Na fin de semana do Día Mundial do Medioambiente, máis dunha decena de poñentes analizarán en Ferrol a situación na Galiza e UE da problemática da contaminación do medio mariño nas pescas e o marisqueo

Xornada "A problemática da contaminación do medio mariño nas pescas e o marisqueo da UE". |  "A problemática da contaminación do medio mariño nas pescas e o marisqueo da UE". | Xornada de análise e debate sobre a situación do medio mariño convocada polo GUE/NGL e coordenada por AGEe o vindeiro sábado 4. | Na fin de semana do Día Mundial do Medioambiente, máis dunha decena de poñentes analizarán en Ferrol a situación na Galiza e UE.

O vindeiro sábado 4 de xuño, coincidindo nesa fin de semana ca conmemoración do Día do Medio Ambiente, o Grupo da Esquerda Unitaria Europea-Esquerda Verde Nórdica (GUE/NGL) levará adiante a través de Alternativa Galega de Esquerda en Europa a xornada  A problemática da contaminación do medio mariño nas pescas e o marisqueo da UE [1], que terá lugar no Centro Cultural Carvalho Calero (Ferrol) de 10.00a 19.30hrs.

Tras a chegada e recepción de participantes [10.00hrs.], a eurodeputada de AGEe, Lídia Senra, e a Concelleira de Medio Ambiente e Sanidade de Ferrol, María Esther Leira Penabad, procederán á introdución e apertura desta xornada [10.15hrs.] que procurará "poñer de relevo unha visión holística do medio mariño na que teñamos en conta non só a importancia da súa dimensión produtiva, senón tamén a correspondencia existente entre a propia calidade das augas e a nosa saúde, ou as claves do significado xeopolítico que cada vez máis están adquirindo os recursos hídricos a nivel global,  sen perder de vista ademais o compoñente identitario que o mar, as rías, os ríos e mesmo os océanos teñen para o pobo galego", expuxo Senra.

A eurodeoputada de AGEe é suplente para o Grupo da Esquerda Unitaria Europea-Esquerda Verde Nordica (GUE/NGL) na Comisión de Pesca do Parlamento Europeo, xa que "dende o inicio asumimos que loita a prol do noso medio mariño tiña que ser unha das principais estratexias de traballo de Alternativa Galega de Esquerda en Europa". Ente outras accións, no mes de novembro do ano pasado levamos adiante en Cangas a xornada “As pescas e a acuicultura na Galiza no contexto da Política Pesqueira Común (PPC): retos e propostas de futuro”, en decembro achegamos a Bruxelas unha delegación de colectivos que loitan contra a contaminación das rías e ríos e trasladaron as súas denuncias directamente á Comisión Europea, intervimos en sesión plenaria para denunciar a situación do cerco, pelexamos a exclusión dos TACs da pesca artesanal, impulsamos a visita dunha delegación da Comisión de Pesca do Parlamento Europeo a Galiza no mes de mazal deste ano, e levamos rexistradas distintas preguntas parlamentarias[2] en relación ao medio mariño.

Aliás, este encontro o vindeiro sábado 4 en Ferrol para abordar en común a contaminación das augas será tamén un rico espazo no que analizar algunhas conclusións do Informe anual sobre as augas de baño realizado pola Axencia Europea de Medio Ambiente (AEMA) e a Comisión Europea e publicado esta mesma semana. A través deste estudo, que revela que das 29 praias con calidade  "pobre" que hai no Estado 23 atópanse na Galiza,  "a propia UE corrobora a preocupación expresada en múltiples ocasións polas organizacións sociais, pesqueiras e ecoloxistas en relación á calidade das nosas augas", salientou Lídia Senra.

Daremos inicio a esta xornada a través do Xefe da Estación de Bioloxía Mariña da Graña, Guillermo Díaz Agras, e do Presidente da Asociación de Armadores de Artes Menores de Galicia (ASOAR-ARMEGA), José Luís Rodríguez, quen plantexarán primeiramente unha RADIOGRAFÍA XERAL DA SITUACIÓN MEDIOAMBIENTAL DO NOSO MAR [10.30hrs]. Lucía Vizoso, membro da Asociación Cultural Fuco Buxán e da Marea Ártabra, moderará este primeiro espazo introdutorio.

Tras un pequeno descanso ás 12.00hrs., retomaremos a quenda de mañá afondando na situación concreta do litoral a través da mesa A CONTAMINACIÓN DAS RÍAS GALEGAS E AS ACTUACIÓNS DAS INSTITUCIÓNS DA UE [12.30hrs.], que será desenvolvida polo Coordenador do Comité de Emerxencia da Ría de Ferrol e membro da Asociación Cultural Fuco Buxán, Manuel Rodríguez Carballeira; o Presidente da Asociación polo Saneamento da Ría de Pontevedra, Andrés Ruano e o Presidente da Plataforma en Defensa do Mar da Comarca Muros-Noia (Plademar), Estebo Ameneiro.

A Vicepatroa da Confraría de San Telmo de Pontevedra, Marina Buceta, será a responsábel de coordenar este panel, ao que seguirá un espazo de debate.

A quenda de tarde desta xornada estará centrada en extrapolar a situación do medio mariño a nivel europeo e estatal. A ECONOMÍA AZUL NO CONTEXTO DA POLÍTICA DA UNIÓN EUROPEA E MUNDIAL E A SÚA REPERCUSIÓN PARA O SECTOR PESQUEIRO EN GALIZA [16.00hrs.] abondará na problemática da acaparación de recursos hídricos pra a súa explotación en clave multimensional [3] -pesqueira, mineira, enerxética, farmacéutica, biotecnolóxica, turística...-, unha estratexia de capitalización dos recursos naturais que está a ocupar un papel diferenciado no presente mandato da Comisión Europea baixo a preocupante denominación Crecemento Azul.  A eurodeputada de AGEe, Lídia Senra; o voceiro de Pesca por AGE no Paralmento Galego, Juan Manuel Fajardo e o Doutor en Xeoloxía e Impulsor do proxecto do Xeoparque do Cabo Ortegal, Francisco Canosa Martínez serán as responsábeis de desenvolver este punto . O Concelleiro de Medio Ambiente de Narón, Manuel Antonio Ramos Rodríguez, moderará e dará paso ao debate.

Tras un descanso de media hora [17.30hrs], avanzaremos na conclusión desta xornada a través dunha espazo final de carácter esencialemente propositivo baixo o título FACENDO FRONTE Á CONTAMINACIÓN MARIÑA PARA PRESERVAR OS RECURSOS PESQUEIROS. ALGUNHAS EXPERIENCIAS DENDE O ESTADO ESPAÑOL [18.00hrs.]. O Directivo da Confraría de Ferrol e armador de embarcación de baixura en Ferrolterra, Javier Castro, será o responsábel de coordenar as intervencións dos poñentes que trasladarán experiencias dende distintas partes do Estado. Nesta mesa contaremos co Presidente da Federación de Cofradías de Pescadores de Almería-Motril e Patrón Maior de Motril vinculado ao Proyecto Ecopuertos, Ignacio José López Cabrera; o Director da Cátedra Relec da Universidad de Cádiz e vinculado tamén ao Proyecto Ecopuertos, Enrique Montero e o avogado e secretario da Federación Provincial de Cofradías de Pescadores de Valencia e integrante da Campaña contra as prospeccións de hidrocarburos no Mediterráneo, José Ortega.

O encontro finalizará ás 19.30hrs.

Compostela, de 27 Maio de 2016.

Nota.-

[1] Adxuntamos cartaz e díptico-programa, Acceder/Baixar.

[2] Deguace e cotas, Impactos negativos da ampliación do Real Club Náutico de Sanxenxo, Colocar a pesca artesanal acidental fora dos TAC, Distribución das quotas de sarda pelo Estado espanhol, Verquido de residuos asfálticos na zona de Ferrol, Efluentes contaminantes na costa de Lugo, Reparto das cotas de pesca entre o cerco galego, Construcción dunha presa no río Miño, Sendas fluviais do Río Tea e Castro da Croa, Pregunta sobre la denuncia CHAP(2014)00627 (Río Tea), Ampliación da pranta de Reganosa en Ferrolterra, Recursos mineros en alta mar, Gobernanza dos océanos e enerxía, Agresión medioambiental contra el LIC del río Tea, Estacion depuradora de augas residuais no barrio de Coruxo (Vigo), Estudos da EFSA sobre biotecnoloxías mariñas, EFSA, DRA e consumo de moluscos, Marisqueo na Ría de Ferrol, Etiquetado produtos acuicultura e pesca, Prohibición da pesca de deriva con redes artesanais e tradicionais, Indefensión dos traballadores galegos en barcos noregueses.

