Cunha xustiza clasista e partidaria a democracia non pode ser plena, ... Por André Abeledo Fernández

Por André Abeledo Fernández [*]
13.10.2021

A inxusta sentencia contra Alberto Rodríguez, o deputado de Podemos sentenciado sen probas pola declaración dun policía sobre unha suposta patada durante un desafiuzamento que ninguén viu, pon sobre a mesa a realidade dunha xustiza inxusta que para nada é igual para todos.

Recordemos sin ir máis lonxe casos como o do neto de Franco que tentou atropelar a dous Gardas Civiles, ou a Esperanza Aguirre dándose a fuga tras desobedecer a Policía Local, dous casos onde a xustiza decidiu deixar impunes os delitos flagrantes.

As sentenzas xudiciais por indicios, sin probas ou baseadas soamente na palabra dun policía non son ningunha novidade, este é o sistema xudicial que tenmos, un sistema inxusto e parcial que sentencia segundo a clase social ou a ideoloxía do acusado.

Namentres que a carreira xudicial sexa case un imposible para as fillas e os fillos dos traballadores por motivos económicos, o poder xudicial non será un poder realmente democrático e polo tanto non representará a sociedade no seu conxunto, é máis, non representará a maior parte da sociedade.

O que está sucedendo a día de hoxe con sentencias xudiciais claramente politizadas, ó meu entender, e cun tribunal supremo tomado pola dereita, cun mandato caducado e en rebeldía fronte á obriga constitucional de renovarse, é a proba de que a xustiza no Estado español non é xustiza porque é parcial, fai política e toma partido.

[*] André Abeledo Fernández, nado en Neda o 14 de Xullo de 1974, militante comunista e sindicalista. Delegado de persoal da CIG no comité de empresa de Mercadona na Provincia d'A Coruña. | Facebook e Twitter.

Enviado por:
André Abeledo Fernández
-andre1474@gmail.com-
9 de outubro de 2021 12:29
_______

A liberdade de expresión é un problema para a clase dirixente porque visibiliza a disidencia contra eles, os ricos, que arrasan con todo o que pertence ao pobo - Palestra antirrepresiva en Vigo: Boro (La Haine) + Saúl (La Insurgencia) Sábado 15 de decembro

Palestra antirrepresiva: Boro (La Haine) + Saúl (La Insurgencia)
Sábado 15 de decembro | 19:00 | CNT-VIGO (rúa do Príncipe, nº 22. Galerías comerciais, 1º andar, local 34)

29 MARZO 2014: "RODEA O CONGRESO". Boro LH, xornalista dos portais dixitais de contrainformación La Haine e Kaos en la Red, era detido mentres cubría a protesta. Acusado falsamente de agredir a un policía, pídenlle 6 anos de prisión: catro por un delito de lesións e dous por un delito de atentado a axente de autoridade. Previamente, dentro da "Operación Araña", desenvolvida contra internautas por tuitear, retuitear ou compartir entradas en Facebook, abríase unha causa contra el por enaltecemento do terrorismo en Twitter por escribir mensaxes de apoio á loita nas rúas ou expresarse contra a garda civil.

2 e 3 NOVEMBRO 2017: doce músicos de rap integrantes do colectivo La Insurgencia eran sometidos a un xuízo ante a Audiencia Nacional acusados pola Policía Nacional de enaltecemento do terrorismo polas súas letras críticas. A fiscalía pide para eles dous anos e un día de cárcere, multa de 4800 euros, a inhabilitación absoluta durante nove anos, a retirada do dereito de sufraxio pasivo e a retirada dos vídeos de youtube obxecto de delito.

As ideoloxías políticas (a esquerda revolucionaria e consciente) que cuestionan ao sistema e á elite gobernante son perseguidas e castigadas duramente polo aparello policial ao servizo do Estado. A liberdade de expresión é un problema para a clase dirixente porque visibiliza a disidencia contra eles, os ricos, que arrasan con todo o que pertence ao pobo. As montaxes policiais para xustificar esta represión están á orde do día, marchando campantes sobre os dereitos humanos máis elementais.

A difusión desta realidade faise fundamental para abrir os ollos fronte ao fascismo que domina a escena política e social e ser conscientes de que ninguén se salva deste brazo opresor. Pero non nos van calar!!

cntvigo@gmail.com

Enviado por:
Colectivo por la Absolución de La Insurgencia
-colectivoabsolucioninsurgencia@gmail.com-
14 de dezembro de 2018 09:54
_________________

A eurodeputada galega Lídia Senra visitará mañá no cárcere de Mansilla de las Mulas, en León, ao preso galego Adrián Mosquera - A deputada viu tamén nestes meses a Roberto Rodríguez en Palencia, Eduardo Vigo en Toledo, e Carlos Calvo e Raúl Agulleiro en Asturias - Reclama que o Estado cumpra os DDHH e recomendacións da UE, poña fin á dispersión, rebaixe os réximes penitenciarios e dea permisos de saída.

Lídia Senra visitará mañá no cárcere de Mansilla de las Mulas, en León, ao preso galego Adrián Mosquera. | A deputada viu tamén nestes meses a Roberto Rodríguez en Palencia, Eduardo Vigo en Toledo, e Carlos Calvo e Raúl Agulleiro en Asturias. | Reclama que o Estado cumpra os DDHH e recomendacións da UE, poña fin á dispersión, rebaixe os réximes penitenciarios e dea permisos de saída.

A eurodeputada galega Lídia Senra visitará mañá venres ao preso galego Adrián Mosquera Pazos no cárcere de Mansilla de las Mulas, en León. Para iso, terá que viaxar en coche desde Santiago, 800 quilómetros entre ida e volta, unhas 8 horas conducindo sen case parar, que é o traxecto que teñen que facer todas as semanas familiares e amizades do preso se queren velo, na maioría das ocasións, só 40 minutos, que é o permitido nos locutorios. Coa deste venres, Senra concluirá unha serie de viaxes que a levaron a visitar tamén, nos últimos meses e nas respectivas cadeas nas que estaban, a María Osorio [1] –actualmente xa en liberdade-, Roberto Rodríguez Fiallega [2] –preso no Centro Penitenciario de Dueñas, en Palencia-, Eduardo Vigo [3] –preso no Centro Penitenciario de Ocaña I, en Toledo-, e Carlos Calvo Varela e Raúl Agulleiro Cartoy [4] –presos no Centro Penitenciario de Asturias-. Senra solicitoulle ao Ministerio do Interior realizar estas visitas para poder coñecer de primeira man a situación na que están estes reclusos e experimentar o que significa a dispersión penitenciaria e o afastamento, política que aplica o Estado español con algúns presos a pesar de que a propia UE a condena e recomenda abolila.

“Someter ás familias e amizades ao castigo da dispersión, co gasto e riscos que iso supón, é crueldade pura e é non respectar os dereitos humanos que temos todas as persoas, incluídas, por suposto, as presas”, defende Senra. “E non é unha cuestión que diga eu simplemente, senón que é unha cuestión que defende a UE. Por iso o Estado non debe demorar máis e debe traer para cárceres galegas aos presos galegos, igual que fixo xa ao trasladar a cárceres catalanas aos presos políticos cataláns e igual que fixo xa tamén co achegamento á súa terra dos presos de Altsasu, por exemplo, e que debería facer con todos os presos e presas vascas. Non é un beneficio penitenciario, é un dereito que hai que cumprir si ou si”. Neste sentido, a eurodeputada recórdalle ao Goberno estatal que a finais do 2017, o pleno do Parlamento Europeo aprobou por unha amplia maioría (474 votos a favor, 109 en contra e 34 abstencións), unha Resolución sobre Condicións e Sistemas Penitenciarios[5] cuxo artículo 29 di: “Condena a política penitenciaria de afastamento que aplican algúns Estados membros xa que constitúe un castigo engadido para as familias dos reclusos/as; insta a elaborar medidas que permitan o achegamento de todos os reclusos que estean lonxe dos seus fogares (…); lembra que, segundo o Tribunal Europeo de Dereitos Humanos, recluír a unha persoa nun cárcere situado tan lonxe da súa familia que as visitas sexan moi difíciles ou incluso imposibles pode constituír unha violación do artigo 8 do Convenio Europeo dos Derechos Humanos”. Tamén o artigo 28 da Resolución do Parlamento Europeo di: “Anima aos Estados membro a que garantan que os reclusos manteñen contactos periódicos cos seus familiares e amizades, permitíndolles cumprir as súas penas en centros próximos ao seu domicilio e favorecendo as visitas, as chamadas telefónicas e o uso dos medios de comunicación electrónicos (…)”.

