentes comisión e grupos (Grupo Finanzas Éticas ..., Comisión Roupeiro ...,, e outros se a houber.
• Recibir información, deliberar e acordar sobre a Rede de Apoio Mutuo (STOP-Desafiuzamentos, Xustiza Social, ..).
• Debater e avaliar a situación da Comarca (Paradores, Desemprego, Navantia, Poligal, Taxas Xudiciais, Vivenda, Loita contra Reganosa, ...)
• Avaliar os avances do Encontro neste primeiro ano de funcionamento.
• Tratar outros asuntos de interese.

Orde do día:

1. Constitución de Arméria Soc. Coop., últimos pasos.
2. Local de Arméria na Traseira do Mercado de Caranza (Legalización, Dotación e Abertura).
3. Información da Comisión Dereito a unha Vivenda Digna - STOP-Desafiuzamentos.
4. Constitución dunha Comisión de Xustiza Social - Regulamento do 'Peto Solidario' - Caso 'A' - Préstamo Pago Multa. Valoración.
5. Constitución da Comisión de Arméria para Recuperación e Comercialización Alternativa de Roupa e outros Complementos de Segunda Man.
6. Información sobre a presentación do Banco de Tempo.
7. Valoración Mobilizacións (En defensa da Sanidade Pública; 10D Acción da Marcha Mundial ...; Por unha Xustiza para to@s; Acción Día das Migracións 18D; ...).
8. Pasos dados na proposta de Foro Social de Ferrol Terra co obxectivo de deliberar e analizar sobre o actual modelo enerxético e as posíbeis alternativas.
9. Debater e avaliar a situación da Comarca (Paradores, Desemprego, Navantia, Poligal, Taxas Xudiciais, Vivenda, Loita contra Reganosa, Unidade Sindical, ...)
10. Un ano de Encontro Social - Avaliación e Propostas.
11. Outros asuntos se os houber.

Lembramos que este é unha orde do día aberta quen quixer tratar algún asunto que o envie a o correo-e de coordinación do Encontro:

forosocialdeferrolterra@gmail.com

Ferrol Terra, 8 de Decembro de 2012

http://encontrosocialdeferrolterra.blogspot.com.es/

|||||||||||||||

Non pode ser, non pode ser, alimentos no lixo e xente sen comer

Hoxe, domingo 16 de decembro, ás 12:30hrs comezaba unha concentración da Asemblea de desempregad@s da CIG,  ante o hipermercado Alcampo n'A Gándara, co obxectivo de protestar e denunciar a política de eliminación daqueles alimentos próximos á caducidade que realizan as grandes superficies e cadeas de supermercados, porque "xa non lles resultan rendíbeis economicamente".

A acción tiña lugar tanto fora como dentro das instalacións do hipermercado d'A Gándara. Nun principio un grupo de activistas sindicais concentraron-se nas portas de entrada na explanada, repartindo follas informativas e despregando unha grande faixa reivindicativa. Posteriormente pasou-se a manifestar dentro da zona comercial, por todo o recinto, denunciando con consignas alusivas aos obxectivos da mobilización: "Non pode ser, non pode ser, alimentos no lixo e xente sen comer".

Unha vez no centro xeográfico de Alcampo, pronunciou unhas palabras un dos membros do colectivo sindical, Carlos García que fixo alusión aos motivos da acción que se inscribe dentro dunha iniciativa promovida pola Asemblea de Desempregad@s que consiste en coñecer o destino que lle dan as grandes cadeas de alimentación da nosa comarca aos alimentos que lles faltan poucos días para caducar:

Informou, Carlos García, de que a Asemblea de desempregad@s presentou denuncia ante a fiscalía, para que entre outras cousas elabore un informe sobre as prácticas das grandes e pequenas superficies comerciais de destrución de alimentos básicos, antes da súa caducidade. Por outra banda fixo mención a que mesmo Alcampo dispón dunha compactadora para destruír os alimentos que xa non son atractivos para a venda pola súa proximidade á data de caducidade.

"Alcampo negouse con desprezo a recibirnos e a interesarse pola nosa iniciativa, e máis sabendo que é un segredo a voces o que fai este centro comercial con eses alimentos.

En tempos onde se nos reclama 'austeridade' ou 'que nos apretemos o cinto', foméntase o consumismo compulsivo coa chegada do Nadal, e mentres, hai xente obrigada a meterse nos contentores do lixo para buscar  algo de comer.

Desde o noso colectivo, queremos seguir mantendo o debate social que creamos coa expropiación simbólica de alimentos de primeira necesidade a principios do mes de xuño pasado no Maxi-Dia de Ferrol, para demostrar que por riba de calquera beneficio privado está a dignidade das persoas.

@s traballadores/as en situación de desemprego que integramos este colectivo, somos conscientes de que se non continuamos a promover este tipo de mobilizacións e crear a necesaria alarma social sobre a dramática situación pola que están a atravesar moit@s desempregad@s que non contan con ingreso económico algún, veremos como esas expropiacións deixarán de ter carácter simbólico e serán pura realidade".

A acción rematou pasada unha hora, sobre as 13:30hrs cun forte aplauso polo obxectivo conseguido de denuncia e protesta.

Ante esta situación desde a Asemblea de desempregad@s da CIG propoñen unha serie de alternativas que están relacionadas na folla informativa:

• Comedores sociais nos barrios. A día de hoxe só existe en Ferrol a Cociña Económica como entidade de referencia para esta cuestión.
• Economatos populares nos barrios, nos que se podan adquirir productos alimentares básicos a baixo prezo ao ser subvencionados polo Estado.
• Bancos de alimentos de control público.
• Servizo municipal de xestión e recollida dos alimentos próximos à caducidade que rexeitan os supermercados.
• Servizo de comedor escolar gratuíto para fill@s de traballadores/as en situación de desemprego.
• Unha renda básica para aqueles/as desempregad@s que non perciban prestación algunha, asegurando que podan adquirir produtos de primeira necesidade.

