En Ferrol, como en toda Galiza, hoxe manifestación unitaria en defesa das liberdades democráticas, non á represión, viva o movimento obreiro - Solidariedade con Carlos, Serafín, Ana e Tamara

Hoxe, 30 de Xuño de 2014, ás 8 da tarde, en Ferrol, como en toda Galiza, vai ter lugar mobilizacións diante da ofensiva represora do PP contra a resposta social aos recortes en dereitos laborais e sociais, as organizacións sindicais CIG, CCOO e UGT acordaron convocar unha serie de protestas en toda Galiza. Con estas convocatorias queren reclamar o indulto para os traballadores/as condenadas a prisión por exerceren o noso dereito á folga, como os casos dos compañeiros Carlos Rivas e Serafín Rodríguez, e as compañeiras Ana e Tamara. Esta campaña conta co apoio da Alianza Social Galega. Mesmo a CNT pronuncio-se que ía participar nas mobilizacións contra a represión antisindical.

O pasado venres 27 de Xuño, desenvolveu-se unha concentración diante do Tribunal Superior de Xustiza de Galiza na Coruña, onde membros das tres centrais auto-inculparon-se por ter participado en actos en defensa da clase traballadora, de igual xeito que o fixeron as catro persoas inxustamente condenadas.

Desde o movimento sindicalista fan un chamamento á clase traballadora para que amose na rúa o rexeitamento das políticas represoras e de a criminalización da protesta social, da ofensiva penal contra o dereito de folga por parte do Goberno Español do PP e dunha Xustiza ao seu servizo, e a amosar a nosa solidariedade de clase con todos e todas as compañeiras que están a padecer os efectos deste brutal ataque. Carlos, Serafín, Ana e Tamara son hoxe as vítimas directas, mais a a represión afecta a todo traballador e traballador que exerce con dignidade os seus dereitos fundamentais como son o de folga, manfiestación, sindicación e liberdade de expresión.

Participa nas manifestacións que o vindeiro luns 30 terán lugar en diferentes cidades e vilas do pais.

Lugares e horarios das mobilizacións:

A Coruña: manifestación dende a Casa do Mar ás 20.00 h.
Ferrol: manifestación dende a Praza da Porta Nova (Praza de España) ás 20.00 h.
Compostela: concentración na Praza de Galiza ás 20.00 h.
Ribeira:  concentración na Praza do Concello ás 20.00 h.
Lugo: manifestación dende a Ronda da Muralla (edificio sindical) ás 20.00 h.
Viveiro: concentración diante dos Xulgados ás 12.30 h.
Monforte: concentración diante dos Xulgados ás 20.00 h.
Ourense: manifestación dende a Praza Maior ás 20.00 h.
Pontevedra: concentración na Praza da Peregrina ás 20.30 h.
Vilagarcía: manifestación dende a Casa do Mar ás 20.30 h.
Vigo: manifestación dende Vía Norte ás 20.00 h.
_____________

Vivir dignamente é un dereito - Interesante Vídeo que nos envian desde Coia - Vigo

"Vivir dignamente é un dereito”, é o berro compartido que, desde a última imaxe do seguinte vídeo, nos fala do contido da campaña que desenvolvinmos a ODS-Coia e a Parroquia Cristo da Vitoria de Coia durante o 2013 cun dobre obxectivo: denunciar o crecente empobrecemento que padecemos unha gran parte da cidadanía e esixir ás administracións públicas que cumpran coa súa obriga de garantir os dereitos sociais de todas as persoas a través da implantación da renda básica.

Foi gravado durante a festa d'A Bouza 2013.

Agardamos que o disfrutedes!


Vivir dignamente - Bouza 2013 from arealidade on Vimeo.
O vídeo neste enlace: https://vimeo.com/74489629
---
OFICINA DEREITOS SOCIAIS - COIA (ODS-Coia)
odscoia.arkipelagos.net | dereitossociais@gmail.com |@odscoia | tel: 696 618 732
Atendemos os luns de 17h00 a 19h00 nos locais da parroquia do Cristo da Victoria en Coia (rúa Baiona 9, Vigo).

Enviado por:
Oficina Dereitos Sociais - Coia
-dereitossociais@gmail.com-
29 de setembro de 2013 23:41
_________________

O Inquisidor, ... Por Lupe Ces

-->

Por Lupe Ces [*]
23.07.2012

O ministro Gallardón quere converter em lei o que é simplesmente doctrina de fe. Segue o caminho planeado polo nacional-catolicismo, amplamente representado nas instituiçons. Um caminho planeado longe da transparência e da democracia, nos sombrios espaços das seitas mais poderosas, chamem-se Opus Dei, Comuniom e Libertaçom ou Neocatecumenato. A vida das mulheres e das nenas, graças a este obediente inquisidor, vai estar constringida à moral dumha Igreja que é capaz de obrar o milagre de recolher mais dum milhom de euros nos seus cepilhos.

Assim, como no tempo onde nos mandavam torturar e queimar nas praças públicas, para liberar as nossas almas possuídas polo mal da bruxaria, agora o inquisidor, quere liberar-nos da violência estrutural que nega os nossos direitos, dando-lhe de beber à opinom pública um vinho de arrecendos democráticos que agocha o mortal veleno da misoginia, mentres mulheres e nenas, quedam expostas ao lume da maternidade imposta.

Chega a sua perversom ao extremo de converter a malformaçom do feto num problema de discriminaçom. As leis e os direitos que nelas tenhem que estar garantidos, estam em mans de mentes obsessionadas em legislar, acotar e dominar, o que consideram o espaço-força origem do pecado: a sexualidade e o corpo das mulheres. A Inquisiçom carga de novo contra as cidadás livres, que poidam decidir, com toda a informaçom necessária, levar a termo ou nom um embaraço, com malformaçons ou sem elas, é o seu direito.

[*] Lupe Ces Rioboo -Caranza Ferrol 1953, é mestra, activista social, integrante da Marcha Mundial das Mulleres. Forma parte do Colectivo Ártabra 21.

Blogue persoal: Caranza free opiniom
-----

Esquerda Unida denuncia o trato discriminatorio que, en contra das disposicións legais vixentes, recibíu un matrimonio (formado por dúas mulleres) da comarca a instancias do Rexistro Civil de Ferrol

Comunicado do Consello comarcal de Esquerda Unida
Ferrol, xoves 12 de xullo de 2012

ALEAS-ESQUERDA UNIDA QUERE DENUNCIAR O TRATAMENTO DISCRIMINATORIO PROVOCADO NO REXISTRO CIVIL DE FERROL
OS DEREITOS DE CIDADANÍA SON PARA TODAS E TODOS, NON TEÑEN QUE VER COA OPCIÓN SEXUAL DE CADA QUEN
EU RECLAMA UNHA RECTIFICACIÓN FORMAL DO REXISTRO CIVIL DE XEITO QUE SITUACIÓNS SEMELLANTES NON SE VOLVAN PRODUCIR

Dende a Área de Liberdade de Expresión Afectivo-Sexual de Esquerda Unida queremos denunciar o trato discriminatorio que, en contra das disposicións legais vixentes, recibíu un matrimonio da comarca de Ferrolterra a instancias do Rexistro Civil de Ferrol.

O matrimonio formado por dúas mulleres da comarca, acudíu ao Rexistro Civil para inscribir aos seus fillos recén nacidos, cando se atoparon cunha serie de trabas impropias da súa situación legal. Para poder efectuar o rexistro indicóuselles un procedemento propio dunha parella non casada en matrimonio, o que non se corresponde co estado legal da parella. Posto que dende estas instancias se lles poñían unha serie de trabas optaron por acudir ao Rexistro Civil do concello do que procede unha das mulleres, Outeiro de Rei, onde segundo o establecido por Lei se permitíu o trámite sen obxeccións.

Estes feitos constitúen un caso flagrante de discriminación deste matrimonio entre persoas do mesmo sexo, en relación con calquera outro de distinto sexo, en contra do establecido legalmente a partires das reformas derivadas tanto da Lei 13/2005, de 1 de xullo, pola que se modifica o Código Civil en materia de dereito a contraer matrimonio, como da Lei 14/2006, de 26 de maio, sobre técnicas de reprodución humana asistida, que no Artigo 7.3. establece que “Cando unha muller estivese casada [...] con outra muller, esta última poderá manifestar fronte o Encargado do Rexistro Civil do domicilio conxugal, que consinte en que cando naza o fillo [...] se determine ao seu favor a filiación respecto ao nacido”.

