Os datos desminten as declaracións do presidente Alberto Nuñez Feijóo como "defensor" da Sanidade Pública Galega

Nota AGDSP ante as declaracions de Feijoo como defensor da Sanidade Pública

Ante as declaracións de Núñez Feijoo de que “Se alguén quere defender a sanidade pública, que se poña ao meu carón e que sanidade pública está blindada mentres estea no Goberno de Galicia”, a Asociación para a Defensa da Sanidade Pública quere comunicar

• Que estas declaracións son unha burla á opinión pública e profesional, que se desmenten pola realidade que os sanitarios e os usuarios comproban cada dia.
• O señor presidente carece de toda credibilidade como defensor da sanidade pública dado que foi impulsor das privatizacións sanitarias sempre que desempeño cargos de responsabilidade sanitaria na administración: Creo as Fundacións Sanitarias en Galicia durante o Goberno de Fraga ou impulso a Lei  15/97 destinada a transformar os centros sanitario en empresas de xestión privada desde a presidencia do antigo INSALUD.
• Os datos mostran a falsidade destas declaracións froito dela preocupación polo éxito da Folga Xeral da Sanidade Galega e das manifestacións en toda Galicia de miles de cidadáns en alianza cos profesionais sanitarios en defensa do sistema público e en contra do seu privatización.

o Asociación Galega para a Defensa da Sanidade Pública
(669704177)

Recortes e privatizacións en Atención Hospitalaria en Galicia

Privatización Novo Hospital de Vigo

Sobre custos. O proxecto de construción paso dos 457 millóns de euros previstos pola financiación pública da Sociedade Pública de Investimentos (SPI) a 1.822 millóns por o Consorcio privado de construtoras e Bancos

Recortes no proxecto Licitado con Concesionaria para beneficiar ás empresas privadas que o integran

• Redución de 1.460 camas a 900 camas
• Manter concerto POVISA 386 camas
• Eliminan a metade camas oncolóxicas (referencia) .
• Redución superficie en 70.000 m2
• Pechadura modulo de investigación e docencia
• Mantén unidades estratéxicas en mans privadas: Unidades de C. Maxilofacial e queimados

Paralización da a ampliación Hospital Montecelo de Pontevedra para privatizalo seguindo o modelo PFI aplicado en Vigo

Cesión ao sector privado financiamento equipamento tecnolóxico centros públicos (GALARIA)
Suspensión actividade hospitais públicos pola tarde, desviando a centros privados

Recortes en Atención Primaria

Abandono do Plan de Mellora de AP

• ·Paralización construción 66 novos centros de Saúde
• ·Atraso construción Centros de Alta Resolución
• ·Abandonado Plan de Mellora de AP
• ·Paralización construción 66 novos centros de Saúde
• ·Atraso construción Centros de Alta Resolución

Privatizacións

Mantemento Concerto Singular POVISA con mellora do mesmo para empresa privada

• Privatización adquisición equipamento tecnolóxico (Socio Tecnolóxico): As empresas deciden, que, canto e como
• Privatización control equipamiento tecnolóxico centros públicos (GALARIA)
• Nova Central de Chamadas (112)
• Servizo diálisis hospitais (Ourense, Barbanza..)
• Plataforma Informática do SERGAS
• Central de Compras do SERGAS
• Desmantelamento e pechadura de servizos
• Supresión radiólogos servizos de urxencia hospitais comarcais
• Pechadura ambulancias (5 áreas, Medicalizada Vigo)
• Desmantelamento áreas sanitarias esenciais planificación e coordinación
• Privatización laboratorio avanzado de Galicia

Gastos en concertos coa privada

• 204 asistencia con medios alleos
• 70 concerto Singular con POVISA
• 82 pago a GALARIA
• 200. Xestión privada alta tecnoloxía
• 60.limpeza e seguridade hospitais
• 874 gasto farmacia
• 20 hemoderivados
• 10..oxigenoterapia
• 21 .hemodiálises
• 21 ambulancias

88 millóns de euros para Plataforma Loxística (almacenamento e distribución material sanitario). Severiano Servizo Móbil alugo nave sen licenza que queimo arquivos CHOPO  71 millóns de canon anual (20 anos)

Gasto para sector privado 1.500 millóns euros 43% do orzamento (Gasto persoal: .628 millóns)

Servizos de xestión privatizada

• Centro Transfusións
• Urxencias 061
• Fundación de medicina xenómica
• Instituto de Oftalmoloxía
• Escola de Administración Sanitaria
• Centro Oncolóxico de Galicia
• Empresa Pública Galaria
• Saúde en Liña
• Concerto singular de POVISA
• Central de Compras

Recorte do dereito á asistencia sanitaria

• Obrigación de residir 6 meses en Galicia para ter dereito asistencia
• Pago por asistencia irresponsable ????
• Pagar por extravío tarxeta
• Núñez Feijoo anuncio cobro por comidas, limpeza, higiene, etc de pacientes hospitalizados

Unidades de Xestión Clínica

Destinada a Fragmentar e preparar a privatización dos centros sanitarios públicos

Utilización dunha ferramenta técnica como é a Xestión Clínica (Organizar e coordinar os recursos e os niveis asistenciais e incorporar profesionais á xestión, para preparar o terreo para fragmentar os centros en empresas con plena autonomía e con personalidade xurídica propia con orzamento propio e capacidade de vender os seus servizos ao hospital), dar entrada de capital privado e facer cómplices aos profesionais nas políticas de recortes e aforro ao beneficiarse económicamente dos mesmos, facilitar a inversores privados para seleccionar áreas de negocio (cancro, corazón?). Pese aos desmentidos a Conselleria advertiu aos sindicatos na Mesa Sectorial que deberá aplicar os acordos do Goberno Central que teñen previstas a laboralización do persoal e o desenvolvemento destas medidas.


Aplicación en Galicia do Real Decreto 16/2012

• Pago receitas pensionistas (pensión media 750 euros). Crónicos media 7 eceitas
• Pago das prótesis quirúrgicas, cadeiras de roda
• Pago transporte non urxente en ambulancias
• Cambio constitucional
• Cambio dereito asistencia vinculado a residencia por cotización seguramiento
• Ruptura universalidad sistema
• Perdida dereito asistencia novas 26 anos que non haxan cotizado, amas de casa e inmigrantes sen papeis.
• Pendente ruptura carteira servizos: Básica, complementaria, suplementaria o que supoñerá para unha parte da actual asistencia
• Pago de meedicamentos de dispensación hospitalaria para  enfermedades graves como cancer, artrite, hepatite...

Aprobación de Lei de Garantías de Prestacións Sanitarias

Destinada, teóricamente, a fixar un máximo de 60 días de espera para intervencións quirúrxicas e 45 para consultas e proveas diagnósticas. A Lei permitirá que os pacientes que superen os límites de tempo a ir a un centro privado e que os custos sexan pagados con diñeiro público. A Xunta sabe que os tempos fixados imposibles de levar á práctica cos actuais recursos , sobre todo tralos recortes de persoal e da actividade dos centros públicos pola tarde, que fixeron crecer de xeito importante os tempos de espera . A Lei só beneficiará a determinados pacientes (que poderán permitirse o luxo de adiantar o pago das intervencións e esperar a que o sistema devólvallas) e centros privados que recibisen diñeiro público para os seus negocios empresariais.

Enviado por:
Plataforma en Defensa da Sanidade Pública Ferrol
-plataformadspferrol@gmail.com-
17 de dezembro de 2013 22:5
http://www.plataformadspferrol.blogspot.com
___________

CUO-Galiza lanza batería de medidas para o naval

Batería de medidas para o Naval

- Mantemento de todos os postos de traballo sen amortizacións do cadro de persoal de Navantia, e das condicións económicas, laborais e sociais vixentes con anterioridade ao actual, regresivo e entreguista convenio colectivo.

- Contratación directa de traballadores e traballadoras de obra e servizos pola principal, coa garantía de equiparación de condicións laborais (xornada, horarios, etc.) na perspectiva futura de homologación salarial progresiva, e integración por ampliación do cadro de persoal. Restrición da subcontratación a areas especializadas, suministros e servizos que non podan dotarse cos seus recursos propios.

- Pola defensa da plena titularidade pública de Navantia. Rexeitamento de todo proxecto de privatización e/ou participación de capital privado, ou calquera outra forma mixta público-privada. Remate do veto sobre Navantia-Fene, e sobre as limitacións á produción civil impostas pola Unión Europea mediante sucesivas directivas.

- Incremento da dotación orzamentaria do sector naval público, así como o seu respaldo económico e financeiro, fronte á política da Unión Europea e do goberno de Rajoy de liquidación do sector público industrial. Ampliación do capital social. Investimentos en instalacións, equipamentos e infraestruturas, entre outras, o dique flotante.