[3] Máis información no informe "El acaparamiento mundial de océanos", TNI (2014).

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL).

lidia.senra@europarl.europa.eu

Equipa de Comunicación AGEe:

Alternativa Galega de Esquerdas en Europa - Oficina en Bruxelas:
vera.montotovazquez@europarl.europa.eu

Alternativa Galega de Esquerdas en Europa - Oficina en Galiza:
age.europa.galiza@gmail.com

Xornal dixital de AGEe:
http://ageuropa.gal/

Enviado por:
SENRA RODRÍGUEZ Maria Lidia OFFICE
-lidia.senra-office@europarl.europa.eu-
27 de maio de 2016 14:15
_____________________

Decide en Común, apoia e anima á cidadania a participar na manifestacion deste sábado 28 de Maio en Lugo - E apoia e asina os Principios Básicos das Mareas en Común

Por Celso Posada Fernández [*]
28.05.2016

Apoio á manifestación das Marchas da Dignidade do 28M en Lugo

O Partido Político Socialista e Republicano Decide en Común a través do Coordinador en Galicia e membro da Executiva Federal do Partido, Celso Posada, amosa o seu total apoio e participara na Manifestación do sábado 28 de Maio ás 12:00 horas en Lugo, da Columna Galega das Marchas da Dignidade. Decide en Común participa e forma parte das Marchas da Dignidade de Ferrolterra. Celso Posada anima á cidadanía a acudir, a participar nesta Manifestación. O Coordinador en Galicia de Decide en Común afirma que e fundamental seguir loitando e manifestándose nas rúas como fan as Marchas da Dignidade na defensa dos dereitos sociais, dos servizos públicos, da Sanidade e do Ensino e rexeitando rotundamente os desafiuzamentos, a Lei Mordaza, o neoliberal Tratado de Libre Comercio (TTIP), os recortes nos servizos públicos as reformas laborais antisociais do PP e do PSOE, así como rexeitando rotundamente as políticas neoliberais e clasistas do PP que nos empobrecen, nos condenan ao paro, á precariedade laboral e o exilio económico e nos recortan salvaxemente os nosos dereitos sociais a maioría social e á clase traballadora.

Decide en Común apoia e asina os Principios Básicos das Mareas en Común

O ferrolan Celso Posada manifesta que e fundamental a Unidade Popular, unha Marea Viva e a Confluencia da esquerda para derrotar e vencer nas urnas a Feijoo, o PP, a dereita e as súas políticas neoliberais, clasistas e austericidas nas Eleccións Galegas de este ano. Posada afirma que Decide en Común apoiamos as Mareas en Común porque e un proceso de confluencia, aberto, inclusivo, participativo, construído dende as bases, dende abaixo, de forma democrática, horizontal, participativa e en igualdade de condicións para poñer as Institucións ao servizo da maioría social. Decide en Común facemos un Chamamento a cidadanía, os colectivos sociais e os partidos de esquerdas a apoiar e a asinar os Principios Básicos das Mareas en Común na paxina web: www.mareasencomun.gal ou mandando un correo a: ola@mareasencomun.gal.

[*] Celso Posada Fernández, nado en Ferrol o 16 de Xullo de 1980. Activista e Coordinador en Galicia do partido Socialista, Republicano e de esquerdas "Decide en Común" e Secretario de Ensino e de Cultura da Executiva Federal; integrante da Plataforma Somos Esquerda. Diplomado en Maxisterio de Educación Primaria pola Universidade da Coruña e Monitor de Tempo Libre. Foi membro do PSOE, candidato a liderar o partido a nivel provincial, até formou parte da súa Executiva Comarcal da que dimitiu. A situación socioeconómica e política, e a súa participación activa nos movementos sociais, levou-no a abandonar o PSOE e colaborar na refundación dun novo partido socialista e republicano. É membro de STOP-Desafiuzamentos da Rede de Apoio Mutuo de Ferrolterra, da Asociación de Mobilidade Humana para a Colaboración e o Desenvolvemento (de apoio ás persoas inmigrantes e refuxiadas) e participa nas Marchas da Dignidade e na Plataforma Cidadá de Ferrolterra contra o TTIP. Está no facebook e un blogue persoal.

Artigos de Celso Posada en Ártabra 21.

Enviado por:
celso posada
-celsoposada2006@hotmail.com-
20 de maio de 2016 23:13
27 de maio de 2016 15:10
___________

Constituída en Ferrol unha iniciativa cidadá que pretende parar o Contrato Eléctrico que tramita o Concello de Ferrol

Constituída en Ferrol unha iniciativa cidadá que pretende parar o Contrato Eléctrico que tramita o Concello de Ferrol.

Onte, martes 24 de maio, celebrouse unha asemblea Cidadá onde participaron activistas de distintos ámbitos reivindicativos da nosa cidade. Reuniuse ante a alarma xerada, polo anuncio da concesión do Contrato Eléctrico por parte do Concello de Ferrol. Un contrato de 15 anos, que vai outorgar máis de 41 millos de euros das arcas municipais, a unha Unión Temporal de Empresas (UTE), composta pola empresa local (SEFCON) que administra Borja Silveira Rey, e a multinacional Fomento de Construciónes e Contratas (FCC).

Esta asemblea considerou que este contrato, ademais de ser ilegal no seu procedemento, segundo distintos técnicos consultados, que fan traballo de asesoramento a esta asemblea, é lesivo para os intereses do pobo de Ferrol, hipotecando o futuro da cidade.

Por todo isto aprobou constituírse en promotora dunha Plataforma pola Remunicipalización dos Servizos Públicos, nomeando unha coordinadora, que comezou a traballar cara o obxectivo de paralizar este contrato, e encetar o camiño da defensa da municipalización dos servizos públicos.

Abonda de saqueo!
Hai outras alternativas!
Si se pode!

Ferrol, 24 de maio de 2016

Asinado.-

Alexandre Carrodeguas.
Fernando Ramos Armesto.
Pablo Portero.
Lupe Ces.

Enviado por:
Plataforma Remunicipalizacion
-remunicipalizacion.plataforma@gmail.com-
26 de maio de 2016 13:40
_____________

Moción do BNG ao Pleno do Concello de Ferrol, onde se insta ao mesmo para que interpoña un requirimento de derrogación e presente un recurso xudicial para paralizar a licitación e a construción do acceso ferroviario ao porto exterior

O BNG propón ao pleno a interposición dun requirimento de derrogación que paralice a licitación do acceso ferroviario ao Porto Exterior.

O Bloque Nacionalista Galego de Ferrol presentou unha moción que será debatida no pleno municipal de fin de mes na que propón que o concello interpoña un requirimento de derrogación e presente un recurso xudicial para paralizar a licitación e a construción do acceso ferroviario ao porto exterior.

O BNG considera que o Partido Popular despois de desenvolver un procedemento irregular, baseándose en motivacións de carácter, exclusivamente, económico, desde a administración central e cun goberno en funcións licitou as obras do acceso ferroviario ao porto exterior sen ter en conta todas aquelas reivindicacións feitas por organizacións políticas e innumerábeis colectivos desta cidade que reclamaban unha solución diferente á proposta que contemplaba un viaduto que cruza a enseada da Malata. Así mesmo censuramos que o Goberno Municipal non tivera interposto ningún tipo de recurso cando tivo oportunidade de facelo como ten feito o BNG.

Desde o BNG, así mesmo, consideramos inaudito que por parte do goberno local se continúe sen facer nada e sen tomar ningún tipo de decisión para evitar que a alternativa adoptada pola Autoridade Portuaria sexa a definitiva para levar o acceso ferroviario ao porto exterior atravesando A Malata.

O BNG considera que debe terse en conta que este proxecto se licitou sen terse publicado a Declaración de Impacto ambiental e sen ter resolto as alegacións e por último que ao Concello de Ferrol non se lle informou sobre o proxecto definitivo, como queda evidenciado e se recolle nos informes do enxeñeiro municipal. O Concello non ten informado sobre o proxecto construtivo nin sobre a modificación substancial que se produce na delimitación de espazos portuarios que se produce no porto de Ferrol produto da elección da alternativa sur.

