Arribada do Escuadrón Zapatista 421 a Vigo para dar inicio a unha Xira pola Vida mundial que arrancará no noso continente coa consigna 'Despertade' - Delegacións e medios internacionais chegan a Galiza para participar na benvida prevista para esta fin de semana e arroupar e vivir este momento histórico

ARRIBADA DO ESCUADRÓN ZAPATISTA 421 A VIGO

“A Montaña” confirma chegada inminente a Vigo para dar inicio a unha Xira pola Vida mundial que arrancará no noso continente ca consigna “Despertade”

Delegacións e medios internacionais chegan a Galiza para participar na benvida prevista para esta fin de semana e arroupar e vivir este momento histórico

“O ano do 2021 cumpriranse 20 anos da Marcha da Cor da Terra, a que realizamos, xunto cos pobos irmáns do Congreso Nacional Indíxena, para reclamar un lugar nesta Nación que agora se desmorona. 20 anos despois navegaremos e camiñaremos para dicirlle ao planeta que, no mundo que sentimos no noso corazón colectivo, hai lugar para todas, todos, todoas. Simple e sencillamente porque ese mundo só é posible si todas, todos, todoas, loitamos por levantalo”.

Galiza (SLUMIL K´AJXEMK´OP), 16 de Xunho 2021. Nos vindeiros días chegará a Vigo o Escuadrón 421 (4 mulleres, 2 homes, 1 otroa), unha Delegación do Exército Zapatista de Liberación Nacional (EZLN) que zarpou a principios do mes de maio dende "Isla Mujeres" (Quintana Roo, México) no barco “La Montaña”, rumbo á Cidade Olívica cunha mensaxe: Acordade.

Dende que na Europa de abaixo e á esquerda tivemos coñecemento da visita, vimos organizándonos para recibilxs. Cando o pasado 26 de abril anunciaron a través de "La Ruta de Ixchel" que o porto de chegada do barco sería Vigo, intensificouse a coordenación en toda Europa para organizar o recibimento e acollida na Galiza, tanto do Escuadrón 421 como das persoas doutros lares que se están a achegar á nosa terra para vivir connosco este momento histórico.

Na Galiza constituíuse a Asamblea Galega da Xira pola Vida, integrada por máis de corenta colectivos e persoas a título individual. Faladoiros, seminarios, encontros, proxeccións de documentais, concertos ou mesas informativas son algunhas das actividades desenvolvidas nestes meses, accións que están a ser levadas a cabo tamén en numerosos países europeos [1].

O 14 de xuño obtivemos a confirmación da saída de "La Montaña" en dirección Galiza. Dado que a arribada do Escuadrón é inminente, delegacións de Suíza, Alemaña, Francia, Italia, Grecia, Irán e Euskal Herria están xa en Vigo, agardando canda a coordenadora galega ás delegacións internacionais e de diferentes puntos do Estado español que están xa de camiño para recibir xuntas ao Escuadrón 421.

Con toda a nosa ilusión estamos argallando un acto de benvida nas inmediacións do Porto de Vigo, ao que seguirán distintas actividades nos días seguintes, das que tamén iremos informando. Tamén temos planificada para o Escuadrón e as persoas aliadas que desexen sumarse, toda unha axenda de percorridos e contactos cas loitas do país, cuxas datas serán confirmadas máis adiante.

Estamos moi contentas de realizar este primeiro contacto cas persoas que traballades nos medios de comunicación. Agardamos que esteades tan ilusionadas e ilusionados coma nós o estamos con este acontecemento, que ben seguro vai contar cun eco mediático internacional que se vai prolongar alomenos durante uns meses.

Para acceder a toda a información de fondo relativa á Xira pola Vida lanzada polo EZLN, cómpre acudir aos comunicados publicados en http://enlacezapatista.ezln.org.mx/ dende outubro do 2020 até onte, 14 de xuño de 2021.

Para coñecer as actividades que se viñeron desenvolvendo nestes meses na Galiza e no mundo no marco da Xira pola Vida, achegamos o noso blogue: https://www.xirapolavida.org/

Para estar ao fío dos seguintes movementos, recomendamos seguir as canles de comunicación dixital (IN/FB/Twitter) da Xira pola Vida Galiza a través de @xirapolavida .

E, en xeral, para o que precisedes, estamos eiquí:  xirapolavida@riseup.net .

O día anterior ao acto de recibimento do Escuadrón 421 achegarémosvos toda a información da que dispoñamos e que poida facilitar o voso traballo, incluídas localizacións, horarios e planificación.

Moitas grazas pola vosa atención e difusión

A Xira pola Vida vai!!

EUROPA, ACORDA!!

ARRIBADA DO ESCUADRÓN ZAPATISTA 421 A VIGO
16/06/2021

Enviado por:
xirapolavida@acefala.org
-xirapolavida@acefala.org-
16 de junho de 2021 17:50
_______

Concentración en Ferrol en solidariedade do pobo palestino ante a agresión sionista do goberno de Israel - 18 de maio de 2021 - O pobo palestino que vive dentro da franxa de Gaza leva sofrendo unha semana de bombardeo continuo por parte do exercito israelita

Hoxe en Ferrolterra como noutras comarcas da Galiza está convocada unha concentración en solidariedade co pobo palestino ante a agresión do goberno de Israel.

O pobo palestino que vive dentro da franxa de Gaza leva sofrendo unha semana de bombardeo continuo por parte do exercito israelita. Acabando con vidas humanas e destruíndo vivendas e infraestruturas imprescindíbeis (auga, electricidade, ...) para a vida de case dous millóns de persoas que viven acinadas no "cárcere" máis grande do mundo, de 40 quilómetros de longo por 10 de ancho.

A concentración en Ferrol, está prevista para hoxe martes 18 de maio, ás 8 da tarde, na Praza de Porta Nova (Praza de España).

_______

Incendio nos campos de Cox's Bazar, de refuxiadas rohingyas, en Bangladesh - O devastador incendio matou polo menos a 15 persoas, mentres 400 seguen desaparecidas - ACNUR necesita axuda

Trátase dun gran golpe para a comunidade rohingya, que estivo sufrindo as consecuencias do deterioro das condicións de vida nos campamentos, cun acceso reducido á atención médica e outros servizos humanitarios.

Aos rohingya negóuselles a posibilidade de regresar aos seus fogares en Myanmar (que ademais agora está en plena crise por mor do golpe de estado) de xeito seguro e con dignidade. As restricións á súa liberdade de movemento e a falta de acceso aos medios de subsistencia en Bangladesh, incluída a capacidade para traballar, significan que dependen por completo da asistencia humanitaria.

Incendio nos campos de refuxiadas de Cox's Bazar

✔ Catástrofe nos campos de refuxiados rohingyas en Bangladesh.

✔ Un incendio devastador matou polo menos a 15 persoas, mentres 400 seguen desaparecidas.

ACNUR lamenta profundamente a morte de 15 persoas refuxiadas e o sufrimento causado polo incendio que se iniciou a tarde do 22 de marzo nos campos de Cox's Bazar, onde residen actualmente máis de 870.000 refuxiadas rohingya. O lume está controlado, pero centenares de persoas aínda permanecen desaparecidas e outras 560 están feridas. Os danos materiais son enormes e miles de refuxiadas perderon as súas escasas pertenzas e os seus refuxios. ACNUR traballa contra reloxo para proporcionar apoio e protección a 45.000 persoas que perderon os seus refuxios.

A resposta de ACNUR

O incendio afectou a 1.500 instalacións, como albergues, centros de saúde, centros educativos, hospitais, puntos de distribución e outras infraestruturas do campo, e ocasionou enormes danos materiais. Segundo as primeiras avaliacións, polo menos 10.000 refuxios foron totalmente destruídos ou gravemente danados. Algunhas das persoas refuxiadas foron temporalmente realoxadas dentro da comunidade de acolleita. 12.000 persoas refuxiáronse con familiares en campamentos xestionados por ACNUR.

