No Día da Terra, un programa pola Terra: para uns concellos sustentábeis - Recolle unha serie de propostas para que as diferentes organizacións políticas as integren na súa acción de goberno ou de oposición nos diferentes concellos de Galiza

As organizacións ADEGA, Amigos da Terra, APDR (Asociación pola Defensa da Ría de Pontevedra), CEMMA, Federación Ecoloxista Galega (FEG) e Verdegaia, xuntaron-se para definir uns principios e elaborar unhas proposta diante das vindeiras Eleccións Municipais que se van celebrar o 24 de Maio deste ano 2015. A ditos principios e propostas se lles denominou "Programa pola Terra - Por uns concellos sustentábeis e Propostas para o desenvolvemento de actuacións políticas sustentábeis a nivel local". O citado programa recolle  as  propostas  do ecoloxismo  galego  para  que  os  diferentes  partidos  e  coalicións  políticas as  integren  na súa acción tanto de goberno como de oposición nos concellos de Galiza. Desde Ártabra 21 consideramos necesario a difusión destes principios e propostas e chamamos aos diferentes partidos e organizacións políticas a asumir-las como propias para fomentar e desenvolver desde as institucións municipais das comarcas de Ferrolterra, Eume e Ortegal. Achegamos ao final deste artigo o enlace para acceder ou baixar o texto desenvolvido do programa unitario das organizacións do movemento ecoloxista galego.

No Día da Terra, un programa pola Terra: para uns concellos sustentábeis

“Un Programa pola Terra” recolle unha serie de propostas para que as diferentes organizacións políticas as integren na súa acción de goberno ou de oposición nos diferentes concellos de Galiza

O vindeiro 24 de maio celebraranse eleccións municipais en Galiza. Coa presentación deste documento as organizacións ecoloxistas máis representativas do ámbito galego, queremos salientar a importancia crucial dos concellos á hora de realizar actuacións tendentes a acadar un modelo ecoloxicamente sustentable no noso país.

Debido á enorme magnitude da crise ambiental global, causada por un modelo social inxusto que explota de xeito ilimitado o noso planeta finito (os seus recursos materiais e as súas formas de vida), perceptible, entre outros moitos factores, no cambio climático da Terra e na perda a pasos de xigante de biodiversidade, consideramos preciso e urxente un cambio profundo nas políticas desenvolvidas polas Administracións Municipais: ben por posuír un alto grao de implicación na xestión medioambiental a nivel local, ben pola súa estreita relación e proximidade coa cidadanía. 

Estas eleccións supoñen unha grande oportunidade para que todos os partidos se comprometan a que os Concellos muden as súas insustentábeis políticas na súa contorna de actuación, reflexionando arredor dos efectos que sobre o global teñen tamén as súas accións no ámbito local. 

Para iso, as organizacións ecoloxistas asinantes achegamos este “Programa pola Terra”, cunha serie de propostas concretas, factibles e realistas destinadas a ser aplicadas en calquera municipio e permitir a transformación das nosas sociedades. 

Este documento contén dez propostas, que permitirían a transformación que a actual crise ambiental require. Están baseadas en catro principios básicos:

• O actual modelo económico e social é inxusto e insustentábel.
• É necesario un compromiso de cambio de dimensións estratéxicas. 
• Participación e transparencia non poden quedarse só en verbas.
• Cumprimento da lexislación ambiental.

10 medidas para camiñar cara a sustentabilidade nos concellos

1. Integrar enerxía, mobilidade e contaminación.

2. Protexer os espazos naturais, a flora e a fauna.

3. Implantar unha nova cultura da auga.

4. Aplicar unha política de ordenación do territorio que limite drasticamente o crecemento urbanístico e defenda a costa.

5.  Apostar pola redución, a reciclaxe e a compostaxe dos residuos sólidos urbanos.

6.  Defender a soberanía alimentar e apoiar ao sector primario para manter un mundo rural e mariñeiro vivos.

7.  Recoñecer a importancia dos coidados básicos para a vida, o papel das mulleres neles e facilitar novos esquemas de xénero ao respecto.

8. Avanzar na participación cidadá cara unha democracia participativa real.

9. Facer unha reforma verde do sistema fiscal local e impulsar unha contratación pública verde.

10. Afortalar a cooperación internacional para o desenvolvemento sustentábel.

Documento:

"Programa pola Terra", 8 páxinas en formato pdf. | Acceder/Baixar.

Para máis información:   

ADEGA: Fins Eirexas (981570099; 661993406)
Amigos da Terra: Victor Barro (988374318; 671865839)
APDR: Xulio Carmona (986847670)
CEMMA: Alfredo López (686989008)
FEG: Mónica Arto (691527277); Anxo Saborido (666893879)
Verdegaia: Iñaki Varela (622033665) 

http://www.adega.gal
http://www.amigosdaterra.net
http://www.apdr.info
http://www.cemma.org
http://www.federacionecoloxista.org
http://www.verdegaia.org

Enviado por:
Antonio Gª
-angaji@yahoo.com-
25 de abril de 2015 23:51
________________

A pesar da chuvia o Comité Cidadán de Emerxencia para a Ría de Ferrol concentrou-se, unha vez máis, para denunciar e protestar pola continua entrada de gaseiros na Ría de Ferrol, cargados con GNL para a ilegal e perigosa Reganosa - Vídeo

Prevista a entrada do gaseiro cargado con LNG numero 193, para a ilegal e perigosa Reganosa, o Comité Cidadán de Emerxencia para a Ría de Ferrol, realizou unha protesta diante do edificio da Xunta de Galicia o pasado venres 24 de Abril de 2015.


https://youtu.be/1uIULP_cCd4

Comité Cidadán de Emerxencia para a Ría de Ferrol
comitecidadan@gmail.com
www.comitecidadan.org
@ComitCEmerxenc
______________

A RISGA: a Xunta condénanos á miseria e á precariedade

Seguen os problemas da RISGA. Polo momento o decreto que ten que desenvolver a Lei 10/2013, do 27 de novembro, de inclusión social de Galicia segue na neveira, mais ben no conxelador. Na consellería falaban de mediados de 2015 como posible data de publicación do mesmo. Polo momento non hai novas, e os tempos fixados na lei están amplamente superados.

Non é que pensemos que o decreto vaia a mellorar a situación actual. Sabemos que consolidará a restritividade na aplicación que sufrimos, porén a aprobación do mesmo pode ser unha oportunidade -se somos quen de xuntar forzas e loitas- para rematar coa indefensión que provoca non ter un marco legal claro e definido.