- Diversificación das actividades produtivas. Creación de novas divisións ou proxectos públicos empresariais do grupo, xeradoras de emprego, en sectores como o eólico-mariño, xeración enerxética ou bens de equipo. Constitución dunha división tecnolóxica que se faga cargo da investigación, desenvolvemento e fornecemento de patentes propias e limitar ao máximo a dependencia tecnolóxica estranxeira.

- Por un programa de construcións navais que permita satisfacer as necesidades e demandas internas no estado español, xunto a unha lexislación e normativa que obriguen aos sectores implicados. Por unha política comercial exterior apoiada en relacións comerciais bilaterais ou multilaterais de colaboración, cooperación e intercambio recíproco con outros estados (Venezuela, por caso) que favorezan a planificación da actividade produtiva, a ocupación estable e continuada, e a concreción de novos contratos no corto, medio e longo prazo.

- Resolución das responsabilidades políticas e mesmo xurídicas, esixindo a dimisión e accións legais pola xestión ruinosa da empresa, aos cargos e directivos de Navantia e SEPI, así como ao ministerio de industria, goberno do Estado e Xunta de Galiza.

Coa clase obreira, a defender a industria pública naval!

[Fonte: CUO-GZ]

www.aforxa.blogspot.com

www.revistaforxa.blogspot.com

Seguenos en facebook:

www.facebook.com/ForxaComunistasDeGaliza

(o noso perfil oficial foi eliminado por facebook, agora só temos esta páxina)

Contacto:

forxagz@gmail.com

Enviado por:
Forxa!! Construír o partido, preparar a revolución!!
-forxagz@gmail.com-
17 de dezembro de 2013 13:50
http://aforxa.blogspot.com.es/
_________________

Os concelleiros de Esquerda Unida participaran no acto unitario sindical que terá lugar, na Coruña, o vindeiro xoves 19 de decembro, ás 12 do mediodía, diante da Delegación do Goberno de Galicia, en protesta pola reforma da Administración Local

O consello político local de Esquerda Unida de Ferrol, e os concelleiros Javier Galán e Suso Basterrechea, participarán o día 19 de decembro na concentración convocada ante a Delegación do Goberno da Coruña contra a reforma local.

Esquerda Unida, como organización política que sae da rúa e non de arquitecturas institucionais ficticias, considera o goberno como sometido á sociedade e non á inversa. Javier Galán, voceiro municipal, reflexiona sobre esta reforma:

“É unha reforma recentralizadora e ideolóxica. Converten ás deputacións en órganos reitores das necesidades da veciñanza. Repítese o modelo troika-estados nacionais a pequena escala: os concellos perden autonomía e posibilidade de atender aos veciños e veciñas que os escolleron, e os servizos básicos pasan a depender de entes non electos, como son as deputacións. No horizonte: perda de emprego público, servizos sociais onerosos e deficitarios e privatizacións para enriquecemento duns poucos en detrimento do xa raquítico estado de benestar”

EU forma parte da reacción social unánime contra a liquidación do público, as novas colonias que a devastación capitalista explota xa non están en África ou América do Sur, están na cidadanía, e, concretamente, na poxa dos servizos públicos que traen como consecuencia empobrecemento social e perda de calidade de vida cidadá.
A aprobación desta lei suporá a anulación de facto dos programas da esquerda vertebrados ao redor da xente do común, impedirá remunicipalizar servizos, como Emafesa ou a axuda no fogar, crear empresas públicas para crear emprego e servir de estímulo á depauperada economía produtiva comarcal, e o tecido asistencial público será desmantelado.

Por iso facemos un chamamento á rebeldía cidadá e a acompañarnos á Coruña o día 19 ás 12:00 fronte á Delegación do Goberno, para o que nos desprazaremos nos autobuses postos a disposición polas organizacións sindicais e abertos a toda a cidadanía.

Esquerda Unida - Ferrol
Rúa do Sol 124 entrechán esquerda, Ferrol
eu-ferrolterra@esquerdaunida.org
eu-ferrolcomarca@esquerdaunida.org
facebook
http://www.esquerdaunida.org/ferrol.html
http://www.esquerdaunida.org/.

Enviado por:
Ferrol Esquerda Unida
-eu-ferrolterra@esquerdaunida.org-
17 de dezembro de 2013 14:31
Bo día. Enviamos nota de prensa pola que anunciamos a presencia dos concelleiros de Esquerda Unida na concentración do xoves 19 ás 12:00 na delegación do goberno na Coruña en apoio ao acto sindical unitario en protesta pola reforma da Administración Local. Grazas e un saúdo, Secretaría de Comunicación Consello Político Local- Ferrol
_________________

Presentación, en Ferrol, do libro de Marcos Lorenzo Gallego: "Karlotti, un poema crónico", o Xoves 19 de Decembro

PRESENTACIÓN DO LIBRO "KARLOTTI, UN POEMA CRÓNICO
Vividores: Karlotti, un poema crónico

O XOVES 19 DE DECEMBRO, ÁS 8 DA TARDE, NA GALERÍA SARGADELOS, PRESENTACIÓN DO LIBRO "k", KARLOTTI. UN POEMA CRÓNICO, DE MARCOS LORENZO.

"Estamos cheos de coñecementos técnicos pero perdidos en cuestións básicas da vida.
Quero dignificar a verba 'vividor', que signifique alguén que sabe vivir ben"

Marcos Lorenzo Gallego [*] é natural da Ferreiroa, en Agolada. Na súa traxectoria profesional constituíu empresas e desempeñou diferentes postos de responsabilidade nos mundos das políticas sociais e da xestión cultural. En ambos campos coordinou múltiples proxectos, publicou investigacións e ensaios, e exerceu como docente en Universidades galegas e foráneas. No ámbito da comunicación foi redactor de revistas de pensamento e arte, columnista en diferentes medios e locutor de radio. Na esfera contracultural dirixiu con man de ferro a Sociedade Patafísica do Atlántico e colaborou esporadicamente co movemento incendiario SUFATO (Súper a Favor de Todo). A súa penúltima obra é un libro de aforismos titulado Liquidación de Existencias (Difusora de Letras, Artes e Ideas, 2005). Entre as súas vindeiras iniciativas está a refundación do pouco coñecido partido político Reticencia Galega ou o lanzamento do Colexio Oficial de Vividores da Galiza. Estivemos na presentación de "Karlotti, un poema crónico", obra onde conta as ensinanzas de Juan Carlos Valle, un poeta e gurú do underground ibérico -inda que Karlotti, así alcumado, se encargou de negalo, igualiño que Pedro a Cristo, tres veces.

Isto foi o que nos relatou este, coma Dióxenes de Sinope, buscador de homes xustos, na porta do bar Don Juan de Queiruga, parroquia de Porto do Son.

Logo dunha seca literaria dende 2005 chegas con "Karlotti, un poema crónico". Era necesario?

(Sorrí) - Non era necesario para o mundo, supoño, pero era preciso para min. O contido do libro forma parte da miña teima, dos temas que me son recorrentes, e dalgún xeito, supoño que por defecto profesional ao vir do mundo da antropoloxía, deume a sensación de que estamos cheos de coñecementos técnicos pero cada vez estamos máis perdidos en cuestións básicas da vida. Eu creo que é necesario que, á parte de academias e dos habituais círculos intelectuais e librescos, que habilitásemos un novo circuito onde todos poidamos aprender das vidas de todos.

Marcos Lorenzo conversa con Juan Carlos Valle "Karlotti" no bar Don Juan de Queiruga

Poderiamos dicir que en Karlotti atopastes, como fixo o tamén antropólogo Castaneda, ao teu "Don Juan"?

- Home, non sei. Karlotti está claro que é un gran mestre na dosificación do consumo de sustancias. Na súa intervención na presentación do libro falou de algo que cita Carlos Castaneda en "Las enseñanzas de Don Juan": o de atopar o lugar dun no mundo, o noso sitio de poder. Estou seguro de que leu este libro, pero Karlotti non foi a América nin tomou peyote ou ayahuasca, pero sei que tomou outras sustancias dun xeito comedido e intelixente, como exploración vital e non como consumo compulsivo nin autodestructivo, que é o que predomina. Si, gústame ese paralelismo entre Karlotti e Don Juan: el mostroume outra forma de enfocar a vida que ten pouco que ver coa miña e coa dos da miña xeración. É unha forma moi libertaria de vivir a súa, e nós, inda sendo libertarios de ideas, non o fomos tanto na realidade vivencial como o foi a xeración de Karlotti. Para min este home é unha fonte de aprendizaxe total, máis alá de que sexa certo todo o que conta.

Cantos anos levas tratando con Karlotti?