Hai un número indeterminado de persoas que sufriron graves queimaduras. Por iso, ACNUR está proporcionando primeiros auxilios e material médico para poder tratar a estas persoas. Ata agora, ao redor de mil persoas recibiron apoio psicosocial. As persoas en estado crítico están sendo derivadas a servizos de saúde máis especializados.

Ate agora, ACNUR proporcionou ao redor de 3.000 mantas, 14.500 lámpadas solares, 10.400 xogos de cociña e 11.500 mosquiteiras. Xunto cos seus socios en terreo, tamén proporcionou 49.000 litros de auga e 7.000 bidóns, incluída a construción de 20 latrinas, billas, tanques de auga, bidóns e 500.000 pastillas potabilizadoras. Catro camións cisterna están entregando auga potábel ás áreas onde se atopan os damnificados polo lume.

Ademais, ACNUR e os seus socios identificaron a 669 menores non acompañados; 647 xa puideron reunirse cos seus titores ou coidadores; os outros 22 permanecen baixo o coidado das súas familias.

Para cubrir as necesidades das persoas rohingya durante 2021, ACNUR necesitará 294,5 millóns de dólares. Ate agora, só conseguiuse un 16 % dos fondos necesarios para atender esta urxencia.

As consecuencias do incendio aumentan as necesidades das refuxiadas rohingya. ACNUR necesita financiamento para dar unha resposta humanitaria e protexer ás persoas refuxiadas e á comunidade de acolleita en Bangladesh.

✔ ACNUR necesita axuda. | Ir á Web.

✔ Podes acceder tamén a Medic@s Sem Fronteiras. | Ir á Web. E a Save the Children. | Ir á Web.
_______

NON ás patentes, a pandemia non é un negocio: Campaña de Médicos Sen Fronteiras para que o Goberno de Sánchez/Iglesias apoie a solicitude ante a Organización Mundial do Comercio (OMC) para suprimir as patentes sobre as vacinas da COVID-19 mentres dure a pandemia - MSF pide sinaturas para respaldar esta campaña - Enlace ao formulario

Pedro Sánchez: NON ás patentes, a pandemia non é un negocio

A día de hoxe, España non está apoiando a solicitude ante a Organización Mundial do Comercio (OMC) para suprimir as patentes sobre as vacinas da COVID-19 mentres dure a pandemia.

Un feito contraditorio e impropio, xa que o Goberno español expresou que os produtos médicos para loitar contra o coronavirus se deben tratar como bens públicos mundiais.

Sen suprimir as actuais patentes, as vacinas non serán baratas e non poderán chegar a todo o mundo. Sen apoiar este paso fundamental, non haberá garantía de que a tan necesitada vacina chegue a cada persoa en todo o mundo, estea onde estea.

Ate agora, nada menos que 100 países xa apoian esta petición. Co teu apoio e o da maior cantidade de persoas que, como Médicos Sen Fronteiras, creemos que a pandemia non debe ser un negocio, podemos cambiar as cousas.

Podemos conseguir que o Goberno español apoie esta solicitude. Podemos lograr que tanto a UE como outros países cambien de postura e cumpran coa súa deber. Está na súa man evitar que as farmacéuticas antepoñan os seus beneficios á saúde das persoas.

Porque a saúde non é un negocio, é un dereito universal. E porque a vida das persoas é sempre o máis importante. Agora, en plena pandemia de COVID-19, tamén.

Necesitámosche: firma agora e pide ao Goberno de Pedro Sánchez que apoie a petición de supresión de patentes da COVID-19.

Por unha pandemia sen patentes en vacinas e medicamentos.

Por ti, e polo ben de todos, para que ninguén se quede atrás na loita contra a COVID-19.

Cinco preguntas clave

Que é a petición de exención?

En 2001, no apoxeo da epidemia de VIH/sida, a 'Declaración de Doha relativa ao acordo sobre os ADPIC e a saúde pública' recoñeceu o dereito dos Gobernos a tomar todas as medidas necesarias para eliminar as patentes para así priorizar a saúde pública fronte aos intereses comerciais.

A solicitude actual -dirixida á OMC por India e Sudáfrica- é un paso similar para acelerar a resposta á pandemia suprimindo as patentes relacionadas cos produtos da COVID-19.

Que fixo o goberno de España...?

Malia que o Goberno español expresou que os produtos médicos para a COVID-19 débense tratar como bens públicos mundiais, nin España nin a Unión Europea apoian esta medida, capaz de acelerar o dereito a producir e fornecer as vacinas da COVID-19.

Que estamos pedindo agora mesmo?

Pedimos ao Goberno español que apoie a solicitude de exención ante a OMC. Si se concede a exención, todos os membros da OMC beneficiaranse directamente dunha verdadeira colaboración para desenvolver, producir e fornecer as vacinas para responder á COVID-19.

Que papel xogan as farmacéuticas ...?

Desde o comezo da pandemia, as farmacéuticas mantiveron a súa práctica habitual de control estrito sobre os dereitos de propiedade intelectual e de monopolios sobre vacinas e tratamentos. Con máis de 1,3 millóns de mortes en todo o mundo por mor da COVID-19, os Gobernos non poden perder máis tempo a mercé da industria farmacéutica, que segue co seu negocio lucrativo e fixando altos prezos, ate en plena pandemia. Está nas súas mans esixir un cambio e situarse a favor da saúde global.

Por que interesa a Médicos Sen Fronteiras?

Médicos Sen Fronteiras loitamos desde fai 50 anos pola saúde das persoas, estean onde estean. Levámolo facendo durante medio século; non imos deixar de facelo agora, cando o mundo máis o necesita. A COVID-19 non debe entender de patentes e monopolios.

Pode-se asinar no formulario de MSF | Apoiar Petición.

900 494 269 (De balde)
oficina@barcelona.msf.org
Zamora, 54, 08005 Barcelona
Web Oficial :
https://www.msf.es/

Médicos Sen Fronteiras, CIF: G58277534. Inscrita no Rexistro Nacional de Asociacións do Ministerio do Interior co número 68.340
_______

Outras 500 millóns de persoas poden caer na pobreza por mor da crise provocada polo novo coronavirus covid-19 - Elixamos dignidade, non indixencia

A pobreza, que abarca a máis de 3.000 millóns de persoas no planeta, podería incrementarse como consecuencia da pandemia xerada polo novo coronavirus, si as nacións máis ricas non mobilizan recursos urxentes cara ás poboacións máis vulnerábeis dos países dependentes.

Outros 500 millóns de persoas poden sumirse na pobreza ao cabo da actual pandemia covid-19 si non se emprenden medidas urxentes en favor dos países en desenvolvemento, advertiu un informe da coalición Oxfam divulgado este xoves 9.

A pandemia "está tendo consecuencias devastadoras en todo o mundo, pero nos países máis pobres, onde as persoas xa se enfrontaban a grandes dificultades para saír adiante, apenas hai redes de seguridade para evitar que caian na pobreza", dixo o director executivo de Oxfam, José María Beira.

Oxfam encargou ao británico King´s College e á australiana Universidade Nacional un estudo que se proxecta consecuencias da covid-19 sobre as nacións en desenvolvemento e titulou-no "Elixamos dignidade, non indixencia".

O estudo proxectou reducións de ingresos de cinco, 10 e 20 por cento entre as poboacións máis pobres do globo, e concluíu que a pobreza podería aumentar por primeira vez desde 1990 e incrementarse, no peor dos escenarios, entre 341 e 611 millóns de persoas, cunha media de 500 millóns.

Utilizou os limiares de pobreza de 1,90, 3,20 e 5,50 dólares diarios como ingreso por persoa que emprega o Banco Mundial. Segundo as cifras deste organismo para 2018, últimas dispoñibles, 3.400 dos 7.700 millóns de habitantes do planeta sobreviven con menos de 5,5 dólares ao día.