Mentres agardamos polo decreto, as delegacións provinciais van, paseniño, actualizando os expedientes á normativa vixente aproveitando as revisións anuais dos mesmos. A nova lei mantén moitos dos problemas antigos engadindo, a maiores, novas e máis duras restricións. Facemos unha pequena enumeración dos, vellos e novos, atrancos:

• Un ano de espera pola RISGA. Na delegación de Vigo están a resolver solicitudes presentadas en decembro de 2014. Os atrasos na Xunta, engadidos á demora na tramitación por parte dos servizos sociais do Concello de Vigo fan que teñamos que agardar máis de un 1 ano para poder cobrar á RISGA. Tanto Xunta como Concello de Vigo están a incumprir os prazos máximos de resolución marcados por lei, que non poden exceder os 3 meses dende o momento da solicitude.
• Como xa denunciamos varios colectivos, a nova lei deixa fóra da RISGA a cidadáns da Unión Europea que non acrediten “residencia legal”. Para poder acreditar esa residencia legal se esixe contar con ingresos económicos, incompatibles á súa vez, coa percepción da RISGA. O que, na práctica, está a supoñer que non se outorguen RISGAs a cidadáns da UE.
• Imposibilidade de que varias unidades cobren a RISGA se viven nun piso compartido. A Xunta aplica agora o criterio: “unha RISGA por domicilio”. Aínda que sexan unidades familiares con nenxs a cargo.
• Se tes un emprego precario non podes solicitar a RISGA. Se no momento de presentar a solicitude non estás desempregado non podes solicitar a RISGA. Da igual que sexa un emprego precario, a tempo parcial ou cun salario inferior á contía da RISGA.
• Péchase a posibilidade de solicitar a RISGA se no momento de facelo percibes algunha axuda. Era moi habitual que perceptoras da RAI (=426€ x 11 meses) iniciasen a tramitación da RISGA con varios meses de antelación a que finalizase aquela, para tratar de no quedar ningún mes sen ingresos; o cal agora non é posible e polo tanto obrígannos a permanecer máis meses sen ningún tipo de ingresos.

A Xunta coas súas políticas sociais, lonxe de ir ás causas da desigualdade e da privación de recursos básicos que cada día sufrimos máis galegas (95000 fogares con todos os membros en paro, 37000 desempregadas en Vigo...), léanos no “labirinto da exclusión social”, avanza no control social das persoas empobrecidas e afonda en discursos que responsabilizan aos individuos de problemas sociais os cales precisan de respostas colectivas.

Fronte a isto tomamos o berro das compas de Alambique: Non tragamos máis ante a pobreza, a exclusión e a precariedade! Xa abonda de esmolas, de facer negocio coas nosas necesidades, de políticas de miseria, de controlarnos a vida, de precariedade... Fartas da súa cobiza seguiremos a traballar, a sumar forzas para superar os “salarios ou rendas para pobres” e dar paso á Renda Básica das iguais e moitísimo máis.

Coia, abril 2015
--
OFICINA DEREITOS SOCIAIS - COIA (ODS-Coia) | odscoia.arkipelagos.net | odscoia@riseup.net |@odscoia | tel: 696 618 732 - 679 758 663. | Estamos os luns de 17h00 a 19h00 en Coia, nos locais da parroquia do Cristo da Vitoria (rúa Baiona 9, Vigo).

Enviado por:
Oficina Dereitos Sociais - Coia
-dereitossociais@gmail.com-
26 de abril de 2015 09:33
___________

A Marcha Mundial das Mulleres marcou a ruta da explotación nas rúas de Ferrol - Moi interesantes Vídeos e Enlaces

Co aniversario do brutal accidente en Rana Plaza de fondo, a poucos días da celebración internacional do 1º de maio, a Marcha Mundial das Mulleres marcou a ruta da explotación e das empresas do sector téxtil relacionadas coa traxedia na nosa cidade. Un chamado á reflexión e á responsabilidade por parte desta rede feminista internacional, que convocou actos en todo o planeta, e que na nosa localidade tivo, como non podía ser doutro xeito, a súa expresión a través dun acto intenso e reivindicativo, a pesares da choiva.

Máis información na conta de facebook galega:
https://www.facebook.com/marchamundialmulleres.galiza


https://youtu.be/Uy-3wmmlP6U

https://youtu.be/LS-6X0azi-o

https://youtu.be/M2rngWpqLt0

https://youtu.be/X3Xru8bwydw

https://youtu.be/8RAqSRZD1_E

https://youtu.be/zXR3NJsxXsM

https://youtu.be/71mG57i8xLU
--
"As mulleres decidimos"

Coordenadora Local de Ferrolterra da Marcha Mundial das Mulleres
mmmferrolterra@gmail.com
http://www.feminismo.info
https://www.facebook.com/marchamundialmulleres.galiza
https://twitter.com/MMMGaliza

Que é a Marcha ?
A Marcha Mundial das Mulleres é un movimento mundial de accións feministas que reúne grupos de mulleres e organizacións que actúan para eliminar as causas que orixinan a pobreza e a violencia contra as mulleres. Loitamos contra todas as formas de desigualdade e de discriminación sufridas polas mulleres. Os nosos valores e as nosas accións orientanse cara un cambio político, económico e social. Os mesmos que se articulan aoredor da mundialización das solidaridades, a igualdade entre mulleres, entre mulleres e homes, e entre os pobos, o respecto e a valoración do liderazgo das mulleres e o fortalecimento das alianzas entre mulleres e cos outros movimentos sociais progresistas.
---
Enlaces relacionados en Ártabra 21:

• Ártabra 21: Roteiro da Explotación: "Rana Plaza esta en todas partes", organizado pola Marcha Mundial das Mulleres, para o venres 24 de Abril, desde as 7 da tarde.

• O desastre de Rana Plaza - Bangladesh: duras críticas ás marcas de roupa pola súa desapiadada indiferenza - 397 persoas mortas confirmadas.

A traxedia do "Rana Plaza" no buscador libre DuckDuckGo.
_______________

Marea Ártabra reuniuse coa directiva da Delegación en Ferrol do Colexio de Arquitectos de Galicia, co fin de coñecer de primeira man as impresións dos profesionais da arquitectura na cidade e intercambiar ideas e análises

Representantes de Marea Ártabra reuníronse o pasado martes coa directiva da Delegación en Ferrol do Colexio de Arquitectos de Galicia, co fin de coñecer de primeira man as impresións dos profesionais da arquitectura na cidade. Por parte do COAG, participou o seu presidente, Ramón Montero, acompañado por José Romero, secretario. Os candidatos de Marea Ártabra Begoña Hermida, Miguel Ángel Fernández, Lupe Ces e Ismael González participaron no encontro que ofreceu una panorámica global da cidade de Ferrol, no amplo sentido do urbanismo e a habitabilidade da cidade.

Recimil unha oportunidade

O encontro comezou por un tema de fondo calado de debate social: o barrio de Recimil. Dende o COAG son partidarios de continuar co modelo de aluguer público, sempre desde a administración local, que é a máis inmediata ao cidadán. É evidente que o barrio necesita un proceso de rehabilitación, que sería desexable fose planificado por partes (bloque a bloque, por exemplo), e que non se limite a una limpeza de fachada. Dous son os aspecto básicos sobre os que pivotar este proceso: a cualificación enerxética máis alta posible, e a accesibilidade das vivendas. É evidente que este proceso de rehabilitación debe ser acompañado por una actualización de rendas, sempre considerando o seu carácter de vivenda social. Acompañando este proceso de rehabilitación, sería positivo incluír elementos que diversifiquen as tipoloxías de habitantes. Neste sentido, e dada a súa proximidade, una boa opción sería a planificación de espazos de residencia para universitarios.