- Non demasiados. Eu traballaba en Ferrol, era o responsable de Cultura no Concello cando coñecín a Karlotti, entre 1997 e 1998, e a partires daí, como el é un apaixonado da poesía, organizamos entre el, Guillermo Fernández e eu unha "Semana de poesía salvaxe de Ferrol", con poetas dunha gran contundencia e presenza, moi performáticos, e dende aí comezamos a intimar e facernos compinches, a pesares da diferencia de idade.

Xa cambiando de tema: que é iso do partido "Reticencia Galega"?

(risas) - É o sucesor dun partido político anterior que fundamos un grupo de amigos moi delirantes e con problemas que se chamou Partido Popular Socialista Nacionalista Galego, (PPSenegal), que pretendía ser un partido integrador, coa idea de que todos os galegos somos integradores e non estamos aquí para rifar por diferenzas ideolóxicas, pois iso é algo que nos vén de fóra.

Marcos Lorenzo, Karlotti e Rafa Xaneiro, de Axóuxere Editora

A sonoridade de "Reticencia Galega" lembra a outra realidade que xusto está de actualidade nestes últimos tempos...

Nós lanzamos o nome bastante antes e fomos os primeiros sorprendidos en que aparecera un grupo de xente á que se lle dá por poñer petardos nos caixeiros e pasaran a chamarse algo que sona moi semellante. Pero é moi distinta a resistencia da reticencia: só teñen parecido foneticamente, nada máis.

Explíquenos iso da fundación do Colexio Oficial de Vividores de Galiza...

- É algo por crear e vai depender da recepción que haxa deste libro que presentamos agora, "Karlotti, un poema crónico". Imos ver canta xente se identifica co libro ou coa filosofía que nel se amosa e decida unirse.

Que perfil debe dar un vividor para ti?

- Como comentamos na presentación do libro, non é preciso que sexa un parásito, alguén que non dera un pao á auga na súa vida. Tampouco ten que ser famoso, inda que Pocholo ou calquera dos Borbóns serían exemplos magníficos, pero hai xente que traballa moito, que se esforza. Estamos rodeados de personaxes anónimos que son virtuosos do bo vivir e non necesariamente teñen que ser uns lacazáns.

Entón este colexio de vividores sería como un faro que atraería a estes vividores?

- Por unha parte sería o noso lugar de encontro natural, onde poidamos compartir as nosas alegrías, pois penas, poucas. E, por outra parte, sería como unha pequena escola de vida, onde aprender como enfrontar a existencia do xeito máis sabio posible. E sería para todo o mundo, incluso como algo que donemos ás vindeiras xeracións.

No que a nivel popular coñecemos como "ser vividor" tanto na política como na relixión levan séculos sacándovos o posto, non? Como ides competir contra esas forzas?

(Risas) - Non se pode, está claro, levan moita vantaxe. Pero as súas escolas, polo que estamos a ver, son de corruptos e de mafiosos, non de vividores necesariamente. Pódese ser corrupto, un auténtico delincuente con moitos cartos e non disfrutar precisamente da vida nin, que é o que buscamos nós, facer disfrutar aos que te rodean. Polo tanto, para min ese tipo de vividores non valen, pois estarían na pura angustia de se os van pillar. Como se demostra coa vida de Karlotti, non precisou dunha nutrida conta corrente para ser un vividor, para levar unha vida asombrosa e estupenda. Nós pretendemos darlle outro sentido á palabra vividor, diríamos que dignificala: calificar como vividor a alguén que sabe vivir ben.

[*] Marcos Lorenzo Gallego, é escritor, economista e antropólogo, realizou estudios complementarios en xestión cultural, urbanismo e cooperación ao desenvolvemento. No campo cultural foi asesor do Concello de Ferrol, director da empresa e-Burbulla S.A. e xerente da Asociación de Actores e Actrices de Galicia. No ámbito social coordinou proxectos europeos para a Fundación Galicia Emigración e fundou a empresa de consultaría Cidadania S. Coop. Galega. Autor de diversas publicacións, tanto profesionais como literarias, imparte docencia ligada á creatividade e ao desenvolvemento territorial (Fonte: galegos.info).

Vídeos da presentación do libro, este verán, no Barbanza:

Marcos Lorenzo presenta o seu libro "Karlotti, un poema crónico"

http://youtu.be/Tk_Sz_yvNyI

Karlotti conta varias das súas historias.

http://youtu.be/ACB1uM_Ved0

Para comprar o libro a través da rede:
http://tenda.axouxerestream.com/index.php?route=product/product&product_id=74
--
De interese:

http://www.karlotti.com

http://vsemanadepoesiasalvaxe.blogspot.com.es/

"Todos os homes recoñecen o dereito á revolución, é dicir, o dereito de rehusar obediencia e sublevarse contra o goberno cando a súa tiranía ou incompetencia son grandes e intolerables" | H. D. Thoreau

Fonte: Publicado no xornal virtual do Barbanza 'Certo' .

Canle de TV do xornal dixital 'Certo'.

Enviado por:
fucobuxan
-fucobuxan@gmail.com-
17 de dezembro de 2013 10:52
http://www.fucobuxan.net/
____________________

O BNG convoca un Acto Público sobre a "situación e alternativas para o sector naval na ría de Ferrol", coa participación do portavoz municipal do BNG en Ferrol, Iván Rivas, da responsábel comarcal do BNG, Mercedes Tobío, e do portavoz nacional do BNG, Xavier Vence

Estimadas amigas
Estimados amigos

A situación crítica pola que está a atravesar a nosa comarca - derivada do elevadísimo nível de desemprego, da emigración da xente máis nova e do aumento de situacións de exclusión social e pobreza - tén no desmantelamento do sector naval ún dos seus elementos principais; que nos últimos meses estamos a ver dun xeito impactante na perda de moitos postos de traballo ou presentación de ERES na maioría das industrias auxiliares do naval.

En troques ao que debería de ser unha acción urxente e profunda dos diversos gobernos para evitar que esta situación se consolide nun novo proceso de reestruturación - o desmantelamento práticamente definitivo do sector - estamos asistindo desde hai práticamente dous anos a un proceso de engano e manipulación ao conxunto da sociedade comarcal sobre presuntas "alternativas" parciais; máis sen abordar as decisións políticas que poderían trocar esta situación: levantamento do veto e restricións ao sector, capacidade de decisión para rendibilizar o complexo integral que representan os estaleiros da ría e unha política activa para a dotación de carga de traballo.

Fronte a esa dinámica, desde o BNG cremos e apostamos polo sector naval como estratéxico para procurar - e máis tendo en conta o contexto laboral e económico que atravesamos - que actúe como elemento de recuperación e dinamización na creación de emprego e na revitalización da economía da comarca. E sabemos que isto só é posíbel se hai decisión política para facelo.  Por iso, estamos a facer un esforzo de achegamento ao conxunto da opinión pública non só da nosa valorarción sobre os antecedentes que levaron a esta situación senón, fundamentalmente, das propostas que entendemos urxentes para cambiar o actual estado de cousas.

Nesa liña, temos convocado un acto público no que explicaremos pormenorizadamente todas estas cuestións; e que celebraremos o vindeiro martes dia 17 de Decembro a partir das 20 horas no Centro Cultural "Carvalho Calero"-Ferrol, coa participación do portavoz municipal do BNG en Ferrol, Iván Rivas, da responsábel comarcal do BNG, Mercedes Tobío, e do portavoz nacional do BNG, Xavier Vence.

Acto para o que vos trasladamos o oportuno convite, agradecendo de antemán a vosa atención.

Saúdos nacionalistas.

Asdo.- Mercedes Tobío Rodríguez. Responsábel Portavoz Comarcal.

http://www.bng-galiza.org/ferrol/

Se queres poñerte en contacto con nós envíanos unha mensaxe de correo a bngferrol@gmail.com

Tamén estamos no facebook https://www.facebook.com/bng.ferrol ou no https://twitter.com/bngferrol

Enviado por:
BNG
-bng@ferrol.es-
16 de dezembro de 2013 14:21
_________

Deitemos luz contra o confusionismo e a demagoxia no que teñen ao noso sector naval

O Bloque Nacionalista Galego de Ferrol deu comezo o pasado 21 de Novembro de 2013, a unha campaña Informativa sobre a situación do sector naval na cidade que sirva para sair deste proceso de confusionismo e demagoxia que existe sobre o sector naval da cidade, cuns obxectivos moi concretos que desenvolveremos a través dun documento a debatir no pleno da corporación para que todos os grupos políticos do Concello se posicionen sobre o mesmo e concretar unha saida para a situación deste sector estructural dentro da economía da cidade e da comarca.

Para o BNG o actual baleirado de gradas pretende xustificar un novo plano de reestruturación coa conseguinte reducción da capacidade produtiva, de persoal e redistribución da producción en detrimento dos asteleiros da ría.

Iván Rivas, portavoz municipal, sinalou os obxectivos a clarificar que se fundamentan en:

1.-Dotación inmediata de carga de traballo nas diferentes actividades tanto de construción naval como nas outras, turbinas, por exemplo.