O pasado maio, o Ministerio aseguroulle a Lídia Senra que naquela data o número de internos e internas que tiñan rexistrada provincia de residencia na Galiza e que non se encontran en centros penitenciarios galegos era de 260; e que, sen embargo, as infraestruturas penitenciarias dos penais galegos contan con prazas suficientes para albergar aos internos que solicitan a asignación dun centro de cumprimento aquí. Non obstante, atendendo ao caso de cada unha das persoas que ela visitou nos últimos meses, dase a circunstancia de que todos son presos que cumpriron xa máis da metade da súa condena (algún deles incluso inmerso xa na recta final da mesma), que solicitaron en diferentes ocasións, cada un cando considerou e a través de recursos individuais, o traslado a prisións galegas por razóns humanitarias, e de momento non se produciron os movementos solicitados. Por iso, insta á Secretaría Xeral de Institucións Penitenciarias e ao Ministerio do Interior, responsable destas decisións, a cumprir coas recomendacións europeas e mudar a situación xa.

Chamamento a que todos os deputados/as visiten prisións e reclamen o cumprimento dos DDHH

A eurodeputada anima ademais a todos os cargos públicos e deputados e deputadas non só do Parlamento Europeo, senón tamén no Congreso do Estado español e no Parlamento Galego, a reclamar que se cumpran os dereitos dos presos e das presas e a tramitar a solicitude para poder visitar as prisións e comprobar de primeira man, falando con elas, as vulneracións de dereitos que padecen a diario as persoas privadas de liberdade. “É fundamental que quen ostentamos cargos públicos fagamos este exercicio de visibilización e de denuncia sobre o que pasa coa política penitenciaria no Estado español”, di.

Exixe a fin dos cacheos integrais ilegais e que se autoricen permisos de saída e rebaixa de graos

Neste sentido, Senra reclama tamén que o Estado español estableza mecanismos que impidan dunha vez por todas que nas prisións se continúen a levar a cabo actuacións que van contra a propia legalidade como son os cacheos arbitrarios e inxustificados con espido integral que violan o dereito á intimidade corporal dos presos e presas. En relación a isto, presentou hai unhas semanas un escrito en Bruxelas, dirixido á Comisión Europea [6], no que informade que os funcionarios de prisións someteron ao galego Carlos Calvo Varela a máis de 20 cacheos con desnudo integral nas prisións de Topas (Salamanca) e de Villabona (Asturias), que a Audiencia Nacional declarou nulos e polos que o Estado foi condenado a indemnizar ao preso con máis de 5.000 euros por danos morais. Tamén lle informa de que o galego Eduardo Vigo fue sometido igualmente a numerosos cacheos deste tipo nos últimos anos en prisións de Galiza, Madrid e Toledo, sendo declarados tamén a posteriori ilegais polo tribunal e, en palabras textuais do tribunal, “carentes de motivación, sin identificar finalidade, superar o canon de proporcionalidade, irracionais”. Así, tendo en conta que a Carta dos Dereitos Fundamentais da UE prohibe a tortura e as penas ou tratos inhumanos ou degradantes e atendendo ao artigo 57 da Resolución do Parlamento Europeo 2012/2062 (INI), Senra insta á CE a pronunciarse sobre os rexistros corporais nas prisións e adoptar medidas para que o Estado erradique de verdade estas actuacións, vendo que nin as sentenzas xudiciais nin as multas á Administración logran que o persoal das cadeas deixe de levalas a cabo.

A europarlamentaria tamén reclama que se revisen os grados penitenciarios nos que están clasificados os presos que visitou e o réxime no que se atopan, pois algúns deles como Eduardo Vigo ou Roberto Rodríguez aínda permanecen en primeiro grado e en situacións de practicamente illamento, con moitas horas encerrados na cela. Tamén pide que se concedan permisos penitenciarios de saída a quen así o soliciten, como é o caso de Carlos Calvo e de Raúl Agulleiro, como fórmula previa á liberdade e de cara a humanizar o proceso definitivo de regreso á vida exterior. Neste sentido, lembra que a citada Resolución do Parlamento Europeo tamén solicita, no seu artigo 60, que os Estados “favorezan as políticas de reinserción dos reclusos na vida civil, en particular de aquelas destinadas a eliminar as barreiras estruturais que impiden a reinserción dos antigos reclusos na sociedade, e elaboren políticas de seguimento e revisión das penas, apostando por fórmulas nas que os reclusos pasen da vida no cárcere á vida fora do cárcere de maneira gradual”.

Unha vez pase mañá e Senra conclúa con Adrián Mosquera en León esta ronda de visitas carcerarias, a parlamentaria comprométese a seguir traballando a través de todas as vías posibles pola defensa dos dereitos humanos nas prisións do Estado, como veu facendo desde o inicio da lexislatura [7].

Santiago, 25 de outubro de 2018.

Nota.-
[1] Iniciativa levada a cabo tras aquela visita a María Osorio, en marzo do 2018: https://lidiasenra.gal/lidia-senra-insta-ao-estado-espanol-a-abolir-a-dispersion-penitenciaria-como-recomenda-o-parlamento-europeo/

[2] Información sobre aquela visita a Roberto Rodríguez, en agosto do 2018: https://www.facebook.com/LidiaSenraRodriguez/photos/a.501813379923999/1538753156230011/?type=3&theater

[3] Información sobre aquela visita a Eduardo Vigo, en setembro do 2018: https://www.facebook.com/LidiaSenraRodriguez/photos/a.508220409283296/1594879723950687/?type=3&theater

[4] Sobre aquela visita a Carlos Calvo Varela e Raúl Agulleiro, en xuño do 2018: https://www.facebook.com/LidiaSenraRodriguez/photos/a.508220409283296/1472841999487794/?type=3&theater

[5] Resolución do Parlamento Europeo sobre Condicións e Sistemas Penitenciarios: http://www.europarl.europa.eu/sides/getDoc.do?pubRef=-//EP//TEXT+TA+P8-TA-2017-0385+0+DOC+XML+V0//ES

[6] Para acceder ao escrito presentado na Comisión Europea ao respecto dos cacheos ilegais, pinchar aquí: https://lidiasenra.gal/wp-content/uploads/2018/10/PE-cacheos-corporais-a-presos-111018.pdf

[7]- Pregunta rexistrada o 24 de xaneiro do 2018 sobre torturas e malos tratos continuos na prisión de Teixeiro: http://www.europarl.europa.eu/sides/getDoc.do?pubRef=-//EP//TEXT+WQ+E-2018-000385+0+DOC+XML+V0//PT

- Pregunta rexistrada o 30 de novembro do 2017 sobre dificultades da Asociación Concepción Arenal para poder visitar a presos e presas por locutorio: http://www.europarl.europa.eu/sides/getDoc.do?pubRef=-//EP//TEXT+WQ+E-2017-007393+0+DOC+XML+V0//PT

- Pregunta rexistrada o 28 de xuño do 2017 sobre violación dos dereitos do galego Adrián Mosquera Pazos no penal de León: http://www.europarl.europa.eu/sides/getDoc.do?pubRef=-//EP//TEXT+WQ+E-2017-004300+0+DOC+XML+V0//PT

- Pregunta rexistrada o 30 de setembro do 2016 sobre boas prácticas e supervisión de detención nos Estados membros: http://www.europarl.europa.eu/sides/getDoc.do?pubRef=-%2f%2fEP%2f%2fTEXT%2bWQ%2bE-2016-007388%2b0%2bDOC%2bXML%2bV0%2f%2fES&language=ES

