Podemos e a crise de goberno do PSOE ferrolán pola dimisión de Teresa Deus - Borja San Ramón lamenta a 'inestabilidade' do goberno local, e pide ao alcalde 'pensar a longo prazo'

Borja San Ramón (Podemos) lamenta a “inestabilidade” do goberno local, e pide ao alcalde “pensar a longo prazo”

Borja San Ramón, candidato á alcaldía de Ferrol por Podemos Ferrol, lamentou que a dimisión da concelleira María Teresa Deus na “recta final” do mandato “abre unha crise de goberno que Ferrol non se pode permitir”. O candidato reclamou ao alcalde reconfigurar o seu equipo “coa maior présa posible”, xa que ao seu xuízo “hai temas que precisan solucións urxentes”. As tarefas de Teresa Deus como concelleira de Economía, Facenda e Patrimonio, así como Recursos Humanos, Emprego o Promoción Económica son de tal peso dentro do Concello que dende a formación morada non entenden como o señor Mato non foi quen de manter a cohesión que precisa o goberno da cidade. Cuestións coma “a biblioteca municipal de Ferrol, ou o estado das instalacións deportivas, son problemáticas nas que as solucións non poden estar paralizadas”.

San Ramón considera que “a brevidade e a visión curtoplacista e partidista dos gobernos locais forman un círculo vicioso que pesa sobre Ferrol dende hai décadas”. Neste senso, fixo un “chamamento ás forzas progresistas a pensar entre todas un proxecto de cidade, deixando o lado intereses de partido, e sobre ese acordo, artellar un goberno amplo que garanta estabilidade e normalidade política sen sobresaltos”.

Ferrol, 2 de Febreiro de 2023

Aitor Cordero
Comunicación Podemos Ferrol
contacto@ferrol.podemos.info

https://www.facebook.com/PodemosFerrolOficial/

Enviado por:
Podemos Ferrol
-contacto@ferrol.podemos.info-
2 de fevereiro de 2023 às 17:04
_______

'Agora Ferrol', a candidatura que aspira a representar a Podemos nas eleccións municipais presentarase o xoves día 27 na sede da formación - Tras a presentación da candidatura, o partido organiza a charla 'Emafesa, unha gran estafa' - Podemos Ferrol propón un pacto de cidade para que nos Orzamentos Xerais de 2023 haxa un investimento no tren Ferrol-A Coruña

“Agora Ferrol”, a candidatura que aspira a representar a Podemos nas eleccións municipais presentarase o xoves día 27 na sede da formación

As persoas que integran a lista que se presenta ás primarias farán unha presentación da mesma o xoves 27 de outubro ás 18:30 horas na sede da formación. A continuación, terá lugar unha charla sobre a situación actual de Emafesa. O relator será Inacio Martínez Orero, membro da Plataforma pola Defensa dos Servizos Públicos.

Ferrol, 26 de outubro. –

Podemos Ferrol presenta este xoves, 27 de outubro, a candidatura unitaria “Agora Ferrol” que aspira a representar a Podemos nas eleccións municipais e está encabezada por Borja San Ramón. Será ás 18:30 da tarde na sede que a formación ten na cidade.

Dende a organización queren lembrar a todas as persoas inscritas que o prazo de votación destas primarias comeza o 28 de outubro e remata o 3 de novembro. Poden facelo por vía electrónica, accedendo a https://primarias2022.podemos.info/. Para aqueles que non teñan a posibilidade de facelo dende o seu propio dispositivo, habilitarase un punto de votación telemática no recinto formativo. Os resultados faranse públicos o 4 de novembro.

Tras a presentación da candidatura, o partido organiza a charla "Emafesa, unha gran estafa", na que se tratará a problemática actual de Emafesa e na que participará Inacio Martínez, membro da Plataforma pola Defensa dos Servizos Públicos, pola remunicipalización. Dende a formación consideran que este é un dos temas importantes que afectan actualmente á cidadanía de Ferrol e ao seu peto. Ademais, segundo as palabras do cabeza de lista municipal da formación Borja San Ramón, “quedan moitas cousas por aclarar e resolver en canto ao saneamento da cidade”. Falan, por exemplo, do saneamento do rural, que foi obxecto de debate nun dos últimos plenos do Concello; as lecturas estimativas realizadas pola empresa, que levaron a moitos veciños a presentar denuncias por ter recibido facturas moi elevadas; ou tamén o cobro da taxa de depuración.

