O Mundo Contra a Guerra

A Conferencia "O Mundo Contra a Guerra" chama por manifestacións globais contra a guerra 1.200 delegadas e delegados, de movementos pola paz e contra a guerra de todo o mundo, reuníronse en Londres o 1 de decembro e acordaron impulsar manifestacións no 5º aniversario da invasión de Iraq, esixindo a retirada de todas as tropas estranxeiras de Iraq e Afganistán, e contra calquera ataque a Irán.


Declaración da conferencia : "O Mundo Contra a Guerra"

Declaración acordada por 1.200 delegados de 26 países, asistentes á conferencia O Mundo Contra a Guerra, sábado 1 de decembro de 2007:

Esta conferencia de delegadas e delegados de movementos pola paz, contra a guerra, antiimperialistas e de liberación, de todo o mundo, declara a súa oposición á "guerra sen fin" levada a cabo polo goberno estadounidense contra Estados, pobos e movementos en todo o noso planeta.

Opómonos á interferencia de EEUU, e dos seus aliados, en Estados soberanos, e afirmamos o dereito á autodeterminación de todos os pobos. Apoiamos a todos os que loitan pola paz e contra o imperialismo.

En particular, esiximos:

• O fin inmediato da ocupación militar ilegal de Iraq, que causou centenares de miles de mortos e produciu o desprazamento de millóns de persoas, a retirada de totes lles tropas estranxeiras e a plena transferencia de soberanía ao pobo iraquí e aos seus representantes.
  
  
• Que paren todos os preparativos para un ataque a Irán, así como o compromiso de que se solucione calquera tema exclusivamente mediante a diplomacia.
  
  
• A retirada das tropas estranxeiras de Afganistán, permitindo ao pobo afgán decidir o seu propio futuro.
  
  
• para o pobo palestino, e o final da agresión israelí en todo Oriente Medio.
  
  
• O fin dos plans de EEUU respecto de escudos anti mísiles, e que todos os Estados promovan activamente o desarmamento nuclear.
  

Reafirmamos a solidariedade entre todos aqueles que loitan pola paz, a xustiza social e a autodeterminación en todo o mundo, e comprometémonos a reforzar a nosa unidade e a desenvolver novas formas de cooperación.

Xa que logo, designamos o aniversario da invasión de Iraq como un día mundial de acción a favor das demandas NINGÚN ATAQUE A IRÁN e TROPAS FÓRA DE IRAQ/AFGANISTÁN.

Chamamos a todos os movementos antiguerra nacionais a convocar protestas e manifestacións masivas para este día.
_______________

The World Against War
_____________

International Anti-Occupation Network

_____________

Información das Asembleas xerais ordinaria e extraordinaria , celebradas pola Asociación Veciñal de Esteiro " Fontelonga" o día 13 de marzo

De: ASOCIACION VECIÑAL FONTELONGA
-avvfontelonga@mundo-r.com-
Para: artabra21@gmail.com
Data: 16 de março de 2008 11:22
Asunto: Asembleas de Fontelonga


Comunicado ós medios

Achegámoslles información das Asembleas xerais ordinaria e extraordinaria , celebradas pola Asociación Veciñal de Esteiro " Fontelonga" o día 13 de marzo e que foran previamente convocadas a través dos medios de comunicación varias veces, carta persoal a cada socio/a e colocación de 150 carteis en todo o Barrio de Esteiro.

Dámoslles anticipadamente as grazas pola difusión das mesmas.

Un saúdo.

Ferrol 14 de marzo de 2008.
Asdo./Antonio Ríos Rodríguez, secretario

Información das Asembleas xerais ordinaria e extraordinaria , celebradas pola Asociación Veciñal de Esteiro " Fontelonga" o día 13 de marzo

Asembleas xerais ordinaria e extraordinaria da Asociación Veciñal de Esteiro “Fontelonga” Celebradas o xoves día 13 de marzo de 2008 e cos seguintes acordos:

• Foi aprobada a acta da asemblea anterior.
• Foi aprobado o informe económico .
• Foi aprobado o informe de xestión, felicitando a asemblea o bo traballo desenvolvido pola Xunta Directiva durante este pasado ano.
• A asemblea se manifestou a prol de : Apoiar , unha vez máis,o Plano de colocación de bolardos, emprendido pola concellería de Seguridade, nas beirarrúas do barrio e demandar a colocación de moitos máis.
• Rexeitar que desde a concellería de Tráfico se pretenda instalar un aparcadoiro nunha zona que o PXOM cualifica como zona verde, non entendemos como desde o Concello se pode facer incumpri-la Lei. Demandar desta concellería a ampliación da zona azul entre a rúa Rochel, Avenida de Vigo e Avenida de Esteiro. Demandar desta concellería que destine efectivos da Policía Local a Esteiro para sancionar os condutores que aparcan sobre as beirarrúas.
• Reclamar que se axilicen os trámites para a creación dunha Area de Rehabilitación Integral da rúa Carlos III e transversais.
• Seguir demandando que o Cuartel de Dolores sexa destinado a usos universitarios.
• Demandar a construción dunha Escola Infantil Pública no Barrio de Esteiro na parcela que o Concello de Ferrol ten na Avenida de Esteiro.
• Esixir a urxente solución o estado de degradación dos baixos e entrecháns das Vivendas de Álvaro Cunqueiro, algúns deles, como xa denunciamos, que están vertendo augas fecais con grave perigo para a saúde das persoas.
• Reclamar, unha vez máis, a retirada da antena de telefonía móbil da Avenida de Esteiro que é ilegal.
• Reclamar do Concello a construción dun Centro Cívico Municipal no Barrio de Esteiro.

Na Asemblea extraordinaria :

• Foi reelixido Presidente da Asociación, D. Xosé Miguel López Pérez.
  

A Xunta Directiva pasa de 8 a 11 persoas, producíndose un incremento nunha época en que cada vez é máis difícil que as persoas se comprometan a traballar no movemento asociativo.

O resto da Xunta Directiva é :

• Vicepresidente: Juan Luís Moreda Glez. Continúa da anterior.
• Secretario: Antonio Ríos Rodríguez. Continúa da anterior.
• Vicesecretario: Vicente Aneiro López. Continúa da anterior.
• Tesoureiro:Carlos Aneiros Rico. Continúa da anterior.
• Vogal: Francisco Fernández Rey. Continúa da anterior.
• Se incorporan como vogais:
• Juan Cervantes González.
• Fernando Naveiras Freire.
• Juan Garmendia Díaz.
• Xesús Manuel Díaz Suárez.
• Alfonso Tellado Sande.

Asdo./ Antonio Ríos Rodríguez, Secretario.
____________
________________
ESTEIRO
Web veciñal
Blog veciñal
Artigos PA21
___________

5º Conspirando por unha radio libre: Xoves 20 de Marzo

5º Festival CONSPIRANDO por una radio libre. Xoves 20 de marzo 2008 - Praza Inferniño - Ferrol

1º Ataque

"V CONSPIRANDO por unha radio libre!"

xoves 20 de marzo de 2008

Xa está o "V CONSPIRANDO por unha radio libre!"

Como todos os anos o Colectivo Opaíí!–Rádio FilispiM, organiza para o vindeiro xoves "santo", 20 de marzo, una nova edición do festival "CONSPIRANDO por unha radio libre".
Este ano cumprense cinco edicións. Todas as actividades incluidas no "V CONSPIRANDO", terán lugar baixo unha carpa instalada na pista polideportiva da PRAZA do INFERNIÑO en Ferrol.
Dadas as particularidades da organización do festival nunha praza pública, contamos coa colaboración puntual da Concellaría de Cultura do Concello de Ferrol.

PROGRAMA do "V CONSPIRANDO por unha radio libre!"

MÚSICA:

Na 5º edición do "CONSPIRANDO", tocarán tres grupos, dous locais e un de fóra. Os estilos musicais serán variados: Funk, Pop e Punk-Rock. A parte músical do festival comezaría cara as 22:00 h. e remataría de madrugada.

