Autoconvocatoria para unha reunión sobre a iniciativa Lexislativa Popular relativa ao Sector Naval: venres 14 de Novembro

De: AVV FERROL VELLO -avvferrolvello@yahoo.es-
Para: artabra21@gmail.com
Data: 12 de novembro de 2008 16:49
Asunto: Iniciativa Lexislativa Popular



Iniciativa Lexislativa Popular

REUNIÓN EN RÉXIME DE AUTOCONVOCATORIA SOBRE A INICIATIVA LEXISLATIVA POPULAR RELATIVA AO SECTOR NAVAL

Cremos que o conxunto da sociedade estaría disposta a defender unha Iniciativa Lexislativa Popular sobre o sector naval, singularmente sobre a recuperación do antigo astaleiro de Astano para a construción naval civil.

Tendo en conta que temos unha Consellería de Industria disposta a reabrir a antiga Astano á produción naval civil, uno dos motores económicos para o benestar da nosa comarca.

Con mais razón se cabe no contexto da profunda crise económica mundial na que vivimos, e que nada ten que ver cosector da construción naval civil.

Un sector vivo e en auxe que obriganos a non desaproveitar nin as instalacións de Fene nin a experiencia e recoñecido prestixio dos nosos profesionais.

Por esta razón, convócase unha reunión, para o vindeiro Venres 14 de novembro ás 19:00 horas no Pavillón 4 A de FIMO, onde se aprobará entre todos os asistentes o texto da Iniciativa Lexislativa Popular e se abordarán todos os pasos necesarios para a súa explicación no seo da sociedade e para a súa tramitación parlamentaria.

Esperando a implicación social neste traballo, a prol do futuro da nosa comarca.

Un saúdo

________________________

A. VV. FERROL VELLO
Xunta Directiva
C/ Curro, 1. 15401 - FERROL
Tlf./fax: 981.356842
Móvil: 638176108
avvferrolvello@yahoo.es
_______________________

Reunión Aberta a toda persoa interesada na defensa dos animais, sábado 15 de Novembro, no Ateneo Ferrolán, convocada por Cometa

De: Asociación Cometa -correo@asociacioncometa.com-
Para: artabra21@gmail.com
Data: 11 de novembro de 2008 21:17
Asunto: Reunión sábado 15 no Ateneo Ferrolán



Reunión sábado 15 no Ateneo Ferrolán

Boas tardes, informámosvos que este Sábado día 15, ás 12,00 do mediodía, celebraremos no Ateneo Ferrolán unha reunión aberta, á que pode asistir calquera persoa interesada, na que se tratará principalmente a situación da canceira municipal de Ferrol, e as accións a tomar para evitar que se contrua algo que nos venden como un grande avance (calquera cousa éo cando non hai nada), e en realidade é unha volta atrás de polo menos 10 anos, sendo xenerosos. Como dixo un socio, píntannos de rosa unha cousa que é negra.

Un saúdo, esperámosvos.
__________

Asociación para un COMportamento ÉTico cos Animais COMETA

Tlfno. 617 040 992

correo@asociacioncometa.com

www.asociacioncometa.org
_______________

Contra a violencia machista: este mércores 12 de Novembro concentración en Ferrol en repulsa polo asasinato dunha muller en Vilaboa

De: lupe ces -lupeces@gmail.com-
Para: artabra21@gmail.com
Data: 12 de novembro de 2008 00:27
Asunto: concentraçons

CONCENTRACIÓNS, MÉRCORES 12 DE NOVEMBRO, ÁS 8 DA TARDE, NA PRAZA DO CONCELLO DE FERROL E DIANTE DO MARCO EN VIGO, EN REPULSA POLO ASASINATO DUNHA MULLER EN GALIZA

A Marcha Mundial das Mulleres quere manifestar a súa dor e a súa repulsa polo asasinato dunha muller a máns do seu ex-compañeiro sentimental na área de servizo da autopista en Vilanova.

Unha vez máis temos que constatar que o machismo mata, que as cotas de liberdade conseguidas polas mulleres teñen un alto coste en vidas humanas; que a desobediencia e o cuestionamento da autoridade masculina ten un prezo que a sociedade non valora na xusta medida.

Xa é hora de que a sociedade que está a prol da igualdade se comprometa dun xeito máis activo e contundente contra o machismo que provoca esta violencia. Nón é suficiente unha lei; non abonda con castigar aos agresores; é preciso cuestionar todas e cada unha das estructuras que fomentan ou sosteñen a desigualdade.

A Marcha Mundial das Mulleres convoca concentracións de repulsa diante deste novo asasinato expresando así o noso rexeitamento a esta acción criminal e reclamando á sociedade galega un compromiso firme e sen trégua na loita contra o machismo.

--
Lupe Ces Rioboo
981946412/652201003
http://lupeces.blogspot.com/

Xuntanza- rede de troco, mercado, ... este venres, 14 de Novembro

De: noe -olaolaoola@hotmail.co-
Para: artabra21@gmail.com
Data: 11 de novembro de 2008 23:17
Asunto: xuntanza- rede de troco, mercado


OPAÍ !!

Esta sexta-feira (ou venres) temos de ultimar tódolos detalles deste mercadiño de troco.

Malia que a rede funcione sobretodo por internet, a idea é pór cada certo tempo un posto real ao que se poida ir trocar en persoa, cadaquen coas súas cousas...

Vémonos todas e todos ás 8 e 1/2, no centro social da Asociazón de Veciñas de Ferrol Vello.

Isto é a carón do peirao de Curuxeiras; vindo dende a Praza Vella, na segunda rúa que sobe pasando por baixo dun arco entre as casas; onde están as mesiñas dos bares, a carón mesmo da botica.

A idea é que fique xa todo decidido e as tarefas distribuídas... isto xa non ten volta atrás...!!!

Unha aperta moi forte
(e pásao a quen lle poida intersar!)
__________

"Democracy Now!" ofreceu unha cobertura Especial sobre as Eleccións 2008 en EEUU

DN!: Cobertura Especial: EEUU/Eleccións 2008

"Democracy Now! en español" 5 de novembro de 2008 20:30

Neste envío, Democracy Now! en Español inclúe a cobertura especial sobre as históricas eleccións presidenciais en Estados Unidos, que deron a vitoria ao candidato demócrata de orixe afro-estadounidense Barack Obama. A sección especial inclúe catro avances informativos realizados a mesma noite do martes do 4 de novembro con material exclusivo de audio, entrevistas e traducións. Algúns dos contidos están dispoñibles só en texto (ao final do envío) e outros teñen un audio asociado. Tanto os medios gráficos como as radios poden usar estes materiais libremente sempre que se cite a fonte. Agradecemos que nos informen que utilizaron as nosas producións.