En África subsahariana, por exemplo, os actuais 853,9 millóns de persoas que viven con menos de 5,5 dólares ao día poderían chegar a 864,7 millóns si os seus ingresos só merman cinco por cento, pero alcanzarían 897,5 millóns da perda alcanza a 20 por cento.

Dentro dese volume de poboación subsahariana que vería os seus ingresos caer, os máis pobres, que sobreviven con menos de 1,9 dólares ao día, poderían pasar dos actuais 419,6 millóns de persoas a 531,5 millóns si concretásese unha redución de ingresos de 20 por cento.

En América Latina e o Caribe o número de persoas con ingresos inferiores a 5,5 dólares ao día, 162 millóns na actualidade, pode pasar a 174,6 millóns si as perdas son de cinco por cento, pero si os ingresos merman 20 por cento a cifra chegaría a 216,3 millóns, é dicir, habería 54 millóns de novos pobres.

En Asia meridional os pobres, actualmente 1.422 millóns, poden aumentar a 1.457 millóns ou chegar a 1.551 millóns, segundo os mesmos esquemas de cálculo.

E na rexión de Oriente Próximo e Norte de África, os pobres con menos de 5,5 dólares por día, 153,5 millóns, poden chegar a ser 163,8 ou 198,4 millóns de persoas, si a perda de ingresos cífrase en cinco ou en 20 por cento.

Para axudar a visibilizar o drama, o estudo incluíu algúns testemuños. "Este virus mataranos de fame antes de enfermarnos", dixo na pesquisa Micah Olywangu, taxista en Nairobi con tres fillos, unha recentemente nada, e quen co toque de queda imposto pola pandemia non ten un cliente desde fai tres semanas.

Ou Tarawati, de 35 anos, traballadora do fogar cun marido zapateiro que "non gañou nin unha rupia" desde que comezou o confinamento, e con sete fillos, dos cales tres reciclan obxectos que buscan no lixo, pero todos quedáronse sen diñeiro para comprar comida. "Este virus está destruíndo as nosas vidas", resumiu.

Como resposta á pandemia, Oxfam propón "un novo contrato social" entre a cidadanía, os gobernos e os mercados, que "reduza drasticamente a desigualdade e sente as bases para unha economía máis humana".

Os gobernos do Norte industrializado deberían mobilizar polo menos 2,5 billóns (millóns de millóns) de dólares para deter a pandemia e evitar o colapso económico mundial, segundo o plan de Oxfam, que coloca en primeiro lugar as subvencións en efectivo ás persoas máis necesitadas.

Para posibilitar a medida debería suspenderse de inmediato o pago de débedas por parte dos países pobres e drenar novos recursos desde o Fondo Monetario Internacional (FMI), así como crear novos estímulos impositivos e atender á recuperación das empresas que sexan social e ambientalmente responsábeis.

Por exemplo, Ghana podería "proporcionar 20 dólares ao mes a cada un dos 16 millóns de nenos, discapacitados e anciáns do país durante seis meses si liberásese dos prazos de pago da débeda externa", que pasa de 30.000 millóns de dólares.

O estudo recomendou que o FMI emita dereitos especiais de xiro como nova axuda aos países pobres, e que as nacións máis ricas establezan impostos de solidariedade de emerxencia, gravando grandes fortunas, produtos financeiros especulativos e actividades con impacto negativo no ambiente.

Londres, 9 abr 2020
A-E/HM | Por Corresponsal de IPS
Foto: Scott Wallace/BM

10 de abril, 2020
Axencia de Noticias
INTER PRESS SERVICE
Xornalismo e comunicación para o cambio global
http://www.ipsnoticias.net/

#Coronavirus
#Covid'19

Enviado por:
IPS Noticias
-boletines@ipslatam.net-
10 de abril de 2020 16:42
______

A falta de previsión dos gobernos e as medidas de confinamento e distanciamento social, na crise do novo coronavirus, afectan de forma significativa ás persoas máis vulnerábeis, en especial ás máis pobres, dependentes e maiores - As autoridades municipais son as que deberían de elaborar un plan de choque social en cada concello, para atender as necesidades de maiores en soidade e pobres

➤ Sentimos-nos inquedos pola situación dunha parte importante da poboación, coa que compartimos situacións de incerteza e precariedade económica e social.

➤  A falta de previsión dos gobernos e as medidas de confinamento e distanciamento social, afectan de forma significativa ás persoas máis vulnerábeis, en especial ás máis pobres, dependentes e maiores.

➤  Necesitamos medidas urxentes para atender a aquelas persoas que están sufrindo de xeito especial por mor da pandemia... as persoas pobres, dependentes e empobrecidas, todas as que dormen nas rúas; as que precisan de entidades sociais para sobrevivir; así como aquelas que agardan pola resolución de axudas sociais.

➤  Preocupa-nos o asunto do peche dos comedores escolares, pois para moitos pais e nais, era unha garantía para que as súas crianzas tiveran ao menos unha comida garantida durante o día.

As persoas que participamos na Rede de Apoio Mutuo de Ferrolterra - Stop Desafiuzamentos, sentimos-nos inquedos pola situación dunha parte importante da poboación, coa que compartimos situacións de incerteza e precariedade económica e social. Pola falta de recursos económicos básicos ou a proximidade da perda do fogar, por desafiuzamento da vivenda en alugueiro ou lanzamento despois de poxa pública, vítima dos abusos bancarios. Situación agora agravada pola crise sanitaria e socioeconómica, provocada polo novo coronavirus e como afectan as medidas que está tomando o Goberno Español, a Xunta de Galicia e o gobernos municipais, a aquelas persoas que malviven sen teito; ou sen recursos económicos que non se lles concedeu a Risga ou se lle retirou inxustamente; ou con prestacións insuficientes (subsidios, Risga, Rai, pensións non contributivas, ...); ou mesmo empregos precarios, prestacións de desemprego; ou de pensións insuficientes. Por desgraza son moitas as persoas que están no límite da pobreza, mais tamén son moitas miles as que xa son pobres, vulnerábeis e excluídas. Ao que non tardaremos en sumar os despidos inmediatos do emprego temporal, permisos sen remunerar e os ERTEs (Expedientes de Regulación Temporais de Emprego).

A falta de previsión e as medidas de confinamento e distanciamento social, afectan de forma especial ás persoas máis vulnerábeis, en especial ás máis pobres, dependentes e maiores, todo isto sumado resulta unha situación que nos causa especial preocupación e non vemos que se estean tomando medidas que recoñezan esta realidade.

Necesitamos medidas urxentes para atender a aquelas persoas que están sufrindo de xeito especial por mor da pandemia.

Preocupa-nos en especial as persoas pobres e empobrecidas, todas as que dormen nas rúas; as que precisan de entidades sociais para sobrevivir; así como aquelas que agardan pola resolución de axudas sociais; necesitan de xustiza social, de medidas que "aproveiten esta crise para redistribuír a riqueza e poñela así ao servizo daquelas que sofren a precariedade e pobreza" formulan desde a ODS de Coia, palabras que facemos nosas.

As autoridades municipais son as que deberían de elaborar un plan de choque social en cada concello, para atender as necesidades de maiores en soidade e pobres. Por exemplo, en Ferrol, cancelaron os comedores de maiores. A Cociña Económica di que non pode deixar de dar as comidas, mais non deixan circular á xente pola rúa a non ser que vaia a traballar, comprar alimentos, medicamentos,... ou a algunha emerxencia. Hai xente sen teito que durme onde pode. No fogar de transeúntes por norma teñen que saír ás 8 da mañá e ate ás 8 da tarde non poden volver a entrar. Non sabemos se farán unha excepción ou os botaran á rúa até as 8 da tarde. E por outra banda está o asunto do peche dos comedores escolares, pois para moitos pais e nais, era unha garantía para que as súas crianzas tiveran ao menos unha comida garantida durante o día, pois sabemos que a situación económica de moitas familias é moi precaria.