A rehabilitación da Madalena

Outro punto quente que se debate na cidade e que está na axenda tanto de Marea Ártabra como do COAG e o Plan de Rehabilitación do barrio da Madalena (Documento en pdf 120 páx.). Desde o COAG non consideran esta ferramenta como un mal plan, si acaso como un pouco enfarragoso. O problema do Plan é que foi implantado en 2007, a punto de comezar a crise, que levou acompañada una baixada de axudas por parte da Xunta de Galicia. Isto é o que está a frear a rehabilitación do barrio da Madalena. Mentres outras cidades de Galicia si tiveron axudas importantes por parte da Xunta, Ferrol está a sufrir os recortes por ter chegado tarde ao proceso de transformación urbana que se viviu en Galicia.

As conexións entre barrios

Aos respecto do constrinximento dos barrios, como pode ser Caranza, encaixada sobre a avenida das Pías, faise una reflexión máis global, que nos indica que moitos dos barrios de Ferrol carecen da permeabilidade necesaria. É un punto principal de actuación para o Concello. Santa Mariña e San Xoán viven pegados, pero a súas conexións son mínimas. A este respecto, o Ministerio de Fomento ven de aprobar una actuación parcial na avenida d'As Pías, precisamente para intentar permeabilizar o espazo entre os barrios de Ultramar e Esteiro. Esta actuación é valorada moi positivamente, porque ven acompañada cunha cesión da titularidade da vía ao Concello de Ferrol. Deste modo, no futuro poderíase actuar sobre ela, sen as complicacións que carrexa ter que instar ao ministerio a efectuar as medidas oportunas.

Soterramento das liñas de alta tensión

Como demanda veciñal histórica do barrio de Santa Mariña e Caranza cabe destacar a obrigatoriedade do soterramento de liñas de alta tensión, que nunca foi satisfeito pese a ser incluso aprobado no pleno do concello en 2009. Esta demanda histórica entronca coa rehabilitación dos espazos dedicados aos mercados en Ferrol, todos nunhas condicións mellorables, pero especialmente lamentables no caso do Mercado de Caranza, que esixe unha actuación urxente de forma inmediata.

As murallas que non deixan ver o mar

Tamén foi interesante o debate sobre a muralla que rodea ao Arsenal Militar, que por unha parte está catalogada como patrimonio histórico, e por outra actúa como barreira física e psicolóxica para pechar a cidade ao mar. Nese sentido non hai que caer en ambigüidades nin en limitacións de perspectiva, xa que se analizamos todo o litoral da cidade, desde A Malata até Caranza, nestes momentos amósase inaccesíbel á cidadanía, agás Curuxeiras. Se comentou que sería interesante deixar que se puidera entrar nos espazos abertos do Arsenal e de Navantia, deixando o que son as instalacións con vixilancia para gardar a seguridade dos edificios. Ramón Montero manifestou a súa postura de non eliminar a muralla, mais si rebaixala en altura e intentar permeabilizar o espazo de Arsenal co obxectivo de que a cidadanía poida gozar dos espazos interiores accesibles. O mesmo caso para as instalacións de Navantia. Sen embargo, o espazo portuario que vai dende A Malata ao porto, ese si debe ser obxecto de recuperación para a cidadanía, posto que foi un dos argumentos para a construción do Porto Exterior.

Renovación da idea de cidade

O decrecemento demográfico da cidade é unha cuestión que preocupa moito ao colectivo de arquitectos. A análise que se fai é que basicamente a poboación que perde Ferrol móvese a Narón na busca de vivenda accesible, nova e sen trabas. Isto incide directamente na idea de que Ferrol ten un parque de vivendas antigo e sen a renovación que esixen os novos usuarios urbanos. Baixo esta premisa se lanza una cuestión nada banal: a renovación da idea de cidade. Desde a perspectiva do urbanismo é imprescindible poñerse prazos amplos e por medio da participación cidadá, promover un Plan Estratéxico (por riba do Plan Xeral de Urbanismo). Dito Plan Estratéxico, partiría dun diagnóstico da situación da cidade para planear que cidade queremos para os próximos 15-20 anos. É necesario que este proxecto se aborde desde múltiples perspectivas e non caiamos nos perigos de non dar cabida ao rural, por exemplo,  ou de promover valores alleos a Ferrol, aínda que moitas ferrolás e ferroláns non estean educados suficientemente nos valores propios da nos cidade.

Unha praza con fonte e arborado

Para rematar a reunión se abordou un tema interesante: a posibilidade de que a Praza de Armas volva a ser una praza limitada ao uso cidadán, eliminando o aparcadoiro actual e instalando arborado e fonte, como no seu día tivo, formulando incluso a posibilidade do traslado do Concello de Ferrol a outra ubicación.

Mareaartabra.gal | #MareaArtabra | @mareaartabra | info@mareaartabra.gal | Facebook

A Marea Ártabra é un proceso asambleario para acadar unha maioría social ferrolá, unha candidatura de unidade popular para as eleccións municipais.

Como asinar o manifesto e unirse á 'Marea Ártabra'
Pode-se asinar o manifesto de apoio cubrindo un formulario no seu sitio na rede: Acceder.

WEB: Mareaartabra.gal
TWITTER: @mareaartabra | #MareaArtabra
E-MAIL: info@mareaartabra.gal
FACEBOOK: Marea Ártabra
YOUTUBE: Marea-Ártabra

Local electoral:
Rúa Rochel, nº5 e Magdalena nº14.
Teléfono: 633 352 131

Enviado por:
Inácio Caranza
-inaciogz@gmail.com-
25 de abril de 2015 22:56
_____________

"O Synn Féinn e a sociedade irlandesa están a realizar un esforzo admirábel por facer avanzar os acordos de paz", di a eurodeputada de Alternativa Galega de Esquerda en Europa (AGEe), Lídia Senra en Belfast, onde participou nunha delegación de observación internacional do Proceso de Paz irlandés

Lídia Serna: "O Synn Féinn e a sociedade irlandesa están a realizar un esforzo admirábel por facer avanzar os acordos de paz". | A eurodeputada de AGEe participou durante esta semana nunha delegación de observación internacional do Proceso de Paz irlandés. | Entrevistouse en Belfast co presidente e vicepresidenta do Synn Féinn, activistas comunitarios e líderes sindicais.

Ao longo desta semana a eurodeputada de Alternativa Galega de Esquerda en Europa (AGEe), Lídia Senra, estivo participando nunha delegación internacional organizada polo grupo da Esquerda Unitaria Europea-Esquerda Verde Nórdica (GUE/NGL) a Irlanda, co obxectivo de afondar na situación actual e facer un seguimento do Proceso de Paz irlandés.