Web da CIG:
Confederación Intersindical Galega - CIG

Asemblea de Desempregad@s da Confederación Intersindical Galega -CIG:
no facebook

Blogue da Asemblea:
http://asembleadesempregadxscigferrolterra.blogspot.com.es/

Enlace relacionado:Ártabra 21: Concentración, na explanada de Alcampo, para protestar polo modo de "xestionar" os alimentos próximos á súa data de caducidade - Solicitan á Fiscalía que investigue o destino de alimentos a piques de caducar
________________

Non. Non quero que se vaian do portal nin a mula nin o boi. Preparémonos para asociarnos e resistir, ... Por Xaquín Campo Freire

Por Xaquín Campo Freire [*]
16.12.2012

Tal vez porque no fondo estamos abondo magoados hai coma un clamor popular de tristura porque o Papa botase do belén ao manso boi e a inqueda mula.

Estamos faltos de humanidade e de humanización. E a tenrura escasea nun mundo inhóspito, onde están a saír polas ventás xentes que non resisten ter que ver como as súas casas se converten en cárceres de morte e desespero nas mans dun sistema perverso ao que todos estamos servindo de esteo con medo a que se esbarroe ou emborralle dunha vez.

Salvamos ao deus euro por mais que as persoas morran. Asistimos, mudos, como botan do belén da humanización á sanidade para todos, á educación para todos, á asistencia social para os más desfavorecidos, ás linguas, como a galega, conservada polos de abaixo, aos vellos que disque son moi caros, porque o seu traballo agora xa non é, e os seus aforros son un malgasto que pertencen ao fondo de pensións. Meteron nun peto que xa non é deles.

Os de abaixo non teñen dereito a ter voz de seu, fala de seu, saúde de seu, educación de seu, acompañamento dos de seu, xustiza ao alcance do débil, nin sequera a poderen os velloucos sobrevivir ou, se lles peta, tomar xuntos unha gasosa sen alcol.

E se en todo iso hai algo de valor, que pase a ser fonte de ingresos para o sistema Copago. Que paguen! E que non falen. Fóra toda expresión se non é para dicir. Mande usted! Non se pode perder esa bicoca. Xa o dixo Díaz Ferrán en representación da patronal, inda que agora, xa caído, non gosten do seu discurso. Que fan a mula e o boi nos cortellos dos pobres cando poden estar a traballar arreo para nós, para o sistema? Fóra! Ao matadoiro, tal vez?  Mellor, se pagan por eles.

Hai pouco suprimiron por circular imperativa a xornada de portas abertas ou visita dos familiares nos cárceres de España. Estaba funcionando ben para todos e case sen custos económicos. Era voluntarismo. Fóra! Penados e familias, que sufran todos eles. Hai malestar en moitos funcionarios.Todos estaban empeñando as súas mellores iniciativas para humanizar o sufrimento de quen se ve atrapado nas gadoupas da exclusión. Fóra! O artigo 25 da Constitución fala de reinserir, reinsertar, resocializar.  Fóra!  Volvamos ao sistema puro e duro. Só faltaba que agora nos puxésemos brandos! Con esa xentalla non hai nada que facer.  Non son humanos. “Son antisistema”. Eles, malvados, crean conciencia en nós de sermos boas persoas. Nós non somos “coma ese publicano”. O sistema xa os retirou da circulación. Que máis queres, sociedade? Xa os temos reducidos. Agora cadea perpetua, revisábel, para peor. Eu, xente de pro, nunca visitei un cárcere. Nin penso. Non quero lixarme con ningún “deses”. . Viva la Navidad!  Así, en lingua estándar. Deixa que pasen dous anos. Daquela falaremos. E, coñecendo por dentro cara a onde camiñamos, vese vir cara a onde progresamos.

 Non. Eu non quero que boten a mula e o boi do portal. O cortello é deles por dereito propio. Eu que son rural e da aldea, alí sempre convivimos coa bichería. E cando morría un puchiño ou cando a vaca non podía parir e sufría, chorabamos. Son os signos de humanización e convivencia dos da aldea. Os da cidade e os dos sistemas dicíannos: Aldeanos, lloráis por un ternero! Clarín si que nos entendeu. Adiós, Cordera! Estabamos mutuamente domesticados, coma o raposo e o Principiño. Non. Non quero que se vaian nin o boi nin a burra.

Non sei se estiveron no Belén. Xa sei que non. Pero si nas profecías dos desamparados, nos anawin, do antigo Testamento. E se non estiveron  no comezo do belén, chegaron con San Francisco máis tarde. Chegaron tarde porque viñan de traballar, atoparon o sitio ocupado. E acubilláronse cedendo espazo á aquela xente de fóra. Traían a calor de estar labrando e repartírono. Eles, en troco, recibían os aloumiños do neno e deixábanse querer. Non. Eu non quero que se vaia nin a miña marela  nin a miña cabalía, como din os asturianos.

Xa tolero con que se vaia o neno e os seus pais, que estaban alí de paso. O cortello xa non era deles. Eles foron uns okupas. A pucha e o poldro estaban no de seu ata que agora chegou o desafiuzamento tamén para eles. Traballan, pero non pagan. Nin a labrada nin a agra, coma as oliveiras dos de Jaén, non son deles. Eles están hipotecados. Polo menos, que fique a mula e o boi. Por que se teñen que ir? Porque consumen. Viva a troika salvadora!

Non. Non hai dereito. Eu sei que, cando o neno medre, ha volver polos cortellos dos pobres para ver como lles vai con iso do leite e das cooperativas. Todos volvemos ás orixes, polo menos os que estivemos a carón da Parda ou do Tordo, aquel poldro esvelto e lanzal.