- Pregunta rexistrada o 7 de xuño do 2016 sobre dispersión penitencaria aplicada a independentistas galegos no Estado español: http://www.europarl.europa.eu/sides/getDoc.do?pubRef=-//EP//TEXT+WQ+E-2016-004688+0+DOC+XML+V0//PT

- Pregunta rexistrada o 7 de xuño do 2016 sobre a situación na que se atopaba o preso galego Raúl Agulleiro Cartoy, daquela en réxime de illamento no penal de Estremera: http://www.europarl.europa.eu/sides/getDoc.do?pubRef=-%2f%2fEP%2f%2fTEXT%2bWQ%2bE-2016-004687%2b0%2bDOC%2bXML%2bV0%2f%2fES&language=ES

-Pregunta rexistrada o 7 de xuño do 2016 sobre o réxime FIES no Estado español: http://www.europarl.europa.eu/sides/getDoc.do?pubRef=-%2f%2fEP%2f%2fTEXT%2bWQ%2bE-2016-004686%2b0%2bDOC%2bXML%2bV0%2f%2fES&language=ES

- Pregunta rexistrada o 30 de maio do 2016 sobre torturas e malos tratos no centro penitenciario galego de Teixeiro: http://www.europarl.europa.eu/sides/getDoc.do?pubRef=-%2f%2fEP%2f%2fTEXT%2bWQ%2bE-2016-004302%2b0%2bDOC%2bXML%2bV0%2f%2fES&language=ES

- Pregunta rexistrada o 11 de xuño do 2015 sobre a situación do daquela preso galego Antón Santos, vítima de malos tratos na prisión de Dueñas (Palencia): http://www.europarl.europa.eu/sides/getDoc.do?pubRef=-//EP//TEXT+WQ+E-2015-009457+0+DOC+XML+V0//PT

Lídia Senra, eurodeputada galega, integrada no Grupo Confederal da Esquerda Unitaria Europea/Esquerda Verde Nórdica (GUE/NGL). | Tlf: 609 845 861, lidia.senra@europarl.europa.eu
http://lidiasenra.gal/
https://www.facebook.com/LidiaSenraRodriguez

Enviado por:
AGEe Europa
-ageeneuropa@gmail.com-
25 de outubro de 2018 12:39
________________

Os días 2 e 3 de novembro os 12 rapeiros do colectivo La Insurgencia musical serán xulgados na Audiencia Nacional - En Vigo a Asemblea Aberta de Coia convoca un peche solidario o sábado 28 de outubro - Denuncian que é un caso máis de represión por parte do Estado contra os artistas e a liberdade de expresión

A Asemblea Aberta de Coia convoca un peche solidario o sábado 28 de outubro de 12:00 a 00:00 nos locais da parroquia do Cristo da Vitoria (Coia - Vigo). Pechámonos, como o fixemos a comezos de ano, para amosar o noso apoio e agarimo á rapazada de “La Insurgencia” que por facer cancións corre o risco de seren duramente reprimidos.

Os días 2 e 3 de novembro os 12 rapeiros deste colectivo musical serán xulgados na Audiencia Nacional. A petición para cada un deles é de: 2 anos e 1 día de cadea, 4.800 euros de multa e 9 anos de inhabilitación para cargo público.

Para demostrar, de novo, que en común podemos facerlle fronte á represión convidamos a participar nas actividades organizadas:

12:00 - Presentación do peche e rolda de prensa
12:30 – Recital de poesía
14:00 - Xantar compartido
16:30 – Obradoiros
18:30 – Proxección e coloquio sobre o caso de “La Insurgencia”
20:30 – Cea (venta de choripán e perritos)
21:30 – Micro aberto poesía e música
22:00 – Concerto “La Insurgencia”

Durante todo o día haberá exposición de fotografías e mercadillo solidario.

Xuntas pola liberdade de expresión! Fronte á represión, VIDA!

Evento no facebook

Asemblea Aberta de Coia
nonarotonda@gmail.com  |  @AsembleaDeCoia  |  facebook.com/asembleaabertacoia

La Insurgencia é un colectivo musical que pretende fomentar o internacionalismo, difundir e expandir a cultura revolucionaria, e elevar o nivel de conciencia das masas traballadoras. Os insurxentes son: Dmente C (Mexico), Gorka (España), iNessa (España), Komu (España), Leszno (España), Naimad B (Colombia), Oliver Botana (Rep. Dominicana), Pipe Díaz (España), Rapdikal (Ecuador) e Shahid (España). Si alguén está interesado en colaborar ou calquera outra consulta, pode contactar connosco en: somoslainsurgencia@gmail.com ¡Saúde e Revolución!

La insurgencia: Youtube | Twitter | Facebook.

Enviado por:
Asemblea Aberta Coia
-nonarotonda@gmail.com-
22 de outubro de 2017 10:47
__________________

A policía identifica e retén 4 persoas en Ferrol por anunciar a manifestación do 30S en Compostela a favor do referendo, onde o pobo catalán exercerá o lexítimo direito a decidir o seu futuro

Catro persoas foron identificadas e retidas no bairro da Magdalena de Ferrol por axentes da policía española por facer propaganda da manifestación que este sábado, 30 de setembro, terá lugar en Compostela na defensa do referendo. Segundo informa a Fundaçom Artábria –da que fan parte como socias estas catro persoas-, o “amplo dispositivo da policía española” chegou a ameazar nun primeiro momento con requisar o material que anunciaba a mobilización. “Finalmente desistiron depois de 20 minutos de retención ilegal cando non atoparon a palabra 'referendo' no cartaz”, afirman.

As catro persoas estiveron detidas por volta de 20 minutos, nuns feitos que tiveron lugar na tarde noite desta terza feira. Desde Artábria, que integra a Plataforma Galiza con Catalunya, reafirman perante estes feitos: “manifestamos o noso apoio ao referendo do 1 de outubro, onde o pobo catalán exercerá o lexítimo direito a decidir o seu futuro”.

A Fundaçom Artábria informa que estiveron retidos 20 minutos e que os axentes ameazaron nun primeiro momento con lles requisar o material que anunciaba a mobilización deste sábado en Compostela (Praza da Alameda, 12 horas) na defensa do 1-O.

Publicado no Sermos Galiza. | 27 Setembro 2017 13:30 h.

Sitio da Plataforma Galiza con Catalunya:
http://galizaconcatalunya.blogspot.com.es/
____________

De que vai a obra pola que os titiriteiros están no cárcere?, ... José Durán Rodríguez

De que vai a obra pola que os titiriteros están no cárcere?

'A bruxa e don Cristóbal', a obra que interpretaban os titiriteros cando foron detidos, entronca coa tradición dos títeres de cachiporra e recupera a un personaxe clásico, don Cristóbal Polichinela. Fronte a el, opoñen á bruxa.

Pouco podían imaxinar os dous integrantes da compañía Títeres desde Abajo encarcelados tralo auto do xuíz Moreno que lles acusa de enaltecimento do terrorismo o proféticas que ían resultar as palabras que escribiron o 15 de decembro de 2015 no blog que abriron para explicar o seu último proxecto, a obra "La bruja e don Cristóbal".

Na entrada dese día, podíase ler achega de don Cristóbal que "os titiriteros, fai unhas décadas, deixaron de utilizar ao personaxe pero non fai falta mirar lonxe para atopar o rastro do seu ADN no violento absurdo no que nos obrigan a vivir hoxe día. Basta con acender un intre o televisor".

Eles, segundo explicaban no blog, pretenden recuperar con esta obra a dous personaxes reinventados da cultura popular, a bruxa e don Cristóbal, herdeiro do Polichinela da Comedia da Arte. "Será un espectáculo que entronca coa tradición europea dos polichinelas: títeres de luva, retablo, cachiporra, uso da lengüeta, historia sinxela. Nosa protagonista será a bruxa e a súa antagonista, distintos Don Cristobales que aparecen baixo diferentes formas: banqueiro, irmá da caridade, cans gardiáns da orde e a lei, e o xuíz", pódese ler no blog.