En Ferrol o número de persoas, que viven soas son en total 8.600. Destas as mulleres maiores de 65 anos que viven soas son 3.460 e os homes 955, en total son son 4.415. Son moitas as persoas maiores que viven soas polo que na situación de crise por mor do novo coronavirus (Cevid-19), cumpre un plano municipal de choque para atender ás posíbeis necesidades deste grupo da poboación que grande parte dela, ten aos seus familiares emigrados ou están sen cobertura familiar e pensións moi baixas.

Os grupos municipais, deberían de actuar en consecuencia. Constituír unha comisión municipal social de emerxencia que atenda ás persoas máis vulnerábeis. Poñer á disposición destas, servizos de atención que garantan a alimentación, e a seguridade de todas as persoas maiores e menores, e que cubran as necesidades básicas. Teléfonos de contacto e zonas de atención directa, con recursos a súa disposición.

O estado de alarma e as medidas que se van acordando, se non hai planos de actuación de proximidade, precarizarán aínda máis a situación das persoas máis pobres e os máis vuneábeis; a confinación e o distanciamento social, provoca un maior illamento destes sectores. Necesitamos respostas colectivas dos sectores máis conscientes e implicados socialmente, para esixir con contundencia unha implicación real e efectiva dos poderes públicos locais para enfrentar estas urxencias sociais.

Ferrol, a 16 de marzo, de 20120

Desde  Rede de Apoio Mutuo de Ferrolterra sumamos-nos á campaña, promovida polas nosas compañeiras de ODS-Coia de Vigo: Ante a crise do coronavirus: #FicoNaCasaMaisConRendaBasica.

#Coronavirus
#Covid-19

Rede de Apoio Mutuo de Ferrol Terra - Stop Desafiuzamentos
→ Correo-e:
forosocialdeferrolterra@gmail.com
→ Blogue:
http://stop-desafiuzamentos-ferrolterra.blogspot.com.es/
→ No facebook
facebook Stop Desafiuzamentos Ferrol Terra

Todos os martes (Menos festivos), vemo-nos en Caranza (Ferrol), pola tarde entre as 5 e 7 da tarde, no local da Fuco Buxán A.C. (Local Social Tino Deibe, na Rúa Armada Española, 32 Baixo). Se queres participar achega-te!
_______

Ante a crise do coronavirus: #FicoNaCasaMaisConRendaBasica - Estamos moi inquedas por como van afectar as medidas tomadas polo goberno central a aquelas que malviven de “esmolas sociais”, de empregos precarios ou de pensións insuficientes

Ante a crise do coronavirus: #FicoNaCasaMaisConRendaBasica

Desde o punto información sobre dereitos sociais de Coia amosamos a nosa preocupación pola crise sanitaria e socioeconómica provocada polo Covid-19. Estamos moi inquedas por como van afectar as medidas tomadas polo goberno central a aquelas que malviven de “esmolas sociais”, de empregos precarios ou de pensións insuficientes.

As medidas de confinamento, engadidas a falta de previsión das diferentes administracións, están a afondar a crúa situación que vimos padecendo. Por iso, esiximos medidas urxentes para atender a aquelas persoas que ante a paralización da actividade causada por esta pandemia van ficar sen ingresos ou ver recortados os mesmos. A inquedanza na que están familias e persoas empobrecidas: as que dormen nas rúas, as que precisan de entidades sociais para sobrevivir; así como aquelas que agardan pola resolución de axudas sociais como a RISGA ten que ser respondida con medidas que aproveiten esta crise para redistribuír a riqueza e poñela así ao servizo daquelas que sofren a precariedade e pobreza. O coronavirus non pode engadir un novo castigo para as que malvivimos en medio da riqueza dunhas poucas.

Desde a ODS-Coia alertamos que o “estado de alarma” agrava os recortes sociais que as autoridades veñen aplicando sistematicamente, por iso facemos unha chamada para artellar respostas colectivas que nos permitan saír desta situación con máis dereitos. Moitas persoas e colectivos levamos anos defendendo que fronte as faragullas sociais como a RISGA cómpre organizarse para loitar por dereitos fortes como a Renda Básica das iguais. A RBis permitiría que todas as persoas puideramos vivir cuns mínimos de dignidade.

Cando volvamos ás rúas seguiremos a loitar pola renda básica das iguais e moito máis, pero polo momento aproveitamos para lanzar este lema:

#FicoNaCasaMaisConRendaBasica

Marzo 2020

ODS-Coia
--
OFICINA DEREITOS SOCIAIS - COIA (ODS-Coia)
odscoia.arkipelagos.net | odscoia@riseup.net |@odscoia | tel: 696 618 732 - 679 758 663
Estamos os luns de 10h00 a 12h00 en Coia, nos locais da parroquia do Cristo da Vitoria (rúa Baiona 9, Vigo)

Enviado por:
Oficina Dereitos Sociais - Coia
-dereitossociais@gmail.com-
16 de março de 2020 10:30
_______

A evacuación dos deplorábeis campos de refuxiados das illas gregas é máis urxente que nunca, alertan a doutora Hilde Vochten, a coordinadora MSF en Grecia - Alertamos de que as terríbeis condicións de vida nos campos amoreados aumentan o risco de propagación dun brote de coronavirus (Covid-19) e farían imposíbel a súa contención tralo primeiro caso confirmado en Lesbos

Unha vista xeral fose do campo de refuxiados de Vathy.
Aquí hai 7.300 persoas vivindo nun espazo deseñado para 650.
Máis de 2.500 deles son pícaras e nenos. Anna Pantelia/MSF

A evacuación dos deplorábeis campos de refuxiados das illas gregas é máis urxente que nunca

Alertamos de que as terríbeis condicións de vida nos campos amoreados aumentan o risco de propagación dun brote de coronavirus (Covid-19) e farían imposíbel a súa contención tralo primeiro caso confirmado en Lesbos.

O risco de propagación do virus Covid-19 entre os habitantes dos campos é extremadamente alto pola falta de servizos de saneamento adecuados e a enormemente limitada atención médica. Dado que xa se confirmou o primeiro caso na illa de Lesbos dunha cidadá grega, a evacuación dos campos é máis urxente que nunca.

"Nalgunhas partes do campo de Moria só hai unha billa de auga por cada 1.300 persoas e non hai xabón dispoñíbel. Familias de cinco ou seis membros teñen que durmir en espazos de non máis de tres metros cadrados. Isto significa que as medidas recomendadas para previr a propagación do virus, como o lavado frecuente de mans e o distanciamento social, resultan simplemente imposibles", afirma a doutora Hilde Vochten, a nosa coordinadora en Grecia.

Gobernos de todo o mundo están cancelando eventos e prohibindo grandes concentracións de poboación, pero nos campos das illas gregas do Egeo, refuxiados, migrantes e solicitantes de asilo non teñen máis opción que vivir nun espazo moi reducido. A súa saúde está en perigo e as condicións nas que viven fanos máis vulnerables que o resto da poboación ante a última das ameazas á que teñen que facer fronte.

"Estamos en contacto coa Organización Nacional de Saúde Pública para coordinar accións, como facilitar información de saúde e higiene e a xestión de casos tanto de residentes locais como solicitantes de asilo", explica Vochten. "Pero debemos ser realistas: sería imposíbel conter un brote en campos como os que hai en Lesbos, Quíos, Samos, Leros e Kos. Aínda non vimos un plan de urxencia verosímil para protexer e tratar ás persoas que viven alí en caso de brote".