 Se vos digo que toda a miña irmandade nacemos no mesmo medio dos nosos bichiños! Hixienizado, naturalmente. Tamén para naceren eles, que nos doían. Pero todos no mesmo medio. Non había hospitais. Nin médicos. Daquela só estaba a tía Sabina de Agramonte que sabía desas cousas. E para eles, o menciñeiro, o tío Santalla, que aprendera en Cuba. O demais eran contos e andrómenas.Teremos de volver?

Non. Non quero que se vaian do portal nin a mula nin o boi. Preparémonos para asociarnos e resistir. O povo é quem mais ordena!
Feliz.

EU NON QUERO QUE SE VAIAN NIN A MULA NIN O BOI.
XAQUÍN CAMPO FREIRE.- FONTE DA CRUZ.15-12-2012

Amigos: Feliz Natal. Boas Festas. Feliz 2013.


[*] Xaquín Campo Freire [Xaquín da Roca],  Narón 1937, é un relixioso galeguista.Graduado social, ATS pola Universidade de Santiago de Compostela, a diplomatura en Xerontoloxía Social pola Universidade Complutense de Madrid e é licenciado en Teoloxía Pastoral Sanitaria, pola Universidade Camillianum de Roma dende 2005. É membro do consello de redacción da revista Encrucillada así como membro ordinario da AELG. Traballou de enfermeiro no PAC de Fene e de capelán de Residencia de Anciáns. Na actualidade é director do Centro de Acompañamento e Relación de Axuda e da Escola de Saúde e Centro de Escoita Activa Mons. Araúxo.

Enviado por: Xaquín Campo Freire
Xaquin Campo Freire
-xaquinderoca@gmail.com-
15 de dezembro de 2012 17:06
_______________

Concentración, na explanada de Alcampo, para protestar polo modo de "xestionar" os alimentos próximos á súa data de caducidade - Solicitan á Fiscalía que investigue o destino de alimentos a piques de caducar

Solicitan á Fiscalía que investigue o destino de alimentos a piques de caducar

A Asemblea de Desempregad@s da Confederación Intersindical Galega -CIG- rexistrou onte unha denuncia na Fiscalía de Área de Ferrol solicitando que se abra unha investigación sobre o destino que as cadeas de supermercados danlle aos alimentos con data de caducidade próxima e reclámense posibles responsabilidades penais por estas prácticas.

O portavoz do colectivo demandante, Carlos García, sinalou que a destrución de alimentos de primeira necesidade nun momento crítico para tantas familias como o actual pode ser constitutivo de delitos contra a humanidade e de denegación de auxilio ante estados de extrema necesidade, como establece o Estatuto Penal Internacional e a propia lexislación española.

Por iso, o colectivo insta á Fiscalía a elaborar un informe sobre as prácticas das superficies comerciais sobre o destino dos alimentos básicos antes da súa data de caducidade, así como estudar as aplicacións penais derivadas destas condutas.

Esta iniciativa da Asemblea de Desempregad@s é froito dun traballo de campo que comezaron a realizar logo da "expropiación" a un supermercado a comezos de xuño. "Tirando do fío", explicou García, "puidemos comprobar como cada vez máis xente abacele aos contentores do lixo para recoller alimentos que na inmensa maioría dous casos están en bo estado". Nese momento, o colectivo decidiu por-se en contacto coa dirección dos establecementos "non todos accederon" para coñecer o fin destes alimentos. Neles confirmaron o que xa coñecían por outras vías, é dicir, que existe un protocolo de xestión para eles. "A realidade é que se seguen tirando vos alimentos nos contentores nas horas de apertura e peche do local".

A Asemblea puido constatar que os donativos que estes supermercados realizan a institucións benéficas como a Cociña Económica son "irrisorios" en comparación cos alimentos que esta compra habitualmente para satisfacer as necesidades dos seus usuari@s.

O colectivo, que propón medidas para paliar a situación de tantas familias, convoca á cidadanía a acudir mañá (Domingo, 16 de Decembro de 2012), ás 12.30 horas fronte a Alcampo, a unha concentración para protestar polo modo de "xestionar" os alimentos próximos á súa data de caducidade.

Publicado no xornal comarcal Diario de Ferrol | 15.12.2012

Web da CIG:
Confederación Intersindical Galega - CIG

Asemblea de Desempregad@s da Confederación Intersindical Galega -CIG:
no facebook

Blogue da Asemblea:
http://asembleadesempregadxscigferrolterra.blogspot.com.es/
________________

Unha vez mais o Comité Cidadán de Emerxencia denunciou a entrada ilegal, na nosa Ría, dun buque gaseiro cargado para a ilegal e perigosa Reganosa

Onte, Venres 14 de Decembro de 2012, ante a anunciada entrada dun novo buque gaseiro, o "Hispania Spirit", o Comité Cidadán de Emerxencia para a Ría de Ferrol, realizou a 132 protesta.  O "Hispania Spirit", é un buque gaseiro de grande porte con 279 metros de eslora que fixo o nº 132 desde que en Maio de 2007 entrara o "Galicia Spirit" que contabilizou como o nº 1.

As condicións meteorolóxicas adversas, anunciadas para o citado Venres, con alerta laranxa na costa, non foi impedimento para que o buque enfilara proa para dentro da Ría, poñendo en perigo unha vez máis a miles de persoas que moramos na contorna. Nen a normativa vixente, nen o sentido común, foron quen de impedir que as autoridades e capitan do buque desistira da perigosa manobra.

