A CIG disposta a manter unha mobilización constante en Mercadona para defender os dereitos e a dignidade das traballadoras e traballadores

Continúa a campaña de mobilizacións da CIG en MERCADONA na Provincia de A Coruña.

Nestes días estamos a recibir mensaxes de apoio e tamén testemuñas de traballadores e extraballadores de Mercadona de todo o Estado español que testemuñan que o que pasa na Provincia de A Coruña non é unha excepción. A diferenza é que en A Coruña está a CIG defendendo os dereitos e os intereses das traballadoras e traballadores, mentres no resto do Estado  atópanse orfos de sindicato como tal á salvedade de con ELA, Osta… e contadas excepcións máis, atópanse nin máis nin menos que vendidos.

Como mostra un convenio asinado en Valencia por CCOO e UGT feito “a medida” dos intereses desta Empresa, cunha redacción que deixa aos traballadores practicamente indefensos, e con puntos que atentan tan chamativamente contra:

✔ a conciliación familiar (unha quimera en Mercadona).

✔ o dereito básico a enfermar (prohibición non escrirta de caer enfermo en Mercadona: non temos realmente complementado o salario en situación de baixa por I.T. pois o retiran como, cando e a quen lles vén en gana).

✔ chantaxes económicos salientables en canto á mal chamada prima de beneficios que non é tal, pois funciona como o "pao e a cenoura" e que baséase nun exame ou valoración dxs traballadorxs tan subxectiva como inxusta, e que na práctica serve como ferramenta de castigo a aqueles traballadores que se atreven a esixir os seus dereitos laborais.

✔ ou medidas medievais non escritas, como obrigar a tapar tatuaxes con vendas ou tiritas con a escusa de manter unha boa imaxe, cando a sociedade xa fai moito que os ten normalizado e a imaxe que dan os traballadores con vendas nos brazos ou tiritas no pescozo ao noso entender e bastante peor que calquera tatuaxe.

Dende a Sección Sindical da CIG vémonos na obriga de dar resposta na rúa para denunciar a política de medo e represión que padecemos as/os traballadoras/es en Mercadona.

Baixo o lema de que "TEÑEN QUE MORRER OS ABUSOS DE PODER", dende a CIG poñemos branco sobre negro á realidade do que supón traballar en Mercadona, analoxía veraz co “síndrome da rá férvida”.

Preocúpanos ver como os traballadores e traballadoras terminan normalizando comportamentos e actitudes dos/da seus/súas superiores xerárquicos que van máis alá dunha relación laboral, e ós cominan a graves afeccións da súa saúde física e incluso mental.

Preocúpanos unha carga de traballo que é excesiva, pero tamén a presión a nivel psicolóxico que co tempo deriva en consecuencias moitas veces até irreparables, sobre a saúde das compañeiras e compañeiros.

Alzamos nosa protesta nesta campaña de mobilizacións insistindo en que a fama de Mercadona como empresa modélica, e “de exemplo a seguir por outras empresas”, é algo sustentado só sobre o papel, porque na práctica é máis ben exemplo do que non debería ser unha empresa. É papel mollado, ao servizo unicamente do capital do patrón.

Poñemos sobre a mesa a realidade dunha empresa con beneficios millonarios que non debería precisar levar aos seus traballadores ó límite, pero que na práctica o fai como sistema (porque obviamente lle é rentable), buscando crear un clima de medo e indefensión no que XA NON PODEMOS MÁIS!! É INSOPORTABLE!!!

"Parece mentira que en pleno século XXI nos teñamos que mobilizar para esixir respecto e dignidade, pero así  é. Vendemos a nosa forza se traballo, nin a nosa dignidade, nin a nosa saúde fisica e mental, nin as nosas vidas están en venta. Iso é algo que Mercadona non entende", subliña André Abeledo, delegado da CIG no comité provincial da Coruña.

Neste senso, explica que o persoal está sometido a presións continuadas e a uns ritmos de traballo estresantes para cumprir cos tempos que lles marcan, "imposíbeis de cumprir pola enorme carga de traballo". Isto fai que o persoal estea sometido a unha elevada tensión que ao final acaba derivando en problemas para a súa saúde.

A isto hai que engadir ademais os compartamentos irrespectuosos por parte de determinados mandos "que son humana e laboralmente intolerábeis, pero que Mercadona obvia, consinte e encubre". Un posición patronal que contratasta coa imaxe de empresa modélica que Mercadona vende nos medios de comunicación, malia que a realidade laboral é ben distinta.

Sección Sindical da CIG en Mercadona na Provincia de A Coruña

Enlace novas CIG-Mercadona. | Ir á Web.

CIG Comarcal
Rúa Eduardo Pondal, 41/43 entrechán
15403
Ferrol
981358750
981358760
ferrol@galizacig.gal

Enviado por:
CIG en Mercadona
-cigmercadona@gmail.com-
29 de junho de 2021 11:30
_______

Continúa a campaña de mobilizacións da CIG na Provincia d'A Coruña, para dar resposta na rúa a política de medo e represión de Mercadona

Dende a Sección Sindical da CIG vemonos na obriga de dar resposta na rúa a política de medo e represión de Mercadona.

Nesta vez foi en Culleredo, como antes en Betanzos ou Oza.

Baixo o lema de que "os abusos de poder teñen que morrer", dende a CIG poñemos branco sobre negro a realidade do que supón traballar en Mercadona.

Preocúpanos ver como os traballadores e traballadoras terminan normalizando comportamentos e actitudes dos seus superiores que van máis alá dunha relación laboral, e terminan por afectar gravemente a súa saúde fisica e mental.

Preocúpanos unha carga de traballo que é excesiva, pero tamén a presión a nivel psicolóxico que co tempo deriva en consecuencias sobre a saúde das traballadoras e traballadores.

Denunciamos nesta campaña de mobilizacións que a fama de Mercadona como empresa modélica, e de exemplo a seguir por outras empresas, é algo sustentado só sobre o papel, porque na práctica é máis ben exemplo do que non debería ser unha empresa.

Poñemos sobre a mesa a realidade dunha empresa con beneficios millonarios que non debería precisar levar aos seus traballadores ó límite, pero que na práctica o fai como sistema, buscando crear un clima de medo e indefensión que en moitos casos termina por ser irrespirable e insoportable.

Nestes días estamos a recibir mensaxes de apoio e tamén testemuñas de traballadores e extraballadores de Mercadona de todo o Estado español que nos informan que o que pasa na Provincia de A Coruña non é unha excepción. A diferenza é que en A Coruña está a CIG defendendo os dereitos e os intereses das traballadoras e traballadores, mentres no resto do Estado atópanse orfos de sindicalismo, cando non vendidos.

Como mostra un convenio asinado en Valencia por CCOO e UXT a medida dos intereses da empresa, cunha redacción que deixa aos traballadores practicamente indefensos, e con puntos que atentan contra a conciliación familiar e o dereito básico a enfermar, ou con trampas como unha mal chamada prima de beneficios que non é tal, e funciona como o "pao e a cenoura" da que xa falou John Ford, e se baséase nun examen ou valoración dos traballadores tan subxectiva como inxusta e que na práctica serve como ferramenta de castigo a aqueles traballadores que se atreven a esixir os seus dereitos.