As autoridades sanitarias deben deseñar unha estratexia que inclúa medidas de prevención e control de infeccións, promoción da saúde, identificación rápida de casos, illamento e manexo dos casos leves, así como o tratamento dos pacientes en situación grave e crítica.

Como ningunha destas medidas púxose en marcha, a evacuación dos campos das illas gregas é agora máis urxente que nunca. Forzar ás persoas a vivir alí como parte da política de contención de Europa sempre foi irresponsábel, pero está a piques de converterse en criminal si non se toman medidas para protexelas.

Ao redor de 42.000 solicitantes de asilo están atrapados en cinco centros de identificación e rexistro (os chamados "hotspots") nas illas gregas. Malia que pedir o seu evacuación durante unha pandemia pode provocar temor; con todo, obrigar ás persoas a vivir en campos sobrepoboados, desprotexidos, está a piques de converterse nun acto criminal.

O Goberno grego e os Estados membros da UE deben actuar canto antes e transferir á maioría dos solicitantes de asilo a un lugar adecuado antes de que sexa demasiado tarde.

Fonte: MSF - 13.03.2020 | Ir á Web.

Colabora con MSF:A túa axuda é imprescindíbel para que podan seguir ofrecendo asistencia médico-humanitaria ás persoas que máis a necesitan. Sen ti, a súa labor non é posíbel. | Máis Info.
_______

Mobilización en Ferrol, como noutras cidades da Galiza, contra o golpe de estado en Bolivia - Hoxe xoves 21 de novembro, ás 20:30hs, no Palco da Música do Cantón

Mobilización en Ferrol, como noutras cidades da Galiza, contra o golpe de estado en Bolivia, pola democracia, en solidariedade co pobo boliviano e o seu lexitimo presidente Evo Morales.

Hoxe xoves 21 de novembro, ás 20:30hs, no Palco da Música do Cantón.

#Galiciacon Bolivia
#Galiciacon Evo
#GolpedeestadoenBolivia
#Evoelmundoestacontigo

'Paremos o golpe de Estado en Bolivia'

Máis dun cento de economistas, historiadoras, labregas, docentes, políticas e escritoras da Galiza e doutros territorios do Estado asinan o manifesto ‘Paremos o golpe de Estado en Bolivia’. 25 persoas faleceron no país após a dimisión de Evo Morales a causa da represión das forzas militares e policiais.

O manifesto comeza cos últimos datos achegados pola 'Defensoría del Pueblo de Bolivia'. “A represión levada a cabo polos que asaltaron o poder democrático en Bolivia causou até o momento 25 mortos”.

Aos últimos nove rexistrados, tiroteados na cabeza e no tórax, “hai que sumar dous máis no lugar de Sacaba, na rexión de Cochabamba, ao atacar a policía e o exército unha marcha pacífica de produtores de coca cara a capital do país, La Paz”.

Ademais, escriben, os feridos -moitos deles graves- e as persoas detidas ou desaparecidas cóntanse por centos.

Golpe represor e ditatorial

“A realidade que se están a vivir en Bolivia, Ecuador, Chile, Haití ou Honduras, fainos retroceder á antesala dos peores tempos que se viviron naquela área do mundo, nas década dos 70 e os 80 do século XX”, apuntan, “a partir dos plans perpetrados desde a coñecida 'Escuela de las Américas'”.

Segundo din, “segue a funcionar noutra localización baixo o nome de 'Instituto del Hemisferio Occidental para la Cooperación en Seguridad', ao servizo do dominio norteamericano de Latinoamérica”.

Defensa da soberanía dos pobos

As asinantes do manifesto Paremos o golpe de estado en Bolivia aseguran que denunciar a natureza “represora e ditatorial do golpe de Estado en Bolivia” é un “imperativo ético e, ao tempo, unha enérxica acción na defensa das liberdades e da soberanía dos pobos”.

En consecuencia, din, “rexeitamos o recoñecemento do autoproclamado goberno de Áñez por parte dos Estados Unidos de América (EUA), Brasil e a UE e prememos a Comunidade Internacional para que actúe de contado e deteña esta barbarie”.

Asinantes

Entre as asinantes figuran profesionais da xustiza, da administración, do ensino e do mundo editorial; catedráticas, xubiladas, sindicalistas e feministas; políticas e investigadoras da Galiza, Catalunya e Euskadi, ademais doutros territorios do Estado, da Arxentina e dos EUA. Algúns nomes de persoas que asinaron o manifesto:

Ana Miranda, portavoz BNG en Europa

Paulo Carril, secretario xeral da CIG

Gorka Knorr, cantautor e político vasco

Xosé M. Núñez Seixas, historiador

Justo Beramendi, historiador

Paula Godinho , profesora Universidade Nova de Lisboa

Xurxo Borrazás, escritor.

Xosé Manuel Pereiro, xornalista.

Suso de Toro, escritor.

Uxío Breogán Diéguez Cequiel, historiador e profesor universitario.

Eliseo Fernández, historiador.

Xosé Luis Santos Cabanas, escritor e funcionario.

Lola Varela, docente.

Dionísio Pereira, historiador.

Eliseu Carbonell, antropólogo, Catalunya.

Hernán Díaz, profesor universitario e historiador, Arxentina.

Emilio Xosé Insua, profesor e historiador.

Manuel Monge, escritor e activista.

Gonzalo Amoedo, pensionista.

Joam Lopes Facal, economista e escritor.

Antonio Pérez, antropólogo, Extremadura.

Manuel Pérez Lorenzo, historiador.

Xosé Ramón Ermida, investigador.

Carlos Velasco Souto, profesor UDC e historiador.

Lourenzo Fernández Prieto, profesor USC e historiador.

Braulio Amaro, activista social.

Xerardo Dasairas, investigador.

Olga Novo, escritora e profesora.

Xosé Álvarez Castro, profesor xubilado.

Darío Xohán Cabana, escritor.

Xavier Campos, xestor cultural e responsábel comunicación BNG.

Xosé Enrique Acuña, editor.

Héitor Picallo, escritor e ilustrador.

Xabier Pérez Dávila, economista.

Serafín Otero, responsábel local BNG Vigo.
Fonte do Maifesto: Sermos Galiza.
_____________________

A luita obreira nom é delito! - Hoje terça-feira 29 de outubro, às 20hs, manifestaçom em solidariedade com Anxo Pintos - A Fundaçom Artábria somamo-nos à convocatória do sindicalismo ...

Fundaçom Artábria com Pintos. A luita obreira nom é delito!

Da Fundaçom Artábria somamo-nos à convocatória do sindicalismo nacional e de classe e de outros sindicatos que decorrerá amanhá, terça-feira 29 de outubro, na nossa cidade. A mobilizaçom, que partirá às 20.00hs do prédio Administrativo da Junta da Galiza, forma parte da campanha solidária com o que foi o Responsável Comarcal da CIG-Ferrol Xesús Anxo López Pintos que será julgado os próximos 13, 14 e 15 de novembro nos Julgados Provinciais da Corunha acussado de atentado à autoridade.

Os factos polos que a fiscalia pide 2 anos de prisom para Pintos remontam-se a outubro de 2012 quando umha mobilizaçom de operários de Navantia e Poligal concentravam-se diante do Hotel Almirante, onde decorria o início da campanha eleitoral do Partido Popular para as Eleiçons ao Parlamento Galego. A polícia espanhola cargava contra os e as manifestantes levando detido ao na altura dirigente da CIG e deixando vári@s ferid@s.

Todas recordamos a imagem dum Pintos com a cabeça aberta pola brutalidade policial e a posterior denuncia de torturas na Esquadra Policial.

Da nossa entidade apelamos a participar à classe trabalhadora ferrolana, com destaque para a nossa base social, a participar nesta mobilizaçom contra a repressom e a brutalidade policial.

Se tocam a umha, tocam-nos a todas!
A luita obreira nom é delito!

