25 de Abril: presentación do proxecto “FERROL VELLO, TEMOS UN PLAN”

De: avvferrolvello@yahoo.es
Para: artabra21@gmail.com
Data: 24 de Abril de 2007 15:27
Asunto: Cartel da charla de presentación do proxecto “FERROL VELLO, TEMOS UN PLAN”

Axuntamos o cartel de presentación do PROXECTO “FERROL VELLO, TEMOS UN PLAN”.

Proxecto feito por membros da asociación veciñal e que competiu con outras 120 propostas españolas e portuguesas o pasado mes de decembro no concurso ECO-BARRIOS, organizado polo C.S.C.A.E. (Consejo Superior de Colegios de Arquitectos de España).

Como ben podedes imaxinar estades invitados ao acto.

Grazas e cordiais saúdos.

________________________

A. VV. FERROL VELLO
Xunta Directiva

C/ Curro, 1. 15401 - FERROL
Tlf./fax: 981.356842
________________________

De: Fuco Buxán Asoc. Cultural - Ferrol -fucobuxan@gmail.com-
Para: artabra21@gmail.com
Data: 24 de Abril de 2007 11:54
Asunto: Conferencia Santiago Carrillo 27 abril

Estimado/a amigo/a:

invitamos a Santiago Carrillo para pronunciar, o próximo día 27, unha conferencia en Ferrol. Coa súa presenza inicia Fuco Buxán un ciclo dedicado a exaltar o valor da Democracia e a necesidade de promover o seu desenvolvemento e profundización.

O ciclo leva por título "DEMOCRACIA E COMPROMISO", sendo a nosa pretensión o contribuír á convivencia de toda a cidadanía e normalizar as relacións interpartidarias, no respecto ás regras do xogo democrático.

O comportamento de certos sectores da dereita, estimúlanos a esta tarefa.

Por todo iso, invitámosche ao acto que se celebrará o 27 de abril ás 20 horas no Aula Magna da Facultade de Humanidades no Campus de Esteiro.

Ferrol, 24 de abril 2007

Manuel A. Rodríguez Carballeira

Presidente de "Fuco Buxán"

Asociación Cultural

Comunidade Menáncaro: Onde están as actitudes demócratas, onde está a democracia ?

De: Comunidade Menáncaro Serantes-Ferrol
Para: PA21 Plataforma Artabra 21
Data: 23 de Abril de 2007 17:09
Asunto: Comunidade Menáncaro: Onde están as actitudes demócratas, onde está a democracia ?





Onde están as actitudes demócratas, onde está a democracia ?

Non é novo dicir que en política a ética non existe, non importa mentir, non importa manipular, non importa tomar decisións contra toda lóxica, non importan os dereitos da cidadanía, non importa a opinión das persoas afectadas, non importa o medio ambiente, ... só importan os intereses políticos partidarios, os intereses económicos, os intereses particulares, dos que detentan o poder, neste caso no poder municipal. Podes presentar alegacións a un Plano urbanístico, esforzaste na argumentación, pides opinión de espertos, buscas na lexislación os fundamentos xurídicos, ... para que despois decidan sobre as alegacións sen sequera ollar par elas. Pois todo é formal, as decisións xa estań tomadas con antelación. E esta é vía libre á especulación.

Se os colectivos veciñais e ecoloxistas non se organizaran e loitaran na defensa da Fraga de Menáncaro, a estas alturas xa se tería cometido un atentado ecolóxico contra un dos escasisismos espazos naturais de grande interese ecolóxico e paisaxístico que quedan no Concello de Ferrol. Tampouco quedarían destapados os intereses particulares, do Teniente Alcalde Juan José Fernández García, na consumación deste atentado ecolóxico e na utilización do seu cargo en beneficio personal e non na defensa dos intereses colectivos e veciñais.

O Alcalde minte descaradamente, cando di que "el proyecto urbanístico respecta la carballeira" e chamanos a atención unha, repetida e importante, coincidencia cun medio de comunicación, na súa información, cando se refire ao proxecto urbanístico, sempre o situa fora da Fraga, utilizando urbanización que se vai construir "al lado de la fraga...", ou tamém utilizando que se vai construir "en las inmediaciones ..." Maldita coincidencia. Maldita impotencia a nosa. Mais hoxe en día, temos a sorte de dispor de fotografías aéreas e de satélite, na rede. As primeiras facilitadas polo Sixpac da Consellería do Medio Rural, mais cun lixeiro inconveniente de que son fotos do 2002, mais valedas para o que se trata e as segunda ofertadas polo Google Heart, datadas en 2005, que cunha simple observación e comparadandoas cos planos do proxecto urbanístico, damonos conta da gran e intencionada mentira coa que pretenden manipular á opinión pública. Os tres informes emitidos pola administración autonómica, dan conta deste extremo, mencionando de diferentes formas que o espazo onde se pretende levar a cabo o proxecto urbanístico é moi escaso para tal actuación. Non é que se vaia construir ao lado da Fraga de Menáncaro, vaise construir no mesmo corazón da Fraga.

Unha parte da oposición é responsábel [BNG-PSOE], pois na anterior lexislatura cando estaba no poder consisteu que a Fraga de Menáncaro quedara como urbanizábel no PXOM en vigor, aprobado no ano 2000 por unanimidade por todos os grupos que daquela esban representadosnoConcello [BNG, IF, PP e PSOE] , cunha figura de proteción ambigua e a todas luces insuficiente, sen atender no seu momento as alegacións ecoloxistas que pedían unha figura de proteción absoluta e que voltaron a reiterar unha vez que se prodiciú unha tala ilegal en setembro de 2001. Agardemos que aprenderan a lección, e que no caso de gobernar a partires do 27 de maio, non o fagan como sempre para o pobo, mai sen o pobo, senón que o fagan contando co pobo, e fagan real a participación cidadán, democracia participativa e as consultas populares.

O Sr. Juncal, escudase nas incoherencias de parte da oposición cando eran gobernates municipais na anterior lexislatura, ao deixar as portas abertas da Fraga sen importarlle que os especuladores acechaban, mais foi este goberno que preside o Sr Juncal quen chamou aos especuladores para que entraran a saco e acabaran con este singular espazo natural. É mais os especuladores están dentro do seu propio goberno municipal.

O sentido común, tería que decirlle ao Sr. Alcalde que con tres informes contrarios ao proxecto urbanístico, coa veciñanza e as organizacións ecoloxistas, mais sobre todo polo grande valor ecolóxico da Fraga, non debería darlle para diante ao Plano de Sectorización.

O Alcalde sinteuse ultraxado, porque di que se lle insultou, pola actitude mantida pola veciñanza e ecolxistas, nós non escoitamos tais insultos só muita indignación frente a tanta inxusticia. Mais que quería o Sr.Alcalde , diante de semellante inxusticia, a unha veciñanza que se lles rouba a terra para facer chaléts de luxo, que se lles obriga a cambiar de vida, non por un inescusábel e necesario proxecto para o ben ou servizo colectivo de toda a sociedade, senón para que uns cantos especuladores fagan un negocio destruíndo un lugar de grande valor ecolóxico. E si a isto somamos a actitude do Alcalde, de non deixar pasar ao Pleno ás persoas afectadas, só unha vez que se aprobou o proxecto urbanístico, que pensa o Alcalde como imos respostar a tal inxusticia e actitude antidemocrática, pois con muita xenreira e indignación, como calquer persoa humana. Só faltaría ! Mais que non pense que imos quedar só aí, se fose así bon sería para el e para o Sr. Fernández, senón que dedicaremos todas as nosas forzas a impedir o proxecto urbanístico, defenderemos a Fraga con uñas e dentes, utilizaremos todas as posibilidades legais e se fai falta impediremos as obras desde antes que comecen.

Para actitude democrática, a nosa, a do Sr. Juncal Alcalde de Ferrol brilla pola súa ausencia, vergoña deberíalle dar.

Ferrol, 23 de Abrilde 2007

Asinado no nome da Comunidade Menáncaro.

Ramón Regueiro Santiago
DNI 32591787-M
Lugar de Quiá, 180
Serantes-Ferrol [15405]

Telefono.: 981327494
Telemóbel: 630287900

correio-e:
menancaro@gmail.com
Blog da Comunidade Menáncaro:
http://menancaro.blogspot.com
Blog Menáncaro Formación Senlleira:
http://fragademenancaro.blogspot.com/


Enlace cos artigos:

• O Pleno Municipal aproba o proxecto urbanístico en Menáncaro
  


• Defendamos a Fraga de Menánacaro
  


• Escolma de noticias que publicaron os medios sobre a Fraga de Menáncaro en relación coa aprobación do proxecto urbanístico
  
  
  

Escolma de noticias que publicaron os medios sobre a Fraga de Menáncaro en relación coa aprobación do proxecto urbanístico

Diario de Ferrol
Ferrol | Sábado, 21 de Abril de 2007
Indignación dos veciños pola aprobación do plan Menáncaro
A decisión do alcalde de impedir acceder ao pleno a boa parte dos afectados polo plan de Menáncaro ?argumentó que o salón xa estaba cheo? provocou que a oposición en bloque decidise abandonar a sesión. Con todo esta continuou adiante e o goberno local aprobou o proxecto de urbanización para esta zona, unha decisión que será elevada á Fiscalía.