Dende a Cig Mercadona  seguiremos traballando e movilizandonos ata conseguir respeto, dignidade e dereitos, algo ao que xamais imos renunciar.

Sección Sindical da CIG en Mercadona na Provincia de A Coruña

Enlace novas CIG-Mercadona. | Ir á Web.

CIG Comarcal
Rúa Eduardo Pondal, 41/43 entrechán
15403
Ferrol
981358750
981358760
ferrol@galizacig.gal

Enviado por:
CIG en Mercadona
-cigmercadona@gmail.com-
28 de junho de 2021 17:44
_______

A CIG de Mercadona continua coa sua protesta sindical ante os abusos de poder do xigante do comercio de alimentación - Nesta ocasión a protesta trasládase ao centro situado no Outlet de Culleredo, este luns 28 de xuño, ás 12:30hs

O PRÓXIMO LUNS 28 DE XUÑO a CIG volve a MOBILIZACIÓN en MERCADONA.

Nesta ocasión a protesta trasládase ao MERCADONA situado no OUTLET DE CULLEREDO ás 12:30.

Baixo o lema "TEÑEN QUE MORRER OS ABUSOS DE PODER" nesta empresa que presume de modélica!!

Facemos un chamamento a cidadanía a apoiar a campaña de protestas na Provincia de A Coruña para defender o dereito a traballar con dignidade.

Dende a sección sindical da CIG esiximos o cese dos comportamentos irrespectuosos co persoal e condicións de traballo dignas.

A sección sindical da CIG en Mercadona ten convocado un calendario de mobilizacións na Provincia de A Coruña para denunciar os abusos de poder, a política de medo e represión e para esixir un traballo digno no que se respecten os dereitos laborais.

Con estas accións queremos pór a atención nos comportamentos que se están a detectar nalgunhas tendas da provincia por parte dos mandos "que atentan contra a dignidade das traballadoras e dos traballadores".

"Parece mentira que en pleno século XXI nos teñamos que mobilizar para esixir respecto e dignidade, pero así  é. Vendemos a nosa forza se traballo, nin a nosa dignidade, nin a nosa saúde fisica e mental, nin as nosas vidas están en venta. Iso é algo que Mercadona non entende", como ben dixo o noso compañeiro André Abeledo, delegado da CIG no comité provincial da Coruña, como voceiro nesta ocasión das compañeiras e compañeiros da Sección Sindical da CIG na Provincia de A Coruña.

Sección Sindical da CIG en Mercadona na Provincia de A Coruña

Sección Sindical da CIG en Mercadona

Enlace novas CIG-Mercadona. | Ir á Web.

CIG Comarcal
Rúa Eduardo Pondal, 41/43 entrechán
15403
Ferrol
981358750
981358760
ferrol@galizacig.gal

Enviado por:
CIG en Mercadona
-cigmercadona@gmail.com-
27 de junho de 2021 00:06
_______

Acción en Mercadona contra a política de medo e represión do xigante do comercio de alimentación - Sección Sindical da CIG en Mercadona

A CIG mobilízase en Mercadona contra a política de medo e represión.

CIG-Mercadona: "Teñen que morrer os abusos de poder"

A sección sindical esixe o cese dos comportamentos irrespectuosos co persoal e condicións dignas.

A sección sindical da CIG en Mercadona ten convocado un novo calendario de mobilizacións para denunciar os abusos de poder, a política de medo e represión e para esixir un traballo digno no que se respecten os dereitos laborais. Con estas accións quérese pór a atención nos compartimentos que se están a detectar nalgunhas tendas da provincia por parte dos mandos "que atentan contra a dignidade das traballadoras e dos traballadores".

"Parece mentira que en pleno século XXI nos teñamos que mobilizar para esixir respecto e dignidade, pero así  é. Vendemos a nosa forza se traballo, nin a nosa dignidade, nin a nosa saúde física e mental, nin as nosas vidas están en venta. Iso é algo que Mercadona non entende", subliña André Abeledo, delegado da CIG no comité provincial da Coruña.

Neste senso, explica que o persoal está sometido a presións continuadas e a uns ritmos de traballo estresantes para cumprir cos tempos que lles marcan, "imposíbeis de cumprir pola enorme carga de traballo". Isto fai que o persoal estea sometido a unha elevada tensión que ao final acaba derivando en problemas para a súa saúde.

A isto hai que engadir ademais os compartimentos irrespectuosos por parte de determinados mandos "que son humana e laboralmente intolerábeis, pero que Mercadona obvia, consinte e encubre". Un posición patronal que contrasta coa imaxe de empresa modélica que Mercadona vende nos medios de comunicación, malia que a realidade laboral é ben distinta.

Estas situacións afectan especialmente a tres tendas da provincia, nas que a sección sindical centrou nesta ocasión a resposta aos abusos laborais. A primeira das concentracións tivo lugar este venres 18 de xuño no establecemento que Mercadona ten en Betanzos, a segunda o mércores 23 de xuño na tenda da Avda. de Oza da Coruña e o luns 28, as mobilizacións trasladaranse até o supermercado situado no Outlet de Culleredo.

Ao berro de "abusos laborais, non podemos máis" ou "traballo digno e con dereitos", a sección sindical da CIG continuou este co calendario de mobilizacións para denunciar os abusos de poder e a política de medo e represión exercida por Mercadona, así como demandar emprego digno e respecto aos dereitos.

As mobilizacións, explica André Abeledo, delegado da CIG, son unha "resposta á actitude de non respecto á propia humanidade dos traballadores e das traballadoras. Non pode ser que o persoal de Mercadona veña traballar con medo e que se lle falte ao respecto cando está no seu posto. O que pedimos, aínda que pareza mentira en pleno século XXI, é dignidade".

Denuncia que fronte á imaxe que Mercadona quere vender publicamente de ser unha empresa modelo, a realidade laboral é ben distinta. As delegadas e delegados da CIG na provincia da Coruña, apunta, teñen detectado que estes abusos de poder son especialmente problemáticos na tenda de Bentanzos, na da Avda. de Oza da Coruña e na situada no Outlet de Culleredo, onde decidiron centrar desta volta as mobilizacións.

Neste senso, instan a Mercadona a tomar medidas de inmediato "porque non pode ser que a xente traballe con medo e baixo presión constante". Unhas presións e uns ritmos de traballo estresantes, engade Abeledo, que acaba afectando seriamente á saúde dos traballadores e das traballadores.

Abeledo anima as compañeiras e compañeiros de Mercadona a non quedar caladas e reaxir ante os abusos laborais xa que é a través da mobilización como se conseguen os avances. Neste senso, pon de exemplo que, tras da campaña de protestas da CIG na provincia da Coruña pola sobrecarga de traballo, a empresa fixo un reforzo de persoal de cara ao verán para cubrir as vacacións e estanse cubrindo tamén as baixas.

Sección Sindical da CIG en Mercadona

Enlace novas CIG-Mercadona. | Ir á Web.

CIG Comarcal
Rúa Eduardo Pondal, 41/43 entrechán
15403
Ferrol
981358750
981358760
ferrol@galizacig.gal

Enviado por:
CIG en Mercadona
-cigmercadona@gmail.com-
24 de junho de 2021 16:49
_______

Que non nos rouben o noso Futuro !! - Mobilización Comarcal o domingo 27 de Xuño - Marchas desde as dúas ribeiras d'As Pias, ás 11:30hs - Temos que reaxir - Convocan: CIG, CCOO e UGT

TEMOS QUE REAXIR.