--
Travessa de Batalhons nº7   Esteiro
15403 Ferrol - GALIZA
Telefone:  +34 981 35 29 86
www.artabria.net

Segue-nos em twitter @fartabria e em facebook!

A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Enviado por:
Fundaçom Artábria
-artabria@artabria.net-
28 de outubro de 2019 18:16
___________

Participación e premios na Carreira da Muller 2019 na cidade d'A Coruña da Asociación Oncohematolóxica POR+VIDA de Fene

Participación e premios na Carreira da Muller 2019 na cidade d'A Coruña da Asociación Oncohematolóxica POR+VIDA de Fene

A nosa asociación ven de participar hoxe pola mañá, 22 setembro, na cidade herculina na 7º edición da Carreira da Muller sendo tamén a nosa sétima participación.

Contamos coa colaboración do concello de Fene, como ven sendo dende os últimos seis anos con dous autobuses para o desprazamento para a carreira.

O percorrido  de 6,5 km saíu ao carón do estadio de Riazor ata pasar a Torre de Hércules e regresar ao sitio de comezo da carreira. Foi seguido dun festival de aerobic para deixar os trofeos ao final desta xornada.

Dicir que a nosa asociación, veterana en participación e nos premios tamén, non veu de balde pois recolle o primeiro premio á participante máis veterana (modalidade por riba dos 72 anos) Josefa Freire de 83 anos, veciña de Valdoviño que curiosamente xa gañara no ano 2013 na 1ª edición da carreira en A Coruña. E o segundo trofeo foi como segunda asociación con máis mulleres participantes.

--
por + vida
Asociación oncohematolóxica
Tlf. 650 812 030
pormaisvida2011@gmail.com
pormaisvida2011.blogspot.com

Enviado por:
Asociación Oncohematolóxica POR+VIDA
-pormaisvida2011@gmail.com-
22 de setembro de 2019 18:42
______________

Colectivos de Ferrol sumaron-se á mobilización internacional contra a inxerencia imperialista e do golpe de estado en Venezuela, cunha concentración no Cantón - Inclue vídeo do acto e listado de medios para manterse inform@ e derrotar o cerco mediáticos

A tardiña do 5 de febreiro,  un numeroso grupo de persoas deron-se cita no Cantón de Ferrol, para amosar a súa repulsa ante inxerencia imperialista en Venezuela e contra o intento de golpe de estado.

O acto que consistiu nunha concentración e a lectura dun comunicado asinado por 12 colectivos, asociacións, sindicatos e partidos, en solidariedade co pobo venezolano, música venezolana e a sinatura dun escrito dirixido aos medios de comunicación pedindo unha información veraz e onde estean representadas as opinións de todas as partes en conflito.


https://youtu.be/x9iJIHVHwFs
---

LISTADO DE SITIOS PARA MANTERSE INFORMAD@ E DERROTAR O CERCO MEDIÁTICO.

INDISPENSÁBEL.

SEGURAMENTE QUEDARON FORA MOITOS MEDIOS.

A IDEA É QUE ESTA LISTA MEDRE

*NODAL* (Internacional)

http://www.nodal.am

 *Negra del Sur* (Revista)

http://www.negradelsur.com

 *La Señal Medios* (Noticias)

http://www.xn--lasealmedios-dhb.com.ar

 *Hamartia* (Revista)

http://hamartia.com.ar

 *Garganta Poderosa* (Revista)

http://www.lapoderosa.org.ar

 *El Orden Mundial* (Internacionales)

https://elordenmundial.com

 *Eppa* (Noticias economía)

http://eppa.com.ar

 *Diario Contexto* (Noticias)

http://www.diariocontexto.com.ar

 *Annur TV* (Internacionales)

http://www.annurtv.com

 *Anfibia* (Revista)

http://www.revistaanfibia.com

 *Tiempo Argentino* (Noticias)

https://www.tiempoar.com.ar

 *Revista Crisis* (Revista)

http://www.revistacrisis.com.ar

 *Revista Ajo* (Revista)

http://www.revistaajo.com.ar

 *Revista Veintitrés* (Revista)

https://www.veintitres.com.ar

 *Redeco* (Noticias)

http://www.redeco.com.ar

 *VoltaireNet* (Internacionales)

http://www.voltairenet.org/es

 *RNMA* (Noticias)

http://www.rnma.org.ar

 *Página 12* (Noticias)

https://www.pagina12.com.ar

 *Realpolitik* (Noticias)

http://realpolitik.com.ar

 *Razón y Revolución* (Noticias)

http://razonyrevolucion.org

 *Question Digital* (Internacional)

http://questiondigital.com

 *El periódico de la vaca* (Revista)

http://www.lavaca.org/mu/

 *Panamá Revista* (Revista)

http://panamarevista.com

 *OtherNews* (Internacionales)

http://www.other-news.info/noticias/

 *Nueva Sociedad* (revista)

http://nuso.org

 *Nuestras Voces* (noticias)

http://www.nuestrasvoces.com.ar

 *Notas* (Noticias)

https://notasperiodismopopular.com.ar

 *Nexos* (Revista)

https://www.nexos.com.mx

 *Marcelo Falak* (Blog)

https://marcelofalak.wordpress.com

 *Letra P* (Noticias)

http://www.letrap.com.ar

 *Katehon* (Internacionales)

http://katehon.com/es

 *Investigación* (Internacionales)

https://www.investigaction.net/es/

 *Anred* (Noticias)

http://anred.org/spip.php?page=pages_mobiles&squelette_mobile=mobile/sommaire&

 *Infobaires* (Noticias)

http://www.infobaires24.com.ar

 *La Izquierda Diario* (Noticias)

http://www.laizquierdadiario.com

 *Voces Globales* (Internacionales)

https://es.globalvoices.org

 *El Destape* (Noticias)

http://www.eldestapeweb.com/contenidos/home.html

)

 *Sin Permiso* (Internacional)

http://www.sinpermiso.info/autores/latinoamerica-piensa

 *Revista Sudestada* (Revista)

http://www.revistasudestada.com.ar

 *Question Unlp* (Revista)

http://perio.unlp.edu.ar/ojs/index.php/question/

 *Voces en el Fénix* ( Revista)

http://www.vocesenelfenix.com

 *Lemonde* (Revista)

http://www.eldiplo.org

 *El Disenso* (noticias)

http://www.eldisenso.com

 *El Ortiba* (Noticias)

http://elortiba.org

 *Telesur* (internacional)

https://www.telesurtv.net

 *Rebelión* (Internacionales)

http://www.rebelion.org

 *7D* (Noticias)

https://www.facebook.com/7Diciembre2012/

 *Horizontes del Sur* (Revista)

http://horizontesdelsur.com.ar

 *El Estadista* (Revista)

http://elestadista.com.ar

 *En Orsai* (Noticias)

http://www.enorsai.com.ar

 *Contrapunto* (Revista)

https://www.facebook.com/contrapuntos.elpais.pablogentili/

 *AM750* (Radio)

http://750.am

 *Del Plata* (Radio)

http://www.amdelplata.com

 *Futurock* (Radio)

http://futurock.fm

 *Radio Rebelde* (Radio)

http://radiorebelde.com.ar

 *Radio Cooperativa* (Radio)

https://radiocooperativa.com.ar

 *FM La Patriada* (Radio)

http://www.fmlapatriada.com.ar

 *Radio Gráfica* (Radio)

http://www.radiografica.org.ar

 *FM La Tribu* (Radio)

http://fmlatribu.com

 *Radio Megafon* (Radio)

http://www.megafonunla.com

 *Bastión Digital* (Noticias)

http://ar.bastiondigital.com

 *RT* (Internacionales)

https://actualidad.rt.com

*La Tecla N*(Revista)

http://www.lateclaene.com/sumario.