Enlace coa noticia orixinal no Diario de Ferrol

______________________
Diario de Ferrol
Ferrol | Sábado, 21 de Abril de 2007

Pita-Romeu dixo que a oposición converteu a Menáncaro nun "arma electoral"
Pita-Romeu afirmou que quen promovió a actual clasificación urbanística na zona -apata para edificar- foi o BNG, coa revisión no ano 2000 do Plan Xeral de Ordenación Municipal. "Malia ser o máximo responsable, preséntase agora como o principal opositor", manifestou o edil "independente", que subliñou que "a ningún representante chamoulle a atención o atraso do informe da Dirección Xeral de Urbanismo".

Enlace coa noticia orixinal no Diario de Ferrol

____________________
Diario de Ferrol
Ferrol | Sábado, 21 de Abril de 2007

A oposición denuncia a conduta "antidemocrática" do alcalde
A oposición foi onte especialmente dura á hora de cualificar a actitude do alcalde, Juan Juncal, no pleno extraordinario de onte, que considerou antidemocrática tanto por negar a parte dos veciños interesados en acudir ao pleno a súa asistencia como por proseguir a celebración do mesmo cando os tres grupos abandonaron o salón de sesións. PSOE, BNG e Esquerda Unida mostráronse convencidos de que o proxecto de Menáncaro acabará nos tribunais, coa consiguiente repercusión económica para as arcas municipais, aínda que non aclararon de momento se como grupos políticos emprenderán algunha acción de carácter legal contra o goberno.

Enlace coa noticia orixinal no Diario de Ferrol

__________________
Diario de Ferrol
Ferrol | Sábado, 21 de Abril de 2007

"Se han sumado a los descalificadores", manifestou Juncal despois da sesión
Se a oposición calificou ao alcalde de "antidemocrático", éste afirmó que a conducta dos tres grupos municipaies é "lamentable". "Se han sumado a los descalificadores", afirmou Juncal, que engadiu que coa conducta de BNG, PSOE y EU-IU fixose un "flaco favor al prestigio del Ayuntamiento" e realizaron unha "dejación de funciones".

Enlace coa noticia orixinal no Diario de Ferrol

_____________________
Diario de Ferrol
Ferrol | Sábado, 21 de Abril de 2007

Varias entidades poñerán en mans da Fiscalía o acordo plenario
Ao malestar xerado entre os afectados e entidades vecinales e ecologistas por non poder acceder ao salón de plenos, polo menos desde o inicio da sesión, sumouse a propia aprobación do plan de sectorización de Menáncaro. Así, ao término do pleno extraordinario, os representantes de ditas agrupaciones, entre as que se atopaban Adega, Verdegaia, propietarios dalgunhas das parcelas afectadas e a plataforma cidadá de defensa dos espazos públicos, compareceron en roda de prensa para valorar o acordo e anunciar que recorrerán á vía xudicial.

Enlace coa noticia orixinal no Diario de Ferrol

_______________
Diario de Ferrol
Ferrol | Sábado, 21 de Abril de 2007

Política Territorial espera a recibir o plan para decidir se recorre á vía xudicial
A conselleira de Política Territorial, María José Caride, fixo onte un chamamento ao alcalde ferrolano, Juan Juncal, para que actúe con "responsabilidade" con respecto ao proxecto de sectorización de Menáncaro. Nun acto celebrado en Ou Porriño e en resposta ás preguntas formuladas polos xornalistas, a titular deste departamento pediu ao regidor que "pense interésesnos de todos vos cidadáns de Ferrol" porque, como subliñou, "ultimamente está adoptando unha serie de acordos que non son ou mellor para vos ferroláns porque non cumpren coa legalidade, carecen de seguridade xurídica e poñen en perigo tanto ou patrimonio municipal como ou dous propios ferroláns".

Enlace coa noticia orixinal no Diario de Ferrol

________________________
La Voz de Galicia

Sábado, 21 de Abril de 2007

A oposición planta ao alcalde de Ferrol por vetar o acceso de veciños ao pleno
O rexedor pechou a entrada a parte do público que rexeita unha urbanización xunto a unha fraga
Juncal alega que o proxecto é legal a pesar de contar con tres informes negativos da Xunta
Na recta final do mandato, o goberno municipal de Ferrol aprobou onte o plan de sectorización de Menáncaro, unha actuación urbanística privada que prevé a construción de chalés, xunto a unha fraga, nunha zona na que ten intereses Juan Fernández , primeiro tenente de alcalde e líder de Independentes por Ferrol, socio de goberno do PP de Juan Juncal.

Enlace coa noticia orixinal en La Voz de Galicia

______________________
La Voz de Galicia
Sábado, 21 de Abril de 2007

Unha reforma para 69 chalés e un hotel, pero sen declaración de impacto ambiental
A controvertida actuación que latexaba onte no pleno prevé a construción de 69 chalés e un hotel nas inmediacións dunha fraga, a de Menáncaro, e dun regacho. é iniciativa da construtora Bros, aínda que o primeiro tenente de alcalde ten intereses na zona en que se vai a construír.

Enlace coa noticia orixinal en La Voz de Galicia

___________________
Diario de Ferrol
Ferrol | Domingo, 22 de Abril de 2007
Os opositores á obra din que todas as prazas están en perigo
Os convocantes en defensa dos espazos públicos ofreceron onte unha roda de prensa para facer un chamamento á participación cidadá na movilización contra o edificio que se constrúe na praza de España. A protesta está prevista para o vindeiro xoves, 26 de abril, ás 18.30 e coincide coa data na que se celebra o pleno de fin de mes, no que se espera que se debata a moción dos grupos da oposición pedindo a paralización da obra.

Enlace coa noticia orixinal no Diario de Ferrol

__________________________
Diario de Ferrol
Ferrol | Domingo, 22 de Abril de 2007

As administracións enfróntanse polo plan para urbanizar Menáncaro
Mentres a conselleira de Política Territorial pide ao alcalde que actúe con responsabilidade en relación co plan de Menáncaro e o titular de Medio Ambiente asegura que o seu departamento actuará de oficio se este proxecto segue adiante, Juncal reitérase nas razóns apuntadas para dar a aprobación plenaria á iniciativa e anima á Xunta a revisar o expediente "se cre que non se está seguindo a legalidad de forma escrupulosa". Os representantes da administración autonómica acusan ao goberno local de antepoñer os intereses privados dos promotores aos da cidadanía e o alcalde sostén que o informe do secretario "obriga" á aprobación do plan.

Enlace coa noticia orixinal no Diario de Ferrol

__________________________
Diario de Ferrol
Ferrol | Domingo, 22 de Abril de 2007

Feijóo apoia a actuación de Juncal e di que a Xunta tivo ocasión de "parar" o proxecto
Os líderes dos dous principais partidos en Galicia pronunciáronse tamén onte en relación co ocorrido no pleno de Ferrol. O presidente do PPdeG, Alberto Núñez Feijóo, asegurou que a decisión de aprobar o plan de sectorización de Menáncaro foi totalmente democrática e corresponde ao pleno, polo que invitou a respectar a autonomía municipal en relación con este tema. Con respecto aos informes negativos da Xunta entregados ao Concello fóra de prazo, Feijóo indicou que a administración autonómica tivo a oportunidade de "parar" o plan emitindo estes dictames a tempo, polo que considerou que non pode criticar agora a decisión municipal. Neste sentido, apuntou que desde a Xunta estase intentando politizar o urbanismo, algo que, ao seu xuízo, supón un erro. Polo que se refire a que se impediu a entrada no pleno a parte das persoas interesadas en acudir, o presidente do PPdeG apoiou a decisión do alcalde argumentando, como Juncal, que o salón xa estaba cheo.

Enlace coa noticia orixinal no Diario de Ferrol

__________________________
La Voz de Galicia
Domingo, 22 de Abril de 2007
A construción en Menáncaro aínda haberá de esperar polo proxecto de urbanización
A construción na zona de Menáncaro, próxima á fraga do mesmo nome en Serantes, de 69 chalés e un hotel haberá aínda de contar co proxecto de urbanización, segundo confirmaron onte fontes de Política Territorial e do propio Concello ferrolán. Ese documento haberá de tramitalo a promotora, Bros, ante o Concello, que se o aproba remitirao logo á Xunta. «Se contraviene a lei, non será aprobado, pero ata ese momento Política Territorial non actúa», apuntaban o venres desde devandito departamento autonómico. Ese proxecto, ademais, haberá de contar coa declaración de impacto ambiental, segundo esas fontes.

Enlace coa noticia orixinal en La Voz de Galicia

__________________________
Vieros
Denuncian a destrución do espazo natural
O goberno de Ferrol aproba a urbanización da fraga de Menáncaro

Consideran que é un atentado ecolóxico e un delito de prevaricación, por estar implicado o tenente de alcalde na operación.
Redacción - 13:47 20/04/2007

O Concello de Ferrol aprobou o venres á mañá o proxecto de urbanización da Fraga de Menáncaro, cos únicos votos do goberno local, formado polo Partido Popular e Independentes por Ferrol. O resto dos grupos políticos saíu do pleno cando se lle impediu asistir á sesión a un grupo de veciños.

