Xurdimos a favor dunha política xusta, democrática, participativa e sustentábel, responsábel cara o futuro da humanidade e do resto das especies, respectuosa e defensora do medio natural, na convicción de que un outro mundo non só é posíbel senón que é necesario.
mércores, setembro 27, 2006
luns, setembro 25, 2006
Convocatoria para a constitución dunha Rede en defensa do litoral
Coordenador Xeral Verdegaia
24 de septiembre de 2006 17:55
Para: artabra21@gmail.com
Benqueridos compañeiros e compañeiras,
O pasado Sábado 2 de Setembro celebrouse unha xuntanza en Santiago de Compostela entre representantes das asociacións Plataforma en Defensa da Enseada de San Simón, Foro Social de Cangas, Luita Verde, Salvemos Monteferro, Bouzas Móvete, APDR, ADEGA, PDR Cíes, AVV de Bouzas e Verdegaia. Desculparon a súa ausencia FEG, Comité Cidadán de Emerxencia para a Ría de Ferrol e Ártabra 21.
As persoas reunidas coincidimos en que este era un primeiro encontro para estudar a posibilidade de criar unha rede para a defensa do litoral, paso que dependerá das decisións que cada entidade tome nas súas asembleas. Con todo, existen uns primeiros acordos arredor da posíbel constitución desta rede:
1.- Enténdese positivo e necesario tecer unha rede de organizacións directamente interesadas na defensa do litoral, co fin de:
- Intercambiar información e experiencias
- Lograr que as novas transcendan do ámbito local
- Aumentar a sensibilización social
- Difundir alertas temperás e convocatorias de mobilización
- Xerar sinerxias que permetan mellorar a capacidade de presión sobre gobernos e empresas
2.- A rede, da que non farán parte forzas políticas e sindicais, será horizontal e cunha estrutura mínima (unha persoa de contacto por organización). O protagonismo será das organizacións integrantes. A intención non é construír un aparello burocrático e complicar máis aínda o traballo das e dos activistas das diversas entidades, aumentando o seu calendario de xuntanzas a.
3.- A rede terá como elemento central visíbel un sitio web onde as organizacións integrantes poderán colgar as súas novas e denuncias. Este sitio, ademais, recollerá o manifesto fundacional ou documento de bases da rede e unha listaxe de entidades integrantes con ligazóns aos seus respectivos webs (de os ter).
4.- Como primeiros labores estabeleceríanse a aprobación do manifesto ou documento de base, a posta en marcha do web e a elaboración dunha primeira "radiografía"/perfil das problemas e ameazas ao litoral galego.
Acordouse celebrar unha nova reunión para o vindeiro Sábado 7 de Outubro ás 11:00 horas. O lugar fixarase en función da asistencia confirmada tentando minimizar os desprazamentos.
Quixeramos que a vosa organización asistise a esta xuntanza e valorara a posibilidade de se integrar neste proceso.
Pregamos confirmedes a vosa intención de asistir para podermos definir o lugar de reunión.
Un saúdo
--
Xan Duro
Coordenador Xeral
www.verdegaia.org
www.bicis.info
<< Voltar ao Blog da Plataforma Ártabra 21
sábado, setembro 23, 2006
Convocatoria da Asemblea Xeral Ordinaria da Plataforma Ártabra 21, para o martes, 26 de Setembro de 2006.
Orde do día:
1º.- Nomeamento da Mesa [moderador/a e secretari@ de actas].-
2º.- Lectura e aprobación ACTA da ASEMBLEA anterior.- [+ info]
3º.- Estado de CONTAS.- [+ info]
4º.- Proposta de novas incorporacións.- [+ info]
Pediron a entrada:
- ASOCIACIÓN VECIÑAL STª MARIÑA
- ASOCIACIÓN AMIGOS DA TERRA-CEDEIRA
- TREME A TERRA DE PONTEDEUME
5º.- Intervencións e informacións.-
- Expropiacións de Canido. [+ info]
- Voluntariado vixilancia contra os incendios, que facer NO FUTURO ?. [+ info]
- Praza de Porta Nova –EDIFICIO EMBLEMÁTICO. [+ info]
- Plataforma contra a guerra do Libano e palestina. [+ info]
- Manifestación Nunca Máis. [+ info]
- Proxecto PARQUE URBANO do INFERNIÑO. [+ info]
- Sentenza TSXG a respecto da PLANTA DE GAS. [+ info]
- Participación na Rede de Defensa do Litoral [+ info]
- Outras.
6º.- Elección por votación do LOGO que utilizará a PLATAFORMA ÁRTABRA 21.- [+ info]
7º.- Presentación de RESOLUCIÓNS.-
- Resolución presentada por VERDEGAIA: SOBRE O CAMBIO CLIMÁTICO. [+ info]
- Resolución presentada pola Coordenadora da PLATAFORMA ÁRTABRA21: Defensa da COSTA ÁRTABRA. [+ info]
- Resolución presentada pola Comunidade de Menáncaro: DEFENSA DA FRAGA DE MENÁNCARO. [+ info]
8º.- Proposta de debate sobre princípios organizativos.-
- Xunta COORDINADORA ou REPRESENTANTES ?
- Proposta de constitución dunha Comisión para presentar un regulamento de funcionamento xuntas, comisións ou grupos de traballo, etc, para os vindeiros meses.
[Documento Constituinte]
9º.- Renovación da Xunta Coordenadora, cese de tres persoas e nomeamento doutras tres novas e deixar convocada a próxima Asdemblea Xeral [Lugar, data e hora].-
10º.- Suxestións e preguntas.-
Ferrol, Costa Ártabra, a 13 de setembro de 2006.
Pola Xunta Coordinadora
Asdo.
Xan Ramírez-
Inacio Martínez
José Ramón Jove
Carlos Gª Seoane
Manuel Domínguez
Xosé M. Sanxoán
Proposta resolución sobre medidas para frear o cambio climático por parte dos concellos
As emisións de gases efecto invernadoiro en Galicia medraron o 45’9% entre 1990 e 2005, crecemento moi significativo e preocupante. A nosa terra presenta unhas emisións por habitante que figuran entre as máis altas de Europa e do mundo. Boa parte das emisións teñen lugar nas vilas e cidades, onde vive o 70% da poboación galega, especialmente as emisións dos sectores transporte, doméstico, comercial e institucional.
A nivel estatal, máis do 50% das emisións de gases de efecto invernadoiro relacionadas co transporte realízanse en áreas urbanas, na súa meirande parte froito do emprego do automóbil privado. existen previsións moi preocupantes que sitúan ao sector do transporte como o de maior crecemento relacionado co consumo enerxético.
O crecemento do consumo enerxético nos sectores residencial, comercial e institucional está a ser moi importante, rexistrándose un uso da enerxía pouco eficiente. Isto é particularmente lamen tábel no caso dos Concellos e das Administracións Públicas en xeral, xa que, por razóns ambientais e económicas, deberían ser exemplos de uso eficiente da enerxía, nos seus edificios e instalacións, no alumeado público e nos parques de vehículos ao seu servizo.