*Sermos Galiza*

 https://www.sermosgaliza.gal/

____________________

Constituíu-se en Ferrol unha plataforma para amosar a repulsa á inxerencia imperialista en Venezuela, contra o intento de golpe de estado e en solidariedade co pobo venezolano, para o cal convocou-se unha concentración que terá lugar o vindeiro martes 5 de febreiro ás 19:30hs no Cantón de Ferrol - Manifesto

Constituíu-se en Ferrol unha plataforma para amosar a repulsa á inxerencia imperialista en Venezuela, contra o intento de golpe de estado e en solidariedade co pobo venezolano, para o cal convocou-se unha concentración que terá lugar o vindeiro martes 5 de febreiro ás 19:30hs no Cantón de Ferrol.

O pasado mércores 31 de febreiro, no Ateneo Ferrolán tivo lugar unha Asemblea Aberta, coa participación de numerosas persoas a nivel particular e diferentes entidades como a Asociación Cultural Fuco Buxán, o Bloque Nacionalista Galego, a CIG - Unión Comarcal Ferrol, a Marea de Ferrol, o Partido Comunista dos Pobos de España - Comunistas de Galiza - Forxa e Podemos que acordaron unir-se ao movemento internacional que se está mobilizando en todo o mundo, contra a inxerencia imperialista en Venezuela que despois de case dúas décadas de agresións e bloqueo económico, promoveu un segundo golpe de estado coa autoproclamación de Juán Guaidó  como presidente. A plataforma que nace para promover accións contra o intento de golpe de estado, está aberta a novas incorporacións, convocou a súa primeira acción para o vindeiro martes 5 de febreiro e acordou apoiar o manifesto que transcribimos a continuación.

Galiza Con Venezuela

Pola soberanía dos pobos

O pobo irmán da Venezuela está a sofrer un Golpe de Estado que ataca o goberno escollido nas urnas do Presidente Nicolás Maduro, que pretende destruír a Revolución Bolivariana e o seu proxecto de independencia e soberanía e que nós, desde a Galiza, rexeitamos frontalmente, firmemente, sen reticencias.

Un Golpe de Estado que parece protagonizado pola dereita opositora -oligárquica, apátrida e sometida aos intereses estranxeiros-, porque o 23 de xaneiro, aproveitando a data simbólica que conmemora a caída do ditador Marcos Pérez, un dos seus deputados, Juan Guaidó, se encaramou a un escenario preparado de antemán e se autoproclamou “presidente encargado” do país. Un Golpe de Estado cuxos líderes aseguran seguir a Constitución, pero que invoca artigos que, na realidade, non son aplicábeis á situación que previamente eles mesmos crearon. Un Golpe de Estado que descoñece á mantenta que Venezuela xa ten un Presidente, eleito democraticamente en 2013 e de novo en 2018, con máis de 6 millóns de votos e do 67% dos votos emitidos. Foron eleccións libres, como recoñeceron os centos de observadores internacionais, a pesar de que unha parte da oposición (precisamente a que agora se amotina) decidise non se apresentar.

Nós sabemos, porén, que toda esta operación ridícula e ao mesmo tempo irresponsábel non é cousa desa fracción opositora. Guaidó e o resto de personalidades que inmediatamente correron a refuxiarse na embaixada de Colombia en Caracas son apenas os títeres dun poder que leva desde 2002 tentando destruír a Revolución Bolivariana e que ten a súa sede en Washington e os seus ollos permanentemente postos nos recursos naturais venezuelanos.

Un poder que xa destruiu e continúa a destruír países no seu propio beneficio, de Siria á Ucrania, do Iraque á Libia, e que alimentou todas as ditaduras da América Latina, cos seus correspondentes Golpes de Estado: Pinochet en Chile, Videla na Arxentina, Banzer en Bolivia, Somoza en Nicaragua, Noriega en Panamá, Stroessner en Paraguai, Trujillo na República Dominicana, Batista en Cuba, etc., ou, máis recentemente, os chamados «golpes brandos» en Paraguai, en Honduras, no Brasil. Ese mesmo poder que desde hai anos mantén o bloqueo sobre os activos de Venezuela no estranxeiro -millares de millóns de dólares cuxo secuestro pavimenta unha crise económica real que a oligarquía golpista venezolana promete resolver recorrendo ás migallas humanitarias dos Estados Unidos e ao Fondo Monetario Internacional. Ese mesmo poder que leva anos a exercer a guerra comercial, mediática e diplomática contra a Revolución, que tratou por todos os medios de desmontar o proceso de integración latino-americana impulsada por Hugo Chávez e Fidel Castro e que en 2015 acusou o goberno do Presidente Nicolás Maduro de representar unha “ameaza para a súa seguranza nacional” por non deixar de exercer a soberanía da Venezuela en todos os frentes e en todas as circunstancias. Por outras palabras: por non se deixar roubar e rapinar. Mas ese poder, que é o poder do capitalismo sen fronteiras e sen escrúpulos, non só actúa desde Washingon. Do outro lado do Atlántico Norte tamén varios países da Unión Europea esqueceron o dereito internacional e se creron en disposición de daren ultimatos a un país soberano. Entre eles, o Estado español; o mesmo estado que, cunha man, exixe eleccións “libres” (que só serán “libres” se gañar a oligarquía) mentres coa outra envía forzas policiais para impedir como sexa un referendo de autodeterminación en Catalunya e que mantén presos e presas políticas dispersadas nos seus cárceres. Non nos sorprende, porén. O Estado español nunca deixou de acariciar en secreto a idea imperialista de que o que acontece en Venezuela, en Bolivia, en Cuba, en Nicaragua é unha cuestión de “política interna”, como expresou recentemente o seu ministro de relacións exteriores, Josep Borrell. Non nos sorprende, porque o enfrentamos todos os días, pero non por iso deixamos de condenalo. Señor Josep Borrell, señor Pedro Sánchez, hai moitos anos que América Latina se soubo libertar do seu imperio en decadencia. Primeiro con Bolívar, San Martín, Sucre ou Martí; e despois cos axentes da Segunda Independencia. Deixen América Latina tranquila. Deixen Venezuela vivir en Paz e progresar no modelo de país que a súa poboación escolleu maioritariamente.

Paren o Golpe de Estado na Venezuela!

Paren de dar ultimatos ridículos e de recoñecer títeres!

Respeiten a democracia e a soberanía dos pobos!

Galiza, 30 de Xaneiro de 2019.

#GalizaVenezuela

Asinan:

Asociación Cultural Fuco Buxán

Bloque Nacionalista Galego - Ferrol

CIG - Unión Comarcal Ferrol

Marea de Ferrol

Partido Comunista dos Pobos de España - Comunistas de Galiza - Forxa

Podemos Ferrol
_______

Presentada a campaña #AlumeandoAMiseria pola Asemblea por un Vigo +Social

Presentada a campaña #AlumenadoAMiseria

Esta mañá ao redor dun cento de persoas acudiron a rolda de prensa convocada pola Asemblea por un Vigo +Social na que presentabamos a campaña #AlumeandoAMiseria.

Xuntamos o comunicado que limos na rolda:

O Concello de Vigo pretende cegarnos coas súas luces de Nadal para que non vexamos a miseria e o sufrimento que a política social deste Concello provoca na cidadanía. A tal fin, non dubida en gastar case un millón de euros en decoración de Nadal mentres moitas veciñas sofren graves problemas económicos e carencias de todo tipo que non lles permiten satisfacer as súas necesidades básicas.

As institucións públicas, supostamente creadas e destinadas a garantir unha vida digna para todas, prefiren deixar nas sombras a realidade cotiá, antipática e pouco fotoxénica, ao tempo que constrúen un modelo de cidade “escaparate”, fermosa pero pouco humana, unha sorte de gran parque de atraccións para turistas. Un modelo de cidade, no que só teñen cabida as persoas con capacidade de participar no consumismo de Nadal, mentres as empobrecidas continuamos a ficar excluídas.

