Os afectados de O Val recollen 824 firmas para pedir á conselleira que se cancele todo proxecto de senda peonil e ciclista na parroquia

Os afectados de O Val recollen 824 firmas para pedir á conselleira que se cancele todo proxecto de senda peonil e ciclista na parroquia

No escrito remitido esta semana á Conselleira, subscrito por 824 firmas, afirman:

“Os afectados pola senda despois dun longo proceso no que sentimos ignorados polas Administracións, tras meses solicitando ser escoitados e a apertura de negociacións sobre o proxecto, para finalmente ser enganados polos membros do Goberno local, perdemos a confianza nas Administracións e agora rexeitamos abrir unha negociación para chegar a un novo proxecto da senda e acollémonos á súa decisión de non executar a obra.

Doutra banda, este rexeitamento facémolo extensivo aos outros tramos de senda nas estradas da Xunta en O Val.”

Tamén queren lembrarlles novamente ás Administracións que cumpran coas leis que elas impoñen, así como as palabras do fiscal coordinador de Seguridade Viaria da Fiscalía Xeral do Estado, Bartolomeu  Vargas, que a pasada semana alertaba dos perigos que provoca o mal uso dos patinetes eléctricos e bicicletas, que están a causar problemas cos peóns, que están a ser os grandes prexudicados polos vehículos de mobilidade persoal, e quería deixar clara unha cousa: «As beirarrúas son para os peóns, que son quen máis dereitos teñen nas cidades».

Os afectados cren que a fiscalía debería de poñer freo ás actuacións da Xunta, que presume de levar construídos 100 Km. de sendas mixtas para ciclistas e peóns, obtendo de Europa fondos que deberían ir destinados a carrís bici segregados, destinados ao desenvolvemento dunha mobilidade alternativa real en Galicia.

A Orde VIV/561/2010 di “Os carrís reservados ao tránsito de bicicletas terán o seu propio trazado nos espazos públicos urbanizados, debidamente sinalizado e diferenciado do itinerario peonil”, e o mesmo Plan Director de Mobilidade Alternativa de Galicia fala de xurisprudencia sobre o tema recollendo que «o ciclista ten a condición de condutor de vehículo, e que as beirarrúa e as zonas peonís son destinadas ao tránsito de peóns, “en ambos os casos sen excepción ningunha”».

---

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán
15570 Narón (A Coruña)

673141822 - eliximos@gmail.com

Narón, moito  por facer
...fagámolo, xuntos podemos.

Web:
http://eliximos.es/

twitter:
https://twitter.com/eliximosnaron

facebook:
https://www.facebook.com/groups/Eleximos.Naron/

Enviado por:
ENE Eliximos Narón Electores
-eliximos@gmail.com-
21 de dezembro de 2018 08:47
_______________

Enlace relacionado:
Monográfico - Senda Peonil e Ciclista AC-116 no Va.| Narón Aberto - venres, 20 de xullo de 2018 | Ir á Web.


Foto de José Pardo.
________________________

O Gabinete Técnico Confederal de Saúde Laboral da CIG, publicou o seu moi interesante Boletín Nº30 - Os grandes retos do futuro do traballo: unha ecuación que é necesario resolver - Radiografía sobre a calidade do emprego e as condicións de traballo no Estado español

Boletín CIG – Saúde Laboral Nº 30
20-12-2018 - Gabinete Técnico Confederal de Saúde Laboral - CIG

O futuro do traballo presenta múltiples desafíos como as dificultades de emprego dos traballadores/as novos/as, as grandes desigualdades nos ingresos salariais, as relacións laborais informais, a revolución dixital, os procesos de innovación tecnolóxica e organizativa, a automatización e a robotización, as desigualdades de xénero, o envellecemento da poboación traballadora, o escaso desenvolvemento da economía rural, a menor sostibilidade do emprego, o deterioro da protección social ou o debilitamento da negociación colectiva. Ante esta problemática, son numerosas as contribucións que dende fontes autorizadas comezan a realizarse na procura de solucións, entre as que destacan a creación de impostos aos automatismos que substitúan o traballo humano ou a implantación do chamado “ingreso básico universal”

O número 30 do Boletín CIG- Saúde Laboral, conta cun primeiro artigo denominado “Os grandes retos do futuro do traballo: unha ecuación que é necesario resolver”, baixo o epígrafe Análise –Opinión.

Dentro do epígrafe Documento-Análise atopamos os artigos “Radiografía sobre a calidade do emprego e as condicións de traballo no Estado español”, baseado nos textos “Bad Jobs” recovery? European Job Quality Index 2005-2015 do European Trade Union Institute e Condicións de Traballo 2015 de Eurofound, e “Guía Técnica para a avaliación e prevención dos riscos relacionados coa exposición a axentes canceríxenos ou mutáxenos durante o traballo” realizado sobre a Guía do mesmo nome do Instituto Nacional de Seguridade e Saúde no Traballo.

A Síntese de actividade 2018 do Gabinete Técnico Confederal de Saúde Laboral e o Taboleiro completan os contidos deste número.

O Boletín CIG-Saúde Laboral Nº 30 pode descargarse premendo na seguinte ligazón ou acudindo á portada da web, ao espazo específico que ocupa o Boletín. O Boletín CIG Saúde Laboral unicamente se publica en formato dixital.

Se estás interesado/a en recibir o Boletín CIG - Saúde Laboral na túa caixa de correo, podes darte de alta premendo aquí

http://www.cigsaudelaboral.org/

Enviado por:
Confederación Intersindical Galega
-cig@cig.gal-
20 de dezembro de 2018 13:06
____

Ruada do Apalpador este sábado 22 de dezembro, em Ferrol - Animamos às mais e pais da Comarca a trazer às suas crianças para conhecer esta personagem da nossa cultura popular e até há bem pouco tempo quase desconhecida

Ruada do Apalpador este sábado em Ferrol

Já nom fica nada para as ferias de inverno e com estas a chegada do Apalpador. Embora nom será até o dia 22 de dezembro quando o gigante carvoeiro estará nas ruas do bairro de Esteiro e da Madalena, já leva uns dias na nossa cidade visitando vários Centros de Ensino da comarca junto à Fundaçom Artábria.

O Apalpador quer agradescer a colaboraçom do Concello de Ferrol na ruada do próximo dia 22, na que haverá surpresas para todas aquelas crianças que se acerquem a el. Este ano contaremos com a gente de PistaCatro Produtora que ponheram o toque circense à ruada e a música de Xoldaina.

O cortejo do Apalpador sairá às 17.00 do nosso Centro Social e após percorrer o bairro de Esteiro dirixirá-se ao bairro da Madalena para finalizar no Cantom. Animamos às mais e pais da Comarca a trazer às suas crianças para conhecer esta personagem da nossa cultura popular e até há bem pouco tempo quase desconhecida. 

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
20 de dezembro de 2018 16:04
____________________

O concelleiro André Abeledo será o candidato a Alcaldía de 'Narón por Diante' de cara ás eleccións Municipais de maio de 2019 - Apostamos pola unidade da xente de esquerdas para mudar Narón

André Abeledo será o candidato a Alcaldía de “NARÓN POR DIANTE” de cara a eleccións Municipais de 2019.

O actual Concelleiro de EU Narón, André Abeledo, foi escollido por unanimidade como candidato a Alcaldía pola asemblea de “Narón Por Diante”, un espazo de confluencia onde se atopan EU Narón, ANOVA, e xente de esquerdas a nivel individual para traballar por Narón.