A través desta iniciativa, xunto a AGEe, eurodeputados e eurodeputadas da coalición grega Syriza, da formación euskalduna Bildu e do Partido Comunista Portugués (PCP) tiveron a oportunidade de coñecer mellor os avances do Proceso en Irlanda, onde malia a teren pasado xa dazasete anos dende a firma do Acordo de Venres Santo (1998) a división entre comunidades é inda palpábel, polo que "segue a haber grandes esforzos por parte do Synn Féin e distintos colectivos sociais para achegar as dúas comunidades e acadar unha verdadeira situación de convivencia", resaltou Senra, "a día de hoxe, inda hai muros que dividen as comunidades".

Dentro das actividades planificadas, as e os integrantes desta delegación internacional tiveron onte a oportunidade de se entrevistar con Declan Kearney, presidente nacional do Synn Féin, quen lles trasladou que nestes momentos, aliás de traballar por conseguir facer avanzar o Proceso de Paz e chegar á reunificación de Irlanda, unha das principais prioridades da súa formación é poñer fin ás políticas de austeridade impostas pola Troika. A delegación do GUE/NGL mantivo tamén un encontro ca Ministra Jr. Jennifer McCann, da man da cal coñeceron a Asamblea de Irlanda do Norte en Stormont, poboación que dá nome aos acordos a través dos cales dotouse a Irlanda do Norte de institucións políticas propias.

Lídia Senra desprazouse onte canda outras eurodeputadas/os a Belfast Occidental, onde mantiveron unha xuntanza con activistas comunitarios para debater sobre o impacto do financiamento da UE a proxectos que son fundamentais para seguir avanzando no achegamento de ámbalas dúas comunidades. Posteriormente reuníronse tamén con líderes sindicais irlandeses, que lles trasladaron unha análise do impacto das políticas de austeridade no eido laboral que, ao igual que está a acontecer na Galiza, estanse vendo traducidas en paro, precariedade e emigración.

A xornada de hoxe, que pon fin a esta misión de observación internacional, deu inicio cun encontro ca vicepresidenta do Synn Féin, Mary Lou McDonald e, seguidamente, tamén con John Douglas, presidente do Congreso Irlandés de Sindicatos. Marry Lou McDonald explicou ás eurodeputadas do GUE/NGL a situación na que se atopa nestes momentos Irlanda, reiterando as nefastas consecuencias da actuación da Troika. Lídia Senra interesouse tamén concretamente pola realidade das mulleres irlandesas en canto a participación política, ao que McDonald respostou que alta afiliación de mulleres ao partido estase a traducir nunha presenza cada vez maior nos órganos de dirección e cargos públicos, se ben expresou igualmente a necesidade de avanzar na loita polos dereitos das mulleres e, nomeadamente, polo dereito ao aborto.

As eurodeputadas/os do GUE-NGL coñeceron tamén de perto algúns dos temas sociais que están a ocupar a axenda de debate da sociedade irlandesa, tales como o referendo sobre o matrimonio homosexual que terá lugar o vindeiro 22 de maio, ou a loita social pola xestión pública da auga, á que se achegaron a través de integrantes da campaña irlandesa "Dereito á auga". Asemade, Senra acompañou unha entrega de firmas en demanda de liberdade para o cidadán irlandés de 19 anos Ibrahim Halawa[1], actualmente preso nun cárcere exipcio.

A eurodeputada de AGEe valorou esta misión de observación internacional moi positivamente, estimando que a posibilidade de poder coñecer máis sobre a situación tanto de Irlanda do Norte como de Irlanda, "axudará a seguir estreitando os lazos entre as forzas de esquerda do GUE/NGL", salientando que esta mutua colaboración "fará avanzar o dereito a decidir dos pobos" e axudara a "conseguir vencer ás políticas de austeridade e do Neoliberalismo".

Bruxelas, 24 Abril 2015.

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL)

prensa@lidiasenra.com

[*] Lidia Senra, eurodiputada, da Alternativa Galega de Esquerda en Europa, no Grupo Confederal da Esquerda Unitária Europeia/Esquerda Nórdica Verde (AGEe - GUE/NGL).
| Tlf: 609 845 861
| lidia.senra@europarl.europa.eu



Máis información en:

• http://lidiasenra.com/
• http://www.europarl.europa.eu/
• https://twitter.com/LidiaSenra
• https://www.facebook.com/LidiaSenraRodriguez
• http://www.youtube.com/channel/UCJtR1TGcqGxleFqIDmKICBQ
• http://www.guengl.eu/

Información baseada na enviada por:
AGEe Europa
ageeneuropa@gmail.com
24 de abril de 2015 19:09
________________

O alcalde e Manzaneda alentou a practicar a "insubmisión política" e "devolver os espazos populares á xente do común", nun acto no Parlamento Europeo en Bruxelas, onde tamén dixo: "Hai que devolver ao pobo os servizos que o Capitalismo está privatizando"

Davide Rodríguez: "Hai que devolver ao pobo os servizos que o Capitalismo está privatizando" . | O alcalde e Manzaneda alentou a practicar a "insubmisión política" e "devolver os espazos populares á xente do común". | Deu a coñecer o éxito das veciñas/os e o Concello na loita pola remunicipalización do servizo de comedor escolar do CEIP Manzaneda.

No marco da xuntanza Reformas territoriais, austeridade e tratados de libre comercio: Que alternativas? Que alianzas?, convocada pola Rede de autoridades locais progresistas de Europa (REALPE) e o Grupo da Esquerda Unitaria Europea -Esquerda Verde Nórdica (GUE/NGL) -no que Alternativa Galega de Esquerda en Europa (AGEe) está integrada-, o alcalde de Manzaneda, Davide Rodríguez (Anova Irmandade Nacionalista), expuxo hoxe no Parlamento Europeo en Bruxelas unha análise en clave galega sobre o impacto a nivel municipal da aplicación das medidas de austeridade impostas pola Troika, facendo fincapé en propostas de traballo e acción cas que enfrontar o capitalismo neoliberal dende o ámbito local.

Rodríguez, que encetou a súa intervención agradecendo que as persoas participantes nesta xuntanza da rede Realpe tiveran debullado “de xeito tan humano” os problemas que se están a sufrir a nivel municipal, criticou duramente a Lei de Racionalización e Sostenibilidade da Administración Local -coñecida tamén como a “Lei Montoro”-, “unha lei que se basea en recortar dereitos e privatizar servizos a favor do Capitalismo e sempre na contra das e dos habitantes", unha lexislación que foi recorrida diante do Tribunal Constitucional por aproximadamente 2.000 municipios e que mesmo foi cuestionada polo Consello de Estado ao respeito do seu encaixe constitucional.

O alcalde de Manzaneda puxo de manifesto a obviedade da estratexia de privatización que está a instaurar nestes momentos o Partido Popular no Estado español, sinalando que "no noso país, Galiza, temos un presidente que é especialista en privatizar servizos públicos, e os que non dá privatizado, destrúeos directamente", ao tempo que lembrou que a nivel estatal Mariano Rajoy, "é máis do mesmo".