Levamos moito tempo demandando solucións e futuro para nosas comarcas, mobilizando-nos, cunha folga comarcal o pasado día 10 de marzo, mais a realidade é que por parte das administracións non atopamos resposta

Ferrolterra Eume e Ortegal estamos a sufrir unha situación sen parangón noutras zonas do Estado. A maior perda de poboación, a media de idade máis alta e a menor taxa de natalidade. Clara consecuencia da perda continua de postos de traballo e falta de oportunidades.

Unhas comarcas onde o paro incrementouse durante o ano 2020 ao 19%, catro puntos por riba da media galega, sobre todo na Industria. Cifra que medrou un 40% nos menores de 30 anos e onde o 78% son parados de longa duración.

Así, atopámonos con que a taxa de pobreza medra por riba da media e o madre de familias con dependencia das axudas sociais é cada vez maior.

O naval sen carga de traballo, e inminente peche de ENDESA, Noa, Gamesa, a riada de ERTES e ERES, etc, que estamos a padecer e que se aveciñan, están a agravar unha situación que, de non poñerlle freo, vai camiño de converterse en irreversíbel.

E ante esta, atopámonos unhas administracións que, ao igual que en tempos pasados, no canto de artellar solucións adícanse a botarse as culpas uns ao outros, tratando de quitar rédito político da nosa miseria.

Non eran capaces de concretarnos un só proxecto para as nosas comarcas, todo futuríbeis, a longo prazo e dependentes de decisións alleas. Ese é o resumo de todas as xuntanzas que tivemos. Isto é gobernar? Pódese-lle chamar a esta responsabilidade política e institucional en Ferrolterra? Dende hai máis de seis meses vimos reclamando a constitución dunha mesa con representación de todas as institucións e aínda non foron quen de acordala, a cal dá a medida do interese que amosan.

Por todo isto temos que obrigalos a que entendan que existimos, que temos dereito a un futuro, a compartir a vida coas nosas familias, cos nosos veciños e veciñas, aquí, onde queremos seguir vivindo.

O 27 DE XUÑO
FAGÁMONOS OUVIR !!
ENCHAMOS A PONTE DAS PÍAS !!!

Domingo 27 de xuño, ás 11:30 hs, sairán dúas marchas simultáneas unha desde San Valentín (Estrada de Astano) e a outra desde O Montón (Antiga Gasolineira).

#SOSFerrolterra

Convocan: CIG, CCOO e UGT
_______

Concentración no Mercadona de Betanzos en defensa das traballadoras e contra a política de medo e represión

Concentración no Mercadona de Betanzos en defensa das traballadoras e contra a política de medo e represión

O pasado venres 18 de Xuño decenas de compañeiras e compañeiros da CIG concentráronse diante do Mercadona de Betanzos para esixir respecto para as traballadoras e traballadores de Mercadona.

Esta multinacional di ser modélica pero a diario esmaga a dignidade e os dereitos dos seus empregados.

Hoxe coma onte a clase obreira ten máis fame de dignidade que de pan.

Parece mentira que en pleno século XXI nos esteamos mobilizando para esixir respecto e dignidade, pero así é.

As traballadoras e traballadores vendemos a nosa forza de traballo. Pero non teñen prezo: nin a nosa dignidade, nin as nosas vidas, nin a nosa saúde física e mental.

Sección Sindical da CIG en Mercadona

Enlace novas CIG-Mercadona. | Ir á Web.

CIG Comarcal
Rúa Eduardo Pondal, 41/43 entrechán
15403
Ferrol
981358750
981358760
ferrol@galizacig.gal

Enviado por:
CIG en Mercadona
-cigmercadona@gmail.com-
18 de junho de 2021 14:31
_______

Amplo seguimento na nova xornada de folga en Inditex contra o ERE encuberto nas tendas e a precarización - A multinacional destrúe emprego e empeora as condicións das traballadoras cando vén de anunciar beneficios millonarios

Amplo seguimento na nova xornada de folga en Inditex contra o ERE encuberto nas tendas e a precarización

A multinacional destrúe emprego e empeora as condicións das traballadoras cando vén de anunciar beneficios millonarios

As traballadoras e os traballadoras das tendas Oysho, Massimo Dutti, Zara Home e Pull&Bear da provincia da Coruña están secundando este xoves unha nova xornada de folga (nesta ocasión un paro parcial de 11 a 15 horas) en rexeitamento ao ERE encuberto que Inditex está a levar adiante baixo a escusa da dixitalización das vendas. A folga está rexistrando un amplo seguimento que se viu reflectido na asistencia á concentración que o persoal realizou este mediodía no Centro Comercial Odeón de Ferrol.

Nesta comarca, Inditex vai desmantelar practicamente a súa rede comercial física e estalle ofertando ao persoal afectado polos peches "recolocacións en condicións de auténtica miseria", a tal punto que lles ofrece vacantes noutras provincias con xornadas de nove horas semanais. No caso da cadea Massimo Dutti, o grupo aproveita a dixitalización para liquidar as tendas a baixo custe, "mais na realidade o que hai aquí é un problema de pésima xestión comercial da marca".

Beneficios millonarios e incremento espectacular das vendas

Roberto Pérez, responsábel de comercio da CIG-Servizos da Coruña, denuncia que Inditex estea destruíndo emprego nas tendas e pretenda precarizar as condicións das traballadoras e dos traballadores escudándose no cambio de modelo de negocio, cando onte mesmo anunciaba uns beneficios de 412 millóns no primeiro trimestre, e cando podería reciclar e recolocar a todo este persoal, xa que se están creando novos postos para atender a venda electrónica, que tivo un aumento espectacular e constante no último ano.

"O que evidencian as cifras anunciadas onte é que grazas á dixitalización Inditex está superando todos os records de vendas e que desta crise, a empresa vai saír reforzada", subliña Pérez, quen engade que neste cambio de modelo de negocio "non existen motivos nin económicos nin comerciais para expulsar as traballadoras ou para empeorarlles as condicións laborais. É unha estratexia de Inditex para abaratar custes, facer 'limpeza' as traballadoras con mellores condicións e abusar do poder que ten no sector do comercio".

A este respecto, advirte que Inditex non quere ofrecerlle as traballadoras das tendas os postos que se están a xerar para atender a venda online "porque non lles quere respectar as condicións polas que levan pelexando moitos anos". Ao contrario, advirte que a multinacional en vez de estabilizar o emprego e dar condicións dignas, "afonda na súa política de subcontratación salvaxe, xa que está externalizando todo os postos de traballo dos almacéns dixitais e dos procesos de reparto online".

A CIG reclama un acordo con garantías reais

Fronte a esta precarización, a CIG vén reclamando a Inditex que sente negociar un acordo de recolocacións sen perda de dereitos, o que significa garantir o mantemento do emprego, respectar as condicións de ingresos, xornada, horarios e categoría que ten o persoal e realizar o mínimo traslado posíbel.