Abeledo explica que “Narón por Diante” é un espazo de confluencia que vai a permitir que nas próximas eleccións municipais a esquerda naronesa poida presentarse cunha candidatura aberta e de unidade que defenda os intereses e os dereitos das traballadoras e traballadores, das veciñas e veciños de Narón.

André Abeledo explica que as portas continúan abertas para as organizacións de esquerdas e veciñas e veciños que queiran participar no proxecto. A nosa intención é crear un espazo de unidade capaz de xerar ilusión, de traballar por Narón, de construír unha cidade máis humana e un Concello transparente, cercano, e achegado a cidadanía que permita a Narón medrar e mellorar a calidade de vida da nosa veciñanza. Apostamos por facer o esforzo de construír unidade popular, unha unidade baseada nun programa e nun proxecto de cidade.

O esforzo para recuperar e Municipalizar servizos básicos, a implementación de políticas sociais, a humanización da nosa cidade, políticas para fomentar a creación de postos de traballo en condicións dignas, deben ser o eixo dunha aposta decidida e valente polo futuro de Narón e a súa veciñanza.

Abeledo indica que a unidade é unha necesidade en Narón, na Galiza, e no Estado español.

Sen dubida “NARÓN POR DIANTE” ten que ser un paso adiante, un paso dado coa seguridade de que a nosa obriga é entendernos, ser xenerosos, e traballar por un presente de ilusión e un futuro mellor para todas e todos as naronesas e naroneses.

Abeledo insiste en facer un chamamento a unidade da xente de esquerdas, das traballadoras e traballadores de Narón.

Apostamos pola unidade da xente de esquerdas para mudar Narón.

Narón Por Diante
naronpordiante1@gmail.com

Enviado por:
Naron Esquerda Unida
-eu-naron@esquerdaunida.org-
18 de dezembro de 2018 22:12
______________________

Collón de Lola trazerá os temas do Xabarim Clube a Ferrol - Oink, há alguém aí? Hoje sexta-feira, 21 de dezembro, lembraremos muitos e muitas de nós a nossa infância na Fundaçom Artábria -

Collón de Lola trazerá os temas do Xabarim Clube à Fundaçom Artábria

Oink, há alguém aí? Hoje sexta-feira, 21 de dezembro, lembraremos muitos e muitas de nós a nossa infância na Fundaçom Artábria. Aquelas tardes de chuva em que chegávamos da escola para ligar a TVG, enquanto tomávamos a merenda, e desfrutávamos com Arale, Goku ou Oliver e Benji, mas também para ver e ouvir as nossas primeiras músicas em galego.

Da Fundaçom Artábria, queremos fazer neste vinte aniversário da nossa entidade umha homenagem a toda essa geraçom "Xabarim" com  atuaçom do grupo Collón de Lola, que tocará míticos temas do programa da galega. Nom faltarám também as sandes de nocilha.

Será a partir das 22.30hs e a entrada de graça. Haverá prémios para todas as pessoas que vinherem disfarçadas à festa.

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.
Enviado por:
Fundaçom Artábria
-artabria@artabria.net-
20 de dezembro de 2018 16:23
___________________

Defendendo o fogar - Guía para a solicitude de medidas cautelares ante o comité DESC de Nacións Unidas para casos de desafiuzamentos sen alternativa residencial - ... fuxir do mero asistencialismo e enfocar nosa práctica ao empoderamento popular colectivo

DEFENDENDO O FOGAR
Guía para a solicitude de medidas cautelares ante o comité DESC de Nacións Unidas para casos de desafiuzamentos sen alternativa residencial

Esta guía pretende servir de axuda para un uso adecuado das solicitudes de medidas cautelares ao Comité DESC sobre suspensión de desafiuzamentos sen alternativa residencial. Desde o Grupo de Traballo da Coordinadora de Vivenda de Madrid sobre Medidas Cautelares, vimos facendo seguimento das solicitudes que coñecemos e contabilizamos polo menos 50 casos de suspensión vinculadas á PAH e ao movemento polo Dereito á Vivenda só entre xaneiro e novembro de 2018. A través da análise de caso, aprendemos numerosas leccións para utilizar as ferramentas que ofrece o sistema internacional de Dereitos Humanos no noso favor, servindo á vez para denunciar o caso concreto e para dar visibilidade e lexitimar ao movemento, intentando ao mesmo tempo fuxir do mero asistencialismo e enfocar nosa práctica ao empoderamento popular colectivo.

As comunicacións ao Comité DESC requiren moitas horas de estudo previo, xestión documental, revisión de datos, comunicacións con diversos actores (grupos de traballo, asembleas, avogados de oficio, servizos sociais, bancos, propietarios, mediadores, etc.), redacción de solicitudes, visitas a xulgados, etc. O protagonismo das persoas afectadas é esencial, así como a confianza entre estes e o movemento, pois en cada caso poñemos en xogo enormes recursos "públicos" -en términos de tempo e esforzo das persoas máis comprometidas das asembleas- que non sería xusto que se desperdiciaran por un mal uso ou por falta de informacións relevantes.

Nesta "Guía de Uso" poñemos por escrito as recomendacións que consideramos máis útiles para ter éxito desde unha perspectiva ampla: non se trata tanto de parar moitos desafiuzamentos (o que en si mesmo é bo), senón de mobilizar mellor todas as enerxías sociais posíbeis a través de procesos de stop desafiuzamentos que xeren verdadeiros avances para todas. Fariamos moi mal si en lugar de mellorar os nosos métodos e ser máis eficaces, co uso destas ferramentas saturásemos o movemento de "papeleo" e servizo asistencial sen apenas impacto real. Un caso ante instancias internacionais para protexer o Dereito Humano á Vivenda é unha oportunidade única para influír en sectores sociais diversos e provocar cambios maiores, o que nos permitirá suspender desafiuzamentos no futuro con maior facilidade, pero para iso é necesario un tratamento responsábel, tecnicamente rigoroso e en sinerxia con toda a potencia do movemento.

DESCARGA A GUIA AQUÍ

"Kit Dictame DESC" para paralización urxente de desaloxos

Que contén este KIT:

1.- Consellos orientativos para o seu uso (descargar).

2.- Modelo de Escrito de Solicitude Urxente de Suspensión do Desaloxo (descargar) trátase dun modelo elaborado pola Comisión Xurídica da PAH, baixo a filosofía Creative Commons. Deste xeito pode e debe adaptarse a cada caso, e cada persoa afectada e/ou o seu avogado/a pode e debe modificalo ao seu gusto, mellorándo-o até para dar unha versión máis apropiada en cada procedemento. En calquera caso, serve de orientación básica para trasladar aos órganos xudiciais moitas das alegacións que xa se están facendo nos Xulgados e que desde a PAH vimos incorporando nos nosos escritos.

3.- Ditame do Comité DESC de Nacións Unidas de 20 de xuño de 2017 (descargar).

4.- Sentenza do Tribunal Supremo de 23 de novembro de 2017 (descargar).

Fonte: PAH.

---

Stop-Desafiuzamentos da Rede de Apoio Mutuo de Ferrol Terra.
forosocialdeferrolterra@gmail.com
http://stop-desafiuzamentos-ferrolterra.blogspot.com.es/




Relacionado: Amnistia internacional denuncia no seu Informe 2017. |  Dereito á vivenda.