Para o BNG a elección desta alternativa non só supón agravar o deterioro da ría de Ferrol senón que ademais ten afectacións de carácter patrimonial no barrio da Graña, en elementos que debían estar protexidos como o dique da Cabana, vai supoñer impactos que están sen resolver acústicos para o ámbito urbano desta cidade e desde o BNG queremos insistir no feito de que parece que tanto o PP como o actual goberno municipal, que forma parte do Consello de Administración da Autoridade Portuaria, parece que están cómodos no ámbito, exclusivamente, das recriminacións verbais pero que máis aló destes reproches duns aos outros non se toma ningún tipo de decisión para resolver un dos grandes problemas que ten esta cidade.

É por isto que dado a pasividade e indolencia coa que este goberno esta a enfrontar este problema desde o BNG instámolo a adoptar algún tipo de decisión ao respecto. É por isto que lle propoñemos ao Pleno a interposición dun requirimento de derrogación e presente un recurso xudicial para paralizar a licitación e a construción do acceso ferroviario ao porto exterior.

Ferrol, a 25 de Maio de 2016.

Bloque Nacionalista Galego de Ferrol
Rúa Naturalista López Seoane, 13 Baixo - 15402 - Ferrol
bngferrol@gmail.com | bng@ferrol.es (Grupo Municipal)
O BNG de Ferrol no facebook  ou no twitter.
http://bng.gal/ferrol/ | http://adiante.gal/ | #Adiante.



Moción do BNG ao Pleno do concello de Ferrol, de hoxe 26 de Maio de 2016, onde se insta ao Concello a que interpoña un requirimento de derrogación e presente un recurso xudicial para paralizar a licitación e a construción do acceso ferroviario ao porto exterior. | Acceder/Baixar.

Enviado por:
BNG Ferrol
-bngferrol@gmail.com-
25 de maio de 2016 21:54
______________

Referencias de interese:

O non ao tren a Caneliñas polo trazado sur en Ártabra 21 | Ir á Web.

Imaxen de GeoTren e Google. | Clicar acima da imaxe do cabezallo para ampliar.

Enlaces relacionados de interese:

GeoTren - O acceso ferroviario ao Porto exterior de Ferrol. | 16.Xaneiro.2014 | Ir á Web.

A Autoridade Portuaria licita as obras do acceso ferroviario ao Porto Exterior de Ferrol. | Ministerio de Fomento | 16.Abril.2016 | Ir á Web.

Fomento adxudica a redacción do proxecto constructivo do acceso ferroviario ao Porto exterior de Ferrol. | Ministerio de Fomento | 03.Xaneiro.2014. | Ir á Web.
______________

Defendemos no Parlamento Europeo que non se debe pagar a débeda, polo que ten de ilexítima, ilegal e odiosa - Lídia Senra no Parlamento Europeo que está en sesión plenaria en Bruxelas, os 25 e 26 de Maio - Vídeo resumo da xornada "Débeda pública: O impacto do memorando da Unión Europea", celebrada en Compostela o 21 de Maio

Até as 23.30hrs. de onte, e hoxe entre as 08.30 e as 13.30hrs. desenvólvese a sesión plenaria do Parlamento Europeo en Bruxelas. | Adiantamos declaracións da eurodeputada de AGEe esta noite na quenda libre de turno de palabra para denunciar a estafa da débeda. | Defendemos no Parlamento Europeo que non se debe pagar a débeda, polo que ten de ilexítima, ilegal e odiosa.

O mércores 25 de maio, de 15.00hrs. a 23.00hrs, e o xoves 26, dende as 08.30 e até as 13.30hrs, o Parlamento Europeo (PE) está en sesión plenaria en Bruxelas [ORDE DO DIA e SEGUIMENTO EN DIRECTO, de 25 a 26 de Maio de 2016 - Bruxelas].

Esta noite, durante a quenda de intervención libre dun minuto de duración, a eurodeputada de AGE, Lídia Senra, referirase á crise da débeda no Estado español -que a día de hoxe supera o 100% do Produto Interior Bruto (PIB)-, identificándoa como "o eixe central das reformas antisociais realizadas polos Gobernos nos últimos anos".

As clases populares estanse a ver abafadas nunha situación na que teñen máis gastos que ingresos, situación que se explica atendendo, por unha banda, á débeda pública e, por outra, ás "políticas neoliberais que nestes últimos anos levaron á deslocalización da produción, á eliminación de postos de traballo, á privatización de empresas públicas e a políticas fiscais regresivas que fan que o Estado ingrese menos”. No ano 2013 o 25% do orzamento do Estado foise para pagar os xuros da débeda.

Durante a súa intervención Senra lembrará que "a pobreza, o desemprego, a precarización laboral e das pensións e a exclusión social non deixan de aumentar". Na Galiza, seis de cada dez fogares teñen dificultades para chegar a fin de mes, e un terzo da nosa mocidade vive en risco de pobreza  ou exclusión social.

Nestes días soubemos que o presidente da Comisión Europea, o conservador Jean Claude Juncker, cómplice necesario na evasión de impostos a través de Luxemburgo cando era Primeiro Ministro, "ten a desvergoña de pedir un novo axuste fiscal de máis de 8.000millóns de euros e ameaza con multa de 2.200 millóns", é dicir, o 0.2% do PIB; "iso si, despois das eleccións no Estado, para podelo empregar como arma política contra a cidadanía no caso de que os resultados non lles gusten".

"Sras. deputadas/os, Sr. Juncker, os pobos do Sul esiximos que deixen de enganarnos", reivindicará Senra en alusión á carta de Rajoy a Juncker filtrada recentemente, unha misiva que para a eurodeputada galega constitúe "unha burla e un engano ás persoas que o próximo día 26 están chamadas a votar no Estado Español".

"Nas seguintes eleccións agardamos a chegada dun Goberno de esquerdas que poña fin á chantaxe e ao negocio duns poucos negándose a pagar a débeda polo que ten de ilexítima, ilegal e odiosa", concluirá.

Para analizar a actual situación económica e debullar propostas de resposta, o pasado sábado 21 de maio o grupo parlamentario da Esquerda Verde Nórdica-Esquerda Unitaria Europea (GUE/NGL), do que AGEe fai parte, desenvolveu en Compostela a xornada “Débeda pública. O impacto do memorando da Unión Europea”.

Bruxelas, 25 Maio 2016.


Vídeo resumo da xornada "Débeda pública. O impacto do memorando da Unión Europea". Celebrada en Santiago o 21 de maio do 2016

Existe a débeda? Existe e supera xa o 100% do PIB do Estado español. Pero é xusto que a sociedade pague as súas consecuencias? Non, evidentemente. A débeda é inxusta, non é soberana, a poboación non é responsable dela e sen embargo somos as clases populares quen a estamos pagando coa imposición de recortes nos servizos públicos e para beneficio dunha elite financeira minoritaria privilexiada. Non vale unha reestruturación, se a débeda é ilexítima, o único que se pode aceptar é a súa cancelación. As forzas de esquerda debémolo ter claro.


https://youtu.be/ZT5UIA2JD-0
Vídeo resumo da xornada "Débeda pública. O impacto do memorando da Unión Europea". Celebrada en Santiago o 21 de maio do 2016 e organizada polo GUE/NGL e AGEe, coa participación de Lídia Senra, Éric Toussaint, Xosé Manuel Beiras, David Rodríguez, Iolanda Fresnillo, Joan Tafalla, Esther Duro, Mar Blanco, Ramón Franquesa, Xoán Carlos Carreira, Miguel Quinteiro, Antón Sánchez, María Luisa Lores e Concha Fernández. | Publicado en 24 de Maio de 2016. Canle AGEe Europa.

Máis información:

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL).

lidia.senra@europarl.europa.eu

Equipa de Comunicación AGEe:

Alternativa Galega de Esquerdas en Europa - Oficina en Bruxelas:
vera.montotovazquez@europarl.europa.eu

Alternativa Galega de Esquerdas en Europa - Oficina en Galiza:
age.europa.galiza@gmail.com

Xornal dixital de AGEe:
http://ageuropa.gal/

Nota.- A foto corrresponde a Intervención da eurodeputada de Alternativa Galega de Esquerda en Europa en sesión plenaria do Parlamento Europeo en Estrasburgo Maio de 2016, sobre a situación social en Gambia.