A comunicación da Comisión Europea relativa a unha Estratexia temática sobre ambiente urbano, que forma parte do Plano de Acción Ambiental da UE en vigor, destaca o papel das zonas urbanas na implementación de medidas para a redución das emisións. Como áreas prioritarias de traballo apunta os transportes e a construción.
Perante a gravidade do problema do cambio climático e a necesidade de adoptar mediadas urxentes que impliquen a toda a cidadanía, a asociación ecoloxista Verdegaia propón á Plataforma Ártabra 21 que apoie pública e expresamente os seguintes puntos a demandar aos diferentes concellos da nosa comarca:
1.- Integración dos concellos da comarca na “Rede Española de Cidades polo Clima”.
2.- Elaboración de ordenanzas sobre captación e aproveitamento de enerxía solar que reforce as esixencias contidas no Codigo Técnico de Edificación (CTE).
3.- Elaboración de auditorías enerxéticas en tódalas instalacións e equipamentos municipais para, posteriormente, elaborar un Plano Enerxético Municipal que mellore a eficiencia enerxética e incorpore progresivamente fontes enerxéticas renovábeis nas instalacións e servizos municipais.
4.- Igualmente, realizar unha auditoría de consumo eléctrico do alumeado público e adoptar medidas para diminuilo como por exemplo: adecuación do número de puntos de luz ás necesidades reais, substitución por lámpadas de baixo consumo, diminución do horario de iluminación, etc..
5.- Crear unha Axencia Local de Enerxía en cada concello para realizr as auditorías xa comentadas e para informar, prestar asistencia técnica á cidadanía e empresas, desenvolver campañas de sensibilización, ...en materia de aforro enerxético e enerxías renovábeis.
6.- Redacción dun “Plano de Mobilidade Sustentábel” que inclúa a adopción de medidas de pacificación do tránsito e restricción do vehículo privado, potenciación de modos de transporte menos contaminantes (pé, bicicleta, transporte colectivo..)
7.- Planificación urbana que diminúa a necesidade de desprazamentos, que favoreza o uso do transporte menos ou nada contaminante (bicicleta, pé, colectivo..).Ademais, as novas areas residenciais serán libres de coches e estudarase o impacto sobre o tráfico antes de autorizar grandes areas comerciais.
8.- O imposto sobre vehículos penalizará de forma forte aos vehículos con maior consumo enerxético e maiores emisións de CO2, especialmente a vehículos todoterreno non destinados a usos comerciais.
9.- Primará a “Contratación Pública Verde”, isto é, contratar bens e servizos conceder adxudicacións que conten con criterios que favorezan a sustentabilidade.
10.- A política de residuos urbanos terá como obxectivo prioritario a redución en orixe. Para iso reformarase a taxa de recollida de lixo de xeito que incentive a prevención da xeración de lixo. Faranse accións de concienciación cidadá e o destino do lixo será a reutilización, reciclaxe e compostaxe.
De aprobarse a resolución por parte da Asamblea Xeral da Plataforma ártabra 21, esta publicaría estas medidas no seu blog para consulta de tódolos/as visitantes, emitiría un comunicado de prensa apoiando e facendo propias estas medidas e publicitaría accións de Verdegaia sobre o cambio climático, en concreto.
Narón , setembro do 2006
Asdo: Mª Belén Arenas Riveiro
secretaria comarcal Verdegaia Ferrol, Eume e Ortegal
Proposta de resolución pola defensa da Costa Ártabra
POLA DEFENSA DA COSTA ÁRTABRA.
A Plataforma Ártabra 21, quere manifestar a súa opinión, contra os ataques desmedidos que está a ter a Costa Ártabra como espacio xeográfico:
- A urbanización desmedida como está a vivir Cabanas ou Ares.
- O lume que arrrasou todo Montefaro.
- A brutal Regasificadora de punta Promontorio en Mugardos.
- Os macropaseos marítimos con grande impacto, de Pontedeume, Narón e Ferrol.
- O polígono industrial de Brión.
- As grandes zanxas de suministro o porto exterior San Felipe- San Cristobal -Cariño,
- O propio porto exterior,
- Os programados campos de golf (San Xurxo- Cabazas),
- A falla de vixiancia ós complexos dunares de Doniños San Xurxo - Esmelle.
- As concentracións parcelarias.
- Os accesos artificiais a praias dos montes da Lagoa.
- A Urbanización a pé de costa de Valdoviño.
- O invasor urbanismo de Cedeira.
Todos este son temas, que están a trocar dun grande xeito a nosa costa, e que paradoxicamente cando se fala de facer unha mínima intervención “COSTAS” se opón, pero cando son as grandes intervencións, das grandes compañías, aí hai carta libre e vemos como as palas reventan as costas por onde sexa.
Por todo isto a Plataforma Ártabra 21, trasmitirá esta preocupación ós Concellos da comarca a Medioambiente da Xunta de Galicia, ó Ministerio de Medioambiente e ó de Fomento.
No Porto de Curuxeiras- Ferrol a 26 de setembro do 2006
mércores, setembro 13, 2006
Na defensa dos espazos públicos non ao edificio da Praza da Porta Nova [Praza de España]
Reunión- Xunta Coordinadora
A Plataforma Artabra21, REUNIDA este pasado martes día 12-set para analizar os acontecementos referente a Praza e a construción dun EDIFICIO PRIVADO chamado habilmente “Emblemático”.
Para a Plataforma A21 é unha segunda oportunidade que lle damos a antiga Praza de Porta Nova que debemos aproveitar para que o goberno local do PP-IF recapacite respecto ao futuro deste PRAZA porque suporía a DESAPARICIÓN PARCIAL DUN ESPAZO ABERTO E PÚBLICO, partindo e dividindo a Praza con este IMPACTO VISUAL.
O Alcalde de Ferrol ten que reaccionar para que esta obra non vaia adiante advertíndolle que sería un mal precedente , sendo o seu goberno o responsable directo de permitir este “atentado urbanístico”, que sería neste caso dunha obra totalmente ilegal, indecente e unha burla a cidadanía.
Esiximos o cumprimento total do Plan Xeral de Ordenación Urbano, ou en todo caso adecualo as necesidades e normativas propias das PRAZAS E ESPAZOS PUBLICOS que finalmente debe aprobar a XUNTA DE GALICIA.
Por todo isto esiximos ao Sr. Alcalde e a todo o Goberno Municipal a “PARALIZACIÓN DAS OBRAS DO EDIFICIO “EMBLEMÁTICO” e a máxima dedicación para o remate da tapa en superficie cun mobiliario e ornamentación de calidade, definido entre os distintos axentes técnicos e sociais.
Ferrol a 13 de Setembro de 2006.
A Xunta Coordinadora.-
Xan Ramirez
Inacio Martinez
Carlos Gª Seoane
José R. Jove
Manuel Domínguez
Xosé M. Sanxoán
martes, agosto 29, 2006
Amigos da Terra organiza as I Xornadas de Natureza en Ortegal
Iª Xornadas de Natureza en Ortegal, organiza Amigos da Terra
29 de agosto de 2006 9:56
Victor Barro Plataforma Artabra 21 -artabra21@gmail.com-
Amigos da Terra Cedeira.