Enlace coa noticia orixinal en Vieiros

__________________________
Galicia | EL PAIS - 20-04-2007
A Xunta informou fóra de prazo contra a urbanización dunha fraga en Ferrol
P. LÓPEZ / L. BUSTABAD
A Consellería de Política Territorial emitiu dous informes negativos contra o proxecto polo que a fraga ferrolana de Menáncaro (Serantes), un espazo natural catalogado cun bosque centenario abundante en especies autóctonas, converterase nunha urbanización con hotel e chalés encostados. Pero ... de Manuel Fraga Juan Fernández, que posúe o 75% dos terreos. A Consellería de Medio Ambiente si informou en prazo o proxecto de Menáncaro, aínda que o goberno municipal ferrolano non aportou a declaración de impacto ambiental que lle esixe o departamento que dirixe Manuel Vázquez. O ... consideraron "unha irresponsabilidad" sacar adiante o plan nesas condicións. A premura do goberno local de Ferrol para aprobar o plan de Menáncaro antes das eleccións municipais non ha desanimado a veciños e ecologistas, que xa anunciaron a súa intención de acudir hoxe ao pleno ...

Enlace coa noticia orixinal en El País

__________________________
Galicia | EL PAIS - 17-04-2007
Juncal tallará unha fraga catalogada para construír 69 chalés e un hotel
LORENA BUSTABAD
... ecologistas como Verdegaia ou a Sociedade Galega de Historia Natural. Veciños e ecologistas agrupáronse para formar a Comunidade de Menáncaro, comprometida na defensa deste espazo natural "do atentado urbanístico que pretenden realizar na fraga os amigos da especulación ... como urbanizable en 2000. Ata a data, Fernández ausentouse voluntariamente das comisións e plenos que abordaron o proxecto de Menáncaro. Con todo, desde o seu despacho no municipio solicitou en mayo de 2005 que se modificase o trazado dun vial que atravesaba a súa propiedade para non ... de BNG e IU. Queda por definir a postura do grupo socialista, que se abstivo na última votación."Non pasarán as máquinas" A Comunidade de Menáncaro reunirase esta semana para emprender accións legais contra a urbanización da fraga antes de que o proxecto chegue ao pleno do próximo día ...

Enlace coa noticia orixinal en El País

__________________________
Galicia | EL PAIS - 14-04-2007
Juncal urbanizará unha fraga contra o criterio de Política Territorial
LORENA BUSTABAD
O goberno local de Ferrol, que dirixe o popular Juan Juncal, aprobou onte un plan de sectorialización para a zona de Menáncaro (Serantes) protexida polo seu alto valor ecolóxico, pese aos tres informes negativos da Xunta, a oposición de BNG e IU e as protestas de grupos ecologistas que se ...

Enlace coa noticia orixinal en El País

__________________________
Galicia | EL PAIS - 17-04-2007
FOTOGRAFÍA: Imaxen da Fraga de Menáncaro
(Tamaño 38 kb.)

Imaxen da Fraga de Menáncaro, en Ferrol, onde se proxecta unha urbanización ...

Enlace coaimaxen en El País

__________________________
Galicia | EL PAIS - 21-02-2007
O BNG ferrolano acusa a Juncal de tratar de beneficiar a Juan Fernández
LORENA BUSTABAD
... no Goberno local, Juan Fernández do grupo Independentes por Ferrol, impulsando un proxecto para construír unha urbanización de luxo en Menáncaro (Serantes), onde Fernández posúe tres cuartas partes dos terreos urbanizables. Os nacionalistas esixen a Juncal "transparencia" nun proxecto ... do Chan de Galicia" e conta con informes desfavorables da Xunta. A proposta estudarase na comisión de urbanismo da próxima semana. A fraga de Menáncaro é unha zona "con árbores centenarios de gran valor", segundo as agrupaciones ecologistas que se opoñen ao proxecto ...

Enlace coa noticia orixinal en El País

_______________________
Galicia-Hoxe
urbanismo
Media Galicia en pé de guerra polo urbanismo
21.04.2007 Os grupos da oposición ‘plantan’ a Juncal ó ditar sentenza sobre a fraga de Menáncaro, un espazo de alto valor ambiental que albergará un hotel e 69 acaroados
. E.P.

Os veciños da fraga de Menáncaro increpan o grupo de goberno ferrolá antes de comezar o Pleno
A oposición do Concello de Ferrol, os veciños afectados e os grupos ecoloxistas viviron onte unha derrota plenaria e moral pola aprobación do proxecto de urbanización da zona de Menáncaro, en Serantes, unha paraxe de alto valor ecolóxico que esmorecerá coa construción dun hotel e 69 vivendas acaroadas.

Enlace coa noticia orixinal en Galicia-Hoxe

__________________________
O Xornal

Corrupción Juan Juncal vinculado a Juan Fernández propietario de 75% de Menáncaro
Xornal Galicia | Sábado, 21 Abril, 2007 - 08:56 AM
Aprobación de la urbanización de la zona de Menáncaro (Serantes-Ferrol) con los votos del PP e Independientes de Ferrol (IF) en un polemico pleno. Se vincula directamente con este proyecto a su socio de gobierno y portavoz de IF, Juan Fernández quién supuestamente es propietario de 75% de los terrenos urbanizables.

Enlace coa noticia orixinal en O Xornal

__________________________

O Pleno Municipal aproba o proxecto urbanístico en Menáncaro

O Pleno Municipal aproba o proxecto urbanístico en Menáncaro

Hoxe as 9 e 1/2 da mañá estaba previsto un pleno municipal extraordinario en Ferrol, onde entre outros puntos estaba previsto tratar o dar por aprobado o Plano de Sectorización de Menáncaro-Serantes alegando "silencio administrativo positivo".

Sen ser o Pleno a porta pechada o Alcalde impideu a entrada ao mesmo dunhas trinta persoas que representanban á oposición cidadán ao proxecto urbanístico, veciñanza do lugar, representantes de ADEGA, SGHN, VERDEGAIA, Plataforma Ártabra 21 e da Comunidade Menáncaro, viron impedida a entrada ao Pleno polo dispositivo policial ordenado polo Alcalde.

A primeira hora da mañá houbo unha pequena rebelión do persoal funcionario e laboral do Concello, pois o goberno municipal, ía aprobar un plano de emprego, do IMFACOF, un organismo autónomo do Concello, parece ser que lesivo para os intereses do resto do persoal. O que descolocou ao Alcalde que agardamos que non durmira coa conciencia tranquila a noite anterior, polo que pensamos que xa viña tenso a un Pleno con certa expectación, cidadán e mediática.

O Alcalde aproveitou a situación, para deixar fóra da sala de sesións à oposición veciñal e ecoloxista, desoindo as peticións reiteradas dos grupos da oposición, para que abrira as portas. Os grupos da oposición abandoaron o Pleno en protesta pola actitude da Alcaldia. Unha vez que se aprobou o proxecto urbanístico, o Alcalde, Sr Juncal, ordeou á policia municipal que cesaran no dispositivo e deixaran entrar ás persoas que quedaban fóra. Unha vez que veciñanza e ecoloxistas, coñeceron que xa se aprobara o proxecto de urbanización, comezaron as críticas e berros de xenreira, pola actitude do Alcalde, concelleira e concelleiros que apoiaron cos seus votos a destrución da Fraga e a súa sustitución por unha urbanización de luxo.

A veciñanza e organizacións ecoloxistas, en roda de prensa, denunciaron a actitude antidemocrática da Alcaldía, que este goberno municipal non defende os intereses da veciñanza nin o patrimonio natural do Concello; sacrificando un dos escasos espazos naturais de interese paisaxístico e ecolóxico do Concello; anunciaron recursos contra o acordo plenario e que defenderan a Fraga de Menáncaco até conseguir unha proteción definitiva deste espazo natural.

O vindeiro Luns, 23 de Abril, terá lugar unha reunión da Comunidade Menáncaro con ADEGA, SGHN e VERDEGAIA, nos locais do Ateneo Ferrolán, para analizar a situación e avaliar as medidas de fefensa xa tomadas.

Estes foron o Alcalde, a concelleira e os concelleiros de Ferrol que votaron a favor do proxecto urbanístico que pretende destruír a Fraga de Menáncaro, a sabendas que é un acordo inxusto e que non se axusta á legalidade:

Juan Manuel Juncal Rodríguez (PP)
José Manuel Vilariño Anca (PP)
Manuel Honorio Bustabad Ferreiro (IF)
José Manuel Rey Varela (PP)
Marta Cerdido Pintos (PP)
Vicente Lorenzo Luque (PP)
Guillermo Evia Pérez (PP)
Amador Rodríguez Silvar (PP)
Francisco Pita-Romero Caamaño (IF)
Leopoldo Ibáñez Santiago (IF)
José Manuel Couce Fraguela (IF)
José Luis Amado Caeiro (IF)

Ausentouse do pleno, cando se realizou a votación, Juan José Fernández García (IF), por ser unha parte interesadísima en todo este negocio.

Enlazar co artigo Defendamos a Fraga de Menáncaro

Ferrol, 20 de Abril de 2007
_____________

Do Blog "Fraga de Menáncaro Formación Senlleira," da Comunidade Menáncaro.

Filme realizado pola SGHN e ADEGA, onde se pode apreciar a imensidade e o valor da fraga no seu conxunto. Filme realizado pouco despois de saberse que a Fraga de Menáncaro estaba ameazada por unha posibél especulación urbanística.

En formato mpg, cunha duración 6 minutos 43 segundos.
Editado por SGHN e ADEGA, Novembro 2005
Feito por Yosy (c)

DISCO CDR. ...