Podemos Ferrol propón un pacto de cidade para que nos Orzamentos Xerais de 2023 haxa un investimento no tren Ferrol-A Coruña

O Círculo de Podemos Ferrol insta ás forzas políticas con representación no pleno municipal a poñerse de acordo e, así, demostrar aos seus homólogos no Congreso dos Deputados que a cuestión do tren Ferrol-A Coruña non pode seguir demorando no tempo.

Ferrol, 20 de outubro. –

Podemos Ferrol non está satisfeito con que todas as forzas políticas presenten emendas aos Orzamentos Xerais reclamando antepoñer os intereses da cidadanía. En palabras de Borja San Ramón, futuro cabeza de lista desta formación na cidade, “o mellor resultado sería facer un pacto de cidade esixindo que todos os partidos voten a favor dunha mesma emenda e así conseguir que se aprobe si ou si. , en vez de quedar sen anuncio para a galería”.

Desde o seu punto de vista, o modus operandi dos políticos da cidade con respecto a esta cuestión responde "ao mesmo modelo de goberno que ven perpetuándose dende que houbo varias lexislaturas". Na súa opinión, é máis doado falar cos responsables do seu grupo en Galicia e Madrid para "rendibilizar algúns votos", que pensar en mellorar a cidade e mostrar unidade dende a Deputación.

Debido a que “os ferroláns levamos un tempo estresados” e que “o futuro de Ferrol non se xoga”, pide que o Concello aprobe por unanimidade unha declaración institucional “esixindo enerxicamente unha intervención urxente no ferrocarril”. liña Ferrol-A Coruña, tan necesaria para o futuro da Comarca”.

Comunicación Podemos Ferrol
contacto@ferrol.podemos.info

Enviado por:
contacto@ferrol.podemos.info
-contacto@ferrol.podemos.info-
26 de outubro de 2022 11:29
_______

Podemos Ferrol súmase aos actos conmemorativos do 10 de marzo institucionais e á manifestación convocada por CCOO

O vindeiro xoves 10 de Marzo, “Día da Clase Obreira Galega”, Podemos Galicia e Podemos Ferrol, sumarémonos á Manifestación convocada por CCOO, que sairá da porta de Navantia, ás 11:30 h, para chegar ao Monumento do Dez de Marzo, onde terá lugar a ofrenda floral, acto institucional do Concello de Ferrol.

Ferrol, 08 de marzo de 2022

O vindeiro xoves 10 de marzo, data na que se cumpren 50 anos da fatal represión contra a clase obreira ferrolá e galega, Podemos únese os actos convocados polas centrais sindicais e o Concello de Ferrol, asistindo a manifestación que sairá as 11:30 horas da porta de Navantia e que rematará no monumento do Dez de Marzo, onde nos uniremos á ofrenda floral.

O portavoz de Podemos Ferrol, Xosé Iglesias, reclama o concello que se teña en conta a petición lanzada dende as asociacións Memoria Histórica Democrática e a Asociación Cultural Fuco Buxán, para o traslado do Monumento de Xoán Braxe desde o emprazamento marxinal no que se atopa na actualidade ao verdadeiro lugar onde o fatal suceso produciuse, o inicio da Avenida das Pías, e que deberá levar o nome de Praza do Dez de Marzo: “desde o Concello debe facerse un esforzo para que a memoria da nosa cidade teña un lugar predominante, para que os valores que representan o 10 de marzo perduren nas novas xeracións, pola memoria de Amador e Daniel, pero tamén como recoñecemento á loita dos traballadores e traballadoras da cidade durante décadas”.

“Os valores do 10 de marzo deben prevalecer máis que nunca, no presente pero tamén no futuro. A loita polos dereitos e a solidariedade deben ser pilar na nosa sociedade” indica Xosé Iglesias ante a conmemoración de esta data. “O recoñecemento da loita e sacrificio de Amador Rey e Daniel Niebla deben ser prioritarios. Non se entende que a petición de recoñecemento deste dous traballadores non saíra adiante nin no Concello nin no Parlamento Galego polo veto do BNG. Non se entende” , engade o portavoz de Podemos Ferrol.

Dende Podemos Ferrol animan a todos os militantes e simpatizantes a que se unan os actos conmemorativos celebrados polas distintas centrais sindicais así como as asociación da cidade ou o propio Concello de Ferrol.

Foto da visita do noso Secreario Xeral de Podemos Galicia e deputado por Galicia en Común no Congreso, Antón Gómez-Reino, xunto co portavoz de Podemos Ferrol Xosé Iglesias e o noso compañeiro Rafael Pillado.