O vello don Cristóbal Polichinela -ao que os dous titiriteros cualifican como narigudo, avaricioso, misógino e megalómano- frecuentaba os teatrillos populares da Península Ibérica, "pero desapareceu da escena tras vitoria do Nacional Catolicismo. Contan que é primo irmán do Polichinela da Comedia da Arte, pero na súa versión íbera perdeu o seu carácter máis alegre para converterse nun ser escuro que antepon os seus intereses á vida e a liberdade dos que lle rodean", rememoran os artistas.

"Polichinela nace en Italia sobre o ano 1600, forma parte dunha das figuras da Comedia da Arte, xunto con Arlequín e Pantalone. Hai dous tipos de personaxes, amos e criados. Arlequín e Polichinela son criados, sempre intentan sacar a comida necesaria como sexa, para compensar que os amos páganlles uns salarios míseros", explica a Diagonal Adolfo Ayuso, investigador da historia do teatro de títeres e profesor de secundaria.

"Parte da prensa está facendo nestes momentos a función de don Cristóbal Polichinela pero á inversa, porque nunca atacaba ao débil"

En torno a medio século despois do nacemento do personaxe e as súas representacións con actores de carne e óso, Polichinela pasa a ser representado case exclusivamente por títeres. "Sempre é o que arremete contra os poderes que exercen na sociedade. Penso que parte da prensa está facendo nestes momentos a función de don Cristóbal Polichinela pero á inversa, porque nunca atacaba ao débil. Atacaba ao clero, aos médicos, aos xuíces, á policía, pero nunca ao débil. Neste caso, a prensa está cometendo un erro gravísimo, ocasionado posiblemente pola situación política en España e sobre todo no Concello de Madrid", engade Ayuso.

"É un personaxe ambiguo: alegre e vital pero tamén desagradable e escuro, un personaxe esaxerado que desborda os límites e fai o que quere". Así describe Toni Rumbau, titiritero desde fai máis de 40 anos, a don Cristóbal. "Ás veces foi un personaxe polémico, por estes tintes escuros", recorda Rumbau, quen considera que a prisión preventiva por enaltecimiento do terrorismo é "un disparate absoluto, non ten ningunha explicación. O que fan estes titiriteros é manter unha tradición, a dos títeres de cachiporra, que ten os seus códigos e convenciones, como todos os actos culturais".

"O que fan estes titiriteros é manter unha tradición, a dos títeres de cachiporra, que ten os seus códigos e convenciones, como todos os actos culturais"

Para Ayuso, o que está pasando cos dous artistas é "inconcibible". "Que non se diferencie a ficción da realidade, como están facendo a prensa e o xuíz, como facía Don Quixote, clama ao ceo".

O que conta a historia

A acusación de enaltecimiento de terrorismo obedece a un cartel coa frase 'Gora Alka-ETA' que aparece nun momento dado da obra. "Ese cartel póñeno precisamente para que a bruxa punki que é o seu protagonista poida ser acusada de terrorista na obra. É incrible que acaben no cárcere precisamente por unha denuncia que están facendo", considera Ayuso.

Rumbau apunta ao marco histórico no que se insere unha creación cultural. "Hai que interpretalo sempre desde o contexto no que se crea, neste caso os títeres de cachiporra. Históricamente, os títeres gozaron de moita liberdade, tamén de críticas e ataques, pero había una certa licenza ata cando o teatro estaba prohibido. Si extrapolas unha frase dunha obra e a descontextualizas, como pasou neste caso, pode acabar sendo un alegato ao crime, pero é que ese non era o contexto no que hai que entendela".

Este especialista recorda a outros polichinelas europeos, como o Punch británico, un títere moi disparatado e agresivo que, con todo, chegou a ser representado ante a Familia Real e foi defendido por Charles Dickens. Rumbau tamén cita ao teatro kabuki xaponés, "un melodrama con crimes e atrocidades", e ao teatro de sombras turco, "case pornográfico e de crítica política", como exemplos de interpretacións que comparten algúns trazos cos títeres de cachiporra.

En 1912 Jacinto Benavente estreou no palacio dos Pío de Saboya "As diabluras de Polichinela", tradución dunha obra protagonizada por un punch na que ataca á ama que cativa ao seu fillo, a un boticario, a varios personaxes e acaba aforcando ao verdugo que ía executarlle. "Fíxoo ante unha comunidade de nenos e pícaras aristocráticos e non pasou absolutamente nada", indica Ayuso.

Lorca tamén adaptou o personaxe de Polichinela na obra "El retablillo de don Cristóbal" e a figura de don Cristóbal Polichinela tamén se representou por titiriteiros populares ambulantes nos pobos de Andalucía. Máis aló deste personaxe, o valor satírico das obras de títeres tamén serviu para xerar clásicos da cultura na súa vertente 'seria'. "Val Inclán inspirouse nos títeres populares para o esperpento", sinala Rumbau.

A bruxa nunca gana

A cara crítica da obra de Títeres desde Abajo é moi evidente. Na súa representación, don Cristóbal revive "interpretando diferentes personaxes, diferentes caras dun mesmo espírito. Para simbolizar este feito os policías, o xuíz, o abusador e a monxa están sendo creados co mesmo molde", explicaban na citada entrada do blog o 15 de decembro.

Fronte a el, opoñen á bruxa, que "elixe saberse libre, saírse e cuestionar os seus alicerces: a propiedade privada, o monopolio da forza, a servidume do traballo asalariado, os hábitos de consumo, a perda de soberanía sobre o propio corpo".

Títeres desde Abajo saben perfectamente que unha cousa é a ficción e outra a realidade. Na primeira, pode gañar a bruxa; na segunda case nunca o fai. Así o explicaban eles mesmos no blog. Claro e meridiano: "Na nosa obra, a bruxa practica a autodefensa e liquida aos seus opresores a golpe de cachiporra, pero una das características de Don Cristóbal é a súa inmortalidade, así que os puristas non teñen de que preocuparse, xa que a súa descendencia garantirá a perpetuidade do seu envelenado ADN".

[*] Reportaxe de José Durán Rodríguez, publicado no xornal Diagonal. | 08.02.2016 .
_________

Enlaces relacionados en Diagonal:

• El 'caso titiriteros' en Madrid
• La prensa y Don Cristóbal
• Títeres y titiriteros
• El 'caso titiriteros' en Madrid
• "El auto de prisión preventiva de los titiriteros no analiza si la obra enaltecía el terrorismo"
• La política ciega, o sobre el Ayuntamiento de Madrid
• ¿De qué va la obra por la que los titiriteros están en la cárcel?
• Títeres y titiriteros
• ¿El miedo ha cambiado de bando?
• Un país de cachiporra
• La prensa y Don Cristóbal
• El peor consejero del Ayuntamiento de Madrid: el miedo
• Críticas al Ayuntamiento en las convocatorias de solidaridad con los titiriteros detenidos

__________________

A defensa dos titiriteiros asegura que os pais foron advertidos de "escenas violentas". | Recorre a prisión provisional porque non hai risco de fuga nin de reiteración delituosa: non teñen medios para escapar nin os monicreques lle foron devoltos. | Un dos encarcerados ten unha minusvalía recoñecida pola Xunta de Andalucía do 75%. Publicado en elDiario.| Ir á Web.

Os avogados alegan que non se pode facer apología dunha organización terrorista que non existe, en alusión ao cartel "Gora Alka-ETA"

Enlace ao fragmento do espectáculo de Títeres de abaixo onde se mostra a pancarta Gora Alka-Eta:

https://vimeo.com/154508838

_________________

O xoves día 6 de Marzo terá lugar unha concentración as 18:00 no Mercadona de Canido en Ferrol, contra a represión do sindicalismo na empresa - recollida de sinaturas

CONCENTRACIÓN EN MERCADONA.