O CEIP de Manzaneda como exemplo de loita

Para ilustrar as estratexias de loita contra a privatización e a prol da remunicipalización dos servizos públicos na Galiza, Davide Rodríguez deu a coñecer en Bruxelas o exemplo paradigmático do Colexio de Educación Infantil e Primaria (CEIP) de Manzaneda, un centro escolar ende estudan 23 nenos e nenas, no que este ano a Consellería de Educación pretendeu suprimir o servizo de comedor "para traer un cátering dende unha cidade que está a 200km de Manzaneda", adxudicándollo ademais á empresa Serunión, nestes momentos investigada pola Fiscalía logo de ter sido denunciada tras térense detectado larvas de vermes na comida subministrada en distintos comedores escolares.

Fronte a esta situación, "dende o propio Concello, con moita presión social e moito apoio político, conseguimos remunicipalizar outra vez o servizo", relatou, "e agora as nosas nenas e nenos están comendo comida de calidade, cociñada in situ e con produtos mercados na nosa terra".

Rodríguez pechou a súa intervención arengando a "entrar nas institucións" e, unha vez dentro, "aplicar os principios políticos que aplicamos nas nosas organizacións", para deste xeito transformar a realidade institucional, "devolver ao pobo estes servizos que o Capitalismo está a privatizar", e "facer das nosas institucións unhas institucións accesíbeis, próximas, e debidamente financiadas".

"Practiquemos a insubmisión política a estas leis que nos están a impor", reivindicou o alcalde de Manzaneda, convidando aos membros de corporacións locais presentes neste encontro a establecer "bases e medidas de democratización política", así como "prácticas e espazos de decisión da xente", baixo o principio do compromiso de "devolver os espazos populares á xente do común".

Bruxelas, 23 de Abril 2015.

REFORMAS TERRITORIAIS, AUSTERIDADE E TRATADOS DE LIBRE COMERCIO: QUE ALTERNATIVAS? QUE ALIANZAS? | 23.04.2015 | Ir a Web.

VOCEIRO: Davide Rodríguez, alcalde de Manzaneda.

ENLACE Á INTERVENCIÓN:

https://www.youtube.com/watch?v=fyA7Q1euWIo&feature=youtu.be

Lídia Senra, eurodeputada de Alternativa Galega de Esquerda en Europa (AGEe), integrada no Grupo Confederal da Esquerda Unitaria Europea/Esquerda Verde Nórdica (GUE/NGL)

prensa@lidiasenra.com

[*] Lidia Senra, eurodiputada, da Alternativa Galega de Esquerda en Europa, no Grupo Confederal da Esquerda Unitária Europeia/Esquerda Nórdica Verde (AGEe - GUE/NGL).
| Tlf: 609 845 861
| lidia.senra@europarl.europa.eu



Máis información en:

• http://lidiasenra.com/
• http://www.europarl.europa.eu/
• https://twitter.com/LidiaSenra
• https://www.facebook.com/LidiaSenraRodriguez
• http://www.youtube.com/channel/UCJtR1TGcqGxleFqIDmKICBQ
• http://www.guengl.eu/

Información baseada na enviada por:
AGEe Europa
ageeneuropa@gmail.com
23 de abril de 2015 17:28
________________

Presentación dunha xoia bibliográfica do século XVI, este Xoves 23 abril ás 18,30 h no Ateneo Ferrolán

A Biblioteca do Ateneo Ferrolán recibe por parte de Manuel Gil Cervera a doazón da biblioteca persoal do seu tío José Fontenla Ruza e dunha xoia bibliográfica do século XVI do taller do impresor renacentista Cristobal Plantino en Amberes. Esta doazón vai ser presentada o xoves 23 de abril no salón de actos do Ateneo, ás 18:30 horas.

O Ateneo Ferrolán ten os seus fondos bibliográficos e hemerográficos depositados nunha empresa de mudanzas dende o ano 2010, a consecuencia das obras no edificio municipal no que ten a súa sede e da posterior negativa do Concello de Ferrol de pagar os gastos derivados do almacenamento. Como consecuencia da imposibilidade de acceder aos fondos patrimoniais do Ateneo, a entidade ven realizando unha tarefa de recollida de fondos bibliográficos e hemerográficos entre os seus socios en réxime de cesión, para manter os servizos de biblioteca e hemeroteca que tradicionalmente viña prestando.

Na vontade de traballar culturalmente pola recuperación da cidade de Ferrol, tentamos fomentar o espírito xeneroso e colectivo dos homes e mulleres desta terra e a resposta ten sido enormemente positiva: Jaime López Fernández cedeunos unha completísima hemeroteca con algunhas publicacións de interese local, mentres José María López Dafonte depositou no Ateneo unha parte importante do seu arquivo familiar, que documenta boa parte da historia da educación nesta cidade a través da Escola de Artes e Oficios, da Escola Obreira dos estaleiros e da Academia Dafonte. Nos últimos tempos, a familia de José Fontenla Ruza depositou no Ateneo un pequeno fondo bibliográfico que agachaba unha xoia bibliográfica

A obra

Icones veterum aliquot, ac recentium medicorum, philosophorum que, elogiolis suis editae, opera I. Sambuci (Antuerpiae: Ex Officina Cristophori Plantini, 1574) = Varios iconos de vellos e recentes médicos e filósofos, cun eloxio editorial, obra de I. Sambuci (Amberes: Oficina de Cristophori Plantini, 1574)

Deste libro coñecense exemplares, na Biblioteca Nacional de España e na Universidade Complutense, na Biblioteca Nacional de Austria, Biblioteca Real de Bélxica, Biblioteca Nacional de Francia, e agora tamén, grazas á familia de José Fontenla Ruza na Biblioteca do Ateneo Ferrolán. Deste libro fixeronse novas edicións no século XVII e varias reproduccións facsímiles no século XX.

Gravados do libro:

1. Hygia
2. Apolo
3. Quirón
4. Esculapio
5. Macaonte
6. Homero
7. Pitágoras
8. Tales de Mileto
9. Hipócrates
10. Sócrates
11. Areteo de capadocia
12. Platón
13. Aristóteles
14. Teofrasto
15. Nicandro
16. Cratevas (Rizotomo)
17. Niger, Sextius N.
18. Celso, Aulo Cornelio
19. Galeno
20. Dioscórides
21. Xenócrates de Calcedonia
22. Plinio Segundo, Cayo
23. Paulus Aegineta
24. Rufo de Efeso
25. Apollonius
26. Tarent, Heraclius
27. Pamhilus de Amore
28. Montano, Juan Bautista
29. Fernel, Juan
30. Trincavelli, Víctor
31. Dubois, Jacques
32. Vesalius, Andreas
33. Gesnerus
34. Guenther, Johann, von Andernach
35. Brassavola, Antonio
36. Giovio, Paolo
37. Fuxius
38. Agricola, Georg
39. Cornarius
40. Mattioli, Pietro Andrea
41. Salviani, Ippolito
42. Rondelet, Guillaume
43. Alexandrinus, Julius
44. Cratón, Juan
45. Biesius, Nicolás
46. Altomarus
47. Massa, Nicolás
48. Hadr. Iunius
49. Argenterio, Giovanni
50. Cuspianus, Johannes
51. V. Cordus
52. Becan, Juan
53. Cardano, Jerónimo
54. Scaligero, Giulio Cesare
55. Vettori, Benedetto
56. Crasso, Julio Pablo
57. Montagnana
58. Savonarola, Johannes Michael
59. Lazius, Wolfang
60. Curtius
61. Bock, Jerónimo
62. Paracelsus
63. Séneca
64. Strabo
65. Crescenzi, Pietro de
66. Ficino, Marsilio
67. Sambucus, Johannes