Comunicación Podemos Ferrol
Susana López – contacto@ferrol.podemos.info

Portavoz Municipal Podemos Ferrol
Xosé Iglesias - ferrol@circulospodemos.info

Enviado por:
contacto@ferrol.podemos.info
-contacto@ferrol.podemos.info-
8 de março de 2022 12:48
_______

O Círculo de Podemos de Ferrol pídelle ao Goberno Local que impulse puntos violeta no municipio

O Círculo Podemos pídelle ao Goberno Local que impulse puntos violeta no municipio

Carmen Espiñeira, enlace de feminismos de Podemos Ferrol: “Acabar coas violencias machistas require do compromiso de toda a sociedade, por iso é importante involucrar á veciñanza como parte da solución”.   

O Círculo Podemos Ferrol vén de presentar un requirimento para que o Goberno Local impulse a creación de ‘puntos violeta’ no municipio. Esta medida vén estipulada no ‘Plan de Mellora e Modernización contra a Violencia de Xénero’ do Ministerio de Igualdade.

“Acabar coas violencias machistas require do compromiso de toda a sociedade, por iso é importante involucrar á veciñanza como parte da solución”, indica a enlace de feminismos municipal de Podemos Ferrol Carmen Espiñeira “aplaudimos esta medida do Ministerio de Igualdade porque vai nese senso e pedímoslle ao Concello que se comprometa a levala a cabo”.

‘Punto Violeta’ consta de tres puntos principais. Por unha banda, busca implicar a toda a sociedade na loita contra as violencias machistas. Por outro quere achegar a información dos servizos integrais ás vítimas a través da súa contorna. Finalmente, ten como obxectivo facilitar información sobre como actuar ante un caso de violencia machista a establecementos, entidades, empresas, organismos públicos.

Indica Carmen Espiñerira que “moitas veces unha muller en situación de violencia non sabe onde acudir. Cos puntos violetas esténdese a protección de estas mulleres á súa vida cotiá, o que facilita que se poidan informarse e sentirse arroupadas de maneira máis inmediata”.

Ademais, a formación considera que este tipo de iniciativas facilitan a concienciación da veciñanza respecto a unha cuestión de extrema gravidade como son as violencias machistas ao sentirse tamén como parte da solución.

Ferrol, 28 de outubro, 2021
 
Área de Comunicación e Prensa Podemos Ferrol
Susana López Verde
ferrol@circulospodemos.info
 
Enlace de Feminismos Podemos Ferrol
Carmen Espiñeira Vila
ferrol@circulospodemos.info
 
Voceiro Municipal Podemos Ferrol
Xosé Iglesias
ferrol@circulospodemos.info

Enviado por:
Podemos Ferrol
-ferrol@circulospodemos.info-
28 de outubro de 2021 12:14
_______

O Círculo Podemos Ferrol vén de rexistrar unha moción para instar á Xunta de Galicia a facer compatible a RISGA e o Ingreso Mínimo Vital e que paralice así a reclamación da devolución desta axuda a dúas mil familias no país que durante as últimas semanas recibiron as cartas para o reintegro da mesma

O Círculo Podemos Ferrol insta á Xunta de Galicia a compatibilizar a RISGA co Ingreso Mínimo Vital

Xosé Iglesias, voceiro de Podemos Ferrol:  “A Xunta tivo un ano para facer compatible a RISGA co Ingreso Mínimo Vital e agora a súa incompetencia pon en risco a dúas mil familias vulnerables en Galicia”.

O Círculo Podemos Ferrol vén de rexistrar unha moción para instar á Xunta de Galicia a facer compatible a RISGA e o Ingreso Mínimo Vital e que paralice así a reclamación da devolución desta axuda a dúas mil familias no país que durante as últimas semanas recibiron as cartas para o reintegro da mesma.
 
O primeiro que sinala a voceira/o de Podemos Ferrol, Xosé Iglesias, é que “a Xunta tivo un ano para facer compatible a RISGA co Ingreso Mínimo Vital e agora a súa incompetencia pon en risco a dúas mil familias vulnerables en Galicia”, e continúa dicindo que respecto a este tema “Feijóo preferiu confrontar co Goberno Central que garantir que as familias galegas que o precisen puideran percibir as dúas rendas, algo que si fixeron en comunidades como Pais Vasco, Aragón, Canarias ou Navarra”.

Podemos pide o acordo da corporación de Ferrol, porque considera que a reclamación da Xunta pon en risco extremo a economía xa precaria destas familias que, nalgúns casos, terán que recorrer ao propio Concello. Sinalan ademais que “se non poden integrar os cartos reclamados, perderán o acceso a outras axudas, como poden ser as relativas aos gastos de comedores escolares ou contra os desafiuzamentos”.