* Un dos grupos (do máis aló), xa confirmados, son DAKIDARRÍA. Fan un estupendo punk/reggae/ska. Orixinarios de Nigrán, chegarán nunha furgoneta camuflada, directamente dende Madrid, nunha xira total que os levou por Alacante e Valencia.
+ info en: http://es.myspace.com/dakidarria
* Outro dos grupos locais dos que xa podemos confirmar a súa presenza é THE SWEAT, que executan un irresistíbel funk-rock. Foron teloneiros de Macaco, nas pasadas festas de vrao de Ferrol.
+ info en: http://es.myspace.com/thesweatfunk
* O terceiro nome do cartel e TA'CRACK, fan Pop-Funk Rock e son de Naron:
+ info en: http://myspace.com/tacrack

ACTOS PARALELOS:

* - PROGRAMA DE RADIO ESPECIAL, en directo dende o estudio de Rádio FilispiM. 93.9FM, con conexións en directo, horas antes do festival.
* - FEIRA DE COLECTIVOS, con postos e material divulgativo de diversos colectivos, sociais, culturais, ecoloxistas, artesáns, da nosa comarca. Esta feira se desenvolverá nos postos que os colectivos instalarán na propia carpa, cara as 6:00 h. do serán e até que desexaren.
* - GRAVACIÓN ÍNTEGRA DO FESTIVAL en formato radiofónico, para a súa futura emisión en Rádio FilispiM, 93.9FM

OBXECTO do "V CONSPIRANDO por unha radio libre!"

O festival, como todos os anos, ten como obxecto a recadazón de fondos para autofinanciar Rádio FilispiM. Emisora, que non pertence a institución nen empresa con ánimo de lucro algunha, autoxestionada e ao servizo da comunidade, de aí que a proposta sexa libre e comunitaria, enmarcada dentro do terceiro sector da comunicación.

Ademáis, pretende a difusión dos artistas e grupos locais e a interelación das asociacións e grupos de base, que desexen participar na "FEIRA DE COLECTIVOS" que estara amenizada por unha Charanga, para a difusión e mostra das iniciativas cidadás, a poboazón en xeral.

http://photos1.blogger.com/blogger/7136/1659/1600/cabeceira1.jpg

Colectivo Opaíí! (Ondas Para Activación Información Independente) - Rádio FilispiM, 93.9FM

Inscrito no rexistro de asociacións culturais da Xunta de Galiza, con nº 2004/007965/1 (AC)
Inscrito no rexistro de asociacións culturais do Concello de Ferrol, con nº 346

www.opaii.blogspot.com
--
Rádio FilispiM
A rádio livre e comunitária da comarca de Trás-Ancos
No 93.9 da FM

Xornadas sobre Agrocombustibeis: Ferrol 4, 11, 18, e 25 de Abril de 2008

Mesa de traballo “Agrocombustibeis a debate”. Ferrol.

XORNADAS SOBRE AGROCOMBUSTIBEIS.
Ferrol, 4, 11, 18 e 25 de abril de 2008.


Programa

1ª xornada, 4 de abril

18h: Miguel García Guerrero (Catedrático de Bioquímica e Bioloxía Molecular da Universidade de Sevilla): As microalgas como fonte alternativa de biocombustibeis.

19h: José Santamarta Flórez (director da revista World Watch).

20h: Coloquio.

2ª xornada, 11 de abril

18 h: Lidia Senra Rodríguez (Sindicato Labrego Galego, coordinadora europea de Vía Campesina, labrega, ecoloxista e feminista). Os cultivos agroenerxéticos e a súa relación coa soberanía e a seguridade alimentaria.

19 h: Luis Costal Andrade, (Enxeñeiro agrónomo e Técnico da Dirección Xeral de Investigación agroforestal). O papel da agricultura galega na produción de biocarburantes.

20 h: Coloquio.

3ª xornada, 18 de abril

18 h. Antonio Dorado, (Xefe da Área de Renovabeis do Instituto Enerxético de Galicia). Posibilidades de utilización das fontes enerxéticas renovabeis no medio rural. Axudas.

18:45 h. Tom Kucharz (xornalista e investigador social, membro de Ecoloxistas en Acción): Xeopolítica, crise enerxética e agrocombustibeis. Para loitar contra o Cambio Climático necesitamos Decrecimento Económico.

19:30 h. Alejandro Arizkun Cela (profesor titular no Departamento de Economía da Universidade Pública de Navarra): Os límites da substitución de fontes enerxéticas para a sostenibilidade: os agrocombustibeis.

20:15 h. Coloquio.

4ª xornada, 25 de abril

18 h: Audiovisual 1.

19 h: Audiovisual 2.

20 h: Coloquio e ágape con produtos ecolóxicos.
______________

PROGRAMA DAS XORNADAS DE FORMACIÓN SOBRE AGROCOMBUSTIBEIS ABRIL 2008 FERROL

A actual situación de crise enerxética e ambiental obriga a unha reestruturación de todo o sistema económico e, por tanto, político e social, tomándose para iso medidas como a substitución de enerxías baseadas en combustibeis fósiles por renovables que, en principio, semellan aceptabeis, pero que, se non se levan adiante análises serias sobre as súas repercusións, poden acarrexar consecuencias imprevisibeis, e ás veces fatais para o futuro da humanidade.

Aínda que a crise fora xa anunciada por persoas do ámbito científico e ambientalista dende hai mais de dúas décadas, non se tomaron as medidas precisas e no momento actual os problemas acadan unha envergadura desmesurada e afectan a moi diversos ámbitos: escaseza e carestía de combustibles, contaminación, quentamento global, seguridade alimentaria, desaparición de acuíferos, que nalgúns casos abastecen importantísimas zonas de produción cerealística, etc.

Neste contexto córrese o risco de tomar medidas precipitadas sen analizar todas as posibles consecuencias que orixinarían. Por outra banda, existe o risco da aparición de certos lobbys asociados a grupos empresariais coa única finalidade de sacar beneficios económicos a esta situación, sen considerar as posibles consecuencias negativas das súas operacións.

A Mesa “Agrocombustibeis a debate” formouse hai xa mais de tres meses co obxectivo de analizar esta problemática, utilizando como método o estudo con base bibliográfica, o debate e a toma de posturas consensuadas, co obxectivo de proporcionar información á cidadanía e denunciar aqueles casos nos que se infrinxa dano ao medio ambiente ou á seguridade alimentaria das persoas.

Co mesmo obxectivo formativo vímonos na necesidade de abrirse a novos colectivos, promovendo un debate social a partir dunhas xornadas impartidas por persoas cualificadas e con profundo coñecemento das custións que o problema plantexa: seguridade alimentaria, danos medioambientais, balance final dende o punto de vista enerxético do emprego de agrocombustibeis, posibilidades produtivas para Galiza, mantemento e agudización das desigualdades nos intercambios comerciais entre países, etc.
____________
agrocombustibeisadebate

http://agrocombustibeisadebate.blogaliza.org/
_
A Sociedade Galega de Historia Naural, Verdegaia, ADEGA, a cooperativa Xoaniña e persoas a título individual estamos a organizar unhas xornadas formativas para o vindeiro mes de abril en Ferrol, onde se tratarán temas relacionados coa problemática dos agrocombustibles
____________

NÓS-Unidade Popular rechaça as desproporcionadas ajudas públicas do governo municipal de Ferrol à Igreja Católica

De: Nosup-trasancos
Para: artabra21@gmail.com
Data: 13 de março de 2008 15:37
Asunto: NÓS-Unidade Popular rechaça as desproporcionadas ajudas públicas do governo municipal de Ferrol à Igreja Católica


NÓS-Unidade Popular rechaça as desproporcionadas ajudas públicas do governo municipal de Ferrol à Igreja Católica

Em pleno século XXI, a esquerda continua na Galiza sem contar com referentes institucionais válidos, que mantenham um mínimo de dignidade e coerência com ideias tam básicas como o laicismo e a clara divisom entre Igreja e Estado.

Se alguém pensava que IU podia representar essa esquerda tam necessária, a sua histórica decisom de financiar Semana Santa católica em Ferrol com 70.000 euros, aumentando em 45% as ajudas anteriores, esclarece onde se situa, por cima da retórica e as grandes palavras, o grupo municipal de Izquierda Unida-Esquerda Unida em Ferrol.

Naturalmente, os ultras situados à frente da Coordenadora de Confrarias mostrou já a sua satisfaçom polo que denominárom, com toda a razom, “grande salto qualitativo e quantitativo”. Com efeito, supom um salto qualitativo comprovar que umha força supostamente de esquerda, republicana e laica dedique imensos recursos ao financiamento de celebraçons religiosas tingidas ano após ano do mais rançoso sabor reaccionário. Umhas celebraçons em que os militares espanhóis desfilam com as suas bandeiras monárquicas junto às autoridades católicas que, ao longo do ano, se encarregam de esclarecer quais som as suas posiçons em temas como o aborto, a igualdade de direitos para homossexuais e o respeito à nom confissionalidade do Estado, manifestando-se do braço do PP e da extrema-direita em várias ocasions nos últimos anos.