Xogan coa nosa seguridade e a vida das miles de persoas que padecemos a presencia da Planta de Gas que Reganosa instalou no corazón da nosa Ría. Os accidentes ocorren e unha proba é o accidente que tivo lugar na Planta de Gas de Pemex en Reynosa, estado mexicano de Monterrey. Un impresionante e moi duro vídeo inédito, onde se mostra o momento preciso en que ocorreu a explosión do Centro Receptor de Gas de Reynosa, en setembro pasado, con saldo de 31 persoas mortas e 42 feridas, comezou a circular aínda antonte nas redes sociais e que Ártabra 21 difundeu o mesmo día.

O compañeiro "Lalán"   -X. M. Rodríguez Carballeira- Coordenador do Comité Cidadán, nunha longa intervención, volveu argumentar paso a paso, as continuas ilegalidades cometidas na localización de Reganosa dentro da Ría e demandou unha vez máis a execución da Sentenza que declara ilegal a esta perigosa Planta de Gas.

Fotos de Susete'70.

•  POLA DEFENSA DA VIDA, A NOSA SEGURIDADE E A RÍA  !!
•  CESE DA ACTIVIDADE E DESMANTELAMENTO DE REGANOSA  !!
•  PLANTA DE GAS FORA DA RÍA   !!

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org

___________

A Plataforma en Defensa da Sanidade Pública da Área Sanitaria de Ferrol que participa na Plataforma Galega SOS-Sanidade Pública, presentou onte, en rolda de prensa, a Iniciativa Lexislativa Popular "ILP" que o vindeiro martes será debatida no Parlamento Galego

A Mesa do Parlamento de Galicia, controlada polo dereitista Partido Popular -PP, decidiu o pasado 11 deste mes de Decembro de 2012, que a Iniciativa Lexislativa Popular que presentamos en apoio á mellora do sistema sanitario público e contra a súa privatización, se vai debater o próximo martes día 18 de Decembro sobre as 10 da mañá. A decisión tomada por sorpresa polo PP, déixanos un curto espazo de tempo para preparar a presentación da mesma e a súa difusión social.

O debate será sobre as dez da mañá, e teremos 15 minutos para presentala ao Pleno do Parlamento, e posteriormente cada grupo parlamentario disporá de dez minutos para o seu debate e pecharase cunha quenda de cinco minutos de réplica para o relator de SOS Sanidade pública.

A Iniciativa Lexislativa Popular sobre sanidade pública debátese o martes

A Plataforma en Defensa dá Sanidade Pública en Ferroltera-SOS Sanidade Pública presentou onte a Iniciativa Lexislativa Popular "ILP" que o vindeiro martes será debatida no Parlamento galego e defendida por un dos representantes da agrupación SOS-Sanidade Pública. Desde o PSdeG, BNG e AGE tamén se defenderá a postura da iniciativa popular.

Para presentar esta proposta no Parlamento foi precisa a presentación de 15.000 firmas "que se duplicaron" avalando a iniciativa. En Ferrolterra conseguíronse case a metade das necesarias para que se puidese defender a ILP.

Os representantes da Plataforma recordaron onte que coa iniciativa preténdese garantir o dereito á saúde no marco da sanidade pública que debe ser universal e gratuíta.

Así, aludiron non só ao copago farmacéutico senón ao que agora se expón para os servizos ortoprotésicos e para o transporte sanitario non de urxencia, que afectará a todas aquelas persoas que deban acudir a diálises, rehabilitación ou outros servizos.

O día 18 haberá ademais concentracións ante o Hórreo.

Nova publicada no xornal comarcal Diario de Ferrol | 15.12.2012

Borrador do Texto (acceder ou Baixar) que se vai ler no Parlamento Galego:

INICIATIVA LEXISLATIVA POPULAR PARA A DEFENSA E A PROMOCIÓN DA SANIDADE PÚBLICA EN GALIZA DA PLATAFORMA GALEGA SOS SANIDADE PÚBLICA

Escrito rexistrado do texto da prosta de ILT para que aprobe o Parlamento Galego:

Iniciativa Lexislativa Popular en formato pdf

PSdeG, AGE e BNG comprométense a loitar xuntos no Parlamento pola sanidade pública | 03.12.2012 | Ler en Praza Pública.

Local Veciñal:
Rúa Fernando VI,
Bloque I baixo
Ferrol -15403
Telef. 981933223
avesteiro@galicia.com
http://avesteiro.blogspot.com/





Información baseada na enviada por:
avesteiro
-avesteiro@galicia.com-
15 de dezembro de 2012 09:17
______________

En que mans está a Sanidade no Reino de España? - Vídeo de Interese

En que mans está a Sanidade?

A nosa sanidade está en mans de conselleiros e presidentes autonómicos capaces de soltar perlas como esta do conselleiro de Saúde da Generalitat de Cataluña: "Non hai un dereito á saúde, porque depende do código xenético da persoa". Pero hai outras tantas: "Non hai un dereito á saúde, porque esta depende do código xenético que teña a persoa" ou "A Sanidade gratuíta foi fundamental para fomentar o efecto chamada".

Os conselleiros de Sanidade son autores dalgunhas frases memorables sobre un modo particular de entender a saúde. O conselleiro de Sanidade de Castilla-La Mancha, José Ignacio Echániz, home sensible, dixo aquilo de: "Non hai que esquecer que a sanidade gratuíta foi fundamental para fomentar o efecto chamada. Moita xente colleu unha patera porque sabía que en España tiña a asistencia sanitaria garantida".

Logo diso, Echániz explicou que non é que o seu Goberno estea recortando moito, é que antes se operaba demasiado, dicía. "Cos altos incentivos por operacións fomentábase unha maior indicación cirúrxica, operábase a un número de persoas por encima dos estándares de indicación cirúrxica", nas súas propias palabras.

O conselleiro de Saúde da Generalitat catalá, Boi Ruiz quitouse de encima a responsabilidade dos recortes nos seus hospitais cun razoamento demoledor: "Non hai un dereito á saúde, porque esta depende do código xenético que teña a persoa, dos seus antecedentes familiares e dos seus hábitos, que é o que sería o ecosistema da persoa".