Xosé Iglesias recorda que a formación que encabeza aposta pola creación dunha “renda social municipal” como unha ferramenta fundamental para a protección das familias en situación de vulnerabilidade no Concello de Ferrol.
 
Moción modificación decreto 14/2019, de desenvolvemento da Lei 10/2013 de Inclusión Social de Galicia para compatibilizar o cobro da Risga co IMV. | Acceder/Baixar.

Ferrol, 18 de xuño, de 2021
 
Comunicación
Podemos Ferrol
ferrol@circulospodemos.info

Enviado por:
Podemos Ferrol
-ferrol@circulospodemos.info-
18 de junho de 2021 12:09
_______

Podemos Ferrol instan ao Concello de Ferrol a que demande á Xunta de Galicia a creación dunha liña de subvencións de concorrencia non competitiva para que o sector da hostalería poida sufragar á adquisición de detectores de CO2 e filtros HEPAA - Moción ao Pleno

PODEMOS FERROL: liña de subvencións a hostalería

O CÍRCULO DE PODEMOS FERROL SOLICITA Á CREACIÓN DE UNHA LIÑA DE SUBVENCIÓNS POR PARTE DA XUNTA DE GALICIA PARA A COMPRA DE DETECTORES DE CO2 E FILTROS HEPA.

Dende a formación local de Podemos Ferrol instan ao Concello de Ferrol a que demande á Xunta de Galicia a creación dunha liña de subvencións de concorrencia non competitiva para que o sector da hostalería poida sufragar á adquisición de detectores de CO2 e filtros HEPA.

Podemos Ferrol ven de presentar unha moción no concello de Ferrol instando o concello a que demande á Xunta de Galicia a creación dunha liña de subvencións de concorrencia non competitiva para que o sector da hostalería poida sufragar á adquisición de detectores de CO2 e filtros HEPA.

Máis aló de  que a mascarilla, o uso de xel hidroalcohólico e a distancia son armas  fundamentais para evitar contaxios certo é que en espazos e ambientes pechados e de certa concorrencia de xente, como pode ser na hostalería e en certos centros de comercio, hai que analizar a aparición dos aerosois como principal causa de contaxio e que repercuten na calidade do aire.

“A Xunta xa tomou nota da necesidade de analizar a calidade do aire nos restaurantes e deixa constancia da mesma na inclusión do punto sétimo bis na orde do 14 de abril. Unha necesidade que se debe estender a outros locais de hostalería e a certos centros comerciais” apunta Xosé Iglesias voceiro do círculo de Podemos Ferrol.

“Pero o que non pode facer a Xunta de Galicia é publicar esta orde e impor a necesidade de usar estes detectores de CO2 por parte da hostalería a partir do vindeiro 23 de abril e non quitar paralelamente unha liña de subvencións para que a xente da hostalería poida sufragar o custe da adquisición de ditos aparatos” engade Iglesias, “segue a castigarse a este sector constantemente, e en este caso obrigándolles a facer un desembolso extra para poder adquirir estes detectores”.

É por iso que dende Podemos Ferrol se dirixen ao Concello demandando certos puntos como:

✔ Solicitar ao Goberno da Xunta de Galicia que cree unha liña de subvención de concorrencia non competitiva para cubrir os custes da adquisición de detectores/medidores de Co2 e filtros HEPA por parte dos sectores da hostalería, do comercio local e de calquera PEME ou persoa autónoma que o solicite; asemade solicitar o reembolso para quenes dentro dos sectores afectados xa comprasen ditos equipos anteriormente á data do 23 de abril de 2021 do importe dos mesmos previa presentación de factura ou xustificante de compra e dito reembolso vaia a cargo da liña de subvencións creada para tal fin.

✔ Solicitar ao Goberno da Xunta de Galicia a que dote en todas as instalacións da súa titularidade e nas dependencias que se usen con finalidades deportivas no seu ámbito pechado, culturais, sociais ou/e  lectivas de ditos detectores e filtros.

✔ Que o Concello de Ferrol se comprometa no tocante ao uso de estes aparellos a dotar ás distintas instalacións de titularidade municipal dos mesmos.

✔ Solicitar que de xeito conxunto a Xunta de Galicia e a FEGAMP dote de estes detectores/medidores de CO2 e filtros HEPA a todos os centros onde se desenrolen actividades sociais, culturais, educativas, lúdicas e de calquera carácter de interese público onde fosen necesarios para manter unha correcta ventilación.

✔ Solicitar á Xunta de Galicia e ao Goberno do Estado a contratación de rastrexadores para a realización de rastrexos retrospectivos conxuntamente cos rastrexos prospectivos.