NÓS-Unidade Popular quer lembrar que a Coordenadora de Confrarias ferrolana é liderada pola conhecida ex-dirigente do PP Meca Arcos, ligada familiarmente à extrema-direita franquista na nossa cidade. É esse sector o que é favorecido por umha instituiçom pública, a Cámara Municipal de Ferrol, que deveria dedicar o dinheiro da área cultural a tantos aspectos em que esta é deficitária polo abandono crónico das instituiçons.

Em lugar disso, IU prefere ficar bem com as confrarias católicas e com o reaccionário bispado de Mondonhedo-Ferrol. Parece-nos fundamental que o Ferrol progressista, laico e de esquerda tome nota do uso que o governo alegadamente ‘progressista’ está a fazer do voto cedido por tantos trabalhadores e trabalhadoras para reclamar umha política de esquerda.

Nem a escusa do turismo nem a defesa de umha cultura elitista e confissional podem justificar umha medida que nem o PP e IF tinham tomado, com um apoio tam desproporcionado a atender aos gastos das festas de umha Igreja milionária como é a católica, caracterizada pola sua aberta oposiçom às ideias do progresso e a justiça social.

Que será o próximo, converter a COPE em emissora de referência e dedicar-lhe o dinheiro do departamento de serviços sociais e normalizaçom lingüística?

Ferrol, 13 de Março de 2008

Assembleia Comarcal de NÓS-Unidade Popular

nosup-trasancos@nosgaliza.org
______________

Acto de Protesta en Ferrol ante a entrada na Ría do 16 buque gaseiro LNG Abuja, para a ilegal e perigosa REGANOSA [12.03.2008]

[Foto do CCE - comitecidadan.org]

Como estaba previsto o LNG Abuja, buque gaseiro cunha antigüedade de máis de 28 anos e un sinfín de amaños "Sideroquirurxicos" no seu casco e maquinaria, mesmo catro deles nos asteleiros ferroláns, entrou na Ría coa súa perigosa carga para REGANOSA. Con este son 16 os buques que levan entrado na Ría cargados con GNL [Gas Natural Liquado], poñendo en perigo a seguridade e a vida das miles persoas que aquí traballamos e vivimos.

O Comité Cidadán de Emerxencia para a Ría de Ferrol, como é habitual, convocou un acto de protesta. Desta vez como a anterior, o acto non tivo lugar no Porto de Ferrol, senón ante o Edificio Administrativo da Xunta de Galicia, con posterior marcha pola rúas de Ferrol até chegar á Praza do Concello. Onde se lle demandou ás autoridades municipais que cumpran coa súa responsabilidade de protexer á poboación do despropósito gasístico que ameaza a nosa vida e seguridade que leva verquido ao mar millóns de metros cúbicos de auga enfriada, morta e clorada, deteriorando a vida mariña e a riqueza marisqueira da nosa Ría.

Cen persoas participamos no acto de protesta, non debemos baixar a garda, polo que debemos recuperar a mobilización cidadán como un xeito importante de exteriorizar a oposición a ese complexo gasístico, construído grazas á corrupción e complicidade institucional e política.
____________________

Rolda de Prensa 13.03.08 da SGHN: Determinación de especies descoñecidas para a ciencia de fósiles mariños

De: SGHNFERROL -sghnferrol@teleline.es-
Para: artabra21@gmail.com
Data: 13 de março de 2008 10:05
Asunto: ROLDA DE PRENSA 13.03.08 - Determinación de especies descoñecidas para a ciencia de fósiles mariños


ROLDA DE PRENSA 13-03-08

Nota de prensa
Prégase a súa difusión

Convocatoria de ROLDA DE PRENSA da Sociedade Galega de Historia Natural, e presentación aberta ao público.

Lugar: Galería Sargadelos
Data: 13 de marzo de 2008
Hora: 19:30 h

Intervirán:

• Representantes da SGHN Ferrol: Paulino Gasalla (Secretario Xeral), Juan Ignacio Díaz da Silva (Responsable do Museo da Natureza) e Ismael Miján (Secretario da SGHN-Ferrol)
• Paleontólogos: Olivier Lambert, Giovanni Bianucci e Klaas Post
• Representantes da Alcaldía de Ferrol
  

Asunto: Determinación de especies descoñecidas para a ciencia de fósiles mariños

Hoxe xoves día 13 de marzo se celebrará unha rolda de prensa ás 19:30 horas na Galería Sargadelos á que asistirá representación da Alcaldía de Ferrol e a Sociedade Galega de Historia Natural para presentar ó equipo de científicos que está a traballar na investigación dos fósiles mariños:

• Dr. Olivier Lambert, Departamento de Paleontoloxía do Museo de Ciencias Naturais de Bélxica
• Dr. Giovanni Bianucci, Departamento de Ciencias da Terra da Universidade de Pisa
• Dr. Klaas Post, Departamento de Paleontoloxía do Museo de Historia Natural de Rotterdam
  

Contando coa presencia dun tradutor simultáneo os científicos responderán ás preguntas da prensa sobre a importancia para a comunidade científica destes achádegos, a determinación dun novo xénero de cetáceo de entre 10 e 20 millóns de anos de antigüidade e novas pezas en excelente estado de conservación únicas no mundo.

______________
Sociedade Galega de Historia Natural.
Dende 1973 estudiando, divulgando e defendendo o medio natural galego.

Delegación de Ferrol - SGHN
Apartado de Correos n1 356
15480 FERROL (A Coruña)

Tfno. [24 horas] e fax 981 35 28 20
Móbil 616 388 935
Web: http://www.sghn.org
Correo-e: sghnferrol@terra.es
Blog Ferrol: http://sghnferrol.blogspot.com/
_______________________
Entidade Científica sen ánimo de lucro fundada en 1973. Inscrita no Rexistro Nacional de Asociacións co n1 18.847. Rexistrada no folio 11 das Asociacións Protectoras do Medio Ambiente [Xunta de Galicia]. N1 AO/C-000/382 do Rexistro de Asociacións Culturais Galegas. Membro do Consello Galego de Medio Ambiente.
_

A mala fe de Galicia Bilingüe

A mala fe de Galicia Bilingüe
Manuel de Castro García
Martes, 11 de marzo de 2008

Nas clásicas películas de guerras coloniais, o exército imperial afai enviar por diante unha marea de nativos de recheo que se deixan a vida na primeira andanada. Con todo, a música non se pon tráxica e o protagonista non se bota as mans á cabeza ata que morreu o seu amigo blanquito. Onde o guionista ve un amigo morto na batalla eu vexo miles de mortos, un deles máis blanquito que os demais e que, encima, adoita ser do bando invasor. Cun pouco de sentido común e de sentido da xustiza, conviremos en que a segunda visión é máis honesta que a primeira. Se non miramos con perspectiva e limitámonos a unha parte, estaremos expondo unha mentira. Iso pasa coas polémicas lingüísticas no Estado español.

Está recibindo certo eco mediático -e eu súmome como un altofalante máis- unha nova organización aplaudida pola extrema dereita política e pola extrema dereita ideolóxica (ás veces, algúns progres só son progres en catro pinceladas externas) que se chama Galicia Bilingüe, e que ten como finalidade devolver o idioma galego á caverna e aos complexos de inferioridade nos que se sumiu durante o franquismo e en escuras épocas do alto Medievo. Para haberse erixido en pobres vítimas, dispón dun bo aparello de propaganda para denunciar a suposta tiranía do idioma galego sobre o castelán. O castelán é o idioma que emprego libremente para escribir este artigo nun medio que se chama Xornal.com, o mesmo no que están escritos a práctica totalidade dos medios de comunicación de Galicia, as películas nos cines, a publicidade en todas partes. Por suposto, o castelán é o idioma oficial dos personaxes máis poderosos de Galicia: os grandes empresarios, os presidentes das caixas, os políticos fóra das cámaras e, sobre todo e por encima de todo, rúbelos que aspiran a ocupar un sitio aos pés destes poderosos. Eu mesmo, que traballo como xornalista para diversas empresas galegas, admito que me quedou sen clientes e sen traballo se iniciase os meus contactos cos empresarios en galego. Esta é unha descrición con perspectiva e con xustiza da situación lingüística na Comunidade autónoma de Galicia aínda que haxa, excepcionalmente, algún blanquito morto entre unha marea de vítimas. Pretender colocar ao castelán no papel de vítima en Galicia non pode ser considerado unha opinión senón unha mentira con mala fe, e ás mentiras históricas non opinables debería porlle freo a Fiscalía por propia iniciativa. Salvando as distancias de fondo, xuridicamente debería ser como negar o Holocausto en Alemaña. Pódese opinar contra o galego, e ata propugnar a súa desaparición, pero non se pode facer negando e deformando a dolorosa historia do idioma autóctono deste país.