O grupo de Amancio Ortega ampárase no acordo asinado con CCOO e UGT en Madrid para vender que mantén o emprego, pero ao non garantirse ningún dereito, nin sequera os calendarios ou que os traslados sexan na mesma localidade ou nunha próxima, o que acontece  é que as traballadoras acaban renunciando ao seu posto por non poder asumir as novas condicións.

Neste senso, Roberto Pérez lamenta que CCOO e UGT se presten a colaborar coa empresa nesta ofensiva, e critica as actuacións da representación de UGT nalgunhas localidades "nas que se dedican a andar polas tendas meténdolle medo ás traballadoras para que non secunden as mobilizacións e folgas convocadas pola CIG".

Fonte: Avantar. | Ferrol - 10 Xun 2021 - Licenza Creative Commons by-nc-sa.
_______

A CIG continua a loita en Mercadona contra os abusos e esixindo un traballo digno e con dereitos - Mobilización no mes de Xuño

A CIG continua a loita en Mercadona contra os abusos e esixindo un traballo digno e con dereitos

PRÓXIMAS MOBILIZACIÓNS EN MERCADONA NO MES DE XUÑO:

Dende a sección sindical da CIG de Mercadona na Provincia de A Coruña comezamos cunha campaña de MANIFESTACIÓNS porque TEÑEN QUE MORRER OS ABUSOS DE PODER.

Vendemos a nosa forza de traballo, nin a nosa dignidade, nin a nosa saúde física e mental, nin as nosas vidas están en venta. Iso é algo que Mercadona non entende.

Dende a CIG vimos denunciando que en Mercadona seguimos padecendo nalgunhas tendas desta suposta compañía modélica comportamentos que atentan contra a dignidade das traballadoras e traballadores.

Comportamentos que Mercadona obvia, consinte e encubre comportamentos e que son humana e laboralmente intolerábeis.

No mes de Xuño a CIG dará resposta a represión coas seguintes mobilizacións:

• Venres 18/06/21 diante do MERCADONA de Betanzos.

• Mércores 23/06/21 diante do MERCADONA de Avda.  de  Oza –A Coruña.

• Luns 28/06/21 diante do MERCADONA do Outlet de Culleredo.

Todas estas MOBILIZACIÓNS serán ás 12:30 horas.

Facemos un chamamento as traballadoras e traballadores para que loiten a o noso lado para defender o dereito a traballar con dignidade.

Facemos un chamamento a cidadanía a participar nas manifestacións en Mercadona, porque a loita pola dignidade da clase traballadora e de todas e todos.

Agora máis que nunca: SERVIZOS ESENCIAIS, NIN UN PASO ATRÁS !!

Sección Sindical da CIG en Mercadona

Enlace novas CIG-Mercadona. | Ir á Web.

CIG Comarcal
Rúa Eduardo Pondal, 41/43 entrechán
15403
Ferrol
981358750
981358760
ferrol@galizacig.gal

Enviado por:
CIG en Mercadona
-cigmercadona@gmail.com-
11 de junho de 2021 15:46
_______

Por unha Transición Xusta - Manifestación este xoves 10 de Xuño, ás 19:30 hs, con saída desde a Casa do Concello d'As Pontes.

Mobilización n'As Pontes por unha Transición Enerxética Xusta

Manifestación este xoves 10 de Xuño, ás 19:30 hs, con saída desde a Casa do Concello d'As Pontes.

Chamado á cidadanía para que se sume a esta defensa no noso futuro, e polo que é xusto!!

NA DEFENSA DO EMPREGO, POLO FUTURO DAS PONTES

Logo duns dous anos de mobilizacións, nas que conseguimos garantía de emprego até o 30 de xuño deste ano, vemos como o Ministerio e a Xunta, co beneplácito de Endesa, xogan co noso futuro, enfróntanse entre elas, buscando pasarse a responsabilidade dun a outro; falan moito pero nunca aportan solucións concretas, para estas Administracións o tempo é o de menos.

Endesa, coa desculpa da tramitación ordinaria do peche da Térmica, que alonga os prazos, tampouco concreta cal é o futuro que lles agarda aos traballadores e traballadoras da Central Térmica.

Así as cousas, a partires deste 30 de xuño, este pobo pode volver a perder nóminas, ou dito doutro xeito, ingresos económicos. Xa temos anunciado un Ere nunha compañía auxiliar e, no que afecta á principal, tamén se reactivan os traslados fóra de As Pontes.

É dicir, semella que o camiño que nos deixan é o paro ou a emigración; atrás quedan as consignas baleiras de “Transición Xusta” ou “non imos deixar ninguén atrás”, unha auténtica farsa.

Non queda outra que mobilizarnos, e para iso necesitamos o apoio de toda a cidadanía, da vila das Pontes e das nosas comarcas, temos como obxectivo a defensa do emprego e do futuro das Pontes.

Está en xogo que As Pontes non se empobreza aínda máis.

Os que anunciaron unha Transición Xusta que cumpran.

Participa na MANIFESTACIÓN

As Pontes, 8 de xuño de 2021

CIG, CCOO e UGT

✅ cartas remitidas esta semana desde as centrais sindicais ao presidente da Xunta, Alberto Nuñez Feijóo, e as ministras de Emprego e Transición Ecolóxica, Yolanda Díaz e Teresa Ribera, respectivamente, para solicitarlles con urxencia unha xuntanza 'antes da inminente chegada de despedimentos e a fin de concretar alternativas laborais ao peche da central térmica das Pontes. | Acceder/Baixar.

--
Yolanda Quintía Salido
Área de Administración
Unión Comarcal de CC.OO. de Ferrol
Tfno: 981 369320    Fax: 981 350353
Tfno RPV: 71334     Fax RPV: 71104
ucferrol@galicia.ccoo.es

Enviado por:
ucferrol
-ucferrol@galicia.ccoo.es-
8 de junho de 2021 13:07
_______

As tres centrais sindicais (CIG, CCOO e UGT) cualifican de 'desastrosa' a Mesa para a Transición Enerxética Xusta para As Pontes

OS SINDICATOS CALIFICAN DE “DESASTROSA“ A XUNTANZA DA MESA DE TRANSICIÓN XUSTA DAS PONTES DO PASADO DÍA 2 DE XUÑO.

Dende a Centrais Sindicais criticamos que na reunión da Mesa non se garantise o mantemento de emprego na industria auxiliar e a paralización dos traslados da empresa principal mais aló do 30 de xuño, compromiso conseguido anteriormente polas continuas mobilizacións realizadas e que agora xa está en cuestión.

Nesta xuntanza vimos e padecemos a confrontación entre MITECO, Xunta de Galiza e Endesa, no que se refire ao proxecto de biocombustibles. Neste sentido criticamos que despois de ano e medio con probas, e cando na reunión de xaneiro se quedara en concretar o proxecto en quince días, atopámonos cunha proposta presentada pola Xunta de Galiza, sorprendentemente a noite anterior á reunión deste día 2, onde se solicita unha prima de 30 €/megavatio/hora para facer viable o proxecto.

Os sindicatos consideramos de irresponsable a actitude da Administración Galega ante esta situación, que só busca na súa proposta poñerlle “deberes” ao Ministerio e a Endesa, sen asumir, como Goberno Galego ningún compromiso, nin sequera a presentación dunha proposta empresarial alternativa a Endesa que acepte levar a cabo a súa propia iniciativa sobre biocombustibles, e iso que se lle solicitou repetidas veces.