Campo da Cruz - Esteiro - Cedeira
15555 - A Coruña
Tel. 659655734
info.cedeira@amigosdaterra.net
www.amigosdaterra.net
Queridos compañeiros,
Dende Cedeira queremos informarvos da celebración das Iª Xornadas de Natureza en Ortegal o vindeiro 1,2 e 3 de septembro no auditorio municipal da Vila de Cedeira. Enviámosvos o programa completo.
Esperamos que vos interese e que podidades participar.
Pregámosvos a demais a máxima difusión posible a través das vosas canles habituais.
Un saudo
Victor Barro
Amigos da Terra grupo comarcal de Cedeira.
venres, agosto 18, 2006
Programa da Comisión Ferrolterra "A nosa memoria"
De: Bruno Lopes Teixeiro -brunotrasancos@gmail.com- |
Actividades organizadas pola Comissom FERROLTERRA: A NOSSA MEMÓRIA
Terça-feira, 22 de agosto
19:30 horas
Chegada do Barco da Memória ao peirao de Curuxeiras.
Recepçom com música
Instalaçom de paineis coa "Nómina de Vítimas da repressom franquista em Ferrolterra (1936-1939)"
Apresentaçom no Barco da Memória do número 3 da revista "Ardentía", co título "Um mar de memórias".
Quarta-feira, 23 de agosto
19:30 horas
Acto "A voz das vítimas", no peirao de Curuxeiras, com recolhida de testemunhas de pessoas repressaliadas e familiares de pessoas repressaliadas. As pessoas interesadas em participar neste acto podem dirixir-se ao correio
ferrolterranosamemoria@hotmail
Proxecçom contínua no Barco da Memória dos documentais "Ailhad@s", "Xan de Xenaro" e "A Cidade da Selva".
Quinta-feira, 24 de agosto
12:00 horas
Descubrimento dumha placa en lembrança das pessoas repressaliadas, no antigo cemiterio de Canido.
13:00 horas
Descubrimento dumha placa en lembrança das pessoas repressaliadas, no cemiterio de Serantes.
18:30 horas
Viaxe em lancha ao Castelo de Sam Filipe
19:30 horas
Recital de poesía e música no Castelo de San Felipe, seguido da inauguraçom dumha placa en lembrança das pessoas repressaliadas.
21:30 horas
Retorno a Ferrol
22:00 horas
Festa de despedida do Barco da Memoria do peirao de Ferrol.
A exposiçom "Os mártires do Mar" poderá visitar-se no Barco da Memória em horário de 11:00 a 14:00 horas e de 16:00 a 22:00 horas, os días 22, 23 e 24 de agosto de 2006.
COMISSOM "FERROLTERRA: A NOSSA MEMORIA"
A veciñanza impide facer catas na Praza de Sartaña
A empresa Control y Estudos pretendia na tarde do pasado mécores [16.08.2006], facer catas no solo da praza cunha perforadora de grandes dimensións para proxectar as cimentacions do complexo privado de ocio adxudicado polo Concello á empresa SERVIOCIO.
Un grupo de veciñ@s impideu que se realizasen as obras de catación do terreo. A empresa despois de varias horas de presión veciñal, decideu non continuar no seu empeño e a media tarde retirou a maquinaria do lugar.
A veciñanza lembrou aos medios alí desprazados que os responsabeis municipais aínda non deron resposta aos recursos e ás mil alegaciones apresentadas o pasado 30 de Xuño. A veciñanza reafirmouse na súa posición de non permitir de nengún xeito que se constrúa o complexo e moito menos que atenten contra os seus dereitos. Manteñense na súa reivindicación de que a praza de Sartaña siga sendo un espazo público e demandan a urbanización da praza e o seu acondicionamento sen perder o seu uso actual.
Diante do acontecido, solicitara-se unha reunión co novo concelleiro de urbanismo, Guillermo Evia, para solicitarlle unha esplicación polo ocurrido e voltar a recordarlle cais son as reivindicacións veciñais para esa praza.
A noticia no Diario de Ferrol
Principais referencias no Blog ao conflito de Sartaña:
Resolucións da Asemblea Constituinte [29.05.2006]
Argumentos veciñais de oposición ao atentado urbanístico, cívico, social, ...chamado Centro de Ocio de Sartaña
Resolucións aprobadas na Asemblea Xeral [27.06.2006]
Sartaña, de JFK
Fotos Sartaña Praza Pública [26 e 30 de Xuño de 2006]
xoves, agosto 17, 2006
Acordo sobre a manifestación de Nunca Máis.
Plataforma Ártabra 21 A Plaraforma da Costa Artabra, Ortegal e Eume -artabra21@gmail.com-
16 de agosto de 2006 23:01
A xunta coordinadora, reunida o día de hoxe, acorda lembrar que o vindeiro domingo 20 haberá unha convocatoria de manifestación por parte da Plataforma NUNCA MÁIS, deixando que as organizacións da Plataforma Artabra21 decidan apoiar a convocatoria.
Cremos que é o mellor acordo por non ter os suficientes datos da convocatoria e non ter claro se ten a xunta coordinadora a capacidade de decidir entre Asembleas.
Posiblemente a próxima xunta faremola o vindeiro dia 12 de setembro no club de montaña Ferrol ás 20:00 horas.
Saúdos
Ferrol a 16 de agosto de 2006.
A Xunta Coordinadora
Xan Ramirez
Carlos Gª Seoane
José R. Jove
Xosé M. Sanxoán
luns, agosto 14, 2006
Coordinación de vixiancia contra os incendios
CLUB - CLUBMF@terra.es -
14 de agosto de 2006 21:50
Estimad@s soci@s e amig@s:
En reunión convocada pola Sociedade Galega de Historia Natural, Adega e Verdegaia, acordouse abrir unha lista de voluntarios, que podan sair a pasear, de xeito coordinado polos montes da bisbarra, para incrementar os ollos contra o lume.
Se ves que podes botar unha mau, que dispoñes de algo de tempo libre e que podes darte unha volta co mobil e cuns prismáticos, non deixes de chamar o telefono da S.G.H.N. 981 352 820.
Senon xa sabedes que a Xunta habilitou tamén un telefono para toda Galicia 900 400 800, e se vedes un incendio non deixedes de chamar ao 085 ou ao 112
Recebide unha aperta neste ardente verán
Club Montaña Ferrol
Reunióm Extraordinaria da Xunta Coordenadora da Plataforma Ártabra 21
domingo, agosto 13, 2006
O teu monte precisa de Ti
www.aduaneirossemfronteiras.org
http://galiza.indymedia.org
http://www.vieiros.com/
http://www.flickr.com/groups
http://xornalaberto.blogspot
http://www.adega.info
http://federacionecoloxista
http://www.verdegaia.org/
http://chuza.org/
Chamamento á cidadanía das comarcas de Ferrol, e arrededores, para apoiar a loita contra o lume
sábado, agosto 12, 2006
Chamamento á cidadanía das comarcas de Ferrol, e arrededores, para apoiar a loita contra o lume
11 de agosto de 2006 14:00
Responder a: "Verdegaia en Ferrol, Eume e Ortegal"
Para: artabra21@gmail.com
Agradecemos difusión..