Sabe, lector, onde está a verdade? Nos avós, que non poden ser acusados de manipuladores de última hora. Os avós, nos seus pobos de orixe, falaron exclusivamente no seu idioma autóctono porque foi a súa realidade lingüística máis íntima, aínda que moitos evitáronlla aos seus fillos por un complexo histórico ou para atopar traballo nun mercado laboral no que o idioma propio estivo abertamente vetado e desprezado. Ten graza que a persoa que me topei estes días defendendo Galicia Bilingüe (que dá toda a súa información en monolingüe castelán) sexa incapaz de sacudirse de encima un forte acento da terra. Ese é o panorama xusto, con perspectiva, de Galicia. Encantoume que aos meus fillos, se os tivese, ou a min mesmo educáronme en galego para engrandecer o meu patrimonio cultural, pero na miña infancia o profesor ou o pai que o suxeriu terían que saír como un lóstrego.

Por iso, con perspectiva, ninguén ten dereito a denunciar os presuntos abusos do galego nun lugar no que o idioma castelán impúxose pola forza, moitas veces a forza bruta. É como o escándalo que montou o PP -teoricamente con razón- polo malgaste da Consellería de Cultura en Cuba, durante a feira editorial da Habana. A min tamén me parece un escándalo o desembarco de ostentación galega no país do mundo que máis en serio se toma a austeridade institucional, pero me pregunto que autoridade moral pode ter o Partido Popular para criticar ao departamento de Cultura galego cando ese partido deu o dobre de diñeiro, o dobre, a un só cantante de Miami (Xullo Igrexas) para fomentar nosequé cultura galega, unha cultura que existe e non só consiste en cantar o "Juendolín" nas verbenas. A acusación do PP exclúe unha comparación previa que habería que pór sobre a mesa, do mesmo xeito que Galicia Bilingüe pretende tomarnos por bobos esaxerando algún problema puntual coas normas para defender o galego. Aprovéitase dos nosos complexos lingüísticos para tratar de estender unha difamación.

Nota: a definición de extrema dereita non é un insulto; é unha colocación no espectro político. Para algunhas cousas, eu situaríame a min mesmo na extrema esquerda, tendo en conta que me sinto á esquerda dos actuais grandes partidos que incumpren a Constitución, que fomentan as desigualdades económicas e que permiten que millóns de compatriotas sobrevivan con menos de mil euros ao mes. A liberdade da que tanto se fala empeza, de entrada, cobrando máis de mil euros. Con menos non existe nin o principio de liberdade e a palabra democracia resérvase para uns poucos privilexiados que, como eu, gañamos máis que esa cantidade e podemos pensar en escoller ou ata en non ir votar.

Enlace co artigo orixinal en Xornal.com

Outros artigos de Manuel de Castro en:
Xornal.com

Outros interesantes artigos de Manuel de Castro en:
Rebelión
____________

Palestra sobre o genocídio na Argentina com Nilda Eloi

De: Fundaçom Artábria -artabria@artabria.net-
Para: artabra21@gmail.com
Data: 12 de março de 2008 01:42
Asunto: Palestra sobre o genocídio na Argentina com Nilda Eloi

Na próxima quinta-feira, 27 de Março, contaremos com a presença no nosso Local Social de Nilda Eloi, destacada militante argentina dos direitos humanos e que foi detida-desaparecida no seu país, durante a ditadura argentina, forma parte da Associaçom ex-Detidos Desaparecidos da Argentina e na actualidade é a principal testemunha protegida do juizo contra vários repressores que se desenvolve na cidade da Prata. Nilda estará em Ourense, Compostela, Ponte Areias e Ferrol.

Nilda estará em Ourense, Compostela, Ponte Areias e Ferrol. O motivo da sua tourné pola Galiza é informar sobre a situaçom dos julgamentos que estám a ser desenvolvidos na Argentina, as queixas-crimes apresentadas pol@s galeg@s desaparecid@s e as actividades pola memória histórica que se estám a desenvolver.

Perante as ameaças e intimidaçons, Nilda Eloi vive as 24 horas do dia sob protecçom policial, inclusive com a recomendaçom de empregar colete antibalas. A outra testemunha, Julio López, logo de testemunhar, foi seqüestrado há mais de um ano, achando-se actualmente desaparecido.

A entidade que ela representa, integrante do colectivo "Justiça Já", jogou um papel muito importante na apresentaçom das denúncias apresentadas pola Federaçom de Associaçons Galegas polos desaparecidos galegos na Argentina.

A palestra é organizada conjuntamente pola Fundaçom Artábria, Assembleia Aberta da Baiuca Vermelha, Local Social A Esmorga e Assembleia Aberta do Centro Social Henriqueta Outeiro.

Ourense, 11 de Março às 20.30h no Local Social A Esmorga

Compostela, 13 de Março às 20.30h no Centro Social Henriqueta Outeiro

Ponte Areas, 21 de Março às 20.30h no Local Social Baiuca Vermelha

Ferrol, 27 de Março às 20.30h na Fundaçom Artábria

Quem é Nilda Eloi?

Nilda Eloi, durante o seu cativeiro, passou por distintos campos de concentraçom. Foi detida e seqüestrada na Prata durante o operativo denominado "A noite dos Lápis", quando fôrom seqüestrad@s e assasinad@s vári@s estudantes secundários que reclamavam a criaçom do "Boleto estudantil".

Nascida a 22 de Fevereiro de 1957 na Prata, Argentina, é integrante da Associaçom de ex- Detidos Desaparecidos.

Foi seqüestrada no primeiro de Outubro de 1976, permanecendo durante 11 meses em 6 centros clandestinos de detençom (La Cacha, Pozo de Quilmes, Pozo de Arana, Vesubio, El Infierno e Comisaria Valentín Alsina). Desde 22 de Agosto de 1977 até princípio de 1979 estivo detida no Cárcere de Vila Devoto, a disposiçom do Poder Executivo Nacional, quer dizer, sem causa judicial nengumha.

É denunciante por queixa-crime nos julgados da sua cidade na mega causa "Camps" e nas causas emanadas da mesma. Nas causas que se abrírom polo Centro Clandestino de Detençom como as de: "La Cacha", "Brigada de Investigaçons", "Comisaría 5ta", "Posto Vasco", etc..
Noutros julgados, é denunciante na mega causa "1º corpo do Exército" e nas causas que dela se derivam.
Como integrante da Associaçom de Ex-Detidos Desaparecidos, é denunciante destas causas, na mega causa "Esma" e as suas derivadas, na mega causa "Campo de Maio", assim como em diferentes causas no interior do país.

Assim mesmo, como representante da Associaçom de ex-Detidos Desaparecidos, participa no "Julgamento pola Verdade", que desde 1998 leva avante a Cámara Federal da Prata.
Entre os labores que desenvolve no AEDD, está a confecçom de Trabalhos de Compilaçom de Dados (TRD, no seu acrónimo em espanhol) que servírom para abrir diversas causas e dada a riqueza documental dos mesmos, fôron aceites como prova tanto nas causas en primeira instáncia como nos julgamentos orais.
__________________

Os Aturuxos do Diario de Ferrol

De: amadeo -avarela36@mundo-r.com-
Para: artabra21@gmail.com
Data: 9 de março de 2008 10:43
Asunto: Os Aturuxos

Despois dun día de reflexión cheguei a esta conclusión.

Un saúdo.

Os Aturuxos

Saibamos quen é quen.

O venres 7 de Marzo o Diario de Ferrol, no seu recuncho dos “Aturuxos”, deixou ben clara a súa tendencia partidista e a súa estraña maneira de defender Ferrol, cun insidioso comentario que retrata a retorcida mentalidade do seu (¿dos seus?) autor.