Tampouco podemos calar ante a postura do Ministerio (Miteco) e da propia Endesa que, alegando o trámite ordinario de impacto ambiental para o peche formal da Térmica, que prolonga os prazos da súa execución, se poñan de
“perfil” e non aporten ningunha solución, só o silencio, ante o inminente impacto que vai ter no emprego. Así non temos nin Transición Xusta nin se mantén a consigna de “non deixar ninguén atrás”. Con estas actitudes os efectos sobre o emprega van ser demoledores.

Ante esta situación estamos a ver como os traballadores/as están a ser abandonados, sen garantirlles alternativas, mais desta situación teranse que responsabilizar a Xunta de Galiza, Miteco e Endesa.

Dende as Centrais Sindicais esiximos medidas inmediatas que garantan unha Transición Xusta, que garantan o emprego durante o proceso administrativo que se agora vaise prolongar polas alegacións presentadas ao procedemento medioambiental por parte da Xunta de Galiza e da administración local.

Tamén esiximos que se deixen de anuncios e se concreten proxectos de futuro que sexan reais e que garanta a continuidade do emprego.

Demandamos, dende as Centrais Sindicais, a sinatura do Protocolo de Transición Xusta, para posteriormente formalizar o Convenio de Transición Xusta para As Pontes, pero unha vez máis atopámonos co enfrontamento Ministerio-Xunta, sobre cuestións de cogobernanza e formación, sen que ao final quedase claro tampouco se íamos a avanzar da creación deste instrumento para impulsar unha Transición Xusta.

Para nós, o tempo real remata o 30 de xuño, e a partir desa data estamos na maior das indefensións.

As Pontes, 3 de xuño de 2021.

CIG - CCOO - UGT

Enviado por:
ucferrol
ucferrol@galicia.ccoo.es
3 de junho de 2021 11:09
_______

Traballadoras e traballadores da limpeza en folga sacan as fregonas amarelas á rúa en demanda dun convenio digno

En Ferrolterra como no conxunto das comarcas do ámbito provincial d'a Coruña, a folga está sendo un suceso, onte tiveron lugar mobilizacións e hoxe unha manifestación en Santiago de Compostela, na que será a terceira xornada de folga, á que agardan que se una o persoal de limpeza da universidade e da Xunta.

Xunto a isto o comité de folga lembrou que o vindeiro día 3 de xuño terá lugar no Tribunal Superior de Xustiza de Galiza a vista polo conflito colectivo que teñen presentado para conseguir o plus de transporte, con independencia da xornada traballada e agrdan unha xuntanza con Presidencia para abordar esta cuestión.

Fregona en man, bailando e reclamando a viva voz os seus dereitos. Así se mobilizou esta mañá o persoal de limpeza, coincidindo cunha nova xornada de folga en demanda dun convenio digno para o sector na provincia da Coruña. Unha folga para a que, novamente, se decretaron uns servizos mínimos abusivos que “vulneran o dereito do persoal a facer uso da única ferramenta que lles deixa a patronal para defenderse dos seus abusos”.

Así o explicaba o portavoz do comité de folga e representante da CIG, Paulo Rubido, quen apuntaba, xa a primeira hora da mañá, que “é unha loita pola dignidade dun sector feminizado que reclama que o seu traballo sexa recoñecido socialmente e que se respecte o dereito a ter unhas condicións laborais, salariais e sociais aos máis de 10.000 traballadores/as das que 8.000 mulleres”.

Deste xeito, as fregonas amarelas tomaron novamente as rúas, nas primeiras horas da mañá con caravanas de coches que chegaron a colapsar polígonos industriais como o de Sabón e despois con concentracións diante dos centros comerciais do Corte Inglés, onde opera unha das empresas con máis peso da patronal, EULEN, e das máis reticentes a recoñecer o dereito do persoal a ter salarios e condicións decentes.

Unha situación que denunciou Rubido, quen salientou que estas empresas “ben que se lucraron durante a pandemia ao ter que reforzar servizos de limpeza e desinfección de edificios e locais”. Unha demanda que obrigou a estas traballadoras esenciais a saír á rúa a garantir que os lugares de traballo, atención e servizos ao conxunto da poboación cumprían todos os requisitos hixiénicos fronte á covid, cando toda a poboación estaba confinada.

Actitude “despreciativa” da patronal

Para o comité de folga a actitude da patronal é “despreciativa, impresentable e inadmisible”. Denuncian que malia o incremento de facturación “pretenden seguir mantendo na máis absoluta precariedade ás miles de traballadoras que, na súa inmensa maioría, traballan a tempo parcial”.

Ademais rexeitan a raquítica oferta de incremento económico que a patronal puxo enriba da mesa de negociación, dun 0% para 2020 e dun mísero 1% a partir de 2021. “Pretende ademais suprimir artigos do convenio colectivo como o dereito a incrementar xornada ou á xubilación parcial”, lembrou Rubido, quen denunciou que isto “imposibilita que melloren as súas condicións de vida”.

O portavoz do comité de folga apuntou que iso afecta tamén ao persoal dos servizos de limpeza equiparados, porque aínda que teñan unhas condicións salariais mellores que o conxunto do sector, están atinxidos por estes recortes que pretende impor a patronal.

Rubido denunciou tamén o papel da administración, que ademais de impor na última xornada de folga uns servizos mínimos abusivos elude o papel de mediadora que debía ter e “non escoita as lexítimas reclamacións destas traballadoras, permitindo nichos de precariedade indecentes”.

Fonte: Avantar.
_______

Intensa xornada de mobilizacións e encontros para esixir que se tomen 'as decisións políticas que precisa Ferrolterra' - As centrais sindicais trasladaron aos partidos medidas concretas 'para termos emprego xa'

Ferrol, Eume e Ortegal acolleron este mércores unha xornada reivindicativa para esixir respostas e solucións urxentes por parte do goberno español e galego ante a gravísima crise económica, industrial e social que atravesan estas comarcas. No marco desta xornada desenvolvéronse tanto mobilizacións como unha intensa rolda de xuntanzas con diversos colectivos, que incluíu unha reunión cos partidos políticos "porque as solucións que necesitamos dependen de decisións políticas e de que haxa vontade política".

O secretario comarcal da CIG de Ferrol, Manuel Anxo Grandal Anca, sinalou que a decisión de convocar os diferentes partidos políticos tomouse ante o "fracaso das xestións das alcaldías". E neste senso, considerou moi relevante "que na reunión desta tarde foramos capaces de desbaratar, sobre todo no caso do PP e do PSOE, ese discurso de botarse as culpas uns aos outros". Por iso, Grandal adiantou que nun prazo de 15-20 días, as centrais sindicais volverán convocar os partidos para "que rendan contas do que fixeron, porque non imos permitirlles entrar en debates que non nos solucionan nada".

O máis urxente: ter traballo

Abundando neste punto, o responsábel da CIG-Ferrol reiterou que o "máis urxente que precisamos é ter traballo. E esa demanda centrámola en cuestións moi concretas e básicas que dependen de decisións políticas que se poden tomar no próximo Consello da Xunta ou no próximo Consello de Ministros/as".