En 2017, o Estado Español viviu un total de 26.767 desaloxos por non pago de alugueiro e 16.992 por execución hipotecaria. A persoas que sufriron estes desaloxos forzosos víronse na rúa sen garantías xudiciais adecuadas nin provisión de aloxamento alternativo polo Estado, recoñece Amnistía. Algúns deses casos son o de Mónica, o de Tamara ou o de Antonia.

O gasto público en vivenda continuou diminuíndo malia que persiste unha gran demanda de vivenda social asequíbel, cuxa escaseza afectaba especialmente ás nais solteiras e ás sobreviventes da violencia de xénero.
__________

Vox Popului, ... Por Iolanda Teixeiro - En tempos de crises inducidas polo proprio sistema capitalista botar man dos fascismos é o xogo nas democracias de moedeiro nas que nos movemos

Iolanda Teixeiro [*]
19.12.2018

VOX POPULI

Vox populi é unha expresión latina que significa coñecido por todos, eis, do dominio público. E coñecido por todos son os auxes dos fascismos na Europa. En tempos de crises inducidas polo proprio sistema capitalista botar man dos fascismos é o xogo nas democracias de moedeiro nas que nos movemos. Á subida dos fascismos dos tempos dos nazis temos que lle engadir hoxe, a falla dun modelo alternativo de sociedade dentro do Capital, isto é do paradigma do Crecemento. A guerra pola enerxía fosilista, co petróleo e o gas, escaso e a piques de se esgotar nun mundo globalizado e dependente desas enerxías suxas, os conflictos territoriais pola apropiación dos territorios comunitarios en todo o planeta, maiormente onde abondan as materias primas coas que funcionan o mundo do derroche ilimitado e ostentoso, van seguir desprazando a millóns de persoas sen que barreira algunha sexa quen de os deter porque non teñen nada a perder dende o momento en que xa llelo roubamos todo. Eis que eses mesmos asasinos de territorios para o lucro corporativo son os que aldraxan os nacionalismos soberanistas que só pretenden defender a terra, a cultura e o xeito de vivir das comunidades.

Vox populi, si, coñecido por todos é que ese partido chamado Vox, que pretende ser a voce do povo, vén de acadar unha ducia de escanos no parlamento andaluz. Cun presidente, Abascal, de sangue fascista herdada duns xenes que medraron ao abeiro dunha transición intransitável pola que grande parte do que hoxe se autodenomina esquerda transitou e transita. O día despois todos son a se pasmar de que o povo andaluz, subsidiado, acurralado nun territorio que nunca foi seu, á sombra dos privilexios democráticos dos que segue gozando desde o medievo a acó o ducado de Alba, unha terra de señoritos latifundiarios ao mellor estilo de Los santos inocentes de Delibes e sen un político de esquerdas digno de tal nome que teña o afouto dun Azarías... todos son a se pasmar de que Vox, o partido xenófobo, o partido homófobo, o partido antifeminista... triunfe en a penas unha lexislatura. Sobre todo porque anque é coñecido por todos non é do dominio público no sentido en que os financeiros deste partido invisten máis aí, na campaña cotiá que fan nos medios de masas do que o fan no traslado das cinsas de Franco. Eis que mentres o Psoe governa ao abeiro do Capital sen ter movido un dedo por resgatar a educación das mans das oligarquías nacionalcatólicas e o resto dos que se sitúan á esquerda (agás partidos marxinais) adícanse a fazer non máis que actos simbólicos e reivindicativos  mentres se aproveitan das esmolas que deita o poder, Vox e adláteres forman elites en Deusto e inoculan no povo, hiperconectado mais iletrado, o veleno do ecofascio desde os seus muitos centros de difusión (Cope, Intereconomía, 13TV, esRadio, ABC, La Razón...) con moreas de axouxeres e gatos ao auga que  uns oídos acríticos, egoístas...que relacionan crise con democracia, están máis que dispostos ao oír. Mais como moi certeiramente aponta un amigo nas redes, a abstención andaluza chegou ao 40%. E se de cada 10 persoas con dereito a voto, case a metade non exerceu ese dereito, debería dar que pensar a esa esquerda que segue vendendo lanzas e escudos da fábula chinesa e outros contos nun sistema de crecemento ilimitado.   Unha esquerda industrialista, obreirista que mitifica ao obreiro como clase en si e desbota o de clase para si incluso no bicentenario de Marx. Unha esquerda que non amosa moita solidariedade internacionalista cando se trata de amarrar postos de traballo a calquera prezo, que non loita davondo pola reterritorialización e a reconstrución do tecido comunitario, alén das institucións e que vive de costas aos problemas ecolóxicos do planeta, obnubilada aínda por ese mito do Progreso analóxico, agora xa en versión dixital.

Esperemos que a Vox populi andaluza nos faga reflexionar. Sobre de todo a todos os que se autonomean, esquerdas.

[*] Iolanda Teixeiro Rei -Ferrol, activista ecoloxista e decrecentista. Unha das organizadoras do primeiro Congreso Galego de Decrecemento que tivo lugar en Ferrol, no mes de outubro deste ano 2018. Articulista e licenciada en Pedagoxía Social pola USC. Profesora de Tai Chi e Chi Kung en Ferrol. No facebook e no twitter. Artigos no Diario de Ferrol e Sermos Galiza.


Enviado por:
Iolanda Teijeiro
-iolandateixeiro@gmail.com-
3 de dezembro de 2018 15:30
___________

Imaxe: Louise Michel Bonus Track a combatente da Comuna de París.

XVIII Mostra de Curtametraxes 2018, o mércores e xoves, 19 e 20 de decembro ás 7 da tarde, no Ateneo Ferrolán

XVIII Mostra de Curtametraxes 2018, o mércores e xoves, 19 e 20 de decembro ás 7 da tarde, no Ateneo Ferrolán.   

Os días 19 e 20 de decembro de 2018, levarase a cabo a XVIII MOSTRA DE CURTAMETRAXES, comezadas no ano 2001 con grande interese do público en xeral.

A Mostra de Curtametraxes do Ateneo nace en 2001 coma un espazo de difusión da cultura cinematográfica en formato curto, para abrir unha fiestra cara ese cinema local e internacional de calidade a cotío vetado ao gran público. Como lembranza do que foron estas xornadas ao longo destes dezasete anos de andadura dicir que na nosa programación priman as curtas galegas e en galego pero que tamén damos paso para coñecer outros autores a nivel internacional.

O OBXECTIVO é dar a coñecer a un público amplo a calidade e variedade das curtametraxes, sobre todo das galegas. Estas xornadas están a converterse nun referente, por ser un esforzo realizado para divulgar a produción de curtametraxes, que en moitos casos fica agochada. Trátase de acceder a unha parte do audiovisual que atesoura gran calidade.

Un lugar de encontro para a cultura dende 1879 na cidade.

https://ateneo-ferrolan.blogspot.com

e-mail: secretaria@ateneoferrolan.org | Telf.: +34 981 357 970 - 644.720.055
Dirección Postal: Rúa Magdalena 202-204. CP.15402 | Ferrol (Galiza)

Síguenos:
TWITTER.
FACEBOOK.
Faite soci@ on line! Colabora con nos!
http://ateneo-ferrolan.blogspot.com.es/2007/12/faite-soci.html

Enviado por:
Ateneo Ferrolán Fundado en 1879
-ateneoferrolan@gmail.com-
17 de dezembro de 2018 20:1

___________

A raíz das manipulacións e mentiras que se construíron para censurar unha xornada sobre 'muller e saúde', promovida pola eurodeputada Lídia Senra, dúas das médicas que participaron nas mesmas fixeron pública unha carta de replica ás falsas e interesadas informacións que só buscaban facer dano á eurodeputada - Escrito de Luisa Lores e Carmen Mosqueira sobre a polémica xerada pola xornada 'Mulleres e saúde' vetada polo Concello de Vigo -

Remitimos adxunto escrito asinado por Luisa Lores (Radióloga e Máster en Xestión e Economía da Saúde) e Carmen Mosqueira (Médica-epidemióloga e especialista en Saúde Pública), referido á polémica xerada pola xornada 'Mulleres e saúde', vetada polo Concello de Vigo.