Ferrol, a 20 de abril de 2021.

Achegamos:

- Moción presentada no Concello.

- Infografía.

CONTACTO:
 
Xosé Iglesias
Voceiro Podemos Ferrol
Área de Comunicación e Prensa
Ana Guzmán
Podemos Ferrol
ferrol@circulospodemos.info

https://www.facebook.com/PodemosFerrolOficial/

Enviado por:
Podemos Ferrol
-ferrol@circulospodemos.info-
20 de abril de 2021 13:4
_______

Podemos Ferrol e Rebeldía Galicia reclama a retirada da simboloxía fascista no concello de Ferrol e presenta unha Moción - A memoria é un alicerce fundamental da saúde democrática dun territorio, mais en Galicia semella estarse a desvanecer ante as novas xeracións, que medran totalmente alleas ao pasado

MOCIÓN LEI MEMORIA HISTÓRICA - PODEMOS FERROL

Podemos Ferrol e Rebeldía Galicia reclama a retirada da simboloxía fascista no concello de Ferrol

No concenllo de Ferrol hai hoxe aínda 33 símbolos que conmemoran a persoeiros relacionados coa sublevación do 36, a Guerra Civil ou a Ditadura, entre eles 12 rúas, 14 distincións honoríficas, e 7 escudos, placas ou monumentos.

Podemos Ferrol e Rebeldía Galicia ven de presentar una mocións no concellos de Ferrol reclamando a retirada das pegadas fascistas aínda vixentes, ademais de propostas para a conservación e divulgación da memoria histórica no concello.

A iniciativa, realizada en colaboración con Podemos Galicia e Rebeldía Galicia en diversos concellos galegos cando se conmemora o noventa aniversario da proclamación da II República, inclúe a exposición nas rúas das biografías dos fascistas homenaxeados por esa simboloxía, coa intención de crear conciencia colectiva.

“A intención non é borrar a historia, senón reparala con verdade, memoria e xustiza”, subliña Aitor Neira e Tamara Deza, voceiros de Rebeldía Galicia. “A sociedade ten unha gran responsabilidade colectiva coa historia para que non se volva a repetir. Por iso, sentímonos na obriga de pedir hoxe aquí unha cousa moi sinxela: que se cumpra a lei”.

A Lei 52/2007 de 26 de decembro, chamada Lei de Memoria Histórica, dita no seu artigo 15.1 que as administracións públicas, no exercicio das súas competencias, serán as encargadas de tomar as medidas oportunas para a retirada de simboloxía ou honores de exaltación, persoal ou colectiva, da sublevación militar, a Guerra Civil ou a Ditadura.

Segundo os datos que puido recoller Podemos Ferrol e Rebeldía Galicia, Ferrol conta na actualidade con 33 símbolos que conmemoran a persoeiros que foron claves, importantes ou destacados no período escuro da sublevación, na Guerra Civil ou na Ditadura: en concreto 12 rúas encravadas no Arsenal e no Porto; 14 distincións honoríficas; e 7 escudos, placas ou monumentos.

“Solicitamos o alcalde Anxel Mato que inste o Ministerio de Defensa e a ministra Robles, que cumpra a Ley de Memoria histórica e suprima as 11 rúas con nomenclatura franquista que actualmente ten o Arsenal militar de Ferrol, así como a retirada inmediata do escudo franquista da fachada do cuartel Sánchez Aguilera”, indica Xosé Iglesias, portavoz de Podemos Ferrol.

A memoria é un alicerce fundamental da saúde democrática dun territorio, mais en Galicia semella estarse a desvanecer ante as novas xeracións, que medran totalmente alleas ao pasado; cando é precisamente a mocidade a encargada de conservar, coidar e construír a memoria dende a verdade. Por iso Rebeldía Galicia e Podemos Ferrol entenden que deben ser os máis novos quen leven a iniciativa para que se cumpra a Lei de Memoria Histórica no territorio galego, catorce anos despois da súa entrada en vigor.

Mércores, 14 de abril de 2021.

Achegamos:

✔ Moción para o cumprimento da lei de Memoria Histórica no Concello de Ferrol. | Presentada o 14 de Abril de 2021. | Formato pdf. 5 páxinas | Acceder/baixar.