Enviado por:
SENRA RODRÍGUEZ Maria Lidia OFFICE
-lidia.senra-office@europarl.europa.eu-
25 de maio de 2016 18:35
__________

Esquerda Unida de Narón leva a pleno unha moción para esixir o fin do bloqueo a Cuba - En varios concellos galegos xa se presentaron mocións neste senso, até no Parlamento Galego onde foi aprobada por unanimidade unha resolución polo fin do inxusto e ilegal bloqueo a Cuba

Esquerda Unida de Narón leva a pleno unha moción para esixir o “FIN DO BLOQUEO A CUBA”.

A Resolución 69/5 da Asemblea Xeral das Nacións Unidas, titulada “Necesidade de poñer fin ao bloqueo económico, comercial e financeiro imposto polos Estados Unidos de América contra Cuba”, concluíu con 191 países a favor da Resolución e dous en contra: Estados Unidos e Israel, sen ningunha abstención.

As medidas promulgadas ata o momento pola Casa Branca deron mostras do seu limitado alcance e o moito que aínda se pode facer para modificar substancialmente a aplicación do bloqueo.

Actualmente esta inxusta política continúa afectando a  todas as áreas da vida económica, social e cultural do pobo cubano restrinxindo as posibilidades económicas de Cuba e lastrando o seu futuro.

O seu carácter extraterritorial, mostra como esta política viola con total impunidade o Dereito Internacional e en particular o principio de igualdade  soberana dos Estados consagrado na Carta das Nacións Unidas.

No seo da Asemblea Xeral das Nacións Unidas, durante 23 oportunidades consecutivas, unha abrumadora maioría de Estados recoñeceu o bloqueo contra Cuba como unha política absurda, ilegal e moralmente insostíbel.

A recente visita do Presidente, Barak Obama a Cuba debe supor un pulo para a prosecución das relacións diplomáticas entre ambos países, co fin de levantar o embargo.

Os acordos que se piden o Pleno do Concello de Narón son os seguintes:

1. Demandar dos EE.U. de América o levantamento do embargo a Cuba.
2. Se remita este acordo ao Parlamento de Galicia e ao Consulado de Cuba en Galicia.

En varios concellos galegos xa se presentaron mocións neste senso, ata no Parlamento Galego onde foi aprobada por unanimidade unha resolución polo fin do inxusto e ilegal bloqueo a Cuba que so trouxo sufrimento a este pobo irmán.

Grupo Municipal de Esquerda Unida de Narón
Contas de Esquerda Unida Narón no facebook e no twitter.
Concelleiro: André Abeledo Fernández.
Achégate xunta Nós, fagamos un novo Concello mais social, mais democrático, participativo e de Tod@s.
http://esquerdaunida.org/



Enviado por:
Naron Esquerda Unida
-eu-naron@esquerdaunida.org-
24 de maio de 2016 18:46
________________

Este 28M bus das Marchas da Dignidade dende Ferrol a Lugo - Este sábado 28M, #MurallaDignidade

Este 28M bus das Marchas dende Ferrol a Lugo. Este sábado 28M, #MurallaDignidade. Pódeste apuntar Xa!

Como sabes este sábado 28 de Maio, hai mobilizacións en toda Europa. No conxunto do estado as Marchas da Dignidade tamén mobilizan. Na Galiza decidimos convocar en Lugo, na que entraremos nas históricas murallas romanas da cidade, patrimonio da humanidade, para conformar "Unha Muralla de Dignidade". Todas as columnas da Galiza confluiremos, ás 12 do mediodía en Lugo, para rematar na Praza Maior, onde está programada unha concentración e un acto final.

Desde Ferrol, sairán autobuses, desde a Praza 10 de Marzo, no barrio de Recimil, nas inmediacións d'As Pías. A saída está programada para ás 10 da mañá. Regresaremos, desde Lugo, entre as 14:00 e 14:30 horas.

Están previstas paradas en Caranza, Fene e Cabanas.

O prezo de ida/volta por persoa é de 6 euros.

Pódeste apuntar chamando ao Teléfono:

602 587 531

Escribindo-nos ao noso correo-e:

marchasdadignidadeferrolterra@gmail.com

ou apuntándote no formulario:

Formulario autobus a Lugo.

Enlace de referencia:

• Unha primavera de mobilización e loita: As Marchas da Dignidade volvemos ás rúas o 28 de Maio con mobilizacions na Galiza e simultáneas, nesa data, en todo o Estado e no resto de Europa - Imos a Lugo este 28M, a construír entre tod@s unha Muralla de Dignidade. | Ir á Web.

Eventos:

Ferrol a Lugo 28M
https://www.facebook.com/events/1746319132281983/

Galego a Lugo 28M
https://www.facebook.com/events/962423563856468/
https://www.facebook.com/events/1773664319530143/

Marchas da Dignidade Ferrolterra
Contacto:
Correo-e: marchasdadignidadeferrolterra@gmail.com  |
Teléfono: 602 587 531 |
Blogue de FerrolTerra: http://marchas-da-dignidade-ferrolterra.blogspot.com.es/ |
Blogue Galego: http://marchasdadignidade.blogspot.com/ |
Web Estatal: http://marchasdeladignidad.org/ |
Blogue do Plan Comarcal de Choque contra o Paro, polo Emprego e a Renda Básica:
http://asmarchaspoloemprego.blogspot.com.es/

PAN, TRABALLO E TEITO - Á RÚA, QUE XA É HORA!!!

Enviado por:
Marchas Dignidade
-marchasdadignidadeferrolterra@gmail.com-
25 de maio de 2016 18:31
_____________

O Bloque Nacionalista Galego de Ferrol presentou unha moción que será debatida no pleno municipal de fin de mes, na que propón a renuncia ao contrato eléctrico, co obxectivo do rescate para a xestión pública de dito servizo - Texto da Moción anexo

Para o BNG de continuar adiante con este concurso..., o que vai facer é hipotecar ós veciños e veciñas desta cidade e continuar avanzando..., nun camiño desaforado cara á privatización... de servizos...

O Bloque Nacionalista Galego de Ferrol presentou unha moción que será debatida no pleno municipal de fin de mes na que propón a renuncia ao contrato eléctrico, co obxectivo do rescate para a xestión pública de dito servizo.

O BNG PROPÓN AO PLENO À RENUNCIA AO CONTRATO ELÉCTRICO

O Bloque Nacionalista Galego de Ferrol presentou unha moción que será debatida no pleno municipal de fin de mes na que propón a renuncia ao contrato do subministro, servizos enerxéticos e mantemento das instalacións de alumeado público exterior e dependencias municipais xustificando o interese público e carácter prioritario de dito servizo.

O BNG considera que é preciso que o goberno local asuma a importancia deste servizo e encare decididamente o obxectivo da xestión pública do subministro e do mantemento eléctrico mediante a renuncia ao procedimento iniciado polo PP.

O BNG propón, así mesmo, que se elabore a declaración de servizo público esencial do servizo de subministración e mantemento eléctrico e a determinación do persoal necesario para o desenvolvemento desta actividade e a forma de integralo na administración local co fin de cubrir necesidades urxentes e inaprazábeis.

Para o BNG de continuar adiante con este concurso, que a día de hoxe continúa sen resolver e que polo tanto pode ser revocado, o que vai facer é hipotecar ós veciños e veciñas desta cidade e continuar avanzando nunha política que consiste na redución e no adelgazamento da prestación de servizos por parte da Administración Pública, nun camiño desaforado cara á privatización mediante a externalización de servizos que deberían e poderían ser prestados por parte desta Administración Local.

O BNG lembra que finalmente se o Goberno Local decide asumir este concurso, promovido polo Partido Popular, vai hipotecar aos veciños e veciñas desta cidade. En primeiro lugar porque vincula o subministro eléctrico co servizo de mantemento, de modo que o subministro que supón o 60% dos custes do contrato condiciona o mantemento para grande beneficio da empresa concesionaria, por dúas razóns evidentes: por que o concello deixa de exercer un control directo sobre o prezo da enerxía que contrata e ademais fai-no por un período de quince anos; o que nun mercado coma o enerxético, sometido a constantes cambios na regulación e na súa lexislación, é cando menos unha temeridade porque, nun contexto coma o actual, o da enerxía é unha das variables económicas máis importantes nun contexto en permanente cambio coma o actual pero ademais privatizan o servizo de mantemento, un servizo que perfectamente podería ser asumible polo propio Concello.

Ferrol, a 23 de Maio, de 2016.

Bloque Nacionalista Galego de Ferrol
Rúa Naturalista López Seoane, 13 Baixo - 15402 - Ferrol
bngferrol@gmail.com
O BNG de Ferrol no facebook  ou no twitter.
http://bng.gal/ferrol/ | http://adiante.gal/ | #Adiante.