Entendemos que estes feitos seguen a acontecer aínda hoxe por descoñecemento e desatención ás obrigas estabrecidas por Lei, polo que requerimos rectificación inmediata por parte da institución, así como se solicita se emprendan as accións precisas para que feitos coma este non volvan a acontecer nun futuro.

Esquerda Unida - Ferrol
Rúa do Sol 124 entrechán esquerda, Ferrol


eu-ferrolterra@esquerdaunida.org
eu-ferrolcomarca@esquerdaunida.org

facebook
http://www.esquerdaunida.org/ferrol.html
http://www.esquerdaunida.org/

Enviado por:
Ferrol Esquerda Unida
-eu-ferrolterra@esquerdaunida.org-
12 de julho de 2012 14:07
Prezadas/os amigas/os: achegamos un comunicado do Consello denunciando a discriminación padecida por unha parella no rexistro civil. Saúdos, Ramiro Marier
_______________

O goberno do, polo de agora, Reino de España elimina dos orzamentos a partida destinada ao Plan Nacional sobre a Sida

Nos orzamentos xerais do Estado, para este exercicio 2012, eliminouse a partida destinada ao Plan Nacional sobre a Sida. Deste departamento dependen a maior parte dos programas de prevención do VIH que realizamos as organizacións da sociedade civil. Todo fai prever que a decenas de miles de persoas, sobre todo a aquelas máis vulnerables, se lles privará dun dereito. O dereito a preservar a súa saúde. O dereito a non infectarse de VIH

Carlos Varela
Presidente de Lazos Pro Solidariedade Comité antisida de Ferrol


LAZOS pro Solidariedade-Comité antisida de Ferrol Asociación de afectados/as polo VIH e as drogas Vogal territorial de Galicia en CESIDA.
Dirección web: http://comitelazos.blogspot.com
Dirección sede: Avda. Dr Fleming 8-10 Baixo
15401 Ferrol ( A Coruña )
Tfno./Fax 981350777
Tfno. Móvil :698147975


Enviado por:

Elena Casal Mera (Google+)

-elenacasalmera@gmail.com-

5 de abril de 2012 23:34

_____________

Que é o que pretende EsCULcA solicitando as testemuñas das dilixencias preprocesuais realizadas pola Fiscalía no Caso do Buque Lafayette?

PRETENDE EsCULcA NO CASO LAFAYETTE
"Exercer control externo sobre a actuación da Fiscalia"

EsCULcA contestou hoxe ao decreto de 1 de Decembro da Fiscalía da Área de Ferrol en que se requería ao Observatório que manifestase o uso que pretende dar ás copias solicitadas das dilixencias preprocesuais que se seguiron no caso do barco Lafayette.

Na sua resposta, Fernando Blanco Arce, en nome de EsCULcA, afirma que demanda a documentación coa fin de exercer control externo sobre a actuación da Fiscalía na dilixente defensa dos dereitos das presuntas vítimas do delito (menores de idade), propor dilixencias de reapertura das dilixencias ou, no caso de comprobarse unha actuación insuficiente na devandita defensa dos dereitos dos menores polo Ministerio Público, instar a adopción das medidas disciplinarias ou doutro teor que orgánicamente procedan.

Escrito de resposta presentado ante a Fiscalía da Área de Ferrol en formato pdf .

Web oficial de EsCULcA:
http://www.esculca.net/index.php
______________________

Ártabra 21 abre un sitio na rede para informar sobre o caso do buque "Lafayette"

Para facilitar o seguimento e toda a relación de acontecementos e a recompilación do maior número de información, Ártabra 21 abre un sitio na rede sobre o caso do buque factoría-pesqueira "Lafayette".

http://caso-buque-lafayette.blogspot.com/
_________________

"Escravitude infantil, solución final neoliberal" - Denuncia de Esquerda Unida no caso do buque Lafayette

• ESQUERDA UNIDA DENUNCIA O ABANDONO DA FISCALÍA PARA PERSEGUIR UN PRESUNTO CASO DE ESCRAVITUDE INFANTIL: "NON CABE CONTEMPLACIÓNS COA SOLUCIÓN FINAL NEOLIBERAL, A ESCRAVITUDE INFANTIL", SINALA YOLANDA DÍAZ
• ESQUERDA UNIDA ESIXE Á FISCALÍA DO ESTADO UNHA ACTITUDE RIGOROSA E QUE EXTREME O CELO NA INVESTIGACIÓN DO PRESUNTO CASO DE ESCRAVITUDE INFANTIL DO BUQUE LAFAYETTE. O ESTUDO DAS CINTAS E UN REXISTRO METICULOSO DO NAVÍO SON AS PRIMEIRAS MEDIDAS A DESENVOLVER PARA ESCLARECER A DENUNCIA PRESENTADA

Esquerda Unida a través da súa Secretaría de Dereitos Civís e Liberdades Democráticas demanda da Fiscalía Xeral do Estado que se practiquen co máximo rigor as investigacións oportunas sobre o navío Lafayette, fondeado en augas canarias, que presuntamente emprega man de obra infantil. É o momento de que a fiscalía corrixe a intervención menor e neglixente que aconteceu en Ferrol, onde a embarcación estivo sendo reparada.

A gravidade dos feitos esixe da fiscalía o extremo do celo e a meticulosidad das investigacións en orde a depurar calquera responsabilidade. Yolanda Díaz, responsable federal da Secretaría, esixe unha actuación pública rigorosa que ten que pasar polo menos polo estudo concienzudo das cintas gravadas en Ferrol e dun rexistro exhaustivo da embarcación.

EU quere resaltar e agradecer o traballo e seguimento que desta causa realizaron particulares e diversas entidades sociais, que se encargaron de dotar de visibilidade a unha denuncia que as autoridades públicas descoidaron. Non cabe deixar pasar impune un posible delito por deixamento ou descoido, hai que ser rigorosos en particular co carácter destas denuncias.

Non se poden asinar tratados e convencións internacionais para a protección dos menores, para logo resten papel mollado cando se denuncian posibles casos de escravitude infantil. É nestes casos é cando todos os esforzos e cautelas están xustificados e non cabe optar polo menor ou o puro deixamento. Estas convértense en complicidade con prácticas e engrenaxes económicas inaceptables, que atentan contra calquera lectura non criminal da convivencia social.

EU reclama pois o desenvolvemento exhaustivo da investigación e o reforzamento da persecución de oficio polas fiscalías de todas e cada unha das denuncias que se presenten. A escravitude infantil -vulneración clamorosa de dereitos humanos- esixe dos poderes públicos do Estado unha beligerancia activa no seu combate. Non pode haber tolerancia algunha coas prácticas máis atroces e degradadas do capitalismo, o facer negocio coa infancia. Esas práctica prodúcense e é imperativo combatelas e castigalas.

Web de Esquerda Unida:
http://www.esquerdaunida.org/

de EsquerdaUnida Ferrol, o Sábado, 3 de decembro de 2011, 19:09

Enviado por:

suso

-susopazos@yahoo.es-

4 de dezembro de 2011 00:49

_________________

O 'Lafayette' logo de pasar dous días sen rumbo fixo, a 45 millas de "Las Palmas de Gran Canaria", atraca no Dique Reina Sofía supostamente custodiado pola policia - EsCULcA informa máis sobre a denúncia de explotación de traballo infantil

O Lafayette atraca no Dique Reina Sofía, supostamente para continuar coa reparación que iniciara na Ría de Ferrol no astaleiro de Navantia-Fene o 10 de Outubro pasado, até que o 24 de Novembro elevou anclas logo de que a Fiscalia da Área de Ferrol arquivara a denuncia.

A consignataria do buque segue negando a denuncia por explotación infantil, mais a policía accedeu ao barco e despois quedou custodiándoo.

O Lafayette volveu ao Porto da Luz e das Palmas logo de dous días sen rumbo fixo decenas de millas ao norte de Gran Canaria.

A Autoridade Portuaria informou este venres que o buque de bandeira rusa denunciado en Ferrol por explotación infantil tiña previsto quedar fondeado fronte ao dique Reina Sofía este mesmo venres, á espera de concretar un punto fixo de atracada.

A atracada produciuse finalmente á tardiña xusto na punta do dique Reina Sofía, desde onde o alargado buque é visible en todo o litoral da capital. A Policía accedeu ao barco e pouco despois testemuñas presenciais transmitiron que varios axentes custodiaban o barco e que os seus vehículos estaban na zona.