________________

Comunidade Menáncaro
http://menancaro.blogspot.com

Fraga de Menáncaro Formación Senlleira
http://fragademenancaro.blogspot.com

Especulaçom avança em Ferrol: PP e IF aprovárom a substituiçom da fraga de Menáncaro por umha urbanizaçom que enriquecerá a Juan Fernández

Nosup-trasancos -nosup-trasancos@nosgaliza.org-
20 de Abril de 2007 13:0 Responder a: Nosup-trasancos -nosup-trasancos@nosgaliza.org-
Especulaçom avança em Ferrol: PP e IF aprovárom a substituiçom da fraga de Menáncaro por umha urbanizaçom que enriquecerá Juan Fernández A Assembleia Comarcal de NÓS-Unidade Popular quer manifestar o seu enérgico rechaço à aprovaçom, com os votos do PP e de Independientes por Ferrol, de um novo ataque especulador contra o património do povo de Ferrol. A decisom tomada no pleno de hoje, que dá via livre à manobra financeira e urbanística que engrossará as contas do vice-presidente da Cámara, Juan Fernández, proprietário da maior parte dos terrenos, é umha mostra da aberrante política desenvolvida polos gángsters do PP e de IF. Nengum escrúpulo lhes permite tomar em consideraçom os protestos vicinais que venhem reclamando, durante os últimos anos, que se respeite a última fraga autóctone significativa existente no ámbito do Ferrol urbano. Em lugar disso, os partidos governantes aprovárom a entrega dos terrenos às construtoras para que arrasem a carvalheira de Menáncaro, o que possibilitará, isso sim, um lucrativo negócio, nom só às construtoras, mas também ao vice-presidente da Cámara e máximo dirigente de IF, Juan Fernández. A atitude das forças governantes, ao impedirem que a oposiçom popular acedesse ao pleno em que era votada a aberraçom urbanística e ambiental de Menáncaro, define bem quais som os limites da cacarejada "democracia" do PP e de IF. A deles é a "democracia" do assalto às instituiçons públicas para as colocarem ao serviço dos interesses privados das suas empresas amigas e dos próprios membros do Governo municipal. A corrupçom converte-se em roteiro político da direita espanhola governante. Porém, o carácter especulador e delinqüente do actual governo municipal nom escusa a atitude e a responsabilidade das duas principais forças da oposiçom municipal: o PSOE e o BNG. Porque temos memória, devemos lembrar que foi a área de Urbanismo, em maos do BNG durante a etapa de coligaçom em Ferrol, a que requalificou os terrenos em causa e possibilitou assim o ataque contra um espaço de grande valor natural como é a carvalheira de Menáncaro. NÓS-UP quer reiterar o seu apoio ao movimento vicinal, insistindo na necessidade de que continue a pressom contra o projecto da direita especuladora e em defesa dos nossos espaços naturais. Defendámos Menáncaro! Fora especuladores e corruptos! Assembleia Comarcal de NÓS-Unidade Popular em Trasancos Ferrol, 20 de Abril de 2007

25 de Abril: Ferrol Vello temos un Plan

De: AVV FERROL VELLO Nª Señora Del Socorro -avvferrolvello@yahoo.es-
Para: ARTABRA 21 -artabra21@gmail.com-
Data: 20 de Abril de 2007 11:13
Asunto: O VINDEIRO MÉRCORES DÍA 25 AS 20:00 PRESÉNTASE O PROXECTO “FERROL VELLO, TEMOS UN PLAN”


O VINDEIRO MÉRCORES DÍA 25 AS 20:00 PRESÉNTASE O PROXECTO “FERROL VELLO, TEMOS UN PLAN”

O vindeiro mércores día 25 de Abril ás 20:00, no local da asociación de veciños de Ferrol Vello (Rúa do Curro,1) presentarase o proxecto FERROL VELLO, TEMOS UN PLAN, elaborado durante novembro do 2006 por un equipo integrado por veciños do barrio, e que competiu con outras 120 propostas españolas e portuguesas o pasado mes de decembro no concurso ECO-BARRIOS, organizado polo C.S.C.A.E. (Consejo Superior de Colegios de Arquitectos de España).

O proxecto formula dende o urbanismo catro estratexias para a recuperación do barrio de Ferrol Vello:
- a recuperación de espazos públicos hoxe “ocupados” por propietarios privados.
- a mellora da imaxe urbana das edificacións en ruinas.
- a utilización das edificacións singulares de orixe industrial como sedes de institucións públicas ou privadas.
- a mellora dos equipamentos do barrio utilizando os edificios de titularidade pública existentes.

FERROL VELLO, TEMOS UN PLAN recolleu no momento da súa formulación demandas veciñais xa coñecidas, como foi a zona verde do Adro de San Francisco.

Tamén foi marco de referencia estes últimos meses para propoñer solucións a problemas “históricos” do barrio. Sen ir máis lonxe, a solución proposta para ximnasio do IES de Ferrol Vello, reutilizando parte da fábrica de Xabón anexa ao centro, está contemplada neste proxecto e foi asumida no seu momento pola dirección do IES.

Ademáis, membros da nosa asociación veñen traballando a diferentes niveis no desenvolvemento das estratexias contempladas neste documento, reuníndose con administracións e entidades privadas diversas que pensamos deberían apostar con forza pola recuperación de Ferrol Vello.

Dende esta asociación consideramos especialmente oportuna a presentación deste documento diante dos veciños e a opinión pública, agora que o Concello está a elaborar o prego que vai rexir o concurso de asistencia técnica para a redacción do futuro Plan Especial de Ferrol-Vello.

Sería para nos moi interesante que estas estratexias fosen contempladas pola administración municipal á hora de definir o planeamento para o barrio. Por isto invitamos tamén aos responsables políticos dos diferentes grupos municipais a que acudan á nosa asociación para coñecer de primeira man este Plan.


Un sinxelo e cordial saúdo dende a AVV “FERROL VELLO”.

________________________

A. VV. FERROL VELLO
Xunta Directiva

C/ Curro, 1. 15401 - FERROL
Tlf./fax: 981.356842
________________________

Pola retirada dos símbolos franquistas e contra o julgamento de quem os retira

De: Bruno Lopes Teixeiro brunotrasancos@gmail.com>
Para: artabra21@gmail.com
Data: 20 de Abril de 2007 00:24
Asunto: Pola retirada dos símbolos franquistas e contra o julgamento de quem os retira

---------- Forwarded message ---------- From: Antifascistas Galiza AntifasGz <antifascismogalego@gmail.com > Date: 20/04/2007 00:17 Subject: Pola retirada dos símbolos franquistas e contra o julgamento de quem os retira To: brunotrasancos@gmail.com Pola retirada dos símbolos franquistas e contra o julgamento de quem os retira As pessoas e entidades abaixo assinadas queremos fazer pública a nossa repulsa ao julgamento, no próximo 26 de Abril, imposto a Maurício Castro Lopes, Carlos Garcia Seoane, Bruno Lopes Teixeiro e Daniel Lourenço Mirom, por terem pintado de cor de rosa a chamada "cruz dos caídos" do concelho de Neda. A acçom simbólica realizada polos quatro integrantes de NÓS-Unidade Popular inscreve-se numha campanha de denúncia contra a permanência de todo o tipo de símbolos da ditadura franquista em toda a Galiza. Como tal, a sua acçom é digna de reconhecimento pola sua natureza democrática e antifascista, sendo especialmente rechaçável que seja um concelho governado polo PSOE e IU, que já em duas ocasions aprovou e incumpriu a retirada dos símbolos franquistas, o artífice da denúncia. Por todo o dito, queremos solidarizar-nos e reclamar a livre absoluçom dos quatro companheiros, vizinhos da nossa comarca, e a imediata retirada desse e de todos os demais símbolos do franquismo que ainda subsistem nos edifícios e espaços públicos da Galiza. Podes encaminhar o teu apoio ao correio-e: antifascismogalego@gmail.com Primeir@s assinantes e impulsionadores/as da iniciativa Eliseo Fernández Fernández, Historiador e membro da Comissom Ferrolterra a nossa Memória Xesus Anxo López Pintos, Secretário Comarcal da CIG em Trasancos Bernardo Maiz Vázquez, Historiador e membro da Comissom Ferrolterra a nossa Memória Nome Apelidos B.I. Cargo/Ocupaçom

Defendamos a Fraga de Menánacaro

Onte 18 de abril, ás 7 e 1/2 da tarde tivo lugar unha importante reunión da Comunidade Menáncaro e as organizacións ecoloxistas ADEGA, SGHN e VERDEGAIA, nos locais do Ateneo Ferrolán, diante dun eminente atentado ecolóxico que se vai cometer contra a Fraga de Menáncaro este venres, 20 de abril, ás 9 e 1/2 da mañá nun Pleno Extraordinario do Concello de Ferrol.

A reunión tivo moito éxito, non só pola asistencia de persoas, senón polo unanime interese e preocupación, pola situación que se está dando sobre todo este proceso e en particular pola intención manifesta dos que hoxe están gobernando no Concello [PP e IF], de aprobar o Plano de Sectorización de Menáncaro-Serantes, alegando "silencio administrativo positivo".