Un saúdo

Con respecto á polémica desatada pola xornada “Mulleres e Saúde”, vetada polo Concello de Vigo, consideramos:

- Necesítase unha frase e uns segundos para convencer á poboación de que se poña unha vacina ou se faga unha mamografía, e moito máis tempo para explicar por que non deberían xeneralizarse estas recomendacións até que se comprobe de forma fiable que os beneficios superan amplamente aos prexuízos ocasionados, especialmente se non se trata de curar a unha persoa enferma senón de actuar sobre unha persoa sa.

- Que non somos un colectivo antivacinas, senón profesionais críticas con algunhas decisións que consideramos insuficientemente fundamentadas, e que xa foron desestimadas, vencendo os problemas políticos e a enorme presión dos lobbies, en países solventes como Suíza (suspensión do Cribado de Mama) e Xapón (retirada da vacina do Virus do Papiloma Humano (VPH) do calendario vacinal).

- Que o cribado de cancro de mama está cuestionado, xa que por unha banda comporta unha taxa significativa de sobrediagnóstico, co tratamento innecesario de mulleres que nunca desenvolverían cancro; e por outra, a supervivencia é similar entre as mulleres cribadas e as non cribadas. Publicacións recentes en prestixiosas revistas recomendan modificar o programa para cancro de mama, centrando a mamografía unicamente en mulleres con alto risco.

- Que 10.000 profesionais en España, incluíndo a máis da metade dos catedráticos de saúde pública, asinaron un manifesto para frear a inclusión da vacina do VPH no calendario vacinal, esixindo unha moratoria polas dúbidas existentes sobre o custo-beneficio e porque ninguén puido comprobar que realmente preveña o cancro de colo de útero.

- Que as farmacéuticas que fabrican as vacinas aprobadas para o VPH non son de fiar, xa que foron condenadas polos tribunais, na década pasada, por falsear conscientemente a información sobre os seus fármacos, ocultando os graves efectos adversos que provocaban, resultando en miles de afectados e de mortes a nivel mundial, como foi o caso do antiinflamatorio Vioxx e o antidiabético Avandia.

- Que segundo o “Informe semestral da vacina do VPH do Ministerio de Sanidade”, no 1o semestre de 2018 foron notificados 76 casos de nenas con sospeita de reaccións adversas á vacina, das cales 33 foron clasificadas como graves (por esixir a hospitalización da paciente ou a prolongación da hospitalización xa existente, ocasionar unha discapacidade o invalidez significativa ou persistente, ou por poder poñer en perigo a súa vida ou ocasionar a morte). Debido a estas graves consecuencias, pedimos estudios clínico-epidemiolóxicos que investiguen esas sospeitas e a seguridade da vacina.

- Que asociacións profesionais que toman decisións sobre as vacinas están financiadas pola industria alimentaria e farmacéutica, incluíndo ás empresas que comercializan a vacina do VPH, polo que as súas decisións poden non ser totalmente obxectivas e poderían estar influídas por intereses económicos.

- Que entendemos a preocupación da industria farmacéutica e dos profesionais influenciados por ela, no momento no que se pretende ampliar a vacinación aos nenos e a poboación adulta, o que suporá un xigantesco negocio.

- Que os “consentimentos informados” en ambas actuacións sanitarias son incompletos, a pesar de que provocan efectos secundarios que poden ser graves, o que incumpre a “Lei de Autonomía do Paciente”.

- Consideramos que na Medicina, como na vida, case nada é incuestionable, e que as recomendacións deben basearse na investigación pública e independente, no debate e na información completa e transparente.

- Que igualmente, é fundamental practicar a ética periodística, dando unha información veraz e contrastada, limpa de intereses económicos e presións de calquera tipo. Sirva de exemplo o Consorcio Internacional de Periodistas de Investigación.

- Que as mulleres somos maiores de idade e temos dereito a debater sobre calquera tema, especialmente sobre os temas de saúde que nos preocupan e nos afectan, para dispoñer de información científica independente, que nos permita tomar as nosas propias decisións.

- Consideramos que o veto á nosa reunión foi profundamente autoritario e antidemocrático.

Seguiremos debatendo

Carmen Mosqueira - Médica-Epidemióloga. Especialista en Saúde Pública.

Luisa Lores - Radióloga- Máster en Xestión e Economía da Saúde.

Oficina de Lídia Senra na Galiza
Tlf.: +34.698.144.067 / 698.120.268
Tlf.: +34.881.817.443

www.ageuropa.gal

Enviada por:
AGE Europa - Galiza
-age.europa.galiza@gmail.com-
18 de dezembro de 2018 16:28
____________________

Violencias de xénero, ... Por Iolanda Teixeiro - A violencia machista non deixa de ser un xeito de se manifestar a violencia xeral propria da cultura da dominación

Por  Iolanda Teixeiro Rei [*]
18.12.2018

VIOLENCIAS DE XÉNERO

Podemos as persoas relacionarmonos sen esa teima polo xénero? O xenerocentrismo, nunha sociedade que reclama os dereitos dos LGBT (lesbianas, gais, transexuais/transxéneros e bisexuais) parece un concepto caduco máis propio daqueles tempos en que a reprodución era indispensável para a subsistencia da familia ou clan. Mais nun mundo superpovoado, que sentido ten?. Os xéneros son devedores de roles sociais  ríxidos e hoxe, a dicir de Baumann, vivimos nun mundo líquido.

O determinismo biolóxico segue a servir de coartada para manter a discriminación de xénero. Hai quen di que é unha cuestión hormonal -cousas da testosterona e dos estróxenos- que as mulleres sigamos ocupándonos maiormente dos coidados das persoas e do coidado do interior, das moradas, das emocións... Ate as persoas, homes e mulleres, que pasan por máis igualitarios, no día a día, portamos ideias, conceptos e conductas sexistas. Esperamos comportamentos distintos segundo sexa neno ou nena. Senón por que iamos ter esa preferencia ou esa necesidade imperiosa de saber que vai ser o naipelo antes de nacer?. Há anos que os estudos científicos amósannos que os tratamos de xeito diferenciado, que deixamos chorar máis ás nenas que aos nenos, por exemplo, porque temos o prexuízo de que elas son máis febles. E, de resulta dos nosos prexuízos así as fazemos para logo nos confirmar. E os prexuízos, sobre todo cando son inconscientes, educan na desigualdade e confirman o que imos construíndo como se viñera gravado a lume nos xenes. Ao fin, se a testosterona fóra a responsável, como algúns pretenden, da agresividade masculina, como se explica que os homes de sociedades non patriarcais ou con menos sentido da propiedade privada teñan comportamentos máis pacíficos?