O portavoz do PP na Comisión de Sanidade do Senado, Jesús Aguirre dixo no mesmo Senado que coa Sanidade temos que ser realistas porque non estamos en tempos de utopía, se non de abrocharnos o cinto.

Luisa Fernanda Rudi, presidenta do Goberno de Aragón e do Partido Popular de Aragón, afirmou que o do copago non é para tanto, que "con iso compran dous paquetes e medio de tabaco. Non tres".

O presidente do PP estremeño, José Antonio Monago dixo: "Antes de facer recortes sociais córtome un dedo". O orzamento sanitario reduciuse en Estremadura un 7% en menos de dous anos. E quen é o conselleiro que o fixo? Pois son tres, porque a Junta de Estremadura bateu unha marca: tres conselleiros de Saúde en ano e medio. O segundo tivo que dimitir, logo de ser sorprendido pasando consulta privada nunha óptica de Portugal.

laSexta.com | Madrid | Actualizado o 14/12/2012 ás 23:59 horas

Enlace vídeo: http://www.lasexta.com/videos-online/programas/sexta-columna/boi-ruiz-hay-derecho-salud-porque-depende-codigo-genetico-persona_2012121400219.html

Local Veciñal:
Rúa Fernando VI,
Bloque I baixo
Ferrol -15403
Telef. 981933223
avesteiro@galicia.com
http://avesteiro.blogspot.com/




Enviado por:
avesteiro
-avesteiro@galicia.com-
15 de dezembro de 2012 09:17
_________

A Xunta de Galicia aproba a Declaración de Impacto Ambiental da mina de Corcoesto, desoíndo á oposición veciñal e ecoloxista

Unha mina de ouro a ceo aberto, en Corcoesto -emprazado nos concellos de Cabana de Bergantiños, Coristanco e Ponteceso (comarca de Bergantiños), subsidiada pola Xunta de Galicia -co diñeiro de tod@s- e apoiada polo dereitista Partido Popular -PP, gobernando na actualidade no concello de Cabana, a Xunta e o Goberno Central, vai contaminar e destruír unha paraxe natural, ríos (o Anllóns), regatos, terras de cultivo, flora e fauna do lugar, ... en definitiva vida.

Aínda que a Xunta de Galicia, nunha nota informativa aos medios publicada na súa web, diga que a resolución (DIA) do órgano ambiental, foi emitida tendo en conta as achegas feitas por parte de organismos e colectivos durante as fases de consultas e de información pública, non deixa de ser unha afirmación para a galería, cubrindo deste xeito o expediente formal, para darlle saída a un trámite que posibilite o máis axiña posíbel o avance destrutor do proxecto mineiro en Corcoesto.

A mina de Corcoesto, promovida pola multinacional mineira Edgewater -con sede en Vancouver-Canadá, superou o trámite ambiental. A Consellería de Medio Ambiente, Territorio e Infraestruturas, a través da Secretaría Xeral de Calidade e Avaliación Ambiental formulou a Declaración de Impacto Ambiental (DIA) do proxecto de explotación do denominado Grupo Mineiro Corcoesto, xacemento promovido pola multinacional mineira que ten no alcalde de Cabana (José Muíño Domínguez) o seu maior fan, disposto a sacrificar o medio ambiente da zona. Desoíndo as alegacións veciñais e ecoloxistas contra o proxecto mineiro. No caso de non impedir a desfeita ambiental, escoitaremos falar moi moito do cianuro sódico, un composto moi tóxico, penosos e perigoso que se utiliza para a extración do ouro.

Esta DIA (Declaración de Impacto Ambiental), non estará dispoñíbel na web da Xunta de Galicia até o Luns 17 de Decembro de 2012 [DOG].

A mesma multinacional mineira Edgewater admite que no ecosistema da zona produciranse alteracións, mais a Consellería de Medio Ambiente, ... sostén que os requisitos incluídos na declaración de impacto ambiental aprobada servirán para "salvagardar"? os valores naturais da área do río Anllóns "de posibles afeccións".

O xornal dixital Praza Pública leva un seguimento pormenorizado de todo o proceso da loita contra o atropelo medioambiental do proxecto mineiro.

A mina de Corcoesto (Praza Pública):

13 Decembro 2012

AGE e BNG piden a Industria e Cultura que expliquen na Cámara o "espolio" de Corcoesto
Os dous grupos solicitan conxuntamente que os conselleiros informen sobre o polémico proxecto mineiro sobre o que Patrimonio emitiu un ditame favorable. As dúas formacións denuncian "o espolio e saqueo" que supón unha mina no que ven "intereses" por parte de Feijóo.

12 Decembro 2012

O PP ataca a AGE por opoñerse á mina de Corcoesto: "Vai xerar riqueza en Galicia"
Os conservadores cren "paradoxal" que o grupo de Beiras rexeite a explotación mineira prevista por unha empresa canadense en Bergantiños e acúsano de "buscar titulares alarmistas". Alternativa censura o impacto ambiental e o intento de "estafa" á veciñanza para facerse cos terreos.

8 Decembro 2012

AGE acusa a empresa mineira de tentar "estafar e extorsionar" os veciños de Corcoesto
Denuncia que lles está enviando cartas instándoos a vender os terreos por 1,2 euros por metro cadrado, e ameazándoos con que se non o fan así antes de fin de ano, comezaría o proceso expropiatorio e obterían prezos máis baixos.