CONTACTOS

Rebeldía Galicia
Mail: rebeldiagz@gmail.com
Tamara Deza e Aitor Neira

Podemos Ferrol
Mail: ferrol@circulospodemos.info
Xosé Iglesias

https://www.facebook.com/PodemosFerrolOficial/

Enviado por:
Podemos Ferrol
-ferrol@circulospodemos.info-
14 de abril de 2021 16:55
_______

Podemos Ferrol reclama ao Concello que incorpore a perspectiva feminista á súa acción de goberno - Rexistrar unha moción na que insta ao Concello a poñer en marcha medidas que incorporen a perspectiva de xénero, feminista, interseccional e de dereitos humanos na súa acción de goberno

Podemos Ferrol reclama ao Concello que incorpore a perspectiva feminista á súa acción de goberno

Susana López, enlace de feminismos e secretaria de organización de Podemos Ferrol: "As estatísticas da brecha de xénero seguen amosando a inxusta e precaria situación que padecen as mulleres en Galicia”

A formación reclama a todas as administracións públicas do Estado que adopten medidas inmediatas para garantir a igualdade real e efectiva entre homes e mulleres

Podemos Ferrol ven de rexistrar unha moción na que insta ao Concello a poñer en marcha medidas que incorporen a perspectiva de xénero, feminista, interseccional e de dereitos humanos na súa acción de goberno. A iniciativa reclama tamén ao Pleno municipal que esixa a todas as administracións públicas do Estado que garantan a igualdade real e efectiva entre homes e mulleres.

“A igualdade de xénero é un dos retos pendentes desta sociedade, pero tamén é un dos obxectivos alcanzables para este Concello”, explicou a secretaria de organiación de Podemos Ferrol, Susana López, quen subliñou que as estatísticas sobre a brecha de xénero “seguen amosando a inxusta e precaria situación que padecen as mulleres en Galicia”.

Segundo a Enquisa de Poboación Activa (EPA) do Instituto Nacional de Estatística (INE), a brecha nas taxas de emprego medrou un punto desde o ano 2014 e alcanza xa os 9,1 puntos porcentuais, No cuarto trimestre do 2020, a brecha en relación á taxa de paro aumentou 0,6 puntos en comparación co trimestre anterior, o que implica unha diferencia do 2,9% entre as taxas de paro de homes mulleres. Un valor que non se alcanzaba desde 2008. A taxa de paro é do 10,3% para os galegos e do 13,2% para as galegas. Segundo o Instituto Galego de Estatística (IGE), a brecha salarial de xénero en Galicia é dun 20,6%: as mulleres gañan de media 794 euros mensuais por cada 1000 euros mensuais que gaña un home.

Susana López lembrou tamén que a estrutura patriarcal e os estereotipos de xénero, aínda fortemente arraigados na sociedade, xunto coa carga de traballo inxente que soportan as mulleres (o dobre de mulleres que homes destinan a tarefas do fogar polo menos unha hora cada día), son obstáculos que impiden que alcancen determinados postos de responsabilidade ou ocupen suficientemente os espazos públicos. Por poñer un exemplo: o 82,4% de quen ocupan a presidencia dos Concellos galegos son varóns, e só hai un 176,% de alcaldesas. Das 8.088 alcaldías de todo o Estado español en 2019, só 1.756 están gobernadas por mulleres.

A moción de Podemos pretende tamén comprometer ao Concello para garantir o dereito ao coidado e á conciliación, xa que son as mulleres quen asumen maioritariamente esas responsabilidades: máis dun 80% das persoas que solicitan excedencias para coidar a familiares son mulleres, cifra que ascende ata un 90% cando se trata do coidado dos fillos e fillas. Unha situación que reflexa á inxustiza á que se enfrontan as mulleres galegas, e que tense agravada pola covid-19, xa que a pandemia tensionou aínda máis ese sistema de coidados que posibilita o funcionamento da estrutura social tal e como a coñecemos.

“A igualdade de xénero ten que ser a prioridade na axenda do goberno do Partido Socialista en Ferrol”, dixo Susana López. “Por iso instamos ao Concello a incorporar a perspectiva feminista á súa estratexia política, porque é a ferramenta fundamental para que avancemos cara a esa sociedade xusta, igualitaria e solidaria pola que avogan a maioría cidadá deste país”, concluíu.

Ferrol, 5 de marzo de 2021

Podemos Ferrol

https://www.facebook.com/PodemosFerrolOficial/

Susana López Verde – secretaria de Organización e enlace Feminismos

Ana Mª Guzmán – secretaria de Comunicación
ferrol@circulospodemos.info

Enviado:
Podemos Ferrol
-ferrol@circulospodemos.info-
7 de março de 2021 12:06
_______
 

Podemos Ferrol respalda as demandas dos sindicatos na aposta polo offshore e o dique cuberto para o naval da nosa ría - O deputado Antón Gómez Reino mantiña onte unha xuntanza no Congreso cunha representación sindical e institucional do naval da nosa ría

O deputado Antón Gómez Reino mantiña onte unha xuntanza no Congreso cunha representación sindical e institucional do naval da nosa ría

Podemos Ferrol quere amosar o seu respaldo explícito as demandas que os representantes sindicais dos Comités de Navantia en Ferrol e Fene fixeron chegar onte aos deputados galegos no Congreso na urxencia dunha acción e reacción coordinada entre Administracións para afrontar unha situación crítica de falta de traballo no naval e desertificación industrial.