Copio literalmente:

“CADA cierto tiempo, los coordinados contra Reganosa exhiben las plusvalías que obtuvo Tojeiro por la venta de terrenos en Mugardos, negadas por la empresa. Insistir en el asunto forma parte de la campaña de acoso a la gasificadora, sobre todo cuando las movilizaciones ciudadanas se agotan...”

Este pequeno comentario é unha auténtica obra de arte da demagoxia barata e da insidia sibilina. Vaiamos por partes:

“... coordinados contra Reganosa ...”.- ¿Como deberemos entender iso de “coordinados”? ¿Organizados, confabulados, manipulados, dirixidos, que forman parte dun contubernio antiprogreso? Pois ben, os “coordinados” expuxemos mil e unha veces, que non estamos “contra Reganosa”, senón contra do emprazamento da Planta dentro da Ría. “Eles” teñen que sabelo, pero non interesa dicilo.

“exhiben las plusvalías ... negadas por la empresa”. “Eles” non dan creto ás denuncias dos “coordinados”, mais á negativa da empresa si. En calquera país avanzado, os periodistas investigarían de quen é a razón. Mais “eles” xa tomaron partido, poñéndose do lado do máis forte.

“Insistir en el asunto forma parte de la campaña de acoso a la gasificadora...” .- É dicir, nós, os “coordinados”, somos os acosadores, e non os ameazados e acosados (Mehá), os encadeados (Bastida), os reprimidos e golpeados polas forzas do “desorde” (varios) e os que teñen vida e facenda en perigo (todos), por mor dos intereses económicos dos seus “amigos”...

... “las movilizaciones ciudadanas se agotan...”. Parece que “eles” alégranse diso. Será porque non son de Ferrol, non viven en Ferrol, e lles importa moi pouco o que lle pase a Ferrol e ós ferroláns. E tamén, polos importantes ingresos da publicidade de Reganosa. Está claro que con cartos cómprase todo. Xa se sabe, “El que tiene plata...”

Saber quen é quen é importante.

Coido que non estaría mal que a próxima cacerolada se faga na rúa Galiano, diante de D. de F. Pero que sexa ben numerosa.

_____________

Noticias desde EE.UU. sobre a oposición ás instalacións de plantas de regasificación de GNL nas inmedicións das poboacións

De: Ferrol CAPE
Para:artabra21@gmail.com
Data: 11 de março de 2008 09:43
Asunto: ACTIVIDADES SEMANAIS no Ateneo Ferrolán


OBSERVATORIO DE PLANTAS REGASIFICADORAS DE GNL.

Aprázase a aprobación da planta de GNL de Long Island Sound (febreiro 2008)

GARDEN CITY, NOVA YORK - A empresa petroleira Broadwater Energy que promove unha terminal de gas natural licuado na bahía Long Island Sound está lanzando unha campaña de relacións públicas para contrarrestar a oposición xeneralizada á terminal a ambos os dous lados da bahía, entre Nova York e Connecticut.

Os ambientalistas e a maioría dos políticos electos oponse ao proxecto, dicindo que podería pór en perigo o fráxil ecosistema da bahía, e de que un ataque terrorista contra plántaa regasificadora podería dar lugar a resultados catastróficos.

O Departamento de Enerxía do estado e Broadwater Energy acordaron a demora, que permitirá aos organismos de EE.UU. máis tempo para determinar se o proxecto é ecoloxicamente seguro, segundo manifestou Michael Whyland, un portavoz de gobernador Eliot Spitzer.

Nota de www.f-cape.org: Long Island Sound é unha bahía situada no estado de Connecticut e moi preto de Nova York. A bahía ten unha lonxitude de 180 km e o ancho é de 30 km, a pesar do seu tamaño a planta está sendo rexeitada.

http://www.newsday.com


Manifestación en Salem de opositores ás plantas de GNL en Oregón (febreiro 2008)

SALEM - Oregón estase convertendo na "pataca" quente da enerxía. Os promotores teñen plans para situar tres plantas regasificadoras no estado, unha delas en North Bend.

Os opositores ao proxecto converxeron na cidade de Salem o 6 de febreiro para facerse oír.

Carol Fischer Bandon e outros 200 opositores como ela chegaron á capital - todos unidos contra o GNL. "Isto non ten ningún sentido. Queremos postos de traballo limpos."

Os principais políticos do partido demócrata deron o seu apoio á manifestación e entregáronse máis de 4.000 firmas de persoas en contra dos proxectos.

Jody McCaffree encabeza o comité cidadán contra o GNL e di, "Se eles levasen a cabo unha declaración de impacto ambiental (EIA) tal como esíxeo a NEPA, quizá eu non estaría hoxe aquí, xa que estes terminais non son necesarios".

http://www.kval.com


O organismo de pesca NMFS de EE.UU. recomenda a denegación de permiso de GNL Bradwood

EE.UU.: O Servizo Nacional de Pesqueiras Mariñas (NMFS) recomendou ao Corpo de Enxeñeiros do Exército que negase o permiso a Bradwood GNL LLC para o seu proxecto de gas natural licuado (GNL) e dos correspondentes oleodutos, dicindo que o proxecto prexudicaría a poboación de salmón e de toda vida silvestre do río Columbia. O terminal propúxose para a construción preto de Astoria, Oregón.

O proxecto proposto atópase no estuario do Río Columbia, que foi descrito como "o máis valioso da zona de desova e cría de salmón nos Estados Unidos", sinalou NMFS na súa carta ao Corpo de Enxeñeiros do Exército.

http://www.energycurrent.com
____________

Noticias desde EEUU e entrada dun novo buque gaseiro na Ría de Ferrol

De: Ferrol CAPE
Para:artabra21@gmail.com
Data: 11 de março de 2008 09:43
Asunto: Noticias desde EEUU e entrada dun novo buque gaseiro na Ría


OBSERVATORIO DO GAS NATURAL LICUADO (GNL)
Noticias desde EEUU e entrada dun novo buque gaseiro na Ría

Estimades amig@s.

Hoxe enviámosvos unhas noticias de EE.UU. que demostran a clara oposición da veciñanza e dos representantes políticos dese país ás localizacións irracionais de plantas regasificadoras pola ameaza que supón para as poboacións próximas e para o medio ambiente.

En EE.UU. están paralizados varios proxectos de plantas regasificadoras debido aos procesos xudiciais, pois en tanto non se dite sentenza por parte dos tribunais NON SE EMPEZAN A Construir As PLANTAS. Aquí en España, as cousas fanse doutra forma e así nos vai. Mentres os xuíces pénsanllo (10 anos) a ría de Ferrol está nunha constante ameaza. Por que en EE.UU. considéranse os riscos e as leis e aquí non?

Estas noticias pódense ler no documento anexo:

Arquivo OBSERVATORIO - febrero08

• Aprázase a aprobación da planta de GNL de Long Island Sound (febreiro 2008)
• Manifestación en Salem de opositores ás plantas de GNL en Oregón (febreiro 2008)
• O organismo de pesca NMFS de EE.UU. recomenda a denegación de permiso de GNL Bradwood

ou nos seguintes enlaces (en inglés):

• http://www.newsday.com
• http://www.kval.com
• http://www.energycurrent.com

UN NOVO BUQUE GASERO TEN PREVISTO ENTRAR NA RÍA DE FERROL CARGADO CON GNL

MÉRCORES 12 DE MARZO

CONCENTRACIÓN
DIANTE DO EDIFICIO ADMINISTRATIVO DA XUNTA DE GALICIA
ÁS 7 DA TARDE

ACODE!

PLANTA DE GAS FORA DÁ RIA! ¡XA!

Saúdos
www.f-cape.org
Colectivo universitario opositor á planta de gas (GNL) da ría de Ferrol
_______________

Semana de Actividades no Ateneo Ferrolán

De: ATENEO FERROLAN -a_ferrol@teleline.es-
Para:artabra21@gmail.com
Data: 10 de março de 2008 17:46
Asunto: ACTIVIDADES SEMANAIS no Ateneo Ferrolán




ATENEO FERROLÁN (Fundado en 1879)
"UN LUGAR DE ENCONTRO PARA A CULTURA” Rúa Magdalena 202-204, 1º
FERROL
www.ateneoferrolan.org

ACTIVIDADES do 10 ao 14 de MARZO

LUNS Día 10

• ás 20 horas –CONFERENCIA: ONG IMPLICAD@S : Programa VANAKKAM

MARTES Día 11

• ás 12,30 horas – CAFÉ ENCONTRO: XORNADAS REHABILITACIÓN – CONCELLO FERROL
• ás 19 horas – MARTES DE CINE: MARZO CICLO MULLERES DIRECTORAS: “LAS VÍRGENES SUICIDAS” de Sofía Coppola (1999)

MÉRCORES Día 12

• ás 18 horas – CONFERENCIA. Organiza: Asociación Cultural Xubilados da Admón. Pública.