Baixo os lemas: "NON A REPRESIÓN SINDICAL EN MERCADONA", e "MERCADONA NON RESPECTA OS DEREITOS E A DIGNIDADE DAS PERSOAS".

O xoves día 6 de Marzo terá lugar unha concentración as 18:00 no Mercadona de Canido en Ferrol.

Xunto a esta acción de protesta continuaremos cunha recollida de sinaturas e unha serie de concentracións diante das tendas de Mercadona da provincia de A Coruña.

As sinaturas se están a recoller tanto na rúa coma por internet no seguinte enlace:
https://secure.avaaz.org/es/petition/Mercadona_Firmas_contra_la_represion_sindical_en_Mercadona/?fbdm

SINATURAS CONTRA A REPRESIÓN SINDICAL EN MERCADONA

A intención desta recollida de sinaturas é pedir o apoio e a solidariedade da sociedade na esixencia á dirección de Mercadona de que investigue os casos de represión sindical que tiveron e teñen lugar na provincia da Coruña.

Desde a constitución do comité de empresa de Mercadona na provincia da Coruña os delegados e delegadas que só pretendían realizar o seu labor sindical dentro das tendas de Mercadona foron conscientes de que exercer ese labor non ía ser tarefa fácil. Así se viu xa nos primeiros pequenos conflitos debidos á decisión da dirección da empresa na provincia da Coruña de ignorar completamente o comité como órgano de representación dos traballadores e traballadoras e posteriormente no importante conflito con esta mesma dirección motivado polo despido dun compañeiro afiliado a CC.OO. despois de participar na folga xeral na comarca de Ferrolterra.  Os nosos delegados nunca atoparon un interlocutor disposto a escoitar as demandas dos traballadores e traballadoras, e moito menos a negociar.

Os delegados e delegadas que foron capaces de soportar moi duros momentos e que, a pesar do cansazo, continuaron activos tratando de cumprir coas responsabilidades dos seus cargos foron xa castigados en demasiadas ocasións. Algúns dos castigos foron de índole económica. Así, nos últimos anos fóiselles retirando a chamada prima de beneficios, unha parte ben importante do salario. CC.OO. entende que se deriva de que a empresa pensa que estes empregados, debido ó seu labor sindical, xa non saben facer o seu traballo.

Claro exemplo disto que acabamos de dicir é o feito de que os sete delegados suspensos este ano son os únicos que quedan realmente activos dun comité de dezasete. Entre eles figura o presidente do comité de empresa, sindicalista militante, que por ter participado, como é o seu deber, en todas as protestas en defensa dos seus compañeiros e compañeiras e por ter sido testemuña dos seus compañeiros en tres xuízos durante o pasado ano, o día 31 de decembro, antes de ir a cenar con a súa familia, comunicóuselle que ía ser o único traballador no seu centro de traballo que non ía cobrar o citado complemento salarial. É evidente que se trata dun castigo que pretende ser “exemplarizante” para que, a poucos meses das eleccións sindicais en Mercadona, todos e todas as traballadoras da empresa tomen nota; supón, ademais, un intento de menoscabar a moral dunha persoa sempre combativa.

Enviado por:
Ferrol Esquerda Unida
-eu-ferrolterra@esquerdaunida.org-
3 de março de 2014 17:34
Boas. Enviámosvos a convocatoria que os compañeiros/as de Mercadona nos fan chegar xunto co seu chamamento á mobilización para o vindeiro xoves 6 de marzo. Acompañamos o convite co documento que enviamos  adxunto onde se da conta do conflito e se explica a campaña. Grazas e un saúdo, Suso Basterrechea. Coordinador Local.
http://www.esquerdaunida.org/ferrol.html
___________

Apresentado comunicado coletivo de urgência contra a brutalidade repressiva do Estado e concentraçons nas principais cidades

Difussom das respostas solidarias ante a sentenza da Audiência Nacional.

Solicitamos máxima difussom para às convocatorias de hoje e o comunicado conjunto apresentado pola manhám e para o comunicado do Organismo Popular Anti-repressivo Ceivar.


Comunicado Conxunto
Contra a brutalidade represiva do Estado
Pola soberanía nacional de Galiza

Os colectivos, organizacións políticas, asociacións ecoloxistas, feministas, xuvenís e culturais e sindicatos abaixo asinantes, ante a sentenza ditada pola Audiencia Nacional de España contra catro independentistas galeg@s, queremos facer pública ante a sociedade galega a seguinte declaración de urxencia:

1º Rechazamos a brutalidade represiva do Estado español que se evidencia na sentenza ditada onte contra catro independentistas galeg@s. Condenalos a penas de 10 e 18 anos de prisión é unha barbaridade represiva dun punto de vista democrático perpetrada por un tribunal que carece das máis mínimas garantías xurídicas esixíbeis e realiza xuízos políticos. É significativa esta contundencia penal contra quen defenden un lexítimo ideario político, mentres ladróns de garavata, corruptos, saqueadores do erario público, incendiarios organizados, etc. campan ás súas anchas.

2º A creación xurídica, por parte da Audiencia Nacional, dunha suposta “organización terrorista” a operar en Galiza é, en mans dun Estado obsesionado coa súa propia “integridade territorial” e coa criminalización e persecución dos procesos soberanistas, un instrumento represivo de primeira orde que levanta a veda para criminalizar e penalizar organizacións sociais e políticas de signo nacionalista, contradí as explicacións dadas polas persoas condenadas durante o xuízo e é contraria ao sentir absolutamente maioritario da sociedade galega. Con esta sentenza, encontrámonos ante a importación para Galiza da antidemocrática Ley de Partidos.

3º Valoramos que esta sentenza, que evidencia o trunfo das teses mais regresivas para unha abordaxe en termos penais e policiais das posicións soberanistas, é unha sentenza política e pretende abrir as portas para a criminalización das persoas e organizacións que reivindicamos lexitimamente a soberanía nacional do noso país e a solidariedade coas persoas presas.

4º Chamamos á sociedade galega a concentrarse hoxe ás 20:00 h. en rexime de auto-convocatoria nas vilas e cidades do noso país para expresar o noso rechazo frontal a este salto cualitativo que, coa sentenza de Madrid, acaba de dar a represión política. Hoxe, a solidariedade, por riba de siglas e de diferencias políticas e ideolóxicas, é unha obriga de calquer demócrata frente a un Estado corrupto e antidemocrático que avanza nun proceso constante de fascistización. Neste sentido, animamos á sociedade galega a estar pendente das próximas convocatorias solidarias que se realizarán.

Galiza, a 13 de setembro de 2013

Anova Irmandade Nacionalista
Adiante
Agrupaçom de Montanha Aguas Limpas (AMAL)
Assembleia da Mocidade Independentista (AMI)
Bloque Nacionalista Galego (BNG)
Briga
Candidatura do Povo
Causa Galiza
Ceivar Organismo Popular Anti-repressivo
Central Unitaria de Traballaras/es (CUT)
Confederación Intersindical Galega (CIG)
Confederación Nacional do traballo -Compostela (CNT-compostela)
Comités
Esquerda Unida (EU)
Federación Rural Galega (FRUGA)
Frente Popular Galega (FPG)
Galiza Nova
Isca!
Liga Estudantil Galega (LEG)
Mulheres Galegas em Resistência (MUGRE)
Movimento Galego ao Socialismo (MGS)
Nós - Unidade Popular (Nós-up)
Partido Comunista do Povo Galego (PCPG)
Que voltem para a casa!
Silveira

Mobilizaçom em regime de auto-convocatoria

Com este formato, que prima o "mínimo comum denominador" das pessoas e organizaçons que estamos frente à iniciativa repressiva do Estado espanhol e a deriva involutiva que desenha a recente sentença, auto-convocárom-se  nas principais cidades galegas concentraçons em solidariedade com os retaliados e retaliadas para denunciar a eventual importaçom para a Galiza de desenhos repressivos derivados da 'Ley de Partidos'.