2.-Oposición a todo novo plano de reestruturación, dentro do proceso de reestruturación permanente que vimos padecendo desde xa hai moitos anos .

3.-Oposición á amortización (desaparición) dos postos de traballo que, caso de pactaren os sindicatos estatais calquera tipo de redución dos cadros de persoal (prexubilacións, baixas incentivadas…en condicións xustas), deben mantérense para seren ocupados polos traballadores despedidos das Compañías Auxiliares e os mozos e mozas en paro.

4.-Acceso real a todo tipo de produción naval, non só ao monocultivo militar, que, nas circunstancias actuais, dada a situación e posibilidades neste mercado, tanto doméstico como exterior, só pode levar ao deterioro progresivo ou liquidación dos nosos estaleiros.

5.-Eliminación inmediata do absurdo veto actualmente existente respecto da construción naval civil así como da súa limitación ao 20% da facturación da Empresa, consecuencia do anterior plano de reestruturación (2005), pactado entre os sindicatos estatais, a Dirección da Empresa, o Goberno central e a Unión Europea.

6.-Dotación no centro de Fene do persoal de xestión, técnico e produtivo necesario para posibilitar a realización de proxectos no ámbito da construción naval (buques mercantes, offshore), como acontecía en tempos anteriores.

7.-Oposición ao irracional modelo de produción consistente en realizar bloques por determinados centros, que sofren logo desprazamentos a moita distancia, elevando custes de produción, servindo só para provocar prezos de transferencia entre o centro xestor do proxecto e outros centros “auxiliares”, a favor do primeiro, empeorando os resultados nos segundos.

8.-Creación de Unidades territoriais cunha Dirección única e competencias completas de xestión e responsabilidade, permitindo optimizar os resultados dos centros e maximizar as sinerxias entre os dunha mesma Unidade e, como derivación, do conxunto da Empresa. Xa hoxe a propia contabilidade por centros reflicte o mellor comportamento dos nosos estaleiros.

9.-Presenza da Xunta de Galiza no Consello de Administración da Empresa, posibilitando a súa participación no capital social.

10.-Consolidar a situación financeira da Empresa, superando o gravísimo desequilibrio existente, a través do incremento de capital suficiente para facerlle fronte.

Se o pobo galego puidese decidir, se tiver soberanía, teríamos capacidade para solucionar os problemas deste sector, como os doutros en evolución negativa, por causa da dependencia do Goberno central e os seus pactos coa Unión Europea. Temos que aspirar a poder responsabilizarnos directamente para poder defender os nosos intereses vitais.

Fonte: http://www.bng-galiza.org/ferrol/
____________________

"Manifesto: En defensa dos Servizos Sociais Públicos" - 17 de Decembro en Ferrol - O Foro Galego de Inmigración no Día Internacional das Migracións

18 de Decembro: Día Internacional das Migracións

FORO GALEGO DE INMIGRACIÓN

O Foro Galego de Inmigración convoca o acto central do 'Día Mundial das Migracións' en Ferrol, o vindeiro Martes 17 de Decembro.

As actividades previstas son:

Martes 17 de Decembro:

• Rolda de prensa informativa ás 11:00hs diante do Pazo Municipal na Praza do Concello de Ferrol, para presentar o Manifesto:
  "EN DEFENSA DOS SERVIZOS SOCIAIS PÚBLICOS".
• Entrega posterior do Manifesto no rexistro municipal de Ferrol dirixido ao Alcalde da cidade, na súa calidade de rexedor municipal e de Presidente da Federación Galega de Municipios.

Mércores 18 de Decembro:

• Actuación Complementaria do Acto do Día das Migracións, que consistirá na presentación o mércores día 18 de decembro por rexistro municipal do Texto do "Manifesto, En defensa dos Servizos Sociais Públicos", noutras cidades e vilas de Galicia como Santiago, A Coruña ou Boiro.

O Manifesto reclama a esixencia da garantía dos dereitos básicos por parte das distintas administracións e a execución de medidas urxentes para encarar a actual situación de pobreza e exclusión social que vive o colectivo de persoas migrantes en Galiza e no resto do Estado Español, xunto con moitas outras persoas e colectivos. Crítica a política de benestar social dos gobernos galego e español, e por iso solicita o posicionamento público dos concellos galegos en defensa dos servizos sociais públicos.

Para rematar, reclamando e alentando á loita na defensa dos principais piares do estado de benestar: educación, saúde, pensións, prestacións e servizos sociais para o colectivo de persoas migrantes de Galiza e do resto do Estado Español.

FORO GALEGO DE INMIGRACIÓN
ACTO CENTRAL DO DÍA DAS MIGRACIÓNS
MANIFESTO: EN DEFENSA DOS SERVIZOS SOCIAIS PÚBLICOS

O Foro Galego de Inmigración formado por asociacións de migrantes, entidades , colectivos e persoas de toda Galiza, coincidindo co Día Mundial das Migracións, quere facer público o seguinte Comunicado:

“Esiximos a garantía dos dereitos básicos  por parte das distintas administracións e a execución de medidas urxentes para encarar a actual situación de pobreza e exclusión social que vive o colectivo de persoas migrantes en Galiza e no resto do estado español”

Consideramos intolerable que a alternativa que presenta o goberno de Feijóo, ante a dramática situación económica e social de moitas familias galegas de cara o vindeiro ano, é o incremento dos recursos de beneficencia. Comedores sociais, albergues e bancos de alimentos suman unha importante partida orzamentaria da Consellería de Traballo e Benestar. As actuais políticas sociais galegas delegan en organización relixiosas e de esmola a cobertura de necesidades básicas como os alimentos, os suministros enerxéticos ou o pago da vivenda. Existe unha constante agresión dos dereitos que se xustifican na falta de medios económicos, culpabilizando á poboación máis empobrecida, entre elas a poboación migrante, dun colapso dos recursos e axudas sociais.

Esiximos dotación económica e axilidade na tramitación e resolución da renda de integración social de Galiza (RISGA) sendo na actualidade a única alternativa económica de sustento cando finalizan as prestacións de desemprego. A día de hoxe cobran esta prestación 9.600 persoas, pero a demanda é moi superior a esta cifra. Requisitos como a presentación de documento de identidade ou o empadroamento; exclúen a moitas persoas migrantes en situación de irregularidade administrativa ou con estancia no territorio galego inferior ó ano. Tamén denunciar a espera de máis de seis meses da súa resolución, sendo unha táctica ruín para excluír desta prestación a mulleres e homes en situación de pobreza. Así como o abuso do control e supervisión dunha parte do persoal dos servizos sociais de atención primaria e a arbitrariedade e actitudes racistas que trascenden nalgúns informes sociais.

Incidimos na necesidade de promover o debate de novas alternativas que permitan satisfacer as necesidades de tódalas persoas como é a renda básicas das iguais (RBis). Medidas viables tanto política como economicamente, que cuestionan o actual sistema capitalista e as políticas neoliberais que amparan o terrorismo financerio que estamos a sufrir o conxunto da cidadanía.

Coa tramitación parlamentaria da lei de reforma e sostibilidade local por unha banda, por outra a axencia galega de servizos sociais e a futura lei de inclusión social de Galicia o goberno do PP está  impulsando o desapoderamento municipal dos servizos sociais e facilita a liberalización dos servizos á xestión de empresas privadas. Estrangúlanse os cadros de persoal dificultando a permanencia de moito servizos públicos e imposibilita o desenvolvemento de programas municipais educativos e sociocomunitarios.

Por todo isto, urxe a resistencia e reflexión colectiva, espazos de loita ante as actuais agresións os dereitos do estado de benestar. Para así, compartir vidas onde sanidade, educación, prestacións, servizos sociais... sexan en condicións de dignidade e igualdade para a poboación migrante.

Ferrol, 17 de Decembro de 2013.

FORO GALEGO DE INMIGRACIÓN
Rúa San Roque 6-bis. C.P. 15704 - Santiago de Compostela
foroinmigracionsantiago@yahoo.es - 981-576 142
www.forogi.wordpress.com

Enviado por:
susana beatriz alaníz gonzález
-sual259@hotmail.com-
13 de dezembro de 2013 16:12
______________

Así foi a cadea humana deste domingo 15 de Decembro en Coia-Vigo: O diñeiro de todas para todas !

OS CARTOS DE TODAS PARA TODAS!

Hoxe 15 de decembro ás 13:15 horas centos de persoas, convocadas pola ODS-Coia, a Parroquia Cristo da Victoria e o Grupo de Axitación Social (GAS), formaron unha cadea humana que saíu da Parroquia Cristo da Victoria e avanzou ao longo da Avenida Castelao baixo o lema “Os cartos de todas para todas!”, co obxectivo de esixir uns orzamentos xustos para Vigo e Galiza. A cadea humana culminou o seu percorrido coa lectura dun manifesto que adxuntamos con rogo de publicación.