Todos os nosos materiais poden atopalos en www.democracynow.org/es
______________________

SECCIÓN COBERTURA ESPECIAL

Cuarto Avance Informativo Eleccións 2008
Audio 4: Juan González analiza a vitoria de Obama: "Non se sabe se o cambio que Obama propón vai representar un cambio no desenvolvemento do imperio dos EEUU".
Análise do resultado das eleccións presidenciais, por Juan Gónzalez, co-presentador de Democracy Now! e columnista do New York Daily News. Comentarios exclusivos para Democracy Now! en Español.

Terceiro Avance Informativo Eleccións 2008
Audio 3: Roberto Lovato, de New América Media, pon en perspectiva a vitoria de Obama: "Barack Obama non chegase onde el esta sen o labor de nós, que fomos unha voz no deserto político de EEUU".
Análise do resultado das eleccións presidenciais, por Roberto Lovato, editor asociado de New America Media e frecuente colaborador con The Nation Magazine. Entrevista exclusiva con DN! en Español.

Segundo Avance Informativo Eleccións 2008
Audio 2: Vox Populi/A voz da rúa 2: testemuños afroestadounidenses e latinos do Bronx.
Shena Bonnet: "Espero que cando di que quere cambiar para mellor e para a xente, realmente espero que cumpra coa súa palabra, porque Estados Unidos vaille a esixir que renda contas. ? Sinto que ir votar dáche poder. E cando tes poder dentro teu, aí é cando podes facer que o candidato polo que votas fágase responsable dos seus actos. Ese é o primeiro paso. O segundo paso é considerar a túa situación e comprender que o candidato que estás elixindo tamén debe querer de verdade o que é mellor para tí".

Primeiro Avance Informativo Eleccións 2008
Audio 1: Vox Populi/A voz da rúa 1: testemuños de observadores electorais e de latinos do Bronx e Harlem.
Temas: Niveis históricos de participación de votantes. Algúns problemas á hora de votar (comentarios de Ian Inaba, de Vídeo the Vote). Testemuños de votantes latinos do Bronx e de Harlem.

_____________

SECCIÓN DE ENTREVISTAS DESTACADAS

Eleccións 2008: Pennsylvania (só texto)
Informe desde o barrio de Green Ridge en Scranton, Pennsylvania do co-presentador de Democracy Now! Juan Gonzalez na cobertura da mañá do 4 de Novembro. Scranton é cidade natal de Joe Biden, zona industrial disputada nun estado disputado. Baluarte demócrata. Preocupación inicial sobre se o voto branco vai ir a Obama.

Rosa Clemente, candidata do Partido Verde á Vice Presidencia opina sobre Obama e latinos en EEUU (só texto)
Antes de que se coñecese oficialmente a vitoria de Barack Obama, Democracy Now! entrevistou a Rosa Clemente, candidata de orixe portorriqueña á vice-presidencia polo Partido Verde, organizadora comunitaria e activista orixinaria do Bronx de movementos que representan a novos afro-latinos. Nas súas declaracións, Clemente referiuse ás expectativas que a maioría dos votantes depositan en Obama, a necesidade de asumir unha axenda máis progresista, alerta sobre algúns dos perigos de posturas anti-immigrantes e anti-latinas, e sobre a visibilidade de América Latina no contexto estadounidense.

Colin Powell apoia a Barack Obama (21 de Outubro do 2008) (só texto)
Barack Obama acepta o apoio de Colin Powell a pesar do papel desempeñado polo ex Xeral á hora de xustificar a guerra de Iraq. Comentarios de David Sirota, columnista sindicado no ámbito nacional e membro da Campaign for America's Future [Campaña polo futuro dos EEUU] e de Glen Ford, xornalista veterano e redactor principal de BlackAgendaReport.com, sobre os posibles intereses de Powell, a compatibilidade entre Powell e Obama en relación a unha plausible continuidade da política exterior estadounidense no contexto bélico no Oriente Medio.

Debate Obama McCain (só texto)
O debate McCain-Obama en Nashville, Tennessee mostra posturas similares en política exterior. Enfasis de Obama en Paquistán e Afghanistan (8 de Outubro, 2008).

___________

*Colaboraron na cobertura especial: Lili Rauch, Marc Masmiquel, Fernando G. Herrero, Verónica Gelman, Gabriela Diaz Cortez, Carmen Rivera, Eva Lewis, Patricia Buraschi, Clara Ibarra, María Eva Blotta e Andrés Thomas Conteris.



Democracy Now!
Democracia Xa!
Difundindo Democracy Now! desde Galiza
http://democracia-xa.blogspot.com/

_______________

60 aniversario da Declaración Universal dos Dereitos Humanos 1948-2008

De: Educación e Paz -paz@sgep.org-
Para: artabra21@gmail.com
Data: 5 de novembro de 2008 11:19
Asunto: 60 ANIVERSARIO DA DECLARACION UNIVERSAL DOS DEREITOS HUMANOS (1948-2008)


60 ANIVERSARIO DA DECLARACION UNIVERSAL DOS DEREITOS HUMANOS (1948-2008)

Benquerida amiga, benquerido amigo:

Achego en arquivo adxunto o Cartel e a Declaración que o Seminario Galego de Educación para a Paz (Fundación Cultura de Paz) elaborou en relación co 60 ANIVERSARIO DA DECLARACIÓN UNIVERSAL DOS DEREITOS HUMANOS que, como sabe, terá lugar o vindeiro 10 de Decembro.

Tamén poderá atopar un amplo Programa de Actividades en relación con esta conmemoración.

Ademais, na páxina web: www.sgep.org poderá entrar no apartado específico creado con este motivo onde, permanentemente, iremos incorporando materiais, documentos, propostas didácticas, videos, cancións que, sen dúbida, serán de axuda nas iniciativas e actividades que no seu ámbito organice e promova.

Agradecendo de antemán a súa colaboración na difusión desta proposta, aproveito para trasladarlle un saúdo cordial.