Entre esas reivindicacións urxentes, puxo o exemplo da necesidade de facer a transformación do buque Galicia nos estaleiros da ría de Ferrol, que se asine de inmediato o convenio de transición para As Pontes (pois é a única localidade do Estado afectada polo peche das centrais térmicas no que aínda non se puxo en marcha), que se traballe a serio para buscar o financiamento do dique de reparacións (que ademais é unha infraestrutura fundamental para garantir o futuro das instalacións), ou a gratuidade da AP-9 no tramo Ferrol-A Coruña.

"Todo isto son decisións políticas e así llo reiteramos durante a xuntanza. As forzas políticas terán que responder, porque desta crise sáese con máis investimentos públicos e nós temos claro que imos seguir mobilizándonos até que os gobernos atendan as nosas reivindicacións", concluíu.

Unhas comarcas representativas da crise que vive Galiza

Na mesma liña pronunciouse o secretario xeral da CIG, Paulo Carril, quen participou na marcha a pé desta tarde que saíu do mercado de Caranza, ao cualificar de "intolerábel o menosprezo dos gobernos ás demandas destas comarcas”.

Unhas comarcas que, indicou, son representativas da crise industrial e social que padece Galiza, advertindo que, canto "máis tarden os gobernos en pór en marcha as medidas necesarias máis difícil será encarar unha saída”. Por iso Carril valorou que canto máis demoren en actuar os gobernos español e galego, "a pouca credibilidade que teñen irá máis en descenso”.

O secretario xeral da CIG reiterou a urxencia de atender “no inmediato” cada unha das reivindicacións que se trasladan dende as comarcas “porque o que está en xogo é a súa supervivencia”.

Mobilizacións do naval e nos concellos

A xornada reivindicativa deste mércores comezaba coas xuntanzas que as centrais sindicais CIG, CCOO e UGT mantiveron con representantes das asociacións de hostalería na casa do Concello de Ferrol, á que lle seguiron encontros coas asociacións empresariais.

De xeito paralelo, traballadores e traballadoras do naval saían en manifestación sobre as 10:30h dende o estaleiro até a Praza de Armas para demandar carga de traballo inmediata que deteña a sangría de desemprego na industria auxiliar, que se potencien departamentos tan importantes como carenas, turbinas ou a eólica mariña e se consigne financiamento para construír o dique cuberto que estaba previsto no plan estratéxico de Navantia. Pois esta é unha infraestrutura imprescindíbel para garantir a continuidade produtiva das instalacións da ría de Ferrol.

Ao mediodía tocaba a quenda das concentracións cidadás diante dos distintos concellos das comarcas de Ferrol, Eume e Ortegal.

Pola tarde, a rolda das xuntanzas proseguiu coas asociacións de comerciantes, praceiros e confrarías e a seguir tocou a quenda cos partidos políticos que forman parte das corporacións locais. Posteriormente houbo encontros coas entidades veciñais e culturais.

Ás 18h, a xornada reivindicativa volvía ás rúas nas dúas marchas que discorreron dende o Mercado de Caranza e a Praza da Gándara de Ferrol para rematar na Praza de Armas. Alí, os secretarios comarcais das tres organizacións sindicais fixeron unha valoración global do día e deron conta do abordado nas distintas xuntanzas.

Fonte: Avantar. | Ferrol - 14 Abr 2021

Enviado por:
Inácio GZ
-inaciogz@gmail.com-
16 de abril de 2021 07:50
_______

Xornada Reivindicativa SOS FERROLTERRA, convocada polas centrais sindicais CIG, CCOO e UGT en demanda de diálogo ante a crítica situación socioeconómica e laboral das comarcas do noroeste galego - Concentracións e marchas o mércores 14 de abril

O vindeiro mércores 14 de abril, na Xornada Reivindicativa SOS FERROLTERRA, convocada polas centrais sindicais, ás 12 do mediodía nas prazas diante dos Concellos e ás 6 da tarde nas marchas que rematarán na Praza de Armas de Ferrol, mobilizacións en continuación da pasada Folga Xeral Comarcal do pasado 10 de marzo.

As diferentes administracións, nomeadamente a Xunta de Galicia, Ministerio de Facenda como responsable da SEPI e Navantia, e o Ministerio de Transición Ecolóxica, seguen sen contestar á solicitude dos sindicatos de manter xuntanzas para abordar a crítica situación que estamos a padecer nas comarcas de Ferrolterra, Eume e Ortegal. Ao mesmo tempo que seguen a pechar empresas e engordando as listas de desemprego as diferentes administracións xogan a botarse a culpa unhas ás outras nun espectáculo abafante e lamentábel.

O vindeiro día 14, temos convocada unha XORNADA REIVINDICATIVA, con diferentes accións, entre as que están:

➤ CONCENTRACIÓNS DIANTE DOS CONCELLOS DAS TRES COMARCAS ás 12 do mediodía.

➤ MARCHAS ATE A PRAZA DE ARMAS saíndo, ás 18 horas de:

✔ Praza da Gándara.

✔ Mercado de Caranza.

AGARDÁMOS A VOSA PARTICIPACIÓN!!!

#SOSFerrolterra

Convocada polas centrais sindicais CIG, CCOO e UGT
_______

Concentración no Mercadona de Cee contra os despedimentos arbitrarios 'para amedrentar o persoal' - A empresa utiliza presuntos incumprimentos de métodos para executar rescisións á carta

A CIG concentrouse a mañá deste venres 9 de abril diante do Mercadona de Cee, para esixir a readmisión dunha traballadora deste centro e en rexeitamento aos despedimentos que a empresa aplicou nos últimos meses en varios supermercados da provincia. Estas rescisións prodúcense malia a sobrecarga de traballo que hai no comercio de alimentación dende o inicio da pandemia sen que se reforzaran os cadros de persoal e afectan ademais, "a aquelas persoas que se atreveron a reclamar os seus dereitos".

Esta é a terceira mobilización que a sección sindical da CIG desenvolve contra os arbitrarios despedimentos en Mercadona: cinco dende o pasado mes de decembro, aínda que poderían ser máis xa que a empresa non traslada esta información ao comité. Despois das protestas realizadas no supermercado que a empresa ten na Avda. de Oza na Coruña e no de Santa Marta de Santiago, apuntan dende a sección sindical da CIG, "parece que por agora non realizaron máis despedimentos".

A presidenta do comité provincial, María López Alejos, explica que Mercadona segue unha política de despedimentos pola que, ciclicamente, procede a expulsar do seu sistema a varios traballadores ou traballadoras "como medida exemplarizante, co único obxectivo de amedrentar o resto do persoal e crear ambientes laborais con excesiva esixencia de traballo". En concreto, no último que se produciu en Cee, que é o que provoca a protesta deste venres, a empresa utiliza eses supostos incumprimentos "para despedir miserablemente a unha compañeira".

Métodos imposíbeis de cumprir durante toda a xornada

López Alejos sinala que Mercadona sempre utiliza presuntos incumprimentos dos métodos de traballo interno para xustificar estas rescisións, pero nunca trasladou estes criterios por escrito, a pesar da representación da CIG terllos solicitado en reiteradas ocasións. Ademais, matiza,  son tan exhaustivos "que resultan imposíbeis de cumprir durante toda a xornada laboral". "Ninguén é capaz de facelo, a dirección de Mercadona sábeo e utiliza eses pequenos e rutineiros erros que todo o mundo comete para despedir nun momento determinado a quen lle pete e provocar así o amedrentamento e a submisión do resto de persoal".