A violencia machista non deixa de ser un xeito de se manifestar a violencia xeral propria da cultura da dominación. E non há profesión onde mellor se enxergue que na militar. Aí é onde bate máis a esquizofrencia dos modelos de xénero pois ás mulleres militares esíxelles ser rexas no traballo e dóciles no fogar.
Conta Henrietta L. Moore en Antropoloxía e feminismo, un interesante estudo sobre unha das formas de xeración de ingresos no fogar levado a cabo por Maria Mies sobre as encaixeiras indias de Narsapur, en Andhra Pradesh na década dos 70. Daquela, máis de 100.000 mulleres traballavan case como escravas na industria de fabricación de encaixes a domicilio, sen dereitos sindicais nen contratos laborais e cuns salarios ínfimos. Os encaixes exportavanse a Europa, Australia e EE.UU. Países que fachendeavan como hoxendía, de seren sociedades igualitarias que se crían de tan alta moralidade e progreso que coa importación dos encaixes exportavan esa hipócrita axuda ao desenvolvemento. Foran curiosamente os misioneiros cristiáns quen artellaran na India a industria do encaixe no século XIX, porque como dicía Bertrand Russell, se deus non fixera o corpo humano pecaminoso non havería que cubrir o corpo e que sería, entón, da industria algodoneira británica e deses industriais tan piadosos, sen os que, por outra parte, quizais Marx non podería contar cos ingresos de Engels para deixarnos esa xenial análise de cómo nos explota o Capital. Paradoxos da vida!.

Así que os países desenvolvidos medraron a costa da explotación selvaxe das mulleres dos países colonizados como a India. Mulleres subcontratadas sobre as que recaían todos os custes de produción. Esta é a verdadeira faciana do progreso. E tambén a causa de que unha feminista burguesa pouco teña a ver cunha feminista marxista ou ecofeminista. Unha industria téxtil que lembra moito ao emporio Zara e as mulleres galegas. Como di Maria Mies, o máis curioso, é que estas mulleres fan parte dunha povoción activa invisível debido á ideoloxía dominante patriarcal que as define como amas de casa que ocupan o seu tempo livre dun xeito rendível. E, por suposto, o traballo da casa non computa como valor de cambio. En sendo que tanto a exportación como a comercialización fican en mans masculinas. Polo que a organización do sector do encaixe como industria doméstica e o tratamento de ama de casa enxérgase na específica relación que existe entre as esferas productiva e reproductora da vida económica e social. Mais tambén ten relación co crecente empobrecemento do sector agrícola campesiño que forzou ás mulleres a procurar unha fonte adicional de ingresos. Ao se unir a casta coa ideoloxía cristiana de muller ama de casa entreteceuse un entramado que beneficia as relacións capitalistas do mercado e afianza as relacións de xénero existentes. Como non fazer comparación entre o éxodo rural galego e o medre do emporio téxtil tambén na Galiza? Ah, que isto non entra no día da violencia de xénero?.

Sería ben que cando celebramos días da violencia de xénero teñamos en conta as interrelacións entre xénero, clase e etnia. E non reduzamos todo a actitudes individualistas sen análise de clase.

No século XIX, en Gran Bretaña, ter servizo doméstico masculino tíñase por sino de elevado estatus social e os homes de etnias marxinadas traballavan no servizo doméstico. Katzman amosa como en EEUU a fins do século XIX, en California e Washington, a meirande parte dos traballadores domésticos eran varóns chineses. Coa industrialización e menor demanda de inmigrantes, foron as mulleres quen ocuparon eses traballos. Tambén na Africa do Sul, os traballadores domésticos europeos foron sustituídos polos pretos. Anque eran as mulleres pretas as que recibían os salarios máis baixos. Mais quen domina máis a clase ou o xénero?.

Hoxendía, cando nos falan de violencia de xénero, eses mesmos medios que a exercen a fío, esquecen sempre que violencia non é só, que tambén, asasinar, bater ou violar. Violencia de xénero  inclúe mercar a fío eses tecidos low cost a prezo de escravatura, anque sexa para engordar a un filántropo. Esquecen que son as relacións de dominación da sociedade clasista quen nos aprenden e reforzan cada día esas conductas de dominación que non só se exercen de home a muller, senón tambén de adulto a neno, de etnia branca a outras etnias, de clase empresarial a clase traballadora e entre o amplo abano de xerarquías de esta.


Teremos de mudar o sistema de valores sociais deixando de premiar o dominio e a sumisión para non seguir creando verdugos e víctimas, nas vindeiras xeracións. Non chega só con pór nunha marcha a camisola preta.

Se cadra no tocante aos xéneros deveriamonos educar como queer, isto é, rexeitando clasificarmonos con esas categorías universais fixas de varón, muller, hetero, homo, bi ou trans. Mais que nada por evitar as limitacións que estas categorías arrastran coas súas ocultas motivacións sociopolíticas. Pois nen xénero, nen identidade nen orientación sexual está escrito na natureza humana senón que son froito dunha construción social intereseira focada á dominación.

[*] Iolanda Teixeiro Rei -Ferrol, activista ecoloxista e decrecentista. Unha das organizadoras do primeiro Congreso Galego de Decrecemento que tivo lugar en Ferrol, no mes de outubro deste ano 2018. Articulista e licenciada en Pedagoxía Social pola USC. Profesora de Tai Chi e Chi Kung en Ferrol. No facebook e no twitter. Artigos no Diario de Ferrol e Sermos Galiza.


Enviado por:
Iolanda Teijeiro
-iolandateixeiro@gmail.com-
23 de novembro de 2018 20:12
___________

Ti tamén es o asasino de Laura - Existe unha estrutura política, cultural, económica e até estética que lexitima os asasinatos de mulleres á mesma vez que respiramos.

Por Raúl Solis [*]
18.12.2018

Ti tamén es o asasino de Laura. | Existe unha estrutura política, cultural, económica e até estética que lexitima os asasinatos de mulleres á mesma vez que respiramos.

Confirmouse a peor das hipóteses. A nova Laura Luelmo, a profesora zamorana de Plástica que fora destinada a un centro educativo na Sierra de Huelva, foi asasinada. E tirada logo a un pantano. Non hai consolo que amaine tanta pena.

Mentres a xente de ben non atopa consolo, un exército de infames trata de converter un asasinato machista, o nonaxésimo cuarto no que vai de ano -segundo o contador de feminicidio.net-, nun debate sobre o Código Penal en lugar de estar pensando que falla na nosa sociedade para que normalicemos que cada ano asasinen a preto dun centenar de mulleres. Ou o que é o mesmo, que nos ocorre como sociedade para normalizar que o noso país cada ano produza cen novos asasinos e que podemos facer entre todos, máis todos que todas, para acabar con esta masacre progresiva.

A violencia contra as mulleres non vén soa, non é un accidente meteorolóxico, nin unha mala fortuna. Os asasinatos contra mulleres non son simples sucesos, que é o que intentan vendernos os medios de comunicación que logo se tiran o resto do ano branqueando o machismo, cando non directamente dándolle ás, ou cuestionan ás poucas mulleres que se atreven a denunciar.

A Laura Luelmo non a matou soamente o seu asasino. Existe unha estrutura política, cultural, económica e até estética que legitima os asasinatos de mulleres á mesma vez que respiramos. A Laura matárona os medios de comunicación e os políticos que lamentaron o falecemento de Chiquetete sen dicir que foi un maltratador, que a súa exmuller perdeu un embarazo tras unha malleira e que a xustiza o condenara.

A Laura matárona aqueles partidos que cuestionan a Lei de Violencia de Xénero e que queren derrogala porque pensan que protexer ás mulleres é ir contra os homes. A Laura matárona os partidos que en Andalucía están negociando un pacto de goberno sen pudor ningún a recibir o apoio de VOX, un partido que nega a existencia mesma do machismo e que arremete contra as feministas en lugar de contra os potenciais asasinos de mulleres.