ODS-Coia

Parroquia Cristo da Victoria de Coia

Grupo de Axitación Social (GAS)

Manifesto

Os cartos de todas para todas! O dicimos na rúa, o dicimos con razóns, o dicimos colectivamente e non pararemos ata que os poderes sintan que roubarnos as nosas vivendas, a nosa saúde, a nosa educación, as nosas pensións, os nosos dereitos, as nosas VIDAS... non lles vai ser doado. Só en Galiza hai máis de 650.000 persoas por baixo do limiar da pobreza, mentres unhas poucas familias acumulan a riqueza de todas de modo insultante. Pero a crúa realidade que vivimos pode ter outra cara se somos quen de aglutinar forzas que traballen arreo pola transformación radical deste sistema asasino.

Para dita transformación hai múltiples ferramentas que poden ser útiles, sen dúbida os orzamentos de Vigo e Galiza son mecanismos moi importantes para corrixir as desigualdades e redistribuír a riqueza. Se os cartos os levan compañías aéreas ou grandes construtoras, non os haberá para garantir o dereito á vivenda nesta cidade. Se os cartos se tiran en portos exteriores ou na cidade da Cultura, non os haberá para prestacións sociais ou para a saúde de todas.

Os orzamentos non son nin de Núñez Feijóo, nin de Abel Caballero. Son nosos, son das persoas. Por iso defendemos que se dediquen a cubrir as necesidades básicas de todas. Procuramos unha vida austera e digna para todas, e non podemos agardar máis.

Pouco din do que van facer cos nosos cartos, cando algo din amosan o afastados que están da crúa realidade. Dous exemplos:

• O 29 de maio deste ano a conselleira de Traballo e Benestar no parlamento galego dixo que os cartos que a Xunta destina á RISGA fan que «ningún galego nin ningunha galega estean a pasar fame na nosa comunidade» 1. Nada dixo nesa sesión de que os tempos de agarda pola RISGA superan a legalidade chegando aos 8 ou 9 meses de agarda ou que a contía media de dita prestación por unidade familiar é inferior aos 400€/mes.
• Esta semana o alcalde de Vigo declaraba que presentarán os orzamentos municipais de 2014 «cuando sea más conveniente para la ciudad» 2. Á cidadanía de Vigo úrxelle saber cantos cartos vai poñer o concello para por exemplo garantir o dereito á vivenda na cidade ou para eliminar a “pobreza enerxética” posto que as compañías eléctricas e os propietarios das vivendas non agardan para cortar a luz ou tramitar a orde de desafiuzamento.

Por todo isto volvemos a chamar á nosa xente para unirse nesta cadea humana coa que esixir uns orzamentos xustos para Vigo e Galiza. Temos moi claro que xuntas somos máis fortes e que precisamos con urxencia que os cartos de todas estean a disposición das persoas e das necesidades básicas para a vida.

Como hai un ano rematamos:

• Porque é urxente, resposta inmediata ás situacións de emerxencia social das familias!
• Porque é a súa obriga, incremento significativo do investimento social nos orzamentos!
• Porque é de xustiza, respecto aos dereitos sociais de todas as persoas!

Coia, 15 de decembro de 2013

ODS-Coia, G.A.S. e Parroquia “Cristo da Victoria” - Coia

Imaxes da cadea humana:
http://www.flickr.com/photos/axluar/sets/72157638698478946/
--
OFICINA DEREITOS SOCIAIS - COIA (ODS-Coia)
odscoia.arkipelagos.net | dereitossociais@gmail.com |@odscoia | tel: 696 618 732
Atendemos os luns de 17h00 a 19h00 nos locais da parroquia do Cristo da Victoria en Coia (rúa Baiona 9, Vigo).

Enviado por:
Oficina Dereitos Sociais - Coia
-dereitossociais@gmail.com-
15 de dezembro de 2013 16:27
http://odscoia.arkipelagos.net/
_______________________

O mércores 18 de decembro, está convocada, en Ferrol, unha Asemblea Xeral do Colectivo de Persoal Pasivo de Navantia (pensionistas, xubilados, prexubilados, viúvas, etc.)

Pensionistas, xubilados, prexubilados, viúvas, ... relacionad@s coas empresas públicas do sector naval da Ría de Ferrol, están chamad@s a mobilizar-se en defensa dos seus dereitos e conquistas sociais.

Rolda de prensa do Colectivo de Persoal Pasivo de Navantia (pensionistas, xubilados, prexubilados, viúvas, etc.) e convocatoria dunha Asemblea Xeral

O Colectivo de Persoal Pasivo de Navantia (pensionistas, xubilados, prexubilados, viúvas, etc.) seriamente preocupados pola situación actual da empresa, rexeitan o preacordo acadado, xa que tan só pretende liquidar as conquistas sociais con tanto esforzo e sacrificio conseguidas, entre outras, o paquete de Nadal. É por iso polo que convocan unha Rolda de Prensa e unha Asemblea Xeral para analizar e definir diferentes accións e mobilizacións na defensa dos nosos dereitos.

• A Rolda de Prensa terá lugar o vindeiro Lúns 16 de decembro, ás 12:00 hs, na Galería Sargadelos.

• A Asemblea Xeral de todas as persoas afectadas, Mércores 18 de Decembro, ás 11,30 hs, no Centro Cultural Carvalho Calero – Praza do Inferniño.

Colectivo de Persoal Pasivo de Navantia

Enviado por:
fucobuxan
-fucobuxan@gmail.com-
14 de dezembro de 2013 17:19
http://www.fucobuxan.net/
___________________

O Comité Cidadán de Emerxencia convoca unha nova concentración de protesta, o Martes 17 de Decembro, ante a entrada na Ría do 'LNG Bilbao Knutsen', cargado con gas natural licuado para a ilegal e perigosa Reganosa

CONCENTRACIÓN EN FERROL,
NA PRAZA AMADA GARCIA
DIANTE DO EDIFICIO DA XUNTA

ÁS 7 DA TARDE, DO MARTES 17 DE DECEMBRO

O 'LNG Bilbao Knutsen', procedente do porto caribeño, de Point Fortin, en Trinidad Tobago. É un buque gaseiro de grande porte, pois ten 284,40 metros de eslora por 42,53 de manga e un calado de 12,30 m, cargado con miles de toneladas de GNL/LNG para a ilegal e perigosa Reganosa, ten anunciado a súa entrada na Ría de Ferrol, para o martes 17 de Decembro de 2013. Esta entrada dun buque cargado con gas natural licuado para Reganosa, supón xa a 159, desde que o fixera o LNG "Galicia Spirit" en Maio de 2007.

Esta é a trinta e catro entrada que se produce despois de ditada a Sentenza polo Tribunal Supremo, onde a planta xa foi declarada ilegal, en sentenza inapelábel.

Diante do aumento da ameaza contra a seguridade e a vida, que supón a entrada do buque gaseiro, xunto á propia instalación da Planta de Gas en Mugardos, o Comité Cidadán de Emerxencia convoca unha acción de protesta e denuncia, consistente nunha Concentración Sonora, o mesmo Martes, ás 7 da Tarde, en Ferrol, na Praza Amada Garcia, diante do Edificio Administrativo da Xunta de Galicia.

Detalle da Foto: Romarín (O seu facebook)

Características do buque.-
Nome.- Bilbao Knutsen, Bandeira.- España, Eslora.- 284.4 m, Manga.- 42.53 m, Puntal.-25.40 m, Calado.- 12.30 m, Capacidade.- 173.410 m³ de GNL

• QUE SE CUMPRA A SENTENZA DO TRIBUNAL SUPREMO XA! 
• POLA DEFENSA DA VIDA, A NOSA SEGURIDADE E A RÍA  !!
• CESE DA ACTIVIDADE E DESMANTELAMENTO DE REGANOSA  !!
• PLANTA DE GAS PECHE XA !!
• PLANTA DE GAS FORA DA RÍA   !!

10 razóns para preguntar-se ... Por que Reganosa ten que saír da nosa Ría e das nosas Vidas ?

O COMITÉ CIDADÁN DE EMERXENCIA PARA A RÍA DE FERROL, TAMÉN NECESITA NESTES MOMENTOS AXUDA ECONÓMICA, PARA CONTINUAR COS PROCESOS XUDICIAIS E ADMINISTRATIVOS ABERTOS: COLABORA. TAMÉN PODES COLABORAR COMPRANDO LOTERÍA DE NATAL, XOGAMOS O Nº 88594.