O deputado de Unidas Podemos e Secretario Xeral de Podemos Galicia, Antón Gómez Reino, reuniase onte a tarde no Congreso cunha ampla representación sindical e tamén institucional de Ferrolterra, alcaldes e alcaldesas dunha comarca en monocultivo industrial do naval cuxa economía é altamente dependente do tractor dos estaleiros e da industria auxiliar.

Gómez Reino reiterou o compromiso de Unidas Podemos de traballar arreo para conquerir a implicación de todas as Administración na urxencia de dotar ao naval de Ferrol de carga de traballo, artellar un plan de Emprego para a comarca, que está a sofrer as consecuencias dunha década de inacción e pasividade das políticas industrias do PP na Xunta, con plenas competencias na materia.

Neste sentido, o deputado referíase a situación crítica do naval, que demanda hai anos un dique cuberto para medrar en Reparacións pero tamén a aposta decidida polo offshore. Ao tempo, Gómez Reino lembraba os peches de empresas como Poligal, Noa Maderas Creativas, o anunciado por Siemens Gamesa para a planta de As Somozas e da térmica de Endesa nas Pontes. ‘Cómpre unha transición enerxética xusta que garanta o emprego”, insistiu o deputado que mantivo varias xuntanzas cos colectivos afectados pola decisión dunha compañía elétrica que fora privatizada.

Por último, dende Podemos Ferrol reiterar o noso total apoio a folga comarcal convocada polos sindicatos contra a desertificación industrial de toda unha comarca vital no soporte da economía galega e sumámonos a esta convocatoria adiada ao 10M, no Día da Clase Obreira Galega.

Ferrol, 18 de febreiro 2021

Comunicación e Prensa Podemos Ferrol
Ana María Guzmán  
ferrol@circulospodemos.info
 
Porvavoz Municipal Podemos Ferrol
Xosé Iglesias

https://www.facebook.com/PodemosFerrolOficial/

Enviado por:
Podemos Ferrol
-ferrol@circulospodemos.info-
18 de fevereiro de 2021 15:17
_______

Podemos Ferrol sumase á folga xeral comarcal convocada para o 25 de Febreiro polas centráis sindicáis

Podemos Ferrol sumase á folga xeral comarcal convocada para o 25 de Febreiro polas centrais sindicais.

Podemos Ferrol apoia a folga comarcal convocada polas centrais sindicais o próximo 25 de febreiro para clamar contra a terrible crise industrial que están a sofrer as comarcas de Ferrolterra, Eume e Ortegal.

Sumámonos ás declaracións de hoxe mesmo do noso Secretario Xeral e deputado no Congreso Antón Gómez-Reino, onde expresa que "a desertización industrial de Ferrolterra é consecuencia da inacción e complicidade de Feijóo coas grandes empresas".

Así mesmo, o portavoz municipal de Podemos Ferrol Xosé Iglesias, incide en que esta situación ven de lonxe, seguimos afundíndonos nunha situación de crise industrial que arrastramos dende hai décadas, cunha perda de tecido industrial na comarca que está a chegar a un límite inasumible. E a principal causa é a falla de interese político pola nosa comarca que levamos sofrendo décadas, principalmente dende o goberno da Xunta.

Crise que coma ven sinalan tanto Gómez-Reino como Xosé Iglesias, ten varias frontes na comarca sen carga de traballo no naval e co peche da factoría de palas eólicas nas Somozas. Antes foron outros centros de emprego como Poligal e Noa Madeira, que viu agravada esta semana tras o anuncio de peche definitivo da Central Térmica das Pontes.

A comarca de Ferrolterra está a sofrer unha perda constante de postos de traballo froito dunha nula política industrial da Xunta de Galicia de Núñez Feijóo "afeita a botar balóns fora e a ver a palla no ollo alleo, máis non a viga no propio", sinalou o deputado Antón Gómez-Reino.

Dende Podemos Ferrol animamos a toda a cidadanía de Ferrolterra a sumarse a esta folga comarcal polo futuro da industria, o comercio e o emprego de toda a comarca. Dende Ferrol non podemos esperar máis a que, pola falla de interese político, a nosa cidade e a nosa comarca queden unha vez máis na cola do emprego en Galicia.