CHAMAMENTO Á CIDADANÍA DAS COMARCAS DE FERROL E ARREDORES PARA APOIAR A LOITA CONTRA O LUME
SGHN, Verdegaia e ADEGA convocan unha reunión aberta para toda a cidadanía e organizacións en particular co gallo da vaga de incendios que asola toda Galicia. O motivo é buscar solucións previas á orixe dos lumes e organizar un dispositivo de vixiancia, alerta rápida e aviso ás autoridades competentes. A reunión terá lugar o luns, 14 de agosto ás 20.00h na sede da SGHN (r/ Méndez Núñez, 11, Ferrol)
Teléfonos de contacto:
636958728
616039268
637586604
Ferrol, a 11 de agosto do 2006
--
Núcleo Comarcal de Verdegaia en Ferrol, Eume e Ortegal
Organizada limpeza de fondos mariños do porto da Graña
BLOG DA SGHN -FERROL
Sociedade Galega de Historia Natural
A veciñanza de Canido afectada polas expropiacións reclama unha solución xusta
As reivindicacións veciñais concretanse en que o Concello lle esixa á promotora que ofreza un prezo adecuado polo valor das casas que van ser derribadas e realoxe aos afectados, tanto se son inquilinos como propietarios.
Noticia no Diario de Ferrol
xoves, agosto 10, 2006
Vídeos sobre a agressom sionista ao Líbano
Desde Beirut...
Israel destrue o Líbano e o mundo mirando.
Tributo ao Líbano
الحرب على لبنان
Beirut . . . Oh! . . Beirut
Manifestaçom
Líbano na FOX
Vítimas da Guerra
Manifestaçom Líbano
Para o que paga a pena o Líbano
Manifestaçom no Líbano
Manifestaçom no Líbano 1
Manifestaçom no Líbano 2
Conflicto Líbano-Israel
Quem fai o que?
Vítimas da guerra
<< Voltar ao Blog da Plataforma Ártabra 21
martes, agosto 08, 2006
Convocatória reuniom Plataforma Galega contra a agressom sionista no Líbano e Palestina (Coordenadora de Ferrol)
Data: 07-ago-2006 16:24
Asunto: Convocatória reuniom Plataforma Galega contra a agressom sionista no Líbano e Palestina (Coordenadora de Ferrol)
Companheir@s,
A próxima junta da Plataforma Galega contra a agressom sionista na Palestina e no Líbano em Ferrol será a próxima quarta-feira, 9 de Agosto, às 19.30 na Sede de Esquerda Unida (Rúa do Sol, 124 entrechán esq). Nesta reuniom trataremos a possibilidade de convocar novos actos e mobilizaçons para denunciar esta nova agressom sionista.
É importante a participaçom de tod@s para dar umha resposta conjunta a esta nova agressom. Encaminhade este correio aos vossos contactos lembrando que a Plataforma está aberta a novas incorporaçons em base ao manifesto constituinte, nom só a colectivos se nom também a título pessoal.
<< Voltar ao Blog da Plataforma Ártabra 21
xoves, agosto 03, 2006
Anulada por segunda vez, en sentenza do TSXG, a tramitación ambiental realizada por Reganosa
Hoxe foi comunicada ás partes a sentenza 00606/2006 de 27 de xuño, do Tribunal Superior de Xustiza de Galicia, no recurso contencioso-Administrativo 672/2002 interposto pola Plataforma de Veciñal da Parroquia de Meha (Mugardos) e outras asociacións do Comité Cidadán de Emerxencia, contra a descafeinada Declaración de Efectos Ambientais do proxecto de planta de almacenamiento e regasificación de gas natural licuado que a empresa Reganosa constrúe en Mugardos.
A sentenza do TSXG é favorable ao recurso presentado polas asociacións do Comité Cidadán de Emerxencia, estima o recurso administrativo interposto e anula os actos impugnados por ser contrarios a dereito, esa anulación afecta tamén á descafeinada Declaración de Efectos Ambientais de 11 de xuño de 2001 realizada pola Conselleria de Medioambiente. A sentenza de seis paginas entra ao fondo do asunto e di que en aplicación da normativa vixente o procedemento para a planta de gas de Reganosa debe ser a Declaración de Impacto Ambiental, e que deben ser anuladas as resolucións recorridas non sendo aceptable a alegación da Xunta.
A sentenza é susceptible de recurso de casación ao Tribunal Supremo no prazo de dez días hábiles contados a partir do 31 de xullo, data da comunicación. Dado que o mes de agosto non conta para os trámites na xustiza, ese prazo continua a partir do 1 de setiembre.
O Comité Cidadán o pasado 19 de xuño nunha entrevista en Santiago co Director Xeral de Industria Anxo Calvo Silvosa, felicitoulle polo feito de que a Xunta non recorra ao Tribunal Supremo na sentenza do TSXG que anulóu a licenza dos depósitos de Ferrazo en Vilagarcía. Así mesmo que a Xunta fose coherente e non recorrese as sentenzas que se producisen nos contenciosos pendentes no TSXG contra Reganosa. Tamén propúxoselle que a Xunta de Galicia se retire do recurso ao Tribunal Supremo na primeira sentenza que o TSXG fallóu contra Reganosa en xuño do ano 2004. O Director Xeral de Industria quedou en falalo co Conselleiro de Industria. A raíz desa reunión espérase que a Xunta acate as sentenzas do TSXG por ser a ultíma instancia de xustiza en Galicia, e polo tanto non recorra a Madrid ao Tribunal Supremo, máxime cando estamos nun proceso positivo de mellora de competencias autonómicas no que tamén deben recoñecerse as do TSXG.
Coa sentenza 536/2004 de xuño de 2004, a interpretación que xa viña sostendo o Comité Cidadán é que anula todo o procedemento de autorizacións a Reganosa, pero non é firme polo recurso ao Tribunal Supremo realizado en xullo de 2004 por Reganosa e a Xunta de Galicia. Agora cunha segunda sentenza contraria a Reganosa o Comité Cidadán terá unha reunión extraordinaria, para valorar o seu contido e alcance, organizar a súa difusión, ademais de empezar a ver en que actuacións administrativas ou xudiciais debe incorporarse o coñecemento e efectos da mesma, xa que é a segunda sentenza contraria a Reganosa nos once contenciosos admitidos a trámite nos tribunais españois.
A sentenza 536/2004 de 23 de xuño, do TSXG contraria a Reganosa, foi realizada pola súa sección primeira, no contencioso nº 342/2002 que presentara o Concello de Ferrol contra a Declaracion de Efectos ambientais de 11-6-2001 realizada pola Conselleria de Medioambiente. O Concello de Ferrol ten outro contencioso a tramite no Tribunal Superior de Xustiza de Madrid.