VENRES Día 14

• ás 17,30 horas – A ESCOLA DA VACA
• ás 20,30 horas – INAUGURACIÓN EXPOSICIÓN de GUILLERMO BAAMONDE (1ª planta)

EXPOSICIÓNS no ATENEO FERROLÁN: AXENDA

• Do 14 ao 31 de marzo - EXPOSICIÓN GUILLERMO BAAMONDE (1ª Planta)
  

..................

O ferrolán Jesús Ordovás, leva a exposición "25 Años de POP con Rádio3" á súa cidade natal

A exposición estará no Ateneo Ferrolán até o 23 de marzo.

Un mes logo de impartir unha conferencia sobre a música pop dos últimos anos, Jesús Ordovás volve á súa cidade natal, Ferrol, para inaugurar a exposición 25 Años de Pop con Radio3. Esta exposición poderase visitar no Ateneo Ferrolán do 28 de febreiro ao 23 de marzo. Trátase dunha mostra multimedia que permite aos seus visitantes achegarse e rememorar unha época moi importante na nosa cultura musical: os anos 80, 90 e principios do século XXI. Grupos como Sinistro Total, Radio Futura, Alaska e os Pegamoides, Almodóvar e Mcnamara ou, máis actualmente, o ferrolán Carlos Jean marcaron unha forma de facer música onde a imaxinación, o descaro e a orixinalidade son a súa principal carta de presentación. A exposición recolle parte da colección de fotografías, carteis, flyers, fanzines, discos, libros, etc. que Jesús Ordovás recompilou durante os seus máis de 25 anos á fronte do mítico Diario Pop de Radio3. Componse de varios apartados, organizándose a través tanto de material gráfico como de ferramentas multimedia e interactivas que permiten ao visitante descubrir a exposición en función dos seus intereses e a súa curiosidade. Nos módulos audiovisuais o visitante pode navegar por programas de televisión dos 80 e 90, videoclips musicais e diverso material audiovisual sobre a riqueza creativa desa época musical que se iniciou nos oitenta e chegou ata os nosos días. Ademais, pódense realizar audicións de discos do momento e ata atreverse a xogar a un trivial musical ou a emular a estes grupos cantando nun karaoke. 25 Años de Pop con Radio3 é unha exposición que non deixará indiferente a ningún visitante.
_________

Concentración diante do Edificio Administrativo da Xunta, o 12 de marzo, ante a entrada na Ría dun novo gaseiro para a ilegal e perigosa REGANOSA

MÉRCORES 12 DE MARZO

UN NOVO BUQUE GASEIRO
TEN PREVISTO A ENTRAR NA NOSA RÍA
CARGADO CON GNL
PARA A ILEGAL E PERIGOSA
REGANOSA

CONCENTRACIÓN
DIANTE DO EDIFICIO ADMINISTRATIVO
DA XUNTA DE GALICIA
ÁS 7 DA TARDE

Convoca:
Comité Cidadán de Emerxencia para a Ría de Ferrol

O LNG ABUJA (ex”Louisiana”) Foi construido por GeneralDynamics Quincy MA, E.E.U.U. en 1980. Ten 93.619 toneladas derexistro bruto, 285 metros de eslora, 46 metros de manga , cun calado de 12 metros e capacidade de 126.530 metros cúbicos. En1999 entra nos asteleiros ferroláns para reformas, sendo rebautizado polos seus propietarios, Lachmar Corporation Inc., LNGAbuja. Está matriculado en Nassau (Bahamas) e clasificado en American Bureau of Shipping. Recientemente foi adquirido porla Nigeria LNG Ltd., e posteriormente transferido a BGT. Este buque estivo reparando en Ferrol por tres veces máis, a última en 2004. Un buque vello, case 30 anos e cun historial de numerosas intervencións no seu casco e maquinaria, muitas delas dentro desta Ría.

comitecidadan@gmail.com
http://comitecidadan.org
_________

Convite da Asociación Veciñal de Esteiro "Fontelonga", ao acto de Homenaxe ás Vítimas do 11M do 2004

De: ASOCIACION VECIÑAL FONTELONGA
-avvfontelonga@mundo-r.com-
Para: artabra21@gmail.com
Data: 10 de março de 2008 18:44
Asunto: Homenaxe ás vítimas do 11 M- RECORDATORIO

Homenaxe ás vítimas do 11 M

A Asociación Veciñal de Esteiro " Fontelonga" celebraremos o vindeiro martes 11 de Marzo ás 18 horas un acto cívico , aberto a toda a cidadanía, de homenaxe ás vítimas do 11 de Marzo de 2004 en Madrid, como vimos facendo cada ano.

O acto ó que están convidados tódolos grupos municipais do Concello de Ferrol, partidos, sindicatos e todo o tecido asociativo da cidade, será na Praza das Vítimas do 11 M, na confluencia das rúas Vázquez Cabrera e San Ramón, preto do Pavillón Municipal de Deportes de Esteiro.

Con este acto, carente de calquera contido partidista, se pretende recordar ós mortos e mortas, feridos e feridas nese brutal atentado, e ademais quere ser un acto de afirmación democrática fronte ó terrorismo, de defensa das liberdades, da paz e sobre todo da xustiza.

Ferrol a 7 de Marzo de 2008.

Xunta Directiva da Asociación Veciñal de Esteiro " Fontelonga".

Asdo../ Xosé Miguel López Pérez, presidente
________________
ESTEIRO
Web veciñal
Blog veciñal
Artigos PA21
___________

Chamamento a participar nas manifestacións do 10 de Marzo "Día da Classe Obreira Galega"

De: Comité Cidadán de Emerxencia
-comitecidadan@gmail.com-
Para: artabra21@gmauil.com
Data: 7 de março de 2008 18:59
Asunto: Manifestación o luns 10 de marzo

10 de Marzo: Dia da Clase Obreira Galega

O Comité Cidadán de Emerxencia para a Ría de Ferrol, súmase as manifestacións convocadas polos Sindicatos para o próximo luns 10 de Marzo, con motivo do Día da Clase Obreira Galega.

Asistiremos a esta cita amosando o noso lema: PLANTA DE GAS FORA DA RÍA, e convidamos a toda a cidadanía a participar na mesma.

Manifestacións:

Convocada por CCOO: saida da Praza do Inferniño ás 19 horas.

Convocada por CIG: saida da súa Sede (Rua E.Pondal – Esteiro) ás 19,30 horas.

Comité Cidadán de Emerxencia para a Ría de Ferrol
_____
comitecidadan@gmail.com
http://comitecidadan.org
...........

"Fixen o que tiña que facer e díxenllo a quen llo tiña que dicir. Non quero volver falar de Reganosa", Guillermo Romero Caramelo

"Fixen o que tiña que facer e díxenllo a quen llo tiña que dicir. Non quero volver falar de Reganosa"

Guillermo Romero Caramelo, presidente da Autoridade Portuaria de Ferrol en 2001

Máis que vítimas dun proceso imparábel, foron oportunidades perdidas para reconducir un proxecto que talvez nunca deixou de ser estratéxico para a política enerxética do país. Guillermo Romero era presidente da Autoridade Portuaria de Ferrol en febreiro de 2001, cando tocaba regularizar un recheo de 123.000 m2 en Punta Promontoiro, onde só se autorizaran 59.000 m2, e un dragado ilegal que servira para poñer un calado de 14 metros onde só había 12,5. Agora non quere nin sentir falar de Reganosa nin explicar por que foi cesado de urxencia xusto nese intre. "Fixen o que tiña que facer e díxenllo a quen llo tiña que dicir", apón. A mesma pregunta poderíaselle formular a Carmen Becerril. Directora xeral de Política Enerxética no Ministerio de Economía, como tal intercambiou unha interesantísima correspondencia con Guillermo Grandío e Ángel del Real, sucesores de Romero no porto ferrolán en 2001 e 2004 respectivamente. Nunca conseguiu o seu propósito: que a informasen "explicitamente" sobre as condicións de seguridade no tráfico de gaseiros na ría e sobre o cumprimento da norma UNE-EN-1532, que regula a saída destes buques ao mar en caso de emerxencia. A última resposta, a definitiva, foi un "informa favorabelmente" suxeito a 21 condicións. Cando menos, tivo interlocutores, non como o informe do Estado Maior da Zona Marítima do Cantábrico que Defensa meteu nunha gabeta en 1999 e para sempre. Advertía de que a planta afectaba á zona de seguridade do Arsenal e aconsellaba levala a Cabo Prioriño. O almirante xefe Rafael de Morales pasou á reserva nove meses despois de asinalo.