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc


Información baseada na enviada por:
comitecidadan
-comitecidadan@gmail.com-
3 de novembro de 2013 13:12
____________

Mandela e Rajoy, ... Por Pablo Vaamonde

Por Pablo Vaamonde  [*]
13.12.2013

Xa era de noite o día cinco de decembro cando o presidente de Sudáfrica, Jacob Zuma, comunicou a morte de Nelson Mandela:  “A nosa nación perdeu au seu fillo máis grande”, afirmou. O home que derrotou ao racismo chegou aos 95 anos dunha vida plena e difícil marcada pola súa perseverancia  heroica na loita contra do apartheid. En 1962 foi condenado a cadea perpétua pola súa actividade política. Pasou 27 longos anos no cárcere, que lle serviron para encauzar o seu enorme talento político e para marcar obxectivos realistas para a súa loita. “Entró lleno de furia y salió sabio”, escribeu John Carlin (autor dun libro sobre Mandela no que se basea a película Invictus). Home íntegro, coherente e magnánimo (segundo Desmond Tutu), adicou a vida enteira a traballar pola concordia, a paz e a igualdade. En 1993 concedéronlle o Premio Nobel da Paz. O avance de Sudáfrica na convivencia entre as razas foi impresionante, ainda que teñen unha asignatura pendente: a reducción da brecha entre ricos e pobres, que sigue a ser moi grande.

O mundo enteiro sinala a Mandela como unha das figuras clave do século XX e como un símbolo da capacidade dos pobos para superar o odio e a confrontación.  Hoxe todos lamentan a morte de Madiba (avó). Persoalidades de todo o mundo acudiron ao festivo acto de despedida que se celebrou no estadio de Johanesburgo o pasado día dez. Alguns dos dirixentes políticos presentes, que eloxian a figura e a traxectoria de Mandela, non terían dúbidas en metelo no cárcere se tivese desenvolvido a súa loita no territorio que eles gobernan. Tamén en España diversos representantes do PP fixeron unha loanza pública da súa loita polos dereitos humanos e a liberdade.  Son os mesmos que veñen de aprobar unha lei de seguridade cidadá que limita a liberdade de expresión, faculta ao executivo para impoñer sancións económicas severas, e que poderá ser utilizada como medida preventiva para disuadir do uso pacífico dos dereitos de reunión e manifestación. Son os mesmos que manteñen as chamadas concertinas nas vallas de Ceuta e Melilla (“elementos de disuasión pasiva”, segundo o ministro) que poden provocar lesións graves aos inmigrantes africanos –que fuxen da fame e do terror e farán todo o posible por chegar a Europa-.

Representando a España nese acto estivo Mariano Rajoy. Puxo de manifesto  a súa talla de estadista coas palabras pronunciadas camiño do funeral: “Es un momento muy bonito y emocionante, porque es el estadio en el que España ganó el Mundial”. Tamén fixo unha loanza de Mandela pola súa loita pola igualdade. Era o que requería o momento. Mais ún ten a impresión de que a ideoloxía e a traxectoria pública de Rajoy son totalmente contrarias ás do líder homenaxeado.  Mandela arriscou a súa vida por un noble ideal; Rajoy fixo unha carreira política confortable e estivo sempre na beira dos poderosos. Madiva soubo tender a man e construír pontes para favorecer a convivencia pacífica do seu pobo; Mariano levanta vallas e promove leis que provocan a exclusión social (ademáis, non se lle coñecen actividades delictivas pero tivo certa predilección, no seu traxecto político, por rodearse de presuntos delincuentes aos que adicou encendidos eloxios: Fabra, Matas, Bárcenas, Camps...).

Cómpre lembrar que Rajoy, cando era un mozo que se  iniciaba na política, afirmou por escrito que “la igualdad social es imposible” e expresou a súa convicción de que “los hijos de buena estirpe superan a los demás” e que “la desigualdad natural del hombre viene escrita en el código genético”.  Esa crenza na desigualdade dos seres humanos é a que inspira a súa actuación política. Nos dous longos anos que leva como presidente do goberno aplicou o seu ideario de xeito  taxativo. As políticas impostas desde o poder provocaron unha crecente desigualdade social, unha progresiva laminación da clase media, a desmontaxe desde dentro do Estado de benestar e un alarmente crecemento da pobreza: máis de doce millóns de persoas viven en España en situación de pobreza e exclusión social. E agora aplicarán a lei de seguridade cidadá para que ninguen proteste e cadaquén soporte o seu destino.

Blogue persoal de Pablo Vaamonde:

Pavillón de Repouso

http://pablovaamonde.blogspot.com.es/

[*] Pablo Vaamonde Garcia, nado na Baña en 1956. É médico de familia no Centro de Saúde de Labañou (A Coruña). Foi fundador e director da revista médica Cadernos de Atención Primaria (1994-2005), presidente da Asociación Galega de Medicina Familiar e Comunitaria (AGAMFEC) de 1996 a 2005 e vicepresidente do Colexio Oficial de Médicos de A Coruña e responsable do Programa de Formación Continuada de 1998 a 2005. Foi director xeral de Asistencia Sanitaria do Sergas entre 2005 e 2006. Tamén foi membro da Comisión Sectorial de Sanidade que elaborou o Plan Xeral de Normalización da Lingua Galega, colaborador habitual dos medios e autor de tres libros de narrativa: O fillo do emigrante (2002), O mes de abril (2004), Luz Divina e outros retratos (2006). Recibiu o Premio Lois Peña Novo en 2005, polo seu compromiso na promoción e defensa da língua de Galicia e é colexiado de Honra con Emblema de Prata (2007) do Colexio Oficial de Médicos da provincia de A Coruña.

Publicado no seu Blogue persoal | 12.12.2013.

Enviado por:
Inácio GZ
-inaciogz@gmail.com-
12 de dezembro de 2013 23:50
http://espazoartabro.blogspot.com/
______________

Era visto, ... Por Rafael Pillado Lista

Por Rafael Pillado [*]
12.12.2013

Era previsible que Navantia chegase a esta situación. O goberno do PP acaba de recordarnos que leva dous anos no goberno. Dous anos nos que non moveu un dedo para dotar de carga de traballo ao naval. Esa é a súa responsabilidade. En troques, o seu "ministro de industria" foi a Arxentina a resolver os problemas de Repsol. Varas de medir, distintas. Para quen gobernan?

Mentres tanto, e tras a marcha do último buque australiano, Navantia se queda sen traballo, despois dun goteo de despedimentos dos compañeiros de CC. AA. Nin se molestaron os nosos gobernantes. É certo que non faltaron promesas de solución, sobre todo, durante pasadas campañas electorais. Promesas que veñen “mareando a perdiz” cos traídos, levados e de novo traídos floteis de Pemex. Incluso xogaron falsamente con Reganosa, e coa idea de que os gaseiros poderían ser unha solución, cando xa foran contratados por estaleiros asiáticos. Sen a intervención do goberno e sen que Navantia presentara unha proposta elaborada.

E repito que esta situación era previsible. Porque, non hai mellor camiño para afundir os estaleiros que deixalos caer e así xustificar o seu desmantelamento por perdas. E non só en Ferrolterra. Cansáronse os dirixentes do PP de recordarnos que as empresas públicas son chiringuitos que hai que desfacer. E por outra banda, un eixo central da súa política é a privatización do público que sexa rendible a empresarios privados. Os amigos, claro. Xa se ve como tratan os servizos públicos esenciais.

Mentres tanto, a dirección de Navantia buscaba aplicar un “novo convenio”, a dous meses de rematar o anterior. Non supoñía ningún avance, pero iso si, o camiño corto para acabar con dereitos alcanzados con sacrificio, que afectaban non só aos traballadores en activo, senón tamén a miles de prexubilados, xubilados, viudas, etc., desta comarca. Buscaba ademais que fora firmado polos sindicatos. Un desatino interesado, rexeitado pola maioría dos traballadores/as da empresa, concretamente en Ferrol-Fene.

E chegamos á data prevista, catro de decembro, de presentación dun plan de empresa, no que a dirección xa anunciara que non sería negociado, e do que algunhas fontes adiantaban que traería despidos e recortes salariais. Ese era o plan, son insaciables. En datas posteriores, anuncian que non se presentará aínda, en espera de carga de traballo. ¿Cando?

¿Que motivou ese freado? Navantia tiña previsto chegar até aquí co convenio firmado co aval dos sindicatos, e en harmonía social. Pola contra, non se firmou pola acción dos traballadores e ademais producíronse importantes mobilizacións de rexeitamento. Incluso, os alcaldes do PP desta comarca, fóronse a Madrid, aínda que en lugar de ir á presidencia do goberno, “equivocáronse” e foron a SEPI. Aquí todos, incluso as bases do PP son desfeitas en este “festival” de recortes e liquidacións.

Pero hai outro factor que non debemos menosprezar, tratase das eleccións europeas, no mes de maio, nas que as enquisas prognostican unha caída electoral moi pronunciada do partido do goberno, e temen un conflito continuado no tempo. ¿Esperan tempos mellores? Isto só é un alto no camiño.