Esta sentenza 606/2006 de 27 de xuño, do TSXG contraria a Reganosa, foi realizada pola súa seccion segunda, no contencioso nº 672/ 2002 presentado por asociacións do Comite Cidadán de Emerxencia, encabezadas pola Plataforma Veciñal de Meá (Mugardos), contra a mesma Declaración de Efectos Ambientais de 11 de xuño de 2001.
Ao non haberse acumulado eses dous contenciosos, prodúcense as sentenzas por separado.
A sentenza 536/2004 e a 606/2006 teñen igual resultado de anular a tramitación ambiental de Reganosa e como consecuencia quedan nulas a autorizacións administrativa de 3/6/2002 e de construcción de 13-2-2004 ambas outorgadas pola Direccion Xeral de Política Enerxética e Minas que é o órgano sustantivo ao que alude a sentenza.
En ambas sentenzas a votación produciuse en distintas seccións do TSXG, é dicir, por distintos grupos de Maxistrados, o que dá mais forza ás mesmas.
Esta segunda sentenza reforza a primeira na redacción e explicación de determinados aspectos que nalgúns medios se habían estado interpretando de xeito moi informal, en particular sobre as sentenzas do Tribunal Supremo nunha DIA, cando neste caso trátase dunha DEA.
A DIA (Declaración de Impacto Ambiental) é o que segun a lei tendría que realizar Reganosa pero non o fixo.
A DIA non é un papel que se poida adquirir con efecto retroactivo cunha construcción acelerada por feitos consumados que desde xuño de 2004 sábese que é ilegal, o que esta segunda sentenza vén ratificar de forma moi contundente.
Despois da reunión do Comité Cidadán de Emerxencia nos próximos días comunicarémoslles as valoracións que procedan.
Ferrol, 31 de xullo de 2006
Polo Comité Cidadán de Emerxencia para a Ría de Ferrol
Carmelo Teixeiro
Mais información:
http://comitecidadan.bitacoras.com/ target="_blank"
Concentración en Ferrol contra a agresión sionista aos povos da Palestina e o Líbano
Nesta reunión tomouse o acordo de convocar para o Venres, día 4 de Agosto, unha mobilización, ao mesmo tempo que van a ter lugar outras tantas, en diferentes lugares da Galiza, ese mesmo día.
A mobilización de Ferrol vai consistir nunha concentración ás 20:30 hs, diante do Edificio Administrativo comarcal da Xunta de Galicia, ese venres, 4 de Agosto.
A continuación transcrebemos o comunicado que se consensuou na reunión, que é o mesmo para toda Galiza.
CONTRA O XENOCIDIO EN LÍBANO E PALESTINA
As últimas accións israelís representan un paso máis na súa estratexia de limpeza étnica e expansión territorial que viola todas as normas do dereito internacional e as disposicións dos Acordos de Xenebra. Hoxe, Israel agride brutalmente O Líbano, asasina civís, destrúe infraestruturas e provoca novos éxodos de refuxiados baixo o espurio pretexto de autodefensa, coa complicidade dos EEUU e ante a covarde e vergoñenta política de apazugamento da Unión Europea, a que parece ter asumido a idea racista de que os tres soldados capturados – non secuestrados, xa que estaban en Gaza e no Sur do Líbano formando parte do exército de ocupación- valen máis que a vida de centos de milleiros de árabes, lexítimos e lexítimas habitantes dos territorios atacados. Inacción cómplice dos corruptos e antidemocráticos réximes árabes.
Máis de 650 mortos en vinte días de ataques ao Líbano, unhas 700.000 persoas desprazadas (un millón segundo a portavoz da ONU, Marie Heuzé), destrución sistemática das infraestruturas e barrios residenciais. Eliminación premeditada das testemuñas da carnizaría, bombardeando intencionadamente as tropas desarmadas da ONU, as ambulancias da Cruz Vermella e os transportes de civís e axuda humanitaria. Vinganza na poboación civil libanesa refuxiada en Qana, na súa maioría nenas e nenos, da derrota sufrida polo exército sionista en Beit Jbel a mans da Resistencia Libanesa. Arredor de 10.000 persoas palestinas en prisión política en cárceres israelís entre as que se contan 350 menores de dez anos (a maioría secuestrados dos seus fogares polo exército de ocupación en “operacións preventivas”). Preto de cinco millóns de persoas refuxiadas. Construción dun muro de separación en Cisxordania declarado ilegal polo Tribunal Internacional da Haia en 2004 e anexión de Xerusalén Leste. Apropiación de terras e recursos hídricos e creación de illas incomunicadas que fan imposible o desenvolvemento social e económico de Palestina e a construción dun estado nacional. Morte, fame e epidemias en Gaza, convertida no meirande campo de concentración da historia: 1.400.000 habitantes sen alimentos, luz, auga potable e medicinas, baixo bombardeos diarios e sen permiso de saída. Xenocidio, desposesión e impunidade.
Ante a extrema gravidade da situación queremos expresar a nosa enérxica condena e denunciar o exterminio sistemático do pobo palestino por Israel e a brutal ofensiva contra o Líbano, onde están a utilizar bombas de racimo, de fósforo branco, ambas prohibidas pola IV Convención de Xenebra, e outras armas químicas ata o momento non identificadas.
Condenamos e denunciamos tamén o silencio culpable de Occidente ante o masacre dunha poboación indefensa por un dos exércitos máis poderosos do mundo, a complicidade dos EEUU e a ambigüidade da Unión Europea. A Comunidade Internacional segue a presionar as vítimas da brutal carnizaría israelí, ás que debería apoiar por xustiza legal e moral e por decencia. Con cinismo e desvergoña reclaman o desarmamento da milicia libanesa Hesbulá en aplicación da orde 1.559 da ONU, mentres calan e omiten o sistemático incumprimento por parte de Israel de todas e cada unha das resolucións de Nacións Unidas relacionadas co conflito.
Os feitos proban sobradamente que Israel é o verdadeiro inimigo para a paz, a vida e a seguridade das fronteiras en Oriente Medio. As máis elementais normas de humanidade e xustiza universais reclaman que a solidariedade vaia cara ás vítimas e non cara aos verdugos. En consecuencia, varios grupos políticos, sindicais e sociais, ademais de persoas a título individual, de Galicia decidimos crear unha Plataforma Galega Contra a Agresión Sionista no Líbano e Palestina e esiximos dos poderes públicos:
- Que a UE e o Goberno español emitan unha firme condena contra a agresión sionista e abandonen o cínico costume de igualar as vítimas palestinas e libanesas cos seus asasinos israelís.
- A suspensión inmediata do Acordo de Asociación entre a UE e Israel.
- A inmediata suspensión do comercio español con Israel, especialmente no referente aos programas de armamento que o Ministerio de Defensa español está desenvolvendo coas empresas israelís (mísiles anticarro Spike da casa Rafael, etc.).
- A ruptura ou suspensión das relacións diplomáticas co criminal Estado sionista cando menos mentres persista a agresión no Líbano, Gaza e Cisxordania.
- O pronunciamento de todas as institucións da nosa terra dende os concellos, pasando polas deputacións e chegando ata a Xunta de Galicia en contra da dita agresión.