14 Outubro 2012

Alerta en Bergantiños para evitar o 'Prestige' mineiro
A Plataforma en Defensa de Cabana de Bergantiños alerta de que "se Feijóo repite como presidente" e a mina de Corcoesto sae adiante "Galicia pode sufrir cada ano o impacto de 100.000 toneladas de residuos tóxicos"

31 Agosto 2012

Denuncian que o proxecto de Corcoesto incumpre a lexislación sobre xestión de residuos
A plataforma contraria á mina sinala que Edgewater informou incorrectamente dos perigos dos seus residuos para así saltar os controis legais de prevención de accidentes graves

20 Agosto 2012

O BNG loitará no Parlamento Europeo pola prohibición do uso de cianuro en minas
A nacionalista Ana Miranda e o eurodeputado alemán Reinhold Butiköfer, que se reuniron este sábado con membros da Plataforma en Defensa de Corcoesto, traballarán na Comisión de Industria e Enerxía para evitar proxectos coma o da empresa Edgewater. Na actualidade a lexislación europea recomenda non empregar cianuro, pero aínda non o prohíbe.

17 Agosto 2012

O eurodeputado Reinhold Butiköfer visita Corcoesto para denunciar o proxecto mineiro
Acompañado por Ana Miranda (BNG), manterá un encontro este sábado coa Plataforma en Defensa de Corcoesto para continuar a denuncia perante a Comisión Europea.

18 Xullo 2012

Verdegaia ve "un insulto" que a Xunta financie minaría "sen ánimo de lucro"
A asociación ecoloxista censura a convocatoria de axudas de Economía de Industria que, dotada con 800.000 euros, subvenciona a "eficiencia da minaría galega"

13 Xullo 2012

Entidades mineiras sen ánimo de lucro?
A Xunta destina 800 mil euros para subvencionar iniciativas e entidades que fomenten a minaría en Galicia e que non teñan como finalidade o beneficio económico. Os colectivos que loitan contra proxectos mineiros coma o de Corcoesto denuncian estas achegas.

24 Xuño 2012

As falsidades de Feijoo sobre Corcoesto
O presidente afirmou publicamente que a mina daría traballo a 1.400 persoas cando o propio proxecto de Edgewater prevé unicamente 271. A empresa extraería ouro durante menos dez anos, realizando fóra o resto de procesos e deixando hipotecado o futuro da comarca.

21 Xuño 2012

Feijóo promete 1.400 empregos na mina de Corcoesto, que acabará nos tribunais
O presidente da Xunta anuncia un investimento de 110 millóns nun proxecto que "aforrará 18 meses de trámites" grazas aos apois lexislativos do Goberno. A plataforma contraria á explotación asume que acabará recorrendo á Xustiza e advirte das numerosas irregularidades e do seu impacto medioambiental, tras lembrar que a compañía só garantiu menos de 300 postos de traballo.

17 Xuño 2012

Máis de dez ilegalidades no proxecto da mina de ouro de Corcoesto
A plataforma en contra da explotación a ceo aberto debulla as presuntas irregularidades cometidas pola empresa e que foron advertidas polo colectivo nas alegacións presentadas na Xunta, que apoia a empresa.

13 Xuño 2012

A Xunta ve na "interesante" mina de ouro de Corcoesto unha "grande oportunidade"
O conselleiro de Industria defende a instalación da polémica explotación mineira que unha empresa canadiana prevé en Cabana de Bergantiños e rexeita recibir "leccións" de respecto ao medioambiente do BNG, que cuestionou no Parlamento a seguridade da instalación

6 Xuño 2012

En loita contra a "bomba" de Corcoesto
A plataforma pola defensa de Corcoesto vén de presentar alegacións ao proxecto da mina a ceo aberto prevista na zona e que tería, segundo denuncia, "un impacto abismal" no medio ambiente e na actividade socioeconómica da zona. O colectivo, apoiado por 1.300 sinaturas, denuncia o intento da empresa de "meter medo e dividir a xente" e denuncia a falsidade das súas promesas de emprego.

31 Maio 2012

A plataforma pola defensa de Corcoesto prepara alegacións contra a perigosa mina de ouro a ceo aberto
O polémico proxecto, situado nos concellos de Ponteceso, Cabana de Bergantiños e Coristanco, atópase en exposición pública para acadar a consideración de "estratéxico". Colectivos veciñais e ecoloxistas alertan da contaminación que xeraría unha explotación, de escasos beneficios para a comarca.

Praza Pública coa licenza Creative Commons by-sa.

Colabora con diñeiro ou con coñecemento.
___________

Rastrillo Solidario en Esteiro, organizado pola Asociación Grupo Diversidade Funcional de Ferrol e comarcas

Rastrillo Solidario

Estimad@s amig@s

Tod@s coñecemos as onerosas circunstancias nas que estamos inmers@s, coa escusa da espantosa crise na que os poderes financeiros sumiron á nosa sociedade, e os moi manidos "recortes" que sufrimos sen cesar, especialmente os sectores historicamente menos favorecidos polas Administracións.

No ollo do furacán debátense as pensións, as axudas, as subvencións, as taxas, os "copagos" sanitarios e xudiciais, as amnistías fiscais e as subidas de impostos, mentres se buscan responsables e ofrécense cabezas de turco para tratar de contentar a un pobo cada vez máis airado e que cada día ten menos que perder.

Nós non somos unha excepción.

Aínda que a Asociación é unha entidade sen ánimo de lucro e, polo tanto, sen beneficios, outra cousa é que os escuálidos ingresos que logramos reunir non alcanzan xa nin a sufragar os gastos de mantemento do noso local. Con todo isto non nos vai a deter.

Achegándose as Entrañables Datas, inchámonos de ilusión e esperanza, que por algo son gratis, e, sacando forzas de fraqueza, decidímonos a contraatacar.

Necesitamos fondos. É un feito. Os precarios recursos dos nosos usuarios non nos permiten solicitarlles máis apoio, e as axudas da Administración para levar a cabo os nosos programas de Autonomía Persoal son escasas ou nulas. Pero no canto de resignarnos e lamentarnos, pensamos en novas vías para conseguir os nosos propósitos, que son, nin máis nin menos, continuar na loita polos dereitos das persoas con Diversidade Funcional.