Atentamente,

Manuel Dios Diz
Presidente do Seminario Galego de Educación para a Paz.
FUNDACIÓN CULTURA DE PAZ

[Clicar acima das imaxens para ampliar]

Novena convocatoria para o Grupo de Análise e Proposta: Regulamento de Participación Cidadá de Ferrol

De: Participación Cidadá -participacion@ferrol.es-
Para: artabra21@gmail.com
Data: 5 de novembro de 2008 10:37
Asunto: Convocatoria 9 gap 6-11-08


Convocatoria 9 gap 6-11-08

Achégovos unha nova convocatoria para o Grupo de Análise e Proposta. É unha toma de contacto.
Un saúdo. Espero a vosa resposta

A/A das Persoas que conforman o Grupo de Análise e Proposta

Estimada amiga, Estimado amigo:

Despois da última reunión do Grupo Análise e Proposta (GAP) do pasado martes 28 de outubro, achegamos unha nova convocatoria para o xoves 6 de novembro as 19.30 horas no Salón de Plenos.

O tema a tratar sería o proceso de reforma do Regulamento de Participación Cidadá e unha posta en contacto con todos vós por parte de Manuel Santiago, novo concelleiro delegado da Áréa de Participación Cidadá.

Para calquera cuestión, poden poñerse en contacto co Departamento de Participación Cidadá (981 944 000 ext. 219; participacion@ferrol.es).

Agradecendo a súa colaboración, reciba un cordial saúdo.

Ferrol, 3 de novembro de 2008

O concelleiro delegado de Participación Cidadá,

Manuel Santiago Pérez
___________________________


__________

Urxente !! Necesitanse casas de acollida para seis cahorros

De: Asociación Cometa
-correo@asociacioncometa.com-
Para: artabra212gmail.com
Data: 5 de novembro de 2008 00:43
Asunto: Urxente !!

Hai seis cachorros de moi poucos días que foron atopados nun colector e necesitan casas de acollida ata que poidan comer sos. Por favor, se alguén pode facerse cargo dalgún ata o destete, é moi urxente.

Podeis contactar a través deste correo ou chamando ao teléfono 617 040 992

Grazas
___________

Asociación para un COMportamento ÉTico cos Animais COMETA

Tlfno. 617 040 992

correo@asociacioncometa.com

www.asociacioncometa.org
________________

Exposición "O Exilio Galego en Venezuela"

De: Ateneo Ferrolán -bettinakorten@freenet.de-
Para: artabra21@gmail.com
Data: 4 de novembro de 2008 16:57
Asunto: Exposición "O Exilio Galego en Venezuela"



Exposición "O Exilio Galego en Venezuela"

Venezuela ocupou un notábel lugar como país de acollida de exilados galegos que fuxían da represión franquista, entre eles Xosé Velo Mosquera, Manuel Otero Castelao, Xosé Sesto ou Xoán Noia. Mesmo rompeu relacións diplomáticas co goberno de Franco, recoñecendo ás autoridades da República como único goberno español lexítimo entre 1945 e 1948.

A exposición está organizada por Xurxo Martínez Crespo, coordinador da edición Venezuela do xornal dixital Vieiros, e consta de vinte paneis fotográficos editados por Fesga (Fundación para o Estudo da Cuestión Social e Sindical de Galiza).

A exposición “O Exilio Galego en Venezuela”, estará na primeira planta da sala de exposicións do Ateneo Ferrolán, do 6 ao 15 de novembro.

_________________________________

Ateneo Ferrolán
Fundado en 1879
“Un Lugar de Encontro para a Cultura”
http:// www.ateneoferrolan.org
e-mail: a_ferrol@teleline.es Telf.: +34 981 357 970 Fax: 981 354 098
Dirección Postal: Rúa Magdalena 202-204, 1º.CP.15402 - FERROL (A Coruña)
Apdo. Correos: 303
___________

Resposta de Cometa a intervención, no pleno Municipal de Ferrol, de María Lópe, Concelleira de Servizos de Ferrol

De: Asociación Cometa
-correo@asociacioncometa.com-
Para: artabra212gmail.com
Data: 2 de novembro de 2008 22:47
Asunto: Resposta de Cometa a intervención da Concelleira de Servizos de Ferrol


Resposta de Cometa a intervención da Concelleira de Servizos de Ferrol
A CONCELLEIRA DE SERVIZOS MINTE

A Asociación para un COMportamento ÉTico cos Animais COMETA quere aclarar algunhas falsedades escoitadas no pleno do pasado día 30 de boca da Concelleira de Medio Ambiente e Servizos do Concello de Ferrol, a Sra. María López:

María López afirmou no pleno que o proxecto de rehabilitación da canceira de Mougá conta con “sás” para animais en corentena, o cal é falso. Calquera pode comprobar que o proxecto técnico non contempla a instalación de hospital, quirófano, sás de corentena ou zonas para outros animais. Ademais os canís son insuficientes e non garantizan o benestar dos animais.

Asegura a concelleira que ofreceu á asociación COMETA a xestión da futura canceira. Pero a realidade é que ao longo do ano que levamos loitando porque Ferrol construa un refuxio tal ofrecemento non existeu. Si que fumos nos quen, desde o principio, quixemos deixar ben claro que COMETA nunca se encargaría dun centro que non garantizase o benestar dos animais ou obrigase a matalos, como ocorrería co proxecto que o concello defendía, e que finalmente insiste en levar a cabo. Pensamos que unha asociación que defende os dereitos dos animais e se preocupa polo seu benestar non pode de ningunha maneira involucrarse na morte innecesaria dun animal, moito menos levar a cabo sacrificios continuos. E parecenos unha falta de respecto pedir a calquera persoa preocupada polos animais que mate a aqueles que está a defender.

Sorprendeunos tamén escoitar que desexa contar co noso asesoramento, cando o certo é que o concello nunca tivo en conta toda información que durante mais dun ano esforzamonos por ofrecer á Sra. López, quen en todo momento actuou a espaldas de COMETA e sen recoller ningunha das nosas peticións.

Pero o peor que tivemos que escoitar o pasado xoves foi a desprezable mentira sobre a historia de Panchito. Panchito era un can abandonado que efectivamente foi recollido e sacrificado nun concello da comarca de Ferrolterra que non é Ferrol. Hai meses decidimos que sería o merecido protagonista dunha campaña para loitar por un refuxio comarcal para animais abandonados e pola fin dos sacrificios na comarca. Pero en ningún momento se dixo, como afirma a concelleira, que Ferrol tivese que ver coa súa recollida ou sacrificio. Pensamos que o que impulsa a María López a facer falsas acusacións contra COMETA, e ademais nun foro no que sabe que non temos posibilidade de defendernos, non é mais que un intento de despretixiar á asociación, tentando ocultar con mentiras a súa falta de argumentos. Non sabemos a traves de que escura maniobra obtivo a concelleira a información sobre a historia real de Panchito, que só coñecían os socios de COMETA, entre os que, por suposto, non se conta María López.