As persoas e entidades reunidas acordamos reiterar que de producirse un acordo no Pleno Municipal no sentido xa citado, sería política e eticamente deplorábel, cometeríase un atentado ecolóxico e un delito penal por prevaricación, ademais de ser nulo de pleno dereito e ilegal:

Porque o Concello non pode alegar silencio administrativo, sen ter en conta o Informe [REX. Nº 037435 e data 01.12.2006], da D. X. de Urbanismo, DESFAVORÁBEL AO PLANO DE SECTORIZACIÓN, pois considerámolo vinculante e preceptivo, como así dispón a lexislación vixente no artigo 86.1.d) da Lei 9/2002, de ordenación urbanística e protección de medio rural de Galicia, modificada pola Lei 15/2004. Polo que consideramos que non se pode aplicar silencio administrativo, pola excepción clara que se indica no Artigo 90.3 da Lei 9/2002 que non foi modificado pola 15/2004 na sua nova redacción. Este artigo establece “que non se aplicará o silencio administrativo estimatorio cando os plans ou instrumentos contuviesen determinacións contrarias á Lei, aos plans de superior xerarquía ou ás directrices de ordenación do territorio de Galiza”. E a propia resolución da Dirección Xeral fai mención expresa a que o Plano de Sectorización Menáncaro-Serantes non se axusta ao PXOM, que incumpre a Lei do Solo e que non respecta as áreas de protección do contorno do río Aneiros e das masas de caducifolias.

Porque non pode alegar Silencio Administrativo positivo, sen antes contestar ao Informe da Dirección Xeral de Calidade e Avaliación Ambiental, emitido con data do 16 de Outubro de 2006, e número de Rex. 017746, onde se lle empraza, ao Concello, a someter o Plano de Sectorización ao trámite de Avaliación do Impacto Ambiental, considerando a revisión do Estudo de Impacto Ambiental presentado no seu día, e completar este cunha serie de informes [da D. X. de Conservación da Natureza, da D. X. de Patrimonio Cultural e de Augas de Galicia], outros trámites e actuacións, así como efectuar o trámite de información pública; chegando a cualificar a Fraga como unha zona de importancia ecolóxica e paisaxística.

Porque ademais é que unha vez que o primeiro Informe preceptivo desa Dirección Xeral de Urbanismo foi desfavorábel ao proxecto urbanístico, estamos a falar do primeiro con data de febreiro de 2006, a empresa promotora citada, presentou, en abril de 2006, un novo planeamento modificado, informado favorabelmente polos ténicos municipais, mais o concello non cumpríu co disposto na lexislación vixente de sometelo a información pública polo prazo dun mes mediante anuncio, incumprindo co establecido no artigo 86 da Lei 9/2002 de 30 de decembro de ordenación urbanística e protección do medio rural de Galicia.

Pola incongruencia que supón que o Concello de Ferrol, dentro das súas rutas turísticas polo termino municipal, que son poucas, inclúa a da Fraga de Menáncaro, presentadoa con varios mapas e fotografias e a seguinte lenda:

"DESCRIPCIÓN DA RUTA
Sendeiro interior que xunto có da Cabana son os únicos que recorren soutos e fragas de castiñeiros e carballos, no caso de Menáncaro, centenarios, visitando así un dos poucos reductos deste tipo de bosques autóctonos que quedan no Concello. Para velos mellores exemplares de carballo deberá subir polo monte que queda á esquerda do camiño uns 10 ou 15 metros. Remontando o Río Sardiña chégase ás pistas da parcelaria, perfectas para percorrer en bici, podéndonos acercar tamén ó Castro de Ferreiros, cuberto polo bosque pero que aínda permite adiviñalas súas fortalezas e fosos. A dificultade é mínima e o percorrido efectúase nunha hora."

Pola contradición manifesta que suporía coa decisión anterior [Agosto 2006] do Concello de Ferrol de solicitar que a Fraga de Menáncaro sexa incluida no Catálogo Galego de Árbores e Formacións Senlleiras, por considerala un espazo natural e paixasístico merecedor dunha especial conservación.

Porque Juan José Fernandez García, Teniente Alcalde do Concello de Ferrol, e o verdadeiro promotor do proxecto urbanístico xunto coa empresa SAT AGROPINO 735 XUGA, propiedade de Amando Romero Castrillón, que chegaron a un acordo coa entidade mercantil BROS NOROESTE EMPRESA INMOBILIARIA S.L., mediante unha opción de compra escriturada ante notario [11.11.2004]. Estes son os propietarios do 73,68 % da superficie delimitada no Plano de Sectorización e maiores beneficiarios de que este Plano se aprobe. Esta opción de compra, na súa redacción pode que conteña supostos delitos penais de cohecho e tráfico de influencias, custións que ter que investigar a fiscalía.

Porque a principal parcela do Plano de sectorización que supón case o 75% da delimitacíón, na mitade indivisa que lle corresponde a Juan José Fernández García, ten unha carga en forma de dúas hipotecas, unha por un principal de 124.977 € e outra por un principal de 201.837 €, a favor de Manuel Santalla Gato e Francisca Peñazola Torres. Mais non só iso senón que tamén hai tres embargos, para resoponder por 325.737,74 € cada un, segundo autos seguidos co nº 755/2004 no Xulgado Nº de Ferrol. Como se pode apreciar as cantidades coincien na súa suma, mais as persoas, " a favor" cambian, todo segundo consta no Rexistro da Propiedade de Ferrol. Polo que se pode presupoñer que todo este tinglado económico financieiro de prestamos e prestamistas, como o pagaré pola opción de compra, sexa o argumento de peso mais importante para que o proxecto urbanístico sexa aprobado en sesión plenaria. Só é unha suposición, pois probas non hai.

Porque en Setembro de 2001 relizouse na Fraga de Menáncaro unha tala indiscriminada ilegal de todo o bosque de ribeira por parte de Juan José Fernández García e Amando Romero Castrillón, propietarios e autores da mesma, onde interveu, na paralización tardía, a administración autonómica e a policía municipal do Concello, pola que foron expedientados.

Por todo isto demandamos que o proxecto urbanístico definitivamente non se aprobe, que se recalifique a zona cunha figura de protección total e expresa para toda a Fraga de Menáncaro, por considerar a zona, merecedora de normas protectoras específicas, dado o seu interese natural, didáctico, científico, cultural, paisaxístico e ecolóxico do conxunto do hábitat natural e dalgunhas das árbores e espécimes da flora existentes na Fraga, xa que constitúe un patrimonio natural e cultural valioso, de interese público, e unha das escasísimas e reducidísimas mostras de bosque autóctono existentes no Concello de Ferrol, irrecuperábel no caso da súa destrución ou desaparición.


Acordamos:

Facer unha chamamento á cidadanía para que acudan ao pleno deste venres 20 de abril e ser testemuñas da ilegalidade que pretenden levar a cabo os grupos que hoxe gobernan no Concello de Ferrol.

Poñernos en contacto telefónico con Presidencia, Dirección Xeral de Urbanismo e Dirección Xeral de Calidade e Avaliación Ambiental, para que interveñan diante deste intento de atentado ecolóxico que sería aprobar definitivamente o proxecto de urbanización.

Achegarnos até os Xulgados de Ferrol para poñer en coñecemento do Fiscal que se vai cometer un delito de prevaricación, artigo 404 do Códigopenal en vigor.

Informar ao Fiscal de Medio Ambiente que ten sede en Compostela deste atentado Ecolóxico.

No caso de producirse unha aprobación no Pleno extraordinario, solicitar aos grupos políticos da opisición que interpoñan recurso de reposición.

Igual que un grupo de veciños e veciñas xa teñen, a nível particular contratado os servizos dun bufete de advogados da cidade, a Comunidade Menáncaro, xa o ten preparado a través de ARDEFA, para que interpoña un recurso de reposición e no seu caso continuar con un proceso xudicial até o final.

Convocar unha nova reunión nos locais do Ateneo Ferrolán, o vindeiro Luns 23 de Abril ás 19:30 hrs.

___________

Neda: Nom à hipocrisia institucional!! PSOE-IU nom retiram simbologia fascista, perseguem a quem a retira.

De: Bruno Lopes Teixeiro -brunotrasancos@gmail.com-

Para: artabra21@gmail.com
Data: 19 de Abril de 2007 00:54
Asunto: Neda: Nom à hipocrisia institucional!! PSOE-IU nom retiram simbologia fascista, perseguem a quem a retira.


O próximo dia 26 de Abril, quatro filiados de NÓS-Unidade Popular da Assembleia Comarcal de Trasancos serám julgados no Julgado de Paz de Neda por terem pintado de cor de rosa a chamada "cruz dos caídos" de esse Concelho. NÓS-UP convoca umha concentraçom para o mesmo dia às 12h diante do Julgado. A seguir reproduzimos o texto que está a distribuir-se de maneira maciça na Comarca.

- O QUE VIMOS FAZENDO .

A finais de Outubro de 2005, NÓS-UP apresentava em Ferrol umha campanha de ámbito nacional que tinha como objectivo a denúncia da permanência da simbologia franquista nos mais diversos espaços públicos da Galiza passadas já três décadas da morte do ditador genocida espanhol.