Por esta razón, e sen perda de tempo, convén cambiar de paso e incrementar tódalas medidas de mobilización e presión, que nos leven a elevar as accións.

Navantia é un elemento central na actividade económica e social da comarca, pero non está soia. Os problemas da comarca son moitos e de variada condición. Poño un exemplo, referido ao comercio. A cantidade de pequenos e medios negocios que veñen pechando día tras día, e deixan na rúa a traballadores e empresarios. Están determinados pola parálise económica e polas políticas desenvolvidas. A falta de crédito, a instalación de áreas comerciais, co aplauso dos gobernos locais, etc. Por iso, é necesario que cada sector defina os seus problemas e se mova por eles.

Para asegurar a defensa da comarca, é imprescindible facer converxer a todos os sectores, en unha mobilización potente e sostida, esixindo resposta dos gobernos correspondentes. E iso só é posible coa unidade de todos, porque todos somos afectados, en torno a unha plataforma unitaria, sen exclusións, a nivel comarcal.

É posible e necesario vencer, polo ven de cantos vivimos e traballamos en Ferrolterra. Unidade na acción e nas esixencias. Imprescindible, cambiar de paso.

Rafael Pillado, 8.12.1

Artigo Publicado no xornal comarcal 'Diario de Ferrol'.

[*] Rafael Pillado Lista, San Cibrao (Cervo) o 12 de xuño de 1942,  é Vicepresidente da A.C. Fuco Buxán e membro do Comité Cidadán de Emerxencia para a Ría de Ferrol. Foi un activista sindical e político nos anos da ditadura franquista, sen deixar nunca a súa actividade social e política. Participa no Encontro Social e na Rede de Apoio Mutuo de Ferrol Terra. Escribe artigos sobre a actualidade nos medios locais. Ten escrito un importante e moi interesante libro sobre unha parte da nosa historia recente "O Latexo da vida e da conciencia - Memorias Colectivas de Rafael Pillado - I (Primeiro Volume)".

A nosa web:

www.fucobuxan.net

Os nosos blogues:

Escolma das Razóns
http://escolmadasrazons.blogspot.com.es/
Pensamento Crítico
http://opinionsfuco.blogspot.com.es/

Nas redes sociais:

Facebook
http://www.facebook.com/pages/Fuco-Bux%C3%A1n/118931821452749
Twitter
http://twitter.com/FucoBuxan
Google+
https://plus.google.com/u/0/108716477794009532670/posts
Albúns fotográficos en Picasa:
https://picasaweb.google.com/106726281086842107689
Canle e Youtube:
http://www.youtube.com/user/fucobuxan

---
Fuco Buxán, A. C.
Rúa Armada Española, 32 baixo- 15406 - Ferrol
Apartado Correos 240 C.P. 15400 Ferrol
Telefono. 981325492
www.fucobuxan.net
fucobuxan@yahoo.es

Enviado por:
fucobuxan
-fucobuxan@gmail.com-
12 de dezembro de 2013 11:35
______________

De novo foi masiva a resposta no segundo día de Folga na Sanidade Pública Galega e miles de persoas nas rúas de Ferrol, como no resto da Galiza

Galicia coida a súa sanidade na rúa

Algo máis que un toque de atención e moitísimo máis que unha protesta laboral. Milleiros de persoas culminaron este martes nas rúas das principais localidades galegas a folga xeral no Servizo Galego de Saúde. Mesmo por riba das expectativas, a ducia de cidades e vilas que acolleron as protestas acolleron verdadeiras riadas humanas contra os "recortes" e "privatizacións", unhas marchas que tiveron especial incidencia na Coruña, en Vigo, en Ferrol ou en Compostela. Coa folga desdeñada pola Xunta dende antes do seu inicio, as organizacións sindicais calculan que o seguimento da protesta superou o 80%, moi por riba do 20% calculado calculado polo Goberno entre "trampas", din. Animadas pola resposta do persoal, os sindicatos sairon á rúa ao carón da cidadanía para advertir da necesidade de coidar a sanidade pública fronte a quen a quere "desmantelar, converténdoa nun nicho de negocio para empresas amigas, vendéndoa por pezas ao mellor postor".

Milleiros de persoas manifestáronse nas principais localidades galegas

"Non á privatización", "hai que recortar o Partido Popular" ou berros a favor da "sanidade universal" porque "ninguén é ilegal" foron a música de fondo dunhas protestas que resistiron con estoicismo o frío para advertir de que as medidas que a Xunta di que non existen xa están aquí. Como exemplos, citan paso a mans privadas da xestión de departamentos como "a plataforma loxística, cociñas e lavandarías, mantemento ou raios", os novos repagamentos ou a derivación masiva de doentes á privada mediante a lei de garantías, acabada de aprobar, converten a sanidade.

Feijóo mantén que a folga foi secundada por "moi poucas" persoas

O persoal sanitario, advirte, "non está disposto a participar" desta operación, tampouco a cambio de "incentivos ligados ao aforro" que son "pan para hoxe e fame para mañá". Horas antes das mareas humanas contra os "ataques" á sanidade Feijóo encargábase de minusvalorar a folga e as manifestacións. Despois de que a conselleira de Sanidade evidenciase que se trataba dunha folga "política" Feijóo reduciuna a unha mobilización "preventiva", toda vez que non hai "motivo para a preocupación". El, asegura, leva "vinte anos dedicándome á sanidade e dende entón se comenta que pode haber interese por privatizar a sanidade. Nada disto vai pasar e quen protestou foron "moi poucas" persoas.

A Galería Fotográfica e da A.C. 'Fuco Buxán'.

Recomendamos entrar na noticia orixinal en Praza Pública con comentarios, vídeos e galerías fotográficas.

Publicado no xornal Praza Pública 11 de decembro de 2013 Licenza Creative Commons by-sa.

Praza  Pública precisa de Ti: A forza de Praza Pública son os seus lectores e lectoras. Praza é un medio da súa comunidade de lectores. A existencia do xornal depende das achegas realizadas por todos nós [+info].
________

Centrais Sindicais:

• Central Obreira Galega - COG
• Confederación Galaica da - CNT/AIT
• Confederación Intersindical Galega - CIG
• Confederación Unitaria de Traballadores - CUT
• Confederación Xeral do Traballo en Galicia - CGT
• Sindicato Nacional de CCOO de Galicia - CCOO
• Unión Xeral de Traballadores en Galicia - UGT
• Unión Sindical de Traballadores Galegos - USTG

______

Presentación do libro: "Pescanova Crimen Perfecto. Outra estafa piramidal", no Ateneo ferrolán - Xoves 12 de Decembro, ás 8 da tarde

O xoves día 12 de Decembro ás 20 h. no salón de actos do Ateneo Ferrolán

Presentación do libro: "Pescanova Crimen Perfecto. Outra estafa piramidal"

Coloquio a cargo do autor Valentín Carrera e Yolanda Díaz

Entrada de balde

Un lugar de encontro para a cultura.
Ateneo Ferrolán, fundado en 1879.
www.ateneoferrolan.org

e-mail: secretaria@ateneoferrolan.org | Telf.:  +34 981 357 970 |
Dirección Postal: Rúa Magdalena 202-204. CP.15402 | FERROL (A Coruña)

BLOG: http://ateneo-ferrolan.blogspot.com/

Tamén no Facebook: http://www.facebook.com/pages/Ateneo-Ferrolan/134569549934117

Séguenos en Twitter: @ateneoferrolan

Faite soci@! Colabora con nos!Para axudas e aportacións económicas:
C.c. en Banco Pastor. Titular Ateneo Ferrolán:
0072.8107.08.0600132878

Enviado por:
Lucia Vizoso
-luciaxocaloma@gmail.com-
10 de dezembro de 2013 23:45
______________

Masivo seguimento no primeiro día de Folga Xeral na Sanidade Pública Galega - Martes 10 de Decembro, segundo día de Folga e manifestacións nas principais cidades e vilas da Galiza

"A cidadanía entende que é mellor perder un día de servizo que perder o dereito á sanidade de por vida"

Os sindicatos destacan o elevado seguimento que está tendo a primeira das dúas xornadas de folga convocada por CIG, CCOO e CEMS-Omega na sanidade pública galega. Cifran a participación global arredor do 80%, cunha incidencia mesmo superior entre os médicos e en varias comarcas, como Salnés, Vigo, Pontevedra, A Coruña, Ferrol ou A Mariña. Ademais da participación dos traballadores, as centrais salientan "o apoio que a cidadanía está dando á folga", e fan un chamamento á participación da sociedade nas manifestacións e concentracións convocadas para a tarde do martes. En palabras de María Xosé Abuín, "a cidadanía entende que é mellor perder un día de servizo que perder o dereito á sanidade de por vida".