Preguntase a concelleira, nunha nova demostración de hipocresía, porque “molestamos” a Ferrol cando outros municipios están na mesma situación. Se actualmente levamos a cabo as nosas protestas neste concello é porque vai a emprender unha obra que determinará o futuro dos seus animais abandonados. E agora cando temos a oportunidade de ter un refuxio que garantice o seu benestar e o seu dereito á vida. Pola contra os nosos gobernantes, no lugar de avanzar cara a un Ferrol moderno e sensible cos animais, dos que todos somos responsables, deciden voltar ao pasado, construindo unha canceira na que poder seguir matando.

Todo isto non significa que non continuemos coa loita en toda a comarca, loita que a propia concelleira ferrolá dinamitou hai algo mais dun ano, desconvocando de xeito unilateral unha xuntanza entre COMETA e responsables de practicamente todolos concellos de Ferrolterra para falar da posibilidade de ter un refuxio comarcal. A asociación COMETA loita polo dereito á vida de todos os animais da comarca, sexan do concello que sexan, e parecenos lexítimo facelo así. Son eles os que insisten en localismos que non interesan nin aos animais nin a os nosos asociados.

Se tan seguro está o goberno municipal de Ferrol de estar facendo o mellor no que se refire a canceira, que respondan á sinxela pregunta que lles foi formulada no pleno. Na rehabilitación da canceira de Mougá, ¿estase a ter en conta o benestar dos animais? Nos sabemos que non, e é a nosa obriga decilo, e ademais temos razóns que o demostran.

DEIXEMOS DE MATALOS!!!

Para máis información:

Asociación para un COMportamento ÉTico cos Animais COMETA

Tlfno. 617 040 992

correo@asociacioncometa.com

www.asociacioncometa.org
_________________

Protexer as Eleccións

Protexer as eleccións
Columna de Amy Goodman, 29 de Outubro, 2008

O Día das Eleccións achégase, e con el, unha proba da integridade do noso sistema electoral. A quen se lles permitirá votar, quen serán privados dese dereito? Quen poderán usar papeletas tradicionais, quen usarán máquinas de votación electrónica? Estarán os centros de votación abertos o tempo suficiente para o histórico nivel de participación que se espera?

O experimentado activista Harvey Wasserman é co-autor de catro libros sobre as eleccións e os dereitos dos votantes. El afirma que John Kerry gañou en Ohio en 2004. Por que mirar atrás? A Wasserman preocúpanlle os intentos do Partido Republicano de Ohio, que conta coa axuda da Casa Branca de Bush, de impugnar a inscrición dos novos votantes rexistrados en Ohio:

"O Partido Republicano está intentando privar do dereito ao voto a estas 200.000 persoas cando cuestiona o seu dereito a votar e pide á Secretaria de Estado, Jennifer Brunner, que permita a cada condado investigar e eliminar das listas, se así o deciden, a votantes que teñan discrepancias menores entre os datos da lista de votantes e os seus números de Seguridade Social ou da licenza de conducir. E a Secretaria de Estado correctamente demostrou que moitos destes erros proveñen de erros tipográficos producidos cando as axencias gobernamentais introducen os números no sistema".

[Ler o artigo completo no Blog "Difundindo Democracy Now! desde Galiza"]



Democracy Now!
Democracia Xa!
Difundindo Democracy Now! desde Galiza
http://democracia-xa.blogspot.com/

__________________________

Novo blog de Goberno de Progreso Ferrol

De: Cidadáns por un Goberno Municipal de Progreso
-gobernodeprogreso@gmail.com-
Para: artabra21@gmail.com
Data: 2 de novembro de 2008 17:53
Asunto: Novo blog de Goberno de Progreso Ferrol



Novo blog de Goberno de Progreso Ferrol

Comunicarvos que, en relación ao MANIFESTO promovido por un grupo de cidadáns e cidadás, a título persoal, ante a situación do Concello de Ferrol, co obxetivo de recuperar un Goberno Municipal Progresista e de Esquerda, habilitouse un blog para seguimento desta iniciativa, onde podedes ler o manifesto, ver a relación de asinantes actualizada periódicamente e coñecer todo o que vaia saindo nos medios e páxinas web sobre este tema.

http://gobernodeprogresoferrol.blogspot.com

Aquelas persoas ou entidades que desexen adherirse a este Manifesto, poden comunicalo, a través de e-mail, a esta dirección electrónica:

gobernodeprogreso@gmail.com

_______

Cidadáns/as por un Goberno Municipal de Progreso en Ferrol.
gobernodeprogreso@gmail.com
http://gobernodeprogresoferrol.blogspot.com
______________________

En Caranza, unha vez máis: Planta de Gas Fora da Ría !!

Na Praza e Baixo do Centro Cívico de Caranza, tivo lugar, este 1 de Novembro o acto final da campaña "A Ría, na Rúa", cun Magosto Popular e a Exposición Colectiva dos 10 murais de 3,10 X 2,00 metros, confeccionados o pasado día 25 de Outubro, por 10 artistas da Comarca, nun acto revindicativo e de denuncia contra o despropósito gasístico de REGANOSA, coa localización dunha Planta de Gas no corazón da nosa Ría. Este acto estaba previsto facelo no centro de Ferrol, mais por mor das previsións meteorolóxicas, de mal tempo, como así se confirmaron, trasladouse para Caranza.

Moitas foron as persoas que desde as 5 da tarde pasaron polo lugar. Música, chourizos, touciño, castañas, refrescos e viño no falataron no Magosto Popular.

A imensidade da exposición colectiva non deixou apreciar o importante patrimonio cultural colectivo que significan eses 10 murais, pois o espazo de exposicións do Centro Cívico, quedou pequeno para albergar as obras d@s artistas ferrolan@s. A organización comprometeuse a facer unha nova exposición coas 10 obras cando o tempo o permita nun espazo aberto.

A Asociación Veciñal de Caranza sorteou unha fermosa e práctica bicicleta entre as cabazas talladas que nenas e nenos realizaron nun improvisado obradoiro.

O acto finalizou coa intervención do coordenador da campaña, Xoam López, onde reiterou a denuncia contra REGANOSA, deu un repaso ao desenvolvimento da campaña "A Ría, na Rúa", á importancia das obras realizadas e agradecendo as colaboracións recebidas. A continuación houbo unha hora música e cancións populares. A loita continua !

________

¡¡ PLANTA DE GAS FORA DA RÍA ¡!