O autor

János Zsámboky ou János Zsámboki ou János Sámboki, (nome humanista: Johannes Sambucus, ou Johannes Pannonicus Sambucus; 1 de xuño de 1531 – 13 de xuño de 1584) foi un erudito humanista húngaro: médico, filólogo e historiador. Zsámboky naceu en Trnava (en tempos históricos denominada Tyrnavia, Tyrnau, Nagyszombat). Foi o autor dos máis renombrados libros húngaros. Tamén escribiu os Icones Veterum alícuota ac recentium Medicorum Philosophorum Que en 1574, publicado en Antwerpen. Murió, de 53 años de edad, en Viena.

O impresor

Christoffel Plantijn, chamado Christophorus Plantinus en latín y Cristóbal Plantino en castelán (Saint Avertin, c. 1520 - Amberes, 1589) foi un editor, impresor e libreiro flamenco (aínda que Saint Avertin está na actual Francia e Amberes no antigo Marquesado de Amberes). A súa formación como encadernador recibiuna en París. Fíxose célebre por obter de Felipe II os dereitos de impresión en exclusiva dos textos relixiosos, feito que fixo florecer a súa imprenta. Encargouse con Arias Montano da impresión da Biblia Políglota Rexia e foi nombrado por elo architipógrafo regio por Felipe II. Foi membro da Familia Caritatis. A súa imprenta en Amberes, denominada Officina Plantiniana, conservase convertida en Museo Plantin-Moretus, polo seu xenro e heredeiro, Jan Moretus. Foi denominado como “O impresor do humanismo”.

O ilustrador

As ilustracións están atribuidas a Pedro Van der Borcht “O Vello”. Pieter van der Borght  ou Peter van der Borght (c. 1540 -1608) foi un pintor flamenco do renacemento, debuxante e gravurista. Está considerado un dos pintores botánicos máis destacados do Século XVI. Non se sabe moito sobre a súa vida. Naceu en Mechelen. Hai indicios de que Pieter van der Borcht probablemente era o fillo de Jacques van der Borcht. Jacques van der Borcht era un artista que foi considerado en 1562 como o decano da Guilda de San Lucas en Mechelen. Está constatado que Pieter van der Borcht traballaba desde Mechelen para a imprenta de Christopher Plantin en Amberes. Van der Borcht fixo gravados para moitas publicacións científicas de Plantin, como as obras de Rembert Dodoens, Carolus Clusius e Matthias de l'Obel.

Un lugar de encontro para a cultura.
Ateneo Ferrolán, fundado en 1879.
www.ateneoferrolan.org

e-mail: secretaria@ateneoferrolan.org | Telf.:  +34 981 357 970 |
Dirección Postal: Rúa Magdalena 202-204. CP.15402 | FERROL (A Coruña)

O Ateneo Ferrolán nas redes sociais:
BLOG: http://ateneo-ferrolan.blogspot.com/

Tamén no Facebook: http://www.facebook.com/pages/Ateneo-Ferrolan/134569549934117

Séguenos en Twitter: @ateneoferrolan

Apoia e difunde a Campaña de Apoio e Defensa do Ateneo Ferrolán Patrimonio da Cidade: Blogger e Facebook.

Faite soci@! Colabora con nos!
Para axudas e aportacións económicas:
CC en Cajamar-Cajarural Cooperativa.
Titular Ateneo Ferrolán.
ES72-3058-6402-9527-2000-5350

Enviado por:
Ateneo Ferrolán Fundado en 1879
-secretaria@ateneoferrolan.org-
22 de abril de 2015 18:5
-------------

Hoxe xoves 23 de Abril, ás 11:30hs, concentración aberta das Marchas da Dignidade Ferrolterra esixindo emprego e renda básica xa - Participa !!

TODOS OS XOVES ÁS 11:30 DIANTE DO EDIFICIO DA XUNTA EN FERROL

Queremos conseguir dar-lle cara humana ao problema do paro (e non un mero dato estatístico). Non pararemos de facer presión até que se cumpran as demandas que 1.341 traballadoras e traballadores firmaron e entregaron no rexistro da Xunta e do Concello de Ferrol, e que se van levar ao resto dos concellos das tres comarcas. Demandamos un plan de choque contra o paro, contratando xa directamente das listas do paro a 500 persoas. E unha renda básica para todas as persoas que están no paro e non teñen ningunha prestación.

MARCHAS DA DIGNIDADE FERROLTERRA

Telefono e Correo-e de Contacto:

603 213 863 |marchasdadignidadeferrolterra@gmail.com

Clicar acima da imaxe para ampliar

Sitios en Internet:
Ferrolterra: http://marchas-da-dignidade-ferrolterra.blogspot.com.es/
Galiza: http://marchasdadignidade.blogspot.com/
Estado: http://marchasdeladignidad.org/

Redes da Columna Galega:
https://twitter.com/galizaMarcha22M
https://www.facebook.com/MarchasDignidade
https://www.facebook.com/groups/265451853621237/
https://www.youtube.com/channel/UCaOvAhPYKR43taxbOKCCreg
_____________

A Marea Ártabra organiza estos días dous actos sobre asuntos de actualidade que afecta ás condicións de vida da veciñanza: un sobre o Sector Naval e outro sobre as consecuencias da privatización do Rexistro Civil

A Marea Ártabra organiza estos días dous actos sobre asuntos de actualidade que afecta ás condicións de vida da veciñanza. Unha sobre o unha charla coloquio sobre a situación do sector naval en Ferrol e a outra sobre as consecuencias da privatización do Rexistro Civil.

Mércores 22 de Abril, o sector naval a Debate.
Marea Ártabra organiza unha charla coloquio sobre a situación do sector naval en Ferrol, coa participación de Rafael Pillado, Moncho Yañez e Fernando Ramos. Dita charla tera lugar o próximo mércores 22 ás 20 horas no local electoral de Marea Ártabra sito na Rúa Rochel 14 con entrada tamén pola Rúa Magdalena 5

Xoves 23 de Abril, as consecuencias da privatización do Rexistro Civil.
Marea Ártabra organiza pora o vindeiro Xoves 23 ás 19 horas na Galeria Sargadelos unha charla coloquio a cargo de Pablo Valeiras Ríos, portavoz de Alternativas na Xustiza sobre as consecuencias da privatización do Rexistro Civil.