Como advertíramos naquela altura, esta situaçom só pode ser conseqüência do lamentável estado de saúde da democracia espanhola, resultado daqueles ignominiosos acordos de maquilhagem do regime franquista, que se plasmárom na denominada Transiçom. Mas nom só. A sobrevivência desta simbologia é umha manifesta ilegalidade, e nom o dizemos só por nos considerarmos coerentes militantes antifascistas, senom que está estabelecido por acordos das mesmas instituiçons espanholas: Lei 33/1981 e o Decreto 2964/1981 obrigam retirar o escudo franquista, umha Oroposta nom de Lei da Comissom de Administraçons Públicas do Congresso espanhol aprovou em 2004 "adoptar as medidas necessárias para favorecer a desapariçom de símbolos inconstitucionais". Mesmo no Trigésimo Sexto Congresso do PSOE foi aprovada umha resoluçom exigindo aos seus presidentes de cámaras municipais (entre eles, Carlos Pita, presidente da Cámara Municipal de Neda polo PSOE) a retirada de simbologia franquista.

O desenvolvimento da campanha consistiu em realizarmos os censos de simbologia fascista de cada localidade. Depois apresentavamos, via registo municipal, umha moçom solicitando a sua retirada. Mas o silêncio foi absoluto por parte das instiuiçons locais, e a militáncia de NÓS Unidade Popular saiu à rua para retirar todo esse imaginário fascista ou pintar de cor-de-rosa aqueles "monumentos" que, polo seu tamanho, nom era factível serem retirados polos nossos humildes meios.

Tendo em conta estas premissas, e depois de termos aguardado durante um espaço de tempo prudencial para receber algumha resposta por parte do Concelho de Neda à nossa moçom, na manhá do 23 de Dezembro de 2005 procedeu-se a pintar a "Cruz dos Caídos", situada num dos jardins municipais e que contém umha inscriçom em que som exaltadas figuras como José Antonio Primo de Rivera, fundador da Falange Espanhola, que também contava nesta vila com umha avenida dedicada à sua pessoa.

- O QUE NOS VENHEM FAZENDO .

No momento de começarem a pintar tam aborrecível monumento, quatro companheiros da nossa organizaçom som identificados por membros da Polícia municipal, que mesmo lhes dam conta da existência de um acordo plenário de dez anos atrás, polo qual se aprovava a sua substiuiçom por um outro monumento em memória das vítimas e represaliad@s polo franquismo. Mas também lhes advertírom que podíam ser objecto de denúncia por parte do Concelho.

E assim foi. Os quatros companheiros identificados na manhá daquele dia som chamados a declarar a 23 de Março de 2006 nos tribunais de Ferrol, sob a acusaçom de "desordens públicas" ("falta contra o património", que inclui a reclamaçom de gastos ocasionados pola limpeza da cruz). Antes de assistirem a declarar perante o juíz, representantes da nossa organizaçom mantivérom um encontro com representantes de Izquierda Unida para lhes pedir explicaçons polo envolvimento desse grupo político na denúncia, junto ao PSOE, já que formam coaligaçom de governo no município.

Mas semelha que o PSOE e IU querem chegar até o final e impor umha medida repressiva a quem reivindica a memória das vítimas e o fim da exaltaçom do fascismo. Desta maneira, no dia 26 de Abril de 2007, os quatros militantes antifascistas apresentarám-se perante o juíz no Julgado de Paz de Neda para responderem agora por "faltas polo deslucimento de imóveis".

NÓS-Unidade Popular, depois de um ano e meio de campanha a denunciar, a agitar e a actuar directamente na rua contra a permanência da simbologia fascista, pode extrair já um primeiro resultado positivo, que é o de deixar em evidência a imensa cobardia e complexos de forças autoproclamadas de esquerda, progressistas e incluso galeguistas (PSOE, IU, BNG) quando, tendo responsabilidade directa e estando ao seu alcance a eliminaçom de mastodônticos símbolos franquistas, nom fam nada nessa direcçom porque levam anos instalados na submissom aos ditados e à lógica da Transiçom. Mas, ao mesmo tempo, continuam a ficar em evidência, quando num exercício de oportunismo infinito reclamam a retirada de simbologia fascista noutros concelhos onde nom tenhem responsabilidades de governo. Tivemos vários exemplos disto no passado Ano da Memória de 2006, com formaçons políticas como IU no concelho de Ferrol ou o PSOE de Fene.

Porém, NÓS-Unidade Popular reclama menos cobardia e mais compromisso com as centenas de vizinhos e vizinhas que morrêrom, sofrêrom repressom e exílio por defenderem a liberdade e a democracia. É um exercício de higiene, justiça e dignidade democrática.

Também, como nom podia ser doutra maneira, queremos manifestar todo o apoio aos quatro companheiros que vam ser julgados e reafirmar a plena determinaçom de continuarmos a exigir a eliminaçom dos símbolos fascistas do nosso país.

Simbologia fascista fora da Galiza!!

Pola demoliçom da Cruz dos Caídos!!

Pretenden aprobar a urbanización por silencio administrativo este venres 20 de abril. Convocatoria de Reunión hoxe, mércores 18 de abril, no Ateneo

De: Comunidade Menáncaro Serantes-Ferrol -menancaro@gmail.com-
Para: artabra21@gmail.com
Data: 17 de Abril de 2007 18:38
Asunto: Pretenden aprobar a urbanización por silencio administrativo este venres 20 de abril. Convocatoria de Reunión no Ateneo


Este venres 20 de Abril, en Pleno extraordinario ás 9 da mañá, pretenden aprobrar o Plano de Sectorización Menáncaro-Serantes, para que o "Pleno da Corporación se pronuncie sobre a aprobación definitiva por silencio administrativo positivo".

Ao noso entender o Concello non pode alegar silencio administrativo, sen ter en conta o Informe [REX. Nº 037435 e data 01.12.2006], desa D. X. de Urbanismo, DESFAVORÁBEL AO PLANO DE SECTORIZACIÓN, pois considerámolo vinculante e preceptivo, como así dispón a lexislación vixente no artigo 86.1.d) da Lei 9/2002, de ordenación urbanística e protección de medio rural de Galicia, modificada pola Lei 15/2004. Polo que consideramos que non se pode aplicar silencio administrativo, pola excepción clara que se indica no Artigo 90.3 da Lei 9/2002 que non foi modificado pola 15/2004 na sua nova redacción. Este artigo establece "que non se aplicará o silencio administrativo estimatorio cando os plans ou instrumentos contuviesen determinacións contrarias á Lei, aos plans de superior xerarquía ou ás directrices de ordenación do territorio de Galiza". E na propia resolución desa Dirección Xeral faise mención expresa a que o Plano de Sectorización Menáncaro-Serantes non se axusta ao PXOM, que incumple a Lei do Solo e que non respecta as áreas de protección do contorno do río Aneiros e das masas de caducifolias.

A Comunidade Menáncaro diante deste anuncio, vai ter unha reunión no Ateneo Ferrolán mañá, 18 de Abril as 20:00 hs, para analizar a situación e propoñer medidas concretas a realizar, desde accións até xudicializar o asunto poñendo en mans do fiscal toda a documentación adiantando que no Concello de ferrol, se vai cometer un delito urbanístico de prevaricación, ademais dun atentado ecolóxico contra un espazo natural único no concello.

Achegamos escrito en anexo que apresentamos hoxe no rexistro da Xunta de Galicia, dirixido á Dirección Xeral de Urbanismo, así como o que lle entregou onoso representante Ramón Regueiro ao Presidente da Xunta de Galicia o pasado 14 de abril, nunha entrevista que mantivo con el, onde lle solicitou que fixera todo o posíbel para paralizar este atentado ecolóxico.

Convidamos tamén a ADEGA, SGHN e VERDEGAIA.

Ramón Regueiro Santiago
DNI 32591787-M
Lugar de Quiá, 180
Serantes-Ferrol [15405]

Telefono.: 981327494
Telemóbel: 630287900

correio-e:
menancaro@gmail.com

Blog da Comunidade Menáncaro:
http://menancaro.blogspot.com

Blog Menáncaro Formación Senlleira:
http://fragademenancaro.blogspot.com/

--
COMUNIDADE MENÁNCARO
Fraga de Menáncaro
Quiá - Serantes
15405 Ferrol [GALIZA]

Blog da Comunidade Menáncaro:
http://menancaro.blogspot.com/

Comunicado consensuado das entidades convocantes das mobilizacións na defensa dos espazos públicos

De: Convocantes en defensa dos espazos públicos
-defendendo.os.espazos.publicos@gmail.com-
Para: artabra21@gmail.com
Data: 17 de Abril de 2007 17:57
Asunto: Comunicado consensuado das entidades convocantes das mobilizacións na defensa dos espazos públicos



POSICIÓN CONSENSUADA POLAS ENTIDADES CONVOCANTES DAS MOBILIZACIÓNS NA DEFENSA DOS ESPAZOS PÚBLICOS E CONTRA A CONSTRUCIÓN DO MACRO-EDIFICO NA PRAZA DA PORTA NOVA [PRAZA DE ESPAÑA], DIANTE DO DITAME DA ADMINISTRACIÓN AUTONÓMICA E DA ACTITUDE DO GOBERNO MUNICIPAL.-

As entidades convocantes das mobilizacións na defensa dos espazos públicos, reunidas no día de hoxe en Ferrol, nos locais do Ateneo Ferrolán, acordamos a seguinte posición diante do ditame da Consellería de Política Territorial, Obras Públicas e Transportes onde notifica a aprobación definitiva da modificación puntual do Plano Xeral de Ordenación Municipal de Ferrol que ten por finalidade a recualificación de solo urbano no ámbito da Praza da Porta Nova que, até o de agora, figuraba no planeamento urbanístico municipal como sistema xeral viario. Solo urbano no que o Concello de Ferrol en sesión Plenaria, cos votos de PP e IF, acordou levar adiante unha intervención urbanística ilegal, innecesaria e usurpadora dos espazos públicos.