Comité Cidadán de Emerxencia para a Ría de Ferrol
comitecidadan@gmail.com
http://www.comitecidadan.org


http://a-ria-na-rua.blogspot.com/
__________________

Posiçom de NÓS-Unidade Popular diante da ruptura do pacto de governo entre o PSOE e IU em Ferrol

De: nosup-trasancos@nosgaliza.org
Para: artabra21@gmail.com
Data: 1 de novembro de 2008 19:01
Asunto: Posiçom de NÓS-Unidade Popular diante da ruptura do pacto de governo entre o PSOE e IU em Ferrol



Posiçom de NÓS-Unidade Popular diante da ruptura do pacto de governo entre o PSOE e IU em Ferrol

Foi a notícia local da semana e provocou inúmeras reacçons dos mais diversos sectores da vida social e política ferrolana. Também a esquerda independentista organizada em NÓS-Unidade Popular tem algo a dizer sobre a ruptura do chamado “governo de progresso” que presidia Vicente Irisarri e integravam o PSOE e IU.

Porém, a nossa análise nom se centra em lamentar que essas forças políticas, que governárom conjuntamente no último ano e meio, decidissem romper o seu pacto. É claro que a volta da direita espanholista representada polo PP e por IF ao poder municipal seria umha má notícia. Já os padecemos no passado e sabemos que só estám em política para roubar e defender interesses alheios à maioria social, nomeadamente os ligados às grandes construtoras e a outros negócios privados que os patrocinam.

Mas o problema de fundo, em nossa opiniom, nom é se governa a direita ou os que dim que som “a esquerda” e acabam por representar só umha versom ‘branda’ de aquela. A questom nom é, para entender-nos, se Vicente Irisarri e Yolanda Díaz se dam melhor ou pior, se rompem ou mantenhem o pacto. A questom é porquê ganhou umha maioria de candidaturas autodefinidas como “progressistas” e, num ano e meio, nom levárom à prática as medidas que milhares de ferrolanos e ferrolanas lhes demandárom com o seu voto.

Estamos a referir-nos a assuntos fundamentais como:

• A situaçom das obras da Porta Nova, onde o PP e IF estavam a ponto de levantar um edifício em plena praça e onde o novo governo foi incapaz de levar a cabo umha alternativa social para esse espaço urbano. As obras continuam sem concluir, e o PSOE, IU e BNG concordárom em levantar um edifício, ainda que de menor volume que o previsto anteriormente.
• A praça de Sartanha, onde IF e o PP previam dedicar um espaço público a um negócio privado relacionado com o desporto para uns poucos, continua sem contar com umha alternativa como a que a vizinhança reclama. A praça continua abandonada e à espera de que o PP e IF voltem ao poder e retomem o seu irracional projecto.
• O bairro de Recimil, ameaçado de demoliçom no quadro de umha mega-operaçom de pura especulaçom urbanística polo PP-IF, continua a ser um bairro degradado graças à inoperatividade do governo de coligaçom PSOE-IU. Em concreto, Miguel Reimúndez, de Izquierda Unida, limitou-se a lançar mensagens grandiloqüentes sobre o futuro do bairro, enquanto o início da necessária restauraçom continua adiada sine dia.
• A fraga de Menáncaro, onde Juan Fernández pretendia fazer um suculento negócio urbanístico à custa de um espaço natural de grande valor e carente de protecçom, continua igual de desprotegida que com o governo da direita.
  

A todo o anterior, compromissos adquiridos e nom efectuados polo governo do PSOE e de IU, deve-se acrescentar o continuísmo na política económica, incluindo a intençom de privatizar serviços como o de obras menores, em maos de Izquierda Unida, ou umha proposta de Ordenança de Convivência repressiva, que esse mesmo grupo político copiou de um modelo aplicado polo PP noutras cidades. Também em matéria de língua houvo continuísmo, nomeadamente no caso dos membros do PSOE, com Vicente Irisarri à cabeça.

É verdade que em áreas como Cultura assistimos a umha tentativa, por parte de Yolanda Diaz, de mudar a trajectória elitista e clientelar de todos os governos anteriores, sem excepçom. Porém, é essa umha mínima bagagem que nom permite definir como verdadeira política de esquerda a aplicada polo PSOE e IU nos últimos 16 meses. Sobretodo se a todo o anterior somarmos a inaudita decisom de inaugurar a actual legislatura subindo os soldos de todos os membros da corporaçom, e especialmente o do presidente da Cámara, Vicente Irisarri.

Por todo o anterior, NÓS-Unidade Popular fica à margem de pedir qualquer recomposiçom do pacto que o PSOE e IU rompêrom em dias passados. Em lugar disso, reclamamos que, seja o PSOE em solitário, seja reconciliado com IU, as forças políticas que se apresentárom como alternativa ao governo anterior do PP e IU cumpram os seus compromissos com a maioria social e eleitoral de Ferrol.

Caso nom o fagam, como nom o figérom na primeira parte da actual legislatura, deverám encontrar em frente o movimento social ferrolano, independentemente das etiquetas “progressistas” que cada partido queira colocar-se. A esquerda demonstra-se na acçom de governo e, até hoje, nem o PSOE, nem IU demonstrárom ser umha alternativa sólida e de esquerda aos reaccionários PP e IF.

A política concreta de cada qual é, para NÓS-Unidade Popular, a linha divisória entre a esquerda e a direita, por isso a esquerda independentista continuará a fazer oposiçom nom só ao neoliberalismo do PP e de IF, mas também ao do PSOE, IU e BNG. Na luita por um modelo social diferente, socialista e galego, esperamos continuar a coincidir com os diversos sectores que configuram a esquerda social ferrolana.

Ferrol, 1 de Novembro de 2008

Assembleia Comarcal de NÓS-Unidade Popular em Trasancos
_____________________________

Manifesto dun grupo de persoas do movimento veciñal, sindical e social, así como ex-concelleir@s, elaboran un manifesto pola unidade progresista

De: ASOCIACION VECIÑAL FONTELONGA
Para: artabra21@gmail.com
Data: 1 de novembro de 2008 13:01
Asunto: UN GRUPO DE CIDADÁNS E CIDADAS, A TITULO PERSOAL, ANTE A SITUACION DO CONCELLO DE FERROL



Cidadáns/ás por un Goberno de Progreso en Ferrol

UN GRUPO DE CIDADÁNS E CIDADÁS, A TÍTULO PERSOAL, ANTE A SITUACIÓN DO CONCELLO DE FERROL, MANIFESTA

En Ferrol hai unha maioria de esquerdas, como se demostrou nas últimas eleccións municipais. O seu triunfo foi en grande medida grazas á presión dos movementos sociais, mobilizados contra das políticas regresivas do Partido Popular.