Versión da consignataria

A información que manexa Portos das Palmas, a través da consignataria do buque-factoría, desmente a presenza de menores no barco e xustifícaa como unha "vendetta" do traballador denunciante no Ferrol.

A Autoridade remitiu á inspección rutineira que realiza a policía de fronteiras desde que se produciu a atracada do buque de bandeira rusa, que ten previsto someterse a reparacións durante os dous próximos meses.

Save The Children, Amnistia Internacional, Esquerda Unida, EQUO, BNG, ... e diversos colectivos están pendentes do que se está facendo co buque esixindo-lle celo ás autoridades e presentando denuncias e solicitudes e explicacións a diferentes organismos, xulgados e institucións. Desde Galiza AGAMME e EsCULcA levan un seguimento e diferentes actuacións de observación  e denuncia.

CASO LAFAYETTE

Mais sobre a denúncia de explotaçom de trabalho infantil

2 de Decembro de 2011

Tamém ao Parlamento Galego chegou a preocupaçom polos graves feitos denunciados por um cidadao de Ferrol que afirma ter visto menores trabalhando a bordo do buque-factoria Lafayette.

Bieito Lobeira Domínguez e Fernando Blanco Parga apresentarom  o pasado 30 de Novembro no Parlamento Galego umha pergunta, para a sua resposta escrita, em que se reclama ao Governo que explique se conhecia os feitos descritos na denúncia, que medidas se adoptarom e se está prevista algumha actuaçom do executivo a esse respeito.

Pola sua parte, a Asociación Galega contra o Maltrato a Menores (AGAMME) dirigiu-se à Defensoría del Pueblo para reclamar que se ponham os meios necessários para inspeccionar o buque e resgatar os menores que presumivelmente sofrem maltrato. A Defensoría contestou o 2 de Decembro comunicando que a queixa fora aceitada a trámite.

DILIXENCIAS NO CASO LAFAYETTE

Resposta da Fiscalía da Área de Ferrol a solicitude de EsCULcA

2 de Decembro de 2011

Con data 1º de Decembro, o Fiscal da Área de Ferrol , Román Ruiz Alarcón, contestou o escrito presentado por EsCULcA o pasado 30 de Novembro en que o noso observatorio requeria  testemuño íntegro das dilixencias preprocesuais 25/201 incoadas a raiz da denuncia dun cidadán que afirma ter visto varios menores traballando a bordo do buque Lafayette en condicións de extrema precariedade.

Ruiz Alarcón lembra que a LOPJ contempla, efectivamente, a posibilidade de que calquera persoa que acredite un interese lexítimo terá dereito a obter copia de escritos e documentos que consten nos autos sempre que estes non teñan sido declarados reservados ou secretos. No entanto, o Fiscal pede a EsCULcA que esclareza que emprego pensa dar ás copias solicitadas a fin de acreditar se en verdade é titular dun interese lexítimo que xustifique "excepcionar o principio xeral de segredo"

Web oficial de EsCULcA:
http://www.esculca.net/



Documentación:

• Dereitos d@ Nen@
• Convención sobre os Dereitos do Neno

A noticia en EsCULcA:

UNHA TESTEMUÑA DENUNCIA ABUSOS E MALOS TRATOS

A Fiscalía deixa partir buque sospeitoso de explotación de menores

27 de Novembro de 2011
O buque-factoría Lafayette pudo abandonar a División de Reparacións dos Estaleiros de Navantia Fene, onde permanecía desde principio de outubro, a pesar dos numerosos indicios que apuntan para unha situación grave de explotación de menores
[Entrar]

-----

O papel de Pedro Sanz, Fernádez de Mesa, Antón Martín - Shipping, "Galicia Ártabra Digital" e "Ártabra FM":

A publicación que dirixe Pedro Sanz "Galicia Ártabra Digital", que aclamara as reclamacións -coincidentes- de Fernández de Mesa e os axentes do armador, elimina as páxinas en que o deputado falaba de "caso de xulgado de guarda" no suposto de non se autorizar o Lafayette a entrar en Ferrol.

Os arquivos eliminados por esta interesada publicación que por certo na súa versión en radio "Ártabra FM" ligada a cadea de RTV Intereconomia da dereita española máis rancia, está avalada çomo "democratica e independiente" por políticos e sindicalistas de esquerda que participan nos seus programas como tertulianos ou comentaristas. Como diciamos estes arquivos eliminados poden-se ver aquí:

[Continua el “caso Lafayette”. Siguen sin dar autorización de entrada del buque para reparar en Navantia-Fene]

[El “Lafayette” es esperado mañana en Ferrol. Un lío tremendo que alguien debería explicar]


Fontes: propias, de AGAMME, de EsCULcA e de canariasahora.com.
___________________

O buque continúa deambulando a unhas 50 millas da costa grancanaria "sen goberno" - "É evidente que hai nenos nese barco", afirma a asociación denunciante, a galega AGAMME - EsCULcA solicita dilixencias á Fiscalía de Ferrol

O Lafayette, case parado a unhas 46 millas da Luz e "sen goberno".
NOVAS DENUNCIAS POR PRESUNTA EXPLOTACIÓN INFANTIL

A Asociación Galega contra os Malos tratos ao Menor (AGAMME) presentou unha denuncia ante o Xulgado de garda en Las Palmas de Gran Canaria polo presunto caso de explotación infantil a bordo do maior buque pesqueiro-factoría do mundo, o Lafayette, que continúa deambulando a unhas 50 millas da costa grancanaria "sen goberno" despois de que abortase o mércores pola noite o fondeo no Porto da Luz, onde tiña previsto arribar o martes procedente da Coruña.

AGAMME tamén presentou escritos ao Defensor do Pobo, a asesora da área de Migracións e Igualdade de Trato do Goberno central, a Fiscalía Xeral do Estado, o Defensor de Menores e o Deputado do Común.

A asociación trata así de reactivar unha investigación que foi arquivada pola Fiscalía de Ferrol o pasado xoves, logo dunha inspección de pasaportes na que non se apreciaron indicios da presenza de menores traballando no buque, como aseguraba o traballador dos estaleiros que denunciou o caso. O operativo policial despregado non puido, con todo, revisar a fondo o Lafayette ao carecer dos permisos de estranxeiría e da embaixada rusa.

"É evidente que hai nenos nese barco, falamos con moita xente que foi testemuña", afirma Eva Seoane, portavoz de AGAMME, quen lamenta que non exista material gráfico que atestigüe a situación da decena de menores de entre 8 e 14 anos que se acharían no interior do barco. "A Fiscalía de Ferrol non solicitou as cintas das cámaras de seguridade do porto e esas imaxes ao mes destrúense", recorda Seoane.

A asociación reclama á Xustiza que actúe "coa máxima prema e contundencia" para "liberar aos menores da escravitude". O seu portavoz reclama que as autoridades competentes, facendo uso da legalidade vixente a nivel internacional, aborden o buque ou o leven a porto para realizar unha exhaustiva inspección. "Eses menores teñen que volver coas súas familias ou ir a un centro de acollida", asevera Seoane.

AGAMME considera que o capitán do barco con bandeira rusa "non sabe que facer nin onde ir" debido ao cariz que están adoptando os acontecementos, con varias organizacións internacionais á espreita. O buque apenas se moveu nas últimas horas e navega a unha velocidade moi reducida, por baixo dun nó por hora. "Se non se moven, por algo será", advirte a portavoz, quen recalca que o barco debía permanecer outros dous meses no porto de Ferrol para reparar unha avaría técnica, polo que augura que debe estar sufrindo "unhas perdas tremendas".

LAS PALMAS DE GRAN CANARIA. - IVÁN SUÁREZ

Fonte: http://www.canariasahora.com/noticia/208682/

Web oficial de AGAMME:
http://agamme.org/

DENUNCIA DE EXPLOTACIÓN DE MENORES

EsCULcA solicita dilixencias á Fiscalía de Ferrol

1 de Decembro de 2011

O pasado 30 de Novembro, Fernando Blanco Arce, en nome de EsCULcA, solicitou á Fiscalia da Área de Ferrol testemuño íntegro das dilixencias preprocesuais 25/201 incoadas a raiz da denuncia dun cidadán que afirma ter visto varios menores traballando a bordo do buque Lafayette en condicións de extrema precariedade.