Como consecuencia desta política, apunta a presidenta do comité, "Mercadona é incapaz de ganar ningún xuízo por despedimento nos xulgados. Todos son declarados, como mínimo, improcedentes, e algún incluso nulo".

O persoal, sometido a un control exhaustivo

Explica que o persoal de tendas está sometido constantemente a un control exhaustivo das súas funcións, practicándoselles “preavaliacións e avaliacións” de minucioso control e supervisión, nas que se recollen apreciacións que son absolutamente subxectivas, xa que non dependen de criterios prefixados e coñecidos, senón do que valore en cada momento a persoa encargada da tenda.

Desas avaliacións depende en gran medida que se cobre ou non a prima anual,  "que a empresa utiliza como unha chantaxe para manter submiso ao persoal", mais tamén serven para aplicar despedimentos á carta. Deste xeito, "as consecuencias non son iguais para todas as traballadoras/es, e ante o mesmo incumprimento unhas veces prodúcese unha apertura de sanción, noutras emítense actas de reprimenda (que na práctica Mercadona utiliza como sancións nas cartas de despedimento) e noutros casos non acontece nada".

En calquera caso, a presidenta do comité reitera "que non se entende que un incumprimento sexa motivación suficiente como para proceder ao despedimento e menos aínda que este se aplique de forma selectiva e discriminada". Pois, casualmente, "a quen acaban despedindo é ás persoas que teñen o atrevemento de facer valer seus dereitos laborais".

Sección Sindical da CIG en Mercadona na Provincia de A Coruña.

Enviado por:
André Abeledo Fernández
-andre1474@gmail.com-
9 de abril de 2021 20:14
_______

A CIG di basta xa aos despedimentos á carta en Mercadona: inxustos e arbitrarios - O venres 9 de Abril, de 12:30 a 13:30 horas, mobilización diante do Mercadona de Cee, pola readmisión de Lucía

A CIG di basta xa aos despedimentos á carta en Mercadona

A CIG ten denunciado en reiteradas ocasións que o persoal dos supermercados desta cadea está sometido a un exhaustivo control das súas funcións con constantes pre-avaliacións e avaliacións e unha minuciosa supervisión. Valoracións con apreciacións subxectivas que non dependen de criterios prefixados e coñecidos, senón do que considere en cada momento a persoa encargada da tenda.

Cuestións como cobrar ou non a prima anual está condicionado polo resultados desas valoracións, así como a decisión de aplicar despedimentos que son completamente arbitrarios. A CIG considera ademais que deste xeito se trata de xustificar o que en realidade é unha persecución ao persoal que exerce e defende os seus dereitos laborais.

Inxustos e arbitrarios

A sección sindical da CIG de Mercadona denuncia que a empresa tampouco presenta por escrito os supostos incumprimentos dos métodos de traballo internos, o que deriva nunha grave situación de indefensión do conxunto de persoal. Métodos que nas actuais circunstancias, e co exceso de carga de traballo que teñen desde o inicio da pandemia nas 23 tendas da provincia, son imposibles de cumprir durante toda a xornada laboral, para un persoal totalmente extralimitado nas súas funcións. Unha situación que Mercadona xustifica polos problemas de organización e a imprevisibilidade da situación.

Xunto a isto asegura que un mesmo incumprimento supón para unhas traballadoras/es a apertura dunha sanción, para outras unha acta de reprimenda, mentres que noutros casos non acontece nada. En todo caso a CIG rexeita que un incumprimento sirva como motivación á empresa para xustificar un despedimento e moito máis que isto se aplique de forma selectiva e discriminada.

Non obstante, denuncian que o control exhaustivo de tarefas acrecentouse "e segue recaendo na subxectividade da opinión do/a encargada/o de tenda (coa colaboración do departamento de RRHH) a decisión de abrir actas, amoestacións, sancións e suspensos nestas avaliacións persoais a quen non se dobregue ante as esixencias de renunciar a exercer os seus dereitos laborais, atendendo unicamente a dar total prioridade ás necesidades de incrementar a produtividade nas tendas".

A este respecto subliñan a persecución que sofre o persoal que cae de baixa, chegando a darse casos de traballadoras/es a quen Mercadona lles puxo vixilancia privada para controlar o que facían; a dificultade coa que se atopan as mulleres embarazadas para acceder á suspensión de contrato por risco, en cumprimento dos protocolos de prevención; as complicacións para acollerse ás reducións de xornada por coidado de menor que a empresa formaliza con carácter de “revisable mensual/semestral”; así como a negativa sistemática das solicitudes horarias en materia de conciliación da vida familiar e laboral.

"Perseguen a identificación de disidentes do seu sistema/modelo de traballo (que chaman Modelo de Calidade Total) que  Mercadona debe de pensar que está por enriba do Estatuto dos Traballadores e Traballadoras e que, en todo caso, lles sae moi rendíbel. Xa nin que dicir ten dos dereitos sindicais, a política do medo e a represión son cimentos nesta cadea de supermercados", apuntan desde a sección sindical da CIG que seguirá pelexando para que se respecten os dereitos de todo o persoal.

A CIG continua as mobilizacións en Mercadona polos continuos  despedimentos:

Continuamos cunha campaña de manifestacións ante os numerosos despedimentos que esta cadea de supermercados está a levar a cabo: pese ós seus enormes beneficios e á gran sobrecarga de traballo, que atura o Comercio de Alimentación dende o primeiro momento do inicio da pandemia como servizo esencial, non só non reforzan ao persoal, senón que todo o contrario:

D E S P I D E N !

(casualmente ás/os que intentan exercer os seus dereitos)

✅ Venres 9 de Abril, de 12:30 a 13:30 horas, mobilización diante do Mercadona de Cee.

Precisamos o voso apoio para defender os dereitos laborais da nosa compañeira Lucía, pola que reivindicaremos á súa readmisión.

Sección Sindical da CIG en Mercadona - A Coruña

Enlace novas CIG-Mercadona. | Ir á Web.

CIG Comarcal
Rúa Eduardo Pondal, 41/43 entrechán
15403
Ferrol
981358750
981358760
ferrol@galizacig.gal

Enviado por:
André Abeledo Fernández
-andre1474@gmail.com-
25 de março de 2021 15:05
25 de março de 2021 16:26
_______

Suceso da Folga Xeral Comarcal en Ferrolterra, Eume e Ortegal este 10 de Marzo de 2021, no Día da Clase Obreira Galega - Ferrolterra Existe ! - Vídeos e Galería Fotográfica

Diante da situación de emerxencia social e económica, os sindicatos CIG, CCOO e UGT convocaron unha xornada de folga xeral nas comarcas de Ferrolterra, Eume e Ortegal para hoxe 10 de Marzo, o mesmo día que se conmemoran a loita obreira do 72 en Ferrol e a morte de Amador Rei e Daniel Niebla, por disparos da policía franquista. A folga está tendo un significado suceso á que respondeu a clase traballadora e a veciñanza das Comarcas. Ás 12 do mediodía partía unha manifestación desde a Gándara que rematou na praza da cabeceira das Pías, onde está situada unha réplica da antiga Porta Nova de Ferrol que lle dá nome a esa praza, nas inmediacións do monumento Dez de Marzo, á Solidariedade da Clase Traballadora, onde se efectuou unha ofrenda floral na que participaron, mulleres e homes represaliados nos sucesos do 72 e unha nena e un neno, simbolizando o futuro esperanzador de loita, dereitos e benestar para estas comarcas, gopeadas polos gobernos de quenda. Ferrolterra Existe ! Viva o 10 de Marzo !! Viva o Día da Clase Obreira Galega !!