A ruptura do Goberno Bipartito pon en risco a execución de importantes proxectos que se viñeron xestando nos últimos meses: Regulamento de Participación Cidadán, Recimil, Urbanización do Bertón, Estrada de Castela, Tren ao Porto Exterior etc., que supoñían abordar desde unha óptica progresista, os problemas da cidade.

Resúltanos de todo punto de vista inaceptabel que, máis aló das diferencias puntuáis entre os dous socios de Goberno, se chegase á ruptura.

En todo caso, independentemente das causas da mesma, consideramos que a responsabilidade contraida coa a cidadanía obriga a reconducir a situación. Emprazamos ás dúas forzas políticas a sentarse para recuperar a unidade progresista, incorporando a este proceso ao BNG, para traballar no que queda de mandato a prol da cidade.

Estamos convencidos de que hai tempo para que un Goberno de Progreso poida desenvolver unha xestión fructífera para o avance da cidade e ser un referente, sobre todo nestes tempos, para o resto de Galicia.

Ferrol a 31 de Outubro de 2008

Abelleira Souto, Xulio
Barrera Beitía, Enrique
Beceiro Mosquera, Emilio
Cendán Dopico, Manuel
Cuadrado Caruncho, Marichy
Dobarro Paz, Xosé María
Durán Rodríguez, María Jesús
Ferrández Rivera, Guillermo
Ferrández Rivera, Pedro
Fra Molinero, Eduardo
Garel Novás, Montse
Gómez Rodríguez, Salustiano
Hermida Dopico, Eduardo
Lastra Muruais, Xosé
Leira López, Xosé
López Pérez, Miguel
López Pérez, Xoan
López Pintos, Xesús Anxo
Méndez Fonte, Rosa
Mera Navieras, Luis
Montero Baquedano, Rafael
Pillado Lista, Rafael
Piñeiro Diaz, Carlos
Rodríguez Calvo, Gonzalo
Sabio Maroño, María Luisa
Yáñez Castro, José Luis
Zaera Ríos, Eliseo

Aquelas persoas ou entidades que desexen adherirse a este Manifesto, poden comunicalo a través de e-mal a esta dirección electrónica:

gobernodeprogreso@gmail.com
__________________

ESTEIRO-FERROL
ASOCIACION VECIÑAL FONTELONGA
-avvfontelonga@mundo-r.com-
Web veciñal
Blog veciñal
_____________________

Observatorio do Gas Natural Licuado - Novembro 2008

De: Ferrol CAPE ferrol.cape@gmail.com>
Para: artabra21@gmail.com
Data: 1 de novembro de 2008 14:28
Asunto: OBSERVATORIO DO GAS NATURAL LICUADO


OBSERVATORIO DO GAS NATURAL LICUADO

Fai uns días enviamos un artigo, a modo de alerta, sobre a situación de provisión de gas natural licuado (GNL) en España, denunciando o túnel obscuro onde nos meteron os distribuidores españois de gas natural polo feito de optar a unha subministración desta gas en estado líquido. Segundo La Voz de Galicia, a regasificadora da nosa ría cada vez regasifica máis gas. As preguntas son: para quen é o gas?. Que prezo é o que se paga por este gas? Aínda sendo a opción máis cara de aprovisionamento do gas natural Ten España asegurado esta subministración en forma de gas licuado nun futuro próximo?. Todo indica que imos pagar moi caro esta opción de subministración de gas e ademais cada vez será máis escaso e difícil a súa provisión.

O artigo que recolle esta preocupación pódese ler en www.f-cape.org


Segue a continuación as últimas noticias do sector.


NOTICIAS en ESPAÑA sobre o GNL

O gas natural sobe un 9,6% (11 de Outubro)
ESPAÑA. As tarifas do gas natural subirán o 9,6% de media, informou o Ministerio de Industria debido ao incremento do custo da materia prima e das peaxes, encarecemento do petróleo e dos custos de distribución. No que vai de ano, o prezo do gas incrementouse nun 19,6%. (O consumidor español soporta un custo adicional por recibir o gas natural en estado licuado (GNL), cuxo prezo mover nun mercado especulativo)
http://www.diariodesevilla.es/article/economia/251325/gas/natural/sube/partir/manana.html
Noticia relacionada: O gas natural licuado (GNL): Outra hipoteca para os españois (http://www.f-cape.org/)

Sebastián anuncia un descenso do prezo do gas natural en xaneiro (21 de Outubro)
O Ministro Sebastián, en declaracións a Telecinco recollidas por Europa Press, explicou que o Goberno tivo que subir o prezo do gas para garantir a subministración durante o inverno, pois non é un país produtor. "Non temos gas, témolo que traer de fóra. Dous terzos do gas veñen en barco e se o barco non ten aquí un prezo razoable, vaise a outro sitio. Por iso subímolo, pero podemos anunciar que en xaneiro imos baixar o gas", precisou Sebastián.?
http://www.diarioinformacion.com/secciones/noticia.jsp?pRef=2008102100_7_810379__Economia-Sebastian-anuncia-descenso-precio-natural-enero

A gran industria paga desde xullo o recibo da luz un 70% máis caro (19 de Outubro)
ESPAÑA. O déficit de tarifa eléctrica en España alcanza os 15.000 millóns de euros. O próximo 1 de xaneiro deberíase culminar a liberalización do negocio, imposta por Bruxelas, logo de case unha década de tarifas conxeladas. Dise no artigo de referencia que é debido a "uns prezos dos hidrocarburos polas nubes". Unha manipulación máis dos medios de comunicación. O que está polas nubes é o GAS NATURAL LICUADO (GNL) combustible fósil no que España cimentou o seu sector enerxético.
http://www.lavozdegalicia.es/dinero/2008/10/19/0003_7238267.htm

VII Conferencia Internacional de ASPO (Asociación para o estudo do cenit do petróleo e o gas) de Barcelona (20 e 21 de Outubro 2008)
BARCELONA. Segundo Mariano Marzo, Catedrático de estratigrafía e profesor de recursos enerxéticos e xeoloxía do petróleo na facultade de Xeoloxía da Universidade de Barcelona, España será o país da Unión Europea con máis rápido crecemento de consumo de Gas Natural para os próximos 5 anos. Esta demanda está ligada a novos proxectos de licuefacción de gas no norte de África e o Oriente Medio, que aínda non existen, (e que requiren moitos miles de millóns de dólares para tomar forma). Pero ata con eses proxectos, a capacidade de re-gasificación mundial é case o dobre da capacidade de licuefacción para a próxima década, o que infunde serias dúbidas sobre a seguridade de subministración. Un cambio nas "prioridades necesítase en España, onde unha revolución da Enerxía terá que ter lugar.
http://europe.theoildrum.com/node/4685