O Concello prefire esa iluminada realidade inventada, de falsa felicidade, onde só contan os intereses privados, a economía de traballos lixo ligados ao turismo e a imaxe de que todo vai moi ben, no que parece ser unha campaña electoral que nunca remata para o equipo de goberno municipal.

A cidade que nós coñecemos é moi distinta. Na nosa cidade, a real e escura, a non iluminada, as veciñas non reciben axuda debido á suposta insuficiencia de orzamento por parte do Concello, mentres este paga millóns de euros en indemnizacións a grandes empresas privadas, como as concedidas aos aparcadoiros subterráneos ou ao ruinoso auditorio Mar de Vigo, e segue a facer negocio coa política social ao destinar millóns de euros a esas grandes empresas que xestionan os servizos sociais máis básicos.

Mentres, non hai cartos nin vontade para combater problemas tan reais como a suba constante dos prezos dos alugueiros e a dificultade de moitas de nós para acceder a unha vivenda digna. Non hai cartos nin vontade para combater a pobreza enerxética e o drama que isto supón para centos de familias.

Non hai cartos nin vontade para impedir o peche da oficina de atención ás migrantes nin o recorte de persoal nos Servizos Sociais.

A resposta do Concello aos nosos problemas parece ser entón que alimentemos as nosas familias con paquetes multicolores, que combatamos o frío nos pisos, que apenas podemos pagar, con ducias de luces e grilandas, e convertamos en felicitacións de Nadal as facturas impagadas que acumulamos.

Non doutra maneira se pode entender que este goberno invista en dous meses:

1. Un millón de euros de decoración de Nadal fronte aos 139.000 euros de orzamento que destina ao albergue municipal nese mesmo período.
2. Un millón de euros de decoración de Nadal fronte aos 160.000 euros de orzamento que destina a axudas extraordinarias a familias sen recursos nese mesmo período.
3. Un millón de euros de decoración de Nadal fronte aos 12.000 euros de orzamento que destina á teleasistencia para maiores nese mesmo período.
4. Un millón de euros de decoración de Nadal fronte aos 50.000 euros de orzamento que destina a axudas para pagamento de facturas eléctricas nese mesmo período.
5. Un millón de euros de decoración de Nadal fronte aos 77.000 euros de orzamento que destina a axudas de emerxencia para alimentos e produtos básicos nese mesmo período.
6. Un millón de euros de decoración de Nadal fronte aos 160.000 euros de orzamento que destina a axudas de libros, material escolar e comedor nese mesmo período.
7. Un millón de euros de decoración de Nadal fronte aos 16.665 euros de orzamento que destina a axudas á calidade e mellora do emprego da mocidade nese mesmo período.
8. Un millón de euros de decoración de Nadal fronte aos 2.000 euros de orzamento que destina a axudas para mulleres vítimas da violencia machista nese mesmo período.
9. Un millón de euros de decoración de Nadal fronte aos 36.250 euros de orzamento que destina a museos, patrimonio histórico e biblioteca nese mesmo período.

Por isto esiximos, un ano máis, que se priorice a vida, a xustiza social e as necesidades das persoas por riba das banalidades, os adornos e os intereses privados.

Vigo, 23 de novembro 2018


https://youtu.be/2vMROSXa7jQ
Asemblea por un Vigo +Social #AlumeandoAMiseria

facebook.com/alumeandoamiseria | @maissocialvigo


Enviado por:
Mais Social
-maissocialvigo@gmail.com-
23 de novembro de 2018 12:29
_________

Lídia Senra pide que a CE investigue se detrás do edificio A Patiña en Cambre hai fundos voitre. | A eurodeputada informa en Bruxelas sobre os desafiuzamentos que a inmobiliaria do Banco Santander pretende levar a cabo nesas vivendas. | Denuncia que persoas sen recursos quedarían sen fogar e exixe cumprir o dereito fundamental á vivenda e frear a posible especulación.

 
Lídia Senra pide que a CE investigue se detrás do edificio A Patiña en Cambre hai fundos voitre. | A eurodeputada informa en Bruxelas sobre os desafiuzamentos que a inmobiliaria do Banco Santander pretende levar a cabo nesas vivendas. | Denuncia que persoas sen recursos quedarían sen fogar e exixe cumprir o dereito fundamental á vivenda e frear a posible especulación.

A eurodeputada galega Lídia Senra presentou este xoves un escrito en Bruxelas dirixido á Comisión Europea (CE)[1] no que informa sobre a preocupante situación que se está a dar co edificio A Patiña, en Cambre (A Coruña)[2]. Senra pon en coñecemento do ente comunitario que a consultora Altarmira, inmobiliaria do Banco Santander, notificou a inquilinos deste lugar que o seu contrato, establecido en base a réxime especial de protección oficial, está a punto de expirar e que terán que marchar das casas porque non lles renovarán o aluguer. Dita urbanización ergueuna a finais dos anos 90 a construtora Fadesa, a través dun acordo coa Xunta de Galicia, que contemplaba que os pisos se alugarían durante 20 anos a persoas desfavorecidas, e Fadesa despois vendeullo a Altamira.

A europarlamentaria considera moi grave esta situación, máxime tendo en conta que no edificio residen moitas persoas con rendas moi baixas e sen recursos ou en diferentes situacións de risco social. Así, reclama que se cumpra co establecido na propia Carta dos Dereitos Fundamentais da UE, que nos seus artigos 7 e 34 recolle que toda persoa ten dereito ao respecto do seu domicilio e que co fin de combater a exclusión social e a pobreza, a Unión recoñece e respecta o dereito a unha axuda social e a unha axuda de vivenda para garantir unha existencia digna a todas aquelas persoas que non dispoñan de recursos suficientes

Senra considera inadmisible que se poidan levar a cabo os posibles desafiuzamentos inminentes e reclama á Comisión Europea que investigue a situación. Así, pide saber se a CE ten constancia de se esas vivendas se financiaron no seu día con fondos europeos para a vivenda social. Tamén, e dado que as persoas inquilinas sospeitan que a inmobiliaria do Santander pode ter vendido o edifio ou o negocio dos seus alugueres ao fondo buitre estadounidense Blackstone, Lídia Senra reclama que a CE investigue a posible venda e especulación que se podería estar a facer con estas vivendas sociais. “Os dereitos das persoas teñen que estar sempre por riba do capital e non ao revés”, defende a europarlamentaria. “É hora de que a CE deixe de mirar para outro lado e lle pare os pés á especulación”, di, para facer tamén unha chamada de atención ao Goberno da Xunta e reclamarlle que tome xa medidas neste asunto. “Que vivendas sociais acaben en mans dos intereses de neoliberalismo e do capitalismo financeiro e especulador e que a xente quede sen casas por iso é un ataque ao dereito das persoas a unha vida digna”, zanxa.

Santiago, 18 de outubro de 2018.

Lídia Senra, eurodeputada galega, integrada no Grupo Confederal da Esquerda Unitaria Europea/Esquerda Verde Nórdica (GUE/NGL). | Tlf: 609 845 861, lidia.senra@europarl.europa.eu
http://lidiasenra.gal/ | https://www.facebook.com/LidiaSenraRodriguez.

Nota.-

[1] Aquí pódese ver o escrito rexistrado hoxe na Comisión Europea por Lídia Senra:
https://lidiasenra.gal/wp-content/uploads/2018/10/PE-Posibles-desafiuzamentos-A-Pati%C3%B1a-Cambre-18-10-18.pdf

[2] Información publicada ao respecto nos últimos días:
https://www.publico.es/economia/desahucios-inmobiliaria-santander-amenaza-desahuciar-decenas-familias-pobres-edificio-renta-protegida-coruna.html

Enviado por:
AGEe Europa
-ageeneuropa@gmail.com-
18 de outubro de 2018 12:57
_______________