Reportaxen da Revista "Tempos Novos"

_________

O Comité Cidadán de Emerxencia denuncia novo "pelotazo" do Grupo Tojeiro no caso REGANOSA

Hoxe, ás 12:30 hrs, nos locais do Ateneo Ferrolán, tivo lugar unha importante rolda de prensa, convocada polo Comité Cidadán de Emerxencia para a Ría de Ferrol, para denunciar un novo "pelotazo", desta vez a conta dunha Concesión Administrativa no que están implicados o Grupo Tojeiro [a través da súa empresa Forestal del Atlántico, S. A.], REGANOSA, o Consello de Administración da Autoridade Portuaria de Ferrol - San Ciprián e a anterior Xunta de Galicia, con Manuel Fraga como Presidente.

O 4 de Maio de 1997, o Consello de Administración da citada Auoridade Portuaria, acordaba a Concesión Administrativa, outorgada por 30 anos á empresa Forestal del Atántico, cuxo importe correspondía nos exercicios económicos de 2001 e 2002 a 142.576,90 €. A citada concesión, foi cedida, nun 46,92% a REGANOSA o 23 de marzo de 2001, con anterioridade, o 2 de marzo de 2001, o Consello de Administración da citada A.P. aprobaba a cesión, uns días antes [21.02.2001] de producirse o outorgamento da Concesión Administrativa, producese o cese do Presidente da Autoridade Portuaria, Guillermo Romero Caramelo, que se opuña ao "cambalache" [*]. A Concesión foi autorizada definitivamente despois dunha ampliación da mesma, polo Consello de Administración da citada Autoridade Portuaria con data do 7 de maio de 2003. Desta vez no asentamento contábel de REGANOSA no conceito de concesións administrativas figura 24.799.003,39 €.

[*] Guillermo Romero era presidente da Autoridade Portuaria de Ferrol en febreiro de 2001, cando tocaba regularizar un recheo de 123.000 m2 en Punta Promontoiro, onde só se autorizaran 59.000 m2, e un dragado ilegal que servira para poñer un calado de 14 metros onde só había 12,5.

- Audio da Rolda de Prensa
[Cedido por Rádio FilispiM]

Get this widget | Download | eSnips Social DNA

- Galería de Diapositivos da Rolda de Prensa
- Galería de Fotográfias da Rolda de Prensa
_________________________

As datas son significativas:
Cese de Guillermo Romero Caramelo no BOE, en formato - PDF-

As hemerotecas dan datos de interese, ainda que sexan as de "La Voz de Galicia":
Manuel Fraga apoia a decisión do conselleiro de Política Territorial porque «había que resolver o tema de Mugardos» [Noticia en "La Voz de Galicia" - 16.02.2001]
A Xunta destitúe ao presidente do porto de Ferrol por entorpecer a planta de gas [Noticia en "La Voz de Galicia" - 16.02.2001]

Eran outros tempos:
O deputado socialista Ismael Rego acusa ao titular de Política Territorial de cesar a Romeu porque "non se encartou aos intereses dun empresario" afín á Xunta [O Xornal - 21.03.2001]

Interesante frase:
"Fixen o que tiña que facer e díxenllo a quen llo tiña que dicir. Non quero volver falar de Reganosa", Guillermo Romero Caramelo [Extracto dunha reportaxen da revista "Tempos Novos", nos Arquivos Ártabros]
____________

Concentración diante do Edificio Administrativo da Xunta, o xoves 6 de marzo, ás 7 da Tarde, ante a entrada na Ría dun novo buque gaseiro para a ilegal e perigosa REGANOSA
_______________

Concentración diante do Edificio Administrativo da Xunta, o 6 de marzo, ante a entrada na Ría dun novo buque gaseiro para a ilegal e perigosa REGANOSA

De: Comité Cidadán de Emerxencia
-comitecidadan@gmail.com-
Para: artabra21@gmail.com
Data: 4 de março de 2008 22:29
Asunto: Convocatoria Xoves, entrada 15º gaseiro

Ante a entrada do gaseiro número 15, o próximo xoves 6 de marzo, na nosa Ría o Comité Cidadán de Emerxencia

CONVOCA
CONCENTRACIÓN
CACEROLADA
E
BUZOS BRANCOS

Xoves, 6 de Marzo, ás 7 da tarde

Ante o Edificio Administrativo da Xunta de Galicia de Ferrol






Comité Cidadán de Emerxencia para a Ría de Ferrol
comitecidadan@gmail.com
http://comitecidadan.org

Para rexeitar, unha vez máis, a perigosa e ilegal localización da Planta de Gas de Reganosa no interior da nosa Ría, incumprindo as medidas legais de seguridade, como ten sentenciado o Tribunal Sup. de Xustiza de Galicia, e para amosar o enorme risco e a irresponsabilidade que supón para a poboación desta Comarca o tránsito dos gaseiros perto das nosas casas.

É conveniente que quen poidan facelo, acudan provistos de todo o material habitual nestas concentracións que vimos realizando: camisetas, bandeiras, buzos, material sonoro, pancartas, etc.

Características do buque:
LNG Finima,
Antigüedade: 25 años.
Eslora: 287 m. manga: 42 m.
Bandeira: Bermudas

PLANTA DE GAS FORA DA RÍA !

--




NOVA CONTA DO COMITÉ CIDADÁN DE EMERXENCIA




O Comité Cidadán de Emerxencia, necesita apoio económico, para que poida desenvolver a súa actividade:
C/C en BBVA, titular:
Ángeles Cuadrado e outros.
Para ingresar desde unha oficina bancaria desde dentro do Estado:
0182-0232-77-0201521046
Para ingresar desde unha oficina bancaria desde fóra do Estado:
Codigo BIC: BBVAESMMXXX
IBAN
ES80 0182 0232 7702 0152 1046

Comité Cidadán de Emerxencia
para a Ría de Ferrol
comitecidadan@gmail.com
http://comitecidadan.org

____________

Audio do Manifesto da "Rede Galiza Non Se Vende", leido ao remate da Manifestación do 17M2008, na Praza da Quintana en Compostela

Manifesto íntegro GZ NON SE VENDE.
Compostela 17/02/2008

Get this widget | Track details | eSnips Social DNA

Proposta do Colectivo Opaíí - Rádio FilispiM: "V Conspirando por unha radio libre" -> xoves 20/03/2008

De: FilispiM 93.9FM -opaii.rfm@gmail.com-
Para: artabra21@gmail.com
Data: 29 de fevereiro de 2008 19:44
Asunto: Proposta do Colectivo Opaíí - Rádio FilispiM ao voso colectivo. "V Conspirando por unha radio libre" -> xoves 20/03/2008


Proposta do Colectivo Opaíí - Rádio FilispiM ao voso colectivo. "V Conspirando por unha radio libre" -> xoves 20/03/2008

Olá a todas e tod@s,

Somos o Colectivo Opaíí! – Rádio FilispiM, 93.9FM, e pedímosvos que prestedes moita atención ao seguinte:

Como todos os anos o Colectivo Opaíí! – Rádio FilispiM, organiza para o vindeiro xoves "santo", 20 de marzo, una nova edición do festival "CONSPIRANDO por unha radio libre".

Este ano cumprense cinco edicións. É polo que, decidimos dar un salto cualitativo, canto a organización do mesmo, procurando un espazo aberto para a súa celebración.

Tras petición ao departamento de cultura do Concello de Ferrol, este deu o visto e praze a utilización do PALCO existente na PRAZA DO INFERNIÑO, en Ferrol, comprometéndose a facilitarnos unha CARPA, baixo a que programar o propio festival e os actos paralelos ao mesmo.

PROGRAMA DO "V CONSPIRANDO por unha radio libre".

MÚSICA:

Na 5º edición do "CONSPIRANDO", tocarán tres grupos, dous locais e un de fóra. Os estilos musicais serán variados: funk, tradicional e punk-rock. A parte músical do festival comezaría cara as 22:00 h. e remataría cara as 01:00 da madrugada.
ACTOS PARALELOS:
PROGRAMA DE RADIO ESPECIAL, en directo dende o estudio de RFM [Rádio FilispiM]), con conexións en directo, horas antes do festival.