En primeiro lugar, reafirmámonos na necesidade urxente de que se paralicen as obras xa, e se acabe dunha vez por todas con esta irresponsabilidade.

En segundo lugar, manifestamos a nosa reprobación da actitude "chulesca" do Alcalde Sr. Juncal e os concelleiros do goberno municipal que co ánimo de confundir á cidadanía, en tempo electoral, fan alarde da súa perversa interpretación do ditame de Política Territorial, seguro que pensando niso de "en río revolto, ganancia de pescadores".

En terceiro lugar, criticar o grado de ambigüidade e incoherencia deste ditame que aínda que é claro á hora de cualificar os acordos plenarios como nulos de pleno dereito, deixa aberta a posiblidade de que se poda edificar para equipamentos públicos en parte dese solo urbano agora recualificado. Ademais seguimos mantendo a nosa crítica á comunicación de febreiro pasado da Consellería de Medio Ambiente por innecesaria e malintencionada e a anterior da Dirección Xeral de Urbanismo onde requería a paralización das obras, mais dando un inxustificábel prazo de tres meses.

En cuarto lugar, queremos facer fincapé en que os acordos das sesións plenarias de 24 de novembro de 2004 e de 16 de marzo de 2005 son nulos de pleno dereito. E que a nova recualificación que modifica puntualmente o PXOM en vigor, aprobada por Política Territorial, aínda que permita o cambio de uso do solo non ten carácter retroactivo, polo que os acordos plenarios citados carecen de legalidade e, polo tanto, deben ser revocados. Polo que persistir na actitude de " que as obras van a continuar pese a quen lle pese" como ten manifestado o Alcalde Sr. Juncal, non deixa de ser persistir nun delito, tipificado no código penal como prevaricación, polo que a actuación da fiscalia faise necesaria.

En quinto lugar, queremos manifestar que todo este "negocio político-económico", do Goberno Municipal coa empresa concesionaria-construtora ABECONSA, e a irresponsabilidade que manifestan os gobernantes municipais, pode ter un custe importantísimo para as arcas municipais, en definitiva para os cartos de todas as veciñas e veciños de Ferrol. Polo que, con todas as consecuencias, non imos permitir que os membros deste Goberno Municipal e os concelleiros e concelleira que o sustenta co seus votos e que aprobaron no seu día a ilegalidade, dando o visto bon ao macro-edifio e ao conxunto de despropósitos, en forma de planeamentos urbanísticos, concesións e acordos, saían impugnes deste "guisado", polo que imos demandar a súa inhabilitación para ocupar cargo público e que paguen co seu patrimonio persoal, no caso de que esta irresponsabilidade cause custes ao Concello, é dicir ao conxunto da cidadanía de Ferrol.

En sexto lugar, aledámonos de que o Delegado Provincial da Consellería de Política Territorial, ... se desprazara até a cidade para explicar o xa mencionado ditame, e advertir da ilegalidade do macro-edificio e do conxunto do planeamento urbanístico da Praza, ademais dos ilegais acordos plenarios. Así como tamén das declaracións públicas do Presidente da Xunta de Galicia na súa visita de hoxe á cidade, que veu reiterar o xa dito o venres polo Delegado de que as obras son "ilegais e ilegalizábeis". Polo que tomamos nota das súas palabras, e as gardamos na nosa memoria colectiva, para esixir social e politicamente o seu cumprimento.

E en séptimo e último lugar, desde o movimento cidadán que conformamos as entidades convocantes das mobilizacións na defensa dos espazos públicos reiteramos que a obra segue sendo

ilegal, innecesaria e usurpadora de espazos públicos.

Polo que chamamos á mobilización social na defensa dos espazos públicos e contra actuación do Goberno Municipal neste planeamento urbanístico, polo que mantemos a convocatoria da concentración cidadán, para o xoves, día 26 de Abril, na Praza do Concello, ás 18:30 hrs, para mostrar a nosa repulsa a actuación do Goberno Municipal e demandar a paralización das obras xa, rexeitar a construción dun macro-edificio na Praza da Porta Nova e que esta quede limpa e libre, para uso e goce de toda a cidadanía.

En Ferrol, a 16 de de abril de 2007

No nome das entidades convocantes

Mel Sanxoán e Inácio M. Orero

Nota.-
Achegamos o mesmo texto en ficheiro anexo en formato -doc- de software privativo Microsft-Windows
Achegamos o mesmo texto en ficheiro anexo en formato -odt- de software libre GNU-Linux
--
Convocantes das mobilizacións na defensa dos espazos públicos, en contra da construción do macro-edificio na Praza da Porta Nova [Praza de España]:

Asociación Cultural Fuco Buxán,
Asociación Veciñal de Esteiro "Fontelonga",
Asociación Veciñal de Ferrol-Vello,
Asociación Veciñal O Cruceiro de Canido,
Asociación Veciñal "O Rosario - Inferniño",
Asociación Veciñal de Santa Mariña,
Asociación Veciñal de San Xoan-Bertón,
Asociación Sociocultural Lopez Bouza
CC.OO Ferrol,
CIG-Ferrol,
Colectivo Veciñal Sartaña,
Esquerda Unida - IU,
Federación de ANPAS de Centros Públicos de Ferrolterra,
Os Verdes - Grupo Verde de Ferrol,
NÓS - Unidade Popular,
Plataforma Ártabra21,
Terra Galega,
UGT-Ferrol,
USTG-Ferrol.

Cartaz da Concentración do vindeiro 26 de Abril en Ferrol

Clicando acima da imaxen podes ampliar o cartaz nunha nova xanela, para baixalo ao teu computador e facer fotocopias, para colocar pola rúa, ou se prefires difunde a convocatoria pola rede.

Convocatoria da 10ª Asemblea Xeral Extraordinaria: 24 de Abril de 2007, no Ateneo Ferrolán

X ASEMBLEA XERAL ORDINARIA

24 de Abril de 2007

A Xunta Coordinadora da Plataforma Ártabra21, convócavos para unha ASEMBLEA XERAL ORDINARIA ás 7 h. da tarde do día 24 de Abril no Ateneo Ferrolán.

Orde do día

1.- Lectura e aprobación, se procede, da ACTA da ASEMBLEA anterior.

2.- Estado de contas.

3.- INFORMACION XERAL.-

a.- FRAGA DE MENANCARO.
b.- SARTAÑA
d.- RECIMIL.
c.- Charla – Debate “ESPECULACIÓN MUNICIPAL “
Galería Sargadelos. – 8 de Maio.

4.- EDIFICIO DE PORTA NOVA.

* Últimos INFORMES da Xunta de Galicia. - D.X. Urbanismo.
* CONVOCATORIA de CONCENTRACIÓN dos CONVOCANTES na PRAZA DO CONCELLO para o día 26 de Abril .
* PROPOSTAS.

5 .- REDE LITORAL .

- Manifestación Galega en Compostela para o 6 de Maio.

6 .- RELEVOS na XUNTA COORDINADORA.

7 .- Determinación do día, lugar e hora da seguinte Asemblea da PA21.
(1º Aniversario da PA21)

8 .- Suxestións e preguntas.

Ferrol a 17 de Abril de 2007.

- A Xunta Coordinadora -

Escolma de noticias que se publicaron este fin de semana, 14 e 15 de abril, relacionadas co asunto do macro-edificio da Praza da Porta Nova

Pola importancia das noticias que se publicaron en diferentes medios neste fin de semana, 14 e 15 de abril, relacionadas co asunto do macro-edificio que se está construíndo na Praza da Porta Nova, publicamos unha escolma das mesmas cos correspondentes enlaces aos diferentes medios, para achegarse até a noticia completa.

Lembrar ao tempo que este luns 16 de abril, as entidades convocantes das mobilizacións na defensa dos espazos públicos reunense no locais do Ateneo Ferrolán, ás 19:00 hrs, para analizar o ditame administrativo da Xunta e emitir unha opinión consensuada ante a nova situación.

Pois consideran "os convocantes" que as manifestacións públicas dos responsábeis municipais, necesitan urxentemente, desde o noso ponto de vista, unha resposta do movimento cidadán enmarcado nos Convocantes das mobilizacións pola defensa dos espazos públicos, dado a nosa responsabilidade e compromisos na oposición mantida contra actuación do Goberno Municipal e o seu planeamento urbanístico na Praza da Porta Nova.


Escolma de noticias do domingo 15 de abril de 2007:

__________________

Diario de Ferrol
Ferrol | Domingo, 15 de Abril de 2007

O Concello di que a praza de España está legalizada
O concelleiro de Urbanismo, Guillermo Evia, saíu onte ao paso das declaracións do delegado provincial de Política Territorial, Jacinto Parga, nas que afirmaba que a obra da praza de España é ilegal e ilegalizable. Evia pediu aos políticos que asuman a decisión dos técnicos da Xunta.