Solicitamos a todo o pobo galego:
- Que acuda ás mobilizacións da Xornada Nacional Contra a Agresión Sionista no Líbano e Palestina que a nosa Plataforma convoca para o vindeiro venres, día 4 de agosto do 2006, ás 20’30 horas en:
- A Coruña: Concentración no Obelisco.
- Lugo: Concentración na Praza de Armañá.
- Ponteareas: Concentración fronte ao Concello.
- Pontevedra: Manifestación que parte da Praza da Ferrería.
- Santiago de Compostela: Concentración na Praza de Cervantes.
- Vigo: Concentración diante do MARCO.
- Ferrol: Concentración diante do Edificio Administrativo da Xunta
- Que se incorpore ás coordinadoras locais da Plataforma e apoien as mobilizacións e campañas en cada zona.
- Que presione os representantes públicos para que, obedecendo a maioritaria vontade popular, tomen medidas eficaces para deter o xenocidio dos pobos palestino e libanés.
- Que non compre ningún produto de procedencia israelí ou de compañías israelís. Boicot aos produtos de Israel.
¡ACABEMOS COA IMPUNIDADE!
¡FREEMOS O XENOCIDIO!
¡DETEÑAMOS A ISRAEL!
¡QUEN COMPRA OS SEUS PRODUTOS, PAGA AS SÚAS BOMBAS!
Galiza, 2 de Agosto de 2006
Plataforma Galega Contra a Agresión Sionista no Líbano e Palestina
<< Voltar ao Blog da Plataforma Ártabra 21
mércores, agosto 02, 2006
Chega o Barco da Memoria á nosa Comarca
Dentro do programa de actos de conmemoración do Ano da memoria, a Comisión Ferrol-Terra "A nosa Memoria", quere dar voz ás víctimas, no día 23 de Agosto.
BARCO DA MEMORIA
Agosto de 2006
· Data: 19, 20 e 21 de Agosto
· Lugar: Mugardos
BARCO DA MEMORIA
· Lugar: Ferrol
Os actos que se desenvolverán na nosa comarca trancurrirán entre os días 19 e 25 deste mes de Agosto de 2006.
A Comisión Ferrol-Terra "A nosa Memoria", fai un chamamento, para quen teña unha testemuña, algo que dicer ou con que contribuir, para o recoñecemento, a biografía e o resarcimento das víctimas, que se poñan en contacto con ela.
Para contactar con a Comisión pódelo facer, deixando a túa mensaxen no telefone 629366146 ou escrebendo ao correio-e:
ferrolterranosamemoria@hotmail.com
Máis información en:
http://www.anodamemoria.com
Programa da Comisión Ferrolterra "A nosa memoria"
Reunión para a constitución dunha plataforma contra a agresión israelí aos povos do Líbano e da Palestina
Esta reunión está aberta a todas as organizacións, sindicatos, colectivos, asociacións veciñais, partidos políticos, asociacións culturais e doutro tipo, así como a persoas a título individual que queiran participar na protesta e denuncia contra agresión sionista ao Líbano e a Plalestina, contra o terror do estado de Israel que exerce sobre a poboación civil dos citados países, ...
Esta reunión terá lugar, o Mércores, día 2 de Agosto, ás 19:30 hs, no Ateneo Ferrolán.
Imaxens do terror:
http://crimesdeguerranolibano.blogspot.com/
Algúns textos de interese:
http://www.rebelion.org/seccion.php?id=17
luns, xullo 24, 2006
Diante do relevo da concellaría de urbanismo do Concello de Ferrol
A Plataforma Ártabra 21, reunida de urxencia, como consecuencia do relevo na Concellería de Urbanismo no decreto asinado polo Alcalde da corporación Municipal deste pasado día 19 de xullo, cesando ao Concelleiro de IF, Sr. Pita- Romero e nomeando novo Concelleiro de Urbanismo do PP Guilermo Evia, quere manifestar que:
1ºMoitos colectivos da cidade de Ferrol se organizaron para se defender das políticas especulativas da área de Urbanismo, coa conformidade e complicidade do Partido Popular.
2ºEsta Plataforma Ártabra21 nace pola decisión e unión dos colectivos de afectados nestas políticas agresivas, especulativas sen escrúpulos contra as prazas e espazos públicos, lembrando que noso ideario na PA21 no seu documento fundacional defende “Os espazos públicos como centro da vida das cidades e vilas fronte a exclusividade dos centro comerciais e a privatización dos espazos e servizos públicos”.
3ºLevamos parte da cidadanía de Ferrol tres anos padecendo os abusos da administración Local polo que esiximos ao Alcalde e o novo Concelleiro “un cambio de rumbo nas políticas urbanísticas a desenvolver”.
Demandamos pois un novo xiro na política urbanística no que respecta a:
PRAZA DA PORTA NOVA [Praza de España] .- Paralización urxente do chamado “Edificio emblemático”, rematando as obras sen ningún impacto visual en superficie e unha ornamentación axeitada que se podería consensuar cos axentes sociais ou concurso de ideas.
PRAZA DE SARTAÑA.- Principiar conversacións co Colectivo Sartaña de afectados. Descarte da obra do Spa e rehabilitación dunha futura Praza multifuncional.
CASAS DE RECIMIL.- Respectar os acordos plenarios do Concello e comezar as negociacións coa XUNTA de Galicia para a súa REHABILITACIÓN. Restablecer contactos e conversacións cos “Afectados de RECIMIL”
FRAGA DE MENÁNCARO.- Abandonar os Planos previstos por IF, respectando a Carballeira. Restablecer as conversas coa Comunidade Menáncaro, para conseguir recalificar a zona como rústica e trasladar a Xunta a petición de Espazo Natural protexido.
MONTES DO CHA- BRION E LEIXA.- Reunión e debate con esta Plataforma desde a iniciativa de declaración de Patrimonio Cultural e Natural das Fragas de Leixa e por unha ordenación do territorio racional e sen localismos que ostaculizan os proxectos industriais da comarca e fan xurdir proxectos irracionais como o dos montes de Cha-Brión. Todo plano de desenvolvemento debe contar cunha amplia participación ciudadán, ser sustentábel e ter unha visión comarcal do mesmo.
Outros temas importantes de urbanismo son:
- Ferrol- Vello, que precisa unha rehabilitación e estudo dun Plan Especial.
- Sánchez Aguilera, precisa un novo convenio co Ministerio de Defensa para a recuperación integral destes terreos para o Concello de Ferrol con fins sociais, Residencia da Universidade.
- Inferniño, urbanización do barrio e negociación dos terreos con RENFE para o futuro Parque Urbano desta zona.
- San Xoán, ordenación con criterios non especulativos da futura urbanización do Bertón.
- Canalizar as demandas urbanísticas veciñais doutros barrios como Esteiro, Canido, Barrio da Magdalena, A Graña, a Zona Rural, etc.
Queremos que se abra unha nova etapa de PARTICIPACIÓN CIDADÁN nas diferentes mesas sectoriais, neste caso abrir un vía de diálogo e colaboración entre os diferentes colectivos e axentes sociais en materia de Urbanismo que de seguro sairán moitas conclusións en beneficio da cidadanía e do pobo de Ferrol.