NOTICIAS INTERNACIONAIS sobre o GNL

Unha crise de subministración de GNL parece inevitable en torno ao 2011 - 2013
Segundo PETROLEUM ECONOMIST unha crise de subministración de GNL xurdirá sobre o ano 2001 a 2013. As poucas plantas novas de licuefacción de GNL propostas descompensarán moito máis a demanda de GNL con respecto á oferta.
http://www.petroleum-economist.com/default.asp?page=14&PubID=46&ISS=25155&SID=713795

A regasificadora de Kitimat (CANADA) exportará GNL no canto de importalo. (23 de Setembro)
CALGARY (Alberta-CANADA). A nova regasificadora de GNL Kitimat tamén inviste o seu plan de importar o gas natural líquido xa que agora ten máis sentido exportar o GNL de Canadá a mercados lucrativos asiáticos.
http://www.albertaindex.com/content/view/572/1/
http://thechronicleherald.ca/Business/1080074.html

As autoridades en EE.UU poderían permitir a dous terminais recentemente construídos ao GNL de reexportación, (22 de Setembro ? 31 de Outubro)
As autoridades de EE.UU poderían permitir a dúas regasificadoras, recentemente construídas, a reexportar o GNL. Son os terminais que Sabine Pass en Luisiana e o Freeport en Texas. Os altos prezos que se pagan polo GNL fai mais "beneficioso" o negocio de vender este gas.
http://www.pacificenvironment.org/article.php?id=2841
http://www.gasworld.com/news.php?a=3239;la=1

O gobernador de ALABAMA veta outra regasificadora flotante de nome TORP. (14 de Outubro)
ALABAMA (EE.UU.). Por terceira vez en cinco anos, o gobernador do estado Bob Riley vetou outra regasificadora flotante situada a 60 millas da costa por utilizar o sistema de regasificación de GNL con auga de mar. (A regasificadora da ría de Ferrol utiliza este sistema).
http://www.southernpoliticalreport.com/storylink_1014_616.aspx

EE.UU. será un país exportador de GNL (9 de Outubro)
WÁSHINGTON, D.C. O senador Ron Wyden (Demócrata-Oregon) pide ao Secretario de Enerxía que revogue a autorización dada a ConocoPhillips e a Marathon Oil para exportar gas natural de Alaska en estado líquido GNL. Estas empresas promoveron anteriormente regasificadoras para importar gas natural a EE.UU. para, dicían, "quentar as casas e cociñar". Actualmente, como os prezos do GNL están fóra de control estas empresas ven máis rendible os seus negocios vendendo o GNL que comprándoo.
http://www.reuters.com/article/rbssEnergyNews/idUSN0932191020080909

Como sempre, ¡ PLANTA DE GAS FORA DÁ RIA !
_________________________

OBSERVATORIO DO GAS NATURAL LICUADO
Envía www.f-cape.org Colectivo universitario opositor a la Planta de gas natural licuado (GNL) de la ría de Ferrol (Galicia)
_________________


_______________

Artábria opujo-se à presença de 'Galicia Bilíngüe' em Ferrol

De: Fundaçom Artábria -artabria@artabria.net-
Para: artabra21@gmail.com
Data: 1 de novembro de 2008 04:43
Assunto: Artábria opujo-se à presença de 'Galicia Bilíngüe' em Ferrol





Artábria opujo-se à presença de 'Galicia Bilíngüe' em Ferrol

Apesar da chuva, um grupo de companheiros e companheiras assistírom hoje mesmo, na praça do Concelho, à chegada do autocarro do colectivo antigalego 'Galicia Bilingüe', fazendo-lhes chegar, como acontece em cada cidade e vila galega que visitam, que os inimigos do nosso idioma nom som bem-vindos.

Claro que, para a nossa (relativa) surpresa, entre as poucas pessoas que assinárom o manifesto em defesa do espanhol que essa entidade promove, encontramos o que até há dous dias era concelheiro de Obras na Cámara Municipal da nossa cidade, Miguel Reimúndez, do grupo municipal de Izquierda Unida.

Temos certeza que o seu gesto de apoio aos ultras antigalego nom reflecte nem sequer o sentir da maioria da militáncia do seu partido, para já nom falarmos da sua importante massa de votantes no nosso concelho, que mui maioritariamente apoia as actuaçons em defesa da extensom de usos do galego. Por isso achamos importante dar a conhecer a posiçom deste cargo público ferrolano num tema tam importante para Ferrol como o necessário apoio ao avanço social do idioma próprio da Galiza.

De resto, poucos, pouquíssimos ferrolanos e ferrolanas assinárom contra o galego e, ao contrário, houvo bastantes que contestárom com um rotundo NOM! ao pedido destes bilingüistas que renegam da nossa língua.

Pola nossa parte, continuaremos a denunciar a actuaçom impune de quem reclama abertamente a marginalizaçom do galego no seio do seu próprio país de origem, que é o nosso: Galiza.

--
A Fundaçom Artábria é um projecto popular em defesa da língua e cultura nacional, os valores solidários e os direitos históricos da Galiza. Entidade de carácter sociocultural sem ánimo de lucro que está declarada de Interesse Galego e classificada de interesse cultural, com o nº 54 no registo de fundaçons da Xunta de Galicia.