Román Ruiz Alarcón, Fiscal Xefe de Ferrol, declarou hoxe que estudará se EsCULcA "pode ter aceso a unhas dilixencias como as practicadas" (sic)

Web oficial de EsCULcA:
http://www.esculca.net/
__________________

O buque Lafayette evade o porto das Palmas, pese a ter prevista a entrada - Un buque con denuncias por explotación infantil sortea Las Palmas de Gran Canaria

O Lafayette en Navantia-Fene antes de saír precipitadamente da Ría de Ferrol o pasado 24 de Novembro, unha vez que a Fiscalia da Área de Ferrol arquivou a denuncia

O Lafayette partiu o pasado xoves de Ferrol dous meses antes do previsto logo de ser investigado pola presunta presenza de menores traballando a bordo.

Apenas dúas millas separaron este mércores pola noite ao maior buque pesqueiro-factoría do mundo do Porto da Luz e das Palmas. O Lafayette, de bandeira rusa -Pertence a un armador Chinés, tiña previsto atracar no peirao da capital grancanaria o martes -29 de Novembro- ás 09.00 horas tras partir o pasado xoves de Ferrol (A Coruña) no medio dunha turbia polémica polo arquivo da investigación sobre un presunto caso de explotación infantil a bordo do barco.

Con todo, sobre as 21.00 horas deste mércores, cando se aproximaba á bahía da capital e a pesar de que solicitara atracada á Autoridade Portuaria, o buque modificou bruscamente o seu rumbo e afastouse da Illa en dirección nordés. Á primeira hora deste xoves, o Lafayette xa se atopaba a máis de 44 millas da Luz, aínda que nas últimas horas retardou a velocidade de navegación (dos 11 nós por hora a 1).

O barco chegou o pasado 13 de outubro ao porto de Ferrol procedente de Illas Feroe para unha reparación de tres meses. Foi un traballador dos estaleiros quen, tras consultalo con asociacións como Save The Children e Amnistía Internacional, presentou senllos escritos ante a Fiscalía Xeral do Estado e a sección de menores da Fiscalía Provincial da Coruña para denunciar que vira polo menos a unha decena de nenos de entre 8 e 14 anos traballando no interior do buque.

"Ao principio imaxineime que eran familiares dos mariñeiros, pero cheguei a ver a algúns deles cargando sacos de arroz de 25 quilos. Só saían pola noite, polo día estaban escondidos" , relata o traballador en declaracións a CANARIAS AGORA. A denuncia foi presentada o 22 de novembro, data na que, segundo a Fiscalía de Ferrol, establécese o dispositivo policial e arrinca unha investigación que arquiva dous días despois ao non apreciar "indicios de presenza de menores a bordo" . Horas logo desta decisión, o buque partiu cara a Las Palmas de Gran Canaria, a pesar de que a súa intención era permanecer polo menos dous meses máis no porto galego.

A Fiscalía recoñece que non se puido rexistrar todo o buque ao non contar cos permisos de estranxeiría e da embaixada de Rusia. O ministerio público precisa que os pasaportes dos aproximadamente 200 membros da tripulación estaban en regra e que no Lafayette había traballadores de 18 anos e nacionalidade vietnamita "que puideron ser confundidos con menores" .

"Podo confundirme en se tiñan 12, 13 ou 14 anos, pero algúns me chegaban pola cintura. Outros non terían máis de 10 anos" , asegura o denunciante, quen insta ás autoridades a revisar as cintas das cámaras de seguridade do recinto portuario, que "abarcan todo o estaleiro, teñen visión nocturna e gárdanse máis dun mes".

O traballador afirma que algúns dos seus compañeiros chegaron a acceder ao interior do buque despois de que se despregase o dispositivo policial e que viron aos menores "confinados na cociña". "Debían estar avisados, porque non baixaron do barco máis", sinala.

No escrito presentado ante a Fiscalía, o denunciante apunta que os nenos "traballaban máis de 10 horas ao día, apenas tiñan roupa, estaban en sandalias e durmían sobre cartóns" . Ademais, incide en que outros traballadores estarían dispostos a declarar como testemuñas, pero non a denunciar por "medo a represalias laborais".

AGAMME (Asociación Galega contra ou Matrato ao Menor) fixo un chamamento a outras asociacións similares para que "defendan os dereitos dos menores e actúen alá onde vaia o buque, en espera de que ningunha Fiscalía actúe do xeito que o fixo a da Coruña".

http://www.canariasahora.com/noticia/208532/

Mái información no Blogue de Susete'70

Enviado por:

suso

-susopazos@yahoo.es-

1 de dezembro de 2011 17:45

_______________

AGAMME esixe a liberación dos menores explotados no barco Lafayette

A Asociación Galega contra o Maltrato a Menores (AGAMME) quere informar do acontecido nas últimas horas co barco Lafayette, o maior buque factoría do mundo, logo da súa marcha precipitada de Navantia Fene. A fuxida do buque do estaleiro produciuse logo de que a Fiscalía de Ferrol arquivase o caso de denuncia interposta por un traballador dunha compañía de Navantia Fene, que testemuñou a presenza a bordo do Lafayette, de 10 ou 12 menores asiáticos de entre 10 e 12 anos de idade, a traballar no buque carretando sacas pola noite, sendo agochados polo día, durmindo sobre cartóns e malvestidos. O Fiscal de Ferrol non solicitou os permisos a Estranxeiría e a Embaixada Rusa limitouse a revisar se os pasaportes da tripulación estaban en regra e inspeccionar o barco polo exterior ante a carencia de permisos.

A partir do 26 de novembro, representantes de AGAMME puxéronse en contacto con asociacións estatais, internacionais e canarias, ao constatar que, logo de seguir por rádar a traxectoria do barco, este se achegaba ás inmediacións de Las Palmas de Gran Canaria, o dia 29, á 1 da madrugada, permanecendo a 3 quilómetros do peirao durante o día 30 de novembro. Porén, ás 22.00 horas da xornada de onte, o Lafayette mudou completamente de rumbo, avanzando cara ao Nordestede, a augas internacionais, ficando arestora a poucas millas da costa.

Dende AGAMME enviáronse denuncias ao Defensor do Pobo estatal, á Asesora da Área de Migracións e Igualdade de Trato, á Fiscalía Xeral, ao Defensor de Menores, ao Xulgado de Las Palmas e ao Deputado do Común do Goberno Canario (Valedor do Pobo).

AGAMME agarda que se aplique a lexislación vixente coa máxima premura e contundencia, xa que así o require o caso, e se libere aos menores da escravitude e malos tratos aos que están a ser sometidos.

Ferrol, a 1 de decembro do 2011

Web oficial de AGAMME:
http://agamme.org/


Para máis información falar con Eva Seoane no 659436230 ou agammeferrol@gmail.com

Enviado por:

Lupe Ces

-lupeces@gmail.com-

1 de dezembro de 2011 23:45

http://lupeces.blogspot.com/

_________________

Un traballador de Navantia Fene denuncia que no buque factoría-pesqueira "Lafayette" que na actualidade se atopa reparando no estaleiro de Perlio, hai "NENOS" menores de idade traballando en condicións lamentables - nota de prensa - denuncias presentadas - vídeos

NOTA DE PRENSA

A todos os medios de comunicación

Póñome en contacto con vostedes para informarlles duns feitos, que pola súa importancia e pola súa gravidade non dubidei nin un instante en "DENUNCIAR ANTE a Fiscal de Protección e Reforma de Menores, da Fiscalía Xeral do Estado, e ante a Sección de Menores, da Fiscalía Provincial da CORUÑA". Posto que os feitos que seguidamente me dispoño a narrar están relacionados con nenos de nacionalidade Chinesa e de moi curta idade.

Desde o pasado día 13 de Outubro atópase reparando nas instalacións do Estaleiro Público "Navantia Fene"?. O maior buque pesqueiro-factoría do mundo, o "Lafayette". Este barco navegou desde as illas Feroe ata o dique número cinco do estaleiro Fenés, non sen antes obter "serios problemas cos permisos", posto que A Subdirección Xeral de Pesca Marítima prohibiulle nun principio a entrada en Ferrol, como así o manifestou o deputado Arsenio Fernández de Mesa, en declaracións a un medio de comunicación local [*]. Aínda que o buque si que contaba cos permisos de entrada, tanto da Autoridade Portuaria como da Capitanía Marítima de Ferrol.