Os servizos mínimos previstos pola Xunta para esta folga superan o 35% en case todas as áreas, polo que a Xunta está recoñecendo cos seus datos unha participación que rolda o 60%

A Xunta rebaixa a participación na folga ao 21,85%. Porén, para Abuín, este dato supón que "mesmo a Consellaría recoñece o éxito do paro". En convocatorias anteriores a Xunta cifraba a participación entre un 3% e un 5%, "hoxe fala dun 21,85% en global, con áreas nas que se se supera o 35%", destaca. Engade que "tendo en conta que o SERGAS contabiliza as persoas que teñen que facer servizos mínimos como que non apoian o paro, a cifra é moi elevada. Nós si contabilizamos estas persoas como parte dos folguistas". Os servizos mínimos previstos pola Xunta para esta folga superan o 35% en case todas as áreas, polo que a Xunta está recoñecendo cos seus datos unha participación que rolda o 60%.

A este respecto, Francisco Vizoso salienta que "o Sergas sempre fai trampa ao informar das porcentaxes de participación, pois a participación que fai pública calcúlaa como o cociente entre o número de traballadores que foron  á folga dividido polo total do cadro de persoal, no canto de dividilo entre os que estaban en condicións de ir á folga". Conclúe que "o obxectivo é claro: terxiversar, reducindo artificialmente, a participación real na folga". Vizoso engade que "de iren á folga todos os que están en condicións de facelo, é dicir, de termos unha participación real do 100%, o SERGAS recoñecerá como tope unha participación máxima do 56,8%".

Abuín denuncia que "as xerencias estaban presionando para que se incumprise o decreto de mínimos"

As críticas ao SERGAS tamén chegan polas "dificultades" e "a obstrución" exercida contra a folga, "programando actividades que non tiñan por que programar para hoxe", salienta Ángel Cameselle (CC.OO.). A este respecto, María Xosé Abuín comenta que as únicas incidencias rexistradas no paro de hoxe déronse en Compostela, no servizo de Radioloxía, onde "a dirección tentou que se fixesen todas as probas, cando o propio decreto de mínimos recolle que nos servizos de raios hai que facer as probas que sexan complementarias para operacións urxentes, ou aquelas que se decidan por criterios clínicos". Abuín denuncia que "as xerencias estaban presionando para que se incumprise o decreto de mínimos. E en Vigo o mesmo sistema co laboratorio".

María Xosé Abuín destaca finalmente que, en cambio, "non houbo ningún problema cos pacientes, a xente entendeu que estamos loitando por defender a sanidade pública de calidade". Abuín sinala que con esta folga “o que queremos é que o goberno entenda que a sanidade ten que ser universal, gratuíta e de calidade; que se financia cos nosos impostos e que estes son cartos de todas e todos nós entregados ao goberno para que nolos devolva en servizos, non para que faga negocio e entregue a sanidade aos seus amigos para o seu enriquecemento a custo da nosa saúde”.

13 manifestacións

Ademais da convocatoria de folga de luns e martes, están anunciadas 13 manifestacións noutras tantas cidades e vilas galegas para o 10 de decembro.

• O Barco: 20:00 h con saída do Hospital comarcal. Conde de Fenosa
• Ourense: Ás 20:00 h, con saída do Pavillón dos Remedios
• Burela: Ás 20:30 h, con saída do Hospital da Costa
• Vigo: Ás 20:00 h con saída do Hospital Xeral
• Ferrol: Ás 18:00 h, con saída da Praza de España.
• Lugo: Ás 20:00 h, con saída do edificio multiúsos da Xunta de Galicia
• Pontevedra: Ás 20:00 h, con saída da porta principal do Hospital provincial
• Santiago: Ás 20:00 h, con saída da Praza Roxa
• A Coruña: Ás 20:00 h, con saída da Casa do Mar
• Barbanza: Ás 20:00 h con saída do centro de Saúde
• Monforte: Concentración na Praza de España, ás 20:00 h
• Salnés: Concentración ás 14:00 h diante da porta principal do Hospital
• Cee: Concentración ás 12:00 h diante da porta principal do Hospital.

Por Marcos Pérez Pena, publicado no xornal Praza Pública 10 de decembro de 2013
Licenza Creative Commons by-sa.

Praza   Pública precisa de Ti:
A forza de Praza Pública son os seus lectores e lectoras. Praza é un medio da súa comunidade de lectores. A existencia do xornal depende das achegas realizadas por todos nós [+info].
__________________

Alberto San Juan: 'Algúns empezan a darse conta de que fóra do sistema ... está a vida'

O actor e activista Alberto San Juan [*], xunto a un grupo de intrépidos, lanzou unha proposta escénica de marcado talante subversivo onde se concitan calidade artística e calidez ideolóxica, "porque a nosa revolución prodúcese a través da convergencia placentera de sentimentos e razóns".

Estase pasando fame no noso país, as concertinas testemuñan o talante gobernamental, apróbanse leis mordaza mentres o desemprego permanece desbocado e desarticúlase o noso exiguo estado de benestar: por que acudir ao teatro?

O teatro é unha arte de natureza política. O teatro é unha forma de ver o mundo de xeito colectivo para poder comprendelo mellor, para intentar vivir mellor. O teatro é a experiencia de reflexionar colectivamente sobre o que nos pasa persoal e grupalmente. Ademais, este espazo, o Teatro do Barrio, pretende ser máis que un teatro. Quere ser un lugar onde moitas persoas se xunten para imaxinar outra forma máis xusta e placentera de habitar o mundo ...

Un mundo dominado por un sistema?

O sistema creara unha extensa rede de dependencias para que sentises que ou estabas dentro do sistema ou estabas morto. É dicir, que ou eras capaz de comprarche un piso, ter un traballo fixo, etc. ou a túa vida corría perigo. Neses últimos anos foi este mesmo sistema o que deixou sen traballo e sen casa a miles e miles de persoas, expulsándoas. Tralo impacto brutal do baleiro, moitas desas persoas comezaron a darse conta de que fóra do sistema ... está a vida, aínda que moitos xa perderon a súa vida por esta brutal exclusión.

Cal pode ser a solución a unha situación de colapso como a que estamos vivindo?

Nunca a solución á situación actual poderá ser volver ao que tiñamos, volver ao sistema, volver a un falso benestar, a unha falsa democracia. Unha democracia de aparencias patrocinada polos préstamos bancarios. O realmente apaixonante e revolucionario é atoparnos neste momento coa necesidade ineludible de comezar a construír algo novo. O novo que inventemos deberá nutrirse de todas as experiencias de emancipación anteriores. E, sen dúbida, terá moitos elementos do anarquismo, do comunismo e do socialismo, pero será algo novo, recoñecendo quizá a nosa débeda cunha das sensibilidades máis perseguidas, ignorada e desprezada, como é precisamente, o anarquismo. O que moitos demandamos nestes momentos é que nos deixen gestionar nosa propia vida en común. Recuperar nosa propia capacidade para facelo ben, para facernos ben, por nós mesmos.

Cal debe ser o papel da cultura nun contexto de alienación crecente e onde se nos anima a fuxir do medo a través de paraísos virtuais?

A cultura significa unha mirada crítica sobre o mundo. A cultura é fundamental para romper o muro da ignorancia. E cando rompemos ese muro da ignorancia, o medo deixa de ser un valor inexpugnable.

Por que un teatro de barrio na era da globalización?

Para nós o concepto de barrio é un concepto universal. O barrio son os barrios, calquera barrio, porque o barrio son as rúas e as casas, pero sobre todo somos as persoas.

Por que esta proposta é diferente?

Porque a nosa proposta é claramente de loita, reivindicación e pracer desde a propia autoxestión. Axuntamos para iso calidade artística e coherencia. Somos unha cooperativa onde tomamos as decisións de xeito horizontal.

É o Teatro do Barrio o teatro de Alberto San Juan?

Para nada. Eu levaba toda a vida desexando ter un lugar para facer teatro. Un teatro político, un teatro con humor. Finalmente, tiven a sorte de atoparme cun grupo de amigos cos que creamos o equipo impulsor, onde están persoas como Cote Romero, Mario Sánchez-Herrero, Iñaki Alonso ... que xa acumulaban importantes experiencias creando comunidade, nova economía ...

Que proxectos emergerán neste teatro?

Haberá teatro, haberá música, poesía, debate político directo, vaise a poñer en marcha unha universidade do barrio cuxo academicismo será a antíteses do aburrimento. Aquí o pensar xuntos, emprender accións xuntos terá un sentido lúdico. Podemos pasárnolo ben cambiando o mundo, aínda que ... por suposto, hai moitos elementos tráxicos na situación actual.

Por J. V. Barcia Magaz, publicado no xornal 'La Marea', 9 de Decembro de 2013

[*] Alberto San Juan Guijarro - Cañamares, 1968, é actor.

MásPúblico sociedade cooperativa - Licenza CC BY-SA 3.0.

__________________