A Laura matárona quen se preguntan como hai mulleres que saen soas ás presas en lugar de cuestionarse por que hai homes que pensan que as mulleres son da súa propiedade e séntense lexitimados para matalas si estas se rebelan.

A Laura matárona os medios de comunicación que converten os asasinatos machistas nun espectáculo e á vítima nunha mercancía, nun obxecto de competición con outros medios por buscar o titular máis frívolo que dea máis audiencia, sen importar que tipo de sociedade estase construíndo.

A Laura matárona os xornalistas que lle poñen o micrófono a VOX e que non lle cuestionan na mesma rolda de prensa que é incerto que haxa denuncias falsas e recórdanlle á ultradereita que o Consello Xeral do Poder Xudicial só atopou 71 denuncias en máis dun millón de denuncias presentadas en 10 anos.

A Laura matárona os directivos de informativos que envían a xornalistas precarios, sen liberdade para opoñerse a informar sen ética e por 1.000 euros ao mes, a que graven á veciña da vítima e lle diga: "Por que foi a correr soa ? ... Eu non vou soa nin a tirar o lixo". A Laura mátana quen informan sobre un asasinato machista coa mesma lóxica que o fan sobre Gran Irmán.

A Laura matáchela ti, que che sentes violentado polo movemento feminista que grita que as mulleres teñen medo de regresar soas a casa pola noite. A Laura matáchela ti, macho cabrío, que, en lugar de cuestionarte que podes facer para que as mulleres poidan vivir seguras, pensas que estas están indo moi lonxe e crees que o feminismo aspira a facer cos homes o que os homes levamos séculos facendo coas mulleres.

A Laura matárona quen recortaron en recursos contra a violencia machista e quen permiten que haxa programas de máxima audiencia onde se fan comentarios que normalizan a violación, cando non a fomentan.

A Laura tamén a matan os canallas que cunha man piden derrogar a Lei de Violencia de Xénero e con outra piden cadea perpetua. A estes non lles importa acabar cos asasinatos machistas, senón facernos crer que as mulleres poderán vivir seguras nunha sociedade con cadea perpetua pero que siga sen cuestionarse a estrutura económica, cultural, mediática, estética e política que emite mensaxes constantes e continuos que lexitiman a violencia contra as mulleres, que non se toma en serio as denuncias e que encima pon en cuestión ás valentes que se atreven a achegarse a unha comisaría. A Laura tamén a mataches ti. E eu.

Fonte: La Voz del Sur. | Con comentarios de interese de indignación, mais tamén de maldade machista e reacionaria. | 17.12.2018

[*] Raúl Solis, xornalista Andaluz. Autor do artigo "El hijo de una limpia suelos". | En twitter. | Escritos do autor no xornal "La Voz del Sur". | Ir á Web.

____________________

Concentración nos xulgados de Ferrol en apoio a Mariela Aguilar, concelleira do BNG en Fene, ante a denuncia do actual alcalde, do Partido Popular, Gumersindo Galego, por mor do pacto cos dous edis de Somos Fene, a través dunha moción de censura

Hoxe, luns 17 de decembro de 2018, estaba citada nos xulgados de Ferrol en calidade de investigada, Mariela Aguilar, concelleira do BNG de Fene. Que no seu momento paralizou co seu voto de calidade o Pleno extraordinario onde se ia abordar a moción de censura presentada polo Partido Popular, co apoio dos tránsfugas de Somos Fene (Rodríguez Bastida e César Castro) que foran expulsados do seu partido, precisamente por pactar co PP. Por ese transfuguismo foi polo que se suspendera o Pleno, mais posteriormente o xulgado do Contencioso-Administrativo de Ferrol, acordou a celebración do mesmo, que cos votos dos dous tránsfugas e os do PP,  facilitou-lle o acceso á alcaldía a Gumersindo Galego, actual alcalde de Fene quen foi o que puxo a denuncia contra a concelleira, a titulo persoal.

Con motivo desta comparecencia nos xulgados de Ferrol, Mariela foi arroupada por unha concentración de solidariedade, na que participou o grupo municipal do BNG de Fene, os edís de Ferrol Iván Rivas Rico e Roberto Montero Castrillón, e compañeiras e compañeiros do resto da comarca, así como o deputado no Parlamento Galego, Xosé Luis Rivas "Mini".

. #ForzaMariela #NonAoTransfuguismo #SomosPP

https://bngdefene.blogspot.com/

https://www.facebook.com/BngFene/
____________

Esquerdas do mundo, uniren-vos!, de Boaventura de Sousa Santos - Este libro xorde da análise da actualidade política de Portugal, España, Colombia, Brasil e México - Só as esquerdas poden salvar á humanidade dos efectos máis destrutivos e do inmenso sufrimento humano derivados dunha catástrofe social e ambiental que non parece estar lonxe - Será un proceso histórico longo: revolucionar a democracia e democratizar a revolución

Este libro xorde da análise da actualidade política de Portugal, España, Colombia, Brasil e México. O autor propón que as forzas da esquerda teñen que ser máis humildes e máis ambiciosas ao mesmo tempo. Máis humildes porque deben actuar nun mundo onde o obxectivo de construír un sistema globalmente alternativo ao capitalismo, ao colonialismo e ao patriarcado non está na axenda política. Esta ausencia crea un baleiro que por agora só parece poder colmarse con opcións locais e iniciativas que proxecten unha sociedade máis xusta.

No entanto, á vez debe ser máis ambiciosa porque, tendo en conta o panorama actual, só as esquerdas poden salvar á humanidade dos efectos máis destrutivos e do inmenso sufrimento humano derivados dunha catástrofe social e ambiental que non parece estar lonxe.

É necesario defender a dignidade humana e a natureza a través da radicalización da democracia, de alta intensidade e necesariamente posliberal. Será un proceso histórico longo: revolucionar a democracia e democratizar a revolución.

Esquerdas do mundo, uniren-vos!
(Izquierdas del mundo, ¡uníos!)

Boaventura de Sousa Santos

Más Madera, 146
América Latina
Análise contemporáneo
Política
Política Internacional
ISBN: 978-84-9888-875-1
Ano Publicación: 2018
páxinas: 152
PVP: 13 euros
Prólogo e índice_Izquierdas del mundo, ¡uníos!