Con tal motivo, organizamos un Rastrillo Solidario no noso local, na rúa Colón, esquina Mendizábal, bloque 4, portal 5, fronte á Universidade Politécnica, á beira da Casa do Patín, por máis datos, ao que invitamos a todos a vir o día 20 de Decembro, a partir das 5 da tarde.

Aqueles que queiran doar obxectos, roupa ou xoguetes que estean aínda en bo uso, poden deixalos no local de 9 da mañá a 14,30, e de 16,30 a 19,30, antes do 19 de Decembro.

Invitámosvos a participar.

Cos nosos mellores desexos nestas datas.

Mari Morado.


ASOCIACIÓN GRUPO DIVERSIDADE FUNCIONAL FERROL E COMARCAS

R/Colon esq. Mendizabal B/4 P/5 Baixos 38-39 15406 Ferrol

Tlf: 981930544, Mobil: 620485450

E-mail:  diversidadefuncionalferrol@hotmail.com

Blog:    http://rachandobarreiras.blogspot.com

Enviado por:
Asoc. Grupo Diversidade Funcional Ferrol e Comarcas
-diversidadefuncionalferrol@hotmail.com-
14 de dezembro de 2012 15:24
_______________

Anuncian a entrada do "Hispania Spirit" na Ría de Ferrol, este Venres 14 de Decembro, cargado con GNL-LNG para a perigosa e ilegal Reganosa: O Comité Cidadán convoca nova acción de denuncia e protesta

[O "Hispania Spirit" atracado en Reganosa, en Xuño deste 2009 - Clicar acima da foto para ampliar]

Este Venres 14 de Decembro de 2012, está prevista a entrada dun novo buque gaseiro, o "Hispania Spirit", de grande porte con 279 metros de eslora que faría o nº 132 desde que en Maio de 2007 entrara o Galicia Spirit que contabiliza como o nº 1. Mais as condicións meteorolóxicas, para este Venres, son totalmente adversas, con alerta laranxa de madrugada e amarela durante todo o día. Polo que segundo a normativa vixente, e o sentido común, estes niveis adversos van a impedir que o buque se achegue á costa do Golfo Ártabro. MeteoGalicia editou o seu Boletín de tempo meteorolóxico adverso para o 14 - decembro - 2012. Entre outras cousas di: "Continuaremos baixo a influencia da borrasca, para esta xornada xa centrada ao norte das Illas Británicas cun centro de 975 mb. Manteranse os ventos fortes do sudoeste no litoral norte, chegando puntualmente a núcleos de forza 8. O mar de fondo quedará en todo o litoral por riba dos 4 metros, mesmo chegando aos 7 metros na franxa atlántica.".

Mais unha vez, Reganosa, coa complicidade das autoridades, disposta a poñer en perigo a nosa seguridade e vida, ao traer un buque cargado con gas natural licuado, para as súas instalacións de Punta Promontorio en Mugardos.


Aínda que sexa o máis probábel que o Hispania Spirit, non entre na Ría este Venres 14 de Decembro, o Comité Cidadán de Emerxencia, como ten por norma, convoca unha acción de protesta e denuncia contra o corrupto despropósito gasístico e o perigo potencial que representa Reganosa, aumentado esponencialmente sempre que un buque gaseiro cargado con GNL-LNG entra na nosa Ría. Polo que a Concentración terá lugar o mesmo día ás 7 da Tarde, na Praza Amada García, diante do Edificio Administrativo da Xunta de Galicia.

• POLA DEFENSA DA VIDA, A NOSA SEGURIDADE E A RÍA !!
• CESE DA ACTIVIDADE E DESMANTELAMENTO DE REGANOSA !!
• PLANTA DE GAS FORA DA RÍA !!

Características do buque: Nome.- Hispania Spirit, Bandeira.- España, Eslora.- 279 m, Manga.- 43.4 m, Calado.- 12.12 m, Puntal.- 26.02 m, Capacidade.- 140.620 m3, Carga.- 59.318 Tons de GNL

Para apoiar e colaborar co Comité Cidadán:


Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org




Información elaborada pola enviada polo:

Comité Cidadán de Emerxencia

-comitecidadan@gmail.com-

13 de dezembro de 2009 12:13

Recital poético e musical en Canido lembrando a Celso Emilio Ferreiro, no seu centenario - Documentario sobre Celso Emilio Ferreiro na TVG

 Nota.- 

Motivado polas previsións meteorolóxicas de mañán venres, o Acto Poético-Musical en homenaxe a Celso Emilio Ferreiro, convocado para a rúa do seu nome en Canido, trasládase ao salón de actos da Sociedade Galega de Historia Natural, situado na antiga casa do Coronel, na Porta de Canido.

Venres 14 de Decembro,  ás 6 da Tarde no barrio ferrolán de Canido, na Rúa Celso Emilio (esquina a Maiola).

Recital Poético-Musical, lembrando a “Celso Emilio Ferreiro, no seu centenario”.

Coa participación de Antón Cortizas, Manolo Bacallao, Poesía Salvaxe, ...