Ferrol a 21 de xaneiro de 2021.

Audio das declaracións de Antón Gómez-Reino.

https://www.encomun.gal/gomez-reino-crise-industrial-ferrolterra/

Ana Guzmán
Área de Comunicación e Prensa
Podemos Ferrol
ferrol@circulospodemos.info

Enviado por:
Podemos Ferrol
-ferrol@circulospodemos.info-
21 de janeiro de 2021 16:50
_______

O Círculo de Podemos Ferrol, o vindeiro venres 11 de Decembro, ten previsto elixir á portavocía do Círculo e ao Cosello Local

ELECCIÓN DO VOCEIRO DE PODEMOS FERROL

Este venres, 11 de decembro, ás 19;30h. o Círculo de Podemos Ferrol, convoca unha asemblea vía telemática, para elixir a súa voceiría e aos Órganos de Dirección Locais.

En Podemos, é a militancia quen decide o rumbo tanto das Direccións Locáis, coma as Estatáis. Por isto renóvanse os cargos aló onde exista un Círculo activo coa firme vontade de traballar polo municipalismo.

No caso de Ferrol, a estrutura orgánica que lle corresponde coa nova regulamentación interna, é de Plenario, no que poderá participar toda a militancia do Círculo de Ferrol.

Neste Plenario, elixirase á persoa que ocupará a Voceiría Municipal de Podemos Ferrol, con esta Orde do día:

En primeiro lugar, elección da Voceiría Local.

En segundo lugar, elección, no seu caso, do Consello de Coordinación do Círculo Podemos Ferrol.

Ferrol, a 7 de decembro do 2020.

----
Área de Comunicación e Prensa
Ana Guzmán
Podemos Ferrol
ferrol@circulospodemos.info

https://www.facebook.com/PodemosFerrolOficial/

Enviado por:
Podemos Ferrol
-ferrol@circulospodemos.info-
7 de dezembro de 2020 21:40
_______

O Círculo de Podemos en Ferrol rexistra unha moción para non 'dar un paso atrás' na loita contra as violencias machistas

✔ A responsable de feminismos da agrupación local de Podemos, Susana Alaniz, afirma que é importante seguir avanzando para evitar que a COVID 19 supoña un retroceso dos dereitos das mulleres.

✔ Esta moción se enmarca nas actividades reivindicativas que realizará a formación morada con motivo do 25N e que se celebrarán de maneira telemática.

O Círculo de Podemos en Ferrol vén de rexistrar unha moción para non “dar un paso atrás” na loita contra as violencias machistas.

Segundo indica a responsable de feminismos da agrupación local, Susana Alaniz, “a dimensión da crise da COVID19 é tal que está a agochar outras realidades de persoas vulnerables, como pode ser o caso das mulleres que sofren as violencias machista”. Por isto, Podemos presenta unha moción para sinalar esta situación, que segundo indica Susana Aliniz “pode supoñer un retroceso nos dereitos que as mulleres acadaron en tantos anos de loita”.

A moción recolle situacións concretas que están vivindo as mulleres desde que comezou a pandemia como poden ser “retrasos administrativos, problemas de conciliación, ou situacións que afectan aos dereitos reprodutivos das mulleres e que están a denunciar dende colectivos como Embarazadas de Galicia ou a Asociación Galega de Matronas (AGAM) nas que se chega a separar á nai e bebé durante o postparto”.

“Dende o Círculo Podemos Ferrol pensamos que a mellor maneira de non retroceder é a de consolidar os avances, por iso incluímos reivindicacións recorrentes do feminismo, como poden ser a creación de xulgados especializados en violencias contra as mulleres, coa creación de plans que faciliten a conciliación e a creación de axudas específicas para a crise que estamos atravesando, ademais das demandas xa trasladadas pola Asociación Galega de Matronas” continúa Susana Alaniz.

O Círculo de Podemos pide que este 25N atípico o Concello de Ferrol se implique e poña todos os recursos para visibilizar a realidade das mulleres que sofren violencia e as distintas opresións que viven as mulleres polo feito de selo e reafirme o seu compromiso coa igualdade real entre homes e mulleres.

Ferrol, a 24 de novembro de 2020.

Departamento de Comunicación
Ana Guzmán
Podemos Ferrol

ferrol@circulospodemos.info

@PodemosFerrolOficial

Enviado por:
Podemos Ferrol
-ferrol@circulospodemos.info-
24 de novembro de 2020 13:05
_______