Enlace coa noticia no Diario de Ferrol

_____________________________________

Diario de Ferrol
Ferrol | Domingo, 15 de Abril de 2007

Convocan unha reunión urxente para analizar o informe de Política Territorial
As entidades convocantes das movilizaciones en defensa dos espazos públicos convocan unha reunión urxente, dirixida ás agrupaciones que integran esta plataforma cidadá, para analizar a resolución administrativa da Xunta e emitir unha opinión consensuada ante esta nova situación. A asemblea terá lugar mañá no local do Ateneo Ferrolán, ás sete da tarde.

Enlace coa noticia completa no Diario de Ferrol

_________________________

Diario de Ferrol
Ferrol | Domingo, 15 de Abril de 2007

Sestayo pide a Caride que explique no Parlamento a situación da praza ferrolana
A deputada socialista Beatriz Sestayo acaba de rexistrar unha pregunta con carácter urxente no Parlamento galego para a súa resposta oral en pleno da conselleira de Política Territorial, María José Caride, co obxectivo de que aclare en que situación urbanística queda a praza de España logo da resolución dictada pola Dirección Xeral de Urbanismo respecto de a modificación de usos.

Enlace coa noticia completa no Diario de Ferrol

________________________________

La Opinión de A Coruña
O CONCELLEIRO ACUSA Ao GOBERNO GALEGO DE FACER "ELECTORALISMO"
Evia esixe á Xunta que acepte a modificación do plan xeral
O responsable de Urbanismo suscita á Consellería de Política Territorial que asuma o dictame dos seus propios técnicos.
Redacción.Ferrol
O Goberno municipal de Ferrol esixiu onte á Xunta de Galicia que renuncie "a realizar electoralismo barato" coas obras da praza de España, lugar no que se constrúe un edificio de 21 metros de altura nun espazo declarado "para usos varios".

Enlace coa noticia completa noen La Opinión de A Coruña
______________


Escolma de noticias do domingo 14 de abril de 2007:

_______________

Diario de Ferrol
14 de abril de 2007
O alcalde pide responsabilidades á oposición por dicir que a obra era ilegal
"Queremos transmitir a nosa satisfacción polo contido do informe da Dirección Xeral de Urbanismo, porque dá a razón e apoia o labor realizado polo goberno local". Así se manifestou o alcalde, Juan Juncal, un día logo da emisión do dictame favorable sobre a praza de España.

Enlace coa noticia completa no Diario de Ferrol

________________

Diario de Ferrol
14 de abril de 2007
Pita-Romeu afirma que se a actuación iniciouse foi grazas á súa xestión en Urbanismo
Un dos membros do equipo de goberno que onte se mostraba máis satisfeito co informe favorable da Dirección Xeral de Urbanismo era Francisco Pita-Romeu (IF), concelleiro de Urbanismo ata o pasado verán, cando foi cesado polo alcalde e substituído por Guillermo Evia (PP).

Enlace coa noticia completa no Diario de Ferrol

_____________________

Diario de Ferrol
14 de abril de 2007
A Xunta ameaza con levar ao Concello aos tribunais
O delegado provincial da Consellería de Política Territorial, Jacinto Parga, acudiu a Ferrol na tarde de onte para explicar o alcance da aprobación da modificación puntual do PXOM na praza de España e, sobre todo, advertir das consecuencias de non paralizar as obras.

Enlace coa noticia completa no Diario de Ferrol

_____________________

Diario de Ferrol
14 de abril de 2007
Roi Xordo pedirá a nulidad do acordo da aprobación inicial do proxecto
A Federación Roi Xordo compareceu en roda de prensa para analizar o informe favorable da Dirección Xeral de Urbanismo e subliñar, ademais do seu rexeitamento ao proxecto actualmente en ejecución na praza de España e valorar que a Xunta manteña o requerimiento de paralización dos traballos, que presentarán nos próximos días un escrito ao Concello solicitando a nulidad do acordo plenario de 21 de xaneiro de 2005, no que se aprobou inicialmente o proxecto e abríase o período de alegaciones. Así, César Manso, un dos responsables da entidade, destacou que a federación presentou no seu día unha reclamación por non modificar os usos do chan da praza, reclamación que foi rexeitada, "cando agora vese que era certo que tinga que ser aceptada", dixo.

Enlace coa noticia completa no Diario de Ferrol

_______________________

El Correo Gallego
La Xunta llevará ante el juez al Concello de Ferrol si no paraliza las obras
El alcalde, Juan Juncal, da por zanjado el problema ·· Política Territorial le exige que anule los acuerdos plenarios "ilegales" antes del 27 de mayo
F. CASAL• FERROL
Cun "acabouse o problema" resumiu onte o alcalde de Ferrol, Juan Juncal, a decisión da Dirección Xeral de Urbanismo de aprobar a modificación dos usos na polémica praza de España. Ao mesmo tempo, nunha comparecencia eufórica xunto ao seu concelleiro de Urbanismo, Juncal rexeitou de plano que o Concello de Ferrol vaia paralizar as obras de construción do polémico edificio obxecto de controversia na praza.
Poucas horas despois, o delegado provincial da Consellería, Jacinto Parga, reafirmábase na opinión do seu departamento respecto diso: "O edificio é ilegal e ilegalizable, e se Ferrol non paraliza as obras, a Xunta acudirá ao contencioso administrativo", é dicir, levará á administración ferrolana ante os tribunais de xustiza, afirmou.

Enlace coa noticia completa en El Correo Gallego

____________________________

La Voz de Galicia
Sábado, 14 de Abril de 2007
A Xunta di que a obra da praza de España é «ilegal» e «ilegalizable»
Política Territorial esixe que se paren os traballos, a pesar de aprobar a recualificación do chan
O Concello garante que o edificio central terá uns usos «dotacionais públicos»
Os dous locais de hostalería están en construción e o edificio xa ten as dúas plantas subterráneas case listas.
Está previsto para xullo ou agosto a finalización. O total de superficie urbanizada supera os 16.700 metros cadrados.
A reforma da praza de España, que o próximo mes cumprirá cinco anos desde que entrou alí a primeira picaraña, móvese con complicado equilibro entre o programa urbanístico e a dialéctica política cando restan apenas 40 días para as eleccións.

Enlace coa noticia completa en La Voz de Galicia

___________________

La Voz de Galicia
Sábado, 14 de Abril de 2007
«Algún quería que a obra non acabase ata o 2009»
INDEPENDENTES POR FERROL
Outro dos actores que participou de forma activa na reforma da praza de España, Francisco Pita-Romero , tamén valorou como «unha boa noticia» a recualificación do chan desa contorna aprobada pola Xunta. «Se o Concello non fose capaz de adoptar o cambio de usos en outubro do 2004, as obras na praza non arrincarían ata este mes», dixo quen fose edil de Urbanismo entre xuño do 2004 e xullo do 2006. «Así -continuou- a reforma non estaría ata mediados do 2009, que eu creo que é o que algúns querían», en referencia aos grupos da oposición e colectivos sociais que rexeitan esa obra. Para o edil independente «demostrouse que o proceso era legal».

Enlace coa noticia completa en La Voz de Galicia

_______________________

La Voz de Galicia
Sábado, 14 de Abril de 2007
«Espero unha desculpa de quen intentou paralizar»
PARTIDO POPULAR
O alcalde, Juan Juncal, e o edil de Urbanismo, Guillermo Evia, ambos do PP, reiteraron onte que a obra se axusta á lei» e que a resolución da Xunta, autorizando a modificación do PXOM para permitir un edificio na praza «vénnos a dar a razón». Juncal instou aos tres grupos da oposición a que se desculpen por intentar paralizar as obras». Evia recordou que o Concello abriu a recualificación do chan por dous procedementos diferentes aprobados en dous plenos: un para a obra na superficie e outro para toda a praza, «tamén para o aparcadoiro, que tamén sería ilegal», dixo Juncal. Coa aprobación da modificación do PXOM e a nova redacción «acabouse o tema», dixo o edil.

Enlace coa noticia completa en La Voz de Galicia

____________________

La Voz de Galicia
Sábado, 14 de Abril de 2007
«Se non fréase a reforma, ou 28 de maio denunciaremos»
FEDERACIÓN VECIÑAL ROI XORDO
Para a Federación Veciñal Roi Xordo, que agrupa a máis dunha decena de asociacións sociais de Ferrol e da ría, a recualificación aprobada pola Xunta «non legaliza nada» e, polo tanto, o que se está acometendo en en a praza de España «segue a ser unha ilegalidade», como apuntaba o seu portavoz para asuntos de Urbanismo, César Manso. A entidade recorda que está vixente unha resolución de Política Territorial na que ordena paralizar os traballos en marcha, precisamente a instancias de Roi Xordo. O prazo finaliza o 27 de maio. «Se non se para isto, ou día 28 iremos presentar unha denuncia». A entidade presentou unha reclamación ante a Fiscalía pola reforma, procedemento «que segue aberto».

Enlace coa noticia completa en La Voz de Galicia

_______________________

Galicia-Hoxe
Sábado, 14 de Abril de 2007
URBANISMO
A Xunta anuncia accións xudiciais contra o Concello de Ferrol se non paraliza as obras da Praza de España
13.04.2007 19.25h. Política Territorial asegura que a recualificación do solo aprobada onte non legaliza o edificio de 21 metros da Praza

Enlace coa noticia completa en La Voz de Galicia

____________________