Moción do BNG ao Pleno do concello de Ferrol, do vindeiro 26 de Maio de 2016, onde se insta ao Concello á renuncia do Contrato Eléctrico, para iniciar o proceso do rescate da xestión pública do servizo. | Acceder/Baixar.

Enviado por:
BNG Ferrol
-bngferrol@gmail.com-
23 de maio de 2016 20:40
______________

Caso Reganosa: O Comité Cidadán de Emerxencia para a Ría de Ferrol, presentou denuncia ante o Xulgado de Garda de Ferrol, pola entrada dun gaseiro cargado con GNL/LNG para ilegal e perigosa Reganosa, sen que esta dispoña de autorización para o seu funcionamento, pois foron anuladas por sentenzas firmes do Tribunal Supremo que foron comunicadas ás distintas administracións

O sábado 21 de Maio deste 2016, representantes do Comité Cidadán de Emerxencia para a Ría de Ferrol, presentaron denuncia no Xulgado de Garda de Ferrol, pola entrada, que estaba prevista para esa tarde, do Gaseiro "LNG Akwa Ibom" a REGANOSA, logo que o Tribunal Supremo en sucesivas sentencias declarara a ilegalidade das autorizacións de funcionamento da Planta de Gas.

Na denuncia sinálanse como responsábeis ao Capitán Marítimo, Presidente da Autoridade Portuaria, Director de Reganosa e Director do Xestor Técnico do Sistema Gasístico.


Ao Xulgado de Garda de Ferrol

Luz Mariña Torrente Lopez, con DNI XX.XXX.XXX-X, con domicilio a efectos de notificacións en XXXXXXXXXXXXXXX, en nome e representación da "PLATAFORMA DE VECIÑOS CRUCEIRO DE MEHA (MUGARDOS)" co número de CIF XXXXXXXXX.

Manuel Angel Rodriguez Carballeira, con DNI XX.XXX.XXX-X, con domicilio a efectos de notificaciones en XXXXXXXXXXXXXXX, en nome e representación da "ASOCIACIÓN CULTURAL FUCO BUXÁN" con NIFXXXXXXXXX.

Humberto Fidalgo Couce, con DNI XX.XXX.XXX-X, con dirección a efectos de notificación en XXXXXXXXXXXXXXX, membro do Comité Cidadán de Emerxencia para a Ría de Ferrol, en representación de ADEGA Ferrolterra.

A planta de regasificación de REGANOSA localizada en Punta Promontoiro no Concello de Mugardos non dispón de autorización para o seu funcionamento por sentenzas firmes do Tribunal Supremo (achéganse) que foron comunicadas ás distintas administracións.

Temos coñecemento que coa pleamar do dia 21 de Maio ten prevista a entrada dun buque gasero na Ría de Ferrol e o posterior atraque no pantalán de REGANOSA para descargar gas natural licuado que será almacenado nos tanques que dispón esta empresa e que posteriormente sería incorporado ao Sistema Gasista do Estado.

Todas estas operacións entrañan un risco para as poboacións próximas e supón un evidente menosprezo ás decisións do máis alto Tribunal do Estado, feitos que poderían constituír un delito de desobediencia á autoridade; contra a ordenación do territorio e contra a seguridade colectiva.

Consideramos responsables destas actuacións ao Capitán Marítimo de Ferrol: Jorge Cao, ao Presidente da Autoridade Portuaria de Ferrol-San Cibrao: José Vilariño, ao Director de REGANOSA: Emilio Bruquetas e ao Director Xeral do Xestor Técnico do Sistema Gasista de ENAGAS.

Ferrol a 21 de Maio de 2016

AMPLIACIÓN DA DENUNCIA DE HOXE, APORTANDO IMPORTANTES ARGUMENTOS, ANTE A ENTRADA NA RÍA DO GASEIRO AKWA IBOM, CARGADO DE GNL PARA REGANOSA

Pola tarde o CCE presentou no Xulgado de Garda una ampliación á denuncia presentada pola mañá.

Desoindo as Sentencias do Tribunal Supremo, entrou hoxe un novo Gaseiro a REGANOSA, a una Planta declarada ILEGAL, poñendo en risco a toda a cidadanía.

Que compañía de seguros cubre a una Planta DECLARADA ILEGAL?


AO XULGADO DE GARDA DE FERROL

Luz Mariña Torrente Lopez, con DNI XX.XXX.XXX-X, con domicilio a efectos de notificacións en XXXXXXXXXXXXXXX, en nome e representación da "PLATAFORMA DE VECIÑOS CRUCEIRO DE MEHA (MUGARDOS)" co número de CIF XXXXXXXXX.

Manuel Angel Rodriguez Carballeira, con DNI XX.XXX.XXX-X, con domicilio a efectos de notificaciones en XXXXXXXXXXXXXXX, en nome e representación da "ASOCIACIÓN CULTURAL FUCO BUXÁN" con NIFXXXXXXXXX.

Humberto Fidalgo Couce, con DNI XX.XXX.XXX-X, con dirección a efectos de notificación en XXXXXXXXXXXXXXX, membro do Comité Cidadán de Emerxencia para a Ría de Ferrol, en representación de ADEGA Ferrolterra.

Ante o Xulgado comparecemos e DICIMOS:

Que como ampliación á denuncia presentada esta mañá e como continuación, tamén, á conversación mantida coa súa Sría. na que a Xuíz de Garda nos manifestou que a priori non ten intención de actuar de oficio con carácter previo á entrada do gasero, por medio deste novo escrito vimos facilitar a súa Sría. a documentación complementaria con base na cal entendemos non poderá eludir a intervención, posto que nos atopamos ante a inminente comisión de senllos delitos de risco, contra o medio ambiente e contra a seguridade colectiva, así como ante a comisión inminente dun delito de desobediencia ás resolucións do Tribunal Supremo quen non só declarou ilegal a instalación, senón que ademais solicitou o inmediato cumprimento.

Que en calquera caso en relación con estas resolucións do noso máis alto Tribunal habemos de ter en conta que son de natureza declarativa por canto, desde o mesmo momento en que adquiriron firmeza, despregan os seus efectos; devandito contido declarativo implica, pois, que REGANOSA carece na actualidade dos permisos de actividade e é unha instalación ILEGAL.

Achegamos a estes efectos -as dúas sentenzas do Tribunal Supremo achegadas no escrito de denuncia da mañá, o auto de aclaración da segunda delas.

Habemos de anticiparnos, pois é probable que se utilice como argumento, que non pode ampararse o incumpridor dunha sentenza declarativa no prazo de dous meses que establece a lei da xurisdición para a acreditación do cumprimento da sentenza, pois devandito prazo é meramente procesal e só implica a habilitación que tería o Tribunal Supremo para instar a execución en vía contencioso administrativa, e menos cando o pronunciamento declarativo refírase a unha actividade perigosa; pois dicir semellante dislate sería tanto como autorizar actividades perigosas sen cobertura en España por prazos de dous meses, cando obviamente esa non é a finalidade que ten o prazo procesal previsto na lei da xurisdición.

Como pode deducirse da súa lectura a anulación das autorizacións concedidas a REGANOSA é radical e é por iso que a autoridade xudicial esixa que a instalación, si quere continuar coa actividade inicie os trámites de novo; debendo acreditar de conformidade coa normativa que actualmente atópase vixente que esta instalación cumpre os requisitos que esixe o Art. 67 da Lei de Hidrocarburos; isto é adecuación ao territorio, medio ambiente, seguridade e viabilidade económico financeira.

En tanto REGANOSA non volva acreditar ex novo estes requisitos e consiga as novas autorizacións non poderá operar e a autoridade xudicial debería impedirllo.

Teñamos así mesmo en conta que a perdida das autorizacións que habilitan para realizar a actividade implica a perda e non cobertura dos seguros. É por iso que a descarga do GNL do barco que está previsto que entre non estará cuberta polas compañías aseguradoras de tal modo que si se produce un accidente, ninguén se fará cargo do sinistro.

En canto a que o seu Sría ha de esperar a que entre o barco porque si non non se consumou o delito, dicir que nos parece con todos os respectos unha equivocación xurídica.