Estas som as convocatórias para as que rogamos a máxima difusom e participaçom:

FERROL. Praça Amada Garcia às 21:00 h.
PONTE VEDRA. Praça da Peregrina às 20:30 h.
COMPOSTELA. Praça da Galiza às 20:00h
CRUNHA. Rua Barcelona esquina Mercado das Cunchinhas às 20:00 h. 
LUGO. Praça Maior às 20:30h.
OURENSE. Jardins do Padre Feijoó às 20:00h.
VIGO. MARCO (rua do Príncipe) ás 20:00 h.

Comunicado do Organismo Popular Anti-repressivo Ceivar

Ceivar denuncia a abertura dumha nova fase na repressom contra o independentismo e convoca à solidariedade ativa

Ante a publicaçom nos meios de comunicaçom da sentença da Audiencia Nacional contra quatro independentistas galegos, o organismo popular anti-repressivo Ceivar quer manifestar as seguintes questons e compartilhá-las como reflexom com o conjunto da sociedade galega:

1ª Confirmou-se, de novo, a posiçom exprimida publicamente por Ceivar no sentido de que o juízo que se celebrou em Madrid entre os dias 24 e 27 era um juízo politico. A nível jurídico-formal, o juíz Alfonso Guevara vulnerou o direito à defesa dos acusados, convertindo em “provas periciais” informes políticos de inteligência, expulsando da sala os peritos da defesa, impedindo a contradiçom entre as provas apresentadas, interrompendo constantemente os letrados da defesa e admitindo na sentença o seu desconhecimento da realidade galega ao riscar de “inverossímeis” (sic) factos comuns no nosso país.

2ª Por outra parte, e isto é ainda mais grave, o tribunal de exceçom partiu, em todo momento, da premissa nunca demonstrada de que neste país age umha “organizaçom terrorista” e de que, “portanto”, @s quatro independentistas processad@s faziam parte da mesma. A sentença em nengum momento provou esta premissa que estava fixada antes do início do processo.

3ª Destacamos a absoluta desproporçom das condenas impostas aos quatro independentistas –de 10 e de 18 anos-, engrossadas seriamente pola acusaçom de “pertença a banda armada”, que é a que possibilita estas penas apesar de que nom se demonstrou, como recolhe o auto, a participaçom dos processados em nengumha açom ilegal que sustente tal rigor punitivo.

4ª A criaçom jurídica nas salas da Audiencia Nacional dumha “organizaçom terrorista” supom um gravíssimo salto qualitativo na prática da repressom política sobre o independentismo galego, porquanto abre as portas à criminalizaçom e persecuçom de organizaçons e militantes independentistas que, à vista do poder demonstrado polo Ministerio de Interior e os corpos policiais sobre o tribunal, que evidencia a inexistência de separaçom de poderes, podem ser encausados no futuro em “tramas” e “organigramas” desenhados à vontade e à medida do Governo espanhol.

5ª Ante este novo cenário, que implica longas condenas de prisom e dispersom para nacionalistas galegos, entendemos que o conjunto do campo soberanista, e os sectores realmente democráticos da sociedade galega, devemos construir umha permanente guarda-chuvas solidário que permita socializar a realidade da repressom política e arroupar os retaliados e retaliadas.

6ª Queremos enviar desde aqui um forte e caloroso abraço para @s quatro independentistas condenad@s e para as suas famílias ante o longo caminho de luita e dignidade que agora se abre para eles, que será a continuidade dum compromisso de amor por este país e pola sua gente por todas e todos conhecido e reconhecido. Que saibam, presos, familiares e amigas, que contarám com o nosso carinho e apoio incondicional, assim como com o de amplos sectores da nossa sociedade, como se evidenciou nesta manhá na conferência de imprensa unitária celebrada no centro social O Pichel.

Defender a Terra nom é delito!

Solidariedade Galega frente à repressom política!

CEIVAR, organismo popular anti-repressivo
Sede nacional Costa nova de arriba. Local 2. Edifício 3. Baixo
15704-Compostela
GALIZA
ceivar@ceivar.org
www.ceivar.org

Enviado por:
ceivar@ceivar.org
-ceivar@ceivar.org-
13 de setembro de 2013 16:21
__________________

Documentaçom:

Sentença: AUD.NACIONAL SALA PENAL SECCION 3 | MADRID | SENTENCIA: 00024/2013 | AUDIENCIA NACIONAL SALA DE LO PENAL SECCIÓN 003| ROLLO DE SALA: SUMARIO (PRC.ORDINARIO) 0000001 /2012 | PROCEDIMIENTO DE ORIGEN: SUMARIO (PROC.ORDINARIO) 0000002/2012 | ÓRGANO DE ORIGEN: JUZGADO CENTRAL INSTRUCCIÓN nº: 006 | SENTENCIA NUM 24/2013 | PRESIDENTE / Ilmo. D. FELIX ALFONSO GUEVARA MARCOS | MAGISTRADOS Ilmos. Sres. D.Guillermo Ruiz Polanco, D. Antonio Diaz Delgado | 12.09.2013 [Acceder].

A notícia nos médios convencionais através de Google Notícias [Acceder].

_____________________

Ceivar chama a participar maciçamente na ‘VI Cadeia Humana pola Liberdade d@s Pres@s Independentistas’ frente ao clima de excecionalidade

A Cadeia Humana pola Liberdade dos Presos e Presas Independentistas é o ato anual em que reivindicamos a repatriaçom dos independentistas galegos presos e presas, a suspensom das estratégias de extermínio carcerário e a liberdade de quem se encontram presas e desterradas por participarem no processo de liberaçom nacional e social deste país. Esta sexta ediçom do ato anual de solidariedade nacional com os retaliados celebra-se num clima que a todos os efeitos é de exceçom.

Esta excecionalidade deriva de vários factores. Por umha parte, a crise do Estado, que se encaminha face umha Segunda Transición que deverám enfrontar os sectores independentistas. Por outra, os novos tempos no campo soberanista, com alianças e unidades de açom em curso que afetárom também o campo da solidariedade anti-repressiva e, por último, o processo que a Audiencia Nacional espanhola tem aberto contra o independentismo.

Fontes fiáveis anunciam que este tribunal poderia emitir a sentença do juízo-farsa celebrado entre os dias 24 e 27 de junho na véspera do Dia da Pátria, ou no dia nacional, desvelando mais umha vez o seu carácter político. De Ceivar queremos chamar à tranquilidade e à firmeza na solidariedade com os e as retaliadas políticas. Seja qual for a decisom espanhola para condicionar o movimento independentista e as alianças soberanistas para a rutura democrática, é necessário seguir na luita e no trabalho social e político diários com firmeza e persistência.

A Cadeia Humana é um ponto de encontro contra a repressom

Seria insustentável negar a gravidade da decisom deste tribunal orientado por forças de extrema direita. Do mesmo modo que é evidente que, com a oligarquia espanhola imersa num processo de espólio geral contra a maioria social galega, som a cada mais os sectores sociais criminalizados e envolvidos na repressom, esta também vai experimentar saltos qualitativos contra o independentismo galego. Os paradigmas de outras latitudes, com as suas prováveis adequaçons ao processo galego, som avondo conhecidos como para explicar de que falamos.

Tratada desde 2008 pola Delegación del Gobierno de España desde parámetros de criminalizaçom e ocupaçom e pressom policial, embora foi sempre um ato "autorizado", a Cadeia Humana denuncia umha repressom muito específica –a que suportam os independentistas galegos e galegas presas e dispersadas- e reivindica a sua liberdade, mas consolidou-se como um ato muito mais amplo de denúncia e encontro de todas as sensibilidades que neste país luitam contra a repressom e a ausência de democracia.

A cita deste ano é no 24 de Julho às 18:00 h. na Praça da Galiza de Compostela. Fazemos um chamamento apoiar e participar neste ato pola liberdade d@s pres@s independentistas galeg@s a todos os sectores nacionalistas, soberanistas e independentistas e, em geral, a todas as galegas e galegos comprometidos com a defesa dos direitos humanos e a consecuçom de liberdades democráticas* plenas para o nosso povo.