A progresiva desindustrialización e destrución de emprego, o incremento das exclusión e a falta de proxectos de futuro son un feito palpábel, perda de postos de traballo e recursos económicos e sociais, en todos os sectores. O sindicatos reivindican "feitos concretos", solucións urxentes, "que existen e que ademais están máis que discutidas e plasmadas en centos de documentos". Por iso, para as centrais sindicais está nas mans do Goberno galego e do Goberno español poñer en marcha de inmediato esas solucións que dependen da vontade política.

O acto central desenvolveu-se na praza onde interviñeron os secretarios comarcais das tres centrais sindicais, Manel Grandal (CIG), Santi Díaz (CCOO) e Toni Díaz (UGT) e rematou co canto do Hino Galego.





Galería Fotográfica
_______

O persoal de Galicia Téxtil reivindícalle á Xunta que faga as xestións ás que se comprometeu - Reclaman da empresa a retirada do despedimento colectivo e que se lle revise a concesión da presa

As traballadoras/es de Galicia Téxtil concentráronse o pasado venres diante do edificio da Xunta en Ferrol para exixir a reversión do despedimento colectivo aplicado pola empresa e despois de transcorrida unha semana da xuntanza co director do IGAPE e a secretaria xeral de Relacións Laborais sen recibiren noticias das xestións que a administración se comprometeu a facer.

"Non podemos máis que manifestar o noso malestar co deixamento e a falta de acción que percibimos por parte do goberno da Xunta. Unha vez máis, a Xunta do PP está a amosar a súa incapacidade para actuar fronte a desertización industrial que estamos a padecer na comarca. Enchéselles a boca facendo declaracións propagandísticas, pero cando poden demostrar cos feitos o seu compromiso coa defensa dos postos de traballo non están nin se lles agarda", critican dende a representación do persoal (UGT e CIG).

Neste senso, o persoal agarda que a autoridade laboral teña en conta as irregularidades producidas no transcurso da negociación do ERE, así como a inexistencia das causas alegadas pola empresa, para paralizar o despedimento colectivo ."De non ser así, estariamos diante dun uso perverso da lei por parte da empresa e dun mirar para o outro lado da administración".

Debate na Comisión de Industria do Parlamento

Dentro das accións que os traballadores e traballadoras están a levar adiante para reverter o despedimento de 13 compañeiras/os, demandar a intervención da Xunta e garantir o futuro industrial da fábrica de Neda, a representación sindical acudirá este mércores ao Parlamento de Galiza. Ese día debaterase na Comisión de Industria unha proposta non de lei presentada polo BNG, na que se insta o goberno galego a facer as xestións necesarias diante da empresa para salvar os postos de traballo.

De igual xeito, ínstase a Xunta a que revise a concesión do uso da presa do Rei por parte de Galicia Téxtil, no caso de que a empresa non se comprometa co mantemento do emprego na factoría.

Fonte: Avantar. | Ferrol - 01 Mar 2021

_______

Foi a Marcha en Ferrol, este domingo 7 de febreiro, dentro da campaña da CIG por 'unha saída galega xusta da crise' - Vídeo

Marcha de Ferrol da Unión Comarcal da CIG, deste domingo 7 de febreiro, dentro da campaña "por unha saída galega xusta da crise" que a CIG está a desenvolver dende o mes de outubro, foi unha xornada de mobilizacións en diferentes vilas e cidades da Galiza. En Ferrol desenvolveu-se desde a Praza Vella ate a Praza da Antiga Porta Nova, pasando polo centro de Ferrol. Unha xornada  de mobilizacións para esixir políticas que permitan encetar unha auténtica recuperación económica e social e camiñar cara a unha situación de emprego, salarios, pensións e condicións de traballo dignas na Galiza.


https://youtu.be/S6J4NwffQGw

_______

As organizacións sindicais acordan mudar a folga xeral en Ferrolterra para o 10 de marzo, coincidindo coa conmemoración do Día da Clase Obreira Galega

 
Os secretarios comarcais de CIG, UGT e CCOO compareceron esta mañá en rolda de prensa para informar de decisión de trasladar a convocatoria da folga xeral en Ferrolterra, Eume e Ortegal para o 10 de marzo, Día da Clase Obreira galega, a causa da situación sanitaria e das limitacións na mobilidade. Para ese día está prevista tamén unha manifestación que sairá ás 12 horas dende a rotonda do Alcampo (na Avda. da Gándara) e discorrerá pola estrada de Castela até a Porta Nova.

Manuel Anxo Grandal, secretario da CIG de Ferrol, subliñou que esta non foi unha decisión doada, tendo en conta a crítica situación Sociolaboral e económica da comarca "que precisa de medidas e actuacións urxentes por parte dos gobernos". Por iso, lanzou un chamamento  a toda a cidadanía "para lograr que tanto a folga como a mobilización sexan un éxito de participación".

Grandal puxo como exemplo da crise da comarca o peche de Gamesa, o desmantelamento da central das Pontes no marco dun proceso de transición enerxética que non é xusto, a falta de carga de traballo en Navantia, o ERE de Galicia Téxtil, a destrución produtiva da ría, o abandono do sector agrogandeiro, ou os peches no sector servizos, acelerados pola pandemia, pero que xa se viñan arrastrando de antes.

Ferramenta fundamental de loita

Neste senso, subliñou que a folga é a ferramenta de loita que ten a clase traballadora, polo que animou a saír á rúa este 10 de marzo "data de conmemoración do asasinato de Amador e Daniel en 1972 no marco dunha loita obreira pedindo xustiza social", e neste 2021 "iso é o que temos que reclamar tamén nós, xustiza social". "Xogamos-nos un dereito fundamental, poder vivir e traballar dignamente na nosa terra e, como tal dereito, temos que defendelo", afirmou Grandal.

Denunciou que as comarcas de Ferrol, Eume e Ortegal esmorecen por inanición e son as administracións española e galega ás que teñen que aplicar medidas concretas e urxentes para reverter o peche de industrias, a destrución de emprego, o incremento da exclusión social, a perda de poboación, o deterioro dos servizos públicos ou o déficit histórico de infraestruturas na comarca. "Xa non valen máis mesas, nin máis estudos, nin máis milongas, a Xunta e o Goberno español teñen que tomar decisións políticas de inmediato e facer os investimentos necesarios", aseverou.

Grandal reiterou o chamado á participación masiva na folga e mobilización do 10 de marzo para, precisamente, premer e obrigar as administracións a actuar "porque as medidas que se necesitan dependen da vontade política. Porque nos xogamos existir ou non existir".

Fonte: Avantar. | Ferrol - 01 Feb 2021 | Creative Commons.
_______