O "Lafayette" pertence á compañía Pacific Andes, con base en Hong Kong, e habitualmente opera cunha flota de arrastreiros que lle transfiren as súas capturas. A súa tripulación, que permanecerá a bordo durante a reparación, está formada por máis de 200 persoas e entre eles "NENOS" Menores de idade traballando en condicións lamentables, sen apenas roupa e en sandalias (A normativa impide estas condicións dentro dun estaleiro e menos aínda a existencia de nenos a bordo) Eses nenos están indefensos, traballan máis de 10 horas ao día, dormen sobre cartóns e conviven nunhas condicións de salubridade que fan temer o peor.

Eu vinos e do mesmo xeito que eu, moita máis xente que traballa dentro do estaleiro, sen que ninguén poña remedio a esta situación de abusos, con toda probabilidade por medo a futuras represalias laborais.

Poño estes feitos ao alcance de todos os medios de comunicación e rógolles encarecidamente que fagan todo aquilo que está nas súas mans para difundir esta denuncia que presentei, coa única finalidade de protexer a eses nenos, indefensos, sos e Explotados.

O barco, segundo parece, ten a intención de abandonar de forma precipitada o estaleiro este xoves día 24 de novembro, polo que é de vital importancia a maior difusión posible.

Un saúdo.


[*] Declaracións de Cuco Fernández de Mesa a "Galicia Ártabra - Ártabra FM" que foron eliminadas polo propio medio despois da denuncia, a saber por que?:

1.- [Continua el “caso Lafayette”. Siguen sin dar autorización de entrada del buque para reparar en Navantia-Fene]

2.- [El “Lafayette” es esperado mañana en Ferrol. Un lío tremendo que alguien debería explicar]

Denuncias presentadas:

Ilma. Sra. Dña. Consuelo Madrigal Martínez-Pereda
Fiscal de Protección y Reforma de Menores
Fiscalía General del Estado

Sr. D. Carlos Mariscal De Gante
Sección de Menores
Fiscalía Provincial de la Coruña

NOTA
A todos los medios de comunicación
[Nota de prensa orixinal]

Vídeo de interese:

Remolcadores virando o buque "Lafayette" logo de saír do dique 5 de Astano -Navantia Fene.

http://youtu.be/_iIVt3pM-2w



Información baseada na enviada por:

xesus manuel diaz suarez

-xesusmanuel@gmail.com-

-24 de novembro de 2011 18:37-

From: avesteiro
Date: 2011/11/24
----mensaxe orixinal----
freelance.ferrol@gmail.com
24/11/2011 0:31
DENUNCIA DO CASO LAFAYETTE
Saúdos,Xesus
______________________

AGAMME -A Asociación Galega contra o Maltrato a Menores no debate sobre o abuso sexual no programa da TVG "Falámolo" - Vídeo

AGAMME no programa da TVG "Falámolo"

A Asociación Galega contra o Maltrato a Menores (AGAMME), por medio da súa coordinadora, Estrela Gómez, estivo presente no programa da Televisión de Galicia “Falámolo”, nunha sesión dedicada ao abuso sexual, no que tamén participaron Nuria Pereira Martínez, directora do Instituto Europeo Campus Stellae e Carmen Clavería, psicóloga clínica.


"Un tema sensible que causa cada vez un maior estupor e alarma na sociedade, como son os menores acosados e os abusos sexuais, centrará o novo debate social no estudio de “Falámolo”, habida conta dos datos arrepiantes recollidos pola Asociación para a Sanación e Prevención dos Abusos Sexuais na Infancia de que “en España, unha de cada catro nenas e un de cada sete nenos son vítimas de abusos sexuais antes de ter cumpridos os 17 anos” e que a maior parte destes se producen no seo da familia ou en círculos moi próximos á contorna familiar.

Para analizar como se produce esta violencia e maltrato infantil, o estudio do programa, que presenta Victoria Rodríguez, recibirá os expertos na materia Nuria Pereira Martínez, directora do Instituto Europeo “Campus Stellae”; Carmen Clavería, psicóloga clínica, e Estrela Gómez, coordinadora da Asociación Galega contra o Maltrato a Menores".




Fonte: http://agamme.org/

Enviado por:

Agamme

-agammeferrol@gmail.com-

20 de novembro de 2011 11:41

____________________

Cando o delito é ser PSR -Persoas Sen Recursos Económicos Suficientes, ... Por Susana Alaníz González

Por Susana Alaníz González [*]
28.10.2011

O sistema sanitario español é un sistema solidario, público e gratuíto, grazas aos impostos e as achegas salariais da poboación activa e, coa garantía que supón a Constitución Española, todas as persoas teñen dereito a acceder a el.

É un sistema universal e gratuíto, ou o era ?.

Porque a partir do 9 de Setembro e con orden asinada pola Conselleira Pilar Farjas no DOGA -Diario Oficial de Galicia, dítase un novo regulamento que pon límites á Tarxeta Sanitaria, e o máis grave, á atención médico sanitaria non urxente.

Isto vai dirixido ao chamado PSR, ou sexa PERSOAS SEN RECURSOS ECONÓMICOS SUFICIENTES. E aquí vén o paradoxo :

O SERGAS pon como requisito para obter a Tarxeta sanitaria, 183 días de empadroamento , como antigüidade mínima e empadroado eses días sucesivamente no mesmo lugar onde se pide a Tarxeta, que ademais terá un custo de dez euros -10€.

Os inmigrantes "ilegais", aqueles recentemente chegados, e as persoas con dificultades socio económicas que acudan a un centro de saúde sen Tarxeta Sanitaria, non serán atendidos, deberán ir a Urxencias, e sexa cal for a situación da súa saúde deberán previamente asinar: un compromiso de pago, polos servizos médicos recibidos .

A ONG Médicos do Mundo, pregúntase: Como esperan que paguen, se este regulamento vai dirixido ás persoas sen recursos?

A concellería aduce que este novo regulamento faise para SIMPLIFICAR TRÁMITES, ou EVITAR A FRAUDE Á SEGURIDADE SOCIAL, sen mirar que son outros os camiños para ofrecer unha atención sanitaria igualitaria, universal e sen restricións.

Desde a área de Inmigración da Asociación Cutural Fuco Buxán , denunciamos este atropelo que non fai máis que atentar contra o dereito dos máis desfavorecidos a favor dunha asistencia sanitaria que non rebaixe senón que a garanta.

Pola DEFENSA DA SANIDADE PÚBLICA E CONTRA Os RECORTES SANITARIOS !

[*] Susana Alaníz González, é responsábel da Área de inmigración da Asociación Cultural Fuco Buxán, membra do Foro Galego de Imigración, e dirixe o Progra radiofónico "Sen Fronteiras" en Rádio Filispim, 93.9 da FM.

fuco buxán, a.c.
Aptdo Correos 240 C.P. 15400 Ferrol
Telef. 981325492
www.fucobuxan.com
fucobuxan@yahoo.es
______________

Enlaces relacionados:

O SERGAS aplica, ás persoas sen recursos, recortes no dereito á protección da saúde e á atención sanitaria - CIG-Saúde exixe que, de forma inmediata, se retire este protocolo e se garanta a prestación sanitaria universal.

Diario nº 173 de data 09.09.2011 ORDE do 5 de setembro de 2011 pola que se actualiza o procedemento para o recoñecemento do dereito á asistencia sanitaria por parte das persoas sen recursos económicos suficientes e daquelas que se encontran en situación de desemprego.

Tamén pode-se descargar, a orde, en formato PDF:

Descargar PDF

__________________

A Asociación Galega contra o Maltrato a Menores denuncia a promoción da "Síndrome de Alienación Parental - SAP" nun curso universitario

A Asociación Galega contra o Maltrato a Menores denuncia a promoción da SAP nun curso universitario

A Asociación Galega contra o Maltrato a Menores (AGAMME) quere facer pública a súa total desaprobación dos contidos do curso “A custodia compartida en Galiza, enfoque multidisciplinar”, que ten lugar en Lugo do 22 ao 29 de outubro de 2011, ao abeiro da Universidade de Santiago de Compostela.

AGAMME quere dar a coñecer a súa postura fronte á Síndrome de Alienación Parental (SAP), que estará presente transversalmente no citado curso da USC e está a utilizarse en Galiza e no Estado español como arma de violencia de xénero e contra os dereitos á infancia e adolescencia. Estamos a falar dunha teoría pseudocientífica, a SAP, que presupón a programación ou lavado de cerebro dun proxenitor sobre o neno ou a nena, co fin de denigrar e aldraxar o outro proxenitor e así xustificar a resistencia do/a neno/a a manter unha relación con este último. Nos últimos anos no Estado español fóronse infiltrando nas sentenzas xudiciais baixo a suposto sinatura científica da SAP argumentos para cambios de custodia ou outras accións legais de enorme repercusión para o/a neno/a e a familia.