*[O acto está comunicado devidamente a subdelegaçom do governo mas a polícia espanhola tem por costume identificar arbitrariamente algumhas pessoas com o único objetivo de criminalizar o acto tentando transmitir sensaçom de inseguridade, é por isto que recomendamos levar o cartom de identidade].

NENGUMHA AGRESSOM SEM RESPOSTA!!
LIBERDADE PATRIOTAS GALEG@S!!
STOP REPRESSOM ESPANHOLA!!
ADIANTE A LUITA INDEPENDENTISTA!!

CEIVAR, organismo popular anti-repressivo
Sede nacional Costa nova de arriba. Local 2. Edifício 3. Baixo
15704-Compostela
GALIZA
ceivar@ceivar.org
www.ceivar.org

Enviado por:
ceivar@ceivar.org
-ceivar@ceivar.org-
17 de julho de 2013 22:56
___________________

Terrorismo é... Manifesto Cidadán

Terrorismo é...

Recolhemos da página de GalizaContrainfo dous vídeos cuja temática é a denúncia do juízo político do 24 e 25 de Junho a quatro militantes independentistas na Audiencia Nacional. Animamos a vê-los e difundi-los:

[Vídeo] terrorismo_e
[Vídeo] o_que_nom_vam_contar

PORQUE TERRORISMO É
... que o Estado se apodere dos corpos das mulheres
... que nos obriguem a emigrar para atopar trabalho
... que destruam e envelenem a nossa terra
... ficar sem teito havendo miles de casas desabitadas
... que os bancos que roubam á gente recibam os quartos do Estado
... que che restem direitos por ser imigrante
... que se reduzam salários e aumentem as horas de trabalho baixo amenaza de despedimento
... a imposiçom dum único modelo de sexualidade
... privatizar, mercantilizar e espanholizar o nosso ensino
... que unha criança galega tenha vergonha de falar a língua da sua terra
... nom ter a soberania do nosso
... a impunidade dos políticos corruptos
... passar toda a vida trabalhando e nom chegar a fim de mês
... a violência, o controlo social e a tortura dos corpos policiais
... nom ter perspetivas de futuro
... que o Estado se apodere das palavras
... EMPREGAR OS MEIOS PÚBLICOS DO ESTADO PARA REPRIMIR E CRIMINALIZAR OS MOVIMENTOS SOCIAIS

CEIVAR, organismo popular anti-repressivo
Sede nacional Costa nova de arriba. Local 2. Edifício 3. Baixo
15704-Compostela
GALIZA
ceivar@ceivar.org
www.ceivar.org

Enviado por:
ceivar@ceivar.org
-ceivar@ceivar.org-
22 de junho de 2013 23:25
____________

Manifesto Cidadán de Solidariedade cos independentistas xulgados en Madrid

Os axentes sociais, sindicais e políticos que asinamos esta declaración queremos transmitir á sociedade galega, á vista do xuízo de catro independentistas galegas a celebrar na Audiencia Nacional de Madrid os próximos dias 24 e 25 de xuño, as seguintes cuestións que provocan en nós profunda preocupación e consideramos da máxima importancia:

1ª Denunciamos a excepcionalidade xurídica a que están sometidos os cidadáns galegos Eduardo Vigo Domínguez, Roberto Rodrigues Fialhega e Antom Santos Peres, presos sen se celebrar o seu xuízo desde hai ano e medio e dispersados a centos de quilómetros dos seus lugares de residencia nun incumprimento flagrante da lexislación e dos convenios e acordos internacionais asinados polo Estado español nesta materia que refliten, con absoluta claridade, que nengún preso ou presa pode permanecer encarcerado lonxe do seu lugar de residencia e contorna social.

2ª Queremos expresar a nosa solidariedade e afecto aos familiares dos independentistas presos e denunciar a extorsión económica á que son sometidos como resultado da dispersión penitenciaria, que se traduce nun gasto semanal insustentábel para desprazarse a prisións situadas a centos de quilómetros e poder visitar, durante só 45 minutos, os seus seres queridos. Alén desta extorsión, sumemos o esgotamento físico e o risco de acidente en estradas durante meses e anos e comprenderemos que esta situación, alén de ilegal, é inhumana.

3º Preocúpanos o intenso impulso político que adiviñamos neste xuízo, con peticións que alcanzan 64 anos de cárcere para os catro independentistas xulgados e a certeza de que, como tribunal de excepción que é, a Audiencia Nacional responde a directrices políticas e carece das mínimas garantías xurídicas esixíbeis, como xa denunciaron organizacións de dereitos humanos e instancias internacionais.

4ª A nosa preocupación alcanza o cénit ante a posibilidade de que este tribunal ditamine nese xuízo a existencia dunha “organización terrorista” en Galiza da que supostamente farían parte os procesados e a procesada Maria Ossório. Esta é, de feito, xunto ás desorbitadas penas solicitadas, a cuestión esencial a dirimir e a que posibilita semellantes peticións. Valoramos que, a formalización xurídica da existencia desta suposta “organización”é unha estrataxema do Estado para abrir as portas á criminalización do soberanismo, facilitando detencións, ilegalizacións e o agravamento do xa de por si agudo déficit democrático que suportamos.

Neste sentido, chamamos á sociedade a valorar e reivindicar os puntos arriba expostos e a estar alerta ante a eventualidade de que, no que pode ser unha aplicación en Galiza do que se coñece como Dereito Penal do Inimigo, o xuízo dos días 24 e 25 de pé a unha volta de porca na represión política contra a ideoloxía e as organizacións soberanistas e independentistas que sería de todo punto de vista antidemocrática e inaceptábel.

Adiante, Agir, Assembleia da Mocidade Independentista (AMI), Briga, Causa Galiza, Causa Obreira, Ceivar, CIG-Servizos, CNT-Compostela, Coletivo Nacionalista de Marin (CNM), Comités, Conas Ceives, Central unitaria de traballadoras/es (CUT), C.S Aturuxo, C.S Gentalha do Pichel, C.S. Mádia Leva!, C.S O Fuscalho, C.S. Revira, C.S. Sem Um Cam, C.S. Xebra!, Federación Rural Galega (Fruga), Frente Popular Galega (FPG), Fundaçom Artábria, GalizaLivre, Galiza Nova, Isca!, Liga Estudantil Galega (LEG), Mulheres Nacionalistas Galegas (MNG), Movemento pola Base (MpB), NÓS-Unidade Popular (Nós-up), Partido Comunista do Pobo Galego (PCPG), Organizaçom para a Liberaçom Nacional (OLN), Rede Feminista Galega, Siareiras Galegas, Silveira.

Apoiar manifesto:
https://www.change.org/es/peticiones/povo-galego-solidariedade-com-pres-s-independentistas
________________

Manifestaçom Nacional solidária com @s independentistas Edu, Teto, Maria e Antom

No sábado 15 de Junho, o Organismo Anti-repressivo Ceivar convoca umha manifestaçom nacional na Alameda de Compostela às 19h em apoio e solidária com Maria Osório, Antom Santos, Eduardo Vigo e Roberto Rodrigues, os quatro militantes independentistas que vam ser julgados na Audiência Nacional o 24 e 25 deste mesmo mês e que enfrentam umha petiçom de 64 anos de prisom.

A explicaçom a estas petiçons desorbitadas para pessoas que nom tenhem atuado contra a vida, a saúde ou a integridade de ninguém, encontra-se num Estado Espanhol instável e ameaçado por natureza, que protege com muito maior rigor a sua integridade e o seu ordenamento jurídico-político do que os direitos e a liberdade das pessoas e dos povos. É por isto que o do 24 e 25 de Junho é mais um processo de caráter nitidamente político.

Eduardo Vigo, Teto Fialhega, Antom Santos e Maria Osório som quatro militantes independentistas exemplares, trabalhadores infatigáveis em favor das mais variadas causas políticas, sociais e culturais, galegos bons e generosos ao serviço do seu povo, em quem o Estado quer descarregar a sua impotência ante a incapacidade de fazer-se respeitar. Um exemplo perigoso para umha Espanha em profunda crise económica, política e social, e que na lógica repressiva do Estado merece ser castigado com mais severidade que o assassinato ou a violaçom.