Código de Identificaçom Fiscal (CIF): G15645518.
Morada: Travessa de Batalhons nº7 Esteiro
15403 Ferrol - GALIZA
Telefone do Centro Social: +34 981369099
Fax do Centro Social: +34 981369920
Telefone do café-bar: +34 981369921

Sítio webda Fundaçom Artábria

http://www.artabria.net

Sítio web do festival da Terra e da Língua

http://www.artabria.net/festival
_______________

Actividades culturais que vai desenvolver o Ateneo Ferrolán durante o mes de Novembro de 2008

De: ATENEO FERROLAN
-administrador@ateneoferrolan.e.telefonica.net-
Para: artabra21@gmail.com
Data: 31 de outubro de 2008 13:02
Asunto: ACTIVIDADES CULTURAIS A DESENVOLVER no Ateneo Ferrolán - novembro 08


Actividades culturais que vai desenvolver o Ateneo Ferrolán durante o mes de Novembro de 2008

• EXPOSICIÓN de ALE BICA “Óleos e Pinturas dixitais” Inauguración 31 de outubro ás 20 horas. Até o 12 de novembro (2ª planta).
• EXPOSICIÓN de Fotos “O Exilio Galego en Venezuela” do 6 ao 15 de novembro (1ª planta)
• EXPOSICIÓN de Fotos de Federico Fernández Ackerman até o 30 de novembro (1ª planta)
• EXPOSICIÓN de Pintura de Rosa Fernández Salanova (2ª planta) do 14 ao 29 de novembro
• MARTES DE CINE – Ciclo “Galiza o Cine en Galego”. Todos os martes ás 19 h.
• Día 7 venres PRESENTACIÓN LIBRO SEX “Los Babilonios” ás 19 horas.
• Día 8 sábado_ SESIÓN VERMÚ (Colaboración con Radio Filispim) ás 12 h.
• Día 14 venres _ CONCERTO de SILVIA PENIDE – ás 21 horas
• Día 29 sábado – CONCERTO de NORGE BATISTA, da Trova,CANTAUTOR CUBANO - ás 20 h.
• ELABORACIÓN GUÍA DA BIBLIOTECA – HEMEROTECA
• CONVOCATORIA CERTAME TEATRO INFANTIL E XUVENIL – Presentación BASES 2009
• CONVOCATORIA CONCURSO DE GAITA GALEGA “CONSTANTINO BELLÓN” 2009 – Presentación BASES
• CONVOCATORIA aos Socios e Socias da Exposición Colectiva Decembro-Xaneiro.
• ENTRE TODO ISTO, TAMÉN AS ACTIVIDADES NORMAIS E COTIÁNS DO ATENEO FERROLÁN E A SÚA BIBLIOTECA – HEMEROTECA.
  

Asociacións, Colectivos, Plataformas .......

ATENEO FERROLÁN (Fundado en 1879)

“EXECUCIÓN XA do PROXECTO APROBADO por ACORDO PLENARIO de AMPLIACIÓN e REHABILITACIÓN DA SEDE DESTA ENTIDADE CULTURAL CENTENARIA”

“Un Lugar de Encontro para a Cultura”
_________________________________

Ateneo Ferrolán
http:// www.ateneoferrolan.org
e-mail: a_ferrol@teleline.es Telf.: +34 981 357 970 Fax: 981 354 098
Dirección Postal: Rúa Magdalena 202-204, 1º.CP.15402 - FERROL (A Coruña)
Apdo. Correos: 303
___________

"A Ría, na Rúa": Sábado 1 de Novembro Magosto e Exposición Colectiva na Praza do Centro Cívico de Caranza

De: Comité Cidadán de Emerxencia -comitecidadan@gmail.com-
Para: artabra21@gmail.com
Data: 30 de outubro de 2008 16:40
Asunto: Novembre, 1 : MAGOSTO e exposición "A Ría na Rúa" (cambio ubicación)


Novembre, 1 : MAGOSTO e exposición "A Ría na Rúa" (cambio ubicación)

O acto anunciado para o 1º de novembro no Cantón, trasládase, por motivo do mal tempo previsto, ao Centro Cívico de Caranza, quedando a convocatoria como segue:

Organizado polo Comité Cidadán de Emerxencia para a Ría de Ferrol e coa colaboración da Asociación de Veciños de Caranza e da Concellalía de Cultura de Ferrol, o próximo Sábado 1 de Novembro, a partir das 5 da tarde, no Centro Cívico de Caranza, terá lugar o Acto de peche da semana de "A Ría, na Rúa", na que dez artistas locais elaboraron sendas pinturas murais alusivas ao perigo da ubicación da Planta de Gas no interior da Ría e que permaneceron expostas os últimos días en 10 prazas da nosa cidade.

Para salvagardar dos efectos da chuvia e vento destes días, esta obra importante e desinteresada dos nosos artistas, chamada a ser patrimonio colectivo de Ferrol, vai ser exposta conxuntamente desde hoxe no vestíbulo do Centro Cívico de Caranza, e neste marco pictórico, o sábado 1º de Novembro a partir das 5 da tarde celebrarase un MAGOSTO POPULAR, onde toda a cidanía, a prezos simbólicos, poderá degustar castañas, chourizos, panceta, pan, viño, refrescos, leite, etc., nunha tarde festiva, de confraternización e reivindicativa, disfrutando da música enxebre.

Para as nenas e nenos que presenten unha cabaza decorada, sortéase unha bicicleta, por parte da A.VV, de Caranza, ainda que o mellor dos premios será contribuir coa súa arte a esta xuntanza en defensa dos noso dereitos e da nosa seguridade.

Difunde, participa, e sempre:

¡¡ PLANTA DE GAS FORA DA RÍA ¡!

Comité Cidadán de Emerxencia para a Ría de Ferrol
comitecidadan@gmail.com
http://www.comitecidadan.org
_________________

http://a-ria-na-rua.blogspot.com/

_____________________

Convocatoria do Grupo de Análise e Proposta, que participou na elaboración do regulamento de participación cidadá

De: Asociación de Vecinos de Caranza
Para: artabra21@gmail.com
Data: 30 de outubro de 2008 15:44
Asunto: Convocatoria do Grupo de Análise e Proposta


Convocatoria do Grupo de Análise e Proposta

CONVOCATORIA PARA ROLDA DE PRENSA

As entidades abaixo asinantes, en representación do Grupo de Análise e Proposta, para a elaboración do regulamento de participación cidadá, convocamos a todos os medios de comunicación, a unha rolda de prensa o Venres día 31 na Galería Sargadelos ás cinco da tarde.

Fdo. A. VV. Caranza
A. VV. Ferrol- Vello
A. VV. Esteiro-Fontelonga
A. VV. O Rosario
A. VV. Serantes
A. VV. Sta Comba - Cobas
A. de Xordos
Alcer
Adra
ADEGA

É importante que asistan todos os representantes das entidades que formaron parte do GAP e do Foro Cívico.

Consideramos oportuno trasladar aos partidos políticos e a todos os cidadáns de Ferrol que o GAP dá por concluído o proceso para a elaboración do regulamento de participación cidadá (consensuado e aprobado por máis de setenta entidades), que urxe que se emita o informe do secretario do concello para non incorrer en ilegalidades e que sexa aprobado nun pleno extraordinario o máis axiña posible.
___________________________