A nula pertinencia da SAP foi corroborada por organismos como o Observatorio contra a Violencia Doméstica e de Xénero, do Consello Xeral do Poder Xudicial, ou a Asociación Española de Neuropsiquiatría, que a califican de falsa. Tamén ten sido rexeitada por institucións internacionais como a Asociación Americana de Psiquiatría (APA) ou a Organización Mundial da Saúde (OMS).

Con estas premisas a Asociación Galega contra o Maltrato a Menores non pode menos que desaprobar e rexeitar de xeito tallante a celebración dun curso da universidade pública galega no que se difunden ao público en xeral e aos futuros profesionais do país en particular, contidos como os anteriormente citados.

Adxuntamos en pdf 3 documentos relevantes no que diversas institucións públicas do país rexeitan a utilización da SAP.

1) Posicionamento da Asociación Espola de Neuropsiquiatría.

A Asociación Española de Neuropsiquiatría fai a seguinte declaración en contra do uso clínico e legal da chamada Síndrome de Alienación Parental.

2) Posicionamento do Consello Xeral do Poder Xudicial [Ver páxinas 128 e seguintes do Documento]

Guía de Criterios de Actuación Xudicial Fronte á Violencia de Xénero.

3) Posicionamento do Observatorio Estatal contra a Violencia de Xénero.

Informe do Grupo de Traballo de Investigación sobre a Suposta Síndrome de Alienación Parental -SAP.

Máis información en info@agamme.org ou no teléfono 636142012.

Enlace coa web oficial da:
Asociación Galega contra o Maltrato a Menores (AGAMME)

Enviado por:

Agamme

-agammeferrol@gmail.com-

28 de outubro de 2011 16:01

____________

A Liberdade de Expresión Secuestrada - O rapero, indignado e comprometido, Pablo Hasél en liberdade provisional con medidas cautelares, por un suposto delito de enaltecimiento do terrorismo - O mundo "está farto de estar patas para arriba" - Carta do propio Pablo Hasél despois de saír en Liberdade - Vídeos e enlaces

Quen é Pablo Hasél?

Pablo Hasél, [Pablo Rivadulla Duró], é un mozo catalán, nacido en Lleida hai tan só 23 anos [1989], máis ten compostas máis de 286 cancións-versos, publicados co seu correspondente vídeo.  Pablo Hasél, é un rapero indignado e comprometido. Poñendo "Pablo Hasél" no buscador de Google, dá uns 408.000 resultados. Ten un blogue persoal que deixou de actualizar en Decembro de 2008 [http://haselpablo.blogspot.com/] e un canle no youtube onde colga as súas fabulosas cancións.

O pasado Martes 4 de Outubro foi detido na rúa, ao redor das 10 da mañá, pola Policía Nacional, por un suposto delito de enaltecimiento do terrorismo. Posteriormente meteron-no nun coche e xa esposado levaron-no a súa casa, onde a policia practicou un rexistro "buscando material informático" levan un computador portátil, algún pendrive con música e poemas e unha cámara de fotos.

Pablo Hasél foi posto en liberdade en apenas 24 horas tras a súa detención, aínda que queda como imputado e deberá comparecer os días 1 e 15 de cada mes no xulgado de Lleida. O xuíz da Audiencia Nacional fixo referencia a varios vídeos colgados en Youtube onde se supón que Pablo eloxiaba actos dos GRAPO, ETA, Al Qaeda ou Terra Lliure.

Durante a súa detención, foron numerosos os comentarios e movementos que se xeraron polas redes sociais, Twitters, Facebooks e recollidas de firmas, sacaron fume, até nunha charla con Willy Toledo no diario público, Willy apoia a Pablo claramente con frases como "... Quizais o propio presidente do Goberno, debería ser detido tamén por enviar unha carta de felicitación ao señor Obama polo atentado terrorista que presuntamente acabou coa vida de Osama Bin Laden ...".

Foron moitas  as mostras de solidariedade con Pablo, concentracións, cartas, denuncias, ... pola Liberdade de Expresión, pola Xustiza, ... Son ignificativas as declaracións de Pablo a súa saída da Audiencia Nacional, cando foi posto en liberdade.


Coas cousas un pouco máis acougadas, Pablo Hasél decidiu emitir un comunicado sobre o acontecido o pasado 4 de Outubro, tras a súa detención, acusación, mobilizacións ao seu favor e finalmente a súa posta en liberdade:

Tratarei de resumir ao máximo aforrando anécdotas aínda que as haxa para un libro e intentando mostrarme lúcido e claro a pesar dos días que fai que non pego ollo en condicións. Esta declaración asínoa única e exclusivamente eu, sen presenza de avogado nin presión algunha por parte de alguén.

O Martes 4 de outubro fun detido na rúa pola Policía Nacional ao redor das 10 da mañá. Coméntanme que é por un suposto delito de enaltecimento do terrorismo, acto seguido métenme nun coche e xa esposado lévanme ao meu domicilio a practicar un rexistro "buscando material informático". Por cousas que me din se que me estiveron seguindo tempo e que non é a primeira vez que pisan a miña rúa. En total hai uns dez policías dentro do piso e se se suman os de abaixo xa nin se. Esposado na miña habitación contemplo como buscan por todos os recunchos ese "material informático" do que pouco van atopar máis aló dun computador portátil, algún pendrive con música e poemas ou unha cámara de fotos. Estou tranquilo porque se que non teño nada escondido nin que ocultar, á vez é tremenda a impotencia de ver como levan diarios persoais, fotos de recordo coas miñas parellas, letras, poemas, etc. Tamén levan libros coma se da época de Hitler se tratase. Que democracia é esta en a que libros son secuestrados? A mesma que golpeaba a estudantes armados con libros e a xornalistas que cubrían a noticia das protestas contra a lei Bolonia, por exemplo. O que máis me enerva é que leven os dous computadores cos que a miña familia traballaba pero aínda que os medios de manipulación traten de intoxicalos saben de sobras que teño de mala persoa o que a OTAN de pacifista. Prometen que os devolverán pronto pero iso aínda está por ver, outros a quen lles practicaron similares rexistros non contan o mesmo. Percibo nas caras dalgúns axentes que senten vergoña de ter que acatar as ordes que lles levan a realizar semellante operativo contra un rapaz que non posúe máis arma que a voz e que non ten ningunha intención de practicar a loita armada aínda que ás veces o cabreo ante tanta inxustiza fágalle escribir desde a rabia sen autocensura, pero sobre a miña teima de dicir o primeiro que penso xa comentarei algo logo. A avogada de oficio tamén alucina, non lle pode cadrar que alguén así sexa rexistrado cal talibán.

Tras máis de tres horas efectuando devandito rexistro, lévanme a urxencias a que me efectúen unha revisión. Esperamos máis de dúas horas para cinco minutos de atención, que oficialmente as urxencias de Lleida sexan as peores de Catalunya non é broma. A min nese momento non me importa esperar, pois estexa onde estexa estarei esposado, pero imaxino que os enfermos acordaranse da nai desta sanidade cada vez máis recortada. Unha vez finalizada a revisión lévanme a Madrid e aforrándome detalles pasarei ás dez da noite, hora aproximada de chegada e á que me levan ao hospital a por outra revisión. Esta vez esperamos tres horas e pico. Posteriormente lévanme a comisaría e alí espero a que chegue o meu avogado de oficio. En honra á verdade hei de dicir que non me torturaron nin trataron mal, puntualizo que xa era bastante tortura o rexistro que me fixeron e estar detido por escribir sen andrómenas. Non hei de dar as grazas por que non me golpeasen, o normal debe ser que un policía respecte a túa integridade pero vivimos nun Estado con demasiadas denuncias de Amnistía Internacional, entre outros organismos, por torturas.

Cando chega o meu avogado procedo a declarar sempre esposado e a cousa alárgase ata as catro e media da mañá cando tras contestar a numerosas preguntas trasládanme ao calabozo. Comprobo na declaración que saben máis da miña que moitos amigos: os sitios onde estiven ao longo dun ano e pico, as miñas contas de internet de fai anos, blogues que xa non están activos, etc. Xa na cela non se me facilita un colchón e "durmo" no chan ata que xa cando a noite terminou un policía con mellor fondo que o que me trasladou percibe que non teño e ofréceme un como é costume con todos os reclusos. Tras media hora de soño espértanme e lévanme directamente sen posibilidade de aseo ou almorzo á Audiencia Nacional.