Información Relacionada

• Columna de Boaventura de Sousa Santos: « ¿Unidad de las izquierdas? Las izquierdas ante el nuevo interregno», El Público, 1 de febrero de 2018
• Columna de Boaventura de Sousa Santos: « ¿Unidad de las izquierdas? México: la fractura entre la institucionalidad y la extrainstitucionalidad», El Público, 1 de marzo de 2018
• Columna de Boaventura de Sousa Santos: «Brasil: las democracias también mueren democráticamente», El Público, 24 de octubre de 2018
• Columna de Boaventura de Sousa Santos: «Brasil: las izquierdas y las elecciones de lo desconocido», El Público, 23 de agosto de 2018
• Columna de Boaventura de Sousa Santos: «Explicar la igualdad al 1% más rico del mundo»_LaRed21, 30/11/2018
• Columna de Boaventura de Sousa Santos: «Las izquierdas portuguesas en el nuevo ciclo político», El Público, 9 de agosto de 2018
• Columna de Clara Morales: «El futuro de la izquierda: Boaventura de Sousa: "Si la izquierda española solo discute sobre cuestiones de nacionalidad, nunca va a ponerse de acuerdo"»_Infolibre_06/11/2018
• Columna «Boaventura de Sousa: Izquierdas del mundo, uníos» de Rafael Fraguas_Crónica Popular, 11/11/2018
• Entrevista a Boaventura de Sousa de Àngel Ferrero en El Diari Public_10/11/2018
• Entrevista a Boaventura de Sousa de Javier Martín Barrio_El País, 05/11/2018
• Entrevista a Boaventura de Sousa de Javier Martín_El País, 05/11/2018
• Entrevista a Boaventura de Sousa en Cadena Ser_06/11/2018
• Entrevista a Boaventura de Sousa Santos: «Brasil se juega el destino de la democracia», Página 12, 22 de octubre de 2018
• Nota "Esquerres del món, llegeixin al mestre Boaventura de Sousa Santos i deixin-se d’hòsties"_Públic_27/11/2018
• Nota «Boaventura de Sousa: "Las izquierdas tienen que abandonar el infantilismo porque si no se unen ahora, mañana será tarde"» de Beatriz Asuar_Público, 09/11/2018
• Página personal del autor Boaventura de Sousa Santos
• Reseña "´Izquierdas del mundo, ¡uníos!´: Boaventura de Sousa Santos apel·la a la democràcia" de Gustavo Nerín_El Nacional, 02/11/2018

Siguenos en twitter, facebook e instagram.

Icaria editorial
c/ Bailén, 5 5ª planta
08010 Barcelona
premsa@icariaeditorial.com
933 011 723

Enviado por
Anna Monjo
-amonjo@icariaeditorial.com-
17 de dezembro de 2018 16:4
_____________________

O concelleiro da esquerda de Narón, André Abeledo, rexistrou unha Moción para controlar a proliferación das apostas online e casas de xogo e pedir que se tomen medidas para a prevención da Ludopatía

MOCIÓN, DE EU NARÓN, PARA CONTROLAR A PROLIFERACIÓN DAS APOSTAS ONLINE E CASAS DE XOGO E TOMAR MEDIDAS DE PREVENCIÓN ANTE A LUDOPATÍA

Abeledo explica que Dende fai uns anos teñen proliferado os anuncios en televisión, radio, prensa escrita, redes sociais, etc de casas de apostas deportivas online. Unhas casas de apostas que insiran a súa publicidade en eventos deportivos, especialmente nas retransmisións deportivas e que incluso chegan a utilizar estrelas de fútbol para animar aos telespectadores a que aposten. Un sistema de xogo moito máis aditivo, sen pausas, con bonos «gratis» de entrada, e sobre todo cunha inmensa inversión en publicidade que representa xusto os valores contrarios as formas máis pausadas e tradicionais de apostar, como a lotería de Natal, a quiniela ou os cupóns da ONCE.

Hai 613.812 usuarios activos nas casas de apostas, segundo o último Informe Trimestral do Mercado de Xogo Online, un 13,44% máis que no mesmo segmento de 2016. Non só corresponde as apostas deportivas, tamén ao póker, casino e bingos virtuais. Ata setembro de 2017, os operadores gastaron máis de 140 millóns de euros en promover-se. En España hai máis de medio centenar de empresas con licencia no negocio online e presencial.

O xogo patolóxico é un trastorno que figura entre as adiccións de tipo relacionado co comportamento nas clasificacións médicas e psicolóxicas. Consiste na perdida de control de comportamento en relación ao xogo que se caracteriza por ter graves consecuencias para as persoas como problemas académicos, laborais, económicos, sociais e/ou legais asociados ao xogo.

Tentase a clase traballadora,  que normalmente non pode acceder a un traballo estable dado o enorme paro crónico, a que arrisquen as súas rendas ganadas en traballos precarios.  Non é estraño que nos barrios e localidades onde menos renda hai, sexa onde as políticas neoliberais máis efectos negativos causen a través das casas de apostas. Estas afectan especialmente a xuventude, onde a falta de expectativas e dun futuro estable é o caldo de cultivo perfecto para doses rápidas de adrenalina onde conseguir diñeiro sen esforzo.

Tampouco é admisible que as casas de apostas aumenten día a día os seus beneficios e deixen as familias e ao conxunto da sociedade a obrigación de costear integramente o tratamento das persoas as que ten enganchado. É de xustiza, polo tanto, aumentar a contribución que os beneficios destas empresas teñen que facer ao conxunto da sociedade para que se poida tratar de maneira eficaz as persoas adictas ao xogo e para que se poidan investigar eses mecanismos e previr futuras adiccións.

De forma física ou a través de Internet, o que se esconde detrás de cada aposta é o mesmo: fante crer que non é necesario traballar para xerar riqueza, que podes inverter o teu diñeiro e, si o fas ben, o multiplicarás. Este conto liberal obvia que o teu beneficio implica que alguén como ti está perdendo o seu diñeiro, tamén obvia que un día gañaches pero ao seguinte podes perder moito máis.  Non é cuestión de sorte que, en última instancia, sexa a dona da casa de apostas o único que gañe, é cuestión de matemáticas.

É o momento de que as diferentes institucións adapten a normativa a realidade social, económica e tecnolóxica da actividade do xogo antes de que se converta en unha lacra sen retorno.

Formulamos nesta moción unha serie de medidas, a nivel municipal e supramunicipal, para atallar esta problemática. Por unha lado entendemos que é necesario prohibir a publicidade de estes locais e frear a súa expansión a través das ordenanzas o las normas urbanísticas, tamén son importantes as medidas de prevención ante a ludopatía e, por último, formulamos unha serie de propostas a nivel fiscal para gravar a actividade das casas de apostas e do xogo online.

 PRIMEIRO: Instar ao Goberno do Estado a reformar a Lei Xeral da Comunicación Audiovisual e a Lei Xeral de Publicidade para que se regule a publicidade das Casas de Apostas e se prohiba que estas empresas poidan publicitar-se para facer efectiva a protección do público infantil e xuvenil e a impulsar o Real Decreto de Comunicacións Comerciais das Actividades de Xogo e de Xogo Responsable co obxectivo de restrinxir a publicidade para xogos e apostas online.

SEGUNDO: Instar ao Goberno Autonómico a que, igual que pasa co gremio de tabacaleiras ou farmacias, limite a apertura das casas de apostas físicas mediante o establecemento dun mínimo de metros de separación ou por núcleos de poboación, para a frear así a súa  expansión.

TERCEIRO: Instar ao Goberno Autonómico a que prohiba as terminais de apostas deportivas en salóns de xogo, bingos e casinos.

CUARTO: Instar ao Goberno Local a que estudie a revisión das ordenanzas para introducir limitacións urbanísticas a implantación de locais de apostas nas inmediacións de espazos  frecuentados pola infancia, a adolescencia e a xuventude, como os centros educativos, culturais, deportivos ou xuvenís.

QUINTO: Instar ao Goberno Local a que, a través da Ordenanza de Publicidade, regule a eliminación de calquera carteleira do mobiliario urbano ou do espazo público de este tipo de establecementos, aténdose exclusivamente aos carteis do propio local incluíndo unicamente o nome e sen ningún tipo de publicidade.

SEXTO: Instar ao Goberno Local a que realice actividades informativas nos centros escolares para afondar no uso que fan os rapaces dos xogos online e de apostas e os posibles problemas derivados deste uso e a que poña en marcha modelos de ocio e espazos de socialización xestionados directamente pola xuventude onde poidan desenrolar un ocio san, que potencie o coñecemento, o deporte e as artes.