Mareaartabra.gal | #MareaArtabra | @mareaartabra | info@mareaartabra.gal | Facebook

A Marea Ártabra é un proceso asambleario para acadar unha maioría social ferrolá, unha candidatura de unidade popular para as eleccións municipais.

Como asinar o manifesto e unirse á 'Marea Ártabra'
Pode-se asinar o manifesto de apoio cubrindo un formulario no seu sitio na rede: Acceder.

WEB: Mareaartabra.gal
TWITTER: @mareaartabra | #MareaArtabra
E-MAIL: info@mareaartabra.gal
FACEBOOK: Marea Ártabra
YOUTUBE: Marea-Ártabra

Local electoral:
Rúa Rochel, nº5 e Magdalena nº14.
Teléfono: 633 352 131

Enviado por:
Marea Ártabra
-mareaartabra@gmail.com-
20 de abril de 2015 22:46
21 de abril de 2015 13:20
_____________

Roteiro da Explotación: "Rana Plaza esta en todas partes", organizado pola Marcha Mundial das Mulleres, para o venres 24 de Abril, desde as 7 da tarde

"O homicidio industrial masivo ocorreu ás 9 da mañá do 24 de abril. No edificio derrubado, construído ilegalmente, había cinco fábricas de roupa con 2.500 traballadoras. Esas cinco fábricas son Ether Tex, New Wave Bottoms, New Wave Style, Phantom Apparels e Phantom-TAC. Crese que esas fábricas produciron para varias marcas occidentais coñecidas, como Mango, Primark, C&A, KIK, Wal-Mart, Children?s Place, Cato Fashions, Benetton, Matalan e Bon Marchei.

O 23 de abril, o día anterior ao afundimento, apareceron grandes gretas estructurales nos alicerces que soportaban o "Rana Plaza", pero o propietario do edificio Sohel Rana e os donos das fábricas de roupa non fixeron caso ás autoridades locais que lles deron a orde de evacuar, mentres que as tres tendas e o banco que se atopaban na planta baixa atenderon a advertencia e evacuaron. Un obreiro da confección de Rana Plaza tiña que traballar tres días sen salario por cada xornada laboral perdida, razón pola cal os traballadores resistíanse a permanecer seguros na súa casa o 24 de abril"

A Marcha Mundial das Mulleres de Ferrolterra organiza o Roteiro da Explotación baixo o lema "Rana Plaza esta en todas partes"

ROTEIRO DA EXPLOTACIÓN: "RANA PLAZA ESTÁ EN TODAS PARTES"

Data: Venres 24 de Abril de 2015.
Hora: Desde as 19:00hs (7 da Tarde).
Saída, Percorrido e remate: Desde a Praza do Concello de Ferrol, pasando pola Rúa Real até a Praza de Amboaxe.

Ao longo da Rúa Real hai unha mostra de todas estas firmas ás que denunciamos como provocadoras desta masacre en "Rana Plaza" e noutros moitos lugares do mundo.

Este 24 de Abril, recordamos a masacre de "Rana Plaza" en Bangladesh onde no ano 2013, morreron e quedaron feridas máis de 1.000 mulleres ao se derrubar o edificio onde amoreadas, en condiciones inhumanas e a cambio dun salario inmoral, traballaban para marcas occidentais tales coma Benetton, The Children's Place, DressBarn, Mango, Monsoon e Primark, así como para empresas de distribución coma El Corte Inglés.

E estas historias que nos poden parecer lonxanas, non escapan á realidade da industria textil galega; onde observamos como grandes firmas como INDITEX, deciden deslocalizar a produción de roupa en Galiza provocando graves condicións de explotacións noutras partes do mundo e numerosas perdas de emprego no país.

Nós, militantes da Marcha Mundial das Mulleres, unidas en solidariedade, estamos xuntas para denunciar a cobiza capitalista e o patriarcado que explotan e expropian os corpos das mulleres e o seu traballo produtivo.

--

"As mulleres decidimos"

Coordenadora Local de Ferrolterra da Marcha Mundial das Mulleres
mmmferrolterra@gmail.com
http://www.feminismo.info
https://www.facebook.com/marchamundialmulleres.galiza
https://twitter.com/MMMGaliza

Que é a Marcha ?
A Marcha Mundial das Mulleres é un movimento mundial de accións feministas que reúne grupos de mulleres e organizacións que actúan para eliminar as causas que orixinan a pobreza e a violencia contra as mulleres. Loitamos contra todas as formas de desigualdade e de discriminación sufridas polas mulleres. Os nosos valores e as nosas accións orientanse cara un cambio político, económico e social. Os mesmos que se articulan aoredor da mundialización das solidaridades, a igualdade entre mulleres, entre mulleres e homes, e entre os pobos, o respecto e a valoración do liderazgo das mulleres e o fortalecimento das alianzas entre mulleres e cos outros movimentos sociais progresistas.

Información baseada na enviada por:
Marcha Mundial Ferrolterra
-mmmferrolterra@gmail.com-
20 de abril de 2015 11:19
________

Enlace relacionado en Ártabra 21:
O desastre de Rana Plaza - Bangladesh: duras críticas ás marcas de roupa pola súa desapiadada indiferenza - 397 persoas mortas confirmadas.

A traxedia do "Rana Plaza" no buscador libre DuckDuckGo.
_______________

Candidatura de Esquerda Unida de Narón - Municipalizar - O TTIP non é un tratado, é un atentado

Candidatura de Esquerda Unida de Narón

En Esquerda Unida Narón celebramos o pasado xoves día 16 de Abril unha asemblea aberta  no local social de A Gándara co obxectivo de levar a cabo unha votación mediante o sistema de lista aberta para configurar a orde da lista dos postos 2 a 21, o cabeza de lista André Abeledo Fernández actual coordinador local de EU Narón xa tiña sido escollido como cabeza de lista en asemblea o pasado 10 de Abril. Finalmente o orde da candidatura de EU Narón para as municipais é o seguinte:

1. André Abeledo Fernández; 2. María Belén Aneiros López; 3. Jorge Juan Rego Gárate; 4. Roberto Villasuso Vázquez; 5. María Belén Iglesias Berrocal; 6. Antonio López Pita; 7. Argemiro Montero Martiño; 8. Carmen María Uriondo Pita; 9. Juan José Teijeiro Couce; 10. María dolores López García; 11. Marcelino Bermúdez Fraguío; 12. Víctor Manuel García García; 13. Tamara López Díaz; 14. Luís Miguel García Pita; 15. Raquel Abeledo Fernández; 16. Rubén Méndez Otero; 17. María Luísa Agra Parada; 18. Manuel Ángel Prados Rego; 19. Rosa Estefanía Fernández Vigo; 20. Xosé María Alonso Luaces; 21. José Manuel Prado Serantes; 22. María Josefa Prado Suárez; 23. Antonio Luís Gómez Sánchez; 24. Miguel Rego Casas.