Tras esperar un intre tomo declaración ante o xuíz e en resumidas contas cítame varios versos nos que se me acusa de enaltecimiento do terrorismo. Como comentara na declaración anterior, que é terrorismo e que non, levaría a un debate de horas e de reproches ao sistema capitalista tan experto en cometer un xenocidio diario ao redor do planeta ou de practicar, por exemplo, o terrorismo laboral entre incontables máis. Hai moitos tipos de terrorismos dos que non interesa falar ao poder e que suceden a diario. Como non dispoño de tanto tempo nin creo que o señor xuíz estivese disposto a escoitarme, coméntolle a realidade evidente de que eses versos máis explícitos escribinos nunha época na que a miña filosofía era outra e non facía máis que dar pretextos ao sistema para determe ou facerme quedar como un terrorista desfasado. Fai xa tempo que dou unha mensaxe máis intelixente e elaborado pero non me detiveron naquela época porque talvez non estaban cerca as eleccións ou a falsa democracia non se deixaba tanto en evidencia, pero deténdome volveu a espir á súa ditadura do capital. Aos que aspiramos a un mundo máis xusto impídennos con violencia que podamos exercer multitude de dereitos democráticos como non imos estalar ás veces?

Póñolle o exemplo de que se a súa señoría discute con alguén e ten ganas de partirlle a cara seguramente a súa racionalidade levaralle a non facelo. Dígolle que se escribise seguro que comentaría ao folio as ganas que tiña de partirlle a cara ao devandito e no caso de que gravase para desafogarse faría unha canción, iso fago eu cando estou farto e non quero coller as armas. Seica se tan "terrorista" fose non iniciase xa a loita armada? Pero lle volvo a comentar que ese non é o meu camiño e que si, hai cousas que podían dicirse doutro xeito pero as miñas ideas non as poden cambiar. Deben deter a miles de escritores ou guionistas por apoloxía á violencia nos seus libros ou películas? Eu non fago apoloxía á violencia porque non a practico nin teño antecedente algún derivado desta. Moitas das miñas cancións narran feitos que pasaron e que cada un saque as súas propias conclusións. Non lles vou a dar máis pretextos fáciles para que poidan volver a por o meu, iso é o que quixesen moitos dos que enxalzan ao franquismo non só sen ser detidos, senón con libros nas seccións principais das librerías ou aqueles que gozan vendo aumentar os ceros das súas contas ante unha nova guerra por petróleo ou diamantes. Xa se sabe que neste Estado hai liberdade de expresión para dicir o que queren escoitar ou para ser de dereitas, pola contra siléncianche, criminalizanche ou perseguenche. Déixolle claro ao xuíz iso do que xa me deu conta fai tempo: non farei máis letras desfasadas pero si seguirei sendo un comunista consecuente dando a mensaxe intelixente e traballado que os poderosos máis temen porque quedan sen argumentos. A fiscal pide a miña liberdade con cargos e ando á espera de coñecer a sentenza final mentres teño que ir asinar cada dúas semanas ao xulgado sen poder abandonar o país, vixiado ata as trancas por quen me detiveron por ordes evidentes.

Ao saír á rúa sorpréndeme a cantidade de prensa que hai. Se o chego a saber e prepárome un discurso pero nin mo esperaba e habendo durmido só media hora coa cabeza a piques de estalar só se me ocorre responder a dúas preguntas: á de se seguirei cantando respondo que claro e á de se fago enaltecimento do terrorismo respóndolle que son o PP e o P$OE quen o fan apoiando guerras no terceiro mundo e vendendo mísiles aos xenocidas de Israel. Podería dicir moitísimo máis pero só teño ganas de respirar e falar cos meus amigos. Son só os medios minoritarios os que logo reproducirán as miñas palabras, as grandes cadeas censúranas porque só lles convén sacar frases fóra de contexto e criminalizarme inventándose graves falacias como a de que apoio a Al Qaeda e isto é serio.

Se algo fixen sempre foi condenar a Al Qaeda. O 11 M foi unha barbaridade a cuxas vítimas inocentes dediquei unha canción, pero claro, nin a porán nos seus telexornais nin comentarán nada os xornais como da miña solidariedade cos esquecidos e oprimidos que nin sequera teñen algo que levar á boca mentres os occidentais que lles saquean habitan en mansións. Pablo Hasél céntrase abrigo niso pero agora só convén deixalo como un diaño sanguinario prol Al Qaeda. Se eu son un vilán non se que serán os que fan videoxogos disparando a inmigrantes e seguramente ocupen o goberno en breve. Me repatea que manipulen ata tales extremos, exercendo unha clase de terrorismo mediático (cando serán detidos?) cuxo único fin é desprestixiarme e facerme dano. Hoxe chamei á Sexta, un desas canles que verteron semellante acusación esixíndolles que pedisen desculpas e dixéronme que me chamaban os responsables en breve pero pasou case un día e aínda espero a chamada. Penso denunciarlles aínda que imaxino que sairán airosos, coma se me acusaran de comer chipirons con maionesa. Non teñen vergoña e o peor é que logo se fan chamar xornalistas. Tamén me acusan de chegar aquí por fama, claro, paguei aos máis de 10 policías que había na miña casa para que levasen as miñas únicas posesións, as miñas cancións que andaban por saír, o meu libro de poemas que ía ser editado en breve, os meus recordos, os meus diarios persoais... Tamén me puxen eu as esposas para que non parecese unha montaxe, ah, e estiven tirado no chan do calabozo sen colchón para facerme o duro. Pero en fin, non perderei máis o tempo coas súas especulacións propias de prográmalos lixo que tanto critican para logo facer cousas ata peores. A manipulación é o motor deste sistema insostible a todos os niveis. Por certo, tamén se dixo que dediquei unha canción ao camarada Areas "líder dos GRAPO" e non, en todo caso dediqueina ao secretario do PCE (r) posto que xamais realizou unha acción armada e os GRAPO eran unha guerrilla armada. Se queren guerra verbal polo menos que xoguen limpo. O delirio de certos medios chega a puntos tan enfermizos en que collen versos meus ditos en broma e tómanos ao pé da letra. Como teñan que facer o mesmo con todo a arte xa poden deter a medio planeta, como teñan que encerrarme por odiar aos gobernantes xa poden meter a máis de media España.

Independentemente de diferenzas ideolóxicas, o que é evidente é que coa miña detención cometeuse unha violación da liberdade de expresión intolerable e de que como dixo alguén de cuxo nome non me acordo: "quen lle pecha o camiño á revolución pacífica ábrello á violenta" Si, dixen cousas duras e só se quedaron con elas dándolles o sentido que queren obviar a maioría do meu contido lírico pero aínda así, a min ninguén pode obrigarme a quen admirar ou por quen sentir pena se morre. Por esa regra de tres que deteñan aos meus inimigos cando eu faleza e sorrían. Se tanto lles molesto que deixen de darme a razón oprimíndome, pero imos, a razón dánnola a diario a quen non nos conformamos cun sistema que comete o seu xenocidio diario impunemente. Só faltaría que encima non puidésemos cabrearnos cando nos recortan os dereitos e pretenden que unicamente sexamos os seus robots, as súas máquinas sen espírito crítico nin solidariedade, que non é o mesmo que a caridade. Os mass media fixéronme o protagonista de algo no que non me deixan nin participar, tremendo paradoxo. Poden verter todo tipo de especulacións pero non me outorgan a opción de defenderme, outra vez a ditadura decorada retratándose. Non, se no fondo van ser eles quen volvan revolucionaria a xente allea a coñecer que da política depende case absolutamente todo, as súas vidas aínda por riba.