Organizan e participan:

• A Revolta de Trasancos, Colectivo Sociocultural.
• Ateneo Ferrolán.
• Bartoleta Teatro
• Fuco Buxán, Asociación Cultural
• I.E.S. Canido
• Lefre de Caldereta, Asociación Cultural
• Muiño do Vento, Asociación Sociocultural
• Poesía Salvaxe - Lendo Poesía

_________

Documentario na TVG sobre Celso Emilio Ferreiro, protagonizado por Luis Tosar

CRTVG Viva | A TVG estreou o 12 de Decembro de 2012,  "100% CEF", unha biografía de Celso Emilio Ferreiro, cando se celebra o centenario do seu nacemento. O documentario, dirixido por Aser Álvarez e con Luís Tosar como protagonista, está baseado en máis de 50 entrevistas, colaboracións artísticas, lecturas de poemas e musicacións que debuxan un retrato contemporáneo do poeta celanovés. |Ver Documentario|
_______________

De fondo Reganosa - Difunden vídeo da explosión do Centro de Gas Pemex en Reynosa -México - Un vídeo inédito onde se mostra o momento preciso en que ocorreu a explosión do Centro Receptor de Gas de Reynosa, en setembro pasado, con saldo de 31 persoas mortas e 42 feridas, comezou a circular hoxe en redes sociais - Impresionante

Un vídeo inédito onde se mostra o momento preciso en que ocorreu a explosión do Centro Receptor de Gas de Reynosa, en setembro pasado, con saldo de 30 mortos e 42 lesionados, comezou a circular hoxe en redes sociais.

Impresionante documento audio/visual: os Accidentes Ocorren e miles de persoas estamos expostas cunha Planta de Gas no corazón da nosa ría, en Mugardos, e aumentando o perigo dun xeito exponencial cando entra un gaseiro cargado na Ría de Ferrol.

Na páxina Youtube foi publicado este día o documento gráfico de 1:30 minutos de duración que parece gravado dunha cámara de seguridade, no que se observa unha deflagración que se expande rapidamente e devasta cun radio duns 100 metros.

A traxedia ocorreu o 18 de setembro ás 10:45 horas nas instalacións de Petróleos mexicanos (Pemex) situadas sobre o quilómetro 19 da estrada libre Reynosa-Monterrey, no estado fronteirizo de Tamaulipas.

No vídeo apréciase que a cámara apunta cara ao sur e de fondo obsérvanse algúns coches que cruzan a estrada federal.

En primeiro plano hai un alpendre baixo o cal aprécianse tubaxe e maquinaria, á beira esquerdo está a rúa principal da Central de Medición.

Unha pipa entra a cadro, enfilándose cara á saída, xunto a unha persoa, ao parecer traballador da área, que avanza na mesma dirección pola banqueta.

Unha camioneta pick up pasa tamén pola rúa no momento en que se observa unha gran explosión que levanta unha nube duns 20 metros de material negro, aparentemente po e fume.

O home que camiña reacciona e corre en sentido contrario ao estalido, pero en dous segundos é alcanzado pola onda expansiva, tras a cal obsérvase un gran flamazo que alcanza uns 100 metros de diámetro.

Un home que estaba baixo o alpendre é alcanzado polas chamas que desaparecen nun segundo. O home, quen parece ser outro traballador, queda tirado e arrástrase ferido, no momento que se corta a imaxe.

Fonte: MONTERREY, N.L., (proceso.com.mx).- Enlace Nova Orixinal.


http://youtu.be/yVQBdSUDUEo

Outro video dunha explosión en EnVirxinia (USA).

Dous accidentes producidos polo gas, que nos fai lembrar o perigo permanente que supón na nosa comarca a Planta de Reganosa e o tráfico de gaseiros na nosa ría.

Comité Cidadán de Emerxencia
para a Ría de Ferrol
comitecidadan@gmail.com
www.comitecidadan.org
Tamén en Twitter :  @ComitCEmerxenc

Enviado polo:
Comité Cidadán de Emerxencia
-comitecidadan@gmail.com-
12 de dezembro de 2012 20:40
__________

Numerosas persoas esixiron unha xustiza para tod@s, o fin da reforma Gallardon, a derogación das taxas xudiciais que non son máis que un repago impositivo, contra a inmobilidade lexislativa fronte ao drama social dos desafiuzamentos, ...

Este Martes 11 de Decembro, sobre ás 7 da tarde, comezaban a concentarse numerosas persoas na Explanada da Praza da Porta Nova (Praza de España), de Ferrol.

Baixo o lema: "POR UNHA XUSTIZA PARA TOD@S!!!", numerosas organizacións, sindicatos e partidos, convocaron unha mobilización de protesta e denuncia contra a reforma xudicial do ministro dereitista Gallardón.

"NA DEFENSA DUNHA XUSTIZA DE CALIDADE, UNIVERSAL E GRATUITA. POR UNHA XUSTIZA PARA TOD@S!!!", foi outro dos lemas da concentración cidadá.

Jorge Suarez, foi a persoa que no nome das entidades convocantes deu lectura ao Manifesto unitario consensuado.

As protestas centraron-se contra o repago xudicial imposto pola lei de taxas, contra a privatización de servizos públicos como o Rexistro Civil, contra a falta de medios materiais e persoais, con continuos recortes aos funcionarios consagrados a través da reforma da Lei Orgánica do Poder Xudicial, contra a inmobilidade lexislativa fronte ao drama social dos desafiuzamentos …

As entidaes convocantes foron: CCOO, CIG, UGT, CSIF Xustiza, USO, STAJ, Colexio de Avogados de Ferrol, PSOE, BNG, EU, ANOVA, ESPAZO ECOSOCIALISTA GALEGO, EQUO, Stop Desafiuzamentos, Ferrolterra, Fuco Buxán, Encontro Social de Ferrolterra, Marcha Mundial das Mulleres, Foro da Inmigración.

Noutras zonas do Estado, mañá mércores 12 de decembro, mobilizaranse xuíces e secretarios xudiciais,  e que en Ferrol se desenvolverá ás 12 do mediodía, na Rúa dos Mortos, ante o edificio de Xustiza, co apoio do Colexio de Avogados de Ferrol.

Reiteramos unha vez máis o convite a ler e espallar, a moi interesante folla informativa, onde explica moi ben o grave do asunto.

Para acceder ou baixar:

Taxas Xudiciais : repago Impositivo - en formato pdf
______________