FEIRA DE COLECTIVOS, no propio festival, previa aos concertos con postos e material divulgativo dos diversos colectivos, sociais, culturais, ecoloxistas, da nosa comarca que desexen participar e se inscriban previamente. Esta feira se desenvolvería nos postos que os colectivos instalaran na propia carpa, entre as 6:00 h. do serán e até que desexaren.

Estamos estudiando a posibilidade de que algun colectivo amenice esta FEIRA, previa ao festival, con malabares, circo, etc.

GRAVACIÓN ÍNTEGRA DO FESTIVAL en formato radiofónico, para a súa futura emisión en Rádio FilispiM (RFM)

OBXECTO DO V "CONSPIRANDO por unha radio libre".

O festival, como todos os anos, ten como obxecto a recadación de fondos pra autofinanciar Rádio FilispiM. Como sabedes, Rádio FilispiM non pertence a institución nen empresario algún, a autoxestión comunitaria é a súa principial mantedora, de aí que a rádio sexa libre e comunitaria.

Ademáis, pretende a difusión dos artistas e grupos locais, e a interelación dos colectivos que se sumen á convocatoria da "FEIRA DE COLECTIVOS", para a difusión das diversas iniciativas. En todo caso, participando dunha xornada de convivio, compartillamento de experiencias e mostra das mesmas á poboazón en xeral.


QUE PRECISAMOS pra poder levar a bon término o V Conspirando?

Para poder facer fronte aos gastos que xenera a organización deste tipo de eventos, pensamos na introduzón, nos cartazes anunciadores do evento, de PUBLICIDADE dos diversos colectivos, asociacións ou pequenos negocios da comarca. O custe deste "espazo no cartaz" é de 30 euros (sinxelo), ou 50 euros (duplo espazo).

Se recibes esta mensaxe, é porque figuras entre os colectivos, aos que decidimos solicitar este PATROCINIO, polo que vos pedimos valoredes a posibilidade de participar desta iniciativa coa aportación que mellor se axuste as vosas posibilidades.

EN CALQUER CASO, quedades todas e todos os colectivos convidadas a instalar unha mesa co voso material divulgativo na FEIRA DE COLECTIVOS.

Cómpre, que no prazo máis breve posíbel nos contestedes a este correio indicando se estades de acordo en calquera das iniciativas que vos propoñemos: patrocinio, participación na FEIRA DE COLECTIVOS ou ámbalas dúas propostas. Tambén podedes chamarnos ao teléfono 680 73 02 41.

CASO DE PRESTARNOS O VOSO APOIO CO PATROCINIO, achegádenos CANTO ANTES o LOGOTIPO ou imaxe que queirades incluir nos cartazes que xa estamos deseñando. Pódedes anexalo no correio de volta.

Esperamos ter sido clar@s e concisos.

Unha aperta.

Colectivo Opaíí - Rádio FilispiM, 93.9 FM

--
OPAII-Rádio FilispiM [93.9 FM]
A rádio livre e comunitária da comarca de Trasancos
www.opaii.blogspot.com
filispina@gmail.com ou opaii.rfm@gmail.com
Apdo. 303 15401 Ferrol (Galiza)
_____________-

Concentración e Feira este 8 de Marzo de 2008 en Ferrol e Narón, no Día Internacional das Mulleres

DIA INTERNACIONAL DAS MULLERES
8 DE MARZO DE 2OO8

Nin un paso atrás!

As mulleres non podemos perder dereitos

Levamos un longo camiño andado desde que en 1910 se acordaba na Conferencia Internacional Socialista de Mulleres, celebrada en Copenhague, sinalar o 8 de Marzo como un día de mobilización e loita polos dereitos das mulleres. A nosa sociedade ten avanzado cara onde soñaban as mulleres que viviron a Segunda República, e como nin chegaron a imaxinar as que tiveron que sobrevivir á dictadura franquista. Con todo, sabemos que nos queda moito por camiñar. Tamén sabemos que o que temos conquistado até agora pode sernos arrebatado por intereses políticos, económicos ou relixiosos. Isto é o que sucedeu nas últimas décadas en paises como Afganistam, Iraq, Nicaragua, Exipto, EEUU ou Polonia. Isto é o que pretenden as forzas reaccionarias representadas pola Conferencia Episcopal e a cúpula do Partido Popular.

Asistimos, nestes últimos meses, a un discurso ameazador que relaciona un suposto caos social coa liberdade das mulleres, co noso estatus de cidadás en igualdade e cos dereitos conseguidos até agora. E dos discursos preténdese pasar aos feitos. Así xa se fixo, abrindo procesos xudiciais a mulleres que se acolleron á Lei do Aborto, demostrándonos que esta lei é insuficiente para protexer e garantir o noso dereito a decicir, e nos deixa desprotexidas ante a reacción machista. Políticos conservadores, para a nosa intranquilidade, aseguran que se gañan as eleccións van facer cumprir a Lei do Aborto. E dicer, haberá máis mulleres enxuiciadas, máis clínicas fechadas e máis obxección de conciencia na sanidade pública. Os discursos non paran aí. Fálase do divorcio como un mal da nosa sociedade e descúlpase a violencia machista por falta de paciencia e capacidade de sacrificio das mulleres.

Para o noso asombro, estes políticos, coreados pola Conferencia Episcopal, falan de negar os dereitos humanos, o dereito á igualdade, a lesbianas e gais, intentando impoñer un modelo único de familia. Ademais, o racismo tinxe este discurso que pretende que recuperemos o medo á liberdade de épocas escuras, de exclusión e sufrimento para as mulleres. A situación é grave porque falamos da institución relixiosa con máis poder no noso país e dunha forza política maioritaria.

A Marcha Mundial das Mulleres recolle moitos anos de experiencia de loita feminista de todas partes do planeta. É por iso que sabemos que cando soan tambores anunciando pasos atrás, retrocesos na conquista dos nosos dereitos, o mellor xeito de facerlles fronte é a denuncia, a organización e a mobilización. Este 8 de Marzo estaremos presentando autoinculpacións de ter abortado nos xulgados das sete cidades galegas. Facémolo para mostrar a nosa solidariedade coas mulleres enxuizadas, para denunciar unha lei que non garante o noso dereito a decidir. Estaremos organizando, ao longo da xeografía galega, actos de denuncia e toma de conciencia, do que nos xogamos se nos arrebatan o que levamos conseguido. Estaremos visibeis, ocupando os espazos públicos. Estaremos unidas ao resto das mulleres do planeta que senten a necesidade de cambiar o mundo para cambiar a vida das mulleres, e que hai que cambiar a vida das mulleres para cambiar o mundo.

Se queres sumarte á nosa resposta contra a reacción machista consulta:
http://www.feminismo.info

NIN UN PASO ATRÁS!
AS MULLERES NON PODEMOS PERDER DEREITOS

Están programadas concentracións e actos en toda Galiza, nas sete cidades entregaran-se autoinculpacións nos diferentes xulgados.

Mobilización, Denuncias e Actos en Ferrol e Narón:

• Concentración en Ferrol e entrega de autoinculpacións nos xulgados, na Rúa Coruña ás 12 do mediodía.
  
  
• Feira Feminista, no Pavillón da Mocidade [A Gándara] en Narón, de 18:00 a 21:00 hrs. Libros, Música, Poesia, Arte, Artesania, ...

__________

marchagaliza.ferrol@gmail.com

Coordenadora Local de Ferrol - Terra
da Marcha Mundial das Mulheres na Galiza
FENE [Ferrol-Terra]:
Escola Fonte do Campo S/N
15500 Fene - Galiza

Telfs 671695968 - 652201003 - 667685430 - 696732735

Enlaces da Marcha Mundial das Mulleres:

• A Marcha na Galiza
• Blog das Coordenadoras Locais da Galiza
• Anexos ao Blog das Coordenadoras locais de Galiza
• Blog da Coordenadora Local de Ferrol - Terra
• A Marcha Mundial das Mulleres na Galiza na Loita Contra a Violencia de Xénero
• A Marcha nos Médios
• VII Encontro Internacional da MMM Vigo Outubro 2008
• Última edición do Boletín Internacional
• Colectivos e organizaçons da Marcha na Galiza
• A Marcha Internacional
  

___________