O tráfico de buques metaneiros en España está controlado por ENAGAS, que asumiu legalmente a posición de regulador do sistema. Todos os barcos que entran e saen das plantas de regasificación españolas prográmanse con suficiente antelación. É por iso que calquera pode saber, como sabemos nós, que existe a intención de dirixir na primeira marea un barco rumbo a REGANOSA, unha planta declarada en firme ILEGAL. Vea-se neste sentido páxina web do regulador do sistema.

É por iso, que separadamente de que programar a entrada dun barco supón unha evidente intención de desobedecer o mandato do Tribunal Supremo -cuestión esta que de por si é un feito o suficientemente grave como para que o representantes da xustiza en Ferrol fosen sensibles a iso-, polas características concretas da autorización que se ha anulado, estamos ante unha instalación básica do Estado e ante un buque cargado até a bandeira con GNL e non ante unha mera vivenda que perdeu a súa licenza urbanística, cuxa demora no cumprimento da sentenza non ten consecuencias para a vida das persoas.

E é, precisamente, pola natureza da instalación e pola altísima perigosidade da actividade pola que hai que reaccionar de xeito preventiva, cando se coñece que unha instalación declarada ilegal decide seguir coma se nada ocorrese coa actividade e coma se o Tribunal Supremo non se pronunciou.

Si estivésemos ante un coche que ten a intención de circular sen seguro e cargados de material pirotécnico ata na baca para acudir á feira de Betanzos, non habería dúbida sobre a necesidade de intervención preventiva.

E é por iso que ante delincuentes que se parapetan detrás de mesas de oficina e ao amparo de grandes corporacións, a sensibilidade e capacidade de reacción dos nosos administradores de xustiza, ante o incumprimento flagrante das resolucións do noso máis alto Tribunal, debería ser a mesma.

Insistimos, pois, que estamos ante unha instalación básica do Estado que por orde do Tribunal Supremo perdeu a habilitación que lle permitía realizar a actividade, que dita actividade non é unha actividade calquera, senón que é unha actividade de altísimo risco que por iso mesmo está sometido a un réxime de permisos rigorosos e altamente complexos e que os xulgados de Ferrol non poden permanecer inactivos ante esta nova realidade. Polo menos deben investigar e débeno facer de xeito urxente, a fin de impedir calquera danos que poida causar a actitude rebelde de REGANOSA.

Na súa virtude

SUPLICAMOS a actuación de oficio e inmediata do Xulgado na investigación dos posíbeis delitos dos que informamos, co fin de paralizar a actividade de risco de xeito inmediato, debendo en particular solicitar á instalación hoxe mesmo e con anterioridade á entrada dos gaseros, as pólizas de seguros para comprobar si a instalación perdeu a cobertura e o estado de situación das autorizacións.

En Ferrol a 21 de maio de 2016

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


Enviado por:
Comite Cidadan de Emerxencia
-comitecidadan@gmail.com-
21 de maio de 2016 16:38
21 de maio de 2016 18:12________________

AGEe aposta por facer pedagoxía social ante unha “débeda que non é lexítima nin soberana nin ética” - A eurodeputada galega Lídia Senra defende que as forzas de esquerda deben tomar valentía, buscar solucións e oporse a que os Estados paguen a débeda.

A débeda pública, un dos aspectos máis importantes da política económica e da política en xeral que afecta a case todo o mundo e que se converteu nunha ferramenta de dominación que releva o actuar democrático a un plano moi inferior. Onde quen decide nos aspectos fundamentais da vida das persoas e dos países, son as grandes corporacións transnacionais financeiras e industriais, no nome do Deus Mercado. O que supón no actual proceso político europeo e do polo de agora Reino de España, o fundamenta que debemos saber, o fundamental que nos teñen que explicar os partidos políticos que se presentan nestas próximas elección xerais do 26X, de cal é o seu posicionamento e que é o que teñen pensado facer, no caso de participar no goberno ou desde o parlamento español, ante unha débeda impagábel, nas actuais circunstancias, onde xa supera o 100% do PIB anual. Desde Ártabra 21 consideramos de moito interese esta xornada, que se vai difundir integra a través da rede, polo que hai que prestar atención nos vindeiros días no canle de AGEe.  

AGEe aposta por facer pedagoxía social ante unha "débeda ilexítima". | AGEe aposta por facer pedagoxía social ante unha “débeda que non é lexítima nin soberana nin ética”. | Lídia Senra defende que as forzas de esquerda deben tomar valentía, buscar solucións e oporse a que os Estados paguen a débeda. | Un cento de persoas participan na xornada organizada polo GUE/NGL en Santiago sobre o impacto das imposicións europeas.

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL), asegurou onte que a chamada débeda pública, que, segundo os datos difundidos esta semana polo Banco de España, superou xa no Estado español o 100% do Produto Interior Bruto (PIB), é “unha estafa, un negocio para unhas poucas persoas e un elemento de chantaxe para os pobos e para manter de xeonllos ás clases populares”. Lídia Senra realizou estas afirmacións durante a xornada “Débeda pública. O impacto do memorando da Unión Europea”, organizada este sábado na Facultade de Filosofía de Santiago polo propio GUE/NGL e AGEe e na que participaron ao redor dun cento de persoas.

A eurodeputada realizou un chamamento ás forzas políticas de esquerda para “coller valentía, buscar solucións e facer pedagoxía” na sociedade de cara a que a poboación coñeza que estamos ante uns datos “alarmantes” sobre os que hai que reflexionar, xa que no 2015 a débeda do Estado español estaba en máis de 23.000 euros por persoa. A Comisión Europea esta semana xa advertiu de que se deberán realizar máis axustes e tamén reducir o déficit en 8.100 millóns de euros.

Senra cualificou de “ilexítima” a débeda e defendeu unha oposición ao seu pagamento por parte dos Estados e das clases populares. “Non é lexítimo nin ético que unha débeda provocada na súa inmensa maioría en orixe pola banca e as grandes empresas multinacionais se traspase ao conxunto da cidadanía e sexa utilizada para facer negocio”, exclamou. Por iso, chamou a “plantarse”, non pagar esta débeda ilexítima e desenvolver políticas a favor da maioría da poboación, non da minoría.

Lídia Senra foi a encargada de inaugurar a xornada, xunto co portavoz de AGE no Parlamento galego, Xosé Manuel Beiras, quen alertou, pola súa banda, de que a débeda é un exemplo máis da “deriva fascistizante” ante a que nos atopamos. Beiras asegurou que o poder conseguiu “acostumar á sociedade a asumir falsidades como se foran verdades” a través dun “continuo proceso de perversión”. Así, fronte ao nome de “débeda pública”, puxo a énfase en que “a orixe da débeda non é pública, senón privada”. “Non é unha débeda que contraese o Estado para atender á maioría da cidadanía”, explicou, senón para atender ás entidades financeiras. Por iso, defendeu, igual de Lídia Senra, que “non temos motivo para ter que pagar unha débeda así, que non é soberana”. “Temos que salvar á cidadanía, non ás entidades que provocaron a débeda”, engadiu, e por iso animou a levar a cabo un “combate a fondo, non a medias”, zanxou.

Na xornada participou a economista e responsable de Organización de Anova, Esther Duro, que aportou algúns datos ao respecto da débeda na Galiza. Duro tachou a débeda de “ferramenta de extorsión á soberanía dos Estados” e de “ferramenta de fomento da servidume, na medida en que somete á maioría social á vontade dos novos señores feudais, reencarnados hoxe na elite financeira que goberna o mundo”.

Duro explicou que cando Alberto Núñez Feijóo acadou a presidencia da Xunta, no 2009, a débeda pública galega era de 3.923 millóns de euros e representaba o 6,7% do PIB galego. Tras algo máis de 7 anos de goberno do PP, a débeda acadou os 10.375 millóns de euros, un 18,6% do PIB galego.  A economista afirmou que o incremento da débeda ten un impacto importante no orzamento anual galego e que o seu crecemento descontrolado trasládase en forma dunha maior carga financeira polos xuros que se amortizan con cada vencemento. Neste sentido, no ano 2015 os xuros que pagou a Xunta ás entidades financeiras foron de 336 millóns de euros, partida que acada valores máximos cada ano que pasa. “A débeda é o xugo para garantir a supervivencia do capitalismo”, afirmou Esther Duro, quen defendeu, igual que Lídia, valentía por parte das forzas políticas de esquerda para esixir a cancelación da débeda. “Temos que reclamar unha auditoría pública da débeda e solicitar a súa cancelación. Non é unha débeda soberana e polo tanto non debe de valernos unha simple reestruturación ou reconversión”, concluiu.