SÉTIMO: Instar ao Goberno Local a que reforce a formación da Policía Local de modo que se familiaricen coas infraccións máis habituais relacionadas coas apostas e o xogo, particularmente no acceso de menores de idade, persoas incapacitadas legais e persoas co acceso ao xogo legalmente restrinxido.

OITAVO: Instar ao Goberno do Estado a aumentar o tipo aplicable no  Imposto sobre Actividades do Xogo para as casas de apostas e de xogo online.

NOVENO: Instar ao Goberno Local a que cree unha taxa específica por utilización privativa ou o aproveitamento especial do dominio público local, que teña que ser abonada polos  establecementos que instalen pantallas ou outro tipo de dispositivos para desenrolar a súa actividade empresarial con fronte directo a vía pública ou en liña de fachada.

GRUPO MUNICIPAL
ESQUERDA UNIDA DE NARÓN

Contas de Esquerda Unida Narón no facebook e no twitter. | Achegate xunta Nós, fagamos un novo Concello mais social, mais democrático, participativo e de Tod@s.


Enviado por:
Naron Esquerda Unida
-eu-naron@esquerdaunida.org-
17 de dezembro de 2018 13:34
__________________

O Ateneo Ferrolán presenta a súa nova xunta directiva presidida por Francisco Javier Montero Dongil - Este 18 de decembro, nos Martes de Cine do Ateneo proxectara-se: 'O banquete de voda'

Presentación da nova Xunta Directiva do Ateneo Ferrolán

A nova Xunta Directiva do Ateneo Ferrolán está presidida por Francisco Javier Montero Dongil e como Vicepresidente: Luis Calvo Teijo; a Tesoureria: Sonia Mauriz Pereira; a Contadora: Ana Pernas Marquez; a  Secretaria: Angeles Delgado Pérez; o Bibliotecario: Alejandro Rey López e as Vogais: Florentino Martínez Vazquez e Anxeles Seoane Fernandez.

O ATENEO FERROLÁN un lugar de encontro para a cultura dende 1879, promove unha ampla e diversa oferta de actividades (conferencias, seminarios, debates, exposicións…) orientada á posta en valor dos recursos humanos e o potencial de saber da cidade. Sen perder de vista o seu obxectivo principal de converterse en foro de debate e de opinión plural e independente, aberto a toda a sociedade.

--
Ciclo de Cine Familias, todos os martes ás 7 da tarde

Este 18 de decembro, nos Martes de Cine do Ateneo, proxectara-se: "O banquete de voda"

Ficha:Ano 1993 Duración 112 min. País Taiwan Director Ang Lee Xenero: Comedia

Reparto: Ya-Lei Kuei, Sihung Lung, May Chin, Winston Chao, Mitchell Lichtenstein,Dion Birney, Jeanne Kuo Chang, Paul Chen, Chung-Wei Chou, Yun Chung,Ho-Mean Fu

Sinopse: Simon e Wai- Tung son dous gais que viven xuntos en Manhattan. Para disipar as sospeitas dos pais de Wai- Tung, Simon suxire que organice unha voda de conveniencia con Wei- Wei, unha moza inmigrante que necesita a carta verde de inmigración para poder permanecer nos Estados Unidos. Pero cando os pais de Wai- Tung chegan a Nova York insisten en organizar o banquete, o que traerá moitas complicacións.

--
Un lugar de encontro para a cultura dende 1879 na cidade.

https://ateneo-ferrolan.blogspot.com

e-mail: secretaria@ateneoferrolan.org | Telf.: +34 981 357 970 - 644.720.055
Dirección Postal: Rúa Magdalena 202-204. CP.15402 | Ferrol (Galiza)

Síguenos:
TWITTER.
FACEBOOK.
Faite soci@ on line! Colabora con nos!
http://ateneo-ferrolan.blogspot.com.es/2007/12/faite-soci.html

Enviado por:
Ateneo Ferrolán Fundado en 1879
-ateneoferrolan@gmail.com-
17 de dezembro de 2018 13:27
_______

Eliximos pide a participacion de Narón no Programa de rexeneracion e renovacion urbana e rural do Plan Estatal de Vivenda - ...nos últimos anos a sociedade estase a dar conta da necesidade de cambiar o modelo de vivenda e de urbanización cara a un modelo sustentable e tamén accesible...

Co paso dos anos as áreas urbanas van sufrindo un proceso de degradación física, social e ambiental. A degradación física é a máis evidente e, a veces é parcialmente corrixida, pero vén seguida da ambiental e finalmente a social, que se manifesta en aspectos como o envellecemento demográfico, perda de poboación, abandono de actividades económicas ou baixo nivel de ingresos das persoas residentes.

Por outra parte, nos últimos anos a sociedade estase a dar conta da necesidade de cambiar o modelo de vivenda e de urbanización cara a un modelo sustentable e tamén accesible. Un cambio de modelo que buscase o equilibrio entre a forte expansión promotora dos anteriores anos e o insuficiente mantemento e conservación do parque inmobiliario xa construído, non só porque constituía un alicerce fundamental para garantir a calidade de vida e o goce dun medio urbano adecuado por parte de todos os cidadáns, senón porque ademais, ofrecería un amplo marco para a reactivación do sector da construción, a xeración de emprego e o aforro e a eficiencia enerxética, en consonancia coas esixencias derivadas das directivas europeas na materia.

Aínda que sen chegar á degradación de barrios doutros concellos, como Ferrol, no que xa teñen declaradas cinco zonas clasificadas ARI (Áreas de Rehabilitación Integral) e para as que no pasado mes de outubro se aprobaron 158 proxectos cunha inversión de 5,3 millóns de euros, en Narón temos bastantes areas urbanas que xa levan anos requirindo de unha actuación que as revitalice, como poden ser as Vivendas da Mariña (as máis antigas foron construídas en torno ao ano 1960), as Casas do Bispo, as vivendas de San Clemente, ou o barrio da Solaina.

Na Solaina encóntranse construcións de todas as idades pero en xeral envellecidas, e non hai máis que darse un paseo polo barrio nun sábado para ver moitos baixos de comercios pechados e pouca actividade salvo en zonas concretas. Logo, para ver a diferenza, ir a pasear pola nova praza da Gándara.

O programa de axudas do Plan Estatal permite actuar en distintas liñas que poden ir dende o fomento da mellora da eficiencia enerxética e sustentabilidade en vivendas, a súa conservación, a mellora da seguridade de utilización e da accesibilidade das vivendas, e a mellora da calidade, accesibilidade e sustentabilidade do medio urbano.

Dende Eliximos pedímoslle ao Tripartito que leve a cabo os traballos necesarios para que a veciñanza de Narón poida optar a estas axudas no 2019, xa que non encontramos ningunha razón para seguir pospoñéndo.


---

Eliximos Narón Electores (ENE)
Grupo Mixto do Concello de Narón
Praza de Galicia s/n – Entrechán
15570 Narón (A Coruña)

673141822 - eliximos@gmail.com

Narón, moito  por facer
...fagámolo, xuntos podemos.

Web:
http://eliximos.es/

twitter:
https://twitter.com/eliximosnaron

facebook:
https://www.facebook.com/groups/Eleximos.Naron/

Enviado por:
ENE Eliximos Narón Electores
-eliximos@gmail.com-
17 de dezembro de 2018 12:10
__________

Enlace de interese:
Plan Estatal de Vivenda 2018-2021 | Programas de axudas á vivenda | Programa 7: Fomento da rexeneración e renovación urbana e rural. | Ir á Web.

________________________________