Poden pintarme como un diaño que a xente non é boba e quen me coñecen saben como son: non son eu quen apoia bombardeos a hospitais e colexios, non son eu quen impide referendos democráticos, non son eu quen ten cochazos de luxo e mansións á conta da explotación e da miseria allea, non son eu quen mira cara a outro lado ante a inxustiza, non son eu quen quere acabar cos servizos públicos, non son eu quen abre brechas a xente sentada pacificamente, non son eu quen usa as armas para perpetuar as abismais desigualdades sociais, non son eu quen non respecta as liberdades da muller, non son eu quen recibe diñeiro do Estado para esconder a pedófilos e expandir a homofobia, non son eu quen quere financiar mísiles para que nenos non poidan ter unha infancia, non son eu quen quere un sistema escravista, non son eu quen ten canles de TV e xornais para bendicir ao fascismo, non son eu quen permanece impasible ante unha historia que en demasiadas cousas parece anquilosada na idade media, non son eu quen inventa armas de destrución masiva para masacrar pobos, non son eu quen impide unha sociedade onde o ser humano sexa moitísimo máis que unha cifra ao servizo dunha minoría elitista, non son eu quen pecha os ollos e non loita polo futuro da humanidade e do planeta á fin e ao cabo cuxos "amos" arrasan sen contemplacións por uns trillóns máis, non son eu quen se nutre do racismo para gañar votos...sigo? Como dixen antes o tema do terrorismo daría para tantísimo ... Seguramente me acusarán de facer demagoxia pero é o único que saben dicir cando andan faltos de argumentos ante a insultante evidencia. Non son eu quen detén a alguén que aperta forte o bolígrafo cansado de que importe máis se a duquesa de Alba casa que arranxar dunha maldita vez un mundo que citando ao gran Galeano "está farto de estar patas para arriba"

O mundo ao revés detívome o martes e non a quen si practican unha ampla gama de terrorismos. Que citen rimas miñas como estas:

Poden pór ao Che nunha camisa mentres lle chaman asasino
e facerme quedar cal psicópata cando só rimo
os versos que non deixaron acabar a Xara e a tantos,
pero a historia dispara máis claro do que canto,
gritando que a avarícia crónica é o terrorismo
que nos leva aos humanos a autodestruirnos.
Poden encerrar á liberdade e enchela de merda
Que as feces son efémeras pero a liberdade eterna.

Instrumental de Frank Brown. Os recortes en educación.



Fonte do vídeo: Canle de Pablo Hasél

Enviado por:

Damch GZ

-damchgz@gmail.com-

11 de outubro de 2011 16:47

___________
__________________

Quem expulsará aos mercaderes do templo?

Por Lupe Ces Rioboo
19.03.2011

O próximo 10 de setembro, a rede galega de crentes cristians, convidada pola Asociación Irimia, subirá ao Monte Xiabre de Vilagarcía. Será um dia de festa, reivindicaçom e oraçom. É a reuniom de moitas comunidades que umha vez ao ano, desde há já trinta e quatro, celebram umha intensa comunhom coa Natureza, e o sermos humanos, no que reconhecem o divino. Umha celebraçom onde o compartilhado, obra a milagre de converter em irmaos e irmas, a quem nom o som.

Por uns segundos, dias atrás, as televisons ofereciam umhas imagens, quando menos insólitas e inquietantes, da celebraçom dos funerais polas vítimas da massacre de Noruega. Insólitas porque nelas o oficio religioso estava protagonizado por um home e umha mulher, e na roupagem e nos acenos que realizavam nesses segundos nos que as cámaras enfocárom o altar, nom se percebia hierarquia entre oficiantes. Inquietantes, para algúns desde logo, porque nom se volvérom a emitir. Eis a Igreja de Noruega, que celebra desde 1993 matrimônios entre pessoas do mesmo sexo e tem a umha mulher bispa, como presidenta da sua Conferencia Episcopal.

Umhas semanas depois da celebraçom deste funeral, e umhas antes da Romaxe que levará ao Monte Xiabre às comunidades de base cristians galegas, estamos assistindo a umha demostraçom fastuosa e provocadora dum poder eclesial que busca perpetuar a sua dorosa doctrina e organizaçom social. Umha organizaçom baseada na desigualdade, ensalçadora e reprodutora do sofrimento humano e que desfruta de privilégios e status herdados de situaçons históricas que nada tenhem a ver coa democracia.

Contabilizei até seis canles de televisom que levam anunciando o evento. Conheço o palco coas suas extraordinárias dimensons. Conheço o desenho dos douscentos confessionários que se utilizaram na “Festa do perdom”, até o menú que Rouco Varela oferecerá como anfritiom a um seleto grupo, Papa incluído, de invitados. Com cada nova, o evento vai colhendo mais e mais personalidade megalômana. Cumpre lembrar que a megalomania é um estado psicopatológico caracterizado polos delírios de grandeza, poder, riqueza ou omnipotência. Trata-se dumha obsessom compulsiva por ter o controlo, pastores sobre as ovelhas.

Ás bases católicas praticantes se lhes comunicou que elas iam ser as financiadoras do projeto, coas aportaçons que significavam o acolhimento nas suas casas, de jovens, e nom tam jovens, participantes. As canles televisivas confessionais, desinformavam a respeito do dinheiro público doado generosamente em tempos de escassez, polos governos amigos, e polos governos temerosos do poder de Roma, para assegurar esse novo sentimento vitimista, que tanto rédito lhe trae ao integrismo entre as suas bases, “aos católicos se nos persegue neste pais”, “ninguém nos dá nada”, “em nenhum país passa o que passa aqui coa viagem do Papa”, “hai que pensar que é um chefe de estado e como tal tem que ser recebido”.

Assim, mentres os nenos e as nenas em Somália agonizam nos colos das suas nais e em Líbia os bombardeios diários pretendem convertê-la na nova Gaza... Mentres os anceios de liberdade e democracia abroiam em cada praça..., um grupo de homens negadores da democracia, da igualdade e da felicidade humana, faram ostentaçom do seu poder, e das suas boas relaçons cos poderosos, e verqueram sobre nós as suas ideias opressoras sobre a vida e a morte, sobre a sexualidade, sobre a convivência e os afetos... , e utilizaram todo o seu poder para impor essas ideias ao conjunto da sociedade mediante o apoio ao projeto político que lho vem assegurando ao longo de todos estes anos desde que rematou a ditadura. E o faram abençoando às suas empresas patrocinadoras, Banco de Santander, Caja Madrid, Endesa, Fomento de Construcciones y Contratas, Movistar... Mágoa do Cristo anticlerical e radical que expulsou aos mercaderes do templo!

--
Blogue pessoal:
http://lupeces.blogspot.com/

Enviado por:

Lupe Ces

-lupeces@gmail.com-

13 de agosto de 2011 17:00

_________________

Mesa debate sobre a Lei de Familia en Ferrol: hoxe, Xoves, 16 de Xuño

Mesa debate sobre a Lei de Familia do PP

MESA INFORMATIVA E DE DEBATE SOBRE A LEI DE FAMILIA

XOVES 16 DE XUÑO, ÁS 19:00 HORAS

NA GALERÍA SARGADELOS DE FERROL

INTERVIRÁN: Vitoria Iglesias, da Marcha Mundial das Mulleres Beatriz Sestayo, deputada do PSdG no Parlamento de Galiza, Ana Pontón, deputada do BNG no Parlamento de Galiza, Yolanda Díaz, Coordinadora Nacional de EU.

Mulleres e organizacións feministas da Comarca de Ferrolterra organizamos esta mesa informativa e de debate sobre a "Lei de Apoio á Familia e á Convivencia en Galicia", que será aprobada próximamente no Parlamento galego. Ao noso entender, esta lei supón un guillotinazo aos dereitos conquistados polas mulleres, pois, entre outras cousas, reforza o concepto de familia patriarcal, introduce o recoñecemeto de dereitos para as crianzas concibidas e “non natas”, e incluso paraliza moitas das leis vixentes en materia de igualdade. Por iso, é necesario máis que nunca mantérmonos informadas sobre o alcance e consecuencias desta lei, e reflexionar conxuntamente sobre as accións que desde a cidadanía podemos levar a cabo para facer oír as nosas voces.

EN DEFENSA DOS DEREITOS DAS MULLERES, NON Á LEI DE FAMILIA!

_____

Tirado da Axenda Aberta - De boca a boca


__________________

A normativa:

Anteproxecto de Lei de Apoio á Familia e á Convivencia de Galicia

Enlaces relacionados:

Lei de Familia, irmá menor, Constituiçom húngara irmá maior, ... por Lupe Ces

Nova ofensiva patriarcal contra as mulheres galegas: a Lei de Família

A CIG rexeita a Lei de Familia polo seu carácter retrógrado, que devolve a muller ao seu rol tradicional de nai coidadora

Nas redes sociais:

Eu também estou em contra da Lei de Apoio à família e à convivência

Peticción Pública [Pode-se asinar]:

A Plataforma de Organizacións Feministas rexeita o “Anteproxecto de Lei de Apoio á Familia e á Convivencia en Galicia” por regresivo, patriarcal e anticonstitucional.

_______________________