No mesmo sentido, Iolanda Fresnillo, membro da Plataforma Auditoría Cidadá da Débeda, criticou que se estea a usar a débeda como “ferramenta de medo e ameaza” por parte dos “estados financeiros, que secuestraron a soberanía”. “A débeda é un negocio polo cal estamos pagando uns intereses que son os que realmente están rescatando á banca contra os dereitos sociais, ambientais, políticos e económicos da maioría”, denunciou. Fresnillo fixo fincapé na necesidade dunha resposta global e de auditorías para acumular argumentos compartidos coa poboación a favor do impago.

O membro da Plataforma Saír do Euro, Joan Tafalla, expuxo que resolver o problema da débeda non será posible sen recuperar a soberanía económica e política dos pobos do Estado español. “Por que motivo se deben aceptar as chantaxes da banca en forma de intereses brutais da débeda?”, preguntou, para facer un chamamento a non ter medo ao déficit e a recorrer ao Banco da República Confederal Española futura. “Todo vai depender de que sigamos acatando a servidume ou decidimos emanciparnos”, dixo.

Na última parte da mañá interveu o fundador e portavoz da rede internacional do Comité para a Anulación da Débeda do Terceiro Mundo, Éric Toussaint, quen definiu a débeda ilexítima como aquela débeda contratada a favor dunha minoría privilexiada; e a débeda insostible como aquela que impide aos gobernos garantir os dereitos fundamentais da cidadanía.

Santiago, 21 de Maio de 2016

Máis información:
Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL).

lidia.senra@europarl.europa.eu

Alternativa Galega de Esquerdas en Europa - Oficina en Galiza:
age.europa.galiza@gmail.com

Alternativa Galega de Esquerdas en Europa - Oficina en Bruxelas:
vera.montotovazquez@europarl.europa.eu

Xornal dixital de AGEe:
http://ageuropa.gal/

Enviado por:
AGE Europa - Galiza
-age.europa.galiza@gmail.com-
21 de maio de 2016 17:16
____________________

A auga é un dereito básico para todas as persoas, unha reportaxe desde Vigo: Vídeo #AugaParaTodas

As compañeiras e compañeiros de da Oficina de Dereitos Sociais do barrio de Coia en Vigo, envían-nos unha reportaxe audiovisual de interese, desde Ártabra 21, publica-mo-la, non podía ser menos, para difundir a actividade social das organizacións comprometidas co benestar social e a loita pola xustiza e os dereitos civís e humanos, desde o sur da Galiza.

A auga é un dereito básico. O acceso a este servizo non debería estar en mans de empresas privadas, que fan negocio mentres a administración se desentende e non se garante que persoas sen recursos vivan situacións terríbeis como a do corte deste subministro.

Na reportaxe falamos con afectadas polos cortes de auga en Vigo, coa Oficina de Dereitos Sociais de Coia, e escoitaremos tamén aos responsábeis da empresa Aqualia, que xestiona o acceso ao dereito básico da auga no concello de Vigo.

Queremos escoitar outras voces, visibilizar o que acontece na cidade de Vigo, onde os dinosetos saíron gratis porque foi Aqualia quen os pagou, ademais de se facer cargo de humanizacións de rúas, e onde non existe un protocolo para aquelas persoas que non poden pagar as facturas da auga.

#AugaParaTodas porque é un dereito, un ben común, e porque queremos que rematen os cortes de auga.

Video #AugaParaTodas


https://youtu.be/LwucFc7INRo --
OFICINA DEREITOS SOCIAIS - COIA (ODS-Coia) | odscoia.arkipelagos.net | odscoia@riseup.net |@odscoia | tel: 696 618 732 - 679 758 663. | Estamos os luns de 17h00 a 19h00 en Coia, nos locais da parroquia do Cristo da Vitoria (rúa Baiona 9, Vigo)

Enviado por:
Oficina Dereitos Sociais - Coia
-dereitossociais@gmail.com-
20 de maio de 2016 16:52
_______________

24 de Maio "Dia Internacional das Mulleres pola Paz", acto da Marcha Mundial das Mulleres xunto con BDS-Galiza, no Ateneo Ferrolán, presenta a acción internacionalda Flotilla da Liberdade "Mulleres Rumbo a Gaza”

A MARCHA MUNDIAL DAS MULLERES DE FERROLTERRA CONMEMORA O DIA INTERNACIONAL DAS MULLERES POLA PAZ

Este ano A Marcha Mundial das Mulleres, en Ferrol como noutras cidades da Galiza, conmemoramos o 24 de Maio "Dia Internacional das Mulleres pola Paz", presentando a campaña que a Marcha xunto con BDS iniciamos para apoiar e dar a coñecer a acción da Flotilla da Liberdade “MULLERES RUMBO A GAZA” na que mulleres de todas as partes do mundo faranse á mar para resaltar o importante papel desempeñado polas mulleres palestinas na loita do seu pobo e as súas resistencias non só ao estado de Israel senón tamén á discriminación e o patriarcado.

É por isto que vos convídamos o próximo martes día 24 de Maio ás 19:00h. no Ateneo Ferrolán á charla na que falaremos mulleres da Marcha Mundial das Mulleres e activistas de BDS.

Gustaríanos contar coa vosa presenza para dar especial importancia e relevancia a este proxecto no que por primeira vez as mulleres somos as únicas protagonistas  nunha acción deste tipo.
--
"As mulleres decidimos"

Coordenadora Local de Ferrolterra da Marcha Mundial das Mulleres
mmmferrolterra@gmail.com
www.feminismo.info

Encontra-nos no facebook e twitter.

Enviado por:
Marcha Mundial Ferrolterra
-mmmferrolterra@gmail.com-
19 de maio de 2016 23:26
_____________

Roteiro Urbano das Irmandades da Fala em Ferrol, Atelier infantil de Respostaria Criativa e petiscada de irmandade, organizado pola Fundaçom Artábria este sábado 21 de Maio en Ferrol

Roteiro Urbano das Irmandades da Fala em Ferrol, Atelier infantil de Respostaria Criativa e petiscada de irmandade, organizado pola Fundaçom Artábria este sábado 21 de Maio en Ferrol

No sábado 21 de Maio, daremos continuidade as atividades de comemoraçom do centenário das Irmandades da Fala com um roteiro urbano pola cidade, onde Joám Lopes, licendiado em história pola UNED e Guia turístico da Galiza, vai guiar-nos polos locais mais significativos das Irmandades em Ferrol. Na atividade contaremos com a colaboraçom do Toxos e Flores e da Semente Trasancos.

A saída está marcada para às 17.30hs ao pé do palco da música, no Cantom de Molins e terá umha duraçom de aproximadamente 1 hora e 45 minutos.

Entre outros pontos visitaremos a rua irmandinhos, onde está sediado o Teatro Jofre, onde conheceremos a importáncia do teatro na criaçom das Irmandades. Também faremos umha visita polo local do Toxos e Flores, guiados polo seu presidente, Arturo Lamas.

Também saberemos onde estava sediado o local da rondalha Airiños da miña terra, local onde tivo lugar a constituiçom das Irmandades da Fala em Ferrol. No Cantom de Molíns, contaremos com a intervençom de Rosalia Cortiças Leira, da Semente Trasancos, que nos falará um bocado da Semente como projeto continuador das Escolas de Insiño Galego.

O roteiro finalizará na estátua de Camilo Dias Valinho onde rendiremos umha pequena homenagem às pessoas vinculadas às Irmandades que fôrom represaliadas em 1936.

Para finalizar a jornada haverá umha petiscada de irmandade no nosso Centro Social.

Sábado 21 de Maio, às 19.00hs decorrerá no Centro Social um atelier infantil de repostaria criativa ministrado por Maru Alonso. Precisa-se de inscriçom prévia gratuita e há límite de assistência para 15 crianças.

A atividade está programa para nenos e nenas a partir dos 4 anos.

--
Travessa de Batalhons nº7   Esteiro
15403 Ferrol - GALIZA
Telefone: +34 981 35 29 86
www.artabria.net

Segue-nos em twitter @fartabria e em facebook!