Ferrol a 21 de Xullo de 2006.
Asdo. A Xunta Coordinadora .-
Carlos Gª Seoane
José R. Jove
X.Fernandez
Inácio Martinez
Xosé M. Sanxoán
sábado, xullo 22, 2006
O Urbanismo em Ferrol: ao serviço de quem?
22 de julho de 2006 16:00
Responder a: Nosup-trasancos -nosup-trasancos@nosgaliza.org-
Para: artabra21@gmail.com
O Urbanismo em Ferrol: ao serviço de quem?
Ainda que Juan Fernandez, de Independientes por Ferrol, mostrasse a sua surpresa ante o anunciamento por parte do alcaide de Ferrol,- Juan Juncal do Partido Popular e sócio no governo municipal-, de destituir a Pita-Romero (IF) á frente da concelharia de Urbanismo por Evia (PP), o conjunto da sociedade ferrolana já sabia que mais cedo que tarde ia ocorrer isto, posto que esta decissom nom é um facto isolado, senom que estava proclamada aos quatro ventos polo particular desenvolvimento das próprias contradiçons internas de carácter "técnico" nos diversos projectos urbanísticos lançados desde a formaçom do governo municipal em 2003.
Nom descubrimos nada ao dizer que a verdadeira ponta de lança durante estes três anos de governo municipal foi a descarnada política neoliberal aplicada por meio do urbanismo (por desgraça já considerada genérica para o conjunto dos municípios galegos) que é claramente abussiva contra a qualidade de vida da vizinhança ferrolana (por exemplo o projecto da "pileta" na zona de Sartanha), contra a conservaçom do nosso património cultural, histórico e ambiental (demoliçom do bairro de Recimil para a construçom de vivendas de luxo, parque logístico nos montes de Chá em Briom, urbanizaçom de chalês e hotel prévia destruiçom da carvalheira de Menáncaro, etc.) e pola privatizaçom dos espaços públicos (urbanizaçom da superfície da Praça de Porta Nova ou o projecto para a remodelaçom para a Praça do Concelho).
Mas as razons desta destituiçom (que ainda nom fôrom explicadas polo alcaide) nom as devemos procurar em diferentes visons da política urbanística, posto que no cerne plantejam o mesmo desenvolvimento especulativo e privatizador com os espaços públicos. As primeiras declaraçons de Juncal após a destiuiçom fôrom as de "imprimir um novo ritmo aos projectos de urbanismo" onde o concelheiro do PP entrante dea "um pulo firme e decidido" às actuaçons que já indicamos acima.
Este movimento na equipa de governo devemo-la interpretar como o resultado dos interesses de sectores da burguesia local ferrolana enfrentados por meio destas duas formaçons. Nom é casualidade que por trás de projectos como a urbanizaçom em superfície da Praça de Porta Nova ou a remodelaçom da Praça do Concelho apareça a omnipresente empresa Abeconsa. Nom é por casualidade que o PP tire polo chao todo o projecto de IF para a Praça do Concelho alegando que nom se cumprem certas condiçons técnicas e que imediatamente apareça o omnipotente empresário Isidro Silveira reclamando indemnizaçons milionárias pola paralisaçom do projecto.
Devemos ver mais alá das proclamas desta caste política e olhar para os claros interesses de classe que determinam o desenvolvimento do conjunto das problemáticas em cena.
Porém, tendo em conta a própria conjuntura a nível local, a Assembleia Comarcal em Trasancos de NÓS-Unidade Popular quer fazer um chamamento ao conjunto do movimento popular para continuar a trabalhar nas diferentes problemáticas abertas a golpe de promotora imobiliária no Concelho de Ferrol (e por extensom aos demais municípios da comarca) desenvolvendo umha vissom global que seja quem de chegar a determinar a estratégia urbanística claramente planificada pola burguesia local e executada pola "classe" política, sem distinçom de signo (ontem BNG-PSOE e hoje PP-IF).
Neste sentido, apoiaremos todas aquelas iniciativas que se promovam desde a Plataforma Átabra 21 (as entidades e os colectivos que a componhem) para elevar o nível de descontente popular cara aos abusos desta estratégia urbanística e os seus ilógicos plantejamentos de cara ao enriquecimento da minoria social.
Comunicación sobre a agresión israelí á poboación de Palestina e o Líbano
Diante desta comunicación, a Xunta Coordenadora da Plataforma Ártabra 21, ACORDA, trasladar a petición recebida, de participar nesta "autoconvocatoria", a todos os colectivos, asociacións e organizacións que conforman a Plataforma para o seu coñecimento e que podan decidir sumarse a esta concentración.
Ferrol, a 21 de Xullo, de 2006
Pola Xunta Coordenadora
Asdo.-
Xosé R.Jove
Xoán Fernández
Carlos Gª Seoane
Xosé M. Sanxoán
Inácio Martínez
Mng -mng@feminismo.org-
21 de Julho de 2006 11:53
Contra o genocidio do povo palestiniano.
O Estado de Israel lançou uma nova ofensiva contra a Faixa de Gaza que a dia de hoje continua. A 12 de Julho, abriu umha segunda frente de agressom invadindo o sul do Líbano e atacando objectivos civis da capital e outras cidades libanesas, ameaçando com estender a guerra a outros países da regiom, como a Síria ou o Irám.
As vítimas dos ataques militares israelitas som numerosíssimas e nom deixam de aumentar. Mas a reacçom da chamada “comunidade internacional” está a ser nula.
Os movementos sociais, as mulheres nom podemos ficar na passividade. Há que sair à rua, denunciar o genocidio do povo palestiniano e dizer mais uma vez:
As suas armas a nossa pobreza, as suas guerras a nossa miséria.
Desde MNG fazemos um chamado a todos os movementos sociais a participar em concentraçons o dia 26 de julho.
Vigo: diante do Marco às 20h30.
Compostela: Praça do Toral às 20h30.
Ourense:Praça do Ferro às 21h00.
Ferrol:Praça de Armas às 20h30.
Esta é uma convocatória aberta.
--
Por umha sociedade laica.
Polo nosso direito a decidir
www.feminismo.org
mng@feminismo.org
Local Nacional: Gentalha do Pichel
r/Espíritu Santo nº22
Compostela
mércores, xullo 19, 2006
8 de Agosto, Martes, reunión da Coordenadora, ampliada, da Plataforma Ártabra 21
A orde do día iremo-la facendo entre tod@s, perante estes días, de entrada teremos que tratar o que segue máis abaixo, mais será a propia Xunta Coordenadora a que acorde a orde día a tratar na citada reunión.
Orde do día provisional:
1.- Leitura e aprobación da acta anterior.
2.- A nosa actuación diante das expropiacións de Canido.
3.- Análise do informe da Xunta sobre Recimil.
4.- Praza da Porta Nova.
5.- Cementeira de Narón.
6.- Outros, rogos e preguntas.