Ante a pretensom do Estado de julgar na Audiência Nacional a Galiza que responde, desde Ceivar  encorajamos as pessoas e coletivos solidários a apoiar, participar e difundir esta

manifestaçom nacional solidária com Edu, Teto, Maria e Antom.

CEIVAR, organismo popular anti-repressivo
Sede nacional Costa nova de arriba. Local 2. Edifício 3. Baixo
15704-Compostela
GALIZA
ceivar@ceivar.org
www.ceivar.org

Enviado por:
ceivar@ceivar.org
-ceivar@ceivar.org-
12 de junho de 2013 12:45
______________

Silvia, arma de guerra? ... Por Lupe Ces

Por Lupe Ces [*]
30.10.2012

Quem me conhece sabe da minha posiçom radical contra o uso da violência como arma política. Posiçom que vem, nom só dumha reflexom política, um enraizamento da cultura da paz na minha vida, e um compromisso ético, senom também dumha dura experiência pessoal. Em muitos foros tenho denunciado a irresponsabilidade e veemência, por nom dizer demência, das pessoas responsáveis de certos posicionamentos políticos enfermiços que tenhem a violência como principio e fim, carregando geraçom tras geraçom a un bo feixe de moços e moças, que amam o país que habitam, tras os muros das prisons.

A detençom de duas pessoas em Ferrol, Júlio Saians e Silvia Casal, moi conhecidos entre os círculos culturais, nacionalistas e independentistas da cidade, obriga-me a premer as teclas do computador para pôr terra por medio, nom coas pessoas detidas, senom para afastar-me e condear a operaçom policial que se desenvolveu na nossa cidade.

Desde as pessoas que lhes som próximas, chega o relato da vulneraçom dos seus direitos. Ilhamento, traslado a centos de quilómetros da sua casa, manipulaçom da sua imagem pública nos médios de comunicaçom, vulneraçom do direito à presunçom de inocência... e todo por umhas acusaçons que o proprio Ministerio do Interior na súa pagina web, apenas é quem de redactar.

Hai ademais um bebê de oito meses que é separado da sua nai lactante. E é o caso de Silvia, onde mais claramente se manifesta a desproporçom da acçom policial. Na Marcha Mundial das Mulheres, temos escoitado muitas vezes o relato de mulheres dos cinco continentes, de como foram usadas como arma de guerra contra a sua família e às suas comunidades.

Na página do Ministério de Interior, onde se informa da sua detençom, nom se sinalam acusaçons contra ela. Perguntemo-nos pois para que é útil a detençom de Silvia. Perguntemo-nos pois que leis permitem separar a um bebê lactante da sua nai. Perguntemo-nos pola necessidade de traslada-la a centos de quilómetros da sua casa. Perguntemo-nos a quem beneficia utilizar a vulnerabilidade dumha nai ante a separaçom do seu bebê.

O Ministerio do Interior equivoca-se se pensa que as pessoas que nom admitimos a violência na praxis política, social ou privada, imos tolera-la na actuaçom policial. A vulneraçom dos direitos humanos por parte do estado, cobra perverso valor ante a impotência e indefensom que crea na cidadania que devera proteger. Eis a minha denúncia e o meu compromisso.

[*] Lupe Ces Rioboo -Caranza Ferrol 1953, é mestra, activista social, integrante da Marcha Mundial das Mulleres. Forma parte do Colectivo Ártabra 21.

Blogue persoal: Caranza free opiniom
___________

Detidos, a noite pasada, dúas persoas activistas do movimento social e cultural da Comarca - Un numeroso grupo de persoas, compañeir@s e amig@s, procupados pola sitiuación e á incomunicación á que están sometidos, permanece frente as portas da comisaria agardando ter novas da compañeira e compañeiro detidos

O Comité de Dereitos Humanos de Nacións Unidas na súa Observación Xeral Non. 32 dixo:

"IV. Presunción de inocencia

30. De conformidade co parágrafo 2 do artigo 14, toda persoa acusada dun delito ten dereito a que se presuma a súa inocencia mentres non se probe a súa culpabilidade conforme á lei.

A presunción de inocencia, que é fundamental para a protección dos dereitos humanos, impón a carga da proba á acusación, garante que non se presuma a culpabilidade a menos que se demostrou a acusación fóra de toda dúbida razoable, asegura que o acusado teña o beneficio da dúbida, e esixe que as persoas acusadas dun delito sexan tratadas de conformidade con este principio.

Todas as autoridades públicas teñen o deber de absterse de prexulgar os resultados dun xuízo, por exemplo, absténdose de facer comentarios públicos en que se declare a culpabilidade do acusado.

Normalmente, os acusados non deberán levar grilletes ou estar engaiolados durante o xuízo, nin ser presentados ante o tribunal dalgunha outro xeito que dea a entender que podería tratarse de delincuentes perigosos.

Os medios de comunicación deberán evitar expresar opinións prexudiciais á presunción de inocencia.

Ademais, a duración da detención preventiva nunca deberá ser considerada indicativa de culpabilidade nin do grao de esta. A denegación da liberdade baixo fianza ou as conclusións de responsabilidade en procedementos civís non afectan á presunción de inocencia. ". [Fonte]

Varios medios de comunicación nas súas edicións dixitais e impresas, en concreto 'La Voz de Galicia' e 'El País', fan desta obsevación do CDH de NU, 'caso omiso' e condenan á compañeira e compañeiro, ás poucas horas da súa detención, baseando-se tan só nas informacións policiais que teñen un profundo carácter político. Sen ter en conta o valor humano e traxectoria destas dúas persoas, comprometidas e solidarias, independentemente de se teñen ou non algun tipo de relación coas acusacións que se lles imputan.

Remiten-nos unha comunicación para difundir que di:

"Esta mensaxe é para informar, a quen todavía non se teña enteirado, de que hoxe sobre ás 11:00 da noite foron detid@s na súa morada en Sta. Icía (Narón) Xulio e Silvia, coñecid@s ativistas sociais e sindicais. Son ás 10:20 da mañá e hai xente diante da comisaría da Avda. de Vigo en Ferrol agardando ter novas d@s compañeir@s".

Espallade a voz !!!

E o compañeiro Joám Peres Lourenço envia-nos a seguinte nota:

Liberdade para Sílvia e Júlio, companheiros

Conheço Júlio desde que él era um novinho militante da AMI. Rapaz comprometido, inquieto, amante deste país, sempre disposto a dar a cara. A imprensa espanhola, tam veraz sempre, situa-o junto com a sua companheira Sílvia na cúspide dumha rede de financiamento dum suposto "grupo terrorista" que opera para a liberaçom nacional e social da Galiza. A "presunçom de inocência" já foi abolida e El País anuncia que detivérom um "chefe". Seja como for, muit@s de nos nom temos dúvida algumha de que nem Júlio nem Sílvia som "terroristas" e sabemos que qualquer actividade na que se encontrem envolvidos ambos terá sempre no seu cerne o amor por este povo que se resiste a render-se e desaparecer de todos os modos que lhe é possível.

Hoje e amanhá provavelmente se convoquem mobilizaçons e assembleias informativas nas principais cidades do País para dar conta da situaçom de amb@s. Utilizo esta rede de correio para animar à assistência às mesmas com independência do que cada quem poda considerar sobre as acusaçons que ventila a imprensa. A nossa preocupaçom nestes momentos é com a situaçom em que se podem encontrar Sílvia e Júlio sob o terrorífico regime policial da "detençom incomunicada".

Tenham-os onde os tenham, vaia desde aqui o nosso carinho, o nosso reconhecimento e a nossa solidariedade.

JÚLIO E SÍLVIA, LIBERDADE!
DEFENDER A TERRA NOM É DELITO!

Enviado por:
Inacio Martinez
-inaciogz@gmail.com-
30 de outubro de 2012 02:15
30 de outubro de 2012 10:35
___________________