 A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
18 de maio de 2016 21:52
18 de maio de 2016 20:42
____________

Ante a entrada dun novo buque gaseiro cargado con gas natural licuado para a ilegal e perigosa Reganosa, o Comité Cidadán de Emerxencia convoca unha concentración sonora, na Praza Amada Garcia, diante do Edificio Administrativo da Xunta de Galicia, este venres 20 de Maio, ás 8 da tarde

CONCENTRACIÓN SONORA EN FERROL,
 VENRES 20 DE MAIO, ÁS 8 DA TARDE (NOVO HORARIO)
DIANTE DO EDIFICIO ADMINISTRATIVO DA XUNTA
NA PRAZA AMADA GARCIA

Un novo buque cargado con miles de toneladas de gas natural licuado, ten previsto a súa entrada na Ría de Ferrol para descargar en Reganosa. Un buque de grande porte con unha capacidade de carga de ducias de miles m³ de GNL (LNG). O buque entrará pola bocana da Ría e cruzará o angosto, estreito, de pouco calado e de fondo rochoso, canle de máis de 4.500 metros, até chegar ao pantalán de descarga do peirao de Punta Promontoiro, situado no termo municipal de Mugardos. Onde Reganosa coa complicidade de políticos sen escrúpulos construíu unha planta de gas que nos ameaza todo-los días, aumentando exponencialmente esta ameaza, sempre que entra na Ría un buque destas características, cargado para a perigosa e ilegal planta regasificadora de Mugardos. Este buque fai o gaseiro número 210 que descarga en Reganosa, desde que o fixera o "Galicia Spirit" en Maio de 2007.

Este é o primeiro buque que entra na Ría, despois de que o Tribunal Supremo ditara a súa Terceira Sentenza firme contra Reganosa que anulou a autorización para a construción da planta regasificadora en Mugardos, encostada ao complexo petroquímico do Grupo Tojeiro (Forestal del Atlántico e Imegalsa).

Onte unha nova en "La Voz de Galicia" viña de novo a botar flores a un grande despropósito ilegal e corrupto, como é o de Reganosa, falaba-se dun proxecto coñecido, por reiterado neste xornal: "Ferrol, a la vanguardia del transporte marítimo sostenible", ademais dun verdadeiro faro, mente no de "transporte sostíbel", a non ser que entendan por sostibilidade algo diferente ao que é en realidade. Chaman-lle "transporte marítimo sostenible" a algo tan sorprendente como é que os buques utilicen de combustíbel o gas (GNL/LNG), como se este combustíbel, fora renovábel, non contaminara e non fora un máis dos chamados combustíbeis fósiles.

Son xa máis de dous anos coa mesma ladaíña. Pois foi a principios de 2014, que Reganosa anunciaba un novo despropósito contra a poboación que mora na contorna desta Ría. O negocio anunciado consiste nun dispositivo que traslade á boca da Ría o GNL como combustíbel. Un negocio de Reganosa, apoiado pola Xunta de Galicia, subsidiado con diñeiro público. Proxectan un HUB de Gas Natural Licuado de Reganosa que fará de Ferrol unha enorme bomba de reloxería colocada dentro da nosa Ría, será  a construción dun surtidor de gas (gasolineira) na Ría de Ferrol, para buques que utilicen LNG/GNL como combustíbel. Este proxecto xa conta co apoio da Unión Europea, cun custe orzamentario millonario. Mais hai uns meses un dos principais socios de Reganosa, Gas Natural Fenosa, abandonaba o proxecto e a propia Reganosa, vendendo todas as súas accións. Aínda está sen explicar, e menos analizar, o porque o principal socio gasista de Reganosa abandona. Algo que nos venderon en positivo, como que Galiza se facía co controlo da planta, onde diñeiro público se invístese nunha planta de gas deficitaria, ilegal e perigosa. E xa non digamos a aposta de GADISA, que co seu novo investimento pon en perigo a viabilidade de miles de postos de traballo que xera o grupo noutras actividades, como na rama da distribución e comercio de alimentación.

Diante do aumento da ameaza contra a seguridade e a vida, que supón a entrada dun novo buque gaseiro, xunto á propia instalación da Planta de Gas en Mugardos, o Comité Cidadán de Emerxencia para a Ría de Ferrol, como ven sendo habitual sempre que entra un gaseiro cargado na Ría de Ferrol, convoca unha acción de protesta e denuncia, consistente nunha Concentración Sonora, este venres ás 8 da tarde (Novo Horario) en Ferrol, na Praza Amada Garcia, diante do Edificio Administrativo da Xunta de Galicia.

Mugardos, ao fondo os tanque de Reganosa - Foto de Jorge Meis.

Van catro anos, desde que o 11 de Maio de 2012 se ditou a primeira Sentenza firme polo Tribunal Supremo, onde a planta xa foi declarada ilegal, en sentenza inapelábel. O 15 de Setembro de 2014, foi admitido a trámite, polo Tribunal Supremo, o Recurso de Casación contra a decisión da Xunta de Galicia e o Concello de Mugardos que denegan a nulidade do novo PXOM en execución da mencionada Sentencia. E agora os pasado 28 de Marzo e 25 de Abril des 2016, dita-se a Segunda e Terceira sentenzas firmes do Tribunal Supremo contra o despropósito gasista de Reganosa, anulando a autorización previa de instalación e a autorización para a construción da mesma respectivamente.

Tras as sentenzas do Tribunal Supremo, que declaran ilegal a Reganosa, esiximos o fin desta ameaza e deste malgasto de cartos públicos. Temos que esixir o seu peche definitivo.

• QUE SE CUMPRAN AS SENTENZAS DO TRIBUNAL SUPREMO XA! 
• POLA DEFENSA DA VIDA, A NOSA SEGURIDADE E A RÍA  !!
• CESE DA ACTIVIDADE E DESMANTELAMENTO DE REGANOSA  !!
• MÓVETE CONTRA A IMPUNIDADE !!
• PECHE XA!!
• PLANTA DE GAS FORA DA RÍA  !!

10 razóns para preguntar-se ... Por que Reganosa ten que saír da nosa Ría e das nosas Vidas?

O COMITÉ CIDADÁN DE EMERXENCIA PARA A RÍA DE FERROL, TAMÉN NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


Información baseada na enviada polo:

Comité Cidadán de Emerxencia

-comitecidadan@gmail.com-

18 de maio de 2016 18:22

_______________

Preparando o 28M: Faladoiro da Dignidade en Lugo con Manuel Cañadas, Rocío Fraga, Isabel Vilaba e Rafa G. Escudero - Vídeos das intervencións no Acto - Para apuntar-se no bus Ferrol-Lugo

As Marchas da Dignidade, quentando motores para a cita do vindeiro 28M en Lugo organizando un Faladoiro da Dignidade.

A Columna Galega das Marchas da Dignidade, co organizou coa Columna de Lugo un "Faladoiro da Dignidade", foi un acto o día 13 de Maio de 2016 en Lugo, para falar das Marchas da Dignidade e da importancia de mobilizarse o día 28 deste mes de Maio, na que entraremos nas históricas murallas romanas de Lugo, patrimonio da humanidade, para conformar "Unha Muralla de Dignidade" | #MuralladeDignidade.

Dese a Columna de Ferrolterra, hoxe publicamos as catro interesantes intervencións das compañeiras e compañeiros convidados a participar neste Faladoiro. Con antelación o Concello de Lugo recepcionou aos compañeiros e compañeiras das Marchas nun acto de recoñecemento e solidariedade.

Fala Manuel Cañadas, do Campamento Dignidad de Extremadura.

https://youtu.be/QEKVQSOyPxs

Fala Rocío Fraga, Concelleira de Igualdade do Concello d'A Coruña pola Marea Atlántica.

https://youtu.be/1db1ToC9byU

Fala Isabel Vilaba, Secretaria Xeral Sindicato Labrego Galego.

https://youtu.be/j7KuTcReHWk

Fala Rafa G. Escudero, do Sindicato Ferroviario.

https://youtu.be/mxFCvPPl6iY
Publicado o 17 de Maio de 2016 no Canle do Frente Cívico.

As Marchas da Dignidade, polos dereitos das persoas, dos pobos... e en defensa do medio ambiente; contra a Troika e as súas políticas austericidas que nos condenan ao paro e ao empobrecemento, contra o latrocinio das grandes corporacións transnacionais, contra o cambio climático... Un outro mundo é posíbel e necesario.

Contacto:

#ColumnaFerrolterra
marchasdadignidadeferrolterra@gmail.com

Telefono Ferrolterra:
602 587 531

*******

#Marchas da Dignidade Ferrolterra

Conta no Facebook.

Grupo no Facebook.

Conta no Twitter.

Canle de Ferrolterra no Youtube.

Chamar ao Telefono: 602 587 531.
Ou apuntar-se cubrindo o formulario: Acceder.
______________