En Esquerda Unida de Narón queremos que esta candidatura sexa a de todas e todos os cidadáns de Narón, e facemos un chamamento a todas as naronesas e naronesas a participar nas nosas asembleas, pretendemos abrirnos a cidadanía para coñecer de primeira man os problemas do noso concello. 

Municipalizar

Dende  Esquerda Unida Narón​ non paramos de repetir a importancia de municipalizar, pero por que, e para que?, creemos que a ninguén se lle escapa que cando un concello pon en mans privadas un servizo este servizo pasa a ser un negocio, a empresa privada ten que ter beneficios, e para logralos ten poucos camiños, e todos eles negativos para a cidadanía.

Por unha banda encarecer o servizo, por outra mal pagar e ofrecer emprego precario, ou ben baixar a calidade do servizo.

Nos defendemos que é preciso municipalizar os servizos básicos para conseguir xusto o efecto contrario, abaratar o servizo, conseguir xerar emprego de calidade, e mellorar a calidade do servizo.

O municipalizar estes servizos os beneficios derivados dos mesmos repercutirían directamente no concello, e non quedarían en mans privadas, o xerar emprego de calidade isto axudaría a súa vez a reactivar o consumo, pois un traballador con un salario digno e un emprego fixo pode consumir, a formula é moi simple, e si se quere se pode.

O TTIP non é un tratado, é un atentado

O sábado día 18 de Abril saín a rúa como tanta outra xente para mostrar o meu rexeitamento o TTIP, a do sábado foi unha acción global de protesta contra un "tratado" que é mais ben un ATENTADO contra as liberdades, é realmente un paso mais da ditadura das multinacionais e dos chamados "mercados", este atentado ven disfrazado de "tratado de libre comercio", ven envolto en papel de agasallo, ven a calada e as agachadas, pero é un atentado contra a soberanía dos pobos, contra os dereitos das traballadoras e os traballadores, é un atentado contra a natureza e contra a saúde alimentaría, o TTIP é un elaborado plan de fin de conquista das oligarquías para impoñer a ditadura do capital a todos os niveis das nosas vidas.

Na Praza de Armas de Ferrol eramos pouca xente, pero vin algunha xente que non tiña visto ates, e varias mozas, os que tomaron a palabra o fixeron para dicir cousas moi interesantes, a parte boa que me levo é que hai compañeiras e compañeiros ben informados tentando contar a verdade a cidadanía, a mala é que dende as organizacións que debemos liderar esta loita estamos fallando en algo.

Quédanos tempo, pero non moito.

André Abeledo Fernández

CPL EU NARÓN

Contas de Esquerda Unida Narón no facebook e no twitter.

• https://www.facebook.com/naroneu
• http://twitter.com/eunaron

Achegate xunta Nós, fagamos un novo Concello mais social, mais democrático, participativo e de Tod@s.


Enviado por:
André Abeledo Fernández
-andre1474@gmail.com-
19 de abril de 2015 17:54
19 de abril de 2015 19:05
19 de abril de 2015 19:56
_______________________

A Marea Ártabra convoca este sábado, 18 de Abril, ás seis da tarde o seu primeiro acto público no barrio de Caranza - A Marea Ártabra contra o TTIP, vai participar ás 12:30 no acto unitario da Praza de Armas de Ferrol

A Marea Ártabra convoca este sábado, 18 de Abril, ás seis da tarde o seu primeiro acto público no barrio de Caranza. No local social do Galicia de Caranza. Trátase dunha Asemblea Aberta onde se van explicar as liñas básicas deste movemento cidadá e presentar as persoas que conforman a súa candidatura para as próximas eleccións municipais. O debate aberto a continuación abordará cales deben ser as liñas prioritarias de actuación da Marea Ártabra no barrio.


A  MAREA  ÁRTABRA  APOIA  A  MOBILIZACIÓN  INTERNACIONAL  CONTRA  O TTIP

Desde a Marea Ártabra queremos convidar a todos e todas as nosas veciñas, a mobilizarse o próximo 18 de abril en contra do Tratado de Libre Comercio da UE con EE.UU.
Este tratado contradí todos os valores e principios nos que se basea a Marea Ártabra para construír a súa alternativa municipal.

Na Marea Ártabra queremos transparencia e democracia participativa. O TTIP estase negociando con total escurantismo. A cidadanía non ten aceso aos documentos, e non vai ser consultada, vía referendo, por exemplo, para a súa aprobación.

Na Marea Ártabra consideramos que a defensa dos servizos públicos, e a remunicipalización dos servizos agora privatizados (auga, recollida de lixo, dependencia, apoio familiar, menores...) é fundamental para poder exercer dereitos fundamentais, asegurar a igualdade no seu aceso e optimizar recursos. O TTIP vai significar a privatización dos servizos públicos para seguir converténdoos en niño de negocio das grandes empresas.

Na Marea Ártabra entendemos que o dereito á saúde de todas e todos, debe ser un eixe vertebrador das políticas municipais. O TTIP vai representar a quebra constante dese dereito, non só pola privatización da sanidade, senón pola desregularización do comercio de produtos tranxénicos, a legalización de sustancias non autorizadas ata agora para uso alimentario, o levantamento da cláusula de prevención, e a distribución e control de fármacos.
Na Marea Ártabra queremos recuperar o concello para as veciñas e veciños, para que exerzamos nel a soberanía, con responsabilidades e dereitos. O TTIP vai colocar ás multinacionais por riba da soberanía dos estados, de maneira que calquera conflito entre unha destas grandes empresas e os gobernos europeos, vaise resolver ante entidades de mediación privadas. As normativas laborais, o salario mínimo, a normativa sobre produtos financeiros... vanse adaptar á baixa, collendo de Europa ou de EE.UU., aquelas normativas que máis favorezan aos intereses das grandes empresas.

A cidadanía de Ferrol ten que tomar conciencia urxentemente, da necesidade de participación e de resposta colectiva e organizada, para enfrontar todos estes plans que desde os poderes económicos, collidos da man do poder político, están intentando impoñernos.

Marea Ártabra estará o sábado 18 de abril mobilizándose na praza do concello de Ferrol, ás 12:30hs, na concentración convocada pola Plataforma Ferrolá contra o TTIP, para unirse ao clamor europeo contra esta ameaza.


Mareaartabra.gal | #MareaArtabra | @mareaartabra | info@mareaartabra.gal | Facebook

A Marea Ártabra é un proceso asambleario para acadar unha maioría social ferrolá, unha candidatura de unidade popular para as eleccións municipais.

Como asinar o manifesto e unirse á 'Marea Ártabra'
Pode-se asinar o manifesto de apoio cubrindo un formulario no seu sitio na rede: Acceder.

WEB: Mareaartabra.gal
TWITTER: @mareaartabra | #MareaArtabra
E-MAIL: info@mareaartabra.gal
FACEBOOK: Marea Ártabra
YOUTUBE: Marea-Ártabra

Local electoral:
Rúa Rochel, nº5 e Magdalena nº14.
Teléfono: 633 352 131

Enviado por:
Inácio GZ
-inaciogz@gmail.com-
17 de abril de 2015 22:45
_____________