Nota.-
Se hai algunha proposta ou comentario que facer, enviar un correio-e ao da Plataforma [artabra21@gmail.com] ou mellor utilizar a sección postar um comentario neste ou noutro artigo, utilizando o Blog como un ponto de encontro e comunicación.
luns, xullo 17, 2006
Condena da agresión israelí á poboación civil de Palestina e do Líbano
De: Movemento polos Dereitos Civís mpdc@movemento.org
Subject: CONDENA DA AGRESIÓN ISRAELÍ Á POBOACIÓN CIVIL DE PALESTINA E DO LÍBANO.
17 de xuño de 2006CONDENA DA AGRESIÓN ISRAELÍ Á POBOACIÓN CIVIL DE PALESTINA E DO LÍBANO.
O ataque israelí iniciado o 28 de Xuño co bombardeo masivo das infraestructuras que quedaban en pé na castigada Franxa de Gaza, entre eles os xeradores que alimentaban de enerxía eléctrica á cidade e as pontes de comunicación, as aterradoras bombas de son, as detencións de cidadáns e ministros e representantes electos do Parlamento palestino, xunto cos asasinatos chamados polo goberno israelí "selectivos" dos dirixentes da poboación ocupada, son todos eles crimes de guerra expresamente condenados e descritos como tales na IV Convención de Xenebra relativa ao tratamento da poboación civil polas potencias ocupantes.
Trátase dunha poboación formada maioritariamente por refuxiados, expulsados dos seus pobos por Israel, que vén sufrindo unha política racista de apartheid e operacións militares desde 1948.
A gravísima crise humanitaria provocada por estes feitos e denunciadas ata polo secretario xeral da ONU días pasados, o que se poida poñer un término aos seus sufrimentos, o fin da hambruna e do terror sobre a poboación exánime dos campos de refuxiados, depende da actitude da comunidade internacional e especialmente da permisividad dos países europeos.
O/A abaixo asinante preocupado/a polo silencio institucional, impropio das circunstancias que vivimos, súmanse a todas as iniciativas europeas e estatais dirixíndose a todas as autoridades electas do noso país, ao presidente e deputados da Xunta de Galiza, aos alcaldes e deputados provinciales, para recordarlles o compromiso adquirido polo Estado Español ao asinar os tratados internaciones e especialmente a IV Convención de Xenebra de "respectala e facela respectar en toda circunstancia".
E pedirlles que se dirixan ao presidente do Estado, Jose Luís Rodríguez Zapatero rogándolle que denuncie ante as institucións internacionais as gravísimas violacións cometidas polo estado israelí nos territorios ocupados e no Líbano, tómense as medidas de presión necesarias para que Israel cese a agresión, e decida a retirada do embaixador español en Tel Aviv ata tanto non adecue Israel a súa política ás esixencias do Dereito Internacional."ASINA AQUÍwww.movemento.org
Rúa Miguel Ferro Caaveiro, 10 - 2º
15703 Santiago de CompostelaTel. 610858850Fax: 981571082
sábado, xullo 15, 2006
Solicitude de audiencia ao Rei na sua visita prevista a Ferrol o 14 de Xullo DE MAIO
Date: 10/07/2006 16:52
Subject: Solicitude de audiencia a S.M. el Rey Juan Carlos I
To: "Undisclosed-Recipient:;"@smtp.ifrance.com
Con motivo da súa visita a Ferrol o vindeiro venres 14 de xullo de S.M. o Rei Juan Carlos I, o Comité Cidadán de Emerxencia para Ría de Ferrol solicitoulle unha audiencia para darlle informarlle con mais detalles da ameaza que se cierne sobre a poboación de Ríaa de Ferrol, no caso de que entre en funcionamento a Planta de Gas que a empresa Reganosa constrúe a 1.500 metros da Cidade de Ferrol e a 1,200 metros do Arsenal Naval Militar.
Nos anexos do escrito envíaselle a S.M o boletín nº 12 do Comité Cidadán que informa con datos, gráficos e fotos, sobre a ameaza que supón Reganosa para a vida humana, para a riqueza marisquera e para a Base Naval Militar.
Tamén cono anexo envíaselle o informe de 25 de agosto de 1999, realizado por D. Pedro Español Jofre de Villegas, entón Xefe de Estado Maior da Zona Marítima do Cantábrico, cuxa conclusión é que o proxecto de Reganosa afecta á zona próxima de seguridade do Arsenal Naval Militar e é unha ameaza para a poboación de Ferrol. Tamén envíaselle o escrito de 26 de agosto de 1999, do entón Almirante Xefe da Zona Marítima do Cantábrico D. Rafael do Morais Romeu enviado ao AJEMA (Almirante Xefe de Estado Maior da Armada en Madrid) , enviando tal informe e subscribíndoo, significando que a Planta Regasificadora debe situarse en terreos de Cabo Prioriño que a Armada vendera a ENAGAS para situar neles unha Planta de Gas.
Segue en achega nota de prensa en español e gallego, e en copia do escrito enviado a S.M. o Rei Juan Carlos I, comunicándolle un resumo da preocupación existente por edl feito de que Reganosa e ncaso de que entre en funcionamento é unha ameaza a vida humana en Ríaa de Ferrol, e solicitándolle audiencia na súa visita a Ferrol o próximo 14 de xullo.
Así mesmo achégase copia de:
Escrito de 26 de agosto de 1999, do entón Almirante Xefe da Zona Marítima do Cantábrico D. Rafael do Morais Romeu e as tres paginas do Informe de 25 de agosto de 1999 do Xefe de Estado Maior da Zona Marítima do Cantábrico, entón D. Pedro Español Jofre de Villegas.
Polo Comité Cidadán de Emerxencia para Ría de Ferrol.
Carmelo Teixeiro
Pregunta escrita que o pasado 4 de Xullo foi presentada no parlamento europeo
Date: 09/07/2006 01:24
Subject: Pregunta escrita sobre a Planta de Gas de Reganosa
To: "Undisclosed-Recipient:;"@smtp.ifrance.com
Achego se vos reenvia o e-mail coa pregunta escrita que o pasado 4 de xullo foi presentada no parlamento europeo, recibida do Grupo de Esquerda Unida no Congreso dos Deputados, cumpliento un dos compromisos de Gaspar Llamazares na reunion que co tivemos o pasado 27 de xuño.
Fai uns dous dias o Diario de Ferrol se hico eco desta pregunta pero aqui se envia o texto completo da mesma.
Polo Comité Cidadán de Emerxencia
Carmelo Teixeiro
Alba Ridao-Bouloumié (Despacho de Willy Meyer)
Diputado al Parlamento Europeo
Comisión de Asuntos Exteriores
Comisión de Peticiones
Comisión de Pesca Comisión de Investigación sobre la Crisis de Equitable
Life Assurance Society Delegación para las Relaciones con los Países de la América Central Bât. Altiero Spinelli 06F254 60, rue Wiertz / Wiertzstraat 60 B-1047 Bruxelles/Brussel
E-mail: willy.meyerpleite@europarl.europa.eu Tel.:+32 2 2845557 Faz:+32 2 284 9557